<a href="https://kyzylorda-news.kz/">Kyzylorda-news.kz.</a> Қорқыт Ата атындағы Қызылорда университетінің халықаралық байланыстар бөлімі серіктес Лодзь университетінде (Польша) 2023 жылғы көктем семестрде оқуға арналған академиялық ұтқырлық бағдарламасы конкурсына құжаттарды қабылдайтынын жариялайды. Бағдарламаға бакалавриат, магистратура және докторантура білім алушылары қатыса алады.Конкурстан өткен жағдайда білім алушылар өздері келесі шығыстарды төлеуге тиіс болады: барып-қайту жолақысын, медициналық сақтандыру полисін, визалық шығындарын және жатақханада тұру төлем ақысын. Лодзь университетінде 20.02.2023-07.07.2023жж. аралығында оқу тегін болады. Лодзь университетінің бағдарламасын семестр бойынша толық орындаған білім алушыларға транскрипт пен сертификат беріледі.Өтініш беруші келесі құжаттарды тапсыруы қажет:1) Білім алушының толық деректерімен университет басшысының атына конкурсқа қатысу туралы өтініш (институт, мамандық, топ, төлқұжат деректері, тұрғылықты мекенжайы, э-пошта);2) Үлгерімі туралы куәлік: университеттің мөрімен куәландырылған ағымдағы үлгерімі туралы транскрипт;3) Шетел тілін (ағылшын тілі) меңгеру деңгейін растайтын құжат: бар болған жағдайда шетел тілін білуді бағалаудың халықаралық жүйелері арқылы алынған сертификат (IELTS/TOEFL);4) IELTS/TOEFL сертификаттары болмаған өтініш берушілер ағылшын тілі бойынша институционалды тестті 19 желтоксан күні сағат 17:00-де бас оқу ғимаратында офлайн форматында тапсырады.Құжаттар халықаралық байланыстар бөлімінде 2022 жылдың 19 желтоқсанға дейін қабылданады.Мекен-жайымыз: Қызылорда қ-сы, Әйтеке Би көшесі 29-А, бас оқу ғимараты, 2-қабат, 212-ші кабинет, телефон: 26-17-25<figure class="image"><img src="https://knadmin.beoblood.kz/uploads/Korkyt_e681bf60f3.jpg" alt="Коркыт.jpg"></figure>

Қорқыт Ата атындағы университеті академиялық ұтқырлық бағдарламасы конкурсына құжат қабылдайды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев өз Жолдауында ішкі істер органдарының қызметіне қатысты бірқатар нақты тапсырма берген болатын. Соның бірі – полицияның сервистік моделін құру. Яғни, жолдау жүктеген міндет бойынша оның ауқымын кеңейту болып табылады. Осы ретте, полиция қызметінің жаңа тәсілінің тиімді нәтижесі алдымен қоғам қолдауына, азаматтық қауымдастықтың белсенділігі мен жергілікті биліктің ықпалдастығымен сабақтасып жатыр. Яғни, Президент айтқандай, қоғам мен жергілікті билік органдары полициядағы жаңа өзгерістердің мән-маңызын түсініп, оларға қолғабыс етуге тиіс.Осы орайда, Қызылорда облысы Полиция департаментінің бастығының тапсырмасына сәйкес, 2022 жылдың 12 желтоқсан күні Қармақшы ауданы әкімдігінің мәжіліс залында, халықпен тығыз қарым-қатынас орнату мақсатында, жергілікті атқарушы органдармен бірігіп, азаматтармен кездесу өткізілді.Кездесу барысында, аудан тұрғындарының жол қауіпсіздігі, көші-қон заңнамасы, көлікті тіркеу және тіркеуден шығару, жүргізуші куәлігін алу, төл құжат алу, автокөліктерге қосымша бөлшектер орнату, әкімшілік айыппұлдарды төлеу, сондай-ақ, шет ел көліктерін заңдастыру бойынша сұрақтарға жауап берілді.&nbsp; &nbsp;<figure class="image"><img src="https://knadmin.beoblood.kz/uploads/8_757fc627b9.jpg" alt="8.jpg"></figure>

Құқық қорғау органы қызметкерлері аудан тұрғындарымен кездесу өткізді

<a href="https://kyzylorda-news.kz/">Kyzylorda-news.kz.</a> МӘМС жүйесінде сақтандыру мәртебесі неше ай сақталады, жұмыс істемейтін жүкті әйел ретінде жеңілдікті сақтандыру мәртебесін қалай алады? Осы және басқа да сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Егер жеке кәсіпкер қызметі ресми түрде тоқтатылса, оның иесі жарналарды қалай төлейді?&nbsp;Егер жеке кәсіпкер өз қызметін тоқтатса және кәсіпкердің басқа табысы болмаса, онда ол екі нұсқа бойынша төлейді: дербес төлеуші ретінде ЕТЖ-дан 5 пайыз - 3 000 теңге (2022 ж.); Астана, Алматы, Шымкент қалаларының және облыстық маңызы бар қалалардың тұрғындары үшін 1 АЕК (2022 жылы - 3 063 теңге) және қалған елді мекендердің тұрғындары үшін 0,5 еселенген АЕК (1 531,5 теңге) мөлшерінде бірыңғай жиынтық төлем (БЖТ) төлейді.Егер өз қызметін тоқтатқан жеке кәсіпкер жалдамалы жұмыс істесе, онда жұмыс беруші аударымдарды төлейді және оның жалақысынан жарналар ұсталады. Сақтандыру мәртебесінің қашан аяқталатынын білгім келеді? Айдың басында бітуі керек пе? Жұмыс беруші кешіктіріп төлеп жүр. &nbsp;Қызметкерлердің сақтандыру мәртебесі соңғы төлем жасалған күннен бастап 3 ай бойы сақталады. Егер жұмыс беруші соңғы төлемді тамыз айында аударған болса, онда МӘМС жүйесіндегі мәртебе қараша айына дейін сақталады. Осы уақыт ішінде жұмыс беруші Қазақстан Республикасының заңнамасында көзделген төлемдерді жүзеге асыра алады. &nbsp;Бірынғай жиынтық төлемді төлегеннен кейін жұмыс істемейтін жүкті әйел азаматтардың жеңілдікті санатында «Сақтандырылған» мәртебесін жоғалтты. Бұл жағдайда не істеу керек?Егер әйел ресми түрде жұмыс істемесе және "жұмыс істемейтін жүкті әйел" ретінде жеңілдік санатына кіргісі келсе, онда ол үшін соңғы 2 айда зейнетақы жарналары мен әлеуметтік аударымдар түспеуі керек, яғни егер әйел, мысалы, сәуір мен мамыр айларында БЖТ төлемесе, онда маусым айында оған жеңілдік мәртебесі беріледі. Сақтандыру мәртебесін жоғалтпау үшін бұл әйелге тәуелсіз төлеуші ретінде ақы төлеу керек. 2022 жылы жарна сомасы 3 мың теңгені құрайды. Егер жүкті әйелдің ЖЕҢІЛДІК САНАТЫНА ЕНГІЗІЛГЕНГЕ ДЕЙІН қарызы болса, онда ол оны төлеуі керек (сонғы 12 айдын) немесе БЖТ төлеуді жалғастыруы керек.Егер сізде қосымша сұрақтар туындаған жағдайда, сіз емхананың анықтама қызметіне немесе өзіңізге ыңғайлы байланыс арнасы арқылы Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.<figure class="image"><img src="https://knadmin.beoblood.kz/uploads/mams_fc840952ab.png" alt="мамс.png"></figure>

Медициналық сақтандыру туралы көп қойлатын сұрақтарға жауап

<a href="https://kyzylorda-news.kz/">Kyzylorda-news.kz.</a> Бүгін Жалағаш аудандық мәслихаттың кезектен тыс 28 сессиясы өтті. Оған аудан әкімінің орынбасары, мәслихат депутаттары мен мекеме, бөлім басшылары қатысты. Сессияны аудандық мәслихаттың хатшысы Г.Құрманбаева ашып, жүргізіп отырды.Сессияның күн тәртібінде бір ғана мәселе қаралып, ол жөнінде аудандық экономика және бюджетті жоспарлау бөлімінің басшысы Ж.Баймаханова баяндама жасады. «2022-2024 жылдарға арналған аудандық бюджет туралы Жалағаш аудандық мәслихатының 2021 жылғы 22 желтоқсандағы №12/1 шешіміне өзгерістер енгізу туралы» баяндаған бөлім басшысы ауданның нақтыланған бюджетіне республикалық бюджет және несие есебінен ауданға бөлінген қаржылардың үнемделген бөлігі 111 млн аса қаражат бюджеттік бағдарламаларынан қысқартылғанын атап өтті.<blockquote>«Сонымен қатар, ҚР Ұлттық Қоры есебінен өзімізге белгілі екінші жартыжылдықтан бастап М.Шәменов ауылындағы мәдениет үйінде күрделі жөндеу жұмыстары жүргізілу үстінде. Осы күрделі жөндеу жұмыстарына 93 млн-нан аса қаржы бөлінген болатын. Жобаны толық аяқтауға 48 млн-нан аса қаржы бөлінді. Сондай-ақ, жұмыспен қамту орталығының жұмыспен қамту бағдарламасына барлығы 49 млн-нан аса қаражат бөлінді. Бұдан бөлек, жоғарыда атап өткен қаулыларға сәйкес облыстық бюджет есебінен бөлінген қаржыдан үнемделген 13 млн 521 мың теңге бюджеттік бағдарлама әкімшілерінен қысқартылып, қосымша облыстық бюджет есебінен 71 млн 561,7 мың теңге бөлінді. Бұлар қосымша қаржылар болып саналады. Аудандағы «Ақтерек 170» учаскесіндегі инфрақұрылымдарға бөлінген ауызсу, электр желілерімен толық жабдықтау жұмыстарына бағытталды», – деді &nbsp;аудандық экономика және бюджеттік жоспарлау бөлімінің басшысы Ж. Баймаханова.&nbsp;</blockquote>Сессия отырысында қаралған мәселе төңірегінде депутаттар жан-жақты талқылап, қатысушы депутаттардың қолдауымен бекітілді.&nbsp; &nbsp;<img src="https://knadmin.beoblood.kz/uploads/6_ffbc67e8fd.jpg" alt="6.jpg">

Аудан бюджеті қаралып, кемшіліктер талқыланды

<a href="https://kyzylorda-news.kz/">Kyzylorda-news.kz.</a> Балық шаруашылығымен айналысатын Сыр өңірінің кәсіпкерлері субсидия талаптарын жеңілдетуді, көл маңындағы жер учаскесін кәсіпкерлік мақсатта беруді, сондай-ақ инфрақұрылымды дамытуды сұрайды.Қызылорда облысы кәсіпкерлер палатасының алаңында өткен басқасуға Палата директоры Пірмұхаммед Сыздықов, Арал-Сырдария облысаралық бассейндік балық шаруашылығы инспекциясының басшысы Пазылбек Нәлібаев, кәсіпкерлік саласын қаржыландыратын қаржы институттарының өкілдері мен балық шаруашылығымен айналысатын кәсіпкерлер қатысты.Кездесуге қатысқан кәсіпкерлердің басым бөлігі саланы дамытуға берілетін субсидия талаптарының тым жоғары екенін, нәтижесінде шағын көлі бар кәсіпкерлердің мемлекеттік қолдауға қол жеткізе алмай отырғанын жеткізді.Сонымен бірге кәсіпкерлер көлді пайдалануға рұқсат берілгенімен, жер учаскесін пайдалану құқығының болмауы да балық шаруашылығын дамытуға кедергі келтіріп тұрғанын атап өтті.Бұдан өзге балықшылар көлдің инфрақұрылымына да көңіл бөлуді сұрады. Олардың көл басында электр энергиясы мен жолды жылдап күтуі соның бір дәлелі.Шарада Кәсіпкерлер палатасының директоры Пірмұхаммед Сыздықов қаржы ұйымдарынан мемлекеттік бағдарлама аясында жеңілдетілген несие алуы үшін Палата мамандарының кәсіпкерлердің жобасын сүйемелдеп, көмек көрсететінін айтты.<blockquote>«Біздің кәсіпкерлеріміз биыл 4 мың тоннаға жуық балықты Польша, Грузия, Литва, Германия, Австрия, Әзербайжан, Венгрия, Чехия, Ресейге экспорттады. Саланың мәселесін жүйелі шешіп, ұдайы байланыста болып отыру үшін балық шаруашылығымен айналысатын кәсіпкерлерді қауымдастыққа бірігуге шақырамын. Кәсіпкерлер палатасы олардың бастамаларына қолдау көрсетуге әзір», – деді Палата директоры.</blockquote>Облыстық табиғи ресурстар және табиғат пайдалануды реттеу басқармасының ресми мәліметі бойынша, осы жылдың он айында аймақта 6151,5 тонна балық ауланып, республикалық бюджетке 133,4 млн теңге түскен.Қызылордалық кәсіпкерлер тыран, торта, алабұға, шортан, көксерке, сондай-ақ көксерке сүбесін, тыран қанаттары мен балық фаршын, балық сүбесін, мұздатылған балық пен балық ұнын экспорттап жатыр. &nbsp;<figure class="image"><img src="https://knadmin.beoblood.kz/uploads/318808028_6026817230702113_572187520547929572_n_3e5faa8dcc.jpg" alt="318808028_6026817230702113_572187520547929572_n.jpg"></figure>

Кәсіпкерлер палатасында қызылордалық балықшылардың проблемасы талқыланды

<a href="https://kyzylorda-news.kz/">Kyzylorda-news.kz.</a> Ата кәсіпті ұмыт қалдырмаған Жалағаш ауданында мал шаруашылығы қарқынды дамып келеді. Өйткені, жалағаштық шаруалар мал басын арттыру мақсатында мемлекет ұсынған бағдарламаларды ұтымды пайдаланып, мал басын арттырып қана қоймай, асылдандырып отыр. Осының нәтижесінде өңірде мал шаруашылығы өнімі артып, шаруа қожалықтарының шаруасы да ширады. Мал шаруашылығымен айналысамын, мал басын асылдандырып, төрт түлік түрлерін түрлендіремін деушілердің қатары жылдан жылға артса, бұған себеп шағын және орта кәсіпкерлікті қолдауға бағытталған шаралардың жемісі деуге болады. Аудандық ауыл шаруашылығы бөлімінің мәліметінше, биыл мал басын арттыру жұмыстары барлық түлік түрлері бойынша өткен жылмен салыстырғанда 100 пайыздан аса орындалған.Бүгінде аудан көлемінде барлығы 38 206 бас мүйізді ірі қара, 43 299 бас &nbsp;уақ мал, &nbsp;22 502 жылқы, &nbsp;733 бас түйе, &nbsp;115 бас шошқа, 10 611 бас құс өсірілуде. Өткен жылдың осы кезеңімен салыстырғанда мүйізді ірі қара 104,0 пайыз, жылқы 137,9 пайыз, түйе 102,5 пайыз, уақ мал 100,4 пайыз, құс 102,6 пайыз орындалған. Ауыл шаруашылығы бөлімінің мәліметіне сүйенсек, қазіргі таңда аудан бойынша 136 шаруашылық мал өсірумен айналысуда. Оның ішінде тікелей Сыбаға бағдарламасымен 116 шаруашылық кәсібін дөңгелентіп отыр. Өңірдегі асыл тұқымды малдың үлес салмағы 2,0 пайызға жеткен.&nbsp;Айта кетейік, бұған дейінгі &nbsp;аудан бойынша МІҚ 114,4, жылқы 107,6, түйе 111,5, қой-ешкі 96,0, шошқа 100,9, үй құстары 103,4 пайыз көрсеткішті құраған. Өңірде 106 шаруашылық мал шаруашылығымен айналысса, оның 88-і «Сыбаға» бағдарламасы аясында жұмыс істеуде. Аудан көлеміндегі асыл тұқымды МІҚ малының үлес салмағы 2,0, жылқы 0,16, қой 24 пайызға &nbsp;жеткен. Мал шаруашылығымен, оның ішінде асыл тұқымды түлік түрін көбейту, экспорттаумен айналысып жатқан кәсіпкерлер туралы ақпараттан хабардар еткен аудандық ауыл шаруашылығы бөлімі өткен &nbsp;жылы 265 бас &nbsp;импорттық мүйізді ірі қара малын сатып алуға «Агронесие корпорациясы» АҚ-нан несиеге 200 млн теңге қаржы бөлінгенін жеткізді. Бұдан бөлек, Қаракеткен &nbsp;ауылының «Жанель» шаруа қожалығы «Ауыл КТ» серіктестігі ЖШС-нан 37,5 млн теңге несие алып, 780 бас қой және шаруашылыққа қажетті трактор сатып алып, қазіргі таңда шаруашылық жұмысы ширап тұр.&nbsp;Мал баққан кәсіпкерлерге арнайы мемлекеттік бағдарламалар да іске қосылған. Ауыл шаруашылығымен айналысам деушілерге өте тиімді «Сыбаға» бағдарламасы аясында ауданға қарасты 25 шаруашылық 76 бас асыл тұқымды бұқа сатып алған. Нәтижесінде, өңірде 3 шаруашылық асыл тұқымды МІҚ малын өсірумен айналысады.&nbsp;Атап айтар болсақ, «Бақдаулет-57» ФҚ, «Адал» ЖК, «Қиясов Еркебұлан» ФҚ. &nbsp;Бұдан бөлек «Бақдаулет-57» ШҚ, «Туған жер» ШҚ ет бағытындағы асыл тұқымды қой өсіруді кәсіп қылып отыр. Осы тұста, Аққұм ауылдық «Бақдаулет-57» ШҚ асыл тұқымды түлік түрлерін көбейтуде жемісті еңбек етуде. Шаруашылық 2017 жылы ет бағытындағы «Қазақтың ақбас» асыл тұқымды шаруашылық статусын алған. Шаруашылықта жүздеген бас асыл тұқымды қазақтың ақбас сиыры, асыл тұқымды «Қазақтың ірі қылшық жүнді құйрықты қойы», жылқы мен түйе малы өсірілуде.&nbsp;Өткен жылы он беске жуық бас асыл тұқымды бұқаны бағдарлама аясында жұмыс істеп тұрған басқа да шаруашылықтарға сатып, ерекше тұқымды МІҚ өсіретіндер қатарын арттырса, биыл да мал басын асылдандыру жұмыстарын ширатты. Алты бас бұқа Жалағаш &nbsp;ауданы, алты басы Сырдария ауданының шаруашылықтарына сатылған. Аталған шаруа қожалығының бірден-бір жетістігі – бұған дейін 127 бас асыл тұқымды қойды Иран Республикасына экспорттап, аудандағы мал шаруашылығының серпін алуына септігін тигізді. &nbsp;<img src="https://knadmin.beoblood.kz/uploads/Krestyanskoe_hozyajstvo_v_Nurinskom_rajone_2_ec2ca00973.jpg" alt="Крестьянское хозяйство в Нуринском районе (2).jpg"><figure class="image"><img src="https://knadmin.beoblood.kz/uploads/1566881972_6_87e76d2c52.jpg" alt="1566881972_6.jpg"></figure>

«Сыбаға» бағдарламасы аясында 25 шаруашылық 76 бас асыл тұқымды бұқа сатып алған

<a href="https://kyzylorda-news.kz/">Kyzylorda-news.kz.</a> Қазақстан Республикасы Ішкі істер министрлігінің нұсқауына сәйкес, облыс көлемінде &nbsp; «Автобус» жедел-профилактикалық іс-шарасы өтті.&nbsp;Іс-шараға Қызылорда &nbsp;облысы Полиция департаментінің &nbsp;450 қызметкері жұмылдырылды. Жол қозғалысы қауіпсіздігін қамтамасыз етуде департамент қызметкерлерімен іс-шара уақытында жолаушы тасымалдауды жүзеге асырушы автобус, &nbsp;шағын көлемді автобус жүргізушілері тарапынан барлығы 1383 &nbsp;жол қозғалысы ережесін бұзу дерегі анықталды. Сонымен қатар, облысаралық және қалааралық 585 қоғамдық көлік құралдарының жылыту, электр жабдықтары жағдайының сәйкестігі тексерілді.&nbsp;Рейд барысында 36 қоғамдық көлік айып тұрағына қойылды. 35 автокөліктің қозғалысын шектеу мақсатында мемлекеттік белгілері алынды.Бұған дейін, Қармақшы ауданында жол қауіпсіздігін қамтамасыз ету, жолаушылар тасымалын жүзеге асыратын жүргізушілер арасында көлік тәртібін арттыру мақсатында «Автобус» жедел-профилактикалық іс-шарасы <a href="https://kyzylorda-news.kz/kogam/kharmakhshy-audany-zhosalyda-avtobus-is-sharasy-ayasynda-19-aekimshilik-khukhykhbuzushylykh-tirkeldi-10-12-2022">өткенін </a>хабарлаған едік.&nbsp;Қармақшы ауданында «Автобус» жедел-профилактикалық іс-шарасы басталғанна бері қоғамдық көлік жүргізушілерімен жол қозғалысы ережесін бұзудың 19 дерегі анықталды. Сонымен қатар, ҚР ӘҚБтК-нің 571 бабының 2 бөлігімен – 2 дерегі және 463 бабы (заңсыз тасымалдау) бойынша Салық комитеті қызметкерлерімен бірігіп жұмыс атқару нәтижесінде – 1 дерегі тіркеліп, аудандық сотқа жолданды. &nbsp;<figure class="image"><img src="https://knadmin.beoblood.kz/uploads/Whats_App_Image_2022_12_12_at_15_55_55_4fab399c1c.jpeg" alt="WhatsApp Image 2022-12-12 at 15.55.55.jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_12_12_at_15_55_55_1_1569067574.jpeg" alt="WhatsApp Image 2022-12-12 at 15.55.55(1).jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_12_12_at_15_55_56_9d24f6e31b.jpeg" alt="WhatsApp Image 2022-12-12 at 15.55.56.jpeg"></figure>

«Автобус»: Қызылордада 36 қоғамдық көлік айып тұрағына қойылды

<a href="https://kyzylorda-news.kz/">Kyzylorda-news.kz.</a> Қызылорда облысында жеке құрамның отбасындағы әлеуметтік-психологиялық ахуалы зерделенді.Қылмыстық атқару саласына қарасты Қызылорда облысындағы №68 мемлекеттік мекемесінің кадр саясат тобынының инспекторы әділет сержанты Жаннұр Даулетиярова мекеме қызметкерлерінің отбасы тіршілігімен танысты.Басты мақсат - қызметкелердің жанұядағы психологиялық жай күйін білу, тұрмыстық жағдайларына қарай, жемқорлыққа деген тәуекелдерін бағалау үшін, зерделеу жұмыстарын жүргізу болып табылды.<blockquote>Мекемедегі жеке құрамның қызметтік міндетінен бөлек, олардың қызметтегі моральдік-психологиялық көңіл-күйінің жоғарғы деңгейде болуына қызметкерлеріміздің әлеуметтік тұрмыстық жағдайының игі әсері бар. Апта басында алдымен, жас жеке құрам мүшелерінің тұрмысымен танысып, ата-анасы, жұбайлары арасындағы қарым-қатынасты бағамдап қайттық. Алғаш болып, жұмысқа жақында ғана орналасқан, Режим және күзет бөлімінің бақылаушысы, әділет сержанты Құттымбек Рүстемнің үйіне бардық. Бұл жігіт бойдақ, қалада пәтер жалдап тұрады. Мемлекет тарапынан төленетін төлемақы негізінде, пәтер ақысын төлеп отыр. Өз міндетін жауапкершілікпен атқарып жүр. Қызметтен тыс уақытта да, ішкі істер органдары қызметкеріне тән әдеп нормаларын сақтап келеді», - дейді Жаннұр Даулетиярова.</blockquote>Мекеме бастығының кезекші көмекшісінің орынбасары, әділет лейтенанты Амандық Шаттық анасымен бірге тұрады. Көпбалалы отбасының отағасы, әділет старшинасы Сұнғат Ибраимовтың шаңырағында шаттық орнаған.&nbsp;<blockquote>«Менің Қылмыстық-атқару жүйесі саласында қызмет атқарғаныма 21 жыл болды. Жұмысым тым қауырт. Санаға салмақ салар сәттері де бар. Бірақ, үйге оралғанда, жұбайым мен балаларым алдымнан құшақ ұрып шыққанын көріп, шаршағаным басылады. Әрине, мынандай қымбатшылық кезеңде, материялдық та қиындықтар болды. Қанша қиналсам да, &nbsp;көлденең ақша табуды ойламадым. Оңай олжа орға жықтыратынын, сыбайлас жемқорлықтың соңы жақсылыққа апармайтынын күнделікті &nbsp;қызмет бабында қамауға келіп түсіп жатқан азаматтардың тағдырынан көріп жүрмін. Отбасымды &nbsp;таза маңдай тер еңбегіммен &nbsp;асырап отырмын. &nbsp;Үйімді ипотекаға алғанмын. Ай, сайын есепшотыма &nbsp;жанұя басындағы әр отбасы мүшесіне мемлекет тарапынан бөлінетін пәтерақы төлемі &nbsp;түсіп тұрады. Біздің қызметтте ар мен абыройға жұмыс жасау керек», - дейді Сұнғат Смағұлұлы.</blockquote><figure class="image"><img src="https://knadmin.beoblood.kz/uploads/Whats_App_Image_2022_12_12_at_15_59_54_1_2445d00fca.jpeg" alt="WhatsApp Image 2022-12-12 at 15.59.54 (1).jpeg"></figure>

Қызылордада жеке құрамның отбасындағы ахуал зерделенді

<a href="https://kyzylorda-news.kz/">Kyzylorda-news.kz.</a> Қызылорда қалалық жаңа тұрмыстық қатты қалдықтар полигоны 2019 жылы құрылысы басталып, 2020 жылы аяқталып пайдалануға берілді. 2020 жылдың маусым айынан бастап Қызылорда қалалық тұрғын-үй коммуналдық шаруашылығы бөлімінің теңгеріміне қабылданды.&nbsp;Жаңа полигон құрылысы санитарлық-экологиялық талаптарға толық сәйкес келеді, 20 гектар аумағы толық қоршалған, қалдықтарды сұрыптау кешенімен қамтамасыз етілген.&nbsp;Қалдықтарды сұрыптау кешенінің жылдық қуаты 60 мың тонна. Полигонға Қызылорда қаласы мен Белкөл және Тасбөгет кенттерінің қатты тұрмыстық қалдықтары қабылдануда. Қазіргі жыл басынан полигонға 17900 тонна қалдықтар қабылданды.Осы қалдықтардың өңделу көрсеткіші 43,8 пайызды құрайды. Қабылданған қалдықтардың 7 850 тоннасы азық-түлік және жарамсыз қағаз қалдықтары полигон аумағында шірітілуде. Осы қалдықтарды шірітілу процессі арқылы қайтара пайдалану қоршаған ортаға түсірілетін салмақты жеңілдетіп, көмілетін қалдықтардың көлемі қысқартылуда. Бұл дегеніміз ҚР Экологиялық кодексінің негізгі талаптарының бірі. Шірітілген қалдықтардан пайда болған құнарлы шірінді топырақтар полигон аумағын тыңайту жұмыстарына пайдаланылады. 2022 жылы осы қалдықтарды сұрыптау арқылы алынған 425,7 тонна қайталама шикізат өнімдері екінші қайтара өңделу үшін мүдделі кәсіпкерлерге сатылды. Бұл дегеніңіз қазіргі таңда қалдықтарды өңдеу арқылы да қаржы табуға болатынын көрсетеді.Қазіргі таңда полигон бойынша барлығы 43 адам қалдықтарды сұрыптау, өңдеу және көму жұмыстарымен айналысуда, 10 бірлік арнайы техника жұмыс істейді. Қызылорда қаласы бойынша күн сайын полигонға 150-160 тонна көлемінде қалдықтар тасымалданады. Осы қалдықтардың 70 тоннасы қалдықтарды сұрыптау кешені арқылы сұрыптаудан өткізіліп, күніне 3-4 тонна көлемінде екінші қайтара пайдалануға жарамды шикізаттар алынуда. &nbsp;<figure class="image"><img src="https://knadmin.beoblood.kz/uploads/318855083_650038640147588_3483433263047397853_n_b7d524f6d4.jpg" alt="318855083_650038640147588_3483433263047397853_n.jpg"></figure>

Қызылорда қаласында полигонға күніне 150-160 тонна қалдық тасымалданады

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Жалағаш аудандық филиалы жанындағы «Өңірді дамыту» және «Жастарды қолдау» жөніндегі қоғамдық кеңес отырысы өткізілді. Аталған қоғамдық кеңестің күн тәртібінде 3 мәселе қаралды. «Өзгерістер жолы: әр азаматқа лайықты өмір» атты «AMANAT» партиясының сайлауалды бағдарламасын іске асыру жөніндегі Жалағаш ауданы бойынша Жол картасындағы құрылысы жұмыстары, қоғамдық кеңес тарапынан берілген хаттамалық ұсыныстардың орындалуы туралы және «Жастарды қолдау» жөніндегі қоғамдық кеңестің жаңа құрамы таныстырылды.Аталған қоғамдық кеңесті «Өңірді дамыту» жөніндегі қоғамдық кеңес төрағасы, аудандық мәслихаттағы «AMANAT» партиясы депутаттық фракциясының мүшесі Бекжанов Әліби ашып, жүргізіп отырды.Күн тәртібіндегі алғашқы мәселе бойына аудандық құрылыс, сәулет және қала құрылысы бөлімінің басшысы Қайрат Жаппасбаев хабарлама жасады. Бөлім басшысы аудан көлемінде жүргізіліп жатқан құрылыс жұмыстары оның ішінде сайлауалды бағдарлама қатысты атқарылып жатқан бірқатар жұмыстарға тоқталды.Мәселен, Мырзабай ахун елді мекеніндегі 100 орындық клуб ғимараттарының жоба-сметалық құжаттары сараптамадан өтіп, құрылыс-монтаждау жұмыстарына қаржыландыру үшін Қызылорда облысының құрылыс, сәулет және қала құрылысы басқармасына бюджеттік өтінім тапсырылған. Сондай-ақ, 2022 жылдың 11 айында 18 271 шаршы метрді құрайтын 123 үй пайдалануға беріліп, өткен жылдың осы кезеңімен салыстырғанда артығымен орындалған. Өткен жылмен салыстырғанда 133,9 пайызды құрайды.Жастардың тұлғалық дамуы мен бос уақытын тиімді өткізуге байланысы берілген хаттамалық ұсыныстардың орындалуы туралы аудандық жастар ресурстық орталығының директоры Нұржан Амандық хабарлама жасады. Мүмкіндігі шектеулі жастармен арнайы сауалнама жұмыстары жүргізіліп, қандай іске икемді және қызығушылығын анықтап арнайы шаралар жоспарын әзірледік. Осы жылы үстел теннисі және шахматттан спорттық сайыстар өткізілді. «Жас Ұлан» топтарымен мектептерде тұрақы кездесулер өткізіп, түрлі тақырыптарда семинарлар сонымен қатар, жастар арасында қылмыстың алдын алу, зиянды заттардан бас тарту қажеттігі туралы бейнероликтер көрсетіліп, түсіндірме жұмыстары жүргізілді.&nbsp;<blockquote>«Қолайсыз отбасындағы жастардың назарын аударып, көңіл күйін көтеру үшін мәдени және спорттық шараларға, киноларға тартып жатырмыз. Алдағы уақытта осы жастардың арасында санақ жұмыстарын жасап категория бойынша бөлініс жасап әр санаттағы жастарға арналған іс шара жоспарын әзірлеп жүмысты жандандыратын боламыз», – деді орталық директоры Нұржан Амандық.</blockquote>«Жастарды қолдау» жөніндегі қоғамдық кеңес төрағасы Нарбота Серәлі жаңадан жасақталған кеңес құрамын таныстырып, жұмыстарына сәттілік тіледі.&nbsp;Ауданда волонтерлік қызмет көрсету бойынша «Jalyndy jas» еріктілер мектебінің жұмысы жыл санап өз маңыздылығын көрсетіп келеді. Оған дәлел бүгінгі күнге дейін еріктілер Азаматтық бастамаларды қолдау орталығының бастамашыл топтарды және еріктілерді қолдауға арналған шағын гранттарын жеңіп алу арқылы аудан жастары 3 Coworking орталығы, 3 спорттық үйірме, 2 көшеге қоқыс жәшіктерін, ерекше балаларды қолдау бағытында 2 мекемеге материалдық демеушілік, ауылды көркейту үшін 2 ауылға жаңа жоба және 1 отбасыға баспана табыстады. 2022 жылды еріктілер 6 млн 135 мың теңге қаржыны құрайтын 16 жоба жеңіп алды.Партияның сайлауалды бағдарламасың тармақтарында көрсетілген іс-шаралар бойынша хабарламашыларға кеңес мүшелері тарапынан сұрақтар қойылып, ұсыныстар айтылды. Айтылған ұсыныстар хаттамаға түсіріліп, тиісті жұмыстардың орындалуы кеңес мүшелері назарында болады. &nbsp;<img src="https://knadmin.beoblood.kz/uploads/5_efbd7466c7.jpg" alt="5.jpg"><img src="https://knadmin.beoblood.kz/uploads/3_71b0d388fa.jpg" alt="3.jpg">

«Өңірді дамыту» және «Жастарды қолдау» жөніндегі қоғамдық кеңес отырысы өткізілді

<a href="https://kyzylorda-news.kz/">Kyzylorda-news.kz.</a> Бүгін Қорқыт Ата атындағы Қызылорда университетінде Қазақстан Республикасының &nbsp;Тәуелсіздігі күніне арналған «Тәуелсіздік бәрінен қымбат» тақырыбында &nbsp;ғылыми – тәжірибелік конференция өтті.&nbsp;Маңызды шараға Қазақстан Республикасы Ішкі істер министрлігі ішкі істер органдарының Құрметті ардагері, ҚР Журналистер одағының мүшесі, Қорқыт Ата атындағы Қызылорда университетінің құқықтану кафедрасының аға оқытушысы Шаймағамбетов Әмірбек Бердібекұлы, Қызылорда облысы Полиция департаменті Тергеу басқармасының аса маңызды істер жөніндегі аға тергеушісі Маншарипов Айдарбек Жақсыбекұлы, Заң бөлімінің қызметкері Даулбаева Динара Жалғасбайқызы, Қорқыт Ата атындағы Қызылорда университетінің Басқарма мүшесі – Ғылыми жұмыстар және халықаралық байланыстар жөніндегі проректоры Бөрібаева Майнұр Әбілтайқызы, әлеуметтану ғылымдарының кандидаты, Қорқыт Ата атындағы Қызылорда университеті философия және әлеуметік – гуманитарлық пәндер кафедрасының аға оқытушысы Сыздыкова Махпал Бархияқызы, педагогика ғылымдарының магистрі, Тарих кафедрасының аға оқытушысы Ахметбек Бақытжан Мұқарамұлы &nbsp;қатысты. &nbsp; &nbsp;&nbsp;Ғылыми – тәжірибелік конференция барысында &nbsp;ҚР-сы ІІМ Ішкі істер органдарының Құрметті ардагері &nbsp;Әмірбек Бердібекұлы &nbsp; «Тәуелсіздік - ең басты игілік, баға жетпес құндылық» тақырыбында баяндама жасаса, Қызылорда облысы Полиция департаментенің полиция полковнигі, Тергеу басқармасының аса манызды істер жөніндегі аға тергеушісі &nbsp;Айдарбек Жақсыбекұлы &nbsp;«Тәуелсіздік жылдарында Ішкі істер органдарындағы реформалар» жөнінде нақты мысалдарға толы баяндама жасады.&nbsp;Сондай-ақ, Қызылорда облысы полиция департаментінің Заң бөлімінің бас маманы Динара Жалғасбайқызы «Қазақстанның Конституциясы – Тәуелсіздіктің негізгі құндылығы» атты баяндамасында &nbsp;әр адам Қазақстан Республикасының Конституциясын және заңдарын сақтауға, басқа адамдардың құқықтарын, бостандықтарын, абыройы мен қадір-қасиетін құрметтеуге міндетті екенін жеткізді.Жалпы, &nbsp;бүгінгі өткен конференцияда еліміздің тәуелсіздік жылдарындағы негізгі жетістіктері, қоғамда тұрақтылықты сақтауға бағытталған мәселелер талқыланды. &nbsp;Барлық қастысушылар сұрақ қоюға және мамандардан толыққанды жауап алуға мүмкіндік алды. Конференция қатысушылар тарапынан жоғары бағаланып, өзектілігі мен маңыздылығы атап өтілді.&nbsp;<figure class="image"><img src="https://knadmin.beoblood.kz/uploads/l_6ee7f43513.jpg" alt="л.jpg"></figure>&nbsp;

Қызылорда облыстық полиция департаментінің қызметкерлері ғылыми-практикалық конференцияға қатысты

<a href="https://kyzylorda-news.kz/">Kyzylorda-news.kz.</a> Қазақ ұлттық ойындары халықтың әлеуметтік-экономикалық жағдайына, тұрмыс-тіршілігіне, шаруашылық мүмкіншіліктеріне байланысты қалыптасқан. Жалпы, қазақ халқының ұлттық ойындарының көбі табиғи заттармен ойнауға негізделген. Шаруашылығы мал шаруашылығына негізделгендіктен қазақ халқының ұлт ойындары да осыған икемделеді.Мәселен, асық ойыны – қазақ ұлттық ойындардың ішінде аса танымалы және қазақ халқының дәстүрлі ұлттық ойындарының ең қызықты әрі өте кең тараған түрі. Сондықтан ғасырлар бойы халықтың зердесінде сақталып келген осы бір ойынды өскелең ұрпақты тәрбиелеудің құралы ретінде пайдаланып келеді. Асық ойнату арқылы балаларды дәлдікке, мергендікке, ептілікке жеңіске деген құштарлыққа, намысқойлыққа, әділдікке баулуға болады.Осы орайда, 2022 жылдың 9 желтоқсан күні Қармақшы ауданында 2022 жыл «Балалар жылына» орай асық ату мен бес асықтан 2009-2010 және 2011-2012 жылы туылған &nbsp;жасөспірімдер арасында облыс біріншілігіне іріктеу болып өтті.Спорттық шараның негізгі мақсаты салауатты өмір салтын насихаттау, бұқаралық спортты дамыту, облыс көлемінде ұлттық спорт түрі асық ату мен бес асық атуды дамыту болып табылады. Спорттық іс-шараға бес асықтан 6 команда, асық атудан 7 команда, жалпы 50-ге жуық спортшы қатысты.Жеңімпаз және жүлдегер спортшыларға аудандық дене шынықтыру және спорт бөлімінің І, ІІ, ІІІ дәрежелі дипломдар, медалдары мен сыйлықтары табысталды. &nbsp;<img src="https://knadmin.beoblood.kz/uploads/319693371_1333008644131323_4854527153878680897_n_a1d3721ea7.jpg" alt="319693371_1333008644131323_4854527153878680897_n.jpg"><img src="https://knadmin.beoblood.kz/uploads/319686109_1333008684131319_2200068982097484186_n_ee00785e8e.jpg" alt="319686109_1333008684131319_2200068982097484186_n.jpg">

Қазақстан және Қызылорда облысының жаңалықтары