<a href="https://kyzylorda-news.kz/">Kyzylorda-news.kz.</a> ҚР Цифрлық даму, инновациялар және аэроғарыш өнеркәсібі министрі Бағдат Мусин сапасыз байланыс үшін операторға тиісті жауапкершілік жүктелетінін, осы орайда абоненттердің шығындарын өтеу тетігі енгізілетінін айтты, деп хабарлайды <a href="https://www.inform.kz/kz/sapasyz-baylanys-ushin-otemaky-alu-tetigi-engiziledi-bagdat-musin_a4014528">ҚазАқпарат</a>.<blockquote>«Яғни, егер қызмет ұнамаса, сапасы төмен екені анықталса, төлеген ақшасын қайтарып алу құқығын заңнамаға енгізуді ұсынып отырмыз», - деді Б. Мусин Парламент Мәжілісіндегі Үкімет сағатында.</blockquote>Осы орайда ол бұл басталамалар Парламент депутаттарымен бірге талқыланатынын, сондай-ақ 2023 жылы бұл нормаларды заңнамаға енгізу керек екенін айтты.<blockquote>«Жаңа аудандарды, шағын аудандарды салуды жоспарлау кезінде базалық станциялар мен байланыс тіректерін орнату үшін аумақтарды резервтеу жөнінде талап қою керек. Осыған байланысты «Сәулет, қала құрылысы және құрылыс қызметі туралы» ҚР Заңына түзетулер дайындалды. Бұл аталған радиофобия проблемасына қатысты болып тұр», - деді министр.</blockquote>

Бағдат Мусин: Сапасыз байланыс үшін өтемақы алу тетігі енгізіледі

<a href="https://kyzylorda-news.kz/">Kyzylorda-news.kz.</a> Қаңтар айында өтетін ҰБТ-ға қатысу үшін өтініш қабылдау 20 желтоқсанда басталып, 6 қаңтарға дейін жалғасады. Бұл туралы ҚР Ғылым және жоғары білім министрлігі хабарлады.ҰБТ-ға тіркелу Ұлттық тестілеу орталығының <a href="https://app.testcenter.kz/">app.testcenter.kz</a>. сайтында жүргізіледі. Тестілеудің өзі 10 қаңтар мен 10 ақпан аралығында өтеді. Азаматтар тестілеу өткізілетін орынды, күнді және уақытты өздері таңдайды. ҰБТ-2023 форматында өзгерістер жоқ. Алайда, «Қазақстан тарихы» (20 сұрақ) және «Оқу сауаттылығы» (15 сұрақ) пәндерінің тест тапсырмалары санына өзгерістер енгізілді.<blockquote>«Қаңтардан бастап «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламалары топтарына түсушілер ҰБТ-ны «Математика-Информатика» комбинациясы бойынша тапсырады. Тестілеуге дайындықты жақсарту мақсатында біз оқу жылының басында информатика бойынша ҰБТ-да кездесетін терминдер тізімін жарияладық», – деді ҚР ҒЖБМ Ұлттық тестілеу орталығының директоры Руслан Емелбаев. &nbsp;</blockquote>

Ертең ҰБТ-ға өтініш қабылдау басталады

<a href="https://kyzylorda-news.kz/">Kyzylorda-news.kz.</a> Биыл нашар интернет үшін байланыс операторларына 1 млрд 264 млн теңге айыппұл салынды. Бұл туралы цифрлық даму, инновациялар және аэроғарыш өнеркәсібі министрі Бағдат Мусин мәлімдеді, деп хабарлайды Sputnik Қазақстан тілшісі.Мусин заңнамалық өзгерістер арқылы операторларды байланыс инфрақұрылымына "инвестиция құюға" ынталандыру механизмі бекітілген еске салды. Атап айтқанда, әрбір байланыс технологиясы үшін ең төменгі сапа параметрлері белгіленген. Мәселен, 3G үшін – секундына 1 Мбит, 4G үшін - секундына 5 Мбит.Бұл механизмге сәйкес, бекітілген сапа көрсеткіштерін бірінші рет бұзғаны үшін айыппұл мөлшері 100 АЕК-тен 1000 АЕК-ке дейін көтерілді, егер бұл талап қайта бұзылса, 200 АЕК-тен 15 мың АЕК-ке дейін айыппұл салынады.<blockquote>"Шынын айту керек, бұрын айыппұл мөлшері аз болған. Сол себепті операторларға жауапкершілік алмай, жай ғана айыппұл төлеп жүре беру ыңғайлы еді. Қазір айыппұлдың өсуі операторлардың өз инфрақұрылымына жауапкершілікпен қарауына және тұтынушыларға сапалы интернет ұсынуға мүмкіндік береді", - деді Мусин мәжілісте өтіп жатқан үкімет сағатында.</blockquote>Оның айтуынша, айыппұл мөлшері өскеннен кейін бюджетке түсетін кіріс те ұлғайған.<blockquote>"2022 жылы барлығы 1051 тексеріс жүргізіліп, 1 млрд 264 млн теңге сомасына айыппұл жазылды. Бұған қоса, айыппұл нәтижесінде операторлар 700-ден астам базалық станцияны қосымша орнатты", - деді Мусин.</blockquote>Қанша ауылда интернет барМинистрдің айтуынша, қазір Қазақстанда 6 406 елді мекен бар, соның 4 733-і, яғни 74 проценті кең жолақты мобильді интернетке қосылған. 1 628 елді мекен – 4G-ге қосылса, 3 105 елді мекен 3G технологиясымен қамтамасыз етілген.<blockquote>"Барлық елді мекеннің 34 проценті ADSL технологиясымен, яғни мыс сымымен қосылған, ал 26 пайызы оптикамен. Мыс кабелі дегеніміз Кеңес одағы кезінде тартылған сымдар. Оны ауыстыру және жаңғырту қажет", - деді ведомство басшысы.</blockquote>Сондай-ақ халық саны 260 мыңнан асатын 1673 ауыл кең жолақты мобильді интернетпен қамтылмаған.<blockquote>"Байланыс сапасын көтеру мақсатында біз жыл сайын "базалық станциялар" санын көбейтіп жатырмыз. Бүгінде 43 мыңдай "базалық станция" орнаттық. Демек, жыл сайын 4 мыңға жуық жаңа станция іске қосылады", - деді Мусин.</blockquote><a href="https://sputnik.kz/20221219/biyl-nashar-internet-ushin-operatorlarga-12-mlrd-tenge-ayyppul-salyndy-30435149.html">Sputnik.kz</a>Фото <a href="https://sputnik.kz/20221219/biyl-nashar-internet-ushin-operatorlarga-12-mlrd-tenge-ayyppul-salyndy-30435149.html">Sputnik.kz</a>

Биыл нашар интернет үшін операторларға 1,2 млрд. теңге айыппұл салынды

<a href="https://kyzylorda-news.kz/">Kyzylorda-news.kz.</a> 15 қыркүйектен 15 қарашаға дейінгі аралықта еліміз бойынша жыл сайынғы емханаға тіркеу науқаны өтті, оның шеңберінде қазақстандықтар 2023 жылға өздеріне қызмет көрсететін емхананы ауыстыруға мүмкіндік алды. Әлеуметтік медициналық сақтандыру қоры атап өткендей, биылғы күзде бұл мүмкіндікті пайдалануға ниет білдірушілер саны өткен жылғы акциямен салыстырғанда 2,5 есеге көп болды.Өткізілген науқанның алдын ала нәтижелері бойынша емханаларға тіркелген халық саны шамамен 19,7 млн адамды құрады, оның ішінде 2023 жылға арналған тіркеу науқанының мүмкіндіктерін шамамен 277 мың адам пайдаланған.&nbsp;Бұл ретте алғаш рет МСАК ұйымдарына 24 мыңға жуық тұрғын тіркелді, ал 165,5 мың адам қазіргі қызмет көрсету емханасын басқасына ауыстыруға шешім қабылдады.2023 жылға арналған тіркеу науқанына 717 алғашқы медициналық-санитарлық көмек ұйымы қатысты, олардың 83-і – жаңа жеткізушілер, яғни науқан шеңберінде алғаш рет өздерінің тіркеу қызметтерін ұсынды.Естеріңізге сала кетейік, тіркеу науқаны жыл сайын 15 қыркүйектен 15 қарашаға дейін өткізіледі. Осы кезеңде тұрғындар келесі жылдың 1 қаңтарынан бастап өздеріне қызмет көрсететін емхананы таңдай алады. Аталмыш науқан аясында сіз емханаға бірінші рет тіркеле аласыз, өзіңізге қызмет көрсететін ұйымды өзгерте аласыз немесе өз емханаңыздағы учаскелік дәрігерді ауыстыра аласыз. Тіркелетін емхананы таңдау кезінде үйіңізге жақын емхананы таңдау ұсынылады, себебі үйдегі медициналық көмекті емхананың қызмет көрсету аумағында тұратын пациенттер ала алады.Сіз қай МСАК ұйымына тіркелгеніңізді электрондық үкіметтің веб-порталында (жеке деректерде) тексере аласыз.Егер сізде сұрақтар туындаса, оларды пациенттерге қолдау көрсету қызметіне хабарласу арқылы, өз емханаңызда қоя аласыз. Сізге жергілікті жерде көмек көрсетілмесе, Әлеуметтік медициналық сақтандыру қорына өзіңізге ыңғайлы байланыс арнасы арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырудың күйін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтындағы «Денсаулық сақтау» бөлімінен «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы білуге болады. &nbsp;

Тіркеу науқаны: Емхананы ауыстырғысы келетіндер саны 2,5 есеге өсті

<a href="https://kyzylorda-news.kz/">Kyzylorda-news.kz.</a> Бүгін Шиелі ауданының әкімі Нұржан Ахатов көпбалалы аналарды қабылдап, «Алтын алқа» және «Күміс алқа» төсбелгілерін табыс етті.Жиында Мемлекет басшысы Қасым-Жомарт Кемелұлы Тоқаевтың 2022 жылғы 22 қарашадағы №1079 Жарлығына сәйкес, көпбалалы аналарға 2 алтын, 10 күміс алқа берілді.&nbsp;Алдымен, алтын құрсақты жандарды келе жатқан жаңа жыл мерекесімен құттықтаған аудан басшысы, аналарға ізгі ілтипатын білдіріп, алғысын айтты. Сондай-ақ, жиында сөз алған аудандық мәслихат хатшысы Тұрмағанбет Жағыпбаров жас та болса, көпбалалы ана атанып отырған жандардың көптігіне қуанып, оларға жүрекжарды тілегін жеткізді. Сондай-ақ, шара барысында аудан өнерпаздары әсем әннен шашу шашып, кештің сәнін келтірді.Айта кетейік, қазіргі таңда аудан бойынша «Алтын алқа» иелерінің саны - 957, ал «Күміс алқа» иегерлерінің саны – 1538.

Шиелі ауданының әкімі «Алтын алқа» және «Күміс алқа» иегерлерін марапаттады 

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданы әкімі Асқарбек Есжанов Ш.Ермағанбетова атындағы №246 орта мектепте білім, спорт, өнер саласында жетістікке жетіп жүрген дарынды оқушылармен кездесті. Кездесуде аудан басшысы оқушылардың сапалы білім алуы үшін ауданда барлық мүмкіндіктер жасалғанын атап өтті.<blockquote>«Балалар жылы аясында мемлекеттік бағдарлама қолдауымен («Ауыл-Ел бесігі») Жалағаш кентінен құны 420 млн. теңгені құрайтын 200 орындық Оқушылар үйі мен 50 орындық Өнер мектебі пайдалануға берілді. Мектептердің барлығы интернет желісіне қосылған. Компьютерлер паркі 100% жаңартылған. Мектептердің 85 пайызы жаңа модификациялық кабинеттермен қамтамасыз етілсе, 2022 жылы 40 млн 766 мың теңге қаржы қаралып, 5 мектепке жаңа модификацялық кабинеттер берілді», - деді Асқарбек Есжанов.</blockquote>Асқарбек Есжанов сонымен бірге бабалардың жолын үлгі ете отырып, өзін-өзі басқару мектептерін жетілдіру қажет екендігін де атап өтті.&nbsp;<blockquote>«Аға буын бізге тәуелсіздігімізді тұғырландырып, алпауыт елдер санасатын мемлекеттің негізін қалап берді. Ендігі кезек Сіздердікі жас достар. Мемлекет Сіздерге үлкен сеніммен қарайды. Қабылданып жатқан бағдарламалар, жүргізіліп жатқан реформалардың барлығы тек қана Сіздер үшін. Біздер бабаларды үлгі ете отырып, өзін-өзі басқару мектептерін жетілдіруіміз қажет», - деді аудан басшысы.&nbsp;</blockquote>Кездесуде білім бағыты бойынша №118 орта мектептің оқушысы Алматқызы Гүлім, спорт бағыты бойынша №38 орта мектеп оқушысы Тілеуғабылұлы Нұрсұлтан, өнер бағыты бойынша Боранбай Арайлым сөз сөйлесе, №33 орта мектеп оқушысы Сейдуллақызы Інжу «Жалағаштың жайсаң жақсылары» атты арнауын айтты. Асқарбек Темірбекұлы кездесуде оқушылардың сауалдарына жауап беріп, білім, спорт, өнер саласында жетістікке жетіп жүрген дарынды оқушыларға Алғыс хат табыстады. &nbsp;<img src="https://knadmin.beoblood.kz/uploads/4_46a218c746.jpg" alt="4.jpg">

«Тәуелсіздік ұрпақтары» атты аудан әкімінің дарынды оқушылармен кездесуі өтті

<a href="https://kyzylorda-news.kz/">Kyzylorda-news.kz.</a> Қызылордада тұрғын үйлерді сырттай бақылап жүрген белгісіз азамат тәртіп сақшыларының назарына іліккен. Осылайша, қызылордалық полицейлер пәтер ұрлығын ізін суытпай ашты.14 желтоқсан күні пәтер ұрлығын кәсіп қылған азамат облыс орталығындағы үйлердің біріне кілт іріктеу арқылы заңсыз кіріп, алтын және бағалы бұйымдарын қолды еткен. Алайда, үй мүлкін ұрлап машықтанған кәнігі қылмыскер алысқа кетпеді. Қылмысқа жеке – дара баратын ұрыдан полицейлер айғақ заттарды түгелдей тәркіледі. Пәтер ұрысы жедел шара барысында ұсталды. Күдікті азаматтан айғақ заттар ретінде алынған алтын және бағалы бұйымдар заттай дәлелдеме ретінде алынып, қолхат арқылы иесіне қайтарылды.Аталған дерек бойынша Қазақстан Республикасы Қылмыстық кодексінің 24-бабының 3-бөлігімен,&nbsp; 188-бабының 3-бөлігінің 3-тармағымен сотқа дейінгі тергеп-тексеру әрекеттері жүргізілуде. Күдікті ретінде танылған 37 жастағы қала тұрғыны уақытша ұстау изоляторына оқшауландырылды. Қазіргі уақытта полицейлер оның өзге де қылмыстарға қатыстылығын тексеруде. &nbsp;<figure class="media"><div data-oembed-url="https://youtu.be/4c0M6qLyEj8"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/4c0M6qLyEj8" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылордалық полицейлер пәтер ұрлығын ізін суытпай ашты

<a href="https://kyzylorda-news.kz/">Kyzylorda-news.kz.</a> Жаңа нысан - ел игілігіне! Қармақшы ауданының Қуаңдария ауылдық округінде жаңадан салынған клубтың салтанатты ашылу рәсімі өтті.Мердігер мекеме «Ахат+ГС» ЖШС 100 орынға арналған мәдени нысанның құрылыс жұмыстарын уақытында аяқтады. Осылайша қуаңдариялық &nbsp;өнерпаздар мен тұрғындарды толғантқан мәселе шешімін тапты.&nbsp;Іс-шарада облыс әкімінің орынбасары Нұрымбет Сақтағанов аймақ басшысы Нұрлыбек Нәлібаевтың құттықтауын жеткізіп, елді мекен халқына ақжолтай тілегін арнады.&nbsp;<blockquote>«Облыс әкімінің тікелей қолдауымен Сыр елінде серпінді жобалар атқарылып, көптеген жаңа нысандар ел игілігіне берілуде. Соңғы 8 ай ішінде 17 ғимараттың құрылысы жүргізіліп, &nbsp;жобалық жұмыстары бастау алды. Мұның бәріне біз тәуелсіздіктің және береке-бірліктің арқасында қол жеткіздік. Жаңа нысан мәдениеттің жандануына, өнерлі жастардың өрісін кеңейтеріне сенеміз. Тұрғындар осында келіп, түрлі іс-шараларды тамашалайтын болады. &nbsp;Ауыл өнерпаздарының еңбегі еселене берсін» - деді Нұрымбет Сақтағанов.</blockquote>Шарада сөз алған ауылдық ардагерлер кеңесінің төрағасы Ешмағамбет Дүйсебаев &nbsp;аймақ басшысына және осы ел игілігі үшін жасалған іске атсалысқан барша азаматтарға &nbsp;алғысын жеткізіп, жаңа ауылдық клубтың жұмысына сәттілік тіледі.<figure class="image"><img src="https://knadmin.beoblood.kz/uploads/320537893_1413317212754189_7220044644379190184_n_ce8ac9294d.jpg" alt="320537893_1413317212754189_7220044644379190184_n.jpg"></figure><figure class="image"><img src="https://knadmin.beoblood.kz/uploads/320222477_737676504652915_1137373823226681923_n_75c40e045a.jpg" alt="320222477_737676504652915_1137373823226681923_n.jpg"></figure><figure class="image"><img src="https://knadmin.beoblood.kz/uploads/320749033_1273155543256770_4526967255416526613_n_0d30fb8f10.jpg" alt="320749033_1273155543256770_4526967255416526613_n.jpg"></figure>

Қармақшы ауданында жаңа ауылдық клуб ашылды

<a href="https://kyzylorda-news.kz/">Kyzylorda-news.kz.</a> «Мұз айдыны» спорт кешенінде Көркем гимнастикадан жасөспірімдер арасындағы Қызылорда облысының ашық чемпионаты өтуде.Жарысты облыстық мәдениет және спорт басқармасы басшысының орынбасары Асылжан Жаманқұл ашып, бірқатар спортшыларға Қазақстан Республикасының спорт шебері және спорт шеберлігіне кандидат атақтарын табыстады.&nbsp;Чемпионатта республикамыздың қалалары мен өңірлерінен құралған 15 команда 430-ға жуық гимнастшы өз шеберліктерін сынауда. Жарыс 19 желтоқсан күні қорытындыланбақ. &nbsp;<img src="https://knadmin.beoblood.kz/uploads/24_6d099885b5.jpg" alt="24.jpg"><img src="https://knadmin.beoblood.kz/uploads/20_828b76d703.jpg" alt="20.jpg">

Көркем гимнастикадан жасөспірімдер арасындағы облыстық чемпионат өтуде

<a href="https://kyzylorda-news.kz/">Kyzylorda-news.kz.</a> Жаңақорған ауданында әлеуметтік нысандардан бөлек, инфрақұрылым жүйесі жаңғырып, жаңа жобалар жүзеге аса бастады. Солардың бірі – газдандыру. Жаңақорған ауданының халқы 2015 жылдан бері көгілдір отынды тұтынып келсе, енді араға 7 жыл салып,өңірге қарасты ауылдар да газ игілігін көре бастады.Ауданды газдандыру жұмысы «Бейнеу-Бозой-Шымкент» магистралды газ құбырынан тарту арқылы жүргізілген. Жалпы, Жаңақорған кентін газдандыру құрылысына 3 млрд. 48 млн. 465 мың теңге қарастырылған. Кенттегі 5300 үйді газдандыру үшін ұзындығы 283 шақырымға құбыр қазылған. Сондай-ақ, кентішілік екі дана газ тарату пункті мен 27 шкафтік газ тарату пункті орнатылған.&nbsp;Ал, аудан орталығынан басқа да елді мекендердегі халықтың өмір мен тұрмыс жағдайын, сондай-ақ, өңірдің экологиялық ахуалын жақсартуға және газдандыру саясатын жүргізу мақсатында жобалар әзірленіпті. Осы ретте, аудан әкімі Мұрат Тілеуімбетовтың бастамасымен биыл Қыраш пен Бірлік ауылына газ қосылатын болады.&nbsp;<blockquote>«Әрине, қуаныштымыз. Бұл үлкен жаңалық болды, ауылдар арасынан бірінші болып газ тұтынамыз деп еш ойламаппыз. Бүгінгі өркениет пен ілгерілеу заманы осыны талап етуде. Осы үдерістен шығып, ел игілігі жолында жұмылып жүрген аудан басшысы бастаған азаматтарға алғысымыз шексіз», – деді елді мекен тұрғыны Батырхан ақсақал.&nbsp;</blockquote>Сонымен қатар, Ақүйік пен Қыраш ауылдық округінің тұрғындары да көгілдір отын жылуын сезініп отыр. Ал, келер жылы Шалқия, Құттықожа, Жайылма, Кейден және Төменарық елді мекеніне газдандыру үшін 3,5 млрд теңге қаржы бөлініп тұр.&nbsp;<blockquote>«Біз келер жылы Шиеліден Төменарыққа газ құбырын тартамыз. Оның қаржысы қомақты, сондықтан сапалы жұмысты жүйелейміз. Сол арқылы жол бойындағы Екпінді, Еңбек, Сунақата, Сүттіқұдық және Қожамберді ауылдары да газға қосылуға мүмкіндік алады. Содан кейін, Қыркеңсе, Жаңарық, М.Нәлібаев және Өзгент ауылына бет бұрамыз. Айналып келгенде 2-3 жылдың ішінде Төменарық аймағын толықтай, тау беткейі мен Сырдың бойын бойлаған ауылдардың тең жартысын газдандырамыз. Егер мүмкіндік болып жатса, қалған ауылдарға да газ мәселесін шешуге тырысамыз. Ол уақыттың еншісінде», – деді аудан әкімі. &nbsp;</blockquote><img src="https://knadmin.beoblood.kz/uploads/21_1009a1344d.jpeg" alt="21.jpeg">

Елді мекендерді газдандыру жалғасын табуда

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев жергілікті құрылыс компания басшыларымен кездесіп, облыстың құрылыс саласындағы өзекті мәселелерді талқылады.Жиында кәсіпкерлерге салықтық әкімшіліктендіру, жүргізілетін құрылыс жұмыстарының жоспары мен келер жылдан бастап мемлекеттік сатып алу саласындағы заңнамаға енгізілетін өзгерістер түсіндірілді.Мемлекеттік кірістер департаментінің басшысы Ғани Аманов кәсіпкерлер салықтық түсімдерді уақытылы және ашық түрде жүргізуі қажет екенін және салық базасын ұлғайтуға ынталы мердігерлерге мемлекет тарапынан қолдау барын айтты.Ал, облыстық құрылыс, сәулет және қала құрылысы басқармасының басшысы Ерлан Төрәлиев алдағы жылға құрылыс жұмыстары ауқымды көлемде, яғни мемлекеттік бюджеттен әлеуметтік нысандар мен тұрғын үй құрылысына барлығы 41,6 млрд. теңге бөлінгенін тілге тиек етті. Бұл қаржыға облыста 128 нысанның құрылысы жүргізілмек. Сондықтан мердігерлер мен техникалық қадағалаушы мекемелердің жауапкершілігі қатаң қаралады.Жиында сөз алған мемлекеттік сатып алу басқармасының басшысы Бауыржан Шәменов облыс әкімінің бастамасына сәйкес Қаржы министрлігімен бірлескен жұмыстар нәтижесінде келер жылдан бастап конкурсқа түскен жеңімпаздарды анықтауда жергілікті мекемелерге басымдық беріледі. Бұл үшін критерийге өзгерістер енгізілді.Облыс әкімі Нұрлыбек Нәлібаев жаңа өзгерістер аймақтың өнім берушілерінің жеңіске жетуін және жұмыс көлемін қосалқы мердігерге беруін азайтып, өңірге салық түсімдерін көбейтеді деді. Ал, объектілері аяқталмаған мердігердің жеңімпаз болу мүмкіндігі төмендейді. Бұл өз кезегінде әлеуетті өнім берушілер арасында жұмыстарды, қызметтерді тең бөлуге және шартты өз мерзімінде орындауға жол ашады.<blockquote>«Бұдан былай аудан және қала әкімдіктері мемлекеттік сатып алу конкурстарын ұйымдастырмайды. Мемлекеттік сатып алу процестері толықтай орталықтандырылып, басқарма арқылы жүргізіледі. Бұл салаға басқарма басшысы ретінде білікті заңгер Бауыржан Шәменовты тағайындап, жұмыстың сапалы әрі әділ өтуіне нақты талап қойдық. Сондықтан салынатын әрбір нысан сапалы және өз мерзімінде аяқталуы керек», - деді облыс әкімі Нұрлыбек Нәлібаев.</blockquote>Басқосуда аймақ басшысы мәслихат сессиясында үш жылдық бюджет 520,7 млрд.теңге көлемінде бекітілгенін атап өтіп, даму шығыстарының үлесі 44,5 млрд.теңгеге жеткенін тілге тиек етті. Бұл өткен жылдың бекітілген бюджетімен салыстырғанда 3,5 есеге артық. Өңірде құрылыс-монтаждау жұмыстарының іске асырылуына арналатын жобаларға барлығы 83 млрд. теңге қаржы бөлінген. Облыс әкімі бұл қаржыны 114,5 млрд. теңгеге дейін ұлғайтуға мүмкіндік бар екенін атап өтті.Аймақ басшысы туған жерінің дамуына жанашырлық танытып, ортақ іске біріккен кәсіпкерлерге шынайы алғысын білдіріп, әрдайым бірлесіп жұмыс істеуге дайын екенін жеткізді. Биылдың өзінде өңірде меценаттар мен кәсіпкерлер 9 млрд. теңгеден асатын демеушілік жасап, маңызды жобалардың жүзеге асуына қолдау көрсетті.Мәселен, «Балалар жылында» демеушілердің қолдауымен құны 1,6 млрд.теңгені құрайтын &nbsp;80 спорт-ойын алаңы тарту етілді, ал Жаңақорған ауданында құны 790 млн. теңге болатын &nbsp;заманауи демалыс паркі ашылды. Сырдария ауданында, Нағи Ілиясов ауылында &nbsp;құны 350 млн. теңгені құрайтын «Еңбекшілер паркі» бой көтерсе, Арал ауданында «Балықшылар монументі мен аллеясы ашылды. Мұнан бөлек, апатты деп танылған Тоқабай ауылындағы мектеп жеке инвестор есебінен 500 млн.теңге қаржыға қайта салынуда. Биыл құны 1,6 млрд. теңгені құрайтын Неке сарайының, 3,7 млрд. теңге болатын 1000 орындық Өнер орталығының және құны 2,7 млрд. теңгені құрайтын Қан орталығының құрылысы басталды.Белгілі кәсіпкер Марат Дүйсенбаевтың демеушілігімен облыс орталығында құны 1,5 млрд. теңгені құрайтын «Анаға тағзым» орталығының құрылысы жүргізілуде.Нұрлыбек Нәлібаев қаланың негізгі қақпасы саналатын әуежайда қайта жаңаратынын тілге тиек етті. Меценат Болат Өтемұратов қорының қолдауымен құны 12 млрд. теңге болатын «Қорқыт ата» әуежайының жаңа терминалы салынады. Қазіргі таңда жобалау жұмыстары аяқталды. Келесі жылы ақпан айында құрылысы басталып, 2024 жылы ел игілігіне беріледі. Ал, демеушілердің көмегімен 100 млн. теңгеге қазіргі терминалға жөндеу жұмыстары жүргізіліп, әуежай алаңы жаңартылды.Облыс әкімі темір жол вокзалы мен автовокзал ғимараттарын жөндеу жұмыстарына ниетті кәсіпкерлерге әрдайым қолдау болатынын жеткізіп, жерлестерін туған жерді дамыту ісіне үлес қосуға шақырды.&nbsp;Өңірдің Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасы бой көтеруде. Нысан жыл аяғына дейін пайдалануға беріледі.&nbsp;Мұнан бөлек, Қызылордада «Қазгермұнай» бірлескен кәсіпорны басшылығымен келісім нәтижесінде заманауи үлгідегі «Оқушылар Сарайының» және «Саутс Ойл» компанияның демеушілігімен 7 мың адамға арналған «Қайсар» футбол командасының жаңа стадионының құрылысы салынбақ.Жиын соңында аймақ басшысы қала және аудан әкімдеріне және құрылысшылар қауымына әрбір жаңа нысан халыққа қолайлы жерден салынуы қажет екенін баса айтты. Бұл ретте жобалау жұмыстарына жеткілікті деңгейде мән беріп, құрылыстың сапалы аяқталуы басты шарт екенін еске салды.

Нұрлыбек Нәлібаев құрылысшылармен кездесіп, жаңа жобалар туралы пікірлесті

<a href="https://kyzylorda-news.kz/">Kyzylorda-news.kz.</a> Тәуелсіздік күні қарсаңында Әлеуметтік-экономикалық пәндер» ПЦК-сының ұйымдастыруымен М.Мәмеиова атындағы Қызылорда педагогикалық жоғары колледж студенттері «Тұғыры биік Тәуелсіздік» тақырыбында Қызылорда облыстық тарихи-өлкетану музейіне экскурсия жасады.&nbsp;Экскурсия мақсаты білім алушылардың ежелгі дәуірден бастап қазіргі уақытқа дейінгі туған жер аумағында болып жатқан тарихи процестердің негізгі кезеңдері мен ерекшеліктері туралы білім қалыптастыру болып табылады. Экскурсияда «Әлеуметтік-экономикалық пәндер» ПЦК-сы оқытушылары өлке тарихы туралы құнды ақпараттар бере отырып, әр жәдігермен жекелей таныстырды. Сонымен қатар, еліміздің тәуелсіздік жылдарындағы айтулы саяси оқиғалары мен жетістіктерін баяндайтын құнды материалдар мен фотосуреттерден тұратын көрмені тамашалады.&nbsp;Қасиетті өлкеміздің тарихымен танысып, ұрпақтан ұрпаққа мирас болып қалатын рухани құндылықтарды, тарихи жәдігерлерді қадірлеу қажеттігін ұғынды, сондай - ақ, колледж студенттері өздеріне қажетті мол ақпараттар алып, әр жәдігердің өлкеміздің терең тарихынан сыр шертетін баға жетпес қазына екендігін ұғына білді. Шара соңында студенттер естелік суретке түсті. &nbsp;<img src="https://knadmin.beoblood.kz/uploads/14_ef6dff2a05.jpg" alt="14.jpg">

Қазақстан және Қызылорда облысының жаңалықтары