<a href="https://kyzylorda-news.kz/">Kyzylorda-news.kz.</a> Жалағаш ауданында Конго-Қырым геморрагиялық қызбасы ауруының алдын алу бағытында 2023 жылдың көктем және күзгі эпидмаусымы бойынша сақтық шаралары басталды.Кенеге қарсы залалсыздандыру жұмыстарын орындаушы мердігер мекеме «Дезинфекция» Ақтөбе облыстық бірлестігі» жеке медициналық мекемесі арқылы 7 техника 14 адам жумылдырылып Конго-Қырым қанды безгегі ауруына қарсы залалсыздандыру жұмыстарының I кезеңі 3 мамыр мен 5 мамыр аралығында, II кезеңі 2023 жылдың 12 мамыры мен 25 мамыры аралығында жүргізеді.<blockquote>«Құрметті аудан тұрғындары! Залалсыздандыру жұмыстарына кедергі келтірмес үшін қора жайларыңызды тазартып, дайындық жұмыстарын жасауға шақырамыз», - дейді сала мамандары.</blockquote>Дәуімбай учаскесінде 8 көше күрделі жөндеуден өтедіЖалағаш кенті Дәуімбай учаскесіндегі И.Панфилов көшесінің күрделі жөндеу жұмыстары басталды. 2023 жылы Дәуімбай учаскесінде Мысық би, І.Нүркенов, А.Бектібаев, З.Ижанов, Ұлы Жеңістің 50 жылдығы, Т.Әбжалиев, А.Қазбеков көшелеріне жөндеу жұмыстары жүргізіледі.<img class="image_resized" style="width:100%;" src="https://knadmin.beoblood.kz/uploads/444141_ed85f19c2f.jpg" alt="444141.jpg">Жалағаштықтар жеңіс тұғырында19-29 сәуір аралығында Шымкент қаласында тоғызқұмалақтан ерлер мен әйелдер арасындағы классикадан жекелей Қазақстан Республикасының чемпионаты өтті.Чемпионатқа "Наркескен" спорт клубының тоғызқұмалақ үйірмесінің жаттықтырушысы Кенжебекова Ақерке қатысып, жарысқа қатысқан 106 спортшының арасынан жүлделі ІІ орынды иеленді.Ақерке Кенжебекова алдағы уақытта ересектер арасында өтетін Азия чемпионатына қатысатын болады.<img src="https://knadmin.beoblood.kz/uploads/343989050_275866488115562_5007855373987344921_n_7869be4ac5.jpg" alt="343989050_275866488115562_5007855373987344921_n.jpg">

Жалағашта эпидмаусымның сақтық шаралары басталды

<a href="https://kyzylorda-news.kz/">Kyzylorda-news.kz.</a>&nbsp; &nbsp;«Кедергісіз келешек» партиялық жоба аясында “Қызылорда электрмен жабдықтау дистанциясы” БПҰ партия мүшелері, &nbsp;аталмыш мекеменің кәсіподақ төрағасы Дарханбек Мақсатов, &nbsp;өндірістік оқыту шебері Жанболат Бекетовпен бірге дүниежүзілік Еңбекті қорғау күні қарсаңында мекеме есебінде зейнеткер ретінде тұратын Кенжебек Рахметәлиевтің отбасында болып, хал-жағдайымен танысты.Теміржолшы Қуатбай Рахметәлиевтер отбасында дүниеге келген Кенжебек әке жолын жалғастырушы. Тосын жағдайға 2013 жылы өндірістік жұмыс кезінде ұшырап, екі қолынан жарақат алған.Жарақат алған кезде дистанцияның Төретам телімінде электромонтер болып жұмыс істеген. Ол электр желілерінің тоқ күшінің жоғалу ақауын жөндеп жатқанда жарақат алған. Содан бері ұжымның зейнеткерлері есебінде.&nbsp;Зейнетке шыққаннан бастап әріптестерінің қолдауымен және бапкері Өміржанның ықпалымен спортқа ден қойған. Қазіргі таңда Қазақстан Республикасында өткізілген спорт бәсекесінде топ жарып жүрген паратаеквондо шебері.Азық түлік себеті мен қаржылай көмек беріп, өзін іздеп келген әріптестеріне разы болған қайсар да жігерлі Кенжебек алғысын білдірді.<figure class="image"><img src="https://knadmin.beoblood.kz/uploads/460ded5d_33cd_4c3c_a8e8_d8d8e1c25837_1a1572b662.jpg" alt="460ded5d-33cd-4c3c-a8e8-d8d8e1c25837.jpg"></figure>

Қайсар да жігерлі паратаеквондо шебері  алғысын білдірді

<a href="https://kyzylorda-news.kz/">Kyzylorda-news.kz.</a> Қ.Күлетов атындағы 92 мекепте «Дарқан көңіл, дария ой, дара шыңдар» деген атаумен аудандағы білім саласының ардагерлеріне құрмет көрсетілді. Басқосуда мектеп пен ардагер ұстаздардың байланысын көрсетіп, бірлескен жұмыстар таныстырды.Шара барысында ардагер ұстаз Сәлия Рысқұлованың «Сәулелі ғұмыр» отбасылық кітабының тұсауы кесілсе, Қазақстан білім беру ісінің үздігі Марат Мамайұлының есімі «Зияткерлік ойындар» клубына берілді.Білім ұясындағы ардагерлер үйі 2019-2020 оқу жылдары ашылған. Онда ұлағатты ұстаздардың өмір жолынан сыр шертетін стендтер қойылған. «Болашаққа тер төккен білімнің бағбаны» тақырыбында «Еңбекте үздік шыққаны үшін» медалінің иегері, Қазақ СССР оқу министірлігінің «Құрмет грамотасымен марапатталған Ақихат Ниязоваға арналған арнайы тақта бар. Сондай-ақ «Ұстаздар жолы – ұлылық», «Қалдырған ізің мәңгілік» атты тақтайшаларда мектептің ардагер ұстадарының суреті ілінген. Ал, спорт шебері Марат Мамайұлының атындағы кабинетте ұстаз шыққан шың мен бағындырған белестерін дәлелдейтін марапаттар мен кубоктар қойылған.<blockquote>«Марат Мамаев Ү.Түктібаев ауылында туған. Ол орта мекепті бітірген соң Мәскеу жерінде Отан алдындағы борышын өтеген. 1980 жылы Қарағанды қаласындағы дене тәрбиесі және спорт техникумына оқуға түсіп, «Дене шынықтыру пәнінің мұғалімі» мамандығын алып шығады. 1975-1976 жылдары Қазалы қаласындағы 11 спорт мектебіне бокстан жаттықтырушы болып қабылданған. Кейін 92 мектепке ауысып, дене шынықтыру пәнінен сабақ берді. Білікті ұстаздың шәкірттері үнемі аудандық, облыстық спартакиадаларда жеңіске жетіп, жүлделі орындар иеленуде. Марат Мамайұлы Білім беру саласындағы сіңірген еңбегі үшін Қазақстан Білім беру ісінің үздігі атағын иеленді. Бірнеше рет аудан, облыс әкімдерінің Құрмет грамотасы мен Алғыс хатын алды. Біз мұғалімдерімізбен мақтанамыз. Оқушыларымызда біліммен қатар спорттық сайыстарда, қоғамдық шараларда өте белсенді. «Ұстазы жақсының – ұстанымы жақы» деген білім ордамыздан әлі талай таланты, дарынды ұл-қыздардың түлеп ұшарына сенеміз», – дейді мектеп директоры Баян Ниязова.</blockquote>Бұл күні қонақтар мектептің Акт залында мектеп театрының «Абай» спектаклін көріп, жас өнерпаздардың ән шашуын тамашалады. Шара соңында ардагер ұстаздар мектеп ауласындағы «Ардагерлер аллеясында» ағаш отырғызу рәсіміне қатысты. &nbsp;

Қазалыда «Сәулелі ғұмыр» отбасылық кітабының тұсауы кесілді

<a href="https://kyzylorda-news.kz/">Kyzylorda-news.kz.</a> Астана қаласында өткен «ENACTUS KAZAKHSTAN NATIONAL EXPO 2023» аясында мектеп кəсіпкерлігінің IV Республикалық чемпионатына Қызылорда қаласындағы Тұрар Рысқұлов атындағы №222 &nbsp;мектеп командасы қатысты.&nbsp;Құрамында 10 «Ә» сынып оқушысы, команда капитаны Ертай Жансезім, вице-капитан Жібек Бақбергенова, RP-менеджер Бегімсал Ақсүйрік, НR-менеджер Кенжалы Ғазиз жетекшілері эдвайзер Ержан Кенжеевпен жоғары жетістікке жетті. Олар бұл жарыста жартылай финалға шықты.Еліміздің барлық өңіріндегі НЗШ және БИЛ мектептерінен 70-ке жуық команда қатысқан сайыста жартылай финалға шығу орта мектеп үшін жоғары жетістік.&nbsp;<blockquote>«Бұл сайыс біз үшін тәжірибе алаңы болғанын, қорғаған жобаларын көптеген шетелден келген бірнеше қазылар алқасының жоғары бағалады. Одан бөлек басқа қалалардан келген командалардың мықты екенін де мойындаймыз. Ал бұл сайыс кәсіпкерлік бағыттағы кез келген жобаны қорғауда кәсіби мүмкіндігіміздің бар екенін бағамдап берді. Келесі жылы да мықты дайындықпен қатысуға бел буып отырмыз», - дейді сайысқа қатысушы оқушылар.</blockquote><blockquote>«Оқушылар берілген тапсырмаларға барлық күш жігерлерін салды, өз мүмкіндіктерін аяған жоқ. Тақырыбымыз да казіргі заманға өте қажетті және маңызды еді. Оқушыларыммен бірігіп Қарауылтөбе ауылында көп тәжірибелік экперименттер жасадық. Бұл эксперименттер оқушылардың жоба қорғауда әр қойылған сұраққа оңай жауап беруіне мүмкіндік сыйлады», - дейді команда жетекшісі, физика пәнінің мұғалімі Ержан Сұлтанбекұлы.</blockquote>Ал Қызылорда қалалық №222 мектеп ұжымы Ержан Сұлтанбекұлы мен оның шәкірттерін бұл жетістіктерімен құттықтап, келесі жылғы сайысқа сәттілік тіледі.

Қызылордадағы №222 мектеп оқушылары кәсіпкерлік бағыттағы сайысқа қатысты

<a href="https://kyzylorda-news.kz/">Kyzylorda-news.kz.</a> Жалағаш аудандық мәслихатының кезекті 2-сессиясы өтті. Онда 10 мәселе қаралып, бекітілді. Сессияда сөз алған аудан әкімі Асқарбек Есжанов жоғары тұрған бюджеттерден бөлінген трансферттер есебінен 2023 жылға арналған аудан бюджетінің ұлғайғанын атап өтті.Яғни, 2023 жылғы аудан бюджеті 8 млрд 755 млн теңге көлемінде бекітіліп, бүгінгі күні бекітілген бюджетпен салыстырғанда 1 млрд. 10 млн. теңгеге артқанын жеткізді.Сондай-ақ, биылғы жылғы бекітілген аудан бюджетінде 25 жобаны іске асыруға барлығы 3 млрд. 160 млн. теңге қаржы бөлінген болса, Республикалық және облыстық бюджеттің нақтылауымен 4 млрд 177 млн 800 мың теңгеге жетіп, аудан бойынша 33 жобаны іске асыруға бағытталды.Нәтижесінде биылғы жылы: 4 елді мекенде 16 көшені және 3 аудандық маңызы бар жолды толықтай жөндеуден өткізіледі; Жаңаталап, Қаракеткен елді мекендерінде 5 техникалық су ұңғымасы қазылады; Жалағаш кентіндегі темір жол арқылы өтетін жаяу жүргіншілер көпірі халық игілігіне пайдалануға беріледі; Ақтерек учаскесі су, электр және газ желілерімен толықтай қамтамасыз етіледі; «Наркескен» спорт клубы мен аудандық кітапхана ғимараттары қазандықтарын газға қосып, Ақсу және М.Шәменов елді мекендерін газдандыру жұмыстары басталады; Аққұм және Мәдениет елді мекендері ауыз су желісімен толықтай қамтылады; Жалағаш кентінде тұрғын үй кезегінде тұрған аз қамтылған 50 отбасына жаңа баспана кілті табысталады; Мақпалкөл, Далдабай, Жаңақоныс елді мекендеріндегі балалар ойын алаңдарына жөндеу жұмыстары жүргізіліп, Жаңадарияда жаңа ойын алаңы бой көтереді; Мақпалкөл ауылында 1 көшеге тас төселіп, Т.Жүргенов атындағы саябақ абаттандырылады; Есет батыр және Мырзабай ахун елді мекендерінде дәрігерлік амбулатория пайдалануға беріледі; Аудан бюджеті есебінен Жалағаш кентінің көшелеріне 3 бағдаршам орнатылып, Аққұм елді мекенінің даму сызбасына түзету енгізуге жоба-сметалық құжаттар әзірленеді.Аудандық мәслихаттың кезекті 2-сессия отырысына Жалағаш ауданынан сайланған облыстық мәслихат депутаты Әмірбек Шаймағамбетов қатысып, ауданның әлеуметтік-экономикалық дамуындағы оң өзгерістерге сәттілік тіледі.

Жалағашта 33 жоба іске асырылмақ

<a href="https://kyzylorda-news.kz/">Kyzylorda-news.kz.</a> Жаздың басталуына санаулы күндер қалды. Күнге қыздырынып, табиғат аясына шығып, серуендеу, балмұздақ алып, су айдындарына шомылу маусымын көпшілік асыға күтеді. Дегенмен оны қауіпсіз өткізудің жолдарын, сақтық шараларын да ұмытпаған жөн. &nbsp;Орманға, саябаққа шығып, қалалық шуылдан бір сәт демалып, &nbsp;табиғатпен үндесіп, күш пен шабыт жинай аласыз, алайда кенеден келетін кеселді де ұмытпаған дұрыс. Бұл жәндіктер түрлі &nbsp;инфекциялық аурулар – кене энцефалиті мен «Конго-Қырым» геморрагиялық қызбасының тасымалдаушылары болып табылады. Ал бұл аурулардан қорғану жолдарын Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова айтып берді.<blockquote>«Кенелерден сақтану үшін киім біртекті ақшыл түстес болғаны дұрыс, себебі ондай киімнен кененің бар-жоқтығын байқау оңай. Ал шалбардың балағын шұлықтың ішіне салу керек. Бұл эстетикалық тұрғыдан әдемі көрінбесі анық, есесіне дененің біраз бөлігі жабық, қауіпсіздікте болады. Бас киім кию. Біріншіден, күннің өтіп кетуінен қорғайды, екіншіден, мойын мен шекені кене шағудан сақтайды. Өзіңізді, достарыңыз бен бірге ертіп жүрген жануарлардың үстін жиі тексеріп отырыңыз. Үйге келгеннен кейін де &nbsp;өзіңізді бастан-аяқ тексеріп шығыңыз. Табиғат аясына киіп шыққан киіміңізді міндетті түрде тазалап алыңыз», - дейді ол.</blockquote>Егер өзіңізден кене тауып алған болсаңыз, үрейге бой алдыруға да болмайды. Алдымен тез арада мұқият денеден алып тастау қажет. Май құюдың қажеті жоқ. Ең дұрысы пинцетті немесе дәріханадан кенені алып тастауға арналған құралды пайдаланған абзал. Ал егер Сіз энцефалит немесе боррелиоз аурушаңдығы белсенді таралған аймақтан оралған болсаңыз, кенені сараптауға өткізу керек. Одан бөлек тез арада вакцина қабылдау үшін медициналық мекемеге жүгіну маңызды.Жаз мезгілінде күннің жылынуына байланысты тағамнан улану деректері жиілей түседі. Медициналық статистикаға жүгінсек, аурушаңдық көрсеткіші 40 және одан да жоғары көрсеткішке арта түседі. Міне, сондықтан аптап ыстықта тез бұзылатын тағамдарды сатып алмаңыз. Соның ішінде ірімшік, сүтқышқылды өнімдер, бәліштер, балық, суши, құйылмалы балмұздақ және майонезі бар салаттар қауіпті.Тағамдарды сақтау талаптары орындалмайтын, күмән келтіретін жазғы тамақтану орындарынан ауқат сатып алудың да өз қаупі бар. Есте сақтайтын жайт, сіз сатып алатын өнімнің құжатын сұрауға толық құқылысыз.Бірқатар өнім күн ыстықта өз балғындығын жоғалтып, керісінше денсаулыққа зиян келтіруі мүмкін. Әсіресе, мұны кәуапқа етті маринадтау кезінде ескеру керек. Жеміс-жидектерді де мұқият жуу қажет. Егер зиянсыз саңырауқұлақтарды таңдауда тәжірибе болмаса тәуекелге бармаған дұрыс.Облыстық санитариялық-эпидемиологиялық бақылау департаменті басшысының орынбасары тамақтан уланған жағдай да не істеу керек екенін айтып берді.<blockquote>«5-7 л көлемінде су ішіп, асқазанды жуу керек, кейін сорбент қабылдауға болады. Тынығу, 2-3 сағат көлемінде тамақтанбауға және тек сұйықтық ішуге кеңес беріледі. Дене қызуын бақылауда ұстап, қажет болған жағдайда дәрігер көмегіне жүгіну керек. Демалыс-бұл керемет уақыт, ең бастысы күш-жігерді қалпына келтіру үшін қажет. Сондықтан оны қауіпсіз өткізу маңызды», - дейді ол.&nbsp;</blockquote>

Жазғы демалысты қалай қауіпсіз өткізуге болады?

<a href="https://kyzylorda-news.kz/">Kyzylorda-news.kz.</a> Қызылорда облысы бойынша 2023 жылдың 4 ай қорытындысымен &nbsp;жіті &nbsp;ішек инфекцияларының 289 жағдайы тіркеліп, аурушандық көрсеткіш 100 мың халыққа шаққанда 34,1 құрады. Бұл көрсеткіш 2022 жылмен салыстырғанда 8 жағдайға жоғары. Аурушаңдықтың өсу тендениялары Жалағаш, Қармақшы, Шиелі аудандары мен қызылорда қаласында орын алды. Облыс көлемінде тіркелген жұқпалы жіті ішек ауруларының басым көпшілігі, яғни 92% Қызылорда қаласының үлесінде.&nbsp;Жұқпалы жіті ішек ауруларымен науқастанғандардың 89%-і 14 жасқа дейінгі балалар, соның ішінде 2 жасқа дейінгі балалар 60-70% &nbsp;құрап отыр.<blockquote>«Облыс көлемінде жіті ішек инфекциялары бойынша тұрақсыз эпидемиологиялық ахуалдың қалыптасуы тұрғындар тарапынан ішек инфекциялары мен тағамдық уланудың алдын алу жөніндегі санитариялық-гигиеналық нормалар мен қағидалардың сақталмауымен байланыстырылады. Әсіресе, бала күтімінің нашарлауы, яғни ас-су беретін шөлмектері тазалығына жіті назар аударылмайды. Түрлі топтардың жедел асқынған ішек инфекцияларымен сырқаттануы жазғы маусымда көбейеді, бұған қоршаған орта температурасының жоғарылауы, сусынды, жеміс-жидектерді көп қолдану, азық-түліктің тез бұзылуы себеп болады», - дейді Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова.</blockquote>Соңғы уақытта тұрғындар арасында мерзімінен ерте піскен бақша өнімдері мен жеміс жидектерді тұтыну салдарынан індетке шалдығу деректері жиілей түсті. Бұл ретте жеміс-жидектерді жумай пайдалану, дұрыс сақтамау, сондай-ақ құрамында нитраттардың мөлшерден тыс болуы – басты себептер деп болжанады. Сондықтан жеміс-жидектердің табиғи піскен мерзімін күткен дұрыс. Бұл уақытта өнімдер анағұрлым қауіпті, яғни нитратпен улану деңгейі жоғары. Қызылорда облысының санитариялық-эпидемиологиялық бақылау департаменті тұрғындарды тұрғындарға нитраттардың зияны туралы ескертіп, жеміс-жидектерді рұқсат етілмеген орындардан сатып алмауға кеңес береді.&nbsp;

Әлия Әбдіқайымова: Жіті ішек инфекциясының алдын алу үшін тазалыққа мұқият болу керек

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Темірбекұлы Есжанов республикалық олимпиаданың жүлдегерлерін қабылдады, сый-құрмет көрсетті.Қабылдауға Т.Жүргенов атындағы №123 мектеп-лицейінің 11 сынып оқушысы, қазақ тілі мен әдебиеті пәнінен республикалық олимпиаданың 2 орын иегері Аяулым Ерболқызы Жахат, Т.Жүргенов атындағы №123 мектеп-лицейінің 11 сынып оқушысы, Қазақстан тарихы пәнінен республикалық олимпиаданың 3 орын иегері Бағдат Жалғасбекұлы Ботабай, №31 мектеп-гимназиясының 11 сынып оқушысы, орыс тілінде оқытатын мектептердегі қазақ тілі мен әдебиеті пәнінен республикалық олимпиаданың 3 орын иегері Людмила Станиславовна Цой, оқушылардың жетекшілері мен мектеп директорлары қатысты.“Жалағаш ауданы білім саласынан үздіктер қатарында. Білім бәсекесінде біздің оқушыларымыз көш басын бастап тұр. Оның дәлелі өздеріңізсіздер. Білімге құйған инвестиция ең қайтарымды инвестиция. Республикалық олимпиаданың жүлдегері атанып, ауданның ғана емес Сыр елінің абыройын асқақтаттыңыздар. Елдің болашағы білімдінің қолында екенін ескерсек, біз білімді оқушыларға, білімнің бастауы ұлағатты ұстаздарға сенім артамыз” - дейді Жалағаш ауданының әкімі.Кездесу барысында Асқарбек Темірбекұлы олимпиада жүлдегерлері мен олардың жетекшілерін “Алғыс хатпен”марапаттап, гүл шоқтары мен естелік сыйлықтар табыстады.

Жалағаш ауданының әкімі олимпиада жүлдегерлерін қабылдады

<a href="https://kyzylorda-news.kz/">Kyzylorda-news.kz.</a> Қолы қимылдаған адамға кедейлік жоқ. Рас, дүние. Ебін тауып әрекет етсең, кәсіпті дөңгелетіп әкетуге болады. Әркім тек өзіне ыңғайлы, &nbsp;бейіміне қарай еңбек етсе болғаны. Осындай кәсіпті жан-жақты іздеп, зерттеп, оны табыс көзіне айналдырып жүрген жанның бірі қармақшылық – Айдана Көздібаева.&nbsp;Жүзі жылы, сөзге мығым кәсіпкермен «Атамекен» палатасы аудандық филиалында өткен қыз-келіншектің көрмесінде байқадық. Ол бүгінде жартылай дайын фабрикат өнімдерін шығаруда. Кеспенің 2-3 түрі, жайма, сондай-ақ конитерлік өнімдердің түр-түрін кекс, коржик, торт пен тоқаштарды тапсырыспен дайындайды. Кейде аудандағы дүкендерге де өткізеді. &nbsp;<blockquote>«Бұл кәсіпті 2 жылдан бері істеп келемін. Жалпы қол қусырып қарап отыру деген мағат жат нәрсе. Қолымнан келсе, барлығын істеп көргім келеді. Қазір бәрі жұмысбасты. Уақыт тығыз. Үй шаруасы мен ас үй жұмысына кейде үлгермей қалып жатамыз. Сондайда табиғи, таза, сапалы, дайын өнімдердің болғанын дұрыс көремін. Өзім секілді аналарға көмек беру ниетімен осы істі қолға алғанмын. Бүгінде дүкенге барсаңыз барлығы дайын. Тіпті тапсырыспен тамақ беруге де халық үйреніп қалған. Десе де уақыт жағынан үлгермей қалатын сәттер болады. Сол кезде жайма, кеспелерді салып ыстық, дәмді тамақ дайындауға болады. Бұлардың жарамдылық мерзімі 3 ай. Тоңазытқышта сақталуы тиіс. Ас даярлар алдында 10 минут &nbsp;бұрын шығарып қойған жөн», – дейді жеке кәсіпкер.</blockquote>Иә, бұл маусымдық жағдайларға әсер етпейтін кәсіп түрі. Жылдың кез келген мезгілінде жайма, кеспе, тұшпара, манты тағамдарына сұраныс жоғары. Дүкен сөресінде жартылай дайын өнімнің түр-түрі бар. Әйтсе де қызылды-қасылды қораптағылардың барлығы дерлік сырты ішіне сай келмей жатады. Осындайда қолдың таза өнімі болса ойланбай алар едік деп жатамыз. Ал кәсіпкердің бұл өнімдері осы сұранысты қанағаттандырып отыр. Икемі мен ебін тапқан адамға «жұмыс аз, ақша жоқ» деген құр сылтау ғана. Мұны Айданамен сөйлескен аз уақыт әңгімеде байқадық.&nbsp;<blockquote>«Анам – кондитер. Мен құрсақта жатып-ақ пісіру ісіне бейімделгенмін деп әзілдеп жүрген жерде айтып қаламын. Декреттік демалыста қарап отырмай бір іспен айналысу керек деп оқымаған курс қалмады. Инстаграм желісі негізінде түрлі онлайн курстарға қатыстым, тәжірбие жинақтадым. Енді көзбен көріп, үйренсем деймін. Бөпем әлі кішкентай болған соң мұны кейінге қалдырып отырмын. Алдағы уақытта жартылай дайын өнімдерден мұздатылған тұшпара, самса істеу ойымда бар. Сонымен қатар, кеспенің жанына дайын дәмдеуіштер қосып, роллтон есебінде шығарғым келеді», – дейді Айдана.&nbsp;</blockquote>Бесік тербеткен ананың үйде отырып &nbsp;табыс тапқысы келеті анық. Айдана Көздібаева мұнымен шектеліп қалғысы келмейді. Тек кәсібіне аздаған қолдау болса деген ниетін де жасырып қалмады. Ауданда өткен кәсіпкерліктің өңірлік кеңесінің кездесуінде облыстық Іскер әйелдер кеңесінің төрайымы Наталья Мишукова оның өнімдеріне ерекше басымдық беріп, құжаттарын тапсырып, мемлекеттік бағдарлама негізінде &nbsp;қаржыландыруға мүмкіндігі бар екенін жеткізді.&nbsp;Ол аудандық ауылшаруашылығы бөлімінде жұмыс істейді. Қазіргі уақытта бала күтіміне байланысты демалыста. Жолдасы Азат та кәсіпкерлік саладан алыс емес. Өзінің жеке шаш қысқартатын салоны бар. Адал тапқан дүние берекелі болатынына кейіпкеріміз арқылы тағы бір көзіміз жетті. «Жақсы кәсіп – толық ырыс» дегендей, адам өмірден өз орнын тауып, тұрмысын түзеп, елге пайдасын тигізуі үшін оған жақсы, берекелі кәсіп көзінің керектігі даусыз. Әрі шағын және орта кәсіпкерлікті дамыту бүгінде ел экономикасын алға ілгерілетудің бірден-бір жолы болып отыр. Сондықтан да болар елімізде кәсіпкерлерге қолдау көрсетудің түрлі жолдары, тетіктері көбейіп жатқаны көңіл қуантады.

Қармақшылық жас кәсіпкер «роллтон» шығармақ

<a href="https://kyzylorda-news.kz/">Kyzylorda-news.kz.</a> Мал шаруашылығы – қазақтың қанында бар, жанына жақын ата кәсіптің бірі. Малдың бабын ежелден жетік білген дана халқымыз нәсібін дәл осы кәсіптен тапқан. Бүгінде қой, жылқы немесе сиыр бағумен айналысып жүрген шаруаларды жиі кездестірсек те, төрт түліктің төресі – түйе малын бағуды қолға алған жандарды сирек жолықтырамыз. Алайда мемлекет берген мүмкіндікті пайдаланып, кәсіп бастауды жөн көрген қармақшылық Зүбәйра Рахманқұлованың таңдауы осы ойсылқараға түскен.<blockquote>«Төрт түлік малдың барлығы да жақсы, төртеуінде де береке бар. Біреу ірі қара сиырмен айналысқысы келеді, біреу қой шаруашылығымен, енді бірі жылқы өсіруді ойлайды. Бұлардың қайсысын бақсаң да тиімді. Ал түйенің өнімі шұбатты ерекше бағалауымның басты себебі – оның емдік қасиетінде. Түйе сүті –&nbsp; жүз ауруға ем. Ол ішек-асқазан ауруларын, өкпе ауруларымен күресіп,&nbsp; жүйке-жүйесінің жақсаруына өте жақсы әсер етеді. Балалар мен ересектердің иммундық жүйесін қалыпқа келтіреді. Сосын тағы бір себеп, біздің жеріміз шөл, шөлейт болып келетіндіктен, осы түйе малын өсіруге өте ыңғайлы. Сондықтан менің ойымша, түйе шаруашылығының келешегі зор. Оның еті болсын, жүні болсын, сүті болсын қашанда бағалы», – дейді жеке кәсіпкер.</blockquote>Кейіпкеріміз «Нәтижелі жұмыспен қамту 2017-2021» бағдарламасы аясында грантқа қол жеткізіп, алдыңғы жылы 4 боталы түйе сатып алған. Шипалы сусынға тұрғындар арасынан сұраныс та мол екен.– Қазір біз жаз айларында 3 мезгіл сауамыз. Ал қыс айларында 2 мезгіл саууға болады. Қазіргі уақытта орташа есеппен әр түйеден 2 литр сүт аламыз. Боталары әлі жас болғандықтан, қазір сүттің көп бөлігін боталарға қалдырып отырмыз. Түйе сүті бұл аппақ қар сияқты болады. Оған өзге өнімді араластыруға болмайды. Қандай істе де адалдық, шынайылық керек. Алынған өнім ауыл ішінде-ақ сатылып кетеді. Қалғаны бала-шағамыздың не­сібесі, – дейді ол.Жолдасы басқа салада еңбек етсе, 4 перзент тәрбиелеп отырған Зүбәйра Рахманқұлова&nbsp; балаларының жанында отырып-ақ кәсіп етуді қолға алған. «Бастысы – ниет. Сылтауды қойып, берілген мүмкіндікті қолдану қиын дүние емес» дейді ол әңгіме арасында. Бүгінде анасына перзенттері де қолғабыс етеді. Адал еңбегі арқылы табыс тауып, құнарлы тағам, шипалы сусын ішіп, әрі балаларын еңбекке тәрбиелеп отырған кәсіпкерге сүйсін­дік. Мақсаты айқын, алға қойған жоспары нық жанның дегеніне жетері сөзсіз.

Қармақшылық тұрғын шипалы сусынды кәсіп етіп отыр

<a href="https://kyzylorda-news.kz/">Kyzylorda-news.kz.</a>&nbsp;Сәуірде тұтыну бағаларының индексі айлық мәнде 0,9% құрады, тиісінше көрсеткіш наурыз деңгейінде сақталды. Индекс құрылымында азық-түлікке жатпайтын тауарлардың бағасы 1,3%-ға, азық-түлік тауарлары – 0,9%-ға, ақылы қызметтер – 0,4%-ға өсті.Азық-түлікке жатпайтын тауарлардың ішінде сәуірде бағаның ең жоғары өсімі дизель отынына – 16,1%, бензинге – 9,7% болды. Наурыз айымен салыстырғанда жуу және тазалау құралдары 1,4%, жеке гигиена құралдары 1,1%, ыдыс-аяқ 1%, тұрмыстық техника 0,9% өсті.Азық-түлік тауарлары арасында жеміс пен көкөніс бағасы едәуір өскен, сәуірде қырыққабат 4,7%, қызанақ 4,1%, жүзім 3%, алма 2,6%, алмұрт 2,4% қымбаттаған. Бағаның өсуі күрішке – 2,7%, салқындатылған сусындарға – 2,5%, рожкилерге, ультрапастерленген сүтке – әрқайсысы 2,4%-дан, салқындатылған балыққа – 2,2%, пастерленген сүт, макарон өнімдеріне – әрқайсысы 2,1%-дан байқалды. Бұл ретте қияр – 11,4%, қарақұмық жармасы – 3,7%, күнбағыс майы 2,6%-ға арзандады.Қызмет көрсету бойынша бағалардың өсуі жолаушылар әуе көлігінде байқалды, бір айдың ішінде ұшу қызметі 17,7% қымбаттады. Бағаның жоғарылауы шаштараз бен сұлулық салондарында – 1,5%, жерлеуге байланысты салт-жора жасау қызметтерінде – 1% тіркелді. Санаторий қызметтері – 1,1%, денсаулық сақтау қызметтері 0,9% қымбаттаған.Өңірлер арасында ең жоғары айлық инфляция Абай және Ұлытау облыстарында – әрқайсысында 1,4%-дан (орташа республикалық деңгейден 0,5 п.т. жоғары), ең төменгі Астана қаласында тіркелді – 0,5%.Өңірлер бойынша азық-түлік тауарлары бағасының ең жоғары өсімі Батыс Қазақстан облысында – 1,8%, азық-түлікке жатпайтын тауарлар бойынша Алматы облысында – 3%, ақылы қызметтерде Түркістан облысында – 2,3%.<img class="image_resized" style="width:auto;" src="https://new.stat.gov.kz/upload/medialibrary/eb5/93fligcbwh4ai4oc2al21kfua33ruy8a/1.PNG" alt="1.PNG"> &nbsp;Жылдық мәнде инфляция деңгейі қатарынан екінші ай баялауп келеді: 2023 жылғы сәуірде – 16,8%, 2023 ж. наурызда – 18,1%, 2023 ж. ақпанда – 21,3%. Жылдық мәнде азық-түлік тауарларының бағасы 17,9%, азық-түлікке жатпайтын тауарлар 18,2%, ақылы қызметтер 13,7% өсті.&nbsp;2022 жылғы сәуірмен салыстырғанда кеңсе тауарлары – 68,5%, кір сабын – 59,3%, шақпақ қант – 51,7%, ыдысты жууға арналған құралдар – 51,6%, қиярлар – 50,9%, балалар сабыны – 49,6%, күріш – 43,9%, кір жуу ұнтағы – 43%, дәретхана қағазы 42,7%-ға қымбаттады. Жылдық мәнде, керісінше, қырыққабат – 53,4%, сәбіз 19,2% арзандады.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<blockquote>«Инфляция деңгейін сипаттайтын тұтыну бағалары индексінің көрсеткіші ай сайын есептеледі. Тұтыну бағаларының индексін есептеу кезінде пайдаланылатын тауарлар мен қызметтер себеті 508 тауар мен қызметтен тұрады, мұнда 160 – азық-түлік тауарлары, 243 – азық-түлікке жатпайтын тауарлар және 105 – ақылы қызметтер. Бағаларды тіркеу барлық облыс орталығында, астанада және қалалар мен аудан орталықтарында әртүрлі меншік нысанындағы сауда және қызмет көрсету кәсіпорындарының іріктемелі желісі бойынша жүргізіледі», – деп түсіндіреді Бюроның баға статистикасы департаментінің директоры Қуанышбек Жақыпбекұлы.</blockquote>&nbsp;*2023 жылғы қаңтардан бастап, тұтыну бағаларының индексін есептегенде азық–түлік тауарларының үлесі – 41,8%, азық-түлікке жатпайтын тауарлар – 29,6%, ақылы қызметтер 28,6% құрады. &nbsp;

Жылдық инфляция 16,8%-ға дейін төмендеді

<a href="https://kyzylorda-news.kz/">Kyzylorda-news.kz.</a> Қазалы ауданының орталығында орналасқан Желтоқсан және Владимир Счастнов көшесін бойлаған қосқабатты тозығы жеткен тұрғын үйлер жайын сондағы ағайынның қаузап келе жатқанына біршама уақыт болды. Бүгінде жергілікті әкімдік тұрғындар тілегіне құлақ асып, мемлекеттік сатып алу арқылы жеңімпаз мердігер мекемені анықтап, тұрғын үйлерге күрделі жөндеу жүргізуде.&nbsp;Кент орталығы саналатын Желтоқсан және Владимир Счастнов көшесінің бойындағы тозығы жеткен тұрғын үйлердің жөндеу жұмыстарын белгілі конкурс бойынша «Н Строй» компаниясы жеңіп алды.&nbsp;Ағымдағы айдың жиырма бірі басталған іс дәл қазір қарқынды жүруде. Яғни, төбесіндегі ескі шиферлары толықтай алынып, қоқыстан тазартуда. Сондай-ақ әрбір қосқабатты тұрғын үйдің сыртқы сылағы да түсіріліп, қайта сыланып, көкті сұрбұлт жапса жауын суы толастайтын кіреберіске арнайы тосқауылдар жасалып жатыр. Тағы подьезд есіктері жаңа темір есікке ауыстырып, ішкі жұмыстарына да мән берілуде.&nbsp;Қарқынды құрылыс басына барып, аталған мердігер мекеменің бас құрылысшысымен тілдескен едік. Басқа да қосымша жұмыстардан құлағдар етті.&nbsp;<blockquote>«Осындағы бірқатар тұрғын үйді «Н Строй» компаниясы жеңіп, бірнеше күннен бері осында еңбек етіп жатырмыз. Шатырын жаңа, мықты жабдықтармен жауып жатырмыз. Аталған іске әрбір қосқабатты үйге жиырмаға жуық азаматтар жұмысқа жұмылдырып, жұмыспен қамтылуда», – дейді прораб Әділғазы Бернешов.&nbsp;</blockquote>Бұдан бөлек, қосымша мердігер мекеме де көпқабатты тұрғын үй ауласын көркейтуге кірісіп, арнайы техникалармен тегістеп, тротуар жүргізуге қызу кірісіп кетті.&nbsp;Тілегі тыңдалған тұрғындар қуанышында шек жоқ. Ұсыныстарды елеп-ескеріп жатқан жергілікті әкімдікке алғысын жеткізді.&nbsp;<blockquote>«Тозығы жеткен үйлердің мәселесін бірнеше жыл бойы көтеріп келеміз. Тіпті баспасөз беттерінде де айтылып келеді. Қыс түссе үй қабырғасынан суығы өтіп, жауын жауса батпағына батушы едік. Міне, бүгін әкімдік тілегімізге, ұсынысымызға құлақ асып, жөндеу жұмыстарына кірісіп кетті. Үйіміздің реңі кіріп қалатын болды. Бұл істі тиянақты жасап, қолға алған жандарға алғысымыз шексіз. Көп рахмет», – дейді көпқабатты үй тұрғындары.&nbsp;</blockquote>Айта кетейік, «Н Строй» компаниясының директоры Әлжан Жеткербаевтың елге деген сүйіспеншілігінің арқасында құрылыс тізіміне енбеген жұмыстар да жасалып жатыр. Яғни, ескірген іргетасын қайта қалыпқа келтіру мен қатар бірнеше ісі қолға алынуда.

Қазақстан және Қызылорда облысының жаңалықтары