<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев халқымыздың саны 20 миллионға жеткенін хабарлап, ақжолтай жаңалыққа құтты болсын айтты.<blockquote>«Халқымыздың саны 20 миллионға жетті! Баршаңызды ақжолтай жаңалықпен құттықтаймын! Бақытты отбасы — бақуатты елдің негізі. Мемлекет отбасы құндылықтарын нығайтуға, ана мен баланы қорғауға баса мән береді», - деп жазды Президент <a href="https://twitter.com/TokayevKZ">Twitter</a>-де.</blockquote>Халықтың деректер базасының көрсеткіштеріне сәйкес, 2023 жылғы 14 қарашада таңғы сағат 8.10-да туған 5 бала еліміздің 20 миллионыншы тұрғыны атанды.Қазақстанның мерейлі азаматтары Ұлытау, Жетісу, Атырау, Ақмола және Түркістан облыстарында дүниеге келді. 3 ұл және 2 қыз.&nbsp;

Қазақстан халқының саны 20 миллионға жетті

<a href="https://kyzylorda-news.kz/">Kyzylorda-news.kz.</a> 16 қарашада Қазақстанның 11 облысында қолайсыз ауа райына байланысты дауылды ескерту жарияланды, деп хабарлайды "Қазгидромет" РМК.Синоптиктердің болжамы бойынша, атмосфералық фронттардың өтуіне байланысты республиканың батысы мен солтүстігінде ғана жауын-шашын (жаңбыр, қар) және көктайғақ болады.Еліміз бойынша тұман түсіп, жел күшейеді.Қызылорда облысының батысында тұман болады деп күтіледі.&nbsp;

16 қарашаға арналған ауа райы болжамы 

<a href="https://kyzylorda-news.kz/">Kyzylorda-news.kz.</a>&nbsp; «Сыр жастары» аймақ жастарына деп &nbsp;жеңілдетілген ипотекалық несие беру бағдарламасы қабылданды.&nbsp;Бағдарламаны жүзеге асыру үшін облыстық бюджеттен 1 200,0 млн теңге, «Отбасы банк» АҚ тарапынан 500 млн.теңге қаржы бөлінген. Бұл туралы Өңірлік коммуникациялар қызметінің баспасөз алаңында облыстық қоғамдық даму басқармасының басшысы Алмасбек Есмаханов баяндады.<blockquote>&nbsp;«Сыр жастары» бағдарламасына құжат қабылдау 12-26 қазан аралығында ұйымдастырылып, конкурсқа 789 жастан өтінім түсті. 2023 жылдың соңына дейін бағдарлама аясында 100 жас отбасы баспаналы болады деп жоспарлануда» ,- деді Алмасбек Әбілқасымұлы.</blockquote>

"Сыр жастары" бағдарламасымен 100 жас отбасы баспаналы болмақ

<a href="https://kyzylorda-news.kz/">Kyzylorda-news.kz.</a> Бүгінде жастар мен жасөспірімдер арасында білім беру мен қатар салауатты өмір салтын ұстануды насихаттау – басты міндет.&nbsp;Осыған орай Қызылорда облысы ПД Есірткі қылмысына қарсы іс-қимыл басқармасының мамандары Қазақстан халық партиясымен бірлесіп, еріктілер және «ORDA» жоғары колледжінің студенттерінің қатысуымен «Болашағымызды қорғайық» атты нашақорлықтың алдын алу акциясын ұйымдастырды.&nbsp;Акцияның негізгі мақсаты – есірткіге қарсы күресті күшейту мен нашақорлықтың алдын алу. Іс-шара барысында халық көп шоғырланатын ірі сауда орындарымен базарларда, аялдамалармен қоғамдық көліктерде үгіт парақтары, буклеттер мен флайерлер таратылды. Сондай-ақ жастарды өз денсаулығын сақтауға, салауатты өмір салтын ұстануға, қиындықтарға төтеп беруге үйренуге және қиын өмірлік жағдайларда «Сенім телефондарын» пайдалана білуге шақырды.&nbsp;Партия мүшелері мен ерікті студенттер бала есірткі қабылдаса не істеу керек, баланың есірткі қабылдағанын қалай білуге болады және онымен қалай күресетіні жайлы жазылған буклеттерді ата-аналарға таратты. Сонымен қатар жастарды кепілгер болып, есірткі таратуға жұмысқа қалай тартатыны, есірткі туралы мифтер мен шындықтар, синтетикалық есірткілердің ағзаға әсері бар ақпарат парақшалары берілді.<figure class="image"><img src="https://knadmin.beoblood.kz/uploads/akma2_5d45a7d41b.jpg" alt="акма2.jpg"></figure>

«Болашағымызды қорғайық»: Есірткіге қарсы акция өтті

<a href="https://kyzylorda-news.kz/">Kyzylorda-news.kz.</a> Биыл қасиетті Қызылорда облысына - 85 жыл. Сыр халқы үшін айтулы мереке аясында бүгінде түрлі іс-шаралар кең көлемде ұйымдастырылуда. Мерейтой барысын Өңірлік коммуникациялар қызметінің баспасөз алаңында облыстық қоғамдық даму басқармасының басшысы Алмасбек Есмаханов баяндап берді.Биыл басқарманың тікелей ықпалымен «Невада – Семей» антиядролық қозғалысының құрылғанына 34 жыл толуына орай еске алу шаралары, үлгілі отбасыларды дәріптеу мақсатындағы дәстүрлі «Мерейлі отбасы – 2023» ұлттық конкурсының қорытынды шараларының ұйымдастырылуына ұйытқы болды. Сондай-ақ, облыстың қалыптасуы мен дамуы жолында еселі еңбек еткен тұлғаларды еске алу шаралары өткізілді.<blockquote>-Облыстың 85 жылдығымен орайластырып , аймақтың дамуында өзіндік қолтаңбалары бар мемлекет және қоғам қайраткерлері Қ.Қазантаев, И.Әбдікәрімов және Т.Есетовтің 100 жылдығына орай аудандар мен облыс орталығында еске алу, ұлықтау шаралары, сондай-ақ олардың өмірі мен қызметіне арналған ғылыми-танымдық конференциялар өткізілді. Мерейлі мереке аясындағы жүйелі жұмыстар жүргізілуде,- деді басқарма басшысы Алмасбек Әбілқасымұлы.</blockquote>Айта кетейік, 17 қарашада Алаш қайраткері Мұстафа Шоқайдың есімін ұлықтау мақсатында «Мұстафа Шоқайдың мемлекетшілдік мұраты: тарихи тағылым мен сабақтастық» халықаралық ғылыми тәжірибелік конференциясын өткізу жоспарлануда.

Аймақтың 85 жылдығы аясында ауқымды шаралар ұйымдастырылуда 

<a href="https://kyzylorda-news.kz/">Kyzylorda-news.kz.</a> &nbsp;Бүгін Н.Бекежанов атындағы облыстық қазақ академиялық музыкалық драма театрында Ұлттық валюта күніне орай өткен іс-шарада облыс әкімі Нұрлыбек Нәлібаев жиналғандарды төл теңгенің 30 жылдығымен және қаржыгерлерді кәсіби мерекемен құттықтап, аймақ дамуына қосқан үлестері үшін алғыс білдірді.<blockquote>«Мемлекеттің төл валютасы – Мемлекеттік Ту, Гимн, Елтаңбамен бірге айтылатын тәуелсіздіктің басты белгілерінің бірі. Ел экономикасының дамуын оның күретамыры – қаржы жүйесінсіз елестету мүмкін емес. Бүкіл елдің тағдырына тікелей қатысы бар бұл сала аса үлкен жауапкершілікті қажет етеді. Жақында облысымызға арнайы жұмыс сапарымен келген Мемлекет басшысы Қасым-Жомарт Кемелұлы өңірдің әлеуметтік-экономикалық дамуына оң бағасын берді. Облыстың қаржы қазанында 1993 жылы бар болғаны 135 млн. теңге болса, қаржыгерлердің біліктілігі мен еңбегінің &nbsp;нәтижесінде жыл сайын еселенуде. Осыдан бір жарым жыл бұрын облыс бюджеті 387 млрд. теңге болса, қазіргі таңда 609 млрд. теңгеге жетті. Биылдың өзінде қосымша 168 млрд. теңге қаржы тартылды. Облыстың даму бюджетінің көлемі өткен жылмен салыстырғанда 2,5 есе артты. Сөзімді Мемлекет басшысы Қасым-Жомарт Кемелұлының: «Төл теңгеміз – қастерлі Тәуелсіздігіміздің символы, экономикалық дамуымыздың басты кепілі» деген тұжырымымен қорытындылағым келеді. Тәуелсіз мемлекетіміздің және Сыр өңірі экономикасын нығайту жолындағы қызметтеріңіз берекелі болсын», – деді аймақ басшысы.</blockquote>Іс-шарада аймақтың қаржы және экономика салаларында еңбек еткен ардагерлер Қызылорда облысының ең жоғары наградасы – Қызылорда облысының Құрмет грамотасымен және Қызылорда облысы әкімінің Алғыс хатымен, мерекелік медальдармен, ҚР Ұлттық экономика, Қаржы министрліктерінің наградаларымен марапатталды.Салтанатты кеш жергілікті өнерпаздардың концертіне ұласты.Айта кетейік, қаржы саласы майталмандарының қажырлы еңбегінің арқасында Сыр өңірінде көптеген игі бастамалар қолға алынуда. Өнеркәсіп өндірісі мен өңдеуші өнеркәсіп өндірісі бойынша Қызылорда облысы республикадағы аймақтар арасында көшбасшы. Биыл аймақта 12,5 млрд. теңгенің 12 жобасы іске қосылды. Кәсіпкерлікті қаржылай қолдауға мемлекеттік бағдарламалар аясында 24 млрд. теңге тартылып, 3,5 мыңнан астам жоба қаржыландырылды. Мемлекеттік қолдау тетігіне қаралған қаражат өткен жылмен салыстырғанда 20 пайызға артты. Соның нәтижесінде жұмыс жасап тұрған шағын және орта бизнес субъектілерінің саны 10,3 пайыз, жұмыспен қамтылғандар саны 15,8 пайыз өсті. Ел Президентінің 10 мың адамға 100 жаңа жұмыс орнын құру тапсырмасы 10 айда 97 пайыз орындалды. Өңірде көптеген жаңа нысандар салынып, маңызды жобалар іске асуда. Нәтижесінде Қызылорда облысы негізгі әлеуметтік-экономикалық даму көрсеткіштері бойынша жақсы нәтиже көрсетіп, үздік аймақтар қатарына енді.<figure class="image"><img src="https://knadmin.beoblood.kz/uploads/FB_IMG_1700038463799_81363ac99d.jpg" alt="FB_IMG_1700038463799.jpg"></figure><figure class="image"><img src="https://knadmin.beoblood.kz/uploads/FB_IMG_1700038447658_2fe782abf3.jpg" alt="FB_IMG_1700038447658.jpg"></figure><figure class="image"><img src="https://knadmin.beoblood.kz/uploads/FB_IMG_1700038450513_9e6b8c9d46.jpg" alt="FB_IMG_1700038450513.jpg"></figure><figure class="image"><img src="https://knadmin.beoblood.kz/uploads/FB_IMG_1700038458667_3d8abdd963.jpg" alt="FB_IMG_1700038458667.jpg"></figure><figure class="image"><img src="https://knadmin.beoblood.kz/uploads/akim_7_a482426fa0.jpg" alt="аким 7.jpg"></figure><figure class="image"><img src="https://knadmin.beoblood.kz/uploads/akim_8_6e56dc9af2.jpg" alt="аким 8.jpg"></figure>

Облыс әкімі аймақ қаржыгерлерін кәсіби мерекемен құттықтады

<a href="https://kyzylorda-news.kz/">Kyzylorda-news.kz.</a> Мемлекет басшысының бүгінгі Жолдауы қоғамның барлық әлеуметтік-экономикалық маңызды салаларын қамтыды. Жыл сайын Мемлекет басшысының Жолдауын асыға күтетініміз рас.&nbsp;Бастысы, айтылған мәселелер жоспарлы мерзімде жүзеге асса, онда ел үшін тиімділігін бермек. Президент жолдауы әділетті Қазақстан құру жолында жасалған тағы бір ірі қадам болды деп есептеймін. Президент Жолдауы – еліміздің жыл сайынғы даму стратегиясын айқындап беретін маңызды құжат. Мемлекет басшысының әр жылғы Жолдауында Үкімет алдына қойған міндеттер кезең-кезеңімен орындалып, өз нәтижелерін беріп келеді. Құжатта ең басты міндет – халықтың әл-ауқатын арттыру мақсатында екені айрықша айтылып, осы мақсатқа қол жеткізу үшін бірқатар міндеттер белгіленді. Осы ретте Президент Үкіметке «AMANAT» партиясымен бірлесіп, «Қарызсыз қоғам» жобасының ауқымын кеңейтуді тапсырды.Мемлекет басшысы қаржы жүйесіне төнетін сын-қатерлердің көбеюіне және азаматтардың шектен тыс қарызға батуына әкеп соқтыратын жағдайлардың алдын алып, халықтың қаржы сауатын арттыру маңызды екенін айтты. «AMANAT» партиясының «Қарызсыз қоғам» жобасын ерекше атап, жобаның игілігін бүкіл еліміз көруі қажет екенін баса айтты. Жолдаудың жаңаша бағыттағы Қазақстанды құруға оң нәтиже береріне біз де сенеміз және жүзеге асыруға атсалысатын боламыз.Ардақ Кәдір, Қазалы аудандық мәслихатының депутаты

Жолдау – ел дамуын айқындайтын құжат

Kyzylorda-news.kz. Бұл туралы ҚР Премьер-министрі Әлихан Смайыловтың төрағалығымен өткен Үкімет отырысында айтылды.Жиында биылғы қаңтар-қазан айларындағы әлеуметтік-экономикалық даму қорытындылары мен республикалық бюджеттің атқарылуы қаралды.Ұлттық экономика министрі Әлібек Қуантыровтың баяндауынша, өңдеу өнеркәсібіндегі өсу қарқыны бойынша Қызылорда облысы, Алматы қаласы, Қостанай облысы үздіктер қатарында.Премьер-министр еліміздің экономикасы қолайсыз жағдайларға бейімделе отырып, орнықты өсу жолын жалғастырғанын айтты. Жалпы барлық негізгі көрсеткіш бойынша Абай, Батыс Қазақстан, Жетісу, Қызылорда облыстарында және Алматы қаласында өсім бар. Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, &nbsp;он айдың негізгі қорытындыларына тоқталды.«2023 жылдың қаңтар-қазан айларында барлық макроэкономикалық көрсеткіштер бойынша өсім қалыптасты. Төмен тенденция көрсетіп келген өнеркәсіп өндірісі мен өңдеуші өнеркәсіп өндірісінің өткен айдан бері оң динамикасы байқалады. Аудандар мен Қызылорда қаласы бойынша макрокөрсеткіштердің оң қарқыны қамтамасыз етілген. Ендігі міндет – жыл қорытындысымен экономиканың өсім қарқынын қамтамасыз ету. Өнеркәсіп саласында аудандарда көрсеткіш артып, тек Қызылорда қаласында 8,7%-ға төмендеді. Көрсеткіштің төмендеу себебі бәрімізге мәлім, ол – облыс аумағындағы мұнай ұңғымаларының сулануы және сарқылуы салдарынан мұнай өндіру көлемінің азаюы. Қызылорда қаласының әкімдігіне өнеркәсіп көрсеткіштері бойынша ай сайынғы өсімді қамтамасыз ету шараларын күшейтуді тапсырамын», – деді аймақ басшысы.Мәжілісте бюджет қаржысының игерілмеу қаупі бар Қызылорда қаласы мен Шиелі ауданының әкімдері және бірқатар басқарма басшылары баяндама жасап, қабылданатын шаралар туралы айтты.Жиын қорытындысымен Қызылорда қаласы мен барлық аудандар әкімдері, облыстық бағдарлама әкімшілеріне жоспарланған қаражатты 100% игеру, қайтарылатын және қайта бағытталатын қаржылар бойынша тиісті министрліктермен 2 апта ішінде жұмыс жүргізу тапсырылды.

Қызылорда облысы - өңдеу өнеркәсібіндегі өсу қарқыны бойынша бірінші орында

<a href="https://kyzylorda-news.kz/">Kyzylorda-news.kz.</a> Нашақорлыққа және есірткі бизнесіне қарсы күрестің 2023-2025 жылдарға арналған кешенді жоспарын іске асыру мақсатында, Қызылорда облысының Есірткі қылмысына қарсы іс-қимыл басқармасы есірткіге қарсы анимациялық роликтер байқауын ұйымдастырды.&nbsp;Іс-шараның мақсаты - халықтың назарын салауатты өмір салтын ұстану қажеттілігіне аудару, бос уақытты тиымды пайдалану және жастардың шығармашылық әлеуетін дамыту.Балалар жаңа қосымшалардың мүмкіндіктерін пайдалана отырып, өз жұмыстарында есірткінің зияны, нашақорлыққа тарту тәсілдері, кепілгер жұмысы мен нашақорлықтың салдары туралы мультфильмдер жасаған.Байқауға жалпы орта білім беретін мектептердің жоғары сынып оқушылары мен оқу орындарының студенттері қатысты.Байқаудың бірінші кезеңін білім бөлімдері өткізді, үздіктері екінші турға жіберілді. Байқау финалына қатысу үшін 27 жұмыс келіп түсті.Құрамына полиция қызметкерлері, «Қызылорда еріктілері» қорының, «Жастар спорттық туризмі және туристік көпсайыс» жастар қоғамдық бірлестігінің өкілдері кірген сайыстық комиссия 20 жұмысты атап өтіп, оның 3-ін үздік деп таныды, олар: Арал ауданы N220 орта мектеп, N14 мектеп-лицей оқушылары Жеңісұлы Рамазан мен Қосанов Еркебұлан және Қызылорда қаласы Абай атындағы ДБА мектеп оқушысы Шахмардан Рамазан.&nbsp;Сайыста жеңіске жеткен жұмыстар бұқаралық ақпарат құралдарында орналастырылады және есірткіге қарсы іс-шараларды өткізу кезінде үгіт материалы ретінде пайдаланылады.<figure class="image"><img src="https://knadmin.beoblood.kz/uploads/Narkota_1_520304313a.jpg" alt="Наркота 1.jpg"></figure><figure class="image"><img src="https://knadmin.beoblood.kz/uploads/Narkota_2_7f7fc368c8.jpg" alt="Наркота 2.jpg"></figure>&nbsp;

Есірткіге қарсы анимациялық байқау ұйымдастырылды

<a href="https://kyzylorda-news.kz/">Kyzylorda-news.kz.</a> &nbsp;Биыл Қызылорда облысының құрылғанына 85 жыл болса, қасиетті мекен Қазалы ауданына – 95 жыл толып отыр. Осыған орай жыл басынан бері ауданымызда түрлі мәдени-көпшілік іс-шаралар ұйымдастырылып, қазалылықтар мерейтойды сән-салтанатпен атап өтті.Ал бірер күн бұрын аудан халқы 95 жылдық мерейтойды кең көлемде тойлап, мерейтойлық іс-шараларды қорытындылады.Бүгін аудан әкімдігінің мәжіліс залында ауданның 95 жылдық мерейтойын атап өтудегі қорытынды мәжіліс өтті.Мәжілісте аудан әкімі Мұхтар Оразбаев мерейтой аясында өткізілген ауқымды шараларды ұйымдастыруға атсалысқан барша азаматтарға шынайы ризашылығын жеткізіп, ауданның әлеуметтік-экономикалық дамуына сүбелі үлес қосқан бірқатар зиялы қауым өкілдері мен еңбек ардагерлерін мерекелік медалмен марапаттады.Мәжіліс соңында Қызылорда облысының «Құрметті азаматы», «РЗА» акционерлік қоғамының президенті Самұрат Имандосов сөз алып, жиылғандарды мерейтоймен құттықтап, жылы лебізін жеткізді.<figure class="image"><img src="https://knadmin.beoblood.kz/uploads/Kazaly_2_4261ae4261.jpg" alt="Казалы 2.jpg"></figure>

Қазалы ауданының 95 жылдық мерейтойы қорытындыланды

<a href="https://kyzylorda-news.kz/">Kyzylorda-news.kz.</a> Еліміздің Тәуелсіздік тұғыры беки түскеннен кейін ел экономикасында елеулі өзгерістер орын алды. 1993 жылдың 12 қарашасында &nbsp;«Қазақстан Респуб­ликасы­ның ұлттық ва­­лю­­тасын енгізу туралы» Заңына қол қою басталды. Араға үш күн салып, ел ішінде жаңа сауда-сат­тық жасау құралы ретінде теңге қол­да­нысқа енді. Осылайша, ұлттық валютаның қолданыста барына биыл 30 жыл толып отыр. Осы жөнінде Өңірлік коммуникациялар қызметінің баспасөз алаңында облыстық экономика және қаржы басқармасының басшысы Қамбарбек Мүбараков айтты.<blockquote>- Теңгенің қолданысқа енуі экономикалық және саяси тұрақтылыққа әкелген маңызды жетістік. Бұл елдің тәуелсіздігін, егемендігін нықтаған қадам болды. Биыл экономикалық дамудың макрокөрсеткіштері бойынша облыста оң динамика қалыптасып, республика көлемінде қаржы игеру бойынша 1-ші орынға тұрақтадық. Жақында облысымызға арнайы жұмыс сапарымен келген Мемлекет басшысы Қасым-Жомарт Тоқаев өңірдің әлеуметтік -экономикалық дамуына жоғары бағасын берді. Облыстың қаржы қазандығында 1993 жылы бар болғаны 135 миллион теңге, қаржыгерлердің біліктілігі мен еңбегінің нәтижесінде жыл өте еселеніп, биыл 609 миллиард теңгеге жетті. Облыстың даму бюджетіні көлемі өткен жылмен салыстырғанда 2,5 есе артты, - деді Қамбарбек Амангелдіұлы.</blockquote>

Қамбарбек  Мүбараков: Республика көлемінде қаржы игеру бойынша бірінші орынға тұрақтадық

<a href="https://kyzylorda-news.kz/">Kyzylorda-news.kz.</a> Биыл 15 қарашада Қазақстанның мемлекеттік егемендігінің маңызды атрибуттарының бірі –«Ұлттық валюта» теңгеге 30 жыл толады. Қазақстандық теңге осы 30 жыл ішінде өзінің өміршеңдігін көрсетті. &nbsp;30 жыл бұрын біздің Ұлттық валютамыз кеңестік рубльді алмастырды.Ұлттық валюта – бұл елдің заңмен белгіленген ақша бірлігі. Өзінің ұлттық валютасын енгізу Қазақстанның тәуелсіздігін нығайтуда және дербес дамуында маңызды рөл атқарады. Теңге елдің қаржылық Тәуелсіздігінің ажырамас символына айналды. Теңгенің тарихы ең алғаш қазақ даласында күміс монета XV-ғасырда Отырар қаласында «таньга» деген атаумен пайда болған. Ал Ұлттық валютамыздың тарихы 1992 жылдан бастау алады. 1992 жылдың 27 тамызы күні Қазақстаның Ұлттық банкі теңге купюрасының үлгілерін бекіткен болатын.Нұрсұлтан Әбішұлының жеке тапсырмасымен отандық суретшілер Тимур Сүлейменов, Қайролла Әбжәлелов, Меңдібай Алин және Ағымсалы Дүзелханов Англияда қазақ валютасының дизайнындағы портретін бекітті. Дизайнерлердің жаңа валюта кескінін әзірлеу жұмыстары Алматы қаласында ерекше құпия жағдайда жүргізілді. Бұл туралы дизайнерлерден басқа мемлекет басшылығындағы санаулы адамдар ғана білген. Осылайша, теңге алғаш рет Ұлыбританияда Harrison &amp; Sons фабрикасындабасылып шықты. Сондай-ақ, жаңа валютаның атауына қатысты да бірқатар ұсыныстар болған. Елбасы «Алтын» атауын ұсынды. Кейіннен жаңа ақшаны ХV ғасырда Отырар қаласында «таньга» атауымен басылып шыққан манетаға ұқсастырып «теңге» деп атау туралы шешім қабылданған.Алғашқы ақшаларды Лондоннан Қазақстанға жеткізу үшін 18 әуе сапары жасалған. Ал алғашқы қазақстандық монеталар Германияда жезден және никель күмістен жасалып шығарылды.Президентпен 1993 жылдың 12 қарашасы күні «Қазақстан Республикасында ұлттық валюта енгізу туралы» Жарлыққа қол қойылып, 15 қарашада ұлттық валютамыз айналымға енгізілді.Ескі ақшаны қазақстандық теңгеге айырбастау 1993 жылы 15 қарашада сағат таңғы 8.00-де басталып, 20 қарашада сағат 20.00-де аяқталды.Ұлттық Банк бастапқыда 1 теңгені сол кездегі 1000 рубльге бағалаған болатын. Дегенмен, еліміздің саяси, әлеуметтік мәселелері және мемлекетаралық қатынастар ескеріліп 1 теңге 500 сомға бекітілді. Теңге бірінші айналымға кірген күні 1 доллар 4,75 теңге болып бекітілді. Алғашқы валюталарымызда, ағартушы Әл-Фараби, күйшілер Сүйінбай Аронұлы, Құрманғазы Сағырбайұлы, ғалым Шоқан Уәлиханов, ақын Абай Құнанбаев, Әбілқайыр хан мен Абылай хан бейнелері бейнеленген.1994 жылы қағаз тиындардың орнына жезден жасалынған 2,5,10, 20 және 50 номиналды монеталар шықты. Ұлттық валюта банкнот және монета түрінде айналысқа енгізілді. Қазір банкнот - Ұлттық Банктің Алматы қаласындағы Банкнот фабрикасында, ал монета - Өскемендегі Монета сарайында шығарылады. Елбасының Жарлығымен 1997 жылдан бері 15 қараша төл валютамыздың күні әрі қаржыгерлер күні болып белгіленді.&nbsp;Ұлттық валюта кескіні 2006 жылы түбегейлі өзгертіліп, онда бұрынғы үлгіде болған даңқты тұлғалардың бейнелері алынып тасталып, жаңа үлгідегі банкноталар бірыңғай стильде орындалған.2006 жылы 15 қараша күні ұлттық валютамыздың жаңа дизайнмен әрленген 200, 500, 1000, 2000, 5000 және 10000 теңгелік банкноттары қолданысқа жіберілді. Дизайн мемлекеттік рәміздерді, еліміздің сәулет нысандары мен табиғи ландшафтарын бейнелей отырып, Қазақстанның осы заманғы бейнесін береді. Қолайлылық үшін номиналдарды сандық және жазбаша белгілеулер ірі қаріптермен басылған. Мәдениет пен ғылымның және саясаттың әр түрлі салаларындағы Қазақстанның ірі қайраткерлерінің портреттерін ұлттық ою-өрнекпен үйлестіріп шығару туралы шешім қабылданған. Ал артқы бетінде сәулет ескерткіштері мен Қазақстанның әсем көріністері орналасқан.Бұл серияның дизайны қарындаш, акварель және темпер көмегімен қолмен жасалған.&nbsp;2006 жылы теңгенің жаңа нышаны таңдалды - ₸ (коды - U + 20B8). 2006 жылдың қарашасында Ұлттық банкпентеңгенің символын жасауға бәйге жарияланды. 30 мыңнан астам сурет келіп түскен бұл бәйге 2007 жылдың 29-наурызы күні өз мәресіне жетті. Солардың арасынан Вадим Давиденко мен Санжар Әмірхановтардың жасаған жобасы ерекше деп танылған. Нашар көретін адамдар үшін банкноттарда әр жеке номиналға тән жоғары бедерлі арнаулы элементтер пайдаланылған. 2007 жылдың мамыр айында Тайландта өткен валюта конференциясында 10 мыңдық теңгеміз «Үздік жаңа банкнот» аталымы бойынша бірінші орынға ие болды.2011 жылдан бастап ұлттық валютаның төртінші буыны қазақстандықтардың қолына түсе бастады. "Самұрық" сериясына 500, 1000, 2000, 5000, 10000 және 20000 теңгелік банкноттар кіреді. Олардың алдыңғы жағында "Қазақ елі" монументі және ұшып тұрған көгершіндер бар. Артқы жағында суретшілер елорда панорамасын (биліктің бөліну принципін бейнелеуге арналған), Алматы панорамасын, Ертіс өзені мен Үстіртті орналастырған. Теңге 17 қорғаныс дәрежесіне ие: сутаңба, қауіпсіздік жіптері, мөлдір терезе, ультрафиолет қорғанысы, сериялық нөмірлер, сәйкес кескіндер.Сондықтан теңге әлемдегі ең қорғалған валюталардың қатарына кіреді.&nbsp;Қазақстандық ақша әлемдегі ең әдемі ақшалардың бірі болып табылады. Үш жыл қатарынан олар әлемнің үздіктері деп танылды: 2011, 2012 және 2013 жылдары (10 мың, 5 мың және 1000 теңгелік банкноттар). 2007 жылы Ұлттық Банктің 2006 жылғы үлгідегі банкноттарының жаңа сериясы Халықаралық валюта қауымдастығы (IACA) берген Жылдың үздік жаңа сериясы үшін жүлдені жеңіп алды. 2007 жылы Бангкокта "Optiks" элементі бар 10 000 теңге номиналы үшін "үздік жаңа банкнот"номинациясында бірінші орын берілген. Сондай-ақ, 2016 жылы High Security Printing Europe конференциясында номиналы 20 мың теңгелік банкнот та марапатқа ие болды. Ол 2015 жылдың ең үздік аймақтық банкнотасы деп танылды. Сол жылы Халықаралық валюта қауымдастығы (IACA) оны валюта саласындағы ең жақсы техникалық жетістігін айрықша атап өтті.&nbsp;Қасиетті, қастерлі Отанымыздың символы - төл теңгеміз, әлемдік қаржы нарығында – жоғарыдан көріне берсін.А.Иманкулов, Қызылорда облысы бойынша тексеру комиссиясының бас-инспекторы-мемлекеттік аудитордың ассистенті&nbsp; &nbsp;

Қазақстан және Қызылорда облысының жаңалықтары