Фото: Өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облыстық сотына 85 жыл толды. Мерейлі мерейтой қарсаңында Қызылорда облысының соттары яғни 16 аудандық және оған теңестірілген соттар арасында «Үздік сот кеңсесі» атты байқауы ұйымдастырылды. Нәтижесінде Сырдария аудандық соты әкімшісі жылдың «Үздік сот кеңсесі» деп танылды.&nbsp;Осыған орай, еңбек адамдарының жұмысын насихаттау мен жыл үздіктерін дәріптеу мақсатында Өңірлік коммуникациялар қызметі баспасөз конференциясын өткізді. Ақпарат алаңында сот жұмысы туралы Сырдария аудандық соты әкімшісінің басшысы Нұрхан Әбдікәрім айтты.<blockquote>- Азаматтық істер бойынша талап қою мен арыздардың «Сот кабинеті» сервисі арқылы жүзеге асырылады. Осыған сәйкес жыл басынан бері төрелік ақпараттық жүйесі арқылы 433 кіріс құжат тіркелген. Сырдария аудандық соты фронт офиспен қамтамасыз етілген. Онда сотқа келушілерге компьютерлік қызметтер көрсетіледі. Сонымен қатар, кез келген азаматқа «Сот кабинеті» сервисін пайдалану мүмкіндіктері қамтамасыз етілген, яғни арыз-шағым жолдау мүмкіншілігі қарастырылған. Жыл басынан бері «Е-өтініш» АЖ-і арқылы 10 өтініш тіркеліп, барлығы уақытылы жауап берілді. Міне, осының нәтижесінде жылдың үздік соты иелендік, - деді Нұрхан Есенгелдіұлы.</blockquote>

Соттар арасында «Үздік сот кеңсесі» атты байқауы ұйымдастырылды

<a href="https://kyzylorda-news.kz/">Kyzylorda-news.kz.</a> eGov mobile мобильді қосымшасында бірыңғай ұлттық тестілеу куәлігінің цифрлық нұсқасын жүктеуге болады, деп хабарлайды "Ұлттық ақпараттық технологиялар" АҚ.Цифрлық сертификатта әрбір пән бойынша ұпайдың саны көрсетілген. Сондай-ақ, ұлттық тестілеу орталығының электрондық цифрлық қолтаңбасы бар.Сондай-ақ, ҰБТ сертификаттары IB, ACT, SAT, A-Level сияқты халықаралық тесттерге қарай жіктелген. Назарбаев зияткерлік мектебінің түлектеріне, ақылы оқуға немесе мемлекеттік білім беру бағдарламаларына қатысуға үміткерлерге арналған куәліктер бар.<blockquote>"Бұл түлектерге ұлттық бірыңғай тестілеу нәтижелерін ұсыну үшін цифрлық сертификатты пайдалануға мүмкіндік береді",- деп Ұлттық ақпараттық технологиялар" АҚ Басқарма Төрағасы Ростислав Коняшкин атап өтті.</blockquote>ҰБТ сертификатын алу тәртібі:Қосымшаға кіріп, басты бетте "Сандық құжаттарды" басу;Құжаттар тізімін жаңартқаннан кейін ҰБТ куәлігі шығады;Айта кетері, ҰБТ куәлігінің мерзімі аяқталса, цифрлық құжаттар тізімінде көрсетілмейді. Ондай құжат тест тапсырғаннан кейін келесі жылдың 31 желтоқсанына дейін жарамды. Цифрлық куәліктің түпнұсқалығын QR-код арқылы тексеруге болады.Қазіргі уақытта "Цифрлық құжаттар" сервисінде 30 құжат, соның ішінде жеке куәлік, жүргізуші куәлігі, ҚР азаматының паспорты және басқалары бар.

Ұлттық тестілеу куәлігінің цифрлық нұсқасын жүктеуге болады

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Жалағаш ауданына жұмыс сапарымен барып, Аламесек ауылдық округіндегі дәрігерлік амбулаторияның ашылу рәсіміне қатысты. Кейінгі күндері аймақтың ауылдарында бой көтерген медициналық нысандар қызметін бастауда. Жаңа амбулаториялардың ашылуы жұртшылықтың мерекелік көңіл-күйімен астасып, ауылдағы ағайынның қуанышы еселенді.Бүгінгі рәсімде тұрғындарды Жаңа жыл мерекесімен және жаңа нысанның ашылуымен құттықтаған аймақ басшысы халық денсаулығын нығайтудағы жаңашылдықтарға, бастамаларға тоқталды.<blockquote>«Мемлекет басшысы Қасым-Жомарт Кемелұлы «Ауылдық денсаулық сақтауды жаңғырту» жобасының әлеуметтік мәні зор. Біз ауыл тұрғындарын 100 пайызын сапалы алғашқы медициналық көмекпен қамтамасыз ету туралы айтып отырмыз. Бұл – мемлекет ретінде біздің міндетіміз» деп ұлттық жобаның маңызын атап өткен болатын.Қазір медициналық қызметтің қолжетімділігін, денсаулық сақтау инфрақұрылымын одан әрі жаңғырту арқылы саладағы реформалар алға жылжып келеді. Ел Президентінің бастамасымен қолға алынған «Ауылдық денсаулық сақтауды жаңғырту» ұлттық жобасы аясында елді мекендерде 27 нысан салынуда. Оның ішінде 15 дәрігерлік амбулатория құрылысы аяқталып, ел игілігіне берілуде. Бүгінге дейін 6 дәрігерлік амбулаторияны аштық. Ауылдардағы жаңа ғимараттар тұрғындар саулығын жақсартуға қызмет етсін!», – деді Нұрлыбек Машбекұлы.</blockquote>Рәсімде Қазақстанның еңбек сіңірген қайраткері, Ұлттық құрылтай мүшесі Қылышбай Бисенов жерлестерін құттықтап, Аламесек ауылдық ардагерлер кеңесінің төрағасы Әбдіқайыр Әйтімов бата берді. Сондай-ақ, мердігер мекеме өкілдері мен ауыл азаматтарына марапат тапсырылды.Айта кетейік, Аламесек ауылдық округінен ашылған жаңа амбулаторияның лабораториялық құрал-жабдықтарымен көршілес Жанадария және Еңбек ауылы тұрғындарына да медициналық қызмет көрсетіледі. Құрылысты салған «Асар» ЖШС ғимараттың келушілерге жайлы болуына баса мән берген. Онда тіркеу орны, қабылдау, дәріхана, оқшаулау, физотерапиялық емдеу, егу бөлмелері, лаборатория, архив, күндізгі емдеу стационары, жалпы тәжірибелік дәрігердің кабинеті бар. Мүмкіндігі шектеулі жандар үшін қолайлы жағдай жасалған.Биыл облыс бюджеті 57 пайызға өсіп, 609 млрд. теңгеге жетті. Қаржының басым бөлігі әлеуметтік салаға бағытталды. Оның ішінде медицина саласына 138 млрд. 600 млн. теңгеден астам қаржы бөлінді. Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы жақын күндері пайдалануға беріледі. Оған қоса 9 медициналық нысанға күрделі жөндеу жүргізіліп, 5 нысанның жылу жүйесі газға ауыстырылуда.Жыл соңына дейін көпбейінді облыстық аурухана жанынан 70 төсектік перинаталдық орталық, қалаға қарасты Досан елді мекенінде медициналық бекет, Жаңақорғандағы көпбейінді аудандық аурухана базасында балаларға арналған «Қамқорлық» оңалту орталығы ашылмақ.<img src="https://knadmin.beoblood.kz/uploads/414460372_665126522475262_9128991253595662592_n_98a44d417e.jpg" alt="414460372_665126522475262_9128991253595662592_n.jpg"><img src="https://knadmin.beoblood.kz/uploads/414477300_665126432475271_2091774217345008221_n_da4b1aeb12.jpg" alt="414477300_665126432475271_2091774217345008221_n.jpg"><img src="https://knadmin.beoblood.kz/uploads/414483867_665126755808572_8926972337551330020_n_590055da28.jpg" alt="414483867_665126755808572_8926972337551330020_n.jpg">

Жалағаш: Аламесекте жаңа амбулатория ашылды

Фото: lada.kz<a href="https://kyzylorda-news.kz/">Kyzylorda-news.kz.</a> Біріккен Ұлттар Ұйымының Балалар қоры (ЮНИСЕФ) қызылшаның таралуы бойынша Қазақстанды әлемде бірінші орынға қойды, деп хабарлайды Sputnik.Денсаулық сақтау министрлігінің желтоқсан айының басындағы мәліметі бойынша Қазақстанда қызылша жұқтыру жиілігі 100 мың адамға шаққанда 88,9-дан асты, деп хабарлады портал. Қазан айының соңында бұл көрсеткіш 100 мың адамға шаққанда 69 жағдайды құрады.Қазақстанда қызылша жұқтырғандар саны 20,2 мың адамға жетті. Шығыс Қазақстан облысында алты айлық сәби қайтыс болды. Бала әлі екпе жасына жетпегендіктен вакцина алмаған. Ұлттық профилактикалық егу күнтізбесі бойынша қазақстандық балалар қызылшаға қарсы бірінші екпені 12-15 айлығында, екіншісін 6 жаста алады.<blockquote>"Биыл Қазақстанда қызылша ауруы өршіп тұр. Ауру жұқтырғандар саны 13,3 мың адамнан асқан "пандемияға дейінгі" ауыр 2019 жылмен салыстырғанда, биыл дертке шалдыққан саны айтарлықтай көп", - деп жазылған хабарламада.</blockquote>Аймақтар бойынша ауру жұқтырғандардың ең жоғары көрсеткіші оңтүстікте – Шымкент қаласында (100 мың тұрғынға шаққанда 258,9) және Жамбыл облысында (194,8) тіркелді. Ең аз көрсеткіш Солтүстік Қазақстан (100 мың адамға шаққанда 9,8) және Шығыс Қазақстан (12,8) облыстарында байқалды.Осы жылы ауырғандардың басым бөлігі балалар мен жасөспірімдер, олардың үлесі 84,4%-ды құрады.Егер пандемияға дейін 2 жасқа дейінгі балаларды қызылшаға қарсы профилактикалық екпемен қамту 99,2%-ке жетсе, 2020 жылы ол 92,9%-ке дейін төмендеді. Ревакцинациядан өтуі тиіс адамдардың жас бойынша тобында 2019 жылы қамту 97,8%-ті құраса, пандемияның екінші жылында бұл көрсеткіш 95,9%-ке дейін төмендеді. Бұл топтың 2020 жылға арналған деректері жарияланған жоқ.Екпе алмаған балалар санының көбеюі, яғни ата-аналардың екпеден бас тартуы тағы бір маңызды себеп болып тұр. Науқастардың арасында екпе алмаған балалардың үлесі 83,6%-ті құрайды.

БҰҰ Қазақстанды қызылша ауруы ең көп тараған ел деп атады

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шәменов дәстүрлі «QOSYL премия» қала жастарының қорытынды кешіне қатысып, «Самғау» жастар сыйлығының лауреаттарын марапаттады. Еркін формат, ерекше көңіл-күйде өткен шарада сөз алған қала әкімі Асылбек Өмірбекұлы жастардан көп үміт күтетінін тілге тиек етті.<blockquote>Биылғы жыл Сыр өңірі үшін айтулы оқиғаларға толы болды. Қос тойымыз қабат келіп, аймақтың 85 жылдық, шаһарымыздың 205 жылдық мерейтойларын сән-салтанатымен атап өттік. Бұл мерекелік күндерде жастарымыз белсенділік танытып, ауызбіршіліктің жарқын үлгісін көрсетіп, қоғамның қозғаушы күші екендігін дәлелдеді.Жастар бастамаларының тұрақты қолдауға ие болуының арқасында Қызылордада жастар саясаты саласында ауқымды жұмыстар атқарылуда.Сондай-ақ, «Жұмыспен қамту бойынша биыл жастардың жұмыссыздық деңгейі 4,6%-ға дейін төмендеп, аймақ басшысының қолдауымен алғаш рет «Сыр Жастары» бағдарламасы қабылданды. Бұл бағдарлама арқылы өңір жастарына жыл сайын 100 пәтердің кілті табысталады. Қолдаулар легі мұнымен тоқтамайды. Біз әрбір жастың бастамаларын қолдауға және олардың қабілетін шыңдауға дайынбыз» деген шаһар басшысы Асылбек Шаменов Сыр елінде шығыс жастарының жалынды көшбасшысы болған Ғани Мұратбаевтың қазіргі ізбасарларының қалыптасып келе жатқанына риза екенін жеткізді.</blockquote>Шарада әр номинация бойынша үздік он жасқа Қызылорда қаласы әкімінің 100 000 теңге ақшалай сыйлығы мен «Самғау» жастар сыйлығының естелік статуэткасы табыс етілді. Сонымен қатар, салтанатты жиында қоғамдық жұмыстарға белсене араласып, жастар саясаты саласында жемісті еңбек етіп жүрген бірқатар жастар қала әкімінің арнайы «Алғыс хаттарымен» және қызықты номинациялармен марапатталды.Қала әкімі Асылбек Шаменов «Біз Мемлекет басшысының «Жастармен бірге» қағидатын ұстанып, Өздеріңіз секілді жалынды жастармен Әділетті Қазақстанның іргесін бекітеміз. Келе жатқан Ұлу жылы армандарымыз орындалар берекелі жыл болсын!» деген жүрекжарды лебізін білдірді.Қазіргі таңда елімізде жастардың дамуына барлық мүмкіндік қарастырылған. Оның дәлелі – биыл Мемлекеттік жастар саясаты туралы Заңға өзгерістер енгізіліп, жастар санаты 35 жасқа дейін ұзартылды. Сондай-ақ, жергілікті мемлекеттік органдарды бағалау көрсеткішіне «Жастардың даму индексі» қосылды.Облыс орталығында жастардың әлеуметтік жобаларын қолдау үшін жергілікті бюджеттен 18 млн. 113 мың теңге бөлінді. Бұл қаражат келер жылы да артып, қажетті шаралар жүзеге асырылатын болады.

 «Самғау» жастар сыйлығының лауреаттары марапатталды

<a href="https://kyzylorda-news.kz/">Kyzylorda-news.kz.</a>&nbsp; Спорт - полицейлердің кәсіби қызметінің маңызды бөлігі. Ол ішкі істер органдары қызметкерлерінің алдына қойылған міндеттерін табысты орындауға және жұмысқа жоғары қабілеттілігін сақтауға мүмкіндік береді. Осыны ескере отырып, Қызылорда облысы Полиция департаментімен дене шынықтыру және спортқа ерекше көңіл бөлінеді.&nbsp;Бүгінгі күні Қызылорда облысының Полиция департаментінде спорттық түрлі дәрежелері бар 126 қызметкер еңбек етеді. Олардың ішінде 5 халықаралық дәрежедегі спорт шебері, 15 спорт шебері және спорт шеберіне үміткер 106 &nbsp; қызметкер бар. Қызметімен қатар спорттыкәсіби деңгейде алып жүрген полицейлердің әрқайсысы құрметке лайық.&nbsp;Осы орайда бүгін Қызылорда облысының Полиция департаментінде салтанатты іс – шара өтті. &nbsp;Қызылорда облысы Полиция департаментінің бастығы &nbsp;полиция генерал-майоры Аблазимов Махсудхан Нұғманұлының бастамасын өткен салтанатты шарада үздік атанған мықты спортшы полицейлер марапат төрінен көрінді. Департамент бастығы ел намысын қорғап, көк туымызды көкке көтерген спортшылармен кездесіп, сый-құрмет көрсетті.&nbsp;<blockquote>2023 жыл – спорт саласында біз үшін үлкен жетістіктерге қол жеткізген нәтижелі жыл болды. Қандай спорт түрі болмасын халқымыз қайсарлық пен жігерлігімен көзге түсіп, сан сайыста жеңіс тұғырынан көрініп келуде. Еліміздің көк байрағын желбіретіп, әнұранымызды өзге ұлт өкілдеріне тыңдатқан спортшыларымыздың қатары өз арамызда да аз емес. Жалпы біздің қатарымызда түрлі спорттық дәрежелері бар 126 қызметкер еңбек етеді. &nbsp; Бүгінгі күні &nbsp;Полиция департаменті және «Динамо» дене шынықтыру-спорт қоғамының Қызылорда облыстық филиалытарапынан спортшыларымыздың жоғарғы спорттық шеберліктерін шыңдауға барлық жағдайлар жасалған. Қызмет пен спортты қатар алып жүрген әріптестеріміз қандай да болмасын марапатқа лайық және қызметке жаңадан қабылданып жатқан жас мамандарымызға үлгі болуы қажет.&nbsp; Бұл чемпиондарымызға алдағы уақытта да үлкен жетістіктер, төзімділік пен жеңіске деген ерік – жігер тілеймін! &nbsp; Жаңа жыл қарсаңында отбасыларыңызға ырыс – несібе, дендеріңізге саулық, қызметтеріңізге абырой, толағай табыстар мен жаңа жеңістер тілеймін. Жаңа жылдарыңыз құтты болсын!», деп, лебізін білдірді Департамент бастығы.</blockquote>Салтанатты шара барысында Департамент бастығы әлемдік және республикалық ареналарда еліміздің және полицияның намысын қорғап, жоғары жетістіктерге қол жеткізіп, көк туымызды көтеріп, әнұранымызды ойнатқан спортшыларды арнайы атап өтті.&nbsp;Олардыңқатарында самбо күресі бойынша Әлем және Азия чемпионы полиция капитаны Ержан Абдуллаев, самбодан Әлем чемпионатының күміс жүлдегері, республикалық жарыстардың бірнеше дүркін жеңімпазы полиция аға лейтенанты Арайлым Оразбай, грепплингтен және самбо күресінен Әлем чемпионатының бірнеше дүркін жүлдегері полиция аға лейтенанты Ғайни Нұрмахан, жекпе-жектен Әлем және Азия чемпионы полиция аға лейтенанты Асқар Қоңқабаев пен &nbsp;полиция аға лейтенанты Нұршат Аманқосов, республикалық жарыстардың бірнеше дүркін жеңімпазы, &nbsp;әлем чемпионатының күміс жүлдегері, Еуропа чемпионы полиция аға лейтенанты Нұрбол Сқақов, жекпе-жектен Тәуелсіз Мемлекеттер Достастығының чемпионы, Әлем чемпионатының күміс жүлдегері, қоян-қолтық ұрыстан &nbsp;Еуропа чемпионы полиция аға лейтенанты Алтынбек Тұрмаханов, Орал қаласында республикалық деңгейде өткен «Президенттік көп сайыс» чемпионатында 1 орын иеленген Жақапбаев Абзал бар.&nbsp;Сондай – ақ, Қызылорда қаласында «Жауынгерлік атудан» өткен Республика чемпионатында жүлделі 2 орын алған Исатай Абылайхан және осы чемпионатта жүлделі 3 орын алған Даврушов Руслан мен &nbsp;Мажитова Дариғаны ерекше атап өтті.&nbsp;Спортшылардың құрметіне ұйымдастырылған салтанатты шара мерекелік концертке ұласты. Әсем ән, күмбірлеген күй орындалып, көрерменді ерекше әсерге бөледі.&nbsp;Жеңіс тұғырынан көрінген полицейлерге бағалы сыйлықтар табысталды. Бұған қоса, «Динамо» дене шынықтыру-спорт қоғамы Қызылорда облыстық филиалының төрағасы Миралиев Қуандық үздік спортшыларға арнайы естелік сыйлықтарын ұсынды. &nbsp;&nbsp;<img src="https://knadmin.beoblood.kz/uploads/0_V4_A5980_eac112bdd0.JPG" alt="0V4A5980.JPG">&nbsp;<figure class="image"><img src="https://knadmin.beoblood.kz/uploads/0_V4_A5993_6ca6ee9729.JPG" alt="0V4A5993.JPG"></figure>&nbsp;

Ел намысын қорғаған үздік спортшылар марапатталды

<a href="https://kyzylorda-news.kz/">Kyzylorda-news.kz.</a> Қызылорда қаласының көркін айшықтайтын көпқабатты тұрғын үйлер биыл ерекше жаңартылды. Айталық, осы жылы қала тұрғындарының игілігі үшін 1 млрд теңгеге 20 көпқабатты тұрғын үйдің аулалары абаттандырылып, көпшілікке заманауи спорт алаңдары мен жаяу жүргіншілерге арналған тротуарлар салынып, жарық бағаналары орнатылды. Бұл игі істер қала күні мен Қызылорда облысының 85 жылдығына орай тұрғындарға тарту етілді.Айта кетейік, жергілікті кәсіпкерлер, облыстан шыққан меценаттар туған жерді көркейтуге үлес қосып, белсенділік танытты.Сонымен қатар, маусым айынан бастап демеушілердің қолдауымен құны 1,1 млрд теңгеге облыс орталығындағы 30-дан астам ескі көпқабатты тұрғын үйдің қасбеттері заманауи панельдермен қапталды. Аталған жұмыстар жергілікті демеушілердің, атап айтқанда қала құрылысшылары мен кәсіпкерлердің қолдауымен жүргізілді. Кәсіпкерлердің бұл игілікті қадамы туған жерге тарту жасаудан туындаған.«Бар игілік балаларға» - демекші жас ұрпаққа қолдау көрсету Сыр өңірінде әрдайым жалғасын тауып келеді. Осы мақсатта аймақ басшысының бастамасымен сырбойылық балаларға жан-жақты қолдау көрсету және салауатты өмір сүру қағидатын қалыптастыру мақсатында игілікті істер жүзеге асты.Атап айтқанда, былтыр жергілікті демеушілердің есебінен «Балалар жылына» орай Қызылордада 1,6 млрд теңгеге 80 балалар спорт-ойын алаңы тарту етілді. Оның 50-і облыс орталығында, қалған 30-ы аудандарда салынды.Спорттық тренажерлармен жасақталған балалар ойын алаңдарында емін-еркін спортпен шұғылдануға және бой сергітуге ыңғайлы жағдай жасалған.<img src="https://knadmin.beoblood.kz/uploads/413891714_1918470968548406_2688450935086244571_n_bf2f3acb36.jpg" alt="413891714_1918470968548406_2688450935086244571_n.jpg">

Жыл қорытындысы: Көпқабатты тұрғын үйлердің аулалары жөндеуден өтті

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында Қазақстан Республикасындағы 2030 жылға дейінгі Қауіпсіз еңбек тұжырымдамасы талқыланды.Үкімет басшысының айтуынша, осы салада қалыптасқан проблемаларды кезек күттірмей шешу үшін алғаш рет тұжырымдама әзірленді.Еңбек және халықты әлеуметтік қорғау министрі Светлана Жақыпова тұжырымдама Мемлекет басшысының «Әділетті Қазақстанның экономикалық бағдары» атты халыққа Жолдауындағы тапсырмасын орындау үшін дайындалғанын айтты. Құжат 4 негізгі бағытты қамтиды. Олар – тәуекелге бағдарланған тәсіл негізінде еңбекті қорғаудың ұлттық жүйесін жаңғырту, жұмыс орындарындағы тәуекелді төмендету шараларын экономикалық ынталандыру, кәсіби құзыреттер мен ғылыми әлеуетті дамыту, сондай-ақ, еңбекті қорғау саласындағы бақылау мен мониторингтің тиімділігін арттыру.Үкімет жиынынан кейінгі арнайы мәжілісте облыс әкімі Нұрлыбек Нәлібаев кәсіпорындарды тексергенде бірқатар заң бұзушылық анықталғанын атап өтті.<blockquote>«Қызылорда облысы бойынша мемлекеттік еңбек инспекторлары жыл басынан бері 231 кәсіпорында тексеру жүргізіп, 368 заң бұзушылықты анықтаған. Заңнама талаптарын бұзғандарға 186 нұсқама беріліп, 33 ескерту және 7,9 млн.теңге көлемінде айыппұл салынды. Кейбір кәсіпорындарда еңбек қауіпсіздігі талаптары сақталмағандықтан, қайғылы оқиғалар орын алып, кісі өлімі болады. Бұл – мекемені басқарушының салғырттығы және адам өміріне деген немқұрайлы көзқарасы», – деді аймақ басшысы.</blockquote>Осы ретте, облыстық бақылау жөніндегі басқармасына аймақтағы меншік нысанына қарамастан барлық мекемедегі еңбек қауіпсіздігін бақылауға алу тапсырылды. Ол үшін оқыту жұмыстарын күшейтіп, қызметкерлердің сапалы қорғаныс құралдарымен қамтамасыз етілуін тұрақты түрде қадағалау және өндірістік жарақат бойынша тәуекел дәрежесі жоғары кәсіпорындарды анықтау өте маңызды. Еңбек қауіпсіздігі және еңбекті қорғау талаптарының сақталуына профилактикалық жұмыстар жүргізілуі керек.Мұнан бөлек, Қызылорда қаласы және аудан әкімдеріне мерекелік демалыс күндері коммуналдық қызметтердің күшейтілген режимде, үздіксіз қызмет көрсетуін қамтамасыз ету, Сырдария өзеніндегі су тасқынының алдын алу, ал облыстық білім басқармасына оқушылардың қауіпсіздігін бақылау міндеттелді.<img src="https://knadmin.beoblood.kz/uploads/414452997_665045545816693_1852267204184299651_n_525faf3bd9.jpg" alt="414452997_665045545816693_1852267204184299651_n.jpg"><img src="https://knadmin.beoblood.kz/uploads/414477297_665045635816684_3413101005680180713_n_17bdcec05d.jpg" alt="414477297_665045635816684_3413101005680180713_n.jpg">

Қауіпсіз еңбек тұжырымдамасы талқыланды

Фото: lola.by<a href="https://kyzylorda-news.kz/">Kyzylorda-news.kz.</a>&nbsp; Жаңа жыл мерекесі қарсаңында ата-аналар балалары үшін жаңа жылдық сыйлықтарды көптеп алады. Алайда балаларға сапалы әрі қауіпсіз сыйлық&nbsp; сатып алу үшін бірқатар ережені білген жөн. Бұл туралы Алматы қалалық санитариялық-эпидемиологиялық бақылау департаменті басшысының орынбасары Гаухар Каткенова айтты, деп хабарлайды <a href="https://kaz.inform.kz/">Kazinform.&nbsp;</a>Дәрігердің сөзінше, Жаңа жылдық сыйлықтарды ұйымдастырылған сауда орындарынан, яғни, дүкен, супермаркет, бөлшек және көтерме сауда базарларынан сатып алу керек. Сыйлықты сатып аларда ең алдымен қаптаманың түпнұсқалығы мен әсемдігіне емес, оның мазмұнына назар аудару керек.<blockquote>«Тәттілердің құрамында дәм мен хош иісті күшейткіштер, консерванттар (E200, E202, E210, E249), синтетикалық бояғыштар, табиғи секілді хош иістендіргіштер, гидрленген майлар мен тоң майлар, сондай-ақ табиғи кофе болмауы керек. Табиғи бояғыштар мен хош иістендіргіштерге рұқсат етіледі. Сонымен қатар балалар арасында ішек ауруына әкелуі мүмкін кремді кондитерлік өнімдер секілді тез бұзылатын өнімдерді алмаған жөн», - деді Гаухар Каткенова.</blockquote>Спикер атап өткендей, әрбір сыйлықта өнім туралы қазақ және орыс тілдерінде жазылған ақпарат пен анық оқылатын белгі (затбелгі) болуы керек.Тамақ өнімдерінде міндетті түрде мына мәліметтер болуы тиіс:өнімнің атауы;дайындаушының өз аумағында тұтынушылардан шағым қабылдауға уәкілетті дайындаушының атауы және орналасқан жері (бар болса);нетто салмағы;дайындаушының тауар белгісі (бар болса);өнімнің құрамы;тағамдық құндылығы;сақтау шарттары;жарамдылық мерзімі немесе сақтау мерзімі (карамель мен драже үшін);өнім жасалған және сәйкестендірілуі мүмкін құжаттың белгіленуі;сәйкестікті растау туралы ақпарат болу керек.Сонымен бірге, тәтті жаңа жылдық сыйлықты таңдаған кезде қаптаманың беріктігіне назар аудару керек. Бұл ретте кәмпиттер мен басқа да тәттілер сыртқы әсерден жақсы қорғалуы керек, қаптама мықтап жабылуы керек, мыжылған немесе деформацияланбаған болуы тиіс. Кондитерлік өнімдерді тоңазытқышта немесе қаптамада көрсетілген температуралық режимі бар бөлмеде сақтау керек.<blockquote>«Егер жұмсақ ойыншық алғыңыз келсе, онда қатты немесе өткір заттар болмауы керек. Жұмсақ ойыншықтың тігістері берік болуы керек. Сонымен қатар таңбалау тұтынушы қаптамасына немесе ойыншықпен бірге жүретін төсемге жазылуы керек. Таңбалау анық, жақсы көрінетін, өшірілмейтін болуы тиіс және онда ойыншықтың атауы мен жас ерекшелігі, дайындаушы кәсіпорынның атауы, мекенжайы, жасалған күні, қауіпсіз пайдалану жөніндегі ескерту жазбалары болуы тиіс», - деді спикер.</blockquote>Үш жасқа дейінгі балаларға арналған ойыншықтарды дайындау кезінде оған шыны мен түкті материалдарды араластыруға және құрамында тез тұтанатын материалдарды, қатты немесе өткір бөгде заттары бар (шегелер, инелер, металл жоңқалар, шыны сынықтары және т. б.) толтырғыш материалдарды қолдануға жол берілмейді. Ойыншықтардың пішіні дұрыс, беті тегіс болуы керек.<blockquote>«Жаңа жылдық сыйлық балаңыздың денсаулығына зиянын тигізбеуі үшін ойыншықтардың сапасы мен қауіпсіздігі туралы стандарттардың талаптарына назар аударған жөн. Сондықтан сіз сатушыдан сыйлықтың сапасы мен қауіпсіздігін растайтын құжаттарды, атап айтқанда, сәйкестік декларациялары мен көлік жүк құжаттарын сұрауға құқылысыз», - деп атап өтті Гаухар Каткенова.</blockquote>

Балаларға жаңа жылдық сыйлықтарды қалай таңдау керек?

Фото: НЗМ<a href="https://kyzylorda-news.kz/">Kyzylorda-news.kz.</a> Қызылорда қаласындағы Зияткерлік мектеп ұжымы өңірдегі Шиелі ауданы Сұлутөбе ауылының №41 Мұстафа Шоқай атындағы орта мектеп кітапханасын жаңа кітап қорымен толықтырды. Сонымен қатар, «Номад» пен «Әйтеке би» шаңырақтарының ата-аналары атынан ауыл мектебіне принтер үйлестірді.Дәстүрлі Вookсrossing акциясына 7-12 сынып оқушылары, ата-аналар, мектеп қауымы қатысып, әлемдік бестселлер мен қазақ әдебиетінің танымды шығармалар топтамасын жинақтады.<blockquote>«BookCrossing – кітап алмасуға арналған халықаралық қоғамдық акция. Оның миссиясы – том-том кітаптарды жинақтап, тарату және кітап оқуға баулу», – дейді NIS-тің педагог-кітапханашысы Гүлмариям Түбекбаева.</blockquote>«Вookсrossing» желілік әлеуметтік акциясы Назарбаев Зияткерлік мектептерінің желісінде 2010 жылдан бастау алған. Бүгінге дейін өңірдегі мектеп ұжымы ауылдық кітапхана қорын 2300-ге жуық әдебиетпен толықтырды.Бұл жолы да мектеп қауымдастығы қазақ, орыс және ағылшын тілдеріндегі көркем шығармалар мен танымдық энциклопедияларды сыйға тартып, жас өрендердің сүйікті кітаптарына айналатынына сенім білдірді.<img src="https://knadmin.beoblood.kz/uploads/413876063_3523982177931691_2189147392226525602_n_5774bd53fa.jpg" alt="413876063_3523982177931691_2189147392226525602_n.jpg">

Вookсrossing: Зияткерлер ауыл мектебіне 200-ге жуық кітап сыйлады 

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a> Президент бастамасымен жыл сайын елімізде «Бірге: Таза Қазақстан» экологиялық акциясы өтеді. Биыл акцияға Қызылорда облысының 11 мыңнан астам тұрғыны ерікті түрде қатысып, туған жердің тазалығына үлес қосты.Осы ретте ауыл-аймақты көркейтуге, көгалдандыруға белсенді қатысатын елді мекендерді ынталандыру да қолға алынды.Өңірде алғаш рет аймақ басшысының қолдауымен «Үлгілі елді мекен» конкурсы өткізілді. Бұл мақсатқа облыстық бюджеттен 1 млрд теңгеге жуық қаржы бағытталды. Конкурсқа аймақ жұршылығы белсенді қатысып, жеңімпаз 12 елді мекенге күнделікті тұрмысқа ең қажетті деген заманауи үлгідегі 29 арнайы техника берілді.Мұнан бөлек, жоба аясында «Қызылорда электр тарату тораптары» мекемесіне құны 200 млн теңге болатын 16 автокөлік және «Қызылорда тазалығы» ЖШС-на 434,5 млн теңгенің 7 аралас жол көлігі табысталды.<figure class="image"><img src="https://knadmin.beoblood.kz/uploads/413914659_1918470718548431_2653206738948467206_n_85c8eff629.jpg" alt="413914659_1918470718548431_2653206738948467206_n.jpg"></figure>

«Үлгілі елді мекен» жеңімпаздарына 29 арнайы техника табысталды

<a href="https://kyzylorda-news.kz/">Kyzylorda-news.kz.</a>&nbsp; "Сақ стилі" сериясына енген номиналы 5 000 теңгелік банкнот айналымға шықты.<blockquote>"Ұлттық банк 2023 жылғы 25 желтоқсаннан бастап жаңа дизайнда 2023 жылғы үлгідегі номиналы 5 000 теңгелік банкноттарды айналымға шығарады", - деп хабарлады банктің баспасөз қызметі.</blockquote>Бұл – "Сақ стилі" жаңа сериясының алғашқы банкноты. Ол дәстүрлі қазақ ою-өрнегінің бастаушысы болып саналатын және көшпенділердің бірегей мәдениетінен бастап бүгінгі Қазақстанға дейінгі ел мұрасын бейнелейтін "Сақ стилі" элементтеріне негізделген.<h3 style="margin-left:0px;">Ақша белгісінің дизайны мен формасы қандай</h3>Сақ стиліндегі 5000 теңгелік банкнотТүсі - қызыл-қызғылт сары. Банкноттың бет жағында:көкте қалықтап ұшқан құспен "Өмір ағашының" бұтағы (Есік қорғаны, б. д. д. 5-4 ғғ., Алтын адам бас киімінің бір бөлігі, табиғат пен наным байланысының қасиетті мағынасы);ДНҚ спиралы және адамның табиғатпен байланысын білдіретін ою-өрнекпен стильдендірілген шексіздік символы;жәдігер-бүркіт фигурасы түріндегі безендіру (Қорған Талды II, б.д. д. 7-6 ғғ.; бүркіт шексіз еркіндіктің, күш пен ептіліктің символы ретінде).Банкноттың сырт жағында ою-өрнекпен безендірілген қалқан фонындағы бүркіт бейнеленген. Негізгі бейненің артында дөңгелек қазақтың ою-өрнегі орналасқан. Бұл бейне мына идеяларды білдіреді:"Қалқан" - құндылықтарды қорғау;ежелгі символ - әлемнің төрт құбыласы;ортасындағы күн белгісі - өмірдің символы.Ұлттық банк ұлттық валюта банкноттарының жаңа сериясын таныстырды<img src="https://knadmin.beoblood.kz/uploads/aksha_foto_NBRK_bccdc563f8.jpg" alt="акша фото НБРК.jpg">© Photo : Нацбанк КазахстанаСондай-ақ банкноттың сырт жағында қанаты жайылған жәдігер-бүркіттің бейнесі орналасқан (Берел қорғандары "Патшалар Алқабы", б.д. д. 8-7 ғғ., ШҚО, безендіру элементі, еркіндік пен үйлесімділіктің символы). Банкноттың ортасында Шарын каньонының ландшафты көрінісі орналасқан "шексіздік" қазақтың ою-өрнегінің фон-контуры бар.<h3 style="margin-left:0px;">Бір жыл ішінде банкнотты ауыстырып үлгермеген жағдайда не істеу керек?</h3>Номиналы 5 000 теңге болатын жаңа банкноттар 2023 жылғы 25 желтоқсаннан бастап айналымға енеді және жыл бойы айналымдағы 2011 жылғы үлгідегі номиналы 5 000 теңге болатын ұлттық валюта банкноттарымен ауыстырылады.Яғни, ескі үлгідегі барлық банкнот бір жылдың ішінде айналымнан біртіндеп алынады. Тиісінше, банкноттар айналымда қатар жүрген уақытта халыққа ескі үлгідегі банкноттарды екінші деңгейлі банктердегі немесе ҚҰБ филиалдарындағы жаңа банкноттарға айырбастаудың қажеті жоқ. 2023 жылдың 25 желтоқсанынан 2024 жылдың 24 желтоқсанына дейін ескі және жаңа үлгідегі банкноттар айналымда қатар жүріп, есеп айырысуға жарамды болып саналады.Бұл орайда, жаңа үлгідегі банкноттар 2024 жылдың наурыз айында ғана жаппай айналымға түседі. Себебі оларды еліміздің барлық өңіріне жеткізіп, жабдықтарды (банкоматтар, терминалдар және кассалық техника т.б.) бейімдеу үшін белгілі бір уақыт қажет.Қатар айналым кезеңі аяқталғаннан кейін, яғни 2024 жылғы 25 желтоқсаннан бастап барлық банк пен Қазпоштада ескі үлгідегі банкноттарды 3 жыл ішінде жаңа үлгідегі банкноттарға айырбастауға мүмкіндік бар. Ал ҚҰБ филиалдарында оларды мерзімсіз айырбастауға болады.Жаңа үлгідегі (2023 жылғы) және ескі үлгідегі (2011 жылғы) банкноттар айналымда қатар жүретін кезең ішінде заңды төлем құралы болып саналады.

Қазақстан және Қызылорда облысының жаңалықтары