<a href="https://kyzylorda-news.kz/">Kyzylorda-news.kz.</a> Қазақстан Республикасының Мәдениет қайраткері, режиссер Тынымбай Мәдиевті еске алуға арналған «Өшпес тұлға жолымен» атты халық театрларының облыстық байқауы өз мәресіне жетті.Байқауға клуб кәсіпорындары мен мәдениет үйлерінен 13 халық театрлары қатысып, оларға Нартай Бекежанов атындағы Қызылорда облыстық қазақ академиялық музыкалық драма театрының көркемдік жетекшісі Оразалы Ақтөре, «Әдебиет» бөлімінің меңгерушісі Қылышбаева Ұлболсын Мұханбетқызы, бас суретшісі Қалымбетов Нұркен Иманғалиұлы, облыстық халық шығармашылығын дамыту және мәдени продюсерлік орталығы басшысы Құрамысова Жанат Ашанқызы, Қ.Қазантаев атындағы аудандық мәдениет үйінің көркемдік жетекшісі Шілдебаев Әсет Тыныштықұлы қазылық етті.Жалағаш аудандық әкімдігінің қолдауымен өткен байқау қорытындысы бойынша бас жүлдені Жаңақорған ауданы жеңіп алды. І орынды Қармақшы, ІІ орынды Сырдария аудандық мәдениет үйінің халық театрлары иеленді. Ал, жүлделі ІІІ орындарды Жалағаш аудандық халық театры мен Қазалы қалалық мәдениет үйінің театрлары жеңіп алды.&nbsp;Тынымбай Мәдеев атындағы арнайы жүлдемен Аманөткел ауылдық мәдениет үйінің халық театры марапатталды.<figure class="image"><img src="https://knadmin.beoblood.kz/uploads/313291789_2075388612848636_6760979026079547015_n_ae2319b2f4.jpg" alt="313291789_2075388612848636_6760979026079547015_n.jpg"></figure><figure class="image"><img src="https://knadmin.beoblood.kz/uploads/313260130_2075389016181929_1964159670598533322_n_095cbeb6be.jpg" alt="313260130_2075389016181929_1964159670598533322_n.jpg"></figure>

Қызылордада халық театрлары байқауы өз мәресіне жетті

<a href="https://kyzylorda-news.kz/">Kyzylorda-news.kz.</a> «Су – тіршілік көзі» деп бекер айтпаса керек. Расымен де, күнделікті тіршілігімізді сусыз елестету тіпті мүмкін емес. Дегенмен, бүгінде су әлемдік маңызы бар мәселеге айналды. Оның басты себептерінің бірі – су ресурстарының тапшылығы мен су ресурстарын пайдаланудың шамадан тыс артуы болып отыр. Сондай-ақ дүниежүзілік су қорларының ластануы да түйткілді мәселенің бірі болып отыр. Сондықтан да, алдағы уақытта ауыз су қадірін біліп, оны үнемдеп пайдалануды қолға алғанымыз жөн.Осы мақсатта, Арал ауданында бірқатар жұмыстар қолға алынып, бүгінде сол жұмыстардың бірқатарын ел игілігін көрмек. Атап айтсақ, Биыл Арал ауданы орталығының батыс беткейінде орналасқан «Арал-1» су ұңғымасына облыстық бюджеттен қаржы бөлініп, бұрғылау жұмыстары бастау алған болатын. Ендігі кезекте бұл жобаның қазу жұмыстары толықтай дерлік аяқталып, өңір игілігіне пайдалануға берілді. Негізінен атаулы ұңғыма ауданның әлеуметтік-экономикалық жағдайын арттыруға, аудан тұрғындарын сапалы ауыз сумен қамтамасыз етуде мол мүмкіндік береді. &nbsp;Сондай-ақ, малға арналған жайылымдық жерлерді суландыру және мал суаттарымен қамтамасыз ету үшін өте тиімді.&nbsp;Су ұңғымасының тереңдігі 430 метрді құрайды. Бұл жұмыстарды мердігер мекеме «PRIDE LTD» ЖШС-і жүргізген.&nbsp; &nbsp;<img src="https://knadmin.beoblood.kz/uploads/32_74a7813183.jpg" alt="32.jpg">

Арал ауданында су ұңғымасы қазылды

<a href="https://kyzylorda-news.kz/">Kyzylorda-news.kz.</a> Туберкулез – өте ауыр инфекциялық ауру. Онымен күрес те ұзақ уақыт талап етеді. Аурумен күрескеннен гөрі, оның алдын алған тиімдірек. Сондықтан өңір-өңірде аталған аурумен күрес және оның алдын алу мәселесі күн тәртібінен түскен емес. Мәселен, Қызылорда облысында 2022 жылдың 9 айында туберкулездің 330 жағдайы тіркелді. Бұл көрсеткіш өткен жылдың осы кезеңімен салыстырғанда 21,6%-ға артқан. Басым көпшілігін тыныс алу жолдарының туберкулезі құрап отыр.Қала, аудан бойынша жеке тоқталатын болсақ, сырқаттанушылық деңгейі Жалағаш ауданында бір деңгейде болса, қалған өңірлердің барлығында эпидемиологиялық ахуал тұрақсыз болып қалуда.&nbsp;Туберкулездің ашық түрімен ауырғандар саны облыс бойынша 1,3 есеге жоғарылаған.&nbsp;Індетке шалдыққандардың 66%-і әлеуметтік белсенді топтар, яғни 18-64 жас аралығындағы тұрғындар. Сырқаттанушылықтың 5,4%-ы 14 жасқа дейінгі балалар және 5,4%-ы жасөспірімдер арасында тіркелген.Эпидемиологиялық талдау нәтижелері көрсеткендей, туберкулезге шалдығу деректері көп жағдайда жұмыссыздар және зейнеткерлер арасында тіркелді. Жыл басынан бері туберкулездің 5 асқынған түрі және 10 өлім-жітім жағдайы ересектер арасында тіркелді. Көз жұму деректерінің 5-еуі Қызылорда қаласында және 1 жағдайдан Жалағаш, Қазалы, Жаңақорған аудандарында, 2 жағдай Байқоңыр қаласында тіркеуге алынды. Аурудың асқыну және өлім-жітім себептері ауыру қаупі жоғары «тәуекел» топтағы контингенттердің уақытылы флюрографиялық тексерілмеуі, ауру клиникасы пайда болғанымен тұрғындардың медициналық көмекке кеш жүгіну салдарынан болуы ықтимал. Туберкулез ошақтарына, қарым-қатынастағыларға эпидемиологиялық бақылау, зерттеу, ауру көзін анықтау шаралары медицина ұйымдары мамандарымен бірлесіп жүргізілуде. Туберкулезден өлім-жітім жағдайы 2021 жылдың осы мерзімімен салыстырғанда 1 жағдайға төмендеген.Туберкулезге қарсы егілмегендер саны – 416, ата-анасының екпеден бас тартуы себепті вакцина алмағандар саны 58-ден 85-ке өскен. Бұл сәйкесінше туберкулез ауруының эпидемиологиялық ахуалының тұрақсыз болып қалыптасуына әсер етуде. Бұл ретте санитариялық-эпидемиологиялық бақылау саласының қызметкерлері денсаулық сақтау ұйымдары мамандарымен бірлесіп, санитариялық-ағарту жұмыстарын жүргізуде.&nbsp;Ауа барлық адамға ортақ болғандықтан туберкулез бактериясын жұқтырудан ешкім қорғалмаған. Әсiресе балалар мен егде жастағылар үшiн өте қауiптi. Туберкулезбен ауыратын адаммен жақын қарым-қатынас жиi, әрi ұзақ болса, түрлi себептермен ағзаның қорғаныш күшi әлсірегенде туберкулез таяқшалары белсендiлiк танытып, аталмыш аурудың қозуына себепшi болады.&nbsp;Бүгiнде ауру ерте анықталып, емдеу шаралары уақытылы жасалған жағдайда туберкулезден толық сауығып шығу мүмкіндігі дәлелденген.&nbsp;Туберкулездің алдын алудың тиімді әдісі – профилактикалық медициналық тексеруден өту. Туберкулез рентгенологиялық әдіспен анықталады, яғни кеуде қуысын флюорорграфиялық және рентгенологиялық тексеруден өткізу.&nbsp;Ал балалар арасында туберкулезді анықтаудың маңызды әдісі-туберкулин сынамасын қою. Туберкулин диагностикасы 12 айдан бастап 14 жасқа жеткен тәуекел тобындағы балаларға Манту сынамасын қою арқылы жүргізіледі. Манту сынамасын бұрынғы қойылған сынамалардың нәтижесіне қарамастан жылына бір рет қояды. Ол БЦЖ вакцинасын егу мен қайта егу контингентін іріктеу мақсатында жасалады. Балалар үшін БЦЖ вакцинасын егу ең алдымен туберкулез менингиті, ауыр түрдегі аурулардың таралуынан қорғайды. Алғашқы екпені жаңа туылған бала перзентханада 0-4 күн ішінде алады. БЦЖ ревакцинациясы тек дені сау, алынған манту сынамасы теріс болған 6-7 жастағы балаларға жүргізіледі. &nbsp;

Қызылорда облысында туберкулез дертінің көрсеткіші артқан

<a href="https://kyzylorda-news.kz/">Kyzylorda-news.kz.</a> Облыстық білім басқармасының басшысы Мейрамбек Шермағанбет кәсіби музыкант, тәжірибелі ұстаз, білікті дирижер Сыр өнерінің дамуына айрықша үлесін қосқан Кеулімжай Шалтақбайұлын құрметті зейнет жасына шығуымен құттықтады.Басқарма басшысы Қазанғап атындағы Қызылорда музыкалық жоғары колледжіне арнайы барып, өнер иесіне ерекше ілтипат көрсетті.<blockquote>«Сіз Қызылорда облысының білім беру саласында жемісті еңбек етіп, жауапты қызметтерді зор абыроймен атқарып, біліміңіз бен тәжірибеңізді еліміздің мұрат-мүддесіне арнадыңыз. Музыкалық колледжде қызмет жасаған 26 жыл ішінде, оның ішінде 23 жыл колледжді басқарған уақытыңызда абыройлы еңбек етіп, өзіндік қолтаңбаңызды қалдырдыңыз. Өзіңіздей көңілі ашық-жарқын, кеудесі алтын сандық ұлағатты ұстаздан талай шәкірттеріңіз еліміздің атын өз елімізде ғана емес шет елдерде танытып жүр» - деді, М.Шермағанбет.</blockquote>Музыка маэстрі еңбек жолын өнерге арнады. Еліміз бойынша шоқтығы биік Қазанғап атындағы Қызылорда музыкалық жоғары колледжін ұзақ жылдар бойы басқарып, өнер майталмандарын киелі сахнаға шығарды. Ал, 1986 жылы өнер иесінің тікелей атсалуысымен құрылған камералық оркестр – оқу орынның дамуына айрықша үлесін қосты. «Тұрмағамбет» атындағы халық аспаптары оркестрінің құрылып, елге танымал болуында да Кеулімжай Шалтақбайұлының еңбегі зор.Ұлағатты ұстаз 2005 жылы «Облыс өнер қамқоршысы» номинациясының иегері атанып, 2007 жылы Қазақстан Республикасының Білім және Ғылым министрлігінің Құрмет грамотасымен марапатталды. 2011 жылы ҚР Композиторлар Одағының ұсынысымен «Мәдениет қайраткері» төсбелгісін кеудесіне тақса, 2015 жылдың қорытындысы бойынша «Мәдениет майталманы» номинациясына лайық деп танылды. 2016 жылы ҚР Президентінің Жарлығымен елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан үлес және белсенді қоғамдық қызметі үшін «Құрмет» орденімен марапатталды.Шарада Мейрамбек Зинабдинұлы облыс әкімінің «Құрмет» грамотасын табыстап, иығына шапан жапты. Сондай-ақ, әріптестері кәсібилігін сөз етіп, Сыр өңіріне сіңірген зор еңбегін айтты.<figure class="image image_resized" style="width:77.43%;"><img src="https://knadmin.beoblood.kz/uploads/311991573_1477226656113868_7547961711268141215_n_31cc36ca1b.jpg" alt="311991573_1477226656113868_7547961711268141215_n.jpg"></figure>

Мейрамбек Шермағанбет өнер иесіне құрмет көрсетті

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Бекбауыл, Райым ауылдық округтерінің тұрғындарымен кездесті. Ел Президентінің «Әкімдердің халықпен кездесулерін өткізу туралы» Жарлығына &nbsp;сәйкес аудан басшысы Арал ауданында жыл басынан бері атқарылған жұмыстарға тоқталды.&nbsp;<blockquote>«9 айдың қортындысымен 9,2 млрд. теңгенің ауыл шаруашылығы өнімдері өндіріліп, өткен жылдың осы кезеңімен салыстырғанда 105,2 пайыз болды. Жыл басынан бері өнеркәсіп орындары 17,0 млрд. теңге болатын өнім өндіріп, жалпы өсім 28,7 пайызға жетті. Ауданда өндірілген өнімдердің 70,0 пайызы өңдеу өнеркәсібіне тиесілі. Есепті мерзімдегі өңдеу өнеркәсібінің өсімі 34,1 пайызды құрады»,- деді Серік Сағитжанұлы.&nbsp;</blockquote>Бекбауылдықтар аудан басшысымен кездесуде ауыл үшін өзекті деген бірнеше мәселені көтерді.&nbsp;<blockquote>«Самара-Шымкент-Бекбауыл» бағытындағы автомобиль жолының құрылысы, Басықара каналының «Борлы маңы» тұсына автокөлік өткелінің қажеттілігі, шабындық және жайылымдық жерлерді суландыру, аяқ сумен қамту. Қазіргі таңда «Самара-Шымкент-Бекбауыл» бағытындағы автомобиль жолының барлық құжаттары әзірленіп, мердігер мекеме анықталған. Бұл бағыттағы жұмыстар белгіленген уақытта аяқталатын болады. Ал автокөлік өткелін салу бойынша жеке инвесторлармен келіссөздер жүргізіліп, алдағы уақытта жүзеге асады. Сумен қамту, оның ішінде су ұңғымаларын орнату бойынша алдағы жылдың жоспарына енгізілетін болады»,- деді Серік Сермағамбетов.</blockquote>Аудан әкімі жұмыс сапары барысында Бекбауыл ауылдық округіне қарасты &nbsp;Құмбазар елді-мекеніне ат басын бұрды. Серік Сағитжанұлы ауыл тұрғындарымен кездесіп, пікірлесті. Құмбазарлықтар аудан басшысына ауылдағы интернет желісі мәселесін көтерді. Өз кезегінде Серік Сермағамбетов мобилді интернет мәселесі ұдайы назарда екендігін жеткізіп, ол үшін тиісті мердігер мекемелермен бірлескен жобалар жасалынатындығын айтты. &nbsp;Мұнан соң аудан әкімі Райым ауылдық округі, Қызылжар ауылының тұрғындарымен кездесті. Онда тұрғындар дәрігерлік амбулаторияны қайта салу қажеттілігін тілге тиек етіп, жол мәселесін көтерді.&nbsp;Аудан әкімі емдеу нысанының құжаттары жинақталып, ол бойынша жан-жақты жұмыстар жасалынып жатқанын айтты. Сондай-ақ ауданаралық автомобиль жолының құрылыс барысы өз бақылауында екендігін жеткізді. &nbsp;Іссапар барысында әлеуметтік мекемелердің жылыту жүйесінің жұмыс барысы сараланды. &nbsp;Аудан әкімі қажетті сұйық және қатты отын қорын толықтай жасақтап, &nbsp;жеткілікті деңгейде ұйымдастыру керектігін айтты.<figure class="image"><img src="https://knadmin.beoblood.kz/uploads/aral1_2b7be25e17.jpg" alt="арал1.jpg"></figure>

Серік Сермағамбетов екі ауылдың халқымен кездесті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық білім басқармасы басшысының 2022 жылғы 1 қарашадағы №160-ЖҚ/1 бұйрығымен «Қазанғап атындағы Қызылорда музыкалық жоғары колледжі» коммуналдық мемлекеттік қазыналық кәсіпорнының директоры лауазымына Байбосынова Ұлжан Мәлікайдарқызы тағайындалды.Ұлжан Мәлікайдарқызы 1973 жылы 23 қазанда Қызылорда облысы, Сырдария ауданы, Тасбөгет кентінде дүниеге келген. 1990-1995 жылдары Қорқыт Ата атындағы Қызылорда педагогикалық институтын «Музыка» мамандығы, 1996-2001 жылдары Құрманғазы атындағы Қазақ Ұлттық консерваториясын «Музыкатану» аспирантурасын, 2005-2006 жылдары Әл-Фараби атындағы Қазақ Ұлттық университетін «Ізденуші» мамандығы бойынша бітірген.Еңбек жолын 1995 жылы Қорқыт Ата атындағы Қызылорда педагогикалық институты «Халық әні» кафедрасының оқытушы-машықтанушысы болып бастаған. 1996-1998 жылдары Құрманғазы атындағы Қазақ Ұлттық консерваториясы «Гармония сольфеджио» кафедрасының машықтанушы-зерттеушісі, 2001-2007 жылдары Алматы қаласы, «Көкіл» мектеп-колледжінде музыка пәнінің мұғалімі, 2007-2008 жылдары Т. Жүргенов атындағы Қазақ Ұлттық өнер академиясы «Дәстүрлі мәдениет пен өнер» кафедрасының оқытушысы, 2008-2014 жылдары Құрманғазы атындағы Қазақ Ұлттық консерваториясы «Халық әні» кафедрасының оқытушысы, аға оқытушысы, кафедра меңгерушісі, 2015-2019 жылдары Ықылас атындағы халық музыкалық аспаптар музейінің жетекшісі қызметтерін абыроймен атқарды.2019 жылдан бастап осы уақытқа дейін Құрманғазы атындағы Қазақ Ұлттық консерваториясы «Халық әні» кафедрасының доценті қызметін атқарып келді.Тағайындауға арнайы барған Мейрамбек Зинабдинұлы жаңа басшының қызметіне сәттілік тіледі.<figure class="image"><img src="https://knadmin.beoblood.kz/uploads/312454483_1477221972781003_4178718608193171711_n_fafa065197.jpg" alt="312454483_1477221972781003_4178718608193171711_n.jpg"></figure>

Қазанғап атындағы Қызылорда музыкалық жоғары колледжінің директоры тағайындалды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы әкімінің бірінші орынбасары Серік Қожаниязовтың төрағалығымен кәсіпкерлік саласында туындаған мәселелерді шешуге арналған жұмыс тобының алғашқы отырысы өтті.Шараға жұмыс тобының мүшелері – Кәсіпкерлер палатасы жанындағы өңірлік кеңес мүшелері, бизнестің түрлі саласында тәжірибелі кәсіп жасап жүрген кәсіпкерлер мен салаға қатысты мемлекеттік орган өкілдері қатысты.Отырыста кәсіпкерлік мақсаттағы жер учаскелері мен ғимаратты заңдастыру, жергілікті өнімдерді қолдау және мектеп асханаларында қызмет көрсететін кәсіпкерлердің мәселесі қаралды.Палата жанындағы Кәсіпкерлердің құқығын қорғау және сыбайлас жемқорлыққа қарсы іс қимыл жөніндегі кеңес төрағасы Болат Нұрқожаев кәсіпкерлерге жер учаскесінің нысаналы мақсатын өзгерткеннен кейін кадастрлық құнына сәйкес сатып алу қаржысын бөліп төлеуге мүмкіндік беру керегін айтты. Бұл тәжірибе әзір тек Қызылорда қаласында ғана қолданылып келе жатыр екен.&nbsp;Аталған мәселеге қатысты облыстық ауыл шаруашылығы және жер қатынастары басқарма басшысы Талғат Дүйсебаев бұл сұрақ мемлекеттік қызмет түріне жататынын атап өтіп, кез келген кәсіпкер қызметті алу барысында бөліп төлеу мүмкіндігін сұрауға құқылы екенін жеткізді.<blockquote>«Бірақ осы айтып тұрғандарыңызды кәсіпкерлердің басым бөлігі біле бермейді ғой. Сол үшін бұл ақпаратты кәсіпкерлерге жеткізу керек. Халыққа қызмет көрсету орталығына құжаттарын тапсырып жатқан кезде мамандар кәсіпкерлерге бөліп төлеу құқығының бар екенін түсіндіріп, айтып отыруы қажет. Аудан әкімдеріне осы жұмыстарды дұрыс ұйымдастыруды тапсырамын. Жергілікті әкімдердің де бюджетті көлемді қаржымен қысқа мерзімде толықтырғысы келетінін жақсы түсінемін. Дегенмен, кәсіпкерлерге де қаржысын айналымға салып, бизнесін дамытуына жұмсағаны дұрыс»,– деді облыс әкімінің бірінші орынбасары Серік Қожаниязов.</blockquote>Жергілікті тауар өндірушілерді қолдау үшін Кәсіпкерлер палатасының директоры, жұмыс тобы төрағасының орынбасары Пірмұхаммед Сыздықовқа өнімдерге сұраныс пен ұсынысқа қатысты ақпарат әзірлеуді ұсынды.Ал мектеп асханаларында қызмет көрсететін кәсіпкерлердің мәселесін облыстық білім басқармасының басшылығы жан-жақты зерттеп, құжаттарын әзірлеп, тиісті комиссияға шығаруды тапсырды.<blockquote>«Жұмыс тобы облыста кәсіпкерлік саласында туындаған жүйелі мәселелерді оңтайлы шешу, өңірге инвестиция тарту, инвесторларға қолайлы орта қалыптастыру, сатып алуларда жергілікті өнімді қолдау шараларын ұйымдастыруға арналған алаң болмақ. Сол үшін өңірдегі бизнес өкілдерінде кездесетін жүйелі мәселелерді осылайша күн тәртібіне жедел шығарып отыратын боламыз», – деді кеңесті қорытындылаған Серік Қожаниязов.</blockquote>Атап өту керек, облыс әкімі Нұрлыбек Нәлібаевтің 7 қыркүйекте кәсіпкерлермен кездесуінде Өңірлік кеңес төрағасы Ерлан Раимов аймақта кәсіпкерлік саласында туындаған жүйелі мәселелерді жедел қарауға арналған &nbsp;жұмыс тобын құруды ұсынған болатын. &nbsp;&nbsp;Осы негізде қазан айында облыс әкімінің бірінші орынбасары Серік Қожаниязовтың төрағалығымен Жұмыс тобы құрылды.Жұмыс органы &nbsp;– Қызылорда облысының кәсіпкерлер палатасы.Жұмыс тобы отырысы айына кемінде бір рет шақырылады және мәселелер туындауына сәйкес мерзімнен тыс та өткізілуі мүмкін. &nbsp;<img src="https://knadmin.beoblood.kz/uploads/20_a80b09f3f4.jpg" alt="20.jpg"><img src="https://knadmin.beoblood.kz/uploads/25_99592e0abb.JPG" alt="25.JPG"><img src="https://knadmin.beoblood.kz/uploads/23_ba11775ec1.JPG" alt="23.JPG"><img src="https://knadmin.beoblood.kz/uploads/22_eff72b05f5.jpg" alt="22.jpg"><img src="https://knadmin.beoblood.kz/uploads/21_3a3266c457.jpg" alt="21.jpg">

Серік Қожаниязов: «Кәсіпкерлер заңды құқығын пайдалана алуы керек»

2 қарашада Қазақстан аумағының басым бөлігінде атомосфералық фронттардың әсерінен құбылмалы күн райы сақталады. Онымен жаңбыр мен қар түрінде жауын-шашын күтіледі.Республика бойынша – тұман, екпінді жел, батыста, солтүстік-батыста және солтүстікте – көктайғақ, солтүстік-батыста жаяу бұрқасын болжанады, деп хабарлайды Қазгидромет.&nbsp;Түркістан облысының таулы аудандарында таңертең және күндіз қатты жаңбыр күтіледі.

2 қараша күнгі ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Облыста жергілікті маңызы бар автомобиль жолдарының жалпы ұзындығы – 3 420 шақырымды құрайды. Оның 1016 шақырымы республикалық, 555 шақырымы облыстық, 1849 шақырымы аудандық маңызы бар автомобиль жолдары болып табылады.Жалпы жыл басынан бері ұзындығы 275 шақырымды құрайтын көшелер мен жол желілері жөндеуден өтті. Ал қазіргі таңда ұзындығы 372 км құрайтын автомобиль жолы мен көпір өткелінің құрылыс жұмыстары жүргізілуде. Бұл жөнінде Өңірлік коммуникациялар қызметінде өткен брифингте облыстық жолаушылар көлігі және автомобиль жолдары басқармасы басшысының орынбасары Ерқыран Жалғасбаев хабарлады.«Мемлекет басшысының биылғы Жолдауында автожол құрылысына, оның ішінде жергілікті жолдардың сапасына баса мән беру керектігі айтылды. Осыған сәйкес, 2025 жылға дейін облыстық маңызы бар жолдардың жақсы және қанағаттанарлық деңгейдегі индикаторлық көрсеткішін 95 пайызға жеткізу міндеттелді. Бүгінде «Нұрлы жол» бағдарламасы аясында 188 км шақырым жол салынды. Ал «Ауыл - ел бесігі» бағдарламасы бойынша 63 км көшеге жөндеу жұмыстары жүргізілді. Жыл соңына дейін облыстық және аудандық маңызы бар автомобиль жолдарының жақсы және қанағаттанарлық деңгейін 82 пайызға жеткізу жоспарлануда. Аймақта жолаушылар тасымалы саласында да бірқатар жұмыстар атқарылуда. Атап айтқанда, облыс аумағындағы 212 елді мекенді, ауданды және облыс орталығымен байланыстыратын 205 қоғамдық көлік халыққа қызмет көрсетеді. Сонымен қатар «Korkyt Ata» әуежайында демеушілік есебінен орташа жөндеу жұмыстары жүргізілді», - деді басқарма басшысының орынбасары Ерқыран Ертілеуұлы.<figure class="image"><img src="https://knadmin.beoblood.kz/uploads/312206896_1656050468123792_6760016898973296167_n_7e2a0de4e4.jpg" alt="312206896_1656050468123792_6760016898973296167_n.jpg"></figure>

Қызылордада 275 шақырымды құрайтын жол желілері жөндеуден өтті

<a href="https://kyzylorda-news.kz/">Kyzylorda-news.kz.</a> Биыл өңірде жаңадан ашылған «Танкаман» ЖШС өндіріс цехы 100 пайыз табиғи сүт өнімдерін өндіруде. «Auylym» маркасындағы 20 түрлі балмұздақ түрлері тұрғындарға қол жетімді бағада ұсынылуда. Оның ішінде классикалық нұсқадағы – пломбир және кілегейлі балмұздақтар, сонымен қатар экзотикалық дәмдегі – манго, ананас, киви, құлпынай, қауын, орео, кофе, пісте және тағы басқа түрлері өндірілуде.&nbsp;Кәсіпкердің айтуынша, &nbsp;цехта айына бір тоннадан астам тәтті балмұздақ шығарылады. Сондай-ақ, мұнда 15-ке жуық адам тұрақты жұмыспен қамтылған. Бұл жөнінде Өңірлік коммуникациялар қызметінде өткен брифингте &nbsp;«Танкаман» ЖШС-нің атқарушы директоры Фараби Бауыржанов мәлімдеді.<blockquote>«Тіл үйірер тәтті балмұздақты шығару үшін толықтай жоғары сападағы италиялық технологияларды пайдаланамыз. Сол себепті сапалы өнім өндіру үшін арнайы лаборатория жасақталды. Өндірістегі сүт өнімдері өзімізде әзірленгендіктен 100 пайыз табиғи таза өнім болып саналады. Балмұздақтар сапасына қарай тұрғындарға тиімді бағада ұсынылуда. Әзірге жергілікті өнімдер &nbsp;облыс көлемін қамтыса, келесі жылдан бастап басқа өңірлерге жөнелтуді жоспарлап отырмыз. Алдағы уақытта сүт өнімдерімен бірге шұжық шығаруды да қолға алмақпыз», - деді Фараби Бауыржанов.</blockquote><figure class="image"><img src="https://knadmin.beoblood.kz/uploads/Farabi_088d176379.jpg" alt="Фараби.jpg"></figure>

Фараби Бауыржанов: Балмұздақтар тиімді бағада ұсынылуда

<a href="https://kyzylorda-news.kz/">Kyzylorda-news.kz.</a> Аралда өндірілетін кварц құмы шыны зауытының өндірісінде қолданылмақ.Аралқұм ауылдық округіне &nbsp;қарасты Шөміш елді мекеніндегі 18 шақырым жерде кварц құмын байыту бойынша тау-кен комбинатының 2020 жылы бірінші кезеңі іске қосылды. Бұл үшін кварц кұмының мол қоры бар аймақтан жоба бастамашысы Aral Quartz ЖШС-не бақылау-өткізу станциясы мен көпір-типті кранын орнату үшін 1,8 га жер телімі табысталды. Шығыс Сарышоқы, Жұмақ және Жанплес-2 учаскесінде кварц құмын өңдеуге жер қойнауын пайдалану құқығы берілді. Комбинатта 27,5 млн. тонна кварц құмының қоры бар.Іске қосылған комбинаттың жылына 70 000 тонна байытылған кварц концентратын шығаруға қауқарлы. Нысанда 50 жаңа жұмыс орны құрылды. Комбинаттың негізгі жабдықтары Еуропадан алынды. Аталған жоба «Байқоңыр» ӘКК» АҚ және «Aral Quartz» ЖШС-мен бірлесіп іске асырылуда.Айта кетейік, комбинат өндіретін кварц құмы жуырда жұмысын бастаған шыны зауытының өндірісінде қолданылмақ. Бұл өнімге шетелден де сұраныс жоғары.Жобаның екінші кезеңінде цех қуаттылығын арттыру және өсім түрлерін көбейту мақсатында жаңа нысанның құрылысы жоспарлануда.Екінші желісі бойынша темір жол тұйығын «Бизнестің жол картасы-2025» аясында жеткізу жоспарлануда. Жоба сметалық құжаттамалары мемлекеттік сараптамадан өтіп, оң қорытындысын алды. Жоба құны 12,5 млрд. теңгені құрайды.<figure class="image"><img src="https://knadmin.beoblood.kz/uploads/313072248_1300189877408873_9014127359008068989_n_5b2abc2e08.jpg" alt="313072248_1300189877408873_9014127359008068989_n.jpg"></figure><figure class="image"><img src="https://knadmin.beoblood.kz/uploads/313433019_1300190390742155_2600061891582366926_n_a27b976eff.jpg" alt="313433019_1300190390742155_2600061891582366926_n.jpg"></figure>

Аралда өндірілетін кварц құмы шыны зауытының өндірісінде қолданылмақ

<a href="https://kyzylorda-news.kz/">Kyzylorda-news.kz.</a> Бүгін Шиелі ауданы, Шиелі кенті, Мұхамеджан Қаратаев көшесінде «Промстройсервис.Е» жауапкершілігі шектеулі серіктестігінің демеушілігімен салынған спорттық балалар ойын алаңы мен шағын футбол алаңының тұсауы кесілді.Тұсаукесер рәсіміне Шиелі ауданы әкімінің орынбасары Айтбай Жандарбеков, Шиелі аудандық ардагерлер кеңесі төрағасының орынбасары Әбіләкім Маханбетов, аудандық алқа билер төрағасы Тұрмат Баймағанбетов, «Промстройсервис.Е» серіктестігінің басшысы Манарбек Еспенбетов арнайы қатысты.&nbsp;Халық игілігі үшін берілген жаңа нысанға қатысушылар жүрекжарды лебіздерін білдіріп, демеуші серіктестікке өз алғыстарын жеткізді.&nbsp;<blockquote>«Биыл «Балалар жылы» аясында демеушілер есебінен ауданда 6 спорттық балалар ойын алаңдары салынуда. Осыған дейін демеушілер есебінен салынған 3 ойын алаңының тұсауы кесілді. Бірер күнде қалған балалар ойын алаңдары да пайдалануға беріледі», - деді аудан әкімінің орынбасары Айтбай Жандарбеков.</blockquote>Айта кетейік, Қаратаев көшесіндегі аумағы 500 шаршы метрді алып жатқан ойын алаңы «Промстройсервис.Е» серіктестігінің демеушлігімен салынған. Мұнда спорттық балалар ойын алаңы мен шағын футбол алаңы бар.<figure class="image"><img src="https://knadmin.beoblood.kz/uploads/313402533_1431764584020663_8733332556449431518_n_88a699f4cd.jpg" alt="313402533_1431764584020663_8733332556449431518_n.jpg"></figure><figure class="image"><img src="https://knadmin.beoblood.kz/uploads/sport_ba75373e9a.jpg" alt="спорт.jpg"></figure>

Қазақстан және Қызылорда облысының жаңалықтары