<a href="https://kyzylorda-news.kz/">Kyzylorda-news.kz.</a> «Қоғамдық келісім» КММ ұйымдастыруымен Қорқыт ата атындағы Қызылорда университетінің 1 оқу ғимаратында «Қазақстанның болашағы – қазақ тілінде» атты Республикалық үздік эссе жазу байқауы өтті. Байқауға «Мың бала» мәдени-ағартушылық жобасы аясында «Мәміле» пікір-алмасу клубының мүшелері және студенттер қатысты.Байқаудың мақсаты &nbsp;– қазақ тілінің маңыздылығы мен құндылықтарын эссеге негіз ете отырып, қолдану ауқымын кеңейту, мемлекеттік тілді насихаттау болып табылады.Шығаршалыққа жақын жандарға мотивация беру, жас буынның ізденісін арттыруды көздеген шарада қала және барлық ауданнан 168 студент бақ сынады. Қатысушыларды әділ қазылар ұсынылған жұмыстардың көркемділігіне, мазмұнына, өзектілігіне қарай бағалады. Нәтижесінде I дәрежелі дипломды - Мұхаммедшах Каюп, II дәрежелі дипломды - Нұрайым Мырқиева, III дәрежелі дипломды Максим Голованов пен Айзере Амангелдиева иемденді. Сондай-ақ, Венера Халилова, Айжарық Даниал, Бақдәулет Алсеитов, Аружан Серікова, Сания Бердібекова Қызылорда облыстық қоғамдық даму басқармасының «Қоғамдық келісім» КММ директоры Бақытжан Камаловтың Алғыс хатымен марапатталды. &nbsp;<figure class="image"><img src="https://knadmin.beoblood.kz/uploads/MW_6_A7379_3d4ee90f33.jpg" alt="MW6A7379.jpg"></figure>

«Қазақстанның болашағы – қазақ тілінде» тақырыбында эссе байқауы өтті

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда облыстық филиалы жанындағы &nbsp;Партиялық бақылау комиссиясы мен «Экологиялық мәселелер» жөніндегі кеңесінің бірлескен отырысы өтіп, онда өңірдегі &nbsp;тарихи-мәдени мұра объектілерін қорғау және &nbsp;пайдалану барысындағы проблемалық мәселелер талқыланды.Қызылорда облысы көлемінде 561 тарихи-мәдени мұра объектілері мемлекет қорғауына алынған, олардың 31-і республикалық, 256-сы жергілікті маңызы бар тарихи және мәдени ескерткіш. 274 нысан тарихи-мәдени мұра объектілерінің алдын-ала тізіміне енгізілген. Қолданыстағы заңдылықтарға сәйкес мемлекет қорғауына алынған ескерткішке қорғау тақтасы орнатылып, төлқұжаттар, есеп карточкалары, қорғау міндеттемелері рәсімделген. Тарих және мәдениет ескерткіштерін теңгерімге алу жұмыстары толық аяқталып, олар қала, ауыл, кент әкімдіктерінің теңгеріміне берілген. Ағымдағы жылы республикалық және жергілікті бюджет есебінен бірқатар тарихи орындар мен ескерткіштерге реставрациялық жұмыстар да жүргізілген.<blockquote>«2023 жылы ҚР Мәдениет және ақпарат министрлігі тарапынан республикалық бюджет есебінен Алтынасар, Сығанақ қалашықтарына, Ғанибай мешітіне, Молқалан, Төлегетай-Қылышты ата, Қарасопы кесенелеріне, Көтібар мұнарасына реставрациялық жұмыстар жүргізілді. Жергілікті бюджет есебінен Қалжан ахун сағанасы мен Абыла желдиірмені жөндеуден өтті. Сонымен қатар қорғау аймағы белгіленген 3 ескерткіш – Қорқыт ата ескерткіш кешені, Сығанақ, Жанкент қалашықтары толығымен қоршалды»,- дейді Қызылорда облысының мәдениет және спорт басқармасының Қызылорда облыстық тарихи және мәдени ескерткіштерді қорғау жөніндегі мемлекеттік мекемесінің басшысы Ерғазы Алданазаров.</blockquote>Жиын барасында партиялық бақылау комиссиясының төрағасы Нұркен Бақытбекұлы елімізде орын алып жатқан вандализм яғни, тарихи мұраларға қасақана зиян келтіру, бұзу, заңсыз қазба жүргізу, петроглифтердің бетін сызып жазу, ескерткіш аумағын бүлдіру сияқты келеңсіз жағдайлар орын алып, қоғамдық резонанс тудырып отырғанын атап өтіп, алдын алу бағытындағы жұмыстарды пысықтады.Қызылорда облыстық тарихи және мәдени ескерткіштерді қорғау жөніндегі мемлекеттік мекемесінің басшысы Ерғазы Алданазаровтың айтуынша осы кезеңге дейін археологиялық ескерткіштерде заңсыз қазба жұмыстарын жүргізген фактілері орын алмаған. Дегенмен, археологиялық ескерткіштер далалық жерде орналасқандықтан, ауа райының қолайсыз әсерінен және жайылып жүрген малдардың сүйкенуі әсерінен қорғау тақталарының құлап, сынып қалған жағдайлары болған. Тұрақты мониторинг жұмыстары нәтижесінде анықталған кемшіліктерге сәйкес жергілікті әкімдіктерге &nbsp;ұсынымдар беріліп, тақталар қалпына келтірілген.Жиын соңында тарихи - мәдени ескерткіштерді күтіп ұстау, қорғау, туризмді дамытуға байланысты ұсыныстар айтылды.Айта кетейік, вандализм әрекеттеріне байланысты Қазақстан Республикасының «Әкімшілік құқық бұзушылық туралы», Қылмыстық Кодекстерінде &nbsp;жауапкершіліктер айқындалған.<figure class="image"><img src="https://knadmin.beoblood.kz/uploads/40c2b32e_7d36_48fc_8630_800e39540f98_fbb84c8c5e.jpg" alt="40c2b32e-7d36-48fc-8630-800e39540f98.jpg"></figure>&nbsp;<figure class="image"><img src="https://knadmin.beoblood.kz/uploads/dfa16e35_557d_4bab_ab0b_f16d4e9f5900_b6d500faf6.jpg" alt="dfa16e35-557d-4bab-ab0b-f16d4e9f5900.jpg"></figure>&nbsp;<figure class="image"><img src="https://knadmin.beoblood.kz/uploads/17001ee3_3f0b_458c_9bd7_f0831188db11_70b5d898ad.jpg" alt="17001ee3-3f0b-458c-9bd7-f0831188db11.jpg"></figure>

Тарихи және мәдени ескерткіштерді қорғау мәселесі талқыланды

<a href="https://kyzylorda-news.kz/">Kyzylorda-news.kz.</a> «Қазгидромет» РМК 17 қарашаға күн райы болжамын ұсынды.Республиканың басым бөлігінде атмосфералық фронттардың өтуіне байланысты жаңбыр мен қар түрінде жауын-шашын, көктайғақ күтіледі. Еліміздің оңтүстігі мен оңтүстік-шығысында антициклон жотасының ықпалымен ашық, жауын-шашынсыз күн райы сақталады.Қазақстанның барлық аумағында тұман, екпінді жел болжанады.

17 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Мұстафа Шоқайдың өмір жолы мен шығармашылық мұрасын зерттеуші ғалымдар ҚР ҰҒА академигі, Абай атындағы қазақ ұлттық педагогикалық университетінің профессоры Мәмбет Қойгелдиев, Түркияның Мимар Синан көркемөнер университетінің профессоры Әбдіуақап Қара, ақын, Қазақстан Жазушылар одағы төрағасының орынбасары Қасымхан Бегманов, мемлекет және қоғам қайраткері, Қорқыт Ата атындағы Қызылорда университеті «Мұстафа Шоқай» ғылыми орталығының ғылыми жетекшісі Әбдіжәлел Бәкірмен кездесіп, қайраткердің есімін ұлықтау мәселелерін талқылады.<blockquote>«Еліміздің тарихында өшпестей із қалдырған, өнегелі ісі аңыз болып дараланған тұлғалар аз емес. Солардың бірегейі Сыр елінің асыл перзенті, түркі бірлігі идеясының жаршысы Мұстафа Шоқайдың орны ерекше. Оның сан салалы саяси қызметін, шығармашылық мол мұрасын танудың өскелең ұрпақты ұлттық рух пен отансүйгіштікке тәрбиелеуде маңызы зор. Мұстафа Шоқай есімі өздеріңіздей ғалымдар мен Тәуелсіз елі барда ешқашан өшпейтіні, тағылымды істері халық арасында насихаттала беретіні анық», – деді Нұрлыбек Машбекұлы.</blockquote><img src="https://knadmin.beoblood.kz/uploads/401278985_643534284634486_3925701386931421113_n_5bde5f11c2.jpg" alt="401278985_643534284634486_3925701386931421113_n.jpg">Өз кезегінде, ғалымдар ұлт қайраткерінің мұрасын зерттеу және танытудағы жоспарларын баяндап, ұсыныстарын ортаға салды.Мұстафа Шоқай – қазақтың мемлекеттік, саяси және қоғам қайраткері, тәуелсіз, біртұтас Түркістанның идеологы. Алашорда үкіметі халық кеңесінің мүшесі. Еуропада эмиграцияда жүріп, қазақтың бостандығы үшін күрескен тұлға.

Облыс әкімі шоқайтанушы ғалымдармен кездесті

<a href="https://kyzylorda-news.kz/">Kyzylorda-news.kz.</a> Жыл басынан бері облыстағы су айдындарында балық аулау кезіндегі қайғылы оқиғалардың алдын алу үшін 2 307 рейд өткізілді. Сондай-ақ, 576 қызметкер мен 268 ерікті қауіпсіздік шараларын сақтау бойынша облыс тұрғындарына түсіндірме жұмыстарын жүргізген. Бүгін Өңірлік коммуникациялар қызметінің ақпарат алаңында облыстық төтенше жағдайлар департаментінің жауапты мамандары балық аулау кезіндегі қауіпсіздік шараларын қатаң сақтауды ескертті.<blockquote>Тұрғындар балық аулау кезіндегі қауіпсіздік ережелерін ұдайы естен шығармағаны абзал. Өйткені оқыстан болған әрбір әрекет қайғылы оқиғаға әкеп соқтыруы мүмкін. Осыған сәйкес, біздің департамент қызметкерлері күнделікті адам көп шоғырланатын аумақтарда дауыс ұлғайтқыш арқылы түсіндірме жұмыстарын жүргізуде. Одан бөлек, тұрғындарға 93 мыңнан астам жадынама таратылды. Жалпы биыл құтқарушылар 3 адамның өмірін сақтап қалды, - деді облыстық ТЖД бастығының орынбасары Бекболат Әбдіқадыров.</blockquote>Брифинг барысында облыстық ТЖД Азаматтық қорғаныс басқармасының бастығы Жандос Жүгінісов қарапайым ережелерді түсіндіріп берді.<blockquote>Түнгі мезгілде балық аулауға немесе аңшылыққа шығуға тыйым салынады. Сонымен қатар, мұз астынан балық аулаған кезде шектеулі алаңда 2-ден артық шұңқыр тесуге және от жағуға рұқсат етілмейді. Қайықтың жарамдылығын және құрал-жабдықтардың дұрыс жұмыс істеп тұрғанына көз жеткізу керек, - деді Жандос Шайымұлы.</blockquote>

Су айдынында 2307 рейдтік жұмыстар жүргізді

<a href="https://kyzylorda-news.kz/">Kyzylorda-news.kz.</a> Қазалы ауданы Ү. Түктібаев атындағы ауылда облыстық ауыл әйелдері форумы өтті. Дәстүрлі түрде өтетін облыстық деңгейдегі әйелдер басқосуына облыс әкімі жанындағы әйелдер істері және отбасылық-демографиялық саясат жөніндегі комиссия мүшелері және хатшысы, Қазалы ауданы әкімдігінің өкілдері мен барлық аудандардан бірқатар кәсіпкер, сан салада табысты қызмет етіп жүрген әйел-аналар, үкіметтік емес ұйым жетекшілері қатысты.&nbsp;Еңбек адамының қоғамдағы рөлін насихаттау, ауыл әйелінің әлеуетін арттыру, әйел аналардың қоғамдағы орны мен рө­лін күшейту, отбасылық және ұлттық құндылықтарды дә­ріп­теу, әйелдердің қоғамдағы белсенділігін арттыруды мақ­сат еткен жиын өңірдегі нәзікжандардың өзара тәжірибе алмасуына мол мүмкіндік сыйлады. Форум жұмысы шараның сексиялық отырысымен жалғасып, "Әйел және қоғам", "Әйел және еңбек", "Дені сау бала — дені сау ұрпақ" тақырыптары тереңнен талданды. Еңбекші әйелдерді насихаттау, ана мен бала денсаулығы мәселелері көтеріліп, мазмұнды шараның маңызы арта түсті.&nbsp;Арнайы ұйымдастырылған жергілікті кәсіпкер әйелдердің қолынан шыққан қолөнер бұйымдары мен түрлі тамақ өнімдерінің жәрмеңкесі аудан әлеуетін арттырып, мерейін өсірді. "Егіздер ауылы" &nbsp;атанған құтты ауыл құрметті қонақтарға ерекше қонақжайлық танытып, мерекелік марапат пен сый-сияпат ұсынды. Форум соңы жергілікті өнерпаздардың концертіне жалғасты.&nbsp;Айта кетейік, Форумды облыстық қоғамдық даму басқармасының тапсырысы негізінде&nbsp;«Асыл Мұра-Орда» қоғамдық қоры және облыс әкімі жанындағы әйелдер істері және отбасылық-демографиялық саясат жөніндегі комиссия ұйымдастырды.&nbsp;<figure class="image"><img src="https://knadmin.beoblood.kz/uploads/401838378_313894554759155_208327169020011434_n_7c06b474cc.jpg" alt="401838378_313894554759155_208327169020011434_n.jpg"></figure>&nbsp;<figure class="image"><img src="https://knadmin.beoblood.kz/uploads/399615452_313895734759037_8254195248224878613_n_76c9a0c553.jpg" alt="399615452_313895734759037_8254195248224878613_n.jpg"></figure>&nbsp;<figure class="image"><img src="https://knadmin.beoblood.kz/uploads/401819365_313895611425716_7206323692111064711_n_5c55b0c0bf.jpg" alt="401819365_313895611425716_7206323692111064711_n.jpg"></figure>&nbsp;<figure class="image"><img src="https://knadmin.beoblood.kz/uploads/400122239_313895954759015_3061607824077494025_n_17f08191dc.jpg" alt="400122239_313895954759015_3061607824077494025_n.jpg"></figure>

Облыстық ауыл әйелдерінің форумы өтті

<a href="https://kyzylorda-news.kz/">Kyzylorda-news.kz.</a> &nbsp;Бүгін партияның облыстық филиалының Атқарушы хатшысы Ләйлә Төрешова, партиялық бақылау комиссиясының Төрағасы Нұркен Бақытбекұлы және партиялық бақылау инспекторы Базара Танбаева сайлауалды бағдарлама аясында салынып жатқан әлеуметтік нысандардың құрылыстарына мониторинг жасады.Комиссия алдымен Қызылорда қаласының сол жағалауында VI-санатты жылына 5000-10000 донацияға арналған облыстық қан орталығы құрылысын көрді.Қан орталығына сол жағалаудан 2,3 га бөлінген. Жобаның жалпы құны - 2,9 млрд теңгені құрайды. Қаржы республикалық және жергілікті бюджет есебінен қаралып отыр. Құрылыс жұмыстарын «Дәнекер Құрылыс компаниясы» ЖШС жүргізуде. Бүгінгі күні құрылыс жұмыстары 65 % орындалып отыр. Келісім бойынша нысан 2024 жылы қолданысқа беріледі. Мердігер мекеме басшылығы жоспарға сәйкес аяқтап, тапсырамыз деп отыр.Әрине, мониторинг мақсаты құрылыс сапасы болғандықтан партиялық бақылау тобы сапаға қатты мән беру керектігін назарға салды.Мониторинг жұмыстары әрі қарай Қызылорда қаласына қарасты Баймұрат батыр ауылындағы дәрігерлік амбулаторияның құрылысында жалғасты. Бұл нысан құрылысын «Бақ-Береке 2030» ЖШС жүргізуде. Қазіргі таңда ғимараттың сыртқы абаттандыру жұмыстары, ішкі әрлеу, сырлау жұмыстары жүргізілуде. Нысан құрылысы 50 пайызға аяқталған.Жалпы «AMANAT» партиясы сайлауалды бағдарламасы аясында өңірде 2023-2024 жылдары 27 денсаулық сақтау нысанын салуға ықпал етуді көздеген болатын. 15 дәрігерлік амбулатория құрылысы ағымдағы жылы жүруде.Мұнан соң партиялық бақылау тобы Қызылорда қаласында салынып жатқан мәдени кешен «Өнер ордасы» құрылысында көрді.<figure class="image"><img src="https://knadmin.beoblood.kz/uploads/402636142_740860458079593_5899583020827823461_n_b4fdc2a3d7.jpg" alt="402636142_740860458079593_5899583020827823461_n.jpg"></figure>&nbsp;<figure class="image"><img src="https://knadmin.beoblood.kz/uploads/401812036_740860478079591_6426658228876636212_n_89a339d2c3.jpg" alt="401812036_740860478079591_6426658228876636212_n.jpg"></figure>

Бақылау комиссиясы әлеуметтік нысандардың құрылыстарына мониторинг жасады

<a href="https://tengrinews.kz/news/baspana-hit-7-20-25-prokommentirovali-prekraschenie-437948/">ФОТО</a><a href="https://kyzylorda-news.kz/">Kyzylorda-news.kz.</a> «AMANAT» партиясы жанындағы Жастарды қолдау бойынша аймақтық кеңестің кезекті отырысы өтті.&nbsp;Қызылорда облысының қоғамдық даму басқармасы «Жастар және жастар ұйымдарымен жұмыс» бөлімінің басшысы Нұркен Мықбасов облыс жастарын тұрғын үймен қамту мәселесін баяндады.&nbsp;Белгіленген заңдылықтарға сәйкес әкімдік пен «Отбасы банк» АҚ арасында екіжакты келісім шарт жасалып, шілде айнда 1,2 млн. тенге қаржы «Отбасы банк» АҚ есепшотына аударылған. Бағдарламаға қатысу үшін құжат қабылдау барысында сыбайлас жемқорлық тәуекелдерін болдырмау, құжаттарды &nbsp;электронды цифрлық қолтаңба арқылы қабылдап, кіріктірілген базалар арқылы құжаттар дұрыстығын тексеру, автоматты түрде жолдама беру ушін бюджеттен қосымша 5,8 млн. тенге каржы қаралды.&nbsp;<blockquote>«Бұл қаржыға «Жастар» ақпараттык сервисі құрылды. Құжат қабылдау 12-26 қазан аралығында ұйымдастырылып, конкурска 789 жастан өтінім түсті. Оның ішінде 471 адамның құжаты қабылданды. Ендігі кезекте 25 қарашаға дейін баллы жоғары 100 үміткерге «Отбасы банк» АК КОФ-нан төлем қабілетін растаудан өту үшін жолдама беріледі. Жыл соңына дейін 100 жас отбасы баспаналы болады деп жоспарлануда», - деді Нұркен Мықбасов.</blockquote>Күн тәртібіндегі екінші мәселе бойынша «Zhas project» жобасының Қызылорда облысы бойынша тәлімгері Әкімбек Әлібек жұмыс барысына тоқталды.&nbsp;<blockquote>«Zhas project» жобасына 278 жас &nbsp;өтінім білдіріп, 98-і екінші турға өткен. Арнайы құрылған комиссия алдында 42 жас өз жобаларын қорғап, оның ішінде 14 жас 1 млн.теңге қайтарымсыз грантын жеңіп алды. Жоба аясында 2024 жылдың қаңтар айында тағыда 14 жастың жобасын қаржыландыру көзделген», - дейді бөлім басшысы.&nbsp;</blockquote><figure class="image"><img src="https://knadmin.beoblood.kz/uploads/5671f7a0_a813_4fde_9e8b_53df5512ec42_e843e8b620.jpg" alt="5671f7a0-a813-4fde-9e8b-53df5512ec42.jpg"></figure>&nbsp;<figure class="image"><img src="https://knadmin.beoblood.kz/uploads/1ab06aa1_51e0_4666_a400_3fc2d2b03321_3dce5d9bee.jpg" alt="1ab06aa1-51e0-4666-a400-3fc2d2b03321.jpg"></figure>

«Сыр жастары»: 471 қызылордалықтың құжаты қабылданды

<a href="https://kyzylorda-news.kz/">Kyzylorda-news.kz.</a> &nbsp;«Ұлттық қор балаларға» жобасы аясында балалардың жинақталатын қаражатын пайдалануға болатын мақсаттардың бірі – баспана алу. Осы ретте қазірдің өзінде Қазақстанда бала дүниеге келісімен оның атына тұрғын үй жинақ шоттарын ашатын ата-аналар жеткілікті. Балаларының болашақ баспанасына қаржы жинақтауға ерте кіріскен ата-аналардың көбі – Шымкент қаласының тұрғындары. Онда 1 жасқа дейінгі балалардың атына тұрғын үй жинақтарына арналған 679 депозит ашылған, одан кейін Алматы – 642 және Астана – 531 депозит. Орталық коммуникациялар қызметі алаңында Қазақстан халқы санының 20 миллионға жетуіне арналған баспасөз конференциясында бұл туралы «Отбасы Банк» АҚ Басқарма төрайымы Ләззат Ибрагимова осындай мәліметпен бөлісті.Оның мәліметінше, қазіргі уақытта «Отбасы банкінде» балаларға арналған 299 579 депозит бар. Оның ішінде, 5 жасқа дейінгі балаларға 50 140 мыңнан астам жинақ шоттары ашылған. Ал 1 жасқа дейінгі ең кішкентай клиенттердің атына 12 мың 721 депозит бар.&nbsp;Сондай-ақ, ол «Отбасы банк» еліміздің 20 миллионыншы тұрғыны атанған балалардың болашағына өз үлесін қосқысы келетінін хабарлады.&nbsp;<blockquote>«Біз оларға әрқайсысы 2 млн теңге номиналдық құны бар сыйлық секртификатын сыйлаймыз. Бұл сертификат жай ғана сыйлық емес, ол –жарқын болашаққа жолдама. Бұл қаражат жеке баспана сатып алудың алғашқы қадамы болады. Сертификатты қолдану үшін балалардың ата-аналары өз қаласындағы банк бөлімшесіне келіп және видеобанкингпен жеке куәлігін, баланың туу туралы куәлігін көрсету керек. Бұл үшін ата-аналарға 3 ай уақыт беріледі», - деді банк төрайымы.</blockquote>Сондай-ақ, ОКҚ алаңында өткен баспасөз конференциясында денсаулық сақтау вице-министрі Бейбіт Есенбаев жаңа туған жиырма миллионыншы қазақстандықтарға&nbsp;ерекше үлгідегі туу туралы куәлік берілетінін атап өтті.

«Отбасы» банкі 20 млн-шы боп туған 5 балаға 2 млн теңгеден береді  

<a href="https://kyzylorda-news.kz/">Kyzylorda-news.kz.</a> 17 қараша – Халықаралық студенттер күніне орай Қорқыт ата атындағы Қызылорда университетінде республикалық «JaStar &amp; Dastur fest» фестивалі ұйымдастырылды.&nbsp;Байқау қазақы салт-дәстүрді, ұлттық құндылықтарымызды ұлықтау, жастар арасында насихаттау, ұмыт қалғанын қайта жаңғырту мақсатында өткізілді. Студенттер дәстүрлі ән шырқап, қазақ ұлттық биін билеп, әдет-ғұрыптарымыз бейнеленген көрініс қойды.&nbsp;Фестивальге Астана қаласындағы Л.Н.Гумилев атындағы Еуразия ұлттық университеті, Maqsut Narikbayev University, Түркістан қаласындағы &nbsp;Қожа Ахмет Ясауи атындағы халықаралық қазақ-түрік университетінің студенттері арнайы қатысты.Республикалық шарада қазақ халқының дәстүрі мен әдет-ғұрыптары кеңінен насихатталды, сондай-ақ студенттер бір-бірімен достық байланыс орнатты.Фестивальде Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова қазақы дәстүрді бойына сіңірген, ұлттық құндылықты қадірлейтін жастарды қалыптастыру мәселесі әрдайым назарда екенін атап өтті.Қорқыт ата атындағы Қызылорда университетінде жастардың рухы биік, шығармашылық әлеуетін ел дамуына жұмсайтын, тәрбиелі тұлға болып қалыптасуы үшін 24 жастар ұйымы жұмыс істейді. &nbsp;Жуырда университет студенттері ұлттық құндылықтарды дәріптеуге бағытталған республикалық челлендж бастады. Білім алушылар барша қазақ аруларын шашбау мен шолпы тағуға шақырды. Бір ғана Фейсбук желісіндегі ресми парақшада бұл бейнероликті 175 мыңға жуық адам көріп, 2100-ден астам жуық пікір жазылып, 1300 адам бөліскен (репост). Челленджге аз уақытта көптеген жоғары оқу орындары қолдау білдірді. Бұл жастарымыздың ұлттық құндылықты сақтауға деген ынтасының зор екенін көрсетеді.&nbsp;Фестиваль қорытындысы бойынша Бас жүлдені Қорқыт ата атындағы Қызылорда университетінің командасы, І орынды Л.Н.Гумилев атындағы Еуразия ұлттық университетінің командасы, ІІ орынды Түркістан қаласындағы &nbsp;Қожа Ахмет Ясауи атындағы халықаралық қазақ-түрік университетінің командасы, ІІІ орынды Maqsut Narikbayev University командасы иеленді.<figure class="image"><img src="https://knadmin.beoblood.kz/uploads/IMGL_7808_c85a446da4.jpg" alt="IMGL7808.jpg"></figure>&nbsp;<figure class="image"><img src="https://knadmin.beoblood.kz/uploads/IMGL_7835_06a7324b9a.jpg" alt="IMGL7835.jpg"></figure>

Республикалық «Jastar & Dastur fest» фестивалі өтті

<a href="https://kyzylorda-news.kz/">Kyzylorda-news.kz.</a> Аймақта шағын және орта кәсіпкерлердің саны 12,6 пайызға артқан. Мемлекеттік қаржылай қолдаулардың көмегімен облыста біршама шағын өндіріс және қызмет көрсету орындары іске қосылды. Осы және де өзге де жаңалықтармен қатар, басқарманың 10 айлық қорытындысы жайында Өңірлік коммуникациялар қызметінің баспасөз алаңында облыстық кәсіпкерлік және өнеркәсіп басқарма басшысының міндетін атқарушы Азамат Каюпов айтты.<blockquote>&nbsp;Осы уақытқа дейін кәсіпкерлікте жұмыспен қамтылғандар саны 124 376 адамға жетті. Бұл облыстың экономикалық белсенді халықтың 35,8 пайызын құрады. 2023 жылдың қаңтар-маусым айларында шағын және орта кәсіпкерлікпен 300,6 миллиард теңгеге өнім өндірілді. Биылғы жылы 42 млрд. теңгеге 3,5 мыңнан аса жоба қаржыландырылды, - деді облыстық кәсіпкерлік және өнеркәсіп басқарма басшысының міндетін атқарушы Азамат Биғалиұлы.</blockquote>Инвестиция тарту игілікті арттырады. Биылдың өзінде облысқа 386,4 млрд теңге инцестиция тартылған. Бұл өткен жылмен салыстырғанда 95,5 млрд теңгеге, яғни 27,7 % - ға артқанын көрсетеді.&nbsp;<blockquote>&nbsp;«Биыл облысқа 424,2 млрд инвестиция тарту индикаторы бекітілді. Инвесторлар және демеушілер есебінен жүзеге асырылатын жобалармен 45 млрд теңгедей қосымша резервтер анықтады. Сондықтан, облыс ішінде индикаторды 10 пайыздық өсіммен орындап, алдағы уақытта 472 млрд теңге инвестиция тарту жоспарлануда,» - деді Азамат Биғалиұлы.</blockquote>

Қызылорда облысына 386,4 млрд теңге инвестиция тартылды 

<a href="https://kyzylorda-news.kz/">Kyzylorda-news.kz.</a> Облыстық қоғамдық даму басқармасы аймақтағы қоғамдық-саяси ахуалдың тұрақтылығы, мемлекеттік тілдің қолданылуы, жастар саясаты, мемлекеттік ақпараттық саясатпен қатар, ҮЕҰ арқылы мемлекеттік тапсырысты қалыптастыру саласындағы қызметтерді жүзеге асырады. Жыл басынан бері басқармаға қарасты салаларда ауқымды жобалар қолға алынып, оң көрсеткіштер қалыптасты.&nbsp;Өңірлік коммуникациялар қызметінің баспасөз алаңында облыстық қоғамдық даму басқармасының басшысы Алмасбек Есмаханов 10 айда атқарылған жұмыстар туралы БАҚ өкілдеріне баяндады.<blockquote>Аймақта қоғамдық-саяси ахуал тұрақтылығын сақтау және ахуалға кері әсер ететін мәселелердің алдын алу шаралары жүйелі түрде жүргізіліп келеді. Осы жылдың есепті мерзімінде облыста қоғамдық саяси ахуал тұрақтылығы сақталды. Бүгінде облыстың медиа кеңістігінде 148 бұқаралық ақпарат құралдары жұмыс істеуде. Оның ішінде, 120 баспа БАҚ, 26 интернет-сайттар мен ақпараттық агенттіктер, 2 телеарна бар. Бүгінде басқарма билік пен халық арасындағы тығыз диалог орнату бойынша тиісті деңгейдегі жұмыстар қолға алынған, - деді Алмасбек Әбілқасымұлы.</blockquote>Ақпарат таратуда облыс көлемінде біршама іс-шара атқарылды. Мәселен, облыс бойынша 130 215 абонент ұлттық цифрлық телехабар тарату қызметіне қосылған. Бұл бастағы меженің 92%-ын құрайды. Аймақ басшысының қатысуымен де түрлі интернет-конференциялар өткізілді. Мемлекеттік тіл саясатын жүзеге асыруға, жастарды жұмыссыздар қатарында болмауына бағытталған жұмыстар да ұйымдастырылуда.

Қазақстан және Қызылорда облысының жаңалықтары