<a href="https://kyzylorda-news.kz/">Kyzylorda-news.kz</a> Ауаның ластануы кез-келген адамның денсаулығына әсер ететін маңызды экологиялық факторлардың бірі болып табылады. Халықтың санитариялық-эпидемиологиялық саламаттылығын қамтамасыз ету мақсатында атмосфералық ауаның жай-күйі тұрақты бақылауда. Бұл туралы Қызылорда облысының СЭБД басшысы Динара Жанабергенова мәлімдеді.Қызылорда облысының санитариялық-эпидемиологиялық бақылау департаментінің қадағалауында атмосфералық ауаға ұйымдастырылған шығарындылары бар 28 нысан бар. Барлық көздерден атмосфералық ауаға 24 ластаушы зат бөлінеді, оның ішінде жетеуі 1-2 қауіптілік сыныбына жатады.Департаменттің аумақтық басқармалары тұрақты негізде елді мекендердің атмосфералық ауасының жай-күйіне санитариялық-эпидемиологиялық мониторинг жүргізеді. Атмосфералық ауадан сынама алу жұмыстары магистральды көшелерде, қаланың қоныстану және өнеркәсіп аймақтарында, сондай-ақ облыстың барлық дерлік аудандарында жүзеге асырылады.Қазақстан Республикасы Денсаулық сақтау министрінің 2020 жылғы 13 қарашадағы бұйрығымен бекітілген Санитариялық-эпидемиологиялық мониторинг жүргізу қағидаларына сәйкес санитариялық-эпидемиологиялық мониторинг халық денсаулығы мен тiршiлiк ету ортасының жағдайына жинау, өңдеу, жүйелеу, талдау, бағалау және болжау арқылы бақылаудың, сондай-ақ халық денсаулығының жағдайы мен тiршiлiк ету ортасы жағдайының арасындағы себеп-салдарлы байланыстарды айқындаудың мемлекеттiк жүйесi болып табылады.Мұндағы мақсат адам денсаулығына тiршiлiк ету ортасы факторларының (химиялық, физикалық, биологиялық, әлеуметтік) әсер етуі туралы дәйекті ақпарат алу, уланулардың пайда болуының және инфекциялық аурулардың, кәсіптік аурулардың өршуінің алдын алу бойынша орындалатын іс-шаралардың тиімділігін бағалау, олардың пайда болуын болжау мүмкіндігі болып табылады.Санитариялық-эпидемиологиялық мониторинг және орындалатын іс-шаралардың тиімділігін бағалау белгіленген тәртіппен бекітілген санитариялық-эпидемиологиялық нормалаудың мемлекеттік жүйесі құжаттарының (санитариялық қағидалар, гигиеналық нормативтер, техникалық регламенттер, әдістемелік нұсқаулар және ұсынымдар) талаптарына сәйкестігіне жүргізіледі.2024 жылдың І-ші тоқсанындаатмосфералық ауаның 2734 сынамасы алынды, оның ішінде шектеліп рұқсат етілген концентрациядан жоғары анықталған жоқ. Өткен жылдың осы кезеңінде атмосфералық ауаның 3569 сынамасы алынды, оның ішінде шектеліп рұқсат етілген концентрациядан жоғары анықталған жоқ.&nbsp;Фото: inbusiness.kz

Аймақтағы атмосфералық ауаның сапасы тұрақты бақылауда

Kyzylorda-news.kz Аңқыған хош иісі мен сүйкімділігін жоғалтпаған әсем гүлдердің саудасы қызатын уақыт көктем мезгілі. Өйткені көктемнің алғашқы күні «Алғыс айту» болса, артынша «халықаралық әйелдер күні», оған ілесіп «Наурыз мейрамы» келеді. Ал бұл аталған мерекелердің бәрі гүлсіз өтпейді. Басқа мезгілдермен салыстырғанда сырт мемлекеттен тасымалданатын гүлдің бірнеше есеге өсетін кезі де нақ осы уақыт.Гүл бизнесі тілін тапқанға табысты сала. Табысты болғанымен, тәуекелі де көп кәсіп. Машақаты да жетерлік. Сондықтан да бұл салаға тас жұтқандар ғана болмаса, көпшілік жолай бермейді.Шиелі ауданында бұл кәсіптің тамырына су жүгіртіп, бойына жан бітіріп жүрген жандар жетерлік. Гүл сатушылардың дені тауарды Алматыдан алдырады. Ал Алматыға Голландия, Мексика, Колумбиядан жеткізіледі. Жай күндері ең кемі күніне жеті-сегіз гүл шоғын сататын кәсіпкерлер мереке кезінде 50-60 букет гүлді нәзікжандыларды қуантуға аттандырады.Доллор құнының көтерілуі гүл нарығын да айналып өтпеген. Мәселен бұған дейін 500 теңгеге саудаланған бір дана гүлдің бағасы қазір 700 теңгеге бірақ шықты. Дәл қазір ең қарапайым бір букет гүлдің бағасы 3500-4000 теңге. Бұл баға 7-8 наурыз күндері тағы да көтерілуі бек мүмкін. Сатып алушыларға гүлдің бағасынан бұрын нәзікжандыларды қуанту маңыздырақ. Сондықтан тұтынушылардың көбі қымбат болса да ең әдемі, ерекше гүлдерді қалайды. Бүгінгі таңда «гипсофила» деп аталатын гүл сәнде. Ал раушан гүлдері өзінің құндылығын ешқашан жоғалтқан емес.Жұп гүл ажал әкелмейдіГүл сыйлау мәдениеті бойынша халық арасында тек тақ санды гүл сыйлау керек деген ұғым бар. Екі не он гүл берсе, ренжіп, алмай жатады. Мұның себебі неде? Бұл түсініктің түбі қайда жатыр?Ежелгі орыс халқында «ажал жалғыз келмейді» деген ұғым болған. Біздегі «қырсық бір айналдырса, шыр айналдырады» деген түсінікке жақын. Яғни кезінде кеңес үкіметінің құрамында болған елдер осы қағиданы ұстанып, жұп санды гүлдерді қабірге ғана апарған. Сондықтан шығар көпшілік әлі күнге дейін тірі адамға жұп гүл сыйлауды жамандықтың нышаны ретінде қабылдайды.Гүлдің саны ғана емес, түсінің де, түрінің де өзіндік астарлы мағынаға ие екенін білетін шығарсыз. Айталық, раушан ежелден өте тартымды гүл ретінде саналады. Ақ түсті раушан пәктік пен тазалықтың нышаны болса, қызыл түс – махаббат пен сүйіспеншіліктің, сары раушан – қуаныш пен бақыттың белгісі. Ал қызғалдақ – шынайы сезім мен таза махаббаттың символы. Дегенмен көпшіліктен ерекшеленемін десеңіз, мерекеде дәстүрлі раушан мен қызғалдақты сыйламай, басқа гүлдерді де таңдап көріңіз.Гүл сату – өлмес кәсіпГүлді жақсы көрмейтін әйел заты жоқ шығар. Көктем шыға базар маңы гүлге толып, саудасы қыза түседі. Қазір гүлдің де, гүлді сатып алушылардың да қарасы көп. Сұлулық символы ретінде қыздарға баланатын бұл өсімдіктің адам жанын емдейтін, көңіл-күйін көтеретін де қасиеті бар.Мереке қарсаңында аудан іші сан түрлі гүлдерге көмкеріледі. Сұраныс та, ұсыныс та көп. Базардағы гүл нарығын зерттеп, бағасы қанша екенін анықтап көрдік.Дәл қазір орталық базар ішінде бөлме гүлдері мен жасанды гүлдердің саудасы қызып тұр. Әсілі, тірі гүл шоқтары 7-8 наурыз күндері өтімді болады деп топшыладық. Ал бөлме гүлдерінің ең арзаны 900 теңгеден. Түрі мен көлеміне қарай 8-10 мыңға дейін барады. Жасанды гүлдің бір данасы тірі гүлдің құнына жақын, 500 теңгеден сатылып жатыр.Әйел бар жерде ән де бар, гүл де бар. Ендеше гүл сатудың өлмес кәсіп екені анық.

 Шиелі: Гүл дәурені басталды

<a href="https://kyzylorda-news.kz/">Kyzylorda-news.kz.</a> Қорқыт Ата атындағы Қызылорда университетінде Арал өңірі экожүйелерін зерттеу халықаралық орталығының ашылу салтанаты өтті.Орталықтың ашылу салтанатына Адам Мицкевич университеті, Польшаның лимнологиялық қоғамының президенті, Су ресурстарын қорғау кафедрасының профессоры Петр Климашик, Чэнду қаласындағы (ҚХР) Оңтүстік-Батыс университетінің «Қоршаған орта инженериясы» институтының профессоры Жао Цзяоян, осы университеттің профессоры, геология-минералогия ғылымдарының докторы Сергей Кривоногов қатысты.Арал өңірінің экожүйелерін зерттеу жөніндегі орталықтың ашылуы тұрақты экологиялық жағдайды қамтамасыз ету, су маңы және жер үсті экожүйелерінің табиғи қалпына келу процестерін ашуға септігін тигізеді.Қоғамның экологиялық білімін дамытуда, биологиялық әртүрлілікті сақтау, Арал өңірі халқының денсаулығын жақсарту, сондай-ақ, географиялық, экологиялық бағытта білім беру бағдарламалары мен білікті ғылыми-педагогикалық кадрларды даярлауды мақсат етеді.Орталық шеңберінде биогеоценоздарды табиғи қалпына келтіруді қоса алғанда, Кіші Аралдың және тұтастай қазақстандық Арал өңірінің бұзылған экожүйелерін қалпына келтіру жолдары зерттелетін болады.Сонымен қатар, өсімдіктер мен жануарлар қауымдастықтарының құрылымы, динамикасы және экологиясы, олардың жіктелуі; ботаникалық, зоологиялық және экологиялық білімді насихаттау жүзеге асырылатын болады; бірегей табиғи объектілерді сақтау бойынша ұсынымдар әзірленеді.Дүниежүзілік денсаулық сақтау ұйымымен, жақын және алыс шетелдердің экология саласындағы ғалымдарымен ынтымақтастықты арттыру жоспарланған.<img src="https://knadmin.beoblood.kz/uploads/437075219_414879447961086_233771210441863313_n_7e6269c212.jpg" alt="437075219_414879447961086_233771210441863313_n.jpg">

Арал өңірі экожүйелерін зерттеу халықаралық орталығы ашылды

<a href="https://kyzylorda-news.kz/">Kyzylorda-news.kz</a> Қызылорда қаласында дәріхана және дүкен ішіндегі ақша салынған терминалдарды ұрлағандарға қатысты сот үкімі шықты.&nbsp;Оңай жолмен ақша табуды ойлаған У есімді қала тұрғыны алдымен дәріхананың ішіндегі терминал мен оның ішіндегі ақшаны ұрлаған. Артынша тағы бір серіктесімен қаладағы дүкеннің біріне бас сұғып, әдеттегі әрекетін қайталап, оқиға орнынан бой тасалаған.&nbsp;<blockquote>«Сотталушы У дәріхана есігінің құлпын электрлі дрель құралымен бұзып кіріп, кіре берісінде тұрған терминал құрылғысын жымқырған. Одан кейін терминал есігін бұзып, ішіндегі ақшаны алған. Қылмыстың ізін жасыру үшін терминалды Сырдария өзеніне лақтырып, оқиға орнынан бой тасалаған. Нәтижесінде терминалға иелік ететін серіктестікке 545 мың теңге мүліктік шығын келген. Қылмыстық іс-әрекетін жалғастырған ол танысы сотталушы Қ-мен қаладағы дүкен есігінің құлпын электрлі дрель құралымен бұзып, ішке енген. Ондағы терминал құрылғысын жымқырып, оқиға орнынан бой тасалаған. Қылмыстық іс-әрекет салдарынан серіктестікке 392 мың теңге мүліктік шығын келген», – деп мәлім етті Қызылорда қаласының №2 сотынан.</blockquote>Сот талқылауында сотталушылар тағылған айыптарды мойындап, өз әрекетіне өкінетінін жеткізді. Сот үкімімен оларға 3 жыл мерзімге бас бостандығын шектеу жазасы тағайындалды.&nbsp;Еске салсақ, бұдан бұрын Қызылорда облысында егіз баланы сату оқиғасына қатысты үш адам сотталды.&nbsp;Фото: vendinggid.ru

Қызылордада ақша салынған терминалдарды ұрлаған екі адам сотталды

<a href="https://kyzylorda-news.kz/">Kyzylorda-news.kz</a> Өктем Алтаевтың ұлы халыққа қаржылай жәрдем көрсетті.&nbsp;<a href="https://smartnews.kz/news/10206-violonchelist-bagzhan-oktyabr-taskynnan-zardap-shekken-halykka-5-mln-tenge-karzhylaj-komek-audardy?fbclid=IwAR31XRTOBU4VeB-8lKrMybR3_vtOQjwFVuvBH0b2rDLaEuDtV7AqsZy07eE">&nbsp;SMARTNEWS.KZ </a>басылымының хабарлауынша, Қазақстандық виолончелист Бағжан Октябрь су тасқынынан зардап шеккен халыққа 5 млн теңге көмек аударды. Бұл жайлы өнер иесінің әкесі Өктем Алтаев мәлім етті.&nbsp;&nbsp;"Бағжан Октябрь су тасқынынан зардап шеккен халыққа көмек ретінде 5 млн теңге қосты. Біз біргеміз", - деп жазды Өктем Алтаев Instagram-дағы парақшасында. Ал желі қолданушылары Бағжанның бұл ісіне ризашылық білдіріп, жарыса алғыс айтты. "Бағжанның бағы жана берсін", "Жарайсыз", "Ер адам осындай болуы керек", "Димаштан кейін көш бастап тұрған жігіт екен", "Жомарттығыңды көрсеттің", "Бәрекелді", - деп жазды желідегілер. Айта кетейік, осыған дейін шоу-бизнес өкілдері бірігіп, су тасқынынан зардап шеккен халыққа 25 млн теңге жинап берген болатын. Ал танымал әнші Димаш Құдайберген тасқыннан зардап шеккен елге 15 млн теңге көмек аударды. Сонымен қатар Тұрсынбек Қабатов пен Мадина Сәдуақасова 1 млн теңгеден көмек жіберді.

Виолончелист Бағжан Октябрь тасқыннан зардап шеккен халыққа 5 млн теңге қаржылай көмек аударды  

<a href="https://kyzylorda-news.kz/">Kyzylorda-news.kz</a> Елімізде «Таза Қазақстан» экологиялық акциясы басталды. Көркейту-көгалдандыруға бағытталған шарада көшеттер отырғызылып, аумақ қоқыстан тазартылады. Ауқымы кең акцияның 5 аптаға созылуы да осыдан, яғни елді мекен, қалалар түгел қамтылады деген сөз. Мемлекет басшысы Қасым-Жомарт Тоқаев та жобаға ерекше маңыз беріп, науқанға орай облыс әкімдеріне тікелей тапсырма жүктеген болатын.Экологиялық шара әр апта сайын белгілі бір тақырып аясында өтеді. Мәселен, бірінші апта «Таза өлке» деп аталады. Тұрғындар, ұйымдар үй мен ғимарат аумағына тазалық жүргізеді. «Киелі мекен» деген атау алған екінші апта тарихи-мәдени ескерткіштер аумағын абаттандыруға арналмақ. Ал үшінші аптада көшет отырғызылып, ағашқа күтім жоспарланса, төртінші аптада ардагерлер мен қарттар үйінің аумағын тазарту көзделген. Соңғы бесінші аптада өзен-бұлақтың арнасы қоқыстан тазартылады. Бұл – республикаға ортақ бағыт.Облыс бұл межеден алыс емес. Әр аптаға үстеме мән беріп, қосымша шаралар қамтылған. Мысалы, акцияның алғашқы аптасында «Менің туған өлкем», &nbsp;«Табиғатқа құрмет отбасыдан басталады», «Жасыл желек», «TazaOlke – TazaEl», «Ауласы тазаның – ауасы таза!» және «Көшесі тазаның – көңілі таза!» секілді шаралар топтастырылғанын байқауға болады. 13 сәуірге дейін жалғасқан алғашқы аптада жастар арасында тазалық челенджін, ұжымдық сенбілік ұйымдастыру көзделген.Бүгінде экологиялық акцияға облыс орталығымен қатар, аудандар мен ауылдардағы белсенді азаматтар үн қосуда. Бәрі ортақ іске жұмылып, тазалық жұмысын атқаруға көшті. Аймақ басшысы Нұрлыбек Нәлібаев арнайы үндеу жариялап, тұрғындарды игі шараға үлес қосуға шақырған болатын.<blockquote>– Қазақылықтың қаймағы бұзылмаған, тату тірлік пен береке-бірліктің бесігі – Сыр өңірінде бүгіннен республикалық «Таза Қазақстан» акциясы аясында «Таза Қазақстан – таза аймақ» экологиялық науқаны бастау алды. Тазалық пен тәртіп – кез келген аймақтың табысты дамуының кепілі ғана емес, тұрғындардың мәдениеттілігінің өлшемі. «Ауылына қарап, азаматын таны» дегендей, әр елді мекеннің тазалығы, сәулетті көркі тұрғындардың жанашырлығына байланысты. Себебі әр көшенің, әр үйдің, әр ауланың тазалығы – тұтас қала мен ауылдың айнасы. Ұлы жол алғашқы қадамнан басталады. Осы ретте, тазалық айлығы аясында облыс халқы туған жерді түлетуге атсалысады деп сенеміз, – деді облыс әкімі.</blockquote>Айта кетейік, республикалық акция аясында көшет отырғызу ісі де қолға алынбақ. Бұл жылдағы көшет отырғызу маусымының ауқымы кеңейе түсетінін білдірсе керек. Есте болса, бұған дейін Қызылорда қаласы әкімдігінің тұрғын үй-коммуналдық шаруашылығы, жолаушылар көлігі және автомобиль бөліміннің басшысы Жеңіс Файзуллаев облыс орталығына егілетін көшет туралы мәлімет берген болатын. Оның сөзінше, көктем және күз мезгілінде Қызылорда қаласының топырақтық-климаттық жағдайында өсуге бейімделген &nbsp;27000 түп ағаш отырғызу межеленген. &nbsp;

Таза Қазақстан – таза аймақ 

<a href="https://kyzylorda-news.kz/">Kyzylorda-news.kz</a> Қызылордалықтар Жамбыл облысының 85 жылдық мерейтойына, халық ақыны, жырау, әнші және композитор Кенен Әзірбаевтың туғанына 140 жыл толуына орай ұйымдастырылған «Ұлы даладағы мыңжылдықтар ізімен» атты жылжымалы көрмені тамашалады. Мәнді шара облыстық тарихи-өлкетану музейінің Салихитдин Айтбаев атындағы көркемсурет галереясында өтті.Жамбыл және Қызылорда облыстық тарихи-өлкетану музейлері бірлесіп ұйымдастырған көрмеде Жамбыл өңірінде әр жылдары жүргізілген ғылыми-археологиялық зерттеу жұмыстары барысында табылған материалдық және рухани құндылықтар, әлемдік маңызы бар бірегей жәдігерлер мен артефактілер ұсынылған. Атап айтқанда, археологиялық коллекцияның бірегей топтамалары – ежелгі темір дәуірінің ескерткіші «Жетітөбе» қорымынан табылған алтын әшекейлер, сақ жауынгерінің дулығасы, ерте темір дәуірінің тарихын, мәдениетін айғақтайтын найзаның, жебенің ұштары, жануарлардың қола мүсіндері, көне түркі дәуірін қамтитын жәдігерлер. Талас жазулары, ортағасырлық Тараз қаласының тарихын баяндайтын түркі, қараханид, моңғол, саманид теңгелерінің айналымда &nbsp;болған ең құнды топтамалары, ортағасырлық тұрмыста түрлі мақсатта қолданылған бірегей қыш ыдыстар, үлкенді-кішілі шырағдандар, хош иісті әтірлерді, дәрілік заттарды, сынап сақтайтын жұмыртастар, оссуарий, Айша бибі кесенесінің түпнұсқа кірпіштері қойылған. Сондай-ақ көрмеде Жамбыл облысының топырағынан түлеп шыққан ұлы тұлғалар Ықылас Дүкенұлы, Асанәлі Әшімов, Асанбай Асқаров, Жазылбек Қуанышбаев, Бауыржан Момышұлы, Шерхан Мұртаза сынды тұлғалардың жеке заттары, фотосуреттері, архив құжаттары және қазақтың бергі тарихында халқымыздың композиторлық, әншілік, айтыскерлік, ақындық сынды бірнеше өнерін биікке көтерген Кенен Әзірбаевтың жеке қолданысында болған заттар да бар.<blockquote>– Жамбыл өңірі – тарихы терең, табиғаты әсем, қойнауы қазба байлыққа толы қасиетті өлке. Мыңдаған жылдар бойы қалыптасқан жәдігерлер шаһардың кезінде ұлы өркениет ошағы болғанын көрсетеді. Ежелгі заманда дүниенің төрт тарабын байланыстырған Ұлы Жібек жолының да тағылымы бөлек. «Ақыртас», «Баласағұн», «Баркуаб», «Құлан», «Өрнек» қалашықтары тарих белесінен сыр шертеді. Жылжымалы көрме негізгі үш бөлімнен тұрады. Бірінші бөлімде ерте темір дәуірінен бастап ортағасырлық Тараз маңынан табылған ерте археологиялық бірегей жәдігерлер ұсынылған. Екінші бөлім «Ұлы тұлғалар тағылымы» деп аталады. Мұнда Ы.Дүкенұлы, Д.Қонаев, А.Асқаров, Б.Момышұлы, Ш.Мұртаза сынды тұлғалардың облыстық өлкетану музейіндегі жеке заттары көрсетілген. Ал көрменің үшінші бөлімі халық ақыны, жырау, әнші және композитор Кенен Әзірбаевтың туғанына 140 жыл толуына орай оның жеке өміріне, шығармашылығына қатысты заттарға арналып отыр, – дейді Жамбыл облыстық тарихи-мәдени ескерткіштерді қорғау және қалпына келтіру дирекциясының директоры Қуаныш Кәрібайұлы.</blockquote>Айта кетейік, қызылордалықтардың жылжымалы көрмені 12-25 сәуір аралығында тамашалауына болады. Сырбойылықтар мен қала қонақтарын Жамбыл өлкесінің көпғасырлық тарихымен, өткен буынның материалдық және рухани өмірінің мұраларымен таныстыру, өңірлер арасындағы және музейаралық мәдени байланыстарды нығайтуды басты мақсат еткен шараға қала тұрғындары мен мектеп оқушылары да қатысты.<blockquote>– Өлке мен музейлер арасындағы мәдени-ғылыми байланысты нығайтуды осындай мәнді шаралардан бастасақ дейміз. Бұл – жылжымалы көрменің алғашқысы да, соңғысы да болмас. Сыр жұртшылығы үшін аталған көрме екі аптаға созылады. Тарихты да, әдебиетті де, мәдениетті де жеке дара бөліп қарастырудың қажеті жоқ сынды. Осы ретте жылжымалы көрмелердің өңірлер арасындағы мәдени байланысты арттыруда атқарар қызметі мен жауапкершілік жүгінің мол екенін мойындау керек, – дейді Жамбыл облыстық тарихи-өлкетану музейінің директоры Ілияс Сейітжан.</blockquote>

Тараздық жылжымалы көрме Сыр елінде 

<a href="https://kyzylorda-news.kz/">Kyzylorda-news.kz</a> «Көктемнің бір күні – жылға азық» екенін есте ұстайтын диқан қауымы күн жылысымен дала қосына шығып, егіннің қамына кірісері белгілі. Жерге дән тастаудан бұрын да қыруар шаруа бар. Су жолдарын тазалау, тұқым дайындап, оны сұрыптау, сонымен қатар үстеп қоректендіруге осы бастан әзірлік керек. Жалпы жер жұмыстарының барлығы техника күші, маман механизаторлардың &nbsp;тиянақтылығы арқасында жүзеге асады. Шиелі аудандық ауыл шаруашылығы бөлімінің басшысы Мұрат Әшірбековпен пікірлесуде қарбалас еңбектің қазіргі жайын сөз еткен едік.Оның айтуынша көктемгі дала жұмыстары аудан диқандары тарапынан &nbsp;қарқынды жүруде. Биыл Шиелі ауданы 30109 гектарға егін егуді жоспарлап отыр.– Күріштің үлесі 11000 гектарға жоспарланған, – дейді бөлім басшысы. – Сондай-ақ әртараптандыру дақылдарына аса мән беріліп, бидай 1421 гектарға, тары мен жүгері &nbsp;1250 гектарға, майлы дақылдар 1020 гектарға, малазықтық дақылдар 9923 гектарға және картоп, көкөніс, бақша дақылдарының көлемін 5495 гектарға ұлғайту көзделуде. Ауданымызда осы көлемдегі күрішті ірілі-ұсақты 95 шаруа қожалық игереді.Қазір 6123 гектар ескі жоңышқа түгелдей тырмаланып бітті. Ұзамай суғарылады. Бұл – күні ертең жоңышқа бізтұмсығының жайлап кетпеуі үшін атқарылатын агротехникалық шаралардың бастысы. Сондықтан оған аса мән беріп, бөлім тарапынан қадағалануда. Сонымен бірге 3500 гектар жерге жаңа жоңышқа орналастырып үлгердік. Майлы дақыл мақсарының 95 пайызы егілді, яғни, жұмыс барысы алдын ала жасалған кесте бойынша сапалы атқарылып отыр. Айтпақшы дән жүгері алқабын дайындау жұмыстары да қатар жүзеге асырылып келеді. Оны 900 гектарға егу жоспары жасалған. Бұл орайда сырттан инвестор тартумен қатар өзіміздегі тәжірибелі ауыл шаруашылығы мамандары тартылуда. Ұзақ жылдар бойы аудан әкімінің орынбасары болған Тұрмат Жағыпбаров осы шаруаны қолға алды. Оның нәтижесі жоғары болады деген сенімдеміз.Жалпы Шиелінің бақша өнімдері дәмділігімен қатар көз тартар сыртқы көрінісімен де ерекше. Теміржол арқылы әрлі-берлі өткен жолаушылар стансадан түсе Шиелінің сары торламасы мен әңгелегін, қарала қарбызын іздейді. Бұл біздің брендіміз десек те жарасады. Осы орайда аудан диқандары 2440 гектарға бақша дақылдарын егеді.Кейінгі жылдары су үнемдеу, суды аз қажет ететін дақылдар көлемін біртіндеп молайту жөнінде пікірлер көбірек айтылып жүр.Рас, бұл – өзекті мәселе. Жоғарыдан келетін су тапшылығынан осы мәселенің туындауы заңдылық. Ағымдағы жылы суды үнемдеу мақсатында тамшылатып суғару әдісімен егілген көкөніс, бақша дақылдарын биыл 780 гектарға жеткізу көзделген. Шаруашылық жерлерінен және жеке тұрғындар есебінен су үнемдеу әдісімен көкөніс және &nbsp;бау-бақша дақылдары егіледі.Облыс әкімі жеке тұрғындардың егін егуіне мән беріп, оларға қолайлы жағдай жасау, техника және суғару мәселесіне көмек көрсету туралы нақты тапсырма берген еді. Осыған орай шаруашылық құрылымдары арасында жер дайындап беру мен үлестіру бойынша 1550 гектар жерді игеру жоспарланған. Бұл былтырғы жылмен салыстырғанда анағұрлым артық.Жалпы ауданда егін егуге дайындық жақсы. 2750 тонна күріш тұқымының 256 тоннасы жоғары сұрыпты I репродукция және 2164 тоннасы II репродукциялы тұқымдарға жатады. Олар «Лидер» және «Маршал» сорттары. Сонымен бірге, минералдық тыңайтқыштар мен гербицидтер дайындау жұмыстары да ойдағыдай. Биыл егілетін егістікке 14080 тонна минералдық тыңайтқыш қажет болса, 100 пайыз алынған.Сонымен қатар, ауыл шаруашылығы құрылымдарының сұранысы бойынша арамшөптерге қарсы қолданатын гербицидтердің 56,6 пайызы алынған. Қалғаны өз уақытында дайын болады.<blockquote>– Ауылшаруашылық құрылымдары бүгінде жаңа үлгідегі «МакДон», «Джон Дир», «Класс», «Енисей», «Есіл» маркалы соңғы үлгідегі техникаларымен толыққан. Жалпы аудан бойынша кейінгі 4 жылда отандық және шетелдік техникалармен 63%-ға техника паркі жаңарды. 2024 жылдың 2 айында шаруашылықтар жаңадан 7 техника алып, 106,142 млн теңге инвестиция тартылды. Көктемгі дала жұмыстарына 581 техника қатысуда. Аудандағы шаруашылықтар тарапынан 1815 тонна арзандатылған дизель отынына сұраныс жасалып, «Госагро» порталы арқылы электронды түрде өтінімдер жолданды. Арзандатылған жанар-жағармайдың бір литрі 248 теңге болып бекітілді. Шаруашылықтарға қазіргі таңда 502 тоннасы алынды, – дейді Мұрат Әшірбеков.</blockquote>Фото: Нұрболат Нұржаубай

Дихандар көктемгі дала жұмысына кірісті

Ғұлама ғұмыр

<a href="https://kyzylorda-news.kz/">Kyzylorda-news.kz</a> А.Тоқмағанбетов атындағы қалалық мәдениет үйінде «Толқын тербеткен тау тұлға» атты дәстүрлі «Көктем нұры» республикалық оқушылар айтысы өтті. Қала әкімдігі қолдап, мәдениет және спорт бөлімі ұйытқы болған өнер сайысына Әбдіжәміл әлемі арқау болды.&nbsp;Республикалық оқушылар айтысына айтыскер ақындар, Мәдениет саласының үздігі Нұрмат Мансұров, Қазақстан Жастар одағы сыйлығының иегері Зухра Төлепова, «Құрмет» орденінің иегері Мамыр Байдәулетов төрелік етті.Айтыс ұлттық өнердің нәрі мен сәнін бойына тоғыстырған жас таланттардың басын қосты. Жылы қабақ, тәтті тілек, жарасымды әзіл сөз додасының шырайын кіргізді.Қалалық мәслихат төрағасы Ибадулла Құттықожаев ақындарға сәттілік тіледі.<blockquote>Қазақтың бітім-болмысын биіктеткен айтыс осындай өскелең ұрпақ арқылы мәңгі жасай бермек. «Өлеңге әркімнің де бар таласы» деп ұлы Абай айтқандай, жас дарындардың талабын қолдау қашанда маңызды. Әбдіжәміл Нұрпейісов әдебиеттің көркем келбетін қаламгерлік шеберлікпен өз биігіне жеткізген. Биыл Сыр өңірінде «Руханият жылы» болып жарияланды. Соның аясында «Өнер орталығы», «Жыраулар үйі» ашылып, пайдалануға берілді. Музыка колледжінің жаңа ғимараты бой көтеруде. Бұл – өнер өлкесіндегі айшықты жетістіктердің бір парасы ғана. Еліміздің жеті аймағынан келген жыр жүйріктерінің талабына нұр жаусын! – деді И.Құттықожаев.</blockquote>Алғашқы жұп болып алматылық Айбарыс Сауытқан мен сырбойылық Ұлықбек Бектай сөз қағыстырды.Ел есінде қаларлық айтыс екінші жұптың еншісіне бұйырды. Ақмола облысы Ерейментау ауданының атынан сынға түскен Сәттібек Серікболатұлы мен Қызылорда қаласының намысын қорғаған Салтанат Жаппасбай жұрт күткен айтыстың үдесінен шықты.Қыз бен жігіт жауаптасуын жасаған бұл жұпқа халық та риза болды, қазылар да қаталдық танытпады.Одан әрі Батыс Қазақстаннан Бекзат Маратұлы, Шығыс Қазақстаннан Данияр Оралғазы орамды ой, сүбелі сөзімен көпшілік ықыласына бөленді. Бекзат қарсыласына қарағанда басымдық танытты.<blockquote>Дарабоз деп ойласам додадағы, Паравоз екенсің ғой оталмаған, – деген Бекзаттың әдемі әзілдері дода көркін қыздыра түсті. Солтүстік Қазақстан облысы Қызылжар ауданының үкілі үміті Сұлтан Жарқынұлы, Жаңақорған ауданының жас жүйрігі Мұхаммедәлі Абдуллаев, астаналық Берік Әсет пен сырдариялық Нұрахмет Мансұровтың сөз қағысуы көрерменнің көзқуанышы болды.</blockquote>Айтыс қорытындысы бойынша Бекзат Баян Серік Өтеуов атындағы, Данияр Оралғазы Серік Ыдырысов атындағы, Берік Әсет Махамбетқали Тұрсанов атындағы, Мұхаммедәлі Абдуллаев Бекұзақ Тәңірбергенов атындағы, Нұрахмет Мансұров Кенжебай Жүсіпов атындағы арнайы жүлдеге ие болды. Жыр бәйгесінің жүлделі үшінші орыны Сұлтан Жарқынұлы мен Ұлықбек Бектайға берілді. Екінші орын алматылық Айбарыс Сауытқанға лайық деп танылды. Бірінші орынды Салтанат Жаппасбай жеңіп алса, бас бәйгемен Ақмола облысының ақыны Сәттібек Серікболатұлы марапатталды.<blockquote>&nbsp;Бүгін Алаштың анасы болған Сырдың жағасында төл өнерімізді ту еткен жас жүйріктердің аламаны өтті. «Көктем нұры» республикалық айтысы дәстүрлі сипат алып келеді. Сөз бәйгесінде оза шапқан барша ақындарға алғыс айтамын. Өнер өлкесіндегі жыр жәрмеңкесі жалғасын таба бермек, – деді қалалық мәдениет және спорт бөлімінің басшысы Жағыпар Тәжмаханов. &nbsp;</blockquote>

Толқын тербеткен тау тұлға

<a href="https://kyzylorda-news.kz/">Kyzylorda-news.kz</a> Шежірелі өлкедегі салтанат сарайында «Жастар ресурстық орталығы» КММ-нің тапсырысымен Шиелі аудандық Жайдарман лигасының ұйымдастыруымен аудан әкімінің кубогы үшін облыстық жайдарманшылар сайысы өтті.Жайдарман ойындарының деңгейі жылдан жылға дамып келеді. Шараның мақсаты – жастар арасында мәдени құндылықтарды насихаттап, тапқырлық пен ой ұшқырлығын дамыту. Кешті арнайы «Қызылорда жайдарман» филиалының директоры Әліби Басаров жүргізді.Аталған жарысқа облыстан және ауданнан барлығы 12 команда қатысып, бақ сынады. Ойыншылар қоғамда болып жатқан жағымды жаңалықтар мен ерсі қылықтарды өздерінің әзіл-шыны аралас көріністерімен айшықтады. Еркін әрі қызықты өткен жарыс көрермендерге де қуаныш ұялатты. Көңілді кешке «Қорқыт жастары» командасының ойыншысы Мағжан Мырзағұлов, «Шиелі біз біргеміз» қайырымдылық қорының төрағасы Жасұлан Рысбек, Шиелі жайдарман лигасының директоры Мақсат Әбу, жас кәсіпкер Балдәурен Жұманазарұлы және Шиелі ауданының қоғамдық даму бөлімінің маманы, жас­тар жанашыры Біржан Бақтыбайұлы қазылық етіп, сайыс соңында пікірлерін айтты.Тартысқа толы ойындардың қорытындысы бойынша аудан әкімінің кубогіне Қызылорда қаласынан келген «Q құрамасы» ие болды. Шиелілік «47 қырандары» құрамасы екінші орынды иеленсе, Қызылорда қаласының «Мәншүк құрамасы» үшінші орынды жеңіп алды. «Үздік ойыншы» аталымына Кәусар Сералхан, ал «Үздік әзіл» номинацияға Жаңақорған ауданынан келген «Кейден құрамасы» лайық деп танылды.&nbsp;Сонымен қатар сайыс жеңімпаздарына аудандық қоғамдық даму бөлімінің басшысы Кенжехан Есенбаев кубок пен қаржылай сыйлық табыстады. Ойын соңында қатысушыларға ұйымдастырушылар тарапынан арнайы алғыс хат беріліп, жайдарманшылар естелік үшін суретке түсті.&nbsp;

Қазақстан және Қызылорда облысының жаңалықтары