Kyzylorda-news.kz. Қызылордадағы Зияткерлік мектептің оқушылары Отбасы күнін постерлер байқауымен атап өтті. Жатақхана оқушылары өз шаңырақтарының басты құндылықтары мен дәстүрлерін шынайы суреттеп берді.
Отбасылық тақырыпқа арналған постерлер әртүрлі техникада орындалды. 
Біреуі отбасы мүшелерінің портретін салса, ал енді біреуі «Отбасы» 
сөзінің мағынасын түсіндіріп, коллаж арқылы үй дәстүрлерін көрсетті. Отбасының нышаны мен біртұтастығын бейнелейтін Шаңырақ шығармашылық жұмыстардың негізгі символына айналды.
<blockquote>
 – Менің отбасым үлкен. Жанұямыздың басты ұраны – бір-бірімізге қамқор болу, сыйлау, көмек көрсету, – деп бөліскен Жанерке Тәңірқұл өз суретінде отбасы мүшелерін талдың бұтағында бейнеледі.
</blockquote>
Ал Айжан Айбек үшін отбасы – басты байлық:
<blockquote>
 – Мықты және бақытты отбасынан қымбат ештеңе жоқ. Жақындарымыздың қолдауы мен қамқорлығы, қуанышты естеліктер біздің өмірімізді жақсартады.
</blockquote>
Қыркүйектің екінші жексенбісінде Қазақстанда әр адам үшін басты әлеуметтік институт болып саналатын Отбасы күні ретінде аталып өтіледі.
<img src="https://kyzylorda-news.kz/wp-content/uploads/2022/09/img-20220911-wa0015.jpg" alt="" />
<img src="https://kyzylorda-news.kz/wp-content/uploads/2022/09/img-20220911-wa0009.jpg" alt="" />

Отбасы – басты құндылық

Kyzylorda-news.kz. COVID-19-дың таралуын болдырмау жөніндегі ВАК коронавирус инфекциясына қатысты 10 қыркүйектегі эпидемиологиялық жағдай мәліметтерімен бөлісті. Шымкент қаласы мен Алматы, Жамбыл облыстарында бір де бір жағдай тіркелген жоқ.
Өткен тәулікте елімізде коронавирус инфекциясын жұқтырудың 180 жағдайы тіркелді. Оның ішінде:
<ul>
<li>Нұр-Сұлтан қаласында – 29,</li>
<li>Алматы қаласында – 18,</li>
<li>Ақмола облысында – 19,</li>
<li>Ақтөбе облысында – 7,</li>
<li>Жетісу облысында – 4,</li>
<li>Атырау облысында – 8,</li>
<li>Шығыс Қазақстан облысында – 2,</li>
<li>Абай облысында – 1,</li>
<li>Батыс Қазақстан облысында – 14,</li>
<li>Қарағанды облысында – 30,</li>
<li>Ұлытау облысында – 3,</li>
<li>Қостанай облысында – 19,</li>
<li>Қызылорда облысында – 1,</li>
<li>Маңғыстау облысында – 6,</li>
<li>Павлодар облысында – 7,</li>
<li>Солтүстік Қазақстан облысында – 9,</li>
<li>Түркістан облысында – 3.</li>
</ul>
Елімізде коронавирус инфекциясын жұқтырғандар саны 1 391 552-ге жетті.

COVID-19: Өткен тәуліктегі мәлімет жарияланды

Kyzylorda-news.kz. ҚР Денсаулық сақтау вице-министрі – ҚР Бас мемлекеттік санитарлық дәрігері Айжан Есмағамбетова Орталық коммуникациялар қызметінде өткен жиында тұмауға қарсы екпе науқаны қашан басталатынын айтты.
Ол 1 қазаннан бастап елде тұмауға қарсы вакцина егу басталғанын еске салды.
<blockquote>
 Жыл сайын эпидемиялық маусым басталғанға дейін біз егуді бастаймыз. Өйткені тұмау жұқтыру басталғанға дейін адамдарда иммунитет қалыптасуы керек, деді Айжан Есмағамбетова.
</blockquote>
ҚР Денсаулық сақтау вице-министрінің айтуынша, республика ЖРВИ және тұмаудың эпидемиологиялық маусымының басталуына жақын, сондықтан алдын алу жұмыстары алдын ала жүргізіліп жатыр.
Айжан Есмағамбетованың айтуынша, бюджеттен тұмауға қарсы 2,3 миллион доза вакцина сатып алынған. 20-25 қыркүйекке дейін облысқа байланысты жеткізу аяқталып, 1 қазанда халықты екпе егу науқаны басталады.
Бюджет қаражаты есебінен мыналар егіледі:
<ul>
<li>жиі ауыратын балалар;</li>
<li>диспансерлік есепте тұрған балалар;</li>
<li>жабық медициналық-әлеуметтік мекемелерде жатқан 60 жастан асқан адамдар;</li>
<li>жүкті әйелдер.</li>
</ul>
<blockquote>
 Біз жұмыс берушілермен жұмыс істеп жатырмыз, олар өз қаражаты есебінен жұмысшыларына екпе салдырсын, себебі еңбекке жарамсыздық парағын төлегенше ауырмаған дұрыс. Сонымен қатар тұрғындар өз қаражатына екпе егетін болады. Орташа алғанда, жыл сайынғы баға көп өзгерген жоқ. Былтыр 3000 теңге шамасында болса, биыл жеке секторда бұл вакцина қанша тұратынын білмейміз, деді Айжан Есмағамбетова.
</blockquote>

Қазақстанда 1 қазаннан бастап тұмауға қарсы вакциналау басталады

Kyzylorda-news.kz. Қызылорда облысының қорғаныс істері жөніндегі департаментінің басшылық құрамы ұжымдағы көп балалы ана аға сержант Манат Орынбекованы Отбасы күнімен құттықтап, департамент басшысының арнайы алғыс хатын табыстады.
Мемлекет басшысы қоғамдағы негiзгi отбасылық құндылықтарды нығайтудың маңыздылығына, мемлекет отбасыдан басталатынына ерекше назар аударуда. Осыған сәйкес, жыл сайын қыркүйек айының екiншi жексенбiсiнде Отбасы күні атап өтiледi. 
Қызылорда облысының қорғаныс істері жөніндегі департаменті бастығының орынбасары – тәрбие, идеологиялық және әскери-патриоттық жұмыстар басқармасының бастығы подполковник Алмат Жақыпов және осы мекеменің әскери қызметшілердің отбасы мүшелерімен жұмысты ұйымдастыру жөніндегі инспекторы, Қарулы күштердің қызметкері Мөлдір Акбар аталған мереке аясында өз әріптестері департамент штабының мемлекеттік қызметтер көрсету қызметінің сержанты – қызмет бастығы аға сержант Манат Орынбекованың шаңырағына келіп, Отбасы күнімен құттықтады.
Манат 2008 жылдан бері Қазақстан Республикасы Қарулы күштерінде қызмет атқарып келеді. Осы қызмет атқарған жылдар барысында ол өзінің табандылығы мен жақсы тәртібі арқасында көпке үлгі бола білген Отан қорғаушы. Қазіргі таңда сүйікті жұбайы екеуі 3 ұл 2 қыз тәрбиелеп отырған аяулы ана.
<blockquote>
 “Департамент ұжымы атынан Сізді және отбасы мүшелерін Отбасы күнімен шын жүректен құттықтаймын. Қорғаныс министрлігінің қолдауымен баспаналы болып отырған қуаныштарыңызға да ортақпыз. Шаңырақтарыңыздан шаттық, бастарыңыздан бақ кетпесін”, – деді подполковник Алмат Жақыпов.
</blockquote>
Аға сержант Манат Орынбековамен отбасы мүшелері арнайы құттықтап келген әскери әріптестеріне ризашылығын білдіріп, жұмыстарына сәттілік тіледі.
Департаменттің әскери қызметшілердің отбасы мүшелерімен жұмысты ұйымдастыру қызметі басшылық жоспарларына сәйкес, жеке құрамдағы көп балалы және жас отбасыларға әр түрлі әлеуметтік, отбасы тұрмыстық және өзге де мәселелерді шешу кезінде көмек көрсету жұмыстарын жалғастыруда.
<img src="https://kyzylorda-news.kz/wp-content/uploads/2022/09/fb_img_1662867435733.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662867433081.jpg" alt="" />

Берекесі жарасқан бақытты әскери отбасы

Kyzylorda-news.kz. Қармақшы ауданы әкімінің міндетін атқарушы Біржан Далабаев Жосалы кентіндегі құрылыс және абаттандыру жұмыстарымен танысты.
Биылғы балалар жылына орай аймақ басшысының тапсырмасына сәйкес «Тәуелсіздік» ықшам ауданында салынып жатқан балалар ойын алаңының құрылыс барысын бақылады. Жалпы Қармақшы ауданы бойынша бюджеттен тыс көздер арқылы 5 балалар ойын алаңқайы салынуда. Қазіргі таңда олардың құрылыс жұмыстарының 80 пайызы аяқталып, қазан айында толығымен пайдалануға берілмек.
Одан соң Ү.Томанов көшесіндегі «Шығыс» каналын темірбетон лотокпен қаптау жобасымен танысты. Аталмыш жоба бойынша қазіргі таңда тек қажетті материалдар жинақталғанына көз жеткізіп, сондай-ақ монтаж жұмыстарын мерзімге сәйкес бітіру керектігін тапсырды.
Сонымен қатар, бұқаралық спортты дамытып, халықтың спорттық нысандарға қолжетімділігін арттыру мақсатында «Ауыл – ел бесігі» бағдарламасы аясында салынып жатқан спорт кешенінің жұмысын бақылады. Әрі қарай, орталық аурухананың жылу қазандығын табиғи газға ауыстыру жұмыстарын көрді. Жосалы кентінде абаттандыру жұмыстары жүргізіліп жатқан бірқатар көшелерді аралады.
Біржан Далабайұлы барлық құрылыс және абаттандыру жұмыстарына жауапты мердігерлермен кездесіп, құрылыс жұмыстарын сапалы және мерзімінде атқаруды жүктеді.
<img src="https://kyzylorda-news.kz/wp-content/uploads/2022/09/img-20220910-wa0037.jpg" alt="" />

Қармақшы ауданында 5 балалар ойын алаңқайы салынып жатыр

Kyzylorda-news.kz. Қазгидромет мамандары 11 қыркүйек, жексенбіге арналған ауа райы болжамын жариялады.
Оған сәйкес, бүгін Қазақстан аумағының басым бөлігі циклон мен атмосфералық фронттардың ықпалында болады.
Салдарынан жаңбыр, солтүстік өңірлерде қатты жаңбыр жауады, күндіз бұршақ, найзағай жарқылдайды, жел екпіні 23-28 м/с жетеді.
Республиканың оңтүстігінде шаңды дауыл соғады.
Тек елдің батысында антициклон әсерінен жауын-шашын жаумайды.
Қызылорда, Түркістан, Жетісу облыстарының басым бөлігінде, Абай облысының оңтүстігінде, шығысында, солтүстігінде, Шығыс Қазақстан облысының солтүстік-шығысында, Атырау облысының оңтүстігінде, батысында төтенше өрт қаупі, Қостанай облысының оңтүстігінде жоғарғы өрт қаупі сақталады.
Түнде Батыс Қазақстан, Атырау, Ақтөбе облыстарының солтүстігінде топырақ бетінде 1-2 градус үсік жүреді.

Жексенбіге арналған ауа райы болжамы

Kyzylorda-news.kz. Қызылорда облысының энергетика және тұрғын үй-коммуналдық шаруашылық басқармасы басшысының бұйрығымен бекітілген жеке қабылдау кестесіне сәйкес Қызылорда облысының энергетика және тұрғын үй-коммуналдық шаруашылық басқармасы басшысының орынбасары Қайсар Мұстафаев Қармақшы ауданының тұрғындарымен кездесті.
Сонымен қатар, басқарма басшысының орынбасары Қайсар Мұстафаевтың қатысуымен Қармақшы ауданы бойынша әлеуметтік нысандардың жылу беру маусымына дайындығы барысы жөніндегі аудандық штаб отырысы ұйымдастырылды.
Отырыс барысында Қайсар Мақсатұлы аудан тұрғындары мен барлық әлеуметтік нысандардың жылу маусымына дайын болуы аймақ басшысының тікелей бақылауында тұрғанын жеткізді. Одан бөлек, аудан көлемінде қатты отын тасымалдаушы кәсіпкерлермен кездесіп, жылу беру маусымы кезінде отын қорын жеткізу мәселесін пысықтады.
Жосалы кент орталығындағы аудандық аурухана, емхана және №30 мектептің бу қазандықтарын табиғи газге ауыстыру құрылысы жұмыстарының барысымен танысты.
<img src="https://kyzylorda-news.kz/wp-content/uploads/2022/09/fb_img_1662817223923.jpg" alt="" />

Қармақшыда жылу маусымына дайындық жұмыстары пысықталды

Kyzylorda-news.kz. Сырдария ауданындағы елді мекендердің инфрақұрылым мәселелері шешімін тауып келеді.
Соңғы уақытта тұрғындар тарапынан жиі көтеріліп жүрген мәселенің бірі елді мекендердегі күре жолдардың бойына жаяу жүргіншілер жолын салу мәселесі болатын.
Аталған мәселені аудан әкімдігі биылғы жылдың жұмыс жоспарына енгізіп, нәтижесінде құрылысы ағымдағы жылдың шілде – тамыз айында басталған Сәкен Сейфуллин ауылының орталық Сәрке батыр және Шортанбай би көшелеріне ұзындығы 3 шақырымды құрайтын тротуар қазіргі таңда ел игілігіне пайдалануға беріліп отыр.
Мердігер мекеме «Универсал сервис МН» ЖШС салған жол құрылысына тұрғындар ризашылықтарын білдіруде.
Айта кету керек, Сырдария ауданының аумағында жалпы ұзындығы 268,06 шақырымды құрайтын автомобиль жолдары бар. Оның ішінде, 44 шақырым – республикалық, 111,56 шақырым – облыстық, 112,5 шақырым – аудандық маңызы бар жолдар.
Бүгінгі күні ауданға автомобиль жолдарын жөндеу бойынша 1,3 млрд. теңге қаржы бөлініп, 23 жоба іске асырылуда.
<img src="https://kyzylorda-news.kz/wp-content/uploads/2022/09/fb_img_1662816403355.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662816409723.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662816414619.jpg" alt="" />

Сырдария ауданында тұрғындардың мәселесі шешімін тапты

Kyzylorda-news.kz. Қызылордада алғаш рет жастардың сұранысы негізінде қала әкімдігінің ұйымдастыруымен «Менің сүйікті қалам» республикалық мобилографтардың фестивалі өтті.
Шарада елімізге танымал мобилограф, режиссер Қыран Талапбек және «Kyran Films» ұжымы жиналған жастарға мобилография саласындағы тәжірибелерімен бөлісті.
Кездесу соңында мобилографтардың ортақ тобы құрылып, екі жас кәсіпкерлер тарапынан бірлесіп жұмыс істеуге ұсыныс алды.
Айта кету керек, Фестиваль аясында өткен байқауға қатысуға 70-тен аса қатысушыдан 100-ден аса өтінім түсті. Қатысушылардың басым бөлігі Қызылорда қаласынан, Арал, Қармақшы, Жаңақорған, Жалағаш аудандары мен Алматы қаласынан келген жастар болды. Қатысушылар қала күніне орай «Менің сүйікті қалам» тақырыбында қала туралы креативті бейнероликтер түсірді.Байқау жеңімпаздары «Қала күні» мерекесінің салтанатты ашылуына арналған гала-концертте қаржылай сыйақылармен марапатталды.
Шаһар басшысы Асылбек Шаменов ұйымдастырылған республикалық мобилографтар конкурсының жеңімпаздары мен жүлдегерлерін марапаттап, қызылордалықтар мен қала қонақтарын «Қала күнімен» құттықтады.
<img src="https://kyzylorda-news.kz/wp-content/uploads/2022/09/fb_img_1662815713509.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662815735362.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662815743687.jpg" alt="" />

Қызылордада алғаш рет мобилографтардың фестивалі өтті

Kyzylorda-news.kz. Бүгін ҚР Премьер-Министрі Әлихан Смайловтың төрағалымен өткен жиында инвестиция тарту мәселелері қаралды. Бірқатар министрлер баяндама жасап, өңірлердегі инвестиция қарқынын тізбектеді.
Үкімет басшысы инвестициялық жобаларды іске қосу бойынша түбегейлі шаралар қабылдап, шетелдік инвесторлармен жұмысты күшейтуді тапсырды.
Селектордан кейін облыс әкімі Нұрлыбек Нәлібаев қала, аудан әкімдері мен басқарма басшыларына Үкіметте міндеттелген тапсырмаларды орындау бойынша жиын өткізді.
Өңірде инвесторлар жұмыс қарқыны төмен емес. Келер жылы құны 543,4 млн. долларды құрайтын жылу электр орталығының құрылысын түріктің «Акса Энерджи» компаниясы бастайды. Сондай-ақ, түріктің тағы бір ірі компаниясы аймақта қызанақ өндіретін зауыт салуға ниетті. Әкімдік биылғы жылға бекітілген 265 млн. доллар шетелдік инвестиция көлемін орындауда жұмыс жүргізуде.
Аймақ басшысы биылғы жылға 373,5 млрд. теңге көрсеткіш бекітілгенін қаперге салып, ірі инвестициялық жобаларды әкелу қажет деді.
<blockquote>
 «Жылдың аяқталуына 4 ай уақыт қалды, осы аралықта 216 млрд. теңге инвестиция тартуымыз қажет. Сондықтан, қала, аудан әкімдері, бірқатар басқармалар жұмысты үйлестіре біліңіздер. Әрбір инвестицияның артында жаңа мүмкіндік бар. Яғни жаңа мүмкіндік ол ең әуелі жұмыс орындары. Халықтың табысын арттырып, әл-ауқатын осындай ірі жобалармен ғана орындай аламыз. Әкімдер белсенді түрде инвестиция тарту бағытында жұмыс жасауға тиіспіз. Былтырғы жылы болған бір реттік жобалардың орнын басатын жаңа жобалар табу қажет. Ірі инвесторлармен кездесіп, келіссөздер жүргізіңіздер! Тек нақты нәтиже болуы керек», – деді Нұрлыбек Нәлібаев.
</blockquote>
Жиын соңында облыс әкімі инвестициялық әлеуетті арттыру бағытында бірқатар тапсырмалар берді.
<img src="https://kyzylorda-news.kz/wp-content/uploads/2022/09/fb_img_1662814752886.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662814755258.jpg" alt="" />

Нұрлыбек Нәлібаев: Әрбір инвестицияның артында жаңа мүмкіндіктер бар

Kyzylorda-news.kz. Қазалы ауданының әкімі Мұхтар Оразбаевтың төрағалығымен мерзімді әскери қызметке шақыру жұмыстарын күшейтуге байланысты мәжіліс өтті.
Басқосуға аудан әкімінің орынбасары, шақыру комиссиясының төрағасы Дәурен Тілеумбетов, аудан прокурорының көмекшісі Алмат Алдабергенов, аудандық полиция бөлімінің бастығы Болат Кабизов және бірқатар бөлім басшылары, кент және қала әкімдері қатысты. Ал, ауылдық округ әкімдері бейнебайланыс арқылы қатыстырылды.
Мәжілістің күн тәртібіндегі мәселе бойынша аудандық қорғаныс бөлімі бастығының міндетін атқарушы Серік Саянов хабарлама жасап, күзгі мерзімді әскерге шақыруды ұйымдастыру барысы туралы айтып берді.
Аудан әкімі Мұхтар Оразбаев мерзімді әскери қызметке шақыру – Қазақстан Республикасының әскери қауіпсіздігі бағытында атқарылып жатқан маңызды жұмыстардың бірі екендігін атап өтті. Сондықтан да мерзімді әскери қызметке шақыруды ұйымдастыру жұмыстарына немқұрайлы қарамай, бұл бағыттағы жұмыстарды ширатуды тапсырды.
<img src="https://kyzylorda-news.kz/wp-content/uploads/2022/09/fb_img_1662794884201.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662794916846.jpg" alt="" />

Қазалыда мерзімді әскери қызметке шақыру мәселесі талқыланды

Kyzylorda-news.kz. Қазалы ауданында қысқы жылу беру маусымына дайындық жұмыстары қызу жүргізілуде. Бүгінгі таңда аудан тұрғындарына қажетті қатты отынның мөлшері белгіленіп, оны ауданға жеткізу жолдары қарастырылып жатыр.
Осыған орай, Қазалы ауданының әкімі Мұхтар Оразбаев көмір тасымалдаушы кәсіпкерлермен кездесті. Кездесуде аудан тұрғындарын қатты отынмен қамтамасыз ету жайы сөз болды.
<blockquote>
 «Қысқы жылу беру маусымында ауданға 16 мың тонна көмір қажет деп жоспарлап отырмыз. Ауданымызға көмір Қарағанды, Павлодар облыстарындағы кеніштерден тасымалданатындықтан, өзіндік құнының жоғарылайтыны белгілі. Дегенмен, біз халыққа қатты отынды қолжетімді бағада ұсынып, тапшылықты болдырмау үшін бірлесіп жұмыс жасауымыз қажет. Бүгін тиісті сала басшыларымен бірге осы мәселелерді өздеріңізбен бірге талқылау үшін кездесіп отырмыз», – деді Мұхтар Әуесұлы.
</blockquote>
Аудан әкімі кездесу барысында көмір тасымалдаушы жеке кәсіпкерлерге қатты отын бағасын тұрақты ұстап тұруды нықтап тапсырды.
Қазіргі таңда ауданда өткен жылу маусымынан қалыптасқан 2500 тонна қатты отын қоры бар. Одан бөлек, 34 вагон көмір қосымша жеткізілді.
<img src="https://kyzylorda-news.kz/wp-content/uploads/2022/09/fb_img_1662794628138.jpg" alt="" />

Қазақстан және Қызылорда облысының жаңалықтары