<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында аса ірі көлемде «синтетика» саудаламақ болған күдікті құрықталды.Полиция департаментінің Есірткі қылмысына қарсы күрес басқармасы қызметкерлері жедел-іздестіру шаралары нәтижесінде Қызылорда қаласының 34 жастағы тұрғынын ұстады.Сараптама қорытындысы көрсеткендей тінту кезінде тәркіленген ұнтақ салмағы 261 гр. болатын α-PVP психотроптық заты екені анықталды.Күдікті уақытша ұстау изоляторына оқшауландырылды, тергеу жалғасуда.Фото: Полиция департаменті

Қызылордада аса ірі көлемде синтетика саудаламақ болған күдікті ұсталды

<a href="https://kyzylorda-news.kz/">Kyzylorda-news.kz.</a> &nbsp;Сыбайлас жемқорлық – бұл мемлекет қауіпсіздігіне жүйелі қауіп, мемлекет пен қоғамның тұрақтылығына қатер төндіретін фактор. Сыбайлас жемқорлықпен күресу бүгінгі күннің күрделі мәселесі болып отыр. Жемқорлық – мемлекеттің, қоғамның дамуына тежеу болатын, болашағына кесірін тигізетін індет, дейді Тасарық ауылдық округі әкімі Әлмұхан Кәрібаев.Сыбайлас жемқорлықпен түбегейлі күресу үшін халықтың құқықтық сауатсыздығын жоятын, құқықты түсіндіру жұмысының сапасын арттырудың маңызы зор.<blockquote>– Қазақстан Республикасының мемлекеттік саясатының негізігі басымдықтарының бірі – осы зұлымдықпен күресу болып табылады. Сыбайлас жемқорлықпен күрес – қоғам талабы. Мінсіз қоғам – жемқорлықсыз қоғам, салауатты өмір – парақорларсыз өмір, мықты мемлекет – жемқорсыз мемлекет. Қоғамның барлық күш жігерін біріктіріп, осы дерттің одан әрі таралмауы үшін оған бөгет болудың барлық амалдарын қолдану арқылы ғана бұл құбылысқа тиімді түрде түбегейлі қарсы тұруға болады. Сондықтан сыбайлас жемқорлықпен күресу барлық Қазақстан Республикасы азаматтарының азаматтық борышы және адамгершілік міндеті деп білуіміз керек. Біз қазір жаңаша өмір сүріп жатырмыз, – дейді Тасарық ауылдық округі әкімі Әлмұхан Кәрібаев.</blockquote>Округ әкімінің пайымынша, жас буынға жемқорлықтың теріс салдары туралы ақпаратты дұрыс жеткізу – олардың сыбайлас жемқорлыққа қарсы мәдениетінің қалыптасуына, өз құқықтары мен міндеттерін терең ұғынып жете түсінуіне және орындауына көмектесудің алғы шарттарының бірі болып саналады. Атап айтқанда, ол үшін ең алдымен сыбайлас жемқорлыққа қарсы сана керек. Сыбайлас жемқорлыққа қарсы сана қалыптасқан жағдайда ғана адам адамгершілікке жат қылықтардан бойын аулақ ұстай бастайды, заңға қайшы келетін әрекеттерді жасауға жол бермейді.Ал, Бозкөл ауылдық округінің әкімі Ақылбек Бөлебей сыбайлас жемқорлық – кез келген елдің дамуына зор тосқауыл дерт екендігін алға тартты. Сыбайлас жемқорлық заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Біз мүлде жаңа қоғамда өмiр сүрiп жатырмыз. Жаңа қоғамның сипаты іскерлік болса, бұл жолда жетiстiктерiмiз де аз емес. Ал, шешімі күрделi мәселелер де бар. Ол – әлеуметтiк мәселе. Бұл салада қоғам өмiрiнде түбегейлi шешімі табылмай тұрған мәселе, ол – коррупция. Елімізде осы мәселеге арнайы қабылданған заңдар да, атқарылып жатқан жұмыстар да баршылық, бiрақ, бұл мәселе әлi толық шешiмiн тапқан жоқ. Парақорлық мемлекеттік органдардың тиісті қызмет атқаруына кері әсерін тигізіп, беделіне нұқсан келтіреді, заңды қағидаларды теріске шығарып, азаматтардың конституциялық құқықтары мен заңды мүдделерінің бұзылуына түрткі болады.Мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтарға бой алдыруының себебі көп. Оған ең алдымен, қызметшілердің білім деңгейінің, әдептілік ұстанымының төмен болуы әсер ететін болса керек. Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі, жеке басының қамын ойлауы да, парақорлықтың дендеуіне септігін тигізуде. Сондай-ақ, кейбір мемлекеттік орган басшыларының сыбайлас жемқорлыққа қарсы заң талаптарын атқаруда ынта танытпай, жұмыс жүргізбеуі де, жемқорлықтың тамырын тереңдете түседі.Айналасындағы салауатты, таза және сау ортаны шарпып, тыныс-тіршілігін тарылтатын, заңсыз әрекеттермен қоғамдық ортаның және мемлекеттік органдардың, ұйымдардың, дара кәсіпкерлердің, азаматтардың қызмет етуіне қатер төндіретін қауіпті дертті болдырмаудың тетігі халықтың өзінде. Бұл дерттің алдын алып, қоғамға таралу жолдарын кесіп, оның ұлғаюына жол бермеу керек. Ол үшін аталған дертке қоғам болып атсалысып, қарсы жұмылуымыз қажет. Сонда ғана, ел мүддесі үшін зор үлес қосатынымыз және халық сенімінен шығатынымыз анық.<blockquote>– Сыбайлас жемқорлық әрекеттері бойынша тиісті шара қолданудың негізі – ол азаматтардың арыз-шағымы. Мемлекетіміздің әрбір азаматы Қазақстан Республикасының Конституциясын және заңдарын сақтауға, басқа адамдардың құқықтарын, бостандықтарын, абыройы мен қадір-қасиетін құрметтеуге міндетті.</blockquote>Сыбайлас жемқорлыққа қарсы сана қалыптасқан жағдайда ғана, адам адамгершілікке жат-қылықтардан бойын аулақ ұстай бастайды, заңға қайшы келетін әрекеттерді жасауға жол бермейді. Қарапайым тілмен айтатын болсақ, сыбайлас-жемқорлық-бұл қызмет дәрежесін жеке мақсатта пайдалану. Осы келеңсіз құбылыстың үдеп бара жатқаны жас ұрпақ тәрбиесіне зиян болатындығы бәрімізді алаңдатады, – дейді Бозкөл ауылдық округінің әкімі Ақылбек Бөлебей.Бұл мәселеге тереңірек үңілетін болсақ, сыбайлас жемқорлық ел болашағына, ұлттық қауіпсіздікке үлкен кесірін тигізеді. Яғни, осы келеңсіз құбылыспен күресу барша халықтың алдында тұрған ортақ мәселе екендігі айқын. Сыбайлас жемқорлықпен күресу бүгінгі күннің күрделі мәселесі болып отыр. Біздің қоғамда сыбайлас жемқорлыққа орын жоқ. Қоғамның барлық күш жігерін біріктіріп, осы дерттің одан әрі таралмауы үшін оған бөгет болудың барлық амалдарын қолдану арқылы ғана бұл құбылысқа тиімді түрде түбегейлі қарсы тұруға болады. Сондықтан, сыбайлас жемқорлықпен күресу барлық Қазақстан Республикасы азаматтарының азаматтық борышы және адамгершілік міндеті.<blockquote>– Сыбайлас жемқорлықпен түбегейлі күресу үшін халықтың құқықтық сауатсыздығын жоятын, құқықтық түсіндіру жұмысының сапасын арттырудың маңызы зор. Қазақстан Республикасының мемлекеттік саясатының негізгі басымдықтарының бірі осы зұлымдықпен күресу болып табылады. Себебі, әлеуметтің әлеуетін тежейді. Сыбайлас жемқорлыққа қарсы стретегияның негізгі басымдықтарының бірі – сыбайлас жемқорлыққа қарсы мәдениет деңгейін қалыптастыру болып табылады. Сыбайлас жемқорлыққа қарсы мәдениет – бұл адамның саналы және адамгершілікпен сыбайласжемқорлыққа қарсы тұру қабілеті, – дейді Құмжиек ауылдық округінің әкімі Ә.Әбілов.</blockquote>Мекеме қызметкерлеріне аппараттық жиналыстарда «Сыбайлас жемқорлыққа қарсы іс-қимыл туралы» және «Қазақстан Республикасының Мемлекеттік қызмет туралы» заңдарының талаптарын жұмыс барысында сақтау, әдеп кодексі нормаларының қызмет барысында бұзылмауын, қылмыстық және әкімшілік құқық бұзушылықты болдырмау стандарттарының қатаң түрде сақталуы үнемі ескертіліп отырады.Сыбайлас жемқорлықпен күресу еліміздің әрбір азаматының адалдық пен адамдық борышы және адамгершілік міндеті деп білу керек.Мемлекет басшысы Қасым-Жомарт Тоқаев әділетті, жаңа Қазақстанды құру үшін негізгі бағыттарды айқын көрсетіп берген болатын. Соның бірі қазақ қоғамының ауыр дерті болып отырған сыбайлас жемқорлықтың тамырына балта шабу. Көшбасшының бұл жолды таңдауы өте дұрыс, өйткені сыбайлас жемқорлық мемлекет дамуына кері әсер ететін қауіпті құбылыс. Өркениеттің өзегіне балта шаппас үшін заң бар жерде тәртіптің де болуы міндетті. Президент біреу болса халық оған тіреу болуы керек. Сыбайлас жемқорлықпен халық болып күресу табиғи заңдылық, басты міндетіміз бен парызымыз. Өйткені халық парақорлық дертімен жиі кездеседі.<blockquote>– Сондықтан, қызмет ететін ортаға келген кезде пара беру мен пара алудың жолын кесуде баршамыз белсенділік танытып, күресуіміз керек. Мемлекеттік мекемелерде жұмыс істейтін қызметшілердің білім-қабілет деңгейлерінің өте төмен болуы да, құқық бұзушылыққа немқұрайлы қараулары да, жеке басының мүддесін көбірек күйттейтіндіктерін де, біліп тұрған заң талаптарын орындау кезінде ынта танытпаулары және т.б. жағдайлар да сыбайлас жемқорлықтың кең қанат жайып, тамырлануына әсерін тигізбей қоймайтыны анық. Осындайдан сақ болуымыз керек.</blockquote>Жоғарыда заң мен оның орындалу тәртібі туралы айтып өттік. Бұған аса мән беруіміз керек. Мысалы, мемлекетіміздегі бір ауданның бас есепшісі он миллион теңгені жымқырды деген айыппен алты жылға сотталуға үкім шыққан, ал республикаға танымал кәсіпкер тұлға жүз миллиардтаған мемлекетімізге зиян келтіріп, ол да алты жылға үкім кесілген. Айтпағым, жасалған қылмыстың арасалмағын анықтай отырып, жазаны соған қарай беруіміз керек деген пікірдемін, – деген пікірін жеткізді Аранды ауылдық округінің әкімі Әбілғазы Томаев.Тағы бір мысал, ауданымыздың бір азаматы облыстық бір мекемеде қызмет істеп жүрген кезінде, осы сыбайлас жемқорлық дертіне байланысты әшкереленіп, республикалық "Заң" газетіне шыққан болатын. Оны ауданға шақырып, үлкен бір қызмет берілді. Сол қызметте жүргенінде, облыстық құқық қорғау мекемесі парақорлық жағдайға байланысты тұтқынға алынды. Егер әдепкі әшкере болған кезінде қызметтік тексеріс дұрыс жүргізіліп, тәртіптік жаза қолданғанда, аудан абыройына нұқсан келетіндей мұндай жағдай орын алмас еді.Соңғы үш онжылдықта бұл дерттің қоғамды кеулеп кеткені сондай жастарымыздың түсінігінде "ақша бәрін шешеді " деген ой саналарын улап болды, болашағымыздың жастар екенін ойласақ, мемлекетіміздің басшысы құрып жатқан жаңа Қазақстанда мұндай зиянды әрекеттерге жол жоқ екендігіне нақты іспен жастарымызды сендіруіміз керек-ақ.&nbsp;Фото: wp-s.ru

Әлмұхан Кәрібаев: Жемқорлыққа жол бермеу – ардың ісі

<a href="https://kyzylorda-news.kz/">Kyzylorda-news.kz.</a> Білім беру – аса күрделі әлеуметтік-экономикалық механизм. Оны реформалаудың мәселелері де сан қырлы. Қазіргі кездегі білім беру саласында болып жатқан ауқымды өзгерістер әр түрлі ынталы бастамалар түрлендірулерге &nbsp;кеңінен жол ашуда, соның нәтижесінде халықтың білім деңгейі жоғары қарқынмен дамуда. Сол білім берудің ең үлкен шаңырағы мектеп екені айдан анық.Қазалы ауданына қарасты Ү.Түктібаев ауылындағы Б.Әбдіразақов атындағы №88 орта мектеп «Дәстүр мен ғұрып» бағытында жұмыс жасайды. Жалпы мәліметтер бойынша мектеп 1987 жылы құрылған. Оның сыйымдылығы – 464 &nbsp;орындыққа тақталған. Мектептің алып жатқан көлемі – 3833,4 шаршы метр, оқушы саны – 400, МАД – 36, мұғалімдер саны – 69, оның ішінде, педагог-зерттеуші – 9, педагог-сарапшы – 18, педагог-модератор – 22, &nbsp;оқу кабинеттері – 21, жұмыс реті – 2 ауысымда, медпункт – 1, асханада – 180 оқушы тегін тамақпен қамтамасыз етілген. Сонымен қатар, мультимедиялық кабинет саны – 1, робототехника кабинеті – 1, компьютер саны – 47, ноутбук – &nbsp;38, интерактивті тақта – 7, толық жабдықталған кабинеттер саны – 3 (биология, химия, физика) бар.Қазіргі білім берудің басты мақсаты – &nbsp;нақты пәндерден ерекше дарындылығы бар оқушылардың интеллектуалдық қабілетін дамыту, шығармашыл тұлғаларды қалыптастыру болып табылады. 2022-2023 оқу жылы бойынша мектеп оқушылары шығармашылық байқауларға, олимпиадаларға, спорттық ойындарға қатысып, жүлделі орындар иеленді. Осы ретте мектеп оқушылары аудан, облыс, республика көлемінде ұйымдастырылған түрлі байқауларға, олимпиадаларға қатысып, жүлдегер атанды. Оқу жылында ғылым негіздері бойынша 9-11 сыныптар аралығында өткізілген Республикалық олимпиаданың ІІ кезеңі аудандық пәндік олимпиадаға 27 оқушымыз қатысып, 12 оқушымыз жүлделі орындар мен алғыс хаттарға ие болды. Мектебіміз олимпиада қорытындысы бойынша Қазалы ауданы мектептері арасында алғашқы ондық қатарынан көрінді.Атап айтсам, 9-сынып оқушысы Гүлсая Бағдәулетова математика пәні бойынша жүлделі екінші орын /пән мұғалімі Қалыш Гүлайым/, 10-сынып оқушысы Талғатқызы Айдана Қазақстан тарихы пәні бойынша жүлделі екінші орын /пән мұғалімі Махамбетжанқызы Бегіманасұлу/, 10-сынып оқушысы Әбілмансұр Бақытжан математика пәні бойынша жүлделі үшінші орын /пән мұғалімі Баймбетова Айгүл/, 9-сынып оқушысы Гүлімшат Жаңабекқызы Қазақстан тарихы пәні бойынша жүлделі үшінші орын /пән мұғалімі Бегіманасұлу Махамбетжанқызы/, 11-сынып оқушысы Назым Ағымова Қазақстан тарихы пәні бойынша жүлделі үшінші орын /пән мұғалімі Кужабекова Гуливира/ марапатқа қол жеткізді.Сонымен бірге, 9-сынып оқушысы Әселия Әбубәкірова биология пәні бойынша жүлделі үшінші орын /пән мұғалімі Тлеумбетова Гүлназия/, 11-сынып оқушысы Төремұратова Айерке биология пәні бойынша жүлделі үшінші орын /пән мұғалімі Тлеумбетова Гүлназия/, 10-сынып оқушысы Инятулла Дінислам география пәні бойынша жүлделі үшінші орын /пән мұғалімі Сейітәли Берік/, 10 сынып оқушысы Алпысбайұлы Ерасыл информатика пәні бойынша жүлделі үшінші орын /пән мұғалімі Ахмет Серік/ және 9-сынып оқушысы Көркем Ізатова қазақ тілі мен әдебиеті пәні бойынша /пән мұғалімі Мұханов Айжарық/, 10-сынып оқушысы Қасым Аманжолов орыс тілі мен әдебиеті пәні бойынша /пән мұғалімі Дініслам Гүлнар/, 10-сынып оқушысы Нұргүл Рахманберді құқық пәні бойынша /пән мұғалімі Күнайым Келмағамбетова / «Алғыс хат» иеленді.Сонымен қатар, биылғы оқу жылында түрлі тақырыптарда өткізілген аудандық ғылыми жобалар байқауында үш оқушымыз екінші орынмен, үш оқушымыз үшінші орынмен, екі оқушымыз «Алғыс хатпен» марапатталды. Жалпы, білім беру ұйымдарының 7-11 сынып оқушылары арасында өткізілетін «Жарқын болашақ» атты республикалық олимпиаданың Қазалы аудандық кезеңінде Жаңабекқызы Гүлімшат «Сөз шеберлері» бағамы бойынша үшінші орын, Бағдәулетова Гүлсая «Жас қаламгер» және Ертөстік Назгүл «Әнші - бұлбұлдар» бағамдары бойынша «Алғыс хат» жүлдегерлері болды. 2 – 4 сыныптар аралығында өткізілген «Бастау» республикалық математикалық турнирінің аудандық кезеңінде 2-сынып оқушысы Еркеназ Ғабдуллақызы екінші орын иеленді. 12 мамыр күні «Құрмет белгісі» орденінің иегері, Қазақ ССР халық ағарту ісінің озық қызметкері, ұлағатты ұстаз Әзілхан Жақсылықовты еске алу мақсатында өткізілген аймақтық олимпиадада және 18 мамыр күні ҚР білім беру ісінің үздігі, Ы.Алтынсарин атындағы төсбелгісінің иегері Қалнияз Ерболат Бекаралұлын еске алу мақсатында өткізілетін аудандық пәндік олимпиадаға қатысқан мектептің 8-сынып оқушысы – Назым Аманжолова физика пәнінен бірінші орын иегері атанды. «1 маусым – Халықаралық балаларды қорғау» күніне 5 – 8 сыныптар аралығында өткізілетін аймақтық «Әдеби коктейль» байқауында 8-сынып оқушысы – Шакизада Ерасыл «Монолог» оқу бағамы бойынша екінші орын жеңімпазы болды. «Бейбарыс сұлтан – ұлы дала елінің баһадүрі» тақырыбындағы аудандық апталықтың ғылыми жобалар сайысында 10-сынып оқушысы Талғатқызы Гүлбану жүлделі екінші орынмен марапатталды. Қазақтың көрнекті қаламгер ақыны Мағжан Жұмабаевтың – 130 жылдығына орай, ұйымдастырылған аудандық шарада 7-сынып оқушысы – Құрышбекқызы Диана екінші орын және «NURBOOK» баспа бірлестігі ұйымдастырған республикалық «Мен жастарға сенемін» атты байқауда 7 мектепалды даярлық тобының тәрбиеленушілері жүлделі бірінші және екінші орындар иегерлері болды. Аудандық «Робототехника» үйірмелерінің арасында өткізілген «Robo-ORDA» фестивалінде &nbsp;8-сынып оқушысы – Инятулла Расул үшінші орын, &nbsp;6-сынып оқушылары – Кендебеков Жұмабек пен Жанділдаев Дамир &nbsp;«Алғыс хат» иегерлері болды. Аудан мектептері арасында роботтарды құрастыру және бағдарламалау, инженерлік ғылымдар, бағдарламалау, басқа да, инновациялық білім беру технологиялары саласындағы дарынды оқушыларды анықтау және қолдау мақсатында ұйымдастырылған «Robotek Grand Tourrament» республикалық турнирінің аудандық кезеңінде 6-сынып оқушылары – Кендебеков Жұмабек екінші орын, Рахманберді Ержан үшінші орын, &nbsp; Жанділдаев Дамир &nbsp;«Алғыс хат» иеленді. Аудандық мектеп оқушылары арасында өткізілген «Ұлттық мектеп лигасы» спорттық сайысында мектебімізден қатысқан командалар шахматтан екінші орын, үстел теннисінен үшінші орын иеленді. Аудандық Жасұлан бірыңғай балалар мен жасөспірімдер арасында өткізілген «Жайдарлы – жасұлан» &nbsp;көңілді тапқырлар сайысында мектебіміздің оқушылар арасынан құрылған командасы жүлделі үшінші орынды жеңіп алды. Бастауыш сынып оқушыларына арналған Халықаралық «Кенгуру – математика барлығы үшін» интеллектуалдық конкурсында үш оқушымыз бірінші орынмен, бес оқушымыз екінші орынмен, тоғыз оқушымыз үшінші орынмен марапатталды. Математика пәнінен 5-10 сыныптар аралығында өткізілген республикалық «Ақбота» зияткерлік олимпиадасында &nbsp;тоғыз оқушымыз бірінші орын, 11 оқушымыз екінші орын, бес оқушымз үшінші орын жүлдегерлері болды. Мектепалды даярлық топтарының тәрбиеленушілеріне арналған Халықаралық «Тілашар» пони байқауының қорытындысы бойынша жеті бала бірінші орын, төрт бала екінші орын иегерлері атанды. Республикалық «Алау» әскери спорттық ойындарының аудандық кезеңінде Нұрқожаұлы Бақтияр бірінші орын, аудандық «Айбын-2023» қыз балалар арасындағы сайыста Талғатқызы Гүлбану үшінші орын жеңіп алды.Сондай-ақ, аудандық «Ұранды елдің ұрпағы қайсар» әскери қолданбалы спорт түрлерінен өткізілген сайыста Түлкібай Бақтияр «Алғыс хат» иеленді. Сонымен бірге, 5-сынып оқушысы Ертөстікова Сезім аймақтық «Музыка әлемі» ән байқауында бірінші орын иеленіп, аудандық сайысқа жолдама алды. Бұл мектеп мұғалімдерінің еселі еңбегінің, табанды ізденістерінің нәтижесі екендігі анық. Сондықтан, алдағы оқу жылында да, бұл жетістіктер еселене береді.Тұңғыш рет ұйымдастырылған «Ауыл олимпиадасына» мектебімізден 12 оқушы қатысып, облыстық кезеңінен информатика пәнінен 11-сынып оқушысы – Алпысбайұлы Ерасыл және 9-сынып оқушысы – Әсетұлы Нұрбол &nbsp;екінші орын, қазақ тілі пәнінен 11- Махамбетияр Еркеназ, математика пәнінен Аманжолова Назым Алғыс хатпен марапатталды.Пәндік олимпиаданың аудандық кезеңінен ағылшын пәнінен 8-сынып оқушысы Балықбай Аяжан екінші орын, география пәнінен 6-сынып оқушысы Әлібай Ақниет үшінші орынмен, биология пәнінен 7-сынып оқушысы Жақсыкелді Кәусар үшінші орынмен, физика пәнінен 7-сынып оқушысы Шаттық Інжу үшінші орынмен, қазақ тілі пәнінен 5-сынып оқушысы Серікқызы Бибінұр үшінші орынмен, математика пәнінен 5-сынып оқушысы Сапаева Нұрсәуле үшінші орынмен марапатталды. Лингвистикалық олимпиадаға қазақ тілі пәнінен 11-сынып оқушысы – Махамбетияр Еркеназ үшінші орынмен, орыс тілі пәнінен 11-сынып оқушысы Аманжол Қасым үшінші орынмен марапатталды. «Бастау» олимпиадасынан 4-сынып оқушысы Дәулетқызы Әдемі үшінші орынмен марапатталды.&nbsp;Сәкен оқуларынан 10-сынып оқушысы Өтеген Әсел бірінші орынмен, 8-сынып оқушысы Құрышбекқызы Диана үшінші орынмен марапатталды. «Алтын сақа» олимпиадасынан 3-сынып оқушысы Бағдәулетова Назым екінші орынмен, Ермекбай Айзере үшінші орынмен, 5-сынып оқушысы Жетесұлы Бексұлтан Алғыс хатпен марапатталды. «Жаңа Қазақстан – ядросыз қарусыз мемлекет» сурет байқауынан 5-сынып оқушысы – Жеңісбекқызы Айбалғын бірінші орынмен марапатталды. «Жарқын болашақ» олимпиадасынан 10-сынып оқушысы – Жаңабекқызы Гүлімшат екінші орынмен, Поезбаева Жанерке екінші орынмен, 8-сынып оқушысы Ағымова Эльназ екінші орынмен марапатталды. Спорттық сайыс гір көтеруден 11-сынып оқушысы Шоқанов Нұрдәулет бірінші орынмен марапатталды. «Отбасы құндылықтары» видеоролигі сайысынан 8-сынып оқушысы Құрышбекқызы Диана екінші орынмен марапатталды.<img src="https://knadmin.beoblood.kz/uploads/6ddd8211_8416_493f_b421_ad176e59300f_05be98be5a.jpg" alt="6ddd8211-8416-493f-b421-ad176e59300f.jpg">

Қазалыда дарынды балалармен танылған мектеп бар

<a href="https://kyzylorda-news.kz/">Kyzylorda-news.kz.</a> &nbsp;Халқы қарапайымдылығымен, еңбекқорлығымен дараланған Қазалы ауданына қарасты Ү.Түктібаев ауылы бар. Аталған ауыл өзіндік ерекшелігімен елге танымал десек артық айтқандық емес. Өзге өңір жұртшылығы бұл жерді құт қонған мекен санайды. Нақты мәліметке сәйкес, ауылда бүгінде 24 егіз тұрады екен. Оның ішінде екі рет егіз сәби мен үшем тәрбиелеп отырған отбасылар да бар. Қазір ауылдағы егіздердің алды – 50 жасты еңсерсе, ең кенжесі – 1 жасқа енді толады.Облыс орталығынан 450 шақырым қашықтықта қоныстанған елді мекеннің негізгі кәсібі егін және мал шаруашылығымен тікелей байланысты. Округ аумағы солтүстік батысында Ақжона, Майдакөл, Шығыс беткейінде Аранды ауылдық округтерімен, ал, батыс жағында «Барсакелмес» Ұлттық қорығымен шектеседі. Бүгінде елді мекенде – 1 800 тұрғын берекелі тұрмыс кешіп жатыр.«Батыр атындағы ауылымыздың негізгі ерекшелігі – егіздердің көптеп тууында болып тұр. Өзім әкім қызметіне кіріскен екі-үш жылдың ішінде, үш мәрте егіз сәби өмірге келді. Шаңырақтарына арнайы құттықтап барып, қуанышымен ортақтасып та қайттым. Негізінен, ауыл халқының жайлы тұрмыс кешуіне мемлекет тарапынан қамқорлық ортайған емес. Бұған дейін ауылда интернет желісі қиындық туғызып келген болатын, қазір ол мәселе шешілді. Сол сияқты 2,5 жылдың ішінде, 1 миллиардқа жуық теңге қаражатқа ауыл келешегіне бағытталған жоспарлы жұмыстар жүйелі жүргізілді. Атап айтқанда, егінге, мал суаруға бағытталған шлюзді каналдар қазылып, жаңадан спорт кешені салынды. Сондай-ақ, «Ауыл – ел бесігі» бағдарламасымен ауыл аумағына жаңадан 6 жол салынып, көркейту-көгалдандыру жұмыстары көңілдегідей атқарылды. Алдағы 2025 жылы ауылды газдандыру жұмыстары қарқын алатын болады. Айта берсек, ауылымызды дамытуға негізделген ауқымды жұмыстар атқарылып жатыр», – деп мәлімдеді ауыл әкімі Олжас Ахметов.Қазақта көп баланы дүниеге әкелген адамды аяулы жанға балайды. Ал, егіз бен үшемдер туған нәзікжандылар қашан да, құрмет төрінде. Құрсағына бір емес, бірнеше өмірді сыйдырған ардақтыларға күтім көрсетіп, перзенттердің аман-есен есік ашуына жауапкершілікпен қарайтын «кіндік шешенің» ісін жай күнде елей бермейміз.Ол ешқашан мақтау мен марапатқа ұмтылмаған адам. Солай бола тұра, биігінен аласармаған акушер. Арманы – әр сәбидің отбасымен қуанышта қауышуы, мақсаты саналы ұрпақ өрбітуде тұрғындарға тәжірибесі мен біліктілігін бөлісу.Қарапайымдылығымен көпке үлгі болған Әлия Айбергеннің есімін бүгінде бүкіл республика жұртшылығы біледі. Әсірелеу емес, анық ақпар. Осыдан бірнеше жыл бұрын Қазалы ауданынына қарасты Үрмаш Түктібаев ауылында егіздер көп тұратынын ақпараттандырғанымыз бар. Сол кезден бастап, жағымды жаңалық елімізге кеңінен танылып, танымалдығы арта түсті. Бүгінде басқалар батыр атымен аталатын мекенді «егіздер ауылы» деп біледі.Екі мыңға жуық адам тұратын мұнда төрт жүзге жуық отбасы түтін түтетіп отыр. Соңғы отыз жылда бала туу толастамаған. Қызығы, олардың бірнешесі егіз бен үшемдер. Танымал балалардың «кіндік шешелері» мақтаулы маман ғана емес, әрбір өскінге өз анасындай алаңдайтын жанашыр.Аталмыш ауылда дүниеге келген ару орта мектепті отбасының қоныс тебуіне байланысты, аудан орталығында тәмамдайды. Сол жылы Жезқазған медициналық училищесіне қабылданып, жалпы мейірбике ісі мамандығын алып шығады.Қолына диплом ұстаған жас маман Түктібаев ауылына оралып, еңбек жолын мейірбике болып бастайды. «Мейірбикелік адамнан көп қажыр-қайратты, үнемі ізденісті талап етеді. Тоқтауға, тоқмейілсуге болмайды. Өзгерістер мен жаңалықтарға ілесе жүріп, алға қарай адымдайсың. Өз басым сол жылдары көп нәрсе үйрендім. Қиналдым, кейде шаршаған уақытым да болды. Алайда, мені жетелеген арманым мен ата-ана, ізіме ерген бауырларымның үміті болды», – деп бастады әңгімесін ол.1992 жылдың соңында акушерлікке ауысады. Барлық ананың бала көтергендегі жағдайы, босанып келгеннен кейінгі күйіне жауапты жұмыста түрлі оқиғаларға тап болады. Екі кезеңнің тоғысқан тоқырау заманның өзінде Түктібаев топырағындағы аналар бала босану көрсеткішін кемітпеген. 1992-1997 жылдар аралығында ауылдағы аурухана жанындағы перзентхананың жұмысын да, дәл осы гинеколог пен акушер қоса атқарады. Мұның сырын сұрағанымызда, кейіпкеріміз жайбарақат қалпынан таймай: «Біздің штатымыз емханада болды. Әйел босанып жатса, түнде де, басқа уақытта да барамыз. «Неге қосымша ақы төленбейді?», «Менің құзіретіме кірмейді» демейміз, жақсы біткен іске қуанамыз», – дейді.1997 жылдан – 2007 жылға дейін жүкті келіншектер көршілес Бекарыстан би ауылында босанады. 2007 жылы ол аурхана да жұмысын тоқтатып, аудан, әйелдер облысқа тасымалданады. Олардың әрбірінің жанында акушер Әлия жүреді. Жоғарыда атап өткен ағайындылар туралы білмекке ұмтылдық. Акушер маман бәрінің аты-жөнін, туған күні мен уақытын күні бүгін болғандай айтып берді.Тәуелсіздіктің төл құрдастары – Жанарыс және Бекарыс Сапаевтар білім саласында жемісті жұмысымен танылып үлгергендер. Олардың құрдастары – Алмат пен Самат өз бағыттарын өнер жолынан іздепті.Аймақовтар отбасының кенжелері – Ержан – жоғары білімді азамат. Рудный педагогикалық институтының түлегі. Сыңары – Нұржан кәсіпкер. Егіздердің немере бауырлары – Еділ мен Жайық Абзалдар теміржолшы мамандығын алса да, бірі Алматы, бірі Астана қаласында түрлі салада еңбек етуде.«Алдыңғы егіздерде мен көмекші болдым. Ал, 1997 жылы туған Киікбай Нағызәлиев пен Айымгүл Алдамбергеновтің ұлдары – Ерқанат пен Нұрқанатты өзім босандырған тұңғыш егіздерім», – дейді жүзіне күлкі үйіріліп. Тағы бір айта кетерлігі, бұл отбасындағы тағы егіз бар. Қазір &nbsp;Бекзат пен Саят да тәрбиелі балалар. Нұрсұлтан мен Сара да осы ауылда дүниеге келген. Өздері таңдаған мамандық иесі болған олар да, жақсы қырынан танытып келеді.2006 жылы есік ашқан Айдана мен Айбек Игенберген, Еркемай мен Еркетай Асандар. бітіруші түлектер – Толғанай мен Толағай Аманжол, Ақтілек пен Ақниет Жақайым –оқушы. Айкөркем мен Айжұлдыз, Маржан мен Айжан да, айналасының көзқуанышына айналған. Егіздердің ең кішісі, Нұрәлиевтер отбасының ұлдары – Дияс пен Мирас алғашқы қадамдарын басуда.2015 жылы Жақсыкелдиевтер отбасына қосылған – Айғаным, Асылым, Айланнан кейінгі үшем Алтынбаевтар шаңырағында 2020 жылы жалғасады. Айғаным, Асылым, Айлан балабақша тәрбиеленушілері. Отбасында ардақы ана, абзал әже атанған Ә.Айберген 2010 жылы өмірден өткен жолдасы Байқадам Төлегенұлының шаңырағын тіктеп, ұл-қызын азамат қатарына қосқан. Қарашаңырақта қалған келін енесіне қызмет етіп, үлкен кісінің ақ батасын алған. Үлкені Жомарт анасының жолын қуған, аудандық жедел жәрдем мекемесінің қызметкері. Қызы Гүлнұр – математика пәнінің мұғалімі. Байдәулеті былтыр университет дипломын қолына алып, ауылдағы №88 мектепте «Жастар тәжірибесімен» жұмыс істеуде. Кіші ұлы Ернұр «Болашақ» университетінің студенті. Ауыл акушерінің айтуынша, жылына 38-45 нәресте тұрғындар қатарын толықтырады. Бұл аудан бойынша жоғары көрсеткіш. Әйелдердің үлкені 44-те болса, ең жасы 18-ге аяқ басқан.Естуімізше, құрсақ көтере алмай, перзент сүю бақытын аңсап жүрген аналар ауылға жиі атбасын бұратын көрінеді. Бұл қазақы ырымнан туған сенім болса керек-ті.«Көпбалалы ата-ана атану біздің ауыл үшін қалыпты жай саналады. Жағдайға еліміздегі ана мен балаға деген қамқорлықтың жыл сайын артуы да әсерін тигізсе керек. Алайда дені сау бала дені сау ата-анадан туылады. Бұл орайда жүктілікті жоспарлау, әйел күтімі туралы да жұмысты негізгі бағытымызға айналдырғанбыз», – дейді қоштасарда.

Қызылорда облысындағы елді мекенде 25 жұп егіз тұрады

&nbsp;Мультфильм көптеген суреттен және солардың қимыл әрекетінен құралатын үздік туындылардан тұрады. Экрандағы балаларды қызықтырып, көздің жауын алатын таңғажайып бейнелерді жасаушы суретші-мультипликатор делінеді. Болашақ мультфильм кейіпкерлері солар салған суреттермен жанданады. Дегенмен, айтарға жеңіл болғанымен, оны солай жандандырудың өзі оңай емес. Олардың қимыл-қозғалыстарын суретші көптеген суреттен құрастырады. Он минуттық фильм 115 мың суретті қажет етеді. Ол суреттерді тек, ақ қағазға сала салмайды. Кейін целлулойдқа көшіріліп боялады. Мультстанокте кадр-кадр боп, яғни, бөлек-бөлек көріністер түсіріледі. Бұл өте күрделі де, үлкен жұмыс және бір суретшіге тым қиын. Сондықтанда қазіргі таңда заманауи құрылғылар арқылы анимациялық мультфильмдер түсірілуде. Сол құрылғылар суретшілердің жұмысын бірнеше есе жеңілдетті. Енді, осы жәй жансыз құр сюжеттердің әсері қаншалықты салмақты екеніне мән беріп жүрміз бе?&nbsp;Кейіпкерлердің бала санасына ықпалыҚазіргі кезде заман талабына сай бірнеше анимациялық мультфильм түсірілуде. Олардың мәселен, елу не жиырма жыл бұрынғы жасалған мульфильмдермен салыстырсақ, айырмашылықтары мен ерекшеліктері көптеп кездеседі. Ол кездегі суретшілердің қолдан шығарған айрықша туындылары балалардың ойын жақсы жағынан өрбітіп, жақсы тәрбие алуына өз септігін тигізді. Ал, заманауи мультфильмдердің балалардың оңтайлы өсіп жетілуіне әсері аз. Бұған орай психологияның жілігін шағып, майын ішкендер не айтады? Мамандарға құлақ түрсек, қазіргі мультфильмдер балаларды жауыздыққа, ақылсыздыққа әкеледі. XXI ғасырдың жаңа мультфильмдері "Бэтмен", "Супермен", "Өрмекші адамды" қарасақ қылмыскерлердің адамдарға жасаған жауыздықтарын көруге болады.&nbsp;<blockquote>&nbsp;– Осы күнгі мультфильмдердің жас өскіннің психологиясына және тәрбиесіне әсері зор. Оларды талғап, сыни тұрғыдан саралап, пайдалы және зиянды жақтарын анықтау ата-ана міндеті. Балалардың тұлғалық қасиеттерінің дамуындағы мультфильмдердің рөлін анықтап, маңыздылығын ашу маңызды. Соңғы уақытта шығарылған отандық тарихи сюжеттегі және ертегі кейіпкерлерінен құралған ой салатын қазақша туындылар жетерлік. Сондықтан, соларды баланың қасында отырып, оларға мультфильм желісін түсіндіргені абзал, – дейді Қазалы ауданы Жанқожа батыр атындағы №70 орта мектептің педагог психологы Айгүл Жұбаназарова.</blockquote>Маманның кеңесінше, ойлау жүйесі дамыған, сөйлей бастаған үш және одан жоғары жастағы балаларға әке-шешесі қасында отырып, түсіндіруі керек. Не болып жатыр? Кім ол? Қандай әрекетке баруда? Оныкі дұрыс, әлде бұрыс па? Осының барлығы қадағалаумен және уақыт шектеуімен жүзеге асуы тиіс. Өйткені, кейінгі кезде шетелдік түсініксіз кейіпкерлер енгізілген мұндай туындылар жетерлік. Оларды барынша көрсетпеген дұрыс.<blockquote>– &nbsp;Мәселен, қазіргі сәбилердің қызығып қарайтын "Маша мен аю" мультфильмінің ерекшелігі сюжетте қимыл-қозғалыс пен түрлі-түсті бояулар көп. Сосын тамашалаған көрерменнің ойында барлығын жасауға бұзықтыққа, бүлдіруге рұқсат деген ой қалыптасуы мүмкін. Мұны көрсеткен күнде де, оның желісін түсіндіру қажет. "Мына жерде Машаның істегені дұрыс болмады. Бұны былай жасау керек еді. Бұл жерде бүлдірмеуге тиіс тұғын. Киімін ластамаған жөн болатын. Жан-жағын шашпай, жинақы ұстағаны абзал" деген сынды әрекетін әрбір ата-ана түсіндіріп отыруға міндетті, – дейді педагог психолог Айгүл Көбейсінқызы.</blockquote> Жалпы, балаға қанша уақыт мультфильм көруге рұқсат ету қажет? деген сауалымызға: "Күніне жарты не 1 сағаттан артық болмайды. Сонан соң, оны тек, ойыншықтармен ойнауына ықпал еткен дұрыс" деп жауап берді. Бала дамуын тежеген көкжәшік. &nbsp;Бала тәрбиесіндегі ең басты шарт – күнделікті, тұрақты, нақты сабақтастықты үзбеу. Елдің ертеңі болар жас ұрпақтың ұлтының сарқылмас қазынасының кәусарынан қанып ішуі ана тілінсіз жүзеге аспайтыны айдан анық. Кішкентайының былдыры қазақша шығуын қаласа да, қоғамның орысша ақпараттық ағысынан сытылып шыға алмаған ата-ана қаракөзінің алғашқы сөздерін өзге тілде естуге мәжбүр болып келгені аян. Ұлт болашағын тамырынан айыратын бұл сұрқия келеңсіздік үшін әке-шешені "қазақша сөйлете алмадың" деп кінәлай алмаймыз. Мұхтар Шаханов айтқандай, "Компьютербасты" ұрпақтың шақшадай басы шаршы экрандағы бөтен мәдениетпен сусындап жатқанда, ағысқа қарсы тұруға пәрмен болмағасын, дәрмен қайдан болсын оларда?! "Ел болам десең, бесігіңді түзе" деген. Осы орынды нұсқалған сара жолдан қанша ауытқымауға ықпал жасасақ та, телеарнаны қосып қалсаң, "Спанч-боб", "Шрэк", "Батуган" мен "Хаги Ваги мен Киси Миси" сияқты тәлімі күдікті, өнегесі зиянды өнімдер ғасырлар бойы қалыптасқан сананы сындыруға шақ қалды. Бүгінде көгілдір экранның, әсіресе, бұқаралық ақпарат құралдарының адамзат баласы үшін маңызы зор. Алайда, жас жеткіншектердің психологиясы мен тәрбиесіне кері әсерін тигізуде. Мультфильм – идеологияның бір түрі. Қазіргі таңда теледидарда ертелі-кеш қазақ баласының дүниетанымына кері әсерін тигізетін, өзге елдің идеологиясын насихаттайтын мультфильмдер көрсетілуде. Мойындау керек, тілі былдырлап, енді ғана, қылық шығарып келе жатқан бүлдіршін күнұзаққа көкжәшікке телміреді. Сансыз мультфильмнен көз алмайды. Десек те, сантүрлі мультфильмнің пайдасынан зияны шаш етектен деп мамандар дабыл қағуда. Атап айтқанда, қарапайым ғана мультфильмдер баланың дамуын тежеп, бірнәрсеге тәуелді етіп қояды. Ең сорақысы, кейбір мультфильм баланың бойында психологиялық ауытқудың алғашқы белгілерін қалыптастырады-мыс. Сонымен қатар, психологтар бала өздігінен жүріп, сөйлеуді меңгермегенше, оны пассивті көрермен ретінде экран алдына отырғызуға болмайтынын айтады. Өйткені, теледидарға телмірген баланың қимыл-қозғалысы, сөйлеп үйренуі тежеледі. Тағы бір қызық жайт, екі жарым жасар балақайлар көбіне қанық түсті мультфильмдерді емес, ақ-қара түсті туындыларға зер салуы тиіс. Себебі, қанық түстер баланы алаңдатады, әрі сана-сезімі енді ғана, дамып келе жатқан бүлдіршін экрандағы қозғалыстардың жылдамдығына ілесе алмай қалады. Есейіп келе жатқан балаға оқиға желісі жылдам өзгеретін мультфильмдерді де көруге болмайды. Мұның да, өзіндік себебі бар. Әртүрлі атыс-шабыс пен түрлі эмоционалдық өзгерісті бақылаған баланың бойында эпилептикалық құбылыстар орын алуы ғажап емес. Жеккөрушіліктен тұратын көріністерге қадағалау қажетКеңес Одағының тұсында мультфильмдер қатаң қадағалаудан өткен. Әрбір эпизод, әрбір көріністің балаға қалай әсер ететіндігін мамандар егжей-тегжейлі қадағалайтын. Соның арқасы шығар, ол кездегі көрсетілетін мультфильмдер жақсылық жасауға үгіттейтін. Кеңестік мультфильмдердің бейкүнә кейіпкерлері баланың өмірге ашық, әрі таза қаруына жол ашатын. Соңғы жылдары кез келген елдің экранын батыстық туындылар жаулап алды. Жасыратыны жоқ, мол қаражат табу мақсатында әрқилы көріністен тұратын мультипликаторлық өнімдерді жалма-жан нарыққа шығаратын пайдакүнемдердің саны артты. Бұл күнде мультфильмнің бала санасы мен дамуына қалай әсер ететіндігін зерттеп жатқан ешкім жоқ. Бүгінгі мультөнімдер қастандық пен талғамсыздыққа, надандық пен арам пиғылға тұнып тұр. Атыс-шабыс пен жеккөрушіліктен тұратын көріністер сәбиге оң әсер ете қоймайтыны айдан анық. Қазалылық психологтар батыстық кей мультфильмдер балалардың интеллектуалдық дамуына да, кедергі болатынын айтуда. Тәрбие басы – тал бесіктен екенін ұғынған ата-бабамыз балдай тәтті қылығымен әрбір үйдің қуанышы болған кішкентай бүлдіршіндердің әдепті, білімді, иманды болып өсуі үшін ерекше көңіл бөлген. Зерттеушілердің пікірінше, теледидардың танымдық, тағылымдық әсерінен гөрі, көрерменге бағытталған эмоционалдық соққысы басым. Теледидарды көп көрген бала біраз уақыт өткеннен кейін миғұла-мәңгүртке айналады екен. АҚШ түрмелеріндегі қылмыскерлердің 65 проценті экран кейіпкерлеріне еліктеп, заң бұзғандығын. Ал, 25 процент ұрлық пен бейбастықты үйреткен телеұстаздарына алғысы шексіз екендігін айтқан. Бұдан шығар түйін – заманауи мультфильмдердің бала психологиясына кері әсерлерін айқындап, одан сақтану жолдарын қарастырған жөн-ақ. Сонда ғана, болашақ ұрпақтың сау да, саламатты өмір сүруіне бар жағдай жасап, балалардың тұлғалық қасиеттерінің дамуына оң әсер еткен болар едік.&nbsp;Фото: wp-s.ruАйнұр ҚАЗМАҒАМБЕТОВА

Айгүл Жұбаназарова: Мультфильмдер де балаға кері әсері етуі мүмкін

Шаруасы шалқыған Тасарық ауылы

&nbsp;<a href="https://kyzylorda-news.kz/">Kyzylorda-news.kz.</a> Сырдария ауданының әлеуметтік-экономикалық, қоғамдық-саяси, рухани-мәдени дамуына ерекше ықпал ететін өзекті мәселелер енгізілуде. Жалпы алғанда, кәсіпкерлік саласын дамыту, кәсіпкерлерге қолдау көрсету, сол арқылы жұмыссыздықты азайту, бұл – бір ғана бөлім айналысатын жұмыс емес.Мемлекет басшысы Қасым-Жомарт Кемелұлы Тоқаев бүгінгі күнге дейін 6 Жолдау жариялады. Алғашқы Жолдауында Президент: «Шағын және орта бизнес – қала мен ауылды дамытудың төте жолы» десе, екінші Жолдауында «Кәсіпкерлікті дамытпай, бәсекеге қабілетті экономика құру мүмкін емес» деп атап өтті. Мемлекет басшысының кейінгі Жолдаулары, қабылданған заңдар тұтастай алғанда ел кәсіпкерлеріне үлкен демеу болды. Ал Президенттің соңғы Жолдауы мен Үкіметтің кеңейтілген отырысында, Ұлттық құрылтай жиынында берген тапсырмалары шағын және орта кәсіпкерлікті дамытуға ерекше серпіліс бере отырып, кәсіпкерлердің де жауапкершілігін арттырды. Мұның бәрі саяси экономикалық реформалардың нәтижесі және оның түпкі мәнін халықтың сезінгені дұрыс.Облыс әкімі Нұрлыбек Машбекұлы Нәлібаев өткен айдағы облыстық мәслихаттың сессиясында өңірдің даму белестерін айта келе, кәсіпкерлік саласын дамыту мен инвестиция көлемін арттыруға ерекше тоқталды. Бұл бағытта біз де аудандық деңгейде тиісті жұмыстарды жандандыруымыз қажет. Оның ішінде, кәсіппен айналысуға ынталы азаматтарға арнап қоғамдық қабылдаулар өткізу мен қаржы ұйымдарының өкілдерін тарта отырып, кездесулер ұйымдастырудың маңызы зор.Естеріңізде болса, бірнеше жыл бұрын Тереңөзек кенті мәдениеті үйінде аудан кәсіпкерлерінің арнайы ауқымды семинар кеңесі өткен болатын. Онда қаржы ұйымдарының өкілдері мен екінші деңгейлі банктердің менеджерлері ақпараттық сүйемелдеу жұмыстарын үйлестіріп, жеңілдіктер мен жаңашылдықтарды түсіндірген еді. Осындай жұмысты тек бір жерге ғана емес, көшпелі жиын ретінде ұйымдастыру қажет секілді.Мұнан бөлек тұрақты комиссия отырысында бөлім басшысының міндетін атқарушы өз баяндамасында былтыр кент және ауылдық округтерде 5 рет мемлекеттік бағдарламалар бойынша түсіндірме жұмыстары жүргізілгенін айтты. Осы жұмысты биыл да жандандыру қажет және оған тиісті мүдделі органдардың барлығы жауапкершілікпен атсалысқаны жөн.Кәсіпкерлік кең қанат жайған көршілес өңірлердің тәжірибесін зерделеудің де маңызы зор. Мәселен, жақында аймақ басшысының тапсырмасымен облыс әкімінің орынбасары бастаған топ көршілес Түркістан облысында болып, жылыжай кәсібінің қыр-сырын зерттеп келді. Салыстырмалы түрде алғанда біздің аудан шағын және орта бизнестің үлесі жөнінде Арал, Қазалы немесе Жаңақорған, Шиелі аудандарымен бәсекеге түсе алмайды. Ол аудандардың халқының саны да, мүмкіндігі де көп. Бірақ ауданымыздың қалаға жақын орналасқанын тиімді пайдаланғанымыз, әлі де нарықты, нарықтағы сұранысты зерттегеніміз жөн. Бұл ретте «Кәсіпті бастағыңыз келсе, ерте бастаңыз» деген қанатты қағидаға сүйеніп, жас кәсіпкерлерді қолдау тетіктерін кеңейту керек.Жыл басынан бері аудан басшы Берік Әбдіғаппарұлымен бірге бірнеше ауылда болып, кездесулерге қатыстық. Былтыр Бесарықтағы жастар форумында да жақсы ұсыныстар айтылды. Әсіресе дарияның арғы бетіндегі ауылдардың жастарының кәсіпке қызығушылығы жоғары екені анық байқалады. Қайтарымсыз грантты тағайындау жөніндегі комиссияның мүшесі ретінде де аңғаратыным, Аманкелді, Айдарлы, Бесарық, Қоғалыкөл, Нағи Ілиясов, Шаған, Шіркейлі ауылдарының азаматтары көп құжат тапсырады. Сонымен қатар Ақжарма, А.Тоқмағамбетов, Іңкәрдария, Қалжан ахун ауылының тұрғындарының да мал шаруашылығын дамыту арқылы кәсіппен айналысуға ынтасы зор. Ал С.Сейфуллин ауылының жастары кенттен, кент жастары қала орталығынан сауда орындарын ашып, өз кәсіптерін әртараптандыруда. Осы бағыттағы жұмыстарға, атап айтқанда, кәсіпкерлерге жер беруден бастап, оларға жеңілдіктерді түсіндіруге, тіпті алғашында салықтық есептілікті тапсыруға дейін көмек көрсетуде бюрократиядан арылуымыз қажет. Облыс әкімі Нұрлыбек Машбекұлы айтып өткендей, біз қашан кәсіпкерліктің үлесін арттырамыз, қашан инвестиция көлемін ұлғайтамыз, сонда ғана өңір аграрлы аймақтан индустриалды аймаққа айналады.

Сырдарияда кәсіпкерлік қанатын кеңге жайған

<a href="https://kyzylorda-news.kz/">Kyzylorda-news.kz.</a>&nbsp; Суға түсу маусымы басталысымен төтеншеліктердің де жұмысы қыза түседі.&nbsp;Аптап ыстықтан қашып немесе демалу үшін суға түсетін азаматтар саны артқан сайын, құтқарушылар да тынымсыз жұмыс істейді. Өйткені жағажайларда суға шомылушылар арасында суға кетіп, абайсызда ажал құшқатындар баршылық. Қазіргі уақытта өірде қандай жұмыстар жасалып жатыр, жағажайлар жайы қалай? Осы ретте &nbsp;Қызылорда облысы ТЖД Жедел-құтқару жасағы РММ басшысы Б. Ембергенов пен сұқбаттасқан болатынбыз.Аймағымызда күн жылынғаннан бастап суға түсу маусымы басталады. Сіздердің ескерту жұмыстарыңыз да&nbsp;басталып кеткен болар. Биыл ақпараттық-насихаттық жұмыстар қалай жүріп жатыр?Құтқарушылар жыл 12 ай үгіттеу түсіндірме жұмысын үздіксіз жүргізеді. Олай дейтініміз, қыс мезгілінде&nbsp;мұз үстінде балық аулаушылар,көлікпен мұз үстімен кесіп өтушілер, мұз бетімен сырғанауды қызқтайтын адамдар өте көп. Ал күн жыли басталысымен суға түсу маусымын күтпей жабайы жағажайларға жиылып суға түсетіндерде аз емес. Біз қала аумағындағы барлық 53 мектепті аралап, үгіттеу-насихаттау жұмыстарын жүргіземіз. Сондай-ақ барлық ауыл аудандармен онлаин интерактивті сабақтар, зум бағдарламасы арқылы ата-аналар, ұстаздардың қатысуымен жиналыстарын өткізіп тұрамыз. Аптап ыстық басталысымен облыс аумағындағы барлық жағажайларға рейд жұмыстарын үздіксіз жүргіземіз. Өткен жылы&nbsp;Облыстың 115 740 оқушысына «Судағы қауіпсіздік ережелері», «Суда зардап шегушілерді құтқару, алғашқы дәрігерге дейінгі медициналық көмек көрсету тәсілдері» тақырыптары бойынша 212 интерактивтік сабақ және 208 мектептің басшылары мен мұғалімдеріне судағы қауіпсіздік ережелері &nbsp;жөнінде сабақтар өткізілді. Биылда дәл осы жұмыстар жалғасын табуда. Қаланың барлық мектептерінде түсіндірме жұмыстары жасалып, ата-аналармен арнайы қосымшылар арқылы байланысқа шығып жатырмыз. Сондай-ақ, адам көп шоғыырланған қоғамдық орындар мен қала орталығындағы ірі сауда орындарына барып үгіт-насихаттары жүргізілуде.Жағажайларды жарақтандыру, құтқару бекеттерін қажетті жабдықтармен қамтамасыз ету жұмыстары қалай жүріп жатыр?Облыс аумағындағы суға түсуге арналған &nbsp;ресми рұқсат етілген жағажайлардың барлығы жеке меншік кәсіп иелерінікі. Сондықтан кәсіп иелері еңбек биржасы арқылы азаматтарды жұмысқа қабылдайды. Қабылданған азаматтарға жұмыс беруші яғни кәсіп иелерінің өтініш хатына сәйкес Қызылорда облысы ТЖД «Жедел-құтқару жасағы» РММ-нің Құтқару бөлімшесінен қызметкерлерді бөлеміз. Содан кейін ғана судан құтқару техникаларының барлық әдіс тәсілдер мен қауіпсіздік қағидаларын қалай жүргізу керек сынды кәсіби машықтандыратын боламыз. &nbsp;Ол азаматтарға оқу аяқталған соң арнайы сертификаттар табысталады. Біз үйреткен құтқарушылар әрі қарай &nbsp; жағажайдардағы демалушыларға жүзуді үйретуге, қауіпсіздікті қамтамасыз етуге міндетті. Ал қалған жауапкершілік, қажетті жабдықтармен толықтыру, &nbsp;Су айдындарында жүзу шекарасын белгілеу ол кәсіп иесіне қатысты сауал. &nbsp;Сонымен бірге бұндай кәсіп иелеріне бақылауды кәсіпкерлік және туризм басқармасы алады.Облысымызда қанша су айдындары бар? Олардың барлығында суға шомылуға рұқсат бар ма? Олардың қауіптілігі жөнінде не айтасыз?Облыс су айдындарында 63 суға шомылуға қауіпті учаске белгіленген, бұл учаскілерде 310 ескерту тақтайшасы мен 68 билборд орнатылған. Қазір Сырдария деңгейінің күрт төмендеп кетуі &nbsp; халық арасында қарық сияқты суда ненің қауіпі-деп біздің ескертуімізге құлақ аспай қайта келіп суға түсіп жататын оқиғалар өте көп кездеседі. &nbsp;Ия деңгей төмен болғанымен дарияның суы өте лай, және ағысы қатты. Тіпті кей жерлерде ұйық, енді бір жерде ойық жерлер бар. Ал су асты лайлы батпақ. Аяғыңыз кіріп кетуі мүмкін. &nbsp;Сондықтан сақтансаң сақтайды! Деген ескертуді тағы айтқым келіп отыр.Ал, Қызылорда облысы аумағында рұқсат етілген 4 жағажай бар. 2023 жылғы 13 қаңтарда №7 қаулысына сәйкес 4 коммуналдық жағажай (Шиелі ауданында «Ақ орда», Сырдария ауданында «Қалғандария», Қармақшы ауданында «Мұратбаев» және Қазалы ауданында «Қашқан су») белгіленді. Су тіршілік көзі, дегенмен тілсіз жау екенін де ұмытпаған абзалырақ!− &nbsp; &nbsp; &nbsp; &nbsp;Суға шомылу маусымындағы қауіпсіздік шараларын тұрғындарға, жағажайларда демалушыларға ақпараттандыру мақсатында қандай жұмыстарды жоспарлап отырсыздар?Жоғарыда атап өткендей, біз күн жыли басталысымен үздіксіз сағат 14:00-18:00 аралығында суға түсуге қауіпті аймақтарға рейдтік және үгіттеу түсіндірме жұмыстарын жүргіземіз. Ал суға түсу маусымы басталысымен күшейтілген кезекшілікпен рейдке шығамыз.Осы орайда ата-ана қарауынсыз жүрген кәмелетке толмаған балаларға бірінші мәрте ескерту, қайталанған жағдайда ата-анасына&nbsp;ҚР Әкімшілік құқық бұзушылық &nbsp;туралы Кодексінің 364-бабы (Ортақ су пайдалану қағидаларын бұзу) сәйкес&nbsp;айыппұл салынады.Әсіресе, жағажайға балаларымен барған жандарға қауіпсіздік ережелерін сақтау аса маңызды. Осы ретте, балалы демалушыларға нені ескеру керек?Сақтықта қорлық жоқ деген. Әрбір суға шомылушы суға түсер алдында барынша сақ болуы керек. Жүзе білмеген жағдайда белден жоғары тереңдікке бармағаны абзал. Аяқ-қолыңыз тартылған жағдайда сасқалақтамау керек, су бетінде қалуға және көмекке шақырған жөн. Сонымен қатар, алкоголь өнімдерін ішуге және мас күйінде шомылуға тыйым салынады. Оған қоса жастар суға түсу барысында бір-бірімен ойнап, суға лақытру секілді дүниелер өкінішті жағдайға әкелуі мүмкін. Сондықтан барынша сақтық шарасын жасап, тәртіпті сақтаған дұрыс.−Кәмелетке толмаған балалардың суға кету деректері жиі тіркеліп жатады. Осыған тоқталып өтсеңіз...Жыл басынан бері облыс су айдындарында 4 адам қаза тапты (1 ересек, 3 бала). (2023 жылы облыстың су айдындарында 34 адам қаза тапты (оның 8-і кәмелетке толмағандар)).Су айдындарында адамдардың апатқа ұшырау себебін талдасақ, суға батқандардың жартысы ережені бұзған азаматтардан құралса, үштен бірі мас күйінде, ал қалғандары – үлкендердің қарауынсыз қалған балалар екенін көреміз.−Жалпы арнайы мамандардың нұсқаулығын, қауіпсіздік ережелерін бұзушыларға қандай әкімшілік шаралар қарастырылған?Мәселен күні кеше Сырдария өзенінің сол жақ жағалау бетінде 4 кәмелетке толмаған Орда СКУЛ мектебінің 3 сынып оқушылары суға шомылып жатқаны анықталды. Бұған дейінде дәл осы оқушыларға бірнеше мәрте құтқарушылар ескерту жасаған болатын. Ескертуге құлақ аспаған 4 оқушыны учаскелік полицияға тапсырдық. Олар кәметке толмағандардың ісі жөнінде инспекцияға жолдап, ата-аналарының үстінен шара көрілді. Ал жалпы өткен жылғы есепті кезеңде&nbsp;Қызылорда облысының Полиция департаменті, «Қызыл ай» қоғамы, «Волонтеры Кызылорда» қоғамдық бірлестігі және жергілікті атқарушы органмен бірлесіп суға шомылу маусымы кезеңінде ҚР Әкімшілік құқық бұзушылық&nbsp;туралы Кодексінің 364-бабы (Ортақ су пайдалану қағидаларын бұзу) бойынша 115 адамға ескерту шарасы көрілді. Осы Кодекстің 412-бабы бойынша – 1 адамға (17250 теңге) айыппұл салынды және жоғарыда аталған кодекстің 440-бабы (Алкогольдік ішімдіктерді ішу немесе қоғамдық орындарға масаң күйде келу) бойынша – 2625 азаматқа әкімшілік шара көрілді.Балық шаруашылығы инспекциясының қызметкерлерімен бірлесіп, облыс көлемінде профилактикалық жұмыс барысында ҚР ӘҚБ 383-бабы бойынша199 дерек тіркеліп, &nbsp;2 млн 115 мың 100 теңге айыппұл салынды.Алдағы суға шомылу маусымында ескерілуі тиіс дүниелерменбіздің көрермендерімізді таныстырып өтсеңіз...− Суға шомылу кезіндегі ережелер:&nbsp;- Тек қана суға шомылу үшін бөлінген жағажайлар мен орындарды пайдаланыңыздар.- Қоршау белгілерінен әрі бармаңыздар, тыйым салынған орындарда суға шомылмаңыздар, моторлы қайықтарға жақын жүзіп бармаңыздар - бұл өміріңізге қауіпті.- Ата-аналар және балалар мекемелерінің жетекшілері! Балалардың қадағалаусыз шомылуына жол бермеңіздер!- Мас күйде суға шомылуға тыйым салынады.−Әңгімеңізге рақмет.&nbsp;

Тілсіз жаудан қауіп көп

<a href="https://kyzylorda-news.kz/">Kyzylorda-news.kz.</a>&nbsp; Сырдария аудандық құрылыс, сәулет және қала құрылысы бөлімінің басшысы Нұржан Бисембаевтың айтуынша ауданда жалпы құны 3,2 млрд.теңгені құрайтын 10 жобаның құрылысына 1,7 млрд.теңге қаржы бөлінген. Оның ішінде облыстық бюджеттен – 1 млрд.424 млн.теңге, республикалық бюджеттен – 223,2 млн.теңге, Ұлттық қордан – 127,7 млн.теңге.Жобадағы 7 нысан 2023 жылдан өтпелі болса, 3 нысан жаңа құрылыс. Атап айтқанда:Бұқаралық спортты дамыту бойынша:Жоба құны – 382,9 млн. теңгені құрайтын Бесарық елді мекеніндегі спорт кешені құрылысы бойынша келісімшарт құны – 362,5 млн.теңге.Облыстық бюджет трансферті есебінен&nbsp;2022-2023 жылдары атқарылған жұмыс актілеріне сәйкес 285,0 млн. теңге игерілген болатын.2024 жылға құрылыс жұмыстарын аяқтауға 77,3 млн.теңге бөлініп, 20 млн.теңгесі игерілді. Орындалған құрылыс жұмыстарының көлемі – 95 пайыз. Құрылыс жұмыстарын ағымдағы жылдың маусым айында аяқтап, пайдалануға беру жоспарлануда. Мердігер мекеме «SCS Инжиниринг» ЖШС-ін Қызылорда облысының мамандандырылған ауданаралық экономикалық сотының 31.01.2024 жылғы №4399-24-00-2а/65 қаулысы негізінде міндет жүктеу және мемлекеттік сатып алуға жосықсыз қатысушысы деп танылғанын айту керек.Инженерлік-коммуналдық инфрақұрылым бойынша:1) Жоба құны – 263,5 млн. теңгені құрайтын Тереңөзек кентіндегі жаңа шағын ауданның инфрақұрылымы (35 га) &nbsp;қиыршық тас жолының құрылысы бойынша келісімшарт құны – 244,5 млн.теңге.2023 жылы облыстық бюджеттен – 147,9 млн. теңге қаржы бөлініп,&nbsp;атқарылған жұмыс актілеріне сәйкес&nbsp;игерілді. Жобаға сәйкес жалпы ұзындығы 4,2 км болатын 6 көшеге қиыршық тас төселді.2024 жылға құрылыс жұмыстарын аяқтауға облыстық бюджеттен – 115,5 млн. теңге қаржы бөлінді. Бүгінгі таңда, мердігер мекеме «Ақ тоған» ЖШС-мен жаяу жүргіншілер жолына бордюр қою, құм-қиыршық тас қоспасымен толтыру, асфальт төсеу жұмыстары жүргізілуде. Ағымдағы жылдың мамыр айында толық аяқтап, пайдалануға беру жоспарлануда. Орындалған жұмыстардың көлемі – 70 пайыз.&nbsp;Мердігер мекеме «Ақ тоған» ЖШС, техникалық қадағалаушы – «УКС» ЖШС, авторлық қадағалаушы – «Димаш-Сервис» ЖШС.2) Жоба құны – 889,6 млн.теңгені құрайтын Тереңөзек кентіндегі жаңа шағын ауданның инфрақұрылымы (100 га) қиыршық тас жолының құрылысы бойынша келісімшарт құны – 832,8 млн.теңге.2023 жылға облыстық бюджеттен – 200,0 млн.теңге қаржы бөлініп,&nbsp;атқарылған жұмыс актілеріне сәйкес&nbsp;игерілді. Жобаға сәйкес жалпы ұзындығы 15,2 км болатын 22 көшеге қиыршық тас төселді.2024 жылға құрылыс жұмыстарын аяқтауға облыстық бюджеттен – 689,6 млн.теңге қаржы бөлінген болатын. Сырдария ауданы әкімдігінің 09.04.2024 жылғы №96 қаулысына сәйкес жаяу жүргіншілер жолының қаржысы – 380,4 млн.теңге бюджетке кері қайтарылды.&nbsp; &nbsp; &nbsp; &nbsp;Бүгінгі таңда, мердігер мекеме «Ақ тоған» ЖШС-мен көшелердегі жол белгілері қойылуда. Ағымдағы жылдың мамыр айында толық аяқтап, пайдалануға беру жоспарлануда. Орындалған жұмыстардың көлемі – 90 пайыз.&nbsp;Мердігер мекеме: «Ак тоган» ЖШС, Техникалық кадағалаушы- «АстанаДорАркитекс» ЖШС.3) «Ауыл – Ел бесігі» бағдарламасы шеңберінде жоба құны – 126,3 млн.теңгені құрайтын Сырдария ауданы Тереңөзек кентіндегі жаңа шағын ауданның инфрақұрылымы (35 га) газ тарату желілерінің құрылысы бойынша келісімшарт құны – 110,8 млн.теңге.2023 жылға облыстық бюджеттен қоса қаржыландыруға 11,6 млн.теңге бөлініп, мердігер мекеме "Астана Құрылыс Групп" ЖШС-мен&nbsp;атқарылған жұмыс актілеріне сәйкес&nbsp;игерілді.2024 жылға құрылыс жұмыстарына республикалық бюджеттен 30,0 млн.теңге қаржы бөлініп, игерілді. Қалған республикалық бюджеттен – 69,2 млн.теңге қаржысы күтілуде. Мердігер мекеме: «Астана Құрылыс Групп» ЖШС, Техникалық кадағалаушы- «Строй Сити LTD» ЖШС,&nbsp;Авторлық қадағалаушы- «Әсем Жоба құрылыс» ЖШС.Электрмен жабдықтау бойынша:2024 жыл жоба құны – 485,9 млн.теңгені құрайтын «Қызылорда облысы, Сырдария ауданы, Қалжан ахун елді мекенін электрмен жабдықтау» жобасы бойынша&nbsp;келісімшарт құны – 474,5 млн.теңге.2024 жылға «Ауыл – Ел бесігі» бағдарламасы аясында құрылыс жұмыстарын бастауға республикалық бюджеттен – 57,3 млн.теңге бөлінді. Қалған – 417,2 млн.теңгесі күтілуде. Құрылыс жұмыстарын бастауға 15.04.2024 жылы облыстық бақылау жөніндегі басқармасынан хабарлама алынып, мердігер мекеме «КРЭК» АҚ-мен құрылыс жұмыстары жүргізілуде.&nbsp;Мердігер мекеме: «Қызылорда электр тарату тораптары компаниясы» АҚ, Техникалық кадағалаушы – «Ақтаустройэксперт» ЖШС, авторлық қадағалаушы – «Start Project» ЖШС.Таза ауыз сумен қамтамасыз ету бойынша:«Қуатты өңірлер – ел дамуының драйвері» бағдарламасы шеңберінде жобалар құны 307,8 млн.теңгені құрайтын 2 жобаға, яғни «Тереңөзек кенті 10 көшелері бойындағы ауыз су құбырлары және көру құдықтарының құрылысы» бойынша келісім &nbsp;шарттар құны – 283,7 млн.теңге.2023 жылы 177,6 млн.теңге қаржы бөлініп, мердігер мекеме «Жаңарту» ЖШС-мен тиісті құрылыс жұмыстары жүргізілді.Мердігер мекеме «Жаңарту» ЖШС-мен барлығы 4,8 км ауыз су құбыры, 61 дана су көру құдықтары орнатылды.2024 жылға құрылыс жұмыстарын аяқтауға республикалық және облыстық бюджеттен 108,4 млн.теңге бөлінді. Бүгінгі таңда, жаңа су құбырларын ескі су құбырына жалғау, фасондық бөліктерін ауыстыру жұмыстары жүргізілуде. &nbsp;Ағымдағы жылдың мамыр айында құрылыс жұмыстарын аяқтап, пайдалануға беру жоспарлануда.&nbsp;Мердігер мекеме: «Жаңарту» ЖШС, Техникалық кадағалаушы- «Әсем-Құрылыс-Қызылорда» ЖШС, авторлық қадағалаушы- «ПСК Qabylet» ЖШС.Сонымен қатар, «Ауыл – Ел бесігі» бағдарламасы шеңберінде жоба құны 178,9 млн. теңгені құрайтын Шаған ауылындағы Ғ.Мұратбаев, А.Иманов және А.Иманов жолақ көшелері бойындағы су құбыры мен көру құдықтары құрылысы бойынша келісімшарт құны – 165,5 млн.теңге.2023 жылы құрылыс жұмыстарын бастауға 124,6 млн.теңге қаржы бөлін мердігер мекеме «Алтын Айдарлы» ЖШС-мен 3073 метрге су құбыры жүргізілді. 40 су құбырын көру құдықтары орнатылды. Бөлінген қаржы игерілді.2024 жылға құрылыс жұмыстарын аяқтауға республикалық бюджеттен –50,0 млн. теңге қаржы бөлінді. Ағымдағы жылдың мамыр айында құрылыс жұмыстарын толық аяқтап, ел игілігіне пайдалануға берілетін болады.&nbsp;Мердігер мекеме: «Алтын Айдарлы» ЖШС, Техникалық кадағалаушы- «Стройтехнопроект KZ А и К» ЖШС, авторлық қадағалаушы- «ПСК Qabylet» ЖШС.Сондай-ақ, жоба құны – 80,5 млн.теңгені құрайтын Аманкелді елді мекені Ж.Құлымбетов, А.Ақайдаров, А.Жанкин көшелері бойындағы ауыз су құбырлары мен көру құдықтары құрылысы бойынша келісімшарт құны – 73,2 млн.теңге.2024 жылға құрылыс жұмыстарын бастауға республикалық бюджеттен 59,5 млн.теңге қаржы бөлінді. Қалған қаржысы 17,7 млн.теңгесі күтілуде. Ауыз су құбырының ұзындығы 1971 метр. Бүгінгі таңда, мердігер мекеме «СК Орда-Құрылыс» ЖШС-мен құрылыс материалдары әкелінуде.&nbsp;Мердігер мекеме: «СК Орда-Құрылыс» ЖШС, Техникалық кадағалаушы- «СтройСити LTD» ЖШС, авторлық қадағалаушы- «ПСК Qabylet» ЖШС.Қатты тұрмыстық қалдықтар полигонын салу бойынша:Жобаның жалпы құны – 495,2 млн.теңгені құрайтын «Сырдария ауданының Тереңөзек кентінде ҚТҚ полигонын салу. Түзету» құрылысы бойынша келісімшарт құны – 464,9 млн.теңге.2024 жылға облыстық бюджет қаражаты есебінен – &nbsp;475,5 млн. теңге бөлінді.Бүгінгі таңда, мердігер мекеме «Техоснастка-Ремсервис» ЖШС-мен жер түзету жұмыстары жүргізілді. Алдын-ала төлем беруге облыстық табиғи ресурстар басқармасына хат жолданды. Мамыр айында төлем жүргізуге жұмыстар жасалынатын болады.&nbsp;Мердігер мекеме: «ТЕХОСНАСТКА-РЕМСЕРВИС» ЖШС, Техникалық кадағалаушы- «Qazaqstan Expert» ЖШС, авторлық қадағалаушы- «НұрЖолПроект» ЖШС.«Тереңөзек кентінде «Руханият» орталығының құрылысы» бойынша:Сонымен қатар, тапсырыс беруші облыстық құрылыс, сәулет және қала құрылысы басқармасы арқылы жоба құны – 1 млрд. 411 млн.теңгені құрайтын Тереңөзек кенті Н.Бердіқұлов көшесі бойынан «Руханият» орталығының құрылысы» жұмыстары жүргізілуде.Құрылыс жұмыстарын бастауға ағымдағы жылдың 29 наурызында хабарлама алынып, бүгінгі таңда іргетасын қалау, бетон бағаналарын құю жұмыстары жүргізілуде.Құрылыс жұмыстары бекітілген кестеге сәйкес ағымдағы жылдың желтоқсан айында аяқтап, пайдалануға беру жоспарлануда.&nbsp;Мердігер мекеме: «ТЕХОСНАСТКА-РЕМСЕРВИС» ЖШС, Техникалық кадағалаушы- «Актаустройэксперт» ЖШС, авторлық қадағалаушы – «РЕМПРОЕКТ» ЖШС.Аманкелді елді мекені дәрігерлік амбулаториясы күрделі жөндеу жұмыстары бойынша:Сондай-ақ, тапсырыс беруші Сырдария аудандық ауруханасы арқылы жоба құны 91,2 млн.теңгені құрайтын Аманкелді елді мекені дәрігерлік амбулаториясы күрделі жөндеу жұмыстары жүргізілуде. Құрылыс жұмыстары 2023 жылдың желтоқсан айында басталды. Игерілген қаржы көлемі 22,8 млн.теңге.Мердігер мекеме «Пульс» ЖШС арқылы құрылыс жұмыстары жүргізілуде. Құрылыс жұмыстарын ағымдағы жылдың маусым айында аяқтап, пайдалануға беру жоспарлануда.&nbsp;Мердігер мекеме: «Пульс» ЖШС, Техникалық кадағалаушы- «ҚҰРЫЛЫС ИНЖЕНИРИНГ» ЖШС, авторлық қадағалаушы- «МЕКЕН и К» ХТ ПТ.Мемлекеттік сатып алулар бойынша:1) "Қызылорда облысының мемлекеттік сатып алу басқармасы" коммуналдық мемлекеттік мекемесі арқылы, Сырдария ауданы, С.Сейфуллин елді мекенін электрмен жабдықтау бойынша ағымдағы жылдың 12 сәуірінде мемлекеттік сатып алу жұмыстары жарияланды.2024 жылғы 22 сәуірден бастап құжат қабылдау жұмыстары жүргізілуде. Әзірге өтінім ұсынған өнімберушілердің саны – 2.2) Сырдария ауданы, А.Тоқмағанбетов елді мекенін электрмен жабдықтау бойынша ағымдағы жылдың 12 сәуірінде мемлекеттік сатып алу жұмыстары жарияланды. 2024 жылғы 25 сәуірден бастап құжат қабылдау жұмыстары жүргізілуде. Әзірге өтінім ұсынған өнім берушілердің саны – 3.3) Сырдария ауданы, Н.Ілиясов ауылдық округіндегі жтү-лерге инженерлік - коммуникациялық инфрақұрылымдар құрылысы (электрмен жабдықтау, су жүйесі) бойынша ағымдағы жылдың 12 сәуірінде мемлекеттік сатып алу жұмыстары жарияланды.2024 жылғы 25 сәуірден бастап құжат қабылдау жұмыстары жүргізілуде.&nbsp;

Сырдария ауданында 10 жобаның құрылысы іске асуда

Ойынды ермек етіп, ойыңды еліктірме 

<a href="https://kyzylorda-news.kz/">Kyzylorda-news.kz.</a>&nbsp; Өңірде «Өрт-2024» РКШОЖ өткізілуіне сәйкес Қызылорда қаласындағы «Эдельвейс» саяжайының маңында «Төтенше жағдайларды жою штабы» жасақталды.​Штаб отырысы кезінде Қызылорда облысы Төтенше жағдайлар департаментінің бастығы полковник Руслан Қайрақбаевқа азаматтық қорғау жүйелерінің қызметтерінің өкілдері оқу-жаттығудың практикалық кезеңіне қатысуға дайын екендіктерін баяндады.​Осыған орай оқу-жаттығудың практикалық кезеңі басталды.​Қызылорда қаласынан 7 шақырым қашықтықта, «Шіркейлі» каналының оң жақ жағалауында белгісіз азаматтың ашық отты пайдалану барысында тоғай алқаптарында өрт шығып, жақын орналасқан шаруа қожалықтарына, тұрғын үйлерге қауіп төнді. Өртті жақын орналасқан жеке шаруа қожалықтарының тұрғындары көріп, ол туралы «112» телефон нөміріне хабарлады. Оқиға орнына Қызылорда орман және жануарлар дүниесін қорғау мекемесінен 1 АЦ автокөлігі, 1 ХТЗ тракторы, 1 Уаз көлігімен 15 адам келіп, жағдайды нақтылады. Өрттің ауданы шамамен 2000 шаршы метр болуына орай, желдің күшеюіне байланысты&nbsp;орталықтан көмек сұрады. Өрт аумағында шаруа қожалықтарының жалдамалы екі малшысы жоғалып кеткендігі жөнінде хабарлаған.<blockquote>– Жалпы оқу-жаттығу барысына 48 бірлік техника, 1 бірлік тікұшақ, 170 адам жұмылдырылды. Олар жауынгерлік қанат жаю ұйымдастырылып, өрт сөндірушілер өрт ошағын 2 «Б» оқпанымен сөндіруге кірісті. Ал 6 қызметкер соққыштармен (хлопушкалармен) өрт сөндіру жұмысын атқарды. Өрттің одан әрі таралуын болдырмау үшін трактордың соқасымен жерді жыртып, өртке қарсы минералды жолақтар жасады. Өзара іс-қимыл алгоритмдеріне сәйкес арнайы және шұғыл қызметтер оқиға орнына жолданды. №4 өрт сөндіру бөлімінің 2 АЦ техникасымен 12 қызметкер, Ақсуат ауылдық округі әкімшілігіне қарасты Ерікті өртке қарсы құрылымының 1 техникасымен 15 адам, №6 өрт сөндіру бөлімінің 2 негізгі өрт сөндіру автокөлігімен 12 қызметкер өрт сөндіру жұмысына жұмылдырылды, –&nbsp;Қызылорда облысы ТЖД бастығы Руслан Қайрақбаев.</blockquote>​Апаттар медицинасы орталығы филиалының көлігімен 1 зардап шегуші қауіпсіз аймаққа тасымалданып, «Қазәуеқұтқару» мекемесінің тікұшағы арқылы ауруханаға жедел жеткізілді.​Командалық-штабтық машинаның экипажына интернет байланысы орнатылып, Төтенше жағдайлар министрлігімен және Қызылорда облысы ТЖД-мен аудио-видеобайланыс орнатылып, ақпарат алмасу жұмысы ұйымдастырылды.​Оқу-жаттығуға&nbsp;жедел құтқару жасағының 1 техникасымен 2 кинологиялық есебі, 5 қызметкері қатысып, малшыны іздестіріп, тапты. Апаттар медицинасы орталығының филиалының қызметкерлері өрт сөндіру штабының жанына орналасқан медпункт ішінде зардап шеккендерге алғашқы дәрігерлік көмек көрсетті.​Сонымен бірге азаматтық қорғау қызметтерінің&nbsp;күш-құралдары да ТЖ аймағына келіп, әрқайсысы өз міндеттерін атқарды.&nbsp;Осылайша&nbsp;арнайы топ&nbsp;өртті дер кезінде сөндірді.&nbsp;

Қызылордада «Өрт-2024» РКШОЖ практикалық кезеңі ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық жоғары колледжінде «Шетел тілі» бөлімінің апталығы аясында «Scaffolding»-Тәжірибеге бағытталған тәсілдер-кәсіби құзіретті маман даярлаудың негізі» тақырыбында Облыстық ағылшын тілі мұғалімдері Ассоциациясымен бірге облыстық ағылшын тілі оқытушылары арасында тәжірибе алмасу форматындағы әріптестік кездесу алаңы өтті.&nbsp;Іс-шараға Қызылорда облысы бойынша ағылшын тілі мұғалімдері қауымдастығы мүшелері, Қызылорда облысының Қоғамдық даму басқармасының «Қызылорда облысының тілдерді оқыту орталығы» КММ-нің аударма ісінің маманы Байдилдаева Баян Социалқызы, "Назарбаев Зияткерлік мектептері" ДББҰ, Педагогикалық шеберлік орталығының Қызылорда қаласындағы филиалының аға менеджері, тренер Оспанов Ерболат Тұрсынтайұлы, М.Мәметова атындағы Қызылорда педагогикалық жоғары колледжінің «Шетел тілі» бөлімінің оқытушылары мен студенттері қатысты.Озық педагогикалық тәжірибені ұйымдастыру, зерттеу және қорыту, үздік жетістіктерді насихаттау бағытында жұмыс жасалынған іс-шарада Оспанов Ерболат Тұрсынтайұлы табысты сабақ құпиялары, жоспарлау стратегиялары мен әдістемесін ұштастыра отырып, шеберлік сағатын өткізді, Байдилдаева Баян Социалқызы ағылшын тілінен қазақ, орыс тілдеріне аударма жасаған кезде ескеру керек мәселелер жайлы баяндады, Баймағанбетова Айткүл Сарсенбековна, Түгелбаева Айымжан Түгелбайқызы, Шералы Майгүл Жамбылбековна ағылшын тілін үйретудегі «Team teaching» «командалық оқыту» бағытындағы практикалық жұмыстарды студенттермен бірге жасап, озық тәжірибелерімен бөлісті. Ой-өрісі жаңашыл, шығармашылық деңгейде қызмет ете алатын, дүниетанымы жоғары, білімдік бәсекеге қабілетті, жан-жақты қалыптасқан кәсіби құзіретті маман тәрбиелеу мақсатында кәсіби деңгейде тәжірибе алмасу болды.Сондай-ақ, бөлімнің ШТ-Д-23 және ШТ-М-23 оқу топтарының ата-аналарымен бірлескен “Parents are the best teachers” отбасылық-эстафеталық сайыс өткізілді.&nbsp;Мақсаты - ата-ана-студент-оқытушы арасындағы қарым-қатынасты нығайту мақсатында және спорттың денсаулыққа пайдасы зор екендігін түсіндіру.Салауатты өмір салтын қалыптастыра отыра ептілікке, жылдам, шапшаңдылыққа тәрбиелеу. Сондай-ақ, пән ерекшелігіне дайындықты күшейтуге ықпал ету.&nbsp;Сайыс 4 кезеңнен тұрды:&nbsp;- Таныстыру&nbsp;- Сұрақ-жауап- Кім табады?- Кім тапқыр?Нәтижесінде 1-орынды “Happiness” ШТ-М-23 (Идирисовтер отбасы), 2-орынды “Sensible family” ШТ-Д-23 (Сейдахметовтер отбасы), 3-орынды “Synergy” ШТ-Д-23 (Алдамбергеновтер отбасы) және “Step to Victory” ШТ-М-23 (Орынбасаровтар отбасы) командалары иеленіп, жүлделі орындармен, арнайы сыйлықтармен марапатталды.&nbsp;Фото: aqmeshit-zhastary.kz

Архив