<a href="https://kyzylorda-news.kz/">Kyzylorda-news.kz.</a> Қазақстан Республикасы аумағының 287 млн. гектарының 165 млн-ы құмды аймаққа тиесілі.
оның ішінде Қызылорда облысының көп бөлігі құмды аймақта орналасқан. Сары даланы мекен қылған халық қазірде құмнан да зардап шегуде. Ал бұл процесті ауыздықтаудың бірден-бір жолы сексеуіл отырғызу. Бір түп сексеуіл 4 тонна құмды ұстап тұрады.
Сексеуіл ағашын кесуге тыйым салғанына қарамастан, заңсыз сындырып алушылар қатары азаймай отыр.
Осыған орай «Қазалы орман және жануарлар дүниесін қорғау жөніндегі мемлекеттік мекемесі» сексеуіл ағашын заңсыз кесудің алдын алу және болдырмау жұмыстарын жүргізу мақсатында мобильді топтар құрып, жергілікті тұрғындарға түсіндірме жұмыстарын жүргізуді.

Қызылордада сексеуіл кесуге тыйым салынған

<a href="https://kyzylorda-news.kz/">Kyzylorda-news.kz.</a> Қазақстанда ажырасу тәртібі өзгеруі мүмкін. Бұйрықтың тиісті жобасын “НҚА ашу” порталында әділет министрлігі жариялады, деп хабарлайды <a href="https://stan.kz/kazakstanda-azhirasu-tartibi-ozgerui-mumkin-359708/">Stan.kz</a>.
Ажырасуға қатысты өзгерістер балалы болып үлгермеген жұбайларға қатысты болмақ. Некені бұзу үшін ерлі-зайыптылар екіжақты келісім туралы өтінішхат пен кәмілеттік жасқа толмаған балаларының жоқ екенін растайтын құжат өткізуі керек.
<blockquote>
 “Некені бұзу туралы мемлекеттік тіркеуді некені бұзушылардың қатысуымен тіркеуші орган жүзеге асырады. Неке өтініш қалдырылғаннан кейін бір айлық мерзім өткеннен кейін бұзылады. Мерзім өтініш қалдырылған күннің ертесінен бастап есептеліп, келесі айдың дәл сол күнінде аяқталады. Егер демалыс күніне тұспа тұс келсе, одан кейінгі жұмыс күні аяқталатын күн болып есептеледі”, – делінген бұйрықта.
</blockquote>
Сондай-ақ, бір айлық мерзімді қысқартуға болатыны айтылды. Ол үшін ерлі-зайыптылар тіркеуші органға жеке куәлікпен немесе электронды құжатпен бірге некені бұзуды тіркеу үшін белгіленген күнде келуі керек. Егер де ерлі-зайыптылар өздері айтқан күні келе алмаса, өтінішті қайта бере алады. Оларға тағы да бір айлық мерзім беріледі.
Ерлі-зайыптылардың бірі екінші рет өтініш қалдырғаннан кейін де келе алмаса, некені оның қатысуынсыз бұзылуы мүмкін. Ол үшін оның некені бұзуға келісім бергені туралы нотариалды бекітілген қағазды жеткізу қажет.
Некені “Азаматтарға арналған үкімет” мемлекеттік корпорациясы арқылы бұзуға болады. Ол үшін кәмілеттік жасқа толмаған балалары жоқ ерлі-зайыптылар тиісті құжаттарды келтіруі керек.
Жаңа ережелерді жария талқылау 18 ақпан күні өтеді.

Қазақстанда ажырасу тәртібі өзгеруі мүмкін

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың биылғы 11 қаңтардағы Қазақстан Республикасы Парламенті Мәжілісінің отырысында сөйлеген сөзінде «Жиналыстардың басым бөлігін онлайн форматта өткізу қажет» деген болатын.
Ел Президентінің тапсырмасына орай, Қазақстан Республикасының Мемлекеттік қызмет істері агенттігінің Қызылорда облысы бойынша департаменті қызметтік мәжілістер мен отырыстардың басым бөлігін онлайн форматта өткізуге баса мән беруде. Жыл басынан бері Департаменттің бастамасымен ұйымдастырылған жиналыстардың 90 пайызы қашықтықтан өткізілді.
Осы кезге дейін негізінен офлайн форматта өтетін мәжілістердің бірі – Департаменттің жанындағы Ведомствоаралық жұмыс тобының биылғы алғашқы отырысы онлайн форматта өтті.
Алғашқы отырыста облыстық әділет департаменті мен Қазалы ауданы әкімдігінің мемлекеттік қызметтердің бизнес процестерін жетілдіру, электронды қызметтердің үлесі мен сапасын арттыру бойынша есептері тыңдалды. 2021 жылы Әділет департаменті тарапынан 11 мемлекеттік қызметтер бойынша 1250 қызмет көрсетілген. Бұл көрсеткіш 2020 жылмен салыстырғанда 2,5 есеге көбейген. Ал, Қазалы ауданы әкімдігіне қарасты жергілікті атқарушы органдармен өткен жылы 59 қызмет түрі бойынша 22639 қызмет ұсынылған. Оның ішінде, баламалы түрде көрсетілетін қызметтердің электронды форматтағы үлесі 78,7 пайызды құрап отыр.
Айта кету керек, Ведомствоаралық жұмыс тобы – мемлекеттік көрсетілетін қызметтердің қолжетімділігі мен сапасын бақылауды қамтамасыз етеді. Сондай-ақ, жұмыс тобына халықтың мемлекеттік органдармен қарым-қатынасын оңайлату және тұрғындарды қолжетімді жоғары сапалы қызметтермен қамтамасыз ету жүктелген. Өткен жылы Ведомствоаралық жұмыс тобының 5 отырысы өткізілген. Онда 13 мәселе қаралып, мемлекеттік қызмет көрсетуші мекемелерге 44 ұсыным берілді.
Мемлекет басшысының жиналыстарды онлайн форматта өткізу жөніндегі тапсырмасын жүзеге асыру мақсатында Мемлекеттік қызмет істері агенттігінің Қызылорда облысы бойынша департаменті тарапынан үстіміздегі жылы қызметтік жиындардың басым бөлігін онлайн өткізу көзделуде.

Жиналыстарды онлайн форматта өткізу заман талабы

<a href="https://kyzylorda-news.kz/">​​Kyzylorda-news.kz.</a> Қызылорда қалалық Полиция басқармасына облыс орталығының тұрғыны арызданған.
Оның айтуынша, танысы коммуналдық төлемдерге​ берешек қарызын жауып беремін деп 400 мың теңге ​ көлемінде ақшасын алдап алған.​
Жедел шаралар нәтижесінде тұрғынды алдаған азаматша анықталып, ұсталды. Қазіргі таңда бұл дерек бойынша Қазақстан Республикасы Қылмыстық кодексінің 190 бабы бойынша ​ (Алаяқтық)​ ​сотқа дейінгі тергеп-тексеру амалдары жүргізілуде.

Қызылордада коммуналдық қарыздарды​ жауып беремін деген алаяқ ұсталды

<a href="https://kyzylorda-news.kz/">Kyzylorda-news.kz.</a> Электронды шот-фактуралар ақпараттық жүйесі негізінде Қазақстан аумағында бақыланатын әлеуметтік маңызы бар азық-түлік тауарларын және тас көмірді әкімшілендіруді жетілдіру үшін пилоттық жобаны іске қосу жоспарланған. Бұл туралы Мемлекеттік кірістер комитетінің баспасөз қызметі хабарлайды.
Инфляцияның өсуіне, азық-түлік өнімдері мен мұнай өнімдеріне бағаның өсуіне жол бермеу жөніндегі шаралар шеңберінде Мемлекеттік кірістер комитеті «Электрондық шот-фактуралардың ақпараттық жүйесі негізінде Қазақстан Республикасының аумағында бақыланатын әлеуметтік маңызы бар азық-түлік тауарларын және (немесе) тас көмірді әкімшілендіруді жетілдіру жөніндегі пилоттық жобаны іске асыру қағидаларын бекіту туралы» Қаржы министрі бұйрығының жобасын әзірледі.
Осы бұйрықпен әлеуметтік маңызы бар тауарлар мен көмірді өткізу кезінде электрондық шот-фактураларды (ЭШФ) шығару бойынша салық төлеушілердің міндетін енгізу бөлігінде пилоттық жобаны 2022 жылғы 31 желтоқсанға дейін іске асыру көзделеді.
Бұйрық жобасы Ашық НҚА <a href="https://legalacts.egov.kz/npa/view?id=13982807">порталында</a> жарияланған.

Әлеуметтік маңызы бар азық-түлік бағасын бақылау үшін пилоттық жоба іске қосылады

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Атанши және Жіңішкеқұм ауылдық округтеріне барып, тұрғындардың бүгінгі жай-күйімен танысып, олардың ұсыныс-пікірлерін тыңдады.
Алдымен аудан орталығынан шалғай орналасқан Атанши ауылдық округінің халқымен кездесіп, өткен жылы өңірдегі атқарылған жұмыстарды баяндап, алдағы жоспарлармен де бөлісті. Ауданда өткен жылғы жұмыстар негізінен пандемиямен күреске және қуаңшылықты еңсеруге бағытталған. Аталған бағыттағы жасалған жұмыстарды саралай келе денсаулық сақтау саласы бойынша орталық аурухананың компьютерлік томография, жылжымалы медициналық кешен сынды өңірде бұған дейін болмаған медициналық жабдықтармен толыққандығы туралы оң өзгерістерді де тұрғындарға жеткізді. Сондай-ақ, жылжымалы медициналық кешен елді мекендерді аралап, ауыл тұрғындарының денсаулық жағдайын толықтай тексеруден өткізетінін айтты.
Өз кезегінде тұрғындар бірінші кезекте жол мәселесінің қиындық тудыратынын, жедел жәрдем автокөлігінің қатынасы, ұялы байланыс қызметі сапасының нашарлығы және жайылымдық жерлерді пайдалану бойынша реттілік жасауды сұрады.
Тұрғындардың айтқан ұсыныстарын тыңдаған аудан басшысы Жіңішкеқұм елді мекеніне баратын жолды тегістеу үшін жоба-сметалық құжаттама әзірлендігін, соған сәйкес алдағы уақытта тиісті жұмыстар жасалатынын айтты. Ал жедел жәрдем көлігіне қосалқы бөлшектер алу үшін денсаулық сақтау басқармасымен бірлесіп, шаралар қабылданатын жеткізсе, ұялы байланыс қызметіне қатысты да байланыс операторларына ұсыныс берілетінін айтты. Мұнымен бірге елді мекен аумағындағы бос жерлерді мақсатты пайдалану үшін тексеру жасалып, нәтижесімен шешім шығарылатынын білдірді.
Тұрғындармен кездесіп жергілікті жердегі мәселелерді тыңдаған соң, ауыл маңындағы «Аэропорт» су ұңғымасына барып, қазіргі жағдайын көрді. Төрт түлік малдың суарылымы үшін пайдаланылатын ұңғымадан шығатын су қысымы бұрынғыдан азайған. Бұл су ұңғымасы қуаңшылық жағдайына сәйкес құжаттары рәсімделген 49 ұңғыманың қатарына енгізілген. Алдымен қызыл аймаққа енген елді мекендегі ұңғымалар қазылып біткен соң, бұл маңнан да жаңа ұңғыма қазу жоспарланған.
Бұдан кейін Жіңішкеқұм ауылдық округіне табан тіреген аудан басшысына тұрғындар тарапынан ауыз су және мектеп мәселесі мен балабақша қажеттігі айтылды.
Аудан әкімі Тоқабай және Абай елді мекендерін ауыз сумен қамту мақсатында жасалған жобаның өткен жылы басталғандығын айтып, биылғы жылы қаржының бөлінуіне орай жалғасатындығын түсіндірді. Ал ауыл мектебіне байланысты жауапты басқармалар тарапынан зерттеу жүргізіліп жатқанын, қорытындысына сәйкес шешім шығарылатынын жеткізсе, ауылдан балабақша ашуға кәсіпкер азамматтың ниет білдіруіне сәйкес алдағы уақытта шешімін табатындығын білдірді.
Мұнан кейін ауылдық округ әкімі аппараты ғимаратын аралап, жүргізілген ағымдағы жөндеу жұмыстарын көріп шықты. Жөндеу жұмыстары барысында нысанның есік-терезелері мен жылу жүйесі, электр желілері толықтай ауыстырылған. Аудан әкімі құрылыс жұмыстары барысындағы кемшіліктерді айтып, оларды қалпына келтіруді ауылдық округ әкіміне тапсырды.
<img src="https://kyzylorda-news.kz/wp-content/uploads/2022/02/fb_img_1643951699779.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643951702164.jpg" alt="" />

Серік Сермағамбетов шалғайдағы ауыл тұрғындарымен кездесті

Қызылорда облысындағы спорттық секциялардың тізімі жарияланды

<a href="https://kyzylorda-news.kz/">Kyzylorda-news.kz.</a> Халыққа қызмет көрсету орталықтары енді баспана кезегіне тұруға өтініш қабылдамайды, деп хабарлайды Sputnik Қазақстан.
“ХҚКО-лар бұдан былай тұрғын үйге кезекке тұруға өтінім қабылдамайды. Енді кезекке қою тек электронды портал –&nbsp;<a href="http://www.egov.kz/">www.egov.kz</a>&nbsp;арқылы жүргізіледі”, – деп хабарлайды елорда әкімдігінің&nbsp;<a href="https://zhilfond.kz/kz/">“Тұрғын үй қоры”.</a>Портал арқылы баспана кезегіне тұру үшін тек электронды цифрлық қолтаңба (ЭЦП) қажет. Кірістер, тұрғылықты мекенжай, қай санатқа жататыны туралы барлық деректі база өзі табады.
<h3 id="">Тұрғын үй кезегіне кімдер тұра алады:</h3>
1.Ұлы Отан соғысының мүгедектері мен қатысушылары;
2.жетім балалар, ата-анасының қамқорлығынсыз қалған балалар;
3.халықтың әлеуметтік осал топтары;
4.көпбалалы отбасылар;
5.мемлекеттік қызметкерлер, бюджеттік ұйымдардың қызметкерлері, әскери қызметшілер, ғарышкерге кандидаттар, ғарышкерлер, арнайы мемлекеттік органдардың қызметкерлері, мемлекеттік сайланбалы қызметтерді атқаратын адамдар;
6.Қазақстан заңнамасында белгіленген тәртіппен жалғыз баспанасы апатты деп танылған азаматтар.

Баспана кезегіне тұруға өтініш енді тек egov.kz арқылы қабылданады

<a href="https://kyzylorda-news.kz/">​​Kyzylorda-news.kz.</a> ҚР ІІМ Байқоңыр қаласындағы өкілдігі баланың интернет әлеміндегі қауіпсіздігін қамтамасыз ету үшін төменде көрсетілген жадынамаларды ұсынады.
• Балалар аңғал, сенгіш болып келеді, сол себепті ата-ана қолдану мүмкіндігін шектейтін немесе жұмыста отырып үйде баласының әлеуметтік желіде не көріп, не оқып отырғанын бақылай алатын бағдарламалар орнатқан жөн. Нәтижесінде бала үнемі бақылауда болады.
​• Балаңыздың компьютер алдында отырғанда уақыт режимін сақтауын талап етіңіз. Компьютер, смартфондарды ұзақ уақыт қарағандықтан денсаулыққа зиян екенін түсіндіріңіз.
• Ғаламтор желісіне қосылған компьютер отбасы мүшелеріне ортақ бөлмеде, ата-ананың бақылауында болу керек.
• Балаңыздың өзінің жеке электронды поштасы болмас үшін, отбасылық электронды пошта ашып қойыңыз.
• Балаңызға Сіздердің рұқсаттарыңызсыз музыка немесе басқа да бағдарламаларды жүктеп алуға рұқсат етпеңіз.• Балаңызға әлеуметтік желілерде хабарлама алмасу функциясын қолдануға рұқсат етпеңіз.
​• Балаңыз шынайы өмірдегі достары туралы айта бастаса, одан ғаламтордағы достары туралы да сұрап, хабардар болып отырыңыз.
• Балаңыз үлкендерге қатысты сұрақ қойса, жауап беруден жалтармаңыз. Өйткені ол Сіз бере алмаған жауапты ғаламтор желісінен іздеуі мүмкін және іздеу барысында «үлкендерге арналған» сайтқа тап болуы мүмкін.
• Балаңызға Ғаламтордағы сайттардың бәрі бірдей жақсылыққа үндемейтінін түсіндіріңіз.

Баланың интернет әлеміндегі қауіпсіздігін бақылаңыз

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемелекеттік корпорациясы» Қызылорда облысы бойынша филиалы 2022 жылдың 4 ақпан күнінен бастап Халыққа қызмет көрсету орталықтары жаңа кестеге сәйкес жұмыс жасайтындығын Сіздердін назарларынызға салады.
Жаңа жұмыс кестесіне сәйкес ХҚКО дүйсенбі жұма аралығында сағат 09:00 ден 18:00 аралығы сіздерге қызмет көрсетеді, ал сенбі және жексенбі күндері демалыс. Бұл кесте Республика көлеміндегі барлық ХҚКО-ны қатысты.
Жаңа кестенің еңгізудін басты талабы, елімізде, оның ішінде өңірімізде коронавирус инфекциясына таралу қауіпін азайтуға бағытталған. Осы ретте барлық тұрғындарды түсіністік танытуға шақырамыз.
Қосымша: санитарлық-эпидемиологиялық талаптарды сақтау мақсатында ХҚО-ға «Ashyq» қосымшасы арқылы және медициналық маскалардың болуы талап етіледі. 
«Азаматтарға арналған үкімет» мемлекеттік корпорациясы» тұрғындарды «электрондық үкімет» онлайн-сервистерін белсенді пайдалануға шақырады. Бүгінгі күні мемлекеттік қызметтердің 645 түрі (мемлекеттік тізілімдегі 690 қызметтің ішінде) электронды түрде қолжетімді, клиенттер оларды өздері ала алады: 
• eGov.kz электронды порталы; 
• eGov Mobile мобильдік қосымшасында; 
• Telegram мессенджеріндегі бот арқылы (@Kenes1414Bot); 
• Facebook және ВКонтакте әлеуметтік желілерінің мессенджерлері арқылы (жеке хат алмасу)». 
Қосымша сұрақ туындағанда 1414 Бірыңғай байланыс орталығына забарласуға болатының қоса жеткіземіз.

Халыққа қызмет көрсету орталығының жаңа жұмыс кестесі бекітілді

<a href="https://kyzylorda-news.kz/">Kyzylorda-news.kz.</a> Енді 17 жасқа толмаған балалардың ұшақтағы билет құнын толықтай мемлекет өтеп береді. Бұл жеңілдік туристік орталықтардан жолдама алғандарға қарастырылған.
Ескеретін жайт, шетелге шыққан балалар үшін жеңілдік қарастырылмаған.
«Қазақстан Республикасындағы туристік қызмет туралы» Қазақстан Республикасының Заңына сәйкес Қазақстан Республикасының аумағында кәмелетке толмаған жолаушыларды әуемен тасымалдау кезінде туристік өнімге қосылған билет құнын субсидиялау қағидалары әзірленіп, бекітілді. Бұл жайында Мәдениет және спорт министрлігі мәлім етті.
Қағидалар осы жылдың 1 қаңтарынан бастап қолданылады. Субсидия отбасылық авиатасымалдауды қолжетімді етеді, ішкі туризмді дамыту үшін қосымша ынталандыру болады.
Аталған шара:
1) ерікті;
2) Қазақстан Республикасының азаматы немесе Қазақстан Республикасында тұрақты тұруға рұқсаты бар, азаматтығы жоқ тұлға саналатын 17 жасты қоса алғанға дейінгі кәмелетке толмаған жолаушыға қолжетімді;
3) кәмелетке толмаған жолаушының ата-анасымен немесе жақын туысымен ұшуы кезінде қолданылады;
4) Қазақстан Республикасының бүкіл аумағына қолданылады;
5) ішкі туризм саласындағы туроператорға өткізілген туристік өнімге енгізілген балалар авиабилеттерінің құнын төлеу арқылы жүзеге асырылады.
Балалар авиабилеттерін субсидиялау операторы- Kazakh Tourism ҰК АҚ. Балалардың авиамен тегін ұшуы үшін туристер туристік өнімді сатып алу мақсатында ішкі туризм саласындағы туроператорға жүгінуі және Қазақстан Республикасының барлық аумағында жоспарланған демалыс жасауы қажет.
Тегін авиатасымалдау ішкі туризм саласындағы туроператордың қаражаты есебінен жүргізіледі.
Туристік өнімді өткізгеннен кейін, балалар авибилеттеріне жұмсалған соманы қайтару үшін ішкі туризм саласындағы туроператор Kazakh Tourism ҰК АҚ-ға өтініммен және қажетті құжаттармен жүгінеді.

Балалар қандай талап бойынша тегін ұша алады?

<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігінің баспасөз орталығында өткен брифингте қалалық жер қатынастары бөлімінің сектор меңгерушісі Ғанибек Омаров бөліммен 2021 жылы атқарылған жұмыстар туралы баяндады.
<blockquote>
 2021 жылдың белгіленген жоспарына сәйкес шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа шығарылатын жалпы көлемі – 7521,7 гектар жер учаскесінің тізбесі бекітіліп, жеңімпаз атанған «Азаматтарға арналған үкімет» МК» КЕ АҚ Қызылорда облысы бойынша филиалы жерге орналастыру жұмыстарын жүргізді. Осы орайда, 15 жұмыс күн ішінде ниет білдірген азаматтар бизнес жоспарларын бөлімге өтінішпен ұсына алады. ҚР Жер кодексінің талаптарына сәйкес комиссия отырысын сәуір айында өткізу жоспарлануда, – деді Ғанибек Омаров.
</blockquote>
Бөлім тарапынан Қызылорда қаласы аумағындағы жерлерге түгендеу жұмыстары тұрақты түрде жүргізіліп келеді. Жер учаскелерінің нысаналы мақсатына сай пайдаланылуы мен игерілуін анықтау мақсатында кәсіпкерлік мақсаттағы 63 жер учаскесі Қызылорда облысының жердің пайдаланылуы мен қорғалуын бақылау басқармасына жолданып, нәтижесімен 17-не нұсқама берілген.
Сонымен қатар, 20 тұлғаның пайдалануындағы өз бетінше иеленіп алған мемлекеттік жер учаскелерінде салынған (салынып жатқан) құрылыстар анықталды. Оны мәжбүрлі түрде бұздыру үшін сот органдарына талап-арыздар берілсе, ауыл шаруашылығы мақсатындағы 486 жер учаскесі Қызылорда қаласының ауыл шаруашылығы бөліміне жолданып, нәтижесімен 20-на нұсқама берілген.
Бұдан бөлек, бөліммен 2021 жылы 6 сауда – саттық өткізілген. Аукционда жалпы көлемі 106,6251 гектар құрайтын 171 жер учаскесі ұсынылып, 114 жер учаскесі сатылған.
Айта кету керек, жеке тұрғын үй құрылысы үшін жер кезектілігінде 2005 – 2021 жылдар аралығында барлығы 62 454 азамат тіркеліп, 2005 жылғы арызбен барлығы 7280 азамат жер учаскелерін алған. Ендігі ретте, 2021 жылдан бастап Қазақстан Республикасының қолданыстағы заңнамаларға өзгерістер енгізілуіне байланысты жеке тұрғын үй құрылысы үшін жер учаскелерін беру құзыреттілігі сәулет және қала құрылысы органдарына жүктелді.

Қазақстан және Қызылорда облысының жаңалықтары

Қызылордада сексеуіл кесуге тыйым салынған

Қазақстанда ажырасу тәртібі өзгеруі мүмкін

Жиналыстарды онлайн форматта өткізу заман талабы

Қызылордада коммуналдық қарыздарды жауып беремін деген алаяқ ұсталды

Әлеуметтік маңызы бар азық-түлік бағасын бақылау үшін пилоттық жоба іске қосылады

Серік Сермағамбетов шалғайдағы ауыл тұрғындарымен кездесті

Қызылорда облысындағы спорттық секциялардың тізімі жарияланды

Баспана кезегіне тұруға өтініш енді тек egov.kz арқылы қабылданады

Баланың интернет әлеміндегі қауіпсіздігін бақылаңыз

Халыққа қызмет көрсету орталығының жаңа жұмыс кестесі бекітілді

Балалар қандай талап бойынша тегін ұша алады?

Қызылордада мемлекеттік жер учаскесіне салынып жатқан заңсыз құрылыстар анықталды

Қазақстан және Қызылорда облысының жаңалықтары

Қызылордада сексеуіл кесуге тыйым салынған

Қазақстанда ажырасу тәртібі өзгеруі мүмкін

Жиналыстарды онлайн форматта өткізу заман талабы

Қызылордада коммуналдық қарыздарды​ жауып беремін деген алаяқ ұсталды

Әлеуметтік маңызы бар азық-түлік бағасын бақылау үшін пилоттық жоба іске қосылады

Серік Сермағамбетов шалғайдағы ауыл тұрғындарымен кездесті

Қызылорда облысындағы спорттық секциялардың тізімі жарияланды

Баспана кезегіне тұруға өтініш енді тек egov.kz арқылы қабылданады

Баланың интернет әлеміндегі қауіпсіздігін бақылаңыз

Халыққа қызмет көрсету орталығының жаңа жұмыс кестесі бекітілді

Балалар қандай талап бойынша тегін ұша алады?

Қызылордада мемлекеттік жер учаскесіне салынып жатқан заңсыз құрылыстар анықталды

Қызылордада коммуналдық қарыздарды жауып беремін деген алаяқ ұсталды