Аймақта абаттандыру жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаев Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында: «Достық үйлері жалпыұлттық ықпалдастық үшін қажетті орталыққа әрі барлық аймақта Ассамблеяның ауқымды бастамаларын жүзеге асыратын сенімді орынға айналды. Олар әлеуметтік маңызы бар жүзден астам жобаны іске асыруға ұйытқы болды» деп қуатты ұйымның қоғамдағы ролін баса айтқаны белгілі. Бұл жүзден астам ұлт пен ұлыстың мекеніне айналған Қазақстанның әлемдік саяси аренадағы орнын да асқақтатып келеді.Бүгінде Қызылорда облысында 35 түрлі этнос өкілдері бір шаңырақ астында тату-тәтті өмір сүріп жатыр. Олардың басын біріктіретін 11 этномәдени бірлестік ешбір маңызды іс-шарадан шет қалып көрген емес. «Славяне» этномәдени бірлестігінің 25 жылдығы, татар этномәдени бірлестігінің 30 жылдығы, «Алекс» би өнері мектебінің 25 жылдығы, республикалық «Корё ильбо» газетінің 100 жылдығы, Солтүстік Кавказ халықтарының Қазақстанға қоныстанғанына 80 жыл толуы кең ауқымда аталып өтті. Сонымен қатар Мемлекет басшысының беделді шетелдік жоғары оқу орындарының филиалдарын ашу жөніндегі тапсырмасы белсенді түрде жүргізілуде. Осы орайда облыс әкімі Нұрлыбек Нәлібаев өткен жылғы мамыр айында Корея Республикасының Сеул, Тэджон қалалары мен Чоллабук-до провинциясына жұмыс сапарымен барып, Сеулде Ұлттық ғылыми-техникалық және Шинхан университеттерінің президенттерімен кездесті. Бірлескен келіссөздер нәтижесінде Қызылорда қаласында Корея университеттерінің филиалдарын ашу және жергілікті үздік мектеп түлектері үшін арнайы гранттар бөлу жұмыстары басталды.Облыс әкімдігі тарапынан бірнеше ай ішінде Ресей, Өзбекстан елдерінің бас консулдарымен кездесулер ұйымдастырылып, облыстың сауда-экономикалық, инвестициялық, мәдени-рухани, туризм, білім және ғылым салаларында өзара ынтымақтастық орнату жөнінде нақты ұсыныстар талқыланды.Жоғарыда аталған жұмыстар – көпұлтты елдің тұтастығын берік сақтау, этностардың бір-біріне құрметін нығайту мақсатында қолға алынған игі бастамалардың бір парасы ғана. Ал қоғамның көпұлтты, мәдениет пен тілдердің көптүрлі болуы біздің артықшылығымызға айналып, елдің дамуына берік негіз болып келеді.Әзербайжан қызы қазақ тілінде білім беріп жүрҚармақшы ауданының ІІІ Интернационал ауылы – оншақты ұлт пен ұлыс өкілдерін бауырына басқан бірлік мекені. Әзербайжан қызы Гулляр Искендированың осындағы түрік отбасына келін болып түскеніне биыл он үшінші жыл. Еңбек етіп те, ата-енеге қызмет жасап та, бала тәрбиесіне көңіл бөліп те үлгеріп жүрген кейіпкеріміз мақтан тұтуға тұрарлық.Гулляр 1991 жылы Алматы облысы Жамбыл ауданының Сарыбай би ауылында дүниеге келген. Ауылында қазақ балалармен асыр сап ойнап өскен оның қазақшасы жатық болды. Мектепті де, жоғары оқу орнын да қазақ тілінде оқып, бітіріп шықты. Жолдасы Мұстафамен Алатау баурайында басталған таныстығы махаббатқа ұласып, 2011 жылы Сыр еліне келін болып қадам басты. Міне, содан бері екеуі Қармақшы ауданының ІІІ Интернационал ауылында жарасымды ғұмыр кешіп келеді.<blockquote>– Өзге ұлт өкіліне тұрмысқа шығатыныма әке-шешем қарсылық білдірген жоқ. Керісінше қолдап, батасын берді. Үлкендеріміздің ақ тілегі қабыл болғаны шығар, бүгінде үш бала тәрбиелеп отырмыз. Оның екеуі – оқушы. Бұйырса, өсіп-өнген әулетке айналғымыз келеді, – дейді Гулляр.</blockquote>Кейіпкеріміз – он жылға жуық уақыттан бері ауыл мектебінде химия пәнінің мұғалімі. Осылайша болашақтың тұтқасын ұстар ұл-қыздарды білім мен тәрбиеге баулып, еліміздің ағарту ісіне үлес қосып жүр.Достық пен татулықтың талбесігі саналатын ауылда ағайынның ауызбірлігі, ортақ іске бір кісідей ұйысуы кең көрініс тапқан.<blockquote>– Мұнда тұратын түрлі ұлт пен этнос өкілдерінің бір-бірін сыйлауы, бір-бірінің салт-дәстүріне құрметпен қарауы көңілге қуаныш ұялатады. Той-томалақта да, қиын-қыстау кезде де бір-біріне тіреу болып, қол ұшын созуға даяр тұрады. Әсіресе, қазақтың қонақжайлылығы, кеңпейілділігі мен дарқандығы үлгі тұтуға тұрарлық, – дейді Гулляр.</blockquote>Қазақ, түрік, әзербайжан ұлттарының салт-дәстүрінде айырмашылық бар. Дегенмен, жақындық өте көп. Мысалы, қыз ұзату, келін түсіру, сүндетке отырғызу, тағы басқасынан ұқсастық байқау қиын емес.<blockquote>– Біз де баланы сүндеттейміз, бір жасқа толғанға дейін бесік той жасаймыз. Келін түсіруде, келіндік қызмет көрсетуде айырмашылық бар. Қазақтың салт-дәстүрлерінен тұсаукесерді ерекше жақсы көремін. Балаларымыз алғашқы қадам жасаған кезде міндетті түрде ала жіппен аяғын байлап, үлкендерімізге кестіреміз. Батасын аламыз, – дейді кейіпкеріміз.</blockquote>Әзербайжан қызының ата-бабасы қазақ жеріне өткен ғасырдың 40-жылдары, репрессия кезінде қоныс аударған екен. Бүгінгі күні өзі де көптеген ұлт пен ұлысқа пана болған ауылда қазақ халқының қамқорлығын сезініп келеді.Шешен ақсақал: «Ет асып, бауырсақ пісіреміз»Жасы алпысты алқымдаған шешен ақсақал Саид Иналов қазақ жерінде өткізген жылдарын сағынышпен еске алады. Ол бүгінде отбасымен Шешенстан астанасы Грозный қаласында тұрып жатыр.1977-1992 жылдар аралығында кейіпкеріміздің өмірі Қазақстанда, оның ішінде Сыр өңірінде өтті.<blockquote>– Әуелі Жалағаш ауданының Жаңадария деген жерінде тұрдық. Кейін Сырдария ауданының Сәкен Сейфуллин ауылына қоныс аудардық. Сондағы Бақтияр Мырзашев және Қаламқас Молдашеваның отбасымен бір үйдің адамдарындай араластық. Бақтиярды туған ағамдай көремін. Жырақта тұрсақ та жиі хат-хабар алмасамыз. Жалпы, қазақтың қонақжайлылығына, кеңпейілділігіне тәнтімін. Қазақтар бізді ешқашан алалаған емес, – деді ол.</blockquote>Саид Иналовтың арғы аталары кезінде қазақ даласына жер аударылыпты. Ал өзі мұнда жұмыс бабымен келіп, тұрақтап қалған. 15 жыл ішінде қазақ тілін еркін меңгеріп, салт-дәстүріне қанықты.<blockquote>– Шешендердің ұлттық асы жижиг-галнашты тауық, қой және сиыр етінен әзірлеуге болады. Бір ерекшелігі — етті сүйегімен пісіру керек. Әбден бабында піскен ет сүйегімен дәмді болады. Оған бидай немесе жүгері ұнынан жасалған тұшпара дайындалады. Бірақ қазақтың ұлттық тағамына ештеңе жетпейді. Өзіміз үйде жиі ет асып, бауырсақ пісіріп жейміз, – деді кейіпкеріміз.</blockquote>Екі ұлттың әдет-әдебінде ұқсастық бар.<blockquote>– Қазақ та, шешен де үлкен келсе, ұшып түрегеліп орын береді. Үлкеннің алдында шылым тартпайды, ішімдікті ғана емес, ол туралы әңгіменің өзін ауызға алмайды, – деді Саид Иналов.</blockquote> Назерке САНИЯЗОВА &nbsp;Фото: Н.Нұржаубай&nbsp;

Достық – ынтымақ кепілі

<a href="https://kyzylorda-news.kz/">Kyzylorda-news.kz</a> Бүгінгі балалар мен жасөспірімдер ата-анадан емес, ұялы телефоннан тәрбие алатындай. Иә, ол шындық. Себебі ата-ана бала болашағы үшін таңның атысынан, кештің батысына дейін жұмыс істеп, кешкілік уақытта үйге шаршап бір келеді. Содан кейін кешкі ас қамымен жүрген ана баласы тыныш болсын деп оған ұялы телефон бере салады. Оның ішінде бала не қарап отырғаны, қарап отырған дүниесі балаға қалай әсер етіп отырғанын тіпті ойламаймыз. Ал ұялы телефон ішінен көп балалар Tik-Tok желісін қарайды. Бүгінгі мақаламызға да арқау болып отырған осы әлеуметтік желі туралы сөз етуді жөн көрдік.2019 жылы Қазақстан Республикасының президенті Қасым-Жомарт Тоқаевтың төрағалығымен Үкіметтің кеңейтілген отырысы өтті. Мемлекет басшысы өз сөзінде әлеуметтік желідегі жұмыстың маңыздылығына тоқталған болатын.&nbsp;"Халықпен және бизнеспен тиімді коммуникация жүйесін орнату керек. Әр орталық және жергілікті атқарушы органда&nbsp;азаматтармен тікелей және кері байланыс орнату үшін тұрақты алаңдар жұмыс істеуі тиіс. Әлеуметтік желі жұмысына ерекше көңіл бөлу қажет. Әр мемлекеттік қызметкер әлеуметтік желіде өз саласы бойынша белсенді болуы керек. Ғаламтор ғасырында бұл – міндет. Олар онлайн режимде желідегі пікірталастарға қатысып, халық пен қоғамның сұрақтарына жауап бере алады. Қазір адамдар үшін дәстүрлі бұқаралық ақпарат құралдары емес, әлеуметтік желі негізгі ақпарат көзіне айналған. Салдарынан адамдар жалған мәліметке жиі тап болып, шынайы ақпарат жетіспей қалады. Сол себептен "тыңдай алатын мемлекет" тұжырымдасына көшу, яғни халықпен тікелей онлайн байланыс орнату қажет", – деді Тоқаев.Иә, тик-ток желісі бүгінде ең танымал әлеуметтік желілердің бірі. Дегенмен оны дұрыс жағынан пайдалануды үйрену қажет-ақ. Бір өкініштісі бүгінде жастар бұл желіні хайп үшін түрлі ерсі әрекеттер істеп пайдаланып жүр. Тағы айта кетерлігі, ондағы жалған ақпараттар легі толассыз. Шындыққа жанастырып бір ақпаратты айта салсаң болғаны, ондағы адамдарды сендіру қиын емес. Осындай әрекеттер жасөспірімдерге кері әсер етіп, психологиясының бұзылуына әкеліп жатыр. Сол үшін тик-ток желісін кәмілетке толмаған жасөспірімдерге пайдалануға тыйым салғаны дұрыс секілді.Әлемнің әр аймағында түрлі әлеуметтік желілер қолданылады. Мәселен, Солтүстік Америкада Nexopia, MySpace, Twitter, Facebook және Linkedln кеңінен қолданылса, Еуропада Bebo, Skyrock және Facebook сынды түрлі желілер тараған. Ал Оңтүстік және Орталық Америкада Public Broadcasting Service, Orkut және Facebook желілері танымалдылыққа ие. Біздің елде де Instagram, Facebook, WhatsApp және TikTok секілді әлеуметтік желілер жоғары дамыған. Аталған желілер арқылы түрлі бизнес өкілдері өз кәсібін өрбітіп отыр. Мәселен, туған күнге торт, шар қажет болса, кәсіпкердің жекесіне шығып тапсырыс бере аласыз. Бір сөзбен айтқанда ішетін тамақтан бастап, киетін киімге дейін жеткізіп береді. Иә, әлеуметтік желіні кім қалай қолданатыны өз еркінде. Бірі өзіне пайда іздеп, еңбек етіп жүрсе, енді бірі алтын уақытын бос өткізу үшін қолданады.Мәжіліс депутаты Аманжол Алтай кәмелетке толмағандардың TikTok желісін пайдалануға тыйым салуды ұсынды.&nbsp;Депутат өз сөзінде соңғы кездері жасөспірімдер арасында жантүршігерлік оқиғалардың жиілеп кетуі бала тәрбиесінің мектепте, отбасында және қазіргі қоғамда әлі де болса шешімін таппай келе жатқандығы туралы мәселелер қозғады. Сонымен бірге соңғы кездері жалпы Қазақстанда Tik-Tok әлеуметтік желісін жабу мәселесі айтылып жатыр. &nbsp;Бұл тұрғыда қоғамның пікірі әр түрлі. Алайда ҚР Парламент мәжілісінің депутаттары Жарқынбек Амантайұлы мен Болат Керімбек "ұрпақ болашағы үшін түбегейлі жабу керек", –деген пікір білдірді. Сонымен бірге&nbsp;Қырғызстанның Цифрлық даму министрлігіне қарасты байланыс саласын реттеу және қадағалау қызметі интернет-провайдерлеріне TikTok әлеуметтік желісіне кіруді шектеуді сұрап хат жолдады.&nbsp;Онда TikTok-тың қырғызстандық сегментінде, яғни балаларға арналған ақпарат кеңістігінде «контент цензурасына жүйелі және принципті көзқарас жоқ» делінген. Шенеуніктер көбіне балалар денсаулығына, олардың дене, рухани және адамгершілік дамуына зиян келтірудің алдын алу шаралары туралы заңға сілтеме жасап отыр екен.«Атың шықпаса жер өрте»-демекші, тик-ток желісінде ұяттан асатын бейнероликтер де жетіп артылады. Иә, лайк пен қаралым жинау үшін біраз тер төгіп, түрлі би қимылдарын жасауға дейін барып жатады. Арзан танымалдылыққа ие болып, ардан аттап жатқан қаракөз қыздарымыз да жетерлік. Әрине, бұл қазақы менталитетке жат нәрсе. Тіпті тренд қуып, танымал боламыз деп басын қатерге тігіп жататындар да жетерлік. Мұндай әрекеттер соңы қайғылы оқиғаға әкеп соқтырып жатады. Осыдан бірнеше уақыт бұрын Каспий теңізіне барып, видео түсіреміз деген екі жасөспірім жігіт суға кетіп, мәңгілік мекенге аттанды. Міне, бұл дүниелер жастар психологиясын бұзып, болашағын құртары анық.<blockquote>–Бұрын атадан балаға өсиет қалса, бүгінде бір селфи қалып жатады. Бұл күлетін жағдай емес. Қазіргі жастарға өсиет, ақыл айтсаң, "ой, қойыңызшы" деп тыңдаудан қашады. Бірде кешкі уақытта көшеде серуендеп келе жатсам, алдымда екі жасөспірім бала келе жатыр екен. Шыны керек, олардың сөздеріне, тіліне мүлде түсінбедім. "Краш, рилс, рек" деп бірдеңелерді айтып келе жатыр. "Әй, балалар сендер өзі қай тілде сөйлеп келе жатсыңдар?" дегенім сол еді екеуі де шошып қарап үндеместен жүріп кетті. "Еліміздің келешегі жастардың қолында" деп жүрміз, ал жастарымыз түсініксіз тілде сөйлеп жүр. Ішімнен қатты қынжылдым,–дейді қала тұрғыны Ж.Әдбенқызы.</blockquote>"Таяқтың екі ұшы бар" демекші, осы тик-ток желісімен танымалдылыққа ие боламын деп ұмтылып жүрген баланың психологиясы бұзылары сөзсіз. Ал желі ішіндегі адамдардың түрлі бейнероликтерін көрген бала оларға еліктеймін деп қайталауы арқылы, бұрыс жағына қарай қабылдайды. Ендігі кезекте атаулы әлеуметтік желі жасөспірімдер мен балаларға шектеу қойылса жақсы болар еді. Сол кезде жастар өз тілінде сөйлеп, ешкімге еліктемей-ақ өсер ме еді?!Фото: Нұрболат Нұржаубай

"TikTok" әлеуметтік желісі пайдалы ма?

<a href="https://kyzylorda-news.kz/">Kyzylorda-news.kz</a> Бүгінгі Үкімет отырысының күн тәртібінде азық-түлік тауарларының қоры мен бағасын реттеу мәселесі қаралды. Үкімет отырысынан кейінгі арнайы мәжілісте облыс әкімі Нұрлыбек Нәлібаев жауапты тұлғаларға бірқатар тапсырма берді.<blockquote>«Өңірде әлеуметтік маңызы бар азық-түлік тауарларының баға индексі 98,8 пайызды құрап, республикалық орташа көрсеткіштен 1,5 пайызға төмен қалыптасты. Қазіргі уақытта тауарлар мен қызметтерге баға деңгейі республикалық көрсеткіштен төмен болғанымен, оны тұрақты ұстап тұруға міндеттіміз. Бірінші кезекте нарықта халық тұтынатын тауарлардың қоры жеткілікті болуы қажет. Өткен жылдан бері көкөніс өсіруші шаруашылықтарды алдын-ала 70 пайыз қаржыландырып, форвардтық келісім-шарт жасау тәжірибеге енгізілді. Енгізілген өзгерістерден және жүргізілген тауар интервенциясынан кейін көкөніс бағасы өткен жылдың сәйкес кезеңімен салыстырғанда біршама төмен. Биыл да бұл бағыттағы жұмыстар жалғасуы қажет», – деді аймақ басшысы.</blockquote>Айта кетейік, негізгі азық-түлік тауарларының бағасын тұрақтандыру үшін ішкі саудадағы делдалдық тізбекті қысқарту және сауда үстемесін 15 пайыздан асырмауды ұйымдастыру тапсырылған болатын. Арнайы комиссия әзірлеген алгоритмге сәйкес бағасы өскен өнімдер бойынша мемлекеттік кірістер департаментінен алынған ақпарат негізінде талдау, мемлекеттік бақылау жүргізу белгіленген. Осы ретте, Қызылорда қаласы мен аудан әкімдеріне бағаны тұрақты бақылауда ұстау міндеттелді.Мәжіліс қорытындысымен «Байқоңыр» әлеуметтік кәсіпкерлік корпорациясына әлеуметтік дүкендер мен бұрыштарда 19 әлеуметтік маңызы бар негізгі азық-түлік тауарының үздіксіз сатылуын қамтамасыз ету, әлеуметтік дүкендер қызметін жетілдіру бойынша нақты ұсыныс беру тапсырылды. Мұнан бөлек, облыстық ауыл шаруашылығы және жер қатынастары, кәсіпкерлік және өнеркәсіп басқармалары облыстық сауда және тұтынушылардың құқықтарын қорғау департаментімен бірлесіп, белгіленген алгоритмге сәйкес делдалдық тізбекті қысқарту бойынша тиісті жұмыс жүргізуі тиіс.<img src="https://knadmin.beoblood.kz/uploads/421935646_737911311863449_124512994029906676_n_3e1c2c2b48.jpg" alt="421935646_737911311863449_124512994029906676_n.jpg">

 Азық-түлік тауарларының бағасын реттеу мәселесі қаралды

<a href="https://kyzylorda-news.kz/">Kyzylorda-news.kz</a>&nbsp; Жаңақорған тұрғындарына түрік ұлтының өкілдері - Шамшудин Изотовтың жанұясы жақсы таныс. Әкелері Шамшудин отан соғысының жауынгері. Майданнан қайтқанда туған жері - Грузин ССР, Адиген ауданында тұрып жатқан жанұясының орнын сипап қалған жайы бар екен. Бір түнде жоғары басшылықтың бұйрығымен эшелондарға тиеліп, белгісіз бағыт түзген түрік халқының бір шоғыры Қазақстан территориясының бекеттерінде түсіріліп қала берген. Жаңақорған жерінің топырағына табаны тиген Изотовтардың содан бері бұл жерде өсіп-өніп жатқандарына ғасырға жуық уақыт өтіпті.Изотовтардың тұрақтаған жері Жаңақорған кентінің кіндік тұсы – Амангелді Иманов көшесінің бойында, қазір ол кісілердің үрім-бұтағынан бұл көшеде жағалай төрт-бес жанұя ыдыс-табағы араласып қоңсы отыр. Еңбек ардагері Шамшудин ағаның тірі кезінде ол кісіні газетке шығару үшін бірнеше рет бұл отбасында болғанбыз. Ол кісінің жары – Гүміш апа тоқсан жастан аса ғұмыр кешті. Бүгінде қара орынды күзетіп отырған перзенттері бізді ата-ана үрдісімен күлімдеп қарсы алды.<blockquote>– Әкемізбен араласқан кісілердің барлығы біздің көңілімізден ұмытылған емес. Үйіміз аялдаманың нақ тұсы, осы жерде автобус күтіп тұратын Бидаш аға самаурынның түтінін көріп бері бұрылып шай ішіп кететін еді, – де еске алады келіні. Үлкендер бар кезде жылы ықыласқа толы осындай жақын араласу бар еді. Қазір қарым-қатынас кеміп барады. Анамыз да осы үрдісті жалғап кешеге дейін рамазан айында тарапа намазынан қоң¬сыларды қалдырған емес. Биыл ораза айында көршіміз Жаңабайға «Біздің үйге өтіңіздер, бірге тарапа оқимыз» дегенде қуанышын жасырмады. «Гүміш апа жоқ, енді біз кімге керекпіз?» деп жорамалдап көңілсіз күйде отыр екен. Жоқ, анамыз өзі өмірден өтсе де өнегесн жалғайтын ұрпақтар бармыз ғой, – дейді қарашаңырақ иелері.</blockquote>Изотовтардың ең үлкені Орман қажылық сапарға барып келіпті. Одан соңғы бауырлары Омар омарташылықпен айналысады. Риза жеке кәсіпкер, Илманы Жаңақорған спорт мектебінде жаттықтырушы. Нұрлан кәсіпкер. Иззат дәрігер. Бұлардан тараған балалары – Рамазан, Вейсал, Дәурен түрлі жоғары оқу орындарында білім алып жатыр. Келіндері Шатарат, Софья, Зүлфия, Флюра, қыздары Саламат, Гүнәш, Хадиша атты немере қыздары бар.Гүміш апа көзі жұмылғанша тірліктен қол үзбеогенін айтады үйдегілер. Тіпті бақиға аттанар күні де намазда тұрып сәждеде отырып жан тапсырыпты. Көзінен таса қалдырмай анасының батасын алып қалған немере келіндері Фатима мен Севда екеуі осыны айтты бізге.Гүміш апа қай кезде болсын балаларына еңбектің қадірін түсіндіріп, бақытқа қол жеткізу үшін бейнетпен қашпаудың мәнін ұғындырумен келіпті. «Қайда өсіп-өнсең сол жер сенің отың, ота¬ның» деген ұғымды ұрпағының бойына сіңірген ана өсиеті құр кетпеді. Балаларының барлығы Жаңақорған жерін құт санап, өсіп-өніп отыр. &nbsp;

Шамшудин Изотов: Жер бетінің жұмағы – жарқын тілекте 

<a href="https://kyzylorda-news.kz/">Kyzylorda-news.kz</a> Қызылордалық «Қайсар» өткен сенбіде өз алаңында Алматының «Қайрат» командасын қабылдады. Төрт тур бойы жеңіске тұғырынан көріне алмаған жерлестеріміз бұл жолы жанкүйер көңілінен шықты. Тәжірибелі қарсыластарының осал тұсын тауып, биылғы біріншіліктегі алғашқы жеңіске қол жеткізді.Қызылордалық футболшылар алғашқы үш турда бірде-бір ұпай ала алмаған еді. Оның екеуінде өз алаңында қарсыластарына есе жіберді. Бұл жергілікті жанкүйерлер тарапынан реніш туғызғаны жасырын емес. Оған команда басшылығы «Әзірге футболшылар арасында түсінбеушілік бар. Олардың көбі клубқа биыл қосылды. Алдағы ойындарда ұпай олжалауға күш саламыз» деп уәде берген болатын. Турнир кестесінде он үшінші орында тұрған «Қайсар» үшін жеңіс ауадай қажет еді.Доп додасының дүбірі естілген сәтте «Қайрат» басшылығы чемпион атағын жеңіп алуға күш салатынын жеткізді. Әрине, оған барлық мүмкіндік бар. Өз шәкірттері мен тәжірибелі легионерлер команда құрамына енгізілді. Десе де алты турдан кейін жағдайы мәз емес. Небәрі сегіз ұпаймен турнир кестесінің бел ортасында тұр.«Қайсардың» бас бапкері Виктор Кумыков алғашқы минутта Думан Нәрзілдаев, Елжас Алтынбеков, Өркен Махан сынды футболшыларға сенім артты. Сондай-ақ олардың қатарына бұдан бұрын негізгі құрамда алаңға шықпай жүрген Горан Милойко қосылды. Қалғаны «Қайсар» сапында тұрақты түрде ойындарға қатысып жүрген футболшылар еді. Ал қарсылас құрамда Жоао Паоло, Элдер Сантана, Виктор Васин секілді шетелдік шеберлер және «Қайраттың» академиясында тәрбиеленіп шыққан жас таланттар жасыл алаңнан көрінді.Алғашқы минуттан қос команда ашық шабуылға көшті. Екеуінің де есеп ашатын бірнеше мүмкіндігі болды. Бірінші кезеңде «Қайсар» сапынан Өркен Махан қақпашымен бетпе-бет шығып, өз мүмкіндігінен мүлт кетті. Алматылық клубтың өткір шабуылына қызылордалық қорғаушылар тойтарыс берді.Екінші кезеңде де ойын дәл осылай жалғасты. Соған қарамастан таблодағы есепке өзгеріс енбеді. Төреші қосқан қосымша бес минут түгесілер тұста «Қайсар» шабуылшысы Айбар Жақсылықов алматылық қақпашы Данил Устименконың өрескел қателігін пайдаланып, жаңа команда сапындағы алғашқы голын соқты.Осылайша қызылордалық команда биылғы біріншіліктегі алғашқы жеңісін тойлап, турнир кестесінде он бірінші орынға көтерілді. Енді жерлестеріміз алдағы ойынын 5 мамырда сырт алаңда Қарағандының «Шахтер» командасына қарсы өткізеді.&nbsp;М.ҚОСЫМБАЕВФото: Нұрболат Нұржаубай

Қайсардың жеңісі

<a href="https://kyzylorda-news.kz/">Kyzylorda-news.kz</a> 1 мамыр – Қазақстан халқының бірлігі күні мерекесіне орай аудандағы этнос өкілдерімен және су тасқынынан зардап шеккен аймақтарға гуманитарлық көмек жөнелтуге атсалысқан еріктілермен кездесу өтті.Жиынға аудан ардагерлері, Арал ауданы әкімінің орынбасарлары, дербес бөлім басшылары, Қазақстан халқы Ассамблеясының мүшелері мен волонтерлар, БАҚ өкілдері қатысты.Алқалы жиында сөз алған аудан әкімі А. Оңғарбаев: -«Баршаңызды 1 мамыр – Қазақстан халқының бірлігі күні мерекесімен құттықтаймын.&nbsp;Халқымыз үшін бұл мерекенің орны ерекше. «Ынтымақты ел – ырысты ел» дейді даналарымыз. Бүгінде этнос өкілдері жергілікті халықпен бірге тату-тәтті өмір сүруде. Табиғи апаттың салдарымен күреске аралдық азаматтар да атсалысуда. Қазір төтенше жағдайлар бөлімінің 42 қызметкері мен 8 техника Батыс Қазақстан, Атырау облыстарында су басқан өңірлерді қалпына келтіру үшін жұмыс жасауда. Батыс Қазақстан өңірінен келген 103 оқушы мен 10 жетекшісі «Қамбаш» олимпиадалар және қосымша білім беру орталығына орналастырылып, 5 мезгіл ыстық тамақпен қамтамасыз етілді. Сабақтарын дәстүрлі түрде жалғастырды. Ауданымыздың ерікті тұрғындары, қоғам белсенділері, меценат-кәсіпкерлер, белсенді жастар, қайырымды іске ұйытқы болып, гуманитарлық көмек жөнелтті. Мұндай игі бастамалар Арал қаласы, Сексеуіл, Жақсықылыш кенттерімен бірге бірнеше ауылдық округтерде ұйымдастырылды. Сауапты іске атсалысып, көмек қолын созған барлық азаматтарға алғысымды білдіремін! Елімізде әрқашан бейбітшілік пен келісім, достық пен сенім орнасын.»-деп ізгі лебізін жеткізді.Мұнан соң аудандық Қазақстан халқы Ассамблеясы жанындағы ақсақалдар кеңесінің төрағасы Оспанов Нұралы сөз алып, этнос өкілдерінің ауданның дамуы жолында еңбектері зор екендігіне тоқталып, алдағы жұмыстарына сәттілік тіледі.Кездесу барысында молдаван ұлтының Виктор Чумаш өзінің жергілікті халықпен дос-туыс боп араласып кеткенін айтып, аралдықтарға ризашылығын жеткізді.Сонымен қатар, Сексеуіл кентінің тұрығыны Батыс аймақтарға гуманитарлық көмек жөнелтуді үйлестірушілердің бірі, қоғам белсендісі Б. Ізбасаров қатысушыларды мерекемен құттықтап, қайырымды іске үлес қосқан барлық тұрғындарға ризашылығын білдірді.Қазақстан халқының бірлігі күні мерекесіне орай ұйымдастырылған шарада су тасқынынан зардап шеккен өңірлерге көмек жөнелту шараларын ұйымдастырып, азаматтық белсенділік танытқан кент және ауылдық округтердегі еріктілер мен батысқазақстандық оқушыларға тәлім-тәрбие берген ұстаздар аудан әкімінің Алғыс хатымен марапатталды.

Бірлік күні мерекесі қарсаңында Арал ауданының басшысы этнос өкілдерімен және еріктілермен кездеті

<a href="https://kyzylorda-news.kz/">Kyzylorda-news.kz</a> &nbsp;«Сұлу-ай» шығармашылық өнер орталығының шәкірттері өткен аптада табысты өнер көрсетіп, жеңіс тұғырынан көріне білді. Орталықтың ең басты жаңалығы – өнерпаздарымыз ХХVI облыстық «Бозторғай» конкурсынан жүлделі орын алуы еді. Аудандық кезеңнен мүдірмей өткен Жетікөл ауылындағы «Нұр-Шапағат» және «Бесарық ауылындағы «Гүлсара», Асқар Тоқмағамбетов ауылындағы «Айтұмар» би тобы, Айдарлы ауылындағы жас әнші Айша Жұмабай жүлделі шіркейлілік Шахмардан Жақсылық, ІІІ орынды иеленді. Ал нағилық Айбибі арнайы диплом иегері атанды.Негізінен, би ұжымдары облыс бойынша 60 топтың ішінен үздіктер қатарынан табылды. Жалпы, «Нұр-Шапағат» би тобы «Құрбылар», «Гүлсара», би тобы мен «Айтұмар» би тобы қазақ биінен қойылым ұсынды.– Мемлекеттік бағдарлама шеңберінде жұмысын бастаған «Сұлу-ай» шығармашылық өнер орталығының шәкірттері бұл жолы кезекті рет мықты, майталман бишілермен облыстық байқауда бақ сынасты. Әрине, деңгейі жоғары байқаудан жүлделі орыннан көріну арқылы өнерпаздарымыз мерейімізді тасытты. Бұл ретте, ұстаздар еңбегін лайықты түрде бағалаймыз. Ыждағаттылық пен тұрақтылық негізін бүгінгі байқаудың нәтижесінен байқаймыз. Алдағы уақытта білікті ұстаздардың жұмысына сәттілік тілейміз, – деді орталық құрылтайшысы Анар Қалдыбаева.Айта кетейік, би ұжымдары мен «Эстрадалық вокаль» "Домбырамен ән салу" үйірмесінің жетекшісі – Шапағат Жарқынбек пен Аяулым Бекболатова, Қожаберген Дайырханов, Мақсұт Әбсадықов, Ботакөз Қалиасқарова.

Облыстық «Бозторғай» конкурсының жүлдегері атанды

Қызылордалық жастар экологиялық жоба ұсынды

<a href="https://kyzylorda-news.kz/">Kyzylorda-news.kz</a> Кеше Арал ауданының әкімі Аманжол Оңғарбаев жұмыс сапарымен қыр беткейде орналасқан Ерімжатжаға және Жіңішкеқұм елді мекендерінде болды.Ауыл халқымен жүздескен Арал ауданы басшысы өңірдегі жүзеге асырылып жатқан жобалар мен алдағы міндеттерді саралап өтті. Алдымен Қарақұм ауылдық округіне қарасты Ерімбетжаға елді мекенінде өткен кездесуде тұрғындар аудан әкімінің жұмысына сәттілік тілеп, бірқатар ұсыныс-тілектерін жеткізді. Ауылға қатынайтын автокөлік жолын тегістеу, ауыз су, электр қуатының аздығы мәселелерін айтты.Ал Атанши ауылдық округіне қарасты Жіңішкеқұм елді мекенінің тұрғындары су ұңғымасын қазу қажеттігін және жол қатынасы қиындық тударатындығын білдірді. Ауыл тұрғындарының пікірлерін мұқият тыңдаған аудан әкімі ерімжағалықтарға ауылға барар жолдың уақытша тегістелетіндігін, ауыз су мәселесі бойынша Тоқабай, Абай елді мекендеріне су желісі тартылған соң қолға алынатындығын жеткізді. Сондай-ақ, ауданға қарасты ауылдық округтердің электр желілерін жаңғырту жұмыстары реттілігімен жүргізіліп жатқаны түсіндірілді.&nbsp;Жіңішкеқұмдықтармен өткен кездесуден соң аудан басшысы ауыл маңындағы су ұңғымасының қазіргі жағдайын көрді. Тұрғындар сұранысына сәйкес су ұңғымасын қазу үшін жоба әзірленіп, тиісті салалық басқармаға қаржыландыруға ұсынылған.&nbsp;Ауылдық округтерге жасаған сапар барысында аудан әкімі мектеп, балабақша, ауылдық клуб, медициналық бекет ғимараттарын аралады. Ауыл халқына қызмет көрсететін нысандардың жұмысымен танысқан соң мекеме басшыларына ғимаратты талапқа сай күтіп ұстау және тұрғындар үшін жұмыс сапасын арттыру жөнінде тапсырма берді.Атап өтейік, елді мекен тұрғындарымен өткен кездесуде ауыл халқына арналған мемлекеттік бағдарламалар мен жеңілдетілген несие алу жолдары түсіндірілген болатын.

Арал ауданы әкімі қыр беткейдегі ауыл халқымен кездесті

<a href="https://kyzylorda-news.kz/">Kyzylorda-news.kz</a>&nbsp; 1 мамыр – бірліктің, татулықтың мерекесі. Бүгінде кең байтақ жерімізде түрлі ұлт өкілдері тату-тәтті өмір сүруде. Әр ұлттың өзіне тән салт-дәстүрі мен мәдениеті, әдет-ғұрпы мен дүниетанымы бар. Әйтсе де, олар бір шаңырақ астында ынтымағы жарасып, бірлігі бекіп, мемлекеттік мұрат жолында ғұмыр кешуде. Олардың қай-қайсысы болсын Қазақстанды тарихи отаны санап, өсіп-өніп, ұрпақтарын қазақтың салт-санасымен тәрбиелеп келеді. Осы ретте Жаңақорған жерінен бақыт тапқан, қиын кезеңде қазақтың жанашырлығы мен бауырмалдығын сезінген орыс ұлтының өкілі Людмила Сивковамен тілдескен едік.<blockquote>– Мен осы ауданда өмірге келдім, өндім-өстім, білім алдым. Қазақ жігітіне тұрмысқа шықтым. Құда-жекжаттарым да қазақтар. Жалпы қазақ халқына дән ризамын. Әсіресе көрші-қолаңға рақмет айтқым келеді. Олар мен күлсем, қуанышыма ортақтасады, мұңай¬сам, сырыммен бөліседі. Бір сөзбен айтқанда, жан-дүнием, кескін-келбетім орыс болғанымен, жүрегім қазақ. Мен де осындай киелі топырақта өмір сүріп жатқанымды мақтан етемін. Мұндай өнегені қазақтың болмыс-бітімінен үйрендік. Өйткені қазақ халқы қонақты ырысқа теңейді. Бұл жақсы қасиет. Біздің отбасымызда бірлік пен ынтымақты берік ұстау бірінші қағида. Өзге ұлт өкілі болсақ та жанымыз, жүрегіміз қазақ халқымен бірге. Қазақи салт-дәстүрді берік ұстанып, басымнан ақ жаулығымды тастаған емеспін. Жұма сайын бауырсақ пен жеті шелпек пісіріп, жиі ет асамын. Келген қонақтарға әрдайым есігіміз айқара ашық, – дейді Людмила ханым ағынан жарыла.</blockquote>Иә, бір шаңырақ астында 130-дан астам этнос өкілдері өздерінің діні мен тілін, салтын сақтап қазақ елінде ынтымақтастықты арттырып келеді. «Бірлігімізді сақтай білсек талай биіктен көрінеміз» дейтін бүгінгі кейіпкеріміз де жаңақорғандықтарды бірлік күнімен құттықтады.<blockquote>– Біздің ата-бабаларымыз өткен ғасырдың 30-40-шы жылдары қиын-қыстау кезеңде тағдырдың жазуымен қазақ жеріне жер аударылды. Өзге этностарға кеңпейілділік танытып, құшақ жая қарсы алған қазақ елінің дархандығын атам мен әжем үнемі аузынан тастамайтын. Жанынан орын беріп, соңғы асымен бөліскенін де айтып отыратын. Осындай қамқорлықтың арқасында ешкім далада қалған жоқ. Керісінше, қазақтың кең даласында өсіп-өркендеп, оқып жетілдік. Анам да, өзім де өмірлік жарымызды осы Жаңақорған жерінен кездестірдік. Қазақ отбасына келін болып, бір ұл, екі қызды тәрбиелеп өсіріп, немере сүйіп отырған жайым бар. Қолымдағы келінім де қазақ ұлтынан, кіші қызымды да қазақ отбасына ұзаттым. Қазақ халқы жаны таза қарапайым халық. Қазақтар ешқашан кек сақтап, өкпе-ренішін арқалап жүрмейді. Олар өте ақкөңіл, кеңпейіл, шынайы жандар. Осы уақытқа дейін өзім араласқан адамдармен әрқашан тату-тәтті тұрып келеміз. Әрбірінің жүректері мейірімге толы, қашанда жаныңа жылу сыйлауға, көмектесуге дайын тұрады. Мен шын көңіліммен қазақтардан кек сақтамауды, мейірімділікті, адамдарға түсінуші¬лікпен қарауды үйренгенімді жасырмай¬мын. Әрдайым өз балаларын үлкенді құрметтеуге, кішіге қамқор болуға үйретеді,– деп қуанышымен бөлісті.</blockquote>Бүгінде ауданымызда тұрып жатқан өзге ұлт өкілдері жергілікті тұрғындардың ыстық мейірімін сезініп, осы мекенді қасиетті шаңырағы санайды. Ауданда өтетін әрбір қоғамдық маңызы бар шараларға атсалысып, өздерінің белсенділігін танытып келеді. Осындай шаралардан қалыс қалмай өз үлесін қосып жүретін Людмила апамыз да ел ортасынан өз орнын тапқанына қуанады. Тіпті, қазіргі жағдайға жету де оңай болмағанын жасырмады.<blockquote>– «Бірлік түбі – береке» деген халық даналығы бар. Осы күнді ерекше ықыласпен, ыстық махаббатпен қарсы аламын. Достарым, бұрыннан келе жатқан аралас-құралас жолдастарым құттықтап келіп жатады. Мұның бәрі мен үшін үлкен қуаныш! Мемлекет болғаннан кейін оның мемлекеттік тілі бірінші орында тұруы керек. Әрбір адам басқа тілдерді де білуі керек. Қазақстанда қазақ тілі баршамызға ортақ тіл. Қазақ тілін білу біздің азаматтық борышымыз. Осы ретте барша қазақстандықтарды мерекелерімен шын жүректен құттықтаймын. Әрбір қазақтың шаңырағында тек қана қуанышты күндер көп болсын! Жалпы қазақ жұртына айтар алғысым шексіз. «Қиындық атаулыны жеңетін бір-ақ күш бар, ол – бірлік» демекші, ел басына күн туған замандарда халқымызды ұлт ретінде сақтап қалған ынтымағы мен бірлігі. Ұлттың түрлі бо¬луы татулыққа еш кедергі келтірмейді. Ең бастысы, бір-бірімізге деген сыйластық болса болғаны, – деді апамыз.</blockquote>Иә, он жеті ұлттың өкілі тұратын ауданымызда тұрғылықты халықпен бірдей еңбек етіп, даңққа бөленіп, мерейі асқан өзге ұлт өкілдерінің саны көп. Олар ағарту саласында да, руханият саласында да, өндіріс саласында да көптеп саналады. Бүгінгі біздің кейіпкерімізден үйренеріміз көп. Әдемі кездесу барысында Людмила апай бізбен жылы қоштасты. Жүзінен мейірбандықтың шуағы төгілген, кең пішілген тұла бойы мен дархан жүрегінен шаттықтың лебі ескен асыл ана немерелерінің қызығына кенелуден артық бақыт жоқ деп есептейді. Барша анаға тән ақ тілегі – бейбітшілігіміз баянды болса екен дейді. &nbsp;

Людмила Сивкова: Қазақ халқына алғысым шексіз

<a href="https://kyzylorda-news.kz/">Kyzylorda-news.kz</a> Бүгінде қатерлі ісік ауруы тек денсаулық сақтау саласының ғана емес, жалпы қоғамның мәселесіне айналып отыр. Елімізде өткен жылдың қорытындысы бойынша онкологиялық есепте 218 мың қазақстандық тұр екен. Сондай-ақ осы дерттен 12 мыңнан астам адам қайтыс болған. Аталған саланың жай-күйін білу үшін аудандық емхананың онколог дәрігері Наурыз Козановпен сұхбаттасқан едік.– Наурыз Козанов, жалпы қатерлі ісік неден пайда болады? Оның пайда болуына әсер ететін ғылыми дәлелденген факторлар бар ма?– Қатерлі ісіктің пайда болу себебі өте көп. Атап өтетін болсам, негізгі ауру себебін созылмалы аурумен байланыстыруға болады. Кез келген патологияның пайда болу себебі – иммун жүйесінің дұрыс жұмыс істемеуі салдарынан болады. Кез келген тірі ағзада рак жасушалары болады. Иммунитеттің онымен күресуге қауқары барда қатерлі ісік болмайды. Ағза әлсіреп, типсіз жасушаларға қарсы тұруға күші қалмаса, олар ұлғая бастайды. Күнделікті стресс, жүйкеге артық жүк түсуі, демалыс пен жұмыс режимінің дұрыс болмауы да иммун жүйесіне кері әсер етеді. Қоршаған орта да маңызды. Ауаның ластануы, айналадағы технологиялар. Радиотолқын да қауіпті. Бірден әсер етпейді, бірақ әсері жылдар бойы жинала береді. Бір қызығы – өмір сүру сапасы артқан сайын онкологиялық ауру қаупі де күшейеді.– Диагнозын ерте біліп, уақытылы ем алатын науқастар санын көбейту үшін не істеу керек?– Елімізде қатерлі ісікпен ауыратын науқастардың 60-65 пайызы емдеуге жіберіледі. Бұл – онкологияның дер кезінде анықталған, бірінші, екінші кезеңі. Жалпы кез келген аурудың диагнозын ерте білу үшін жылына кем дегенде бір рет медициналық тексерілуден өту қажет.&nbsp;– Қазірде скрингтік тексеріс жақсы жүргізіліп келеді. Дей тұра кей адамдар немқұрайлылық танытып жатады. Мұндай жағдайда не істеу қажет?– &nbsp;Қазақстанда скринингтің үш түрі бар. Жатыр мойны обырының скринингісі 30-70 жас аралығындағы әйелдерге жүргізіледі. Төрт жылда бір рет әйелдің жыныс мүшесінен сынама алынып, цитологиялық зерттеуге жіберіледі. Омырау рагына 40-70 жас аралығындағы әйелдерді екі жылда бір рет тексереді. Тоқішек рагының скринингісі 50-70 жас аралығындағы ерлерді қамтиды. Екі жылда бір рет нәжісте қан бар-жоғын анықтау үшін тексеріліп отыру керек. Бұл – медициналық сақтандыруға кіретін тегін сараптама түрі. Денсаулық – ең қымбат байлығымыз. Ол бірінші кезекте өзімізге керек. Сол себепті скринингтік тексеруге немқұрайлы қарауға болмайды. Скринингтік тексеру дертті ерте анықтап, уақытысында шипа алуға көзделген арнайы бағдарлама. Сондай-ақ аурудың ерте алдын алуға мүмкіндік береді. Кез келген дерттің дауасы – уақытында анықтау. Сондықтан дер кезінде скринингтік бағдарламаға шақырған уақытта барып қаралу керек. Еліміздің әр азаматы жасы келгенде осы тексерістен өтуі ауруды алдын ала анықтауға үлкен септігін тигізеді.– Елімізде онкологиялық ауруларды ем¬¬дейтін дәрігерлердің көптеп даярланып жат¬қаны қуантады. Алайда, бұл оң өз¬ге¬ріс саладағы дәрігерлерге деген сұ¬¬¬ра¬¬ныс¬ты қанағаттандыра ала ма?– Рас, онколог дәрігерлер жетіспейді. Бұл ретте әлі де біраз жұмыс істеу керек деп ойлаймын. Әрине, Үкімет тарапынан қолдауға кенде емеспіз, Қазақстан Республикасы Денсаулық сақтау министрлігі жыл сайын онкология саласында мамандар даярлауға квотаны көбейтіп жатыр. Дәрігер көбейген сайын, халқымыздың саны да артып келеді. Соған байланысты дәрігер тапшылығы әлі күнге дейін сезіледі.– Ауданымызда «жаман аурудың» деңгейі қандай? Тұрғындардың көбі қатерлік ісіктің қай түрімен ауырады?&nbsp;– Ауданымызда қатерлі дертпен «Д» есепте тіркелген науқастар саны былтырғы жылмен салыстырғанда азаймай отыр. Көбіне асқазан, өңеш обыры жиі анықталып, науқастар тиісті деңгейде емдерін қабылдауда.– «Ауырып ем іздегенше, ауырмаудың жолын ізде» деп жатамыз. Жалпы аурудың алдын алу үшін қандай әрекеттер жасау керек?– Аурудың алдын алу үшін жоғарыда айтқанымдай, медициналық тексеруден уақытылы жылына 1 рет өту керек. Енді ерте диагностикалауға кеңірек тоқтала кетсем деймін. Бұл – қатерлі ісікті емдеудің ең маңыздысы. Өйткені ауруы ерте белгілі болған науқастардың түгелге жуығының жазылып кету мүмкіндігі бар. Яғни обырдың бәрі – өлімге соқтыратын тажал емес. Оған қарсы тұру үшін, күресу үшін сау күнінде әрекет жасау керек.&nbsp;– Айналамыздан осыбір індетті жеңген адамдарды да кездестіріп жатамыз. Олар бұл аурумен қалай күресіп жатыр?– Ондай пациенттер дер кезінде скринингтік тексерден өтіп, сапалы медициналық көмек алып, емін уақытылы қабылдағандар. Әрине, көп нәрсе науқастың ағзасына да байланысты. Дей тұра адамға қайтпас қайсарлық пен рухани мықты болу да маңызды.– Қалай ойлайсыз, қазірде адамдар басты байлығына қалай қарайды?– «Ауруын жасырған өледі» демекші, біздің адамдарда әлі де дәрігерге көрінуді қорқыныш санайтындар бар. Дегенмен, қазіргі уақытта халық арасында денсаулығына мән беріп қарайтындар көбейіп келеді. Адамға керегі бірінші – денсаулық. Сол себепті басты байлыққа жүрдім-бардым қарамау қажет. Саламатты өмір салтын ұстану – бұл сөзді барлығымыз естісек те, ол қағидаларды ұстанып жатқанымыз өте аз. Дұрыс әрі уақытымен тамақтану, дене шынықтырумен айналысу, көп қимылдау, көп жүру, таза су ішу, көкөніс пен жемістерді мол пайдалану, ет тағамдарын мөлшерінен тыс пайдаланбау керек. Сау адамдар жылына бір рет дәрігерге көрініп, түрлі тексерулер мен қараулардан өтіп отыруы керек. Әйел адам болсын, ер адам болсын профилактикалық тексерулерден өтіп отыру, анықталған ауруларды уақытында емдету – денсаулықтың үнемі мықты болып жүруіне септігін тигізеді. Ауырып ем іздемей, ауырмайтын жол іздеуді әр адам өзіне мақсат тұтса, нұр үстіне нұр болар еді.Сұхбаттасқан Ақнұр САҒЫНТАЙ&nbsp;Фото: Нұрболат Нұржаубай &nbsp;<img src="https://knadmin.beoblood.kz/uploads/2b9f9cda_7d1d_48e3_83c9_78d3b87f93a3_fa5f3a0e14.jpg" alt="2b9f9cda-7d1d-48e3-83c9-78d3b87f93a3.jpg">

Қазақстан және Қызылорда облысының жаңалықтары