<a href="https://kyzylorda-news.kz/">Kyzylorda-news.kz.</a> Тұрғын үй жалдау субсидиясын алуға өтініш берушілердің несие тарихы тексерілмейді, деп хабарлайды <a href="https://www.inform.kz/kz/uy-zhaldauga-subsidiya-algysy-keletinderdin-nesie-tarihy-tekserilmeydi_a3895254">ҚазАқпарат</a>.
<blockquote>
 «Өтініш берушілерге төлем қабілетін растау керек. «Баспана маркет» порталына өтінім бергеннен кейін төлем қабілетін банк автоматты түрде есептейді. Яғни, дереккқорлардан бүкіл ақпарат алынады. Оның ішінде сіздің айлығыңыз, барлық төлемдеріңіз, еңбек демалысының өтемақысы болса, соның бәрі кіреді. Кәсіпкер ретінде тіркелген болсаңыз, кәсіпкерлік табысыңыз кіреді. Сол отбасы алатын зейнетақы мен әлеуметтік төлемдер де төлем қабілеті ретінде есепке алынады. Осы табыстың бәрін жан басына шағып, 6 айдың ішіндегі табысын есептейді», – деді «Отбасы банк» акционерлік қоғамы орталық филиалының директоры Жансұлтан Матай.
</blockquote>
Директордың айтуынша, тұрғын үй жалдау субсидиясын алғысы келетін отбасының несие тарихы қаралмайды.
Айта кетейік, тұрғын үй жалдау субсидиясын төлеу ережелерін мамыр айында бекітіп, іске қосу жоспарланған. Қазір ереженің жобасы талқыланып жатыр.

Үй жалдауға субсидия алғысы келетіндердің несие тарихы тексерілмейді

<a href="https://kyzylorda-news.kz/">Kyzylorda-news.kz.</a> Адам құқықтарын қорғау, халықтың әлеуметтік жағдайының жақсаруына қолдау көрсету – қоғамдағы шиеленістің алдын алып, келісім мен өзара түсіністік орнатудың бірден-бір жолы. Осы мәселені талқылап, бірлескен жұмыс жолдарын белгілеу мақсатында бүгін облыс әкімі Гүлшара Әбдіқалықова Қазақстандағы адам құқықтары жөніндегі уәкілі Эльвира Азимова, «Адам құқықтары хартиясы» қоғамдық қорының атқарушы директоры Жеміс Тұрмағамбетова мен Қызылорда облысы бойынша Ұлттық алдын алу тетігінің жетекшісі Серік Теңізбаевпен кездесті.
Кездесу барысында жұмыссыз жастарды қысқа мерзімді курстарда оқытып, еңбекпен қамту, тергеу изоляторында ұсталған азаматтарға медициналық және құқықтық көмек көрсету, көмекке мұқтаж азаматтармен ашық диалог құрып, қолдау көрсету жолдары талқыланды.
Облыс әкімі қиындыққа тап болған азаматтарға шұғыл арада медициналық көмектердің тұрақты берілгенін және жұмыссыз азаматтарды қайта оқыту, оларды қабілетіне қарай кәсіби бейімдеу мәселелері үшін кешенді жұмыстар қолға алынатынын тілге тиек етті. Алдағы уақытта халықпен тұрақты түрде кездесіп, елді мекен тұрғындарын мәселелері сараланып, қаралатынын қаперге салды.
Жиын соңында адам құқықтарының сақталуына қызмет ететін азаматтармен жиі пікірлесіп, ұсыныстардың ескерілетіні айтылды.
<img src="https://kyzylorda-news.kz/wp-content/uploads/2022/02/fb_img_1643975170921.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643975174017.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643975177221.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643975180091.jpg" alt="" />

Гүлшара Әбдіқалықова: Халықпен тұрақты түрде кездесіп, елді мекен тұрғындарының мәселелері қаралады

<a href="https://kyzylorda-news.kz/">Kyzylorda-news.kz.</a> “ҚазТранс Газ Аймақ” тұтынушылары үшін тауарлық газды бөлшек саудада өткізудің бағасы осы жылдың 1 ақпанынан бастап 6%-ға төмендеді. Яғни, газды тұтыну бағасы 18,47 теңге болды. Бұл туралы бүгін Өңірлік коммуникациялар қызметінде өткен баспасөз конференциясында “ҚазТрансГаз Аймақ” АҚ өтім және газ режимі қызметінің бастығы Жолдасбек Әбенов мәлімдеді.
Қазіргі уақытта облыс бойынша газдандырылған тұтынушылар саны 123 657 құрайды. Оның 120 931 тұрғын үй. Сонымен қатар, филиал қызметі тұтынушыларға газ есептегіштерін тегін негізде электрондық көрсеткіштен механикалық көрсеткішке ауыстыруды ұсынады.
<blockquote>
 «Электрондық газ есептегіші ұзақ уақыт пайдаланылатындығына және батареяның тозуына байланысты есептегіш істен шығады. Осы ретте газ есептегішінің клапаны іске қосылып, газ беру автоматты түрде тоқтайды. Көбінесе бұл жағдай әр айдың аяқталу күнінде немесе әр айдың 1-күніне ауысу кезеңінде болады. Сондықтан, тұтынушылардың көптеген өтініштері болған кезде, осы саланың мамандары газ беруді қалпына келтіру үшін есептегіштерді электронды түрде механикалыққа ауыстыруға бір уақытта орындауы мүмкін емес», – дейді Жолдасбек Ысқақұлы.
</blockquote>
Сондай-ақ, бүгінде пайдаланылған газ үшін тұтынушылардың қарызы да қордаланып тұр. 2021 жылдың жылу маусымы қарсаңында халықтың қарызы шамамен 982 млн теңгені құраса, қазіргі таңда шамамен 721 млн теңгені құрайды. Алдағы уақытта Филиал дебиторлық қарызды төмендету жұмыстарын жалғастырмақ.

Қызылордада газдың бағасы 18,47 теңге болды

<a href="https://kyzylorda-news.kz/">Kyzylorda-news.kz.</a> Президенттің тапсырмасымен ашылған “Қазақстан халқына” қорының ресми сайты іске қосылды.
<blockquote>
 “Көмекке мұқтаж қазақстандықтар, сондай-ақ жан-жақты көмек көрсетуге ниет білдірген демеушілер өз өтінішін “Қазақстан халқына” қорының цифрлық платформасы арқылы бере алады”, – делінген қордың ресми хабарламасында.
</blockquote>
<a href="https://qazaqstanhalqyna.kz/ru/">www.qazaqstanhalqyna.kz</a> сайтында кез келген адам қаражаттың көлемі мен жұмсалуы бойынша қаржылық есептермен, жүзеге асырылған жобалардың нәтижесімен таныса алады. Ал көмекті алу үшін алдымен “Өтінішті қалай бере аламын” бөліміне өту керек. Одан кейін пайдаланушылар қайырымдылық ұйымдарының бірыңғай платформасы – www.atamekenim.kz сайтына кіреді.
Өтінішті дәл сол санаттармен жұмыс істейтін үкіметтік емес ұйым қарайды.
<blockquote>
 “<a href="http://atamekenim.kz/ru">www.atamekenim.kz</a> сайты қайырымдылық ұйымдарының халықпен жұмыс істейтін алаңы болып саналады. Сайт eGov.kz электронды үкімет порталының кейбір мәліметтер базасымен біріктірілген. Алдағы уақытта өтініш берушілердің мәртебесі туралы толық ақпарат алу үшін порталды мемлекеттік және жергілікті атқарушы органдардың барлық қолжетімді деректер базасымен интеграциялау жұмыстары жүргізіледі”, – делінген ресми хабарламада.
</blockquote>
Бүгінгі таңда сайтта денсаулық сақтау, білім және ғылым, тұрғын үй, негізгі қажеттіліктер және тағы басқа салаларда жұмыс істейтін 86 қайырымдылық ұйым тіркелген. Алдағы уақытта олардың саны артады деген жоспар бар.
Қордың қамқоршылық кеңесі белгілеген әрбір қызметі бойынша демеушілік көмекке жүгінген тұлғалармен және үкіметтік емес ұйымдармен өзара іс-қимылдың егжей-тегжейлі ережелерін әзірлеуі қажет.
<blockquote>
 “Өтінім қордың мақсаттары мен міндеттеріне сәйкес келмеген жағдайда қабылданбауы мүмкін”, – дейді мамандар.
</blockquote>
Өтінішті қарау үшін қор қызметінің әрбір бағыты бойынша сараптамалық комиссиялар құрылады.
Сараптамалық комиссия мүшелеріне арналған ұсынысты сайттың “Сарапшылар” бөліміне өтіп жіберуге болады.
Айта кетері, мемлекет басшысының бастамасымен құрылған “Қазақстан халқына” қоры қиын өмірлік жағдайға тап болған және қолдауды қажет ететін халыққа денсаулық сақтау мен әлеуметтік қорғау саласында тегін көмек көрсетеді.
<a href="https://sputnik.kz/20220204/qazaqstan-khalqyna-qory-komek-22529546.html">Sputnik.kz</a>

&#8220;Қазақстан халқына&#8221; қоры көмекке өтініш қабылдауды бастады

<a href="https://kyzylorda-news.kz/">Kyzylorda-news.kz.</a> Қазақстан Республикасы аумағының 287 млн. гектарының 165 млн-ы құмды аймаққа тиесілі.
оның ішінде Қызылорда облысының көп бөлігі құмды аймақта орналасқан. Сары даланы мекен қылған халық қазірде құмнан да зардап шегуде. Ал бұл процесті ауыздықтаудың бірден-бір жолы сексеуіл отырғызу. Бір түп сексеуіл 4 тонна құмды ұстап тұрады.
Сексеуіл ағашын кесуге тыйым салғанына қарамастан, заңсыз сындырып алушылар қатары азаймай отыр.
Осыған орай «Қазалы орман және жануарлар дүниесін қорғау жөніндегі мемлекеттік мекемесі» сексеуіл ағашын заңсыз кесудің алдын алу және болдырмау жұмыстарын жүргізу мақсатында мобильді топтар құрып, жергілікті тұрғындарға түсіндірме жұмыстарын жүргізуді.

Қызылордада сексеуіл кесуге тыйым салынған

<a href="https://kyzylorda-news.kz/">Kyzylorda-news.kz.</a> Қазақстанда ажырасу тәртібі өзгеруі мүмкін. Бұйрықтың тиісті жобасын “НҚА ашу” порталында әділет министрлігі жариялады, деп хабарлайды <a href="https://stan.kz/kazakstanda-azhirasu-tartibi-ozgerui-mumkin-359708/">Stan.kz</a>.
Ажырасуға қатысты өзгерістер балалы болып үлгермеген жұбайларға қатысты болмақ. Некені бұзу үшін ерлі-зайыптылар екіжақты келісім туралы өтінішхат пен кәмілеттік жасқа толмаған балаларының жоқ екенін растайтын құжат өткізуі керек.
<blockquote>
 “Некені бұзу туралы мемлекеттік тіркеуді некені бұзушылардың қатысуымен тіркеуші орган жүзеге асырады. Неке өтініш қалдырылғаннан кейін бір айлық мерзім өткеннен кейін бұзылады. Мерзім өтініш қалдырылған күннің ертесінен бастап есептеліп, келесі айдың дәл сол күнінде аяқталады. Егер демалыс күніне тұспа тұс келсе, одан кейінгі жұмыс күні аяқталатын күн болып есептеледі”, – делінген бұйрықта.
</blockquote>
Сондай-ақ, бір айлық мерзімді қысқартуға болатыны айтылды. Ол үшін ерлі-зайыптылар тіркеуші органға жеке куәлікпен немесе электронды құжатпен бірге некені бұзуды тіркеу үшін белгіленген күнде келуі керек. Егер де ерлі-зайыптылар өздері айтқан күні келе алмаса, өтінішті қайта бере алады. Оларға тағы да бір айлық мерзім беріледі.
Ерлі-зайыптылардың бірі екінші рет өтініш қалдырғаннан кейін де келе алмаса, некені оның қатысуынсыз бұзылуы мүмкін. Ол үшін оның некені бұзуға келісім бергені туралы нотариалды бекітілген қағазды жеткізу қажет.
Некені “Азаматтарға арналған үкімет” мемлекеттік корпорациясы арқылы бұзуға болады. Ол үшін кәмілеттік жасқа толмаған балалары жоқ ерлі-зайыптылар тиісті құжаттарды келтіруі керек.
Жаңа ережелерді жария талқылау 18 ақпан күні өтеді.

Қазақстанда ажырасу тәртібі өзгеруі мүмкін

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың биылғы 11 қаңтардағы Қазақстан Республикасы Парламенті Мәжілісінің отырысында сөйлеген сөзінде «Жиналыстардың басым бөлігін онлайн форматта өткізу қажет» деген болатын.
Ел Президентінің тапсырмасына орай, Қазақстан Республикасының Мемлекеттік қызмет істері агенттігінің Қызылорда облысы бойынша департаменті қызметтік мәжілістер мен отырыстардың басым бөлігін онлайн форматта өткізуге баса мән беруде. Жыл басынан бері Департаменттің бастамасымен ұйымдастырылған жиналыстардың 90 пайызы қашықтықтан өткізілді.
Осы кезге дейін негізінен офлайн форматта өтетін мәжілістердің бірі – Департаменттің жанындағы Ведомствоаралық жұмыс тобының биылғы алғашқы отырысы онлайн форматта өтті.
Алғашқы отырыста облыстық әділет департаменті мен Қазалы ауданы әкімдігінің мемлекеттік қызметтердің бизнес процестерін жетілдіру, электронды қызметтердің үлесі мен сапасын арттыру бойынша есептері тыңдалды. 2021 жылы Әділет департаменті тарапынан 11 мемлекеттік қызметтер бойынша 1250 қызмет көрсетілген. Бұл көрсеткіш 2020 жылмен салыстырғанда 2,5 есеге көбейген. Ал, Қазалы ауданы әкімдігіне қарасты жергілікті атқарушы органдармен өткен жылы 59 қызмет түрі бойынша 22639 қызмет ұсынылған. Оның ішінде, баламалы түрде көрсетілетін қызметтердің электронды форматтағы үлесі 78,7 пайызды құрап отыр.
Айта кету керек, Ведомствоаралық жұмыс тобы – мемлекеттік көрсетілетін қызметтердің қолжетімділігі мен сапасын бақылауды қамтамасыз етеді. Сондай-ақ, жұмыс тобына халықтың мемлекеттік органдармен қарым-қатынасын оңайлату және тұрғындарды қолжетімді жоғары сапалы қызметтермен қамтамасыз ету жүктелген. Өткен жылы Ведомствоаралық жұмыс тобының 5 отырысы өткізілген. Онда 13 мәселе қаралып, мемлекеттік қызмет көрсетуші мекемелерге 44 ұсыным берілді.
Мемлекет басшысының жиналыстарды онлайн форматта өткізу жөніндегі тапсырмасын жүзеге асыру мақсатында Мемлекеттік қызмет істері агенттігінің Қызылорда облысы бойынша департаменті тарапынан үстіміздегі жылы қызметтік жиындардың басым бөлігін онлайн өткізу көзделуде.

Жиналыстарды онлайн форматта өткізу заман талабы

<a href="https://kyzylorda-news.kz/">​​Kyzylorda-news.kz.</a> Қызылорда қалалық Полиция басқармасына облыс орталығының тұрғыны арызданған.
Оның айтуынша, танысы коммуналдық төлемдерге​ берешек қарызын жауып беремін деп 400 мың теңге ​ көлемінде ақшасын алдап алған.​
Жедел шаралар нәтижесінде тұрғынды алдаған азаматша анықталып, ұсталды. Қазіргі таңда бұл дерек бойынша Қазақстан Республикасы Қылмыстық кодексінің 190 бабы бойынша ​ (Алаяқтық)​ ​сотқа дейінгі тергеп-тексеру амалдары жүргізілуде.

Қызылордада коммуналдық қарыздарды​ жауып беремін деген алаяқ ұсталды

<a href="https://kyzylorda-news.kz/">Kyzylorda-news.kz.</a> Электронды шот-фактуралар ақпараттық жүйесі негізінде Қазақстан аумағында бақыланатын әлеуметтік маңызы бар азық-түлік тауарларын және тас көмірді әкімшілендіруді жетілдіру үшін пилоттық жобаны іске қосу жоспарланған. Бұл туралы Мемлекеттік кірістер комитетінің баспасөз қызметі хабарлайды.
Инфляцияның өсуіне, азық-түлік өнімдері мен мұнай өнімдеріне бағаның өсуіне жол бермеу жөніндегі шаралар шеңберінде Мемлекеттік кірістер комитеті «Электрондық шот-фактуралардың ақпараттық жүйесі негізінде Қазақстан Республикасының аумағында бақыланатын әлеуметтік маңызы бар азық-түлік тауарларын және (немесе) тас көмірді әкімшілендіруді жетілдіру жөніндегі пилоттық жобаны іске асыру қағидаларын бекіту туралы» Қаржы министрі бұйрығының жобасын әзірледі.
Осы бұйрықпен әлеуметтік маңызы бар тауарлар мен көмірді өткізу кезінде электрондық шот-фактураларды (ЭШФ) шығару бойынша салық төлеушілердің міндетін енгізу бөлігінде пилоттық жобаны 2022 жылғы 31 желтоқсанға дейін іске асыру көзделеді.
Бұйрық жобасы Ашық НҚА <a href="https://legalacts.egov.kz/npa/view?id=13982807">порталында</a> жарияланған.

Әлеуметтік маңызы бар азық-түлік бағасын бақылау үшін пилоттық жоба іске қосылады

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Атанши және Жіңішкеқұм ауылдық округтеріне барып, тұрғындардың бүгінгі жай-күйімен танысып, олардың ұсыныс-пікірлерін тыңдады.
Алдымен аудан орталығынан шалғай орналасқан Атанши ауылдық округінің халқымен кездесіп, өткен жылы өңірдегі атқарылған жұмыстарды баяндап, алдағы жоспарлармен де бөлісті. Ауданда өткен жылғы жұмыстар негізінен пандемиямен күреске және қуаңшылықты еңсеруге бағытталған. Аталған бағыттағы жасалған жұмыстарды саралай келе денсаулық сақтау саласы бойынша орталық аурухананың компьютерлік томография, жылжымалы медициналық кешен сынды өңірде бұған дейін болмаған медициналық жабдықтармен толыққандығы туралы оң өзгерістерді де тұрғындарға жеткізді. Сондай-ақ, жылжымалы медициналық кешен елді мекендерді аралап, ауыл тұрғындарының денсаулық жағдайын толықтай тексеруден өткізетінін айтты.
Өз кезегінде тұрғындар бірінші кезекте жол мәселесінің қиындық тудыратынын, жедел жәрдем автокөлігінің қатынасы, ұялы байланыс қызметі сапасының нашарлығы және жайылымдық жерлерді пайдалану бойынша реттілік жасауды сұрады.
Тұрғындардың айтқан ұсыныстарын тыңдаған аудан басшысы Жіңішкеқұм елді мекеніне баратын жолды тегістеу үшін жоба-сметалық құжаттама әзірлендігін, соған сәйкес алдағы уақытта тиісті жұмыстар жасалатынын айтты. Ал жедел жәрдем көлігіне қосалқы бөлшектер алу үшін денсаулық сақтау басқармасымен бірлесіп, шаралар қабылданатын жеткізсе, ұялы байланыс қызметіне қатысты да байланыс операторларына ұсыныс берілетінін айтты. Мұнымен бірге елді мекен аумағындағы бос жерлерді мақсатты пайдалану үшін тексеру жасалып, нәтижесімен шешім шығарылатынын білдірді.
Тұрғындармен кездесіп жергілікті жердегі мәселелерді тыңдаған соң, ауыл маңындағы «Аэропорт» су ұңғымасына барып, қазіргі жағдайын көрді. Төрт түлік малдың суарылымы үшін пайдаланылатын ұңғымадан шығатын су қысымы бұрынғыдан азайған. Бұл су ұңғымасы қуаңшылық жағдайына сәйкес құжаттары рәсімделген 49 ұңғыманың қатарына енгізілген. Алдымен қызыл аймаққа енген елді мекендегі ұңғымалар қазылып біткен соң, бұл маңнан да жаңа ұңғыма қазу жоспарланған.
Бұдан кейін Жіңішкеқұм ауылдық округіне табан тіреген аудан басшысына тұрғындар тарапынан ауыз су және мектеп мәселесі мен балабақша қажеттігі айтылды.
Аудан әкімі Тоқабай және Абай елді мекендерін ауыз сумен қамту мақсатында жасалған жобаның өткен жылы басталғандығын айтып, биылғы жылы қаржының бөлінуіне орай жалғасатындығын түсіндірді. Ал ауыл мектебіне байланысты жауапты басқармалар тарапынан зерттеу жүргізіліп жатқанын, қорытындысына сәйкес шешім шығарылатынын жеткізсе, ауылдан балабақша ашуға кәсіпкер азамматтың ниет білдіруіне сәйкес алдағы уақытта шешімін табатындығын білдірді.
Мұнан кейін ауылдық округ әкімі аппараты ғимаратын аралап, жүргізілген ағымдағы жөндеу жұмыстарын көріп шықты. Жөндеу жұмыстары барысында нысанның есік-терезелері мен жылу жүйесі, электр желілері толықтай ауыстырылған. Аудан әкімі құрылыс жұмыстары барысындағы кемшіліктерді айтып, оларды қалпына келтіруді ауылдық округ әкіміне тапсырды.
<img src="https://kyzylorda-news.kz/wp-content/uploads/2022/02/fb_img_1643951699779.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643951702164.jpg" alt="" />

Серік Сермағамбетов шалғайдағы ауыл тұрғындарымен кездесті

Қызылорда облысындағы спорттық секциялардың тізімі жарияланды

<a href="https://kyzylorda-news.kz/">Kyzylorda-news.kz.</a> Халыққа қызмет көрсету орталықтары енді баспана кезегіне тұруға өтініш қабылдамайды, деп хабарлайды Sputnik Қазақстан.
“ХҚКО-лар бұдан былай тұрғын үйге кезекке тұруға өтінім қабылдамайды. Енді кезекке қою тек электронды портал –&nbsp;<a href="http://www.egov.kz/">www.egov.kz</a>&nbsp;арқылы жүргізіледі”, – деп хабарлайды елорда әкімдігінің&nbsp;<a href="https://zhilfond.kz/kz/">“Тұрғын үй қоры”.</a>Портал арқылы баспана кезегіне тұру үшін тек электронды цифрлық қолтаңба (ЭЦП) қажет. Кірістер, тұрғылықты мекенжай, қай санатқа жататыны туралы барлық деректі база өзі табады.
<h3 id="">Тұрғын үй кезегіне кімдер тұра алады:</h3>
1.Ұлы Отан соғысының мүгедектері мен қатысушылары;
2.жетім балалар, ата-анасының қамқорлығынсыз қалған балалар;
3.халықтың әлеуметтік осал топтары;
4.көпбалалы отбасылар;
5.мемлекеттік қызметкерлер, бюджеттік ұйымдардың қызметкерлері, әскери қызметшілер, ғарышкерге кандидаттар, ғарышкерлер, арнайы мемлекеттік органдардың қызметкерлері, мемлекеттік сайланбалы қызметтерді атқаратын адамдар;
6.Қазақстан заңнамасында белгіленген тәртіппен жалғыз баспанасы апатты деп танылған азаматтар.

Қазақстан және Қызылорда облысының жаңалықтары

Үй жалдауға субсидия алғысы келетіндердің несие тарихы тексерілмейді

Гүлшара Әбдіқалықова: Халықпен тұрақты түрде кездесіп, елді мекен тұрғындарының мәселелері қаралады

Қызылордада газдың бағасы 18,47 теңге болды

“Қазақстан халқына” қоры көмекке өтініш қабылдауды бастады

Қызылордада сексеуіл кесуге тыйым салынған

Қазақстанда ажырасу тәртібі өзгеруі мүмкін

Жиналыстарды онлайн форматта өткізу заман талабы

Қызылордада коммуналдық қарыздарды жауып беремін деген алаяқ ұсталды

Әлеуметтік маңызы бар азық-түлік бағасын бақылау үшін пилоттық жоба іске қосылады

Серік Сермағамбетов шалғайдағы ауыл тұрғындарымен кездесті

Қызылорда облысындағы спорттық секциялардың тізімі жарияланды

Баспана кезегіне тұруға өтініш енді тек egov.kz арқылы қабылданады

Қазақстан және Қызылорда облысының жаңалықтары

Үй жалдауға субсидия алғысы келетіндердің несие тарихы тексерілмейді

Гүлшара Әбдіқалықова: Халықпен тұрақты түрде кездесіп, елді мекен тұрғындарының мәселелері қаралады

Қызылордада газдың бағасы 18,47 теңге болды

&#8220;Қазақстан халқына&#8221; қоры көмекке өтініш қабылдауды бастады

Қызылордада сексеуіл кесуге тыйым салынған

Қазақстанда ажырасу тәртібі өзгеруі мүмкін

Жиналыстарды онлайн форматта өткізу заман талабы

Қызылордада коммуналдық қарыздарды​ жауып беремін деген алаяқ ұсталды

Әлеуметтік маңызы бар азық-түлік бағасын бақылау үшін пилоттық жоба іске қосылады

Серік Сермағамбетов шалғайдағы ауыл тұрғындарымен кездесті

Қызылорда облысындағы спорттық секциялардың тізімі жарияланды

Баспана кезегіне тұруға өтініш енді тек egov.kz арқылы қабылданады

“Қазақстан халқына” қоры көмекке өтініш қабылдауды бастады

Қызылордада коммуналдық қарыздарды жауып беремін деген алаяқ ұсталды