<a href="https://kyzylorda-news.kz/">Kyzylorda-news.kz.</a> Халықтың әлеуметтік қорғалмаған топтары мемлекеттен медициналық сақтандыру жарналарының арқасында МӘМС шеңберінде медициналық көмек ала алады. Уақытша сақтандырылу мәртебесін (жеке тұлғалар санаттары бойынша сақтандырылмағандығы анықталған жағдайда) Qoldau 24/7 қосымшасының көмегімен үйден шықпай-ақ алуға болады.
Сіздердің назарларыңызға Qoldau – 24/7 қосымшасының көмегімен сақтандырылудың уақытша мәртебесін қалай алуға болатыны туралы толық нұсқаулықты ұсынамыз.
<ul>
<li>Ұялы телефонда Qoldau – 24/7 мобильді қосымшасын AppStore-дан немесе Әлеуметтік медициналық сақтандыру қорының ресми сайтында <a href="https://fms.kz/kz/kontaktnaya-informatsia/mobilnoe-prilozhenie/">сілтеме</a> бойынша жүктеп алыңыз;</li>
<li>Жүйеде тіркеліңіз: электрондық мекенжайды, тегін, атын және байланыс телефонын енгізіңіз;</li>
<li>Тіркелгеннен және кіргеннен кейін төменгі оң жақ бұрыштағы «бізге жазыңыз» түймесін пайдаланыңыз;</li>
<li>«Өтінішті құру» нысанында «консультация» санатын таңдаңыз;</li>
<li>Әрі қарай, тұратын аймақты таңдаңыз;</li>
<li>«Өтініш мәтіні» жолында міндетті түрде жеңілдік санатын және өз ЖСН көрсетіңіз;</li>
<li>Сканерленген құжатты немесе растайтын құжаттың суретін тіркеңіз. «Файлды тіркеу» түймесін басып, галереядан құжатты таңдаңыз немесе суретке түсіріңіз;</li>
<li>«Өтінішті жіберу» батырмасын басыңыз;</li>
</ul>
Сәтті толтырылған жағдайда «Өтініш сәтті жасалды! Терезені жабу үшін» батырмасы шығады. Барлық талаптарға сәйкес болған жағдайда МӘМС жүйесіндегі Сіздің мәртебеңіз 40-50 минут ішінде жаңартылады.
Сондай-ақ, Qoldau-24/7 қосымшасында сіз кеңес ала аласыз, шағым жолдай аласыз, алғыс білдіре аласыз, өз ұсыныстарыңызды білдіре аласыз, сақтандыру мәртебесін тексере аласыз, МӘМС жүйесінде сақтанушының уақытша мәртебесін ала аласыз.

МӘМС жүйесінде қалай уақытша сақтандыруға болады?

<a href="https://kyzylorda-news.kz/">Kyzylorda-news.kz.</a> 26 маусым – Халықаралық нашақорлыққа қарсы күрес күніне орай Қызылорда қалалық мәдениет және демалыс саябағында кешенді акция өтті.
Шара барысында есірткіге қарсы насихатта ерекше көзге түскен азаматтар алғыс хаттармен және сыйлықтармен марапатталды.
Акция барысында театрландырылған көрініс, би қойылымдары, сондай-ақ кинологиялық орталықтың қызметтік иттерінің жұмысы көрсетілді.
Концерттік бағдарламамен арнайы шақырылған қонақ, қазақстандық эстрада жұлдызы Мәди Қадыров өнер көрсетті. Сонымен қатар саябақ қонақтарына полиграфиялық есірткіге қарсы өнімдер мен балаларға арналған ойыншықтар тарату етілді.
Айлықты өткізу кезінде облыстық ПД Есірткі қылмысына қарсы іс-қимыл басқармасының қызметкерлері ақпараттық-насихаттау жұмыстарын да ұйымдастырды. Облыс аумағында халық көп жиналатын жерлерде нашақорлық, қылмыстық жауапкершілік проблемалары туралы арнайы дайындалған плакаттар мен үгіт парақтары, сондай-ақ «Сенім» телефоны туралы ақпарат ілінді. Балалар мен жасөспірімдер арасында алдын алу іс-шаралары жүргізілді, кездесулер, спорттық іс-шаралар мен акциялар ұйымдастырылды.
<img src="https://kyzylorda-news.kz/wp-content/uploads/2022/06/c2445391-2840-4e39-8f17-605693e41ca2.jpg" alt="" />
<img src="https://kyzylorda-news.kz/wp-content/uploads/2022/06/1d40f6fc-5e86-4910-a43d-0e71811919b6.jpg" alt="" />
<img src="https://kyzylorda-news.kz/wp-content/uploads/2022/06/40d560dd-e5d1-4f8e-b585-eb1765641eed.jpg" alt="" />

Халықаралық нашақорлыққа қарсы күрес күніне орай кешенді акция өтті

<a href="https://kyzylorda-news.kz/">Kyzylorda-news.kz.</a> Арал қаласында жеке кәсіпкер С. Саяновтың «Қуантқан» азық-түлік дүкені жанынан жаңа наубайхана іске қосылды.
Аудан әкімі Серік Сермағамбетов жаңа нысанға барып, жұмыс барысын көрді. Халыққа тиімді бағада нан ұсынуды мақсат еткен кәсіпкердің жұмысына сәттілік тіледі. Сонымен бірге халық күнделікті тұтынатын, әрбір үйдің дастарханындағы ас атасының барлық талапқа сай пісірілуі қажеттігін айтып өтті.
Атап өтейік, бұған дейін азық-түлік өнімдерін сатумен айналысатын кәсіпкер наубайхана ісін де қосымша жандандырмақшы.
Тұрғындардың сұранысына сәйкес күнделікті шығарылатын нан көлемін арттыруға болатынын да жеткізді. Қазіргі таңда наубайханадан шығарылған бір бөлке нан 80 теңгеден сатылуда.
<img src="https://kyzylorda-news.kz/wp-content/uploads/2022/06/289372075_3298923680435995_7452605485708410064_n.jpg" alt="" />
<img src="https://kyzylorda-news.kz/wp-content/uploads/2022/06/288238065_3298923707102659_1047616644911752870_n.jpg" alt="" />

Аралда жаңа наубайхана ашылды

<a href="https://kyzylorda-news.kz/">Kyzylorda-news.kz.</a> Қазалы ауданында жібек сөзден жыр кесте тоқыған халық ақыны Ібайдулла Қалниязов атындағы облыстық жас ақындар айтысы өтті.
Майдакөл ауылындағы орталық алаңда «Жақұт жырдың шайыры» атты ақындар айтысына Қызылорда қаласы мен Жаңақорған, Жалағаш, Қармақшы, Арал аудандарынан келген жас ақындар қатысты.
Жас ақындар айтысынжа аудан әкімі Мұхтар Оразбаев құттықтау сөз сөйлеп, сөз зергерлеріне сәттіләк тіледі.
Мұнан соң сахна төріне талай таланттардың томағасын сыпырып, айтыс өнеріне баулып жүрген ардақты азамат, Майдакөл ауылдық клубының меңгерушісі Ермекбай Ағырай ортаға шығып, айтысқа қатысушы талапкердерді таныстырды.
<img src="https://kyzylorda-news.kz/wp-content/uploads/2022/06/majdakol.jpg" alt="" />
<img src="https://kyzylorda-news.kz/wp-content/uploads/2022/06/ajtys1.jpg" alt="" />

Қазалыда облыстық жас ақындар айтысы өтті

<a href="https://kyzylorda-news.kz/">Kyzylorda-news.kz.</a> Астана күніне орайластырылған қазақ күресінен «Қазақстан Барысы» ХІ республикалық турнирі 3 шілде күні «Барыс-Арена» мұз сарайында өтеді. Бұл туралы Қазақстан Барысының «Facebook» парақшасында хабарланды.
Дәстүрлі турнир елімізде ұлттық спортты дамыту арқылы салауатты өмір салтын насихаттау, Мемлекеттік рәміздердің 30 жылдығын атап өту, қала күнін мерекелеу және балалар жылы аясында жастарды ұлттық спортпен шұғылдануға тарту, олардың бойында отансүйгіштік сезімді қалыптастыру мақсаттарын жүзеге асырады.
Жарыс ережесіне сәйкес сәуір-мамыр айларында ауыл, аудан, облыстық (қалалық) деңгейдегі және күштік құрылымдар желісі арасында іріктеу жарыстары толығымен өтіп, оған еліміз бойынша бес мыңға жуық спортшы қатысты. Соның ішінен 36 балуан ақтық сынға жолдама алды. Олардың ішінде осыған дейін жеңіс тұғырынан көрінген Мұхит Тұрсынов, Еламан Ерғалиев, Ерасыл Қажыбаев, Ғалымжан Қырықбаевтар бар.
2021 жылдың жеңімпазы Дәурен Нұралинов жарақатына байланысты турниге қатыспайтынын мәлімдеді. Сондай-ақ, екі дүркін «Қазақстан Барысы» атанған Айбек Нұғымаров спорттық жолын аяқтағанын ресми түрде жариялады.
Турнирді ҚР мәдениет және спорт министрілігі және Нұр-Сұлтан қаласы әкімдігінің қолдауымен «Qazaqstan Barysy» қоры мен Qazaq kuresi Ассоциациясы ұйымдастырады.
Қазақ күресі ережесіне енгізілген өзгертулерге байланысты биылғы турнир «бүк» ұпайынсыз өтеді.
«Қазақстан Барысы» турнирінің жүлде қоры әдеттегідей, жеңімпаз балуанға 25 000 000 теңге және алтын белбеу мен ауыспалы алтын «тайтұяқ» табысталады. Екінші орынға 5 500 000 теңге және үшінші орынға 1 800 000 теңге, сәйкесінше күміс және қола белбеулермен марапатталады.
Жанкүйерлер турнирді Qazsport арналары арқылы тікелей эфирден көре алады. Билеттер zakazbiletov.kz сайтында сатылымда. Ресми салмақ өлшеу рәсімі 1 шілде сағат 19.00- де «Хан Шатыр» СОСО белгіленіп отыр.

«Қазақстан Барысы» турнирінің финалы өтеді

<a href="https://kyzylorda-news.kz/">Kyzylorda-news.kz.</a> Қазақстан Республикасы Үкіметінің 2022 жылғы 24 ақпандағы №88 қаулысына және «Әскери қызмет және әскери қызметшілердің мәртебесі туралы» ҚР Заңының 32-бабына сәйкес 2 жылға әскерге шақыруға:
<ul>
<li>Медициналық мамандықтар (жалпы дәрігерлік тәжірибе);</li>
<li>Мотоатқыштар әскері;</li>
<li>Қаржылық қамтамасыз ету;</li>
<li>Психологиялық жұмысты ұйымдастыру;</li>
<li>Азық-түлікпен қамтамасыз ету;</li>
<li>Артиллериялық әскерлер мамандықтар бойынша 29 жасқа дейінгі запастағы офицерлер мен 32 жасқа дейінгі медициналық қызметтің запастағы офицерлерін әскери қызмет өткеруге іріктеу жұмыстары жүргізілуде.</li>
</ul>
Осыған байланысты жоғарыда көрсетілген мамандығы бар запастағы офицерлер Қызылорда қаласының қорғаныс істері жөніндегі басқармасына (горвоенкомат), Қазантаев көшесі №19 үй, №118 кабинетке, тел: 26 42 50 хабарласуларыңызға болады.
Әлеуметтік кепілдіктер:
<ul>
<li>Медициналық мекемелерде медициналық қамтамасыз ету мемлекет есебінен жүзеге асырылады;</li>
<li>Киім-кешек мүлігімен жабдықтау нормалары;</li>
<li>Тұрғын үйді жалға алғаны үшін кепілді өтемақы;</li>
<li>Офицерлердің ақшалай үлесі;</li>
<li>Көтерме жәрдемақы, үстеме және басқа да әлеуметтік кепілдіктер қарастырылған.</li>
</ul>
Запастағы сержанттар мен сарбаздарды келісімшарт бойынша
әскери қызметке шақырамыз!
<ol>
<li>Келісімшарт бойынша әскери қызметшілер ақшалай жалақымен қамтамасыз етілген</li>
</ol>
(лауазымына, әскери шеніне және еңбек сіңірген жылдарына байланысты).&nbsp;
<ul>
<li>Келісімшарт бойынша әскери қызметшілер және олардың отбасы мүшелерін әскери медициналық мекемелерде медициналық қамтамасыз ету мемлекет есебінен жүзеге асырылады.</li>
<li>Мемлекет есебінен белгіленген нормаға сәйкес, заттай мүлікпен (киім үлгісі) қамтамасыз етіледі.</li>
<li>Тұрғын үйді жалға алу қаражаты кепілді түрде төленеді.</li>
<li>Кезекшілікті атқарған кезде, далалық шығуларда, ұшуларды дайындау және орындау кезінде, әскери эшелондарға ілесіп жүру кезінде стационарлық емделуде болған кезде, т.б. белгіленген нормалар бойынша тамақтанумен қамтамасыз етіледі.</li>
<li>Жыл сайынғы негізгі демалыстары, демалыстың ұзақтығы еңбек сіңірген жылдарына байланысты белгіленеді.</li>
<li>Еңбек өтілі бойынша зейнетке шығу.</li>
</ul>
Келісімшарт бойынша әскери қызметке қабылданатын
&nbsp;азаматтарға қойылатын талаптар:
– Қазақстан Республикасы азаматтығына ие болуға;
– Он сегізден отыз екі жас және алты айға дейін;
– Әскери лауазымына сәйкес әскери есептік-мамандығы болуға;
– Мерзімді әскери қызметті өткерген не жоғары оқу орындарының әскери кафедрасынан оқудан өткен, Қорғаныс министрлігінің әскери оқытылған резервті даярлау бойынша&nbsp; мамандандырылған ұйымдарында әскери даярлықтан өтеулі негізде өткен болуға тиіс.
Өзін әскери қызмет өміріне арнауға ниет білдірген азаматтар Қызылорда қаласының қорғаныс істері жөніндегі басқармасына (горвоенкомат), Қазантаев көшесі 19 үй, № 118 кабинетке, тел 26-42-50 хабарласуларыңызға болады
Қызылорда қаласы тұрғындарының назарына!
Құрметті қызылордалықтар
&nbsp;&nbsp;&nbsp;&nbsp;&nbsp; Қазақстан Республикасы Қорғаныс министрлігі Республикалық мемлекеттік қазыналық кәсіпорыны «Әскери-техникалық мектебі» Қызылорда филиалы базасында өтеулі негізде әскери-техникалық мамандығы (атқыш) бойынша оқуға шақырады.
<ul>
<li>Жасы 24-27 жас аралығы бойынша әскерге шақырушылар;</li>
<li>27-30 жасқа дейінгі аралықтағы запастағы әскери міндеттілер.</li>
<li>&nbsp;Қылмыстық жауапкершілікке тартылмаған;</li>
<li>Білімі жоғары, арнаулы-орта, орта;</li>
<li>Оқу өтеулі негізде 263 318 теңге төлейді (банктің қызмет көрсету құнын есептемегенде);</li>
<li>&nbsp;&nbsp;Оқу мерзімі 40 күн.</li>
</ul>
Оқу аяқталғаннан кейін әрбір азаматқа әскери мамандық алғаны жөнінде сертификат беріледі.
&nbsp;&nbsp;&nbsp;&nbsp; Ниет білдірген азаматтар Қызылорда қаласының қорғаныс істері жөніндегі басқармасына, Қазантаев көшесі 19 үй, № 118 кабинет,&nbsp; 26-42-50,87776803458 телефондары арқылы хабарласуларыңызға болады

Запастағы сержанттар мен сарбаздар әскери қызметке шақырылып жатыр

<a href="https://kyzylorda-news.kz/">Kyzylorda-news.kz.</a>&nbsp;Ақорда осы аптада Мемлекет басшысы Қасым-Жомарт Тоқаевтың қатысуымен өтетін іс-шаралар аңдатпасын жариялады.
Бүгін, 27 маусым мемлекет басшысы «Астана» халықаралық қаржы орталығын басқару жөніндегі кеңестің отырысын өткізеді.
29 маусымда президент Каспий маңы елдері басшыларының Ашхабадта (Түрікменстан) өтетін алтыншы саммитіне қатысады.
Ал 30 маусымда Тоқаев Ақорда резиденциясында Реформалар жөніндегі жоғары кеңестің кезекті отырысын өткізеді.

Мемлекет басшысы Каспий маңы елдері басшыларының саммитіне қатысады

<a href="https://kyzylorda-news.kz/">Kyzylorda-news.kz.</a> Атмосфералық фронталды бөліктердің әсерінен 27 маусым күні Қазақстанның басым бөлігінде құбылмалы күн райы сақталады: найзағай ойнап, жаңбыр жауады, солтүстікте, шығыста, оңтүстікте бұршақ, дауыл, оңтүстік-батыста шаңды дауыл күтіледі.
Республика бойынша екпінді жел тұрады. Күндіз Қызылорда облысының басым бөлігінде, қатты ыстық сақталады.

Дүйсенбіге арналған ауа райы болжамы

Kyzylorda-news.kz. Қазақстанда жол жүру ережесінде жаңашылдық пайда болады, деп хабарлайды Stan.kz.
Жаңа стандартқа сәйкес, көлік жолындағы бір тұтас, қос тұтас және үзік жолақтар сары түспен боялады. Оған қоса, құжатта жаяу жүргіншілердің қауіпсіздігіне баса ден қойылған.
Стандартқа сәйкес, қалаларда жақын арада сары түсті тор жолақтар, әрбір бағдаршамға таймер, жаяу жүргіншілердің қауіпсіздігі үшін көлік тұрақтайтын орындарда биіктігі бір метрлік кедергілер орнатылып, электромобильдерді зарядтау бекеттері маңына арнайы белгілер қойылмақ.
Еске салсақ, бұған дейін Қазақстанда электрсамокатқа қатысты жаңа стандарт енгізіліп жатқаны айтылған еді. Жаңа ережелерге сәйкес, электрсамокат жылдамдығы сағатына 25 шақырымға дейін шектелмек.

Қазақстанда жол жүру ережесінде жаңашылдық пайда болады

Kyzylorda-news.kz. Қимыл мен эмоцияға қарап, өтірікті анықтауға болады. Бұл туралы психология ғылымдарының кандидаты Анастасия Лысакова&nbsp;айтты.
Адамдар, мысалы, алаяқтар жиі өтірік айтады және қалай алдау керектігін біледі. Кейде тіпті кәсіби мамандар өтірікті шындықтан ажырата алмай қалады.
Маманның айтуынша, қарапайым адам өтірік айтқан кезде өзін-өзі ұстамай алмайды. Ең алдымен, адамның эмоциясына назар аударған жөн.
<blockquote>
 «Өтірікші бір оқиғаны айтып жатқан кезде сезімдері сюжетке сәйкес келмейді немесе кеш көрінеді. Мысалы, таңдану немесе қорқыныш болуы керек, ал адам күледі. Қажетті эмоциялар қорқыныш пен таңдануды білдіретін сөздерден кейін бір-ақ келеді. Бұл маңызды нәрсе», – деді Анастасия Лысакова.
</blockquote>
<a href="https://sputnik.kz/20220626/adam-otirik-aytyp-turganyn-bilu-25768067.html#"></a>Адам бір нәрсені ойдан шығаруға тырысқанда, көбінесе солға немесе жоғары қарайды, деп жалғастырды психолог.
<blockquote>
 «Дененің бүкіл сол жағынде, әсіресе оңқайларда, біртүрлі реакция болады. Сонымен қатар, ол солға немесе жоғарыға қарай алады», – деді Анастасия Лысакова.
</blockquote>
Сондай-ақ, оның айтуынша, шамадан тыс қол сермеп, қозғалу болады.
<blockquote>
 «Әр адамның мінез-құлқы психофизиологиялық жағдайға байланысты екенін есте ұстаған жөн», – деді ол.
</blockquote>
<a href="https://sputnik.kz/20220626/adam-otirik-aytyp-turganyn-bilu-25768067.html">Sputnik.kz</a>

Адамның өтірік айтып тұрғанын қалай білуге болады?

Kyzylorda-news.kz. Өткен тәулікте коронавирус инфекциясын жұқтырған66 жағдай тіркелді, деп хабарлайды COVID-19 таралуына жол бермеу жөніндегі ВАК.
Оның ішінде Нұр-Сұлтан қаласында – 15, Алматы қаласында – 42, Шымкент қаласында – 3,Ақмола облысында – 2, Қарағанды облысында – 3, Қызылорда облысында -1 адамнан анықталды.

Қызылордада бір адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Бұл 2016 жылғы есептен 3 есе көп. Бұл туралы Бірікен Ұлттар Ұйымының баяндамасында айтылады.
Яғни 222 миллион баланың үштен бірі бүгінде мектепке мүлдем бармайды. Қалған 120 миллиондай жеткіншек сабақ алғанымен, білімі көңіл көншітпейді. Әріп танымайды, есеп шығаруға шорқақ болып қалған. Мұның себебі пандемия, климаттың өзгеруі мен қарулы қақтығыстар дейді ұйым өкілдері. Мәселен, Ауғанстан, Сирия секілді елдерде 10 баланың сегізі жылдар бойы жалғасып келе жатқан шиеленіс аймақтарында өмір сүреді екен.
<a href="https://24.kz/kz/zha-aly-tar/lemde/item/551502-lem-bojynsha-222-million-bala-bilimge-m-tazh">Хабар 24</a>

Қазақстан және Қызылорда облысының жаңалықтары