<a href="https://kyzylorda-news.kz/">Kyzylorda-news.kz.</a>&nbsp; Бүгін Кореяның батырлары Хон Бом До мен Ге Бон У мемориалдық кешенінде еске алу митингі өтті. Оған Қызылорда облыстық ҚХА хатшылығының меңгерушісі, облыстық ішкі саясат басқармасының этносаралық қатынастар мәселелері жөніндегі бөлімінің басшысы Уалихан Ибраев, «Қоғамдық келісім» КММ директоры Болатбек Айтбенбетов, этномәдени бірлестіктің жетекшілері, корей қауымдастығының өңірдегі ардагерлері мен белсенділері, ассамблея жастары, волонтерлар және БАҚ өкілдері қатысты.
Жиналған жұртшылық корей батырларының ескерткішіне гүл шоқтарын қойды.
<blockquote>
 «Генерал Хон Бом До – тарихи ерліктерінің нәтижесінде бүкіл корей халқы үшін батыр болып танылды. Өздеріңіз білетіндей, Сыр өңірінде 35 этнос өкілі достық пен келісімде өмір сүруде, олардың әрқайсысы салт-дәстүрді сақтай отырып, аймақтың дамуына лайықты үлес қосуда. Шамамен 85 жыл бойы корейлер қазақ жерінде тұрып жатыр. Осы жылдар біздің ортақ тарихымыз болып саналады. 
 Корей этносының өкілдері әрдайым қажырлы еңбегімен ерекшеленеді. Бұған айқын мысал – Шиелі ауданының өзінде ғана корей этносының 29 өкілі Социалистік Еңбек ері атағына ие болған. Ал Ақмая ауылдық округінен 16 Социалистік Еңбек ері шыққан. 
 Бүгінгідей игі іс ұлы батырлар мен патриоттарымыздың есімдерін жаңғыртсын. Жаңа Қазақстанды бірге жаңғыртайық», – деді облыстық ішкі саясат басқармасының этносаралық қатынастар мәселелері жөніндегі бөлімінің басшысы Уалихан Ибраев.
</blockquote>
Сондай-ақ, «Қазақстан корейлер қауымдастығы» Қызылорда облыстық қоғамдық бірлестігі жетекшісінің орынбасары Юрий Ким зұлмат жылдарды, Қиыр Шығыстан үдере көшірілген қиын кезеңдерді еске алды. Ендігі жерде мұндай нәубет жылдардың кермек дәмін бейбіт елдің ұрпағы еш сезінбесін деген тілегін білдірді. 
Мұнан соң митингке қатысушылар корей батырлары мен қауымдастықтың өмірден озған жетекшілері мен белсенділеріне арналған «Еске алу аллеясына» барып, атаулы тақтайшаларымен көшеттер отырғызды.
<img src="https://kyzylorda-news.kz/wp-content/uploads/2022/04/277707521_3179366402382518_1290056514266576422_n.jpg" alt="" />
<img src="https://kyzylorda-news.kz/wp-content/uploads/2022/04/277765962_3179365915715900_603630561000428854_n.jpg" alt="" />
<img src="https://kyzylorda-news.kz/wp-content/uploads/2022/04/277778674_3179366609049164_4841170823374801729_n.jpg" alt="" />
<img src="https://kyzylorda-news.kz/wp-content/uploads/2022/04/278071791_3179366312382527_7434284972657540585_n.jpg" alt="" />

Қызылордалықтар корей батырларын еске алды

<a href="https://kyzylorda-news.kz/">Kyzylorda-news.kz.</a>&nbsp; Наурыз айынан бастап еліміздің әр өңірінде «AMANAT» партиясы мобильді қоғамдық қабылдау жұмысын бастағаны баршаға белгілі. Осы орайда мобильді топ мүшелері біздің өңірімізде өткен аптада 5 шалғай елді-мекенді аралап, тұрғындардың талап-тілектерін тыңдап, халықтың мұң-мұқтажына назар қойып, мәселелерді шешуге білек сыбана кірісіп те кетті.
Бүгін аймағымыздан құрылған партия филиалдарының төрағалары, барлық деңгейдегі мәслихат депутаттарының және жергілікті атқарушы орган өкілдерінен құралған мобильді топ Арал ауданындағы Аққұм ауылы мен Жалағаш ауданының Жаңадария ауылында тұрғындардың өтініш-тілектерін тыңдап, өз бақылауларына алып қайтты.
Қабылдауда тұрғындар елді мекенді газдандыру мен жұмыссыздық, ішкі көшелерді жөндеу мен инфроқұрылым т.б. мәселер төңірегінде болды. Мобильді топтың қабылдауында болған Аққұм ауылының тұрғыны Айжарық Қосбармақов елді мекенді газдандыру мәселесін оңтайлы шешуге ықпал жасауды сұрады.
Ал, Жаңадария ауылы бау-бақша өнімдері және мал шаруашылығымен айналысатын елді – мекен. Шаруалардың жұмысы алға басуы үшін аяқ судан мәселе туындамауы қажет. Осы үшін ауылымыздың маңындағы Іңкәрдария каналын қазу және тазалау жұмыстары жүргізілсе»,- дейді – ауылы тұрғыны М.Бостанов. Өтініш иесінің сауалына мобильді топ мүшесі, аудандық партия филиалының төрағасы, аудан әкімі А.Шәменов жауап берді. Ол Іңкәрдария каналына қатысты жұмыстар жергілікті атқарушы органдармен жүзеге асып жатқандығын тілге тиек етіп, мәселенің оңтайлы шешілуіне нақты жұмыстар жүргізілетін жеткізді.
Жаңадария тұрғындарын елді мекендегі ішкі көшелер жағдайы да алаңдатса керек. Себебі мобильді топ қабылдауына келушілердің бірқатары көшелер жағдайын айтып жатты. Олардың айтуынша ауыл ішінде жалпы ұзындығы 4,2 км құрайтын Қ. Сәтбаев, Жаңадария, Достық, Мектеп көшелеріне мүлдем жөндеу жұмыстары жүргізілмеген. Бүгінгі күні жоба сметалық құжаттары әзірленіп, аудандық тиісті мекемелерге ұсынылған. Қаржы бөлуді қажет етеді.
Ауыл тұрғындарын мазалаған барлық мәселелер мобильді топ жұмысының хаттамасына енгізіліп, «AMANAT» партиясы Қызылорда облыстық филиалының жіті бақылауына алынды. Бұл туралы облыстық партия филиалының Атқарушы хатшысы Ләйлә Төрешова атап өтті.
Мобильді қоғамдық қабылдаудың өкілдері бүгін екі бірдей ауданда, 2 ауылда болып 50-ге жуық тұрғынды қабылдады. Бірқатар азаматтар сауалдарына сол жерде жауап алса, кейбір өтініштер мазмұнына қарай партия бақылауына алдынды тиісті атқарушы органдармен бірлесе отырып, оңтайлы шешілуіне жұмыстар жасалатын болады және алдағы апта ішінде партияның мобильді топтар Арал, Қазалы, Жаңақорған, Шиелі аудандарына қарасты тағы бірқатар ауылдарда болып, тұрғындармен кездеседі.
<img src="https://kyzylorda-news.kz/wp-content/uploads/2022/04/277755943_350575670441409_1054107472965096000_n.jpg" alt="" />
<img src="https://kyzylorda-news.kz/wp-content/uploads/2022/04/277771271_350575713774738_8999489535667589258_n.jpg" alt="" />
<img src="https://kyzylorda-news.kz/wp-content/uploads/2022/04/277779545_350577067107936_922112225969467373_n.jpg" alt="" />

Аққұм және Жаңадария тұрғындары мобильді топ өкілдерімен кездесті

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың тақырыбы – «Біздің әлем, біздің денсаулық». Бұл ұран адам денсаулығы мен қоршаған ортаны сақтау және қоғамдық денсаулығын белсенді түрде нығайту бойынша шұғыл әрекет етуді талап етеді.
Әлемде жалғасып жатқан пандемия, экологиялық, экономикалық дағдарыстар аясында қатерлі ісік, астма, жүрек аурулары және т. б. сияқты аурулар өсуде.
<blockquote>
 «Денсаулық – бұл аурыдың немесе мүгідектіктің болмауы ғана емес, толық физикалық, психикалық және әлеуметтік әл-ауқат жағдайы. Міндетті әлеуметтік медициналық сақтандыру – бұл медициналық қызметтерге тең қолжетімділікті қамтамасыз етуге, пациенттердің құқықтарын қорғауға және халықтың денсаулығын сақтауға бағытталған әлеуметтік жүйе. Биыл аймақта МӘМС жүйесімен қамту бойынша Жол картасы іске қосылды. Бүгінде өңір халқының 80% – ы сақтандырылған. Бұл көрсеткішті 85% – ға дейін жеткізу міндеті қойылды», – деп мәлімдеді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>

7 сәуір &#8211; Дүниежүзілік денсаулық күні

Су тасқыны кезінде не істеу керек?

<a href="https://kyzylorda-news.kz/">Kyzylorda-news.kz.</a>&nbsp; Бүгін аудан әкімі Мұхтар Оразбаев пен аудандық мәслихат хатшысы Бақытжан Жарылқап ауданға қарасты Майдакөл ауылына барып, алдағы уақытта салынатын клубтың орнын көрді.
Аудандық құрылыс, сәулет және қала құрылысы бөлімінің басшысы Нұрбек Күзембаев жаңадан салынатын 100 орындық клубтың жоба-сметалық құжаттарын дайындауға қаржы бөлініп, мемлекеттік сатып алу конкурсы өткізілгенін айтты.
Қазіргі таңда жеңімпаз мекеме анықталып, тиісті жұмыстар басталып жатыр. Жоба-сметалық құжаттар дайындалған соң құрылыс жұмыстарын бастау үшін қаржыландыру көздері қарастырылатын болады.
Аудан басшысы Мұхтар Оразбаевауылдық клуб салынатын жер оңтайлы жерден таңдалғанын тілге тиек етіп, ауылдық округ әкімі Нүркен Сералиевкетұрғындар мен қоғамдастық мүшелерінің келісімін алу қажеттігін жеткізді.
Сонымен қатар, Мұхтар Әуесұлы көктемгі экологиялық мол суды алу үшін барлық мүмкіндіктерді пайдаланып, каналдар мен жайылымдықтарға су жіберуді тапсырды.
<img src="https://kyzylorda-news.kz/wp-content/uploads/2022/04/00-1.jpg" alt="" />

Қазалы ауданында 100 орындық клуб салынады

<a href="https://kyzylorda-news.kz/">Kyzylorda-news.kz.</a> “Атамекен” ҰКП Басқармасының 5 сәуірдегі шешімімен Пірмұхаммед Айтбайұлы Сыздықов Қызылорда облысы кәсіпкерлер палатасының директоры болып тағайындалды.
Пірмұхаммед Сыздықов 1975 жылы Қызылорда облысында дүниеге келген.
Жоғары білімді. Қорқыт ата атындағы Қызылорда гуманитарлық университетінен «Еңбек және бизнес негіздері» (1996 ж.), «Құқықтану» (2009 ж.) мамандықтарын алған.
Еңбек жолын алғаш 1992 жылы “слесарь” болып бастаған.1996-2007 жылдар аралығында Қызылорда аграрлық-техникалық колледжінде оқытушы, Дарынды балаларға арналған облыстық мектеп-интернатында менеджер-информатор, Қызылорда қалалық білім бөлімінің әдіскері, қала әкімі аппаратының ақпараттық технологиялар және бағдарламалық қамтамасыз ету бөлімінің басшысы қызметтерін атқарған. 2007 – 2019жылдар аралығында Қызылорда қаласы Қызылжарма ауылдық округінің әкімі, Қызылорда облысы әкімі аппаратының ұйымдастыру-инспекторлық жұмыс және аймақты дамыту бөлімінің бас инспекторы, Қызылорда қаласы жұмыспен қамту және әлеуметтік бағдарламалар бөлімінің басшысы, Қызылорда қаласы әкімі аппаратының басшысы, Қызылорда облысы әкімі аппаратының ұйымдастыру-инспекторлық жұмыс және аймақты дамыту бөлімі басшысының орынбасары, Қызылорда облысы ауылшаруашылығы басқармасы басшысының орынбасары қызметтерінде абыройлы еңбек еткен.
Ол 2019 жылдың ақпанынан осы уақытқа дейін Қызылорда облысы кәсіпкерлер палатасы директорының орынбасары болды.
Отбасылы, 4 баласы бар. 
2010 жылы облыстық “Жылдың үздік әкімі” номинациясының иегері атанды. 2016 жылы «Еңбек даңқы» салалық кәсіподақ ұйымының 1 санатты төсбелгісімен және түрлі деңгейдегі алғыс хаттармен марапатталды.

Қызылорда облысы кәсіпкерлер палатасына жаңа басшы келді

<a href="https://kyzylorda-news.kz/">Kyzylorda-news.kz.</a>&nbsp; ҚР цифрлық даму және аэроғарыш өнеркәсібі министрі Бағдат Мусиннің мәлімдеуінше Қазақстан мен Ресей «Байқоңыр» ғарыш айлағында жоспарланған жобалар бойынша келіссөздер жүргізеді деп хабарлайды <a href="https://stan.kz/">Stan.kz</a>.
Журналистер министрден Ресейдің геосаяси жағдайға байланысты ғарыш айлағын жалға беру мерзімінен бас тарту немесе қысқарту мүмкіндігі бар ма деп сұраған.
<blockquote>
 “Роскосмос басшысы Дмитрий Рогозин жоспарлары өзгермегенін айтты. Олар Қазақстанмен жұмысты жалғастырып, жоспарланған ғарыштық бағдарламаларды дамытатындарын мәлімдеді. Әрине, ресейлік әріптестерімізбен келіссөздер жүргіземіз. Себебі уақыттың бір орнында тұрмайтыны, біздің орманда өмір сүріп жатпағанымыз түсінікті. Бізде 15-20 сәуір күндері бірқатар мәселелер бойынша, соның ішінде алдағы жылдарға жоспарланған перспективалық жобалар бойынша келіссөздер жоспарланған”, – деді Бағдат Мусин.
</blockquote>
Министр Ресей Байқоңырды жалға алғаны үшін жыл сайын 100 миллион доллардан астам (шамамен 47 миллиард теңге) төлейтінін қосып өтті. Жалға алу шарты 2050 жылға дейін жасалған.

«Байқоңыр» ғарыш айлағында жоспарланған жобалар бойынша келіссөздер жүргізіледі

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазалы ауданының Ақжона ауылдық округінде жаңа медициналық бекет ашылды.
Ауылдық округке қарасты Жалпақ елді мекеніндегі жаңа нысанның ашылу салтанатына аудан әкімі Мұхтар Оразбаев қатысып, тұрғындарды қасиетті Рамазан айымен құттықтады.
Сонымен қатар, аудандағы денсаулық сақтау саласындағы жетістіктер мен оң өзгерістерге тоқталып, жаңа нысан ауыл тұрғындарының дертіне шипа табатын құтты орынға айналуына тілектестігін білдірді.
Мұнан соң, Ақжона ауылдық округі ардагерлер кеңесінің төрағасы Нұрадин Пәуешов пен Майдакөл ауылдық әйелдер кеңесінің төрайымы Күләш Лекер көпшілікті қуанышымен құттықтап, іргелі істерге ұйытқы болып жүрген ел азаматтарына алғысын айтты.
Жаңадан салынған нысан алдына аудан әкімі Мұхтар Оразбаев, аудандық мәслихат хатшысы Бақытжан Жарылқап, «AMANAT» партиясы аудандық филиалының атқарушы хатшысы Нұрғиса Жалғасбаев, аудандық мәслихат депутаты Ғазиз Әліш және тағы басқа азаматтар көшеттер отырғызып, игі тілектерін жеткізді.
Ақжона ауылдық округіне қарасты Жалпақ елді мекенінде 25 тұрғын бар. Осыған қарамастан заманауи құрал-жабдықтармен қамтамасыз етілген медициналық бекет салынғанына ауыл халқы дән риза.
<img src="https://kyzylorda-news.kz/wp-content/uploads/2022/04/278017327_3320007954886795_5472388897414932393_n.jpg" alt="" />
<img src="https://kyzylorda-news.kz/wp-content/uploads/2022/04/278023053_3320007861553471_160458652320107376_n.jpg" alt="" />
<img src="https://kyzylorda-news.kz/wp-content/uploads/2022/04/278027217_3320008031553454_677895506211023501_n.jpg" alt="" />

Қазалының ауылында жаңа медициналық бекет ашылды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова облыстық мемлекеттік сәулет-құрылыс бақылауы басқармасының басшысы Сұлтан Мақашевтың жыл басынан бері атқарылған жұмыстар бойынша есебін тыңдады.
2022 жылдың І тоқсанында басқармаға мемлекеттік бюджет және жеке инвестициялар есебінен салынатын нысандарда құрылыс-монтаждау жұмыстарының басталғаны туралы 161 хабарлама келіп түскен. Оның 110-ы заңдылық тұрғысынан тексеріліп, тізілімге енгізілсе, 51 хабарлама анықталған кемшіліктерге сәйкес кері қайтарылған. Тізімге енгендердің 45-і (40,9%) Қызылорда қаласында, 65-і (59,1%) аудандарда орналасқан. Олардың 19-ы бюджет қаражаты есебінен, 91-і жеке қаражатқа салынып жатқан нысандар.
Жеке және заңды тұлғалардың өтініштері бойынша жалпы 3 жоспардан тыс тексеру ұйымдастырылып, анықталған бұзушылықтарды жою жөнінде 1 нұсқама берілді.
Сұлтан Мақашев құрылыс обьектілеріне бару арқылы профилактикалық сипатта тексерілетін барлығы 17 кәсіпкерлік субъектісі жоспар енгізіліп, оның 11 тексерумен қамтылып, анықталған бұзушылақтар бойынша 9 нұсқама берілгенін жеткізді.
Заңнама талаптарын бұзған тұлғаларға қатысты 2 әкімшілік іс қозғалып, кінәлі тұлғаларға айыппұл салу жазасы қолданылды. Сонымен қатар, құрылыс саласындағы заңнама талаптарын өрескел бұзған техникалық қадағалау сарапшыларына аттестаттарын тоқтатуға дейінгі қатаң жаза қолдану практикасы да жүзеге асуда.
Аймақ басшысы құрылыс жұмыстарының сапасын үнемі бақылауда ұстап, заң бұзушылыққа жол бермеу қажет екенін айтты. Жаңа нысандарда мүмкіндігі шектеулі азаматтарға қолайлы жағдай жасауды, міндетті түрде пандустың ыңғайлы болуын тапсырды. Сондай-ақ, жеке және заңды тұлғалардың өтініштерін дер кезінде қарап, электронды қызмет көрсету бағытын дамытуды жүктеді.
Айта кету керек, есепті мерзімде электронды мемлекеттік қызмет жүйесі порталы арқылы тұрғындарға 466 қызмет көрсетілді. Сондай-ақ, «Азаматтарға арналған үкімет» электронды жүйесі арқылы 161 обьектіні пайдалануға қабылдау актісі келіп түсіп, оның 99 есепке алынса, 62 заңнама талаптарына сәйкес ресімделмеуі себепті кері қайтарылды.

Аймақ басшысы құрылыс жұмыстарының сапасын үнемі бақылауда ұстау қажет екенін айтты

<a href="https://kyzylorda-news.kz/">Kyzylorda-news.kz.</a> Қызылорда облыстық «Кызылординские вести» газетінің бас редакторы болып Исаев Жәнібек Мырқыұлы тағайындалды.
Жәнібек Исаев 1971 жылы 5 мамырда Қызылорда қаласында дүниеге келген.
1991-1995 жылдары Ы.Жақаев атындағы Қызылорда политехникалық институтын бітірген.
Еңбек жолын 1988 жылы Қызылорда қалалық жөндеу-құрылыс бөлімінің ағаш шебері болып бастаған.
1989-1991 жылдары – КСРО, Нарын, Қырғыз КСР МҚК Шекара әскерлерінің 2058 және 2545 әскери бөлімдерінде қызмет етті.
1998-2000 жылдары – монтажшы, «Химмонтаж» АҚ бригадирі;
2001-2007 – Қазақстан Республикасы Ұлттық қауіпсіздік комитеті Шекара қызметінің 2019 әскери бөлімінде қызмет өткеру (отряд командирі, радиолокациялық станцияның аға шебері, РЛПВ жөндеу шеберханасының бастығы, инженерлік-техникалық қару қоймасының бастығы);
2007-2009 – «Жас өркен» колледжі директорының орынбасары, сырттай – алғашқы әскери дайындық пәнінің оқытушы-ұйымдастырушысы;
2009-2018 жылдары – «Қызылорда вести» облыстық газетінде тілші-аудармашы, хатшының көмекшісі;
2018 жылдың ақпаны – 2020 жылдың қаңтары – <a href="https://kyzylorda-news.kz/">Kyzylorda-news.kz</a> ақпараттық агенттігі редакторының орынбасары;
2020 жылғы қаңтар-қыркүйек – облыстық «Кызылорда вести» газетінің жауапты хатшысы;
2020 жылдың қыркүйек айынан қазіргі уақытқа дейін – Текей батыр Қарпықұлы атындағы жоғары колледжінің директоры болып қызмет атқарды.
Жәнібек Мырқыұлы – «Комсомольская правда в Казахстане» республикалық қоғамдық-саяси газеті және Zakon.kz ақпараттық порталының штаттан тыс тілшісі.

Қызылорда облыстық «Кызылординские вести» газетіне бас редактор тағайындалды

<a href="https://kyzylorda-news.kz/">Kyzylorda-news.kz.</a> Биылғы жылдың бірінші жартыжылдығына арналған санитариялық-эпидемиологиялық саламаттылығы саласында ерекше тәртіп бойынша тексерулер кестесіне сәйкес 52 объекті тексерілді.
Тексері нәтижесінде санитариялық ережелерді бұзған 2 нысан анықталды. Осыған сәйкес, бұл нысандарға 964 745 теңгеге 5 айыппұл салынды.
Облыс көлемінде биылғы жылдың 3 айында орталықтандырылған ауыз судың санитариялық химиялық көрсеткіштеріне 189 су сынамасы алынды. Оның ішінде 12 үлгі белгіленген талаптарға сәйкес келмеді, су сапасының сәйкессіздігі (құрғақ қалдық, хлоридтер, сульфат көрсеткіштері бойынша) 6,3 пайызды құрады.
Сонымен қатар ауыз судың микробиологиялық көрсеткіштеріне 253 су сынамасы алынып, сәйкессіздік анықталған жоқ.
<img src="https://kyzylorda-news.kz/wp-content/uploads/2022/04/277754781_1505313546530819_3665860266035884957_n.jpg" alt="" />

Қызылордада санитариялық ережені бұзған 2 нысанға айыппұл салынды

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев 2022 жылды «Балалар жылы» деп жариялаған болатын. Осыған орай, аталған жылдың арнайы логосы бекітілді.
<img src="https://kyzylorda-news.kz/wp-content/uploads/2022/04/277764555_1505757936486380_4561235614063529227_n.jpg" alt="" />

Қазақстан және Қызылорда облысының жаңалықтары

Қызылордалықтар корей батырларын еске алды

Аққұм және Жаңадария тұрғындары мобильді топ өкілдерімен кездесті

7 сәуір – Дүниежүзілік денсаулық күні

Су тасқыны кезінде не істеу керек?

Қазалы ауданында 100 орындық клуб салынады

Қызылорда облысы кәсіпкерлер палатасына жаңа басшы келді

«Байқоңыр» ғарыш айлағында жоспарланған жобалар бойынша келіссөздер жүргізіледі

Қазалының ауылында жаңа медициналық бекет ашылды

Аймақ басшысы құрылыс жұмыстарының сапасын үнемі бақылауда ұстау қажет екенін айтты

Қызылорда облыстық «Кызылординские вести» газетіне бас редактор тағайындалды

Қызылордада санитариялық ережені бұзған 2 нысанға айыппұл салынды

«Балалар жылы»: Арнайы лого бекітілді

Қазақстан және Қызылорда облысының жаңалықтары

Қызылордалықтар корей батырларын еске алды

Аққұм және Жаңадария тұрғындары мобильді топ өкілдерімен кездесті

7 сәуір &#8211; Дүниежүзілік денсаулық күні

Су тасқыны кезінде не істеу керек?

Қазалы ауданында 100 орындық клуб салынады

Қызылорда облысы кәсіпкерлер палатасына жаңа басшы келді

«Байқоңыр» ғарыш айлағында жоспарланған жобалар бойынша келіссөздер жүргізіледі

Қазалының ауылында жаңа медициналық бекет ашылды

Аймақ басшысы құрылыс жұмыстарының сапасын үнемі бақылауда ұстау қажет екенін айтты

Қызылорда облыстық «Кызылординские вести» газетіне бас редактор тағайындалды

Қызылордада санитариялық ережені бұзған 2 нысанға айыппұл салынды

«Балалар жылы»: Арнайы лого бекітілді

7 сәуір – Дүниежүзілік денсаулық күні