<a href="https://kyzylorda-news.kz/">Kyzylorda-news.kz.</a>&nbsp;Қазақстандық әйелдердің зейнет жасы 61 жасқа дейін төмендейді. Бұл туралы президент Қасым-Жомарт Тоқаев мәлімдеді.
<blockquote>
 «Жұртшылықтың өтінішін ескеріп, әйелдер үшін зейнет жасы 2028 жылға дейін 61 жас деңгейінде тіркеледі. Бірыңғай жинақтаушы зейнетақы қорының тиімді инвестициялық стратегиясын әзірлеу қажет», – деді Президент.
</blockquote>

Әйелдердің зейнет жасы 61 жасқа дейін төмендейді

<a href="https://kyzylorda-news.kz/">Kyzylorda-news.kz.</a>&nbsp;Бүгін 1 қыркүйек – Білім күніне байланысты білім беру мекемелерінде алғашқы қоңырау соғылды. Осы ретте Қызылорда облысының қоғамдық даму басқармасының басшысы Мира Қазбекова қаладағы Байзақ Момынбаев атындағы №278 ІТ мектеп-лицейіндегі салтанатты шараға қатысып, білім күнімен құттықтады.
<blockquote>
 «Облыс көлемінде оқушылар саны өткен жылмен салыстырғанда бес мыңға артып, 18 мыңға жуық бүлдіршін алғаш мектеп табалдырығын аттап отыр. Ел Президентінің тапсырмасына сәйкес 2025 жылға дейін республика бойынша апатты және үш ауысымды мектептерді жою мақсатында 1000 мектеп салынады. Өңірде жалпы 2023-2025 жылдары бекітілген жоспар бойынша, 20 мемлекеттік, 12 жеке мектеп салу жоспарлануда. Бүгін – ұстаздар мен оқушылар үшін қуанышты күн. Балаларымыздың болашағы зор болсын! Осы мектептен түлеп ұшқан түлектер Сыр өңірінің атын әлемге танытатын азамат болып, білім шаңырағында бәсекеге қабілетті жас ұрпақ тәрбиелене берсін деген тілек білдіреміз. Жаңа оқу жылы құтты болсын», – деді басқарма басшысы Мира Жомартқызы.
</blockquote>
<img src="https://kyzylorda-news.kz/wp-content/uploads/2022/09/738e5f12-f9cd-4da8-84c2-6bdd8c712017.jpg" alt="" />
<img src="https://kyzylorda-news.kz/wp-content/uploads/2022/09/4159490d-e132-4e03-aae2-921f95d4fd12.jpg" alt="" />

Қызылорда: Алғашқы қоңырау соғылды

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы әрбір отбасы елдің ұлттық байлығынан нақты табыс алуы керек екенін ескертті.
<blockquote>
 «Жалпыхалықтық референдумда қабылданған конституциялық өзгерістер Әділетті Қазақстанның символына айналды. Біз Ата заңымызда жер мен табиғи ресурстар халықтың меншігі деген басты қағидатты бекіттік. Бұл – құр сөз емес. Бұл – барлық реформаның арқауы», – деді Президент.
</blockquote>
Мемлекет басшысы әрбір отбасы елдің ұлттық байлығынан нақты табыс алуы керек екенін ескертті.
<blockquote>
 «Сондықтан мен жариялаған Балалар жылы аясында жаңа «Балаларға арналған ұлттық қор» бағдарламасын іске қосуды аса маңызды деп санаймын», – деді Қасым-Жомарт Тоқаев.
</blockquote>

Әрбір отбасы елдің ұлттық байлығынан нақты табыс алуы керек

<a href="https://kyzylorda-news.kz/">Kyzylorda-news.kz.</a> Мемлекет басшысы Қазақстан халқына Жолдауында «Жайлы мектеп» ұлттық жобасы қолға алынғанын айтып өтті.
<blockquote>
 «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды. Біз 2025 жылға дейін 800 мың баланың заманауи мектепте оқуына жағдай жасаймыз. Осылайша, апатты жағдайдағы және үш ауысыммен оқитын мектеп мәселесін толық шешеміз. Бұл ауыл және қала мектептерінің айырмашылығын едәуір азайтады. Жалпы, мектеп салу Үкімет және әкімдіктер үшін басты міндеттің бірі болуы керек», – деді Мемлекет басшысы
</blockquote>

Орта білімнің сапасы &#8211; табысты ұлт болудың маңызды шарты

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев 2025 жылға дейін жергілікті жолдардың кемінде 95 пайызын жақсарту жөнінде тапсырма берген.
<blockquote>
 Үкімет бұл мәселені тікелей бақылауға алсын. Жол құрылысындағы заңсыздықтарды анықтау қажет. Бұл жұмыстан нақты нәтиже шығару керек. Бізде әлі күнге дейін битум тапшы. Бұл – ірі көлемде мұнай өндіретін ел үшін, тіпті, ұят жағдай. Үкімет осы мәселені түбегейлі шешуге тиіс», – дейді Президент.
</blockquote>
Мемлекет басшысы Үкіметтің жұмысында қайта-қайта олқылықтар болып жатқанын да атап өтті.
<blockquote>
 «Жалпы, ашығын айтуымыз керек, Үкіметтің жұмысында қайта-қайта олқылықтар болып жатыр. Біресе жанар-жағармай, біресе шекер жетіспейді. Осының бәрі Үкіметтің нақты шешім қабылдауға келгенде өте баяу қимылдап, батыл қадам жасай алмауынан болып отыр. Мұндай жағдайға азаматтардың да көңілі толмайды. Әрине, бұл – орынды. Сондықтан, дәл осылай жалғаса берсе, тағы да нақты кадрлық шешімдер қабылдауға тура келеді», – деді Қасым-Жомарт Тоқаев.
</blockquote>

Тоқаев: Үкіметтің жұмысында қайта-қайта олқылықтар болып жатыр

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қазақстан Жолдауында Ұлттық қордың қаржысын тиімсіз жұмсау тоқтату өте өзекті мәселе екенін ескертті.
<blockquote>
 «Ұлттық қордың қаржысын тиімсіз жұмсау тоқтатылады. Бұл – өте өзекті мәселе. Қордың қаражатын аса қажет инфрақұрылымды дамытуға және еліміз үшін маңызы зор жобаларды қаржыландыруға жұмсаймыз. Бюджет үдерістерін барынша жеңілдету қажет. Мемлекеттік органдардың игерілмеген қаражатты келесі жылға қалдыруына мүмкіндік беру керек. Сол арқылы олар ақшаны бюджетке қайтарудың тиімсіз тәртібінен құтылады. Сонымен бірге, бюджетке қатысты тәуекелдерді басқару жүйесін іске қосу керек. Бұл жүйе квазимемлекеттік секторды да қамтуға тиіс», – дейді Қасым-Жомарт Тоқаев.
</blockquote>

Мемлекет басшысы: Ұлттық қордың қаржысын тиімсіз жұмсау тоқтатылады

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Қазақстан халқына Жолдауында мемлекетіміздің шикізатқа әлі де тәуелді екенін айтты.
<blockquote>
 «Біз экономикамызда қордаланған мәселелерді жақсы білеміз. Мысалы, шикізатқа әлі де тәуелдіміз. Еңбек өнімділігі төмен, инновация жеткіліксіз. Ұлттық табыстың игілігін жұрттың бәрі бірдей көріп отырған жоқ. Әрине, мұның барлығы – күрделі мәселелер. Бірақ, оны шешудің нақты жолдары бар», – деді Президент.
</blockquote>

Президент мемлекеттің әлі де шикізатқа тәуелді екенін атап өтті

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қасым-Жомарт Тоқаевтың Қазақстан халқына Жолдауы басталды.
<blockquote>
 «Халқымыз жалпыұлттық референдумда саяси жаңғыру бағдарын қолдады. Конституциялық реформа Жаңа, Әділетті Қазақстанды құру жолындағы аса маңызды қадам болды», – деді Мемлекет басшысы.
</blockquote>

Тоқаев: Халқымыз жалпыұлттық референдумда саяси жаңғыру бағдарын қолдады

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қасым-Жомарт Тоқаевтың қатысуымен ҚР Парламенті палаталарының бірлескен отырысы басталды. Отырыста Президент Қазақстан халқына Жолдауын жариялайды.
Мемлекет басшысының Жолдауы <a href="https://www.youtube.com/watch?v=-0qwLoUpCAs">тікелей эфирде</a> көрсетіліп жатыр.
Бүгінгі жиынға депутаттық корпустан бөлек, Мемлекеттік кеңесші Ерлан Қарин, ҚР Премьер-Министрі Әлихан Смайылов бастаған Үкімет мүшелері толық құрамда келген.
Сонымен қатар Конституциялық Кеңес пен ҚР Жоғарғы сотының төрағалары мен мүшелері, ҚР Президентіне тікелей есеп беретін және бағынатын орган басшылары, мемлекеттік ұйымдар басшылары, азаматтық қоғам өкілдері де қатысып отыр.
Сондай-ақ Мәжілістің 107 депутатының 100-і және Сенаттың 55 депутатының 50-і қатысып отыр.

ҚР Парламенті палаталарының бірлескен отырысы басталды

<a href="https://kyzylorda-news.kz/">Kyzylorda-news.kz.</a> Бүгін еліміздің мектептері мен оқу орындарында жаңа оқу жылы басталды. Дәстүрге сай 1 қыркүйек елімізде алғашқы қоңырау салтанатты шарасы ретінде аталып өтіледі.
Жаңа оқу жылында Қызылорда облысы бойынша 18 мыңға жуық бала бірінші сыныптың табалдырығын аттады. Осы ретте қазақ тілінде оқытатын мектептерде бірінші сынып оқушылары қазақ тілінде, орыс тілінде оқытатын мектептерде – қазақ және орыс тілдерінде оқытылатын болады. Қазақ мектептерінде орыс тілі пәні 2 сыныптан бастап оқытылатын болса, ағылшын тілі 3 сыныптан бастап оқу жоспарына енгізілмек. Сонымен қатар, қаладағы үш ауысымда оқытатын 6 мектептен басқа барлық білім беру ұйымдары 5 күндік оқу аптасына ауыстырылды.
Сонымен қатар биыл өңірдегі 30 колледжде 20 мыңға жуық студент білім алады деп күтілуде. Қазіргі уақытта техникалық және кәсіптік білім беру ұйымдарына оқуға түсу үшін өтініштерді қабылдау аяқталды. Нәтижесінде, оқуға түсу үшін 6198 өтініш түссе, оның 4989-ы мемлекеттік білім грантына болса, 1209-ы ақылы негізде білім алуға құжат тапсырған.
Айта кетейік, Қызылорда облысында жаңа оқу жылының қарсаңында 3 жаңа мектеп ашылады. Ал жыл соңына дейін 5 мемлекеттік және 1 жеке мектепті пайдалануға беру жоспарланып отыр.

Білім күні: Қызылордада 3 жаңа мектеп ашылды

Kyzylorda-news.kz. Мемлекет басшысы Қасым-Жомарт Тоқаев бүгін Парламент палаталарының бірлескен отырысында Қазақстан халқына Жолдауын жариялайды.
Жолдаудың негізгі бөлігі еліміздің әлеуметтік-экономикалық дамуына арналады.
Бұған дейін белгілі болғандай, бүгін, 1 қыркүйек күні Парламент палаталарының бірлескен отырысы өтеді. Тиісті өкімге Мәжіліс төрағасы Ерлан Қошанов қол қойды.
Президент Жолдауы тікелей эфирден көрсетіледі.

Мемлекет басшысы бүгін Қазақстан халқына Жолдау жариялайды

Kyzylorda-news.kz. 1 қыркүйекте Қазақстанның басым бөлігінде бұлтты және құрғақ ауа райы күтіледі. Тек солтүстік-батыста, солтүстікте атмосфералық фронттардың өтуіне байланысты найзағай ойнап, жаңбыр жауады. Республика бойынша кей жерлерде жел күшейеді, деп хабарлайды Қазгидромет.
Атап айтқанда, Қызылорда, Түркістан, Ақтөбе облыстарының басым бөлігінде, Атырау облысының батысында, оңтүстігінде, Батыс Қазақстан облысының оңтүстігінде, солтүстігінде, шығысында, Абай, Қостанай, Қарағанды облыстарының оңтүстігінде төтенше өрт қаупі болжанады.

Қазақстан және Қызылорда облысының жаңалықтары

Әйелдердің зейнет жасы 61 жасқа дейін төмендейді

Қызылорда: Алғашқы қоңырау соғылды

Әрбір отбасы елдің ұлттық байлығынан нақты табыс алуы керек

Орта білімнің сапасы – табысты ұлт болудың маңызды шарты

Тоқаев: Үкіметтің жұмысында қайта-қайта олқылықтар болып жатыр

Мемлекет басшысы: Ұлттық қордың қаржысын тиімсіз жұмсау тоқтатылады

Президент мемлекеттің әлі де шикізатқа тәуелді екенін атап өтті

Тоқаев: Халқымыз жалпыұлттық референдумда саяси жаңғыру бағдарын қолдады

ҚР Парламенті палаталарының бірлескен отырысы басталды

Білім күні: Қызылордада 3 жаңа мектеп ашылды

Мемлекет басшысы бүгін Қазақстан халқына Жолдау жариялайды

1 қыркүйекке арналған ауа райы болжамы

Қазақстан және Қызылорда облысының жаңалықтары

Әйелдердің зейнет жасы 61 жасқа дейін төмендейді

Қызылорда: Алғашқы қоңырау соғылды

Әрбір отбасы елдің ұлттық байлығынан нақты табыс алуы керек

Орта білімнің сапасы &#8211; табысты ұлт болудың маңызды шарты

Тоқаев: Үкіметтің жұмысында қайта-қайта олқылықтар болып жатыр

Мемлекет басшысы: Ұлттық қордың қаржысын тиімсіз жұмсау тоқтатылады

Президент мемлекеттің әлі де шикізатқа тәуелді екенін атап өтті

Тоқаев: Халқымыз жалпыұлттық референдумда саяси жаңғыру бағдарын қолдады

ҚР Парламенті палаталарының бірлескен отырысы басталды

Білім күні: Қызылордада 3 жаңа мектеп ашылды

Мемлекет басшысы бүгін Қазақстан халқына Жолдау жариялайды

1 қыркүйекке арналған ауа райы болжамы

Орта білімнің сапасы – табысты ұлт болудың маңызды шарты