Kyzylorda-news.kz. «AMANAT» партиясының Хатшысы Ержан Жұматұлы Жылқыбаев бейнабайланыс режимінде партияның аумақтық &nbsp;филиалдарында атқарылып жатқан жұмыстар есебін тыңдап, жұмысты жетілдіру бағытында ұсыныстарын берді.Жалпы атап өтейік «AMANAT» партиясында партия Төрағасы, Атқарушы Хатшының төрағалығымен әр апта сайын еліміз бойынша &nbsp;өңірлік филиалдардағы жұмыстарды саралап отыру жолға қойылған.Бүгін партия Хатшысы &nbsp;партияның Қызылорда облыстық филиалына қарасты Арал, Қармақшы, Сырдария және Шиелі аудандарында жыл басынан атқарылған жұмыстарды саралады.Жиынға партияның облыстық филиалының төрағасы Наурызбай Байқадамов, Атқарушы хатшы Ләйлә Төрешова, Атқарушы хатшының орынбасары Алтынбек Жарылқасынов, бөлім басшылары мен аумақтық филиалдардың &nbsp;төрағалары мен Атқарушы хатшылары қатысты.Әрине атқарылған да, алда атқарылатын да &nbsp;жұмыстар жеткілікті. Партия Хатшысы әрбір мәселеге жеке назар аударып, Орталық партия аппараты тарапынан жасалаған мониторинг жұмыстары нәтижесімен тиісті ұсыныстарын берді.Мұнан соң партияның облыстық филиалының төрағасы Наурызбай Байқадамов аумақтық филиалдар басшыларымен жұмысты жетілдіру бағытында айтылған ұсыныстар бойынша жиын өткізіп, нақты тапсырмалар берді.

Партия Хатшысы аумақтық филиалдармен атқарылған жұмыстарды саралады

Kyzylorda-news.kz. "Қазгидромет" 29 қазандағы Қазақстан аумағындағы күн райы болжамын ұсынды.Республиканың басым бөлігінде атмосфералық фронтальды бөліктердің өтуімен күн райы тұрақсыз болады, жауын-шашын (жаңбыр, қар) түсіп, көктайғақ, қар жауады, түнде батыста, орталықта, күндіз Қазақстан Республикасының солтүстік-батысында – қатты жауын-шашын (жаңбыр, қар) болады. Қазақстанда тұман түсіп, жел күшейеді деп болжанды.

29 қазанда бірқатар өңірде дауылды ескерту жарияланды

Kyzylorda-news.kz. 29 қазан Қазақстан Республикасында Жалпыұлттық аза тұту күні болып жарияланды, деп &nbsp;хабарлайды Ақорда.&nbsp;<blockquote>«Қарағанды облысындағы И.А. Костенко атындағы шахтада болған авария салдарынан адамдардың қаза болуына байланысты Қазақстан Республикасында 2023 жылғы 29 қазанда жалпыұлттық аза тұту жариялансын», - делінген Президент Қасым-Жомарт Тоқаевтың Өкімінде.</blockquote>

Қазақстанда 29 қазан – Жалпыұлттық аза тұту күні

Kyzylorda-news.kz. Соңғы мәліметтерге сай, Қарағанды ​​облысындағы Костенко атындағы шахтада 32 кеншінің опат болғаны белгілі болды, деп хабарлайды <a href="https://kaz.inform.kz/">Kazinform</a>.Санаулы уақыт бұрын ғана 28 кеншінің денесі табылып, 18 адам іздестіріліп жатқанын <a href="https://kaz.inform.kz/news/shahtada-kaza-tapkan-28-kensh-tabildi-18-adamdi-zdestrlp-zhatir-cb2b79/">хабарланған еді.</a> Өкінішке қарай, құрбан болған кеншілер саны сәт санап артуда.Дәл қазір «АрселорМиттал Теміртау» АҚ-ның Костенко атындағы шахтасындағы апаттан кейін 14 адам табылмай жатыр. Бұл туралы «АрселорМиттал Теміртау» АҚ Көмір депратаментінің персонал жөніндегі директоры Еркебұлан Мұқанов айтты.«Қазір шахтада 32 адам қаза болғаны анықталды. Бір сағат бұрынғы мәлімет бойынша 6 адамның денесі шығарылды. 14 адамды іздестіру жалғасып жатыр», - деді Е. Мұқанов Kazinform тілшісіне берген сұхбатында.

Костенко атындағы шахтада 32 кенші қаза болғаны анықталды

Kyzylorda-news.kz. Қасым-Жомарт Тоқаев Қарағанды облысындағы Костенко шахтасында қайғылы оқиға салдарынан қаза тапқан кеншілердің отбасыларымен және туған-туыстарымен кездесіп, көңіл айтты, деп хабарлайды Ақорданың баспасөз қызметі.&nbsp;Президент апаттың мән-жайын анықтау, кеншілерді құтқару және зардап шеккендер мен қаза тапқандардың отбасыларына шұғыл көмек көрсету жөнінде қажетті шаралар қабылданатынын жеткізді. Мемлекет басшысы ертең, яғни 29 қазанды елімізде Жалпыұлттық аза тұту күні деп жариялайтынын айтты.

29 қазан Жалпыұлттық аза тұту күні болып жарияланды

Kyzylorda-news.kz. Қасым-Жомарт Тоқаев қайғылы оқиға салдарынан қаза тапқан кеншілердің отбасыларымен және туған-туыстарымен кездесіп, көңіл айтты.&nbsp;Президент апаттың мән-жайын анықтау, кеншілерді құтқару және зардап шеккендер мен қаза тапқандардың отбасыларына шұғыл көмек көрсетілетінін жеткізді.Мемлекет басшысы ертең, яғни 29 қазанды елімізде Жалпыұлттық аза тұту күні деп жариялайтынын айтты.

Қасым-Жомарт Тоқаев апат болған Костенко атындағы шахтаға барды

Kyzylorda-news-kz. Қарағанды облысындағы Костенко атындағы шахтада болған өрттен қаза тапқан кеншілер саны 21-ге жетті, 23 кенші әлі де жер астында деп хабарлайды оқиға орнынан <a href="https://kaz.inform.kz/">Kazinform</a> тілшісі Айзада Агильбаева.

Костенко атындағы шахтада қаза тапқан кеншілер саны 21-ге жетті

Kyzylorda-news-kz. Елімізде қазан айының соңғы жексенбісі – әлеуметтік қорғау жүйесі қызметкерлерінің күні болып атап өтілуде. Бүгінде облыста 2 мыңнан астам әлеуметтік қызметкер қамқорлықты қажет етуші мүгедектерге, зейнеткерлерге және халықтың басқа да осал топтарындағы мыңдаған адамға қызмет көрсетіп келеді.Бұл туралы Қызылорда облысының Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Жанар Дәулетбаева хабарлады.<blockquote>- Әлеуметтік қорғау жүйесі – халықты &nbsp;жұмыспен қамту, әлеуметтік қолдау, мүгедектігі бар адамдардың өмір сүру сапасын арттыру, арнаулы әлеуметтік қызмет көрсету жұмыстарын атқарып келеді. Сондай-ақ, облыс орталығында еңбек мобильділігін қамтамасыз ететін арнайы орталық ашылды. Ал бұған дейін қала мен барлық аудандарында жұмыс істеп келген халықты жұмыспен қамту орталықтары енді «Мансап» мекемесі болып қайта құрылды. Бұдан бөлек, 30 мыңнан астам жаңа жұмыс орынын ашу жоспарланып, бүгінге дейін 27 мыңнан астам азамат жұмыспен қамтылды. Ал жекелеген санаттағы әлеуметтік қолдауды қажет ететін 13 мыңнан астам адамға әлеуметтік төлемдер төленді. Сонымен қатар әлеуметтік қызметтер порталы арқылы 27 546 мүгедектігі бар азамат техникалық оңалту құралдарымен қамтамасыз етілді, - деді Жанар Жұмабекқызы.</blockquote>Брифинг барысында Қызылорда облысы бойынша Еңбек және әлеуметтік қорғау &nbsp;департаменті басшысының орынбасары Төреахмет Жолымбетов &nbsp;жыл басынан бері атқарылған жұмыстарға тоқталып, азаматтарға көрсетілген әлеуметтік қамсыздандыру бағыты бойынша жүргізілген шараларды баяндады.<blockquote>- Облыс бойынша &nbsp;жыл басынан бері республикалық бюджеттен 270 мыңнан астам адамға жалпы сомасы 128,4 млрд теңге көлемінде зейнетақы және әлеуметтік жәрдемақы төленді. Сондай-ақ, 15 мемлекеттік қызмет түрі бойынша 90 189 азаматқа тиісті қызмет көрсетіліп, 90 189 құжат бекітілді. Осыған сәйкес, тағайындалған зейнетақы мен жәрдемақының 44 456 –і жаңадан рәсімделді, &nbsp;- деді Төреахмет Сайлаубайұлы.</blockquote>

Қызылордада 2 мыңнан астам әлеуметтік қызметкер еңбек етуде

Kyzylorda-news.kz. Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова онлайн және офлайн форматта есептік кездесу өткізді.Ректор университеттің академиялық білім беру, ғылыми-зерттеу, халықаралық қатынас, әлеуметтік қызметі туралы баяндады. Сондай-ақ, 2022-2023 оқу жылында атқарылған жұмыстарды талдап, жетекші оқу орнының алдағы даму жоспарымен таныстырды. &nbsp;Білім ордасының басшысы Қорқыт ата атындағы Қызылорда университетінің негізгі мақсаты еліміздегі білім мен ғылым саласының өркендеуіне, өңірдің әлеуметтік-экономикалық тұрғыда дамуына үлес қосу екенін атап өтті.&nbsp;2023 жылы QS World University Ranking университеттердің беделді рейтингіне қазақстандық 21 жоғары оқу орны енді. Рейтингтегі үздік ЖОО-ның бірі – Қорқыт ата атындағы Қызылорда университеті.&nbsp;Аккредиттеу және рейтингтің тәуелсіз агенттігі (НААР) өткізетін «Сұранысқа ие жоғары оқу орындарының ұлттық рейтингі» қорытындысы бойынша 7-орынды иелене отырып, Қазақстан Республикасының ТОП-10 үздік жоғары оқу орнының қатарына кірді. Университеттің 20 білім беру бағдарламасы үздік үштікке енді.&nbsp; Университет бойынша 2023-2024 оқу жылындағы білім алушылар контингенті 10 мыңнан асты. 2019-2020 оқу жылымен салыстырғанда білім алушылар контингенті 2 есеге, мемлекеттік білім гранты негізінде оқитындар саны 3,7 есеге өсті. Ал, кадрларды даярлау 113 білім беру бағдарламасы бойынша жүзеге асырылуда. Алдағы уақытта оқу орны жасанды интеллект бойынша білім беретін еліміздегі ең негізгі оқу орындарының бірі болмақ. Корея Республикасы үкіметінің қаржыландыруымен Сеул Ұлттық ғылым және технологиялар университетімен бірлесіп «IT кафедраларды қайта құрылымдау және жасанды интеллекттің жаңа мектебін құру» жобасы жасалды.&nbsp; Жеті жылға есептелген жоба оқу процесіне жаңа технологияларды енгізуді, жасанды интеллект және информатика жоғары мектебін құруды, озық университетті қалыптастыру бойынша Оңтүстік Корея тәжірибесінің трансфертін көздейді.Алдағы уақытта Ұлыбританияның Саффолк университеті және Ченж мектебімен (University of Suffolk and Change School) бірлесіп, кәсіпкерлікке байланысты жаңа жоба жүзеге асырылмақ. Соның нәтижесінде келешекте Қызылордада бизнес мектебі ашылады.Мұнан бөлек университетте Каннам Университетімен (Корей Республикасы), Қытай мұнай университетімен (КХР), Томск политехникалық ұлттық зерттеу университеті, Дубна университеті (Ресей Федерациясы), &nbsp;«Ташкент ирригация және ауылшаруашылығын механикаландыру инженерлері &nbsp;институты» Ұлттық зерттеу институтымен (Өзбекстан Республикасы) бірлескен білім беру бағдарламалары жүзеге асырылуда.Білім алушылардың өз саласы бойынша озық технология, тың зерттеу нәтижелерімен танысуы – басты орында. Бұл ретте еліміздегі өзге оқу орындарында және шетелде І семестр көлемінде оқуға мүмкіндік беретін Академиялық ұтқырлық бағдарламасының маңызы зор.&nbsp; Осы бағдарлама аясында 239 студент отандық ЖОО-ларда оқып келсе, басқа ЖОО-лардан 206 студент Қорқыт ата атындағы Қызылорда университетіне оқуға келді. Сыртқы академиялық ұтқырлық бағдарламасы да жүйелі түрде іске асуда. Атап айтсақ, 2022-2023 оқу жылында 21 білім алушы Еуропаның Лодзь (Польша), Ховест қолданбалы ғылымдар университетінде (Бельгия), Томск политехникалық зерттеу университетінде білімдерін шыңдап келді. Сондай-ақ, 2023-2024 оқу жылының бірінші академиялық кезеңінде 44 білім алушы Хубей (ҚХР), Каннам (Оңтүстік Корея), Лодзь (Польша), Сельчук (Түркия), Ташкент (Өзбекстан) жоғары оқу орындарында ұтқырлық бағдарламасы бойынша білім алуда.Университет ғалымдары өңірдің әлеуметтік – экономикалық дамуына үлес қосу мақсатында гранттық және халықаралық жобаларды жүзеге асыруда. Университетте жалпы ғылымнан түскен табыс жылдан жылға ұлғайып келеді. 2022 жылы 17 жоба орындалған болса, 2023 жылы жалпы 23 ғылыми жоба орындалуда. 2020 жылмен салыстырғанда ғылымнан түскен қаржы 3,2 есеге өсті.2022 жылдан бастап Қазақстан Республикасының Президенті Қасым-Жомарт Кемелұлы Тоқаевтың тапсырмасы бойынша жыл сайын «Болашақ» бағдарламасы аясында 500 қазақстандық ғалым әлемнің жетекші ғылыми орталықтарында тағылымдамадан өтуде.&nbsp; Университет ғалымдары «500 ғалым» &nbsp;жобасы аясында АҚШ, Германия, Ұлыбритания, Швейцария, Ресей, Белорусия, Әзірбайжан мемлекеттерінде тәжірибеден өту үшін жолдама алды. 2022 жылы 6 ғалым тағылымдамадан өтсе, 2023 жылы 14 ғалым жоба жеңімпазы атанды. Бүгінде тағы 10 ғалым ғылыми тағылымдамаға құжаттарын тапсырды.&nbsp;Сонымен қатар, ҚР Ғылым және жоғары білім министрлігінің қолдауымен Қорқыт ата атындағы Қызылорда университетінде «Мамандығым – болашағым» жобасы іске қосылды. Жоба аясында мамандықтардың өңірлік картасы жасалып, аймаққа қажетті мамандықтар анықталады. Соған сәйкес, университетте жаңа білім беру бағдарламалары әзірленеді. Оқу орнында сапалы академиялық білім беру бағытындағы жұмыстар, ғылыми зерттеулер қарқын алды. Сонымен қатар, студенттердің ұлттық рухты бойына сіңірген, шығармашылық әлеуетін ел дамуына жұмсайтын рухы биік тұлға ретінде қалыптастыру мақсатында университетте 24 жастар ұйымы жұмыс жасауда. Осы бағытта 2022-2023 оқу жылында 892 іс-шара ұйымдастырылған.&nbsp;Университетте спорттың 13 түрінен: шахмат, волейбол, баскетбол, футбол, тоғызқұмалақ, бокс, пауэрлифтинг, жүзу, фитнес, күрес, теннис, киберспорт, спорттық би секциялары жұмыс жасайды.Жыл сайын өткізілетін республикалық Студенттер лигасына университет студенттерінен құралған командалар спорттың 7 түрінен (баскетбол, волейбол, футзал, үстел теннисі, тоғызқұмалақ, қазақша күрес, шахмат) тұрақты қатыстырылып, жүлделі орындар иеленуде. Университетте Әлем чемпионатының - 9, Азия чемпионатының – 23, Қазақстан чемпионатының - 125 жеңімпазы мен жүлдегерлері бар.&nbsp; 2023 жылғы ЖОО арасындағы жазғы универсиадаға &nbsp;спорттың 16 түрінен 120 білім алушы қатысты. Жалпыкомандалық есепте университет спортшылары 9 орынды иеленіп, 37 медаль (алтын-7, күміс–8, қола-22) қоржынға салды. Қатысушылар университеттің арнайы спорттық киімдерімен толықтай қамтамасыз етілді. Белсенді жастардың шығармашылық ортасын қалыптастыру және олардың бастамасына мемлекеттік қолдау көрсету мақсатында ұйымдастырылған «Тәуелсіздік ұрпақтары» байқауында Қорқыт ата атындағы Қызылорда университетінің студенттері Әділхан Досым мен Тұрсынбай Елдос 600 мың теңге грант жеңіп алды. «Ақиқат» саяси пікірсайыс клубының мүшелері Түркістан қаласында өткен республикалық турнирде жеңімпаз атанды. Республикалық Алматы Ашық лигасының жартылай финалдық сайысында &nbsp;Қорқыт ата атындағы Қызылорда университетінің «Q құрамасы» үздік өнер көрсетіп, финалдық ойынға жолдама иеленді.«CHEVRON» компаниясы ұйымдастыруымен өткен «Sustainability Living Lab» жобалар сайысында университет студенттері Темірлан Абжанов пен Саят Урикбаев 2 млн 600 мың теңге грант жеңіп алды. Университет ректоры сөзін қорытындылай келе Қорқыт ата атындағы Қызылорда университеті алдағы уақытта еліміздің адами капиталы мен ғылыми-технологиялық әлеуетін күшейтуге ықпал ететін жаңа бастамаларды жүзеге асыратынын айтты.&nbsp;Айта кету керек, жиынға зиялы қауым өкілдері, университеттің профессорлық-оқытушылар құрамы, білім алушылар, жұмыс берушілер, ата-аналар мен БАҚ өкілдері қатысты.Оқу орны басшысының баяндамасынан соң, студенттер, оқытушылар мен БАҚ өкілдері сұрақ қойып, ұсыныс-пікірлерін ортаға салды.<img src="https://knadmin.beoblood.kz/uploads/IMG_20231027_WA_0016_fb846c8e80.jpg" alt="IMG-20231027-WA0016.jpg"><img src="https://knadmin.beoblood.kz/uploads/IMG_20231027_WA_0012_fcb07e939b.jpg" alt="IMG-20231027-WA0012.jpg"><img src="https://knadmin.beoblood.kz/uploads/IMG_20231027_WA_0015_cf17bc27c0.jpg" alt="IMG-20231027-WA0015.jpg"><img src="https://knadmin.beoblood.kz/uploads/IMG_20231027_WA_0014_ee59cda4f2.jpg" alt="IMG-20231027-WA0014.jpg"><img src="https://knadmin.beoblood.kz/uploads/IMG_20231027_WA_0017_9bbf192cf8.jpg" alt="IMG-20231027-WA0017.jpg"><img src="https://knadmin.beoblood.kz/uploads/IMG_20231027_WA_0018_598bde48ed.jpg" alt="IMG-20231027-WA0018.jpg">

Университеттің 20 білім беру бағдарламасы үздік үштікке енді

<a href="https://kyzylorda-news.kz/">Kyzylorda-news.kz.</a>&nbsp; Қазақстандық 9 банк "Ұлттық қор – балаларға" бағдарламасымен жұмыс істеуге ниет білдірген, деп хабарлайды Stan.kz."Бірыңғай жинақтаушы зейнетақы қоры" АҚ Басқарма төрағасы Жанат Құрмановтың айтуынша, "Балаларға арналған ұлттық қор" бағдарламасы бойынша жұмыс істегісі келетін банктер тиісті келісімге қол қойып, БЖЗҚ қызметтерімен интеграцияланады.<blockquote>"Біз барлық банкпен жұмыс істеуге дайынбыз. Қазір "Қазпоштадан" басқа, тоғыз банк бізбен жұмыс істеуге ниет білдірді. Салымшы іс жүзінде өзіне қолайлы банкті таңдай алады. Ол қазірдің өзінде бар. Осы банктердің бірімен жұмыс болады, яғни бұл тек "Отбасы банкі" ғана емес, осы бағдарлама бойынша жұмыс істегісі келетін кез келген банк болады", – деді вице-министр.</blockquote>2023 жылғы 1 қазандағы ресми деректер бойынша елдегі 18 жасқа дейінгі балалардың жалпы саны шамамен 7 млн адамды құрап отыр. Парламент қабылдаған Заңға сәйкес Ұлттық қордың инвестициялық табысының 50%-ын 18 жасқа дейінгі барлық жастағы балалар арасында тең бөлу көзделген.

"Ұлттық қор – балаларға": Қазақстандықтар бағдарлама үшін банкті өздері таңдай алады

Kyzylorda-news.kz. Шаһар басшысы Асылбек Шаменов аймақтың 85 жылдығы және Қала күнімен қатар келген Тасбөгет кентінің 75 жылдық мерейтойына арналған "Тасбөгетім тамыр тегім, құт мекен" атты мерекелік шараға қатысты.Құрметті қонақтар мен кент тұрғындары алдымен құтты мекеннің өткенінен сыр шертетін театрландырылған қойылымға куә болды.Тарихы да, тағдыры да Сырдария өзенімен және Қызылорда қаласымен ертеден еншілес бұл мекен 1948 жылдан бері қарай стратегиялық маңызы жоғары плотина құрылысымен бүкіл Одаққа белгілі болды.Мыңдаған құрылысшының маңдай терімен салынып, аймақтың ауылшаруашылық саласына серпін берген бөгетті жағалай ел қонып, елдімекен Тасбөгет атанды.Кеңес төрағасы Тасмағамбет Батыршаев бастаған азаматтардың жанкешті еңбегі тарих бетінде қаттаулы. Жылына 2 миллионнан астам қыш дайындап, құрылыс жұмыстарын кідіртпеген Әбілда Сапарбаевтың жұмысшы тобының да өлшеусіз үлесі әлі күнге аңыз болып айтылады.Қалыптасу кезеңінен бастап қаншама тағдыршешті оқиғалардың куәсі, екі мәрте Сырдария ауданының орталығы болған құтты қоныс 1997 жылғы 17 маусымда Президент Жарлығымен Қызылорда қаласына қосылды. Тағылымды тарихты баяндайтын қойылымнан соң шараның алғы сөзін сөйлеген қала әкімі Асылбек Шаменов кент тұрғындарын мерейлі мерекемен құттықтады.<blockquote>"Тұран төріндегі Тасбөгеттің бүгінгі келбеті ерекше. 32 мыңға жуық халқы бар іргелі орталық соңғы жылдары адам танымастай өзгерді.&nbsp; Көлемі ұлғайып, құрамына «Сабалақ» бау-бақшалық серіктестігі мен «Иіркөл» елді мекені енген өрісті мекенге айналды. Әлеуметтің әл-ауқаты артып, кенттің экономикалық көрсеткіші еселенді. Биыл бюджет &nbsp;пен демеуші көздер және инвестиция есебінен 9 млрд. теңгеге кент тынысына жаңаша леп беретін жарқын жобалар жүзеге асты" деген шаһар басшысы Асылбек Шаменов кенттегі өзге де жетістіктерге кеңінен тоқталды.</blockquote>Бүгінде кент орталығынан инвесторлар 4 млрд. теңгеге 338 пәтерлі көпқабатты 4 тұрғын үйдің құрылысын жүргізуде. Бұл үйлер жақын күндері пайдалануға беріледі. Сонымен қатар, құны 542 млн. теңгені құрайтын дене шынықтыру-сауықтыру кешенінің құрылысы да аяқталуға жақын. Аймақ басшысының тікелей қолдауымен бой көтерген нысан тасбөгеттік жасөспірімдерге ерекше тарту болмақ.&nbsp; Жыл белесінде кенттегі 41 көше жөндеуден өтті. Жолдардың бойына жарық шамдар орнатылды. Тұрғындардың талап-тілегіне орай кентте атқарылып жатқан игілікті шаруадан "Еңбек" және "Өркендеу" саяжайлары да қалыс қалған емес.&nbsp; «Сабалақ» саяжайына газ желісін тартуға демеушілердің көмегімен 100 млн. теңгеге жоба-сметалық құжаттары әзірленуде. Кенттің шығыс бетінде қоныстанған тұрғындардың кәріз судан шығатын жағымсыз иістен арылуы үшін нақты шаралар қолға алынды. Яғни, кәріз су тазарту станциясын толығымен жаңғыртуға құны 37,5 млн. теңгеге жоба-сметалық құжаттары әзірленіп, сараптамаға ұсынылды.&nbsp;Ал, аймағымыз үшін аса маңызды жобалардың бірі – кент аумағында орналасқан бас тоғанды қайта жаңғыртудан өткізу еді. Бұл мақсатқа бюджеттен 2,6 млрд. теңге бөлініп отыр.&nbsp; Кенттегі ауыз толтырып айтарлықтай ілкімді істерді тілге тиек еткен қала әкімі Асылбек Шаменов аймақтың бас шаһарындағы игілікті жұмыстарды және ел Президенті Қасым-Жомарт Тоқаевтың ресми сапары жөнінде баян етті.<blockquote>"Расында да облыс орталығы Қызылорда қаласындағы құрылыс қарқыны, жаңа жобалар ағыны жыл өткен сайын үдеп келеді. Оның барлығы Президентіміз бен Үкіметтің тұрақты қолдауының, аймақ басшысының байыпты бастамаларымен, елге болсын деген атымтай-жомарт азаматтардың жанашырлығымен жүзеге асуда. Осы орайда қаламыздың даму көрсеткіштерінде тасбөгеттіктердің де зор үлесі бар екенін айтқым келеді" деген шаһар басшысы Асылбек Шаменов тасбөгеттің ауызбіршілігінің айнасы болған ақсақалдарға, ел азаматтарына шынайы ризашылығын білдірді.</blockquote>Содан соң қабат келген мерейтойлар аясында мерейлі 75 жасқа толған, өңір дамуына өлшеусіз үлес қосып жүрген бірқатар Тасбөгеттіктерді арнайы алғыс хатпен марапаттап, 75 жылдықтың символикалық белгісі ретінде 75 мың теңге қаржылай сыйақы табыс етті.Мерекелік шара кент тұрғындарына ерекше көңіл-күй сыйлаған елімізге белгілі эстрада жұлдыздары мен жергілікті таланттардың концерттік бағдарламасына ұласты.<img src="https://knadmin.beoblood.kz/uploads/IMG_20231027_WA_0008_d7c29746a0.jpg" alt="IMG-20231027-WA0008.jpg"><img src="https://knadmin.beoblood.kz/uploads/IMG_20231027_WA_0009_0a94dc7f24.jpg" alt="IMG-20231027-WA0009.jpg">

Тасбөгет кентіне - 75 жыл

<a href="https://kyzylorda-news.kz/">Kyzylorda-news.kz.</a>&nbsp; Синоптиктер 26-28 қазандағы ауа райына болжам жасады. Еліміздің басым бөлігінде ауа райының тұрақсыз сипаты сақталады, жауын-шашын, негізінен қар аралас жауын-шашын болады, көктайғақ және бұрқасын күтіледі.<blockquote>«Қазақстанның солтүстігінде, орталығында және шығысында түнде термометрлер 5-10 градус аязға дейін төмендейді, ал күндіз ауа 2 градус аяздан 3 градусқа дейін ғана жылиды, ал батыста және оңтүстік батыста 3 градус жылы болады. Республиканың оңтүстігінде күз ызғары әлі де азайып тұрған жоқ, мұнда күндіз ауа температурасы 10-18 градус Цельсийге дейін көтеріледі, республиканың оңтүстік-шығысындағы шеткі батыс облыстары мен таулы аймақтарды қоспағанда, Күндіз 2-7 градус ыстық күтіледі», - делінген хабарламада.</blockquote>

Қазақстан және Қызылорда облысының жаңалықтары