<a href="https://kyzylorda-news.kz/">Kyzylorda-news.kz</a>. Қазіргі кезде алаяқтық сарындағы оқиғалар тым жиілеп барады. Оңай ақша табу жолын көбіне әйел кісілер пайдаланады. Олардың құрығына алдымен түсетіндердің қатарын да сенгіш әйелдер құрайды.
18 наурыз күні Арал ауданының тұрғыны танысы былтыр «Қазақстан Темір Жолы АҚ-на жұмысқа тұрғызып беремін» деп 1 млн астам ақшасын алдап алғаны үшін Қызылорда облысы полиция департаментінің Арал аудандық полиция бөліміне арызданған.&nbsp;&nbsp;
Жедел-іздестіру шаралары жүргізіліп, нәтижесінде 35 жастағы азаматша анықталып, ұсталған. Ол Шымкент қаласының тұрғыны.
Аталған дерек бойынша&nbsp;Қазақстан Республикасы Қылмыстық &nbsp;кодексінің 190-бабының 1-бөлігімен сотқа дейінгі тергеп-тексеру әрекеттері &nbsp;жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.
<blockquote>
 «Бүгінгі күнге алаяқтық қылмыстарының алдын алу, болдырмау бағытында Қызылорда облысы полиция департаментімен кешенді іс-шаралар атқарылуда. Бұқаралық ақпарат құралдары арқылы облыстың тұрғындарына түсіндіру жұмыстары жүргізіліп, алаяқтардың&nbsp; арбауына түсіп қалмау жайлы қандай сақтық шараларын сақтау керектігі түсіндірілуде.Сонымен қатар, алаяқтық фактілері орын алған жағдайда тез арада полицияға хабарлауды естен шығармағаныңыз абзал. Алаяқтықпен күресті бүкіл ел болып жүзеге асыруымыз керек. Бұл – баршаға ортақ іс»,-деді Қызылорда облысы полиция департаментінің бастығы полиция полковнигі Бектөре Сұлтан.
</blockquote>

Аралдық тұрғынды жұмысқа тұрғызуға уәде еткен алаяқ ұсталды

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде педагогика ғылымдарының кандидаты, профессор Жақсыбек Егізбаевтың 80 жасқа толуына орай салтанатты ғылыми кеңес өтті.
Жиында Басқарма Төрағасы-Ректор Бейбіткүл Кәрімова профессордың білікті кәсіби маман, педагог-ғалым ретінде университет даму тарихында өз қолтаңбасын қалыптастырған тұлға екенін атап өтті. &nbsp;
<blockquote>
 «Жақсыбек Егізбаев Қорқыт ата атындағы Қызылорда университетінде 30 жылдан астам уақыттан бері еңбек етіп келеді. Профессор 150-ден астам ғылыми мақала, 10-нан астам оқу-әдістемелік құралдың авторы. Оқытушыдан бастап құрметті профессорға дейінгі қажырлы еңбек жолы көпке үлгі. Қазақстан Республикасының елдік, ұлттық тұтастық, тұрақтылық мүдделерін қорғайтын демократиялық бағыттағы «Ұлт тағдыры» ҚБ Қызылорда облыстық филиалының төрағасы ретінде ұлт болашағы, тарихы, мәдениетін дамыту бағытында үлкен қызмет атқарып келеді», – деді Бейбіткүл Сәрсемханқызы.
</blockquote>
Салтанатты шарада Жақсыбек Егізбаев облыс және қала әкімінің Құрмет грамотасымен марапатталды. Сонымен қатар, ҚР Жоғары оқу орындары қауымдастығының шешімімен Қазақстанның білім және ғылым жүйесінің дамуына қосқан айрықша үлесі және білікті мамандарды дайындаудағы ерен еңбегі үшін А.Байтұрсынұлы атындағы ордені, Қорқыт ата атындағы Қызылорда университетінің «Үздік оқытушысы» медалі, Халықаралық «Қазақ тілі» қоғамының Құрмет грамотасы, облыстық ардагерлер кеңесінің шешімімен «Облыстың құрметті ардагері» медалі мен облыстық ардагерлер кеңесінің Құрмет грамотасы, қалалық ардагерлер кеңесінің Құрмет грамотасы табысталды.
Сондай-ақ, ғылыми кеңесте университеттің 9 оқу ғимаратындағы №101 дәрісханаға Жақсыбек Егізбаевтың есімін беру туралы шешім қабылданды.
Жақсыбек Егізбаев 1970-1980 жылдары Жаңақорған ауданындағы балалар және жасөспірімдер спорт мектебінің директоры қызметін атқарды. 1977-1979 жылдары Жаңақорған ауданының «Орленек» тынығу лагеріне директор етіп тағайындалып, оның бастамасымен 1937 жылдан бері өзгермей келе жатқан «Орленек» атауы «Жас сұңқар» деп ауыстырылды.
1980-1990 жылдары Қызылорда облыстық білім бөлімінің мектеп инспекторы, А.С.Макаренко атындағы балалар үйінің директоры, облыстық мұғалімдер білімін жетілдіру институтының меңгерушісі, облыстық балалар және жасөспірімдер спорт мектебінің оқу ісі жөніндегі меңгерушісі қызметтерін атқарды.
1990 жылдан бастап Қорқыт ата атындағы Қызылорда мемлекеттік университетінде кафедра меңгерушісі, Жаратылыстану факультетінің тәрбие жұмыстары жөніндегі декан орынбасары болып еңбек етті.
1999 жылы Алматы қаласындағы Қазақ спорт және туризм академиясында «Дене тәрбиесі құралдарын жүйелі қолдану арқылы оқушылар денсаулығын нығайту» тақырыбында кандидаттық диссертациясын сәтті қорғады.
1999-2003 жылдары екінші шақырылған Қызылорда қалалық мәслихат депутаты болып сайланды. Депутат ретінде қаланың қоғамдық-әлеуметтік, саяси өміріне белсене араласып, дене тәрбиесі мен спортты насихаттап, бұқаралық спорттың дамуына қомақты үлес қосты.
Жақсыбек Егізбайұлы – ҚР Журналистер Одағының мүшесі. Сонымен қатар, Қызылорда облысы спорт ардагерлері кеңесі және республикалық «Ұлт тағдыры» қоғамдық бірлестігінің облыстық филиал төрағасы қызметтерін атқарып келеді.
Педагог «Қазақстанның құрметті спорт қайраткері» және ҚР «Білім беру ісінің құрметті қызметкері», «Қазақстан Республикасы дене тәрбиесі мен спортына сіңірген еңбегі үшін» құрмет белгісі, «Дене шынықтыру мен спортты дамытуға қосқан үлесі үшін», «Қызылорда қаласына – 190 жыл», «Қызылорда облысына – 70 жыл», «Қазақстан Республикасының тәуелсіздігіне – 20 жыл», Қазақстан Республикасы мәслихат депутаттарының 20 жылдығына арналған мерекелік медалімен және Қорқыт ата атындағы Қызылорда университетінің Алтын медалімен марапатталған. Сондай-ақ, «Халықаралық педагогикалық Білім академиясының академигі», «Жаңақорған ауданының құрметті азаматы» атақтарын иеленген.
Айта кету керек, ғылыми кеңеске облыстық мәслихат аппаратының басшысы Бақытжан Ідірісов, &nbsp;Қазақстанның еңбек сіңірген қайраткері, Ұлттық ғылым академиясының академигі, техника ғылымдарының докторы, профессор Қылышбай Бисенов, қалалық мәслихат хатшысы Ибадулла Құттықожаев, облыстық ардагерлер кеңесінің төрағасы Серік Дүйсенбаев, Қызылорда облыстық дзюдо федерациясының президенті, ҚР Еңбек сіңірген жаттықтырушысы Садық&nbsp; Мұстафаев, Түркістан қаласындағы Халықаралық туризм және меймандостық университеті, Спорт кафедрасының қауымдастырылған профессоры, педагогика ғылымдарының кандидаты&nbsp; Жандос Есіркепов,халықаралық “Қазақ тілі” қоғамдық бірлестігінің Қызылорда филиалының төрағасы, республикалық “Тіл сақшысы” газетінің бас редакторы Сәдуақас Аңсат және университеттің Ғылыми Кеңес мүшелері қатысты.
<img src="https://kyzylorda-news.kz/wp-content/uploads/2022/03/p1733583-scaled.jpg" alt="" />
<img src="https://kyzylorda-news.kz/wp-content/uploads/2022/03/p1733436-scaled.jpg" alt="" />
<img src="https://kyzylorda-news.kz/wp-content/uploads/2022/03/p1733613-scaled.jpg" alt="" />

Профессор Жақсыбек Егізбаев – 80 жаста

<a href="https://kyzylorda-news.kz/">Kyzylorda-news.kz</a>. Қызылордада облыстық ішкі саясат басқармасының «Қоғамдық келісім» КММ қолдауымен шығармашылық кеш өтті. Кеш еліне, туған өлкесіне еңбегі сіңген корей этносының ардагерлеріне арналды.
Кеште корей этномәдени бірлестігінің дамуына үлес қосқан мәртебелі қарттардың өмірі ұлықталды. Солардың бірі Софья Николаевна. Ол 1937 жылы Қазақстанға жер аударылған. Көп қиындықтарды жеңіп, 1965 жылы Сыр өңіріне қоныс тепті. Бірнеше жыл қатарынан аяқ-киім фабрикасында еңбек етіп, ел дамуына қолынан келгенше үлесін қосты. Өз ісіне адалдығы мен еңбекқорлығы үшін мәртебелі марапаттарға ие болды. Корей қауымдастығының құрылу жолында да өз ықпалын тигізді.
<blockquote>
 «Талай тауқыметті басынан өткерсе де еш мойымаған, қоғамдағы белсенділігімен құрметке бөленген Ольга Лазаревнадай жайдары, жаны жайсаң жан сирек. Ол да 1937 жылы Қиыр Шығыстан жер аударылып, балалық шағын Шиелі ауданында өткізді. 1953 жылы Свердлов мемлкеттік университетінің Тарих және филология факультетінде оқып, білім алды. Бірнеше ұрпақты білім нәрімен сусындатып, оларға өмірлік жол көрсетті. Қазыналы қартымыздан әлі де үйренеріміз мол. Өмір жасыңыз ұзақ болсын, Ольга Лазаревна. 
 Балалық кезінен әнге құмар Полина Михайловнаның біз үшін орны ерек. Ол 1961 жылы Қызылордаға келіп, еңбек жолын тігін фабрикасында бастаған. Сонымен қатар жексенбілік мектептерде корей тілінен сабақ берген. Корей қауымдастығының белсендісі ерен еңбегі үшін медаль, грамота иегері атанған. Осы күнге дейін корей этномәдени бірлестігі ұйымдастырған әрбір мазмұнды шараларға өз үлесін қосып келеді. Бүгінгі сахнамыздың төрінде отырған сіздердей жандарға деген біздің құрметіміз шексіз», – деді «Қазақстан корейлер қауымдастығы» Қызылорда облыстық қоғамдық бірлестігі жетекшісінің орынбасары Юрий Ким.
</blockquote>
Жүректі жылытар естелікке толы күні әсем ән, әдемі би барлығы да болды. «Қазақстан корейлер қауымдастығы» Қызылорда облыстық қоғамдық бірлестігінің жетекшісі Елена Ким сөз сөйлеп, қонақтарға сый-сияпат жасады. Ұйымдастырушылар мен қатысушылар да шығармашылық кештің кейіпкерлерінің құшағын гүлге толтырды.
<img src="https://kyzylorda-news.kz/wp-content/uploads/2022/03/277295586_3169521260033699_2851101611396568396_n.jpg" alt="" />
<img src="https://kyzylorda-news.kz/wp-content/uploads/2022/03/277342843_3169521300033695_8328179448594279109_n.jpg" alt="" />

Корей этномәдени бірлестігінің мүшелері ардагерлерге құрмет көрсетті

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаев Басықара су торабына арнайы барып, тиісті сала мамандарымен бірге Сырдария өзеніндегі судың жайын талқылады.
Мамандардың айтуынша бүгінгі күні Сырдария өзені арқылы жоғарыдан Басықара су торабына секундына 101 текше метр су келіп тұр. Алдағы 2-3 күндіктің ішінде тағы да су көлемі көбейеді деген болжам бар.
Қазіргі таңда Басықара су торабы арқылы Ақсай арнасына 25, «Оң жаға» каналына 6, «Сол жаға» каналына 13, «Өтебас» каналына 2, «Әбжел» жайылымдығына 5 текше метр су жіберілуде.
Аудан басшысы мұнан соң «Басықара», «5Х-1», «Абдулла аша» каналдары мен №212 және №237 пикеттерді аралап, жайылымдықтар мен көлдерге жіберіліп жатқан суды көрді.
Бастауын «Оң жаға» арнасынан алатын «5Х-1» каналы арқылы «Жалаңтөс батыр» ЖШС-ның егістігі суарылатын болса, «Абдулла аша» арқылы «Құмкөл», «Марқакөл» және тағы басқа көлдер мен жайылымдықтарға су жіберіледі.
Сырдария өзеніндегі су тапшылығына байланысты соңғы 1-2 жылдың көлемінде аудан көлеміндегі кейбір көлдер мен жайылымдықтарға су жіберілмеді. Бұл өз кезегінде мал шаруашылығымен айналысатын кәсіпкерлерге көптеген кедергілер келтірді.
Бұл мәселелердің алдын алу үшін жүйелі жұмыстар жүргізілді. Атап айтар болсақ, өткен жылы «Қазсушар» өндірістік учаскесі Әйтеке би кентінің Қарақұм беткейіндегі «Құмкөл», «Марқакөл» және тағы басқа көлдер мен жайылымдықтарға су жіберу үшін «Абдулла аша» каналының 1,2 шақырымына механикалық тазалау жұмыстарын жүргізді.
Ал, қазіргі таңда Сырдария өзеніндегі су тапшылығының алдын алу мақсатында «Қазсушар» РМК Қызылорда филиалы арқылы «Оң жаға» арнасынан бастау алатын «5Х-1» каналының 9 шақырымына механикалық тазалау жұмыстарын жүргізілуде.
Аралау кезінде аудан әкімі Мұхтар Оразбаев тиісті сала басшыларына «Сырдария» өзені арқылы көктемгі экологиялық судың есебінен аудан тұрғындары үшін қажетті жайылымдар мен көлдерге суды барынша толтырып алуды тапсырды.
<img src="https://kyzylorda-news.kz/wp-content/uploads/2022/03/02.jpg" alt="" />
<img src="https://kyzylorda-news.kz/wp-content/uploads/2022/03/03.jpg" alt="" />

Қазалы ауданы: Басықара су торабына су келіп жатыр

<a href="https://kyzylorda-news.kz/">Kyzylorda-news.kz</a>. Қызылорда облысына іссапармен келген Қазақстанның Азаматтық Альянсының Президенті Бану Нұрғазиева бастаған делегация аймақтағы бірнеше нысанды аралады.
Бану Ғаниқызы облыстық «Жастар ресурстық орталығы» ғимаратында орналасқан «Қызылорда облысының Азаматтық Альянс Ассоциациясының» орталығымен танысып, үкіметтік емес ұйымдар өкілдерімен кездесті.
Кейін Қорқыт Ата атындағы Қызылорда университеті жастар бірлестіктерінің бастамалары және жобаларымен танысса, Достық үйінде облыстық этномәдени бірлестіктер өкілдерімен, Қызылорда қалалық мәслихатында депутаттармен жүздесті.
Аталған кездесулер барысында Мемлекет басшысының Жолдауынан туындайтын міндеттер және азаматтық қоғамды дамыту мәселелері бойынша ұсыныс пікірлер тыңдалып, өз ойларын ортаға салды.
Айта кетейік, кеше қонақтарды облыс әкімі Гүлшара Әбдіқалықова қабылдап, қоғамды дамытуда азаматтық сектордағы әрбір бастамалардың маңыздылығын атап өткен болатын.
<img src="https://kyzylorda-news.kz/wp-content/uploads/2022/03/277172194_1497444583984382_8153185236617447123_n.jpg" alt="" />
<img src="https://kyzylorda-news.kz/wp-content/uploads/2022/03/277347442_1497444560651051_4932567448516419809_n.jpg" alt="" />
<img src="https://kyzylorda-news.kz/wp-content/uploads/2022/03/277168054_1497444600651047_8992393004052135796_n.jpg" alt="" />
<img src="https://kyzylorda-news.kz/wp-content/uploads/2022/03/277305686_1497444593984381_2574843440516653309_n.jpg" alt="" />

Қазақстанның Азаматтық Альянсының Президенті ҮЕҰ өкілдерімен кездесті

<a href="https://kyzylorda-news.kz/">Kyzylorda-news.kz</a>. 25 наурызға арналған ауа райы болжамына сәйкес, Қазақстанның батыс облыстарында жаңбырсыз ауа райы күтілуде, деп хабарлайды Қазгидромет.
Қазақстан аумағының басым бөлігінде атмосфералық фронтальды бөліктердің өтуімен ауа райының тұрақсыз сипаты сақталады – жауын-шашын күтіледі, республиканың солтүстігінде және шығысында – қар жауады, түнде оңтүстік-шығыста, күндіз республиканың оңтүстік-батысында – қатты жауын-шашын (жаңбыр, қар) болады. Тек еліміздің батысында жауын-шашынсыз ауа райы сақталады. Республикада желдің күшеюі, тұман, көктайғақ күтіледі, солтүстікте, солтүстік-батыста, шығыста – аздаған бұрқасын орын алады. 
Қызылорда облысының солтүстігінде тұман күтіледі, күндіз облыс орталығында желдің жылдамдығы 15-20 м/с болады.

25 наурызға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін Жалағаш ауданына ҚР Парламент Сенатының депутаттары М.Бақтиярұлы мен А. Әлназарова арнайы жұмыс сапарымен барды.
Халық қалаулылары ең алдымен «Агро Холдинг Қызылорда» ЖШС ғимаратында болып, шаруашылық басшыларымен кездесу өткізді.
Кездесуде көктемгі дала жұмыстарына дайындық барысы және бүгінгі таңдағы нақты мәселелер сөз болды. 
Мұнан соң, кезек ұсыныс-пікірлерге беріліп, егістікті әртараптандыру, субсидия төлеу, су және тыңайтқыштардың бағасын тұрақтандыру жөнінде мәселелер талқыланды.
Сенаторлар жаңадан салынған 100 төсектік Жалағаш аудандық ауруханасында болып, аурухананың тыныс-тіршілігімен танысты. Аудандық аурухананың бас дәрігері Е. Мақсұтов алдағы жұмыстарға және проблемалық мәселелерге де тоқталып өтті.
<img src="https://kyzylorda-news.kz/wp-content/uploads/2022/03/277311276_1417636188688455_7098907947484157545_n.jpg" alt="" />

Сенат депутаттары жұмыс сапарымен Жалағашқа барды

<a href="https://kyzylorda-news.kz/">Kyzylorda-news.kz</a>. Қызылорда облысы бойынша эпидемиологиялық маусымда жедел респираторлық вирусты инфекциясын 19745 адам жұқтырған.
Ауруға шалдыққандардың 64,7 пайызы 14 жасқа дейінгі балалар. Оның ішінде 24,1 пайызы 1 жасқа дейінгі нәрестелер.&nbsp; Есепте тұрған жүкті әйелдер арасындағы ЖРВИ-ға шалдығу көрсеткіші 25 пайызды құрап отыр. Ауруханаға жатқызу&nbsp; көрсеткіші&nbsp; жалпы облыс бойынша 11%.&nbsp;
<blockquote>
 «Жүргізілген эпидемиологиялық мониторингке сәйкес облыстық аурушаңдық апталық көрсеткіштің бақылау деңгейінен асып, эпидахуалдың күрделенуі байқалған жоқ. Дегенмен өткен жылдың ағымдағы мерзімімен салыстырғанда аурушаңдық деңгейі 39%-ке жоғары. 2021-2022 жылғы эпидмаусымда&nbsp; ауыр ағымдағы жедел респираторлы вирусты инфекциясымен 3087 науқастан алынған анализдер Ұлттық сараптама орталығының вирусологиялық зертханасында ПТР әдісімен тексеріліп, 9 сынамадан тұмау анықталды. Басым бөлігі облыс орталығында тіркелді. Сонымен қатар 1871 сынама тұмау емес ауруларға тексеріліп, нәтижесінде 15 аденовирус, 1 парагрипп, 2 РС вирус тіркелді», – делінген облыстық санитариялық-эпидемиологиялық бақылау департаментінің хабарламасында.
</blockquote>
Айта кетейік, тұмау&nbsp; ауруының алдын алу мақсатында&nbsp; 80186 доза вакцина алынған. Бүгінгі күні облыс тұрғындарының 95,6 пайызына тұмауға қарсы вакцина салынды.

Қызылорда облысында эпидахуал тұрақты

<a href="https://kyzylorda-news.kz/">Kyzylorda-news.kz</a>.&nbsp; Қызылорда қаласындағы Назарбаев Зияткерлік мектебінің оқушысы Нұрбол Жақсылық құрастырған пилотсыз ұшу аппаратының прототипі Түркістан қаласында өткен Наурыз кездесулерінде үздік ғылыми жобалар көрмесінде таныстырылды. Бұл туралы Назарбаев Зияткерлік мектебінің баспасөз қызметі хабарлады.
Назарбаев Зияткерлік мектептерінің жыл сайынғы көктемгі ғылыми жобалар байқауы – Наурыз кездесулері биыл «Жасанды интеллект және мехатроника» тақырыбына арналды. Республиканың әр өңірлерінен жиналған NIS оқушылары мен жалпы білім беретін мектептердің білім алушылары алдымен қазақ, ағылшын және орыс тілдеріндегі вебинарларға қатысып, жасанды интеллект, цифрлы технологиялар, робототехника, инженерия, сәулет және экология саласындағы танымал отандық және шетелдік спикерлерлермен пікір таласты. Олардың қатарында Швейцариядан еуропалық футурист Герд Леонхард, Австралиядан сутек негізінде қозғалатын көліктер бойынша сарапшы Брендан Норман, ресейлік «R:ED» компаниясының білім беру жобаларын дамыту бөлімінің басшысы Алиса Большакова, Назарбаев Университетінің ғылыми қызметкері Жанат Махатаева және басқа да беделді ғалымдар бар.
Зияткерлік мектептер базасында ұйымдастырылған барлық практикалық сабақтар топографиядағы Пифагор теоремасы, жер сілкінісін түсіну үшін математикалық модельдеуді қолдану, ғарыштық материалдарды құру және химия, биология, физика, математика және информатика саласындағы басқа да жобаларға арналды.
<blockquote>
 «Назарбаев Зияткерлік мектептері 10 жылдан бері Наурыз кездесулерін өткізіліп келеді. Бұл ғылыммен айналысқысы келетін оқушылар кездесетін алаңы. Негізгі мақсаты – пән бойынша алған білімін тәжірибеде іске асыру», – дейді Басқарма төрайымы Күләш Шәмшидинова.
</blockquote>
Наурыз басқосуларының негізгі күні алғаш рет жаңа NIS-те, көне Түркістанда өтті. Бұл жерде «Назарбаев Зияткерлік мектептері» ДББҰ қызметкерлері әзірлеген оқу және цифрлы ресурстар көрмесінде оқулықтар, әдістемелік құралдар, жинақтар, оқушылардың оқу жетістіктерін бағалауға арналған нұсқаулық, сонымен қатар ел педагогтері арасында танымал «Жүйелік-әдістемелік кешен» онлайн платформасы, 3D форматтағы «NIS LAB» виртуалды зертханасы, NIS MEET POINT ашық онлайн платформасы ұсынылды.
Арнайы ұйымдастырылған көрмеде жас ғалымдар мен өнертапқыштар STEAM жобалармен таңқалдырды, олар медицина, экология, математика, химия, биология, физика салаларына жасанды интеллектті енгізуге арналған. Мәселен, қызылордалық зияткер Нұрбол Жақсылық ауылшаруашылық саласында қолдануға тиімді ұшу аппаратын құрастырды. Бұл қондырғылар үлкен алқаптарды тынайтқыштармен құнарландыруға мүмкіндік береді.
<blockquote>
 «Бүгіндде пилотсыз ұшу аппараттар технологиясы қарқынды дамып келеді. Қазіргі таңда өндірістің көптеген салалары автоматтандырылған жүйеге көшуде. Біздің жобамыз егін саласында пислотсыз ұшу аппараттарын қолдануға бағыттылған. Бұл фермесіз-ақ үлкен аумақтарды тынайтқыштармен байытуға мүмкіндік береді. «Ұшатын фермер» өзге дрондардан айырмашылығы – ұшу уақытының ұзақтығы, әрі климаттық жағдайға төзімді болып келді», – дейді жас ғалым.
</blockquote>
Шара барысында экологиялық жобалардың үлкен сериясы дайындалды, оның ішінде істен шыққан техникалар бойынша «Екінші өмір» жобасы, сондай-ақ тұрмыстық қалдықтарды ақылды жинауға, атмосфераны және жалпы табиғатты сақтауға, қоршаған ортаны қорғауға, экологиялық мәдениет пен жауапкершілікті қалыптастыруға бағытталған роботтар мен роботтық жүйелер бар.
ІТ аймағында Түркістан облысындағы жалпы білім беретін мектептердің информатика пәні мұғалімдеріне дизайн және 3D модельдеу бойынша арнайы курс дайындалды. NIS-тің Наурыз кездесулеріне оңтүстік өңірінен барлығы 150-ге жуық мұғалім, мектеп директорлары мен олардың орынбасарлары, сондай-ақ 300-ге жуық оқушы келді. 
Наурыз кездесулерінің негізгі оқиғалары ретінде бағдарламанған оқу-жаттығу дрондарының ұшуы, «Ең сейсмикалық төзімді құрылым» командалық ойыны, сондай-ақ жас өнертапқыштар құрастырған автокөліктер шыққан «NIS Intell Race» автожарысы мен «Алтын сақа» ойның атауға болады.
Әрбір Наурыз кездесулерінің мәдени бағдарламасында міндетті түрде тарихи көрікті жерлерге экскурсиялар кіреді. Түркістан облысында мектеп оқушылары ЮНЕСКО-ның Бүкіләлемдік мұралар тізіміне енген Қожа Ахмет Яссауи кесенесіне, сонымен қатар Арыстан баб пен Отырар төбеге және көне Түркістанның жаңа нысандары – «Ұлы Дала мұражайы» және Керуен сарайында болды.
Наурыз кездесулері – Назарбаев Зияткерлік мектептері үшін айтулы оқиға, биыл олар дәстүрлі форматқа орала бастады. Жыл сайын наурыз айында NIS-те жас ғалымдар мен өнертапқыштар жасанды интеллект, цифрлы технологиялар және әлемдік ғылымның соңғы тенденциялары халықтық дәстүрлер мен ұлттық мәдениетпен қолдау табатын бірегей жобаларды ұсынады.
<img src="https://kyzylorda-news.kz/wp-content/uploads/2022/03/276057836_3049763558686891_3362303139549975913_n.jpg" alt="" />

Қызылордалық зияткердің «ұшатын фермері» диханшылар жұмысын  жеңілдетпек

<a href="https://kyzylorda-news.kz/">Kyzylorda-news.kz</a>. Облыста туберкулезге шалдығу көрсеткіші соңғы он жылда 2 есеге азайды. Былтыр өңірде аурушаңдық деңгейі 46,2 пайызды құрады. Бұл туралы Өңірлік коммуникациялар қызметінде өткен брифингте облыстық фтизиопульмонология орталығы бас дәрігерінің емдеу ісі жөніндегі орынбасары Айгүл Алтекешева хабарлады.
<blockquote>
 «Облыста туберкулезге шалдығу фактісі бойынша тұрақты эпидемиологиялық ахуал қалыптасқан. Өткен жылы аурушаңдық көрсеткіші 48,5-тен 46,2-ге пайызға төмендеп, туберкулезге шалдығу қарқыны 4,9 пайызды құрады. Сондай-ақ, аталмыш аурудан өлім-жітім көрсеткіші 4,8 есеге төмендеді. Бұл дертті ерте анықтау мақсатында ДДСҰ ұсынған бактериологиялық және молекулярлық-генетикалық диагностикалаудың жеделдетілген әдістері енгізілді. Қазіргі таңда арнайы құрал-жабдықтар облыстық фтизиопульмонология орталығы мен аудандық деңгейдегі зертханаларда қамтылған», – деді Айгүл Алтекешева.
</blockquote>
Айта кетейік, биыл Дүниежүзілік туберкулезге қарсы ұран: «Туберкулезге қарсы күреске инвестиция салыңыз. Өмірге араша болыңыз!» деген атаумен өтеді.

Қызылордада туберкулезге шалдығу көрсеткіші төмендеді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қазақстанның Азаматтық Альянсының президенті Бану Нұрғазиевамен кездесіп, азаматтық қоғамды дамытуға бағытталған ортақ мәселелерді талқылады.
Жиын барысында аймақ басшысы қоғамды дамытуда азаматтық сектордағы әрбір бастамалардың маңызды екенін тілге тиек етіп, үкіметтік емес ұйымдардың әлеуеті негізінде бірлескен жұмыстарды сапалы орындауға мүмкіндік туатынын жеткізді.
<blockquote>
 «Азаматтық Альянсқа топтасқан азаматтардың әрбірі ел дамуына қызмет етіп, түрлі ұсыныстар енгізіп, жаңа бастамаларды іске асыруға белсенділік танытып келеді. Ел Президенті Қасым-Жомарт Кемелұлы Тоқаев өзінің Жолдауында саяси-экономикалық реформаларды жүзеге асыруда мемлекет пен үкіметтік емес ұйымдардың тығыз ынтымақтастықта жұмыс жүргізуін және азаматтық қоғам институттарын жүйелі түрде жаңғыртуды тапсырды. Осы орайда, азаматтық қоғам құрылымдарына облыстық бюджеттен қаржылай қолдау көлемін соңғы 5 жылда 3 есеге ұлғайттық. Сондықтан алдағы уақытта азаматтық бастамаларды қолдауды одан әрі жалғастыратын боламыз», – деді Гүлшара Әбдіқалықова.
</blockquote>
Өз кезегінде Бану Нұрғазиева мемлекет пен азаматтық сектор арасындағы байланысты нығайту жолында тиімді жобаларды атқару және өңірдегі негізгі ерекшеліктерге сай конструктивті диалогқа негізделген бастамаларды іске асыруға мүдделі екенін жеткізді.
Айта кетейік, облыстағы үкіметтік емес ұйымдар саны жыл санап көбейіп келеді. Бүгінде олардың қатары 1200-ге жуықтайды.
<img src="https://kyzylorda-news.kz/wp-content/uploads/2022/03/276290773_268217695499482_7928592107335479448_n.jpg" alt="" />

Гүлшара Әбдіқалықова Азаматтық Альянс президенті  Бану Нұрғазиевамен кездесті

<a href="https://kyzylorda-news.kz/">Kyzylorda-news.kz</a>. Мемлекеттік кірістер комитеті наурыздың соңына дейін салық декларациясын тапсыру қажеттігін ескертті.
Заң бойынша 2021 жылы мүлікті жалға берген немесе мүлікті сатқан кезде құн өсімінен табыс тапқан жеке тұлғалар 2022 жылдың 31 наурызынан кешіктірмей, салық декларациясын тапсыруы қажет. Табыстың нақты түрлері де анықталған.
Олар:
– салық агенттері болып табылмайтын тұлғаларға мүлікті жалға беруден түсетін кіріс;
– жеке тұрғын үй құрылысы, саяжай, жеке қосалқы шаруашылық, гараж, пәтер, жер учаскелері, механикалық көлік құралдары және тіркемелер бойынша меншік құқығы бір жылға жетпеген жағдайда құн өсімінен түсетін кіріс;
– жылжымайтын мүлікті, жер учаскелерін және жер үлестерін, инвестициялық алтынды, бағалы қағаздарды, туынды қаржы құралдарын, заңды тұлғаның жарғылық капиталына қатысу үлесін өткізу кезінде құн өсімінен түсетін кіріс;
– талап ету құқығын, оның ішінде тұрғын үй құрылысына үлестік қатысу туралы шарт бойынша тұрғын үйдегі (ғимараттағы) үлесті талап ету құқығын басқаға беруден түсетін кіріс;
– Қазақстан Республикасынан тыс жерлердегі көздерден алынған мүлікті сатудан (мүлікті, бағалы қағаздарды, борыштық бағалы қағаздарды, қатысу үлесін өткізуден) түскен кіріс;
– жарғылық капиталға салым ретінде мүлікті (ақшадан басқа) беру кезінде құн өсімінен түсетін кіріс;
– шағын бизнес субъектілері үшін не шаруа немесе фермер қожалықтары үшін арнаулы салық режимін қолданатын дара кәсіпкердің өзге де активтерін сату кезінде құн өсімінен түсетін кіріс.
Бұдан бөлек, адвокаттар, нотариустар, сот орындаушылары, медиаторлар, еңбекші көшіп келушілер-резиденттер, үй қызметкерлері, бейрезидент-жеке тұлғалар, шет мемлекеттердің дипломатиялық және оларға теңестірілген өкілдіктерімен, консулдық мекемелерімен жасалған еңбек шарттары (келісімшарттары) және (немесе) азаматтық-құқықтық сипаттағы шарттар бойынша жұмыскер табысын алған азаматтар, салық агенттері болып табылмайтын қоғамдық ұйымдар мен қорлар декларацияның 240.00 формасын тапсыруға міндетті.
Сондай-ақ бұл тізімге 2021 жылғы 31 желтоқсандағы жағдай Қазақстаннна тыс жерлерде тіркелген жылжымайтын мүлікке, бағалы қағаздарға меншік құқығы, заңды тұлғаның жарғылық капиталына қатысу үлесі бар жеке тұлғалар да кіреді.
Табыс салығының мөлшері кірістің 10 процентін құрайды. Оны 10 сәуірден кешіктірмей төлеу керек.
Ал декларацияны тұрғылықты жері бойынша салық органына қағаз түрінде және “e-Salyq Azamat” мобильді қосымшасы немесе cabinet.salyk.kz web-порталындағы салық төлеушінің кабинеті арқылы электронды түрде тапсыруға болады.
<a href="https://sputnik.kz/20220324/nauryz-salyq-deklaratsiyasy-23703187.html">Sputnik.kz</a>

Қазақстан және Қызылорда облысының жаңалықтары