Kyzylorda-news.kz. Қала әкімі Асылбек Шаменов «Қызылорда тазалығы» мекемесінің техникалық базасын аралап, арнайы техникалардың қысқа дайындығын &nbsp;пысықтады.Бүгінде мекемеде қысқы маусымдағы ауқымды жұмыстарға жұмылдырылатын 49 арнайы техника дайын тұр. Сонымен қатар, мекеме базасына 2800 тонна құм-тұз аралас қоспа жинақталған.Қардан тазарту жұмыстары 2 ауысым бойынша жүзеге асырылады және оған 213 жұмыс күші жұмылдырылады.Шаһар басшысы серіктестік директорына тазалық жұмыстарының кестесін талапқа сай пысықтауды және қыс мезгіліне 100 пайыз дайын болуды міндеттеді.Ең басты талап - қар жауған сәттерде тұрғындардың қауіпсіздігін қамтамасыз ету. Сонымен қатар, шалғай орналасқан елдімекендерде де әлеуметтік нысандарға барар жолдардың қардан дер кезінде тазаланып отыруын жүктеді.Бұдан бөлек, Асылбек Өмірбекұлы барлық коммуналдық мекеме басшыларымен &nbsp;кездесіп, қысқы маусымда коммуналдық қызметтің іркіліссіз жұмыс жасауын қатаң бақылауда ұстауды &nbsp;тапсырды.<img src="https://knadmin.beoblood.kz/uploads/IMG_20231117_WA_0008_52cbb6f51b.jpg" alt="IMG-20231117-WA0008.jpg"><img src="https://knadmin.beoblood.kz/uploads/IMG_20231117_WA_0007_f4466b1b55.jpg" alt="IMG-20231117-WA0007.jpg">

Қаладағы техникалардың қыс мезгіліне дайындығы тексеріледі

Kyzylorda-news.kz. Облыс әкімі Нұрлыбек Нәлібаев Қызылорда облысына жұмыс сапарымен келген ҚР Экология және табиғи ресурстар министрі Ерлан Нысанбаевпен кездесіп, әлем елдерінің алаңдаушылығын туғызған Арал өңірінің экологиялық жағдайын жақсарту мақсатындағы ынтымақтастық туралы меморандумға қол қойды.Ынтымақтастықтың мақсаты – Мемлекет басшысының «Жаңа жағдайдағы Қазақстан: іс-қимыл кезеңі» атты &nbsp;Жолдауындағы тапсырмасын орындау. &nbsp;Оның аясында Арал теңізінің құрғаған ұлтанындағы 1,1 миллион гектар аумаққа фитомелиоративтік жұмыстарды сапалы жүргізу.Президент Қасым-Жомарт Тоқаев осы жылғы &nbsp;15 мамырдағы Қауіпсіздік Кеңесі отырысында облыс әкімдіктерімен бірлесіп, тұрмыстық қатты қалдықтар полигондарының жаңасын салу және жұмыс істеп тұрғандарының қуатын кеңейтуді тапсырғаны белгілі. Сондай-ақ, оларды экологиялық және санитариялық нормаларға сәйкестендіруде, коммуналдық қалдықтарды басқару бағытында атқарылатын жұмыс ауқымды.Ынтымақтастықтың басым бағыттары Арал теңізіндегі фитоорманмелиоративтік жұмыстарды күшейту, елді мекендерді көгалдандыруға қажетті &nbsp;саялы және жеміс ағаш көшеттерін өсіретін тұрақты тұқымбақ ашу, мемлекеттiк орман қоры аумағында өрт сөндіру станцияларын салу, орман шаруашылығы мекемелерінің материалдық-техникалық базасын нығайту болмақ. Сонымен қатар, коммуналдық қалдықтарды басқаруға қатысты инфрақұрылымдық жобаларды қаржыландырудың негізгі шарттарын әзірлеп, оны әрі қарай жетілдіру ойластырылған. Қалдықтарды қайта пайдалануға, өңдеуге, сұрыптауға, кәдеге жаратуға дайындайтын ұйымдардың материалдық-техникалық базасын жетілдіруге, қалдықтарды энергетикалық кәдеге жаратуды ұйымдастыруға көмек көрсетеді. Мұнан бөлек, пилоттық жобаны Қызылорда облысында жүзеге асыру мүмкіндігі қарастырылмақ.

Арал өңірінің экологиялық жағдайын жақсарту мақсатындағы ынтымақтастық туралы меморандумға қол қойылды

<a href="https://kyzylorda-news.kz/">Kyzylorda-news.kz.</a> Синоптиктер 18 қарашаға арналған ауа райы болжамын жариялады.&nbsp;&nbsp;«Қазгидромет» РМК Қызылорда облысы бойынша филиалының хабарлауынша 18 қарашада Қызылорда облысында жел батыстан соғады. Түнде облыстың солтүстігінде, орталығында күші 15-20 м/с, күндіз облыстың басым бөлігінде 15-20, орталығында 23 м/с күтіледі.Қызылорда қаласында 18 қарашада жел батыстан соғады, күші 15-20 м/с күтіледі.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Инватакси- мүгедектігі бар азаматтарды тасымалдау бойынша әлеуметтік қызметтерді ұсынуға арналған, мамандандырылған көлік құралы.Бұл қызметтер мүгедектігі бар азаматтарға, соның ішінде тиісті медициналық көрсеткіштері бар балаларға көрсетіледі. Инватакси ұсынудағы қызметтерінің басым бөлігі жұмыс істейтін және оқитын мүгедектігі бар азаматтарға, олардың жұмыс немесе оқу кестесіне сәйкес беріледі. Мүгедектігі бар басқа азаматтар үшін инватакси қызметтері сұраныс бойынша ұсынылады.Инватаксиге тапсырыс беру үшін жоспарланған сапардан бір күн бұрын осы қызметті ұсынатын ұйыммен байланысу қажет. Инватакси қызметтеріне сондай-ақ мүгедектігі бар азаматты күтіп алу, егер еріп жүруші болмаса, орналасқан жерінен инватаксиге дейін тасымалдауға көмектесу, қажеттілік бойынша отырғызу және түсіру, багажды тиеу және түсіру кіреді.

Инватакси қызметімен қалай пайдалануға болады?

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қызылорда облысы бойынша азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссияның отырысы жоспарға сәйкес аптасына 2 рет өткізіледі, деп хабарлайды өңірлік коммуникациялар қызметі.&nbsp;Биылғы жылдың басынан бері комиссияның 91 отырысы ұйымдастырылып, әлеуметтік маңызы бар азық-түлік тауарларының бағасын тұрақтандыру, артық делдалдарды жою, негізсіз баға өсіміне жол бермеу мәселелері қаралған.Кезекті отырысы көшпелі форматта қаладағы ірі сауда нысандарында өткізілді. Комиссия жұмысына облыстың ірі сауда нысандарының басшылары мен БАҚ өкілдері қатысты.Облыс әкімінің бірінші орынбасары Серік Қожаниязовтың төрағалығымен бастаған комиссия мүшелері ең алдымен “Small” сауда үйіне барып, дүкен сөрелеріндегі азық-түлік тауарларының бағалары, қамтамасыз ету жағдайымен танысты. Кәсіпкерлер өнімдердің қай жақтан келетінін айтып бағаның тұрақты екендігін жеткізді.Одан соң, “Қызылорда” сауда желісінің Шұғыла мөлтек ауданында орналасқан сауда үйіндегі ӘМАТ өнімдерінің бағаларымен танысты. Көшпелі отырыста әлеуметтік маңызы бар азық-түлік тауарлары мен баға белгілеудегі мәселелер кеңінен қаралып, комиссия құрамындағы құзырлы мемлекеттік орган басшыларының жұмыс барысы тыңдалды.Жыл басынан бері комиссия жұмысы барысында құзырлы мемлекеттік органдармен күріш, басты пияз және ас тұзы өнімдері бойынша бұзушылықтар анықталып, оны жою мақсатында тиісті шаралар қабылданған.Президент жыл соңына дейін инфляцияны 2 есе төмендету міндетін қойды. &nbsp;Қазіргі таңда, сол тапсырманың шеңберінде тиісті шаралар қабылданып, нәтижесінде өткен жылдың сәйкесінше кезеніңде әлеуметтік маңызы бар негізгі азық-түлік тауарлары бағаларына өсу индексі 22,4%-ды құраған болса, ағымдағы жылдың қараша айындағы әлеуметтік маңызы бар негізгі азық-түлік тауарларының өсу индексі 3,2%-ды құрап отыр.<blockquote>«Облыс халқын қысқы маусымаралық кезеңінде көкөніс тауарларының 3 айлық қажеттілігінің 30%-ын қамтамасыз ету үшін 4952 тонна көкөніс өнімдеріне жасалған келісім шарттары бойынша, биылғы жылы бірінші рет облыс әкімінің бастамасымен 1291 тонна көкөніс өніміне жергілікті тауарөндірушілермен форвардтық келісім шарттар жасалды. Облыста нан бағасын тұрақтандыру мақсатында өзге өңірлердің ұн өндіруші кәсіпорындарымен жыл басынан 7480 тонна ұнмен қамтамасыз ету жөнінде келісім шартқа отырдық. Бүгінгі күнге осы көлемнен 5277,6 тоннасы облысқа жеткізіліп, наубайханаларға таратылып жатса, 2202,4 тоннасы жеткізілу үстінде. &nbsp; Сонымен бірге, ауыл шаруашылығы тауарөндірушілерінің көктемгі егіс жұмыстарын қолдап, алдын-ала қаржыландыру мақсатында «Азық-түлік келісім шарт корпорациясы» ҰК» АҚ-мен 6,0 мың тонна күзгі өнімге &nbsp;форвардтық келісім шарттар жасалды», - дейді Серік Салауатұлы.&nbsp;</blockquote><figure class="image"><img src="https://knadmin.beoblood.kz/uploads/400983846_1896081397454030_5683538709986523725_n_855413a29d.jpg" alt="400983846_1896081397454030_5683538709986523725_n.jpg"><figcaption>Облыс әкімінің бірінші орынбасары Серік Қожаниязов</figcaption></figure>&nbsp;​Сонымен қатар, республика көлемінде күріш бағасын реттеу және өңірлердегі өңірлік-кәсіпкерлік корпорацияларды &nbsp;қажетті күріш көлемімен қамтамасыз ету &nbsp;мақсатында &nbsp;күріш жәрмеңкесі ұйымдастырылды.​Өткізілген күріш жәрмеңкесінің қорытындысымен өңірлердің ӘКК мен облыстың күріш өңдеушілерімен нақты 3,9 млрд. теңгенің&nbsp; 9738 тоннаға 14 облыс пен мен Алматы, Шымкент қалаларымен (алдын-ала 70% қаржыландыру шартымен) форвардтық келісім шарттар жасалды.<blockquote>​«Өзіміздің әлеуметтік дүкендері мен ірі сауда үйлерінде жұмыс жасап тұрған әлеуметтік бұрыштарда күрішті 390-400 теңге аралығында күріш босатудамыз. &nbsp;Сондай-ақ, облысты 2354,3 тонна қант көлемімен қамтамасыз ету үшін «Мерке қант зауытына 1 083,0 млн. теңге қарыз беріліп, бүгінде бұл көлемнен 204,0 тоннасы жеткізілді. ​Ауыл шаруашылығы тауарөндірушілерінің өнімдерін делдалсыз, тікелей өндіруші бағасымен облыс тұрғындарына ұсыну мақсатында қыркүйек айынан бастап апта сайын ауыл шаруашылығы өнімдерінің жәрмеңкесі өткізілуде.Тұрақтандыру қорындағы сақтау қоймаларының көлемін ұлғайтып келе жатырмыз. Әрі қарай үкіметтің көмегімен тұрақтандыру қорындағы өнімнің көлемін көбейту арқылы ӘМАТ бағасын тұрақтандыру бағытындағы жұмыстар &nbsp;жалғастырылатын болады» - деді облыс әкімінің бірінші орынбасары.</blockquote><figure class="image"><img src="https://knadmin.beoblood.kz/uploads/401469110_1896081494120687_3510667403906559814_n_b8f67849c5.jpg" alt="401469110_1896081494120687_3510667403906559814_n.jpg"></figure>&nbsp;<figure class="image"><img src="https://knadmin.beoblood.kz/uploads/401469811_1896081437454026_3419164720479878532_n_80f5213a71.jpg" alt="401469811_1896081437454026_3419164720479878532_n.jpg"></figure>&nbsp;

Қызылордада азық-түлік бағасы тұрақты бақылауда 

<a href="https://kyzylorda-news.kz/">Kyzylorda-news.kz.</a> &nbsp;Қорқыт ата атындағы Қызылорда университетінде «Мұстафа Шоқайдың мемлекетшілдік мұраты: тарихи тағылым мен сабақтастық» &nbsp;халықаралық ғылыми-тәжірибелік конференция өтті. Жиынға зиялы қауым өкілдері, профессор-оқытушылар, білім алушылар қатысты.Конференцияда М.Шоқай еңбектеріндегі идеялардың түркі мемлекеттерінің интеграциялану үдерісі мен қазіргі әділетті Қазақстан мұраттарымен сабақтастығы &nbsp;ғылыми тұрғыда талданды.Жиында Қызылорда облыстық мәслихат төрағасы, тарих ғылымдарының кандидаты Наурызбай Байқадамов сан тараулы ұлттық тарихымызда саналы ғұмырын туған халқының азаттығы мен тәуелсіздігі жолына арнап, оның бақытты өмір сүруін аңсап өткен ұлт перзенттерінің бірі Мұстафа Шоқай екенін атап өтті.<blockquote>«Түркі халықтарының біріккен жағдайында ғана ұлттық тәуелсіздігіміз берік орнығатынын теориялық тұрғыда дәлелдеген М.Шоқайдың «Тұтас Түркістан» идеясы мен бүгінгі Түркі мемлекеттері ұйымы арасында сабақтастықтарды зерттеу өте маңызды. ХХ ғасырда айтылған Мұстафа Шоқайдың мәңгі өлмес &nbsp;идеялары - бүгінгі түркі мемлекеттері, оның ішінде Қазақстанның өркениетті және демократиялық ел ретінде орнығуы мен дамуының, жаңғыруы мен жаңаруының маңызды мәселелері. Ұлттық тәуелсіздік пен саяси сана, ұлттық рух пен ұлттық тіл қоғамдағы демократиялық үрдістердің салтанат құруы мен халықтың рухани жаңаруының іргетасы, елдің саяси құқықтық және әлеуметтік экономикалық тәуелсіздігін баянды етудің басты құралы, мемлекетшіліктің негізгі компоненттері болып саналады», – деді Наурызбай Сейітқалиұлы.</blockquote>Конференция барысында тарих ғылымдарының докторы, Мимар Синан көркем өнер университетінің (Түркия) профессоры Әбдіуақап Қараның «Кеңес Одағының түркі әлемі саясаты. Мұстафа Шоқай» атты кітабінің және академик М.Қ. Қойгелдінің жетекшілігімен 2022-2023 жылдары жарық көрген «Алаш ісі. 1920-1930 жж. ОГПУ жүргізген жасанды тергеу ісінің құжаттары мен материалдары» атты кітабының (1-том және 2-том) таныстырылымы жасалды.Жиында ҚР ҰҒА академигі, Абай атындағы қазақ ұлттық педагогикалық университетінің профессоры, тарих ғылымдарының докторы Мәмбет Қойгелдиев «Мұстафа Шоқай аманатының бүгінгі ұлттық жадтағы көрінісі туралы», Мимар Синан көркем өнер университетінің профессоры, тарих ғылымдарының докторы Әбдіуақап Қара «Мұстафа Шоқайдың пантүркизм, Тұран мемлекеті және түрік бірлігі туралы пайымдаулар мен тұжырымдары», Өзбекстан Республикасы Ғылым академиясының Тарих институтының бас ғылыми қызметкері, тарих ғылымдарының докторы, профессор Раджабов Қаһромон «Мустафа Шокай и жадидское движение в Туркестане», Күтахия Думлупынар университетінің доценті, PhD Веджихи Сефа Фуат Хекимоғлы «Мұстафа Шоқайдың 1930 жылдардағы Жапония, Қытай және Шығыс Түркістан туралы пікірлері», Қажыбайрам университетінің профессоры, PhD Хулия Касапоғлы Ченгел «Алаш рухы», ақын, Қазақстан Жазушылар одағы төрағасының орынбасары Қасымхан Бегманов «Наршоқы – тарихи мекен, Мұстафа Шоқай жолының бастауы немесе "Шерлі Түркістан" дастанының тууы», Қорқыт Ата атындағы Қызылорда университеті «Мұстафа Шоқай» ғылыми орталығының ғылыми жетекшісі, саяси ғылымдарының докторы, профессор Әбдіжәлел Бәкір «Мұстафа Шоқай: тәуелсіздікті ту етіп, ұлттықты ұлықтаған» тақырыбында баяндама жасады.Конференцияда Қорқыт ата атындағы Қызылорда университетінің Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева мен &nbsp;Басқарма мүшесі – Әлеуметтік және тәрбие жұмыстары жөніндегі проректор Жандос Базартай зиялы қауым өкілдеріне «Қорқыт ата Алтын медалін» табыстады.&nbsp;Конференция «Мұстафа Шоқай феномені және Түркі халықтарының &nbsp;бірлігі идеясының өміршеңдігі», «Мұстафа Шоқай мұралары – ұлт руханиятының қайнар көздері», «Мұстафа Шоқай мұралары отандық және шетелдік зерттеулерде» тақырыбындағы секциялық жұмыстармен жалғасты.Айта кету керек, 16 қарашада М.Шоқайдың туған жері Наршоқы елді мекенінде ескерткіш белгі ашылды.<figure class="image"><img src="https://knadmin.beoblood.kz/uploads/8a9cbe70_070e_4494_acfb_5018ae141e86_4de091d4a4.jpg" alt="8a9cbe70-070e-4494-acfb-5018ae141e86.jpg"></figure>&nbsp;<figure class="image"><img src="https://knadmin.beoblood.kz/uploads/400987943_1895969030798600_8612283577411361778_n_4ed3c8c36b.jpg" alt="400987943_1895969030798600_8612283577411361778_n.jpg"></figure>&nbsp;<figure class="image"><img src="https://knadmin.beoblood.kz/uploads/c658f442_947c_489b_9523_496555fc1490_3413907248.jpg" alt="c658f442-947c-489b-9523-496555fc1490.jpg"></figure>&nbsp;<figure class="image"><img src="https://knadmin.beoblood.kz/uploads/04bdd9b2_994c_49c6_ace4_d81ce4073e3a_84cebebe5e.jpg" alt="04bdd9b2-994c-49c6-ace4-d81ce4073e3a.jpg"></figure>&nbsp;<figure class="image"><img src="https://knadmin.beoblood.kz/uploads/5edab7ce_08bc_4bfd_ae47_9f41afd07082_2056d5e6a9.jpg" alt="5edab7ce-08bc-4bfd-ae47-9f41afd07082.jpg"></figure>&nbsp;<figure class="image"><img src="https://knadmin.beoblood.kz/uploads/46d84aaf_ed36_4956_b0de_7848658d61d1_c818fe9319.jpg" alt="46d84aaf-ed36-4956-b0de-7848658d61d1.jpg"></figure>

Ұлт қайраткері Мұстафа Шоқайға арналған халықаралық конференция өтті

<a href="https://kyzylorda-news.kz/">Kyzylorda-news.kz.</a>&nbsp; Қазіргі таңда міндетті автосақтандыру неғұрлым сұранысқа ие сақтандыру түрі болып табылады. Сақтандырудың бұл түрі бойынша цифрлық жүйелік сервистер жөнінде еліміздің автокөлік иелері бұрыннан хабардар: бүгінгі күні автосақтандыру шартын тәулік бойы режимде қашықтан жасауға болады. Алайда, қазақстандықтарды 2024 жылы тағы бір қосымша жаңалықтар күтіп тұр.Сақтандыру заңнамасындағы бұл жаңалықтан нені күтеміз, сондай-ақ сақтандыру төлемін алу тәртібі жөнінде нелерді білу қажеттілігі жөнінде Fingramota.kz. толығырақ айтып береді.&nbsp;Соңғы жылдары Қазақстанда сақтандыру саласындағы цифрландыру үрдісінде айтарлықтай жетістіктерге қол жеткізілді. 2019 жылдың басынан сақтандырудың барлық міндетті түрлері бойынша шарттар жасасу электондық түрде жүзеге асырылады. Ағымдағы сәтке сақтандыру шарттарының 100%-ы қашықтан жасалады. Сақтандырудың кеңінен тараған түрінің бірі – міндетті &nbsp;автосақтандыруды цифрландыру, бұл, әлбетте, сақтандыру шартын жасау рәсімін жеңілдетті және қызметтің бұл түрінің географиялық тұрғыдан қолжетімділігін арттырды. Халыққа сақтандыру шарттарын 24/7/365 режимінде қашықтан жасау мүмкіндігі берілді. Сақтандыру полисі бойынша барлық деректер Мемлекеттік кредиттік бюроның &nbsp;www.mkb.kz сайтында нақты уақыт режимінде Бірыңғай сақтандыру дерекқорында (бұдан әрі – БСДҚ) сақталады.Сақтандыру қызметтерін бұдан әрі цифрландыру шеңберінде Агенттік 2022 жылы сақтандыру төлемдерін қашықтан алу мүмкіндігімен қамтамасыз ету жөніндегі заңнамалық базаны әзірледі. Мәселен, 2024 жылғы 1 қаңтардан бастап сақтандырудың барлық міндетті түрлері бойынша сақтандыру жағдайларын онлайн реттеу және міндетті автосақтандыру бойынша сақтандыру төлемін алудың жеңілдетілген тәртібі (Еурохаттама) енгізілетін болады. Бұл клиенттерге толық қашықтан қызмет көрсетуге ауысу деген сөз. Шарт жасалған сәттен бастап сақтандыру төлемін алуға дейінгі сақтандыру қызметтерін көрсетудің бүкіл процесі цифрландырылатын болады.Сақтандыру төлемдерін онлайн реттеуді енгізу сақтандыру төлемін алу рәсімін жеңілдетуге және ашық етуге мүмкіндік береді. Тұтынушы сақтандыру төлемін алу үшін сақтандыру компаниясының сайты арқылы өтініш пен қажетті құжаттар бере алады және сақтандырушының кеңсесіне бармай-ақ төлемді банк карточкасына ала алады.Сақтандыру шартын онлайн жасағанда да БСД онлайн-төлем кезінде негізгі оператор болмақ, ол бизнес-процесті үйлестіріп, автоматтандыруды қамтамасыз етеді. Сақтандыру жағдайын реттеудің құжаттар топтамасын қалыптастырудан бастап төлем аяқталатын бүкіл процесі клиенттің жеке кабинетінде сақталып, БСД-да тіркелетін болады. Әрбір кезеңнің электрондық тіркелуі сақтандыру қызметтерін тұтынушылардың құқықтары мен мүдделерін тиісті түрде қорғауды қамтамасыз етеді.Онлайн реттеуді енгізу цифрлық көрсетілетін қызметтерді, құжаттарды және ақпаратты пайдалану мүмкіндігін алу үшін мемлекеттік органдардың дерекқорларымен одан әрі интеграциялауды талап етеді. Бүгінгі таңда Ішкі істер министрлігінің дерекқорымен әкімшілік хаттамалар алу бойынша интеграциялық жұмыстар аяқталды. Денсаулық сақтау министрлігінің дерекқорымен мүгедектік туралы анықтамалар бойынша, қайтыс болу туралы куәліктер бойынша, Еңбек және халықты әлеуметтік қорғау министрлігімен және басқа да мемлекеттік органдармен электрондық анықтамалар мен құжаттарды алу бойынша интеграциялау жөнінде пысықтаулар жүргізілуде. Мұндай интеграцияның көмегімен тұтынушы өзінің жеке кабинеті арқылы барлық қажетті құжатты электрондық түрде алып, оларды өтінішке қоса беріп, төлем рәсімін қашықтан бақылай алады.Сақтандыру ұйымдары мен БСД-ның ақпараттық жүйелері үшін ақпараттық және дербес деректерді қорғаудың ең жоғары деңгейіне қойылатын талаптар, сондай-ақ киберқауіпсіздік бойынша талаптардың болуы белгіленген. Сақтандыру ұйымдары ақпараттық жүйелер мен бизнес-процестерді белсенді түрде пысықтауда. Цифрлық платформалар мен интерфейстер әзірленуде. Бүгінгі таңда жекелеген сақтандыру ұйымдары онлайн төлемдер үшін цифрлық платформалар әзірледі, оларды пайдалану кезінде азаматтар сақтандыру төлемдерін қашықтықтан ала алады.Сақтандыру жүйесіндегі бұл өзгеріс, сақтандыру ұйымдары тарапынан клиенттерге толық қашықтан қызмет көрсетуге көшу қазақстандықтардың өміріне оң әсерін тигізетіні сөзсіз.Пайдалы жаңалықтардан хабардар болыңыз да, Fingramota.kz-пен қаржылық сауаттылығыңызды арттырыңыз!(*Авторские права) Источник: https://fingramota.kz/kk/post/mindetti-avtosatandyru-bojynsha-satandyru-zhadajlaryn-retteudegi-zhaalytar

Міндетті автосақтандыру бойынша қандай жаңалық бар? 

<a href="https://kyzylorda-news.kz/">Kyzylorda-news.kz.</a> Бүгін Шиелі ауданының Жаңатұрмыс ауылдық округіндегі Байсын ауылында 250 орындық мектеп ел игілігіне табысталды.Облыс әкімі Нұрлыбек Нәлібаев ашылу рәсіміне қатысып, ауыл тұрғындарын құттықтады.<blockquote>«Алаштың көрнекті қайраткері Міржақып Дулатов: «Ұрпағы білімді халықтың болашағы бұлыңғыр болмайды» деген. Мемлекет білім саласына үлкен қамқорлық көрсетуде. Біздің өңірімізде де ауқымды жобалар қолға алынып, жүйелі жұмыстар атқарылуда. Биыл облыста 5 жаңа мектеп пайдалануға берілсе, 4 мектепке 1 850 орындық қосымша ғимарат салынды. Бүгін Байсын ауылында 250 орындық мектеп ашылуда. Баршаңызды жаңа білім ордасының пайдалануға берілуімен шын жүректен құттықтаймын. Аудан, ауыл өсіп-өркендесе, тұрғындардың тұрмыс жағдайы көтеріліп, балалардың білім-ғылымға деген ынтасы артары сөзсіз.Мемлекет басшысы Қасым-Жомарт Кемелұлы жастарды оқуға, ғылым-білімді, жаңа машықтарды игеруге, технологияны күнделікті өмірде шебер де тиімді пайдалануға шақыруда. Алты Алаштың айбыны Абылай ханның ұлы дала мұрагерлеріне «Білекке сенген заманда ешкімге есе бермедік, білімге сенер заманда қапы қалып жүрмелік» деген аманатын баршамыз жақсы білеміз. Білім мен ғылым заманында алар асуларыңыз бен бағындырар шыңдарыңыз биік болсын»,– деді аймақ басшысы.</blockquote>Іс-шарада еңбек ардагерлері мен түрлі саланың дамуына үлес қосып жүрген азаматтар, мердігер мекеменің қызметкерлері облыс әкімінің Алғыс хатымен марапатталды.Аудандық әйелдер кеңесінің төрайымы Найла Палымбет жерлестерін құттықтап, игі тілегін арнады.Айта кетейік, облыс мектептерінде жас ұрпаққа рухани-патриоттық тәрбие беру жолға қойылған. Күн сайын барлық білім ошақтарында бір мезетте, яғни сағат 7.50-де еліміздің Әнұраны орындалады.Биылғы облыс бюджетінің 60 пайыздан астамы әлеуметтік салаға бағытталған. Соның ішінде, білім саласына 278 млрд теңге бөлінді. Президент қолдауымен «Жайлы мектеп» ұлттық жобасы аясында құны 98 млрд теңге болатын 21 мектеп салынады, оның біреуі Шиелі ауданында бой көтермек. «Білімді қолдау қоры» есебінен Қызылорда қаласында физика-математика бағытындағы 300 орындық жатақханасы бар мектеп-интернат құрылысы қарқынды жүргізілуде. Сонымен қатар, облыс орталығында демеушілер есебінен 2,3 млрд теңгеге 350 орындық заманауи үлгідегі Оқушылар сарайының, Сырдария өзенінің сол жағалауында құны 4,8 млрд теңге болатын жаңа музыкалық колледждің құрылысы басталмақ.<img src="https://knadmin.beoblood.kz/uploads/401776553_644024161252165_941364283728060805_n_3f4fb1ea72.jpg" alt="401776553_644024161252165_941364283728060805_n.jpg"><img src="https://knadmin.beoblood.kz/uploads/403751016_644023987918849_2964291078826682025_n_4db12c43a7.jpg" alt="403751016_644023987918849_2964291078826682025_n.jpg"><img src="https://knadmin.beoblood.kz/uploads/402660998_644024221252159_8235126808075502124_n_606de83856.jpg" alt="402660998_644024221252159_8235126808075502124_n.jpg"><img src="https://knadmin.beoblood.kz/uploads/403783423_644024447918803_4604533561192087418_n_0ebbcc5f6f.jpg" alt="403783423_644024447918803_4604533561192087418_n.jpg"><img src="https://knadmin.beoblood.kz/uploads/402653996_644024014585513_4118313550351178324_n_2656830255.jpg" alt="402653996_644024014585513_4118313550351178324_n.jpg"><img src="https://knadmin.beoblood.kz/uploads/402650985_644024561252125_1011413253868261016_n_e6b834d6e7.jpg" alt="402650985_644024561252125_1011413253868261016_n.jpg"><img src="https://knadmin.beoblood.kz/uploads/402659045_644024164585498_5497028628545466621_n_f6ff884303.jpg" alt="402659045_644024164585498_5497028628545466621_n.jpg">

Шиелі ауданында жаңа мектеп ашылды 

Фото: kff.kz<a href="https://kyzylorda-news.kz/">Kyzylorda-news.kz.</a>Бүгін футболдан 2024 жылғы Еуропа чемпионаты іріктеу сатысында Қазақстан құрамасы Сан-Мариномен кездеседі, деп хабарлайды <a href="https://kaz.inform.kz/">Kazinform</a>.&nbsp;Құрамалар H&nbsp;тобында ойын көрсетеді. Қарсыластары&nbsp;— Словения, Дания, Солтүстік Ирландия, Финляндия.Қазақстан-Сан-Марино кездесуі елорда уақытымен 21.00-де «Qazsport» телеарнасынан <a href="https://kaz.inform.kz/news/euro-2024-kazakstan-kuramasinin-aldagi-ek-oyini-kay-telearnadan-korsetled-c5398a/">тікелей эфирде</a> көрсетіледі.Сан-Марино&nbsp;— әлемдегі әлсіз құрамалардың бірі.Құрлықтық доданың биылғы іріктеу сатысында алты ойында да&nbsp;қарсыластарына есе жіберіп қойды.Салдарынан өз тобында соңғы орында тұр.Ел&nbsp;құрамасы 8 ойыннан кейін 15 ұпай жинап, үшінші орында тұр.Алғашқы екі орындағы Словения мен Данияның еншісіне 19 ұпайдан жазылған.Алдағы екі ойында жеңіске жеткен жағдайда Қазақстан құрамасының құрлықтық дода финалдық сатысына жолдама алуына мүмкіндігі бар.Қазақстандық футболшылар құрлықтық дода іріктеу сатысындағы алғашқы ойында Сан-Мариноны сырт алаңда 3:0 есебімен жеңген болатын.&nbsp;

EURO 2024: Бүгін Қазақстан құрамасы Сан-Мариномен кездеседі

<a href="https://kyzylorda-news.kz/">Kyzylorda-news.kz.</a> Қызылорда облысында жалпы құны 47,6 миллиард теңгені құрайтын денсаулық сақтау саласындағы 21 нысанының құрылысы басталды. Оның ішінде, 15 нысан Ұлттық жоба аясында, 2 нысан «Ауыл ел бесігі» бағдарламасы шеңберінде, 2 нысан республикалық бюджет есебінен, 2 нысан жергілікті бюджет есебінен жүргізіледі.&nbsp;<blockquote>«Ұлттық жоба аясында 2024 жылы іске асырылатын дәрігерлік 9 амбулатория мен фельдшерлік-акушерлік 2 бекет құрылысының жобалық-сметалық құжаттамасын әзірлеп, мемлекеттік сараптамадан өткізуге – 39,1 миллион теңге қаржы бөлінді. Жыл аяғына дейін мемлекеттік сараптамадан өткізілетін болады. Сондай-ақ, 2024 жылы заманауи перинаталдық орталық құрылысының жобалық-сметалық құжаттамасын әзірлеп, 2025 жылы республикалық бюджет есебінен Қызылорда қаласында 200 келушіге арналған орталықтың құрылысын бастау қолға алынады», - деді өңірлік коммуникациялар қызметінің баспасөз алаңында облыстың бас дәрігері Олжас Искаков.</blockquote>Сонымен қатар, 12 денсаулық сақтау нысанына қосымша құрылыс, блок арқылы қайта жаңғырту, ғимаратты реконструкциялау жұмыстарын жүргізу үшін жобалық-сметалық құжаттары әзірленуде. Шамамен жобалар құны 16,4 миллиард теңгені құрайды.

Денсаулық: Қызылордада 21 нысанның құрылысы басталды

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы Қызылорда облыстық филиалының ұйымдастыруымен «Қарызсыз қоғам» партиялық жобасы бойынша тақырыптық қабылдауы өткізілді.&nbsp;Қабылдауға Қаржы нарығын реттеу және дамыту агенттігінің өңірлік өкілдер басқармасының басшысы Л. Темірова және Қызылорда облысы бойынша Мемлекеттік кірістер департаментінің бөлім басшысы Г. Ертанова қатысып, тұрғындарға түсіндірме жұмыстарын жүргізді.&nbsp; «AMANAT» партиясы Halyk Bank-пен бірге «Қарызсыз қоғам» жобасын іске қосты.Жобаның негізгі мақсаты – жеке тұлғалар арасында проблемалық берешегі бар адамдардың қаржылық сауатын арттыру.&nbsp;<blockquote>«Менің 2019 жылы 500 мың азаматтың кепілсіз несиесін кешіру туралы шешімім және жақында қабылданған жеке тұлғалардың банкроттығы туралы заң мәселені біршама реттеді. Бірақ ахуалды біржола түзеу үшін жаңадан жүйелі шаралар қабылдау қажет. Сонымен қатар азаматтардың қаржы сауатын арттыру өте маңызды. Бұл ретте «AMANAT» партиясының «Қарызсыз қоғам» жобасын ерекше атап өту қажет. Соның арқасында еліміздің 8 аймағында 20 мыңнан астам адам қаржылық сауатын арттырды. Олардың көпшілігі – 10 және одан да көп несие алған адамдар. Бұл жоба аз уақытта өзінің тиімділігін көрсетті. Үкіметке «AMANAT» партиясымен бірлесіп, оның ауқымын кеңейтуді тапсырамын. «Қарызсыз қоғам» жобасының игілігін бүкіл еліміз көруі қажет», - деп атап өтті Мемлекет басшысы Қазақстан халқына Жолдауында.</blockquote>Партия алаңында өткізілген қабылдау барысында жобаның алғышарттары тұрғындарға түсіндіріліп, несие немесе займдар бойынша жаңа кестеге шығу немесе банкроттық деп танылу жолдары бойынша кеңестер берілді.&nbsp;Құзырлы мекеменің мәліметі бойынша Банкроттық туралы Заң күшіне енгеннен бері облыс бойынша банкрот деп тану туралы барлығы 6 мыңнан астам өтініш тіркелген. Оның 520-ы қанағаттандырылса, 404 өтініш қаралу үстінде, ал қалған өтініштер қанағаттандырудан бас тартылды.Мемлекет тарапынан жасалып жатқан мүмкіндікке тұрғындардың қолжетімділігін арттыру мақсатында партия филиалы аталмыш бағыттағы шараларды жалғастыратын болады.&nbsp;

«Қарызсыз қоғам» партиялық жобасы бойынша тақырыптық қабылдауы өткізілді

<a href="https://kyzylorda-news.kz/">Kyzylorda-news.kz.</a>&nbsp; 17 қарашада әлемде халықаралық шала туған балалар күні атап өтіледі. Ол 2009 жылы жаңа туған балаларды күту жөніндегі Еуропалық қордың бастамасымен қабылданған болатын.Қазіргі таңда ерте босану қоғамдық проблема болып қала беруде. Сол себепті, ата-аналарға орталықтың психолог маманымен психологиялық қолдау жүргізілуде.Қызылорда облыстық перинаталдық орталығының дерегінше соңғы жылдары нәрестелердің мерзімінен бұрын туылуының тұрақты өсуі байқалады. Аталған орталықта 2023 жылдың 11 айында 9276 нәресте туылса, оның ішінде 620 шала туған сәбилер.<blockquote>«Шала туған нәрестелердің өмір сүру сапасы жоғарылату үшін, қазіргі заман талабына сай орталықтың дәрігерлері мен мейірбикелері тәжірибе алмасу, кәсіби біліктілігін жоғарылату мақсатында алыс-жақын шет елдерде оқытылды. Сонымен қатар дәрігер неонатологтар ішінен офтальмолог, невропатолог, кардиолог мамандары қайта даярланды.Өмір сүру деңгейін жақсарту мақсатында орталықта көптеген құрал-жабдықтар, атап айтсақ нәрестелерге емдік гипотермия жасауға арналған «TecoTherm Neo», көз көру қабілетін анықтайтын «Retcam Shuttel» аппаратары алынып, шала туылған нәрестелерді көктамыр ішілік тамақтандыруға арналған мөлшерлемелік аппарат – «компаундер» орнатылды.Шала туылған нәрестелердің өкпесін жетілдіру мақсатында сурфактант-орынбасушылық ем және инвазивті емес өкпені жасанды желдендіру емі нәтижелі қолданылуда», - делінген облыстық перинаталдық орталығының хабарламасында.</blockquote>Сонымен бірге, жүрек және асқазан-ішек жолдарының туа біткен ақаулары бар нәрестелерді республикалық санавиация желісі арқылы Нұр-Сұлтан, Алматы қалаларындағы ғылыми-зерттеу орталықтарына аудару мәселесі жолға қойылған.Шала туылғаннан нәрестенің дене салмағы экстремальды төмен болады, сол себепті алғашқы секундтан қамқорлық жасап, олардың дене жылуын сақтау маңызды. Облыстық перинаталық орталығы шала туылған нәрестелерге қажетті тоқыма бұйымдарын әзірлейтін «28 ілмек» қайырымдылық ұйымымен тығыз байланыста жұмыс жүргізіп келеді.

Қазақстан және Қызылорда облысының жаңалықтары