Kyzylorda-news.kz. Руккола — салатқа қышқыл дәм беретін және адам денсаулығына пайдалы жапырақты жасыл өсімдік. Бұл хош иісті шөп біреулерге өткір және қышқыл дәмімен ұнаса, басқа тамақ талғағыштар оны сол қышқылдығы үшін жей алмайды, деп жазады <a href="https://massaget.kz/kyizdarga/kulinariya/67344/">Massaget</a>.
Руккола — антиоксиданттар көзі. 
Ол ағзадағы оттегіні сіңіру коэффициентін, яғни, антиоксиданттардың бос радикалдарды жұту қабілетін айтарлықтай арттыра алады. Антиоксиданттар жасушалардағы ферментті реакциялардың дұрыс тепе-теңдігін сақтау үшін қызмет етеді. Олар біруақытта түрлі ауруларды шақыратын бос радикалдарды анықтап, жойып отырады. Рукола өз қасиеттерімен иммунитетті арттыруға көмектеседі.
Руккола сүйектерге пайдалы К дәруменіне бай. 
К дәрумені кальцийден күштірек және басқа миуроэлементтерге қарағанда сүйек тінінің тығыздығын сақтауға пайдалырақ. Сондай-ақ К дәрумені кальцийдің жақсы сіңуіне, бұлшықеттердің қалпына келуіне және зақымдар мен жаралардың жылдам жазылуына ықпал етеді.
Ол иммунды жүйені жақсартады. 
Руккола жалпы денсаулықты жақсартатын дәрумендер мен минералдарға бай. Ол ең күшті дәрумендердің бірі — С дәруменіне бай. Бұл дәрумен иммунды жүйені қатайтуға көмектеседі және ағзадағы дұрыс тепе-теңдікті іштей қалыпта ұстайды.
Руккола зат алмасу мен ас қорытуға жағымды әсер етеді. 
Рукколаның тағы бір артықшылығы — оның құрамында зат алмасу жұмысын жақсартуға ықпал ететін В тобы дәрумендерінің бар болуы. В тобының дәрумендері энергияның түзілуіне, майды синтездеуге, эритроциттердің түзілуіне және басқа да жасушалар саулығы үшін өмірлік маңызы бар процестерге көмектеседі.
Ол қатерлі ісікке қарсы қасиетке ие. 
Рукколаның құрамындағы фитохимиялық заттар рак жасушаларының белсенділігін басады. Ол қатерлі ісіктердің алдын алады.
Руккола көруді жақсартады. 
Рукола каротиноидтардың — көз саулығын жақсартатын табиғи пигменттердің танымал көзі болып келеді. Рациондағы каротиноидтар мөлшерін арттыра отырып, қартаюдың нашар көре бастау секілді классикалық белгісін баяулатуға болады.
Бұл қышқыл шөп артық салмақтан арылуға көмектеседі. 
Руккола — арықтағысы келетін қыздардың «көмекшісі». Басқа шөптер зат алмасуға рукола секілді осыншалықты жағымды әсер ете алмайды. Ол жалпы ағзаға сергітуші әсер береді. Оны нағыз табиғи энергетик десе болады.
Қарсы көрсетілім:
<ul>
<li>Рукколаны қанды сұйылтатын антикоагулянттар ішетін адамдарға жеуге болмайды. Себебі руколаның құрамындағы К дәрумені мұндай дәрілердің әсерін жоққа шығарады;</li>
<li>Рукколаның құрамында қымыздық қышқылы көп болғандықтан, ол созылмалы несеп-тас ауруын асқындырып жіберуі мүмкін. Сондай-ақ бүйректе тас түзілуге бейім адамдарға да оны жеу ұсынылмайды;</li>
<li>Рукколаны жоғары қышқылды гастриті, бауыр ауруы, өт жолдары дискинезиясы, колит (тоқ ішектің қабынуы), тұз байлану аурулары және аутоиммунды аурулары бар адамдарға көп мөлшерде жеуге болмайды.</li>
</ul>

Рукколаның адам денсаулығына пайдасын білесіз бе?

Kyzylorda-news.kz. Қазақстанда өткен тәулікте 14900 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 4263,
Алматы қаласы – 1680,
Ақмола облысы – 1017,
Ақтөбе облысы – 841,
Алматы облысы – 212,
Атырау облысы – 756,
Шығыс Қазақстан облысы – 378,
Жамбыл облысы – 66,
Батыс Қазақстан облысы – 140,
Қарағанды облысы – 2887,
Қостанай облысы – 803,
Қызылорда облысы – 148,
Маңғыстау облысы – 249,
Павлодар облысы – 783,
Солтүстік Қазақстан облысы – 539,
Түркістан облысы – 138.
Қазақстан бойынша жазылғандар саны – 1143107.

148 қызылордалық коронавирустан емделіп шықты

Kyzylorda-news.kz. Қазақстанда өткен тәулікте 5721 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 684
Алматы қаласы – 1182
Шымкент қаласы – 56
Ақмола облысы – 468
Ақтөбе облысы – 149
Алматы облысы – 382
Атырау облысы – 81
Шығыс Қазақстан облысы – 233
Жамбыл облысы – 89
Батыс Қазақстан облысы – 231
Қарағанды облысы – 623
Қостанай облысы – 549
Қызылорда облысы – 40
Маңғыстау облысы – 31
Павлодар облысы – 590
Солтүстік Қазақстан облысы – 316
Түркістан облысы – 17
Жалпы ел бойынша ауырғандар саны 1266128.

Қызылордада 40 адам коронавирус жұқтырған

Kyzylorda-news.kz. Бейжің Олимпиадасына қатысып жатқан қазақстандық спортшылар бүгін, 5 ақпанда спорттың 5 түрінен сайысқа түседі, деп хабарлайды <a href="https://www.inform.kz/kz/beyzhin-2022-kazakstandyktardyn-5-akpandagy-zharys-kestesi_a3895395">ҚазАқпарат</a>.
Қазақстандық спортшылар трамплиннен секіру, шаңғы жарысы, конькимен жүгіру, могул, шорт-трек секілді сайыс түрлерінен жарыс жолына шығады.
Бүгінгі алаңда бақ сынайтындар арасында Олимпиада ойындарының ашылу салтанатында еліміз Туын ұстап шыққан шорт-трек шебері Абзал Әжіғалиев және Денис Никиш, могулдан Дмитрий Рейхерд, Павел Колмаков сынды үміт күткен жастар бар.
Бейжің Олимпиадасында қазақстандық спортшылардың қатысуымен өтетін 5 ақпан күнгі жарыс кестесі:
12:20. Трамплиннен секіру. Ерлер. Іріктеу Сергей Ткаченко, Данил Васильев
13:45. Шаңғы жарысы. Скиатлон. 15 км. Әйелдер. Финал Надежда Степашкина, Ксения Шалыгина, Ангелина Шурыга, Валерия Тюленева 14:30.
14.30. Конькимен жүгіру спорты. 3000 м. Әйелдер. Финал. Надежда Морозова
16:00. Могул. Ерлер. 2-іріктеу. Дмитрий Рейхерд, Павел Колмаков
17:30. Финал
17:00. Шорт-трек. 1000 м. Ерлер. Іріктеу. Әділ Ғалиахметов
18:00. Шорт-трек. Аралас эстафета. Іріктеу. Жартылай финал, финал. Абзал Әжіғалиев, Денис Никиша, Ольга Тихонова, Яна Хан
Айта кетейік, XXIV қысқы Олимпиада ойындарына Қазақстан құрамасынан барлығы 34 спортшы қатысады, олар 87 жолдама жеңіп алды.

Бейжің-2022: Қазақстандықтардың 5 ақпандағы жарыс кестесі

Kyzylorda-news.kz. 5 ақпан күні ҚР территориясының басым бөлігінде жауын-шашынсыз ауа райы сақталады. Еліміздің тек батысында жауын-шашын (жаңбыр, қар) жауып, көктайғақ күтіледі.
Республика бойынша кей жерлерде тұман, екпінді жел болжанады, деп хабарлайды «Қазгидромет» РМК.
Қызылорда облысының солтүстігінде, орталығында тұман күтіледі, облыстың солтүстігі мен орталығында жел 15-20 м/с артады.

5 қаңтарға арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықованың қатысуымен кадрлық өзгерістерге байланысты жиын өтті.
Жиында Сыр еліне келген ҚР Сыбайлас жемқорлыққа қарсы іс-қимыл агенттігінің Аппарат басшысы Қуаныш Жапақов Қызылорда облысы бойынша департаментінің жаңа басшысы Рустам Ақмырзаевты таныстырды.
Басқосуға облыстық мәслихат хатшысы, облыс әкімдігінің басшылығы мен құқық қорғау органдарының басшылары қатысты.
Облыс әкімі Рустам Ақмырзаевтың қызметіне сәттілік тілеп, сыбайлас жемқорлықты алдын алу шараларын қарқынды түрде бірлесіп атқаратынын сөз етті.
<blockquote>
 Рустам Сапарбекұлын жаңа қызметімен құттықтай отырып, Мемлекет басшысымен қойылған міндеттерді бірлескен түрде тиімді жүзеге асырамыз деп сенім артамыз. Алдағы атқарар жауапты қызметіңізге табыс, сәттілік тілейміз!, – деді Гүлшара Әбдіқалықова.
</blockquote>
Рустам Ақмырзаев 1978 жылы Қызылорда облысында туылған. Ішкі істер министрлігінің Қарағанды жоғарғы мектебін «құқықтану» мамандығы бойынша бітірген. 
Еңбек жолын 1999 жылы салық полиция органында бастаған. 
2001-2018 жылдар аралығында қаржы полиция және сыбайлас жемқорлыққа қарсы қызмет органдарында түрлі лауазымдарда еңбек еткен. 
Оның ішінде, Сыбайлас жемқорлыққа қарсы қызметтің Ақтөбе, Шығыс Қазақстан және Қарағанды облыстары бойынша департамент басшысының орынбасары қызметтерін атқарған. 
2018 жылдан бастап осы кезге дейін Батыс Қазақстан облысы бойынша департаментінің басшысы қызметін атқарып келді.
<img src="https://kyzylorda-news.kz/wp-content/uploads/2022/02/fb_img_1643983597156.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643983594561.jpg" alt="" />

Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысы тағайындалды

Kyzylorda-news.kz. Қызылорда қаласындағы Назарбаев Зияткерлік мектебінің үш оқушысы IESO-2022 халықаралық олимпиадасының республикалық кезеңінде қола жүлдегер атанды.
IESO-2022 – Жер туралы ғылымдар байқауы. Жыл сайын еліміздің түкпір-түкпірінен жиналған оқушылар геология, геофизика, метеорология, мұхиттану, астрономия пәндерінен бақ сынайды.
Сыр өңірінен Тоғжан Марат (жетекшісі Абзал Іскендір), Ақжанар Абдикаримова (жетекшісі Еркін Жомартов) және Сымбат Жәнібек (жетекшісі Мұхтар Әбілмаев) NIS-тің намысын қорғады. Жас зияткерлер небәрі 3 ұпай есе жіберіп, жеңіс тұғырының 3-сатысынан көрінді.
<blockquote>
 «Бұл олимпиадаға алғаш рет қатыстым. Жер туралы ғылым мені ерекше қызықтырады, әсіресе ғаламшардың пайда болу тарихын, сыры мен проблемаларын зерттеуге әуеспін. Дайындық барысында мен өзім үшін көптеген жаңалықтар ашып, болашақта қажет болатын жаңа ілім мен ақпарат алдым деп айта аламын», – дейді Ақжанар Абдикаримова.
</blockquote>
Айта кетейік, зияткерлік мектеп оқушылары – бұл білім додасының жыл сайынғы қатысушысы. Бұған дейін мектеп мақтаныштары Жангерей Зинелов пен Данагүл Келдібай олимпиаданың барлық іріктеу кезеңдерінен сәтті өтіп, халықаралық аренада қола медалін иеленген болатын.

IESO-2022: Қызылордалық зияткерлер қола жүлдеге ие болды

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының басшысы Ақзира Қасымова №5 көру қабілеті бұзылған балалардың арнайы (тузету) мектеп-интернатында болып, ондағы «Цифрлық түзету» пилоттық жобасын дамыту бағытындағы жұмыстармен танысқан болатын.
Басқарма басшысы жоба аясында қаладағы IT-мектептер, Жасыл мектеп тәжірибелерін интернатқа енгізу қажеттігіне тоқталып, нақты тапсырмалар жүктеді.
Осы орайда №5 көру қабілеті бұзылған балалардың арнайы (тузету) мектеп-интернатының мұғалімдері мен оқушылары қаламыздағы Серғали Толыбеков атындағы №3 IT мектеп-лицейіне келіп, IT бағытта атқарылып жатқан жұмыстармен жақынырақ танысты. Мектеп интернатының оқушылары мен мұғалімдері STEM, робототехника кабинеттерінің, коворкинг орталығының, телестудияның жарқын жобаларын көріп, тәжірибесін толықтырды.
Сонымен қатар мектептегі ақпараттық технология аясындағы жұмыстарға қызығушылығын білдіріп, IT START өзін-өзі басқару ұйымының оқушыларымен пікір алмасты.
Семинарға қатысушыларға IT бағдарламаларды пәндерде қолдану тиімділігіне сәйкес, пән мұғалімдерінің әдістемелік, жаңашыл тәжірибелері таныстырылып, PADLET тақтасының мүмкіндігі, математика сабағында Geogebra бағдарламасын қолдану, Wordwall платформасы арқылы тапсырма құрастыру сынды презентациялар көрсетілді.
Айта кету керек, 3 IT мектеп-лицей цифрлық мектеп моделін құруда айқын мақсаттар жоспарымен табысты еңбек етуде. Цифрландыру идеясын іске асырудағы мектеп жұмысын автоматтандыру, бағдарламалау мектебінің тиімділігін арттыру, ІТ бағдарламаларды пәндерде қолдану мүмкіндігін дамыту секілді 3 негізгі бағытта жұмыс жасауда.
Тәжірибе – жарқын жоспарлар мен ауқымды жұмыстарға бағыт берер күш. Бұл мақсатта әріптестердің әдістемелік қолдауы пилоттық жобаның нәтижелі іске асуына мүмкіндік берері айқын.
<img src="https://kyzylorda-news.kz/wp-content/uploads/2022/02/fb_img_1643976198019.jpg" alt="" />

Ақзира Қасымова «Цифрлық түзету» пилоттық жобасын дамыту бағытындағы жұмыстармен танысты

<a href="https://kyzylorda-news.kz/">Kyzylorda-news.kz.</a> Тұрғын үй жалдау субсидиясын алуға өтініш берушілердің несие тарихы тексерілмейді, деп хабарлайды <a href="https://www.inform.kz/kz/uy-zhaldauga-subsidiya-algysy-keletinderdin-nesie-tarihy-tekserilmeydi_a3895254">ҚазАқпарат</a>.
<blockquote>
 «Өтініш берушілерге төлем қабілетін растау керек. «Баспана маркет» порталына өтінім бергеннен кейін төлем қабілетін банк автоматты түрде есептейді. Яғни, дереккқорлардан бүкіл ақпарат алынады. Оның ішінде сіздің айлығыңыз, барлық төлемдеріңіз, еңбек демалысының өтемақысы болса, соның бәрі кіреді. Кәсіпкер ретінде тіркелген болсаңыз, кәсіпкерлік табысыңыз кіреді. Сол отбасы алатын зейнетақы мен әлеуметтік төлемдер де төлем қабілеті ретінде есепке алынады. Осы табыстың бәрін жан басына шағып, 6 айдың ішіндегі табысын есептейді», – деді «Отбасы банк» акционерлік қоғамы орталық филиалының директоры Жансұлтан Матай.
</blockquote>
Директордың айтуынша, тұрғын үй жалдау субсидиясын алғысы келетін отбасының несие тарихы қаралмайды.
Айта кетейік, тұрғын үй жалдау субсидиясын төлеу ережелерін мамыр айында бекітіп, іске қосу жоспарланған. Қазір ереженің жобасы талқыланып жатыр.

Үй жалдауға субсидия алғысы келетіндердің несие тарихы тексерілмейді

<a href="https://kyzylorda-news.kz/">Kyzylorda-news.kz.</a> Адам құқықтарын қорғау, халықтың әлеуметтік жағдайының жақсаруына қолдау көрсету – қоғамдағы шиеленістің алдын алып, келісім мен өзара түсіністік орнатудың бірден-бір жолы. Осы мәселені талқылап, бірлескен жұмыс жолдарын белгілеу мақсатында бүгін облыс әкімі Гүлшара Әбдіқалықова Қазақстандағы адам құқықтары жөніндегі уәкілі Эльвира Азимова, «Адам құқықтары хартиясы» қоғамдық қорының атқарушы директоры Жеміс Тұрмағамбетова мен Қызылорда облысы бойынша Ұлттық алдын алу тетігінің жетекшісі Серік Теңізбаевпен кездесті.
Кездесу барысында жұмыссыз жастарды қысқа мерзімді курстарда оқытып, еңбекпен қамту, тергеу изоляторында ұсталған азаматтарға медициналық және құқықтық көмек көрсету, көмекке мұқтаж азаматтармен ашық диалог құрып, қолдау көрсету жолдары талқыланды.
Облыс әкімі қиындыққа тап болған азаматтарға шұғыл арада медициналық көмектердің тұрақты берілгенін және жұмыссыз азаматтарды қайта оқыту, оларды қабілетіне қарай кәсіби бейімдеу мәселелері үшін кешенді жұмыстар қолға алынатынын тілге тиек етті. Алдағы уақытта халықпен тұрақты түрде кездесіп, елді мекен тұрғындарын мәселелері сараланып, қаралатынын қаперге салды.
Жиын соңында адам құқықтарының сақталуына қызмет ететін азаматтармен жиі пікірлесіп, ұсыныстардың ескерілетіні айтылды.
<img src="https://kyzylorda-news.kz/wp-content/uploads/2022/02/fb_img_1643975170921.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643975174017.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643975177221.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643975180091.jpg" alt="" />

Гүлшара Әбдіқалықова: Халықпен тұрақты түрде кездесіп, елді мекен тұрғындарының мәселелері қаралады

<a href="https://kyzylorda-news.kz/">Kyzylorda-news.kz.</a> “ҚазТранс Газ Аймақ” тұтынушылары үшін тауарлық газды бөлшек саудада өткізудің бағасы осы жылдың 1 ақпанынан бастап 6%-ға төмендеді. Яғни, газды тұтыну бағасы 18,47 теңге болды. Бұл туралы бүгін Өңірлік коммуникациялар қызметінде өткен баспасөз конференциясында “ҚазТрансГаз Аймақ” АҚ өтім және газ режимі қызметінің бастығы Жолдасбек Әбенов мәлімдеді.
Қазіргі уақытта облыс бойынша газдандырылған тұтынушылар саны 123 657 құрайды. Оның 120 931 тұрғын үй. Сонымен қатар, филиал қызметі тұтынушыларға газ есептегіштерін тегін негізде электрондық көрсеткіштен механикалық көрсеткішке ауыстыруды ұсынады.
<blockquote>
 «Электрондық газ есептегіші ұзақ уақыт пайдаланылатындығына және батареяның тозуына байланысты есептегіш істен шығады. Осы ретте газ есептегішінің клапаны іске қосылып, газ беру автоматты түрде тоқтайды. Көбінесе бұл жағдай әр айдың аяқталу күнінде немесе әр айдың 1-күніне ауысу кезеңінде болады. Сондықтан, тұтынушылардың көптеген өтініштері болған кезде, осы саланың мамандары газ беруді қалпына келтіру үшін есептегіштерді электронды түрде механикалыққа ауыстыруға бір уақытта орындауы мүмкін емес», – дейді Жолдасбек Ысқақұлы.
</blockquote>
Сондай-ақ, бүгінде пайдаланылған газ үшін тұтынушылардың қарызы да қордаланып тұр. 2021 жылдың жылу маусымы қарсаңында халықтың қарызы шамамен 982 млн теңгені құраса, қазіргі таңда шамамен 721 млн теңгені құрайды. Алдағы уақытта Филиал дебиторлық қарызды төмендету жұмыстарын жалғастырмақ.

Қызылордада газдың бағасы 18,47 теңге болды

<a href="https://kyzylorda-news.kz/">Kyzylorda-news.kz.</a> Президенттің тапсырмасымен ашылған “Қазақстан халқына” қорының ресми сайты іске қосылды.
<blockquote>
 “Көмекке мұқтаж қазақстандықтар, сондай-ақ жан-жақты көмек көрсетуге ниет білдірген демеушілер өз өтінішін “Қазақстан халқына” қорының цифрлық платформасы арқылы бере алады”, – делінген қордың ресми хабарламасында.
</blockquote>
<a href="https://qazaqstanhalqyna.kz/ru/">www.qazaqstanhalqyna.kz</a> сайтында кез келген адам қаражаттың көлемі мен жұмсалуы бойынша қаржылық есептермен, жүзеге асырылған жобалардың нәтижесімен таныса алады. Ал көмекті алу үшін алдымен “Өтінішті қалай бере аламын” бөліміне өту керек. Одан кейін пайдаланушылар қайырымдылық ұйымдарының бірыңғай платформасы – www.atamekenim.kz сайтына кіреді.
Өтінішті дәл сол санаттармен жұмыс істейтін үкіметтік емес ұйым қарайды.
<blockquote>
 “<a href="http://atamekenim.kz/ru">www.atamekenim.kz</a> сайты қайырымдылық ұйымдарының халықпен жұмыс істейтін алаңы болып саналады. Сайт eGov.kz электронды үкімет порталының кейбір мәліметтер базасымен біріктірілген. Алдағы уақытта өтініш берушілердің мәртебесі туралы толық ақпарат алу үшін порталды мемлекеттік және жергілікті атқарушы органдардың барлық қолжетімді деректер базасымен интеграциялау жұмыстары жүргізіледі”, – делінген ресми хабарламада.
</blockquote>
Бүгінгі таңда сайтта денсаулық сақтау, білім және ғылым, тұрғын үй, негізгі қажеттіліктер және тағы басқа салаларда жұмыс істейтін 86 қайырымдылық ұйым тіркелген. Алдағы уақытта олардың саны артады деген жоспар бар.
Қордың қамқоршылық кеңесі белгілеген әрбір қызметі бойынша демеушілік көмекке жүгінген тұлғалармен және үкіметтік емес ұйымдармен өзара іс-қимылдың егжей-тегжейлі ережелерін әзірлеуі қажет.
<blockquote>
 “Өтінім қордың мақсаттары мен міндеттеріне сәйкес келмеген жағдайда қабылданбауы мүмкін”, – дейді мамандар.
</blockquote>
Өтінішті қарау үшін қор қызметінің әрбір бағыты бойынша сараптамалық комиссиялар құрылады.
Сараптамалық комиссия мүшелеріне арналған ұсынысты сайттың “Сарапшылар” бөліміне өтіп жіберуге болады.
Айта кетері, мемлекет басшысының бастамасымен құрылған “Қазақстан халқына” қоры қиын өмірлік жағдайға тап болған және қолдауды қажет ететін халыққа денсаулық сақтау мен әлеуметтік қорғау саласында тегін көмек көрсетеді.
<a href="https://sputnik.kz/20220204/qazaqstan-khalqyna-qory-komek-22529546.html">Sputnik.kz</a>

Қазақстан және Қызылорда облысының жаңалықтары

Рукколаның адам денсаулығына пайдасын білесіз бе?

148 қызылордалық коронавирустан емделіп шықты

Қызылордада 40 адам коронавирус жұқтырған

Бейжің-2022: Қазақстандықтардың 5 ақпандағы жарыс кестесі

5 қаңтарға арналған ауа райы болжамы

Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысы тағайындалды

IESO-2022: Қызылордалық зияткерлер қола жүлдеге ие болды

Ақзира Қасымова «Цифрлық түзету» пилоттық жобасын дамыту бағытындағы жұмыстармен танысты

Үй жалдауға субсидия алғысы келетіндердің несие тарихы тексерілмейді

Гүлшара Әбдіқалықова: Халықпен тұрақты түрде кездесіп, елді мекен тұрғындарының мәселелері қаралады

Қызылордада газдың бағасы 18,47 теңге болды

“Қазақстан халқына” қоры көмекке өтініш қабылдауды бастады

Қазақстан және Қызылорда облысының жаңалықтары

Рукколаның адам денсаулығына пайдасын білесіз бе?

148 қызылордалық коронавирустан емделіп шықты

Қызылордада 40 адам коронавирус жұқтырған

Бейжің-2022: Қазақстандықтардың 5 ақпандағы жарыс кестесі

5 қаңтарға арналған ауа райы болжамы

Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысы тағайындалды

IESO-2022: Қызылордалық зияткерлер қола жүлдеге ие болды

Ақзира Қасымова «Цифрлық түзету» пилоттық жобасын дамыту бағытындағы жұмыстармен танысты

Үй жалдауға субсидия алғысы келетіндердің несие тарихы тексерілмейді

Гүлшара Әбдіқалықова: Халықпен тұрақты түрде кездесіп, елді мекен тұрғындарының мәселелері қаралады

Қызылордада газдың бағасы 18,47 теңге болды

&#8220;Қазақстан халқына&#8221; қоры көмекке өтініш қабылдауды бастады

“Қазақстан халқына” қоры көмекке өтініш қабылдауды бастады