<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы Қазақстан халқы ассамблеясының Ақсақалдар кеңесінің отырысы өтті. Отырыстың күн тәртібінде – жастардың қазіргі ақпарат заманына бейімделуі және лудомания мәселесі болды. Жиында Қызылорда облысы Қазақстан халқы ассамблеясының Ақсақалдар кеңесі үндеу жариялады.&nbsp;<blockquote>«Біз, облыстық Ақсақалдар кеңесінің мүшелері - елдің өткенінен тәжірибе алып, бүгіні мен ертеңіне бей-жай қарай алмайтын азаматтармыз.&nbsp; Еліміздің тарихына жүгінсек, қай қоғамда болмасын, ақсақалдар қауіп-қатерлердің алдын алуға және келешекте елге қызмет ететін азаматтардың саламатты өмір салтын ұстанып жүруіне ақыл-кеңестерін беріп отырған. Лудомания, немесе ойын құмарлық - әлеуметтік, кәсіби, материалдық және отбасылық құндылықтардың төмендеуіне әкелетін патологиялық әрекет болып табылады. Аурулардың халықаралық классификациясы бойынша лудомания аурулар тізіміне енгізілді. Олардың адамды қызықтыратын бір тұсы - бұл ақшаға, түрлі жиһаз, малға деген құштарлық. Қарапайым түрде бай болудың оңай, әрі алдамшы жолы. Қазақстанда орта есеппен 350 мың адам құмар ойынның құрбанына айналса, орташа қарызы 10 млн теңгеден асады.&nbsp; Елімізде ажырасқан 10 жұптың әр 7-ші жұбы осы ойындардың кесірінен бір-бірінен ажырасуда. Құмар ойындардан шыға алмайтын адамдар лудомания ауруына шалдығады. «Ақымақтың мақсаты – байлық, ақылдының мақсаты - адамгершілік», - &nbsp;деп ата-бабамыз айтып кеткендей, адамгершілігі мол, ұлтжанды азаматтары бар қоғамды қалыптастыру қажет. Жоғарыда келтірілген мысалдарды негізге алып, облыстық Қазақстан халқы ассамблеясының Ақсақалдар кеңесі облыс тұрғындарын, мемлекеттік және қоғамдық ұйымдарды жиырма бірінші ғасырдың қоғамдық дерті болып саналатын лудомания көріністерімен бірауыздан күресуге шақырады: - Ата-аналармен, оқытушы қауымдастықпен тәрбие жұмыстарын күшейту; - Интернет желілерінде құмар ойын жарнамаларының шығып тұруына тосқауыл қою; - Көшелердегі жарнама ілетін тақтайшалар мен билбордтарда құмар ойындарды насихаттайтын жарнамаларды алып тастау және одан әрі болдырмау; - Облыс аумағында лото клубтар мен жасырын казинолардың орналасуын рейд жасау арқылы зерттеп, жабу; - Лудоманияның зияндығы тақырыбында қысқа метражды фильмдер түсіріп, оларды БАҚ мен барлық интернет желілерінде тарату», - делінген үндеуде.&nbsp; &nbsp;</blockquote>

Қызылордалық ақсақалдар үндеу жариялады 

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Құрылыстың көбеюі әлеуметтік мәселелерді шешіп, бой көтерген тұрғын үйлер, жаңа мектептер мен балабақшалар, дәрігерлік амбулаториялар, демалыс орындары жергілікті тұрғындардың игілігіне жарап, жұмыссыздық деңгейінің азаюына да өз үлесін қосары сөзсіз. Биыл да аймақта осындай оңды жұмыстар жалғасын тауып, бірқатар маңызды нысандардың іргетасы қаланды.&nbsp;Осы жылдың 11 айдың қорытындысымен құрылыс жұмыстарының көлемі Қызылорда облысында 134,1 млрд.теңгеге жетіп, өткен жылдың осы кезеңімен салыстырғанда 20,4 пайызға артты.Жыл соңына дейін 692,3 мың шаршы метр тұрғын үй пайдалануға беру жоспарланған. 11 айдың қорытындысымен702,7 мың шаршы метр тұрғын үй пайдалануға беріліп, жылдық жоспар артығымен орындалып тұр.Мемлекеттік қолдаудың арқасында құрылыс саласына бөлінген бюджет қаражатының көлемі де 3,5 есеге артты.- 2023 жылға 163 жобаны жүзеге асыруға 81 млрд. теңге қаржы бөлініп отыр.- Білім саласында, «Жайлы мектеп» ұлттық жобасы аясында 3 жылда облыста жалпы құны 86,0 млрд.теңгеге 21 білім нысаны салынатын болады, биыл соның 10 жайлы мектептің құрылысы басталды.- Бұған қоса, Қызылорда қаласында 2 000 орынға арналған 4 іргелі мектептің жанынан қосымша ғимараттар салынды.Қазіргі нарықтық бағамен есептегенде бір мектепке орта есеппен 3 млрд теңге кетеді. Ал, жоғарыда аталған бір қосымша құрылысқа 700 млн теңге ғана шығын кеткен.Жалпы, мемелекет қаржы есебінен 10 мектеп құрылысы және оқушылар сарайының құрылысы жүргізілуде, оның ішінде құны 7,6 млрд. теңгені құрайтын 300 орындық жатаққанасымен 400 орындық физика-математика мектеп-интернаты салынуда (2 жаңа мектеп және 4 мектепке қосымша құрылыс пайдалануға берілді).- «ҚазГерМұнай» компаниясымен Қызылорда қаласында құны 2 млрд. 350 млн теңгені құрайтын теңге заманауи үлгідегі «Оқушылар сарайының» құрылысы басталды.- «Саутс Ойл» компаниясы Қызылорда қаласында музыкалық колледж құрылысын салады. Жоба құны 4,8 млрд теңге.- «Қуатты өңірлер – ел дамуының драйвері» ұлттық жобасы аясында 11,8 млрд. теңге қаржы бөлініп отыр.- Бұл қаражатқа 1 346 пәтерді құрайтын 26 тұрғын үйдің құрылысы жүргізілуде.Бұдан бөлек, әлеуметтік жағынан осал топтар үшін пәтер алуға, республикалық бюджеттен 12,3 млрд. теңге және облыстық бюджеттен 1,1 млрд. теңге қаржы бөлініп, жыл соңына дейін 1302 пәтер сатып алу жоспарлануда.Аталған 1302 пәтердің 873 пәтері Қызылорда қаласынан, қалған 416 пәтер аудан орталықтарынан сатып алынды.&nbsp;2023-2024 жылдары облыста «Ауылда денсаулық сақтауды жаңғырту» ұлттық жобасы аясында 27денсаулық сақтау нысанын салу жоспарланып отыр. Биыл солардың құны 4,5 млрд. теңге болатын 16 дәрігерлік амбулатория мен 2 медициналық пункт нысандарының құрылысын бастадық және барлығы жыл соңына дейін аяқталып, пайдалануға берілетін болады.Сонымен қатар, құны 35,5 млрд. теңгені құрайтын емхана мен онкологиялық бөлімшесі бар 300 орындық көпбейінді аурухананың құрылысы және құны 2,7 млрд. теңгені құрайтын облыстық қан орталығының құрылысы жүргізілуде.- Мәдениет саласы бойынша, құны 3,5 млрд. теңгені құрайтын 1000 орындық өнер орталығы, 600 орындық мәдениет үйі және 5 ауылдық клуб құрылысы жүргізілуде.- Өткен жылы басталған құны 1,5 млрд. теңге болатын неке сарайының құрылысы аяқталып, биыл пайдалануға берілді.- Келер жылы 7 ауданда музей, кітапхана, мұрағат, неке қию залы, ардагерлер және аналар, жастар орталықтары, азаматтық қоғам өкілдері мен тарихи-мәдени, рухани ұйымдарды біріктіретін типтік үлгідегі «Руханият» орталықтары салынады.Спорт саласында 13 денешынықтыру сауықтыру кешенінің құрылысы жүргізілуде, оның ішінде құны 6,9 млрд. теңгені құрайтын көпсалалы спорт кешені құрылысын бастадық. Бұл спорт кешенінде ұзындығы 50 метр ені 20 метр болатын олимпиядалық бассейін болады және 7 түрлі спортқа арналған залдармен қамтылады (7 спорт нысаны пайдалануға берілді).<figure class="image"><img src="https://knadmin.beoblood.kz/uploads/414689337_3507306996202700_5438392156283456474_n_9726ded52f.jpg" alt="414689337_3507306996202700_5438392156283456474_n.jpg"></figure>&nbsp;<figure class="image"><img src="https://knadmin.beoblood.kz/uploads/412916590_3507306989536034_1029458082318691846_n_f54b142a73.jpg" alt="412916590_3507306989536034_1029458082318691846_n.jpg"></figure>

Жыл қорытындысы: Аймақта құрылыс жұмыстары қарқынды

Фото: elements.envato.com<a href="https://kyzylorda-news.kz/">Kyzylorda-news.kz.</a> Санаулы күндерден кейін Жаңа жыл мерекесі келеді. Осыған байланысты әлеуметтік желілерде "мұсылмандарға жаңа жыл тойлауға болмайды" деген ақпарат тарап жатыр. Желі қолданушыларының бір бөлігі мұны қате түсінік десе, екінші бөлігі жаңа жыл тойлауға үзілді-кесілді қарсы. Шынымен де мұсылман халқына жаңа жыл мерекесіне орай дастархан жайып, отшашу атып, тойлауына бола ма? Massaget.kz тілшісі анықтап көрді.Әрбір халықтың діни мерекелерінен бөлек өзіндік ұлттық, отандық мерекесі, әрбір тұлғаның өмірінде орын алатын қуанышты жайттарына арналған күндері болады. Көпшілік асыға күтетін жаңа жыл мейрамы да сол күндердің бірі. Ол әр елде өзінің ұлттық салт-дәстүріне сай тойланады. Дегенмен, мерекенің басты белгілері саналатын безендірілген жаңа жыл шыршасы, жаңажылдық дастархан, сыйлықтар - бәріне ортақ.Ал ислам діні бойынша негізінен&nbsp;екі мереке бар, олар ораза және құрбан айттары. ҚМДБ Шариғат және пәтуа бөлімінің маманы Елбек Тасболатұлының айтуынша, Құран кітаптың "Мәида" сүресі 48-аятында "Сендерден әрбір (үммет) үшін шариғат және жол белгіледік" деп жазылған.Дін өкілі ең алдымен үйге шырша қойып, оны безендіру қайдан шыққанын түсіндірді."Үйде шырша құру дәстүрі XVII ғасырдың басында Еуропада пайда болған деседі. Ал қазақ жерінде бұл дәстүр Кеңес Үкіметі кезінде орныға бастады. Өткен ғасырдың 20-жылдарында большевиктер "ескі режімнің дәстүрі" ретінде шырша қоюға және жаңа жылды тойлауға тыйым салған болатын, бірақ кейін оған қайта рұқсат берілді. Алғаш рет Кремль шыршасы 1954 жылы орнатылыпты, күні бүгінге дейін сол дәстүр жалғасып келеді. Шыршаны қасиеттеу, ұлықтау адамның діни сенімін бұзуы мүмкін", - дейді маман.&nbsp;Елбек Тасболатұлы сөзінше, шырша құрып, оны безендіру мұсылман халқына жат.&nbsp;"Ертеде адамдар ағашқа тамақ іліп қойса, аңшылардың қанжығасы майланады деп санаған. Жаңа жыл күні адамның келер жылғы тағдыры шешіледі және шыршаның алдында қандай тілек тілесең, сол орындалады деп сенген. Дегенмен, жаңа жылдың белгісі ретінде үйге шырша құру, оны безендіру бұрын біздің дәстүрде болмаған. Үйіне шырша тігіп, "Аяз ата келіп, сыйлық береді" деп ата-аналар балаларын алдамаған", - деді дін өкілі.Сондықтан маман әдеп-ғұрпымызда болмаған, шариғатымызда бұйырылмаған жаңа жыл қарсаңында үйде шырша құру әдетінен барынша арылған жөн екенін ескертті.Ақпарат дереккөзі:&nbsp; <a href="https://massaget.kz/basty-zhaalytar-438/97666/?fbclid=IwAR24BqKDKProYyQVy0ejG8SNeY5KGvwEVFzhvTJSkf3c2pkYM49zDQnvVBQ">Massaget.kz&nbsp;</a>&nbsp;

Мұсылмандарға жаңа жыл тойлауға бола ма?  

<a href="https://kyzylorda-news.kz/">Kyzylorda-news.kz.</a>&nbsp;Жүсіп Баласағын атындағы Қырғыз ұлттық университетінің базасында Қорқыт ата атындағы Қызылорда университетінің өкілдігін ашу туралы келісімге қол қойылды.Қырғыз серіктестер 2023 жылдың 7 шілдесінде жасалған ынтымақтастық туралы меморандум негізінде университеттің өкілдігі үшін кабинет пен материалдық-техникалық базаны тегін ұсынды.Келісім шеңберінде тараптар бірлескен ғылыми-білім беру іс-шараларын: білім алушылар мен оқытушылардың академиялық ұтқырлығы, магистрант, докторанттардың ғылыми тағылымдамаларын өзара кеңейтуге, бірлескен білім беру бағдарламаларын құруға, халықаралық рейтингтерге қатысуға, шетелдік студенттерді жалдауға, сондай-ақ мәдени байланыстарды дамытуға бағытталған қызметті жүзеге асыруға келісті.Жүсіп Баласағын атындағы Қырғыз ұлттық университетіне Қырғыз Республикасы Президентінің 2022 жылғы 18 шілдедегі №243 Жарлығымен кең ұйымдастырушылық, қаржылық және академиялық дербестікті көздейтін ерекше мәртебе берілді. Сонымен қатар, осы университетке Қырғыз мемлекеттік заң университеті қосылды. Университетте 28 мыңға жуық студент бар, оқыту бакалавриат, магистратура және докторантура деңгейінде 145-тен астам білім беру бағдарламалары бойынша жүргізіледі.Болашақта Жүсіп Баласағын атындағы Қырғыз ұлттық университетімен қос дипломды білім беру бағдарламаларын құру жоспарлануда.<figure class="image"><img src="https://knadmin.beoblood.kz/uploads/414662169_349375797844785_1462887913931237134_n_8bf9f6de8b.jpg" alt="414662169_349375797844785_1462887913931237134_n.jpg"></figure>&nbsp;<figure class="image"><img src="https://knadmin.beoblood.kz/uploads/414331195_349375847844780_4058346691108298142_n_3652707ce6.jpg" alt="414331195_349375847844780_4058346691108298142_n.jpg"></figure>

Қызылорда университеті мен Қырғызстан университеті қос дипломды білім беру бағдарламасын іске асырады 

Фото: Қызылорда облысының кәсіпкерлер палатасы<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының кәсіпкерлер палатасы алаңында өткен агроөнеркәсіп кешені кеңесі аясында өңірдегі тері өндірісін дамыту тақырыбы талқыланды. Кеңеске өндіріс саласына қатысты тиісті атқарушы орган өкілдері шақырылып, мәселенің мән-жайы кеңінен тарқатылды.Қазақстан Республикасының Индустрия және инфрақұрылымдық даму министрлігі 2019 жылдың наурыз айынан бастап ірі қара малдың терісін экспортқа шығаруға шектеу қойды. Бұл шектеу мал шаруашылығы ие­ле­ріне айтарлықтай шығын әкеліп, отандық кәсіпорындар инфрақұрылымының ішкі нарықтағы теріні сатып алуға дайын болмауы салдарынан қажетсіз лақтырыл­ған терінің көлемі артты.Шет елдерде теріден түрлі бұйымдар шығару технологиясы әлдеқашан дамыған. Еліміздің кей өңірлері осы тәжірибені пайдаланып келеді. Осыған орай, өңірімізде тері шаруашылығымен айналысатын бірнеше кәсіпкер тәжірибе алмасу мақсатымен өзге өңірлердегі, нақтырақ айтсақ Алматы қаласы мен Жамбыл, Түркістан облыстарындағы тері өңдеу зауыттарының жұмысымен танысып келген болатын.<blockquote>Олардың бірі тері өндіруші, өңірлік кеңес мүшесі Аблан Асенов «Түркістан облысы қазіргі таңда мал терісін өздері өңдеп, одан өздері түрлі тері бұйымдарын шығарып отыр. Жергілікті өнімдерге сұраныс та аз емес, себебі өнімнің сапасы әлдеқашан жолға қойылған. Біздің аймақта да тері өндірісімен айналысатын кәсіпкерлер бар, дегенмен біз терінің сапасына емес, санына жұмыс жасап отырмыз. Осы орайда малды механикалық дұрыс сою жұмыстары қолға алынса, яғни теріге зиян келтірмей сойып, әрі қарай оны өңдеуге жағдай жасалса»,-деген ұсынысын білдірді.</blockquote>Бұл ретте, «Байқоңыр» әлеуметтік кәсіпкерлік корпорациясы» АҚ-ның &nbsp;Жобалық басқару департаментінің стратегия және талдау бөлімінің басшысы Индира Ақжігітова «Өңірдегі тері өндірісін оңтайландыру мақсатында департаментпен барлық жағдай жасалуда. Осыған дейін кедендік БАЖ салығын алып тастау жолға қойылса, ендігі кезекте сіздердің өтініштеріңізге орай, өңдеу бағытында жұмыс жасайтын кәсіпкерлер үшін берілетін қаражат көлемін арттыру және субсидияны қайта беру жолдары қарастырылуда» деді.Сонымен бірге облыстық ауыл шаруашылығы және жер қатынастары басқармасы, облыстық кәсіпкерлік және өнеркәсіп басқармасы және облыстық ветеринария басқармаларының өкілдері мәселе төңірегінде сөз қозғады.Кеңес отырысы барысында барлық тарап аймақта тері өңдеу саласының дамуы жолында өз құзіретіндегі мүмкіншіліктерін толық пайдаланып, ел экономикасына үлес қосуға дайын екендігін жеткізді.

Аймақта тері өндірісін дамыту жолға қойылады

<a href="https://kyzylorda-news.kz/">Kyzylorda-news.kz.</a>&nbsp; Кеше облыс әкімі Нұрлыбек Нәлібаев Қызылорда қаласы әкімдігінің алдындағы арбат бойына орнатылған жаңажылдық шырша шамын жағу рәсіміне қатысты.Жаңа жыл – тек күнтізбе ауысатын кез емес, үлкендердің өткенге есеп беретін, алдағы күнге жоспар құратын уақыты. Ал, ертегі мен таңғажайыптарға сенетін балалар үшін армандар орындалатын, мол сыйлық алатын, жасыл шырша жанында асыр салатын мереке. Сондықтан дәстүрге айналған шырша шамын жағу рәсімі жыл алмасатын шақтағы көтеріңкі көңіл-күйді шарықтата түсті.Іс-шарада аймақ басшысы тұрғындарды Жаңа жыл мерекесімен құттықтап, ізгі тілегін жеткізді.<blockquote>«Енді аз күнде тарих қойнауына кететін 2023 жыл аса маңызды оқиғаларға толы болды. Ел Президенті Қасым-Жомарт Кемелұлы жұмыс сапарымен келіп, өңірдің даму қарқынына оң бағасын берді. Тамыз айынан бері Қызылорда облысы өңірлер арасында үздіктер қатарына, яғни, алғашқы үштікке орнықты. Аймақ бюджеті 609 млрд теңгеге жетті. Облыстың даму бюджеті 2,5 есе артты. Бұл ауқымды қаражат аймақтағы, қаладағы ең өзекті мәселелердің шешім табуына, тұрғындарының өмір сүру сапасын арттыруға жұмсалуда. Табалдырығымыздан аттайтын жыл еліміз бен аймағымыз үшін табысты, берекелі болғай!», – деді облыс әкімі.</blockquote>Аймақтың бас шыршасын жағу мәртебесі «Сыр дарыны» сыйлығының иегері, облыстық, республикалық пәндік олимпиадалардың жеңімпазы Сәбина Әбдіғаппарға, парадзюдодан Азия ойындарының жеңімпазы Олжас Оразалыұлына, талантты термеші, республикалық байқаулардың жүлдегері, бала жырау Нөсер Айдосұлына табысталды.Мерекелік іс-шара көңілді концертпен жалғасты. Эстрада әншілері Қыдырәлі мен Қарақат, жергілікті өнерпаздар кеш қонақтарына ән-жырдан шашу шашты.Айта кетейік, Жаңа жыл мерекесі қарсаңында Сыр елінде 6 елді мекен табиғи газға қосылып, ауылдарда 7 дәрігерлік амбулатория, өзге де әлеуметтік нысандар ашылды, тұрғындар жаңа баспанаға қоныстанды. Жыл соңына дейін тағы бірқатар әлеуметтік нысан пайдалануға берілмек.<img src="https://knadmin.beoblood.kz/uploads/414468968_665271792460735_1453366774840531960_n_c22b4efcc2.jpg" alt="414468968_665271792460735_1453366774840531960_n.jpg">&nbsp;<figure class="image"><img src="https://knadmin.beoblood.kz/uploads/414471251_665271889127392_5573157937952345529_n_ac83be1900.jpg" alt="414471251_665271889127392_5573157937952345529_n.jpg"></figure>&nbsp;<figure class="image"><img src="https://knadmin.beoblood.kz/uploads/414464139_665272105794037_9174274284734203657_n_10bf860b3f.jpg" alt="414464139_665272105794037_9174274284734203657_n.jpg"></figure>&nbsp;<figure class="image"><img src="https://knadmin.beoblood.kz/uploads/414466924_665272042460710_1744894240196342567_n_b01e557796.jpg" alt="414466924_665272042460710_1744894240196342567_n.jpg"></figure>&nbsp;<figure class="image"><img src="https://knadmin.beoblood.kz/uploads/414463824_665273039127277_3262191918080667105_n_d800e59d9c.jpg" alt="414463824_665273039127277_3262191918080667105_n.jpg"></figure>

Қызылордада жаңажылдық шырша шамы жағылды

<a href="https://kyzylorda-news.kz/">Kyzylorda-news.kz.</a>&nbsp;«Қазгидромет» РМК 27 желтоқсанда күн райының бұзылуына байланысты барлық дерлік өңірде ескерту жариялады7Түнде Қызылорда облысының басым бөлігінде жауын-шашын (жаңбыр, қар) болады. Өңірдің орталығында – тұман, түнде солтүстігінде көктайғақ күтіледі. Жел оңтүстік-батыстан, батыстан соғады, күші 15-20 м/с құрайды.

Сәрсенбіде күн райы қандай?

<a href="https://kyzylorda-news.kz/">Kyzylorda-news.kz.</a>&nbsp; Тәртіп сақшыларының қатарындағы сыбайлас жемқорлықты жою — қазіргі полицияның негізгі міндеттерінің бірі. Қоғамда кең етек алған сыбайлас &nbsp;жемқорлықпен күрес &nbsp;күн тәртібінен түспейтін күрделі мәселе. Қазіргі қазақстандық полицияның өзекті міндеті &nbsp; қолжетімділік &nbsp;пен ашықтықты арттырып, тұрғындармен кері байланыс орнату. Бұл мақсатта Қызылорда облысы Полиция департаментімен жоспарлы шаралар жүргізілуде.Департаменттің барлық құрылымдарында және қалалық, аудандық полиция бөлімдерінде жеке құрам &nbsp;қызметкерлері арасында &nbsp;сыбайлас жемқорлыққа қарсы әрекет жасау бағытында нақты шаралар қабылданып келеді.Жыл басынан полиция қызметкерлері арасында сыбайлас жемқорлық сипатындағы қылмыстық әрекеттер мен құқық бұзушылықтарды анықтау, алдын алу бағытында рейдтік шаралар жүргізілді. Жеке құрам арасында сыбайлас жемқорлыққа қарсы күрес шараларын күшейту, әскери-қызметтік тәртіп пен заңдылықты нығайту жұмыстарында аттестациялық және тәртіптік комиссиялардың рөлін көтеруге бағытталған нақты шаралар қабылданды.Мемлекет басшысы 2022-2026 жылдарға арналған сыбайлас жемқорлыққа қарсы саясат тұжырымдамасын бекітті. 2023 жылы оны іске асыру жөніндегі іс-қимыл жоспарында құқық қорғау органдарында парасаттылыққа тексеруді немесе integrity check енгізілгені белгілі. &nbsp;Яғни, өңір полицейлерінің сыбайлас жемқорлыққа қарсы беріктігі үнемі тексерілетін болады.&nbsp;<blockquote>«Өз кезегінде біз де жеке құрам арасындағы заңдылық пен тәртіпті сақтау, сыбайлас жемқорлықпен күресу мәселесін үнемі бақылауда ұстап келеміз.&nbsp;Департамент басшылығымен жем¬қорлыққа жол беретін жағдайлар мен себептерді жоюға ай¬рықша назар аударылып, &nbsp;жемқорлық тәуекелдерін төмендетуге бағытталған нақты шаралар қабылдануда. Сыбайлас жемқорлық сипатындағы заңбұзушылыққа қасақана барғандар заң аясында қатаң жазаға тартылады. &nbsp;Полицей беделіне нұқсан келтіретін әрекеттердің алдын алу шаралары жалғасуда» дейді Қызылорда облысы Полиция департаменті бастығының орынбасары полиция полковнигі Ермек Искаков.</blockquote>&nbsp;<figure class="image"><img src="https://knadmin.beoblood.kz/uploads/396710142_867661725029835_1910919184861429284_n_0547233d29.jpg" alt="396710142_867661725029835_1910919184861429284_n.jpg"></figure>&nbsp;

Полиция қызметкерлері арасында жемқорлықты жою бойынша қатаң шаралар қабылданды

<a href="https://kyzylorda-news.kz/">Kyzylorda-news.kz.</a>Қорқыт ата атындағы Қызылорда университетінде «Құқықтану» білім беру бағдарламасының аға оқытушысы, сот саласының ардагері, білікті заңгер Тілектес Өміржанов атындағы «Алқа билер кеңесі» орталығының салтанатты ашылуы өтті.Жиында Қорқыт ата атындағы Қызылорда университетінің Басқарма төрағасы – Ректор Бейбіткүл Кәрімова аға оқытушының атқарған қызметі мен оқу орнының стратегиялық дамуына қосқан үлесін атап өтті.<blockquote>– Тілектес Өміржанұлы ұзақ жылдар бойы сот саласын дамытуға, қазіргі таңда университеттің материалдық-техникалық базасының нығаюына атсалысып, жас ұрпақтың кәсіби маман, тегеурінді тұлға болып қалыптасуына үлес қосып келеді. Кейінгі жылдары университетте дәрісханалар демеушілер есебінен көптеп ашылуда. Тұлғаларды ұрпаққа үлгі етіп, өнегелі істері мен мол мұраларын насихаттау мақсатында «Алқа билер кеңесі» орталығының ашылуы болашақ заңгерлердің білікті маман болып қалыптасуына ықпал ететіні сөзсіз, - деді Бейбіткүл Сәрсемханқызы.</blockquote>Салтанатты шарада Тілектес Өміржанов «Қорқыт Ата атындағы Алтын медальмен» марапатталды.Жиынға университеттің философия ғылымдарының докторы, профессор, Баймырза Қожамберлиев, Қызылорда облыстық адвокаттар алқасы төрағасының орынбасары Байжан Иманалиев, прокуратура саласының ардагері, «Құқықтану» білім беру бағдарламасының аға оқытушысы Шынтемір Дарбаев, Қызылорда облыстық сотының азаматтық істер жөніндегі сот алқасының судьясы Света Жуынтаева, профессор-оқытушылар мен білім алушылар қатысты. Сот саласының ардагерлері Амангелді Әнуарбеков, Мырзамұрат Имандосов, Қайыркелді Темірбаев, Зейнолла Нұрсейітов қатысып, ғалымның еңбек жолына тоқталып, жылы лебіздерін білдірді.Айта кету керек, Тілектес Өміржанұлы 1985-1998 жылдары Арал аудандық сотында «аға сот орындаушы», «заң кеңесшісі» қызметтерін атқарған.1997-2002 жылдары ҚР Президентінің Жарлығы бойынша Байқоңыр қалалық сотының судьясы, 2002-2010 жылдары Қызылорда облыстық сотының судьясы болып қызмет еткен.2010-2014 жылдары «БТА Банк» АҚ заңгері болып, 2014 жылдан бастап кәсіби адвокат жұмысын атқаруда.2021-2022 оқу жылында Қорқыт ата атындағы Қызылорда университеті «Құқықтану» білім беру бағдарламасының аға оқытушысы болып қызметке қабылданды.<img src="https://knadmin.beoblood.kz/uploads/414178226_895744875628379_6611325608621900186_n_bbbfffac80.jpg" alt="414178226_895744875628379_6611325608621900186_n.jpg"><img src="https://knadmin.beoblood.kz/uploads/414332590_895744355628431_4107412290193818207_n_9695ecd58f.jpg" alt="414332590_895744355628431_4107412290193818207_n.jpg">

Университетте «Алқа билер кеңесі» орталығы ашылды

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда қаласына қарасты Қосшыңырау ауылдық округіне газ қосу рәсіміне қатысты. Жыл қорытындыланатын кезде көл-көсір қуанышқа кенелген ауыл тұрғындарын құттықтап, өңір инфрақұрылымын өркендетуде табысты іске асқан жобалар туралы айтты.<blockquote>«Облыстың газдандырылған елді мекендерінің аумағы ұлғайып келеді. Қазір барлық аудан орталығы мен 4 қала (Арал, Қызылорда, Байқоңыр, Қазалы), 24 елді мекен табиғи газ пайдаланады. Биыл 12 ауылдық елді мекенге газ кіргізілуде. Күні кеше Шиелі және Жаңақорған аудандарындағы 5 елді мекенге қосылды. Мамыр айында Қызылорда қаласының Ақсуат ауылдық округі газдандырылды. Ал, бүгіннен бастап Қосшыңырау ауылдық округінің тұрғындары «көгілдір отынның» игілігін көрмек. Келер жылға қаралған 4 млрд. теңгеге тағы 12 елді мекенді газбен қамтамасыз етеміз. 2024 жылдың соңында газдандыру деңгейі 78 пайызға жетеді. «Көгілдір отынның» келуімен ауыл тұрғындарының тұрмыс-тіршілігіндегі кейбір қиындықтар артта қалады деп сенемін», – деді аймақ басшысы.</blockquote>Ауыл тұрғындарын облыстық ардагерлер кеңесінің төрағасы Серік Дүйсенбаев пен Қосшыңырау ауылдық округінің ардагері Әлихан Смайлов құттықтады.Іс-шара қонақтары Берік Әбуовтің үйіне табиғи газ қосу сәтіне куә болды.Айта кетейік, осы ауылдық округті газдандыруға республикалық және жергілікті бюджеттен 662,7 млн.теңге бөлінді, мердігер мекеме – «РемСтрой» ЖШС.<figure class="image"><img src="https://knadmin.beoblood.kz/uploads/414468413_665166532471261_5072796989092962548_n_462a227fe5.jpg" alt="414468413_665166532471261_5072796989092962548_n.jpg"></figure>

Қосшыңырау ауылдық округіне табиғи газ қосылды

Фото: fingramota.kz<a href="https://kyzylorda-news.kz/">Kyzylorda-news.kz.</a>&nbsp; Жаңа жылдық мерекелер жақындап келеді, туыстарымыз бен жақындарымызға сыйлықтар таңдау уақыты келді және көпшілігіміз сыйлықты онлайн сатып аламыз. Онлайн сатып алудың көптеген артықшылықтары бар – бағаны бақылау және салыстыру мүмкіндігі, тиімді акциялар және уақытты үнемдеу. Дегенмен, кемшіліктері де жоқ емес – атап айтқанда, қаржы алаяқтарының алдауына түсіп қалу қаупі.&nbsp;Онлайн сатып алуды қалай қауіпсіз етуге болатынын Fingramota.kz-пен бірге қарастырайық.&nbsp;Онлайн сатып алу кезіндегі алаяқтардың кең таралған амалдары&nbsp;№ 1 Схема. Уақытша сайттар.&nbsp;Әдетте, алаяқтар уақытша сайттар жасайды және сатып алушыларды мерекелік сатылымдар арқылы тартады. Әрі қарай, олар тікелей қоңырау шалу немесе мессенджерлер арқылы хат алмасу арқылы тікелей байланыс жасайды. Алаяқтар адамдарды ғажайып жеңілдіктермен, мысалы, танымал тауарлардың бағасын 80-90%-ға түсіріп, зат саны шектеулі және бұл науқан бүгін ғана жарамды деп еліктіреді. Сіз тауар үшін алдын ала төлемді аударғаннан кейін алаяқтар байланысқа шығуды тоқтатады.№ 2 Схема. Қосарлы веб-сайттар.&nbsp;Алаяқтар танымал сайттардың атын жамылып, жасырынуы мүмкін және мұқият тексермесе, сатып алушы айырмасын байқамай қалады. Бұл баннердегі немесе атауындағы шамалы айырмашылық болуы мүмкін.&nbsp;Әдетте, мұндай қосарланған сайттарда алаяқтар белгілі бір жеңілдік алу үшін өз тауарлары немесе қызметтері туралы сауалнаманы толтыруды сұрайды. Жеке деректеріңізді енгізгеннен кейін олар сіздің жеке және банктік деректеріңізге қол жеткізе алады.№ 3 Схема. Жосықсыз сатушылар.&nbsp;Сіздің үмітіңіз әрқашан ақтала бермейді. Бұл бағаға да, сатып алу сапасына да қатысты. Мысалы, қолданыстағы сайтта сізге өте қолайлы бағада белгілі бір өнім ұнады делік. Алайда, тауарды алған кезде оның сайттағыдан мүлде басқа көресіз.&nbsp;Жосықсыз сатушы сапасыз тауарды жіберіп, қайтарудан бас тартуы мүмкін. Бұл жағдайда сіз e-tutynushy.kz тұтынушылардың құқықтарын қорғау туралы шағымдарды қабылдау платформасына жаза аласыз, бұл платформа өтініштерді жедел қарау және тұтынушылардың құқықтарын қорғау туралы заңнаманың нормаларын түсіндіру үшін әзірленген.Толығырақ "<a href="https://fingramota.kz/kk/post/zhaa-zhyl-arsaynda-onlajn-satyp-alu-alayatara-alaj-aldanyp-almaua-bolady">Абайлаңыз, алаяқтар</a>" бөлімінен оқыңыздар&nbsp;

Жаңа жыл қарсаңында алаяқтарға қалай алданып қалмауға болады? 

<a href="https://kyzylorda-news.kz/">Kyzylorda-news.kz.</a> Достық үйінде Қызылорда облыстық Қазақстан халқы ассамблеясы жыл бойы атқарған жұмыстарын қорытындылады. Оған облыстық қоғамдық даму басқармасының басшысы Алмасбек Есмаханов, өңірлік Қазақстан халқы ассамблеясының мүшелері, ҚХА жанындағы қоғамдық құрылым мүшелері, этномәдени бірлестіктерінің жетекшілері, қоғамдық келісім мен жалпыұлттық бірлікті нығайту бағытында елеулі үлесі бар жандар және БАҚ өкілдері қатысты.Іс-шара облыстық Қазақстан халқы ассамблеясының бірлік пен келісімнің әлеуметтік капиталын нығайту бағытында атқарған жұмыстары бейнеленген арнайы роликпен басталды.Облыстық қоғамдық даму басқармасының басшысы Алмасбек Есмаханов алғы сөзінде өңірдегі достық пен азаматтық бейбітшілікті сақтауда ерекше рөл атқарған Ассамблеяның маңыздылығына тоқталып өтті.<blockquote>Өз тарихының 28 жылы ішінде Ассамблея конституциялық мәртебесі бар қоғамдық-саяси институтқа, мемлекеттің саяси жүйесінің маңызды құрамдас бөлігіне айналды. Ол өзінің қажеттілігін тұрақты негізде растады. Өңірлік ассамблея жыл басынан бері облыс бойынша 395 іс-шара ұйымдастырды, онда 23 мыңнан астам онлайн-офлайн аудитория қамтылды. Жыл басынан бері баспасөз қызметі бойынша әлеуметтік желілерде және сайттарда мемлекеттік және орыс тілдерінде 1243 жарияланым, 446 бейнеролик, БАҚ-та және интернет-ресурстарда 385 материал жарияланды. Отбасындағы әкелердің рөлін арттыру, ұрпақ тәрбиелеу мен ел бірлігін сақтау мақсатында Ақсақалдар кеңесі құрылып, кеңестің төрт отырысы өтті. Этномедиация бағытын дамытуға арналған жобалар жүзеге асырылып, кәсіби және қоғамдық негіздегі медиаторлар арнайы курстардан өтті.&nbsp;Жалпы Ассамблея институты - қоғамда этносаралық келісімді және толеранттылықты одан әрі нығайту үшін қолайлы жағдай жасап, ел бірлігін берік етіп, ұлттық құндылықтар негізінде татулық пен келісімді қолдап, дамытып келеді,- деді басқарма басшысы.</blockquote>Осы ретте облыстық ассамблеяның барлық мүшелеріне, этномәдени бірлестіктердің басшыларына риясыз және игілікті еңбектері үшін шынайы алғысын білдірді.Сондай-ақ, бірлік пен тұрақтылықты ілгері дамыту жолында елеулі еңбегі сіңген жандар Кәсіпкерлер қауымдастығының мүшесі Айдана Ерболат, Журналистер мен сарапшылар клубының мүшесі Инна Бекеева, “Ассамблея жастар” ұйымының жетекшісі Елизавета Есмаеваға облыс әкімінің Алғыс хатын табыстады.Мұнан соң өңірдегі 9 белсенді этномәдени бірлестік түрлі номинациялармен марапатталды.Айта кетейік, ғылыми сарапшылық топтың қызметі нәтижесінде аймағымыздағы этносаралық ахуал ғылыми тұрғыда талданып, мемлекеттік этносаясаттың жүйелі жүргізілуіне септігін тигізуде. Жастарды қоғамдық келісім негізінде топтастыру мақсатында өңірлік «Ассамблея жастары» ұйымы түрлі бағыттағы шаралар мен акцияларды ұйымдастырып келеді. Қызылорда облыстық Қазақстан халқы ассамблеясының құрылымдарының мүшелері мен этномәдени бірлестік өкілдері республика көлемінде үлкен жетістіктерге жетті. Атап өтер болсақ, Неміс этномәдени бірлестігінің жетекшісі Ирина Шек қайырымдылық пен меценаттық істерді дамытуға қосқан елеулі еңбегі үшін «Жомарт жан» төсбелгісімен, Облыстық ассамблея жанындағы Ғылыми-сарапшылық тобының мүшесі Майнұр Бөрібаева ел бірлігін нығайтуға, татулық пен келісімді сақтауға қосқан елеулі үлесі үшін Қазақстан халқы Ассамблеясының "Бірлік" алтын медалімен, Славяне этномәдени бірлестігінің өкілі Елена Мясцова Қазақстан халқы Ассамблеясының Құрмет грамотасымен марапатталды. Сондай-ақ өңірлік Журналистер мен сарапшылар клубының мүшесі, облыстық «Сыр бойы» газетінің тілшісі Ержан Қожас және «Қоғамдық келісім» мекемесінің баспасөз хатшысы Әсел Абзал республикалық «Шаңырақ» байқауында этножурналистика саласының үздіктері атанып, байқаудан жүлделі 2, 3 орынды иеленді.<img src="https://knadmin.beoblood.kz/uploads/414653109_3641210412864779_2576386279541793510_n_da19e91413.jpg" alt="414653109_3641210412864779_2576386279541793510_n.jpg"><img src="https://knadmin.beoblood.kz/uploads/414698998_3641210436198110_8474957440181478059_n_5dd448e292.jpg" alt="414698998_3641210436198110_8474957440181478059_n.jpg">

Қазақстан және Қызылорда облысының жаңалықтары