Kyzylorda-news.kz. Қазақстан президенті Қасым-Жомарт Тоқаев “Самұрық-Қазына” қорының газ саласындағы жұмысын реформалау қажеттігін мәлімдеді, деп хабарлайды Sputnik Қазақстан.
Президент бизнесмендермен кездесуінде үкіметке мұнай өнімдерімен қамтамасыз ету, телекоммуникация нарығы, фармацевтика және басқа да бірқатар салада тәртіп орнату қажеттігін хабарлады. Бұл ретте жаңа өндірістерді ынталандыруда табиғи газбен қамтамасыз ету де ерекше рөл атқарады.
<blockquote>
 “Самұрық-Қазынаны” &nbsp;реформалау аясында ішкі нарықты газбен қамтамасыз етуге басымдық берілуге тиіс. Кәсіпкерлер ғана емес, облыс әкімдері де үкіметке, тіпті маған индустриялды жобаларды жүзеге асыру үшін газ бөлу туралы өтініштерін айтып жатыр. Ал газ жоқ. Газды отандық өндірісті іске қосу үшін пайдаланудың орнына экспортқа шығаратын жағдайға енді жол берілмейді”, – деді республика президенті.
</blockquote>

Мемлекет басшысы:  Газды экспорттауға енді жол берілмейді

Мемлекет басшысы отандық бизнес өкілдерімен кездесті

Kyzylorda-news.kz. Өткен аптада облыс әкімі Гүлшара Әбдіқалықова әлеуметтік маңызы бар азық-түлік тауарлары және жанар-жағармай бағаларын саралау үшін бірқатар сауда үйлері мен жанармай құю бекеттерін аралаған еді. Басты мәселе – азық-түлік қорында жетіспеушілікті болдырмау және негізгі азық-түлік өнімдерінің бағасын шекті мәннен асырмау. Бұл ретте бүгін облыс әкімі азық-түлік және жанар-жағармай мәселелері бойынша жиын өткізді.
<img src="https://kyzylorda-news.kz/wp-content/uploads/2022/01/fb_img_1642752235593.jpg" alt="" />
Отырысқа облыс әкімі аппаратының басшысы Ерлан Райғаниев, ауыл шаруашылығы басқармасының басшысы Талғат Дүйсебаев, облыстық кәсіпкерлік және туризм басқармасының басшысы Фердоуси Қожабергенов, «Байқоңыр» ӘКК» АҚ басқарма төрағасы Ерлан Нұрланбаев және департамент басшылары қатысты.
Басқарма басшысы Талғат Дүйсебаев азық-түлік қорына қатысты нақты шаралардың орындалу барысын тізбеледі.
Бүгінде 34 әлеуметтік дүкен мен 18 супермаркеттің әлеуметтік бұрыштарында 19 түрлі өнім шекті бағада сатылады. Сондай-ақ, елімізде жарияланған төтенше жағдайға байланысты өңірдегі сауда желілерінде азық-түлік тапшылығын болдырмау мақсатында Түркістан облысынан азық-түлік өнімдерін тасымалдайтын 122 жеке кәсіпкердің тізімі жасалды.
Тұрақтандыру қорында 291,4 млн.теңгені құрайтын 1393 тоннаның өнімі бар. Оның ішінде бірінші сұрыпты бидай ұны, қарақұмық жармасы, күріш, макарон, күнбағыс майы, қант және көкөніс өнімдері секілді 19 әлеуметтік маңызы бар азық-түлік қоры жиналған. Мұнан бөлек, «Байқоңыр» ӘКК» арқылы «айналым схемасы» бойынша бағаны тұрақтандыру үшін кәсіпкерлік субъектілеріне несие беруге 500 млн.теңгеге келісім- шарт жасалуда.
Ал, «Байқоңыр» әлеуметтік-кәсіпкерлік корпорациясының» басқарма төрағасы Ерлан Нұрланбаев қырыққабат пен картоп бағасында өсімнің барын айтып, Тұрақтандыру қорының өнімдерімен жәрмеңке ұйымдастыру арқылы бағаны ұстап тұру туралы ұсынысын жеткізді. 
Жиында өңірдегі жанар-жағармай қоры туралы да сөз болды. Облыстық кәсіпкерлік және туризм басқармасының басшысы Фердоуси Қожабергенов облыс аумағындағы мұнай өнімдерінің саудалануы туралы баяндады. Бүгінде бағаның шекті мәннен аспауына күнделікті мониторинг жүргізілуде. Аймақта 147 жанармай құю бекеті бар. АИ-92 маркалы бензинінің 4 574,1 тонна, дизель отынының 3 339,6 тонна қоры сақтаулы.
Жиынды қорытындылаған облыс әкімі азық-түлік пен көрсетілетін қызметтерге қатысты баға мониторингін әлі де күшейтуді тапсырды.
<img src="https://kyzylorda-news.kz/wp-content/uploads/2022/01/fb_img_1642752233021.jpg" alt="" />

Қызылорда:   Тұрақтандыру қорында 1393 тонна өнім бар

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова Қазақстанның Еңбек Ері Абзал Ералиевпен бірге Ұлы Отан соғысының ардагері Яхия Тасыровты 100 жас мерейтойымен құттықтап, Сыр халқы атынан автокөлік кілтін табыстады. Бұл туралы облыс әкімінің баспасөз хатшысы хабарлады.
Ғасыр куәгері береке-бірлік бар жерде ғана істің алға басатынын тілге тиек етіп, жастардың бейбіт күнде туған еліне адалдықпен, жанашырлықпен қарауы қажет екенін айтып, ақ батасын арнады.
Ардагер Сталинград, Курск қалалары мен Беларусь, Польша, Германия елдерінде шайқасқа қатысқан. Көптеген орден және медаль иегері, Сырдария ауданы мен Қызылорда облысының Құрметті азаматы. 2018 жылдың қорытындысы бойынша «Жыл адамы» атағын алған.
<img src="blob:https://kyzylorda-news.kz/c5c6ad13-d70e-4486-8ff1-36481af06cda" alt="" />

Гүлшара Әбдіқалықова соғыс ардагерін 100 жасымен құттықтады

<a href="https://kyzylorda-news.kz/">Kyzylorda-news.kz.</a> ҚР Президентінің төтенше жағдайды енгізу туралы жарлықтарының негізінде Қызылордадағы ҚАЖ мекемелерінде биылғы жылдың 19 қаңтарына дейін шектеу шаралары енгізілген болатын. Шектеу шараларын қолдану кезеңінде ҚАЖ мекемелерінің ішкі күн тәртібі уақытша өзгертілді.
Кездесулердің барлық түрлері және телефон арқылы сөйлесулер, оның ішінде бейнебайланыс арқылы сөйлесулер шектелген болатын. Алайда, төтенше жағдай режимі аяқталған соң кездесулер жанданып, телефон арқылы сөйлесулер жолға қойылды.
Қауіпсіздігі барынша төмен мекемесіндегі жазасын өтеушілер отбасымен телефон арқылы байланысқа шығып, балаларын көріп, отбасының амандығын біліп, көңілдеріне медеу тұтып, бір қуанып қалды.
<blockquote>
 «Төтенше жағдай режимі кезінде отбасыммен сөйлесе алмадым. Қазір ғана балаларыммен сөйлесіп амандығын біліп, қуанып отырмын. Мен үшін отбасымның амандығы бірінші кезекте, балаларым баға жетпес байлықтарым. Аман –есен жазамды өтеп отбасыма тезірек оралсам деймін. Балаларыммен сөйлесуге мүмкіндік берген мекеме әкімшілігіне алғысым шексіз», – деді сотталған азамат.
</blockquote>

Қызылордада сотталғандардың бейнебайланыс арқылы тілдесуі жанданды

<a href="https://kyzylorda-news.kz/">Kyzylorda-news.kz.</a> Карантин талаптарының сақталуын қадағалау мақсатында Қызылорда қаласы әкімдігі жанынан құрылған мониторингтік топ бірқатар нысандарды аралады.
Мониторинг барысында Қызылорда облысының Бас мемлекеттік санитариялық дәрігерінің 2022 жылғы 14 қаңтардағы №1 қаулы талаптары мен коронавирус инфекциясының таралуына жол бермеу мақсатында карантиндік шараларды сақтаудың маңыздылығы түсіндірілді.
Топ мүшелері қала тұрғындары мен қонақтарын бетперделік режимі мен әлеуметтік қашықтықты қатаң сақтауға шақырады.
Сонымен қатар, вирустан сақтануда тұрғындардың вакцинация мен ревакцинациядан өтуі, санитариялық-эпидемиологиялық талаптарды орындауы, халық көп жиналатын орындарға баруды шектеуі, шетелдік сапарларды кейінге шегеруі аса маңызды шаралардың бірі.
<img src="https://kyzylorda-news.kz/wp-content/uploads/2022/01/fb_img_1642744785184.jpg" alt="" />

Карантин: Қызылордада мониторинг жұмыстары жалғасуда

<a href="https://kyzylorda-news.kz/">Kyzylorda-news.kz.</a> Қызылорда облысында «Құқық тәртібі» жедел профилактикалық іс-шарасы жалғасуда.
Облыс орталығында 396 жалдамалы пәтер тексерілді. Облыс бойынша барлығы 1475 әкімшілік құқық бұзушылық анықталды. Мәселен, ұсақ бұзақылықтың 162 дерегі тіркелсе, қоғамдық орында масаң күйде болудың 136 дерегі, қоғамдық тәртіпті қамтамасыз етуге қатысатын адамның заңды талабына бағынбаудың 2 дерегі, жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауының 6 дерегі анықталды.
Сонымен қатар, спорттық және спорттық-бұқаралық, ойын-сауық мәдени-бұқаралық іс-шараларды өткізуді ұйымдастыру тәртібін бұзудың 170 дерегі, Қазақстан Республикасында тiркеусiз не жеке басты куәландыратын құжаттарсыз тұрудың 173 дерегі, құқық қорғау органы немесе арнаулы мемлекеттік органның заңды өкіміне немесе талабына бағынбау бойынша 1 дерек анықталып, барлығы заңға сәйкес жауапкершілікке тартылды. Бұл бағыттағы жұмыстар өз жалғасын табатын болады.

«Құқық тәртібі»:   Қызылордада 396 жалдамалы пәтер тексерілді

<a href="https://kyzylorda-news.kz/">Kyzylorda-news.kz.</a> Қызылордалық кәсіпкерлердің өткен жылдан көтеріп жүрген өзекті мәселесі шешімін тапты.
11 қаңтарда «ҚазТрансГаз» ҰҚ» АҚ жаңа коммуналдық-тұрмыстық және өнеркәсіптік кәсіпорындарды газбен жабдықтау жүйесіне қосуға техникалық шарт беру қайта басталғанын жеткізді. 2021 жылдың 17 қыркүйегінде «ҚазТрансГаз» ҰҚ» АҚ бас директоры «Газбен жабдықтау жүйесіне қосуға техникалық шарттарды беруді тоқтата тұру туралы» бұйрық шығарған болатын. Бұйрыққа сай 11 өңірде, соның ішінде Қызылорда облысында жаңадан қосылатын кәсіпкерлік нысандарға техникалық шарт беру тоқтатылды.
<blockquote>
 «Кәсіпкерлік нысандарды газбен жабдықтау жүйесіне қосуға техникалық шарттарды беруді тоқтату кәсіпкерлікті дамытуға айтарлықтай кедергісін келтірді. Кәсіпкерлер нысандарды уақытылы іске қоса алмауы салдарынан несиелік міндеттемелерді орындай алмай, қаржылық жағдайы нашарлады. Бізде бар ақпарат бойынша, облыста 27 кәсіпкерге техникалық шарт беруден бас тартылды. Шектеу шаралары өңірдің инвестициялық тартымдылығын төмендетуге және іске асырылып жатқан инвестициялық жобаларды тоқтатуға алып келетін еді», – дейді Кәсіпкерлер палатасының директоры Ғалымбек Жақсылықов.
</blockquote>
Аталған мәселеге қатысты Кәсіпкерлер палатасына кәсіпкерлік субъектілерінен газбен жабдықтау желілеріне қосуға техникалық шарттарды алуға көмек көрсету туралы бірнеше өтініш түсті.
Жеке кәсіпкер Бақытбек Ербошаев пен Қайрат Досымовта та мәселесін айтып, палатаға жүгінді. Кәсіпкерлер наубайхана ашу үшін жеңілдетілген несиеге құрал-жабдықтар сатып алады. Енді кәсіпкерлік нысанын газға қосайын деп «ҚазТрансГаз Аймақ» АҚ-ға өтініш берсе, ұйым бас тартады.
Бұл мәселе Палата мамандарымен жан-жақты зерделеніп, өткен жылдың 23 желтоқсанында Өңірлік кеңес отырысында да облыстық энергетика және тұрғын үй-коммуналдық шаруашылығы басқармасы, «ҚазТрансГаз Аймақ» АҚ мамандарымен талқыланды.
<blockquote>
 «Біздің мәселеміз Өңірлік кеңесте қаралып, оң шешілді. Палата мамандарының сүйемелдеуімен техникалық шарт алып, қазір газға қостыру жұмыстарын реттеудеміз. Наубайхана ұжымы атынан Қызылорда облысы кәсіпкерлер палатасының ұжымына алғысымызды білдіреміз», – деді жеке кәсіпкер Қайрат Досымов.
</blockquote>
Кәсіпкерлер палатасы бұл проблеманың аймақта кәсібін жаңадан іске қосып жатқан кәсіпкерлерге айтарлықтай кедергі болып, алаңдаушылық тудырып тұрғанын ескертіп, өткен жылдың 27 желтоқсанында «ҚазТрансГаз» ҰҚ» АҚ-ға хат жолдаған еді. Жақында мәселенің оң шешілгені туралы ақпарат алды.
<blockquote>
 «Табиғи газ ел өңірлерінің әлеуметтік-экономикалық дамуында маңызды рөл атқаратынын, сондай-ақ Қоғамның шағын және орта бизнесті қорғауға бейінділігін ескере отырып, газ құбыры инфрақұрылымының техникалық мүмкіндігі мен жазғы және қысқы кезеңдерде жүктелуін ескере отырып, газбен жабдықтау жүйесіне жаңа коммуналдық-тұрмыстық және өнеркәсіптік кәсіпорындарды қосуға техникалық шарттарды беруді қайта бастау қажеттілігі туралы хабарлаймыз», – делінген «ҚазТрансГаз» ҰК» АҚ өңірлердегі «ҚазТрансГаз Аймақ» АҚ-на жазған хатында.
</blockquote>
Осы мәселеге қатысты сұрақтар туындаған жағдайда Қызылорда облысы кәсіпкерлер палатасының мамандары көмек көрсетуге әзір. Байланыс телефоны 8 /7242/ 40-09-81.

Қызылордада кәсіпкерлерге газ тарату жүйелеріне қосылу үшін техникалық шарт беру басталды

<a href="https://kyzylorda-news.kz/">Kyzylorda-news.kz.</a> Тарихы тереңнен сыр шертетін Қазалы қаласындағы республикалық санаттағы архитектуралық ескерткіштердің бірі – Ғанибай үйі. Халық арасында «Керуен сарайы» аталып кеткен бұл ғимаратқа реставрация жұмыстары жүргізіліп, қайта қалпына келтірілді.
Бүгін аудан әкімі Мұхтар Оразбаев керуен сарайына арнайы барып, атқарылған жұмыстарға оң бағасын берді. Мұнан соң қайта қалпына келтірілген ғимаратты пайдалану қажеттігін айтты.
<blockquote>
 “Аудан тарихы үшін маңызы жоғары мұндай ғимаратты біз пайдалануымыз қажет. Бұл нысан кімнің меншігінде? Ұсыныстарыңызды беріңіздер. Біз қолдан келгенше қолдап, көмектесуге әзірміз”, – деді Мұхтар Әуесұлы.
 “Бұл ғимарат Ғани Мұратбаев атындағы №17 мектептің меншігінде. Қазіргі таңда бұл мектепте акт залы, асхана сияқты бірнеше бөлмелер жетіспейді. Соған байланысты ұсыныстарымызды береміз”, – деді аудандық білім бөлімінің басшысы Әділхан Жөлекешов.
 “Бөлмелердің қабырғасы теп-тегіс етіп сыланып, төбесі де жақсы жабылған. Енді ғимаратқа жылу кіргізіп, жарығын жүргізіп, есік-терезесін салып, қабырғасын әдемі етіп бояса, пайдалануға дайын тұр”, – деді аудандық мәдениет және тілдерді дамыту бөлімінің басшысы Болат Жолтаев.
</blockquote>
Аудан әкімі Мұхтар Оразбаев тиісті сала басшыларына ғимаратқа жылу, жарық және тағы басқа жөндеу жұмыстарына қажетті қаржыны есептеп, қаржыландыруға ұсыныс беруді тапсырды.
Мұнан соң аудан басшысы Ғанибай мешітіне барып, ғимараттың жай-күйін көзбен көрді. Қазіргі таңда аудандық мәдениет және тілдерді дамыту бөлімінің теңгерімінде тұрған нысан бос тұр. Сондықтан болар, ғимараттың жағдайы азып барады.
Осыған орай аудан әкімі Мұхтар Оразбаев бұл ғимаратқа жөндеу жұмыстарын жүргізіп, қалалық жастар ресурстық орталығына беруді тапсырды. Ол үшін алдымен тарихи маңызы бар нысанға жөндеу жұмыстарын жүргізу қажет.
<blockquote>
 “Ғанидың ізбасарлары саналатын аудан жастары өте белсенді. Оның ішінде Қазалы қаласында шығармашыл, талантты жастар жетерлік. Олардың бірі әуелете ән салса, енді бірі мың бұрала би билейді. Он саусағынан өнер тамған ісмер, шеберлері де баршылық. Сондықтан олардың басын қосып, түрлі шаралар ұйымдастыратын орын өте қажет. Жастарға осы ғимарат лайықты деп ойлаймын. Сондай-ақ, қаладағы ақсақалдар үшін де бұл жерден орын табылады”, – деді Мұхтар Әуесұлы.
</blockquote>
<img src="https://kyzylorda-news.kz/wp-content/uploads/2022/01/01.jpg" alt="" />
<img src="https://kyzylorda-news.kz/wp-content/uploads/2022/01/04.jpg" alt="" />

Мұхтар Оразбаев: Бос тұрған ғимараттарды пайдалану қажет

<a href="https://kyzylorda-news.kz/">Kyzylorda-news.kz.</a> Қызылорда қалалық пробация қызметі мен әлеуметтік бейімдеу-оңалту орталығы бірлесіп қайырымдылық шарасын өткізді.
Дәлірек айтсақ, төтенше жағдай кезінде қалалық пробация есебінде тұратын 7 сотталғанның отбасына азық-түлік таратылды.
<blockquote>
 “Қалалық пробация қызметінің мамандары бізге әрдайым рухани жағынан қолдау білдіріп отырады. Одан бөлек әлеуметтік-құқықтық, психологиялық, медициналық көмектер көрсетіледі. Кешегі төтенше жағдай кезінде азық-түлік үлестіріп, қайырымдылық жасады”, – деді есептегі азамат.
</blockquote>

Қайырымдылықта шекара жоқ

Kyzylorda-news.kz. Денсаулық адамға берілетін ең басты сый. Денсаулық болмаса адамға ешқандай байлық та, атақ та қажет болмайды. Бірақ қазіргі кезде денсаулыққа зиянды нәрселер өте көп. Оның бірі – есірткі.
Есірткі – бұл адамның көңіл – күйін, сана – сезімін, мінез – құлқын бұзатын қауіпті, тыйым салынған химиялық зат. Өкінішке орай, қазіргі кезде есірткінің құрбанына айналған жандар өте көп. Олардың көбісі жасөспірімдер. 
Жасөспірімдік нашақорлық – жас, нәзік ағзаның өмірін бұзатын қорқынышты құбылыс. Қазір жасөспірімдер есірткіге тәуелді болып, өз өмірлерін құртып жатқандарын түсінбейді. 
Себебі, есірткіге тәуелді адам бірте-бірте адамгершілік қасиеттері мен қабілеттерін жоғалтады. Сонымен қатар,олардың жүрек, қан айналымы, асқазан, өкпе мүшелері зақымданады және олардың тек денсаулығына ғана емес, болашағына да қауіп төнеді. Осылайша олар өз өмірлерін құртады, психикасының бұзылу салдарынан достарынан, жақындарынан айырылады. Осы жағдайлар жасөспірімдерде кездеспес үшін әрбір ата-ана өз баласын қадағалап,есірткінің зиян екенін түсіндіруі керек. Сонымен қатар, түсіндіріп қана қоймай өздері де зиянды әдеттерден тыйылуы қажет. Әр адам өз тағдырының иесі. Алға мақсат қойып, сол мақсатқа нық қадам бассақ барлығына қол жеткізе аламыз. Бұл жолда бізге тек салауатты өмір салты мен спортпен шұғылдану көмектесе алады. Яғни біз спортпен айналыссақ, денсаулығымыз мықты болады. Сонымен қатар, «Болашақ-жастардың қолында» демекші еліміздің де болашағы жарқын болады.Жас достар! Нашақорлыққа қарсы күрес жүргізу – біздің қолымызда, өйткені біздер Тәуелсіз елдің салауатты жастарымыз. Мен осы үндеуім арқылы қазіргі жастарды есірткіден аулақ болуға, зиянды заттың кесірінен өз өмірлеріне балта шаппауға шақырамын!
Балшекер Маханова, 
Қызылорда қаласы №12 IT лицей мектебінің 8-сынып оқушысы.

&#8220;Мен саған есірткі жайлы айтып беремін&#8221;

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова Қызылорда қаласындағы «Сабалақ» саяжайындағы ауыз су қоймасының құрылысын көрді.
Тұрғындар үшін өзекті саналатын мәселелерді шешу маңызды. Әсіресе, елді мекендерді ауыз сумен қамту, жол сапасын жақсарту, білім ошақтарын салу сынды мәселелер кезең-кезеңімен шешілуде.
«Сабалақ» саяжайын ауыз сумен қамтамасыз ету үшін 2019-2021 жылдар аралығында ұзындығы 67 шақырымды құрайтын магистральді және ішкі ауыз су желілері жүргізіліп, елді мекен тұрғындарына пайдалануға берілді. Сондай-ақ, жаз мезгілінде су тапшылығын болдырмау мақсатында жеке демеуші есебінен қосымша ұңғыма қазылып, сыйымдылығы 50 текше метр болатын ауыз су мұнарасының құрылысы жүргізілді. Бүгінде жұмыстар толық аяқталып, орталық су желісіне қосылды.
Өңір басшысы тұрғындардың игілігі үшін елді мекендерді ауыз сумен қамтамасыз ету жұмыстарының жоспарға сай әрі сапалы жүргізу керектігін қаперге салды.
Бүгінде облыс халықының 97 пайызы орталықтандырылған ауыз суға қосылған. 
Мұнан кейін өңір басшысы «Арай-3» мөлтек ауданындағы жаңадан салынатын мектеп құрылысы үшін бөлінген жер учаскесіне барды. 
Мөлтек ауданынан 800 орындық мектеп құрылысын салу үшін 3 гектар жер учаскесі белгіленген. Қазір білім ордасының жобалық-сметалық құжаттамасы әзірлеу мен құрылысқа дайындау жұмыстары басталды.
Мұнан бөлек, аумақта сот қызметкерлерін баспанамен қамтамасыз ету үшін 1 гектар жер қаралған. Екі жоба бойынша аталған аумақтарды құммен толтыру жұмыстарын жүргізу керек. Мамандардың есебіне сәйкес, 250 мың текше метр, яғни 500 мың тонна құм керек.
Облыс әкімі Гүлшара Әбдіқалықова демографиялық көрсеткіштің артуына байланысты жаңа мектептерді салу қажеттігін атап өтіп, жаңа мектеп орын тапшылығы шешуге ықпал ететінін тілге тиек етіп, қала әкімі Ғанибек Қазантаев пен құрылыс, сәулет және қала құрылысы басқармасының Бердияр Пірімбетовке мектеп салу ісіне қажетті жұмыстардың уақытылы әрі сапалы жүргізу керектігін тапсырды.
Айта кету керек, аймақта өткен жылдың қыркүйек айында 750 орындық 3 мектеп пайдалануға берілді. Оның екеуі жеке меншік мектеп. Биыл 8 мектептің құрылысы жүргізіліп, 7 білім ордасы жыл аяғына дейін пайдалануға беріледі.
<img src="https://kyzylorda-news.kz/wp-content/uploads/2022/01/fb_img_1642736349427.jpg" alt="" />
<img src="https://kyzylorda-news.kz/wp-content/uploads/2022/01/fb_img_1642736357906.jpg" alt="" />

Қазақстан және Қызылорда облысының жаңалықтары

Мемлекет басшысы: Газды экспорттауға енді жол берілмейді

Мемлекет басшысы отандық бизнес өкілдерімен кездесті

Қызылорда: Тұрақтандыру қорында 1393 тонна өнім бар

Гүлшара Әбдіқалықова соғыс ардагерін 100 жасымен құттықтады

Қызылордада сотталғандардың бейнебайланыс арқылы тілдесуі жанданды

Карантин: Қызылордада мониторинг жұмыстары жалғасуда

«Құқық тәртібі»: Қызылордада 396 жалдамалы пәтер тексерілді

Қызылордада кәсіпкерлерге газ тарату жүйелеріне қосылу үшін техникалық шарт беру басталды

Мұхтар Оразбаев: Бос тұрған ғимараттарды пайдалану қажет

Қайырымдылықта шекара жоқ

“Мен саған есірткі жайлы айтып беремін”

Қызылорда: «Сабалақ» саяжайы орталықтандырылған ауыз су желісіне қосылды

Қазақстан және Қызылорда облысының жаңалықтары

Мемлекет басшысы: Газды экспорттауға енді жол берілмейді

Мемлекет басшысы отандық бизнес өкілдерімен кездесті

Қызылорда: Тұрақтандыру қорында 1393 тонна өнім бар

Гүлшара Әбдіқалықова соғыс ардагерін 100 жасымен құттықтады

Қызылордада сотталғандардың бейнебайланыс арқылы тілдесуі жанданды

Карантин: Қызылордада мониторинг жұмыстары жалғасуда

«Құқық тәртібі»: Қызылордада 396 жалдамалы пәтер тексерілді

Қызылордада кәсіпкерлерге газ тарату жүйелеріне қосылу үшін техникалық шарт беру басталды

Мұхтар Оразбаев: Бос тұрған ғимараттарды пайдалану қажет

Қайырымдылықта шекара жоқ

&#8220;Мен саған есірткі жайлы айтып беремін&#8221;

Қызылорда: «Сабалақ» саяжайы орталықтандырылған ауыз су желісіне қосылды

“Мен саған есірткі жайлы айтып беремін”