<a href="https://kyzylorda-news.kz/">Kyzylorda-news.kz.</a> ҚР Төтенше жағдайлар министрі Юрий Ильин Қызылорда облысына жұмыс сапарымен келді.&nbsp;Іссапар барысында министр Қызылорда облысының тұрғындарымен кездесу өткізіп, аймақтың төтенше жағдайдағы дайындық барысын баяндады.&nbsp;Атап айтқанда, өңірде 300-ден астам техника мен 700-ге жуық төтеншелік қысқы мезгілдегі түрлі апаттарға байланысты дайындықтан өткізілген. Сондай-ақ, кездесу барысында Төтенше жағдайлар министрі жыл сайын қысқы кезеңде адамдардың қаза болуын азайту бойынша бірқатар шаралар жүргізілетінін тілге тиек етті.&nbsp;Жалпы, Қызылорда облысында төтенше жағдайлар кезінде қаза тапқандардың саны 37 пайызға азайды.&nbsp;<blockquote>«Төтенше жағдайлар кезінде адам өлімінің азайғаны министрліктің басты көрсеткіші болып табылады. Мәселен, биылғы 10 айда Қызылорда облысы бойынша қаза тапқандар саны 37 пайызға азайды. Бұл ретте төрт жүзден астам төтенше жағдай тіркелді», - делінген министрліктің баспасөз қызметі таратқан хабарламада.</blockquote>Төтенше жағдайлардың негізгі үлесі техногендік сипатта болады, бұл тұрғын үй секторындағы және көліктегі өрттер, ал суық түсуіне байланысты бұл көрсеткіш артады. Өздеріңіз білетіндей, 1 қазаннан бастап елімізде жылыту кезеңі басталды.Айта кетейік, жиын соңында министр аймақ тілшілеріне арнайы брифинг өткізіп, бүгінгі сапардың нәтижесімен бөлісті.<figure class="image"><img src="https://knadmin.beoblood.kz/uploads/Ilin_c4176d9387.jpg" alt="Ильин.jpg"></figure><figure class="image"><img src="https://knadmin.beoblood.kz/uploads/316033478_1668047716924067_8803718027150582813_n_93ea4cdc1d.jpg" alt="316033478_1668047716924067_8803718027150582813_n.jpg"></figure><figure class="image"><img src="https://knadmin.beoblood.kz/uploads/315860025_1668047730257399_8081522347359107990_n_a6baba681d.jpg" alt="315860025_1668047730257399_8081522347359107990_n.jpg"></figure>

Төтенше жағдайлар министрі Юрий Ильин қызылордалықтармен кездесті

<a href="https://kyzylorda-news.kz/">Kyzylorda-news.kz.</a> 18 қараша күні ел аумағында атмосфералық фронттар жүріп өтеді, деп хабарлайды Қазгидромет.Осыған байланысты Қазақстанның батысы мен шығысында, солтүстік-батысында тұрақсыз ауа райы сақталады, жаңбыр мен қар жауады, деп хабарлайды&nbsp;Республика бойынша тұман, көктайғақ болады, жел күшейіп, елдің шығысында жаяу бұрқасын көтеріледі.

18 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> 17 қараша - Бүкіләлемдік философия күні.&nbsp;2002 жылы ЮНЕСКО-ның Дүниежүзілік ұйымы жыл сайын қараша айының үшінші бейсенбісінде Философия күнін өткізу туралы жариялады. Бұл күн әлемнің ЮНЕСКО-ға мүше 70-тен астам елінде атап өтіледі. Осы атаулы датаға орай бүгін Өңірлік коммуникациялар қызметінде өткен брифингте Қорқыт ата атындағы Қызылорда университетінің Философия және әлеуметтік-гуманитарлық пәндер кафедрасының аға оқытушысы Болат Апенов пәлсапа ілімінің тереңіне тоқталып, тарих беттеріне шолу жасады.&nbsp;<blockquote>«Философия - дүниеге көзқарас, ғылым, өнер, танымды зерттейтін ғылым ғана емес, адамзаттың рухани мәдениетінің бір түрі. Философия күнінің ерекшелігі – көптеген жоғары оқу орындарында түрлі конференциялар мен дөңгелек үстелдер өткізіледі. Жыл сайын студенттер арасында ғылыми іс шаралар да өткізу дәстүрге айналған. Осы орайда, философ оқытушыларды атаулы мерекемен құттықтаймын», - деді Болат Мейрамұлы.</blockquote>Айта кетейік, бүкіләлемдік философия күні 20 жылдан бері ЮНЕСКО бағдарламасының ұйымдастыруымен аталып келеді. Оның басты мақсаты - қазіргі таңдағы философияның рухани миссиясын көрсету. &nbsp;<figure class="image"><img src="https://knadmin.beoblood.kz/uploads/316031717_1668046006924238_9218571868649099205_n_a7fcf81fcc.jpg" alt="316031717_1668046006924238_9218571868649099205_n.jpg"></figure>

Болат Апенов: Адамзаттың рухани мәдениетінің бір түрі 

<a href="https://kyzylorda-news.kz/">Kyzylorda-news.kz.</a> Бүгін аудан әкімдігінде макро-экономикалық көрсеткіштері және қаржының игерілуі бойынша жиын өтті. Аудан әкімінің орынбасары Еркін Әбішевтің төрағалығымен өткізілген мәжіліске дербес бөлім басшылары, аудандық қазынашылық басқармасының басшысы және аудандық статистика басқармасының басшылары қатысты.&nbsp;Арал ауданы әкімінің орынбасары Еркін Әбішев ауданға тартылатын инвестиция көлеміндегі нақты құрылыс жұмыстарының үлесін анықтап, ай сайын сататистикалық есептілікке енгізілуін қамтамасыз етуді тиісті бөлімдерге тапсырды. Сондай-ақ жиында инвестицияның көлемін өткен жылдың деңгейінде сақтап қалу мақсатында барлық мүмкіндіктерді қарастыру қажеттігі айтылды.&nbsp;Мәжілісте тағы бір мәселе, аудан бюджеті қаржысының сапалы, тиімді, толық және уақытылы игерілу керектігі айтылды. Қаржылардың игерілуіне күнделікті бақылау жасап, есепті мерзімде игерілмеу қаупі бар қаржылар қалыптасатын жағдайларда игерілмеу себептерін анықтап, заңға сәйкес тиісті шаралар қабылдауды жауапты бөлімдерге тапсырды.Айта кетейік, 2022 жылдың 10 айының қорытындысымен ауданда 19,1 млрд теңгенің өнеркәсіп өнімі &nbsp;өндірілген. Нақты &nbsp;көлем &nbsp;индексі 122,1%-ды құрады. &nbsp;

 Арал ауданының экономикалық даму көрсеткіштері сараланды

<a href="https://kyzylorda-news.kz/">Kyzylorda-news.kz.</a> Бүгін Қазалыда болмысы бөлек талант иесі, ардагер ұстаз, мәдениет майталманы, әнші әрі сазгер Нұрмаш Алғашбайдың 75 жылдық мерейтойына арналған «Ән – ғұмыр» атты шығармашылық кеші өтті.Қасиетті Қазалы топырағы талант дарыған тұлғаларға бай. Туған жерден тұрақ тауып, елін, жан сырын әнге арқау еткен әнші Нұрмаш Алғашбайды аудан жұртшылығы жақсы біледі. Көпшілік Нұрмаш Қабылбайұлын күміскөмей әнші деп қана емес, талай өлеңге ән жазған композитор ретінде де жақсы таниды.Мерейтой иесін аудан әкімі Мұхтар Оразбаев құттықтап, игі тілегін білдірді.<blockquote>«Сіз – өнегелі өміріңізбен баршаға үлгі бола білген, ел үшін дара туған тұлғасыз. Қасиетті Қазалы өңірі қашанда қаймағы бұзылмаған, ұлттық салт-дәстүрді берік ұстанған киелі мекен. Талай дүлдүлдер дүниеге келіп, әдебиет пен өнер майталмандарының кіндік қаны тамған жер. Біз Сізді осындай дүлдүлдердің асыл қазыналарынан сусындап өскен, өнерін заманның талабына сай түрлендіріп, рухани әлемді байыта білген, өнердегі өресі биік тұлға деп бағалаймыз.&nbsp;Қазақ жұрты өзіңізді әнші, күйші-композитор, бар ғұмырын ел болашағына арнаған зиялы азамат ретінде таниды. Өмір жолында өнеріңізбен ерекшеленіп, қоғамда білсенділік іспетті қасиеттеріңізбен нағыз ірі тұлға ретінде халықтың сүйіспеншілігіне бөленіп келесіз.&nbsp;Сіздің Арал тағдырына арналған «Аралым – аяулым», күміскөмей әнші, халық қаһарманы, КСРО және Қазақстанның халық әртісі, жерлесіміз Роза Бағланова арнаған «Айналайын халқымнан еркелеткен» және «Егеменді Қазақстан», «Қазағымның даласы», «Қазақ елі», «Наурыз той» атты әндеріңіз азаматтарды, әсіресе жастарды елін, жерін, Отанын сүюге, халқын құрметтеуге тәрбиелеуімен құнды да қымбат», – деді Мұхтар Әуесұлы.&nbsp;</blockquote>Мұнан соң аудан басшысы Нұрмаш Қабылбайұлының иығына қазақы дәстүрге сай шапан жауып, арнайы «Құттықтауды» табыс етті.Роза Бағланова атындағы аудандық мәдениет орталығында өткен шарада мерейтой иесінің шығармаларын «Атамұра» ардагерлер ансамблі, мәдениет саласының майталмандары Кенже-Әлі Асқар, Галя Оспанова және тағы басқа әншілер орындап, көрерменнің зор қошеметіне ие болды.<figure class="image"><img src="https://knadmin.beoblood.kz/uploads/315979963_3514795642074691_6739346246496287867_n_b9c76a12c9.jpg" alt="315979963_3514795642074691_6739346246496287867_n.jpg"></figure><figure class="image"><img src="https://knadmin.beoblood.kz/uploads/315881646_3514795375408051_461620461076818874_n_c881c6f108.jpg" alt="315881646_3514795375408051_461620461076818874_n.jpg"></figure><figure class="image"><img src="https://knadmin.beoblood.kz/uploads/315971831_3514795505408038_5639427320072136120_n_0a0b9cd5b0.jpg" alt="315971831_3514795505408038_5639427320072136120_n.jpg"></figure><figure class="image"><img src="https://knadmin.beoblood.kz/uploads/315645722_3514795492074706_3250061916952139829_n_aeaf0e7374.jpg" alt="315645722_3514795492074706_3250061916952139829_n.jpg"></figure>

Қазалыда сазгер Нұрмаш Алғашбайдың шығармашылық кеші өтті

<a href="https://kyzylorda-news.kz/">Kyzylorda-news.kz.</a> Қызылорда облысының өнімдер әлемнің 21 мемлекетіне экспортталды. Өңірлік коммуникациялар қызметінде өткен ауыл шаруашылығы саласында атқарылып жатқан шаралар туралы брифингте Қызылорда облыстық ауыл шаруашылығы және жер қатынастары басқарма басшысының орынбасары Айнұр Тілеулеева аймақтағы қандай өнімдердің экспортқа шығатынын айтты.&nbsp;Соңғы жылдары облыстың экспорттық әлеуеті артып келеді. Биылғы жылдың 1 қазанына облыстан 43 млн. долларды құрайтын 80,4 мың тонна ауыл шаруашылығы өнімдері, атап айтқанда, күріш, балық өнімдері, бидай қалдығы, қамыс, қауын, қарбыз, көкөніс, қызанақ экспортталып, өткен жылдың сәйкесті кезеңімен салыстырғанда 170,6 пайызға артып отыр.&nbsp;<blockquote>«Өздеріңізге белгілі, &nbsp;облыста өндірілетін негізгі дақыл – күріш үлкен сұранысқа ие. Өз кезегінде, күріш өнімі Республика халқының қажеттілігін толық қамтамасыз етумен қатар алыс-жақын шет елдерге де экспортталуда. Барлық экспортталған өнімнің 87,7 пайызын құрайтын күріш өнімі бұл күнде Ресей, Беларусь, Қырғызстан, Әзірбайжан, Өзбекстан, Моңғол мемлекеті, Тәжікстан, Түркмения, Украина, Грузия, Литва, Түркия және Ирак мемлекеттеріне экспортталуда», - дейді Айнұр Тілеулеева.</blockquote>Брифинг барысында басқарма басшысының орынбасары аймақтағы мал шаруашылығына да тоқталып өтті.&nbsp;<blockquote>«Мемлекеттің қолдауы арқасында мал басы тұрақты өсіп келеді. &nbsp;Атап айтқанда, өткен жылмен салыстырғанда мүйізді ірі қара мал басы – 8,0 пайызға, қой мен ешкі - 4,6 пайызға, жылқы – 17 пайызға, түйе - 7 пайызға, құс – 2 пайызға көбейіп, ет өндірісі- 1,9 пайызға, сүт өндірісі - 1,2 пайызға, жұмыртқа өндірісі – 2,3 пайызға артып отыр. Өздеріңіз көріп отырғандай, бұл ауыл шаруашылығы саласының көрсеткіштеріне ауыл шаруашылығы құрылымдарында жұмыс жасайтын еңбеккерлердің өз істеріне адалдығы, кәсіби шеберлігі мен табандылығының арқасында қол жеткізіліп отыр», - деді Айнұр Маратқызы.&nbsp;</blockquote>Айта кетейік, «Алтын дән-2022» мерекелік шарасы аясында ел қамбасын астыққа толтырып, мол өнім алуда қажырлы еңбек еткен үздік жетістіктерге жеткен облыстың 67 озаттары марапатталды.<figure class="image"><img src="https://knadmin.beoblood.kz/uploads/balyk_eeddb6dd63.jpg" alt="балык.jpg"></figure>

Айнұр Тілеулеева: Биыл 80,4 мың тонна ауыл шаруашылығы өнімдері экспортталды

<a href="https://kyzylorda-news.kz/">Kyzylorda-news.kz.</a>Тұрғындарды қуанышты сәтпен құттықтаған шаһар басшысы Асылбек Шаменов жаңа қоғамдық көліктер қызылордалықтардың өмір сүру сапасын жақсартуға бағыттылған маңызды қадам екенін атап өтті.&nbsp;Жалпы, қала тұрғындарының қоғамдық көлікке деген сұранысын қанағаттандыру және көлік қатынасын дамыту ешқашан назардан түскен емес. Осы ретте естеріңізге сала кетейік, облыс әкімінің тікелей қолдауымен «Қызылорда автобус паркі» жауапкершілігі шектеулі серіктестігіне «Өнеркәсіпті дамыту қоры» АҚ-ы арқылы жаңадан лизингке 150 дана автобус алуға 1 млрд. 434 млн. теңге қаржы бөлінген болатын. Игі істің нәтижесі ұлттың ұлық мерекесі - Республика күні қарсаңында 40 дана автобус қала ішілік бағыттарға қосылса, бүгін қала тынысына серпін берген, экологиялық таза, ең бастысы мүгедектігі бар азаматтарға қолайлы автобустардың екінші легі, яғни 42 данасы келіп, игі іс жалғасын тауып отыр.&nbsp;​Соңғы үлгідегі заманауи автобустар жаңадан қосылған №19 және №20 бағыттар бойынша жолаушыларды тасымалдайтын болады.<blockquote>«Жыл соңына дейін қалған автобустар әкелініп, жолаушылар тасымалы қызметінің сапасын арттыру мақсатында қолға алынған жоба нақты жемісін береді», - деді​ қоғамдық көліктердің кілтін табыстау рәсімінде қала әкімі Асылбек Шаменов.</blockquote>​Ел игілігіне, бұқара жұрттың өмір сүру сапасын арттыруға бағытталған басқа да ілкімді істер жалғасын таба бермек.<blockquote>«Күнделікті жұмысымыз бен балалардың мектепке қатынауы үшін қоғамдық көліктің маңызы зор. Бұған дейін Арай-2, Арай-3 мөлтек аудандарына қатынайтын 20 бағыттағы автобус тоқтап қалған болатын. Ол біздің тіршілігімізге әсерін тигізді. Жақында бұл бағыт іске қосылған болатын. Бүгін тағы да сол бағытқа жиырма шақты көлік қосылып қуантып жатыр», - дейді қала тұрғыны.</blockquote><figure class="image"><img src="https://knadmin.beoblood.kz/uploads/316091468_3234610583472344_2678075354314814327_n_aa4c8523eb.jpg" alt="316091468_3234610583472344_2678075354314814327_n.jpg"></figure>&nbsp;<figure class="image"><img src="https://knadmin.beoblood.kz/uploads/315887375_3234607803472622_1956429813459574801_n_54a80f9d42.jpg" alt="315887375_3234607803472622_1956429813459574801_n.jpg"></figure>

Қызылордада қоғамдық көліктердің қатары 42 жаңа автобуспен толықты

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатовтың төрағалығымен өткен мәжілісте кадрлық өзгерістер таныстырылды.Алғаш болып аудан әкімі ішкі конкурс тәртібімен Шиелі ауданының құрылыс, сәулет және қала құрылысы бөлімінің басшысы лауазымына тағайындалған Аман Дана Смаханұлын таныстырды.Дана Смаханұлы - 1962 жылы 19 наурызда Шиелі ауданында дүниеге келген. Білімі жоғары. 1984 жылы Қазақ мемлекеттік ауыл шаруашылығы институтын «Инженер-механик» мамандығы бойынша бітірген. Еңбек жолын 1984 жылы «Гигант» колхозының трактор бригадасының бригадирі болып бастаған. 2005 жылдан бастап бүгінгі күнге дейін аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы қызметін атқарып келді.Келесі болып жалпы конкурс тәртібімен Шиелі ауданының мемлекеттік активтер және сатып алу бөлімінің басшысы лауазымына тағайындалған Тобажанов Ғабит Рүстемұлы таныстырылды.&nbsp;Ғабит Рүстемұлы - 1978 жылы 11 қыркүйекте &nbsp;Шиелі ауданында дүниеге келген. Білімі жоғары. 1999 жылы Халықаралық қазақ Түрік университетін «Құқықтану» мамандығы бойынша бітірген. Еңбек жолын 2000 жылы прокуратура саласында бастаған. 2021-2022 жылдары Қызылорда облыстық адвокаттар алқасының мүшесі, адвокат қызметтерін атқарған.&nbsp;Жиында соңғы болып жалпы конкурс тәртібімен Шиелі аудандық кәсіпкерлік, өнеркәсіп және туризм бөлімінің басшысы лауазымына тағайындалған Әбсадық Бақберген Аманбекұлы таныстырылды.&nbsp;Бақберген Аманбекұлы - 1980 жылы 10 сәуірде Қызылорда облысы, Шиелі ауданында дүниеге келген.&nbsp;Білімі жоғары. 2003 жылы Сейфуллин атындағы Қазақ аграрлық университетін «Ауылшаруашылық өндірісін механикаландыру» және 2009 жылы «Қорқыт ата» атындағы Қызылорда мемлекеттік университетін «Заңтану» мамандықтары бойынша бітірген. Еңбек жолын 2003 жылдан бастап жеке кәсіпкерлікпен айналысқан. 2016-2020 жылдары Алматы қаласындағы «Домпласт» ЖШС-нің директорының орынбасары қызметін атқарған.Мәжіліске қатысушыларға жаңадан тағайындалған бөлім басшыларын таныстырған аудан әкімі Нұржан Ахатов оларға сәттілік тілеп, ауданның әлеуетін арттыру жолында бірге жұмыс жасауға шақырды.&nbsp;<figure class="image"><img src="https://knadmin.beoblood.kz/uploads/Shieli1_6d67fcde77.jpg" alt="Шиели1.jpg"></figure><figure class="image"><img src="https://knadmin.beoblood.kz/uploads/Shieli2_88592c712f.jpg" alt="Шиели2.jpg"></figure><figure class="image"><img src="https://knadmin.beoblood.kz/uploads/Shieli3_8887f28600.jpg" alt="Шиели3.jpg"></figure>

Шиелі: Мәжіліс отырысында бірқатар жаңа басшылар таныстырылды

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің доценті, филология ғылымдарының кандидаты, білім саласының үздігі, ақын, қарымды қаламгер Алдажар Әбіловтің «Мен үшін қымбаттысың, Сыр елім!» тақырыбында шығармашылық кеші өтті. Қос қуанышына қатар ұйымдастырылып отырған кеште Алдажар Әбіловтің 65 жас мерейтойы мен «Қара ағаш түбіндегі оқиға» &nbsp;кітабының тұсаукесері болды.&nbsp;Рухани кешке Қорқыт ата атындағы Қызылорда университетінің Басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева, профессор, филология ғылымдарының докторы Жеңіс Садуақасұлы, ҚР Ішкі істер одағының ардагері, Қазақстан Журналистер одағының мүшесі Орынбек Жүсіпбекұлы, Қызылорда облысы өлкетану музейінің бөлім меңгерушісі Айгерім Беккулиева және Қазақ тілі мен әдебиеті және журналистика кафедрасының оқытушылары мен студенттері қатысты. Ақынның қуатты қаламынан төгілген өлең шумақтарын студенттер мәнерлеп оқып, Қорқыт ата атындағы Қызылорда университетінің қазақ тілі мен әдебиеті кафедрасының оқытушысы Гүлмира Баялиева «Ұстаз, ғалым һәм қаламгер» тақырыбында баяндама жасады. Осы уақытқа дейін бірнеше кітаптың тұсауын кесіп, оқырман көзайымына айналып үлгерген қалагердің шығармаларына университет студенттері тоқталып, баяндап, талдап шықты. Студенттер тарапынан сауалдары қойылып, алғыс, тілектерін жеткізді. Келген қонақтарға сөз беріліп, барлығы естеліктерімен бөлісіп, жазушыны туған күнімен қатар келіп отырған жаңа туындының тұсауын кесуіне атсалысты.<blockquote>«Кешіміздің басты мақсаты Алдажар ағайдың шығармаларын талдау. «Жүзік», «Нала» әңгімелері бойынша К19/1 оқу тобы студенті- Әлімжан Зура, «Қара ағаш түбіндегі оқиға» әңгімесінің тәрбиелік мәні жайлы К-19/3 Болатова Аружан өз ойларын бөлісті. Автор әңгімелерінің тілдік ерекшеліктері жайлы филология ғылымдарының кандидаты, қауымдастырылған профессор Абасилов Аман Мәделханұлы құнды пікірлер келтіріп, зерттеу нысанына алу туралы айтты. Оқырмандар авторға сұрақтар қойып, жауаптасты. Алдажар ағайдың «Мен үшін қымбаттысың, Сыр елім!» әнін Тұрлыбекова Бақытжан нәшіне келтіре орындап, ақын студенттер өлеңдерін оқыды. Кеш соңында «Қара ағаш түбіндегі оқиға» кітабының тұсауы кесілді», - дейді әріптесі Айман Айтбаева.</blockquote>Басқа да әріптестері мен достары ізгі тілектерін, құттықтауларын білдіріп, қаламгерге шапан жауып, ыстық ықылас гүлмен ілтипат көрсетті. Кеш соңында Алдажар Әбіловке сөз беріліп, көптен күткен кітаптың тұсауы кесілді. Өз қолтаңбасы қойылған кітаптарды әріптестері мен жолдастарына, сүйікті студенттеріне сыйға тартты.<blockquote>«Құрметті әріптестер, қадірлі қонақтар, бүгінгі кешке сыйлап келгендеріңізге, ыстық тілектеріңізге алғыс айтамын! Бүгінгі кештің мақсаты көркем шығармалар туралы ой бөлісіп, жаңа кітаптың тұсауын кесіп, сіздердің шығармаға деген ойларыңызды, көзқарастарыңызды білу болатын. Маған айтылып жатқан ұсыныс, пікірлеріңізді мен құптаймын және алдағы уақытта ескеретін боламын. Менің ұғымымдағы көркем әдебиет – адамзаттың дамуындағы бағдаршамның бірі. Заман ағымына қарай қазіргі жастар көркем әдебиетті оқымайтын кезеңге жеттік. Ал мен әңгімелер барысында осы жастардың әдебиетке деген зеректігін ашу үшін шытырман оқиғаларды көп қозғаймын. Жалпы, балалар көркем әдебиет арқылы тәрбие алса екен деймін. Себебі, біз де сол көркем сөз, әдебиет арқылы өстік. Біздің де ата-бабаларымыз көркем жазулардың, әдебиеттердің арқасында білімді болған. &nbsp;Сондықтан көркем шығармаларымызды дамытуға, жетілдіруге кішкене болса да өз үлесім қосылып жатса, өте қуаныштымын», &nbsp;– деді Алдажар Әбілов. &nbsp;</blockquote><figure class="image"><img src="https://knadmin.beoblood.kz/uploads/315903021_897537388341054_5389042756995259997_n_114477196f.jpg" alt="315903021_897537388341054_5389042756995259997_n.jpg"></figure>&nbsp;<figure class="image"><img src="https://knadmin.beoblood.kz/uploads/315851092_897537975007662_2516065371002674788_n_46b89db87f.jpg" alt="315851092_897537975007662_2516065371002674788_n.jpg"></figure>

«Мен үшін қымбаттысың, Сыр елім!»: Алдажар Әбіловтің шығармашылық кеші өтті

<a href="https://kyzylorda-news.kz/">Kyzylorda-news.kz.</a> Биыл Қызылорда облысында тәжірибе ретінде егілген 3,5 гектар қант қызылшасы толық жиналып, 61 тонна өнім алынды. Бұл туралы Өңірлік коммуникациялар қызметінің баспасөз алаңында өткен брифингте Қызылорда облыстық ауыл шаруашылығы және жер қатынастары басқарма басшысының орынбасары Айнұр Тілеулеева жеткізді.&nbsp;Аймақтағы су тапшылығы секілді күрделі жағдайларға қарамастан Сыр диқандары биыл егілген дақылдарға агротехникалық талаптарға сай күтіп-баптау жұмыстарын өз мерзімінде жүргізіп, егін жинау науқанын сәтті аяқтады.<blockquote>«Жалпы егін жинау қорытындысымен күздік бидай дақылынан 10,2 мың тонна, жаздық бидайдан 4,2 мың тонна, жаздық арпадан 174 тонна, тарыдан 1789,2 тонна, дән жүгеріден 3163 тонна өнім алынса, картоп, көкөніс және бақша дақылдарынан 420 мың тоннаға жуық өнім алынды. Сонымен қатар, майлы дақыл күнбағыстан 160,8 тонна, соядан 516,3 тонна, мақсарыдан 5 122 тонна өнім алынды», - дейді Айнұр Маратқызы.&nbsp;</blockquote>Мал азықтық дақылдарды дайындау мақсатында ауыл шаруашылық құрылымдары ескі жоңышқаны үш рет орды. Нәтижесінде барлығы 278,8 мың тонна шөп дайындалды.&nbsp;Спикердің айтуынша, биылғы жылы егілген жаңа жоңышқадан 22,7 мың тонна жоңышқа шөбі жиналған. Сондай-ақ, қант құмайынан 1,6 мың тонна өнім алынса, биылғы жылы тәжірибе ретінде егілген 3,5 гектар қант қызылшасы толық жиналып, 61 тонна өнім алынды.<figure class="image"><img src="https://knadmin.beoblood.kz/uploads/Whats_App_Image_2022_11_17_at_16_35_52_115191e429.jpeg" alt="WhatsApp Image 2022-11-17 at 16.35.52.jpeg"></figure>

Қызылордада тәжірибе ретінде егілген 3,5 гектар қант қызылшасынан 61 тонна өнім алынды

<a href="https://kyzylorda-news.kz/">Kyzylorda-news.kz.</a> Қызылорда облыстық ауыл шаруашылығы және жер қатынастары басқарма басшысының орынбасары Айнұр Тілеулеева биыл су тапшылығы мәселесін оңтайлы шешу мақсатында елді мекендерге 114 насос қондырғысы орнатылғанын айтты.&nbsp;<blockquote>«Соңғы жылдары аймағымызда су тапшылығы мәселесі орын алып келеді. Бұл ретте, Сырдария өзеніндегі су тапшылығының алдын алу мақсатында &nbsp;биылғы жылы Үкімет резервінен 3,6 млрд. теңге қаржы бөлініп, бөлінген қаржыға нақты елді мекендерге 114 насос қондырғысы жеткізіліп беріліп, 45 ұңғыманың бұрғылау жұмыстары мен 16 каналды тазалау жұмыстары жүргізілді», - деді Айнұр Маратқызы.&nbsp;</blockquote>Сыр өңіріндегі су тапшылығына байланысты негізгі дақыл күріш егістіктері қысқартылған болатын.&nbsp;<blockquote>«Өткен жылмен салыстырғанда 5 мың гектар күріш алқабы қысқартылып, оның орнына суды аз қажет ететін мал азықтық дақылдар мен қатар картоп, көкөніс, бақша дақылдарының егіс көлемдері 7,3 мың гектарға ұлғайтылды. Сондай-ақ, егістікті әртараптандыру бағытындағы дақылдарды ұлғайту шаралары жалғасын тауып, 1945 гектар жүгері, 189 гектар соя, 358 гектар қант құмайы, 3,5 гектар қант қызылшасы егілді», - деді Айнұр Тілеулеева.&nbsp;</blockquote>Басқарма басшысының орынбасары брифинг барысында облыс әкімінің жергілікті тұрғындарды өзін-өзі әлеуметтік маңызы бар азықтармен қамтамасыз етуі үшін тапсырылған бірқатар тапсырмасына сәйкес атқарылған жұмыстарды да саралап өтті.&nbsp;<blockquote>«Аймақ басшысының тапсырмасына сәйкес, тұрғындардың өзін-өзі картоп, көкөніс, бақша өнімдерімен қамтамасыз ету бойынша тиісті іс-шаралар іске асырылды. Бұл мақсатта Қызылорда қаласы мен барлық аудандарда 1433 гектар қосымша жер дайындалды. Бұл аумақтар 6802 отбасыға бөлініп берілді.Бұл өз кезегінде өңірдің аграрлық аймақ ретінде азық-түлік қауіпсіздігін қамтамасыз етуге септігін тигізуде», - дейді Айнұр Маратқызы.&nbsp;</blockquote><figure class="image"><img src="https://knadmin.beoblood.kz/uploads/Whats_App_Image_2022_11_17_at_16_35_52_115191e429.jpeg" alt="WhatsApp Image 2022-11-17 at 16.35.52.jpeg"></figure>

Қызылордада елді мекендерге 114 насос қондырғысы орнатылған

<a href="https://kyzylorda-news.kz/">Kyzylorda-news.kz.</a> Биыл Қызылорда облысының диқандары 188,5 мың гектар жерге егін екті. Бұл туралы Өңірлік коммуникациялар қызметінің баспасөз алаңында өткен брифингте Қызылорда облыстық ауыл шаруашылығы және жер қатынастары басқарма басшысының орынбасары Айнұр Тілеулеева мәлімдеді.&nbsp;Брифингте басқарма басшысы салада атқарылып жатқан шаралар туралы баяндады.&nbsp;<blockquote>«Өздеріңізге белгілі, ауыл шаруашылығының ел экономикасындағы мәні мен маңызы зор. Облыстың агроөнеркәсіп саласында тынымсыз еңбек етіп, ауыл шаруашылығы саласының өркендеп өсуіне өлшеусіз үлес қосып жүрген асыраушы сала мамандары үшін бүгінгі күннің орны ерекше. Себебі, Сыр диқандары жаздың аптап ыстығы мен қыстың аяз-боранынан қаймықпай кәсіби шеберлік пен шыдамдылықтың арқасында саланың өсіп-өркендеуіне өз үлестерін қосып келеді. Соның нәтижесінде, жыл сайын ел қамбасына астық молынан құйылып, мал шаруашылығы өнімдерінің өндірісі ұлғаюда. Атап айтқанда, биылғы жылдың 10 айында ауыл шаруашылығы саласында 161,3 млрд. теңгенің өнімі өндіріліп, өсім көрсеткіші 100,1 пайызға артып отыр. Оның ішінде, өсімдік шаруашылығы бойынша – 107 920,6 млн. теңгенің өнімі өндірілсе, мал шаруашылығы бойынша – 51 798,0 млн. теңгенің өнімі өндірілді», - деді басқарма басшысының орынбасары Айнұр Тілеулеева.&nbsp;</blockquote>Жалпы биылғы жылы облыс диқандары 188,5 мың гектар жерге егін екті. Оның ішінде негізгі дақыл – күріштің көлемі 78,6 мың гектарды құрап, бүгінгі күні күріштің әр гектарынан 56,7 центнерден өнім алынып отыр.<figure class="image"><img src="https://knadmin.beoblood.kz/uploads/Whats_App_Image_2022_11_17_at_16_35_50_5f1eec800f.jpeg" alt="WhatsApp Image 2022-11-17 at 16.35.50.jpeg"></figure>

Қазақстан және Қызылорда облысының жаңалықтары