<a href="https://kyzylorda-news.kz/">Kyzylorda-news.kz.</a>&nbsp;Қант – қарапайым азық-түлік тауары. Қанттың негізгі құрамдас бөлігі сахароза болып табылады. Ақ қантта олардың мөлшері 0,25 пайызға дейін, тазартылған қантта – 0,1 пайыз кездеседі.
– Қант туралы алғашқы шежіре біздің дәуірімізге дейінгі ІV ғасырға жатады. Содан кейін Үндістанға жорығында Ескендір Зұлқарнайынмен бірге болған грек тарихшысы Онесикрит осы уақытқа дейін белгісіз болған бұл өнімді мұқият зерттеген.
– Қанттың отаны – Үндістан. Ол сакхарон (σάκχαρον) деген атпен танымал болған.
– Қант қамысы плантациялары 10 мың жыл бұрын Полинезияда, 8 мың жыл бұрын Үндістанда болған. Сондықтан “қант” сөзінің ежелгі үнді тілінен шыққаны таңқаларлық емес.
– Б.з.б VІІ ғасырда парсылар қамыстан қант алуды үйренді.
– Еуропада қант римдіктер кезінде келді. Қоңыр қант дәндері қант қамысы шырынынан дайындалып, Еуропаға Үндістаннан әкелінді. Қант қамысы кейінірек Сицилия мен Испанияның оңтүстігінде пайда болды, бірақ бұл дәстүр Рим империясының құлауымен жойылды.
– 1493 жылы Колумб қант қамысын Канар аралдарынан Санто-Домингоға (Гаити) әкелді, сол кезден бастап Вест-Индия мен Орталық Америкада оны өсіру қарқынды дами бастады, ал колониялардан қант импорты оған деген жалпы қажеттілікті өтей бастады. Еуропада ХVІ ғасырдан бастап қант өңдеу зауыттары оны тазартатын болды.
– Әлемдегі қант зауыты алғаш рет Польшада 1801 жылы ашылды.
– 1828 жылы Францияда жылына 5 мың тоннаға дейін қант өндіретін 103 зауыт жұмыс істеді. Францияда жасалған технология кейін Германияға және басқа Еуропа елдеріне тарады.
–&nbsp;Жыл сайын жер бетінде орта есеппен шамамен 110 000 000 тонна қант өндіріледі.
– Бір рет қолданылатын қант пакеттерін Нью-Йорктегі дәмхана иесі Бенджамин Эйзенштадт ойлап тапқан.
– Ортағасырлық Еуропада қант дәрі болды және дәріханаларда сатылды.
– Орта ғасырда қант қымбат және табу қиын өнім болды. Оған өте бай адамдар ғана қол жеткізе алатын.
– Қант тағамның бұзылуын баяулатады, өйткені ол тұз сияқты табиғи консервант.
– Астрономдар Жерден көптеген жарық жылындағы ғарыштық шаңның жұлдызаралық коллекцияларынан қанттың бір түрі гликолальдегидті тапқан.
– Қантты темекі бұйымдарын, пластмассаларды, фармацевтика өнеркәсібін және басқаларын өндіруде де қолданады.
– Барлық өсімдіктердің ішінде қантқа ең байы – құрма. Орташа алғанда, бұл жемістің шамамен 33 пайызын қант құрайды.
– Дүние жүзінде қант қызылшасынан гөрі қант қамысынан көбірек қант өндіріледі.
– Қызылша қантына қарағанда қамыс қантының ағзада қорытылуы оңай.
– Яков Кристоф Рад ХІХ ғасырдың ортасында Чехияда қантты кішкентей төртбұрышты етіп өндіруді жолға қойды.&nbsp; Себебі, бұрын қантты өте үлкен (көлемі адамның басындай) етіп өндіретін болған. Бір күні Яковтың әйелі қанттың шетінен сындырып алып жатып, қолын жаралап алған. Сондықтан өнертапқыш қантты кішкентай төртбұрыш етіп өндіріп, оны әйеліне әкеп берген екен.
– Бразилия жан басына шаққандағы қантты тұтыну бойынша әлемде бірінші орында.
– Қантты асыра пайдалану ағзадағы инсулин деңгейінің жоғарылауына әкеледі, бұл өз кезегінде қант диабетіне немесе қатерлі ісікке әкелуі мүмкін.
– Кейбір зерттеулер қантты шамадан тыс тұтынуға бейімділік тұқым қуалайтынын көрсетеді.
– Әлемде қантты тұтынудың орташа деңгейі баяу, бірақ сенімді түрде өсіп келеді, өйткені ол көптеген өнімдерге кіреді.
– Ағзаға түскеннен кейін қант глюкоза мен фруктозаға ыдырайды, сондықтан оның энергетикалық құндылығы өте жоғары. Адам ағзасы барлық энергияның жартысын глюкозадан алады.
– Орташа адам жылына шамамен 40 кг қант жейді, ол десерттерде, тағамдарда және басқа да тәтті өнімдерде кездеседі.

Қанттың пайда болу тарихы

Kyzylorda-news.kz. 26 маусым күні атмосфералық фронталды бөліктердің әсерінен Қазақстан аумағының солтүстік бөлігінде және оңтүстік-шығысында құбылмалы күн райы сақталады. Күн күркіреп, жаңбыр жауады, бұршақ, дауыл күтіледі, деп хабарлайды Қазгидромет.
Республиканың барлық аумағында екпінді жел болжанады.
Қызылорда облысының басым бөлігінде төтенше өрт қаупі сақталады.

26 маусымға арналған ауа райы болжамы

Kyzylorda-news.kz. Егін егу маусымы басталар алдында облыс әкімі Нұрлыбек Нәлібаев азық-түлік қорын көбейту және сырттан алатын өнімдерге деген тәуелділікті азайту үшін әр аудан, қаладағы ауылдарда егін егуге арнайы жер дайындауды және бақша дақылдарын егуді тапсырған еді. Нәтижесінде, аймақта 1454 гектар жер көлемі дайындалды.
Аймақ басшысы Қармақшы ауданына іссапары барысында Жаңажол ауылдық округіндегі егістік алқабына барып, күріш және бау-бақша дақылдарын баптау жұмыстарымен танысты.
Аудандағы ірі шаруа қожалықтарының бірі – «Жаңажол» ЖШС биыл 3 мың гектар жерге күріш еккен болатын. Жалпы ауданда 13 мыңға жуық гектар негізгі дақыл егілген.
Бақша дақылдарын егумен айналысатын шаруалармен кездесіп, егін мәселесінде пікірлесті. Ауылда 123 отбасы ауылда бақшалық егу жұмыстарымен айналасады. Егіс көлемі – 25 гектар, оның ішінде 7 гектар картоп, 3 көкөніс, 15 гектар бақша орналастырылды.
Облыс әкімі қазіргі кезде егісті әртараптандырудың маңызды екенін және әр ауылдың өзіндік ерекшелігін ескере келе, өнімділікті көбейту қажеттігін баса айтты. Сондай-ақ, арналарға су жеткізу, насос қондырғыларын уақытылы алу мәселесін жеделдетуді тапсырды.
Айта кетейік, Қармақшы ауданында егін шаруашылығын әртараптандыру бағытында 316 гектар жер бөлініп, 837 отбасына үлестірілді.
<img src="https://kyzylorda-news.kz/wp-content/uploads/2022/06/fb_img_1656148292173.jpg" alt="" />
<img src="https://kyzylorda-news.kz/wp-content/uploads/2022/06/fb_img_1656148294738.jpg" alt="" />

Нұрлыбек Нәлібаев егіс алқабына барып, қармақшылық дихандармен кездесті

Kyzylorda-news.kz. Эндокринолог Зухра Павлова әйелдердің неліктен ерлерге қарағанда ұзақ өмір сүретінін түсіндірді. Маманның айтуынша, бәрі гормондарға байланысты. Бұл туралы Лента жазды.
Павлованың айтуынша, әйелдің ағзасындағы гормондардың белгілі бір тепе-теңдігі қан тамырларын ұзақ уақыт бойы қалпына келтіруге көмектеседі, бұл жүрек-тамыр жүйесінің саулығын арттырады.
<blockquote>
 “Эмоционалдылығының арқасында (олар жылап, стресс гормондарын шығарды) әйелдер күнделікті қиындықтардан көбірек қорғанады”, – дейді эндокринолог.
</blockquote>
Дегенмен, ол әйелдердің ұзақ өмір сүруін көптеген теориямен түсіндіруге болатынын, бірақ ресми нұсқасы жоқ екенін атап өтті.
Павлова ерлерге жүрек саулығын қадағалап, артық салмақ қоспауға кеңес берді.
<blockquote>
 “Май тінінде тестостерон эстрадиолға (шартты түрде әйел гормоны) айналады. Бұл құбылыстың бір көрінісі сүт бездерінің өсуі. Гормондардың кез келген теңгерімсіздігі жүрек пен қан тамырларына әсер етеді”, – дейді дәрігер.
</blockquote>
<a href="https://massaget.kz/">Massaget</a>

Әйелдер неге ерлерге қарағанда ұзақ өмір сүреді?

Дүниежүзілік денсаулық сақтау ұйымы бүкіл әлем бойынша шығу тегі белгісіз гепатиттің 920 болжамды жағдайы анықталғанын мәлімдеді, деп хабарлайды Zakon.kz.
ДДСҰ баспасөз&nbsp;<a href="https://www.who.int/publications/i/item/9789240052710">хабарламасында</a>&nbsp;айтылғандай, күмәнді ауру 33 мемлекетте анықталған.
27 мамырда осы ауру туралы алдын ала үнпарақ жарияланғаннан бері ДДСҰ-ға тағы 270 жаңа ықтимал жағдайлар жайлы ақпарат келіп түсті. Органдарды трансплантациялау бойынша ота жасауды 45 бала қажет етті, ал 18 науқас қайтыс болды.
Шығу тегі белгісіз гепатит жағдайларының жартысы Еуропа елдерінде анықталып жатыр.
8 маусымда Дүниежүзілік денсаулық сақтау ұйымының (ДДСҰ) бас директоры Тедрос Адханом Гебрейюс аурудың 700-ден астам ықтимал жағдайлары тіркелгені туралы хабарлады.
ДДСҰ тәуекелді жаһандық деңгейде қалыпты деп бағалайды.

Әлемде балалар арасында «шығу тегі белгісіз» гепатиттің 920 жағдайы анықталды

Kyzylorda-news.kz. Аймақ басшысы Нұрлыбек Нәлібаев кадрлық тағайындауларға байланысты актив отырысын өткізді.
ҚР Президенті Әкімшілігінің келісімі бойынша облыс әкімінің өкімімен облыс әкімінің орынбасары лауазымына Нұрымбет Сақтағанов тағайындалды.
Өңір басшысы Нұрымбет Сақтағановтың республикалық деңгейде түрлі салаларда мол тәжірибе жинап, қызметте сатылап өскен азамат екенін жеткізіп, алдағы міндеттерін абыроймен атқаратынына сенім білдірді.
<blockquote>
 Қазіргі таңда өңір экономикасын әрі қарай әртараптандыру міндеті тұр. Аймағымызға отандық және шетелдік инвестицияны тарта отырып, өңір экономикасының шикізаттық бағыттан өңдеу саласына бет бұруын жеделдетуіміз қажет. 
 Облыс бюджетінің жоғары тұрған бюджеттегі, мемлекеттік-жекешелік әріптестік жобалары, қаржылық даму институттары алдында 100 млрд.теңгеден астам міндеттемелері бар. Осы орайда, біз облыс бюджетінің кіріс көзін мүмкіндігінше арттыруға жұмыс жасауымыз керек. 
 Нұрымбет Аманұлы осы аса өзекті мәселелерді үйлестірумен айналысатын болады,-деді облыс әкімі.
</blockquote>
Айта кетейік, Нұрымбет Сақтағанов облыстық экономика және қаржы, білім, денсаулық сақтау, қоғамдық даму, мәдениет және спорт басқармаларына жетекшілік ететін болады.
Сақтағанов Нұрымбет Аманұлы 1970 жылы дүниеге келген. Қорқыт Ата атындағы Қызылорда мемлекеттік университетін, Мәскеу мемлекеттік экономика, статистика және информатика университетін, Сәрсен Аманжолов атындағы Шығыс Қазақстан мемлекеттік университеттерін педагогика, заңтану, экономика мамандықтары бойынша бітірген.
Еңбек жолын 1992 жылы Қызылорда облысының Сырдария ауданындағы №172 орта мектепте мұғалім ретінде бастаған. Әр жылдары мемлекеттік қызметте, соның ішінде кеден органдарында жауапты басшылық қызметтерді атқарған. 
2007-2012 жылдары Қазақстан Республикасы Экономика және бюджеттік жоспарлау министрлігінің Сыртқы инвестиция көздерін жоспарлау бөлімінің бастығы, аталған министрдің кеңесшісі, Еңбек және әлеуметтік қорғау министрлігі Миграция комитеті төрағасының орынбасары, Қазақстан Республикасы Президенті Әкімшілігінің мемлекеттік бақылау және аумақтық-ұйымдастыру жұмысы бөлімінің мемлекеттік инспекторы. 
2012-2021 жылдары Шығыс Қазақстан облысы әкімінің орынбасары, бірінші орынбасары, Шығыс Қазақстан облысы, Ұлан ауданының және Семей қаласының әкімі қызметтерін абыроймен атқарған. 
2021 жылдың ақпан айынан бастап осы кезге дейін Шығыс Қазақстан облысы Жарма ауданының әкімі лауазымын атқарды.

Қызылорда облысы әкімінің орынбасары тағайындалды

Kyzylorda-news.kz. Облыс әкімі Нұрлыбек Нәлібаев Президент Жарлығы аясында Қармақшы ауданының халқымен кездесті. 
Аймақ басшысы облыстың экономикалық жағдайынан бөлек, өндіріс, кәсіпкерлік саласына кеңінен тоқталды.
<blockquote>
 Өңірдегі кәсіпкерлік саласын дамытуға биыл барлық көздерден 19,9 млрд. теңге қаражат бағытталуда. Жыл басынан бері аудан бойынша 11 жобаға 280,8 млн.теңгеге несие берілді. Біз бизнес қарқынын әлі де үдетуіміз қажет. Аудан әкімдігі өз бизнесін бастаймын, кәсібін кеңейтемін деген ынталы азаматтармен тығыз жұмыс жасап, оларға шынайы қолдау көрсетуі тиіс. 
 Елді мекендерді аралап, халықпен кездескен сайын тұрғындардан инфрақұрылым тарту мәселесіне қатысты өзекті сауалдары жиі түседі. Биыл Қармақшы, Көмекбаев және Алдашбай ахун елді мекендерінің ауыз су жүйелерін қайта жаңғыртамыз. 
 Өздеріңіз білесіздер, жақында Төретам мен Ақай елді мекендерінің тұрғындарымен кездесіп, талап-тілектерін тыңдадым. Аталған елді мекендердегі ең өзекті мәселелердің бірі табиғи газға қосылу. Осыған орай, биыл екі ауылға да газ тарту жұмыстарын бастаймыз. 
 Мемлекет басшысының тапсырмасына сәйкес, халық табысын арттыру да маңызды. Бұл бағытта өңірде 30 мыңнан астам, оның ішінде Қармақшыда 2533 жұмыс орнын ашу жоспарлануда. Осы жылдың 5 айында ауданда 855 жаңа жұмыс орны құрылса, оның 242-і тұрақты, – деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2022/06/fb_img_1656124374397.jpg" alt="" />
Биыл Қармақшы ауданындағы жақсы, қанағаттанарлық жағдайдағы жолдар үлесін 80 пайызға жеткізу межесі тұр. Осы ретте, Ақжар мен Көмекбаев елді мекендері арасындағы автомобиль жолын күрделі жөндеу және Жосалы кентінің 12 көшесін орташа жөндеу жұмыстары жыл соңына дейін аяқталмақ.
Аймақ басшысы білім саласына арнайы тоқталды. Ауданда Ақжар елді мекеніндегі, Төретам және Жосалы кенттеріндегі мектептер күрделі жөндеуден өтсе, Жосалы кентіндегі №30 мектептің бу қазандығы сұйық отыннан газға ауыстырылады.
Халықпен кездесу соңында облыс әкімі Нұрлыбек Нәлібаев тұрғындардың сауалдарына жауап берді. Мұнан соң, кезектілік тәртібімен азаматтарды жеке мәселелері бойынша қабылдап, аудан әкімі мен жауапты сала басшыларына нақты тапсырмалар жүктеді.
<img src="https://kyzylorda-news.kz/wp-content/uploads/2022/06/fb_img_1656124379619.jpg" alt="" />

Облыс әкімі Қармақшы ауданының халқымен кездесті

Kyzylorda-news.kz. ҚР Президенті Әкімшілігінің келісімі бойынша облыс әкімінің өкімімен облыс әкімінің бірінші орынбасары лауазымына Серік Қожаниязов тағайындалды.
Аймақ басшысы Серік Салауатұлын мемлекеттік қызметте тәжірибесі мол, білікті басшы ретінде жауапты қызметтерді абыроймен атқарғанын тілге тиек етіп, жаңа қызметіне сәттілік тіледі.
<blockquote>
 Серік Салауатұлы аймақтың әлеуметтік-экономикалық ахуалымен етене таныс, басшылық қызметтегі ұйымдастырушылық қабілеті жоғары, орталық және жергілікті атқарушы органдарда қызмет етіп, мол тәжірибе жинаған азамат. 
 Оның алдында өңірдің экологиялық жағдайын жақсартуға бағытталған жобаларды іске асыру, вегетация кезеңінде Сырдария өзенінде су тапшылығының алдын алу жұмыстарын ұйымдастыру міндеті тұр. 
 Мемлекет басшысының тапсырмасына сәйкес Солтүстік Арал теңізін сақтап қалу жобасының екінші кезеңін бастау, Көкарал бөгетін сақтап қалу, облыс аумағында жаңадан су қоймаларын салу жобаларын іске асыру жұмыстарын үйлестіретін болады,-деді аймақ басшысы.
</blockquote>
Серік Қожаниязов облыстық ауылшаруашылық және жер, ветеринария, табиғи ресурстар және табиғат пайдалануды реттеу, кәсіпкерлік және өнеркәсіп, жұмыспен қамтуды үйлестіру және әлеуметтік бағдарламалар басқармаларына, «Байқоңыр» әлеуметтік кәсіпкерлік корпорациясына жетекшілік жасайды. Сонымен қатар, облыстың құқық қорғау органдарымен бірлесіп, қоғамдық қауіпсіздікті және тәртіпті сақтау жұмыстарын үйлестіреді.
Активте облыстық мәслихат хатшысы Наурызбай Байқадамов, облыстық ардагерлер кеңесінің төрағасы Серік Дүйсенбаев пен облыстық қоғамдық кеңес төрағасы Әріп Хожбанов жауапты да күрделі қызметті тәжірибесі мол, жоғары лауазымдарда шыңдалған азамат ғана атқара алатынын айтып, лайықты тағайындау жасалғанын жеткізді.
Серік Қожаниязов 1965 жылы Қызылорда қаласында дүниеге келген. Кузбасс политехникалық институтын инженер-механик және Лев Гумилев атындағы Еуразия ұлттық университетін экономист мамандықтары бойынша бітірген. 
Еңбек жолын 1989 жылы Қызылорда жөндеу-механикалық зауытында инженер-технолог ретінде бастаған. 
2001-2004 жылдары Қызылорда облысы әкімі аппаратының индустриялық даму бөлімінің меңгерушісі, 2005-2007 жылдары Қызылорда облысының кәсіпкерлік және өнеркәсіп департаментінің директоры, 2007-2008 жылдары Қызылорда қаласының әкімі қызметтерін абыроймен атқарған. 
2008-2014 жылдары Қазақстан Республикасы Премьер-Министрі Кеңсесінің ұйымдастыру жұмысы және өңірлік даму бөлімінің бас инспекторы, бөлім меңгерушісінің орынбасары, бөлім меңгерушісі. 
2014-2019 жылдары Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі лауазымдарын атқарды. 
2019-2021 жылдары Қазақстан Республикасы Президенті Әкімшілігінің мемлекеттік бақылау және аумақтық-ұйымдастыру жұмысы бөлімінің мемлекеттік инспекторы болып қызметін, 2021 жылдың қаңтар айынан осы кезге дейін Қазақстан Республикасы Экология, геология және табиғи ресурстар вице-министрі лауазымын абыроймен атқарды. 
Министрлікте қызметте жүріп, Арал-Сырдария бассейнінде су бөлу мәселелері бойынша Орталық Азия елдерінің Мемлекетаралық су шаруашылығын үйлестіру комиссиясының жұмысына Қазақстан тарапынан жетекшілік жасап, Арал өңірінің экологиялық жағдайын жақсартуға өз үлесін қосты.

Серік Қожаниязов   облыс әкімінің бірінші орынбасары лауазымына тағайындалды

Kyzylorda-news.kz. Қызылорда қаласында күннің қатты ысуына байланысты KEGOC компаниясының қосалқы станциясында 35 кВ әуе желісінде жүктеме тоғының күрт көбею салдарынан, яғни 370 Амперге жетіп, сымдар бойы қызып үзіліп, апаттық ағытулар орын алды. Салдарынан Тасбөгет, Саулет, Бәйтерек, Шанхай шағын аудандарында уақытша электр жарығын беру тоқтатылды.
Мамандар облыс орталығында жаңа тұрғын үйлер салынуына байланысты электр желілерге түсетін жүктеменің жыл санап артуы негізгі себептің бірі дейді. Мәселен, 100 үйге есептелген электр қондырғылары қазір шамамен 300 үйді электр жарығымен қамтамасыз етуде. Сондай-ақ, қалалық электр желілері жарты ғасырдан астам жұмыс істеп келеді. Сол себепті қайта жаңғырту жұмыстарын қажет етеді.
Қазіргі таңда «Қызылорда электр тарату тораптары» мекемесінің қызметкерлері апаттық жағдайды қалпына келтіру жұмыстарын жүргізіп, электр энергиясын қалпына келтірді.

Қызылордалықтар не себепті жарықсыз қалды?

«Қазгидромет» РМК 25 маусымға арналған ауа райы болжамын ұсынды: бұл күні республика бойынша жел күшейіп, найзағай ойнайды, бұршақ пен дауыл күтіледі.
Атмосфералық фронталды бөліктердің әсерінен ҚР аумағының басым бөлігінде тұрақсыз ауа райы сақталады, күн күркіреп, жаңбыр жауады, еліміздің солтүстігінде қатты жаңбыр жауады.
Қызылорда облысында&nbsp;оңтүстік-шығыстан солтүстік-батысқа ойыса отырып 15-20 м/с жылдамдықпен жел соғады, облыстың басым бөлігінде төтенше өрт қаупі сақталады.&nbsp;Қызылордада&nbsp;күндіз 42-44 градус аптап ыстық болады. Төтенше өрт қаупі сақталады.

Қызылордада күндіз 44 градус аптап ыстық болады

<a href="https://kyzylorda-news.kz/">Kyzylorda-news.kz.</a>&nbsp;Биыл Қызылорда облысында 92 есірткі қылмысы анықталды. Оның ішінде есірткіні аса ірі мөлшерде сақтаудың – 5, есірткі сатудың – 19, есірткі өсірудің – 13 дерегі тіркелген. Бұл жөнінде Өңірлік коммуникациялар қызметінде өткен брифингте облыстық полиция департаментінің есірткіге қарсы іс-қимыл басқармасы бастығының орынбасары Ардақ Дүненов мәлімдеді.
<blockquote>
 «Есірткі қылмыстарын тергеп-тексеру барысында 20 кг-нан астам марихуана заты тәркіленді. Осыған байланысты 1 маусымнан 31 қазанға дейін республика көлемінде «Қарасора» жедел-профилактикалық іс-шарасы жүргізілуде. Шара барысында қалалар мен ауылдардағы бау-бақшалар, шаруа қожалықтарының аумақтары және облыстың барлық жерлерінде мониторинг арқылы тексерілуде. Сонымен қатар, нашақорлыққа қарсы күрес күніне орай мамыр айының 26-нан маусым айының 26-ы аралығында бір айлық профилактикалық шаралар ұйымдастырылуда. Қазіргі таңда 55-тен астам акция мен сайыс өткізілді», – деді Ардақ Дүненов.
</blockquote>
2021 жылы облыстық психикалық денсаулық орталығына қарасты наркологиялық стационарда 1300-ге жуық азамат емделіп шықты. Өткен жылдың қорытындысы бойынша есірткіге тәуелді 698 адам есепте тұрса, оның 7-і әйел.
<blockquote>
 «Қазіргі таңда наркологиялық стационарда 190 орындық 6 емдеу бөлімі науқастарға медициналық көмек көрсетеді. Бүгінде аймақ бойынша 708 азамат нашақор диагнозымен есепте тұр. Оның ішінде әйел саны – 6. Айта кету керек, орталықтың наркологиялық стационарына қарасты «Ақылы бөлім» қызмет жасайды. Мұнда ем алушылардың жеке мәліметтері құпия түрде сақталып, маскүнемдік пен есірткіге тәуелділігі бар кез келген адам емделе алады», – деді облыстық психикалық денсаулық орталығы директорының орынбасары Аман Тұрсынов.
</blockquote>

Қызылордада биыл 92 есірткі қылмысы анықталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы №1 Халыққа қызмет көрсету орталығы 2022 жылдың шілде айынан бастап сенбі күні жұмыс істейді.
Әр сенбі сағат 9:00-ден 13:00-ге дейін клиенттерге қызмет көрсетеді.
Қазіргі уақытта ХҚКО-да көрсетілетін қызметтің көбін электронды түрде алу мүмкіндігі бар.

Қазақстан және Қызылорда облысының жаңалықтары