Фото: picjumbo.com&nbsp;<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қарашаның 22-сі күнгі күн райы болжамын жариялады.Кәсіпорын таратқан деректерге қарағанда, Қазақстан аумағының басым бөлігіне Оңтүстік Каспий циклоны және онымен байланысты атмосфералық ағындар әсер етеді. Осыған байланысты еліміздің басым бөлігінде жаңбыр, қар жауады. Еліміздің оңтүстігінде қатты жаңбыр, батысында, солтүстік-батысында, таулы аудандарда қатты жауын, қар (жаңбыр, қар) жауады.Тек еліміздің шығысында, оңтүстік-шығысында ғана күн жауын-шашынсыз болады. Қазақстан бойынша тұман түсіп, көктайғақ болады, желдің жылдамдығы секундына 23-28 метрге жетеді.&nbsp;

Сәрсенбіге арналған ауа райы болжамы 

Kyzylorda-news.kz. 23-24 қараша аралығында Қызылорда облысында «Қыс-2023» республикалық командалық-штабтық оқу-жаттығуы өтеді.Оқу-жаттығу азаматтық қорғау қызметтері мен құралымдарының қысқы кезеңдегі ықтимал төтенше жағдайларды жою бойынша іс-қимылдарға дайындығын одан әрі жетілдіру және тексеру мақсатында өткізіледі.<blockquote>“Оқу-жаттығу аясында 2023 жылғы 23 қарашада сағат 12-ден 55 минут өткенде «Барлығына, назар аударыңыз!» электрсиреналары қосылатын болады. Осыған сәйкес сабырлылық сақтауларыңызды сұраймыз”,— делінген ТЖ департаментінің хабарламасында.</blockquote>Оқу-жаттығуға басшылық ететін облыстық штаб мына мекен-жайға орналастырылады: Қызылорда қаласы Ә.Бөкейхан көшесі №69 мекенжайда Қызылорда облысының Төтенше жағдайлар департаментінде.Байланыс телефоны: 8 (7242) 700325, 551099.&nbsp;

«Қыс-2023» республикалық оқу-жаттығуы өтеді

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы облыстық филиалының қоғамдық қабылдау бөлмесінде облыстық мәслихаттағы депутаттық фракция мүшесі Әмірбек Шаймағамбетов жеке қабылдауын өткізді.Қабылдауға қатысқан тұрғындар тарапынан жылжымайтын мүлік сату барысындағы мәселелер, ішкі істер органдарының қызметкерлеріне қарастырылған жеңілдіктер, кәсіпкерлікті дамытудағы мемлекеттік бағдарламалар және отбасылық зорлық-зомбылықтың алдын алу бойынша қолданыстағы заңнамаларға өзгерістер мен толықтырулар енгізу тақырыптары қозғалды.Қабылдау барысында фракция мүшесі жер дауы бойынша тұрғынның мәселесін тыңдай келе, қалалық жер қатынастары бөлімі басшылығымен хабарласып, азаматты жеке қабылдап, мәселесін шешу туралы ұсыныс білдірді.ҚР «Құқық қорғау органдары туралы» Заңына сәйкес ішкі істер органдарының қызметкерлеріне көрсетілетін жеңілдіктер айтылды, атап айтқанда, тұрғын үй қорынан баспанамен қамтамасыз ету, баспананы жалдап отқан қызметкерлерге ай сайынғы өтемақы төленуі сынды жеңілдіктер бойынша түсіндірме жүргізілді. Баспанамен қамтамасыз ету мәселесі бойынша қалалық тұрғын үй инспекциясы басшылығымен сөйлесіп, пәтер алу, тіркелу мәселелері бойынша кеңестер берілді.Кәсіпкерлік бастамаларға қолдау білдіру туралы ұсынысқа мемлекет тарапынан атқарылып жатқан шаралар айтылып, сала бойынша бағдарламалар түсіндірілді.Тұрмыстық зорлық-зомбылықтың алдын алу бойынша ұсыныстар талқыланып, нормативтік-құқықтық актілерге өзгерістер енгізу, заң бойынша жауапкершілікті арттыру мүмкіндіктері қаралатынын жеткізді.

«Құқықтық көмек» партиялық жобасы аясында тақырыптық қабылдаулар жалғасуда

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облыстық қоғамдық даму басқармасының «Қоғамдық келісім» КММ ұйымдастыруымен &nbsp;Этномедиация бағытындағы даулы мәселелерді шешуді оңтайландыруға арналған облыстық семинар курс өтті.&nbsp;Ә. Тәжібаев атындағы әмбебап-ғылыми кітапханада өткен шараға облыстық қоғамдық даму басқармасы мен қалалық, аудандық қоғамдық даму бөлімдерінің мамандары, облыстық полиция департаменті, облыстық білім басқармасы және қалалық білім бөлімі, облыстық дін істері басқармасы мамандары, этностар тығыз орналасқан ауылдық округ әкімдіктері кәсіби және қоғамдық медиаторлар, педагог-психологтар қатысты.Шараның мақсаты - &nbsp;Этномедиация бағытындағы даулы мәселелерді шешуді оңтайландыру арқылы облыс көлемінде этносаясатты жүзеге асыруда туындаған даулы мәселелерді сотқа дейін шешу, өңірдегі қоғамдық және кәсіби медиаторлардың этномедиация дауларын шешудегі рөлін арттыру болып табылады.Семинар курстың алғы сөзінде Қызылорда облыстық қоғамдық даму басқармасының «Қоғамдық келісім» КММ директоры Бақытжан Камалов семинардың маңыздылығын айтып, өңірлік ҚХА жанындағы медиаторлар кеңесінің атқарған жұмыстарына тоқталды.<blockquote>«2023 жылы облыс көлемінде медиация институтын насихаттауға бағытталған барлығы 123 түрлі форматты кездесулер, дөңгелек үстел отырыстары, оқыту семинарлары мен түсіндіру шаралары ұйымдастырылып, аталмыш шараларға 6180-нен астам адам қатысты. Облыстық ҚХА медиаторларына 39 өтініш келіп түсті. &nbsp;Оның ішінде этносаралық даулар орын алған жоқ. Медиаторлардың көмегімен &nbsp; өтініш бойынша келісім орнатылып, дауласушы тараптар ымыраға келді. Бүгінгі таңда кеңес құрамында 14 медиатор бар», - деді.&nbsp;</blockquote>Курсты «Парасат» медиация және құқық орталығы» ЖМ кәсіби медиаторы, тренер-сарапшы, этномедиатор Мұхтар Адаев жүргізді. Курстың алғашқы күнінде жаттықтырушы этномедиацияның негізгі ұғымдары мен терминдері, оны жүзеге асырудың негізгі кезеңдері, этносаралық қайшылықтардан туындаған ұлтаралық қақтығыстарды шешу жолдары туралы ақпарат берді, тәжірибесімен бөлісті. Қатысушылар пікірталастарға белсенді қатысты, сұрақтарға жауап берді.&nbsp;<figure class="image"><img src="https://knadmin.beoblood.kz/uploads/403710797_3619369261715561_6705240076774109853_n_8f66f98f93.jpg" alt="403710797_3619369261715561_6705240076774109853_n.jpg"></figure>

Этномедиация негіздерін оқытуға арналған семинар

Фото: fingramota.kz<a href="https://kyzylorda-news.kz/">Kyzylorda-news.kz.</a>&nbsp; ҚР Қаржы нарығын реттеу және дамыту агенттігі (бұдан әрі – Агенттік) қызметінің маңызды бағыттарының бірі мүгедектігі бар адамдар үшін қаржылық инклюзияны арттыру болып табылады.Бұл басымдықты іске асыру шеңберінде 2020 жылы Қайрат Иманәлиев атындағы Мүмкіндігі шектеулі адамдардың құқықтары жөніндегі комиссиямен (бұдан әрі – МШБ) бірлесіп, Агенттік жанынан Мүгедектігі бар адамдар үшін қаржылық қызметтердің қолжетімділігі мен сапасын арттыру мәселелері бойынша арнайы жұмыс тобы құрылды. Жұмыс тобының құрамына Парламент Сенатының депутаты, адам құқықтары жөніндегі сарапшылар, МБА мүддесін білдіретін қоғамдық бірлестіктердің мүшелері, «Қазақстан қаржыгерлері қауымдастығы» ЗТБ (бұдан әрі – ҚҚҚ) және қаржы ұйымдары кіреді.Әлемдік тәжірибені ескере отырып, Жұмыс тобы шеңберінде 3 жыл бойында екінші деңгейдегі банктер (бұдан әрі - банктер) сынақтан өткізген Мүгедектігі бар адамдар (МБА) үшін нақты және ақпараттық қолжетімділікті қамтамасыз ету бойынша әдістемелік ұсынымдар әзірленді және қабылданды. Сондай-ақ, банктер бөлімшелердің техникалық инфрақұрылымын жаңарту, сайттар мен мобильдік қосымшаларды бейімдеу, адамдардың аталған санатымен жұмыс істеу бойынша білікті қызметкерлер даярлау жөнінде жеке жоспарлар әзірледі.Қаржылық қолжетімділікті және қаржылық инклюзияны арттыру мәселесінде озық тәжірибесі бар халықаралық ұйымдар және шет елдердің орталық банктерімен бірлесіп, қаржы ұйымдарының қызметкерлерін оқыту жүргізілді.Қазіргі уақытта мүгедектігі бар халық саны 700 мыңнан астам адамды құрайды. Осы санаттағы адамдардың нақты және ақпараттық қолжетімділігін қамтамасыз ету үшін еліміздің 28 қаласында банктердің 350 бөлімшесі ішінара олардың қажеттіліктеріне бейімделген. Fingramota.kz интернет-порталында бұл бөлімшелердің орналасқан жерін анықтауға мүмкіндік беретін интерактивті Қолжетімділік картасы орналастырылған.Мемлекет басшысы қол қойған «Мүгедектердің құқықтары бойынша конвенция туралы Факультативтік хаттаманы» ратификациялау туралы 2023 жылғы 7 маусымдағы Заңды іске асыру шеңберінде Агенттіктің бастамасы бойынша Қазақстан Республикасы Сауда және интеграция министрлігінің Техникалық реттеу және метрология комитеті «Мүмкіндігі шектеулі адамдарға қызмет көрсету бойынша қаржы ұйымдарына қойылатын талаптар» ұлттық стандартын бекітті.Ұлттық стандарт мүгедектігі бар адамдарға қызмет көрсету үшін қаржы ұйымдары бөлімшелерінің қолжетімділігіне қойылатын жалпы талаптарды көздейді, олар қаржы ұйымдарының ғимараттары мен үй-жайларын МБА үшін бейімдеуді қамтиды, осы санаттағы клиенттерге қызмет көрсету ерекшеліктерін, сондай-ақ осы санаттағы адамдармен жұмыс істеу кезінде қаржы ұйымдары қызметкерлерін оқыту және олардың құзыретін арттыру мәселелерін белгілейді.Ұлттық стандарт шеңберінде банктер кедергісіз орта құруға және қамтамасыз етуге және мүгедектігі бар адамдардың барлық санаты үшін қаржылық көрсетілетін қызметтерге тең қол жеткізуге бағытталған іс-шараларды күшейту бойынша жұмысты жүзеге асыратын болады.&nbsp;

Мүгедектігі бар адамдарға қаржылық қызмет көрсетудің Бірыңғай Ұлттық стандарты қабылданды 

Фото: elitar.kz<a href="https://kyzylorda-news.kz/">Kyzylorda-news.kz.</a> Астана қаласының қылмыстық істер жөніндегі мамандандырылған ауданаралық соты аса ірі мөлшерде пара алу фактісі бойынша экс-вице-министр Нұржан Әлтаевқа үкім шығарды, деп хабарлайды <a href="https://kaz.inform.kz/">Kazinform.&nbsp;</a>Сотта экс-вице-министр 2018 жылдың ақпанынан 2020 жылдың шілдесіне дейін «Атамекен» ҰКП мүдделері үшін тиімді ресми шешім қабылдауға ықпалдасып, делдал арқылы М.-дан 115 мың АҚШ доллары және 8 млн 150 мың теңге ақшаны пара ретінде алғаны айтылған.Сотталушының кінәсі куәгерлердің айғақтарымен, ұялы телефондағы хат-хабарлармен, жасырын тергеу әрекеттерінің жазбаларымен, сараптама актілерімен, заттай дәлелдемелермен дәлелденген. Прокурор айыптауды қолдап, 12 жыл мерзімге бас бостандығынан айыру жазасын тағайындауды сұрады. Ал сотталушы ақтауды өтінген.Нәтижесінде сот айыпталушының жас балаларының болуын қылмыстық жауаптылық пен жазаны жеңілдететін мән-жай ретінде, ал қабылдаған антын бұзуы ауырлататын мән-жай ретінде танылды.<blockquote>«Сот үкімімен экс-вице-министр Қылмыстық кодекстің 366-бабының 4-бөлігінде көзделген қылмыстық құқық бұзушылық үшін кінәлі деп танылып, өмір бойы мемлекеттік қызметте қызмет атқару құқығынан айырылып, 10 жыл мерзімге бас бостандығынан айырылды. Үкім заңды күшіне енген жоқ», - деп жазылған қалалық соттың ресми хабарында.</blockquote>

Бұрынғы вице-министр Нұржан Әлтаев 10 жылға бас бостандығынан айырылды

<a href="https://kyzylorda-news.kz/">Kyzylorda-news.kz.</a> Қоғамдық орындарда және көшелерде тиісті құқықтық тәртіпті және қауіпсіздікті қамтамасыз ету, құқық бұзушылықтар мен қылмыстарды ашу және жолын кесу, сондай-ақ жол қауіпсіздігін қамтамасыз ету мақсатында республикалық «Құқықтық тәртіп» шарасы басталды.Мемлекет басшысының және Ішкі істер министрінің тапсырмасына сәйкес республика көлемінде басталған шара барысында тәртіп сақшылары қоғам тыныштығын күзетіп ғана қоймай, түрлі деңгейдегі қылмыстарды болдырмауға жұмыла жұмыс жасайды. Сонымен қатар, полиция қызметкерлері нөлдік төзімділік қағидатын сақтауға ерекше мән береді.Жеке құрамның қоғамдық тәртіпті сақтау, қоғамдық және жол қауіпсіздігін қамтамасыз ету жөніндегі міндеттерді орындауға әзірлігін ұстану мақсатында Қызылорда облысы ПД Жергілікті полиция қызметі басқармасының алаңында полицияның кешенді күштерінің жеке құрамына жалпы гарнизондық қызметке тарату жүргізілді. Нұсқаулық &nbsp;жиынды Қызылорда облысы Полиция департаменті бастығының &nbsp;бірінші орынбасары полиция полковнигі Шамшидин Амитов өткізді.&nbsp;Жиынға облыс әкімдігінің, «Amanat»партиясының, бұқаралық ақпарат құралдарының өкілдері, ішкі істер органдарының ардагерлері, еріктілер мен белсенді тұрғындар &nbsp;қатысты.&nbsp;<blockquote>«Заң бәріне бірдей. Азаматтарымыз заңдылықты нығайту жолында жұдырықтай жұмылса ғана қоғамда әділдік орнайды. Әділетті Қазақстан – Заң мен тәртіп үстемдік құратын ел» - деп Мемлекет басшысы атап көрсетті. Бұл – қоғамдық тәртіпті сақтау саласына аса маңызды міндеттер жүктейді. Мемлекет басшысының тапсырмаларын ойдағыдай жүзеге асыру бағытында халыққа сапалы қызмет етіп, жұртшылықтың мәселелерін терең зерделеп, оны түбегейлі шешу үшін олармен біте қайнасып жұмыс істеуіміз қажет. &nbsp; Мемлекет басшысы атап көрсеткендей, азаматтарымыз жұдырықтай жұмылса ғана қоғамда тәртіп орнайды. «Жұмыла көтерген жүк жеңіл» демекші барлықтарыңызды ел тұрғындарының қауіпсіздігін қамтамасыз ету мақсатында өткізілгелі отырған шараға біркісідей атсалысуға шақырамын» деді Шамшидин Егенбердіұлы. &nbsp;&nbsp;</blockquote>Жедел алдын алу іс-шарасын жүргізу кезеңінде жалға берілетін пәтерлерді, саяжай алқаптарын, демалыс аймақтарын, құрылыс объектілерін, базарларды, техникалық қызмет көрсету станцияларын, шаруа және фермер қожалықтарын, шалғайдағы учаскелерді, қыстауларды және басқа да шалғай жерлерді, оның ішінде қару-жарақ заттарын заңсыз сақтау фактілерін анықтау тұрғысынан тексеру жүзеге асырылатын болады.&nbsp;Жиын барысында қатысушылар ұсыныс-пікірлерін айтып өтті. Өз кезегінде Шамшидин Егенбердіұлы барлық бағыттар бойынша қызметкерлерге жұмысты күшейтуді тапсырып, алда тұрған міндеттерді нақтылады. &nbsp;<figure class="image"><img src="https://knadmin.beoblood.kz/uploads/402090468_324139517021032_8750536471606187485_n_e41a737c47.jpg" alt="402090468_324139517021032_8750536471606187485_n.jpg"></figure>&nbsp;

Республикалық «Құқықтық тәртіп» іс-шарасы басталды

Фото: turkystan.kz<a href="https://kyzylorda-news.kz/">Kyzylorda-news.kz.</a> Синоптиктердің болжамынша, биыл күз мезгілі кейінгі жылдармен салыстырғанда әлдеқайда жылы болды. Алдағы қыс 2001-2002 жылдардағы қыс мезгіліне ұқсауы мүмкін.Метеорологтардың мәліметінше, алдағы күндері республика бойынша екпіні секундына 28 метрге жететін жел соғады. Солтүстікте бұрқасын, көктайғақ күтіледі.&nbsp;Мамандардың айтуынша, желтоқсан, қаңтар және ақпан айларындағы ауа райына Атлант мұхиты аймақтарынан ылғалды ауа массалары әсер етеді. Сондықтан қазақстандықтар үшін 20 жылдан бері болмаған жылы қыс болуы ықтимал. Дегенмен сарапшылар мұны аномалия деп санамайды.&nbsp;<blockquote>"2023-2024 жылдардың қысы 2001-2002 жылдардағы қыс сценарийіне ұқсас болмақ, яғни жылы және жауын-шашын көп болады. Алдағы қыста Қазақстанда температуралық фон климаттық нормадан 1-2 градус жоғары болады деп күтіледі. Көпжылдық мәліметтер бойынша қыс жылы болған жылдары орташа температура нормадан 4-10 градусқа жоғары болған", - деді "Қазгидромет" РМК баспасөз хатшысы Алина Исмағұлова.</blockquote>Синоптиктер Қазақстанда жаңа жылдың басында қар жиі жауатынын болжады. Еліміздің солтүстігі, шығысы мен орталығында қатты аяз болуы мүмкін. Термометр -17 градусқа дейін төмендейді. Бұл айларда оңтүстік өңірлерде ауа райы нөлден жоғары болады.&nbsp;Дереккөз: <a href="https://www.ktk.kz/ru/news/video/2023/11/20/256834/">КТК</a>

 Синоптиктер қыс мезгіліндегі ауа райын болжады

<a href="https://kyzylorda-news.kz/">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында теміржол саласын дамыту, мемлекеттік қызметтердің сапасын жақсарту мәселелері қаралды.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, жиында айтылған мәселелерге толығырақ тоқталды.<blockquote>«Облыс аумағында «Қазақстан Темір Жолы» ҰК акционерлік қоғамына қарасты 8 теміржол вокзалы және 2 қызмет көрсету пункті бар. 6 вокзал ғимараты жергілікті маңызы бар тарихи және мәдениет ескерткіштерінің тізіміне енген. Сексеуіл, Арал теңізі, Қазалы, Жосалы, Қызылорда, Шиелі вокзалдары 1904 жылы салынған. Бүгінде Қызылорда қаласындағы вокзал ғимараттарына және оның іргелес аумағына күрделі жөндеу жұмыстары жүргізілуде. Жобаның жалпы құны 577 млн. теңгені құрайды. Оған «Қазақстан Темір Жолы» компаниясынан 322 млн. теңге және жергілікті кәсіпкерлердің демеушілігі есебінен 255 млн. теңге қаржы бөлінді. Күрделі жөндеу қараша айының соңында толық аяқталуы тиіс.Жұмыстардың сапалы әрі уақытылы бітуі қатаң бақылауға алынуы қажет. Жолаушылар үшін вокзалдың сыртқы келбетінің көркейгені ғана емес, қызмет көрсету сапасының да жоғары болғаны маңызды. Вокзал – қаланың қақпасы, сондықтан келушілерге әдемі әсер сыйлауы керек», – деді аймақ басшысы.</blockquote>Күн тәртібіндегі мәселелерден бөлек, Нұрлыбек Машбекұлы таяу күндері соққан қатты дауыл зардабын тез арада жоюды тапсырды. Алдағы уақытта сапасыз салынған ғимараттарды қалпына келтіруге қаражат бөлінбейтінін ескертті. Аймақ басшысы барлық басқармалардың жүзеге асыратын жобаларына талдау жасап, әрқайсына жеке-жеке тоқталды. Құрылыс барысында оның сапасына, қаржы игеруіне, жұмысты уақытылы аяқтауына баса мән беру қажеттігін қаперге салды.Мұнан бөлек, жиналыста жергілікті мемлекеттік органдар көрсететін қызмет сапасын арттыру және оған бақылауды күшейту тапсырылды. Облыс әкімі анықталған кемшіліктерді атап өтіп, мемлекеттік қызметтерді кедергісіз, сапалы көрсету үшін жауапты мамандардың компьютерлік техникаларын жаңарту керектігін ескертті.<figure class="image"><img src="https://knadmin.beoblood.kz/uploads/403729855_646051784382736_6850674604850077073_n_fcfd0d979b.jpg" alt="403729855_646051784382736_6850674604850077073_n.jpg"></figure>

Теміржол саласындағы қызмет сапасы талқыланды

Фото: fingramota.kz<a href="https://kyzylorda-news.kz/">Kyzylorda-news.kz.</a> ҚР Қаржы нарығын реттеу және дамыту агенттігінің қаржылық сауаттылық жөніндегі арнайы қосымшасы шеңберінде «Асан мен Үсеннің шытырман оқиғалары немесе ақша қалай пайда болды және оны жоғалтып алмау үшін не істеу керек» атты балаларға арналған қаржылық қосымшаның бесінші шығарылымы шықты.Бұл шығарылымда біздің басты кейіпкерлеріміз Асан мен Үсен банк карталары не үшін қажет екенін, оны қалай дұрыс пайдалану керектігін және қаржылық операцияларды жүргізу кезінде қандай негізгі қауіпсіздік шараларын сақтау керектігін біледі.Әр шығарылым сайын егіз балалардың қаржылық сауаттылығы жақсарып келеді. Екінші сынып оқушылары қаржылық сауаттылық әлеміне сапарларын негізгі ұғымдардан бастады, банк бөлімшесіне барып үлгерді, енді олардың жеке дизайны бар жеке банк карталары бар!Балаларға арналған қаржылық қосымшалар ҚР Қаржы нарығын реттеу және дамыту агенттігінің «Дружные ребята» және «Ұлан» республикалық газеттерінде қаржылық сауаттылық жөніндегі арнайы қосымшасы шеңберінде шығатынын еске саламыз. Ол бастауыш және орта мектеп жасындағы балаларға арналған.Толығырақ «<a href="https://fingramota.kz/kk/kids-app/publication/asan-men-senni-basynan-keshkenderi-nemese-asha-turaly-hikaya-5-tarau">Балаларға арналған қосымшалар</a>» бөлімінде оқыңыздар.&nbsp;

Fingramota.kz балаларға арналған қаржылық қосымшаның бесінші шығарылымын ұсынады 

<a href="https://kyzylorda-news.kz/">Kyzylorda-news.kz.</a>&nbsp;«AMANAT» партиясы Республикалық қоғамдық қабылдау бастамасымен «Құқықтық көмек» партиялық жобасы шеңберінде 20-24 қараша аралығында заңгер, адвокат, медиатор және мәслихат депутаттарының қабылдауларынан құралған апталық жүргізілуде.Қабылдауларда сотта, қылмысты қудалау органдарында және тағы басқа жағдайда азаматтарға өкілеттік етуге, арыз-талап толтыруға, өзін қорғауға көмек көрсетіледі. Тұрғындарға қаржы және құқықтық мәселелер бойынша түрлі кеңес беріледі.Кешегі қабылдауға «Бітім» медиация орталығының кәсіби медиаторы, заңгер Қыдырбек Рашов &nbsp;қатысып, мүліктік мәселе бойынша кеңес сұрап келген тұрғынға заңгерлік көмек көрсетті. Мүлікті кепілден шығару жолдары жайлы жан-жақты, талаптарға сәйкес кеңестер берілді. Оның ішінде, сот арқылы шешілетін процедуралар бойынша түсіндірме жүргізілді.Партияның қоғамдық қабылдауларына келіп түскен өтініштерді талдау елімізде адамдардың заң және сот-құқық қорғау жүйесіне қатысты мәселелері мен проблемалары көбейгенін көрсетеді. Ағымдағы жылдың 10 айында жоба шеңберінде бүкіл ел бойынша 4 023 адамды қамти отырып, 1 618 қабылдау өткізілген. Олардың ішінде 562 адамға толық құқықтық сүйемелдеу ұсынылды, 485 адамға құжаттарды рәсімдеуге көмек көрсетілді, 272 адамға медиациялық келісімдер жасалды, 2 704 адамға кеңестер берілді.Облыстық деңгейде жоба аясында 10 ай ішінде 84 қабылдауда 236 мәселе қаралды. 158 тұрғынға кеңес беріліп, 25 тұрғынның құқығын қорғау бойынша сүйемелдеу шаралары жүргізілді.Апталық аясында қабылдаулар өз жалғасын табатын болады. Тақырып бойынша сұрақтар болса әлеуметтік желіге, мессенджерлерге, байланыс нөмірлеріне хабарласып сұрақ қоюға немесе тікелей қабылдау уақытында филиалға жолығып, мәселеңізді айтуға болады.<figure class="image"><img src="https://knadmin.beoblood.kz/uploads/404511200_743373401161632_357398604562820811_n_3bb17525cd.jpg" alt="404511200_743373401161632_357398604562820811_n.jpg"></figure>

«Құқықтық көмек»: Тұрғындар қаржы және құқықтық мәселелер бойынша кеңес алып жатыр

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің Басқарма төрағасы-Ректор Бейбіткүл Кәрімова Инженерлі-технологиялық институтының студенттерімен кездесті.Жыл сайын дәстүрлі түрде ұйымдастырылатын жиында 1,2-курс студенттері академиялық білім беру, ғылыми-зерттеу, халықаралық қатынас туралы кеңінен ақпарат алып, атқарылған жұмыстармен танысты.Жиын барысында ректор Бейбіткүл Кәрімова университеттің биылғы жетістіктері мен жаңалықтарына тоқталды.<blockquote>«Университет базасында Жасанды интеллект және информатика жоғары мектебі ашылды. Өздеріңіз білетіндей ашылу салтанатына, ҚР Ғылым және жоғары білім министрі Саясат Нұрбек, Қызылорда облысының әкімі Нұрлыбек Нәлібаев, LUPIC халықаралық ынтымақтастық бойынша жетекші университет жобасының өкілдері қатысты. Сонымен қатар, оқу орны QS Asia University Rankings – 2024 рейтингінде ТОП 601-650 үздік университеттер қатарында. Ал, академиялық ұтқырлық бағдарламасы бойынша 2023-2024 оқу жылының бірінші семестрінде 44 студент Хубей (ҚХР), Каннам (Оңтүстік Корея), Лодзь (Польша), Сельчук (Түркия), Ташкент (Өзбекстан) жоғары оқу орындарында білім алуда», – деді Бейбіткүл Сәрсемханқызы.</blockquote>Сондай-ақ, университеттің Жастар ісі жөніндегі комитет төрағасы Нұртілеу Жорабек білім алушыларға студенттік ұйымдар, спорттық секциялар туралы толығырақ ақпарат берді.Кездесу соңында, ректор студенттердің сұрақтары мен ұсыныстарын талқылап, көтерілген мәселелердің шешілуі бақылауда болатынын айтты.<figure class="image"><img src="https://knadmin.beoblood.kz/uploads/404472413_873223794547154_7948367332446928236_n_e27c9d2a2f.jpg" alt="404472413_873223794547154_7948367332446928236_n.jpg"></figure>&nbsp;<figure class="image"><img src="https://knadmin.beoblood.kz/uploads/404501392_873173434552190_6264676453910951802_n_6cd6874bee.jpg" alt="404501392_873173434552190_6264676453910951802_n.jpg"></figure>&nbsp;<figure class="image"><img src="https://knadmin.beoblood.kz/uploads/404533045_873173604552173_4275893659394292424_n_5783907890.jpg" alt="404533045_873173604552173_4275893659394292424_n.jpg"></figure>

Қазақстан және Қызылорда облысының жаңалықтары