Kyzylorda-news.kz. 5 қыркүйек – Қазақстан халқы тілдерінің мерекесіне байланысты Қызылорда қаласындағы мектепке дейінгі білім беру ұйымдарында «Тілді сүю – талбесіктен» тақырыбында акция ұйымдастырылуда. Аталған мерекеге орай Қызылорда қаласындағы «Шаттық» және «Қызғалдақ» балабақшаларында тағылымдық мазмұндағы шара өтті.
Мектепке дейінгі білім беру ұйымдарында тәрбиеленушілердің тіл байлығын жетілдіру, ой-өрісін, танымын кеңейту мемлекеттік тілге деген құрметін арттыру мақсатында өткен акцияға Қызылорда облысының қоғамдық даму басқармасының бөлім басшысы Ләззат Есімова, «Халықаралық «Қазақ тілі» қоғамы» қоғамдық бірлестігі облыстық филиал төрағасының орынбасары Жалғасбек Аманов және қалалық білім бөлімінің әдіскері Жанат Кеулімжайқызы қатысты.
«Шаттық» балабақшасының бүлдіршіндері Әнұран орындап, ән айтып, би билеп, ана тіліміздің айбынын асқақтататын өлең шумақтарын оқыды. Айта кетерлігі, биылдан бастап балабақшада қазақ тіліндегі балаларға арналған кітаптар сөресі ашылған. «Қызғалдақ» балабақшасында тәрбиешілер мен тәрбиеленушілер қала өмірі мен ауыл тіршілігіндегі тіл қолданысын салыстырмалы түрде қойылым арқылы жеткізді.
Акция барысында екі балабақша ұжымына да басқарма тарапынан «Аталар сөзі», «Бабалар батасы», «Халық тағылымы», «Халық ертегілері», «Халық әні», «Халық аңызы», «Қобыз үні», «Домбыра күйі», «Бесік жыры», «Билер сөзі», «Нақыл сөздер», «Халық жыры» кітаптары жиынтығынан тұратын инновациялық сөйлейтін қаламы бар «Даналық әліппесі» оқу-әдістемелік кешені, «Қарлығаштың құйрығы неге айыр?», «Жақсылыққа жақсылық», «Сыналған достық», «Сиқырлы тақия», балаларға арналған ертегі кітапшалар мен журналдар, әріп үйренуге арналған «Электронды әліппе», С.Әкірамұлының «Ұқыпты бала» секілді көптеген кітаптар табысталды.
<img src="https://kyzylorda-news.kz/wp-content/uploads/2022/09/fb_img_1662188475674.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662188478172.jpg" alt="" />

Қызылордада «Тілді сүю &#8211; талбесіктен» акциясы өтті

Kyzylorda-news.kz. Қыркүйек айының алғашқы жексенбісі – мұнай-газ саласы қызметкерлерінің күні. Қызылорда облысының әкімі Нұрлыбек Нәлібаев төл мереке қарсаңында сала мамандарымен кездесті.
Басқосуда аймақ басшысы мұнай-газ секторындағы ахуал және Президент Жолдауында жүктелген міндеттерді талқылады.
<blockquote>
 «Мемлекет басшысы Жолдауда жер қойнауын игеру саласының инвестициялық тартымдылығын арттыру міндет қойды. Мұнай қорлары сарқылып, мұнай көлемі төмендеудің шарықтау шегіне келген осы кезеңде геологиялық зерттеу жұмыстарын жүргізу, мұнай-газ саласын дамытуға инвестиция тарту біздің өңір үшін атқарылатын басты жұмыс. Қазіргі таңда республикалық бюджет есебінен Шу-Сарысу және Арал шөгінді бассейндерін геологиялық зерделеу жұмыстары жүргізілуде. Сырдария бассейні бойынша келер жылы геологиялық зерттеу жұмыстарын бастау жоспарлануда. Үш бассейнді зерттеу нәтижесі – мұнай-газ қорының шоғырланған учаскелерін нақты анықтап береді. Бұл жеке инвесторлар үшін өте қолайлы, олар қысқа мерзімде мұнай мен газды өндіру кезеңіне өтуге мүмкіндік алады.Энергетика вице-министрінің өңірге іс-сапары кезінде газды сатып алу бағасын арттыруға қатысты мәселені көтеріп, «QazaqGaz» басшылығымен келісімге келдік. Жыл соңына дейін бұл мәселе оңтайлы шешілетін болды», – деді облыс әкімі Нұрлыбек Нәлібаев.
</blockquote>
Жиында аймақтың мұнай-газ саласында ұзақ жыл еңбек еткен қызметкерлер ҚР Энергетика министрлігінің салалық наградаларымен және «Қызылорда облысының Құрмет грамотасымен» марапатталды. Атап айтсақ, «Мұнай-газ кешенін дамытуға қосқан үлесі үшін» медалі 2 азаматқа табысталса, 8 сала үздіктеріне Құрмет грамотасы берілді.Сондай-ақ, мерекелік басқосуда сала ардагері Ғалым Байманов көрсетілген құрметке алғыс білдіріп, ақжарма тілегін арнады.
Айта кетейік, бүгінгі күні аймақта мұнай-газ секторында 14 мыңнан астам қызметкер жұмыс істейді.
<img src="https://kyzylorda-news.kz/wp-content/uploads/2022/09/fb_img_1662175979829.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175982939.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175985698.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175988227.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175992318.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662175995031.jpg" alt="" />

Қызылордада мұнай-газ саласының қызметкерлері марапатталды

Kyzylorda-news.kz. Қазақстанда 449 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК баспасөз қызметі.
Шымкент қаласында – 53,
Жетісу облысында – 10,
Шығыс Қазақстан облысында – 24,
Абай облысында – 6,
Батыс Қазақстан облысында – 42,
Қарағанды облысында – 93,
Ұлытау облысында – 12,
Қостанай облысында – 77,
Қызылорда облысында – 8,
Маңғыстау облысында – 21,
Павлодар облысында – 42,
Солтүстік Қазақстан облысында – 61 адам дертінен айыққан.
Елімізде барлығы 1 358 789 адам COVID-19-дан емделіп, сауығып шықты.

Қызылордада 8 адам коронавирустан айықты

Kyzylorda-news.kz. Өткен тәулікте коронавирус инфекциясын жұқтырған 427 жағдай тіркелді, деп хабарлайды COVID-19 таралуына жол бермеу жөніндегі ВАК баспасөз қызметі.
Оның ішінде:
Нұр-Сұлтан қаласында – 69,
Алматы қаласында – 36,
Шымкент қаласында – 11,
Ақмола облысында – 51,
Ақтөбе облысында – 10,
Алматы облысында – 9,
Жетісу облысында – 3,
Атырау облысында – 21,
Шығыс Қазақстан облысында – 11,
Абай облысында – 4,
Жамбыл облысында – 11,
Батыс Қазақстан облысында – 43,
Қарағанды облысында – 40,
Ұлытау облысында – 3,
Қостанай облысында – 38,
Қызылорда облысында – 2,
Маңғыстау облысында – 18,
Павлодар облысында – 17,
Солтүстік Қазақстан облысында – 25,
Түркістан облысында – 5 адамнан инфекция анықталды.
Елімізде коронавирус инфекциясын жұқтырғандар саны 1 389 547 жетті

Қызылордада коронавирус жұқтырғандар бар

Kyzylorda-news.kz. 3 қыркүйекте Қазақстанның басым бөлігінде бұлтты және құрғақ күн райы күтіледі, деп хабарлайды Қазгидромет.
Тек солтүстік-батыста, солтүстікте және батыста атмосфералық фронттардың өтуімен өткінші жаңбыр жауып, күн күркірейді, бұршақ жаууы мүмкін. Республика бойынша кей жерлерде жел күшейіп, батыста шаңды дауыл тұрады.
Жамбыл, Қызылорда, Түркістан, Ақтөбе, Алматы, Жетісу, Атырау облысының батысы мен оңтүстігінде, Батыс Қазақстан, Абай, Қостанай, Қарағанды, Ұлытау облыстарының басым бөлігінде төтенше өрт қаупі болады. Ақмола, Қостанай облыстарының басым бөлігінде жоғары өрт қаупі сақталады.

3 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> «Егемен Қазақстан» республикалық газеті» АҚ басқарма төрағасы Дархан Қыдырәлі Ақпарат және қоғамдық даму министрі лауазымына тағайындалды, деп хабарлайды Ақорда.&nbsp;
<blockquote>
 «Дархан Қуандықұлы Қыдырәлі Қазақстан Республикасының Ақпарат және қоғамдық даму министрі лауазымына тағайындалсын», – делінген хабарламада.
</blockquote>
<img src="https://kyzylorda-news.kz/wp-content/uploads/2022/09/6311f7c7e861f_b.jpg" alt="" />

ҚР Ақпарат және қоғамдық даму министрі тағайындалды

<a href="https://kyzylorda-news.kz/">Kyzylorda-news.kz.</a> Алдағы демалыс күндері еліміздің солтүстік және батыс аймақтарында күн күрт суытады. Салқынмен қоса жаңбыр жиілейді. Ал оңтүстікте құрғақ әрі аптап ыстық күндер жалғасады.
Қазгидромет мамандары республиканың оңтүстік және оңтүстік-шығыс аймақтарында температура 40 градусқа дейін көтерілетінін ескертеді.
Елдің солтүстігінде + 15 + 23°-тан 8+16 °С-қа дейін, күндіз + 25+35-тен +17+25°С-қа дейін төмендеуі болжанады, республиканың оңтүстігінде және оңтүстік-шығысында ауа температурасы түнде +15+25°С, күндіз +30+40°С болады.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінің 85 жылдық мерейтойы аясында оқу орны жаңа дәрісханамен толықты. Саналы ғұмырын ұстаздық етуге, шәкірт тәрбиелеуге арнаған филология ғылымдарының кандидаты, профессор Алданияз Ерғалауов есімі дәріптелді.
<blockquote>
 «Ғалымның өнегелі өмір жолы, азаматтық биік болмысы, қоғамға сіңірген еңбегі артына өшпестей із қалдырды. Ендігі біздің міндетіміз осындай тау тұлғалы азаматтарымызды кейінгі жас ұрпаққа насихаттап, сол кісілердің ізін жалғаушы жастарды тәрбиелеу. Жаңа дәрісхана білім алушылардың сапалы білім алуына, ғылыми ізденістер мен жаңа идеяларды іске асыруларына септігін тигізеді деп білемін», – деді Бейбіткүл Кәрімова.
</blockquote>
Ғұмырын ғылыми-шығармашылық жұмысқа арнап, қазақ-ағылшын тілдерінің сөзжасамдық, грамматикалық, морфологиялық, стильдік тұрпаттарына талдау жасауға арнаған ғалымның 30-дан астам ғылыми еңбегі мен оқулығы жарық көрді.
Салтанатты шарада Алданияз Ерғалауовтың баласы Қадырнияз Алданиязұлы университеттің стратегиялық дамуына қосқан үлесі үшін «Қорқыт Ата атындағы Алтын медалімен» марапатталды. Сонымен қатар, оқу орнының естелік кәдесыйлығы табысталды.
Жаңа дәрісхананың лента қию рәсіміне Басқарма Төрағасы-Ректор Бейбіткүл Сәрсемханқызы мен ардагерлер Кеңесінің төрағасы, экономика ғылымдарының кандидаты Қазыбай Құдайбергенұлы қатысып, қатысушыларға профессордың еңбегі туралы баяндады.
Жиынға Алматыдағы АҚШ бас консулдығының өкілдері, директорлар кеңесінің мүшелері, профессор Алданияз Ерғалауовтың туыстары, белгілі қоғам қайраткерлері, университеттің профессор-оқытушылары мен білім алушылары қатысты.

Университетте профессор Алданияз Ерғалауов атындағы дәрісхана ашылды

<a href="https://kyzylorda-news.kz/">Kyzylorda-news.kz.</a> Қызылорда облысында өндірістің 70 пайызын мұнай-газ саласы құрайды. Осы салада 14 мыңнан астам адам жұмыспен қамтылып отыр. Дегенмен, қазіргі таңда кен орындарының сарқылуы байқалуда. Соңғы 8 жылда мұнай өндіру 60 пайызға қысқарды. Бұл туралы бүгін Өңірлік коммуникациялар қызметінде өткен баспасөз конференциясында облыстық кәсіпкерлік және өнеркәсіп басқармасының басшысы Мұса Қалдарбеков мәлімдеді.
<blockquote>
 «Сондықтан перспективалы учаскелерді белсенді зерттеуге инвесторларды тарту бірінші кезектегі міндет деп санаймыз. Осыған байланысты, республикалық бюджет есебінен Шу-Сарысу және Арал шөгінді бассейндерін геологиялық зерттеу бойынша жұмыстар жүргізілуде. Сырдария бассейні бойынша 2021 жылы жобалық-сметалық құжаттамалары әзірленген. Геологиялық зерттеу жұмыстары келесі жылы басталуы жоспарлануда», – деді Мұса Оспанұлы.
</blockquote>
Өз кезегінде, бұл зерттелген учаскелер жеке инвесторлар үшін мұнай-газ әлеуетін нақты бағалауға мүмкіндік береді. Сондай-ақ, мұнай өндіру көлемін арттыру мақсатында «ҚазМұнайГаз» ҰҚ» АҚ тереңдігі 5,5 мың метр ұңғыманы бұрғылау жұмыстары осы жылы басталды.
Облыста бекітілген газ қорлары 46,9 млрд. м3 (оның ішінде: ілеспе газ – 14,3 млрд., еркін газ – 13,2 млрд., газ қалпақтары – 19,2 млрд.) және тағы шамамен 140 млрд. м3 болжамды қорларын құрайды.
Қазіргі таңда, Энергетика министрлігінің «мұнай-газ кешеніндегі мемлекеттік инспекциясының Оңтүстік өңіраралық басқармасы» облыс аймағында мұнай операцияларын жүргізу, уран өндіру, газ және газбен жабдықтау, мұнай өнімдерінің жекелеген түрлерін өндіру және магистралдық құбырларды пайдалану салаларында мемлекеттік бақылау функцияларын атқарып келеді.
Осы мекеменің басшы міндетін атқарушы Қуаныш Рахманбаевтың айтуынша, өткен жылы басқармамен мұнай операцияларын жүргізу саласында 6 профилактикалық бақылау жүргізілген. Нәтижесінде 33 заң бұзушылық анықталған. Ілеспе газдарды рұқсатсыз немесе рұқсат талаптарын бұза отырып жағу салдарынан 31 120 480 теңге көлемінде мемлекетке келтірілген залал өндірілді. Сонымен қатар, бүгінде Қызылорда аймағында (Қызылорда, Ұлытау, Түркістан) көмірсутектерді барлау және өндіруге барлығы 53 келісім-шарт жасалды.
<img src="https://kyzylorda-news.kz/wp-content/uploads/2022/09/304803930_1609411856120987_4458634531989588723_n-1.jpg" alt="" />

Қызылордада соңғы 8 жылда мұнай өндіру 60 пайызға қысқарды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімі Асқарбек Есжанов жеке қабылдау өткізді.
Аудан басшысының қабылдауына аудан бойынша 7 тұрғын келіп, өздерін толғандырған мәселелерін жеткізді.
Жеке қабылдауға келгендердің дені жұмыссыздық мәселесін алға тартса, бірқатар тұрғындар жайылымдық жер, тұрғын үй және әлеуметтік мәселесімен жүгінді.
Қабылдау барысында аудан әкімі әрбір тұрғынның жеке мәселесін тыңдап, бірқатарына заңдылыққа сәйкес жауап берсе, бірқатар жұмыс сұраушылардың мәселесін шешу үшін тиісті бөлім басшыларына тапсырмалар жүктеді. Сонымен қатар, әлеуметтік көмек сұраған аудан тұрғынына мүмкіндігінше көмек жасалатынын жеткізді.
<img src="https://kyzylorda-news.kz/wp-content/uploads/2022/09/304690846_1527379614380778_6488242055945497158_n-1.jpg" alt="" />

Жалағаш ауданының әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a> «AMANAT» партиясы Теміржол филиалының «Жол бөлімішесі» бастауыш партия ұйымының ұйымдастыруымен «Ардагерлерді ардақтайық» жоба аясында сала және партия ардагерінің үйіне барып, құрмет көрсетілді.
Теміржол саласының дамуына үлесін қосқан ардагеріміздің жастар тәрбиесінде қосқан өнегелі істерін кейінгі ұрпаққа үлгі ету мақсатында Оразбаева Назымхан ананың үйіне ардагерлер кеңесі, партия өкілі, кәсіподақ төрағасымен барып мерейлі жасымен құттықтады.
Партия әрі сала ардагері өткен күндерден естелік айтып, ой-пікірлерімен бөлісіп, ақыл-кеңесін берді.
<blockquote>
 «Теміржол саласындағы еңбек жолым тауар кеңсесінен басталды. Мектеп бітірісімен бірден жүк және багажды қабылдап тапсырушы қызметіне келдім. 40 жыл бір орында жұмыс жасап, сол қызметтен зейнетке шықтым. Дүниеге 5 бала әкелдім, жолдасымның денсаулығы сыр беріп біріңғай емде жүргесің , үй-жәй алуға мүмкіндігім болмады. 15 жылдан астам пәтерден- пәтерде сол 5 баламен ауысып жүрдім. Жолдасым өмірден озды. Тағдырдың салғанына көндім. Балаларымды жетілдіру үшін ретсіз жұмыстан қалмай, сұранбай, міндеттелген қызметімді абыроймен атқаруға бар күш-жігерімді салдым. Себеп-сылтау айтудан аулақ болып, қоғамдық жұмыстарда белсенділік танытудан жалықпадым. Қаншама шәкірттер тәрбиеледім, қазірде басшылық қызметтерде жұмыстарын абыройлы атқарып жүр. Қарапайым қызметте болсамда ұзаө жылғы еңбек тәжірибелерім көп жерде кеңес беруде, маңызды шешімдер қабылдауда жарады. Соның арқасында теміржол тарапынан 4 бөлмелі үй алдым. Өмірге де теміржолға да өкпем жоқ. Қазір 14 немере 3 шөберенің әжесімін. Иә қазір қоғам өзгерді. Ел ертеңін еңселі ететін жастарға айтарым кезіккен қиындықтан қашпай , Жаңа, Әділетті Қазақстан құру жолында ортақ мақсатқа топтасып, ел игілігіне бағыттталған бастамаларды қолдаңдар. Жаңа Қазақстанды бірге құрайық», – деді ардагер.
</blockquote>
Мерейлі жасын ескеріп, елеп келгендерге алғысын білдірген ардагердің әділетті қоғам құрудағы берген кеңесіне бізде ризашылығымды білдірдік.
<img src="https://kyzylorda-news.kz/wp-content/uploads/2022/09/whatsapp-image-2022-09-02-at-12.09.10.jpeg" alt="" />

«Ардагерлерді ардақтайық»: Партия ардагерлеріне құрмет көрсетілді

<a href="https://kyzylorda-news.kz/">Kyzylorda-news.kz.</a> Қарыз алушылардың төлем қабілетсіздігін реттеу, оларды оңалту мақсатында Қазақстанда Мемлекет басшысының тапсырмасы бойынша «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заң жобасы әзірленді, ол қазіргі уақытта ҚР Парламенті Мәжілісінің қарауында жатыр.
Аталған Заң жобасы халықаралық тәжірибені ескерумен азаматтар үшін банкроттық рәсімдерінің үш түрін көздейді.
Fingramota.kz-ке олар жөнінде ҚР Қаржы министрлігінің Берешекпен және дәрменсіз борышкерлермен жұмыс басқармасы басшысының орынбасары Сисембаева Меруерт Қабдырашитқызы неғұрлым толығырақ айтып берді.
Бірінші рәсім –соттан тыс банкроттық
Азаматтар аталған рәсімді мынадай талаптар сақталған жағдайда қолдана алады:
<ul>
<li>егер екінші деңгейдегі банктер, микроқаржы ұйымдары (МҚҰ) және коллекторлар алдындағы қарыз 4,9 млн теңгеден (1600 АЕК)аспаса;</li>
<li>егер ресми табыс болмаса немесе табысы асырауындағыларды (отбасы мүшелерін) қоса алғанда, ең төмен күнкөріс деңгейінен 36 018 теңгеден (2022 жылға)аспаса.</li>
</ul>
Соттан тыс банкроттықты тек банктер, МҚҰ және коллекторлық агенттіктер алдындағы қарыздар бойынша қолдануға болады. Бұл үшін борышкер кредиторлармен реттеу рәсімін өткізуі қажет. Бұл ретте, борышкердің меншікті мүлкі болмауға тиіс.
Борышкерге қатысты бірінші рәсімді қолдану туралы мәліметтер «электрондық үкіметтің» веб-порталында орналастырылатын болады. Борышкер жөніндегі ақпарат барлық кредиторлар үшін 6 ай бойы қол жетімді болады.
Егер көрсетілген кезең ішінде борышкердің меншігінде мүлік пайда болса немесе оның мүліктік жағдайы өзгеше түрде айтарлықтай өзгерсе, борышкер соттан тыс банкроттық рәсімін тоқтату туралы өтініш жасауға міндетті.
Кредиторға, сондай-ақ уәкілетті органға осындай өтінішпен жүгіну құқығы беріледі.
Екінші рәсім – сот банкроттығы
Бұл рәсімді борышы 4,9 млн теңгеден асатын азаматтар қолдана алады. Борышкердің мүлкі болған жағдайда, ол сауда-саттықта сатылуға жатады. Түскен қаражат белгіленген кезектілікке сәйкес кредиторлар алдындағы борышты өтеуге жіберіледі.
Сот банкроттығы рәсімі аяқталғаннан кейін сот қаржы басқарушысының, яғни төлем қабілеттілігін қалпына келтіру және сот банкроттығы рәсімдерін жүргізу жөніндегі қызметті жүзеге асыратын тұлғаның қорытындысын бекітеді. Сондай-ақ, осы қорытындының негізінде сот азаматты борыштан босату немесе босатпау туралы шешім қабылдайды.
Үшінші рәсім – төлем қабілеттілігін қалпына келтіру
Ол тұрақты кіріс болған жағдайда сотта борышты бөліп төлеуді (5 жылға дейін) алу мүмкіндігін көздейді. Қалпына келтіру жоспары қаржы басқарушысымен, яғни төлем қабілеттілігін қалпына келтіру және банкроттық рәсімдерін жүргізу жөніндегі қызметті жүзеге асыратын тұлғамен бірлесіп әзірленеді. Бұл жоспар сотта бекітіледі. Ол үшін екі тараптың – борышкер мен кредитордың келісімі қажет.
Білу маңызды! Заң жобасында банкроттықтан кейін туындауы мүмкін салдар қарастырылған:
1) заң жобасында 5 жыл ішінде қарыздар мен кредиттер алуға шектеу көзделген;
2) азаматтар банкроттықты 7 жылдан кейін ғана қайта қолдана алады;
3) банкроттықтан кейін 3 жыл ішінде банкроттың қаржылық жағдайына мониторинг жүргізу қарастырылған.
Банкроттық туралы заң жобасында тағы нелер қарастырылған?
Заң жобасы борышкерлер жасаған қылмыстық құқық бұзушылықтар мен заңды күшіне енген сот үкімдеріне байланысты қылмыстық іс-әрекетпен келтірілген залалды өтеу борышы бар борышкерлер санатына қолданылмайтын болады.
Бұдан басқа, өзінің қаржылық жағдайы туралы жалған ақпарат ұсынған, өз мүлкі туралы ақпаратты жасырған жеке тұлғаларға, борышкердің қарыз қаражатын мақсатсыз пайдалану фактісін соттың анықтауы сот үшін борышкерге қатысты банкроттық рәсімін қолданбауға негіз болып табылады.
Сондай-ақ, заң жобасында азаматтардың банкрот деп танылған күннен бастап бір жыл ішінде қаржылық сауаттылықты арттыру курстарынан міндетті түрде өтуі көзделген.
Fingramota.kz!-пен бірге қаржылық сауатты болыңыз!

Қазақстан және Қызылорда облысының жаңалықтары

Қызылордада «Тілді сүю – талбесіктен» акциясы өтті

Қызылордада мұнай-газ саласының қызметкерлері марапатталды

Қызылордада 8 адам коронавирустан айықты

Қызылордада коронавирус жұқтырғандар бар

3 қыркүйекке арналған ауа райы болжамы

ҚР Ақпарат және қоғамдық даму министрі тағайындалды

Демалыс күндері ауа райы қандай болады?

Университетте профессор Алданияз Ерғалауов атындағы дәрісхана ашылды

Қызылордада соңғы 8 жылда мұнай өндіру 60 пайызға қысқарды

Жалағаш ауданының әкімі тұрғындарды қабылдады

«Ардагерлерді ардақтайық»: Партия ардагерлеріне құрмет көрсетілді

Банкроттық рәсім туралы не білу қажет?

Қазақстан және Қызылорда облысының жаңалықтары

Қызылордада «Тілді сүю &#8211; талбесіктен» акциясы өтті

Қызылордада мұнай-газ саласының қызметкерлері марапатталды

Қызылордада 8 адам коронавирустан айықты

Қызылордада коронавирус жұқтырғандар бар

3 қыркүйекке арналған ауа райы болжамы

ҚР Ақпарат және қоғамдық даму министрі тағайындалды

Демалыс күндері ауа райы қандай болады?

Университетте профессор Алданияз Ерғалауов атындағы дәрісхана ашылды

Қызылордада соңғы 8 жылда мұнай өндіру 60 пайызға қысқарды

Жалағаш ауданының әкімі тұрғындарды қабылдады

«Ардагерлерді ардақтайық»: Партия ардагерлеріне құрмет көрсетілді

Банкроттық рәсім туралы не білу қажет?

Қызылордада «Тілді сүю – талбесіктен» акциясы өтті