<p><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a><strong> Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырамас атрибуттарының бірі. Еліміздің тұңғыш рәміздері – Ту мен Елтаңба тәуелсіздігіміздің жариялануының дәл 130-шы күні, яғни 1992 жылдың 4 маусымында қабылданды. Ал елімізде «Мемлекеттік рәміздері туралы заң» 2007 жылы 4 маусымда қабылданған еді. Осы заңға сәйкес, жыл сайын 4 маусым – Қазақстан Республикасында Мемлекеттік рәміздер күні ретінде мерекеленіп келеді.</strong></p><p>Қазақстан да, өз егемендігін жариялаған кезде оны ең алдымен, тәуелсіз елдің саяси мәртебесін білдіретін Тәуелсіздік декларациясын қабылдау арқылы бекітті. Содан кейін күн тәртібінде Мемлекеттік рәміздерді қабылдау мәселесі тұрды. Алдымен, 1992 жылдың басында Жоғарғы кеңестің төралқасы мемлекеттік символиканы дайындау бойынша жұмыс тобын құру туралы қаулы қабылдады. Осы құжатқа сәйкес, арнайы шығармашылық комиссия құрылды. Оның құрамына белгілі заңгерлер мен қоғам қайраткерлері кірді. Көп кешікпей, Елтаңба, Ту және Әнұран жобаларын жасауға конкурс жарияланды. Оған қатысушылар алдына күрделі, әрі жауапты міндеттер қойылды. Мемлекеттік рәміздер, әсіресе, тарихи, саяси және экономикалық символизмге сәйкес келуге тиіс болды. Ал, рәміздер жобаларын жасау конкурсында 600-ден астам адам қатысқан екен. Мемлекеттік ту эскиздері бейнеленген шығармашылық еңбектері бар түскен өтінім 1 200-ді құраған. Сондай-ақ, конкурсқа болашақ Елтаңбаның 245 сурет жобасы мен 67 суреттемесі және Әнұранның 750 нұсқасы ұсынылыпты. «Жүзден жүйрік, мыңнан тұлпар» шығатыны секілді таңдаулылары таңдалып, бүгінгі күнге дейін жетіп отыр.</p><p>Қазалыда Қазақстан Республикасының Мемлекеттік рәміздер күніне орай салтанатты шара өтті.</p><p>Әйтеке би кентіндегі Рәміздер алаңында өткен мерекелік іс-шараға Қазалы ауданы әкімі Мейрамбек Шермағанбет, зиялы қауым өкілдері, мекеме, кәсіпорын басшылары мен қызметкерлері және аудан тұрғындары, белсенді жастар қатысты.</p><p>Мерекелік шарада Қазалы ауданы басшысы барша Қазалы жұртшылығын мерекемен құттықтап, мемлекеттік рәміздер Тәуелсіздіктің баға жетпес құндылығы екенін жеткізді.</p><blockquote><p>– Мемлекеттік рәміздер – әр мемлекеттің тәуелсіздігін білдірумен қатар, тұтастыққа ұйыстыратын, бірлікке үндейтін айшықты белгілер. Еркіндігіміздің көк байрағы көкте желбіреп, Елтаңба төрде орнығып, Мемлекеттік Гимніміз шырқала орындалғанда, ата-бабаларымыз сан ғасырлар аңсаған елдік қалпымыз бен сүттей ұйыған тірлігімізге шүкіршілік айтып, толқымайтын жан, селт етпейтін көңіл жоқ.</p></blockquote><p>Баршаңызды мемлекеттік рәміздер күнімен құттықтай отырып, әрдайым ел іші мерекелі де берекелі, елтаңбамыз – еңселі, туымыз – тұғырлы, Гимніміз – айбынды болсын деймін. Тәуелсіздігіміздің тұмарына айналған мемлекеттік рәміздеріміз болашаққа бастаған ұлы көшімізді демеп, игі істерімізді қолдай берсін, – деді Қазалы ауданы әкімі.</p><p>Мұнан соң бірқатар сала қызметкерлері ауданымыздың қоғамдық-саяси және әлеуметтік-экономикалық өміріне белсене қатысып, зор үлес қосқаны үшін аудан әкімінің «Алғыс хатымен» марапатталды.</p><p>Рәміздерді сөз еткенде "ұлттық" сөзі ойға оралады. Ұлттық рух, ұлттық болмыс, ұлттық сана... Қай рәмізді алсақ та, ұлттық нақыштан аспаған. Тудың түсі, қалықтаған қыран бейнесі, жарқыраған күн мен одан сәуледей таралған 32 шуақ, тігінен салынған ою-өрнек, бәрі-бәрі бір-бірімен астасқанда ұлттық көрінісімізден бірден хабар береді. Елдіктің нышаны саналатын Елтаңба ассоциациясы да ерекше. Шаңырақ, қанатты пырақ, жұлдыз бір-бірімен үйлесім тапқан.</p><p>Қандай ел болмасын өз рәміздерімен, заң-жарлықтарымен мақтанады. Алайда, оның тереңіне бармай, құр мақтану – ұят. Тудың авторы – Шәкен Ниязбеков. Автордың тың туындысы 600 жоба арасынан көзге түсіп, жоғары кеңесте талқыланған. Күн – жарқын болашақтың, күннен тараған әр шапағат, шуақтың – молшылық пен аманшылықтың белгісі. Дала қыраны – кеңдік пен зеректікті білдіреді. Дала адамдары үшін бұл азаттық, тәуелсіздікке, мақсатқа, биікке, болашаққа ұмтылудың символы. Оюлар қазақы элементтің бірден-бір көрінісі.</p><p>Елтаңба авторы – Ж.Мәлібеков пен Ш.Уәлиханов. Шаңырақ қазақ ұғымындағы ең қасиетті де қадірлі символ. Жақсылыққа алғыс ретінде де "шаңырағың биік болсын", "шаңырағың шайқалмасын" сынды тіркестер қолданылатыны белгілі. Бір шаңырақтың астында бірнеше ұлттың тату-тәтті ғұмыр кешуі де көптің қолынан келе бермейді. Қанатты қос пырақ – қазақ санасындағы ертеден келе жатқан қиял. Бұл жерде де еркіндік, егемендікті ерекше айтқысы келген болуы керек. Елтаңбаның жоғарысында тұрған жұлдыздың да өзіне тән кең ұғымы бар. Қазақта "жұлдызың жансын", "жұлдызың жарқырасын" деген тіркестердің де барын білеміз. Әнұранның авторын әр қазақ жатқа білуі шарт. Туған елдің бар болмысынан, тарихынан көрініс беретін бұл әннің әні мен сөзі әдемі үйлесіп, күллі қазақтың кеуде кернеп айтатын әнұранына айналғаны да қазақ деп жүрегі соққан әр азамат үшін айтары көп.</p><p>Мерекелік шарада жас мемлекеттік қызметшілер салтанатты түрде ант қабылдап, аудан өнерпаздары концерттік бағдарламаларын ұсынды.</p>

Мемлекеттік рәміздер ардақталған күн

<p style="margin-left:0px;text-align:justify;"><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a><strong>&nbsp; «26 маусым – Халықаралық нашақорлыққа қарсы күрес күні» мерекесіне орай өткізіліп жатқан айлық аясында, Қызылорда облысы Полиция департаментінің Есірткі қылмысына қарсы іс-қимыл басқармасы шеру-акциясын ұйымдастырды.</strong></p><p style="margin-left:0px;text-align:justify;">Акцияға облыстың білім беру мекемелері қатысты. Шерулер Арал, Қазалы, Қармақшы, Жалағаш, Шиелі, Жаңақорған аудандары бойынша білім бөлімдері және «Атамекен» балалар ауылы, М.Маметова атындағы Қызылорда жоғары педгогикалық колледж ұжымдарымен бірлескен түрде ұйымдастырылды.</p><p style="margin-left:0px;text-align:justify;">Бұл акция балалардың, жасөспірімдердің және жастардың психоактивті заттардың таралуы мен қолданылуына теріс көзқарасын дамыту, салауатты және қауіпсіз өмір салты дағдыларын қалыптастыру, олардың денсаулығына құндылық қатынасы және есірткіден бас тарту үшін ұйымдастырылған.</p><p style="margin-left:0px;text-align:justify;">Шеруге қатысушылар есірткіге қарсы мазмұндалған транспаранттарды алып, колонна болып өтті. Шеруден кейін митингілер өткізілді, одан кейін Есірткі қылмысына қарсы іс-қимыл басқармасы ұйымдастырған, есірткіге қарсы сайыстардың жүлдегерлері спорттық әрекеттер, билер, шешендік үндеу жасау, суреттер көрмесі, есірткіге қарсы рэп әндері мен қойылымдар қойып, өз өнерлерін көрсетті.</p>

Оқушылар есірткіге қарсы шеру-акциясына қатысты

<h4 style="margin-left:0px;text-align:justify;"><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a> <strong>Жуырда Қармақшы ауданындағы Шәмшат Төлепова атындағы мәдениет үйінде аудан әкімі Жандос Еркінбектің төрағалығымен аудандағы білім саласының өзекті мәселелері талқыға түскен "Адал ұрпақ. Саналы жасөспірім. Кемел келешек" тақырыбында кеңейтілген жиын өтті.&nbsp;</strong></h4><h4 style="margin-left:0px;text-align:justify;">Оған аудандық мәслихаттың төрағасы Әділ Қошалақов, аудан әкімінің орынбасарлары, аудан прокуроры, аудандық полиция бөлімі бастығының міндетін атқарушы, аудандық мәслихат депутаттары, дербес бөлім басшылары, кенттер мен ауылдық округі әкімдері, үкіметтік емес ұйымдар, ата-ана, көше комитеттерінің төрағалары мен білім беру ұйымдарының басшылары, педагогтер қатысты.&nbsp;</h4><h4 style="margin-left:0px;text-align:justify;">&nbsp; Аудан әкімі қай кезде де ұрпақ тәрбиесі өзінің өзектілігін жоймайтынына тоқтала келе, іс-шараға қатысушыларды тәрбие мен білім сапасын арттыруға, балалар мен жасөспірімдердің болашағы үшін қауіпсіз қоғам қалыптасыруға және оған белсенді атсалысуға шақырды.&nbsp;</h4><blockquote><h4 style="margin-left:0px;text-align:justify;">– Бүгінгі қоғамның алдында тұрған басты міндеттің бірі – балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу. Бұл күн тәртібінен түспейтін мәселелердің біріне айналып отыр. &nbsp;<br>Мемлекет басшысы Қасым-Жомарт Тоқаев Түркістанда өткен Ұлттық құрылтайда «Ұрпақ тәрбиесіне ықпал ететін шараларға баса мән беруіміз керек. Бұл салада кемшіліктер көп екені жасырын емес. Мектептегі тәрбие жұмысы ақсап тұр. Соңғы кезде оқушылардың бір-біріне қысым, зорлық-зомбылық, әлімжеттік көрсетуі жиі болып кетті. Кейде балалардың қатыгездігі жан түршіктіреді» деген болатын.<br>Өкініштісі, бұндай жағдайлар соңғы уақыттарда біздің өңірімізде де орын алып отырғанын аймақ басшысы жақында ғана өткен білім саласының өзекті мәселелеріне арналған кеңейтілген мәжілісте атап өтті. Қазір жас ұрпақты азамат ретінде қалыптастыруда ата-ана мен мектептің өзара байланысы шешуші рөл атқарады. Осыған орай, бүгінгі күн тәртібіндегі негізгі мәселе де – балалар арасында құқық бұзушылық пен қылмыстың алдын алуға бағытталған жұмыстар болып отыр. Қай заманда, қай қоғамда болсын бала тәрбиесі отбасындағы негізгі құндылық болып саналған. Біз соңғы уақытта бала тәрбиесіне негізгі жауапты – ата-ана екенін ұмытып кеттік. Дегенмен, баланы ортаға бейімдеу, тәлім-тәрбие беруде мектептің рөлі үлкен, – деді Жандос Еркінбекұлы.&nbsp;</h4></blockquote><h4 style="margin-left:0px;text-align:justify;">Аудан басшысы бұл бағыттағы жұмыстардың кемшін тұстарына тоқталып, оны жандандыруды тапсырды.&nbsp;<br>Мәжілісте аудандық білім бөлімінің басшысы Гүлзира Абдазиева &nbsp;"Кәмелет жасына толмағандар арасындағы құқық бұзушылықтың алдын алуға бағытталған профилактикалық жұмыстар жөнінде", аудандық прокуратураның прокуроры Нұржігіт Шаймахан "Білім беру ұйымдарындағы құқық бұзушылықтың профилактикасы туралы" және аудандық полиция бөлімінің жергілікті полиция қызметі бөлімшесінің бастығы Қуандық Ермаханов "Балалар мен жасөспірімдер арасындағы қылмыс пен құқық бұзушылықтың алдын алу бағытындағы шаралар туралы" баяндады.<br>Кеңейтілген мәжілісте балалардың өмір қауіпсіздігі кеңінен талқыланды.&nbsp;</h4><h4 style="margin-left:0px;text-align:justify;">2024 оқу жылында 1-10 сынып аралығында 14399 оқушы 100 пайыз жазғы демалысы мен еңбекпен қамту жұмыстарына қамтылады деп жоспарлануда. 465 оқушы Жаңақорған ауданындағы "Облыстық олимпиадалар және қосымша білім беру орталығы" жалпыға міндетті оқу қорынан мектеп жанындағы лагерьге қамтылады деп күтілуде. 2257 оқушы еңбекпен, оның ішінде 1461-і көркейту-көгаландыру бригадаларында (9 сынып оқушылары), 796-сы еңбек бригадаларында (10 сынып оқушылары) қамтылып, оқушылар мектептің жөндеу, көркейту-көгалдандыру жұмыстарына қамту жобаланған. Мектеп жанынан құрылған тынығу лагеріне 1114 оқушы тамақпен, 4677 оқушы тамақсыз лагерьмен қамтылмақ. Мектеп жанынан киіз үй тігіліп, 14 мектепте этноауыл ұйымдастырылатын болса, спорттық лагерьге 2544 оқушы қамтылмақ. 838 оқушы дебат үйірмесіне қамтылады деп жоспарланған.</h4><h4 style="margin-left:0px;text-align:justify;">Аудан басшысы осы кезден бастап оқыс жағдайлардың алдын алу, оны болдырмау, балалардың өмір қауіпсіздігін қамтасыз етуде тиісті іс-шараларды қабылдауды қатаң тапсырды.&nbsp;</h4><h4 style="margin-left:0px;text-align:justify;">Сондай-ақ жиында түнгі кезекшіліктерді күшейту, БАҚ пен әлеуметтік желілерде бүгінгі күні өзекті болып отырған құқық бұзушылық, буллинг, лудоманияның зардабы, суицид және тағы басқа да тақырыптыарды ақпараттандыру, кәмелет жасына толмағандар арасында профилактикалық жұмыстарды тұрақты жүргізу бойынша нақты тапсырмалар берілді.&nbsp;</h4><h4 style="margin-left:0px;text-align:justify;">"Балаң өзіңе тартса – жұбан, қоғамға тартса – қуан" дегендей, бала тәрбиесімен қоса, оның білімді болғаны да өте маңызды. Қазіргідей заманауи уақытта бәсекеге қабілетті болу алдымен білім деңгейімен өлшенеді. Бұл ретте ауданымыздың білім саласында ауқымды міндеттер күтіп тұр. "Балапанды күзде санайды" демекші, оқушылардың білім сапасын сарапқа салатын Ұлттық бірыңғай тестілеу сынағы – басты көрсеткіштің бірі. Биылғы оқу жылында аудан мектептерінен 686 бітіруші түлеп ұшқалы тұрса, олардың 649-ы, яғни 94,6 пайызы ҰБТ-ға қатысады деп күтілуде. Олардың арасында 54 түлек "Алтын белгіге", 67 түлек "Үздік аттестатқа" үміткер.&nbsp;</h4><h4 style="margin-left:0px;text-align:justify;">Жандос Еркінбекұлы аудан орталығында оқушы балалардың топқа бөліну жағдайлары әлі де бар екенін, оған бей-жай қарауға болмайтынын, топтық төбелестер мен жасөспірімдердің құқық бұзушылық жасауларының алдын алуға, сондай-ақ алда өтетін ұлттық бірыңғай тестілеу сынағына дайындықты пысықтап, мектептердің көрсеткіштеріне жан-жақты талдау &nbsp;жасауды жүктеді.&nbsp;</h4><blockquote><h4 style="margin-left:0px;text-align:justify;">– Мемлекет басшысының, Үкіметтің қолдауымен білім саласында ауқымды жобалар жүзеге асуда. Жосалы кентіндегі №284 мектеп-интернатына спорт зал ғимаратының құрылысы жүргізілуде. Балалардың заманауи мектепте білім алуына жағдай жасау мақсатында "Жайлы мектеп" ұлттық жобасы бойынша Жосалы кенті мен ІІІ Интернационал ауылында жаңа мектеп ғимаратының құрылысы жоспарлануда. "Білімді қолдау Ұлттық қоры" арқылы Тұрмағамбет ауылында 250 орынға арналған мектеп құрылысы келесі жылы жаңадан салынатын құрылыстар тізіміне енгізілген. Мемлекет басшысы Қасым-Жомарт Кемелұлы "Әділетті Қазақстан – Адал азамат" атты Ұлттық құрылтайдың екінші отырысында жас ұрпақтың тәрбиесіне ерекше тоқталды. Өскелең ұрпақ пен жастарға – зиялы қауымның, ақсақал-абыздарымыздың сөзі өтімді. Бала тәрбиесіне тек ата-ана, мұғалім ғана емес, қоғам болып атсалысуымыз керек. Биылдан бастап аудандағы елді мекенінде мәдениет үйі жанынан жастарды отаншылдық және мемлекетшілдікке, патриоттыққа тәрбиелейтін түрлі бағыттағы үйірмелерді қамтитын "Адал адам" орталықтары құрылып, жұмыс жасауда. Мұның барлығы дерлік балаларымыздың заман ағымынан қалмай, жақсы білім алуына жасалынып жатқан жарқын қадамдар. Дегенмен, мемлекет тарапынан жасалған қомақты қолдауларға қарамастан жасөспірімдер арасындағы қылмыс пен құқық бұзушылық, өзге де келеңсіз жағдайлар орын алуда. Бұл ретте аудандық білім бөліміне мектептерде ұлттық тәрбиеге жете мән беруді және "Аналар академиясы", "Әкелер кеңесі" мен ата-аналар комитетінің жұмысын жандандыруды тапсырамын, – деді аудан басшысы.&nbsp;</h4></blockquote><h4 style="margin-left:0px;text-align:justify;">Мәжілісте аудан прокуроры Мейрамбек Маханбетжанов, аудандық полиция бөлімі бастығының міндетін атқарушы Қазбек Әліп, аудандық ардагерлер кеңесінің төрағасы Асқар Мереков, аудандық қоғамдық кеңестің төрағасы Әбдірахман Құлдүйсенов, ІІІ Интернационал ауылы ардагерлер кеңесінің төрағасы Мұхтар Сайлауов, Қуаңдария ауылдық ардагерлер кеңесінің төрағасы Ешмағамбет Дүйсебаевтар сөз сөйлеп, бала болашағына немқұрайлы қарамауға, саналы тәрбие мен сапалы біліммен қамтуда қоғам болып атсалысуға үндеді. &nbsp;</h4><h4 style="margin-left:0px;text-align:justify;">Кеңейтілген мәжіліс соңында аудан әкімі Жандос Еркінбек жауапты бөлімдер мен мекемелерге, кенттер мен ауылдық округтің әкімдеріне балалар мен жасөспірімдердің тәрбиесі мен біліміне, өмір қауіпсіздігіне, келешегіне &nbsp;жауапкершілікпен қарап, үйлесімді жұмыс жүргізуді ескертті.&nbsp;<br>&nbsp;</h4>

Ұрпақ тәрбиесі басты назарда

<p><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a><span style="color:rgb(77,153,230);font-family:&quot;Fira Sans&quot;, sans-serif;"><strong> &nbsp;</strong></span><strong> Қызылорда облысының Экология департаментімен есепті кезеңде табиғатты қорғау іс-шараларының орындалуына, қоршаған ортаға эмиссияларды төмендетуге, табиғат пайдаланушылардың қоршаған ортаға жауапкершілікпен қарауын қалыптастыру және ҚР Экологиялық заңнамасын бұзу деректерінің алдын-алуға ерекше ден қойылды. Бұл туралы өңірлік коммуникациялар қызметінде өткен брифингте Қызылорда облысы бойынша экология департаменті мемлекеттік экологиялық бақылау бөлімі басшысының міндетін атқарушы Шамкенов Әлішер Әмірбекұлы баяндады.</strong></p><blockquote><p>– Департаментпен 2024 жылдың есепті мерзімінде қоршаған ортаны қорғау саласында 12 субъектіге бақылау шаралары ұйымдастырылды. Оның ішінде 4 субъектіге бару арқылы профилактикалық бақылау және 8 субъектіге жоспардан тыс тексеру жүргізілді.&nbsp;Анықталған заң бұзушылықтар бойынша әкімшілік құқықбұзушылық жөнінде іс қозғалып, жеке және заңды тұлғаларға 8 млн теңге көлемінде 19 айыппұл салынды, оның 7,2 млн теңге көлемінде 15 әкімшілік айыппұл өндірілді, – деді ол.</p></blockquote><p>ҚР Экология және табиғи ресурстар министрлігі мен&nbsp;«Қазақстан Ғарыш Сапары» АҚ арасында қалдықтар орналасқан жерлерді қашықтықтан зондтаудың ғарыштық түсірілім қызметін көрсету бойынша келісім-шарт жасалып, келісім шартқа сәйкес 2018 жылдан бастап қала маңындағы 50 км белдеуде орналасқан бей-берекет қалдықтар орындарын жою көзделген.&nbsp;2024 жылы «Қазақстан Ғарыш сапары» АҚ-мен жүзеге асырылған ғарыштық мониторинг нәтижесімен Арал ауданына қарасты аумақта 37 рұқсатсыз қалдық орындары анықталды. Департаментпен Арал ауданы әкімдігіне қалдықтарды тазартуға мәселе қойылып, хат жолданды.&nbsp;Департаменттің заңсыз қалдық орындарын болдырмау жөніндегі жұмыстардың нәтижесімен рұқсатсыз тасталған қалдықтардың орындары жыл сайын азаюда. Атап айтқанда, 2018 жылы - 240 орын, 2019 жылы - 228 орын, 2020 жылы - 136 орын, 2021 жылы - 105 орын, 2022 жылы 99 орын анықталса, 2023 жылы 74 рұқсатсыз қалдық орындары анықталған.</p><blockquote><p>– Бұл көрсеткіш жылдан жылға азайып келе жатқанын көрсетсе де, халық арасында үйреншікті қоқыс алаңдарына қоқыстарын тастауы тоқталмай отыр. Департаменттің мемлекеттік экологиялық бақылау қызметі «Байқоңыр» кешеніндегі объектілерді де қамтиды. «Байқоңыр» кешені бойынша мемлекеттік экологиялық бақылау Ресей Федерациясының Үкіметімен «Байқоңыр» кешенінің аумағындағы қоршаған ортаны қорғау мәселелері туралы келісім құжаттарына, олардан туындайтын хаттамалар мен ережелерге сәйкес жүргізіледі, – деді Әлішер Әмірбекұлы.</p></blockquote><p>Бұдан бөлек, мемлекеттік экологиялық бақылау және реттеу барысында Байқоңыр қаласының әкімшілігіне қарасты тұрмыстық қатты қалдықтар полигонына экологиялық заңнама талаптарына сәйкес сұрыптау кешенін салу жөнінде шарт қойылып, тиісті жұмыстар атқарылуда. Департаментпен 2024 жылдың есепті мерзімінде 12 қоршаған орта объектілеріне мониторингтік бақылау жүргізілді. Зертханалық-талдамалы бақылау барысында барлығы – 75 сынама алынып (су көздері - 22, топырақ – 36, атмосфералық ауа – 17), 845 анықтау жүргізіліп (су көздері - 340, топырақ – 415, атмосфералық ауа – 90), нәтижесімен 111 нормативтік шектен асу деректері анықталды (су - 7, топырақ – 104).</p><p>Есепте кезеңде «Қызылорда облысы бойынша қоршаған ортаны сауықтыру жөніндегі кешенді іс-шаралар жоспарына» сәйкес «Таза ауа» іс-шарасы аясында 162 автокөлікке зертханалық бақылау жұмыстары жүргізіліп, нәтижесінде анықталған 10 автокөліктен ластағыш заттарының белгіленген нормативтерден асу деректеріне сәйкес автокөлік иелеріне полиция департаментімен ескерту берілді.</p><blockquote><p>– Жалпы Департаменттің зертханалық талдамалы бақылау жұмыстарын жүргізуге арналған материалдық техникалық базасы қанағаттанарлық. Экологиялық реттеу саласына қатысты көрсеткіштерге тоқталып өтсем.</p><p>1.Қоршаған ортаға әсерді бағалаудың қамту саласын және (немесе) көзделіп отырған қызметтің әсер ету скринингін айқындау туралы қорытынды беру бойынша 2024 жылдың І тоқсанында &nbsp;барлығы 77 өтінім қаралды. Оның 28-не (36%) қорытынды берілді, 49өтінім Экологиялық кодекстің 1 қосымшасында қарастырылмағандықтан, скринингке жатпайтындығы жөнінде түсіндірмелер берілді(64%).</p><p>2.Қоршаған ортаға әсерді бағалау нәтижелеріне қорытынды беру қызметі бойынша 2024 жылдың І тоқсанында10 өтінім қаралды. Барлық10 өтінімге (100%) қорытынды берілді.</p><p>3.I санаттағы объектілер үшін әсер етуге экологиялық рұқсат беру бойынша 2024 жылдың І тоқсанында 15 өтінім қаралды, оның ішінде әсер етуге 11экологиялық рұқсат берілді (74%), 2 өтінім кері қайтарылып &nbsp;(13%), 2 өтінім (13%) ҚР Экологиялық Кодексінің талаптарына сәйкес келмеу себебінен дәлелді бас тартылды.</p><p>4.Қоршаған ортаны қорғау саласындағы уәкілетті орган жүзеге асыратын мемлекеттік экологиялық сараптама қорытынды беру бойынша 2024 жылдың І тоқсанында 1 өтінім қаралып, 1 өтінімге (100%) қорытынды берілді, – деді.</p></blockquote><p>2024 жылдың І тоқсаны бойынша Сараптамалық кеңес отырысында 1 жобалық құжаттама қаралды. Департамент мемлекеттік қызметтерді 100% электронды түрде көрсетеді. Белгіленген мерзімдерді бұза отырып мемлекеттік қызмет көрсету орыналған жоқ. Көрсетілген мемлекеттік қызметтердің сапасына шағымдар келіп түскен жоқ.</p><p>2020 жылы экологиялық мәселелерді кешенді шешу және экологиялық жағдайды одан әрі жақсарту мақсатында Қызылорда облысының әкімдігі және Экология және табиғи ресурстар министрлігімен 2020-2025 жылдарға арналған «Қызылорда облысының экологиялық мәселелерін кешенді шешу жөніндегі Жол картасы» (бұдан әрі – Жол картасы) жұртшылықтың назарына ұсыныла отырып, пікірлері ескеріліп жасалды және бекітілді. Жол картасы 7 бөлімнен, 52 тармақтан құралған.</p><p>2021-2023 жылдары және есепті кезеңде орындалуы тиіс 52 іс-шараның бүгінгі күні 18 іс-шарасы толығымен орындалған, 34 іс-шара белгіленген мерзімінде орындалуда. Аталған іс-шараларды жүзеге асыру барысында атмосфераға шығарылатын ластаушы заттар көлемінің азаюына қол жеткізілді.Облыстағы 7&nbsp;полигон экологиялық және санитарлық талаптарға сәйкестендірілді.</p><blockquote><p>– Соңғы 3 жылда Қызылорда облысында&nbsp;1,4 млрд.теңгеге жаңадан 2&nbsp;полигон, соның ішінде мемлекеттік-жекешелік әріптестік негізінде салынған Қызылорда қаласында сұрыптау кешені бар полигон және Арал қаласындағы жаңа полигон құрылыстары жүргізілді.&nbsp;Жол картасын жүзеге асыру аясында Қызылорда қаласының негізгі экологиялық мәселелерің бірі болып табылатын - №6 жылу электр орталығының күл қалдықтарын жою жұмыстары жүргізілуде.&nbsp;Атап айтқанда, күл қалдықтары «Компания Гежуба Шиелі Цемент» ЖШС-нің зауытына шикізат ретінде кезең-кезеңімен цемент шығару өндірісіне пайдалануда, – деді&nbsp;Әлішер Шамкенов.</p></blockquote><p>Жалпы, Қызылорда облысының негізгі экологиялық мәселелері Жол картасында толығымен қамтылған. Жол картасын орындау мақсатында атқарылған жұмыстар туралы және мүдделі мемлекеттік органдардан жинақталған ақпараттарға талдау жүргізіліп, тоқсан сайын бұқаралық ақпарат құралдары арқылы есеп беріліп келеді.</p>

Қызылорда облысының негізгі экологиялық мәселелері Жол картасында толық қамтылған

Жаңақорғанда білім сапасы артып келеді

<p><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a><span style="color:rgb(77,153,230);"><strong> </strong></span><strong>5 маусым – Дүниежүзілік қоршаған ортаны қорғау күні. Осы орайда облыстық табиғи ресурстар және табиғат пайдалануды реттеу басқармасы басшысының орынбасары Акбар Мәріп Шәріпұлы осы салада қызмет етіп жүрген азаматтар мен сала майталмандарын, табиғат жанашырлары мен экобелсенділерді құттықтай отырып, облыс бойынша атқарылған жұмыстарды баяндады.</strong></p><p>Ең алдымен басқарма басшысы&nbsp;адамзат тарихындағы аса ірі экологиялық зардаптың бірі – Арал дағдарысын шешу бағытындағы жұмыстар жөнінде тоқталды.</p><blockquote><p>– Мемлекет басшысының тапсырмасына сәйкес Арал теңізінің құрғаған ұлтанында 5 жыл ішінде 1 млн гектардан аса&nbsp;<br>аумақта сексеуіл екпелері егілуде. Бүгінгі күнге жалпы 600 мың гектардан аса&nbsp;жергесексеуіл егілді, келесі жыл аяғына дейін жоспар бойынша бекітілген меже орындалатын болады. Бұл жұмыстарды атқару үшін жыл сайын облыстық бюджеттен 400,0 млн.теңгеден аса&nbsp;қаржы тұрақты бөлінуде, – деді облыстық табиғи ресурстар және табиғат пайдалануды реттеу басқармасы басшысының орынбасары Мәріп Шәріпұлы.</p></blockquote><p>Жалпы өткен жылы орман мекемелерінің материалды-техникалық базасын нығайту үшін қажетті техникалар мен құрал жабдықтарды сатып алуға облыстық бюджеттен 866,9 млн.теңгеге 94 техника алынды. Ал биыл 77,1 млн.теңге бөлінді. Алдағы уақытта 78 техника алынатын болады. Жұмыстар бекітілген жоспарға сәйкес кезең-кезеңмен жүргізілуде.</p><p>Сонымен қатар қоршаған ортаны қорғау бағытында маңызды істердің бірі – тұрмыстық қатты қалдықтарменжұмыстарды тиімді жүргізу болып табылады. 2024 жылдың І тоқсанында облыс бойынша жинақталған 75&nbsp;762&nbsp;тонна тұрмыстық қатты қалдықтардың 21&nbsp;270 тоннасы&nbsp;өңделіп, пайыздық үлесі&nbsp;28%-ды&nbsp;құрады.</p><p>Бүгінгі күні облыс бойынша қалдықтарды жинау, сұрыптау және өңдеу саласында&nbsp;15&nbsp;кәсіпкерлік субъектілері жұмыс жасауда. Қатты тұрмыстық қалдықтарды бөлек жинауды, сұрыптауды және қайта өңдеуді енгізу нәтижесімен көмілетін қалдықтар көлемі қысқаруда. Кәсіпорындармен картон, қағаз қалдықтары жинақталып, қағаз өнімдері&nbsp;мен эковата шығарылуда.</p><p>Одан бөлек, пластмасса, пластик бөтелкелерін қабылдауға арналған арнайы контейнерлер орналастырып, жинақтайтын кәсіпорындар саны артуда.</p><blockquote><p>– Мемлекет басшысының «Ірі қалаларда қатты тұрмыстық қалдықтарды қайта өңдейтін зауыттар салу» тапсырмасына сәйкес,&nbsp;биылғы жылы Экология министрлігімен қалдықтар саласындағы жобаларды қаржыландыруға «Жасыл Даму» акционерлік қоғамы арқылы 200,0 млрд.теңге бөлінді. Қаржы кәсіпкерлік субъектілеріне қалдықтарды сұрыптау және өңдеу саласындағыжобаларға 3 пайызбен 20 жылға дейінгі мерзімге берілетін болады. Сондай-ақ, Қызылорда облысында инвесторлар анықталып, жалпы құны&nbsp;<br>41,4 млрд.теңгені құрайтын 8 жобалар бойынша жұмыстар жүруде. Барлық инвесторлармен тиісті құжаттар жинақталып, өтінімдер жолдануда. Бүгінгі күні,6 жоба инвесторлары тарапынан тиісті өтінімдер жолданды, 2 жоба инвесторлармен жақын арада өтінім жолданатын болады, – деді басқарма басшысының орынбасары.</p></blockquote><p>Бұған қоса Сырдария ауданындағы сұрыптау кешені мен қатты тұрмыстық қалдықтар полигонын салуға биыл облыстық бюджеттен 475,5 млн теңге қаржы бөлінді. Мердігер мекемемен құрылыс жұмыстары басталды.</p><p>Сонымен қатар, Мемлекет басшысының «Ауылдық аумақтарды дамыту» тапсырмасына сәйкес аймақ басшысы Нұрлыбек Машбекұлының қолдауымен облыстағы елді мекендер арасында тазалыққа, көркейту-көгалдандыруға, елді мекеннің қас келбетін әсем етуге бағытталған «Үлгілі елді мекен» облыстық конкурсы жыл сайын өткізілуде.</p><p>2023 жылы облыстық бюджеттен 1 млрд теңгеге&nbsp;жуық қаржы бөлініп, облыс аумағында «Үлгілі» атанған елді мекендерге барлығы 29 коммуналды техникалар сатып алынып, таратылды.</p><p>Биылғы жылы конкурс жалғасын табуда. Облыстық бюджеттен 436 млн.теңге бөлінді. 19 техника сатып алынып, конкурс жеңімпаздарына табысталатынболады. Қазіргі таңда конкурсқа қатысушы елді мекендердің құжаттары жинақталуда.</p>

5 маусым – Дүниежүзілік қоршаған ортаны қорғау күні

<h4 style="margin-left:0px;text-align:justify;"><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a><strong>Елімізде бұқаралық спортты дамытудың стратегиялық жоспары құрылып, аймақтарда спорттық нысандар көптеп бой көтеруде. Жаңақорғанда да игілікті қадамдар бар. Тіпті аудандағы елді мекендердің барлығына шағын футбол алаңы салынды. Бір ғана Жаңақорған кентінде онға жуық кіші ойын алаңы бой көтерді. Әрине, спорт – жастар арасындағы құқықбұзушылық санының азаюына сеп. Тек бір қынжытарлығы, ортақ игілікке ұйыстырған алаңдардың жағдайы сын көтермейді. Оған жауапты кім? Біз осы тақырыпты тарқатып едік.</strong></h4><p>Аудандық дене шынықтыру және спорт бөлімінің мәліметінше, ауданда спортпен 21870 тұрғын тұрақты түрде шұғылданады. Яғни аудан халқының 26,2 пайызы спортпен айналысады. Ал аудан бойынша жасанды жамылғымен көмкерілген 45 спорт алаңы бар.<br>Осындай жасанды алаңдарды 26 ауылдық округтен табуға болады. Тіптен кейбір ауылда екі-үш алаңнан бар. Әрине, мұның бәрі өскелең ұрпақтың дені сау болып өсуі үшін жасалған жағдай. Бірақ. Бірақ деудің мәні бар. Кіші алаңқайлардың қазіргі жағдайы жайлы әңгімені құлақ естіп, көз көріп жүр. Әсіресе, аудан орталығындағы алаңдардың жайына мән бермеуге болмайды. Ал ауылдық округтердегі шағын алаңдардың жағдайы айтпаса да түсінікті. Осыған байланысты бірқатар ауылдық округ әкімдігіне хабарласқан едік.</p><p>Көбінің айтуынша, алаңдардың жағдайы мәз емес. Округтерде орналасқан алаңдардың ең көнесі осыдан 10-12 жыл бұрын салынған екен. Сол уақыттан бері жергілікті жанашыр жандардың қолдауымен жөндеу жұмысын көргендері де көп. Жаңаланғанына жыл жетпей істен шыққан алаңға тұрғындардың жанашырлығы жетпейтін көрінеді. Яғни, қадасы қырық жамау болып жасанды жамылғысының көтеріліп кетуіне жергілікті халықтың немқұрайдылығы себеп болып отырғаны аңғарылды.<br>Расымен, қай ойын алаңқайына барсақ та тұрғындардың игілігіне берілген алаңқайлардың бүгінде тозығы жетіп, төселген жасанды жасыл кілемі жыртылып, желді күні желбіреп тұрғаны көзге түрпідей тиеді екен. Айналдыра қоршаған темір тордың да сүйкімі қашып, жүдеп тұр. Алыстан жау келмейтіні анық, мұндай сорақылыққа сол маңның сотқарлары кінәлі екенін ішіміз сезеді.</p><p>Бір сауал, шағын алаңдар салынғанда не себепті жауапты мекемеге бекітілмеген?<br>Жөндеу көрген алаңдардың ішінде жыл толмаған шымдардың арасы ыдырап, топырағы бетіне шығып жатқанын көріп, «неменесі жөнделген?» деген ой туады. Біздің климатқа газондар кеуіп, ыстыққа төтеп бермей ме екен, әлде? Мұны білу үшін ғаламтордан жауап іздеп көрдік. «Жасанды алаңды жылдың кез келген мезгілінде, кез келген ауа райында, кез келген аймақта эксплуатация жасауға болады» дейді гугл ақпараты.<br>Мүмкін, кінәрат құрылыстың сапасында шығар? Құрылысшы ком­пания­лардың жұмысы стандартқа сай емес пе? Осыны білу мақсатында жасанды алаңдарды салып жүрген «Газонтоп1» ЖШС құрылыс компаниясының директоры Арыс Бекжанмен хабарластық.</p><blockquote><p>− Құрылыс компанияларын таңдағанда газон төсеуші қабатына мән берген жөн. Бұл презентация кезінде айтылады. Газонның төзімділігі алаң ішінде жасалатын 4 түрлі материалдан тұратын қабаттың болуына байланысты. Көбі осыны дұрыс қолданбайды. Біз шала істелген шағын футбол алаңын қайта салып жүрміз. Екіншіден, алаңдар қараусыз қалып қойып жатады. Мысалы, жақында ғана Талап ауылындағы жасанды алаңның газонын біреу қырқып алып кетіпті. Біз қайтадан төсеуге мәжбүр болдық, – деді ол.</p></blockquote><p>Расында, алаңдарды иесіз қалдыру қаржылық шығынды арттырып тұр. Кейбірі мектепке жақын жерде орналасқандықтан білім ордасының жауапкершілігіне берілген. Ал ауылдық округтерде алаңды бабында ұстап, спорттық жарыстар ұйымдастырып, жастарды спортқа қызықтыру мақсатында арнайы спорт нұсқаушысы жұмыс істейді. Сонда біздегі спорт нұсқаушылар өз міндетін дұрыс орындамай отыр ма? Бірақ бір нұсқаушының қолынан не келеді? Бірнеше спорт нұсқаушысын әңгімеге тартқанымызда, олар өздері ойнайтын алаңды күтіп ұстауға ауыл жастарының құлықсыздығын айтып қалды. Сондықтан ортақ мүлікке жанашырлық керек-ақ.</p><p>Аудандық спорт және дене шынықтыру бөлімінің басшысы Махмұт Рақымжановтың сөзінше, қазіргі таңда ойын алаңдарын қайта жаңғырту мақсатында жүйелі жоспар бар. Қазір оларды жөндеуге инвесторлар тарту жұмыстары жүргізілуде екен.</p><p>Өткенде кент орталығында орналасқан бір ойын алаңқайдың есігі қалың ағашпен қымталыпты. Ойнауға барған балалар ішке кіре алмай дал болды. Мұны кім істеген? Сөйтсек, көрші апамыз балалардан бақшасын қызғанып, ойын алаңын мықтап бекітіпті. Халыққа арналған орынды бұлай қымтауға бола ма? Қысқасы, осындай олқылық болмас үшін әр аймақтағы ойын алаңдарына бір-бір қарауыл қою керек-ау.<br>Кенттегі ойын алаңдарының сиқы қашқан соң ата-ана балаларын ақылы алаңдарға апаруға мәжбүр болып тұр. Халықтың қалтасын қағып тұрған ойын-сауық орталықтары тәулік бойы тоқтаусыз қызмет көрсетуде. Әр балаға сағатына 2500 теңгеден ақы алатын кәсіпкерлер ортақ талапты сақтап отыр ма? Бұл туралы аудан әкімдігі жанындағы кәмелетке толмағандар ісі жөніндегі комиссия отырысында айтылды.</p><p>– Лицензия алып енді ғана жұмысы жүйеленген кәсіпкерлердің екеуі де негізінде тамақтандырушы статусындағы кәсіпкерлер екені анық. Яғни, асханамен бірге бір ғимараттта орналасқан ойын алаңының қауіптілігі ескерілмей тұр. Асханадан шыққан газдан бала улануы мүмкін, себебі алаңда желдеткіш жоқ. Өрт болған жағдайда қосымша шығу есіктері қаралмаған. Осы секілді жеке адамдардың қауіпсіздігі ескерілмеген, – деді аудандық спорт және дене шынықтыру бөлімінің басшысы Махмұт Рақымжанов.<br>Расында, ойын-сауық иелері бұл жөнінде ескертулер алып, кем-кетікті түзеуге уағдаласқан көрінеді. Сондай-ақ, орталық алаңдағы 7 аттракцион бала өміріне қауіпті екені анықталған. Оған себеп, құрылғылардың тозығы жеткен. Дегенмен, тосын жағдайдың алдын алып, ойын алаңдарын қатаң назарда ұстап тұруға не кедергі?</p><p>Бала – ел болашағы. Сондықтан балаға тиесілі іске сергек қарау парызымыз. Ойын алаңдарын аралап жүріп түйгеніміз, балалардың өмір қауіпсіздігіне үлкен жауапкершілік керек. Жұмысбасты жанұяның жеткіншектері ойнап жүріп жазымға ұшыраса оған жауапты кім болмақ? Алаңсыз алаңда асыр салатын балақайлардың саулығы бәрімізге керек.</p>

Ойын алаңы ортақ мүлкіміз емес пе?

Баланы буллингтен қалай қорғаймыз?

<h4 style="margin-left:0px;text-align:justify;"><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a><span style="color:rgb(77,153,230);"><strong> </strong></span><strong>Дамыған елдерде экономиканың қозғаушы күші бизнес екені белгілі. Шағын және орта бизнес қарыштаса, халық кәсіпкерлікпен шұғылдануға бейімделсе, мемлекеттің де өркен жаяры анық. Бүгінде ауданда бәсекеге қабілетті кәсіпкерлердің қатары артып келеді. Өңірдің өркендеуіне сүбелі үлес қосып, машақаты мол, талабы таудай кәсіпкерлік саласында өз кәсібін отыз жылдан &nbsp;бері дөңгелетіп отырған жанның бірі қармақшылық – Жомарт Жаппасбаев.&nbsp;</strong></h4><h4 style="margin-left:0px;text-align:justify;">Танымал ұстаздар отбасында дүниеге келген ол мектепті бітірген соң, Алматы қаласындағы энергетикалық институтта «Өнеркәсіп орындары мен қалаларды электрмен жабдықтау» мамандығын меңгереді. Одан соң Отан алдындағы борышын өтеп, әскер сапында болады. Лейтенант шені де бар. Әскерден кейін туған жерге оралып, алғашқы еңбек жолын «Сельхозэнерго» мекемесінде шебер болып бастайды. Кейін осы мекемеде учаске бастығы, бас инженер қызметтерін атқарады. 1986-1994 жылдар аралығында айырбас пунктерінің біріккен кәсіпорны «Қазсельхозтехника» мекемесінде жетекшілік етеді. Осында қызмет ете жүріп ауыл шаруашылығы институтында сырттай білімін жетілдіреді.&nbsp;</h4><h4 style="margin-left:0px;text-align:justify;">Осы кезеңде елімізде үлкен өзгерістер орын алып, Қазақстан тәуелсіз ел атанады. Жаңа елді құру кезіндегі өзгешеліктер кімге де болса оңай тимеді. Іргелі кәсіпорындар жұмысын тоқтатып, жұмыссыздық белең алды. Дәл осы сәтте кәсіпке бет бұру, оны дамыту тек батыл жандардың бастамасы болды. Себебі тәуекелшіл жан ғана биік белестерді бағындыра алады. Бүгінде білікті кәсіпкерге айналған жан бұл салаға еліміз егемендік алған уақытта қадам басқан. Бұл – жаһандық дағдарыс жағадан алып, ел экономикасы тоқырауға ұшыраған уақыт еді. Жоқтан бар жасап, кәсіппен айналысуға бел буған Жомарт Қайырбекұлы алғашында ауыл шаруашылығына қажетті техникалық бөлшектерді тасымалдайды. Кейіннен аудан орталығынан халықты арзан әрі сапалы өніммен қамтамасыз ету үшін бірнеше дүкеннің негізін қалайды.&nbsp;</h4><blockquote><h4 style="margin-left:0px;text-align:justify;">– Өзім ауылшаруашылығы саласында қызмет еткен соң қандай техникалық бөлшектің қажет екенін жетік білдім. Кәсіпті осыдан бастаған себебім де сол. Қолда қаражат болмаса да, басқа қаладан тауарды алып келіп, халыққа өткізіп, ақшасын жинап апарып беретінмін. Сол кездегі адамдардың бір-біріне деген сенімі, адамгершілігі жоғары еді. Кәсіпті қолға алғанда табандылық пен жан-жақтылық маңызды. Техникалық бөлшектерден кейін кәсіпті түрлендіру мақсатында халыққа қажетті азық-түлікті арзан бағада ұсыну үшін шағын дүкендер аштым. Ол кезде әрбір тауарды жан-жақтан өзіміз барып алып келетінбіз. Ал қазір бұл жүйе айтарлықтай дамыды. Дайын өнімді дүкенге дейін әкеліп тұрады, тек ақшасын төлесең болды, – дейді кәсіпкер.</h4></blockquote><h4 style="margin-left:0px;text-align:justify;">Ал дүкендерді уақытылы азық-түлікпен, тұрмысқа қажетті тауармен қамтамасыз ету үшін сақтау қоймалары қажет-ақ. Білікті кәсіпкер мұны да назардан тыс қалдырмай аудан орталығынан екі сақтау қоймасын салады. Біріншісі – көмір түсіретін орын болса, екіншісі – вагонмен келетін ұн-жем қоюға арналған.&nbsp;</h4><h4 style="margin-left:0px;text-align:justify;">Кәсіп бастаймын деген жанға бүгінде мүмкіндік мол. Мемлекет де қолдау білдіруге дайын. Ал бизнес саласында айтулы қайраткерге айналған Жомарт Қайырбекұлы кәсіп бастаушыға мынадай кеңестер ұсынады.&nbsp;</h4><blockquote><h4 style="margin-left:0px;text-align:justify;">– Кәсіп етсең – көкжиегің кеңейеді. Мұнда ең бірінші табандылық керек. Қандай істі бастасаң да, соңына дейін апару маңызды. Міндетті түрде білім керек. Күндіз-түні еңбек етуден жалықпау қажет. Кәсіпкерліктің еңбектен басқа жолы жоқ. Еңбек, ұқыптылық, шыдамдылық. Сонда ғана нәтижеге жетесің. Бизнесті бүгін бастадым, бір жылдан соң байып кетем деген ой қате. Мұнда да жолға қойылған жоспар, сарапталған стратегия қажет, – дейді ол.&nbsp;</h4></blockquote><h4 style="margin-left:0px;text-align:justify;">Халықтың қамын ойлаған азамат бүгінде 21 адамды жұмыспен қамтып отыр. Отыз жылға жуық еңбек жолы бір бағытта өрілген кейіпкеріміз халықпен етене араласа жүріп, әлеуметтік жағдайы төмен отбасыларға қолдан келгенше көмек беруді игі дәстүрге айналдырған. Алайда бұл туралы айтуды жөн көрмеді.</h4><h4 style="margin-left:0px;text-align:justify;">«Ер болсаң еліңе пайдаң тисін» деген ұстанымды басшылыққа алған ердің еңбегі де елеусіз емес. Ол 2008 жылы ауданның «Іскер адамы» атанса, «Қазақстан Республикасы Тәуелсіздігіне – 20 жыл», «Қызылорда облысының – 70» жылдығы мерекелік медальдарымен, жыл сайын облыс, аудан басшыларының құрмет грамотасы мен алғыс хаттарымен марапатталған. Өткен жылдың қорытындысы бойынша «Жылдың үздік кәсіпкері» атағын иеленді.</h4><h4 style="margin-left:0px;text-align:justify;">Ауданда абыройлы, отбасында ардақты жан зайыбы Дәмегүлмен 3 перзент тәрбиелеп өсірген. Ұлын – ұяға, қызын – қияға қондырған олар бүгінде 7 немере сүйіп отыр. Ата атанып, зейнет жасына жетсе де жұмысына жауапкершілікпен қарайды. Бізбен әңгімесінде «Менің ұстанымым – бақытты өмір сүру, қоғамға, қоршаған ортаға пайдалы болу» деген-ді. Расында да, ырыс-берекетінің еселенуі – елге болсын деген осындай шынайы ниеттің несібесі болса керек.&nbsp;</h4><h4 style="margin-left:0px;text-align:justify;">Айналып келгенде, игілігін көретін ел ғой. Аудан орталығынан бөлек, ауылдағы ағайынның да сұранысын өтеп отырған кәсіпкердің орны бөлек. Мұндай айтулы ағалар аудан экономикасының бір-бір күретамыры десек те болады.&nbsp;<br>&nbsp;</h4>

 Жомарт Жалғасбаев: Ер болсаң, еліңе пайдаң тисін

<h4 style="margin-left:0px;text-align:justify;"><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a><span style="color:rgb(77,153,230);"><strong> </strong></span><strong>Сан ғасырлар қойнауынан келе жатқан ұлттық өнеріміз тамыры тереңде екені белгілі. Киелі Қармақшы өңірінде мәңгілік мекен тапқан Қорқыт бабамыздың мұралары ұлтымызға ең құнды қазына ретінде бағалы. Жыраулық, күйшілік дәстүрлер атадан- балаға мирас болып, ұрпақтан-ұрпаққа жалғасып келе жатқаны бүгінгі күннің нақты дәлелі.&nbsp;</strong></h4><h4 style="margin-left:0px;text-align:justify;">Кеше Қармақшы ауданы әкімдігінің қолдауымен, аудандық мәдениет және тілдерді дамыту бөлімінің Көшеней Рүстембеков атындағы Жыраулар үйінің ұйымдастыруымен «Қорқыттан қалған қоңыр үн» деген атаумен өткізілген бұл өнер байқауының ерекшелігі, маңызы мен мақсаты да ұлттық өнерімізді ұлықтау болып табылады.<br>Өнер бәйгесіне Қармақшы, Сырдария, Шиелі, Арал, Жалағаш аудандары мен Байқоңыр қаласы және Қызылорда қаласынан 50-ге жуық өнерпаз қатыстырылды.</h4><h4 style="margin-left:0px;text-align:justify;">Байқауға қатысушылар өнердің 2 жанры бойынша бақ сынады. Бірінші кезекте Дәстүрлі ән-жыр өнері бойынша бақ сынасса, екінші кезеңде дәстүрлі күй өнері бойынша өнерлерін ортаға салды.&nbsp;</h4><h4 style="margin-left:0px;text-align:justify;">Өнер байқауының құттықтау сөзі аудандық мәдениет және тілдерді дамыту бөлімі басшысының міндетін атқарушысы Еркінбек Ерсұлтанов беріліп, қатысушы талапкерлерге ақжолтай тілек білдірді.</h4><h4 style="margin-left:0px;text-align:justify;">Байқаудың қазылар алқасының сапында &nbsp;белгілі /жырау, «Мәдениет саласының үздігі» төсбелгісінің иегері Серік Жақсығұлов, / Бегімсалова қылқобызшы, Қызылорда қалалық Қазанғап атындағы музыкалық колледжінің оқытушысы Айнуза Берікболқызы, &nbsp;күйші, Қызылорда қалалық Қазанғап атындағы музыкалық колледжінің оқытушысы Нұриддин Ахметовтер болды. Олар жас талапкерлердің өнерлерімен танысып, сахналық мәдениеті мен орындаушылық шеберліктері, және дауыс мәнерлеріне жан- жақты талдау жасады.&nbsp;</h4><h4 style="margin-left:0px;text-align:justify;">Сайыс нәтижесіндн «Дәстүрлі ән-жыр» жанрының үлкен тобы бойынша І орын қармақшылық Әдемі Молдыбековаға бұйырса, ІІ орынды Шиелі ауданының өнерпазы Балауса Жанғали мен қармақшылық Айсауле Тілеген иеленді. Ал ІІІ орынға &nbsp; ауданымыздың қос өнерпаз қыздары Көркем Әбдірахман &nbsp;мен Еркеназ Аманқос жайғасты. «Дәстүрлі ән-жыр» жанрының кіші тобы бойынша І орын Олжас Сүлеймен алса, &nbsp;ІІ орынды аралдық Бекетай Жасұлан мен Фатима Мархабатова иеленді. ІІІ орынға Қайрат Сырым мен Жанерке Құлтаевалар еншіледі.&nbsp;</h4><h4 style="margin-left:0px;text-align:justify;">Үлкен топ бойынша «Дәстүрлі күй» жанрының үлкен тобы бойынша бас жүлде – Сырдария ауданынан келген Алмас Дінмұхаммедке бұйырды. Ал І орынды Салтанат Темірбай мен Ахетжанова Інжумаржан иеленді. Ал ІІІ &nbsp;орынға байқоңырлық Оңболсын Қолқанат пен шиелілік &nbsp;Қайрат Сандуғаштар жайғасты.</h4><h4 style="margin-left:0px;text-align:justify;">Ал «Дәстүрлі күй» жанрының кіші тобы бойынша І орынды Нұрмұхаммед Әбдіғаппар, ІІ &nbsp;орын Сәбинұр Темірбай мен ауданы Ғибрат Қадыржанұлылар алды. Ал ІІІ орын Жансұлу Ермекқызы мен жалағаштық Нұрлан Ғафурға бұйырды.&nbsp;<br>«Дәстүрлі күй» жанрының қобыз аспабы бойынша І орын &nbsp;Қызылорда қаласының өнерпазы Жанель Қуанышбекқызы еншіледі. ІІ орынды Сұлтанбек Қыдырбай мен Айшолпан Амантай иеленді. Ал жүлделі ІІІ орынға &nbsp;қызылордалық Шадияр Жақсығұлов пен байқоңырлық Айдана Жандарбековаға бұйырды.&nbsp;</h4><h4 style="margin-left:0px;text-align:justify;">Байқауға қатысқан барлық қатысушылар Дипломдармен, сыйлықтармен, ұстаздары арнайы алғыс хаттармен марапатталды.<br>Қаймағы бұзылмай жеткен ұлттық өнердің атадан балаға жеткен, қадірлеп көзінің қарашығындай сақталып, қымбат қазынаға айналып, жастарға тамыры терең тәлімнің, елжандылық пен батырлықтың, туған жерге, елге адалдық, адамгершілік қасиеттердің ұтымды насихатталуы деп ұғамыз.&nbsp;<br>&nbsp;</h4>

 Қармақшыда «Қорқыттан қалған қоңыр үн» тақырыбында облыстық балалар байқауы өтті

<h4 style="margin-left:0px;text-align:justify;"><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a> <strong>Халық айтса қалт айтпайды дегендей, «Медицина қызметкерлерінің жанашырлығы науқастың күдігін сейілтіп, қайғысын әлсіретеді», «Аурухананың төрт қабырғасының өзі емдейді» деген сөздер елдің аузында жиі айтылады. Ия жылы сөз, емдік шөп және отамен емдеу әдісі қазақ халқында ертеден бар дәстүр. Ұлы ғұламаларымыз айтып кеткендей, алда-жалда жағдай болып сырқат жанға алдымен жаны ашып, көмек беретін де осы абзал мамандық иегерлері екеніне дау жоқ. Өмір мен өлім алысқан сәтте Жаратқаннан кейінгі жанымызды шүберекке түйіп тапсыратынымыз да осы ақ халатты абзал жандар ғой. Әсіресе үнемі ота жасалып, түрлі дене жарақатымен түсетін хирургия бөлімінің бұл саладағы көтерер нар жүгін айтпай кету әбестік болар. Сала демекші, осы саланың отыз жылдан аса уақыт &nbsp;пұшпағын илеп жүрген кәсіби маман Жақсылық Ибрашова Байқоңыр &nbsp;қаласының көпбейінді орталық ауруханасында &nbsp;хирургия бөлімінің кезекші медбикесі.&nbsp;</strong></h4><h4 style="margin-left:0px;text-align:justify;">Әрбір адамның өмірде өз жолы, өз тағдыры болады дейтін болсақ, &nbsp;Жақсылық Санайқызының да мамандық таңдауға келгенде әкесінің ықпалы болғаны анық. Балық шаруашылығында еңбек еткен асқар тау әкенің бертінде денсаулығы сыр беріп, науқастанып қала беретіні пайда болған. Сол себепті де аумақтық дәрігер мен жедел жәрдем көмегіне сүйенетін кездер аз болмаған. Осындайда әке жүрек дәрігерлерге қызыға қарап, өз балаларының да осы саланы қалағанын іштей тәуір көрген. Әке пейілін жазбай танитын балалары да оған жауапсыз қалмады. Жеті перзентінің үшеуі бірдей медбикелік мамандықты таңдап, еңбек жолдарын осы салаға арнады. Жақсылық Санайқызының әпкелері бүгінде медбикеліктен зейнет демалысына шықса, өзі де жуық шамада зейнеткер атанбақшы.<br>Енді кейіпкеріміздің өмір жолына шегініс жасап кетсек.</h4><h4 style="margin-left:0px;text-align:justify;">Ж.Ибрашова 1964 жылы Қазалы ауданына қарасты Қасқақұлан елді мекенінде Санай әке мен Хадиша ананың отбасында дүниеге келген. Қатар-құрбысы секілді осындағы №17 орта мектепті жақсыға бітіріп, Түркістандағы медициналық училищесіне оқуға түседі. Оқу орнын екі жылдан соң бітіріп, еңбекке араласады.</h4><blockquote><h4 style="margin-left:0px;text-align:justify;">– Алғашқы еңбек жолым 1984 жылы Қазалыдағы туберкулезге қарсы күрес ауруханасынан басталса, 1989-1991 жылдары әскери құрылыс госпиталінде жалғасын тапты. 1991 жылы Төретам кентінде дәрігерлік амбулаторияға жұмысқа қабылданып, қазірге дейін осы шаңырақта үзбей қызмет етудемін. Дәрігерлік амбулатория уақыт талабымен кеңейіп емхана атанды. Бастапқыда 25 керуеттік орын болса, одан соң Ақай ауылынан 50 керуеттік орын болып тағы да үлкейтілді. Онда сегіз жыл бойы аға медбике болып қызмет істедім. Мұнан соң да аурухана қызмет көрсетуі жағынан кеңейе түсіп көпбейінді аурухана орталығына айналды. Санап қарасам отыз бір жыл осы денсаулық мекемесінде медицинаның ыстық-суығына төзіп, бір адамдай жүгін көтеріп келеді екенмін, – дейді ол бізбен әңгімесінде. &nbsp;</h4></blockquote><h4 style="margin-left:0px;text-align:justify;">Сөзінен сабырлық пен ізеттің желі ескен Жақсыгүл Санайқызының мамандығына деген адалдығын рәуішті көңілінен сезбеу мүмкін емес. &nbsp;«Әкеміз науқастау болды, аурудың азабын тартқан соң да ақ халаттылардың қызметіне әркез алғысын айтып, риза болып отыратын. Біздің де дәрігер болғанымызды қатты қалады. Олардың қасиетті мамандық иелері екенін кішкентайымыздан құлағымызға құйып, жадымызға жаттатып өсірді. Отбасында ата-анадан бес қыз, екі ұл тарасақ, соның үш қызы медбикелікті қалауымызға әкеміздің тікелей әсері болды десем қателеспеймін. Әпкелерім қазіргі таңда ұзақ жылғы бейнетінің зейнетін көріп отырса, мен жергілікті тұрғындарға өз қызметімді көрсетіп, жұмысымды жалғастырудамын» дейді ол өзіне де зейнеткерліктің де ауылы алыс емес екенін меңзеп.</h4><h4 style="margin-left:0px;text-align:justify;">Жақсылық Санайқызы әріптестері арасында құрметті болумен қатар жанұясында ардақты ана, аяулы жар. Көпбалалы отбасы Бұғанаевтардың шаңырағына келін болып түскен ол жан-жары Мұратбек Асылбекұлымен бірге сыйластықта отбасылық ғұмыр кешуде. Жолдасы электр торабын тарату мекемесінен зейнетке шықса, балалары Уәлихан мен Жарасхан бірі – сот орындаушысы болса, бірі – &nbsp;жол потруль полициясының қызметкері болып жұмыстар &nbsp;атқаруда. Ана тәлімін көріп өскен Сәбит Алматы қаласында медицина университетінің жетінші курсында білім алып жүр. Ол мұнымен тоқтап қалмай мамандығы бойынша оқуын әрі қарай жалғастыруды алдына мақсат етіп қоюда. Отбасындағы төрт немере атасы мен әжесінің көз қуаныштары.</h4><blockquote><h4 style="margin-left:0px;text-align:justify;">– Байқоңыр көпбейінді орталық ауруханасының басшысы Талғат Әлішұлы Байтілеуовке, аға медбике Гүлмайрам Сәбиханқызына, хирургия бөлімінің аға медбикесі Лаура Ұзақбайқызына алғысымды білдіремін. Еңбектері жанып, ел үшін жасап жатқан қызметтеріне береке берсін деп тілеймін, – дейді ол жылы лебізін жеткізіп.</h4></blockquote><p>&nbsp;</p>

Жақсылық Ибрашева: Медбике болғанымды әкем қалады

<h4 style="margin-left:0px;text-align:justify;"><a href="https://kyzylorda-news.kz/"><span style="color:rgb(77,153,230);"><strong>Kyzylorda-news.kz</strong></span></a> <strong>Теміржол саласында еңбек еткен Қайыпназар Көздібаев есімді ақсақалды қармақшылықтар өте мейірімді, қолында барын бөліп беріп, бәрін демеп, үйлі-баранды еткен жомарт жан деп таниды. 1939 жылы Ұлы Отан соғысы басталған тұста Қайыпназар әкенің отбасында Таңатар есімді ер бала дүниеге келеді. Оның балалық шағы да сол қиын-қыстау кездермен тұспа-тұс келді. «Жақсы әке балаға қырық жыл азық» деген. Отбасында алған тәрбиесімен талайды тәнті еткен ел ағасы қазір сексеннің сеңгірінен асқан.&nbsp;</strong></h4><h4 style="margin-left:0px;text-align:justify;">Таңатар Қайыпназарұлы Ресейдегі Ноябрьск қаласында автожүрушілер дайындайтын мектепте білім алып, елге келгеннен кейін халық аузында «автобаза» атауымен жатталып қалған мекемеге автокөлік жүргізушісі болып жұмысқа қабылданады. Өзінің алғашқы еңбек жолын осы орыннан бастайды. Кейін ұзақ жыл автобус жүргізсе, ірі жүк тасымалдау көліктерін де тізгіндеген. 35 жыл үзіліссіз еңбек еткен азамат құрметті зейнеттік демалысқа шыққанынша түрлі мақтаулар мен марапаттан кенде болмаған. 1975-1977 жылдар аралығында облыстық партия және облыстық атқару кеңесі, сонымен қатар комсомол және кәсіподақ комитеттерінің шешімімен социалистік жарыстың жеңімпазы атанса, 1974-тен 1978 жылға дейін қатарынан 4 рет облыстың «Таңдаулы транспорт қызметкері» атанған. Майталман жүргізуші «Еңбектегі ерлігі үшін» медалімен, «Еңбек ардагері» төсбелгісімен және бірнеше рет аудандық, облыстық, партия және атқару комитеттерінің құрмет грамоталары мен алғыс хаттарына ие болған.&nbsp;</h4><h4 style="margin-left:0px;text-align:justify;">Өмірлік жары, балаларының анасы, немерелерінің әжесі марқұм Рәзия Базарқызымен бірген 7 ұл-қыз тәрбиелесе, бүгінде олардан 26 немере, 21 шөбере сүйіп отырған бақытты ата.&nbsp;</h4><blockquote><h4 style="margin-left:0px;text-align:justify;">– Зейнетке шыққаннан соң қарап отыра алам ба? Бала кезден машықтанған мамандықтан бірден қол үзу де оңайға соқпады. Ойлана келе аулама түрлі жеміс ағаштарын отырғызып, оны күтіп-баптауға кірістім. Қазір бағымда 50-ге жуық түрлі жеміс ағашы бар. Жыл сайын, үйіп-төгіп несібесін береді. Оны балаларым мен немере, шөбере рақаттанып жейді. Ешқашан картоп сатып алған емеспіз. Өзім егіп, өнімін қыс бойы азық қыламыз. Бір жылдары 500-1000-ға дейін қоян, тауық, үй құстарын асырадым. Қазір қорада төрт түлік бар. Соны ермек қыламын, – дейді еңбек ардагері. Ал редакцияға келіп, «атамның тәрбиесі мен еңбегін мақтан етемін, оны өзгеге үлгі қылуға болады» деп ұсыныс айтқан немересі Айдана Көздібаевамен әңгімелескенде &nbsp;былай деді.&nbsp;</h4></blockquote><h4 style="margin-left:0px;text-align:justify;">«Мен атамның жалғыз ұлынан тараған алғашқы немересімін. Атам бір қызығы немерелерінің бәріне еркелетіп ат қойған. Ат қойғанда да сол есімі біздің болмысымызбен сәйкес келеді. Мені «Әнші балапан» дейтін. Өнерге жақын болдым. Сіңілімді «Дана көжек» дейді. Ол өте ақылды. Әрқайсысымыздың балалық шағымыздың ерекше өтуіне бар жағдайды жасаған ата-әжеміз. Ескі автобустың, көліктің &nbsp;орындығынан әткеншек, шана жасап беретін. Ондай ерекше дүниелер тек бізде ғана болды. Көршілер қызығып, сұрайтын. &nbsp;Атам дүние жинаған адам емес. Қайта қолында барын бөліп беріп алғысқа кенеліп отырады. Ер азамат болып әжеме немесе балаларына қатты сөз айтқанын естімегенбіз. Дұрыс сөйлеуімізді қадағалап отырады. Сонымен қатар ізденуге, үйренуге, ұмтылуға машықтандырады. Әжеміз өмірден өтіп кетті. Ата-анамыз жұмыста болған соң көп уақытты атамызбен бірге өткізетінбіз. Оның бау-бақшасының өзі керемет. Бүгінде жеміс ағаштарының көшеттері аудан, қала, тіпті облыс асып жеміс жаюда. Жұмысы жайлы айтар болсам Қазақстанның түкпір-түкпірін &nbsp;аралап, еңбек сіңірген қызметкерлерді тасыған. Жүк көлігін сахна қылып, талай әнші ауыл аралап концерт берген де екен. Техниканың тілін жетік білетіні соншалық, 35 жыл көлік жүргізгенде бірде-бір рет далада қалмадым деп отырады. Әлі күнге дейін газет, кітап оқып, оны жинайды. Құнды әңгімелер мен керекті дүниелерді қиып, сақтап қояды» дейді атасы жайлы ағынан жарылып.&nbsp;</h4><h4 style="margin-left:0px;text-align:justify;">Сөздің емес, істің адамы болған ел ағасы бүгін бүтін бір әулеттің ақылшы тірегі, қамқоры болып отыр. Өзі алған саналы тәрбиені ұрпағының бойына да сіңіре білді. Аузынан тәубесі мен шүкірі, айналайыны мен өркенің өссіні түспейтін Таңатар атамыз сынды қазыналарымыз аман болсын. Әр отбасында елдің бейбітшілігін тілеп, балаларына бағдар бере алатын ата-ана болса, ел татулықта болып іргесі сөгілмек емес.</h4><p>&nbsp;</p>

Қазақстан және Қызылорда облысының жаңалықтары