<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы бойынша 136 407 мың тұрғыны медициналық көмекті толыққанды алу мүмкіндігінен айырылып отыр. Бүгінде МӘМС жүйесінде өңірдің 664 мыңнан астам немесе халықтың 83 пайызы сақтандырылған (өңір халқы – 800 820 мың адам). Бұл туралы облыс әкімінің орынбасары Нұрымбет Сақтағановтың төрағалығымен өткен МӘМС мәселелері жөніндегі өңірлік штаб отырысында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
«Сақтандырылмаған азаматтар үлесінің 91 мыңнан астам адам (66,8%) соңғы 12 айда төлем жасамағандар және жеке практикамен айналысатын 21,5 мыңға жуық адам аударған жоқ. Сақтандырылмаған қалған тұрғындар – бұл әртүрлі мекемелерде жұмыс істейтін жалдамалы жұмысшылар, азаматтық-құқықтық шарттар бойынша жұмыс істейтін қызметкерлер, жеке кәсіпкерлер, бірыңғай жиынтық төлем төлеушілер және басқа да санаттағы адамдар. Осыған байланысты, әкімдіктер, жұмыспен қамту және әлеуметтік бағдарламалар бөлімдері, өңірдегі мемлекеттік кірістер департаменті МӘМС үшін жарналарды уақтылы және тұрақты төлеудің маңыздылығы туралы түсіндіру жұмыстарын күшейтуі қажет», – деп атап өтті Бақыт Исмаханбетов.
Сондай-ақ, филиал директоры «МӘМС туралы» Заңға енгізілген өзгерістер туралы хабарлады. Осылайша, осы жылдың қыркүйегінен бастап дербес төлеушілер МӘМС жүйесінде алдын ала 12 айға төлем жасау арқылы сақтандырыла алады. Бұрын сақтандыру мәртебесін алу үшін пациенттің өткен 12 айға жарнасы төленген болуы және мәртебесін жоғалтпау үшін ай сайын жарналарды үзбей төлеуі міндеттелген еді. 2022 жылы дербес төлеушілер ай сайын ең төменгі жалақы мөлшерінің 5%-ы көлемінде – 3 000 теңге жарна төлейді.
Жиынды қорытындылаған облыс әкімінің орынбасары Нұрымбет Сақтағанов жергілікті атқарушы органдарға, мемлекеттік кірістер департаментіне, жұмыспен қамту және әлеуметтік бағдарламалар органдарына халықты МӘМС жүйесімен қамту бойынша Жол картасын орындау аясында ақпараттық-түсіндіру жұмыстарын күшейтуді, белсенді емес халықты БЖТ-ды үздіксіз төлемдеріне тартуды тапсырды. Сонымен қатар, мемлекеттік кірістер департаментіне МӘМС жарналары мен аударымдарын уақтылы төлеу бойынша тапсырмалар берілді. МӘМС үшін уақтылы төлем жасамаған мекемелерге қатысты «Міндетті әлеуметтік медициналық сақтандыру туралы» Заңда белгіленген айыппұл қолдану қажет.
<img src="https://kyzylorda-news.kz/wp-content/uploads/2022/08/rsh-1.jpeg" alt="" />
<img src="https://kyzylorda-news.kz/wp-content/uploads/2022/08/rsh-3.jpeg" alt="" />

МӘМС: Қызылорда облысында тұрғындардың 17 пайызы сақтандырылмаған

<a href="https://kyzylorda-news.kz/">Kyzylorda-news.kz.</a>&nbsp;«Азаматтарға арналған үкімет» мемлекеттік корпорациясы мемлекеттік қызметтер көрсету процесін одан әрі цифрландыру бойынша жұмысты жалғастырып жатыр. Біз осы бағытта даму үшін IT мамандықтары бойынша білім алатын студенттерді іздейміз.
Мемлекеттік корпорация алғаш рет Smart Start бірегей жобасын іске қоспақшы. Жоба жас мамандарға ақылы тағылымдама ғана ұсынбайды, сондай-ақ олардың алдағы уақытта жұмысқа орналысуын қарастырады.
Біз IT мен мемлекеттік қызметтерді көрсету салалары бойынша тың идеясы бар студенттерді іздейміз. Біздің болашақ тағылымдамашылар түрлі сервистер мен метрикаларды әзірлеп, деректерді жинап және оларды талдайтын болады.
Олар Smart Start шеңберінде IT-өнімдерді әзірлеу бойынша оқудан өтіп, дағдылары мен біліктілігін арттырады, сондай-ақ нақты кейстермен жұмыс істейді. Тағылымдама қорытындысы бойынша үздік деп танылғандар Мемлекеттік корпорацияға жұмысқа қабылданады.
Smart Start тағылымдамасына қатысушылар саны шектеулі, сондықтан үміткерлер арасында бірнеше кезеңнен тұратын іріктеу жүргізіледі.
Бірінші кезең – өтінімдерді қабылдау (15 тамыз-15 қыркүйек аралығына дейін). Үміткер бірінші кезеңге қатысу үшін арнайы өтінімді толтыруы қажет, оны Мемлекеттік корпорацияның ресми сайтынан жүктеп алуға болады. Одан кейін түйіндеме, оқу орнынан анықтама, GPA транскрипті және «Неге Мемлекеттік корпорацияда жұмыс істегім келеді және болашақта компанияға қандай пайда әкелемін» тақырыбына эссе (2 беттен артық емес, Times New Roman, 14) талап етіледі. Өтінім мен қажетті құжаттарды мына i.rakhimova@gov4c.kz сілтеме бойынша жіберуге болады.
Екінші кезеңде қатысушыларға қабілеттерін тестілеу, ал қорытынды үшінші кезеңде сараптау комиссиясымен әңгімелесу жүргізіледі. Мемлекеттік корпорация ақтық кезеңнің қорытындысы бойынша жеңімпаздарға жобалар менеджері, өнім талдаушылары, backend/frontend әзірлеушілер мен жүйелік әкімшілердің позицияларын ұсынады.
Тағылымдама туралы толық ақпаратпен мына сілтеме арқылы танысуға болады.

«Азаматтарға арналған үкімет» Smart Start жобасын қолға алды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облыстық білім басқармасының басшысы Мейрамбек Шермағанбеттің төрағалығымен қала, аудандық білім бөлімдерінің басшылары және облыстық мекеме басшыларымен кеңейтілген мәжіліс өтті.
Күн тәртібінде жаңа оқу жылына дайындық барысы, «Мектепке жол» акциясын ұйымдастыру, өз-өзіне қол жұмсау мен зорлық-зомбылықтың алдын алу, балалардың қауіпсіздігі және қылмыс пен құқық бұзушылықтың алдын алу шаралары қаралды. Сондай-ақ, мемлекеттік сатып алу, бюджеттік жоспарлау жұмыстары мен күрделі жөндеу, құрылыс жұмыстарының жүргізілу барысы туралы жайы талданды.
Жиында Мейрамбек Зинабдинұлы білім беру саласындағы индикаторлық көрсеткіштер мен жаңа оқу жылына дайындығын саралап, күн тәртібінде талқыға түскен мәселелерді жеке-жеке талдады. Отырыста облыстық білім басқармасының бөлім басшылары Нұрлан Дәулеталиев, Шолпан Жүнісова, Берік Мамбетов, Нұрлан Аймаханов пен Ернат Алпысбаев өз салалары бойынша атқарылған жұмыстар шеңберінде баяндама жасап, алдағы міндеттерге қатысты есеп берді.
Басқарма басшысы білім беру ұйымдарының сыртқы және ішкі тазалығын, балаларды оқулықтармен қамтамасыз ету, мамандарды жұмысқа қабылдауда сыбайлас-жемқорлыққа жол бермеу, білім беру ұйымдары басшыларының ротациясы мен аттестациясын заңдылыққа сәйкес жүргізуді және жылу маусымына дайындық пен «Мектепке жол» акциясын тиянақты әрі уақытылы орындауды тапсырды. Сондай-ақ, өз-өзіне қол жұмсау мен зорлық-зомбылық, мемлекеттік сатып алу жұмыстары бойынша орын алған кемшіліктерге орай білім бөлімі басшыларына қателіктерге жол бермей, тапсырмалар уақытында орындалу керектігін еске салды.
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-09.56.39.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-12-at-09.57.11.jpeg" alt="" />

Қызылордада білім берудің өзекті мәселелері талқыланды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда әлеуметтік төлемдер ішіндегі жүктілік және босану бойынша жәрдемақыларды ресімдеу және оны алу жолы мәселесі – тұрғындарарасында ең танымал қызметтердің бірі. Бұл мәселе, әсіресе, отбасыда бірінші бала дүниеге келгенде өзекті.
«Азаматтарға арналған үкімет» мемлекеттік корпорациясының әлеуметтік-еңбек саласы мәселелері жөніндегі байланыс орталығына осыған байланыстыжиі сауалдар қойылады. Аталған мәселе бойынша көрсетілген қызметтің үлесі зейнетақы және әлеуметтік қамсыздандыру мәселелері бойынша барлық өтініштің шамамен 20 пайызын қамтиды. Бұл қызмет бойынша өңірлер арасында Алматы (13,7%) көш бастап тұр, ары қарай тізімді Түркістан (11,5%), Маңғыстау (9,7%) және Алматы облысы (9,6%) жалғайды, үздік бестікті Нұр-Сұлтан қаласы (9,2%) қорытындылайды.Ал Солтүстік Қазақстан (0,7%), Қостанай (2,2%) және Павлодар (2,6%) облыстарынан жүктілігі және босануы бойынша жәрдемақылар туралы аз сұрау келіп түскен.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Байланыс орталығы мынадай бағыттар бойынша кеңес береді: зейнетақы, әлеуметтік қамсыздандыру және әлеуметтік сақтандыру, еңбек қатынастары және халықты жұмыспен қамту, көпбалалы отбасыларға ай сайынғы жәрдемақы, атаулы әлеуметтік көмек, БЖЗҚ-дан зейнетақы жинағын мерзімінен бұрын алу және басқа да мәселелер.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Қызмет көрсету барысында байланыс орталығының мамандары ҚР ЕХӘҚМ-нің «Е-Макет» және «Зейнетақы және жәрдемақы алушылардың орталықтандырылған дерекқоры» ақпараттық жүйелерін пайдаланады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Күн сайын байланыс орталығының 60 операторы клиенттердің 3-5 мыңға дейінгі өтінішін қабылдап, қызмет көрсетеді.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Клиенттерге ақпараттың қолжетімділігін қамтамасыз ету үшін ресми <a href="https://t.me/gov4c_resmi">Telegram</a>, <a href="https://www.instagram.com/p/ChELYVBDT3K/?utm_source=ig_web_copy_link">Instagram</a>, <a href="https://www.facebook.com/gov4c">Faceboоk</a> әлеуметтік желілерінде, сондай-ақ «Азаматтарға арналған үкімет» мемлекеттік корпорациясының ресми <a href="https://gov4c.kz/ru/">сайтында</a> зейнетақы мен әлеуметтік қамсыздандыруға қатысты жиі қойылатын сұрақтардың жауабын жариялауды жалғастырады.

Жүктілік және босану бойынша әлеуметтік төлемдер  &#8211; қазақстандықтарды қызықтыратын ең танымал қызмет

Kyzylorda-news.kz. Қазақстанда 2186 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК баспасөз қызметі.
Нұр-Сұлтан қаласында – 1010,
Алматы қаласында – 416,
Шымкент қаласында – 241,
Ақтөбе облысында – 95,
Атырау облысында – 12,
Шығыс Қазақстан облысында – 49,
Абай облысында – 69,
Қарағанды облысында – 150,
Қостанай облысында – 18,
Қызылорда облысында – 31,
Маңғыстау облысында – 27,
Павлодар облысында – 15,
Түркістан облысында – 53.
Елімізде барлығы 1 336 456 адам СOVID-19-дан емделіп, сауығып шықты.

Covid-19: Қызылорда 31 адам жазылды

Kyzylorda-news.kz. Өткен тәулікте коронавирус инфекциясын жұқтырған 1643 жағдай тіркелді, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 375,
Алматы қаласында – 191,
Шымкент қаласында – 13,
Ақмола облысында – 128,
Ақтөбе облысында – 57,
Алматы облысында – 13,
Жетісу облысында – 32,
Атырау облысында – 38,
Шығыс Қазақстан облысында – 44,
Абай облысында – 28,
Жамбыл облысында – 33,
Батыс Қазақстан облысында – 105,
Қарағанды облысында – 196,
Ұлытау облысында – 14,
Қостанай облысында – 104,
Қызылорда облысында – 34,
Маңғыстау облысында – 43,
Павлодар облысында – 113,
Солтүстік Қазақстан облысында – 68,
Түркістан облысында – 14 адамнан корнавирус инфекциясы анықталды.
Елімізде коронавирус инфекциясын жұқтырғандар саны 1 374 277 жетті

Қызылордада 34 адамнан коронавирус анықталды

Kyzylorda-news.kz. Атмосфералық фронталды бөліктердің өтуімен еліміздің басым бөлігінде құбылмалы ауа райы сақталады, деп хабарлайды Қазгидромет.
Солтүстікте, шығыста, оңтүстік-шығыстың таулы аудандарында қатты жаңбыр жауады, найзағай, екпінді жел, бұршақ, оңтүстікте дауыл соғады. Тек еліміздің батысында жауын-шашынсыз ауа райы күтіледі. Республика бойынша кей жерлерде тұман күтіледі. Облыстың оңтүстік-батысында – шаңды дауыл.
Павлодар облысының оңтүстігінде, күндіз Шығыс Қазақстан облысының солтүстігінде, шығысында, күндіз Абай облысының солтүстігінде қатты жаңбыр жауады.
Күндіз Атырау, Батыс Қазақстан, Ақтөбе облыстарында қатты ыстық болады, Қызылорда облысының басым бөлігінде, Түркістан облысының оңтүстігінде, шығысында, Абай облысының Бесқарағай ауданында төтенше өрт қаупі сақталады.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімінің тапсырмасына сәйкес, құрылысшылар күні мерекесі аясында аудан әкімі Нұржан Ахатовтың қатысуымен «Мұстафа Шоқай» автоматтандырылған газ тарату станциясының құрылыс жұмыстарының ашылу салтанаты өтті.
Салтанатты шараға аудандық мәслихат хатшысы Т.Жағыпбаров, Тартоғай ауылдық округінің ардагерлер кеңесінің төрағасы еңбек ардагері Б.Пірімбетов, Еңбек ардагері А.Абдрамановтар қатысып, ауданның тіршілігіне тың тыныс берер, халықтың тұрмыс сапасының артуына септігі мол серпінді жоба құрылысының басталуына сәттілік тіледі.
15 мыңға жуық халқы бар 6 ауылдық округін газдандыру мақсатындағы маңызды жобаға Қазақстан Республикасы Үкіметінің, аймақ басшысының қолдауымен мамыр айында 2,1 млрд. теңге қаржы бөлінген.
Ірі стратегиялық маңызы бар «Бейнеу-Бозой-Шымкент» магистралды газ құбыры Сыр еліне, оның ішінде ауданға сәтті жоба.
Жоба аясында автоматты газ реттегіш станциясымен қатар «Бейнеу-Бозой-Шымкент» магистралды газ құбырынан сағатына қысымы 20 мың текше метр газ өткізетін 21 шақырым газ құбырының желісі жүргізілетін болады. Құрылыс жұмыстары 2023 жылдың мамыр айында ел игілігіне пайдалануға беру жоспарлануда.
<img src="https://kyzylorda-news.kz/wp-content/uploads/2022/08/298631620_1371253943405061_6598645900597696183_n.jpg" alt="" />
<img src="https://kyzylorda-news.kz/wp-content/uploads/2022/08/298828915_1371254123405043_7130313943437271258_n.jpg" alt="" />

«Мұстафа Шоқай» автоматтандырылған газ тарату станциясының құрылыс жұмыстары басталды

<a href="https://kyzylorda-news.kz/">Kyzylorda-news.kz.</a>&nbsp;«Жәрдем» мамандандырылған медициналық пойызы еліміздің шалғай станцияларында өз жұмысын жалғастыруда. Медициналық мамандардың кеңесі мен көмегінеөңірлер тұрғындары жүгінуде.
Қазіргі уақытта медициналық пойыз Қызылорда облысына аялдап, онда 11 станцияның тұрғындарын тексереді: 11-12 тамыз Абай, 13-14 тамыз Аралқұм, 15-16 тамыз Қамыстыбас, 17-18 тамыз Бекбауыл, 19-20 тамыз Байқожа, 21-22 тамыз Бостандық, 23-24 тамыз Қаракеткен, 25-26 тамыз Қараөзек, 27-28 тамыз Майлытоғай, 29-30 тамыз Бесарық және 31 тамыз-1 қыркүйек Сауран. Пойыз бағытына барлығы 7 облыс кіреді. Атап айтар болсақ, Жамбыл, Түркістан, Батыс Қазақстан, Қызылорда, Ақтөбе, Атырау және Маңғыстау облыстары.
«Жәрдем» консультациялық-диагностикалық пойызының дәрігерлері Батыс Қазақстан облысының 9 станциясының 5721 тұрғынын тексерді. Оның ішінде 4122 ересек, 1599 бала. Дәрігерлерге қаралудың жалпы саны – 19 793.
<blockquote>
 «Батыс Қазақстан облысында терапевт/педиатр мамандарына 4992 адам, хирургке 1844 адам, урологке 423 адам қаралды. Көз дәрігеріне де көп адам қаралды – 1970 адам, құлақ және мұрын дәрігерін – 2112 адам, гинекологке – 750 адам, тіс дәрігеріне – 1608 адам. Медициналық пойызда 944 ЭКГ жасалып, 1060 УДЗ, 82флюорография өткізілді. Облыс тұрғындарының арасында ең жиі кездесетін аурулардың қатарына варикоз, артроз, созылмалы ринит, аденоидты гипертрофия, холецистит, панкреатит, артериялық гипертензия, аллергия (полиноз), дерматит, катаракта жатады. Балалар арасында миопия, аллергиялық ринит, аллергиялық дерматит», – деп атап өтті «Жәрдем» медициналық пойызының бас дәрігері Айнұр Егінбаева.
</blockquote>
Медициналық пойыздың мамандары тұрғындарды қабылдау кезінде оларды жіті тексеріп, тегін медициналық көмек көрсетеді. Ұзақ мерзімді стационарлық емдеу қажет болса, жақын маңдағы медициналық мекемелерге жолдама беріледі. Жергілікті тұрғындар көбіне жақын маңдағы ауылдардан елдімекенде жоқ мамандардан кеңес алуүшін келеді.
Батыс Қазақстан облысында тұратын ақсақалдардың бірі Ибатулла Бижанов ақ халаттыларға өзінің ерекше алғысын айтты.
<blockquote>
 «Кентімізге арнайы келіп, тұрғындарға емделуге көмектескеніңіз үшін үлкен рақмет. Бізге дәрігерлер құнды кеңес берді, қажет мамандарды да араладық. Біз оны өте бағалаймыз», – дейді Ибатулла Бижанов.
</blockquote>
Сондай-ақ Алғабас станциясының бастауыш сынып мұғалімі Райхан Қожанова да ауыл тұрғындарының атынан дәрігерлерге осындай шалғай жерлерді аралап, тегін көмек көрсетіп жүргендеріне ризашылығын білдірді.
<blockquote>
 «Дәрігерлер өте мейірімді, әр науқасқа мұқият қарайды, бәрі бірлесе жұмыс істейді. Дәл осындай көмектен кейін мемлекетке керек екенбіз деген сезім пайда болды.Ауылдастарымыздың атынан үлкен алғысымызды білдіреміз. Жыл сайын келіңіздер», – деді мұғалім.
</blockquote>
Медициналық пойыз құрамында бүкіл ағзаның ауруларын толық тексеру мен ауруды алдын алу үшін қажет мамандар жұмыс істейді. Әртүрлі бейіндегі білікті мамандар қатарында: терапевт, педиатр, кардиолог, невропатолог, окулист, ЛОР, гинеколог, хирург, уролог, маммолог, стоматолог, психолог және дерматовенеролог бар.
Естеріңізге сала кетейік, «Жәрдем» медициналық пойызы 23 мамырдан 6 қарашаға дейін 80 станцияға барады, онда шалғайдағы ауылдар мен теміржол разъездерінен 43 мыңнан астам пациент білікті медициналық көмекпен қамтылады деп жоспарланып отыр. «Саламатты Қазақстан» пойызымен бірлесіп, медициналық қызмет көрсетуге мүмкіндігі жоқ шалғай станциялардың тұрғындарына алғашқы медициналық-санитарлық және консультациялық-диагностикалық көмек көрсетіледі. «Саламатты Қазақстан» екінші медициналық пойызы Павлодар облысында жұмыс жүргізуде.
«Медициналық пойыздар» жобасы алғаш рет 2010 жылы іске қосылды және жыл сайын 2019 жылға дейін жүзеге асырылып келіп, пандемия кезінде үзіліс жасалды. Осы кезеңде «Денсаулық», «Жәрдем» және «Саламатты Қазақстан» консультативтік-диагностикалық үш пойызы Қазақстанның 1700-ден астам шалғай өңіріне барып, 488 880 тұрғынды тексерді.
Медициналық пойыздардың қозғалыс кестесі туралы нақты ақпаратты жобаның www.medpoezd.kz ресми сайтынан немесе 8 7172 60 45 94, 8 701 206 15 40 нөмірлері арқылы, сондай-ақ @medpoezd.kz Instagram парақшасынан біле аласыздар.
Жобаны «Самұрық-Қазына» АҚ компаниялар тобының атынан «Samruk-Kazyna Trust» әлеуметтік жобаларды дамыту қоры ҚР Денсаулық сақтау министрлігінің қатысуымен, «Қазақстан Темір Жолы» ҰК АҚ жанындағы «Әлеуметтік жобалар қоры» корпоративтік қорымен бірлесіп іске асыруда.
<img src="https://kyzylorda-news.kz/wp-content/uploads/2022/08/327c7e0b-49b2-4df2-a227-1704b041fcdf.jpg" alt="" />
<img src="https://kyzylorda-news.kz/wp-content/uploads/2022/08/c18efc1f-d2b6-4f8f-9e5f-b5458e013a7a.jpg" alt="" />

«Жәрдем» медициналық пойызының дәрігерлері Қызылорда облысының тұрғындарын тексеріп жатыр

<a href="https://kyzylorda-news.kz/">Kyzylorda-news.kz.</a>&nbsp;Бүгін Сексеуіл кентіне газ құбырын тарту жұмыстары басталды.
Ел үшін маңызды жобаның басталу рәсіміне аудан әкімі Серік Сермағамбетов қатысып, республикалық және облыстық бюджет қаржысы есебінен жүргізілетін құрылысқа сәттілік тіледі.
<blockquote>
 «Бүгін Сексеуіл кентінің халқы үшін тарихи күн. Тұрғындар ұзақ жылдар бойы күткен қуанышқа қол жеткізуде. Себебі, кентте табиғи газ құбырын тарту жұмыстары бастау алмақ. Осынау айтулы жобаның тез арада жүзеге асуына аймақ басшысы Нұрлыбек Машбекұлы тікелей араласып, зор қолдау көрсетті. Газдандыру жобасы халықтың тұрмыс сапасын арттырады, әлеуметтік жағдайының жақсаруына да оң әсер етеді. Көгілдір отынның игілігін көрулеріңізге тілектеспін! Жаңа Қазақстандағы жарқын істер жалғасын таба берсін», – деп кент тұрғындарын үлкен қуанышпен құттықтады.
</blockquote>
Одан соң, ауыл ақсақалы Бақытжан Жалмырзаев сөз алып, игілікті іске атсалысқан азаматтарға кент халқының атынан ризашылығын жеткізіп, ақ батасын берді.
Қызылорда облысы әкімдігінің тапсырысымен, Сексеуіл кентінде құрылыс жұмыстарын «STROYGAZCОMPANY» және «AKBARYS STROY LTD» ЖШС мердігер мекемелері жүргізетін болады.
Газдандыру жұмыстары барысында кенттегі 2 300 тұрғын үй, 24 әлеуметтік және 53 кәсіпкерлік нысандарға тартылып, жалпы саны 11 620 тұрғын көгілдір отынның игілігін көретін болады.
Айта кетейік, бүгінде Арал қаласы 96 пайыз, Жақсықылыш кенті 87,7 пайыз табиғи газбен қамтылған. Сексеуіл кенті көгілдір отынға толық қосылғанда халық саны бойынша ауданды газбен қамту көрсеткіші 62,7 пайызға жетеді.
<img src="https://kyzylorda-news.kz/wp-content/uploads/2022/08/470301d4-bb6b-44a5-b69d-c703c08fed68.jpg" alt="" />
<img src="https://kyzylorda-news.kz/wp-content/uploads/2022/08/83c30dc1-087d-4278-a1e5-c5b2f8f9c2f8.jpg" alt="" />
<img src="https://kyzylorda-news.kz/wp-content/uploads/2022/08/3c46fcc1-fc9b-4eac-8296-e29c605e9ed1.jpg" alt="" />
<img src="https://kyzylorda-news.kz/wp-content/uploads/2022/08/f86ee7f2-4d19-41be-af25-fa3e68065706.jpg" alt="" />
<img src="https://kyzylorda-news.kz/wp-content/uploads/2022/08/53915a52-2b17-443d-82e5-615147603073.jpg" alt="" />

Сексеуілге газ құбырын тарту жұмыстары басталды

<a href="https://kyzylorda-news.kz/">Kyzylorda-news.kz.</a>&nbsp;Жалағаш ауданында 9 тамыз күні фазендадан мал іздеуге шығып, қайтып оралмаған ер адамның денесі арнадан табылды.
<blockquote>
 «Бүгін Қызылорда облысы ТЖД Жедел құтқару жасағының күшімен 1950 жылы туған азаматты іздеу жұмысы жүргізілді. Сағат 10-нан 5 минут өткенде «Мәдениет» суару каналынан аталмыш азаматтың мәйіті табылып, судан шығарылды», – деп мәлімдеді облыстық төтенше жағдай департаментінің баспасөз қызметі.
</blockquote>

Жалағашта жоғалған ер адамның мәйіті табылды

<a href="https://kyzylorda-news.kz/">Kyzylorda-news.kz.</a> Сыр елі құрылыс саласы қарқынды дамыған өңір. Соңғы жылдары Қызылорда қаласының өзінде 12 шағын аудан бой көтеріп, 270 көпқабатты тұрғын үй салынған. 7000-ға жуық азамат жаңа пәтерге ие болып, қоныс тойын тойлаған. Ал, бүгін құрылысшылар күнін қарсаңында қызылордалықтар үшін тағы 3 нысанның іргетасы қаланды. Сондай-ақ, Қармақшы ауданындағы Төретам кенті және Ақай ауылында, Арал ауданындағы Сексеуіл кентінде ауыл ішілік газ құбырын тарту және Шиелі ауданына қарасты Тартоғай елдімекенінде автоматтандырылған газ тарату стансасының құрылысы басталды.
Енді Сыр өңірінде отбасылық өмірге қадам жасаған жастар заманауи үлгідегі неке сарайында отбасы атанады.
Облыс әкімі Нұрлыбек Нәлібаев жас жұбайлардың киелі шаңырағына айналатын «Неке сарайының» Халықаралық жастар күні аясында бой көтеруінің символикалық мәні бар деді.
<blockquote>
 «Бір қуантарлығы, аймағымызда демографиялық өсім жылдан-жылға жақсарып, шаңырақ көтерген жастардың қатары артып келеді. Биылғы жылдың 6 айында 2276 жұп некеге тұрып, отбасылық өмірге қадам басты. Президентіміз Қасым-Жомарт Кемелұлы Тоқаев: «Бақытты әрі берік шаңырақ – еліміздің игілігі мен өркендеуінің кепілі. Мықты отбасы – мықты мемлекет» деп отбасы құндылығының маңызды екенін жеткізді. Келешекте неке сарайында отбасы құндылықтарын дәріптейтін әлеуметтік-мәдени іс-шаралар да тұрақты түрде өткізілетін болады», – деді Нұрлыбек Нәлібаев.
</blockquote>
Сондай-ақ, бүгін өнерлі өлкеде 1000 келушіге арналған жаңа өнер сарайының алғашқы кірпіші қаланды. Құны 3,7 млрд. теңгені құрайтын екі қабатты өнер сарайының құрылысы бір жарым жылда салынып бітеді. Ғимаратта симфониялық, эстрадалық және ұлттық өнер бағытындағы концерттік бағдарламалар мен түрлі форматтағы қоғамдық іс-шаралар өткізіледі.
Сырдың сол жағалауында тағы бір әлеуметтік нысанның іргетасы қаланды. Құны 2,7 млрд. теңгені құрайтын «Қан орталығы» жылына қан мен оның компоненттерін донациялау көрсеткішін 500-ден 10 мыңға дейінгі жеткізеді. Орталық өңір халқына сапалы қызмет көрсетіп, тұрғындардың денсаулығын арттыруға мүмкіндік бермек.
Сондай-ақ, сол жағалауда қасбеттері заманауи талаптарға сай келетін 7-9 қабатты тұрғын үй, физика-математикалық мектеп ғимараты бой көтермек. Ал, балалар жылына тарту ретінде Оқушылар сарайы салынады.
Аймақ басшысы Нұрлыбек Нәлібаев аз уақыттың ішінде өңірге қомақты инвестиция тартылып, демеушілер есебінен жаңа жобаларды бастауға мүмкіндік болғанын жеткізді.
<blockquote>
 «Біз әрдайым жерлестеріміздің талап-тілектерін, ұсыныстарын ескеруге дайынбыз. Облыс әкімі қызметіне тағайындалғаннан бастап, халықпен кездескен әр сәтте аймақта заманауи сәулеттік үлгідегі жаңа нысандарды салуға уәде еттік. Туған жердің дамуына шынайы жанашырлықпен қарайтын меценат азаматтарды ортақ іске біріктіріп, құны 45 млрд. теңгені құрайтын, 391 нысанға жоба әзірледік. Келесі жылдан бастап бұл жобалар іске аса бастайды. Аз уақыттың ішінде, өңірге 20 млрд.теңге инвестиция тартылды. Осы игілікті істердің нәтижесінде бүгін бірнеше нысанның іргетасын қалау рәсіміне жерлестеріміз куә болды», – деді Нұрлыбек Нәлібаев.
</blockquote>
Аймақта Болат Өтемұратов қорымен бірге 11 млрд. теңгені құрайтын заманауи жолаушылар терминалының құрылысын басталып, 2024 жылы ел игілігіне берілмек. Сондай-ақ, қуаттылығы 240 мегаватқа жететін жаңа жылу электр станциясын салынбақ.
Бүгін өңірдегі шағын аудандардың бірі – «Бәйтеректе» жаңа су жинағыш құрылғы құрылысын бастау рәсімі де өтті.
Құны 1 млрд. теңгеден астам жоба «Бәйтерек» тұрғын ауданында орналасқан жеке тұрғын үйлерді тұрақты қысымда сапалы ауыз сумен қамтуға мүмкіндік береді. Жоба аясында 7 дана ұңғыма бұрғыланып, 3 дана резервуар салынатын болады.
Айта кетейік, Қызылордада құрылысшылар күні мерекесі гала-концертпен қорытындыланды. Өз саласының нағыз шеберлеріне арнайы төсбелгілер мен марапаттар табысталды.
<img src="https://kyzylorda-news.kz/wp-content/uploads/2022/08/80c4c038-4e75-4442-88c3-2b98076612f9.jpg" alt="" />
<img src="https://kyzylorda-news.kz/wp-content/uploads/2022/08/dbcbf811-2b74-43be-9cd5-714111758b89.jpg" alt="" />
<img src="https://kyzylorda-news.kz/wp-content/uploads/2022/08/oner-1.jpg" alt="" />
<img src="https://kyzylorda-news.kz/wp-content/uploads/2022/08/bf0ead87-6638-4468-8722-5d243a32fa05.jpg" alt="" />

Қазақстан және Қызылорда облысының жаңалықтары

МӘМС: Қызылорда облысында тұрғындардың 17 пайызы сақтандырылмаған

«Азаматтарға арналған үкімет» Smart Start жобасын қолға алды

Қызылордада білім берудің өзекті мәселелері талқыланды

Жүктілік және босану бойынша әлеуметтік төлемдер – қазақстандықтарды қызықтыратын ең танымал қызмет

Covid-19: Қызылорда 31 адам жазылды

Қызылордада 34 адамнан коронавирус анықталды

Жұма күнге арналған ауа райы болжамы

«Мұстафа Шоқай» автоматтандырылған газ тарату станциясының құрылыс жұмыстары басталды

«Жәрдем» медициналық пойызының дәрігерлері Қызылорда облысының тұрғындарын тексеріп жатыр

Сексеуілге газ құбырын тарту жұмыстары басталды

Жалағашта жоғалған ер адамның мәйіті табылды

Сыр өңірінде бірнеше ірі нысанның іргетасы қаланды

Қазақстан және Қызылорда облысының жаңалықтары

МӘМС: Қызылорда облысында тұрғындардың 17 пайызы сақтандырылмаған

«Азаматтарға арналған үкімет» Smart Start жобасын қолға алды

Қызылордада білім берудің өзекті мәселелері талқыланды

Жүктілік және босану бойынша әлеуметтік төлемдер &#8211; қазақстандықтарды қызықтыратын ең танымал қызмет

Covid-19: Қызылорда 31 адам жазылды

Қызылордада 34 адамнан коронавирус анықталды

Жұма күнге арналған ауа райы болжамы

«Мұстафа Шоқай» автоматтандырылған газ тарату станциясының құрылыс жұмыстары басталды

«Жәрдем» медициналық пойызының дәрігерлері Қызылорда облысының тұрғындарын тексеріп жатыр

Сексеуілге газ құбырын тарту жұмыстары басталды

Жалағашта жоғалған ер адамның мәйіті табылды

Сыр өңірінде бірнеше ірі нысанның іргетасы қаланды

Жүктілік және босану бойынша әлеуметтік төлемдер – қазақстандықтарды қызықтыратын ең танымал қызмет