Қызылорда: бюджет қаржысы тиісті бағытта игеріледі

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қоғамда «мұғалімдердің еңбек демалысы көп, сәйкесінше көп ақша алады» деп педагогтердің жалақысын есептеп жүретіндер аз емес. Мұғалімдердің еңбек демалысы туралы Оқу-ағарту министрлігі ресми <a href="https://kaz.inform.kz/news/mugalmderdn-enbek-demalisi-kalay-esepteled-aab471/">ақпарат ұсынды</a>, деп хабарлайды <a href="https://kaz.inform.kz/news/mugalmderdn-enbek-demalisi-kalay-esepteled-aab471/">ҚазАқпарат</a>.</h4>Педагогтер үшін ең маңызды әлеуметтік кепілдіктердің бірі – жыл сайынғы ақылы еңбек демалысына шығу уақытының ұзақтығын белгілеу.Оның ұзақтығы барлық педагог үшін 56 күнтізбелік күнді құрап отыр. Педагогтерге жыл сайынғы ақылы еңбек демалысының 2 түрі берілетінін атап өткен жөн: негізгі және қосымша. Қосымша демалыс экологиялық қолайсыз және радиациялық қаупі бар аумақтарда тұратын педагогтер үшін қарастырылған. Оның ішінде экологиялық қолайсыз аумақтарда тұратын педагогтер үшін қосымша демалыстың ұзақтығы 7 күннен 12 күнге дейінгі, ал радиациялық қауiптi аумақтарда тұратын педагогтер үшін 5 күннен 14 күнге дейінгі мерзімді құрайды. Демалыс уақытына түскен мереке күндері еңбек демалысына кірмейді. Еңбек демалысын беру кезінде нақты жұмыс істеген уақыт қана есепке алынады.<blockquote>«Еңбек демалысын беру кезінде сауықтыруға арналған жәрдемақы лауазымдық жалақы мөлшерінде төленеді. Сауықтыру жәрдемақысының мөлшерін есептеу педагогтің демалыс берілген күнгі нақты жүктемесін ескере отырып, лауазымдық ақы мөлшерінде жүргізіледі, мұнда қосымша ақылар мен үстемеақылар есептелмейді», – дейді ҚР Оқу-ағарту министрлігі Бюджеттік жоспарлау департаментінің Еңбекақы төлеу әдіснамасы басқармасы басшысы Гүлайым Тоқпанова.</blockquote>Педагог қосымша жұмысты немесе уақытша болмаған қызметкердің міндеттерін өзінің негізгі жұмысынан босатылмай орындаған жағдайда бұл лауазымдарды қатар атқару болып табылады. Мұндайда сауықтыруға арналған жәрдемақы педагогке негізгі лауазымы бойынша ғана төленеді. Егер педагог қосымша жұмысты лауазымдарды қоса атқару туралы жеке еңбек шарты бойынша негізгі жұмыстан бос уақытында атқарса, сауықтыруға арналған жәрдемақы негізгі жұмыс үшін де, қосымша жұмыс үшін де бөлек төленуге тиіс.

Мұғалімдердің еңбек демалысы қалай есептеледі?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> «Байқоңыр» әлеуметтік-кәсіпкерлік корпорациясы биыл Қызылорда қаласындағы 35 әлеуметтік дүкенге ағымдағы жөндеу жұмыстарын жүргізбек. Мұнан соң, ары қарай дүкендердің ішін жаңарту жұмыстары жалғасатын болады.</h4>Бүгінгі таңда жөндеуден өткізу көзделген дүкендерде дайындық жұмыстары жүргізіліп, сырлау жұмыстары басталды. Бұл ретте әлеуметтік дүкендердің сыртқы беттері толық сырланып, есіктері ауыстырылып, шатырларына жөндеу жұмыстары жүргізіледі. Сондай-ақ, дүкен маңдайшасындағы көлемді жазулары да толығымен жаңартылады.<blockquote>Дүкендерге ағымдағы жөндеу жұмыстары бүгінгі күннен бастау алып, маусым айының аяғына дейін жалғасады. Бұл жұмыстар дүкендеріміздің жұмыс істеуіне еш кедергісін келтірмейтін болады. Сыртқы жөндеу жұмыстары толық аяқталған соң, дүкеннің ішін жаңартуды бастайтын боламыз, - деді «Байқоңыр» ӘКК» АҚ басқарма басшысы Мейрамбек Кеңесұлы.</blockquote>Айта кетейік, бүгінде қаламызда 35 әлеуметтік дүкен жұмыс жасауда. Оның 3-еуі ет бағытында. Дүкендерге күнделікті тұрақтандыру қорынан әлеуметтік маңызы бар азық-түлік өнімдері сұраныстарға сәйкес жеткізіліп, нарықтағы бағадан 10-15% төмен бағада сатылуда.

Қызылордадағы әлеуметтік дүкендерге жөндеу жұмыстары жүргізіледі

<h4 style="margin-left:0px;text-align:justify;">Фото: den-der.kz</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a>Жаз маусымы басталысымен жіті ішек инфекциясы ауруларының тіркелу көрсеткіші басқа кезеңдерге қарағанда арта бастайды. Оған себеп – ыстық ауа райында тамақ өнімдерінің тез бұзылуы, мерзімінен ерте піскен жеміс-жидектерді мөлшерден тыс қолдану. 2024 жылдың 5 ай қорытындысымен облыс көлемінде жіті ішек инфекцияларының 349 жағдайы тіркелді. 2023 жылдың осы мерзімімен салыстырғанда 9,1%-ға төмендеу тенденциясы байқалады. Облыс көлемінде тіркелген жұқпалы жіті ішек ауруларының 98%-ы &nbsp;Қызылорда қаласында анықталды. 89%-ы 14 жасқа дейінгі балалар арасында, оның ішінде 68%-ы 2 жасқа дейінгі балалар үлесінде.</h4>Қызылорда облысының санитариялық-эпидемиологиялық бақылау қызметінің мамандарымен жүргізілген эпидемиологиялық тексеру қорытындысымен аурудың басты таралу себептерінде үй жағдайында дайындау технологиясы&nbsp;бұзылған немесе дұрыс сақталмаған тағамдарды тұтыну, сүт өнімдері, мерзімінен ерте піскен жеміс-жидектер, сусындар, қайнамаған су және бала күтімінің нашарлығы салдарынан болған. Соңғы уақытта жаздың алғашқы айларынан бастап тұрғындар арасында жіті ішек инфекциялары аурулары мерзімінен ерте піскен бақша өнімдері мен жеміс жидектермен байланыстырған науқастар тіркелуде. Эпиданамнез жинау барысында 13 тұрғын мерзімінен ерте піскен жеміс-жидек пен қауын-қарбызды жегеннен кейін өздерін жайсыз сезінген, – дейді Қызылорда облысының санитариялық-эпидемиологиялық бақылау департаменті басшысы Динара Жаңабергенова.Әдетте қарбыздар маусым айында сауда сөрелерінде пайда бола бастайды. Бұл уақытта өнімдер анағұрлым қауіпті, яғни нитратпен улану деңгейі жоғары. Бұдан бөлек, гербицид, пестицидтердің мөлшерден тыс болуы да денсаулыққа кері әсер етеді. Сонымен қатар жеміс-жидектерді, қарбыз-қауынды сақтау және жеткізу ережесінің бұзылуы да осы өнімнен ауырып қалуға себеп болады.Сондықтан Қызылорда облысының санитариялық-эпидемиологиялық бақылау департаменті ерте піскен жеміс-жидектер мен қауын-қарбыздардан денсаулыққа зиян келмес үшін сақтық шараларына салғырт қарамауды, ауру белгілері байқалған жағдайда медициналық көмекке жүгінуге кеңес береді. Яғни жеке бас гигиенасын сақтап, қолды жиі сабындап жуу, қайнатылған немесе тазартылған, бөтелкедегі суды пайдалану, жеміс-жидектерді міндетті түрде мұқият жуып жеу, ерте піскен бақша өнімдерін тұтынуды мейлінше шектей тұру, субұрқақтарға шомылмау сияқты сақтық шаралары аурудың алдын алуға ықпал етеді.&nbsp;

Ішек инфекцияларынан сақ болыңыз

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Сырдария ауданында&nbsp;жазғы маусымда балалардың демалысын ұтымды ұйымдастыру үшін аудан орталығындағы&nbsp;«Жалын»&nbsp;тынығу лагері 1 маусымда өз жұмысын бастаған болатын.&nbsp;Айта кетейік, лагерде 6 ауысымда 691 бала тынығатын болады. Осы ретте бүгін&nbsp;облыс әкімінің орынбасары Данияр Жаналинов ауданға жұмыс сапарымен келіп, «Жалын» сауықтыру лагеріне барды. Тынығу маусымында балалардың қауіпсіздігіне мән беріп, лагерьдегі ғимараттарды аралап көрді.</h4>Облыс әкімінің орынбасары ең алдымен жазғы маусымда балалардың қауіпсіздігіне мән беру керектігін мәлімдеді. Тынығушыларға қауіпсіздік шараларын түсіндіру керектігін, лагерьде уақыттарын тиімді ұйымдастыру қажеттілігін атап өтті. Түрлі іс-шаралар өткізуде сақтық шараларын сақтауды және асханада сапалы тағамдармен қамтамасыз етуді ескертті.Дарияр Еренғалиұлы аудан әкімдігі, аудандық білім, полиция бөлімі, аудандық төтенше жағдайлар және аудандық санитариялық-эпидемиологиялық бақылау басқармасы қызметкерлеріне қауіпсіздік шараларына байланысты бірқатар тапсырмалар берді. Баланың қауіпсіздігі – бәрінен маңызды екенін ұмытпаған абзал.

Облыс әкімінің орынбасары «Жалын» тынығу лагерінде болды

<a href="https://kyzylorda-news.kz/">Kyzylorda-news.kz</a> Әйтеке би кентінде тұратын Әлімжан Қияс аймақтық «Тұран Қазалы», аудандық «Қазалы» газетінде тілші боп істеген. Әлі де қолынан қаламын тастамай, көңілін мазалаған түрлі ой-толғанысын қағаз бетіне түсіруден жалыққан емес. Жақында оның аудандық, облыстық басылымдарда жарияланған жазбалары Қызылорда қаласындағы «Арал‒пресс» баспасынан «Жақсы сөз» деген атпен кітап болып жарыққа шықты. Жинақтың құрастырушы-редакторы «Сыр бойы» газетінің жауапты хатшысы, танымал журналист Дәуіржан Елубаев.Онда қайнаған өмірдің көлеңкелі, күнгей тұстары ой сүзгісінен өткізіліп, таразыланып, терең мағыналы толғамдар көптің назарына ұсынылған. Сырлы сөзбен көмкерілген әрбірі оқырманын бейжай қалдырмайды. Мәселен, «Арманы асқақ Айнұр», «Талаптының балғасы тасқа шеге қағады», «Жан жарасы» &nbsp;атты туындыларын оқырман көңілін толқытарлық дүние десек, жарасады. Кейіпкерлері тағдыр теперішіне мойынсынбай, дана Абайша айтсақ, адал еңбекпен мал іздеген, арды ойлап, қоғам мен отбасына пайда келтіріп жүрген қарапайым жандар. Ал, «Сана серпілісі» атты ойтүрткісінде қоғамдық сананы өзгертуге байланысты тұжырымдарын ғылыми және діни пәлсапа арқылы жеткізуге ұмтылады. Қорытындысында уақытша кідіріске ұшырап тұрған бұл дағдарыстың болашақта соны серпін аларына салмақты сенім артады.«Тәңірім тоқшылықпен сынамасын» деген әңгімесі ашаршылық нәубетінде аштан өлейін деп жатқан ақсақалдың: «біздің мұндай жағдайда жан беріп жатқанымызға Аллаға шүкір, кейінгі ұрпағымызды тоқшылықпен сынамаса екен» дегенде, қасында дәл сондай күйге түскен екінші кісі: «не айтып жатырсыз, аштан өлгеннің несі жақсы?» депті. Сонда ақсақал: «Алла бізді аштықпен сынап жатыр, мен кейінгі ұрпағымыз тоқшылықпен сыналып, Құдайын ұмытып кете ме деп қорқамын» деген екен деп түйінделеді. «Қазақты қайыстырған қасірет» атты жазбасы да, 1931-1933 жылдардағы ашаршылықтың ащы шындығын ашады.Әлімжанның мұнан кейінгі «Қазынаны қастер тұтайық», «Ұяда не көрсе, ұшқанда соны іледі», «Тәрбие тетігі талбесіктен», «Ниет түзулігі» секілді мөлтек әңгімелері ұтымды сюжеттерімен баурап, кім-кімнің де, сезім иірімдерін селт еткізеді. Күнделікті өмірде кездесетін түрлі жағдаяттарды көз алдыңа әкеліп, жақсысынан үйреніп, жаманынан жиренуге шақырады.Жанына қаламды серік қылып, ерінбей еңбек етіп жүрген қаламгерге қолдау көрсетіп жатқан азаматтарға шынайы пейілмен алғаусыз алғыс білдіріледі. Қанат – ұшса қатаяды, оқырмандар олжасына айналған тұңғыш кітабы құтты болсын. Шығармалары сұраныста болып, көптің көзайымына айналатын туынды қатары артуына септігі мол.

«Жақсы сөз» кітабы жарыққа шықты

<a href="https://kyzylorda-news.kz/">Kyzylorda-news.kz</a>&nbsp;Қармақшы ауданы бойынша білім бөлімінің басшысы Гүлзира Абдазиеваның басқаруымен мектепке дейінгі білім беру ұйымдарының 2023-2024 оқу жылының қорытындысы бойынша кеңейтілген алқа мәжілісі өтті. Кеңейтілген мәжіліске аудандық білім бөлімінің қызметкерлері, мемлекеттік балабақша меңгерушілері мен жеке балабақша құрылтайшылары және барлық балабақша әдіскерлері қатысты.Күн тәртібі негізінде білім беруді дамыту секторының бас маманы Г.Исламханова мектепке дейінгі білім беру ұйымдары бойынша 2023-2024 оқу жылының қорытындысын, Қазақстан Республикасы Оқу-ағарту министрінің 2022 жылғы 27 тамыздағы №381 бұйрығымен бекітілген "Еңбек нарығының қажеттіліктерін ескере отырып, мектепке дейінгі тәрбиелеу мен оқытуға, орта білім беруге, балаларға қосымша білім беруге және техникалық және кәсіптік, орта білімнен кейінгі білімі бар кадрларды даярлауға мемлекеттік білім беру тапсырысын орналастыру қағидаларының қолданылуы барысы мен бірыңғай кезектілік бойынша атқарылуға тиісті жұмыстарға кеңінен тоқталды.Кезекті күн тәртібінің мәселесі бойынша білім бөлімінің есепшісі Г.Халықова мектепке дейінгі ұйымдарда 2024 жылдың қаңтар-мамыр айлары бойынша балалардың күнделікті қатысуына қатысты зерделеу қорытындысын баяндады.Білім бөлімі басшысы Гүлзира Мәжитқызы күн тәртібіндегі көтерілген мәселелерге арнайы тоқталып, мектепке дейінгі білім беру ұйымдарында оқу-тәрбие жұмыстары күнделікті жүйелі ұйымдастырылуын және балабақшаларда балалардың күнделікті қатысуын қадағалап, олардың өмір қауіпсіздігін басты назарда ұстау керектігін қатаң тапсырды.Сондай-ақ, алқа мәжілісі соңында ауданның бас ұстазы мектепке дейінгі ұйым басшыларына Қазақстан Республикасы Білім және ғылым министрінің 2020 жылғы 11 мамырдағы № 190 бұйрығымен бекітілген «Педагогикалық әдеп қағидаларын» басшылыққа алып, әдеп кеңесін жүйелі өткізіп отыруды жүктеді.

Мектепке дейінгі білім беру ұйымдарының жұмысы пысықталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Театр әлемі – шығармашылықтың ең биік көрінісінің бірі. Бұл өнердің өркендеуінің қайнар көзі – жас артистер мен олардың болашаққа сенімі. Антон Чехов айтқанындай, театр – бұл тірі өнер, ал жастар – оның болашағы. Бұл сөздер қазіргі уақытта да өз маңыздылығын жоғалтқан жоқ.</h4><h4 style="margin-left:0px;text-align:justify;">Зарина Ерболқызы– Шиелі ауданы Сұлутөбе ауылының тумасы. Бала күнінен-ақ Голливуд жұлдыздарын үлгі тұтып, соларға қарап, болашақта өзінің де актриса болғысы келетінін сезген сияқты. Осы арман оны Қожа Ахмет Яссауи атындағы халықаралық қазақ-түрік университетіне алып келді. 2023 жылы актерлік мамандықты аяқтап, бүгінде Қызылорда қалалық жастар театрында еңбек етіп жүр.</h4><h4 style="margin-left:0px;text-align:justify;">Зарина үшін өнер жолы – оның жанына жақын, үлкен құштарлықпен таңдаған мамандығы.</h4><blockquote><h4 style="margin-left:0px;text-align:justify;">– Өнер жолын шын жүрегіммен таңдағандықтан алдымнан қандай тосқауыл кездессе де оны қиындық ретінде қабылдамаймын. Қойылымнан кейінгі көрермен қошеметі мен қолдауынан кейін барлығы ұмытылып кетеді, – дейді жас артист.</h4></blockquote><h4 style="margin-left:0px;text-align:justify;">Зарина сомдаған рольдерінің барлығы жанына жақын екенін айтады. Әсіресе, зұлым адамдарды сомдағанды немесе комедия жанрындағы қойылымдарда ойнағанды ерекше ұнатады.</h4><blockquote><h4 style="margin-left:0px;text-align:justify;">– Өзіме тапсырылған рольдерді табиғи болмысыммен үйлестіріп ойнаймын. Сондықтан көңілімнен шықпай қалған роль болмапты, – дейді ол.</h4></blockquote><h4 style="margin-left:0px;text-align:justify;">Жас артисттің болашақ арманы – өзі үлгі тұтатын жұлдыздармен бір кинода ойнау. Сонымен қатар Заринаның алға қойған мақсаттарының бірі – Қызылорда жастар театрының атын шығарып, оның дамуына үлес қосу.</h4><h4 style="margin-left:0px;text-align:justify;">Зарина Ерболқызы сияқты жас таланттар театр өнерінің болашағына сенім ұялатады. Олардың шығармашылық табыстары мен талпыныстары жастар театрының өркендеуіне ықпал етері сөзсіз.</h4>

Зарина Ерболқызы: Көңілімнен шықпай қалған роль болмапты

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Биыл қазақ тілді КВН-ге 25 жыл. Жайдарман сахнасында бір емес, бірнеше ұрпақ өсіп-жетілді.Олар тек әзіл, продакшн және креативті индустрия да ғана емес, сонымен қатар маркетинг, мемлекеттік қызмет саласында өздерін танытып жүр.</h4>Осы екі онжылдықтың ішінде Жайдарман креативті индустрия үшін жаңа талант иелерін дайындайтын әлеуметтік лифтке айналды. Жас командалар мен шығармашыл топтар тек медиалық танымалдылыққа ие болып қана қоймай, сонымен қатар шығармашылық тұрғыдан қалыптасуға қажетті дағдылар мен нетворкингке ие болды. Нәтижесінде, Жайдарман түлектері еңбек нарығындағы мамандар ретінде сұранысқа ие болады (актерлер, сценаристер, режиссерлер және т.б), сонымен қатар шығармашылық салада олар фильмдерді, YouTube жобаларды, телешоулар мен комедияларды, музыкалық жобаларды қамтитын жаңа коммерциялық жобаларды жасайды.Жуырда Қызылордада облысы әкімінің жүлдесіне арналған республикалық жайдарман фестивалі өтті. Фестивальге әр өңірден 13 команда қатысып, ойын үздіктері белгілі болды.&nbsp;«Қазақстан КВН Одағы» Республикалық жастар қоғамдық бірлестігінің Президенті Есен Елеукен тізгіндеген бұл кеште Қызылорда облысының қоғамдық даму басқармасының басшысы Алмасбек Есмаханов, Қорқыт құрамасы» КВН командасының белді ойыншысы Асылхан Дүкенбаев, «Арал АС» КВН командасының капитаны Төребек Дәрмағамбетов, ПТК арнасының продюсері Ғани Абдиев, Жайдарман жанашыры, жас кәсіпкер Ұлағат Қайратұлы, жас кәсіпкер, инновациялық «АРАЛҒА ЖАҢБЫР» жобасының&nbsp;авторыАлтайАйнабек төрелік етті. Қазылар алқасы жеңімпаздарға аймақ басшысының кубогын, сондай-ақ 1 млн, 500 мың, 300 мың және 100 мың теңге көлемінде ақшалай сыйақы табыстады.&nbsp;Ойын нәтижесі бойынша «Краш» құрамасы (Астана қаласы) чемпион атанып, «Алатау SU» құрамасы (Алматы қаласы) – IIорын, «Ассамблея» құрамасы (Қызылорда қаласы) – III орынды қанжығалады. Сондай-ақ ойынның үздік ойыншысы Жігер Жаирбай (Алатау SU құрамасы) 100 мың теңге ақшалай сыйлыққа ие болды.&nbsp;Сонымен қатар жайдарманшылар Жалағаш ауданына барып, аудан тұрғындарына көтеріңкі көңіл күй сыйлады. Өнер көрсеткендер арасынан Талант (Орал қаласы) – I орын, Ақпен бірге – II орын, ал Алмаз (Қарақалпақстан) III орынды иеленді. Топ жарғандарға дипломдар мен ақшалай сыйақы табысталды.&nbsp;&nbsp;Қорлан САРЫ Фото: kzvesti.kz

Қызылордада республикалық жайдарман ойындары өтті

Қызылордада цифрландыру жобалары қарқынды жүзеге асуда 

Қызылорда: Түлектер мамандық таңдауда қателеспеуі керек

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> «AMANAT» партиясы қалалық филиалында бірқатар сала басшыларының қатысуымен қоғамдық қабылдау өтті. Келген халықтың қарасы қалың. Ғимараттың күту залында ине шаншар орын жоқ. Қоларбаға таңылған кейуана да, баласын жетектеген ана да, самайын ақ шалған қария да осында. Бірінде үй жоқ, бірінде жағдай, күй жоқ. Уайымсыз күн өтпейді, шешілуі тиіс мәселе жағадан алып, безектейді. &nbsp;Бәрінің көңілінде – бір үміт пен бір күдік.</h4>Қала тұрғыны Бақыт Сүйеубаева мұнда сол жағалаудан алған тұрғын үйінің құжатын түгендеуге келіпті. Басындағы баспанасына жыл санап әзер жеткен ол енді құжат мәселесімен осылай жүргеніне көп уақыт өткенін айтты. Қаланың шет аймағындағы Санжар Асфендияров көшесінің тұрғындары көптен бері жол азабын тартып келеді. «Бір жеңнен қол, бір жағадан бас» шығарып, жұдырықтай жұмылып келген көше тұрғындары осы түйткілдің тарқауын тосып жүр.<blockquote>– Біз С.Асфендияров көшесінің бас жағында тұрамыз. Мен 2002 жылдан бері осы көшенің тұрғынымын. Маған дейінгіні білмеймін, мен келгелі мүлдем жөндеу көрмеді. Жақында жаяу жүргіншілер жолын салды. Салған құрлы, бұрын амалдап әрең жүретін жолымыздың сиқын қашырды. Бұл жерде ауызсуды да өзіміз қолдан жүргізгенбіз, су жетіспейді, тамшылап тұр. Көше жарығы мүлдем жоқ. Осы мәселені әкімнің өзіне тікелей айтқымыз келді, – дейді қала тұрғыны Садық Рахов.</blockquote>Әлбетте, қазір қала аумағында жол жөндеу жұмыстарына көп көңіл бөлінуде. Қала әкімінің орынбасары Ғалымжан Еркебай биыл аталған көшені тізімге енгізуді тапсырды.<blockquote>– Санжар Асфендияров көшесі орташа жөндеуге жатпайды. Сондықтан күрделі жөндеу керек. Биыл жобасы жасалатын 35 көшенің қатарына енгіздік. Халықтың сапалы өмір сүруіне барлық жағдай жасалу керек. Шет аймақ біздің назарымыздан тыс қалған емес, – дейді ол.</blockquote>Қоғамдық қабылдауға топтасып келгендердің қатарында Жанқожа батыр көшесінің тұрғындары да бар. Олар темір жолдың екі бетін жалғайтын көпір салу үшін сүрілетін үйлердің жай-күйін білуге келіпті. Көпшілігі сүрілетін үй үшін берілетін төлемнің аздығына наразы. Тіпті олардың ішінде кәсіпкерлік нысан иелері де бар. Тұрғындар прокуратура органына шағымданды.<blockquote>– Тұрғындар тәуелсіз бағалау қойған бағаға наразы екенін білдірді. Келіспеген жағдайда сот арқылы шешіледі. Қазіргі таңда жобаға өзгертулер енгізіліп жатыр. Сол жоба дайын болғаннан кейін бұл кісілерге жазбаша ескертулер беріледі, – деді қалалық ауыл шаруашылығы және жер қатынастары бөлімінің басшысы Пакуатдин Шамұратов.</blockquote>Қабылдауға келген тұрғындар мұнан өзге коммуналдық төлемдер, тұрғын үй кезегі сынды мәселелермен келіп, қойған сауалдарына тұщымды жауап алып жатты.Н.ТҰРСЫНХАН

Қазақстан және Қызылорда облысының жаңалықтары