Фото: polisia.kz<a href="https://kyzylorda-news.kz/">Kyzylorda-news.kz.</a>&nbsp; Қызылорда полицейлері жоқ көліктерді сатқан алаяқты қолға түсірді, деп хабарлайды Polisia.kz.Осы жылдың 20-22 қараша аралығында Қызылорда облысы аумағында “Hi-tech” жедел профилактикалық іс-шарасы өтіп жатыр. Іс-шара жоғары технологиялар саласындағы қылмыстарды ашудың алдын алуға бағытталған. Бұл шара барысында полицейлер алаяқтық жасаған бұрын сотты болған қала тұрғынын ұстады.27 жастағы азаматша интернет желісіндегі автокөлік сататын жарнама сайтына жалған жарнама жариялап, көлікті сатып алуға қызығушылық танытқан желі қолданушыларынан жарнаманы алып тастау үшін алдын ала қаражат жіберуін сұраған. Осылайша, оңай олжа көздеген әйел жоқ көліктерді сатқан.&nbsp;Қазіргі таңда полиция қызметкерлері күдікті азаматшаның басқа да қылмыстарға қатыстылығын тексеріп жатыр.&nbsp;<blockquote>«Аталған дерек бойынша Қазақстан Республикасы Қылмыстық кодексінің 190-бабының 2-бөлігімен (Алаяқтық) сотқа дейінгі тергеп-тексеру әрекеттері жүргізіліп жатыр. Күдікті азаматша қамауға алынды», - делінген полиция департаменті баспасөз қызметінің хабарламасында.</blockquote>&nbsp;

Қызылорда полицейлері жоқ көліктерді сатқан алаяқты қолға түсірді  

Фото: newsroom.kz<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында жыл басынан бері 1625,9 мың бас жануарға диагностикалық тексеріс жүргізілді. Нәтижесінде, 10 айлық жоспардың орындалуы бойынша Қызылорда облысы республикада алдыңғы қатардан орын алды.&nbsp;Бұл туралы Өңірлік коммуникациялар қызметінің ақпарат алаңында облыстық ветеринария басқармасының басшысы Шахмардан Қойшыбаев хабарлады.<blockquote>«Ауыл шаруашылығы жануарларын бірдейлендіру жұмыстары қарқынды жүргізілуде. 2023 жылдың 1 қарашасына дейін ақпараттық жүйеде 1656,4 мың бас жануар тіркеліп, былтырғымен салыстырғанда 5,1 пайызға өсті. Сондай-ақ, биыл 463,8 мың дана құлақ жапсырмасы облысқа жеткізілді. Бұдан бөлек, аймақ басшысының қолдауымен былтыр тиісті қаражат бөлініп, ветеринар мамандарының еңбекақысы 40 пайызға көтерілді. Соның арқасында кадр тапшылығы азайып келеді. Ветеринариялық станцияларымыздың материалдық-техникалық базасы да жаңартылуда. Биыл 30 автокөлік, 23 дана термочемодан, 23 компьютер жиынтығы сатып алынды. Сондай-ақ, қазан айында аймақ басшысы ветеринариялық ұйымдарға 30 дана жаңа автокөліктің кілтін табыстады», - деді басқарма басшысы Шахмардан Қойшыбаев.</blockquote>

Шахмардан Қойшыбаев: Жануарларды бірдейлендіру жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz.</a>&nbsp; Арал өңірінен кварц құмын өндіру жобасын жүзеге асыру мақсатында Германия мемлекетінің «Medal group» компаниясының өкілдері Шнайдер Андреас пен Әнуар Умбетаев, «EuroGlass Industries» компаниясының өкілі Е. Сағымбаев және Қызылорда облыстық даму орталығының директоры Т. Матаев, пен орталық кеңесшісі А. Ермекбаев жұмыс барысымен ауданда болды.Аудан әкімі Серік Сермағамбетов аталған компания өкілдерін қабылдап, жергілікті жерден өндіріс орнын ашу мәселелерін талқылады. Аудан басшысы жергілікті жердегі ерекшеліктерді түсіндіріп, қажетті қолдау көрсетілетіндігін жеткізді.Кездесу барысында Аралқұм ауылдық округіне қарасты Шөміш елді мекені аймағынан кварц құмын өндіруге қызығушылық білдіретіндіктерін жеткізді. Жоба аясында тау-кен байыту комбинатын ашып, құрғақ құрылыс заттарын өндіру жоспарланған. Өндірілген өнімдер Қызылорда қаласындағы шыны зауытына жөнелту көзделген.Сонымен бірге, шыны өндірісіне қажетті шикізат пен құрғақ құрылыс заттарын өндіретін тау-кен комбинатының құрылысын инженерлік-инфрақұрылымдар тартылған Арал қаласындағы индустриалды аймақтан немесе Шөміш елді мекенінен салудың тиімді тұстары қаралды.Атап өту қажет, ауданға инсвестиция құйылып, зауыт құрылысы жүргізілсе жергілікті азаматтар жұмыспен қамтылып, кіріс көздері ұлғаятын болады.

Арал ауданының әкімі инвесторларды қабылдады

<a href="https://kyzylorda-news.kz/">Kyzylorda-news.kz.</a>&nbsp; Ауылдық жерлерде тірек мектептердің әлеуетін дамыту аясында Қызылорда қаласындағы Назарбаев Зияткерлік мектебінің ұстаздары Арал, Жаңақорған және Қармақшы педагогтеріне әдістемелік көмек көрсетуде.Бұған дейін NIS педагогтері Ж.Әбдірашов атындағы №62 мектеп-лицейнің, Т.Көмекбаев атындағы №250 мектеп-лицейінің және №286 мектептің білім беру үдерісіне, оқыту сапасына талдау жүргізіп, мықты және әлсіз тұстарын анықтады. Педагогтер арасында кездесетін қиындықтар бойынша ақпарат жинап, соның негізінде оқыту курстарының жобасын әзірледі.Алғашында Зияткерлік мектеп мұғалімдері ауылдық мектептерге барып практикумдар, семинар-тренингтер, кездесулер мен консультациялық алаңдар өткізді. Оның ішінде критериалды бағалау және бөлім бойынша жиынтық бағалау жұмыстарын жүргізуді, оқытуда сараланған әдіс-тәсілдерді тиімді қолдануды іс-жүзінде көрсетті. Педагог-кураторлар оқушылармен жүргізілетін тәрбиелік жобаларды таныстырып, ата-аналармен байланысты нығайтуға бағытталған әдістерді ұсынды. Сондай-ақ, мектептерде жаңадан ашылған информатика, STEM кабинеттеріндегі және жаратылыстану-математикалық бағыттағы пәндер бойынша заманауи зертханалардағы құрал-жабдықтарды пайдалануды үйретті.Сапар барысында 2024-2025 оқу жылында Назарбаев Зияткерлік мектептерінің 7-сыныптарына оқушыларды конкурстық іріктеуді өткізу тәртібі туралы үміткерлер мен ата-аналарына таныстырылды.<figure class="image"><img src="https://knadmin.beoblood.kz/uploads/402648069_3502703136726262_5485207061659884474_n_b81f80790a.jpg" alt="402648069_3502703136726262_5485207061659884474_n.jpg"></figure>&nbsp;<figure class="image"><img src="https://knadmin.beoblood.kz/uploads/402664068_3502702543392988_7964486341619664154_n_2f0401d254.jpg" alt="402664068_3502702543392988_7964486341619664154_n.jpg"></figure>&nbsp;<figure class="image"><img src="https://knadmin.beoblood.kz/uploads/402653292_3502702536726322_3320325119197449599_n_1fa034bf02.jpg" alt="402653292_3502702536726322_3320325119197449599_n.jpg"></figure>&nbsp;<figure class="image"><img src="https://knadmin.beoblood.kz/uploads/402653924_3502702903392952_2444915387592499554_n_462fcef7fe.jpg" alt="402653924_3502702903392952_2444915387592499554_n.jpg"></figure>

Тірек мектеп: Ауыл мұғалімдеріне әдістемелік көмек көрсетілуде

<a href="https://kyzylorda-news.kz/">Kyzylorda-news.kz.</a> Бүгін Мәжілістің жалпы отырысында «Қазақстан Республикасының кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы» заң жобасы бірінші оқылымда мақұлданды.Заң қабылданса, кезекте тұрғандардың тізімдері екінші деңгейлі банк функцияларын сақтай отыра, Даму институтына айналатын Отбасы банк ішінен құрылатын “Баспанамен қамтамасыз ету” орталығына тапсырылады.<blockquote>Банктің функциялары кеңейеді. Ол тұрғын үй құрылыс жинақ жүйесін іске асыратын екінші деңгейлі банк болып қала береді. Қазақстандықтар бұрынғыдай еліміздегі ең қолжетімді кредит алу үшін депозитте ақша жинап, жинақтарына түсетін банк сыйақысы мен мемлекеттік сыйлықақыны алуын жалғастырады.Мәжіліс депутаттарының талабы бойынша банк даму институты бола тұра, реттеуші органдар – Қазақстан Республикасы Қаржы нарығын реттеу және дамыту агенттігі мен Ұлттық банктің қарамағында қалады. Олар Отбасы банкке қатысты бақылау және қадағалау функцияларын сақтайды. Банк сондай-ақ Қазақстандық депозиттерге кепілдік беру қорының қатысушысы болып қала береді. Бұл клиенттердің барлық депозиттері мемлекеттің сенімді қорғауында екенін білдіреді», - деп түсіндірді «Отбасы банк» АҚ Басқарма төрайымы Ләззат Ибрагимова.</blockquote>Заң жобасына сәйкес, 646 мың адамнан тұратын жергілікті атқарушы органдардың кезектер тізімі Отбасы банкіне беріледі. Ағымдағы дерекқорда тіркеу тоқтатылады. Бұл ретте Отбасы банк ішінен жекелеген санаттарға жататындығына қарамастан, барлық азаматтар тіркеле алатын “Баспанамен қамтамасыз ету” орталығы құрылады. &nbsp;Әрбір өтінішке отбасының сандық портреті жасалады. Онда мұқтаж азаматтың отбасылық жағдайының барлық ерекшеліктерін толық есепке алуға мүмкіндік беретін кіріс, мүлік, активтері туралы ақпарат болады.“Баспанамен қамтамасыз ету орталығы” мемлекеттік деректер базасымен біріктірілген бірыңғай ақпараттық база болады. Бұл орталықты құру бір терезе қағидасын қолдануға мүмкіндік береді. Бұл ретте кезекке тұрушы азаматтар туралы ақпаратты жаңарту үшін заң жобасында тоқсанына кемінде бір рет кезектерді түгендеу көзделген. Бүгінде 2,7 миллион қазақстандық болашақта баспана алу үшін банкте қаражат жинап отыр. Тұрғын үй құрылыс жинақ жүйесін іске асыру барысында банк 490 мың қазақстандық отбасының қоныс тойын тойлауына көмектесті.

Отбасы банк екінші деңгейлі банк болып қала береді

Фото: ria.ru<a href="https://kyzylorda-news.kz/">Kyzylorda-news.kz.</a>&nbsp; Биыл облыстағы аса қауіпті деп танылатын 14 жұқпалы аурудың алдын алуға республикалық бюджет есебінен 6973,5 мың доза ветеринариялық препарат жеткізіліп, облыс көлеміндегі елді мекендерге таратылды. Өткен &nbsp;жылмен салыстырғанда әкелінген препараттар саны 1 млн-ға артып отыр.&nbsp;Бұл туралы Өңірлік коммуникациялар қызметінің ақпарат алаңында &nbsp;облыстық ветеринария басқармасының басшысы Шахмардан Қойшыбаев мәлімдеді.&nbsp;<blockquote>Жергілікті жерлерде аса қауіпті жұқпалы ауруларға қарсы алдын ала егу және диагностикалалық тексеру жұмыстары тұрақты өткізіліп келеді. Нәтижесінде, облысымызға берілген вакцина қолданылатын аусыл бойынша таза аймақ мәртебесін Дүниежүзілік жануарлар денсаулығы ұйымы наурыз айында қайта растады. Энзоотиялық аурулардың алдын алу шаралары да тұрақты жүргізіліп &nbsp;келеді. &nbsp;Атап айтқанда, облыстық бюджеттен бөлінген қаржыға 6 түрлі энзоотиялық ауруға қажетті 707,4 мың доза ветеринариялық препараттар алынды. Қазіргі таңда 8 ветеринариялық станция, 139 пунктте барлығы 746 маман жұмыс жасайды. Білікті ветеринар мамандардың сапалы жұмысының арқасында төрт түлік арасындағы аса қауіпті жұқпалы аурулар азайып келеді, - деді басқарма басшысы Шахмардан Қойшыбаев.</blockquote>&nbsp;

Қызылордада төрт түлік арасындағы аса қауіпті жұқпалы аурулар азайған

Фото: norma.uz<a href="https://kyzylorda-news.kz/">Kyzylorda-news.kz.</a> Футболдан 2024 жылғы Еуропа чемпионатының финалдық сатысына жолдама алған 21-құрама анықталды. Қалған үшеуі алдағы жылдың наурыз айында Ұлттар лигасындағы қосымша ойындар арқылы белгілі болады, деп хабарлайды <a href="https://kaz.inform.kz/">Kazinform.</a>&nbsp;Италия төртінші себетке енді. Одан өзге Сербия, Швейцария және Ұлттар лигасындағы қосымша ойындар арқылы жеңімпаз атанатын үш құрама қосылады. Олардың қатарында Қазақстан құрамасы да бар. Былтыр С лигасында өз тобында бірінші орын алған қазақстандық футболшылар енді Еуропа чемпионатының финалдық сатысының жолдамасын сарапқа салуға мүмкіндік алды.Еуропа чемпионатының іріктеу сатысында ел құрамасы 18 ұпаймен Финляндиямен бірге үшінші-төртінші орынды өзара <a href="https://kaz.inform.kz/news/euro-2024-kazakstan-tartisti-oyinda-sloveniyaga-zhol-berd-df9cd5/">бөлісіп отыр.</a>Финалдық сатының жеребесі 2 желтоқсан күні тартылады. Құрамалар төрт себетке бөлінген.1 себет: Германия, Португалия, Франция, Испания, Бельгия, Англия2 себет: Венгрия, Дания, Албания, Австрия, Турция, Румыния3 себет: Шотландия, Словения, Словакия, Чехия, Нидерланд, Хорватия4 себет: Сербия, Италия, Швейцария, +Ұлттар лигасынан үш жеңімпазЕуропа чемпионатының финалдық сатысы 2024 жылдың 14 маусымы мен 14 шілдесі аралығында Германияда өтеді.

Футболдан Еуропа чемпионаты: Финалдық кезеңге шыққан 21-құрама анықталды

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына мемлекет МӘМС жарналарын төлейтін жеңілдікті санаттардың бірінің өкілдері ретінде студенттер үшін сақтандырылған мәртебесін алу мәселелерімен жиі жүгінеді.Қор филиалының директоры Бақыт Исмаханбетов біздің тілшімізге бұл мүмкіндік шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.Жеңілдік бойынша сақтандыру кімге беріледі?МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді. Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады.Қазақстанда &nbsp;оқитын студенттер үшін сақтандырылған мәртебесін алу алгоритмі:Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген.&nbsp; Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.Егер отандық ЖОО студенті сақтандырылмаған болса не істеу керек?Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге &nbsp;хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.Оқу орындарына арналған жадынама: Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі. &nbsp;  Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет.  Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды.&nbsp; Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар &nbsp;туралы мәліметтердің дұрыс және уақтылы толтырылуына &nbsp;байланысты болады.Шетелде оқитын қазақстандықтар үшін сақтандырылған мәртебесін алу алгоритмі: Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.&nbsp; Ол үшін электрондық үкімет порталындағы egov.kz сервисін пайдалану қажет:&nbsp; 1. Ізденіс жолына келесіні енгізу: «Шетелде оқитын студенттерді тіркеу».&nbsp; 2. Ашылған терезедегі өтінішті толтыру және оқуды растайтын құжаттарды қоса беру қажет. 3. Өтінішке ЭЦҚ көмегімен қол қою. 4. Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.&nbsp; 5. Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.&nbsp;<figure class="image"><img src="/uploads/image_b98130b782.png"></figure>Кері байланысӨкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады. Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді.Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1414 байланыс орталығы, Qoldau 24/7 және Telegramдағы Saqtandyry-Bot мобильді қосымшасы.<figure class="image"><img src="https://knadmin.beoblood.kz/uploads/Studenty_ochno_kaz_a1695b4d86.jpeg" alt="Студенты очно каз.jpeg"></figure>

Студенттер МӘМС жүйесінде медициналық көмек ала алады

<a href="https://kyzylorda-news.kz/">Kyzylorda-news.kz.</a> «AMANAT» партиясы жанындағы «Жастар Рухы» Жастар қанаты республика көлемінде Төтенше жағдайлар және жергілікті атқарушы органдармен бірлесіп «Қауіпсіз қала» акциясын өткізуде.Ұйымдастырушылар ашық кәріз құдықтарына, жаяу жүргінші жолақтарынына, балалар ойын алаңдарының қауіпсіздіктеріне мониторинг жасауда.Мониторингтер жүргізу арқылы ақпарат жинап, тиісті орындарға тапсыру, сондай-ақ, балалар мен ересектер арасында жазатайым оқиғалардың орын алуын төмендету мақсаттында ұйымдастырылған іс-шараға Қызылорда қалалық мәслихатындағы «AMANAT» партиясы депутаттық фракциясының мүшесі М.Бисенова, қалалық тұрғын үй-коммуналдық шаруашылық және тұрғын үй инспекциясы бөлімінің маманы Ә.Тәжібаев және «Жастар Рухы» Жастар қанаты белсенділері қатысты.<blockquote>«Жас жеткіншектердің түрлі төтенше жағдайға тап болып, өмірлеріне қауіп тудырып жатқан жайттар қоғамда белең алуда. «Қауіпсіз қала» акциясы – бұл ең алдымен балалардың қатерсіз өсіп, жетілуін көздейді. Арнайы орындарда, ашық қалған кәріз құдықтары мен жаяу жүргінші жолақтарында апаттардың алдын-алу үшін түсіндірме жұмыстары жүргізілуде. «Сақтықта – қорлық жоқ».- деп бекер айтылмаған. Бұл мәселеге «Жастар рухы» аса жауапкершілікпен қарап, басты назарда ұстауда және жыл соңына дейін жалғасатын болады», - дейді «Жастар рухы» ЖҚ облыстық филиалының төрағасы Әсетхан Баймұрза.</blockquote><figure class="image"><img src="https://knadmin.beoblood.kz/uploads/404433674_743834491115523_679179364540545464_n_b75b89d471.jpg" alt="404433674_743834491115523_679179364540545464_n.jpg"></figure>

«Қауіпсіз қала» – балалардың қатерсіз өсіп, жетілуін көздейді

<a href="https://kyzylorda-news.kz/">Kyzylorda-news.kz.</a> Бүгінге дейін Қызылорда облысының өткір мәселесінің бірі қоғамдық көлік болып келді. Автобустың тапшылығы, интервалдың ұзақтығы, қызмет көрсету сапасының төмендігі әлеуметтік желіде сынға ұшырап келгеніне біраз болды. Соңғы уақытта аймақ басшысының тапсырмасына сәйкес, өзекті мәселенің шешімі табылды.&nbsp;Өткен жылдың қараша айында өңір басшысы Нұрлыбек Нәлібаевтың тікелей қолдауымен Серіктестікке «Өнеркәсіпті дамыту қоры» АҚ арқылы жаңадан лизингке 150 дана автобус алынды. Осылайша, 2013 жылдан бері жолаушылар тасымалын жақсарту мақсатында құрылған «Қызылорда автобус паркі» ЖШС-і жүйелі жұмыс істеуге мүмкіндік алды. Қолдауы бар автобус паркінің жұмысын БАҚ өкілдері аралады. Сондай-ақ, баспасөз турында Қызылорда қаласының әкімінің орынбасары Дінмұхамед Исламов жолаушылар көлігі тасымалы бойынша жасалып жұмыстарды баяндап берді.<blockquote>Халық игілігі үшін 23-ші бағыт іске қосылды. Қазіргі таңда, қалаішілік жолаушылар тасымалын күнделікті 150 дана автобустар жүзеге асыруда. Қоғамдық көліктердің бағыттардағы қатынау интервалы 12-15 минутты құрайды. Серіктестік теліміндегі бұрын қолданыста болған үлкен сыйымдылықтағы көліктердің 40 данасы күрделі жөндеу жұмыстарынан кейін қосымша бағыттарға қосылып, қалаішілік жолаушылар тасымалдау жұмысын жақсартуға өз үлесін қосуда. Сондай-ақ, автобусты цифрландыру жұмыстарымен, халықты мәдениеттілікке тәрбиелеу жұмыстары жүргізілуде. Яғни, автобус аялдамада ғана тоқтайды. Сондықтан тұрғындар осыны ескеріп, тәртіпке бағынса жақсы болар еді, — деді Дінмұхамед Аманұлы.</blockquote>

Қоғамдық көлік: 23-ші бағыт іске қосылды

<a href="https://kyzylorda-news.kz/">Kyzylorda-news.kz.</a> Үкімет мәжілісінен кейін облыс әкімі Нұрлыбек Нәлібаевтың төрағалығымен өткен жиналыста күн тәртібінен тыс орындаушылық тәртіп мәселесі де қаралды.Облыс әкімінің аппарат басшысы Шахмардан Байманов баяндағандай, бұған дейінгі мәжілістерде берілген тапсырмалар арнайы ақпараттық жүйеге енгізіліп, күнделікті мониторинг жүргізілуде. Мониторинг нәтижесіне қарағанда, тапсырмалардың 784-і, яғни 54,2%-ы орындалған, 230-ның немесе 15,9%-ның әлі мерзімі бар, 131-і уақытынан кеш орындалған, 131-і ішінара және 170-і мерзімінде орындалмаған.Орындалмаған тапсырмалардың 71 пайызы 5 мемлекеттік мекемеге тиесілі, олар – Қызылорда қаласының әкімдігі 51 тапсырма (30%), Қазалы ауданының әкімдігі 12 (7%), құрылыс, сәулет және қала құрылысы басқармасы 24 (14%), энергетика және тұрғын үй-коммуналдық шаруашылық басқармасы 17 (10%), ауыл шаруашылығы және жер қатынастары басқармасы 17 тапсырма (10%).Қала және аудан әкімдіктерінің, облыстық басқармалардың лауазымды тұлғаларына тәртіптік шара көрілгенімен, нәтиже шығармағаны ескертілді.Аймақ басшысы жүктелген міндеттерге салғырттық танытқан лауазымды тұлғаларға қатысты тәртіптік жаза қолдануды талап етті. Атап айтқанда, орындалмаған тапсырмаларының саны басым Қызылорда қаласы мен Қазалы ауданы әкімдеріне «қызметке толық сәйкес еместігі туралы ескерту» тәртіптік жазасы қолданылды.Өткен «Үлгілі елді мекен» конкурсының «Қызылорда қаласының үлгілі шағын ауданы» номинациясын қаладағы «Арай-2», «Сырдария», «Бәйтерек-Шұғыла» шағын аудандары жеңіп алғаны белгілі. Аталған шағын аудандарда сквер, спорттық ойын алаңдары салынуы, көше жарықтандырылуы қажет болатын. Алайда, Қызылорда қаласы әкімдігі жоба-сметалық құжаттарын әзірлемеген, бюджеттік өтінім ұсынбаған. Осы мүмкіндікті тиімді пайдаланып, түйткілді мәселелері көп облыс орталығын абаттандыруға ынта танытпаған, тиісті жұмыстарды қолға алмаған қала әкімінің жауапкершілігіне қатаң сын айтылды.Қала әкімдігі «Қызылорда-Жезқазған» автожолының «Құмкөл» кен орнынан Қызылорда қаласына дейінгі кіреберіс бөлігін салу жобасын уақытылы әзірлемегендіктен, жол құрылысына тартылатын жобамен 4 млрд. теңге қаражат келмей қалуы мүмкін.<blockquote>«Бұл жоба жайында «ҚазАвтоЖол» филиалының басшысы Ерұлан Жүнісов 3 ай бұрын айтты. Жұмысты реттемегені, тапсырманы орындамағаны, тиісті жобаны әзірлемегені үшін қала әкімі Асылбек Шәменовке қатысты тәртіптік жаза қолданылсын. Он күнде дайын болатын жобаны үш ай бойы созбалаңға салуды қалай түсінуге болады? Бұдан бұрын тапсырмаларды мерзімінде орындамағаныңыз үшін «қатаң сөгіс» алдыңыз, әрі қарай «қызметке толық сәйкес еместігі туралы ескерту» тәртіптік жазасы қолданылады.Кешегі «Үлгілі елді мекен» конкурсына қала әкімдігі бір де бір жоба ұсынбадыңыздар. Конкурсқа қатысқан жоқсыздар. Қызылорданы тазалық пен көгалдандыру, абаттандыру шараларынан сырт қалдырып, сквер, балалар және спорт ойын алаңдарын салу, көше, аулаларды жарықтандыру сынды жобаларды жүзеге асыру мүмкіндігін тиімді пайдаланбадыңыз. Әйтпесе Қызылордада абаттандыруды қажет ететін аулалар, шағын аудандар жеткілікті емес пе? Мұндай жағдайда немқұрайлылық танытып, әрекетсіз қалуыңызды түсіну қиын. Онсыз да жұмысыңыздың басым бөлігін біз атқарудамыз» – деді Нұрлыбек Машбекұлы.</blockquote>Тағы бір кемшілік, облыс әкімдігі «Қазақстан Темір Жолы» АҚ-мен теміржол вокзалын қайта жаңғырту жобасына 577 млн. теңге тартты, істі үйлестірді, бірақ жұмыс мерзімінен кешігуде. Ал, Талсуат кентіндегі клуб өткен жылы пайдалануға берілуі тиіс болса да, әлі күнге дейін табысталмаған.«Бәйтерек» тұрғын ауданына «Қызылжарма» каналы арқылы қатынайтын көпірді 14 қыркүйекте тұрғындар игілігіне беру керек болатын. Бұл жұмыстың да 95 пайызы ғана біткен.«Ауыл – ел бесігі» жобасы аясында Қызылжарма ауылдық округіндегі көшелерді жөндеуге бөлінген қаржы жарым-жартылай игерілген, тіпті бір көшеге бөлінген ақша мүлдем игерілмеген.«Ауыл – ел бесігі» аясында биыл облыстың 47 елді мекенінде 12,2 млрд. теңгенің 216 жобасы жүзеге асырылуда. Бүгінгі күнге қаржының игерілeуі 80,6 пайыз, республикалық бюджеттен қаржыландырылған 63 жобаның 36-сы іске қосылып, бөлінген қаржының 77,4 пайызы игерілген.Қазалы ауданында да «Ауыл – ел бесігі» жобасымен Әйтеке би кентіндегі көшеге жүргізілетін орташа жөндеу жұмысы, кенттегі 250 орындық мектеп пен аудан орталығындағы 600 орындық мәдениет үйінің құрылыстары тұралап қалған. Сондықтан 12 хаттамалық тапсырманы уақытылы орындамаған, әрі бұрын «қатаң сөгіс» алған Қазалы ауданының әкіміне «қызметке толық сәйкес еместігі туралы ескерту» берілді.Басқа аудан әкімдерінің жұмысына жан-жақты талдау жасалып, жауапкершілігі қаралады. Әсіресе, «Ауыл – ел бесігі», «Ауыл аманаты» сынды бағдарламаларды жүзеге асыру қарқынын төмендеткен, кемшіліктердің алдын алмаған басшыларға тәртіптік шара көріледі.Үкімет мәжілісінен кейін облыс әкімінің төрағалығымен өтетін жиналысқа күн тәртібіне сәйкес қажетті мекеме басшыларын қатыстырмағаны үшін Арал, Қармақшы, Жалағаш, Сырдария және Жаңақорған аудандарының әкімдеріне «сөгіс», тапсырмаларды мерзімінде орындамағаны үшін облыстық энергетика және тұрғын үй-коммуналдық шаруашылығы басқарамасының басшысына «сөгіс», құрылыс, сәулет және қала құрылысы, ауылшаруашылығы басқарма басшыларына «қатаң сөгіс» тәртіптік жазасы қолданылды.Облыс әкімінің бірінші орынбасары Серік Қожанияов пен облыс әкімінің орынбасары Мейрамбек Шермағанбетке жетекшілік ететін салаларында көптеген кемшілік анықталғаны ескертіліп, бақылауды күшейту міндеттелді.<figure class="image"><img src="https://knadmin.beoblood.kz/uploads/402937710_646214021033179_7871101430117315354_n_0ea466c47d.jpg" alt="402937710_646214021033179_7871101430117315354_n.jpg"></figure>&nbsp;<figure class="image"><img src="https://knadmin.beoblood.kz/uploads/404307114_646213964366518_2841422227256854444_n_e6962e928f.jpg" alt="404307114_646213964366518_2841422227256854444_n.jpg"></figure>&nbsp;<figure class="image"><img src="https://knadmin.beoblood.kz/uploads/402986953_646213954366519_3571802074742172212_n_e88cabea99.jpg" alt="402986953_646213954366519_3571802074742172212_n.jpg"></figure>

Тапсырманы уақытылы орындамаған басшыларға тәртіптік шара көрілді

<a href="https://kyzylorda-news.kz/">Kyzylorda-news.kz.</a> Бас Прокурор Берік Асыловтың төрағалығымен отбасылық-тұрмыстық зорлық-зомбылық профилактикасы мен қоғамдық орындарда құқық бұзушылықтың алдын алу мәселелері жөніндегі үйлестіру кеңесінің отырысы өтті.Іс-шараға Президент Әкімшілігінің өкілдері, Парламент депутаттары, Қазақстан Республикасындағы Бала құқықтары жөніндегі уәкіл, сондай-ақ мемлекеттік органдардың басшылары мен басқа да мүдделі тұлғалар қатысты.Отырыста Бас Прокурор Мемлекет басшысының тапсырмасы аясында тұрмыстық зорлық-зомбылық деңгейін төмендету бойынша шаралар кешені қабылданып жатқанын атап өтті.<blockquote>«Бүгінде көшедегі мәдениетсіздіктен бастап ұрлау, тонау және кісі өлтіруге дейінгі қылмыстардың барлық түрлеріне қарсы тұру қажет. Жыл басынан бері 80 адам кісі өлтіргені, өлімге әкеп соқтырған ауыр зиян келтіргені үшін ұзақ мерзімге бас бостандығынан айырылды. 2023 жылдың үшінші тоқсанында ғана 27 мың «отбасылық дебошир» әкімшілік жауапкершілікке тартылды, себебі ағымдағы жылдың 1 шілдесінен бастап полиция мұндай адамдарды өз бастамашылығымен анықтау құқығына ие болды. Ал алдыңғы тоқсанда жәбірленушілердің өтініштері бойынша тек 7 мың әкімшілік құқық бұзушы жауаптылыққа тартылды», - деді Берік Асылов.&nbsp;</blockquote><figure class="image"><img src="https://knadmin.beoblood.kz/uploads/e497cb3b_893b_420c_a6ed_8be09a424bf0_bde1a8625c.jpg" alt="e497cb3b-893b-420c-a6ed-8be09a424bf0.jpg"></figure>Сонымен қатар жағдайға теріс әсер ететін бірқатар факторлар сақталатыны атап өтілді.Бұрынғысынша, отбасылық-тұрмыстық саладағы құқық бұзушылықтардың жоғары үлесі жасырын болып қала береді, себебі жәбірленушілер қорқып, жасалған зорлық-зомбылық туралы жасырады.Тұрмыстық зорлық-зомбылық деңгейінің төмендеуі үшін зардап шеккендермен тиімді әлеуметтік жұмыс және жергілікті атқарушы органдар тарапынан жеткілікті қаржыландыру тікелей жасалуы тиіс.<blockquote>«Елдегі аудандардың 85%-ы дағдарыс орталықтарымен қамтылмаған. 2022 жылы әлеуметтік қызметтер (тұрмыстық қызметтер көрсету, дәрігерге дейінгі медициналық, психологиялық, заң көмегі, оның ішінде құжаттарды қалпына келтіру бойынша, жеңілдіктер мен жәрдемақыларды ресімдеуге көмек, кәсіптік бағдар беру және жұмысқа орналастыру) &nbsp;2 749 құрбанға көрсетілгенімен, олардың саны 13 есеге – 38 мың көп болды. Сонымен қатар алкоголизм, нашақорлық, азғындық өмір салты құқық бұзушылықтарға ықпал етеді», - &nbsp;дейді Бас Прокурор.</blockquote>Берік Асылов атап өткендей, профилактиканы жетілдіру жұмысындағы маңызды бағыт «мүлдем төзбеушілік» қағидатын ілгерілету болып табылады.Бұл ретте жазаның бұлтартпастығы халықтың құқықтық мәдениетін арттырумен, азаматтардың ел заңдарына және бір-біріне деген құрметіне тәрбиелеумен қатар жүруге тиіс. Құқық бұзушылықтың барлық түрлеріне қарсы тұруды жастарға ерте жастан үйрету керек.Талқылау қорытындысы бойынша отбасылық-тұрмыстық зорлық-зомбылықтың, сондай-ақ қоғамдық орындардағы қылмыстың алдын алуды күшейту бойынша бірқатар шаралар ұсынылды.Қолайсыз отбасыларды анықтау тетігін жетілдіру жөнінде отбасын қолдау орталықтарын пайдаланудың тиімділігін зерделеп, шаралар қабылдау мақсаттары тұр.Ұйымдастырушылық-практикалық шаралармен қатар зорлық-зомбылықтың кез келген түріне қарсы күрес тетіктерін жетілдіруге бағытталған заңнамалық өзгерістер енгізуді пысықтау жоспарланған.Түзетулер қатарында мас күйінде денсаулыққа кез келген зиян, оның ішінде отбасылық-тұрмыстық салада келтіргені үшін жауапкершілікті күшейту ұсынылды.Отырыс соңында Бас Прокурор қоғамды және әрбір азаматты тәртіп орнатуда белсенді қолдаудың маңыздылығын атап өтті.Жергілікті жерлердегі прокурорларға үйлестіру шараларымен қылмыс деңгейін төмендету, сондай-ақ құқық бұзушылықтар жасауға ықпал ететін себептер мен жағдайларды жою жөніндегі міндеттерді іске асыруды қамтамасыз ету тапсырылды.&nbsp;

Қазақстан және Қызылорда облысының жаңалықтары