<a href="https://kyzylorda-news.kz/">Kyzylorda-news.kz.</a> Халыққа қызмет көрсету орталықтарында төлқұжат пен жеке куәлікті рәсімдеген клиенттер мемлекеттік бажды QR кодтың көмегімен төлей алады. Азаматтарға арналған үкімет ҚР ІІМ­-мен бірлесіп, көші­қон қызметі операторында отырып­ақ, төлем жасау мүмкіндігін іске асырды.
Клиент төлқұжат пен жеке куәлікті рәсімдеуге өтініштер қабылдайтын көші­қон қызметі операторына жүгінген сәтте, кассаға бармай­ақ бірден Homebank немесе Kaspi банк қосымшаларының QR төлем жасау жүйесі арқылы баж алымын төлей алады.
<blockquote>
 «Санаулы секунд ішінде төлеу – әрбір екінші қазақстандыққа қолжетімді цифрлық мүмкіндік. Біз күнделікті QR төлемдерді барлық сауда, мәдениет нысандары мен ойын­сауық мекемелерінде қолданып жүрміз. Мемлекеттік қызмет көрсету саласында да мемкорпорация жаңа цифрлық мүмкіндіктерді енгізуде. Бұдан бұрын QR кодпен жер учаскелеріне актілерді дайындау және беру, жылжымайтын мүлікке құқықтарды тіркеу, кондоминиум объектілері бойынша қызметтерді және жер қатынастары саласындағы басқа да мемлекеттік қызметтерді төлеуге болатын. Енді кассаға кезекке тұрмай­ақ құжаттандыру қызметінің алымдарын да төлеу мүмкіндігі бар», – деді «Азаматтарға арналған үкімет» мемлекеттік корпорациясы Қызылорда облысы бойынша филиал директоры Айнұр Тобаева.
</blockquote>
Азаматтарға арналған үкімет QR арқылы төлем жасау мүмкіндігін 2020 жылдың қараша айында енгізді. Бүгінде клиенттер 146 мемлекеттік қызмет түрін осы тәсіл арқылы төлей алады, жыл басынан сырбойылықтар QR арқылы жалпы құны 1 046 933,4 тенгені құрайтын 1 709 мемлекеттік қызметті төлеген.

Мемлекеттік қызметтерді QR-мен төлеңіз

<a href="https://kyzylorda-news.kz/">Kyzylorda-news.kz.</a> Қызылордалық полицейлер дағдарыс орталығына барып кездесу өткізді.
Қызылорда қалалық Полиция басқармасының қызметкерілерімен 24-30 қаңтар күндері аралығында «ТҰРМЫС» жедел профилактикалық іс – шарасы өткізілуде.Полиция қызметкерлері атап өткендей, әйелдерге қатысты зорлық-зомбылық, әсіресе отбасындағы болған жәйттар, басқалар үшін әрдайым жасырын қала береді. Соның салдарынан жәбірленуші дене жарақаты, эмоционалдық, тіпті қаржылық жағынан да зардап шегеді. Отбасының ыдырау қаупі туындайды, бұл ретте жанұяның барлық мүшелері, әсіресе, балалар үлкен қауіп-қатерге ұшырайды, оларда отбасындағы зорлық-зомбылық – туындаған проблемалар мен өкпе-ренішті шешу үшін, басқа адамдардың өзіне бағынуы үшін де өте қолайлы құрал екен деп қате түсінік пайда болады.
Бүгінгі таңда қаламызда тұрмыстық зорлық-зомбылық құрбандарына арналған төрт дағдарыс орталығы жұмыс істейді. Соның бірі бүгін «Қамқорлық» дағдарыс орталығына барып, өмірдің қиын кезеңінде қалып, орталыққа орналастырылған әйел азаматшалармен кездесу ұйымдастырылып, құқықтық көмек көрсетіліп, профилактикалық түсіндірме жұмыстары жүргізілді.

Қызылордалық полицейлер дағдарыс орталығында кездесу өткізді

<a href="https://kyzylorda-news.kz/">Kyzylorda-news.kz.</a> Сенаторлар “Тұңғыш Президент – Елбасы туралы” конституциялық заңға өзгерістертерді енгізу мәселесін қарады.
Соның аясында Елбасының Қауіпсіздік кеңесіне және Қазақстан халқы ассамблеясына өмір бойы төрағалық ету құзіреті тоқтатылады. Сондай-ақ сенат депутаттары тұңғыш президентпен мемлекеттік бастамаларды келісу қажеттілігін алып тастауды ұсынды, деп хабарлайды <a href="https://m.sputnik.kz/politics/20220127/19224137/Senat-Elbasy-okilettiligi.html">Sputnik Қазақстан.</a>
“Заңды талқылау барысында бір норма енгізіліп отыр.
<blockquote>
 “Тұңғыш Президент туралы” заңнан мемлекеттің ішкі және сыртқы саясатына байланысты бастамалары Елбасымен келісілуге тиіс деген норма алынып тасталғалы отыр. Сондықтан да сенат заңнамаға енгізілген өзгерістерді тұжырымдамалы түрде қолдап, бір өзгеріспен мәжіліске қайтарып отыр”,- деді депутат Ләззат Сүлеймен сенаттың жалпы отырысында.
</blockquote>
Жоғарғы палата бұрын айтылған барлық өзгерісті мақұлдады. Соның ішінде Елбасының Қауіпсіздік кеңесіне және Қазақстан халқы ассамблеясына өмір бойы төрағалық ету құзіретін тоқтату мәселесі де бар. Алайда тағы бір түзетуге байланысты заң жобасы төменгі палатаға қайтарылды.
Енді, бұл түзетуді мәжіліс депутаттары қарайды. Ал қабылдаған жағдайда заң жобасы бірден президентке қол қоюға жіберіледі.

Сенат Елбасымен мемлекеттік бастамаларды келісу қажеттілігін алып тастауды ұсынды

<a href="https://kyzylorda-news.kz/">Kyzylorda-news.kz.</a> Қазақстан Республикасы Үкіметінің қаулысымен Ерлан Аңсағанұлы Қиясов берген өтінішіне сәйкес ҚР Денсаулық сақтау вице-министрі — ҚР Бас мемлекеттік санитарлық дәрігері қызметінен босатылды, деп хабарлайды ҚР Премьер-Министрінің баспасөз қызметі.
Ерлан Қиясов 1973 жылы Алматы облысында дүниеге келген. Қазақ мемлекеттік медицина университетін, Орталық Азия университетін, Әл-Фараби атындағы Қазақ ұлттық университетін, Тұран-Астана университетін тәмамдаған.
Еңбек жолын 1990 жылы «Алматы қаласының Жедел медициналық жәрдем ауруханасы» реанимация және қарқынды терапия бөлімшесінің санитары болып бастады.
1997-1999 жылдары — Алматы қаласындағы ҚР әуе көлігіндегі орталық санитарлық-эпидемиологиялық станциясының санитарлық дәрігері, дәрігер-эпидемиологы.
1999 жылдан бастап 2020 жылға дейін ҚР Президенті Іс Басқармасының Медициналық орталығының құрылымында — Санитарлық-эпидемиологиялық станцияда жалпы гигиена бойынша санитарлық дәрігер, жедел бөлім меңгерушісі, Санэпидқадағалау басқармасының эпидемиологиялық бөлімінің бастығы, «Санитарлық-эпидемиологиялық сараптама орталығы» РМК директоры, басшының орынбасары болып жұмыс істеді.
2020 жылғы қыркүйекте ҚР денсаулық сақтау вице-министрі – ҚР Бас мемлекеттік санитарлық дәрігері болып тағайындалды.

Ерлан Қиясов Денсаулық вице-министрі &#8211; ҚР Бас мемлекеттік санитарлық дәрігері қызметінен босатылды

<a href="https://kyzylorda-news.kz/kogam/erlan-qijasov-densawlyq-vice-ministri-qr-bas-memlekettik-sanitarlyq-daerigeri-qyzmetinen-bosatyldy-139599/">Kyzylorda-news.kz.</a> Қызылорда облысы Полиция департаментінің Арал аудандық полиция бөліміне 25 қаңтар күні ауыл тұрғыны жайылымнан 2-бас сиырының ұрлағандығы туралы арызданған.
Аталған арыз бойынша полиция қызметкерлерімен атқарылған жедел-іздестіру шаралары барысында осы қылмысқа қатысты күдікті анықталып, ұсталды. Ол 35 жастағы ауыл тұрғыны болып шықты.
Айғақ зат ретінде 2 сиыры алынып, иесіне қол хат арқылы тапсырылды. Күдіктіге қатысты ІІО келу туралы міндеттеме алынды.​ ​Аталған дерек бойынша Қазақстан Республикасы Қылмыстық кодексінің 188-1 бабының 1-бөлігі (мал ұрлығы) сотқа дейінгі тергеп-тексеру амалдары жүргізілуде.​

Аралда 2 сиыр ұрлаған күдікті ұсталды

<a href="https://kyzylorda-news.kz/">Kyzylorda-news.kz.</a> Қазақстанда бір тәулікте 11 305 адам коронавирус инфекциясынан жазылып шықты, деп хабарлайды coronavirus2020.kz.
Өңірлер бойынша: Нұр-Сұлтан қаласында – 6 205, Алматы қаласында – 1 635, Шымкент қаласында – 64, Ақмола облысында – 138, Ақтөбе облысында – 223, Алматы облысында – 403, Атырау облысында – 179, Шығыс Қазақстан облысында – 259, Жамбыл облысында – 0, Батыс Қазақстан облысында – 93, Қарағанды облысында – 830, Қостанай облысында – 164, Қызылорда облысында – 391, Маңғыстау облысында – 136, Павлодар облысында – 289, Солтүстік Қазақстан облысында – 194, Түркістан облысында – 102.
Жалпы, пандемия басталғалы елімізде коронавирус инфекциясы 1 192 211 адамнан анықталды. Оның ішінде 1 021 215 науқас сауығып шықты.

Covid-19: 391 қызылордалық дерттен айықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте коронавирус инфекциясын жұқтырудың 13 652 жағдайы тіркелді, деп хабарлайды coronavirus2020.kz.
Өңірлер бойынша: Нұр-Сұлтан қаласында – 2 852, Алматы қаласында – 2 491, Шымкент қаласында – 168, Ақмола облысында – 907, Ақтөбе облысында – 513, Алматы облысында – 454, Атырау облысында – 414, Шығыс Қазақстан облысында – 549, Жамбыл облысында – 242, Батыс Қазақстан облысында – 451, Қарағанды облысында – 2 209, Қостанай облысында -490, Қызылорда облысында -134, Маңғыстау облысында – 128, Павлодар облысында – 1 153, Солтүстік Қазақстан облысында – 407, Түркістан облысында – 90.
Жалпы, пандемия басталғалы елімізде коронавирус инфекциясы 1 192 211 адамнан анықталды.

Қызылордада 134 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Қазақстан территориясының батысында, шығысында, солтүстігінде атмосфералық фронттарға байланысты тұрақсыз ауа райы сақталады – жауын-шашын жауады, еліміздің солтүстік-батысында жаяу бұрқасын көтеріліп, шығысында жел күшейеді, деп хабарлайды Қазгидромет.
Қазақстанның басқа аймақтары антициклон ықпалында болғандықтан жауын-шашынсыз ауа райы сақталады. Республиканың басқа кей жерлерінде тұман, оңтүстік-батысында көктайғақ болады.
Маңғыстау облысының солтүстік-шығысында тұман түседі, күндіз облыстың батысында, солтүстігінде көктайғақ болады.
Қостанай облысының оңтүстігінде тұман түсіп, күндіз облыстың батысында, солтүстігінде жаяу бұрқасын соғады.
Шығыс Қазақстан облысының батысында, солтүстігінде жаяу бұрқасын болады, облыстың батысында жел екпіні 15-20 м/с жетеді.
Түркістан облысының оңтүстігінде, батысында, тау және таулы аудандарында, Жамбыл облысының солтүстігінде, таулы аудандарында, Қызылорда облысының орталығында, Атырау облысының солтүстігінде, шығысында, Ақтөбе облысының шығысында, Солтүстік Қазақстан облысының оңтүстігінде, Алматы облысының оңтүстігінде және шығысында түнде және таңертең тұман түседі.

27 қаңтарға арналған ауа райы болжамы

Kyzylorda-news.kz. Қоғам мен билік арасында ашық әрі орнықты диалог орнату елдік мәселелерді шешуге жол ашады. Мемлекеттік шешімдер қабылдау кезінде халықтың пікірін ескерудің және қоғамдық бақылаудың тиімді институттары ретінде құрылған Қоғамдық кеңестердің жұмысын жандандыру әлі де маңызды. Бұл ретте Президент Қасым-Жомарт Тоқаев қоғамдық кеңестердің жұмысын тиімді трансформациялау ісін қолға алуды, қоғамдық кеңестерді Ұлттық сенім кеңесі іспетті халықтың нақты мәселелерін шешуде институттың ашықтығын, дербестігі мен транспаренттілігін қамтамасыз ету бойынша нақты шаралар қабылдауға бағыттау маңызды екенін тапсырды.
Өңірлерде Қоғамдық кеңес жұмысын саралау және алдағы міндеттерге сай жұмысты жандандыру мақсатында бүгін аймақ басшысы Гүлшара Әбдіқалықова облыстық Қоғамдық кеңес төрағасы, экономика ғылымдарының докторы, профессор, ҚР ҰҒА академигі Бақберген Досманбетовпен кездесті.
Кездесуге облыстық мәслихат хатшысы Наурызбай Байқадамов және облыстық ішкі саясат басқармасының басшысы Мира Қазбекова қатысты.
Басқосу барысында облыс әкімі Президенттің нақты істерге жетелейтін жұмыстарын жүйелі атқару және Жаңа Қазақстанды құру міндеті қойылған кезде өңірлік қоғамдық кеңестерге артылатын жауапкершілік одан әрі күшейе түсетінін атап өтті.
<blockquote>
 «Қоғамдық кеңес мемлекет пен азаматтық ұстанымы нық азаматтардың бірлескен істі ашық талқылауға мүмкіндік беретін ашық алаңы болуы керек. Бұл ретте Қоғамдық кеңес облыстағы өзекті мәселелер талқылап, түрлі ұсыныстарды ортаға салып келеді. Мәселен, қоғамдық кеңес 1 жылда 146 отырыс, 27 қоғамдық тыңдау, 19 қоғамдық мониторинг жұмыстарын өткізіп, нәтижесінде 323 әлеуметтік мәселенің шешілуіне ықпал етті. Сондықтан, әлеуметтік мәселелерді бірінші кезекте шешу, халықтың сұранысы мен талабын қанағаттандыру біздің ортақ мақсатымыз»,-деді Гүлшара Әбдіқалықова.
</blockquote>
Кездесуде Бақберген Досманбетов бір жыл ішінде кеңесте талқыға түскен мәселелердің өзектілігіне тоқталып, 9 кеңестің әрбір мәселені дербес талдап, жергілікті билікке нақты ұсыныстарды жолдауда белсенділігінің жоғары екенін тілге тиек етіп, алдағы кезеңде Кеңес жұмысын тиімді реформалау мәселесін қозғады. Ал, облыстық мәслихат хатшысы Наурызбай Байқадамов кеңес құрамындағы азаматтардың биыл өкілеттілік мерзімінің аяқталуына байланысты жаңа құрамды қалыптастыруда түрлі саладағы ашық ойлы, балама пікірлері бар ірі сарапшылар мен ғалымдар, қоғамдық пікірдің нақты көшбасшыларын топтастыру маңызды екенін ашып айтты.
Кездесуді қорытындылаған аймақ басшысы қоғамдық кеңес билікпен бірге көтерілген проблемалардың шешімін іздестіріп табуға мүдделік танытатын азаматтардың ұсыныстары ескерілетінін және әріптестерін өзгерістер кезеңінде ұлт болып Мемлекет басшысының жанына топтасып, халқымыздың әл-ауқатын арттыруға бағытталған бастамаларды бірлесіп жүзеге асыруға шақырды.
Облыстық Қоғамдық кеңес жанынан бюджет және қаржы мәселелері, экономикалық даму мәселелері және әлеуметтік мәселелер бойынша тұрақты комиссиялары жұмыс жасауда. Кеңес отырысында ауыл шаруашылығы, білім, денсаулық сақтау, энергетика басқармалары жауапты азық-түлік өнімдерінің бағасын тұрақтандыру, қуаңшылықты алдын алу, эпидемиологиялық ахуал, Қызылорда қаласында газды тасымалдау қызметі, «КазТрансГаз аймақ» өндірістік тарифі мәселесі және қоғамдық көлік мәселесі және т.б мәселелер қаралды.

Қоғамдық кеңес ұстанымы нық азаматтарды топтастырады

Kyzylorda-news.kz. 2021 жылы аталған орталықта 2500-ден аса ота жасалған. Бұл ауруханада алғаш рет өкпенің буллезді эмфиземасына күрделі ота жасалды. Медицина мамандарының кәсібилігінің арқасында ота сәтті өтті.
<blockquote>
 -Облыстық балалар ауруханасында жаңа туылғаннан сәбилерден бастап 18 жасқа дейінгі балалар мамандандырылған стационарда ем қабылдайды. Ауруханада 12 клиникалық бөлімше және 300 балаға дейін кеңес беру диагностикалық емханасы қызмет көрсетеді. Қазіргі таңда 80-ге жуық дәрігер болса, оның 20-сы хирург. Жыл сайын дәрігерлер кәсіби біліктілігін арттыру мақсатында республикада, алыс және жақын шетелдерде тәжірибе алмасады. Нәтижесінде, республикалық емханаларға барып емделетін балалар саны күрт төмендеп, күрделі емдер мен оталар біздің орталықта жасалуда, – деді облыстық балалар ауруханасының бас дәрігері Зоя Көшенова.
 Облыста балалар хирургиясы қарқынды дамып келеді. Бүгінде заманауи құрал-жабдықтардың көмегімен әртүрлі деңгейдегі оталарды тіліксіз, яғни лазер аппаратымен жасаудамыз. Орталықта алғаш рет 16 жастағы баланың өкпесіне ота жасалып, сәтті шықты. Бұл облыстық балалар ауруханасының үлкен жетістігі деп айта аламыз,- деді жедел хирургия бөлімінің меңгерушісі Әлімжан Төлегенов.
</blockquote>
<img src="https://kyzylorda-news.kz/wp-content/uploads/2022/01/fb_img_1643203110833.jpg" alt="" />

Облыстық балалар ауруханасының 97 пайызы заманауи медициналық құралмен жабдықталған

Kyzylorda-news.kz. Өңірімізде мемлекеттік бюджет бойынша бекітілген жоспар 102,9 пайызға орындалды. Ал республикалық бюджет жоспары 103,1 пайызды құрады. Сондай-ақ, 2021 жылы кедендік және салықтық әкімшілендірудің нәтижесінде бюджетке 29,5 млрд.теңге өндірілді. Бұл жөнінде Өңірлік коммуникациялар қызметінде өткен баспасөз конференциясында облыс бойынша мемлекеттік кірістер департаментінің басшысы Ғалымжан Орынов хабарлады.
Сондай-ақ, бизнес пен азаматтарды қолдау жөніндегі бастамаларды, салықтық әкімшілендіруді жақсарту жөніндегі жұмыстар мен көлеңкелі экономикаға қарсы іс-қимылға бағытталған шараларды іске асыру мақсатында салық кодексіне бірқатар өзгерістер енгізілді.
Биылдан бастап салық кодексіне еңбекақы және тағы сол сияқты азаматтардың табысынан салықтарды есептеу кезінде ең төменгі жалақының орнына айлық есептік көрсеткіш қолданылатын болды. Мысалы, жеке тұлғаның табыс салығын есептеу кезінде ең төменгі жалақы мөлшерінде болса, бұдан былай 14 АЕК мөлшерінде белгіленлі. Яғни, салық шегерімінің мөлшері жыл сайын өзгеріп тұрады. Сонымен қатар, «Салық төлеушінің төлқұжаты» ұғымы енгізілді. Ол сатып алушылар мен қызметтерді пайдаланушыларды ақпараттандыру үшін салық міндеттемелерін орындау туралы мәліметтерге ашық қол жетімділікті ұсыну мақсатында енгізілген. Тағы бір айта кететін жайт, 1 наурыздан бастап екінші деңгейлі банктер мен банк операцияларының жекелеген түрлерін жүзеге асыратын ұйымдар мобильді төлемдер арқылы жеке кәсіпкерлердің банктік шотына келіп түскен сомалары бойынша мәлімет беруге міндеттелді, – деді Ғалымжан Орынов.

Биылдан бастап салық кодексіне өзгерістер енеді

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасына былтыр бизнес өкілдерінен құқығын қорғау бойынша 136 өтініш түскен. Осы өтініштердің 44-і жер қатынастары қатысты болды.
Бұл туралы Кәсіпкерлер палатасының директоры Ғалымбек Жақсылықов облыс әкімі Гүлшара Әбдіқалықованың қатысуымен өткен сыбайлас жемқорлыққа қарсы саясаттың жаңа тұжырымдамалық жобасын талқылау барысында айтты. 
«Жалпы 2021 жылы Палатаға кәсіпкерлерден 541 өтініш түсті. Оның 136-сы – бизнесті қорғау бағытындағы шағымдар. Сарапшылар түскен өтініштердің 40 пайызында оң шешімге қол жеткізе алды. Нәтижесінде мыңнан аса кәсіпкердің құқығы қорғалды. Осы жерде атап өтетін мәселе, 136 өтініштің 44-і жер қатынастарына қатысты болды. Бұл – алаңдатарлық жайт. Кәсіпкерлердің проблемасы өте көп. Сыбайлас жемқорлық тәуекелдері жоғары 1-2 салаға тоқтап кетейін», – деген Палата басшысы шарада проблемаларға тоқталды.
Палата директорының айтуынша, жер қатынастары саласындағы заңнамаға сәйкес аукцион өткізілетіні туралы алдын ала кәсіпкерлер хабардар етілуі керек. Бірақ қала, аудан әкімдіктері бұқаралық ақпарат құралдарында да, кейде ресми интернет-ресурстарында да жарияламайды екен. Жер комиссиясы отырыстарының ашықтығын қамтамасыз ету үшін аудио, бейнежазбасы жүргізілу керек, жергілікті атқарушы органдар бұл талапты да орындамай отыр.
<blockquote>
 «Аукцион жарияланғанда жер учаскелерінің нақты мекенжайы көрсетілген орналасу сызбасы қоса жариялану қажет. Бұл талап та орындалмай, сол жағалаудан жер алған кәсіпкерлердің кейбірі тіпті ұтқан жерлерінің қайда орналасқанын да білмейді. Былтыр 2 қарашада Қызылорда қаласы Сырдария өзенінің сол жағалауын игеру жұмыстарын ұйымдастыру жөніндегі облыстық штаб отырысында қала әкіміне бекітілген егжей-тегжей жоспарлау жобасына сәйкес келмейтін, сауда-саттық арқылы жалға берілген 72 жер учаскесін қолданыстағы заңнама аясында мемлекет меншігіне қайтару бойынша шараларды қабылдау тапсырылды. Бұл жерде аукционға заңды қатысқан кәсіпкерлердің құқығына нұқсан келіп отыр», – деген Ғалымбек Жақсылықов аймақ басшысынан осы мәселеге мән беріп, жауапты мемлекеттік органдарға нормативтік-құқықтық акті бойынша талаптардың орындалуын тапсыруды сұрады.
</blockquote>
Бұдан бөлек Кәсіпкерлер палатасының басшысы агроөнеркәсіп кешеніндегі субсидия мәселесін көтерді. Ғалымбек Жақсылықовтың айтуынша, саладағы бюрократиядан, ақпараттық жүйелердің күрделілігі мен талаптарда кездесетін қиындықтардан кәсіпкерлер зардап шегіп отыр. Субсидияға берілген қаржы бірнеше жылдан кейін «құжаттарда қателік кетті» деген желеумен қайта қайтаруды талап етілуі мүмкін.
<blockquote>
 «Сондықтан, тексеруші органдарға (Қаржы полициясы, Прокуратура, Ішкі аудит қызметі т.б. органдар) субсидияның заңсыз берілуін тексеру барысында кәсіпкерлерге мейлінше зияны тимейтін жағын қарастыру ұсынылады. Біздің жағдайымызда субсидия алған кәсіпкердің емес, оған дейін құжаттарын тексеріп қабылдап алған жергілікті атқарушы органның қателігі болып отыр. Әрі қарай заң шығарушы органдарға сыбайлас жемқорлық тәуекелдерін жоюға қатаң ұсыныс жасап, соларды өзгертуге ықпал етуіңізді сұраймын», – деді ол.
</blockquote>
Отырыста Кәсіпкерлер палатасының директоры Ғалымбек Жақсылықов «Қазақстан Республикасының 2022-2026 жылдарға арналған сыбайлас жемқорлыққа қарсы саясат» тұжырымдамасын қабылдау барысында заңнамалардың орындалуын қатаң бақылауды және көтеріп отырған салалардағы әкімшілік кедергілерді жоюға қатысты ұсыныстардың ескерілуін сұрады.

Қазақстан және Қызылорда облысының жаңалықтары

Мемлекеттік қызметтерді QR-мен төлеңіз

Қызылордалық полицейлер дағдарыс орталығында кездесу өткізді

Сенат Елбасымен мемлекеттік бастамаларды келісу қажеттілігін алып тастауды ұсынды

Ерлан Қиясов Денсаулық вице-министрі – ҚР Бас мемлекеттік санитарлық дәрігері қызметінен босатылды

Аралда 2 сиыр ұрлаған күдікті ұсталды

Covid-19: 391 қызылордалық дерттен айықты

Қызылордада 134 адамнан коронавирус анықталды

27 қаңтарға арналған ауа райы болжамы

Қоғамдық кеңес ұстанымы нық азаматтарды топтастырады

Облыстық балалар ауруханасының 97 пайызы заманауи медициналық құралмен жабдықталған

Биылдан бастап салық кодексіне өзгерістер енеді

Қызылорда: Кәсіпкерлерден түскен шағымның үштен бірі жер қатынастарына қатысты

Қазақстан және Қызылорда облысының жаңалықтары

Мемлекеттік қызметтерді QR-мен төлеңіз

Қызылордалық полицейлер дағдарыс орталығында кездесу өткізді

Сенат Елбасымен мемлекеттік бастамаларды келісу қажеттілігін алып тастауды ұсынды

Ерлан Қиясов Денсаулық вице-министрі &#8211; ҚР Бас мемлекеттік санитарлық дәрігері қызметінен босатылды

Аралда 2 сиыр ұрлаған күдікті ұсталды

Covid-19: 391 қызылордалық дерттен айықты

Қызылордада 134 адамнан коронавирус анықталды

27 қаңтарға арналған ауа райы болжамы

Қоғамдық кеңес ұстанымы нық азаматтарды топтастырады

Облыстық балалар ауруханасының 97 пайызы заманауи медициналық құралмен жабдықталған

Биылдан бастап салық кодексіне өзгерістер енеді

Қызылорда: Кәсіпкерлерден түскен шағымның үштен бірі жер қатынастарына қатысты

Ерлан Қиясов Денсаулық вице-министрі – ҚР Бас мемлекеттік санитарлық дәрігері қызметінен босатылды