<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық құрылыс, сәулет және қала құрылысы басқармасының басшысы лауазымына Ерлан Төрәлиев тағайындалды.
Ерлан Кәрімбекұлы еңбек жолын Қызылорда қаласындағы «Фармация» акционерлік қоғамының экономист-менеджері болып бастаған.
Әр жылдары Қызылорда облыстық энергетика, құрылыс және тау-кен шаруашылығы басқармасының бас маманы, облыс әкімі аппаратында жауапты қызметтер атқарған.
Әр жылдары облыстық құрылыс басқармасы бастығының орынбасары, осы салаға жетекшілік ететін Қызылорда қаласы әкімінің орынбасары, Қызылорда облысының құрылыс басқармасының бастығы қызметтерін атқарды.
Ұлттық экономика министрлігінің Құрылыс және тұрғын үй-коммуналдық шаруашылығы комитетінің су және су бұру басқармасының басшысы, «Мемсараптама» республикалық мемлекеттік кәсіпорны бас директорының бірінші орынбасары, «Қазақстан тұрғын үй-коммуналдық шаруашылығын жаңғырту және дамыту орталығы» акционерлік қоғамы төрағасының орынбасары болып жұмыс жасады.
2020 жылдың қыркүйек айынан бастап осы кезге дейін «Ер-Ару» ЖШС-нің құрылыс жөніндегі директоры лауазымын атқарып келді.

Қызылорда облыстық құрылыс, сәулет және қала құрылысы басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Облыс әкімінің өкімімен және Қазақстан Республикасы Президенті Әкімшілігінің келісімі бойынша Қызылорда облысы әкімі аппаратының басшысы лауазымына Байманов Шахмардан Асқарұлы тағайындалды.
Шахмардан Байманов 1984 жылы Қызылорда қаласында дүниеге келген.
2005 жылы Қорқыт ата атындағы Қызылорда мемлекеттік университетін, 2012 жылы ҚР Президенті жанындағы Мемлекеттік басқару академиясын тәмамдаған.
Еңбек жолын 2005 жылы Қорқыт ата атындағы Қызылорда мемлекеттік университеті ректорының жастар істері жөніндегі көмекшісі болып бастаған;
2007-2008 жылдары — Қызылорда облысының «Жастар бастамаларын дамыту орталығы» қауымдастығының атқарушы директоры;
2008-2012 жылдары — «Қазақстан жастары конгресі» заңды тұлғалар бірлестігінің атқарушы директорының орынбасары, атқарушы директоры;
2012-2015 жылдары — Ақмола облысының жастар саясаты мәселелері басқармасы басшысының м. а., басшысы, жетекшісі;
2015-2017 жылдары — «Нұр Отан» партиясы жанындағы «Жас Отан» жастар қанатының төрағасы;
2017-2019 жылдары — Қызылорда қаласының әкімі орынбасарының міндетін атқарушы, қала әкімінің орынбасары;
2019-2020 жылдары ҚР Ақпарат және қоғамдық даму министрлігінің Жастар және отбасы істері комитеті төрағасының орынбасары;
2020 жылдың тамыз айынан бастап ҚР Ақпарат және қоғамдық даму министрлігі Жастар және отбасы істері комитетінің төрағасы қызметін атқарып келді.

Қызылорда облысы әкімі аппаратының басшысы тағайындалды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы 6 мектепте оқу процесі үш ауысымда жүргізіледі. Бұл туралы Қызылорда облысының санитариялық-эпидемиологиялық бақылау департаментінің баспасөз қызметі хабарлады.
Өңірде мектептердің тығыздық мәселесі салауатты білім берудегі өзекті проблема саналады. Облыстағы 12 мектепте тығыздық көрсеткіші нормадан жоғары болып отыр.
Санитариялық қағида талаптары бойынша әр сыныпта 25 баладан аспауы тиіс. Аталған мектептерде ол 30-35 оқушыны құрайды.
<blockquote>
 «Қызылорда қаласындағы 6 мектепте оқу процесі үш ауысымда жүргізіледі. Бұл санитариялық-эпидемиологиялық қызмет мамандарын алаңдатып отыр. Мұндай жағдайда оқу қарапайым санитариялық-эпидемиологиялық талаптың, ылғалды жуып-шаю, ауа алмасу, карантин режимінің бұзылуына итермелейді. Салдарынан оларда жұқпалы және паразитарлық аурулардың топтасқан жағдайының таралу қаупі артады. 2021-2022 оқу жылында балалар арасында коронавирус инфекциясы көптеп тіркелді. Атап айтқанда, ол үш ауысымда білім беретін Абай атындағы мектеп-лицейде 9, №3 мектеп-лицейде 14, №101 мектепте 8, № 264 мектепте 7 жағдайды құрады. Сабақтың гигиеналық тұрғыдан рационалды, оңтайлы құрылымы оқушылар жүктемесінің азаюына, сәйкесінше жүрек-қантамыр жүйесінің функционалды қалпының бұзылмауына жол ашады. Ол аурушаңдықты азайтуға, сабақ үлгерімінің артуына оң әсерін тигізеді», – делінген департамент хабарламасында.
</blockquote>

Қызылордада 6 мектепте оқу процесі үш ауысымда жүргізіледі

<a href="https://kyzylorda-news.kz/">Kyzylorda-news.kz.</a>&nbsp;Республика аумағының басым бөлігінде ашық, жауын-шашынсыз ауа райы күтіледі, деп хабарлайды Қазгидромет.
Тек еліміздің солтүстігінде, оңтүстігінде, оңтүстік-шығысында және Жамбыл облысының таулы аудандарында жаңбыр, жауады.
ҚР бойынша желдің күшеюі, Қазақстанның оңтүстік-батысында шаңды дауыл, оңтүстік өңірлерде найзағай, дауыл соғады.
Күндіз Қызылорда облысының орталығында жел 15-20 м/с күшейіп, шаңды дауыл соғады.

27 сәуірге арналған ауа райы болжамы

Kyzylorda-news.kz. Қызылорда облысының әкімі Нұрлыбек Нәлібаевтың өкімімен Руслан Рүстемов облыстық мәдениет және спорт басқармасының басшысы болып тағайындалды. Бұл туралы Руслан Рүстемов “Facebook” парақшасында хабарлады.
«Облыс әкімі Нұрлыбек Машбекұлы Нәлібаев сенім білдіріп, үлкен салаға жетекшілік жасауды жүктеді.
Мәдениет пен өнер, спорт маған бейтаныс сала емес, 2002-2007 жылдары облыстық мәдениет басқармасы басшысының, 2016-2019 жылдары облыс әкімінің орынбасары болып қызмет еттім. Арал мен Жаңақорған арасында талай дарабоз таланттардың рухани түлеуіне тамшыдай үлесім тиген болар, сол шақты сағынатын едім, енді 15 жылдан соң ыстық ортаға оралып отырмын. Ана мен бауырындағы баланың бір-бірінен алшақтап, арадағы үзік ұзақ мерзімнен кейінгі кездесуі қалай өрбитіні секілді менің де жүректегі лүпілім кеудеме симай тұр. Бір қуанышым осы еді.
Ал, үмітім – сенім мен жауапкершілік. Екі ұшты үмітті үкілей алмасам, толысқан тәжірибем, біліктілігім, кемелдігім кері кетпей ме, мен үшін маңыздысы осы жәйт. Бұрынғы дана бабалар дәріптегендей, дарақыдан – сорақы жаман, сұмпайыдан – тұрпайы жаман, саңыраудан – меңіреу жаман дегеннен тәңір сақтасын!Бір қазанда сан саланың сыбағасы бар. Қазір шүлен тартатын заман емес, әрбір тиын таразыға түсетін, әрбір мәселе безбенге салынатын есептің уақыты. Ашықтық, жариялылық – басты борыш. Негізі ұстаным осы бағытпен жүреді. Тәртіп пен талап, жауапкершілік пен жүйелілік, жаңашылдық пен жаңғыру күн тәртібінен түспейді.
Өңір мәдениетін дамытуға, өнерді өркендетуге әлеуетті күш жұмсауға тиістіміз. Спорт та серпінді саланың бірі. Сыр спортын қанаттандыруға, әртараптануға әлеуетті күш жұмсауымыз керек. Алдымызда дүбірлі дода, сындарлы сайыстар тұр. Оған лайықтыларды, дара дарын иелері мен талантты, жүректі де білекті жерлестерімізді баптауға міндеттіміз. Сондықтан сала қызметін жаңғыртып, бірлігін сақтап, мамандар біліктілігін арттыруға барынша атсалысатын боламын.
Ұлтымыздың «Өнерліден өнеге ал, таланттыдан тәлім ал»,- деуі тегін емес. Себебі, өнер – он іспен тең, өнерпаз – он кісімен тең деген баға бар. Осындай ұғым ұжымның «ұраны» болады деп үміттенемін», – деп жазды фейсбук парақшасында жаңа басқарма басшысы Руслан Рүстемов.

Қызылорда облыстық мәдениет және спорт басқармасына жаңа басшы тағайындалды

<a href="https://kyzylorda-news.kz/">Kyzylorda-news.kz</a>. Қызылорда қаласында көпқабатты тұрғын үйдің үшінші қабатынан 4 жастағы бала құлап кетті.
Оқиға Желтоқсан көшесі бойындағы көпқабатты үйлердің бірінде орын алды.
<blockquote>
 «Негізінен, мұндай жағдай бала қадағалаусыз қалуы себепті болады. Салдарынан былтыр 10 бала терезе және балконнан құлап кеткен. Оның 2-еуі көз жұмды. Биыл мұндай бір жағдай тіркеліп отыр. Мұндай оқиғаның туындауына ата-ананың баланы бақылаусыз қалдыруы, терезеде уақытша бекіткіш торлардың болмауы себепші. Кейбір азаматтар балалардың терезе алдында ойнауына назар аудара бермейді», – делінген облыстық төтенше жағдайлар департаментінің хабарламасында.
</blockquote>
Айта кетейік, қаладағы көпбалалы және жалғызбасты 7 отбасыға 10 шектеу құрылғысы (блокиратор) орнатылды. Оған «Төтенше жағдайлар органдары ардагерлерінің Қазақстандық ұйымы» қоғамдық бірлестігінің Қызылорда облысы бойынша филиалы демеушілік көрсетті.

Қызылордада 4 жастағы бала үшінші қабаттан құлап кетті

<a href="https://kyzylorda-news.kz/">Kyzylorda-news.kz</a>. Қызылорда қаласында Сырдария өзені үстіндегі көпірден суға секірген жасөспірім қыз құтқарылды.
Оқыс оқиға 25 сәуірде жергілікті уақытпен сағат 18-00 шамасында болған. Облыстық төтенше жағдайлар департаментіне Ғ.Мұратбаев көшесі бойындағы Сырдария өзені үстінен сол жағалауға өтетін көпірдің үстінен жасөспірім қыздың суға секіріп кеткені жөнінде хабардама түсті.
<blockquote>
 «Оқиға орнына жедел құтқару жасағынан 4 құтқарушы 1 техникамен жетті. Құтқарушылар 2008 жылғы жасөспірім қызды сол жерде байқаған адамдардың жағаға шығарғанын анықтады. Одан кейін жасөспірім қызды зембілге салып, жедел жәрдем қызметінің мамандарына тапсырды», – деп жазылған департамент таратқан хабарламада.
</blockquote>

Қызылорда: Көпірден дарияға секірген жасөспірім қыз құтқарылды

<a href="https://kyzylorda-news.kz/">Kyzylorda-news.kz</a>. 26 сәуір – Халықаралық зияткерлік меншік күні. Еліміз 1993 жылдан бастап дүниежүзілік зияткерлік меншік ұйымына мүше болып табылады.
<blockquote>
 «Бүгінде мемлекет тарапынан зияткерлік меншік құқығы саласын дамытуға мән берілуде. Жалпы зияткерлік меншікке азаматтың ой-еңбегімен жасалған жобасы, әдеби және драмалық туындылары, жеке кәсіпкердің өндірген тауары жатады. Әділет департаментінің зияткерлік меншік құқықтары бөлімінің негізгі функциясына – заңнаманың сақталуы тұрғысында жеке және заңды тұлғалардың құқықтарын қорғауы жатады», – деді облыстық әділет департаменті басшысының орынбасары Ұзақбай Оразгелді.
 «Кеден органдарының негізгі міндеті – өз құзыреті шеңберінде кедендік аумағында зияткерлік меншік құқығын қамтамасыз ету болып табылады. Кедендік тазарту барысында зияткерлік меншік құқықтарының бұзылу белгілері анықталған жағдайда 10 күнге дейін тауар шығару тоқтатылады. Бұл мерзім тек қана құқық иеленушінің сұрауы арқылы ұзартылады», – деді мемлекеттік кірістер департаменті кедендік бақылау басқармасының бөлім басшысы Болат Бердібаев.
</blockquote>

Бүгін &#8211; Халықаралық зияткерлік меншік күні

<a href="https://kyzylorda-news.kz/">Kyzylorda-news.kz</a>. Жұмыс істемейтін жүкті әйелдер МӘМС жүйесінде азаматтардың жеңілдікке ие санаты ретінде сақтандырылғандықтан, қымбат диагностикалық зерттеулер мен тегін медициналық көмектің толық пакетін алуға құқылы.
Жүкті әйелдер тегін медициналық көмектің кепілдендірілген көлемі аясында және (немесе) міндетті әлеуметтік медициналық сақтандыру жүйесі бойынша медициналық қызмет алу үшін жүктіліктің он екі аптасына дейін өзі тіркелген емханаға медициналық есепке тұруға міндетті.
Аяғы ауыр әйел жүктілігін сақтағысы келіп, емханаға бірінші рет жүгінген кезде акушер-гинеколог, жалпы тәжірибелік дәрігер (бұдан әрі – ЖТД) немесе алғашқы медициналық-санитарлық көмек орталығының учаскелік терапевті:
1) анамнезді жинайды, жүкті әйелде және туыстарында аурулардың (қант диабеті, артериялық гипертензия, туберкулез, психикалық бұзылулар, онкологиялық аурулар және т. б.) болуын, туа біткен даму кемістіктері және тұқым қуалайтын аурулары бар балалардың тууын анықтайды;
2) бала кезінде және ересек жаста болған ауруларға (соматикалық және гинекологиялық), операцияларға, қан мен оның компоненттерін құюға назар аударады;
3) анамнезді жинау кезінде «Медициналық генетика» мамандығы бойынша дәрігерге жіберу үшін туа біткен және тұқым қуалайтын патология бойынша (ультрадыбыстық скринингсіз және аналық сарысу маркерлерін талдаусыз) мынадай айғақтарға сәйкес «қатер» тобын анықтайды: жүкті әйелдің жасы 37-де және одан асса, анамнезінде генетикалық айғақтар бойынша жүктілікті үзу және/немесе ДПР немесе хромосомалық патологиясы бар баланың тууы, моногенді тұқым қуалайтын ауруға шалдыққан баланың тууы, хромосомалық немесе гендік мутацияның тұқым қуалауы, ауыр акушерлік анамнез (өлі туу, әдеттегі түсік түсіру және басқалар);
4) жүктіліктің бірінші үш айлығында аналық Сарысу маркерлерін талдау үшін жүкті әйелдерді қан алуға жібереді және жүктіліктің бірінші, екінші және үшінші айлықтарында ультрадыбыстық скринингті тағайындайды;
5) ұрпақты болу функциясының ерекшеліктерін зерделейді;
6) жұбайының денсаулық жағдайын, қан тобын және резус тиістілігін нақтылайды;
7) ерлі-зайыптылар жұмыс істейтін өндірістің сипатын, зиянды әдеттерді зерделейді;
8) уақтылы зерттеп-қарау үшін жүкті әйелдерді 12 аптаға дейін ерте есепке қоюды және жүктілік анықталған күні тіркеуді жүзеге асырады;
9) жүктілікті көтеруге қарсы көрсетілімдердің болуын анықтайды;
10) жүкті әйелдер тіркелімінен және ФЖӘ-дан алдыңғы жүктіліктің барысы және бұрын анықталған соматикалық аурулар туралы ақпарат алу мүмкіндігін пайдаланады.
11) анықталған факторларды ескере отырып, жүктілікті жүргізудің алдын ала жоспарын жасайды.
Тексеру нәтижелерін алғаннан кейін:
1) қауіп факторларын ескере отырып, жүкті әйелдің қандай да бір топқа жататындығы айқындалады. 
2) тәуекел факторларын ескере отырып және ана мен ұрықты тексерудің қазіргі заманғы технологияларын пайдалана отырып, жүкті әйелді байқаудың жеке жоспары жасалады. 
3) ресімделеді:жүкті және босанған әйелдің жеке картасы дәрігердің бақылау жазбаларына арналған медициналық құжаттама жүкті әйелге алғашқы барған кезде берілетін және бақылау орнына және басқа медициналық ұйымдарға ұсыну үшін жүктілік кезінде оның қолында болатын алмасу картасы.
Жүкті әйелді босанғанға дейін (физиологиялық) бақылау бағдарламасы қалыпты жағдайда 7 рет келуді қамтиды:
Алғаш келген кезде әйел мына зерттеулерге жіберіледі:
● жалпы қан және зәр талдауы;
● дене салмағының индексі 25.0-ден жоғары болған кезде қандағы қант;
● қан тобы және Rh факторы;
● бак. зәрді талдау;
● онкоцитологияға жағынды;
● АИТВ-ға ИФТ және гепатит маркерлері;
● Вассерман реакциясы;
● биохимиялық генетикалық маркерлер.
● бірінші УДЗ скринингі.
● босануға дайындық мектебіне бару, отбасы өкілімен маманға бару ұсынылады.
Екінші рет қаралу, әдетте, жүктіліктің 16-20 аптасында тағайындалады. Акушерлік тексеру, ақуызға зәр анализі және екінші ультрадыбыстық скрининг жүргізіледі.
24-25 апта мерзімі ішінде жүкті әйел зертханалық зерттеулерге жіберіледі (ақуызға зәр анализі, қанның резус-теріс факторы бар антиденелер), алдын-алу шараларын тағайындайды.
30-32 апта мерзімі ішінде акушер-гинеколог жүкті әйел мен ұрықтың жалпы жағдайын бағалайды. Осы уақытта пациент Вассерман реакциясын, ЖИТС-ке ИФТ, ақуызға зәр анализі және жалпы қан анализін тапсырады. Осы кезеңде босанғанға дейінгі демалыс беріледі.
Жүкті әйелдің келесі келуі 36 апта ішінде тағайындалады. Акушер-гинеколог жүкті әйелдің және ұрықтың жалпы жағдайын бағалайды. Босанудың болжамды мерзімі нақтыланады.
Алтыншы кеңес әдетте босанғанға дейін 38-40 аптада жасалады. Акушер-гинеколог, жалпы тәжірибелік дәрігері (бұдан әрі – ЖТД) немесе алғашқы медициналық-санитарлық көмек орталығының учаскелік терапевті де ықтимал асқынулардың профилактикасын жүргізеді және қажет болған жағдайда жүктілікті жүргізу жоспарын түзетеді, артериялық қысымды өлшейді, сыртқы акушерлік тексеруді жүргізеді, жатырдың биіктігін өлшейді, ақуызға зәр анализіне жібереді.
Жүктілікті бақылау кезінде жалпы тәжірибелік дәрігері (бұдан әрі – ЖТД) немесе алғашқы медициналық-санитариялық көмек орталығының учаскелік терапевті және учаскелік акушер жүкті әйелге үйде патронаж жүргізеді.
Жүктіліктің өтуі асқынған жағдайда келушілер саны мен клиникалық-диагностикалық зерттеулерді шектеусіз жүргізудің жеке жоспары жасалады.
Егер пациент скринингтердің кез келгеніне емханаға тағайындалған күннен кейін үш күн ішінде келмеген жағдайда, оны үйде тонометр, термометр және стетоскоп болуы тиіс акушер немесе мейіргер патронажға алады.
МӘМС туралы Заңның 26-бабына сәйкес жұмыс істемейтін жүкті әйелдер де жарналарды төлеуден босатылғанын қосымша хабарлаймыз. Бұл тұлғаларға жеңілдік мәртебесі ҚР ДСМ АЖ есепке қойылғаннан кейін беріледі.
Жүкті әйелдер мен аналардың денсаулық сақтау саласындағы құқықтары мен міндеттері «Халық денсаулығы және денсаулық сақтау жүйесі туралы» ҚР Кодексінің 81-бабымен айқындалады.

МӘМС: Жүкті әйелдер нені білуі керек?

<a href="https://kyzylorda-news.kz/">Kyzylorda-news.kz</a>. Импортты алмастырудың 2025 жылға дейінгі бағдарламасы осы жылдың маусымында бекітіледі. Бұл туралы бүгін Үкімет отырысында ҚР Индустрия және инфрақұрылымдық даму министрі Қайырбек Өскенбаев айтты.
<blockquote>
 «Кәсіпорындардың айналасында шағын және орта бизнес белдеуін құру мақсатында Қызылорда облысының әкімдігімен бірлесе отырып, «Орда-Glass» ЖШС шыны зауыты базасында автомобиль шынылары, шыны талшықтары, шыныдан жасалған ыдыстар, ыдыс-аяқ, терезе шынылары мен смартфондарға арналған жұқа шынылар өндіретін шағын зауыттар сала отырып, шыныдан дайындалатын бұйымдар өндірісін пысықтай бастадық», – деді ол.
</blockquote>
Министрдің айтуынша, жұмыс істеп тұрған кәсіпорындар мен жаңа жобаларға да қатысты осындай тәсілдер қолданылады. Ірі жүйе құраушы кәсіпорындарды қолдау, сондай-ақ шағын және орта кәсіпкерлерге инфрақұрылым ұсыну есебінен бұрын импортталған тауарлар оқшауланатын болады.
<blockquote>
 «Бағдарлама (Импортты алмастырудың 2025 жылға дейінгі бағдарламасы) жобасын әзірлеу жұмыстары нақты кесте бойынша жүргізілуде. Алгоритмге сәйкес наурыз айында әлемдік тәжірибені талдап, барлық өңдеу өнеркәсібі бойынша кешенді сараптама жүргіздік. Сәуірде жобалар пулын жасап, іс-қимыл алгоритмін әзірледік. Мамыр айында құжатты мүдделі мемлекеттік органдармен және ұйымдармен келісу рәсімін аяқтауды жоспарлап отырмыз. Маусымда жоба бекітілетін болады. Өңірлік бағдарламалар жергілікті атқарушы органдармен қыркүйек айына дейін қабылданады», – деді Қайырбек Өскенбаев.
</blockquote>
<a href="https://www.inform.kz/kz/elimizde-smartfondarga-arnalgan-zhuka-shynylar-shygaratyn-shagyn-zauyt-salynady_a3926919">ҚазАқпарат</a>

Қызылордада автокөлікке арналған шыны өндірілетін болады

<a href="https://kyzylorda-news.kz/">Kyzylorda-news.kz</a>. Өткен жылдың шілде айында «Азаматтарға арналған үкімет» мемлекеттік корпорациясы екінші деңгейлі банктермен бірлесіп («Қазақстан Халық банкі» АҚ, «Банк Фридом Финанс Қазақстан» АҚ, «Отбасы банк» АҚ), Blockchain технологиясымен «Жылжымайтын мүлікке құқықтарды (ауыртпалықтарды) мемлекеттік тіркеу» қызметін көрсету процесін автоматтандыру және оңтайландыру бойынша пилоттық жобаны іске қосқан болатын.
Пилоттық жоба іске қосылған сәттен бастап қазақстандықтар кепіл шарттарды мемлекеттік тіркеуге 11&nbsp;515 өтініш берген. Оның ішінде «Отбасы банкі» арқылы – 6429, «Қазақстан Халық банкі» АҚ арқылы – 2629, «Банк Фридом Финанс Қазақстан» АҚ арқылы – 2457 өтініш қабылданған.
Енді банктер жаңа технологияны қолдана отырып қажетті құжаттарды ХҚО-ға өзі жібереді. Бұл қызмет көрсету мерзімін 3 күннен 1 күнге дейін қысқартуға мүмкіндік берді. Құқықтық талдау процесін автоматтандырудың арқасында банктер өтінім берген сәттен бастап тіркеуге дейінгі уақыт 3 минутты құрады. Жаңа технология адами фактор&nbsp;әсерін толықтай болдырмауға мүмкіндік береді. Осы уақытқа дейін құқықтық талдау процесін автоматтандыру арқылы 2591 өтініш берілді.
Бұрын азаматтар жылжымайтын мүліктің кепіл шартын тіркеу үшін банктен алған құжаттарды өз қолымен ХҚО-ға апаруы тиіс болатын. Онда кепіл шартты тіркеп, ауыртпалық туралы анықтаманы алып, тіркелген шартпен бірге банкке қайта келетін. Blockchain технологиясының арқасында процесс автоматтандырылды.
Клиенттер жылжымайтын мүлікінің тіркелгенін растайтын құжаттарды алу үшін ХҚО-ға бармаса да болады. Мемлекеттік қызметтің нәтижесі egov.kz порталындағы жеке кабинетінде әрдайым қолжетімді.
Азаматтарға арналған үкімет egov.kz порталы арқылы жылжымайтын мүлік бойынша келесі қызметтерді онлайн алуға болатынын естеріңізге салады:
– Заңдық талаптардың туындауын тіркеу;
– Заңдық талаптардың тоқтатылуын тіркеу;
– Кепілді, рентаны, пайдалануды тіркеу;
– Шарт талаптарының өзгеруі нәтижесінде ауыртпалықтардың өзгерістерін тіркеу;
– Қайта кепілді тіркеу;
– Құқықтың ауысуына байланысты емес ауыртпалықты тоқтатуды тіркеу;
– Міндеттемелердің орындалмағаны туралы хабарламаны тіркеу;
– Сауда-саттық туралы хабарламаны тіркеу;
– Қарыз шарты бойынша талап ету құқығын басқаға беруді тіркеу.

Қазақстандықтар жылжымайтын мүліктің кепіл шартын онлайн тіркеуге 11 мыңнан аса өтініш берген

<a href="https://kyzylorda-news.kz/">Kyzylorda-news.kz</a>. AMANAT партиясының съезінде Президент Қасым-Жомарт Тоқаев «ADAL партиясының бастамасын қолдап, AMANAT-пен біріккен жөн деп санаймын» деп мәлімдеді.
<blockquote>
 «Жаңа Қазақстанды құрамыз десек – елге жанашыр, қоғамдық саяси күштердің бәрі жұмылуы керек. Бұл ретте партиялардың өзара тіл табысып, саяси жүйені дамытуы аса маңызды. Сондықтан ADAL партиясының бастамасын қолдап, онымен біріккен жөн деп санаймын. ADAL – өз жақтастары бар, қалыптасқан партия. Саяси бәсеке артып келе жатқан қазіргі кезеңде мұның айрықша мәні зор. Осы маңызды қадам AMANAT партиясын жаңғыртып, күшейте түсуге септігін тигізеді деп ойлаймын», – деді Президент.
</blockquote>
Съезд барысында делегаттар «ADAL» партиясының AMANAT-қа қосылуын дауысқа қойып, қолдады.

Қазақстан және Қызылорда облысының жаңалықтары

Қызылорда облыстық құрылыс, сәулет және қала құрылысы басқармасының басшысы тағайындалды

Қызылорда облысы әкімі аппаратының басшысы тағайындалды

Қызылордада 6 мектепте оқу процесі үш ауысымда жүргізіледі

27 сәуірге арналған ауа райы болжамы

Қызылорда облыстық мәдениет және спорт басқармасына жаңа басшы тағайындалды

Қызылордада 4 жастағы бала үшінші қабаттан құлап кетті

Қызылорда: Көпірден дарияға секірген жасөспірім қыз құтқарылды

Бүгін – Халықаралық зияткерлік меншік күні

МӘМС: Жүкті әйелдер нені білуі керек?

Қызылордада автокөлікке арналған шыны өндірілетін болады

Қазақстандықтар жылжымайтын мүліктің кепіл шартын онлайн тіркеуге 11 мыңнан аса өтініш берген

AMANAT мен ADAL саяси партиялары қосылды

Қазақстан және Қызылорда облысының жаңалықтары

Қызылорда облыстық құрылыс, сәулет және қала құрылысы басқармасының басшысы тағайындалды

Қызылорда облысы әкімі аппаратының басшысы тағайындалды

Қызылордада 6 мектепте оқу процесі үш ауысымда жүргізіледі

27 сәуірге арналған ауа райы болжамы

Қызылорда облыстық мәдениет және спорт басқармасына жаңа басшы тағайындалды

Қызылордада 4 жастағы бала үшінші қабаттан құлап кетті

Қызылорда: Көпірден дарияға секірген жасөспірім қыз құтқарылды

Бүгін &#8211; Халықаралық зияткерлік меншік күні

МӘМС: Жүкті әйелдер нені білуі керек?

Қызылордада автокөлікке арналған шыны өндірілетін болады

Қазақстандықтар жылжымайтын мүліктің кепіл шартын онлайн тіркеуге 11 мыңнан аса өтініш берген

AMANAT мен ADAL саяси партиялары қосылды

Бүгін – Халықаралық зияткерлік меншік күні