<a href="https://kyzylorda-news.kz/">Kyzylorda-news.kz.</a> Қазақстанда Binance Academy-мен бірлесіп әзірленетін бастама шеңберінде блокчейн-технологиялар бойынша 40 мыңнан астам маман дайындалады.&nbsp;Бүгін ҚР Ғылым және жоғары білім министрі Саясат Нұрбек, ҚР Цифрлық даму, инновациялар және аэроғарыш өнеркәсібі министрі Бағдат Мусин және «Қазақстан Республикасы Ұлттық Банкінің Төлем және қаржылық технологияларды дамыту орталығы» АҚ басқарма төрағасы Бинұр Жаленов Binance Kazakhstan атынан Жасұлан Мәдиевпен академиялық ынтымақтастық туралы меморандумға қол қойды.Министр Саясат Нұрбек блокчейн инженериясы бойынша білім беру материалдарын ұсыну туралы меморандумға қол қоюдың маңыздылығы мен өзектілігін атап өтті.<blockquote>«Экономикамыз үшін бәсекеге қабілетті мамандарды даярлау мақсатында біз IT саласы өкілдерімен бірлесіп, осы бағытта білім беру жобаларын одан әрі дамыту үшін берік іргетас құрамыз. Біздің жемісті ынтымақтастығымыздың арқасында қазақстандық жоғары білім беру жүйесі ел экономикасының мұқтаждықтары үшін ғана емес, жаһандық еңбек нарығы үшін де блокчейн индустриясы саласындағы мамандарды даярлап шығаратынына сенімдімін», – деді министр Саясат Нұрбек.</blockquote>Қазақстан жоғары оқу орындарында мемлекеттік ауқымда білім беру бағдарламасын енгізетін әлемдегі бірінші ел болады. Еліміздің 22 ЖОО пилоттық режимде 40 мыңнан астам студент дайындайды. Блокчейн-технологиялары саласында білім алып, дағдыланған жас мамандар блокчейн индустриясының жаһандық қауымдастығы үшін ірі ресурсқа айналады. Бүгінгі таңда бұл блокчейн индустриясындағы теңдесі жоқ ең ірі жаһандық білім берудің бастамасы.Кездесуге Binance Academy серіктестерімен жұмыс жөніндегі топ жетекшісі Стивен Маккалистер, Блокчейн орталығының директоры Айдана Қасқырбек, сондай-ақ білім беру бағдарламалары енгізілетін бейінді жоғары оқу орындарының өкілдері қатысты.Binance және Binance Academy білім беру бөлімшесі бірлесіп, блокчейн-инженерия және комплаенс бойынша білім беру материалдарын Блокчейн орталығына береді, сондай-ақ оқытушыларды оқыту мен тренингті ұйымдастыруда жәрдемдесуді жоспарлап отыр.ЖОО оқытушыларын оқыту және тренинг өткізу 2023 жылы ақпан айында басталып, мамырға дейін жалғасады. Студенттерді оқыту 2023 жылдың қыркүйегінен басталады. &nbsp;<img src="https://knadmin.beoblood.kz/uploads/37_44257840e0.jpg" alt="37.jpg">

Қазақстан блокчейн саласында әлемдегі ең ауқымды білім беру бастамасын іске қосады 

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шаменовтың төрағалығымен Сыбайлас жемқорлыққа қарсы іс-қимыл мәселелері және Құқық бұзушылық профилактикасы жөніндегі ведомствоаралық комиссия отырыстары өтті.Күн тәртібінде құрылыс саласында сыбайлас жемқорлық сипатындағы заң бұзушылықтарды болдырмау бағытында қабылданған шаралардың мәселесі қаралды.Комиссия төрағасы Асылбек Шаменов жобалар аясында бөлінген қаржылардың тек нақты атқарылған жұмыстарға сәйкес төленуін қадағалауды, сондай-ақ, қала әкімдігіне қарасты барлық мемлекеттік мекемелерде сыбайлас жемқорлық сипатындағы заң бұзушылықтардың алдын алу шараларын жүргізуді тапсырды.Келесі кезекте, құқық бұзушылық профилактикасы жөніндегі ведомствоаралық комиссияда қала көлемінде жол қауіпсіздігін сақтау, жол-көлік оқиғаларын төмендету бағытында және қала аумағында санитарлық тазалықты қамтамасыз ету мақсатында атқарылған жұмыстардың жайы талқыланды.Сонымен қатар, комиссия мүшелері мәселелердің шешілуіне қатысты бірқатар ұсыныстарын білдіріп, құзырлы органдармен бірлесу арқылы атқарылатын жұмыстарды жандандыруды ұсынды.<img src="https://knadmin.beoblood.kz/uploads/33_f7c154d1ae.jpg" alt="33.jpg"><img src="https://knadmin.beoblood.kz/uploads/36_c78724de80.jpg" alt="36.jpg"><img src="https://knadmin.beoblood.kz/uploads/34_b2e3ae80ce.jpg" alt="34.jpg">

Комиссия отырысында маңызды мәселелер қаралды

<a href="https://kyzylorda-news.kz/">Kyzylorda-news.kz.</a> Қызылордалық кәсіпкерлер шетелдіктерге арналған жарна туристер санының азаюына алып келіп, сыбайлас жемқорлыққа жол ашады деген пікірде.Бұл туралы өңірдегі туризм қауымдастығының төрайымы Сәуле Бөлегенов Қызылорда облысы кәсіпкерлер палатасы жанындағы Сауда, қызмет көрсету және туризм комитетінің отырысында айтты.Кәсіпкерлер мен салаға жауапты мемлекеттік орган өкілдері қатысқан шарада салық жүйесіне енгізілетін өзгерістер, аймақта туризм саласын дамытуға арналған жоспар және өзге де мәселелер қаралды.Қазақстан Республикасының Үкіметі биыл 1 қаңтарда «Шетелдіктер үшін туристік жарнаны төлеу қағидаларын» бекітті.Шетелдіктер үшін туристік жарна – жатын орын үшін туристерден алынатын төлем.Үкімет қағида талаптарын келесі жылдың 1 қаңтарынан бастап орындатпақ. Алайда туризм саласында қызмет көрсететін кәсіпкерлер саланың оған әлі дайын емес екенін жеткізді.<blockquote>«Шетелдік туристер сапарының әр тиынына дейін жоспарлап жүреді. Bed Tax, яғни туристік жарна енгізу онсыз да аз туристердің қатарын кемітері сөзсіз. Оның үстіне Қызылорда туристер ағылып келіп жатқан аймақтар қатарынан емес. Қағидаға сәйкес шетелдік туристерге жарнапұл енгізілсе, бұл сала көлеңкелі экономикаға кетіп, сыбайлас жемқорлыққа алып келуі мүмкін», – деді отырыста Сәуле Бөлегенова.</blockquote>Бұдан өзге, түскен жарнапұлдың жұмсалу мақсатының да айқындалмауы көп сұрақ тудырып отыр. Бұл қадам «қосымша есеп тапсыруға алып келуі мүмкін» деген сала кәсіпкерлері Bed Tax жүйесін енгізу мерзімін шегеруді ұсынды.Кәсіпкерлер палатасы директорының орынбасары Гауһар Елеусінова Палата жанынан 5 салалық комитет құрылғанын, осы комитеттерде жүйелі мәселелерді сала мамандары, уәкілетті орган өкілдерімен бірге қарап, шешуге жұмыс істейтінін атап өтті.<blockquote>«Қазір Кәсіпкерлер палатасы жанынан өнеркәсіп, агроөнеркәсіп кешені, адами капиталды дамыту және бизнестің әлеуметтік саясаты, сауда-қызмет көрсету және туризм, сондай-ақ құрылыс комитеті құрылды. Әр комитеттің отырысы ең кемі айына бір рет ұйымдастырылады. Ендігі жерде кәсіпкерлердің мәселесін жалпы жиналыста емес, осы алаңдарда қараймыз», – деді Гауһар Елеусінова.</blockquote>Сонымен бірге комитетте облыста туризм саласын дамытудың 2023 жылға арналған жоспарының жобасы талқыланды. 23 желтоқсанға дейін кәсіпкерлердің ұсыныстары қабылданады.Қосымша сұрақтар туындаған жағдайда Қызылорда облысы кәсіпкерлер палатасының салаға жауапты сарапшысы Назым Мұрсалға хабарласуды сұраймыз. Байланыс нөмірі 8 /7242/ 40-09-81.&nbsp; &nbsp;<img src="https://knadmin.beoblood.kz/uploads/32_bfef4ce475.JPG" alt="32.JPG">

Қызылордалық кәсіпкерлер шетелдіктерге арналған туристік жарнаны енгізу мерзімін шегеруді ұсынды

<a href="https://kyzylorda-news.kz/">Kyzylorda-news.kz.</a> Қазақ спортшылары әлемдік, халықаралық жарыстарда оқ бойы озық шығып, үздіктер қатарынан көрінуде. Сіздердің назарларыңызға қазақ спортшыларының өткен аптадағы жарыс нәтижелерін ұсынамыз.Шорт-трек. Алматыда шорт-тректен әлем Кубогының кезеңі аяқталды. Қазақстандық Денис Никиша алтын медаль жеңіп алды, сонымен қатар ол қола медальмен де марапатталды.Конькимен жүгіру. Надежда Морозова Канададағы әлем Кубогының төртінші кезеңінде қола медаль иеленді.Ауыр атлетика. Нұрғиса Әділетұлы Колумбияда өткен әлем чемпионатында күміс медаль иегері атанды. Ол 96 келіге дейінгі салмақ дәрежесінде екінші болды.Фристайл-акробатика. Аяна Жолдас Финляндиядағы Еуропа Кубогы кезеңінде Қазақстан қоржынына қола медаль салды.Биатлон. Вадим Куралес Италиядағы Ibu Junior Кубогында екінші болды. Сондай-ақ, осы турнирде үздік бестікке енген Арина Крюкованың нәтижесін атап өту қажет.Хоккей. Қазақстан хоккейден жастар арасындағы әлем чемпионатында екінші орын алды. Алайда, бұл нәтиже біздің командаға әлемдік біріншіліктің элиталық дивизионына кіруге мүмкіндік бермеді. &nbsp;<img src="https://knadmin.beoblood.kz/uploads/27_708f24d1ca.jpg" alt="27.jpg">

Қазақстан спортшыларының өткен аптадағы жарқын жеңісі 

<a href="https://kyzylorda-news.kz/">Kyzylorda-news.kz.</a> Өзбекстанның бейнелеу өнері галереясында қазақ жазушысы және ойшылы Абай Құнанбайұлының өмірі мен шығармашылығына арналған «Абай. Бауырлас халықтардың мұрасы» атты көрме ашылды.Көрменің ашылу салтанатына Өзбекстан Премьер-Министрінің орынбасары, Туризм және мәдени мұра министрі Әзиз Әбдіхақымов, Қазақстанның мәдениет және спорт министрі Дәурен Абаев, Қазақстанның Өзбекстандағы елшісі Бейбіт Атамқұлов, «Жидебай-Бөрілі» Абай музейінің директоры Тұрдықұл Шанбай, Бейнелеу өнері галереясының директоры Камола Акилова мен зиялы қауым өкілдері қатысты.Қазақстанның мәдениет және спорт министрі Дәурен Абаев көрме жұмысын ұйымдастырғаны үшін өзбек тарапына алғысын білдірді.<blockquote>«Әлішер Науаи мен Абайдың шығармашылығы – жалпы адамзат құндылықтарының қалыптасу үлгісін бейнелейтін ұлы мұра. Екі ойшыл әртүрлі уақытта өмір сүрсе де, оларды гуманизмге деген ұмтылыс пен поэзиядағы реформаторлық рух біріктіреді. Екеуі де бауырлас халықтың рухани тірегі», – деді Дәурен Абаев.</blockquote>Өз кезегінде Өзбекстан Премьер-Министрінің орынбасары, Туризм және мәдени мұра министрі Әзиз Әбдіхақымов қазіргі уақытта түркі халықтарының мәдени мұрасын сақтау және қалпына келтіру бойынша үлкен жұмыстартар жүргізіліп жатқанын атап өтті.<blockquote>«Қазақтың ұлы жазушысы Абайдың шығармашылығына арналған көрменің ашылуы – Өзбекстан мен Қазақстан арасындағы достықтың нығайып келе жатқанын айғақтайды. Осы мүмкіндікті пайдалана отырып, Қазақстанның мәдениет және спорт министрі Дәурен Абаевқа «Өзбекстанға қош келдіңіз» деп айтқым келеді. Бүгін ашылған көрме Ұлы ойшыл Әлішер Науаидің гуманистік дәстүрлерін сақтаған Абай шығармашылығын жақсы түсінуге мүмкіндік беретініне сенімдіміз. Оның шығыс пен батыстың бірлігі туралы, әлемдік мұраны игеру қажеттілігі, энциклопедизмге ұмтылу, адам табиғатын жетілдіру туралы идеялары қазіргі кезеңде де өзектілігін жоғалтқан жоқ», – деді Әзиз Әбдіхақымов.</blockquote>«Абай. Бауырлас халықтардың мұрасы» көрмесі келесі негізгі бөлімдерден тұрады: - Көшпелі мәдениет Абайдың қалыптасуының негізгі факторы ретінде; - Әлішер Науаидің Абайды қалыптастырудағы рухани тәлімгер ретіндегі рөлі; - Абай өмірінің негізгі кезеңдері; - Суретшілер Ә. Қастеев, Ө. Таңсықбаев, Е. Сидоркин, Н. Өтепбаев және т. б. шығармаларындағы Абай кейіпкерлері мен сюжеттері.Көрмеде қазақтың дәстүрлі тұрмысы, сәндік-қолданбалы өнері, кескіндеме, графика, Абай туралы басылымдар, оның шығармалары ұсынылған.«Абай. Бауырлас халықтардың мұрасы» көрмесі Ташкентте 19-30 желтоқсан аралығында өтеді. Сонымен қатар, бүгін Ташкентте Абай Құнанбайұлы ескерткішіне гүл шоқтарын қою рәсімі өтті. &nbsp;<img src="https://knadmin.beoblood.kz/uploads/23_d35b9859fc.jpg" alt="23.jpg"><img src="https://knadmin.beoblood.kz/uploads/24_ec58216da6.jpg" alt="24.jpg"><img src="https://knadmin.beoblood.kz/uploads/26_ce186cdecc.jpg" alt="26.jpg">

Ташкентте Абай Құнанбайұлының шығармашылығына арналған көрме ашылды 

<a href="https://kyzylorda-news.kz/">Kyzylorda-news.kz.</a> 2022 жылдың 22 желтоқсан күні сағат 15:30-да Қызылорда қаласы, Жақаев көшесі №16 мекен-жайында орналасқан Қызылорда қаласы әкімдігінің азаматтарды қабылдау орталығы ғимаратында азаматтарды қабылдау өтеді.Азаматтар Қызылорда облысының &nbsp;Қызылорда қалалық тұрғын үй коммуналдық шаруашылығы, жолаушылар көлігі және автомобиль жолдары бөлімі басшысы Жеңісбек Файзуллаевқа өз сұрақтарын қоя алады.«Adal komek» жобасының мақсаты – азаматтардың құқықтық сауаттылығын арттыру, сондай-ақ халықтың әлеуметтік осал топтарына өмірлік маңызды мәселелерді шешуде құқықтық көмек көрсету.Шараға қатысу үшін 8 7079297552 WhatsApp нөмірі арқылы алдын ала жазылу қажет. &nbsp;

«Адал көмек» жобасы аясында тұрғындарға заңгерлік көмек көрсетіледі

<a href="https://kyzylorda-news.kz/">Kyzylorda-news.kz.</a> Арал ауданы бойынша мемлекеттік қызметтердің көрсетілу процестеріне реинжиниринг өткізу және осы қызметтердің аудан бойынша бірегей жүргізілуін қамтамасыз ету мақсатында мемлекеттік көрсетілетін қызметтерді көрсетуші мамандармен жиналыс өткізілді.Жиынға қала, кент және ауылдық округ әкімі аппаратының салаға жауапты мамандары «ZOOM» платформасы арқылы онлайн түрде қатысты.Жиналыста жер учаскесінің нысаналы мақсатын өзгертуге шешім беру және сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу мемлекеттік қызметінің 1 және 2-кезеңін көрсету мәселелері талқыланды.Қазіргі таңда аудан әкімдігіне қарасты мемлекеттік мекемелер арқылы 125 қызмет түрі көрсетіледі. 2022 жылдың 11 айында барлығы 14 473 қызмет алынған. Атап айтқанда, мемлекеттік орган арқылы 232 (1,60 %) қызмет, мемлекеттік корпорация арқылы 505 (3,49 %) қызмет және электронды үкімет порталы арқылы 13736 (94,9 %) қызмет көрсетілді.Сонымен қатар, цифрлық технологиялар бөлімінің ақпаратына сәйкес,есепті кезең бойынша аудандар арасында электрондық қызметтерді көрсету үлесінің орташа көрсеткіші – 87,2%, оның ішінде Арал ауданы бойынша – 94,9 пайызды құраған. Бұл аудандар ішінде ең жоғары көрсеткіш.Жиында күн тәртібіндегі негізгі мәселе бойынша аудандық жер қатынастары бөлімінің жауапты маманы Іздібаев Нұржан хабарлама жасады.Хабарламадан соң, жиынға қатысушылар өз ұсыныс-пікірлерін ортаға салды.Жиын қорытындысымен мерзім бұзушылықтардың алдын - алу мақсатында мемлекеттік қызметтердің уақытылы орындалуын жеке бақылауға алу мен мемлекеттік көрсетілетін қызметтерді алудың оңтайлы жолын түсіндіру мақсатында кеңінен насихаттау жұмыстарын жүргізу сынды бірқатар нақты тапсырмаларды жүктелді. &nbsp;<img src="https://knadmin.beoblood.kz/uploads/19_2861517d5f.jpg" alt="19.jpg">

Жер қатынастары саласында көрсетілетін мемлекеттік қызметтер бойынша жиналыс өткізілді

Құрметті Қызылорда қаласының тұрғындары!Қазақстан Республикасы Президентінің 2022 жылғы 3 наурыздағы №826 «Әкімдердің халықпен кездесулерін өткізу туралы» Жарлығын іске асыру аясында Қызылорда облысының әкімі Нұрлыбек Машбекұлы Нәлібаев құқық қорғау органдарының бірінші басшыларымен бірге Қызылорда қаласында 27 желтоқсан күні, сағат 15.00- 17.30 аралығында Достық үйінде тұрғындармен жеке қабылдау өткізеді.&nbsp;Сондай-ақ, 17.30-да Достық үйінде халықпен кездеседі.&nbsp;Жеке қабылдауға алдын-ала жазылу «E-gov», «E-otinish» бірыңғай порталы, Халыққа қызмет көрсету орталықтары арқылы «e-Нәтиже» және қала әкімдігіне тікелей барып, жазбаша нысанда өтініш беру арқылы жүргізіледі.Кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды почта нақты көрсетілуі қажет.&nbsp;Қабылдау бойынша сұрақтарды 8(7242)40-11-91 (ішкі 7046), (ішкі 7051), (ішкі 7049) телефондары арқылы білуге болады. &nbsp;

Облыс әкімі Нұрлыбек Нәлібаев қала тұрғындарымен жеке қабылдау өткізеді

<a href="https://kyzylorda-news.kz/">Kyzylorda-news.kz.</a> 24 сағат ішінде жаңа идеяны іске асыру. Қызылорда өңірінде цифрлық салаға қызығушы жастардың басын қосқан «Innofest» Qyzylorda инновациялық идеялар фестивалі өткізілді.Облыс әкімі Нұрлыбек Нәлібаевтың қолдауымен өткен байқауға 1700 жас ниет білдіріп, 200-ге жуық команда 3 бағыт бойынша өз жобаларын қорғады. Жастар ұйқы тежегіш көзілдірік, күн сәулесімен жүретін жол талғамайтын көлік, смарт үй, ақылды қоқыс жәшігі мен дрондар арасындағы махаббат сынды барлығы 50-ден аса жоба ұсынды.Ерекше шараға облыс әкімінің орынбасары Нұрымбет Сақтағанов қатысып, аймақ басшысы Нұрлыбек Нәлібаевтың құттықтауын жеткізіп, өңірде ІТ саласының дамуына үлес қосып жүрген жастарға әрдайым қолдау болатынын тілге тиек етті.<blockquote>«Мемлекет басшысы Қасым-Жомарт Кемелұлы Тоқаев "Қазақстанда халықаралық деңгейдегі өнім шығаруға қабілетті дарындылар аз емес. Отандық ІТ-секторды дамытып, күшейте түсу маңызды. Жаңа идеялар мен серпінді жобалар тек еркін және үйлесімді қоғамда ғана жүзеге асады" деп елімізге жас, білімді әрі ынталы мамандар керек екенін еске салды. Бүгінде "Иннофест" мүддесі бір, ойы ерек жастардың инновациялық идеялар алаңына айналды. Біз өзіміздің IT паркімізді әрі қарай дамыта отырып, жаңа жобаларды жарыққа шығару жолында бірлесіп жұмыс жасаймыз»,-деді Н.Сақтағанов.</blockquote>«SmartСity», «Контент&amp;Медиа», «Кино&amp;Видео» бағытында өткен фестивальге өз саласында табысты жетістікке жеткен спикерлер шақырылып, олар жастармен шеберлік сағаттар өткізіп, идеяларды бірлесе талқылады.Фестиваль аясында 9 жоба үздік деп танылды. Оларға жалпы жүлде қоры 3 млн теңгені құрайтын қаржылай сыйақылар үлестірілді. Сондай-ақ, ерекше жобаларымен көзге түскен 6 жасқа оқу гранты табысталды. Байқаудың ең жас қатысушысы 6 жасар Дарын Қойшығұлға арнайы сыйлық сертификаты табыс етілді.- Менің бүгінгі жасаған жобам, күн сәулесімен жүретін жол талғамайтын көлік. Күн сәулесін электр энергиясына айналдырып, табиғатқа еш зиянын тигізбей табиғи жолмен жүреді. Бұл көлік көп функиялылығымен де ерекшеленеді, әскери бағытта, жүк тасымалына қолдануға болады,-деді жас өнертапқыш Аралбек Жанысбеков.Байқау нәтижесінде «Smart Сity» бағытындағы қатысушы Зарина Айданова «Digital innovation and transformation» компаниясымен жұмыс жасауға мүмкіндік алды. Ал, «Кино&amp;Видео» бағытындағы жеңімпаз жобаларға «Қызылорда дизайн» ЖШС қызығушылық білдірді. Сондай-ақ, Л.Н. Гумилев атындағы Еуразия Ұлттық университеті ғылыми жоба ретінде 2 жобаға, «Qazinterservice» ЖШС 2 жобаға қолдау білдіруге ниет білдірді. &nbsp;<img src="https://knadmin.beoblood.kz/uploads/13_d99a5b47f6.jpg" alt="13.jpg"><img src="https://knadmin.beoblood.kz/uploads/12_e1130fcdeb.jpg" alt="12.jpg"><img src="https://knadmin.beoblood.kz/uploads/11_bd168bd03b.jpg" alt="11.jpg">

Innofest: Қызылордалық жастар 24 сағат ішінде жаңа идеяларды іске асырды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-ның мәліметінше, &nbsp;20 желтоқсанда атмосфералық фронтальды бөліктердің өтуімен Қазақстан Республикасының басым бөлігінде жауын-шашын, көбінесе қар түрінде, көктайғақ, жаяу бұрқасын сақталады.Тек республиканың оңтүстігінде, шығысында, орталығында жауын-шашынсыз ауа райы күтіледі.Қазақстан Республикасының аумағында жел күшейеді, оңтүстікте, оңтүстік-батыста – тұман болады. &nbsp;

Желтоқсанның 20-сы күнгі ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысы аумағында қоғамдық қауіпсіздікті қамтамасыз ету, қылмыстар мен құқық бұзушылықтардың алдын алу және ескерту мақсатында Қызылорда облыстық полиция департаменті «Құқықтық тәртіп» жедел профилактикалық іс-шарасын өткізді.&nbsp;Өткізілген іс-шара кезінде 40 қылмыс ашылды, 2342 әкімшілік құқық бұзушылық анықталды.&nbsp;Оның ішінде отбасы тұрмыстық қарым қатынастар саласында жасалған құқық бұзушылықтың 146 дерегі, 276- ұсақ бұзақылық тіркеліп, қоғамдық орындарда мас күйінде жүрген258азамат әкімшілік жауапкершілікке тартылды. Автокөлікті масаң күйде басқарудың 8 дерегі анықталды. Тыныштықты бұзу - 160, кәмелетке толмаған заңды өкілінсіз түнгі уақытта жүру – 166 дерек орын алды.10 жасөспірім бейімдеу орталығынажеткізілді.Іс-шара барысында қоғамдық орындар мен қала көшелерінде құқық бұзушылықтардың алдын алу және жолын кесу бойынша қосымша шаралар қабылданып, жаяу жасақтардың патрульдеуі күшейтілді. &nbsp;

«Құқық тәртібі»: Қызылордада 2 мыңнан астам әкімшіліқ құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Өткен аптада Астана қаласындағы Жақсылық Үшкемпiров атындағы жекпе-жек сарайында өткен қазақ күресінен әлем чемпионатында Темiржан Руслан 20 жасқа дейінгі жастар арасындағы 60 келі салмақта жеңімпаз атанды. Сөйтіп, әлемнiң 40-қа жуық мемлекетiнен 350-ден астам балуан қатысқан дүбірлі додада жалағаштық Темiржан Руслан әлем чемпионы атағын иеленді.&nbsp;Әлем чемпионын туған жері Жалағаш ауданының халқы зор құрметпен, ыстық ықыласпен қарсы алып, үлкен қошемет көрсетті. Жас спортшының жетістігімен құттықтау үшін аудан әкімі Асқарбек Есжанов спортшы мен жаттықтырушысын жеке қабылдады.<blockquote>«Спорт - елдің мерейін асырып, абыройын тасытатын сала. Жалағаш ауданы да спорт саласында талай қыранды түлетіп, елдің байрағын желбірететін ерлерді шығаруда.Ауданның ғана емес, облыс және республикамыздың мерейін әлемдік аренада асырдың. Еліміздің көк байрағын биікке көтеріп, табандылық пен жоғары спорттық шеберлік көрсетіп, елімізді халықаралық сайыста лайықты көрсете білгенің құтты болсын. Алдағы уақытта бұдан да биік шыңдарды бағындыруыңа тілектеспін. Ал, біз спортшыларымыздың алаңсыз жаттығу жасауына бар мүмкіндікті жасаймыз», - деді аудан әкімі Асқарбек Есжанов.</blockquote>Сонымен қатар, ел мақтанышына айналған чемпионмен өзі білім алған Темірбек Жүргенов ауылындағы Ә.Оңалбаев атындағы №117 орта мектепте кездесу өтті. Ауыл жастары жеңімпаз ұлдың құрметіне көкпар ұйымдастырды. Ал, «Ер-Әлі» шаруа қожалығының төрағасы Әліби Бекжанов қолдау ретінде спортшыға 1 млн. теңге сыйақы берді.&nbsp;<blockquote>«Бұл қуаныш менің ғана емес бүкіл елдің қуанышы. Әрине жеңіс адамның уысына оңайлықпен түспейді. Оған тынымсыз жаттығу, ұзақ еңбек, тер төгу керек. Осы жеңісімді тәуелсіздікке арнағандай сезіндім. Менің еліме, жеріме деген құрметім осы қол жеткізген жеңісіммен сабақтас. Осы орайда жарысқа дайындаған жаттықтырушым Қызылорда қаласындағы қазақ күресінен жасөспірімдердің &nbsp;аға жаттыктырушысы Берік Қасымбековке, алғашқы жаттықтырушым Әнуар Тәжмахановқа алғысым шексіз. Менің ауылдастарым бүкіл тайлы-тұяғы қалмай жиналып, күтіп алып, &nbsp;аялап жатыр. 18 желтоқсан күні ауылдың жас буын өкілдері Қорқыт ата әуежайынан күтіп алды. &nbsp;Күллі мені қолдаған жанашырларыма шын жүректен алғыс білдіремін. Жеңісті күндер көп болғай», – дейді жас палуан Теміржан Руслан.&nbsp;</blockquote>Айта кетейік, Темiржан Руслан 2002 жылы 27 қарашада Жалағаш ауданы Темірбек Жүргенов ауылында өмiрге келген. Жас болса да жалағаштық спортшы ауданның, облыстың, одан қалды еліміздің абыройын әлемдік додаларда асқақтатып жүр. Нақтырақ айтсақ, «Жас барыс» республикалық турнирінің 3 дүркiн, қазақ күресінен ҚР чемпионатының 3 дүркiн жеңімпазы, белбеу күресiнен ҚР чемпионатының 3 дүркін жүлдегері. Сондай-ақ, қазақ күресінен 60 кг салмақ дәрежесінде рейтингте 1-ші нөмірлі спортшы.&nbsp; &nbsp;<img src="https://knadmin.beoblood.kz/uploads/8_5263b4f22b.jpg" alt="8.jpg"> &nbsp;<figure class="media"><div data-oembed-url="https://youtu.be/TL-uXCP0JvA"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/TL-uXCP0JvA" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қазақстан және Қызылорда облысының жаңалықтары