<a href="https://kyzylorda-news.kz/">Kyzylorda-news.kz.</a> Медициналық сақтандыруға 15,5 млн адам қатысады. Егер сіз сақтандырылған мәртебеңізді және өзіңіз үшін жарналардың түсетінін не түспейтінін білмесеңіз, оны бірнеше жолмен тексеруге болады. Әлеуметтік медициналық сақтандыру қоры сақтандырылғандарға МӘМС бойынша қажетті медициналық қызметтерді қалай алуға болатынын айтып берді.
Көптеген адамдар міндетті әлеуметтік медициналық сақтандыру шеңберінде медициналық көмекті қалай алуға болады деп ойлайды, өйткені МӘМС бойынша тар бейінді дәрігерлердің консультациялары, гормондарға талдаулар, КТ/МРТ және басқа да қажетті диагностикалық қызметтер қолжетімді болып келеді.
Бірінші қадам-өзіңіздің сақтандыру мәртебеңізді тексеру.
Міндетті медициналық сақтандыру жүйесіндегі мәртебеңізді бірнеше жолмен тексеруге болады.
1.&nbsp;&nbsp;&nbsp;&nbsp;&nbsp;&nbsp;&nbsp;&nbsp; Egov.kz. электрондық үкімет порталы
Ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН-ді енгізу қажет. Нәтиже 10 минут ішінде пайда болады.
2. Әлеуметтік медициналық сақтандыру қорының fms.kz ресми сайты &nbsp;&nbsp;
«Мәртебені анықтау» қалқымалы терезесі сайт бетінің оң жақ бұрышында орналасқан. Оны басу және ЖСН-ді енгізу жеткілікті.
3. Goldau 24/7 мобильді қосымшасы.
PlayMarket немесе AppStore-да қосымшаны жүктеп алыңыз. Мәзірде «Сақтандырылу мәртебесін тексеру» бөлімін таңдап, ЖСН-ді енгізу қажет. Терезеде мәртебе және алдыңғы 12 айға төлемдердің болуы туралы ақпарат пайда болады.
<ol>
<li>Telegram-дағы @SaqtandyrýBot.</li>
</ol>
Ботты іске қосу үшін <a href="https://t.me/SaqtandyryBot">сілтемені</a> ашу керек: немесе іздеу жолына оның атын енгізіңіз, содан кейін «Сақтандыру мәртебесін анықтау» бөлімін таңдаңыз, ЖСН-ді енгізіңіз. Алдыңғы 12 айдағы төлемдердің жағдайы мен бар – жоғы туралы ақпарат көрсетіледі.
Сақтандырылған мәртебеңіздің бар екенін тексергеннен кейін, сіздің МӘМС тізбесі бойынша сақтандырылған азаматтарға көрсетілетін медициналық қызметтерді пайдалануға құқығыңыз бар. Ол үшін Әлеуметтік медициналық сақтандыру қорының жеткізушісі болып табылатын алғашқы медициналық-санитарлық көмек көрсететін медициналық ұйымдардың біріне бекітілгеніңізді тексеру қажет. Бекітілмеген жағдайда, egov.kz. сайты арқылы бекітілуге өтінім беріңіз.
Енді сіз өзіңіздің учаскелік дәрігеріңіздің қабылдауына жазыла аласыз. Көрсетілімдер болған кезде дәрігер базалық немесе кеңейтілген талдаулар тізбесіне жолдама жазады, қажет болған жағдайда сіздің денсаулығыңыздың жай-күйін бағалау және емдеуді тағайындау үшін диагностикалық тексеруге немесе тар бейінді маманның консультациясына жібереді. Бұл қызметтердің барлығын МӘМС аясында Әлеуметтік медициналық сақтандыру қоры төлейді, пациент олар үшін ақы төлемеуі керек.
Егер сізде медициналық көмектің сапасы мен уақтылығы туралы сұрақтар туындаса, сіз емхананың Пациенттерді қолдау және ішкі аудит қызметіне хабарласа аласыз. Егер жағдайды шешу мүмкін болмаса, Әлеуметтік медициналық сақтандыру қорына келесі кері байланыс арналары арқылы өтініш жіберуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyrýBot.
<img src="https://kyzylorda-news.kz/wp-content/uploads/2022/03/statws-kaz-scaled.jpg" alt="" />

МӘМС жүйесіндегі мәртебеңізді қалай білуге болады?

<a href="https://kyzylorda-news.kz/">Kyzylorda-news.kz.</a> Мұнайлы өлке саналатын Сыр өңірінде кен орындарын игеру бағытында ауқымды жұмыс атқарылуда. Бүгінде ғалымдардың алдында мұнаймен ластанған топырақты тазарту технологиясын жасау міндеті тұр.
Ғылыми-зерттеу жұмыстарын Қорқыт ата атындағы Қызылорда университеті «Физика-химиялық талдау әдістері» инженерлік бейіндегі зертхананың ғылыми қызметкерлері атқарады, деп хабарлады университеттің баспасөз қызметі.
«Мұнаймен ластанған топырақты биопрепараттармен қалпына келтіру», «Мұнай шламының пайда болуын азайту және оны өңдеу проблемаларын шешу» тақырыбындағы бұл жобалардың жетекшісі – химия ғылымдарының кандидаты, профессор-зерттеуші Нұрбол Аппазов.
<blockquote>
 Топырақты мұнайдан тазартуға арналған биологиялық өнім мұнайды ыдырататын бактерия штаммдарынан тұрады. Айта кету керек, бактериялар патогенді болып саналмайды. Бактериялардың потогенді еместігі туралы Микробиология және вирусология институтының қорытындысы берілген және микроорганизмдердің республикалық коллекциясына сақтауға қойылған, – деді «Физика-химиялық талдау әдістері» инженерлік бейіндегі зертхананың жетекшісі, философия докторы (PhD) Нұрғали Ақылбеков.
</blockquote>
Университет ғалымдары әзірлеген топырақты мұнайдан тазарту әдісі экологиялық биотехнология саласына жатады. Зертханалық және далалық жағдайларда жүргізілген зерттеулер оң нәтиже көрсетті. Зерттеулер бойынша өнертабысқа патент алынды және беделді халықаралық ғылыми басылымдарда ғылыми мақалалар жарияланды.
Осы бағытта Қорқыт ата атындағы Қызылорда университеті мен «ПетроҚазақстан Құмкөл Ресорсиз» АҚ,&nbsp; «ҚОР» мұнай компаниясы» АҚ арасындағы келісімшартқа сәйкес ғылыми-зерттеу және тәжірибелік-конструкторлық жұмыстар жүргізілмек.

Қызылордалық ғалымдар мұнаймен ластанған топыраққа ғылыми зерттеу жұмысын жүргізеді

<a href="https://kyzylorda-news.kz/">Kyzylorda-news.kz.</a> Қызылорда қаласында «Бала және отбасы» жедел-профилактикалық ic-шарасы өтті.
Шара барысында кәмелетке толмағандар тәрбиесіне қатысты 102 әкімшілік құқық бұзушылық анықталды.
Атап айтқанда, түнгі сағат 23:00-ден кейін заңды өкілінсіз тұрғын үйден тыс жерлерде болған 86 және ойын-сауық мекемесінде болған алты жасөсіпірім анықталған. Олардың ата-аналарына қатысты ҚР ӘҚБтК-нің 442-бабымен (Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы) әкімшілік хаттама толтырылды.
Ал кәмелетке толмағандардың ойын-сауық мекемесінде болуына жол берген 6 ойын-сауық мекемесінің иесіне қатысты ҚР ӘҚБтК-нің 132-бабымен (Кәмелетке толмағандардың түнгi уақытта ойын-сауық мекемелерiнде болуына жол беру) бойынша жауапқа тартылды.
Балаларын тәрбиелеу жөніндегі міндеттерін орындамайтын 3 ата-анаға ҚР ӘҚБтК-нің 127-бабымен (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) әкімшілік хаттама толтырылды.
<img src="https://kyzylorda-news.kz/wp-content/uploads/2022/03/274942155_491363019278179_8806588825385377685_n.jpg" alt="" />
<img src="https://kyzylorda-news.kz/wp-content/uploads/2022/03/275012311_491362932611521_417334578515438056_n.jpg" alt="" />

Қызылордада «Бала және отбасы» шарасы кезінде 102 заңбұзушылық анықталды

<a href="https://kyzylorda-news.kz/">Kyzylorda-news.kz.</a> Апта басында «Үздік жыл психологы» атты республикалық конкурсы өтті.
«Дарын» республикалық ғылыми-практикалық орталығының ұйымдастыруымен өткен конкурстың мақсаты талантты психологтарды анықтау, оларды қолдау және озық тәжірибені насихаттау.
Байқауға республика бойынша білім беру ұйымдарынан 53 педагог-психолог мамандары қатысқан. Кәсіби байқауға Қызылорда облысынан 3 педагог-психолог қатысып, бақ сынады.
Сайыс қорытындысы бойынша аймақ абыройын қорғаған 2 педагог-психолог үздіктер қатарынан көрінді. Казалы ауданындағы №249 мектеп-лицейінің педагог-психологы Айгерім Қожахметова І орынды иеленсе, Қызылорда қаласындағы №43 орта мектебінің педагог-психологы Жанерке Исмайлова жүлделі ІІІ орынға ие болды.
<img src="https://kyzylorda-news.kz/wp-content/uploads/2022/03/274900435_1307068359796366_5479553211573985381_n.jpg" alt="" />
<img src="https://kyzylorda-news.kz/wp-content/uploads/2022/03/275066758_1307068363129699_2144232041677024373_n.jpg" alt="" />

«Үздік жыл психологы»: Қызылордалық психологтар республикалық байқауда жеңімпаз атанды

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы «Қазақстанның үздік тауары» республикалық көрме-байқауына өтінімдерді қабылдау басталғандығын хабарлайды.
«Қазақстанның үздік тауары» республикалық көрме-байқауы – отандық өнімнің сапасын арттыруға және Қазақстан нарығын сапасы жоғары әрі бәсекеге қабілетті өніммен толықтыруға бағытталған жеке және заңды тұлғалар қызметін жандандыру мақсатында жыл сайын өткізіледі.
Байқау мынадай үш номинация бойынша жүргізіледі: 
1) «Өндірістік мақсаттағы үздік тауарлар»; 
2) «Халыққа арналған үздік тауарлар»; 
3) «Үздік азық-түлік тауарлары». 
Әр номинация бойынша үш жеңімпаз айқындалады. 
«Қазақстанның үздік тауары» көрме-байқауы бір жыл бойы өткізіледі және келесі негізгі кезеңнен тұрады.
<ol>
<li>Өтінімді «Қазақстанның үздік тауары» өңірлік көрме-байқауының өткізілуіне кемінде 10 күн қалған мерзімде www.altynsapa.kz сайтында немесе өңірлік кәсіпкерлер палаталарына ұсыну қажет. 
Өңірлерде көрме-байқаудың өткізілу кестесі облыстар, республикалық маңызы бар қалалар, астана әкімдіктерімен келісім бойынша жасалады және www.altynsapa.kz сайтында жарияланады. 
Байқауға қатысуға ниет білдірген заңды тұлға немесе жеке кәсіпкер Қазақстан Республикасы Үкіметінің 2009 жылғы 31 шілдедегі №1167 қаулысымен бекітілген «Қазақстанның үздік тауары» өңірлік және республикалық көрме-байқауларына ұсынылатын материалдар мен өнімді ресімдеу, ұсыну және алдын ала сараптамалық бағалау ережесіне» (www.altynsapa.kz сайтында жарияланған) сәйкес өзі орналасқан жердегі өңірлік кәсіпкерлер палатасына материалдарын ресімдеп, ұсынады. 
Өңірлік көрмеге қатысу байқауға одан әрі қатысудың міндетті шарты. Өңірлік байқаулардың 9 жеңімпазы ғана «Қазақстанның үздік тауары» республикалық көрме-байқауына қатысу мүмкіндігіне ие болады.</li>
<li>Нұр-Сұлтан қаласында республикалық көрме-байқаудың өткізілуі (қыркүйек-қазан). Көрме қорытындысы бойынша ҰКП сараптамалық тобы үш номинация бойынша 27 финалисті анықтайды.</li>
<li>Үшінші кезеңде 27 финалист (15-25 қазан аралығында) онлайн-дауыс беруге қатысады.</li>
<li>«Қазақстан Республикасы Президентінің «Алтын сапа» сыйлығының лауреаты атағын және «Қазақстанның үздік тауары» республикалық көрме-байқауының дипломанты атағын беру жөніндегі Комиссия байқаутың 9 қатысушысына «Қазақстанның үздік тауары» республикалық көрме-байқауының дипломанты атағын беру туралы шешім қабылдау отырысы (қараша). 
Байқау дипломанттарына диплом мен байқау эмблемасы тапсырылады. Дипломанттар төрт жыл бойы «Қазақстанның үздік тауары» байқауының эмблемасын жарнамалық мақсатта пайдалану құқығына ие болады. 
«Алтын сапа» және «Қазақстанның үздік тауары» байқауының жеңімпаздарын марапаттау жыл сайын Қазақстан Республикасы Президентінің қатысуымен салтанатты рәсімде өткізіледі. 
Байқауға әлеуетті қатысушыларды сайтта оқыту үшін: www.altynsapa.kz «Оқыту» бөлімінде байқауды өткізу тәртібі және байқаудың материалдарын ресімдеу ережелері бойынша бейнесабақтар жарияланған. 
Байқауды ұйымдастырушы Кәсіпкерлер палатасының базасында тегін оқыту семинарларын өткізеді. Семинарларды өткізу кестесі биылғы наурызда байқау сайтында жарияланады. 
Құрметті кәсіпкерлер, сапа саласындағы байқауға қатысуға шақырамыз. Толық ақпарат алу үшін әлеуметтік желілердегі «Алтын сапа» ресми парақшасына және www.altynsapa.kz сайты жаңалықтарына жазылыңыз. Кеңес алу үшін байланыс телефондары: 8 (7172) 919-388 (ішкі 1931) және 8 (7172) 919-344. 
Қызылорда облысы кәсіпкерлер палатасынан жауапты маман Малика Тютебаева, байланыс нөмірі 8 /7242/ 40-09-81.</li>
</ol>

«Қазақстанның үздік тауары» көрме-байқауына қатысуға өтінім қабылдау басталды

<a href="https://kyzylorda-news.kz/">Kyzylorda-news.kz.</a>&nbsp; «Балалар жылы» аясында&nbsp; көпбейінді облыстық балалар ауруханасының 60 жылдық мерейтойына арналған ғылыми-тәжірибелік конференция өтті.
Мақсаты – балалар денсаулығын нығайту, аурушандықтың алдын алу және салааралық байланысты нығайту.
Шараға облыс әкімінің орынбасары Балжан Шәменова, облыстық денсаулық сақтау басқармасы басшысы Сәбит Пазылов, КОБА құрметті директоры, медицина ардагері Тұрғанбай Маханов алғыстарын білдіріп,&nbsp; медицина қызметкерлерін облыс әкімінің алғыс хатымен марапаттады.
Шара соңында «Бақытты балалықтың құтты мекені» кітабының тұсауы кесіліп, қатысушылар назарына ұсынылды қонақтар «Қамқорлық» оңалту орталығымен танысып, жергілікті дәрігерлердің емдеу ісі тәжірибелерінен баяндамалар тыңдады.
<img src="https://kyzylorda-news.kz/wp-content/uploads/2022/03/fd879e94-b95d-41ea-bbb9-b5c00f3aed30.jpg" alt="" />

«Балалар жылы»: Қызылордада ғылыми конференция өтті

<a href="https://kyzylorda-news.kz/">Kyzylorda-news.kz.</a> Қызылорда облысында бірқатар кадрлық өзгерістер болды. Қазақстан Республикасы Президенті Әкімшілігінің келісімі бойынша облыс әкімінің өкімімен&nbsp;бұған дейін Қармақшы ауданы әкімінің қызметін атқарып келген Қайрат Нұртай облыс әкімінің орынбасары болып &nbsp;тағайындалды.
Аймақ басшысы Гүлшара Әбдіқалықова жаңа орынбасарының қызметіне сәттілік тіледі.
<blockquote>
 «Қайрат Ырзақұлұлы өңірдің әлеуметтік-экономикалық және қоғамдық-саяси ахуалымен жақсы таныс. Әр түрлі салада жинақтаған мол тәжірибесін, қазіргі таңда маңызды болып саналатын идеологиялық саланы одан әрі жетілдіруге аянбай жұмсайды деп сенім білдіремін.Облыс әкімінің орынбасары ретінде Қайрат Ырзақұлұлы ішкі саясат, дін істері, жұмылдыру дайындығы, мәдениет және спорт салаларына жетекшілік жасайтын болады.Жаңа қызметіңізбен құттықтай отырып, алдағы атқарар жауапты жұмыстарыңызға сәттілік тілейміз», – деді облыс әкімі.
</blockquote>
Қайрат Ырзақұлұлы 1982 жылы Қармақшы ауданы Жосалы кентінде туған. Қаныш Сәтбаев атындағы Қазақ Ұлттық техникалық университетін инженер-механик, Дінмұхамед Қонаев атындағы университетін заңгер мамандықтары бойынша бітірген.
Еңбек жолын 2004 жылы Мемлекеттік қызмет істері агенттігінің жетекші маманы болып бастап, 2005-2006 жылдары Энергетика және минералды ресурстар министрлігінде жауапты қызмет атқарған; 2006-2014 жылдары Қазақстан Республикасы Президенті Кеңсесінің аға, бас сарапшысы, консультанты, сектор меңгерушісі; 2014-2015 жылдары Президент Әкімшілігінің мемлекеттік инспекторы. 2015-2018 жылдары Шымкент қаласы әкімінің орынбасары.
2018 жылдан бастап 2019 жылдың желтоқсан айына дейін Шымкент қаласы әкімінің бірінші орынбасары қызметттерін атқарған. 2021 жылдың шілде айынан бастап Қармақшы ауданының әкімі қызметінде болды.

Облыс әкімінің идеология жөніндегі орынбасары тағайындалды

<a href="https://kyzylorda-news.kz/">Kyzylorda-news.kz.</a> Көктемгі вегетациялық кезеңде су деңгейінің төмендігі салдарына қарай әрекет ету үшін өңірде қажетті қадамдар жасалуда. Бұл ретте облыс әкімі Гүлшара Әбдіқалықоваға «Қазсушар» РМК Қызылорда филиалының директоры Роллан Ахметов негізгі мәселелерді баяндап, су тапшылығы мәселесіне қажетті алдағы атқарылуға тиіс жұмыстарды тізбеледі.
Қазіргі таңда Шардара су қоймасынан Сырдария өзенінің төменгі ағысына 100 м3/с жіберілсе, өткен жылы осы кезеңде Шардара су қоймасынан 200 м3/с тасталып, 100 м3/с Көксарай су реттегішіне жіберілді. Егерде Шардара су қоймасында 4,56 млрд. текше метр жинақталса, өткен жылмен салыстырғанда 405 млн.текше метрге артық. Дегенмен, Көксарай су реттегішіне су жинақталған жоқ.
Облысқа 137 дана насос алуға сұраныс жасалып, 22 ұңғыма тазаланады. Оның ішінде 67 дана насос қондырғысы «Қазсушар» РМК Қызылорда филиалы арқылы іске қосылады. Атап айтсақ, Жаңақорған ауданына – 7, Шиелі ауданына – 12, Қызылорда қаласына – 5, Сырдария ауданына – 15, Қармақшы ауданына – 9, Қазалы ауданына 4 дана насос қондырғысы арқылы қашыртқы жүйелерінен ішкі каналдарға қосымша су беру қарастырылуда. 
Сондай-ақ, Үкіметтік резерві есебінен облыс бойынша 17 каналға механикалық тазарту жұмыстары жоспарлануда.
Аймақ басшысы егістікке су беру кезінде шаруаларға суды үнемдеу жолдарын жеткілікті деңгейде түсіндіріп, ортақ мәселеде тиімді шешім қабылдау қажет екенін алға тартты.
<blockquote>
 Вегетация кезінде келетін су көлемін нақтылаған уақытта кезекпен су беру жұмыстарын мобильді түрде ұйымдастыру қажет. Насос қондырғыларын орналастыратын жерлерді белгілеңіздер. Елді-мекендердегі шаруа қожалықтарды аралап, су тапшылығы жағдайында суды үнемдеу туралы кеңінен түсіндірме жұмыстарын іске асырыңыздар, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2022/03/274595662_253553350299250_1142017243797531049_n.jpg" alt="" />

Облыс әкімі: Вегетация кезеңінде суды тиімді  пайдалануға жете мән беру керек

<a href="https://kyzylorda-news.kz/">Kyzylorda-news.kz.</a> Алғыс айту мерекесі аясында М.Ықсанов атындағы Қызылорда политехникалық колледжінде білім беру саласына елеулі үлес қосқан ардагер ұстаздарға арналған арнайы кабинет ашылды. Облыс әкімі Гүлшара Әбдіқалықова ұрпақтар сабақтастығын жалғап келе жатқан ардагер ұстаздармен кездесіп, арнайы кабинеттің ресми ашылу рәсіміне қатысты.
Алдымен облыс әкіміне облыстық білім басқармасының басшысы Ақзира Қасымова колледж базасында техникалық және кәсіптік білім беру саласындағы кешенді жұмыстардың нәтижесін тізбеледі.
Жаңадан ашылған кабинет білім беру мен тәрбие жұмысында ардагерлердің келешекте белсенді атсалысып, тәрбиелік мақсатта кеңестер өткізуіне қолайлы етіп жабдықталған. Яғни сала ардагерлерінің жұмыс тарихынан фотокөрме қойылып, құрмет бұрышы әзірленген.
Басқосу барысында аймақ басшысы қазыналы қарттарға ілтипат білдіріп, 1 наурыз Алғыс айту күнімен құттықтап, ардагерлердің парасаты мен тәжірибесін кейінгі ұрпаққа насихаттау жұмыстары ұдайы түрде дәріптелетінін айтты.
<blockquote>
 «Жаңару айының алғашқы күні құрметімізді ұстаздан бастайық деген игі оймен заманауи үлгідегі кабинетті ашып отырмыз. Бұл кабинет ардагер ұстаздар бас қосып ақылдасатын, келелі ой, зерделі сөз айтатын орталық болады деп сенемін. Ізгілікке толы Сіздердің әрбір тәжірибелеріңіз, асыл қасиеттеріңіз бен ғибратты ғұмырларыңыз жастарға үлгі деп білемін», – деді Гүлшара Әбдіқалықова.
</blockquote>
Шара соңында облыс әкімі ардагер ұстаздармен пікір алмасып, білім саласын жетілдіру мен саналы ұрпақ тәрбиелеу төңірегінде әңгімелесті. Ардагерлер өз тарапынан білім саласының бүгінгі беталысын бағамдап, өз ұсыныстарын ортаға салды.
Айта кетейік, бүгінгі күні өңірде 5 мыңнан аса білім саласының ардагері болса, оның 1867-сі Қызылорда қаласында тұрады.
<img src="https://kyzylorda-news.kz/wp-content/uploads/2022/03/275004042_1306588346511034_7776472003979324255_n.jpg" alt="" />
<img src="https://kyzylorda-news.kz/wp-content/uploads/2022/03/274944313_1306588336511035_2860593539915644534_n.jpg" alt="" />

Гүлшара Әбдіқалықова ардагер ұстаздарға ілтипат білдірді

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1250 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 36
Алматы қаласы – 242
Ақмола облысы – 54
Ақтөбе облысы – 217
Алматы облысы – 93
Атырау облысы – 5
Шығыс Қазақстан облысы – 41
Жамбыл облысы – 22
Батыс Қазақстан облысы – 166
Қарағанды облысы – 39
Қостанай облысы – 161
Қызылорда облысы – 3
Маңғыстау облысы – 15
Павлодар облысы – 68
Солтүстік Қазақстан облысы – 88
Қазақстан бойынша жазылғандар саны – 1270379.

Қызылордада коронавирустан жазылғандар бар

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 260 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 21
Алматы қаласы – 90
Шымкент қаласы – 2
Ақмола облысы – 9
Ақтөбе облысы – 1
Алматы облысы – 8
Атырау облысы – 7
Шығыс Қазақстан облысы – 12
Жамбыл облысы – 3
Батыс Қазақстан облысы – 9
Қарағанды облысы – 27
Қостанай облысы – 25
Қызылорда облысы – 3
Маңғыстау облысы – 1
Павлодар облысы – 14
Солтүстік Қазақстан облысы – 28
Жалпы ел бойынша ауырғандар саны 1302810.

Өткен тәулікте 3 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> Еліміздің солтүстігі мен шығысында фронтальды бөлімдердің әсерінен қар жауады, орталықта, оңтүстік және оңтүстік-шығыста жаңбыр мен қар түріндегі жауын-шашын, оңтүстіктің таулы аймақтарында қар жауады, деп хабарлайды Қазгидромет.
Республиканың кей жерлерінде тұман болады. Шығыста боран соғып, оңтүстік-шығыста жел күшейеді. Ал батыс пен оңтүстік-батыста және еліміздің орталығында көктайғақ болады.
Сонымен қатар Қызылорданың оңтүстігінде тұман күтіледі.

Қазақстан және Қызылорда облысының жаңалықтары