<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде Мемлекет басшысы Қ.К.Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауынан туындайтын міндеттерді талқылау мақсатында аппараттық мәжіліс өтті.
Жиынға Басқарма Төрағасы-Ректор Бейбіткүл Кәрімова, құрылым басшылары, қызметкерлер, профессор-оқытушылар мен жас ғалымдар қатысты.
Қатысушылар білім мен ғылым саласын заманауи талаптарға сай дамыту, жастарға қолдау көрсету мәселелерін басты назарға алды. Сондай-ақ, Жолдауда көрсетілген міндеттерді іске асыру бойынша өз пікірлері мен ұсыныстарын ортаға салды.
<blockquote>
 «Президент Қасым-Жомарт Кемелұлы Тоқаевтың Қазақстан халқына жасаған кезекті жолдауын тыңдадық. Жолдаудың мән-маңызы өте ерекше. Себебі, бұл жолдаудың ауқымы кең, мазмұны бөлек. 
 Жолдауда Қазақстанның жаңару мен жаңғыру жолыңдағы дамуының басты мәселелеріне, атап айтқанда: әлеуметтік, рухани, экономикалық және демографиялық ахуалдарына назар аударылды. Сондықтан да қоғамды дамыту үшін әлеуметтік-экономикалық теңсіздіктер мәселесін шешуді алға қойып отыр. 
 Жолдаудың негізгі бөлігі еліміздің әлеуметтік-экономикалық дамуына бағытталған. Президент жолдауындағы міндеттерді реттеп, мақсаттарға жету үшін бүкіл қоғам жаңғыруы қажет. Ұлттық, мемлекеттік құндылықтарымыз түбегейлі жаңаруы тиіс. Сондықтан баршаңызды Президент жолдауын барлығымыз қолдап, еліміздің әлеуметтік, рухани, экономикалық ахуалын жақсартуға атсалысуға шақырамын», – деді Қорқыт ата атындағы Қызылорда университетінің «Философия және әлеуметтік-гуманитарлық пәндер» кафедрасының профессоры, философия ғылымдарының докторы Баймырза Қожамберлиев.
</blockquote>
Қорқыт ата атындағы Қызылорда университетінің ұжымы Президент Жолдауын бірауыздан қолдап, алға қойған міндеттерді шешуге белсенді қатысуға дайын екендіктерін жеткізді.
<img src="https://kyzylorda-news.kz/wp-content/uploads/2022/09/305504243_563165005553036_9049562318946028827_n.jpg" alt="" />

Қорқыт ата атындағы Қызылорда университетінде Жолдаудан туындайтын міндеттер талқыланды

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданында Қазақстан халқы тілдері күні мерекесіне орай аудандық жыршы-термешілер байқауы өтті.
Роза Бағланова атындағы аудандық мәдениет орталығында өткен байқауда алдымен аудан әкімі Мұхтар Оразбаев құттықтау сөз сөйлеп, игі тілегін жеткізді.
Мұнан соң Мұхтар Әуесұлы қазақ тілінің өрісін кеңейтуге атсалысып жүрген жандарды облыс әкімінің орынбасары мен аудан әкімінің «Алғыс хатымен» марапаттады.
Сондай-ақ, Е.Бозғұлов атындағы №249 мектеп-лицейдің директоры Батырбек Тәңірбергеновке «Қазақ тілі», Қазалы ауданының Қорқыт ата атындағы өнер мектебінің мұғалімі Сандуғаш Бисембаеваға «Абай аманаты» төсбелгісін табыстады.
«Текті сөздің төресі – терме» атты байқауға 16-40 жас аралығындағы жыршы-термешілер қатысты. Байқаудың бірінші кезеңінде жыршылар республикаға танымал шайырлардың мемлекеттік тілге байланысты жыр-термелерін орындаса, екінші кезеңде, жергілікті ақын жазушылардың жыр толғаулары – Нұртуған жырау, Қарасақал Ерімбет, Байназар Өтеп, Ержан жырау, Жәмет жырау, Мысабай жырау, Нұрсұлтан Жұбатұлы, Едіге Кішкенеев, Әмитжан Бөріқұлақов, Сардарбек Қожағұловтардың термелерін жырлады.
Бұл күні мемлекет қайраткері, ақын, публицист, қазақ тілі мен әдебиеттану ғылымдарының негізін салушы ғалым, ағартушы Ахмет Байтұрсынұлының 150 жылдығы аясында «Өлең сөздің патшасы» атты аудандық ақындар мүшәйрасы да өткізілді.
<img src="https://kyzylorda-news.kz/wp-content/uploads/2022/09/06.jpg" alt="" />
<img src="https://kyzylorda-news.kz/wp-content/uploads/2022/09/07.jpg" alt="" />
<img src="https://kyzylorda-news.kz/wp-content/uploads/2022/09/09.jpg" alt="" />

Қазалыда жыршы-термешілер байқауы өтті

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданының әкімі Мұхтар Оразбаев Әйтеке би кентін аралап, аудан орталығында бірқатар құрылыс жұмыстарын көрді.
Аудан басшысы алдымен Т.Айбергенов көшесіндегі көпқабатты тұрғын үйдің ауласынан жаңадан салынып жатқан спорт алаңын көрді.
Бұл спорт алаңы балалар жылына орай демеушілердің көмегімен салынуда. Құрылыс жұмыстары қыркүйек айының соңына дейін толық аяқталып, халықтың игілігіне беріледі деп жоспарлануда. 
Мұхтар Әуесұлы аудан орталығын аралау барысындаҚарасақал Ерімбет көшесінің бойындағы абаттандыру жұмыстарын да көрді.
Аудан басшысы мердігер мекеменің жауапты қызметкерлеріне құрылыс жұмыстары баяу жүріп жатқанын ескертіп, қарқынды күшейту қажеттігін айтты.
Аудан әкімі Мұхтар Оразбаев мұнан соң «Батыс Еуропа – Батыс Қытай» халықаралық автожолының бойында орналасқан сарқынды су төгетін арнайыорынға барды.
Қазіргі таңда аудандық бюджеттен қаржы бөлініп, сарқынды су төгетін орынға баратын жол мен автокөліктер тоқтайтын алаңқайға қиыршық тас төселуде.
Аудан әкімі Мұхтар Оразбаев Әйтеке би кентін аралау барысында көргенәрбір құрылыс жұмыстарының сапасы талапқа сай болу керектігін жеткізді. Құрылыс жұмыстарының сапасын қадағалауды тиісті сала басшыларына тапсырып, күнделікті бақылау қажеттігін айтты.
<img src="https://kyzylorda-news.kz/wp-content/uploads/2022/09/00-1.jpg" alt="" />
<img src="https://kyzylorda-news.kz/wp-content/uploads/2022/09/04.jpg" alt="" />

Қазалы ауданының әкімі бірқатар құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Қызылорда облысында жол ережесін бұзған құқық бұзушы жауапқа тартылды. Қала орталығындағы мейрамханалардың алдында жол қозғалысы ережесін бұзған жүргізуші ұсталды.
Ол Land Cruiser автокөлікті мемлекеттік белгісін тақпай бірнеше жол жүрісі қағидаларын бұзған. Құқық бұзушыға Қазақстан Республикасы ӘҚБтК-нің 590-бабы 2-бөлігімен (Мемлекеттiк тiркеу нөмiрi белгiлері жоқ немесе пайдалануға тыйым салынғаннан кейiн немесе белгiленген тәртiппен тiркелмеген көлiк құралын басқару) және 603-бабының 1-бөлігімен (Көлiк құралының алдыңғы бөлiгiне қызыл түстi жарығы бар жарық аспаптарын немесе қызыл түстi жарық қайтаратын бейімдеме құрылғыларды, сол сияқты түсi мен жұмыс режимi көлiк құралдарын пайдалануға жiберудiң талаптарына сәйкес келмейтiн жарық аспаптарын орнату) әкімшілік жауапкершілікке тартылды.
Жүргізушіге жасаған құқық бұзушылығы үшін он айлық есептiк көрсеткiш мөлшерiнде айыппұл салынып, қызыл түсті жарығы бар аспаптар мен құрылғылары тәркiлене отырып, он бес айлық есептiк көрсеткiш мөлшерiнде айыппұл төлейтін болады.

Қызылордада жол ережесін бұзған құқық бұзушы жауапқа тартылды

<a href="https://kyzylorda-news.kz/">Kyzylorda-news.kz.</a> Алдағы уақытта Белкөл кентінде мәдениет үйі бой көтереді. Оның құрылысын жүргізу үшін Қызылорда облыстық құрылыс басқармасы арқылы құны 604 млн. теңгені құрайтын жоба-сметалық құжат әзірленіп отыр. Бұл туралы Қызылорда қаласының әкімі Асылбек Шаменовтың төрағалығымен өткен жиында айтылды.
Аппарат мәжілісінің күн тәртібінде 3 мәселе қаралды.
Алдымен жылу маусымына орай қалада атқарылған жұмыстарды тізбелеген қалалық тұрғын үй-коммуналдық шаруашылық, автомобиль жолдары және жолаушылар көлігі бөлімінің басшысы Ғалымжан Қайназаров бүгінгі күнге жылу орталықтары бойынша жөндеу шаралары кестеге сәйкес орындалғандығын айтты.
Сондай-ақ, қалаға қарасты кент және ауылдық округтерге жылу беру маусымы кезінде халық арасында дүрбелең туындамауы үшін қатты отын қорымен осы кезден бастап қамтамасыз етуі керектігі жөнінде тиісті хаттар жолданып, тұрақты түрде қадағалау жұмыстары жүргізіліп отырғандығын жеткізді.
Күн тәртібіндегі екінші мәселе бойынша Белкөл кентінің әкімі Жасұлан Сәду кенттің әлеуметтік-экономикалық дамуы мен алдағы міндеттері туралы, атқарылған және әлі де атқарылуы тиіс жұмыстар жөнінде баяндады.
Кентте бұқаралық спорт түрлері қарқынды дамып келеді. Жеке кәсіпкердің демеушілігімен ашылған спорт кешенінде 300-ге жуық бала спорттың бірнеше түрімен шұғылданады.
Жоспардағы игі істің бірі – алдағы уақытта Белкөл кентінде мәдениет үйі бой көтереді. Оның құрылысын жүргізу үшін облыстық құрылыс басқармасы арқылы құны 604 млн. теңгені құрайтын жоба-сметалық құжат әзірленіп отыр.
Келесі болып мінберге көтерілген қалалық ауылшаруашылығы бөлімінің басшысы Нұрбек Әзірбек қала бойынша барлығы 9036 гектар жерге ауыл шаруашылығы дақылдары орналастырылғанын айтып, алдағы егін жинау науқаны ұйымшылдықпен атқарылып, қысқа мерзімде егінді жинап алудың шаралары өз дәрежесінде жүргізілуде деді. Ал, жылда осы науқанда бағасы қымбаттап, тапшылық орын алатын жанар-жағар май мәселесі шешімін тауып, кәсіпкерлермен орнықты келісімдер жасалынған.
Тиісті сала басшылары мен Белкөл кентінің әкіміне шаһар басшысы Асылбек Шаменов жеке-жеке тапсырма жүктеді. Әсіресе, жылу маусымына дайындық жұмыстарында кемшілік жібермеуді, барлық қызметтерді ұтымды ұйымдастырып отыруды тапсырды.
<img src="https://kyzylorda-news.kz/wp-content/uploads/2022/09/whatsapp-image-2022-09-06-at-19.42.34.jpeg" alt="" />

Белкөл кентінде мәдениет үйі салынады

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша Конго-Қырым геморрагиялық қызбасының алдын алу мақсатында түсіндірме жұмыстары жүргізілді.
Бүгін Жалағаш кентінде Қызылорда облысы әкімі аппаратының «Жұмылдыру және шұғыл жұмыстар орталығы» КММ-нің басшысы Ерлан Бейсенбаевтың төрағалығымен Жалағаш ауданы бойынша Конго-Қырым геморрагиялық қызбасының алдын алу мақсатында күзгі эпидмаусымында кенеге қарсы дәрілеу-залалсыздандыру жұмыстарының барысы туралы түсіндірме жұмыстары жүргізілді. Мәжіліске аудан әкімінің орынбасары Алтынбек Дәрібаев, бөлім, мекеме басшылары, кент және ауылдық округ әкімдері қатысты.
Жалпы Жалағаш ауданы бойынша Конго-Қырым геморрагиялық қызбасы ауруымен ауданның 12 ауылдық округі қолайсыз елді мекендер қатарына енгізіліп отыр.
Аталған елді мекендердің мал бастарының тізімі нақтыланып күзгі залалсыздандыруға барлығы: МІҚ – 30385, Түйе – 575, Уақ мал – 40624, Шошқа – 332, Қора – 4833 (257765 ш/м), Суат, Шаңлақ – 177 (85790 ш/м) залалсыздандыру жұмыстары жүргізіледі.
Кенеге қарсы залалсыздандыру жұмыстарын орындаушы мердігер мекеме «Сәтті Түлік» ЖШС-сі арқылы 7-техника, 9-адам тартылып Конго-Қырым қанды безгегі ауруына қарсы залалсыздандыру жұмыстарын бүгіннен бастап 28 қыркүйекке дейін екі кезең бойынша «Креолин-Х» 5% препаратымен нұсқаулыққа сәйкес екі реттен жүргізілетіндігін хабарлайды.
<img src="https://kyzylorda-news.kz/wp-content/uploads/2022/09/whatsapp-image-2022-09-06-at-18.57.14-1.jpeg" alt="" />

Жалағашта кене шағудың алдын алу мақсатында түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте коронавирус инфекциясын жұқтырған 324 жағдай тіркелді, деп хабарлайды COVID-19 таралуына жол бермеу жөніндегі ВАК.
Оның ішінде:
Нұр-Сұлтан қаласында – 62,
Алматы қаласында – 29,
Шымкент қаласында – 2,
Ақмола облысында – 27,
Ақтөбе облысында – 11,
Жетісу облысында – 3,
Атырау облысында – 8,
Шығыс Қазақстан облысында – 12,
Абай облысында – 9,
Жамбыл облысында – 3,
Батыс Қазақстан облысында – 20,
Қарағанды облысында – 40,
Ұлытау облысында – 5,
Қостанай облысында – 39,
Қызылорда облысында – 2,
Маңғыстау облысында – 11,
Павлодар облысында – 12,
Солтүстік Қазақстан облысында – 26,
Түркістан облысында – 3.
Елімізде коронавирус инфекциясын жұқтырғандар саны 1 390 587 жетті.

Қызылордада коронавирус жұқтырғандар бар

<a href="https://kyzylorda-news.kz/">Kyzylorda-news.kz.</a>&nbsp;Атмосфералық фронталды бөліктердің өтуімен еліміздің батысында, солтүстігінде найзағай ойнап, жаңбыр жуады, солтүстігінде қатты жаңбыр жауады, деп хабарлайды Қазгидромет.
Қазақстанның қалған аумағында күн жауын-шашынсыз болады. Республиканың басым бөлігінде жел күшейіп, күндіз солтүстігінде бұршақ жауып, дауыл тұрады.
Жамбыл, Қызылорда, Түркістан, Ақтөбе, Алматы, Жетісу, Ұлытау, Абай облысының оңтүстігі мен шығысында, Қарағанды облыстарының оңтүстігі мен шығысында және батысында төтенше өрт қаупі сақталады, Қостанай облысының оңтүстігінде жоғары өрт қаупі сақталады.
Күндіз Жетісу, Абай, Шығыс Қазақстан облыстарының басым бөлігінде, Алматы облысының солтүстігінде, оңтүстігінде, Жамбыл облысының батысында, солтүстігінде және оңтүстігінде қатты ыстық болады.
Нұр-Сұлтанда көшпелі бұлт шығып, түнде және таңертең жаңбыр жауады, найзағай ойнайды. Оңтүстік-батыста, батыстан жел соғады, күші 9-14, екпіні 15-20 м/с. Ауаның температурасы түнде 16-18, күндіз 18-20 градус жылы болады.
Алматыда көшпелі бұлт шығады, күн жауын-шашынсыз. Желдің жылдамдығы секундына 2-7 метр. Ауаның температурасы түнде 20-22, күндіз 33-35 градус жылы болады.
Шымкентте көшпелі бұлт шығып, күн жауын-шашынсыз болады. Шығыстан жел соғады, күші 8-13 м/с. Ауа температурасы түнде 19-21, күндіз 36-38 градус жылы болады.

7 қыркүйекке арналған ауа райы болжамы

Kyzylorda-news.kz. Бүгін Сыр өңірінен азық-түлік, құрылыс материалдары өзге де қажетті заттар тиелген жүк көлігі Қостанай өңіріне көмек ретінде жөнелтілді.
31 тоннадан астам азық-түлік өнімдері, ауыз су, жеке гигиеналық заттар, төсек жабдықтары мен құрылыс материалдары «AMANAT» партиясы филиалдары жанындағы қабылдау пункттерінде жиналды.
<blockquote>
 «Жалпы Қостанай өңірінде орын алған төтенше жағдайға байланысты «AMANAT» партиясы жылдам шешім қабылдап, 4 қыркүйектен бастап барлық өңірлерде гуманитарлық көмек жинау пунктерін ашқан болатын. Осы мақсатта «AMANAT» партиясының Қызылорда облыстық филиалымен Қызылорда қаласы, 7 аудан және Төретам кентінде, барлығы 9 гуманитарлық көмек қабылдау пункттері ашылып, азаматтардан келген көмектерді қабылдады. Бас аяғы 3 күн ішінде фракция мүшелері, партия белсенділері, жергілікті жомарт азаматтар ең қажетті және жолға жарамды заттарды қабылдау пункітіне жеткізуге үлкен үлес қосты. Мұнан бөлек, Қызылорда облысы әкімдігінің басшылық құрамы, Қорқыт ата атындағы Қызылорда университетінің ұжымы қостанайлықтарға бір күндік жалақыларын аударды. Бастауыш партия ұйымдары мен партия белсенділері қаржылай көмек көрсетті. Айта кету керек, қызылордалықтардың қайырым-көмегі мұнымен толастамайды. Бүгінде қаржылай және материалдық көмек көрсету шаралары жалғасуда»,- дейді Ләйлә Төрешова.
</blockquote>
Атап өту керек, сырбойылық аманаттықтар тарапынан қостанайлықтарға гуманитарлық көмек ретінде 11 тоннадан астам күріш,10 тоннадан астам ұн, май, макарон секілді азық – түлік өнімдері, 6 тонна құрылыс материалдары, 4 тонна ауыз су, сондай-ақ гигиеналық заттар,дәрі-дәрмек,жылы киім-кешектер мен ыдыс-аяқтар, тұрмыстық техникалық тауарлар жөнелтілді.
Аталған көмекті Қостанай облысына дейін жеткізу «Жастар Рухы» жастар қанаты аймақтық филиалының белсенділеріне жүктелді.
Барша атсалысқан жандарға шын жүректен алғысымызды айтамыз.
<img src="https://kyzylorda-news.kz/wp-content/uploads/2022/09/img-20220906-wa0063.jpg" alt="" />
<img src="https://kyzylorda-news.kz/wp-content/uploads/2022/09/img-20220906-wa0055.jpg" alt="" />
<img src="https://kyzylorda-news.kz/wp-content/uploads/2022/09/img-20220906-wa0062.jpg" alt="" />
<img src="https://kyzylorda-news.kz/wp-content/uploads/2022/09/img-20220906-wa0054.jpg" alt="" />

Сыр халқы қостанайлықтарға көмек көрсету үшін жұдырықтай жұмылды

<a href="https://kyzylorda-news.kz/">Kyzylorda-news.kz.</a> Жосалы кенті К.Рүстембеков атындағы жыраулар үйінде «AMANAT» партиясының Қармақшы аудандық филиалының актив отырысы өтті. Жиынды партия филиалының Атқарушы хатшысы Дастан Әбдібекұлы Буханов төрағалық етті. Жиында Мемлекет басшысы Қасым-Жомарт Тоқаевтың «Әділетті мемлекет. Біртұтас Ұлт. Берекелі қоғам» атты Қазақстан халқына Жолдауы талқыланды.
Дастан Әбдібекұлы Жолдауда айтылған жайттардың түпкі мақсаты – тұрғындардың тұрмысын жақсарту, әл-ауқатын арттыру екендігіне тоқталып, осы секілді басқа да маңызды міндеттерді атап өтті.
Жиында алғашқы болып, аудандық мәслихат хатшысы Әділ Үсенұлы Қошалақов сөз алып, Жолдаудың негізгі мән-маңызына, басым бағыттарына тоқталып, ерекше тұстарын саралады.
Сондай-ақ, отырыста Жолдауда айтылған әлеуметтік реформаларға, ұлт саулығы мәселелеріне байланысты аудандық мәслихат депутаты, аудандық аурухананың бас дәрігері Бақытжан Сағилатұлы Нысанбаев баяндады.
Сонымен қатар жиында партия ардагері, аудандық қоғамдық кеңес төрағасы Әбдірахман Құлдүйсенов сөз сөйледі.
Мұнан соң жиында аудан жастарының жолдауда айтылған мақсат-міндеттерді жүзеге асыруға белсене атсалысатындығын «Жастар рухы» жастар қанаты аудандық филиалының төрағасы Ақнұр Өтешова атап өтті.
Партия активін қорытындылаған Дастан Әбдібекұлы жолдауда көзделген міндеттерге жету үшін бірлесе еңбек етудің маңызды екенін айрықша атады. Сондай-ақ, жолдауды насихаттау жұмыстары бойынша барлық бастауыш партия ұйымдарына тапсырмалар жүктеді.
Партияның аудандық активіне облыстық мәслихат депутаты Орынбасар Төлепов, аудандық Саяси кеңес мүшелері, аудандық мәслихат депутаттары, партия филиалы жанындағы қоғамдық кеңес пен бастауыш партия ұйымдарының төрағалары, партия ардагерлері, БАҚ өкілдері мен «Жастар рухы» жастар қанатының белсенділері қатысты.
<img src="https://kyzylorda-news.kz/wp-content/uploads/2022/09/302200932_187308530427462_2227963492450367138_n.jpg" alt="" />

Қармақшыда Президент Жолдауы талқыланды

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданында Шекара қызметінің 30 жылдығы мен биылғы «Балалар жылына» орай ҚР Ұлттық қауіпсіздік қызметі Шекара қызметі Қызылорда облысы бойынша департаментіне қарасты «Шиелі» шекара бөлімі жеке құрамының ұйымдастыруымен Қазақ күресінен жасөспірімдер арасындағы турнир өтті.
Сайысқа 22-42 келі салмақ дәрежесіндегі 10-11 жас аралығындағы жасөспірімдер қатысты. Ауданның 12 елді мекенінен және шекарашылардың балаларынан құралған командалары бар 250-ден астам спортшы қатысты.
Жарыстың ашылу салтанатына Шиелі ауданы әкімінің орынбасары Алмасбек Есмаханов, «Шиелі» шекара бөлімінің бастығы подполковник Меирбек Махатов, сонымен қатар турнирдің құрметті қонақтары, қазақ күресінен әлем чемпионы Нұрым Сәлімгереев, қазақ күресінен әлем чемпионы, «Қазақстан барысы 2022» Мақсат Исағабылов, қазақша күрестен әлем кубогының чемпионы Бекжан Төлеповтер қатысты.
Шара салауатты өмір салтын қалыптастыру және насихаттау, жастарды ұлттық спорт түрлеріне баулу арқылы өскелең ұрпақтың бойындағы Отансүйгіштік сезімдерін қалыптастыру мақсатында ұйымдастырылды.
Жас палуандардың тартысты бәсекесі бес сағатқа созылып, жарыс соңында жеңімпаздар медальдармен және арнайы дипломдармен марапатталып, сондай-ақ командалық есеп бойынша бірінші орынды Бала би ауылының спортшылары иеленіп, арнайы кубок табысталды.
<img src="https://kyzylorda-news.kz/wp-content/uploads/2022/09/305398342_1388222058374916_8163693821222925636_n.jpg" alt="" />
<img src="https://kyzylorda-news.kz/wp-content/uploads/2022/09/305517960_1388221908374931_3129044340140850147_n.jpg" alt="" />
<img src="https://kyzylorda-news.kz/wp-content/uploads/2022/09/305297716_1388221135041675_3422128467808759221_n.jpg" alt="" />

Шиеліде жасөспірімдер арасында қазақ күресінен турнир өтті

<a href="https://kyzylorda-news.kz/">Kyzylorda-news.kz.</a>&nbsp;Сыр өңірінде соңғы жылдары жеке мектеп желісі жанданып келеді. Қазірдің өзінде 20 жеке мектеп жұмыс істеуде. Бүгін тағы бір білім ордасы ел игілігіне табысталды.
Қызылорда облысының әкімі Нұрлыбек Нәлібаев Қызылорда қаласындағы «BAITEREK SСHOOL» жеке мектебінің ашылу рәсіміне қатысып, оқу процесімен танысты.
Салтанатты іс-шараға зиялы қауым өкілдері, білім саласының ардагерлері, мектеп директорлары қатысты.
Аймақ басшысы адами капиталды дамыту сол арқылы білім саласын жетілдіру – мемлекеттің негізгі міндеттерінің бірі екенін атап өтіп, білім ордасын ашуға ниет білдірген жанашыр меценатқа алғысын білдірді.
<blockquote>
 «Баршаңызды жаңа оқу жылының басталуымен және «BAITEREK SСHOOL» жеке мектебінің ашылуымен шын жүректен құттықтаймын! Мемлекет басшысы Қасым-Жомарт Кемелұлы Тоқаев осы жылғы Жолдауында білім беру жүйесіне ерекше тоқталып, «Жайлы мектеп» ұлттық жобасы аясында 2025 жылға дейін 800 мың баланың заманауи мектепте оқуына жағдай жасаймыз» – деп атап өтті. 
 Бұл бағытта Сыр өңірінде қарқынды шаралар атқарылатын болады. Биылдың өзінде 4350 орынға арналған 6 мемлекеттік, 3 жеке мектеп пайдалануға берілуде. Алдағы үш жылда аймақта 32 мектеп салынса, оның 12-сі жеке мектеп. Күні кеше Арал ауданында жаңа мектеп, денешынықтыру кешені, жеке балабақша ашылды. Осы мектептен шыққан түлектер Сыр өңірінің атын әлемге танытатын, өзіндік дара қолтаңбасы бар лайықты азамат болып тәрбиеленсін», – деді Нұрлыбек Нәлібаев.
</blockquote>
Жиында қоғам қайраткері Бақберген Досманбетов мектеп салу игілікті іс екенін айтып, барша оқушыларға сәттілік тіледі. Ал, мектеп құрылтайшысы Шәркүл Иманбердиева әрбір бала лайықты әрі заманауи білім ошағында білім алуға лайықты екенін жеткізіп, ақжарма тілегін арнады. 
1500 орындық «BAITEREK SСHOOL» жеке мектебінің жалпы аумағы 8 500 м2 құрайды. Білім ордасында 120 педагог және 30 техникалық қызметкер бар. Бүгінгі күні мектепте 720 оқушы білім алады деп жоспарлануда.
Айту керек, Қызылорда облысында Балалар жылы аясында тарту ретінде демеушілер есебінен 1 млрд.теңгеге облыс орталығынан 50-ге тарта спорт алаңы, аудандарда 600 млн. теңгеге 30-дан астам ойын алаңы салынуда.
<img src="https://kyzylorda-news.kz/wp-content/uploads/2022/09/305581802_378595784461672_453343683176206194_n.jpg" alt="" />
<img src="https://kyzylorda-news.kz/wp-content/uploads/2022/09/305645284_378595724461678_43488200320843242_n.jpg" alt="" />
<img src="https://kyzylorda-news.kz/wp-content/uploads/2022/09/305637393_378595734461677_1184237588602424218_n.jpg" alt="" />
<img src="https://kyzylorda-news.kz/wp-content/uploads/2022/09/305485596_378595844461666_5168266972862457998_n.jpg" alt="" />
<img src="https://kyzylorda-news.kz/wp-content/uploads/2022/09/305767174_378595841128333_3193898798231820769_n.jpg" alt="" />
<img src="https://kyzylorda-news.kz/wp-content/uploads/2022/09/305800178_378595854461665_8013597121204685249_n.jpg" alt="" />

Қазақстан және Қызылорда облысының жаңалықтары