<a href="https://kyzylorda-news.kz/">Kyzylorda-news.kz</a> “КСМ” темір-бетон шығаратын өндіріс орны 1969 жылы қызметін бастаған. Бүгінде өндіріс түгел заманауи құрылғылармен жабдықталған. 200-ден астам темірбетон бұйымдарын шығаратын серіктестік өніміне сұраныс жоғары. Жалпы өндірілетін өнімдер қатарында көп бөлімді жабын және таспалық фундамент тақталары, қабырға блоктары, темір-бетон маңдайшалар, дөңгелек темір-бетон шеңберлері бар.Өңірдегі көпқабатты тұрғын үйлерде және көпір, гидротехникалық ғимараттар құрылысында осы өндірістің қолтаңбасы бар.<blockquote>- Зауыттың материалдық-техникалық базасы да жыл өткен сайын жаңарып, бәсекеге қабілеті артып келеді. Құрылғылардың басым бөлігі Ресейден келді. Жұмысшылардың 30 пайызын құрайтын қыз-келіншектер - технолог, инженерлік-техникалық құрам, кранның барлығын жетік меңгерген. Жұмыстары өте тиянақты. Ерлермен тең дәрежеде иық тірестіріп, еңбек етуде. Нәзік жандыларымыз нәтижелі жұмыстар атқаруда. Біздің өнімдерге Ақтау мен Атыраудан сұраныс көп түседі. Сондай-ақ қаладағы құрылысы қызған жұмыс орындарын да қамтып отырмыз. Сұраныс түссе, біздігі қызметкер еңбек етуге әзір,- деді Аманбай Жұмабеков.</blockquote><img src="https://knadmin.beoblood.kz/uploads/K_sipkerlik_7_2e711acf8d.jpg" alt="Кәсіпкерлік 7.jpg">Фото: Қызылорда облысының өңірлік коммуникациялар қызметі

Жергілікті кәсіпорынның жұмысы жүйелі

<a href="https://kyzylorda-news.kz/">Kyzylorda-news.kz</a> 2023 жылы құрылған Су ресурстары және ирригация министрлігі 2030 жылға дейінгі су саясатының негізгі бағыттарын әзірледі. Сондай-ақ, су инфрақұрылымын жаңғырту, су үнемдеу технологияларын енгізу және су мамандарын даярлау бойынша кешенді жұмыстар жүргізіп келеді.<img src="https://knadmin.beoblood.kz/uploads/Whats_App_Image_2025_04_18_at_18_05_55_1_97a0117790.jpeg" alt="ашық сабақ.jpeg">Министрлік қоғамда суды үнемді пайдалануға бағытталған мәдениетті қалыптастыруға ерекше мән беріп отыр.Қазақстан Республикасы Су ресурстары және ирригация министрлігінің бастамасымен еліміздің жалпы білім беретін мектептерінде су ресурстарын сақтау және үнемдеу мәдениетін қалыптастыруға бағытталған «Суды үнемде – болашақты сақта» атты ашық сабақ өтті.Ашық сабақтың басты мақсаты – жас ұрпақтың экологиялық сауаттылығын арттыру, суды үнемді пайдалану дағдысын қалыптастыру.<img src="https://knadmin.beoblood.kz/uploads/ashy_saba_35dbb38e4d.jpeg" alt="ашық сабақ.jpeg">Іс-шараның салтанатты ашылуы Абай атындағы үш тілде оқытатын дарынды балаларға арналған мамандандырылған сыныптары бар мектепте ұйымдастырылып, оған 6-11 сынып оқушылары мен ұстаздар қатысты.&nbsp;Ал, облыстың бірнеше аудандарындағы мектептер аталған ашық сабаққа онлайн форматта Zoom платформасы арқылы қашықтан қосылып, белсенді&nbsp;атсалысты.Мектеп директоры Айгүл Өткелбаева судың табиғаттағы және адам өміріндегі маңызын атап өтті.Ашық сабақ&nbsp;Қазақстанның барлық облыстарында ҚР Су ресурстары және ирригация министрлігі, ҚР Оқу-ағарту министрлігі, жергілікті білім басқармаларының қолдауымен &nbsp;жүзеге асуда.Сабақ барысында&nbsp;ҚРСу ресурстары және ирригация министрлігі Су ресурстарын реттеу, қорғау және пайдалану комитетінің төрағасы Сейілбек Нұрымбетов оқушыларға еліміздегі су ресурстарының жағдайы туралы ақпарат беріп, суды үнемдеудің тиімді жолдарын ұсынды. Сонымен қатар оқушылар «Су -тіршілік&nbsp;көзі» атты бейнероликті тамашалап, сұрақ-жауап,&nbsp;пікір алмасу бөліміне белсене қатысты.<img src="https://knadmin.beoblood.kz/uploads/Whats_App_Image_2025_04_18_at_18_05_54_1_ca9597e2dd.jpeg" alt="WhatsApp Image 2025-04-18 at 18.05.54 (1).jpeg">&nbsp;

Суды үнемде – болашақты сақта

<a href="https://kyzylorda-news.kz/">Kyzylorda-news.kz</a> «Вега Пром» өндірістік мекемесі 2014 жылы құрылған. Кәсіпорын қазіргі таңда құрғақ құрылыс қоспаларын өндірумен айналысып, нарықта 10 жылдан аса жұмыс жасап келеді. Өз бизнесін ашу үшін кәсіп иесі «Бизнестің жол картасы 2020» мемлекеттік бағдарламасын пайдаланып, қазіргі уақытта цехта күніне 70 тоннадан астам өнім өндіріледі. Бүгінде 20 адамды жұмыспен қамтып отыр. Жергілікті өнімдерге күмәнмен қарайтындар көп. Дегенмен, бұл өндіріс орнының тірлігі тиянақты.<blockquote>- Мұнда құрғақ құрылыс қоспасының 11 түрі шығарылады. Олар кафель желімі, «R 12 PLUS» желімі, «Тамшы» және «Ақ тамшы» сәндік сылағы, «Вега-пром» құйылмалы едені, «2в1» және «G12PLUS» гипс жабыны, «BELKOL» гипс сылағы. Сұраныс көп болса жұмыс тоқтамайды. Бізде қыс айында демалыс болады. Тұрақты сұраныс болып тұрса, 1-2 ай демалыстан соң қызу тіршілікке кірісіп кетеміз. Өнімдеріміз қаладан бөлек, аудандарды да толық қамтып отыр,- деді мекеме басшысының орынбасары Асылхан Шәмші.</blockquote><img src="https://knadmin.beoblood.kz/uploads/K_sipkerlik_5_9a2733d953.jpg" alt="Кәсіпкерлік 5.jpg">Фото: Қызылорда облысының өңірлік коммуникациялар қызметі

Тиянақты істің жемісі

<a href="https://kyzylorda-news.kz/">Kyzylorda-news.kz</a> «Садуақасов» жеке кәсіпкерлігі 2006 жылы құрылған. Сол жылдан бастап темір жол тұйығын жалға берумен айналысып келеді. 2014 жылдың қаңтар айында Ресей елінен «Монолит Сервис»мекемесінен «Лидер Мастек» вибропресстелген өнімдер шығаратын зауытын өз қаражаттарына сатып алған. 2015 жылы зауытты іске қосып, алғашқы вибропресстелген өнімдерін шығаруды бастады. Сонымен қатар вибростолдағы Евро брусчатка шығарумен де айналысады.<img src="https://knadmin.beoblood.kz/uploads/k_sipkerlik_3_29a64c6273.jpg" alt="кәсіпкерлік 3.jpg"><blockquote>- Тапсырыс көбейіп,сұраныстың артуына байланысты 2021 жылдың сәуір айында автоматтандырылған «Рифей-Буран» зауытын да іске қосты. Аумағы 1,8 га болатын өндірістік орында орналасқан жабдықтарда құрылыс материалдары өндіріледі. Өндіріске жылына 10 000 тонна қиыршық тас, 2000 мың тонна цемент қолданылады. Кәсіпкерліктің жұмысын жүйелеуге 30 адам жұмылдырылған. Қазір мұндай өнімдер шығарудан жалпы республикада Қызылорда мен Түркістан облыстары алда тұр. Біздің өнімдерге Жезқазғаннан көп сұраныс түседі. Сонымен қатар қала ішіндегі құрылыс болып жатқан орындарды қамтып отырмыз,- деді мекеменің сатушы менеджері Айбек Сембаев.</blockquote><img src="https://knadmin.beoblood.kz/uploads/k_sipkerlik_2_e01f7337ee.jpg" alt="кәсіпкерлік 2.jpg">Фото: Қызылорда облысының өңірлік коммуникациялар қызметі

Қызметі ілгері кәсіпорын

<a href="https://kyzylorda-news.kz/">Kyzylorda-news.kz</a> Қызылорда облысында калифорниялық қалқанша сымыры мен қауын шыбыны, карантиндік арамшөп - кекіре мен сарышырмауық зиянкестер таралған. Бұл туралы өңірлік коммуникациялар қызметінің ақпарат алаңында Агроөнеркәсіптік кешендегі мемлекеттік инспекция комитеті Қызылорда облыстық аумақтық инспекциясының басшысы Мұхтар Оразбаев мәлімдеді.Биыл жасалған зерттеу жұмыстарының нәтижесімен 2025 жылы жатаған у кекіреге қарсы – 97,5 га қауын шыбынына қарсы 1750 га калифорниялық қалқанша сымырына қарсы – 34,5 га арамсояуға қарсы – 427,87 га жерге өңдеу жұмыстары жүргізілмек.<blockquote>«Облыс аумағында зиянды және ерекше қауіпті зиянды организмдер мен карантиндік объектілерге қарсы күресу шараларын ұйымдастыру және үйлестіру жұмыстарын жүргізу жөнінде жұмыс тобының құрамы бекітілді. Жол картасына сәйкес, маусымдық кезеңде облыс көлемінде шегіртке зиянкестерімен күрес шараларын ұйымдастыру-үйлестіру жұмыстарын жүргізуге 4 жұмысшы топ жұмылдырылады. Жалпы облыс аумағында үйірлі шегіртке зиянкестеріне қарсы жүргізілетін қүресу шараларына 324 адам қатыстырылады. Оның ішінде жергілікті бюджет қаражаты есебінен маусымдық жұмысқа 230 зерттеуші маман тартылмақ. Қазіргі уақытта жоспарына сәйкес, болжам әдістемелік орталығы шегрітке зиянкестерінің қыстап шыққан күбіршектеріне көктемгі мониторинг жұмыстарын жүргізіп жатыр», - деді Мұхтар Әуесұлы.</blockquote>Фото: Қызылорда облысының өңірлік коммуникациялар қызметі

Өсімдіктерді зиянкестерден қорғау маңызды

<a href="https://kyzylorda-news.kz/">Kyzylorda-news.kz</a> Биыл эпидемиологиялық мерзім басталғалы Қызылорда қаласында кенеден зардап шегіп, медициналық көмекке 45 адам жүгінді. Бұл өткен жылдың осы кезеңімен салыстырғанда 40%-ға жоғары.Қызылорда қаласы Конго-Қырым геморрагиялық қызбасының табиғи ошағында орналасқан. Сондықтан жыл сайын эпидемиологиялық маусымда аурудың алдын алу, залалсыздандыру жұмысы күшейтіледі.&nbsp;<blockquote>– Қала бойынша 8 елді мекен қолайсыз деп танылды. Өткен жылы олардың саны 12 болатын. Көктемгі эпидмаусымда 407 гектар аумақ залалсыздандырылады, — деді ұлттық сараптама орталығы Қызылорда облысы бойынша филиалының директоры Фарида Ыдырысқызы.</blockquote>Дезинфекция жұмысының алғашқы кезеңі 9-21 сәуір аралығында, екінші кезеңі 18-30 сәуір аралығында жүргізіледі.&nbsp;<blockquote>– Өткен жылы Конго-Қырым геморрагиялық қызбасының 6 жағдайы тіркелді. Оның 3-і клиникалық және зертханалық тұрғыда расталды, — деді Қызылорда қалалық санитариялық — эпидемиологиялық бақылау басқармасы басшысының міндетін атқарушы Бейбіт Бидаш.</blockquote>2024 жылы облыс бойынша 115 елді мекен қолайсыз деп танылса, биыл олардың саны 111-ге азайды. Биыл 9 сәуірде кенеге қарсы залалсыздандыру жұмысы басталады.Фото: pixabay

Қызылордада кене шаққан 45 адам медициналық көмекке жүгінді

<a href="https://kyzylorda-news.kz/">Kyzylorda-news.kz</a> Елімізде Қоғамда заң және тәртіп идеологиясын ілгерілету жөніндегі 2025-2030 жылдарға арналған тұжырымдама бекітілді. Тиісті қаулыны Үкімет қабылдады.Құжат қоғамда құқықтық мәдениет деңгейін нығайтуға және азаматтардың заңдарды сақтау маңыздылығын түсінуіне бағытталған.Атап айтқанда, Тұжырымдама қоғамдағы құқықтық мәдениеттің қазіргі жағдайын талдауға негізделген заң мен тәртіп идеологиясын ілгерілету көзқарасын айқындайды. Тұжырымдаманы әзірлеу барысында халықаралық тәжірибе де ескерілді.Құжат құқықтық тәртіпті сақтауға, сыбайлас жемқорлық пен «көлеңкелі» әрекеттерге теріс көзқарас қалыптастыруға белсенді азаматтық қатысуды көздейді.Бүгінде елімізде «Халық үніне құлақ асатын мемлекет» тұжырымдамасының негізгі элементі саналатын заң мен тәртіп қағидаттарын нығайтуға бағытталған реформалар белсенді түрде жүргізілуде. Аталған жұмыс әрі қарай да жалғасын табады.Тұжырымдаманың негізгі бағыттарын жүзеге асыру нәтижесінде қоғамда заңның үстемдігі туралы хабардар ету деңгейін арттыру көзделіп отыр. Аталған жұмыс шеңберінде заңнаманы&nbsp; одан әрі жетілдіру ісі жалғасады. Құжат азаматтардың құқықтық сауаттылығын арттыруға және сот төрелігіне қолжетімділікті әрі қарай да қамтамасыз етуге бағытталған іс-шараларды іске асыруды көздейді. Азаматтардың құқықтық сауатын арттыру және осы білімін тәжірибеде қолдану мақсатында оқыту іс-шараларын ұйымдастыру жоспарлануда. Атап айтқанда, студенттерге құқықтық білім беру тәжірибесін енгізу нақты жағдайларда құқықтық білімді тиімді қолдану қабілетін дамытуға бағытталған оқытудың түрлі формаларына белсенді қатысуды қамтиды.Құқық бұзушылықтардың алдын алуға және халыққа қызмет етуге; мемлекет пен қоғам ынтымақтастығының жаңа құралдарын енгізуге баса назар аудара отырып, мемлекеттік органдар ашықтығы мәдениетін қалыптастыруға, азаматтар үшін заманауи цифрлық қызметтерді іске қосуға, атап айтқанда, еGOV ашық деректерінің электронды үкімет функционалдығын дамытуға, сатып алуларға қоғамдық мониторинг жүргізуге бағытталған және басқа да мемлекеттік және құқық қорғау органдары қызметінің сервистік моделі тиімділігін арттыру жөніндегі шаралар көзделеді. Бұл жұмысты атқаруға НҚА белсенді түрде қатысады.&nbsp;Сонымен қатар кадр саясатын реформалау, полиция қызметкерлерін біліктілікті арттыру курстары, оқу-әдістемелік жиындарды өткізу арқылы даярлау, меритократия қағидатын нығайту, «soft skills» дамыту, сондай-ақ материалдық-техникалық жарақтандыруды жаңғырту жалғастырылады.&nbsp;Ауқымды деректерді өңдеу үшін жасанды интеллектіні пайдалана отырып, ІІМ ситуациялық-талдау орталығының функцияларын кеңейту көзделеді: камералардан түсетін бейнеағын (бет әлпет пен нөмірді тану), әлеуметтік желілер (қауіп-қатерді бақылау), қылмыстық статистика (қылмыс ошақтарын болжау); жедел қызметтерді, дәлелдемелерді автоматты түрде салыстыру және тергеушілердің шешім қабылдауын қолдау бағдарламаларымен жабдықтау, сондай-ақ тергеушілерді ЖИ құралдарымен, тергеудің жаңа тактикаларымен (профайлинг, жауап алу әдістері, цифрлық криминалистика) жұмыс істеуге оқыту. Көрші мемлекеттермен бірлесіп, трансұлттық қылмысқа қарсы күресті ұйымдастыру және ақпарат алмасу жоспарланып отыр.&nbsp;Кешенді шаралар қабылдау нәтижесінде қоғамда заңдылық пен құқықтық тәртіпті сақтауда оң өзгеріс қалыптасып, заңдарға үстірт қараудан жауапты әрі саналы көзқарасқа ауысады деп күтілуде. Қоғамдағы әрбір азамат басқа адамдардың құқықтарын құрметтеп қана қоймай, құқықтық тәртіпті белсенді түрде сақтайды, бұл жалпы тәртіптің жақсаруына әкеледі.&nbsp;Бұдан бөлек, қабылданған шаралар нәтижесінде халықтың мемлекеттік және құқық қорғау органдарына деген сенімін нығайтады деп күтілуде. Жалпы, мұның бәрі құқық бұзушылықтар санының төмендеуіне, азаматтарға қызмет көрсету сапасының жақсаруына, экономикалық тартымдылық пен инвестициялық ортаның жақсаруына әкелуі тиіс.Фото: primeminister.kz

Елімізде заң мен тәртіп идеологиясын ілгерілету жөніндегі тұжырымдама бекітілді

<a href="https://kyzylorda-news.kz/">Kyzylorda-news.kz</a> Отан үшін отқа түскен жауынгерлерімізді жыл сайын еске алып, олардың руғына тағзым ету – кейінгі ұрпақтың басты парызы.Бүгін Ұлы Жеңістің 80 жылдығына және Таулы Қарабақтағы этносаралық қақтығыстарға қатысушы Кеңес әскері сарбаздарының шығарылғанына 34 жыл толуына орай И. Әбдікәрімов атындағы жоғары аграрлық колледжде тағылымды кездесу өтті.Қалалық қоғамдық даму бөлімі басшысы Айдын Қайруллаев биыл Ұлы Жеңістің 80 жылдығы аясында қала көлемінде ұйымдастырылып жатқан шараларға тоқталып, 150 мың қызылордалық Ұлы Отан соғысы майданына аттанғанын, 30 мыңнан астам жерлестеріміздің майдан даласында ерлікпен қаза тапқанын атап өтті. “Майдангерлердің қатары жыл сайын азайып, бүгінде олардың екеуі – қазалылық Тілеуберген Тобабергенов пен сырдариялық Яхия Тасыров аман-есен арамызда. Осы ардагерлерімізге ұзақ ғұмыр тілей отырып, ерлігіне бас иеміз” деді.Ұлы Отан соғысындағы ата-бабаларының көрсеткен өжеттігін, ерлігін қайталай білген Қазақстан жауынгерлері 1986–1991 жылдар аралығында Таулы Қарабақ аймағындағы қақтығыстарға қатысып, өз азаматтық борыштарын абыроймен өтеген. Қызылорда қаласынан бұл соғысқа 200-ден астам азамат аттанып, олардың бірқатары жарақат алған, бүгінде 120-ға жуық ардагер арамызда. Олар – өз заманында интернационалдық борышын адал атқарған, от пен оқтың ортасында ерлік көрсеткен нағыз батырлар.Шара барысында ардагерлер майдангерлер ерліктерін айта отырып, өз естеліктерімен бөлісті. Ерлік пен достықтың, бауырмалдықтың қандай болатынын бүгінгі жас ұрпаққа үлгі етті. "Қызылорда облысы бойынша Таулы Қарабақтағы этносаралық қақтығыстарды реттеуге қатысқан ұрыс қимылдарының ардагерлері" қоғамдық бірлестігінің төрағасы Болатбек Төлегенов, Таулы Қарабақ қақтығысының ардагерлері Арман Бимағанбетов, Бақытжан Байменов және өзге де кездесуге қатысушылар жастарға өз елін, Отанын қорғау - әр азаматтың қасиетті борышы екендігін түсіндіріп, өмірлік ақыл-кеңестерін берді.Сонымен қатар, патриоттық өлеңдер оқылып, соғыста қаза тапқан жауынгерлерді еске алу үшін бір минут үнсіздік жарияланды.Ардагерлерге алғыс білдіріліп, құрмет көрсетілді. Мұндай шаралар – өскелең ұрпақтың бойына отансүйгіштік пен ерлік рухын сіңіруге бағытталған маңызды қадам.<img src="https://knadmin.beoblood.kz/uploads/Zhe_is_80_zhyldy_zhiyn_97777be964.jpg" alt="Жеңіс 80 жылдық жиын.jpg">

Ешкім де, ешқашан да ұмытылмайды

<a href="https://kyzylorda-news.kz/">Kyzylorda-news.kz</a> Әр жылдың 18 сәуірінде әлем жұртшылығы Халықаралық ескерткіштер мен тарихи орындарды қорғау күнін атап өтеді. Бұл күннің басты мақсаты – адамзаттың ортақ мұрасы болып саналатын тарихи ескерткіштер мен мәдени нысандарды сақтау мен қорғаудың маңыздылығына қоғам назарын аудару. Мәдени мұра – әрбір халықтың тарихы мен рухани байлығын айғақтайтын құндылық. Сондықтан бұл күннің халықаралық деңгейде атап өтілуі тегін емес. Атаулы күн қарсаңында облыстық тарихи және мәдени ескерткіштерді қорғау жөніндегі КММ басшысы Ерғазы Алданазаров өңірдегі мәдени ескерткіштердің маңызын айтып өтті.- Облыс көлемінде 567 тарихи-мәдени мұра нысандары мемлекет қорғауына алынған, оның ішінде 31-і республикалық, 256-ы жергілікті маңызы бар тарих және мәдениет ескерткіштерінің мемлекеттік тізіміне енгізілген болса, 280 ескерткіш алдын-ала есепке алынған тарихи-мәдени мұра нысандарының тізіміне алынған. Ескерткіштерді қорғау мәселелері қолданыстағы заңдылықтармен реттеледі және облыс аумағындағы тарихи орындар қала, ауыл, кент әкімдіктерінің теңгеріміне беріліп, бақылау күшейтілген. Бүгінде барлық ескерткіштерге қорғау тақталары толық орнатылып, паспорттары жасалды. Биыл облыс әкімдігінің қолдауымен бірқатар жобалар жүзеге асырылады. Атап айтсақ, ежелгі өркениет ошақтары саналатын &nbsp;сақтардың орталығы Бәбіш мола, оғыздардың ордасы Жанкент және қыпшақ, қазақ хандықтарының астанасы болған Сығанақ қалашықтарында археологиялық қазба жұмыстары жүргізіледі. Сонымен қатар, Қазақстан Республикасы Ғылым және жоғары білім министрлігінің гранттық қаржыландыруы бойынша биылғы жылы Жетіасар мәдениеті ескерткішіне археологиялық зерттеулер жүргізіледі,- деді Ерғазы Жарылқасынұлы.

18 сәуір – Халықаралық ескерткіштер мен тарихи орындарды қорғау күні

<a href="https://kyzylorda-news.kz/">Kyzylorda-news.kz</a> Кредит&nbsp;ақшаны&nbsp;тез&nbsp;алудың&nbsp;қол&nbsp;жетімді&nbsp;құралы&nbsp;болғанымен,&nbsp;әрдайым&nbsp;қарызды&nbsp;қайтаруға&nbsp;тура&nbsp;келетінін, оның үстіне пайызбен&nbsp;қоса қайтару керек екенін&nbsp;түсіну&nbsp;қажет.&nbsp;Кредиттік&nbsp;жүктемені&nbsp;дұрыс&nbsp;есептемеу&nbsp;отбасылық&nbsp;бюджетке&nbsp;айтарлықтай&nbsp;әсер&nbsp;етуі&nbsp;мүмкін.Борыш&nbsp;жүктемесін&nbsp;қалай&nbsp;есептеуге&nbsp;және&nbsp;азайтуға&nbsp;болатыны&nbsp;жөнінде &nbsp;Fingramota.kz-пен-бірге&nbsp;қарастыралықБорыш&nbsp;жүктемесінің&nbsp;коэффициенті &nbsp;Борыш жүктемесінің коэффициенті (БЖК) – бұл қарыз алушының барлық өтелмеген кредиттері мен қарыздары бойынша төлемдердің оның ай сайынғы кірісіне қатынасы. Банктер мен микроқаржы ұйымдарында кредиттер ресімдейтін азаматтар үшін бұл 50%-ды құрайды. Яғни, ай сайынғы төлем қарыз алушының ай сайынғы табысының жартысынан аспауға тиіс.Бұл көрсеткіш неғұрлым жоғары болса, қаржылық қиындықтар туындаған кезде олардың қарыз «құлдығына» түсу ықтималдығы соғұрым жоғары болуы мүмкін.Оны есептеу формуласы мынадай:БЖК = (Кредиттер бойынша жалпы ай сайынғы төлемдер / Орташа айлық табыс) × 100%Есептеуге міндеттемелердің барлық түрлері — ипотекадан бастап микрокредиттерге дейін кіреді. Бұл ретте тіпті нақты пайдаланылмайтын кредиттік карталардың лимиттері де ескеріледі. Табыс ретінде тиісті құжаттармен расталған түсімдер — жалақы, шәкіртақы, зейнетақы, ДК-ның салық аударымдары және соңғы 6-12 айдағы басқа да ақпарат алынады.Мысал: егер адам бірнеше қарыз бойынша айына 180 000 теңге төлесе, ал оның орташа айлық табысы 600 000 теңгені құраса, онда оның БЖК-і:180 000 / 600 000 = 0,3 тең.Бұл дегеніміз, кірістің 30%-ы борыштық міндеттемелерді өтеуге кетеді және мұндай деңгей Қазақстанда банктер мен МҚҰ үшін қолайлы болып саналады.50%-дан жоғары&nbsp;— &nbsp;жоғары кредиттік жүктеме, бұл жағдайда қарыз алушыға қарыз немесе микрокредит беруден бас тартылады.Кредиттік жүктеменің қалай есептелетінін біле отырып, қарыз алуға алдын ала дайындалып, қаржы ұйымының шешімін болжауға болады. Бұл әсіресе қаржыландыруды жоспарлап, өздерінің төлем қабілеттілігін сауатты дайындау және бағалау арқылы мақұлдау мүмкіндігін арттырғысы келетін адамдар үшін өте маңызды.Кредиттік жүктемені қалай азайтуға боладыЕгер жүйелі түрді әрекет жасалса, кредиттік жүктемені азайту – бұл өте жақсы және нақты шешім. Барлық қарыздар мен бөліп-бөліп төлеуден бас тартудың қажеті жоқ. Бюджетті оңтайландыру, басымдықтарды қайта қарау және қолда бар міндеттемелермен жұмыс істеу жеткілікті.<ul><li style="text-align:justify;">кредиттік карталарды жабу немесе лимиттерді азайту – тіпті пайдаланылмаған карталар БЖК-ны арттырады;</li><li style="text-align:justify;">қайта қаржыландыру арқылы бірнеше кредитті бір кредитке біріктіру;</li><li style="text-align:justify;">ұсақ қарыздарды мерзімінен бұрын өтеу – бұл ай сайынғы төлемдердің мөлшерін азайтады;</li><li style="text-align:justify;">орташа айлық жалақы мөлшерін ұлғайту үшін бейресми кірістің бір бөлігін заңдастыру;</li><li style="text-align:justify;">қажетсіз шығындарды қысқарту және қаражатты қарыздарды төлеуге жқмсау.</li></ul>Аталған шаралар ағымдағы коэффициентті төмендетіп қана қоймай, қаржылық орнықтылықты жақсартуға көмектеседі. Қарыз алушының төлем қабілеттілігін есептеу жақсы жағына қарай өзгереді, яғни болашақ қарыздарды мақұлдау мүмкіндігі артады. Ең бастысы, борыш жүктемесін азайту енді сізде жеке және отбасылық қажеттіліктер үшін көбірек бос қаражат болады дегенді білдіреді.<img src="https://knadmin.beoblood.kz/uploads/Kredittik_zh_kteme_2_25641efa30.jpeg" alt="Кредиттік жүктеме 2.jpeg">Фото: fingramota.kz

Кредиттік жүктеме: оны қалайша дұрыс есептеу керек

<a href="https://kyzylorda-news.kz/">Kyzylorda-news.kz</a> Бағалы қағаздар нарығында сауда жасағыңыз келеді, бірақ неден бастау керектігін білмейсіз бе? Бірінші, лайықты брокерді таңдау керек. Мұны қалай істеуге болатынын және оның немен айналысатынын Fingramota.kz &nbsp;айтып береді.Функционал және міндеттерБрокер – бұл клиенттің тапсырмасы бойынша мәмілелерді жүзеге асыратын адам, яғни биржадан бағалы қағаздар сатып алайын деп жатқан клиент (инвестор) пен бағалы қағаздарды сатуға мүдделі сатушы арасындағы делдал, оның ішінде бағалы қағаздарды шығарған компания. Брокер бағалы қағаздармен мәмілелерді клиенттің тапсырмасы бойынша, соның есебінен және соның мүддесі үшін жасайды және биржаның сауда-саттық жүйесіне тікелей қол жеткізе алады. Барлығы заң шеңберінде және тапсырыс берушінің қалауына сай болу үшін брокер мәмілелердің барлық заңды аспектілері үшін жауап береді. Ол үшін брокер өз ісінің нағыз білікті маманы болуы керек және қор нарығы жұмысының барлық аспектілері мен мәміле жасаудың қыр-сырын білуге тиіс.Ең бастысы! ҚР Қаржы нарығын реттеу және дамыту агенттігі (бұдан әрі – Агенттік) бағалы қағаздар нарығында кәсіби қызметті жүзеге асыруға берген&nbsp;арнайы лицензиясы&nbsp;бар компания ғана брокер ретінде әрекет ете алады.Брокерлердің қызметтері үшін тарифтер олардың сайттарында жарияланады. Сонымен, брокер комиссияларды не үшін алады? Брокердің комиссиясына тікелей мәміле үшін комиссия, депозитарий қызметтері, шотқа қызмет көрсету, терминалды және биржада операциялар жүргізуге арналған арнайы бағдарламаларды пайдалану &nbsp;үшін комиссиялық алым кіреді.Сондай-ақ, оның комиссиясына биржаның өзінің комиссиясы да кіреді. Әдетте, бұл комиссиялар мәміле сомасының тек оннан бір, ал кейбір жағдайларда жүзден бір бөлігін ғана құрайды.Биржадағы тікелей операциялардан басқа, брокер мынадай қосымша қызметтер көрсете алады: талдамалық болжамдар мен есептер, маржиналды сауда, басқа да консультациялық қызметтер және т.б. Қызмет көрсету сапасы мен көрсетілетін қызметтер брокерлік ұйымдардың тарифтеріне қосылады, сондай-ақ басқа ұйымдармен бәсекелес элементтер болып табылады.Брокер мен клиенттер арасындағы жұмыс олардың құқықтары мен міндеттері жазылған және екі тараптың да тиісті көлемде өз құқықтары болатын және өз әрекеттері үшін жауапты болатын&nbsp;шарт негізінде&nbsp;жүргізіледі.Сондықтан брокермен шарт жасамас бұрын ұсынылатын қызметтер үшін брокердің тарифтерін (комиссияларын), бағалы қағаздармен операциялар жасау кезінде онымен өзара іс-қимыл жасау, жасалған операциялар туралы есептерді алу тәсілдерін қоса алғанда, шарттың барлық талабын мұқият зерделеу, сондай-ақ брокердің ішкі қағидаларымен танысу қажет.Сенімді брокерді таңдау, әсіресе, егер сіз қаржы нарығында қызметті жаңа бастаған болсаңыз, кез-келген инвестор үшін бірінші және маңызды қадамдардың бірі болып табылады. Соңғы жылдары Қазақстанда инвестициялар үшін көп мүмкіндік берілуде, сонымен қатар өз қызметтерін ұсынатын инвестициялық брокерлердің де саны артып келеді. Бұл тұрғыдан алғанда ҚР-да брокерді таңдау кезінде назар аудару қажет негізгі тұстарды атап өтуге болады.1. Лицензияның болуы және реттеу.&nbsp;Ең алдымен, брокерлік шот ашпас бұрын, инвестициялық-брокерлік компанияның Қазақстан Республикасының Қаржы нарығын реттеу және дамыту агенттігінен (ҚР ҚНРДА) алған қолданыстағы лицензиясының бар екеніне көз жеткізіңіз. Бұл брокердің заң аясында жұмыс істейтініне және қаражатыңыздың қорғалулы екеніне кепілдік береді. Мұны Агенттіктің ресми сайтында тексеруге болады.&nbsp;2. Компанияның беделі және нарықтағы тәжірибесі.Брокерлік компаниялар туралы пікірмен таныс болыңыз, оның тарихын тексеріңіз. Нарықта 5-10 жыл немесе одан да көп жұмыс істейтін компаниялар үлкен тәжірибе мен тұрақтылыққа ие. Қазақстан қаржыгерлерінің қауымдастығы, Қазақстан қор биржасына (KASE) және Astana International Exchange мүшелігі сияқты кәсіби қауымдастықтарға қатысуына назар аударыңыз.3. Сауда алаңы және технологиялар.&nbsp;Жақсы инвестициялық брокер ыңғайлы және сенімді сауда алаңын ұсынады. Интерфейс түсінікті және жұмыс тұрақты болуы керек.4. Комиссиялар мен алымдар.Брокерлік компанияларға хабарласпас бұрын тарифтермен мұқият танысу керек:<ul><li>&nbsp;Мәмілелер үшін комиссия (көлемнің пайызымен)</li><li>&nbsp;Бағалы қағаздарды сақтау комиссиясы</li><li>&nbsp;Қаражатты енгізу/шығару үшін комиссия</li></ul>Сізге ең арзан брокерді таңдаудың қажеті жоқ, баға мен қызмет сапасының &nbsp;арақатынасы маңызды.<img src="https://knadmin.beoblood.kz/uploads/Fingramota_broker_4ff17e287f.jpg" alt="Финграмота брокер.jpg">

Қазақстанда брокерді қалай дұрыс таңдауға болады?

<a href="https://kyzylorda-news.kz/">Kyzylorda-news.kz</a> 2025 жылдың наурызы Қазақстандағы соңғы онжылдықтағы ең жылы наурыз айы болып тіркелді. Бұл туралы <a href="https://stan.kz/biil-kazakstanda-songi-onzhildiktagi-en-istik-nauriz-ay-416652/">Stan.kz</a> ақпарат агенттігі хабарлайды.Қазгидрометтің мәліметінше, ел аумағындағы орташа температуралық фон климаттық нормадан 1–5°C-қа жоғары болған.16 мен 22 наурыз аралығында еліміздің бірқатар өңірінде 2023 жылы тіркелген температуралық рекордтар жаңартылды. Айта кетейік, 2023 жыл Қазақстанның метеобақылау тарихындағы ең жылы жыл ретінде тіркелген еді.16 наурызда Орал метеостанциясында +19,2°C температура тіркелді, бұл климаттық нормадан (+12,1°C) едәуір жоғары. Ал 17 наурызда Ақтөбеде ауа +13,4°C-қа дейін жылыды.18 наурызда Петропавлда температура +10,9°C-қа жетіп, 2023 жылғы +4°C рекордын жаңартты. 19 наурызда да жаңа рекорд тіркеліп, +12,6°C болды. Бұл 2015 жылғы бұрынғы максимумнан (+4,2°C) айтарлықтай жоғары.20 наурызда Астана метеостанциясында +9,1°C температура тіркеліп, бұл көрсеткіш&nbsp;2016 жылғы рекордты (+7,1°C) жаңартты.21 наурызда Алматыда ауа температурасы +24,8°C-қа жетіп, 2018 жылғы рекордты (+23,1°C) жаңартты. Осы күні Семейде ауа температурасы күндіз +14,6°C болды, бұл 81 жыл бұрынғы, 1944 жылы тіркелген тарихи максимумнан&nbsp;(+10,8°C) асты.Рекордтық температуралар Өскемен, Павлодар, Қарағанды, Көкшетау және Қостанай қалаларында да тіркелді.Фото: freepik.kz

Қазақстан және Қызылорда облысының жаңалықтары