<a href="https://kyzylorda-news.kz/">Kyzylorda-news.kz.</a> COVID-19 таралуына жол бермеу жөніндегі ВАК 4 ақпандағы жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.
«Қызыл» аймақта: Нұр-Сұлтан, Алматы қалалары, Атырау, Алматы, Ақтөбе, Ақмола, Шығыс Қазақстан, Батыс Қазақстан, Қарағанды, Қостанай, Павлодар, Солтүстік Қазақстан облыстары.
«Сары» аймақта : Шымкент қаласы, Жамбыл, Маңғыстау облыстары.
«Жасыл» аймақта: Қызылорда, Түркістан облыстары.

Қызылорда «жасыл» аймаққа өтті

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 13374 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 3773, Алматы қаласы – 1907, Шымкент қаласы – 46, Ақмола облысы – 1200, Алматы облысы – 564, Атырау облысы – 473, Шығыс Қазақстан облысы – 362, Жамбыл облысы – 72, Батыс Қазақстан облысы – 235, Қарағанды облысы – 2458, Қостанай облысы – 676, Қызылорда облысы – 184, Маңғыстау облысы – 242, Павлодар облысы – 605, Солтүстік Қазақстан облысы – 417, Түркістан облысы – 160.
Қазақстан бойынша жазылғандар саны – 1128207.

COVID-19: 184 қызылордалық жазылып шықты

<a href="https://kyzylorda-news.kz/">Kyzylorda-news. kz.</a> Қазақстанда өткен тәулікте 6648 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 749, Алматы қаласы – 1602, Шымкент қаласы – 56, Ақмола облысы – 507, Ақтөбе облысы – 237, Алматы облысы – 413, Атырау облысы – 124, Шығыс Қазақстан облысы – 285, Жамбыл облысы – 93, Батыс Қазақстан облысы – 296, Қарағанды облысы – 611, Қостанай облысы – 545, Қызылорда облысы – 38, Маңғыстау облысы – 47, Павлодар облысы – 679, Солтүстік Қазақстан облысы – 351, Түркістан облысы – 15.
Жалпы ел бойынша ауырғандар саны 1260407.

Қызылордада 38 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Қазақстанда 4 ақпанда елдің басым бөлігінде жауын-шашынсыз ауа райы болады.
Солтүстікте қар жауып, жаяу бұрқасын күтіледі, батыста жауын-шашын жауып, көктайғақ болады, деп хабарлады Қазгидромет.
Республика бойынша кей жерде тұман болып, жел күшейеді.
Қызылорда облысының солтүстігінде, орталығында тұман түседі.

Жұмаға арналған ауа райы болжамы

Kyzylorda-news.kz. Өңір экономикасын қозғаушы негізгі бағыттардың бірі – жол инфрақұрылымы. Пандемия шектеулеріне қарамастан Қызылорда облысындағы жақсы жағдайдағы жолдардың үлесі 2,5 есеге артып, 75 пайызға жетті.
Биыл бұл көрсеткішті 82 пайызға жеткізу міндеті тұр. Бүгін облыс әкімі Гүлшара Әбдіқалықова облыстық жолаушылар көлігі және автомобиль жолдары басқармасының басшысы Мұрат Тлеумбетовтың есебін тыңдап, жол желісін дамыту бойынша атқарылатын жұмыстар мен міндеттерді саралады.
Биыл аймақта жергілікті маңызы бар автомобиль жолдары мен көшелерді және көпір өткелдерін жөндеуге республикалық бюджеттен 5,3 млрд.теңге және облыстық бюджеттен 7,4 млрд.теңге бөлініп, ұзындығы 239 шақырым жол желісін жөндеуден өткізу жоспарлануда.
Басқарма басшысы «Нұрлы жол», «Ауыл – Ел бесігі», «Өңірлерді дамыту», «Кіші қалаларды дамыту» бағдарламалары бойынша баяндады. 
Жыл ішінде «Нұрлы жол» бағдарламасы аясында құны 10,3 млрд.теңгені құрайтын облыстық және аудандық маңызы бар ұзындығы 183 шақырымды құрайтын 34 жоба жүзеге асырылады. Ал, «Ауыл – Ел бесігі» бағдарламасы бойынша республикалық бюджеттен 14 жобаға 1,6 млрд.теңге бөлінді.
«Өңірлерді дамыту» бағдарламасы шеңберінде Қызылорда қаласы С.Бейбарыс көшесінен Жібек жолы көшесіне дейінгі магистралды көше құрылысы аяқталады. Сондай-ақ, “Кіші қалаларды дамыту” бағдарламасы бойынша Арал қаласының 8 көшесін және Қазалы қаласының 10 көшесін қайта жаңарту жұмыстары жүзеге асырылады. 
Биыл республикалық бюджетті нақтылауға қосымша құны 16,4 млрд.теңгені құрайтын 22 жобаны қаржыландыруға ұсыныс берілген. Оның 8-і құрылыс және қайта жаңарту жұмыстары, 14-і күрделі және орташа жөндеу бойынша жобалар. 
Жиында жолаушылар тасымалын ұйымдастыру мәселелері де сөз болды. Есте болса, өткен жылдың 26 қазанында әуежайдың жаңа жолаушылар терминалын салу бойынша ынтымақтастық туралы меморандумға облыс әкімдігі, «Қорқыт ата әуежайы» АҚ және «Болат Өтемұратов қоры» қол қойды. Келісім бойынша Қор жобаны толық қаржыландыратын болады.
Қазір жобалық-сметалық құжаттары әзірленіп, нысанның құрылысын биыл бастау жоспарланып отыр. 
Басқосуды қорытындылаған аймақ басшысы жауапты басқарма басшысына Қарлан көпірін ерекше бақылауға алып және жол инфрақұрылымын жақсартуда сапаға назар аударып, жобалардың уақытылы аяқталуын қадағалауды тапсырды.
<img src="https://kyzylorda-news.kz/wp-content/uploads/2022/02/fb_img_1643893987508.jpg" alt="" />

Қызылорда облысында сапалы жолдың үлесі 75%

<a href="https://kyzylorda-news.kz/">Kyzylorda-news.kz.</a> Қаңтар оқиғасы орын алған сәтте кәсіпкерлер палатасының call-орталығына кәсіп нысандарына залал келді деп 49 қоңырау шалынды. Оның ішінде кәсіпкерлік нысанды қалпына келтіру және шығынды анықтау бойынша 37 өтініш берілген. Зиян келген мүліктің жалпы сомасы 446 844 607 теңге.
Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы кәсіпкерлер палатасының директоры Ғалымбек Жақсылықов мәлімдеді.
<blockquote>
 «Қазірде шығындар нақтыланып, 21 шағын және орта бизнес субъектілерінің арыздары тіркелді. Зиян келтірілген 29 объектінің сомасы 400 242 607 теңгені құрап отыр. Оның ішінде мүліктік (ғимартқа келтірілген зиян) шығын – 8 937 317 теңге, тауар-материалдық шығын – 390 305 290 теңге. Барлық өтініштер, ішкі істер органдарына жолданды. 9 арызға қатысты қылмыстық қудалау органының қаулылары шыққан», – деді Ғалымбек Жақсылықұлы.
</blockquote>
<img src="https://kyzylorda-news.kz/wp-content/uploads/2022/02/fb_img_1643880466380.jpg" alt="" />
Өңірлердегі тәртіпсіздіктер салдарынан шағын және орта кәсіпкерлік субъектілеріне келтірілген мүліктік зиянды өтеу қағидалары бекітілді.
<blockquote>
 «Қағида бойынша жоғалған мүліктің құнын немесе бүлінген мүлікті қалпына келтіру жұмыстарының құнын өтеу үшін өңірлік комиссияның шешімі негіз болады. Осыған сәйкес, 24 қаңтарда өңірлік комиссия құрылды. Оған жергілікті 20 адам мүшелікке енген. Мүліктік зиянды өтеу үш бағыт бойынша жүргізіледі. Бүлінген жылжымалы мүлік үшін, тауарлық-материалдық құндылықтар үшін, жоғалған жабдық үшін», – деді кәсіпкерлер палатасы директорының құқықтық мәселелер жөніндегі орынбасары Салават Құлмахан.
</blockquote>
<img src="https://kyzylorda-news.kz/wp-content/uploads/2022/02/fb_img_1643880469032.jpg" alt="" />

Қаңтар оқиғасы: Қызылордалық кәсіпкерлердің шығындары есептелуде

<a href="https://kyzylorda-news.kz/">Kyzylorda-news.kz.</a> Ұлттық экономика министрлігінің Табиғи монополияларды реттеу комитеті еліміздің барлық газдандырылған өңірлер бойынша «ҚазТранГаз Аймақ» АҚ-ның тұтынушылары үшін тауарлық газдың бағасына сараптама жүргізді.
Осылайша, баға сараптамасын қарау қорытындысы бойынша, Табиғи монополияларды реттеу комитеті «ҚазТранГаз Аймақ» АҚ-ның елдің барлық газдандырылған өңірлеріне жабдықтау үстемесін 15%-дан 50,63%-ға дейін төмендетті.
Нәтижесінде 2022 жылдың 1 ақпанынан бастап «ҚазТрансГаз Аймақ» АҚ Қызылорда өндірістік филиалының тұтынушыларына тауарлы газдың 1 м3 бағасы 18,47 теңгеге дейін төмендеді.
<hr />

Қызылордада газ бағасы арзандады

<h4 id="kyzylordanewskzhttpskyzylordanewskzkaspibanknbspsputnikhttpsrusputnikkz20220203kazakhstantsevpreduprediliomoshennichestveschekamikaspi22496744htmlnbsp"><a href="https://kyzylorda-news.kz/">Kyzylorda-news.kz.</a> Әлеуметтік желі қолданушылары алаяқтықтың жаңа түрі жайлы мәлімдеді. Олардың сөзінше, алаяқтар Kaspi Bank аударымдарының чегін бірнеше секундта жасай алады, деп хабарлайды&nbsp;<a href="https://ru.sputnik.kz/20220203/kazakhstantsev-predupredili-o-moshennichestve-s-chekami-kaspi-22496744.html">Sputnik Қазақстанға</a>.&nbsp;</h4>
Жалған чек жасау үшін алаяққа бар болғаны аударым операциясы жасалған уақытты, ақша жіберілген адамның аты және соммасын Telegram-ботқа жіберсе жеткілікті.&nbsp;
Банкте алаяқтардың құрбаны болмау үшін ақшаның есепшотқа түскенін бірден тексеру қажет екенін айтты.&nbsp;
<blockquote>
 “Сатып алу, банкоматтан ақша шешу немесе мобильді аударымдар кезінде қосымшадағы “Хабарламалар” бөліміне ескертпе келеді. Барлық жүргізілген операциялар жайлы толық ақпаратты да қосымшадан көре аласыздар”, – деді банктің баспасөз қызметіндегілер.&nbsp;
</blockquote>
Банк қызметкерлері Telegram-ботты бұғаттау үшін барлығын жасайтындарын мәлімдеді.

Алаяқтар Kaspi Bank аударымдарының чегін бірнеше секундта жасай алатыны рас па?(Видео)

<a href="https://kyzylorda-news.kz/">Kyzylorda-news.kz.</a> Шиелі ауданындағы «Шиелі Шұжық» ЖШС шұжық цехы қазіргі кезде аудан ғана емес, облыс көлеміне жақсы танымал. Одан шыққан өнімдер дастарханның сәнін келтірумен қатар, дәмін татқан жанның таңдайында қалады.
2005 жылы құрылған цех біршама қиындықтарға байланысты 2017 жылы жұмысын тоқтатуға мәжбүр болды. Дегенмен, кәсіпорын басшысы, белгілі кәсіпкер Патима Маханбет қиындықтан шығудың жолын іздеп, өндірісті іске қосты.
Осылайша кәсіпорын 2020 жылы жұмысын қайта бастады. Кәсіпкер «Байқоңыр» ӘКК-дан осы жобаға 32 млн теңге несие де алды. Істің көзін тапқан кәсіпкерге кешегі пандемия да қолбайлау болмады. Жаңа құрылғылар сатып алып, жұмысын жандандырған кәсіпкер бүгінгі күні 12 адамды тұрақты жұмыспен қамтып отыр. Цехта заманауи жабдықталған құрылғылардың арқасында күніне 500 келі шұжық өндіріледі. Жалпы мұнда шұжық өнімдерінің 12 түрі бар.

«Шиелі Шұжық»  күніне 500 келі шұжық өндіреді

<a href="https://kyzylorda-news.kz/">Kyzylorda-news.kz.</a> Энергетика министрі Болат Ақшолақов бекітілген газ бағасын жариялады, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Бекітілген баға 50-75 теңгені құрайды. Нақты құны өңірге байланысты. Әрине сұйытылған газ өндіретін зауыт орналасқан жерде баға 50 теңгеден аспайды. Одан мың шақырым шалғай жерге де газ жеткізу керек. Сондықтан газ бағасы 75 теңгеге дейін барады”, – деп түсіндірді Ақшолақов орталық коммуникациялар қызметінде өткен онлайн брифингте.
</blockquote>
Министрдің айтуынша, қазіргі кезде газ жеткілікті. Әкімдіктер газдың көлемі туралы тұрақты түрде хабарлап отырады.
<blockquote>
 “Біз әрбір әкімдікпен жұмыс істеп жатырмыз. Күнде хабарын алып отырамыз. Егер қандай да бір жағдай болса, сол күні шешуге тырысып отырамыз. Бірақ қазіргі жағдай тұрақты, газ 50-75 теңгеден сатылып жатыр”, – деп атап өтті ведомство басшысы.
</blockquote>
Осы орайда Ақшолақов митингілер кезінде халыққа автобуспен жүруге кеңес берген экономист Олжас Байділдиновтың министрлікте істемейтінін жеткізді.
<blockquote>
 “Ол бұрын бізде “Адалдық алаңы” деген жобалық кеңсені басқарған. Қазірге кезде жұмыстан шығып кетті. Адалдық алаңы кеңсесіне басқа адам бекітілді”, – деді министр.
</blockquote>

Энергетика министрі бекітілген газ бағасын жариялады

Kyzylorda-news.kz. Мұз айдыны спорт кешенінде тоғызқұмалақтан Қазақстан Республикасының ерлер мен әйелдер арасында өткен чемпионат қорытындыланды.
24 қаңтар мен 1 ақпан аралығында Қызылорда өңірінде өткен чемпионатқа республикамыздан 14 команда, 105 спортшы қатысты.
Марапаттау рәсімінде ҚР Ұлттық құрама командасының аға бапкері Жақапбаева Айнұр Абсадыққызы құттықтау сөз сөйлеп, елімізде тоғызқұмалақ ұлттық ойынын дамытуға қосқан үлесі үшін спорт ардагері Ким Юрий Федоровичке Қазақстан Республикасы тоғызқұмалақ спорты федерациясының «Тоғызқұмалақ қайраткері» белгісін табыстады.
Сонымен бірге, облыстық дене шынықтыру және спорт басқармасының басшысы Асылжан Жаманқұл, Ұлттық құрама командасының аға бапкері Жақапбаева Айнұр және спорт ардагері Ким Юрий Федорович жеңімпаздар мен жүлдегерлерді марапаттады.
&nbsp;7 күн бойы жалғасқан жеңіске деген ұмтылыс пен қажырлы қайраттың нәтижесінде үздік спортшылар:
Әйелдер арасында:
Қарағанды облысынан Қожанәсіп Аңсаған 1 орын
Түркістан облысынан Далиева Әсел 2 орын
Ақтөбе облысынан Алдабергенова Гүлжанат&nbsp; 3 орын
Түркістан облысынан Каримова Лина 3 орын
Ерлер арасында:
Шымкент қаласынан Темірбаев Ғалымжан 1 орын, Қызылорда облысынан Бостандықов Бексұлтан 2 орын, Ақөтөбе облысынан Қабиев Нұрбек 3 орын, Қызылорда облысынан Әлайдар Ермұхамед 3 орын иегері атанды.
Сыр өңірінен Бостандықов Бексұлтан биылғы жылдың сәуір айында Анталияда өтетін Тоғызқұмалақтан Әлем Чемпионатына жолдама жеңіп алды.
<img src="https://kyzylorda-news.kz/wp-content/uploads/2022/02/68fa8850fe4932b2f3bd9ad5dae51276_1280x720.jpeg.jpg" alt="" />
<img src="https://kyzylorda-news.kz/wp-content/uploads/2022/02/fff8ce2a702ab634dc2c8ce850853d9c_1280x720.jpeg.jpg" alt="" />

Қызылордада тоғызқұмалақтан Қазақстан чемпионаты өтті

<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігінің жанындағы мемлекеттік бағдарламаларды насихаттау тобы өз жұмысын Ақсуат ауылдық округі мен Белкөл кентінде жалғастырды.
Еркін диалог форматында өткен кездесуде сала мамандары “Нәтижелі жұмыспен қамту және жаппай кәсіпкерлікті дамыту”, “Бизнестің жол картасы” сынды жұмыспен қамту бағытында жүзеге асырылып жатқан мемлекеттік бағдарламалар аясында ақпарат берді.
Ақсуат ауылдық округінде өткен кездесуде газ жеткізу саласында нәтижелі жұмыс атқарып жүрген мердігер мекеме “Әлия Сервис” жауапкершілігі шектеулі серіктестігі 50 жасты жұмыспен қамтуға дайын екенін жеткізді.
Сонымен қатар, қала әкімінің орынбасары Бектас Нуридинов пен сала басшылары жастарды жеке қабылдап, ұсыныстарын назарға алды.
<img src="https://kyzylorda-news.kz/wp-content/uploads/2022/02/fb_img_1643875251595.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643875254614.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643875244383.jpg" alt="" />

Қазақстан және Қызылорда облысының жаңалықтары