<a href="https://kyzylorda-news.kz/">Kyzylorda-news.kz.</a> Облыста наурыз айында ашылған Кәсіпкерлер палатасы жанындағы Әйелдер кәсіпкерлігін дамыту орталығы бүгінге дейін 245 адамға кеңес беріп, 50 қыз-келіншекті оқытуды ұйымдастырды. Қызметтердің барлығы тегін көрсетіледі.
«Әйелдер кәсіпкерлігін дамыту орталығы» жобасын Азия даму банкінің қаржылай қолдауымен Қазақстандағы БҰҰ Даму бағдарламасы мен «Атамекен» ҰКП жүзеге асырып жатыр.
Орталықтың мақсаты – кәсіпкерлікпен айналысуға ниетті әйелдердің кәсіби құзыретін арттыру.
Облыста соңғы 5 айда кеңес алған 245 қызылордалықтың 98-інің жеке кәсібі бар. Орталық маманы кеңес берумен қатар оқуға ниетті жандарға өздері таңдаған сала бойынша оқыту курстарын ұйымдастырып жатыр.
Тігін тігу бағыты бойынша курс жеке кәсіпкер Гүлжан Қуаңбаеваның орталығында өтуде. Гүлжан Амандыққызы осыдан алты жыл бұрын тігін цехын оқу орталығына айналдырып, мемлекеттік тапсырыс аясында жұмыссыз азаматтарды оқытуды қолға алды. Енді міне жоба аясында биыл 25 қыз-келіншекке тігіп-пішуді үйретуде. &nbsp;
<blockquote>
 «Қазір оқып жатқан жандардың басым бөлігі тігіннен хабардар. Бірі құрақ тігумен айналысса, енді бірі сумка, тұрмыстық заттар, ойыншықтар әзірлей алады. Дегенмен араларында киімді пішіп, тіге алатындары жоқтың қасы. Оқуды бастағанымызға бір айға жуықтап қалды. Жақын күндері курсты аяқтап, қатысушыларға біліктілік алғаны жөнінде сертификат табыстаймыз», – деді оқу орталығының жетекшісі Гүлжан Қуаңбаева.
</blockquote>
Тігіп-пішуді үйренген қызылордалықтардың бірі Серіккүл Байжанова. 54 жаста. Бұрын медбике болып жұмыс істеген.
<blockquote>
 «Карантинде құрақ көрпе тігуді үйреніп алдым. Қазір тапсырыспен тігемін. Әйелдер кәсіпкерлігін дамыту орталығы тігін бағытында курс ұйымдастыратынын естіп, қатысамын деп шештім. Себебі тұтынушыларға ұсынатын өнім түрлерін арттырғым келеді. Мысалы, қазір балаларға арналған ұлттық киімдер, әйелдердің камзолдары сұранысқа ие. Курста соның қыр-сырымен танысып жатырмын. Өзіме көйлек тігіп алдым», – деп Серіккүл Байжанова сұхбат барысында үстіне киген көйлегін көрсетті. Ол алдағы уақытта кәсіпкер ретінде тіркеліп, ресми қызмет көрсеткісі келеді.&nbsp; &nbsp;
</blockquote>
Курсқа қатысып жатқан Айдана Капакова жеке кәсіпкер. Ол ерекше балаларды дамытуға арналған ойыншықтар тігумен айналысады.
<blockquote>
 «Отбасылымын. Ерекше бала тәрбиелеп отырмын. Осы баламды дамытып, жетілдіру үшін ойыншықтар әзірлеп бастағанмын. Кейін өзге де ата-аналардан сұраныс болып, сонымен жеке кәсібімді аштым. Бұрын тігінді көз мөлшермен тігетінмін. Осы курсқа келіп, өлшеудің, пішудің арнайы формулалары болатынын үйрендім. Алдағы уақытта ойыншықтармен бірге киімдерге де тапсырыс алғым келеді. Оқу жақсы өтіп жатыр. Тек уақыты өте аз. Қалағанымыздай үйреніп шығу үшін бір ай жеткіліксіз. Жоба алдағы уақытта жалғасатын болса мерзімін ұзартуды сұраймыз», – деді Айдана Капакова.
</blockquote>
Қызылордадағы Әйелдер кәсіпкерлігін дамыту орталығы осыған дейін 10 әйелді SMM-ге оқытқан. Тігіп-пішу курсындағы 25 келіншекпен бірге жақында кондитерлік курс оқып жатқан 15 азамат арнайы сертификатқа ие болады.
Аймақта кәсіппен айналысамын деген қыз-келіншектер Қызылорда облысы кәсіпкерлер палатасындағы Әйелдер кәсіпкерлігін дамыту орталығынан кеңес ала алады. Мекенжайы: Қызылорда қ., Қорқытата көш.,123, 1-қабат («Бизнеске арналған Үкімет» ғимараты), 8/7242/400202. Кеңесші: Нұрханова Жадыра Мейрамбекқызы, 8 705 116 19 10 (Whatsapp).
<img src="https://kyzylorda-news.kz/wp-content/uploads/2022/07/img_7224-scaled.jpg" alt="" />

Қызылордада әйелдер кәсіпкерлігін дамыту орталығы қыз-келіншектерге тегін кәсіби білім беруді ұйымдастырып жатыр

<a href="https://kyzylorda-news.kz/">Kyzylorda-news.kz.</a> Өңірде жеке кәсіпкерлік саласы қарқынды дамып келеді. Әсіресе шикізат өндірісін қолға алып, ішкі нарықты толықтай қамтамасыз етіп отырған жергілікті өнімдер үлкен сұранысқа ие.
Мәселен «ВЕГА-Пром» ЖШС құрғақ құрылыс қоспаларын өндіру цехы 2015 жылы іске қосылған. Бұл жобаның жалпы құны – 103 млн теңгені құрайды. Бүгінде аталған цехтан 10 түрлі құрғақ құрылыс өнімі шығарылады. Бүгін Өңірлік коммуникациялар қызметінің ұйымдастыруымен өткен баспасөз-туры барысында БАҚ өкілдеріне өндірістің жұмыс барысы таныстырылды.
<blockquote>
 «Бүгінде жеке кәсіпкерлерге мемлекет тарапынан қолдау көп. Соның бірі – «Бизнестің жол картасы 2020» мемлекеттік бағдарламасы арқылы жеке кәсібімді ашу үшін 3 гектар жер алдым. Қазіргі уақытта күніне 75 тоннадан астам өнім өндіреміз. Қазіргі таңда өндіріс қуаттылығын 24 мың тоннаға дейін ұлғайту мақсатында нысанның екінші кезеңін жүзеге асырудамыз. Алдағы уақытта 50 адамға дейін жұмыспен қамтуды жоспарлап отырмыз», – деді «ВЕГА-Пром» ЖШС құрылтайшысы Әбдіхалық Ділманов.
</blockquote>
Ал «Әділханова» ЖК құрылысқа қажетті металл өнімдері өндірісі 2020 жылы іске қосылған. Мұнда күніне 1500 м2 құрылысқа қажетті өнім өндіріледі. Шығарылған тауарлар ішкі нарықты толық қамтамсыз етуде.
<blockquote>
 «Біздің негізгі шығаратын өнімдеріміз құрылысқа қажетті тауарлар. Екі жыл бойы жеке тапсырыстар бойынша жұмыс істеудеміз. Жылдан жылға цехың көлемі ұлғайып, шығаратын өнімнің түрлері көбейіп келеді. Бүгінде 8 адам тұрақты жұмыспен қамтылған. Алдағы уақытта автоматтандыру жүйесіне көшуді жоспарлаудамыз. Бұл өз кезегінде еңбек өнімділігін арттыруға септігін тигізбек», – деді Әділханова» ЖК директоры Исатай Нұржанов.
</blockquote>
<img src="https://kyzylorda-news.kz/wp-content/uploads/2022/07/296205473_1584114941984012_2008785177696570461_n.jpg" alt="" />

Қызылорда облысында өнеркәсіп өндірісі ұлғайып келеді

<a href="https://kyzylorda-news.kz/">Kyzylorda-news.kz.</a> Қазақстанның Ұлттық банкі 27 шілдеден бастап ROZA BAǴLANOVA. 100 JYL коллекциялық монеталары сатылымға шығарылатынын хабарлады.
Монеталар “Есте қалатын оқиғалар мен біртуар адамдар” атты сериядан шыққан. 
Номиналы 100 теңгелік мельхиордан соғылған монеталар қазақтың опера және эстрада әншісі Роза Бағланованың 100 жылдығына арналған.
Монеталар <a href="http://kazcoins.nationalbank.kz/kz/shop_disabled">www.kazcoins.nationalbank.kz</a> платформасында Ұлттық банктің интернет-дүкені арқылы сатылады.
<img src="https://kyzylorda-news.kz/wp-content/uploads/2022/07/2207261622155481g.jpg" alt="" />
Монетаның сипаттамасы
Монета аверсінің орталық бөлігінде Қазақстанның мемлекеттік елтаңбасы бейнеленген. Елтаңбаның оң жағы мен сол жағында ою-өрнек элементтері орналасқан. QAZAQSTAN ULTTYQ BANKI • NATIONAL BANK OF KAZAKHSTAN деген жазу монета жиегімен айналдыра жазылған. Төменгі бөлігінен монетаның номиналын білдіретін 100 TEŃGE жазуын көруге болады.
Монета реверсінде Роза Бағланованың суреті, портреттің сол жағында мерейтойлық датаны білдіретін 100 JYL деген жазу бар, монета жиегінде “Ах, Самара-городок” әнінің ноталары, ROZA BAǴLANOVA деген жазу айналдыра басылған, сол жағында – монетаның шыққан жылын білдіретін “2022” деген жазу бар.
МН25 қоспасынан жасалған номиналы 100 теңгелік монетаның массасы – 15 грамм, диаметрі – 33 мм, дайындау сапасы – brilliant uncirculated, таралымы – 15 000 дана.
Монета коллекциялық құны тұрғысынан сатуға арналған. Оны белгіленген құнына сай Қазақстанның бүкіл аумағында барлық төлем түрі бойынша, сондай-ақ банк шоттарына аударуға, Қазақстанның барлық банкінде аудару, ұсақтау және айырбастау үшін пайдалануға болады. 
Коллекциялық монета Қазақстанның теңге сарайында жасалған.

ROZA BAǴLANOVA коллекциялық монеталары сатылымға шығарылады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында болған жол апатынан бес адам қайтыс болды, деп хабарлайды&nbsp;<a href="https://sputnik.kz/">Sputnik Қазақстан</a>.
Ресми мәліметке сәйкес, таңғы сағат үш кезінде “Самара – Шымкент” тасжолының 1713-ші шақырымында Toyota Camry мен Daewoo Nexia соқтығысқан.
“Жол апаты Жалағаш ауданындағы Таң ауылына жақын жерде болған. Toyota Camry-дің 26 жастағы жүргізушісі және Daewoo Nexia-ның 42 жастағы иесі оқиға орнында қайтыс болды. Nexia салонында болған тағы үш жолаушы көз жұмды”, – деді облыстық төтенше жағдайлар департаментінің мамандары.
<a href="https://sputnik.kz/20220726/qyzylorda-oblysynda-zhol-apaty-26351082.html#"></a>Қайтыс болғандардың арасында 6 және 10 жасар екі бала бар. Қайтыс болған бес адам да Ордабасы ауданының тұрғындары.
Оқиға орнына құтқарушылар, тасжолдағы медициналық-құтқару қызметі, жедел жәрдемнің екі бригадасы, аудандық полиция барды. Қазіргі кезде тергеу шаралары басталды.

Қызылорда облысында жол апатынан 5 адам көз жұмды

<a href="https://kyzylorda-news.kz/">Kyzylorda-news.kz.</a>&nbsp; Республика бойынша тұрақсыз ауа райы сақталады, жаңбыр жауады. 26 шілдеде батыста, 27-28 шілдеде елдің солтүстік-батысында, солтүстігінде найзағай, дауыл, бұршақ күтіледі.
Күндізгі уақытта республиканың батыс өңірлерінде ауа температурасының +25 +35°С-тан +30 +40°с-қа дейін көтерілуі күтілуде, ал елдің солтүстік-батысында, солтүстігінде ауа температурасының күндіз +30 +35°С-тан +20 +30°с-қа дейін біртіндеп төмендеуі болжануда.
Қазақстанның орталығында ауа температурасы +30 +38°С-тан +27 +35°С-қа дейін төмендейді, елдің шығыс облыстарында болса ауа температурасы +22 +32°С-тан +27 +38°С-қа дейін көтеріледі. Ал Қазақстанның оңтүстігінде, оңтүстік-шығысында өте қатты ыстық сақталады: +40 +45°С.

Қазақстанда 26-28 шілдеде қатты ыстық сақталады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық халық шығармашылығын дамыту және мәдени-продюсерлік орталығының басшысы, айтыскер ақын, үш дүркін “Алтын домбыра” иегері Мұхтар Ниязов Қырғызстан Республикасында өткен халықаралық ақындар айтысында Бас бәйге иегері атанған болатын.
Бүгін Сыр еліне Мұхтар Мәуленұлы жүлдемен оралып, жерлестері құрметпен күтіп алды. Аймағымыздың өнер жанашырлары мен Сыр жастары Тұңғыш Президент саябағында жиналып, мәдениет және спорт басқармасының басшысы Руслан Рүстемов ақынның халықаралық айтыста ел мәртебесін биіктеткен жеңісімен құттықтап, шығармашылық табыс тіледі. Жас ақын Сандыбай Піржан өз арнау өлеңін жолдады.
<img src="https://kyzylorda-news.kz/wp-content/uploads/2022/07/295622453_1996531057401059_4754169596106143138_n.jpg" alt="" />

Сыр елі Мұхтар Ниязовқа құрмет көрсетті

Альфия Адиева: Басты назарды өңірлерге бөлеміз

<a href="https://kyzylorda-news.kz/">Kyzylorda-news.kz.</a> Ауыл шаруашылығы министрі Ербол Қарашөкеев ішкі нарықты қантпен қамтамасыз ету жұмысы жайлы айтты, деп хабарлайды <a href="https://sputnik.kz/20220726/ishki-naryq-qant-qory-ministr-26346015.html">Sputnik Қазақстан</a>.
Айтуынша, шілде айының басында республикадағы қант қоры 28 мың тоннаны құраған. Айдың соңына дейін 37 мың тонна қант өндіріледі деп болжанып отыр.
<blockquote>
 “Квота аясында импорт көлемі 33,3 мың тоннаны құрайды. Осылайша ішкі қажеттілік 69,8 мың тонна болса, қанттың жалпы қоры 98,1 мың тонна болады деп күтілуде. Шілде айында қант зауыттарындағы қант құрағынан қант өндіру көлемін ескерсек, қант көлемі жеткілікті. Өз-өзімізді қамтамасыз ете аламыз”, – деді Қарашөкеев орталық коммуникациялар қызметінде өткен баспасөз мәслихатында.
</blockquote>
Ол тамыз айындағы қантқа болжамды қажеттілік 69,8 мың тонна екенін атап өтті.
<blockquote>
 “Бұл тұтынудың ең жоғарғы көлемі. Тамыздың басында республика бойынша қант қоры 35 мың тонна болжанып отыр. 42,2 мың тонна қант импортталады деп күтілуде. Әкімдіктер қорын ескерсек, республика бойынша қанттың жалпы қоры тамыз айының аяғына дейін 118 мың тоннаны құрайды деп жоспарлануда. Сол себепті осы шілде-тамыз айларында өзімізді қамтамасыз ету үшін қант қоры жеткілікті”, – деді министр.
</blockquote>
Қарашөкеевтің айтуынша, республика бойынша қант балансы оң сальдоны көрсеткен. Биыл қаңтар айынан бастап отандық қант зауыттары 120 мың тонна құрақ шикізатынан қант өндірді. Бұл өткен жылдың ұқсас кезеңімен слыстырғанда 19 пайызға артық.

Тамыз айында ішкі нарықты қамтамасыз ету үшін қант қоры жеткілікті

<a href="https://kyzylorda-news.kz/">Kyzylorda-news.kz.</a> Бауыр циррозынсыз созылмалы “В”, “С” және “D” вирустық гепатиті диагнозы қойылса, не білуіңіз керек?
Егер сіз Д-есепте тұрсаңыз, осы аурулар кезінде медициналық көмек тегін және толық көлемде – тегін медициналық көмектің кепілдік берілген көлемі шеңберінде және МӘМС жүйесіндегі мәртебесіне қарамастан көрсетіледі.
Динамикалық бақылау туралы не білуіңіз керек?
Орта медицина қызметкері тексеруді 3 айда 1 рет жүргізеді
БМСК дәрігерінің қарауы – 6 айда 1 рет болады
Қандай бақылау зерттеулерінен өту керек?
Тромбоциттермен қанның жалпы талдауы – 6 айда 1 рет
Қанның биохимиялық талдаулары: аланинаминотрансфераза(АЛТ), аспартатаминотрансфераза(АСТ), фракциялар бойынша жалпы билирубин, креатинин, Альфа-фетопротеин (АФП) – 6 айда 1 рет
Коагулограмма: халықаралық нормаланған қатынас (ХНҚ) – 6 айда 1 рет
“В” вирустық гепатитіне (HBV-ДНҚ) полимеразды-тізбекті реакция сапалы, оң нәтиже кезінде “В” вирустық гепатитіне (HBV-ДНҚ) ПТР жүргізу сандық – 6 айда 1 рет
Бауыр УДЗ – жылына 1 рет
Бауырдың жанама импульсті эластометриясы (Фиброскан) – 2 жылда 1 рет
“B”, “С” (F2 фиброз сатысында) және “D” созылмалы вирустық гепатиті кезінде пациенттер өмір бойы диспансерлік есепте тұрады.
Созылмалы “С” вирустық гепатитінде (фиброз сатысында F1-ден кем) пациенттер элиминация, яғни ауру толық жойылған жағдайда ғана есептен шығарылуы мүмкін.
<img src="https://kyzylorda-news.kz/wp-content/uploads/2022/07/295845488_5318054934975075_5450791313591321690_n.jpg" alt="" />
<img src="https://kyzylorda-news.kz/wp-content/uploads/2022/07/296030707_5318054891641746_5522477122772377664_n.jpg" alt="" />

28 шілде &#8211; Бүкіләлемдік гепатитке қарсы күрес күні

<a href="https://kyzylorda-news.kz/">Kyzylorda-news.kz.</a> «Бизнеске арналған үкімет» ғимаратының ашық алаңында қала әкімі Асылбек Шаменов кәсіпкерлерді салалық мәселелері бойынша қабылдайды.
Уақыты: 29 шілде күні сағат 10:00.

Қала әкімі кәсіпкерлерді қабылдайды

<a href="https://kyzylorda-news.kz/">Kyzylorda-news.kz.</a> 2022 жылғы 25 шілдеден бастап «Бастау Бизнес» жобасы шеңберінде кәсіпкерлік негіздеріне оқыту жаңа форматта онлайн түрде қолжетімді болды.
Өз ісін бастауды жоспарлап отырған қазақстандықтар енді Skills.enbek.kz платформасы арқылы онлайн режимде бизнес жүргізу үшін базалық білім мен дағдыларды ала алады.
«Бастау Бизнес» жобасы «2021-2025 жылдарға арналған кәсіпкерлікті дамыту жөніндегі ұлттық жоба» арқылы азаматтардың бизнес-бастамаларын қолдаудың мемлекеттік шаралар кешені шеңберінде іске асырылады.
Оқу курсына жазылу үшін <a href="https://business.enbek.kz/crtr/">Business.enbek.kz</a> порталда тіркелу, оқыту шарттарына сәйкестігіне автоматты тексеруден өту қажет. Шарттарға сәйкес болған жағдайда қатысушы Skills.enbek.kz платформаға өтіп, оқуға кірісе алады.
«Бастау Бизнес» жобасы аясында кәсіпкерлік негіздеріне оқыту» онлайн курсының қатысушылары бола алады:
1) <a href="https://youtu.be/GSSOAGI1bE8">жұмыссыздар</a> (жұмыссыздық мәртебесі болуы тиіс);
2) ісін жаңа бастаған және жұмыс істеп тұрған кәсіпкерлер;
3) зейнеткерлік жасқа жетпей жұмыстан қысқартылатын қызметкерлер;
4) жеке кәсіпкер ретінде тіркелмей кіріс алу мақсатында тауарларды өндіру (өткізу), жұмыстарды орындау және қызметтерді көрсету жөніндегі қызметті дербес жүзеге асыратын тұлғалар және (немесе) жұмыс істемейтін жеке кәсіпкерлер;
5) отбасылық кәсіпкерлікте ақы төленбейтін қызметті дербес жүзеге асыратын тұлғалар;
6) табысы ең төменгі күнкөріс деңгейінен төмен, сату (айырбастау) үшін жеке қосалқы шаруашылықта өнім өндіру жөніндегі қызметті дербес жүзеге асыратын тұлғалар;
7) табыстары ең төменгі күнкөріс деңгейінен төмен өндірістік кооперативтердің мүшелері.
Оқыту 14 күнтізбелік күннен аспайды. Әр қатысушы курсты жеке-жеке меңгерумен айналысады. Оқу толығымен тегін.
Оқыту келесі кезеңдерден тұрады:
– бірнеше модуль бойынша онлайн оқыту курсы;
– қорытынды тестілеу;
– оқудан өткені туралы сертификат алу.
Оқу барысында пайдаланушы бірнеше сабақтардан тұратын 12 модульден өтуі керек. Әрбір модуль аяқталған соң аралық тестілеу өткізіледі. Келесі оқу модуліне өту үшін қатысушы тестілеуді тапсыру кезінде дұрыс жауаптардың кемінде 70%-ын жинауы керек. Аралық тестілеуден өту әрекеттерінің саны шектелмейді.
«Бастау Бизнес» жобасы бойынша кәсіпкерлік негіздеріне оқыту» онлайн курсы егер қатысушы қорытынды тестілеуді тапсыру кезінде дұрыс жауаптардың 70% – дан астамын жинаған жағдайда өтті деп есептеледі. Дұрыс жауаптардың 70%-ынан төмен жинаған қатысушыға қорытынды тестілеуден 2 рет қайта өту мүмкіндігі беріледі.
Оқыту қорытындысы бойынша қатысушы бірегей нөмірі бар электрондық сертификат алады. «Бастау Бизнес» жобасы бойынша кәсіпкерлік негіздеріне оқыту туралы сертификаттың қолданылу мерзімі 3 жылды құрайды.

«Бастау бизнес»: Кәсіпкерлік негіздеріне оқыту онлайн жүзеге асырылуда

<a href="https://kyzylorda-news.kz/">Kyzylorda-news.kz.</a>&nbsp; Қазалыда жыл сайын қайырымды жандардың еңбегін елеу мақсатында «Жомарт жүрек» номинациясы ұйымдастырылады. Ол үрдіс биыл да тыс қалмады. Cенбіде аудан әкімдігінде қоғам жұмысына белсене атсалысып, әлеуметтік-экономикалық дамуына зор үлес қосудан қалыс қалмаған ұйымдар мен азаматтар кезекті номинацияларымен <a href="https://qazaly.kz/kogam/29416-lem-zhomart-zhandarmen-dem.html?fbclid=IwAR0EpEuz0MSgY0eMBgg7rpidlWRwSmlKBFTVQqIlskMj_SofzA-Fp-8AYGM">марапатталды.</a>
Салтанатты шарада жүрегі жомарт жандарды түрлі номинация мен алғыс хат және арнайы сыйлықпен марапаттау сәті аудан әкімінің орынбасары Жалғас Сүйеубаевқа бұйырыпты.
Сыйлық 5 номинация бойынша табысталды. Оның алғашқы «Жыл тұлғасы» номинациясына арнайы комиссия шешімі бойынша, Мақсұт Мұратұлы лайықты деп танылды. Мақсұт өз кезегінде сауабы мол ізгі істі мұрат еткен азамат. Ол әлеуметтік қолдауды қажет ететін жандардың әлеуметтік-тұрмыстық жағдайын көтеруді көздеп, 3 отбасына баспана алып берген.
Онан соң, кезекте «Жыл меценаты» номинациясы. Дүйім жұрттың назарына туған жерде ірі әлеуметтік жобаларды іске асырған және аз қамтылған, көп балалы жанұялар мен ата-ананың қарауынсыз қалған жетім балаларға қол ұшын созған, мүгедектерге мен ардагерлерге көмек көрсеткені үшін «Мерей» күріш зауытының директоры Мерей Есқожаев ілікті.
Ал «Туған өлке» номинациясын елді мекендерді аббаттандыруға, денсаулық сақтау, мәдениет пен білім беру және спорт салаларына демеушілік жасаған. Әлеуметтік жобаларды іске асырғаны үшін «Сарым-Құрылыс» жауапкершілігі шектеулі серіктестігінің директоры Райымбек Болатбекұлына иемденді.
Одан кейін, «Жылдың үздік ұйымы» номинациясын «Нурас и Компания» жауапкершілігі шектеулі серіктестігінің директоры Нұркен Ботабаев қанжығалады. Ол әлеуметтік маңызы бар қайырымдылық жобаларды мен акцияларды тиімді жүзеге асырып, қоғамдық маңызы бар шараларға бас демеушілік жасаған жан.
Сондай-ақ, соңғы 5-ші «Жылдың үздік қамқоршысы» номинациясы Қоғамдық кеңес мүшесі Жәнібек Жарқынбекұлына бұйырды. Ол да аудандағы түрлі қайырымдылық шараларына белсене қатысып және волонтерлік қызметтерді ұйымдастырғаны үшін марапатталады. Қазалы аудандық «Қоғамдық кеңес» мүшесі. «Өнегелі» қоғамдық қорының бастамашыл азаматтарының бірі. Қала жастары арасында өткізілетін түрлі мәдени-көпшілік іс-шаралардың белсенді ұйымдастырушысы.

Қазақстан және Қызылорда облысының жаңалықтары

Қызылордада әйелдер кәсіпкерлігін дамыту орталығы қыз-келіншектерге тегін кәсіби білім беруді ұйымдастырып жатыр

Қызылорда облысында өнеркәсіп өндірісі ұлғайып келеді

ROZA BAǴLANOVA коллекциялық монеталары сатылымға шығарылады

Қызылорда облысында жол апатынан 5 адам көз жұмды

Қазақстанда 26-28 шілдеде қатты ыстық сақталады

Сыр елі Мұхтар Ниязовқа құрмет көрсетті

Альфия Адиева: Басты назарды өңірлерге бөлеміз

Тамыз айында ішкі нарықты қамтамасыз ету үшін қант қоры жеткілікті

28 шілде – Бүкіләлемдік гепатитке қарсы күрес күні

Қала әкімі кәсіпкерлерді қабылдайды

«Бастау бизнес»: Кәсіпкерлік негіздеріне оқыту онлайн жүзеге асырылуда

Қазалыда «Жомарт жүрек» номинациясы табысталды

Қазақстан және Қызылорда облысының жаңалықтары

Қызылордада әйелдер кәсіпкерлігін дамыту орталығы қыз-келіншектерге тегін кәсіби білім беруді ұйымдастырып жатыр

Қызылорда облысында өнеркәсіп өндірісі ұлғайып келеді

ROZA BAǴLANOVA коллекциялық монеталары сатылымға шығарылады

Қызылорда облысында жол апатынан 5 адам көз жұмды

Қазақстанда 26-28 шілдеде қатты ыстық сақталады

Сыр елі Мұхтар Ниязовқа құрмет көрсетті

Альфия Адиева: Басты назарды өңірлерге бөлеміз

Тамыз айында ішкі нарықты қамтамасыз ету үшін қант қоры жеткілікті

28 шілде &#8211; Бүкіләлемдік гепатитке қарсы күрес күні

Қала әкімі кәсіпкерлерді қабылдайды

«Бастау бизнес»: Кәсіпкерлік негіздеріне оқыту онлайн жүзеге асырылуда

Қазалыда «Жомарт жүрек» номинациясы табысталды

28 шілде – Бүкіләлемдік гепатитке қарсы күрес күні