<a href="https://kyzylorda-news.kz/">Kyzylorda-news.kz</a> Қытайдың Цзинин қаласында өткен Жер туралы ғылымдар бойынша 18-ші халықаралық олимпиадада (IESO) Қызылорда қаласындағы NIS оқушысы Надира Атымтай (жетекшілері Мұхтар Абилмаев пен Арай Нұрбаева) 3-орынға ие болды.Жас геологтарға арналған ең беделді халықаралық ғылыми сайысқа 34 ұлттық команда жиналды. Қазақстан атынан Назарбаев Зияткерлік мектептерінің оқушылары қатысып, жүлделі жеті медаль иеленді.Earth Systems Project номинациясында екі алтын Астана қаласының Нұра ауданындағы NIS оқушылары Алина Айтжанова мен Альнұр Тұрсынханов бұйырса, Талдықорған қаласындағы NIS оқушысы Ақжол Болат осы аталымда қола медалін&nbsp;жеңіп алды. International Team Field Investigation халықаралық командалық зерттеуінде Альнұр Тұрсынханов, Ақжол Болат және қызылордалық Надира Атымтай үш қола жүлдені ел қоржынына қосты.&nbsp;Ақжол Болат теориялық және практикалық сынақтар нәтижесінде тағы бір қола медаль жеңіп алды.Қазақстан соңғы он жыл ішінде IESO олимпиадасында барлығы 35 медаль иеленген болатын. 2021 жылы да Сырбойылық оқушылар дәл осы олимпиадада қола жүлдесіне қол жеткізді.

Надира Атымтай – IESO 2025 халықаралық олимпиадасының қола жүлдегері

<a href="https://kyzylorda-news.kz/">Kyzylorda-news.kz</a> Жалағаш&nbsp;ауданының әкімі Ардақ Ибраимов жөндеу жұмыстары жүргізіліп жатқан орталық стадионға барып, ондағы жұмыстардың барысын көрді.Аудан әкімі стадиондағы құрылғыларды заманауи стандартқа сай және барлық жұмыстарды сапалы орындауды тапсырды. Сондай-ақ, құрылыс материалдарының сапасын назарда ұстау, нысанды белгіленген мерзімде аяқтау қажеттігін ескертті.<blockquote>«Мемлекет тарапынан бұқаралық спортты дамытуға айрықша көңіл бөлінуде. Аудандағы орталық стадионды жаңғырту – тұрғындардың спортпен айналысуына қолайлы жағдай жасау бағытындағы нақты қадамның бірі. Жөндеу жұмыстары аяқталғаннан кейін заманауи алаң тұрғындарға ұзақ жыл қызмет етуі тиіс. Сондықтан құрылыстың сапасына аса мән беріңіздер. Бұл бойынша ешқандай мәселе болмауы тиіс», – деді аудан әкімі Ардақ Ибраимов.</blockquote>Жасыл алаң Қазақстан футбол федерациясының "ALAN" жобасы аясында қайта жабдықталуда. Жалпы құны – 180 млн теңге.Қазіргі таңда стадионда құрылыс жұмыстары қарқынды жүргізілуде.<img src="https://knadmin.beoblood.kz/uploads/1_Audan_kimi_ortaly_stadionny_zh_ndeu_zh_mystarymen_tanysty_ad8af52038.jpg" alt="1Аудан әкімі орталық стадионның жөндеу жұмыстарымен танысты.jpg">Фото: Жалағаш ауданы әкімінің баспасөз қызметі

Жалағаш: Аудан әкімі орталық стадионның жөндеу жұмыстарымен танысты

<a href="https://kyzylorda-news.kz/">Kyzylorda-news.kz</a> Тамыз айының үшінші жексенбісі – Қазақстан Республикасының спорт күніне орай бүгін облыстық дене шынықтыру, спорт және туризм басқармасының басшысы Бахтияр Артаев спорт саласының дамуына өлшеусіз үлес қосқан сала ардагерлері Құттыбай Жамиұлы мен Жанабек Шәріпбайұлын арнайы қабылдады.Кездесуде басқарма басшысы ардагерлерді кәсіби мерекемен құттықтап, өңірде кәсіби спорттың дамуындағы ерекше үлестері үшін алғысын білдірді.<blockquote>– Аймағымыздың спорт саласына елеулі еңбек сіңіріп, жас ұрпақтың спортқа деген қызығушылығын арттыруға зор ықпал еттіңіздер. Бүгінгі спортшыларымыздың барлық жетістіктерінде Сіздердің ерекше қолтаңбаларыңыз бар. Ардагерлердің тәжірибесі мен ақыл-кеңесі біз үшін әрқашан қымбат, – деді басқарма басшысы.</blockquote>Өз кезегінде спорт ардагерлері жас буынға көрсетіліп жатқан қамқорлыққа ризашылықтарын білдіріп, алдағы уақытта да өңір спортының қарқынды дамуына ақыл-кеңес беруден аянбайтындарын жеткізді.

Спорт саласының ардагерлеріне құрмет көрсетті

<a href="https://kyzylorda-news.kz/">Kyzylorda-news.kz</a> Жаңа оқу жылы қарсаңында елімізде дәстүрлі түрде жүзеге асатын «Баланы мектепке дайындайық!» атты жалпыреспубликалық қайырымдылық акциясы бастау алды. Бұл – AMANAT партиясының бастамасымен қолға алынған, ел ішінде кең қолдау тапқан ізгі шара.Акцияның басты мақсаты – әлеуметтік жағынан аз қамтылған және көпбалалы отбасыларға көмек қолын созып, олардың балаларының мектепке толық дайындықпен баруына жағдай жасау.&nbsp;Осы орайда, партияның қалалық филиалының атқарушы хатшысы Гүлшат Мұсаева мен депутаттық фракция мүшесі Әбдіғабит Әбләзім «Бәйтерек» шағын ауданындағы білім ордасына барып, мектеп оқушыларына оқу құралдарын тапсырды.&nbsp;Бұл бастаманың негізгі міндеттері:<ul><li style="text-align:justify;">Мектепке баруға дайындық кезінде қиындық көріп отырған отбасылардың балаларына материалдық көмек көрсету;</li><li style="text-align:justify;">Қоғамдағы ынтымақ пен жанашырлықты арттыру, қайырымдылық дәстүрін дәріптеу;</li><li style="text-align:justify;">Әрбір балаға тең мүмкіндік жасап, олардың болашағына сенім ұялату.</li></ul>«AMANAT» партиясы жыл сайын бұл акцияны тұрақты түрде өткізіп келеді. Республика көлемінде мыңдаған бүлдіршін оқу құралдары мен мектеп киімдерін алып, жаңа оқу жылына шат көңілмен қадам баспақ.Атап өту керек, өткен жылы партияның қалалық филиалының нысаналы трансфертінен 71, демеушілер есебінен 228 балаға оқу құралдары тапсырылған болатын.

«Баланы мектепке дайындайық!» акциясы жалғасуда

<a href="https://kyzylorda-news.kz/">Kyzylorda-news.kz</a> Енді қазақстандықтар балаларын&nbsp;eGov қосымшасы арқылы бір мектептен екінші мектепке ауыстыра алады.&nbsp;Бұл туралы&nbsp;<a href="https://stan.kz/kazakstanda-ata-analar-okushilardi-baska-mektepke-egov-422155/">Stan.kz</a>&nbsp;ақпарат агенттігі хабарлайды.Ата-аналар мен заңды өкілдер eGov.kz&nbsp;арқылы&nbsp;баланы бір мектептен екінші мектепке ауыстыру үшін&nbsp;тұрғылықты жері бойынша немесе одан тыс кез келген білім беру ұйымын таңдап, электронды түрде өтініш беруі керек.<blockquote>“Бұл қызмет есептен шығару және бекіту талондарын, сондай-ақ жеке іс құжаттарын тапсыруды талап етпейді. Өтініш беруші оқу тілін таңдап, қажет болса, өтінішін қайтарып ала алады”, –&nbsp;деп мәлімдеді Оқу-ағарту министрлігі.</blockquote>Қызметті алу үшін: •&nbsp;eGov.kz&nbsp;порталында тіркелу; • “Білім”&nbsp;→ “Орта білім”&nbsp;бөлімінде “Балаларды мектептен мектепке ауыстыру”&nbsp;қызметін таңдау; • Өтінішті толтырып, ЭЦҚ көмегімен қол қою; • Нәтижемен жеке кабинетте танысу керек.Фото: Нұрболат Нұржаубай

Қазақстанда ата-аналар оқушыларды басқа мектепке eGov арқылы ауыстыра алады

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Қазақ тілі – Қазақстан Республикасының мемлекеттік тілі. Ел Конституциясында «Қазақстан Республикасының мемлекеттік тілі – қазақ тілі» деп айқын жазылған. Бұл – тәуелсіздіктің басты жетістіктерінің бірі. Мемлекеттік тіл – елдің тұтастығы мен бірлігінің кепілі, ұлттық болмыс пен рухани құндылықтың тірегі.Соңғы жылдары қазақ тілінің қоғамдық өмірдегі қолданыс аясы едәуір кеңейіп келеді. Білім беру, мемлекеттік басқару, мәдениет, БАҚ салаларында қазақ тілі негізгі қарым-қатынас құралына айналуда.Мемлекеттік органдарда іс жүргізу қазақ тілінде жүзеге асырылып, мемлекеттік қызметкерлердің тілді білу деңгейіне қойылатын талап күшейді.Сонымен қатар, мемлекеттік бағдарламалар мен тіл саясаты аясында халықтың қазақ тілін үйренуіне жағдай жасалып, түрлі оқыту орталықтары жұмыс істеуде.Жастар арасында мемлекеттік тілге деген қызығушылық артып, әлеуметтік желілерде, өнерде, бизнес саласында қазақ тілінің беделі нығая түсуде. Бұл – мемлекеттік тілдің болашағы зор екенін көрсетеді.Облыстағы барлық мемлекеттік мекемелерде іс жүргізу негізінен қазақ тілінде жүргізіледі. Әкімшілік құрылымдарда, білім беру саласында, мәдениет пен ақпарат құралдарында мемлекеттік тіл басты орынға ие.Сонымен қатар, облыста мемлекеттік тілдің мәртебесін арттыру мақсатында түрлі мәдени-рухани шаралар, байқаулар, семинарлар ұйымдастырылады. Жергілікті бұқаралық ақпарат құралдары – теледидар, радио және газет-журналдар қазақ тілінде хабар таратып, халыққа мемлекеттік тілде ақпарат беруді басты міндет санайды.Қызылорда жастары арасында да мемлекеттік тілдің қолданысы кеңінен тараған. Әлеуметтік желілерде, өнер саласында, жергілікті стартаптар мен кәсіпкерлікте қазақ тілі басым қолданылады. Бұл – облыстың тіл саясатына деген жауапкершілігінің жоғары екенін дәлелдейді.Бұл ретте сот саласында да сот істерінің мемлекеттік тілде сауатты жүргізілуіне баса мән беріліп, түрлі шаралар мен семинарлар, жиындар, іс қағаздары мемлекеттік тілде жүргізілуі үйлестірілуде.Сот залдарында іс жүргізу құжаттары, шешімдер мен үкімдер мемлекеттік тілде шығарылады. Электронды сот жүйесі де қазақ тіліне бейімделіп, халыққа ыңғайлы қызмет көрсетуге бағытталуда.Бұл сот саласындағы әділдіктің қолжетімді болуына, азаматтардың құқықтарының сақталуына септігін тигізеді. Егер тараптардың біреуі қазақ тілін білмесе, онда оларға аударма қызметі қамтамасыз етіледі.Қызылорда облыстық соты мен оған қарасты аудандық соттарда да мемлекеттік тілдің қолданылуы тұрақты түрде қамтамасыз етілген. Статистикалық мәліметтерге сүйенсек, өңірде қаралатын істердің көпшілігі мемлекеттік тілде жүргізіледі.Мемлекеттік тілдің қолданылу аясы – елдің дамуы мен болашағын айқындайтын маңызды көрсеткіш. Әсіресе сот саласында қазақ тілінің орны ерекше, себебі әділдік пен заңдылықтың жүзеге асуы тікелей мемлекеттік тілдің қолданысына байланысты. Қазақ тілінің абыройын арттыру – әрбір азаматтың парызы. Мемлекеттік тілдің беделі артқан сайын, елдің бірлігі мен тұтастығы да нығая бермек.А.Өмірзақ,Қызылорда облысының мамандандырылғанауданаралық әкімшілік сотының бас маманыФото: sarangazeti.kz

Мемлекеттік тіл – ел бірлігінің негізі

<a href="https://kyzylorda-news.kz/">Kyzylorda-news.kz</a> «ҚазАгроҚаржы» АҚ Қызылорда облысы бойынша филиалында егін жинау науқанына орайластырылған Ашық есіктер күні өтті.&nbsp;Іс-шарада облыс аудандарының шаруалары, Ауыл шаруашылығы басқармасының, сондай-ақ «Атамекен» өңірлік кәсіпкерлер палатасының өкілдері бас қосты.&nbsp;Қызылорда облысы – сын-қатер тәуекелдеріне бейім өңір: жұмыс жауын-шашынның маусымдылығына және судың қолжетімділігіне тәуелді болғандықтан, шаруалар үшін өнімді дер кезінде жинау мен техниканың үздіксіз жұмысы аса маңызды. Осы тұрғыда кездесуге қатысушылар машина-көлік паркін кідіріссіз жаңартуға мүмкіндік беретін құралдарға назар аударды. Филиал биылғы жылы лизинг бағдарламаларына 6,2 млрд теңге бағыттауды жоспарлап отыр, оның 3,1 млрд теңгесі игерілді - 61 бірлік техника өңір шаруаларына табысталды.<img src="https://knadmin.beoblood.kz/uploads/agro2_d055c478f7.jpg" alt="агро2.jpg">Лизингке өтінім берудің жаңа онлайн-сервисіне жеке блок арналып отыр. Филиал мамандары бұл сервис бір қатысушысы бар қожалықтардың өтінімдері бойынша 10 минут ішінде шешім қабылдайтынын түсіндірді. Егер қожалық құрамында бірнеше қатысушы болса, құжаттарды тексеруге құқық департаменті қатысады; тіпті бұл жағдайда да құжаттарды қарау жеделдетіліп, екі күнге дейін ғана созылады. Техниканың сирек түрлерін ресімдеу кезінде, сервистік орталықтардың болуын нақтылау қажет болған кезде де осындай мерзім талап етіледі.&nbsp;<blockquote>«Бүгінде цифрландыру агробизнестің ажырамас бөлігіне айналуда. Біз техниканы лизингке рәсімдеуге өтінім берудің онлайн тәсілін іске қостық және Қызылорда шаруаларына оның қалай жұмыс істейтінін тікелей эфирде көрсеттік. Сонымен бірге, біз шаруалардың әлсіз интернет, цифрлық сервистермен жұмыс істеу кезінде тәжірибенің жетіспеуі секілді қиындықтарға тап боларын да ескердік. Сол себепті «Атамекен» өңірлік кәсіпкерлер палатасының біздің бастамамызды қолдап, шаруаларға сервиспен жұмыс істеуде практикалық көмек көрсетуге келісуі аса маңызды», - деді «ҚазАгроҚаржы» АҚ басқарма төрағасының орынбасары Еркебұлан Жұмжаев.&nbsp;</blockquote>«ҚазАгроҚаржы» АҚ Қызылорда облысы бойынша филиалы мен «Атамекен» өңірлік кәсіпкерлер палатасы арасында ынтымақтастық туралы меморандумға қол қойылды. Енді Палата қызметкерлері шаруалар үшін «жолбасшы» болмақ, өтінімдер толтыруға көмектеседі, әр кезеңде сүйемелдеуді қамтамасыз етеді.&nbsp;<blockquote>«Қызылорда облысы кәсіпкерлер палатасы «ҚазАгроҚаржы» АҚ Қызылорда облыстық филиалымен бірлесіп кәсіпкерлік бастамасы бар азаматтарға және бизнес өкілдеріне мемлекеттік бағдарламаларды түсіндіру, сервистік қызмет және тағы басқа қызмет көрсетіп келеді. Бүгінгі таныстырылған «ҚазАгроҚаржы» акционерлік қоғамының жеңілдетілген лизингке онлайн өтінім беру сервисі кәсіпкерлердің уақытын үнемдеуге мол мүмкіндік берері сөзсіз. Осы орайда, Палата тарапынан облыс көлемінде цифрландырылған онлайн өтінім беру жүйесін қала, аудан, ауыл кәсіпкерлеріне Палатаның кеңесшілері арқылы барынша түсіндіруге атсалысамыз», - деді Қызылорда облысы кәсіпкерлер палатасының директоры Пірмұхаммед Сыздық.&nbsp;</blockquote>Кездесу соңында «ҚазАгроҚаржы» АҚ басқарма төрағасының орынбасары Еркебұлан Жұмжаев облыс шаруаларына жаңа ауыл шаруашылығы техникасының кілттерін табыстады. Компания Қазақстан өңірлеріндегі көшпелі кездесулерде лизинг бағдарламалары және цифрлық сервис жұмысы бойынша консультацияларын әрі қарай жалғастыра бермек.<img src="https://knadmin.beoblood.kz/uploads/agro3_88e663a41f.jpg" alt="агро3.jpg">

ҚазАгроҚаржы Қызылорда шаруаларына өтінім берудің онлайн-сервисін ұсынды

<a href="https://kyzylorda-news.kz/">Kyzylorda-news.kz</a> Қазалы ауданында қысқы жылу беру маусымына дайындық жұмыстары басталып кетті. Бүгінгі таңда аудан тұрғындарына қажетті қатты отынның мөлшері белгіленіп, оны ауданға жеткізу жағы қарастырылуда.Қазалы ауданы әкімінің міндетін атқарушы Жалғас Сүйеубаев аудандағы көмір тасымалдаушы кәсіпкерлермен кездесіп, аудан тұрғындарын қатты отынмен қамтамасыз ету мәселесін талқылады.&nbsp;Кездесу барысында Жалғас Оңғарұлы жылу беру маусымында ауданға қажетті тиісті қатты отын қорының уақытылы жеткізілуін және бағасының тұрақты болуы қажеттігін ескертті. Осыған байланысты салаға жауапты орынбасар мен тиісті сала басшыларына кәсіпкерлермен бірлесе отырып, белгіленген жоспарға сәйкес жұмыс жасап, қатты отын қорының уақытылы жеткізілуін қадағалауды тапсырды. Сондай-ақ ауданға көмір басқа облыстардан тасымалданатындықтан, өзіндік құнының жоғарылайтынын, дегенмен халыққа қатты отынды қолжетімді бағада ұсынып, тапшылықты болдырмау үшін бірлесіп жұмыс жасау қажеттігін айтты.Айта кетейік, жалпы алдағы жылу беру маусымына тұрғындардың тұтынуы үшін 14,3 мың тонна, ал әлеуметтік нысандар үшін 2,7 мың тонна, &nbsp;жалпы аудан бойынша барлығы 17 мың тонна қатты отын қажет. Ал бұл қажетті көмір қорын ауданға жеткізуге жоспарлы меже бекітілген.

Жылу беру маусымына қажетті қатты отын жеткізу мәселесі талқыланды

<a href="https://kyzylorda-news.kz/">Kyzylorda-news.kz</a> Қарауылтөбе ауылдық округі әкімінің міндетін атқарушы Қойшыбай Жүсіпов бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Биыл ауылдың инфрақұрылымын дамыту бағытында бірқатар жобалар жүзеге асырылуда. Атап айтқанда, электр желілерін реконструкциялау жұмыстары жүргізілуде. Байсейітов көшесіне балалар ойын алаңы салынуда. Сондай-ақ, жаңадан қоныстанушы аумақтағы 5 көшені жарықтандыру жұмыстары аяқталды, - деді ауылдық округ әкімінің міндетін атқарушы Қойшыбай Жалғасұлы.&nbsp;</blockquote>Жалпы, ауылдық округте 131 кәсіпкерлік нысан жұмыс істеуде. Жыл басынан бері 6 кәсіпкерлік субъекті тіркеліп, жалпы құны 25,4 млн теңгені құрайтын 3 жоба қаржыландырылды. Яғни, «Іскер» бағдарламасы аясында 2 жоба қаржыландырылса, &nbsp;«Ауыл аманаты» жобасы аясында 1 жоба мақұлданды.Қарауылтөбе ауылдық округінде 131 кәсіпкерлік нысан жұмыс істеуде. Жыл басынан бері 6 кәсіпкерлік субъекті тіркеліп, жалпы құны 25,4 млн теңгені құрайтын 3 жоба қаржыландырылды. Яғни, «Іскер» бағдарламасы аясында 2 жоба қаржыландырылса, «Ауыл аманаты» жобасы аясында 1 жоба мақұлданды.Биыл Қарауылтөбе ауылдық округінің инфрақұрылымын дамыту бағытында бірқатар жобалар жүзеге асырылуда. Атап айтқанда, электр желілерін реконструкциялау жұмыстары жүргізілуде. Байсейітов көшесіне балалар ойын алаңы салынуда. Сондай-ақ, жаңадан қоныстанушы аумақтағы 5 көшені жарықтандыру жұмыстары аяқталды.

Қарауылтөбеде қарқынды жұмыс атқарылуда

<a href="https://kyzylorda-news.kz/">Kyzylorda-news.kz</a> «AMANAT» партиясының хатшысы Ержан Жылқыбаевтың төрағалығымен онлайн жиын өтіп, онда партияның облыстық филиалының төрағасы Алмасбек Есмаханов, Қызылорда қалалық және Шиелі, Сырдария, Жалағаш, Қармақшы, Байқоңыр аумақтық филиалдарының атқарушы хатшылары атқарылған жұмыстар бойынша есеп берді.Жиынға партияның облыстық филиалының атқарушы хатшысы Ләйлә Төрешова, облыстық мәслихаттағы депутаттық фракция жетекшісі Жорабек Нұрымбетов, партиялық бақылау комиссиясы төрағасының орынбасары Ержан Искендер және бөлім басшылары қатысты.Жиын барысында партияның «Халықпен бірге!» атты сайлауалды бағдарламасының орындалуы, қоғамдық қабылдауға тұрғындардан келіп түскен өтініштердің шешілуі, депутаттық фракциялар жұмыстарына ерекше мән берілді.Жалпы өңірде партияның 207 бастауыш партия ұйымдарына топтасқан 47 мыңнан астам мүшесі бар. Аймақтағы 9 партия филиалдары мен жергілікті әкімдіктермен бірлескен жұмыстар нәтижесінде партиялық жобалар мен сайлауалды бағдарламада көзделген іс-шаралар сәтті жүзеге асып келеді.Атап айтсақ, өткен жылы сайлауалды бағдарламаны жүзеге асыруға бағытталған Жол картадағы жоспарланған 116 іс-шараның 90,5 пайызы орындалды. Ағымдағы жылға жоспарланған 110 іс-шараның 15,5% орындалса, 81,8%-ы орындалуда.Партияның айнасы болып табылатын қоғамдық қабылдау бөлмелеріне үстіміздегі жылдың 6 айында тұрғындардан 4136 өтініш тіркеліп, оның 2708-і (65,4%) бойынша оң шешім қабылданған. 1372 өтініш иесіне қолданыстағы заңнамалар аясында нақты кеңестер берілген. 56 өтініш бойынша жұмыс жасалуда.Ағымдағы жылдың 6 айында партия жанындағы түрлі бағыттағы кеңестердің 85, мәслихаттардағы фракцияның 30 отырысы өткізіліп, қорытындысымен 547 ұсыныс, фракция мүшелерімен тиісті органдарға 772 депутаттық сауал жолданған.Жиынды қорыта келе партия Хатшысы Ержан Жылқыбаев жалпы аймақтық және аумақтық филиалдармен атқарылған жұмыстарға оң бағасын беріп, алдағы міндеттер бойынша нақты тапсырмалар берді.<img src="https://knadmin.beoblood.kz/uploads/Amanat_ajma_ty_filial_esebi_2_757d6d58fc.jpg" alt="Аманат аймақтық филиал есебі 2.jpg">

«AMANAT»: Партия хатшысы аймақтық және аумақтық филиалдармен атқарылған жұмыстар есебін тыңдады

Мемлекет басшысы Қасым-Жомарт Тоқаев өзінің Қазақстан халқына Жолдауында: «Негізгі міндеттердің бірі – экологиялық жағдайды жақсарту және қоршаған ортаға ұқыпты қарауды дамыту. «Таза Қазақстан» жалпыұлттық экологиялық акциясы – уақытша науқан емес, осындай игі шаралардың арқасында қоғамда жаңа мәдениет, жаңа қоғамдық этика орнығып келеді. Мұны туған елге деген сүйіспеншілік, жанашырлық деуге болады. Ұлттың жаңа сапасы осындай нақты шаралар арқылы қалыптасады», – деп атап өткен болатын. Биыл облыс әкімі Нұрлыбек Нәлібаевтың бастамасымен Қармақшы ауданының Жосалы және Төретам кенттерінде орналасқан темір жол вокзалы ғимараттарына күрделі жөндеу жұмыстары басталды. Жоба аясында ғимарат іргетасы мен қабырғалары нығайтылып, шатыр, есік-терезелер толық жаңартылып, жолаушыларға арналған күту залдары заманауи стандарттарға сай жабдықталады. Мүмкіндігі шектеулі жандарға арналған қолжетімділік элементтері мен қауіпсіздік жүйелері орнатылады. Сонымен қатар, вокзал маңын көгалдандыру және брусчатка төсеу жұмыстары да қарастырылған. Бұл жұмыстар — тұрғындарға сапалы қызмет көрсету, өңіріміздің инфрақұрылымын жақсарту және жолаушыларға қолайлы жағдай жасау мақсатында жүзеге асырылуда. Сонымен қатар, аудан орталығының Жосалы кенті және ауданға қарасты елді мекендерде тұрғындардың ұсыныс-талаптары назарға алынып, орталық алаңдарды қайта жөндеу, қоғамдық орындарды абаттандыру, ойын және шағын футбол алаңдарының құрылыс жұмыстары жүргізілуде. Аталған жобалар ауылдық елді мекендердің көркеюуіне, балалар мен жасөспірімдердің спортпен айналысуына, бос уақытын тиімді өткізуіне өз септігін тигізуде. Бұдан бөлек, «Таза Қазақстан» республикалық экологиялық жобасы аясында өңірдің барлық елді мекендерінде санитарлық тазарту, көркейту-көгалдандыру жұмыстары қарқынды жүргізілуде. Жыл басынан бері облыс көлемінде тазалық шараларына барлығы 211 мыңнан аса (211 663) еріктілер, қоғам қайраткерлері, бюджет саласы мен кәсіпорын қызметкерлері қатысты. Нәтижесімен 9 мың тонна (9 073) астам қоқыс қалдықтары шығарылып, елді мекендердегі 490 скверлер мен парктер, 239 тарихи-мәдени ескерткіштер, 1019 әлеуметтік нысандар (мектептер, бала-бақшалар, спорт, денсаулық сақтау және т.б.), 2 888 өнеркәсіп және бизнес нысандары, 60 су объектілері (өзендер, көлдер, жасанды су айдындары, субұрқақтар, арықтар және т.б), мен 24 624 көшелердің бойы (4 525 көп қабатты үйлер мен 20 099 жер үйлердің аулалары) тазартылды. Оған 540-тан аса техника (548) жұмылдырылды. Облыс бойынша 240 700 дана өңірдің климатына сәйкес жерсінетін қарағаш, терек және сырталының көшеттері егілді.

Қазақстан және Қызылорда облысының жаңалықтары