Kyzylorda-news.kz. Журналист Қымбат Досжан бельгиялық отбасы асырап алған Жәнібек Жұмағұловқа (Эдди Жан Савельевқа) қатысты жаңа ақпараттарын бөлісті, деп хабарлады baq.kz.Айтуынша, Бельгиядағы Төтенше және өкілетті елші Марғұлан Баймұханнан хат келген.<blockquote>Хат мазмұнында Жәнібек Жұмағұлов көмек сұрап, Бельгиядағы елшілікке жүгінбегені жазылған. Бұл мәлімет бұған дейін де бізге белгілі еді. Өйткені, Жәнібектің айтуынша, бала 16 жасында асырап алған адамнан бөлек кетіп, кәмелеттік жасқа толғанда тіпті Испанияға кетіп қалған. Сондықтан анасын іздеп, Испаниядан келген еді. Елшілік хатындағы екінші мәлімет: бала асырап алу орталығы өкілінің хабарлауынша, Жәнібектің асырап алынуы асырап алу агенттіктерінің қатысуынсыз, жеке, тікелей болған. Сондай-ақ осы орталықтың өкілі бұл бала кәмелетке толғандықтан, қандай да бір есептерді, ақпаратты сұрауға немесе осыған байланысты қадам жасауға құқығы жоқ дегендей жауап алдық, - деді ол.</blockquote>

Анасын іздеген Жәнібек туралы тың дерек шықты

<a href="https://kyzylorda-news.kz/">Kyzylorda-news.kz</a> &nbsp;Қазгидромет синоптиктері 4 ақпан, жексенбіге арналған ауа райы болжамын жариялады.Қазақстан аумағының басым бөлігінде атмосфералық фронттарға байланысты ауа райының тұрақсыз сипаты сақталады.Синоптиктердің болжамынша қар аралас боран болады. Еліміздің батыс аймақтарында жаңбыр аралас қар түседі.ҚР бойынша тұман шөгіп, жел күшейеді. Батыс аймақтарда көктайғақ болады.Фото: Нұрболат Нұржаубай

4 ақпанға арналған ауа райы болжамы 

Фото: ҮкіметKyzylorda-news.kz. Орталық коммуникациялар қызметіндегі баспасөз конференциясында мемлекеттік қызмет істері агенттігі төрағасының орынбасары Мүксімов Салауат Сыйлыбайұлы министрлер қазақ тілін білу деңгейі сынды талаптар арқылы іріктелмейтінін айтты. Бұл туралы Stan.kz ақпарат агенттігі хабарлайды."А" корпусы, "В" корпусының қызметкерлері де мемлекеттік қызметке кірісу үшін қазақ тілін білу деңгейін тексеретін тест тапсыратынын білеміз. Сонда қазақ тілін білмейтін Алмасадам Сәтқалиев қалай энергетика министрі болып, ал Қанат Шарлапаев өнеркәсіп және құрылыс министрі болып отыр? Олар тестілеуден қалай өтті?" деп сұрады брифингке қатысқан журналистердің бірі.<blockquote>"Осыған байланысты адамдар неге жаңылысатынын түсініп отырмын. Мемлекеттік қызметке үміткерлер тапсыратын тест, яғни іріктеу әкімшілік мемлекеттік қызметкерлерге арналған.Ал саяси қызметкерлерді тағайындау тәртібі басқа. Олар тіл білу деңгейін тексеретін тест тапсырмайды және байқау негізінде іріктелмейді, тағайындалады",- деп түсіндірді ол.</blockquote>Төраға орынбасары бұл сұрақ өзінің құзіретіне кірмейтінін айтты. Десе де тіл білу туралы талап қою қалыпты жағдай екенін атап өтті.<blockquote>"Мемлекеттік қызметкердің саласына қатысты қазақ тілін білу талап етілуі мүмкін. Бұл азаматтармен тығыз байланыста болатын қызметшілер үшін өте маңызды. Себебі азаматтарға сауалы келіп түскен тілде жауап беріледі", – деді ол.</blockquote>

Қазақ тілін білмейтін Сәтқалиев қалай энергетика министрі болды – Мемлекеттік қызмет істері агенттігі жауап берді

<a href="https://kyzylorda-news.kz/">Kyzylorda-news.kz</a> 2024 жылдың 1 қаңтарынан бастап Қазақстанда кәсіпкерлік белсенділік белгілері бар мобильді аударымдар тексеріле бастады. Енді кәсіпкерлер тұтынушылардан банк арқылы ақша аударудың орнына теңгерім толтыруды сұрап жүр. Осыған орай қаржы министрінің орынбасары Ержан Біржанов жаңа төлем схемасын ведомство тексере ме, жоқ па деген сұраққа жауап берді. Бұл туралы Stan.kz ақпарат агенттігі хабарлайды.Орталық коммуникациялар қызметінде өткен брифингте журналистер кәсіпкерлер ұялы телефон теңгерімін толтыруды сұраған жағдайда тексеру қалай жүргізілетінін сұрады.<blockquote>"Мобильді аударымды ұялы телефонға баланс арқылы қабылдау кейбір жеке кәсіпкерлердің ойлап тапқаны болуы керек. Әр клиент оның ұялы телефон нөмірін теруі керек, бұл өте ыңғайсыз. Клиент өзіне ыңғайлы төлем түрін таңдай алады. Өзім клиент ретінде баланс түрінде аударым жасамаймын. Банк картасы немесе QR арқылы төлеймін. Оның үстіне банк картасы немесе QR арқылы жасалған төлемге кешбэк беріледі", – деп түсіндірді вице-министр.</blockquote>Біржанов егер жаңа схема пайда болса, оны қаржы министрлігі тексеретінін айтты.<blockquote>"Егер бұл әдіс ұялы байланыс операторлары арқылы кеңінен таралса, біз мұндай бақылауды жүзеге асыра аламыз", – деді Біржанов.</blockquote>Фото: freepik.webp

Мобильді аударымдар: Кәсіпкерлер жаңа заңды айналып өтудің схемасын ойлап тапқан

<a href="https://kyzylorda-news.kz/">Kyzylorda-news.kz.</a>&nbsp; Волонтерлер оқу әдебиетінің орташа құны 3-тен 8 мың теңгеге дейін екенін анықтадыӘлкей Марғұлан атындағы Павлодар педагогикалық университеті студенттерге құны 31,5 млн теңге тұратын бір дана әдеби кітап сатып алуды жоспарлаған, деп хабарлады &nbsp;Ulysmedia.kz сайты.Бұл туралы облыс бойынша Сыбайлас жемқорлыққа қарсы қызметтің волонтерлері мемлекеттік сатып алу порталын мониторингтеу барысында анықтаған.Волонтерлер оқу әдебиетінің орташа құны 3-тен 8 мың теңгеге дейін екенін анықтады.Тапсырыс берушінің атына хат жолданғаннан кейін сатып алу қайта қаралады.Фото: Нұрболат Нұржаубай

ЖОО бір кітапты 31,5 млн теңгеге сатып алмақ болған

<a href="https://kyzylorda-news.kz/">Kyzylorda-news.kz</a> Қызылордада алаяқтық жасады деген күдікті ұсталды. Ол қазақстандықтарды 3 миллиард теңгеге алдады.Бас прокуратураның баспасөз қызметінен хабарлағандай, 30 қаңтарда Қызылордада азамат Р.К. Қаржауов ұсталды. Тергеу ер адамның 2021-2022 жылдары басқа адамдармен сөз байласып, азаматтарға жалған автокредит рәсімдегенін анықтады.<blockquote>"Барлығы 235 адам зардап шекті, шығын 2,9 миллиард теңгені құрады. Тергеу барысында Қаржауов жасырынып, іздеу жарияланды. Қазір Қаржауов Қызылорда қаласының тергеу изоляторына қамалды", - деп хабарлады</blockquote>Бас прокуратура. Айта кетейік, Қазақстанда аса ірі мөлшерде алаяқтық жасағаны үшін мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, 10 жылға дейінгі мерзімге бас бостандығынан айыру түріндегі жаза қарастырылған.Фото: Нұрболат Нұржаубай

Қызылордада 235 қазақстандықты алдап кеткен алаяқ ұсталды

Фото:turkystan.kzБелгілі композитор Алтынбек Қоразбаев жастық шағында &nbsp;өнердегі әріптесі Мақпал Жүнісоваға ғашық болғанын &nbsp;және ән арнағанын жасырмады, деп хабарлайды turkystan.kz.<blockquote>«Мен шын ғашық болсам, ұрып-жығатын қасиетім бар. Әзіл-шыны аралас, Мақпалға ғашық болғаным рас. Қуыршақтай қыз еді. Осыдан 33 жыл бұрын «Мәңгілік махаббатым» деген әнді Әбдірахман Асылбекке жаздырдым. 21 жастағы Мақпал сол әнді орындаған. Қыз күнінде салмағы 50 келіге де жетпейтін. Алақанға салып, көтеріп тұруға келетін, шынашақтай қыз еді. Бірақ жүрегі кең, өнерге тазалығы көрініп тұратын. «Гүлдерде» дүркіреп тұрған кезінде ұнатқаным бар. Бірақ жүректі ғашық болдым деп бөле алмайсың. Заманбек Нұрқаділовке тұрмысқа шыққасын жеңге болды. Қазір ағамыздың көзі кеткесін ол мені «аға» деп жүр», – деп әзілдеді композитор.</blockquote>Мақпал Жүнісова де бұл сөзді растап, аталмыш оқиға туралы айтқан еді.<blockquote>«Ертеректе, 20 жас кезімізде Алтынбек ағам ән ұсынған еді. «Мен саған ғашықпын» деп сол кезде айтатын. Бірақ жеңгемізден қорықты ма, жақындай алған жоқ. Сырттай ғашықпын деп жүретін. Сол кезде «Мәңгілік махаббатым» деген әнді саған арнадым» деп алып келгені есімде. Қазір жеңгеміз қызғанбайтын шығар деп ойлаймын. Мен 60-қа келдім, ол кісі 75-ке келді», – деп күлді Мақпал Жүнісова.</blockquote>

Алтынбек Қоразбаев Мақпал Жүнісоваға ән арнаған

<a href="https://kyzylorda-news.kz/">Kyzylorda-news.kz.</a>&nbsp;&nbsp; Облыс әкімі Нұрлыбек Нәлібаевтың төрағалығымен аудандардың даму жоспарын қарау жөніндегі кеңес отырыстары жалғасуда. Бүгінгі кеңесте Шиелі ауданының алдағы даму бағыты, жүзеге асырылатын жобалар талқыланды. Аудан әкімі Нұржан Ахатов ұсынған әр жобаның тиімділігі талқыланып, жүзеге асыру жолдары қаралды.Аймақ басшысы жыл қорытындысында Шиелі ауданының әлеуметтік-экономикалық дамуында қандай өзгерістер болғанын, әр саланың жетістіктерін, мәселелерді атап өтті.<blockquote>«Негізгі макроэкономикалық көрсеткіштерді сараласақ, Шиелі ауданының өсу динамикасы тұрақты деңгейде сақталды. Негізгі капиталға салынған инвестициялар 47,9 млрд. теңгені құрады. Бюджет қаражаты 99,8 % игеріліп, Шиелі аудандар бөлінісінде 3-орынға тұрақтады. Өз кірісі 2022 жылы 4,5 млрд. теңге болса, 2023 жылы 5,4 млрд. теңгеге өскен. Бұған дейін атқарылған жұмыстарды әрі қарай да жүйелі жалғастыру керек», – деді Нұрлыбек Машбекұлы.</blockquote>Н.Ахатовтың айтуынша, Шиелі ауданының бюджеті 2024 жылға трансферттер мен кредиттерді қоса алғанда 14 млрд. 977 млн. теңге болып бекітілді. Өз кірістері – 4 млрд. 229 млн., субвенция – 4 млрд. 263 млн., трансферттер – 5 млрд. 635 млн., кредиттер – 850 млн. теңге. Барлық кірістерінің 28,2 пайызын өз кірістері, 29 пайызын субвенция, 37,6 пайызын трансферттер, 5,2 пайызын несиелер құрайды.Кеңесте ұсынылған жобалар жан-жақты талқыланып, облыстық басқарма басшылары пікір білдірді. Жүзеге асатын мемлекеттік бағдарламалар, құрылыс, инфрақұрылым, жол құрылысы, кәсіпкерлік салаларының ел игілігіне айналатын жобаларының маңызы зор. Айтылған мәселелер мен ұсыныстар хаттамаға түсіріліп, тиісті жұмыстар жүргізіледі.Жиынды қорытындылаған аймақ басшысы 2023 жылдың IV тоқсанында қоғамдық-саяси ахуалды зерделеу барысында тұрғындар тарапынан көтеріліп жүрген мәселелерді атап өтті. Мұнан бөлек, Қарғалы, Қоғалы ауылдық округтері тұрғындарының кентке қатынауы біраз жылдан бері шешімі табылмай келеді. Қалқымалы көпірдің қыс мезгіліндегі жай-күйіне байланысты жолаушылар айналма жолмен жүруге мәжбүр. Аудан әкіміне аталған мәселелерді қатаң бақылауға алып, тиісті шара қабылдау тапсырылды.

Шиелі ауданының бюджеті 15 млрд теңгеге жуықтады

Kyzylorda-news.kz. 2024 жыл Жаңақорған ауданы үшін инвестициялық жобалар жылы болмақ. Өйткені, биыл бұл аймақта жылына 3,5 мың тонна құс етін өндіретін “Абдулла” шаруа қожалығының құс фабрикасын іске қосу жоспарлануда. Қазіргі таңда өндіріс орнының құрылыс жұмыстары қарқынды жүруде. Бұл туралы Өңірлік коммуникациялар қызметінде өткен брифингте Жаңақорған ауданының әкімі Мұрат Тлеуімбетов хабарлады.- Бұл құс фабрикасы іске қосылса облыс халқы тұтынатын құс етінің 33 пайызын қамтитын болады. Аталмыш өндіріс орны іске қосылған жағдайда 120 адам жұмыспен қамтылады. Сонымен қатар, биыл “Шалқия Цинк ЛТД” АҚ-ның жылдық қуаты 4,0 млн тонна кен байыту фабрикасын салу да жоспарлануда. Бұл жоба 1 540 адамды жұмыспен қамтуға қауқарлы. Одан бөлек, аудан экономикасының өркендеуіне үлкен үлес қосып отырған бірнеше кәсіпорындар бар. Өндіріс орындары заман талабына сай жаңа технологиялармен жабдықталған. Сондай-ақ, 2025 жылы ауданымызда қуаты 24 мың тоннаны құрайтын томат пастасын өндіретін “Қызылорда AGROPlus” ЖШС-нің зауытын іске қосу жоспарланса, “Майнинг Консалт Ко” ЖШС-нің полиметалл кендерін өндіру және қайта өңдеу жөніндегі тау-кен байыту комбинаты 2028 жылы өз жұмысын бастайды, - деді Мұрат Жолкелдіұлы.@Қызылорда облысының Өңірлік коммуникациялар қызметі

Жаңақорғанда инвестициялық жобалар жүзеге асырылуда 

<a href="https://kyzylorda-news.kz/">Kyzylorda-news.kz.</a>&nbsp;&nbsp; Облыс әкімі Нұрлыбек Нәлібаевтың төрағалығымен Шиелі ауданының даму жоспары қаралған кеңесте аудан әкімі Нұржан Ахатов биыл 5 млрд. 635 млн. теңгенің 28 жобасына қаржы бөлінгенін айтты.Былтыр Шиелі ауданында халықпен кездесу кезінде аяқ су, электр желілері және жедел жәрдем көліктерінің ескілігі жөнінде мәселелер қозғалған еді. Аяқ суға байланысты депутаттар, шаруашылық төрағалары, өндіріс орындары басшыларымен бірлесіп, демеушілік арқылы біршама жұмыстар атқарылды.Табиғи ресурстар және табиғат пайдалануды реттеу басқармасы арқылы облыстық бюджеттен 6 млн. 200 мың теңге бөлініп, Шиелі кентіндегі «Базар арығы» каналын күрделі жөндеуді аяқтауға сараптама қорытындысы шыққан. Каналдың ұзындығы 8400 метр, 2016 жылы 2886 метріне темір-бетонды науа (лоток) салынған. Мұнан бөлек, 62 тік дренажды ұңғыманың бірінші кезекте іске қосуды қажет ететін 24-іне жоба-сметалық құжат дайындап, қаржыландыру ұсынылды.Шиелі кентіндегі электр желілерін қайта құрылымдаудың І кезеңіне былтыр 100 млн теңге, биыл 619 млн теңге қаржы қаралып, тозығы жеткен трансформаторлар мен желілер ауыстырылуда. Жоба толық аяқталғанда, аудан орталығының электр желілерінің 42 пайызы жаңаратын болады.Кенттің электр желілерін қайта құрылымдаудың ІІ кезеңін жүзеге асыру үшін демеушілікпен жоба-сметалық құжат әзірленіп, сараптамадан өткізілуде. Екі кезең толық біткенде 38 мың тұрғын электр энергиясын үздіксіз тұтынады. Сонымен қатар, қосалқы станцияны қайта жаңғыртуға Ұлттық қордан 1,5 млрд теңге бөлініп, мемлекеттік сатып алу жұмыстары жүргізілуде. «Ауыл – ел бесігі» жобасы аясында Бидайкөл, Жиделіарық, Ә.Тәжібаев ауылдарының сыртқы электрмен қамту желілерінің құрылысына республикалық бюджеттен 153 млн. теңге бөлінді.Мұнан бөлек, аудан әкімі 9 елді мекеннің (Алмалы, Бестам, Ақмая, Байсын, Тұрсынбай датқа, Бәйгеқұм, Жөлек, Ш.Қодаманов, Ы.Жақаев) электр желілерін жөндеуге демеушілер көмегімен жоба-сметалық құжат әзірленгенін айтты. Сараптамадан өткізілген жобаға қаржы бөлуді сұрады. Баяндама соңында ауданның өзекті мәселелерінің бірі ретінде арнайы автокөлікпен қамту жайын да қозғады.

Шиелі ауданында 28 жобаны жүзеге асыру ұсынылды

Фото: Н.Нұржаубай<a href="https://kyzylorda-news.kz/">Kyzylorda-news.kz.</a>&nbsp;&nbsp; "Қазгидромет" РМК мамандары Zakon.kz тілшісіне Қазақстанда алдағы үш күнде – 2024 жылдың 3-5 ақпанында ауа райы қандай болатынын айтып берді.Болжам бойынша, демалыс күндері Қазақстан бойынша синоптикалық жағдайды Скандинавияның солтүстігінде орналасқан Атлантикалық циклон анықтайды.<blockquote>"Елдің басым бөлігінде қарлы боранмен, екпінді жел және көктайғақ, әр түрлі фазаларда бұлттылық пен ошақты жауын-шашын болады... Атлантикалық циклон да республиканың барлық дерлік аумағында температураның біртіндеп көтерілуіне себеп болады"."Қазгидромет" РМК баспасөз қызметі</blockquote>Синоптиктердің айтуынша, республиканың оңтүстік облыстары ғана "антициклонның қорғауында әлі де болса, ауа райы негізінен жауын-шашынсыз сақталады".Бұған дейін "Қазгидромет" РМК мамандары Қазақстандағы су тасқынының алдын ала болжамын ұсынған болатын.

Демалыс күндеріне арналған ауа райы болжамы 

<a href="https://kyzylorda-news.kz/">Kyzylorda-news.kz.</a>&nbsp; Бірыңғай жинақтаушы зейнетақы қоры «Ұлттық қор&nbsp;—&nbsp; балаларға» жобасы бойынша бала шотына түсіп жатқан сома туралы түсінік берді, деп хабарлайды <a href="https://kaz.inform.kz/news/bzhzk-ulttik-kordan-audarilgan-100-dollar-turali-bul-tek-algashki-esepteu-33dc72/">ҚазАқпарат</a>.«Ұлттық қор&nbsp;— балаларға» бағдарламасы бойынша алғашқы нысаналы талаптар мен нысаналы жинақтар түсті.<blockquote>«Ұлттық қор&nbsp;— балаларға» бағдарламасы бойынша БЖЗҚ-ға алғашқы нысаналы талаптар (18 жасқа дейінгі балаларға) есептелініп, нысаналы жинақтау шоттарына алғашқы нысаналы жинақтар (2024 жылы 18 жасқа толатын балаларға) түсті. 2024 жылдың 1 қаңтарынан бастап бағдарламаға 2023 жылдың соңындағы жағдай бойынша кәмелетке толмаған, Қазақстан азаматы болып есептелетін барлық балалар қатысушы ретінде тіркелді»,&nbsp;— деп жазылған қордың ресми сайтында.</blockquote>Ресми мәлімет бойынша, бағдарламаға қатысушылардың жалпы саны — 6 919 131 бала (қоса алғанда, 01.01.2006 ж. бастап 31.12.2023 ж. дейін туылған балалар). Оның ішінде 304 815 қатысушы 2024 жылы 18 жасқа толады (қоса алғанда, 01.01.2006 ж. бастап 31.12.2006 ж. дейін туылған балалар).<blockquote>«Олардың барлығына өткен жыл үшін Қазақстанның Ұлттық қорынан 100 АҚШ доллары және 52 центі мөлшерінде бірдей сома есептелді. Бұл тек алғашқы есептеулер екенін түсіну маңызды! Жыл сайын бұл сома Ұлттық қор активтерінің өсуі және инвестициялық кіріс алу есебінен ұлғайып отырады. Бұдан бөлек, есептелген қаражат Ұлттық қордың валюталық активтерінің құрамында инвестициялануын жалғастырады және бағдарламаға қатысушы балаларға олар 18 жасқа толғанға дейін қосымша инвестициялық кіріс әкеледі»,&nbsp;— делінген БЖЗҚ мәліметінде.</blockquote>Ал&nbsp;18 жасқа 2024 жылы толатын балаларға аталған сома олардың БЖЗҚ-да автоматты түрде ашылған нысаналы жинақтау шоттарына түсуі керек. Олар биылдан бастап жинақтарын тұрғын үйге немесе білім алуға кәмелетке толғаннан кейін бірден пайдалануға құқылы.Нысаналы жинақтарды кәмелетке толған азамат <a href="https://enpf.kz/kz/">enpf.kz</a> сайтындағы өзінің жеке кабинетінде, БЖЗҚ-ның ұялы қосымшасында немесе <a href="https://egov.kz/cms/kk">egov.kz</a> порталында өз бетінше тексере алады.Фото: Нұрболат Нұржаубай

Қазақстан және Қызылорда облысының жаңалықтары