<a href="https://kyzylorda-news.kz/">Kyzylorda-news.kz</a>. Әйгілі Титаникті суға батырған, қайғылы оқиғаның тікелей себепкері айсбергтің қазір қайда екендігі көпшілікті қызықтыратыны сөзсіз. Осы сұрақтың жауабын <a href="https://bugin.kz/28406-titanikti-sugha-batyrghan-aysberg-qazir-qayda?fbclid=IwAR3ppPmqN2gc-Kskh-TpAPme1ZWzkaEHcPEYRzZIvaaBdu4h30XrK5Upwuw">Bugin.kz</a> порталы ұсынды.Ең алдымен, айсбергтің массасы 420 000 тонна болғанын түсінуіміз керек. Шын мәнінде, «Тинаникті соққан айсберг» айсбергтер әлемінде салыстырмалы түрде өте кішкентай болды. Оның ең биік нүктесі кеменің жоғарғы палубаларына әрең жетті.Дәлірек айтсақ, айсбергтің биіктігі небәрі 100 метрден асады. Бұл - Титаниктің ұзындығынан 2,5 есе аз. Ал мұздың барлық дерлік массасы су астында жасырылған.Бұл мұзтау Гренландия мұздықтарында 3-4 мың жыл бұрын дүниеге келген. Ол заманда, әрине, бірде-бір пароходтың иісі жоқ еді. Перғауындар пирамидаларын топ-тобымен тұрғызды, соңғы мамонт Чукоткада өліп жатты, Американың ашылуына әлі бірнеше мың жыл бар еді. Ал біздің қылмыскер мұзтау мұздықтан теңізге баяу жылжып келе жатты. 1910 жылдың маусымында ол мұз қабығын бұзып, Арктика теңіздері арқылы еркін саяхатқа шықты. Соқтығыс болған жерге жету үшін оған екі жылдан астам уақыт кетті.Бір қызығы, бұл мұз блогы суға құлаған кезде, Титаник әлі салынып жатқан. Ал кеме сол тағдырлы сапарға шыққанда, айсберг өз жолының 99,9 пайызын жүріп үлгерген. Қысқасы, ол бірнеше мың жыл бойы барған Титаникті белгіленген жерде күтіп тұрды. Гренландияда жылына 30 000-ға дейін айсберг шығарылатыны таң қалдырады. Бірақ олардың бірнешеуі ғана біздің тарихи кейіпкеріміз келген ендіктерге жетеді. &nbsp;Ақыры соқтығыс болды. Айсберг одан аман қалды. Титаник бірнеше сағат бойы суға батып кетпеді, бірақ айсберг одан әрі қалықтауын жалғастырды. Көп ұзамай оны Гольфстримнің жылы ағысы басып алды. Бұл ағыс жылы және өте жылдам (10 км/сағ дейін). Сондықтан айсберг тез ери бастады және соған қарамастан, Ресейдің Архангельск облысындағы Франц Йозеф жеріне жетті.Сол жерде айсберг жағаға лақтырылып, 1913 жылдың жазында ол Титаниктен 1 жылдан астам ұзақ «өмір сүріп», ақыры еріп кетті.&nbsp; &nbsp;

Титаникті мұхит түбіне жіберген айсберг қазір қайда?

<a href="https://kyzylorda-news.kz/">Kyzylorda-news.kz</a>. Бүгін Жалағаш ауданына Қазақстан Республикасы Парламенті Сенатының депутаты, қоғам қайраткері Мұрат Бақтиярұлы Мұхамедов іс сапармен келді.Аудандық мәслихаттың мәжіліс залында өткен бас қосуға аудандық мәслихаттың депутаттары, аудандық алқабилер кеңесінің төрағасы Кенжеғара Сүлейменов, Жалағаш кенті ардагерлер кеңесінің төрағасы Қожантай Құлмахан, ақпарат құралдары өкілдері қатысты.Кездесуді аудан әкімі Асқарбек Есжанов ашып, қайраткер-депутаттың қадамына құтты болсын айтты. Әрі қарай қазіргі аудандағы, аймақтағы еліміздегі жағдайларға, қазіргі таңдағы алда тұрған өзекті мәселерге тоқталып, сөз кезегін Мұрат Бақтиярұлына берді.Бүкіл саналы ғұмырын ұрпақ тәрбиесіне, қазақ халқының, Сыр бойы елінің игілігі үшін саяси додаларға арнаған қоғам қайраткері Мұрат Бақтиярұлы тереңнен толғап, ел болашағының тағдыршеш мәселелеріне тоқталды.С.М.Киров атындағы қазақ мемлекеттік университетінің тарих факультетін, Мәскеу бизнес және ақпараттық технологиялар халықаралық университетінің қаржы және несие факультетін сондай-ақ, қазақ мемлекеттік заң академиясын бітірген, саясаттану профессоры Мұрат Бақтиярұлының өмірі мен қызметі мемлекттік-саяси қызметте жүрген, елге еңбек етемін деген азаматтарға үлгі-өнеге. Өзінің еңбек жолын қарарпайым мұғалім болудан бастап, мемлекет-қоғам қайраткері дәрежесіне дейін көтерілу, сөйтіп, елге қызмет ету, халықтың қалаулысы болу екінің бірінің, егіздің сыңарының қолынан келмейтін іс, екінің біріне бұйыра бермейтін бақ.Қазақтың тілі, ділі, ата-бабаларымыздың салт-дәстүрін ерекше құрметтейтін қайраткер депутаттың өзінің депутаттық мерзімінде талай-талай аса маңызды сауалдармен шыққанын ел біледі. Әсіресе Мұрат Бақтиярұлының Қазақстандағы «Үш тілділікке» қарсы, биік мінбелерден жаны шырқырай дабыл көтергені бүкіл елдің көз алдында.<blockquote>«Мәңгілік ештеңе жоқ, бәрі ретімен, жөнімен болу керек. Мен қолымнан келгенше, бар мүмкінідігімше елге қызмет еттім деп ойлаймын. Соңымыздан еріп келе жатқан мықты азаматтар бар, енді сол жігіттер жұмыс істеу керек. Жақсы кете білу де өнер, жалпы бізде осы үрдісті қалыптастыруымыз керек. Елге қызмет жасаймын деген азаматтарды, жастарды қолдауымыз қажет. Менің әрдайым қолдаушыларым болған сіздерге алғысым шексіз, аман болыңыздар, еліміз аман болсын» - деп түйіндеді қайраткер өз сөзін.</blockquote>Аудандық алқабилер кеңесінің төрағасы Кенжеғара Сүлейменов, Мұрат Бақтиярұлының ел алдындағы еңбегін жоғары бағалап, алдағы уақытта Сыр бойының ардақты азаматы, білікті қайраткер ретінде аймақтың қоғамдық өміріне белсене араласып, Сыр бойының ардақты елағасы болатынына сенім білдірді.Кездесу соңында сенат депутаты аудандық мәслихат депутаттарына, кездесуге қатысушыларға «Аманат», «Сенатор жазбалары», «Құндылықнама», «Елдің жоғын жоқтадық, Сырдың мұңын мұңдадық» атты кітаптар топтамасын сыйға тартты.Кездесуді жүргізіп отырған аудан әкімі Асқарбек Есжанов кездесу қорытындысында қазақы дәстүрмен Мұрат Бақиярұлының иығына шапан жауып, құрмет көрсетті. Алдағы уақытта да ел үшін қызмет ете беретініне ізгі ниетін, ризашылығын білдірді.<img src="https://knadmin.beoblood.kz/uploads/322476383_698005275050515_8970937612493197136_n_9f2007fc17.jpg" alt="322476383_698005275050515_8970937612493197136_n.jpg"><img src="https://knadmin.beoblood.kz/uploads/322459365_521970476570058_598961814794230983_n_53b72457a5.jpg" alt="322459365_521970476570058_598961814794230983_n.jpg"><img src="https://knadmin.beoblood.kz/uploads/322251324_1306133413503046_2045817756847439275_n_01886e8833.jpg" alt="322251324_1306133413503046_2045817756847439275_n.jpg">

Жалағаштықтар Мұрат Бақтиярұлына құрмет көрсетті  

<a href="https://kyzylorda-news.kz/">Kyzylorda-news.kz</a>. Жасұлан Серік – Американың Калифорния штатына жуырда отбасымен бірге көшіп кеткен қазақ азаматы. Жұбайы грин карта ұтып алған соң отбасы елге түпкілікті қоныс аударуға бел байлапты. Кейіпкеріміз бұған дейін Қызылорда облысы кәсіпкерлер палатасының Агроөнеркәсіптік кешен бөлімінің бастығы болған. АҚШ-та өмір сүріп жатқан қазақстандық азамат екі елдің артық-кемшіл тұсын саралап, теңіз асып кеткен соң өмірі қалай өзгергенін айтып,<a href="https://stan.kz/mynda-kelgender-eki-ush-zhildan-keyin-ayakka-tyrip-kete-375366/"> Stan.kz</a> сайтының тілшісіне сұхбат берді. &nbsp;Төрт перзенттің әкесінің айтуынша, АҚШ-қа көшемін деген нақты мақсаты болмаған.<blockquote>“Ең бірінші рет 2016 жылы тәжірибе алмасу үшін жұмыс бабымен бардым. 2021 жылы әйелім екеуміз тур визамен қыдырып қайттық. "Грин карта" лотереясы туралы естігенбіз. АҚШ мемдепартаменті жыл сайын 50 мың адамға әр елден ұтыс ойынын ойнатады. Заңды және тегін түрде келіп жұмыс істеуге, осында өмір сүруге мүмкіндік береді.Осы бағдарламаға жұбайым қатысып, оның атына ұтыс шықты. Барлық құжаттарымызды өткізгеннен кейін, олар бізді қабылдады. Мұндай мүмкіндікті жіберіп алмауға бел байладық. Әке-шешеміз де ақ батасын берген. Өзім мұндай ұтыс ойындарына сенбейтін едім. Тур визамен жұмыс істеуге болмайды. Ал жасыл картамен жұмыс істеуге, емін-еркін жүріп тұруға мүмкіндік бар", - дейді отандасымыз.</blockquote>Жасұлан мырзаның айтуынша, өзі ағылшын тілін жақсы біледі. Әйелі мен балалары үйреніп жүр. Үлкен ұлы 10-сынып, одан кейінгілері алты және төртінші сыныптар да оқиды екен.<blockquote>"Америкалықтардың біздің халыққа ұқсамайтын ерекшеліктері көп. Олар көбінесе қуанып жүреді. Адамдары бір-біріне мейірімді. Танымайтын адамға да амандасып кетеді. Дүкен, қонақүй т.б. кез келген жерде ізеттілік танытады.Танымайтын адамнан жағдай мен көңіл-күйін сұрау оларға қалыпты жағдай. Бізде бәрі керісінше. Езуімізді тартпай, қабағымызды қатып жүреміз ғой. Күнделікті жұмыс барысындағы қиындықтардан ба, біз олай жасай алмаймыз. Бұл жақта екінің бірі осындай”, – дейді ол.</blockquote>Сөзінше, елде қарапайым халыққа да жұмыс көп.<blockquote>“Бұл жақта адамдарды кемсітпейді. Бай отбасының баласы даяршы болуы мүмкін. Төменгі тап ретінде ешкімге қарамайды. McDonald’s секілді кафелерде қызметкер болып, 2022 жылғы су жаңа көлікпен де жүре береді. Бізде салоннан көлік мінсе, ең дәулетті адам ретінде қараймыз. Оны бизнесмен деп қаламыз. Бұл жақта қарапайым жағдай. Екінің бірінде Tesla электр көлігі бар.Америкада кезекке тұру мәдениеті де жоғары. Кезекке тұрғанда рахаттанасыз. Өзіңізді адам ретінде сезінесіз. Кезек жүз метрге дейін алыс болса да тез өтеді. Кәрісі де жасы да кезегін сақтайды. Полиция қызметкері, біреуі балдақпен де тұруы мүмкін. Ешкім өз орнын бұзбайды. Арасында екі метр бос орын қалса да біреу пайдаланып кетпейді. Кезек күту мәдениеті бұлар да жоғары. Әуежай немесе аурухана, дүкен сияқты барлық жерде де бірдей. Әлеуметтік түрде қорғалған сияқтысыз. Біреу кезегімді алып қояды деген мүлдем қорқыныш жоқ", – дейді сұхбат беруші.</blockquote>Кейіпкеріміз балаларға деген қамқорлық ерекше екенін баса айтады.<blockquote>“Балалар бар жерде темегі шегуге болмайды. Тура осылай көлік ішінде бала болса, темекі шегуге тыйым салынған. Тіпті тәртіп бұзса, қамап тастауға дейін апаратын көрінеді.Мектептері өте жақсы. Балаларымыз сабаққа қуанып барады. Бірінші сыныптан бастап 12-сыныпқа дейін тамақтар тегін беріледі. Пандемия кезінде ата-анасы жұмыссыз қалған балаларға берген. Қазір 100% &nbsp;барлығына беріледі. Оқу ордасында арнайы форма жоқ. Балалар еркін киім үлгісінде сабаққа барады. Әркім өзіне ыңғайлысын киеді. Мұғалімдердің балаларға деген қамқорлығы да жоғары", – дейді төрт ұлдың әкесі Жасұлан мырза. &nbsp;</blockquote>Кемшін тұстары ретінде, отандасымыз Америкада қолдау жоқтығын айтады. Арнайы шетелдіктерге арналған бағдарламалар жоқ. Үй мен жұмыс табу әркімнің өз мәселесі екен.<blockquote>"Америкада бұған дейін екі рет болдым. Турист болып келу басқа. Миграция өте күрделі процесс. Ешбір туысқаннын жоқтығына дайын болу керек. Бізге үй табу қиын болды. Балаларымыз болғаннан кейін жақсы үй іздедік. Көліксіз мұнда жүру қиын. Қоғамдық көлік барлық жерде қалыптаспаған. Біз сияқты шеттен келгендерге тамақтары ұнамай жатады. Бізде ондай проблема болған жоқ. АҚШ мал бордақылаудан алдыңғы қатарлы елдердің бірі. Бірақ жылқының еті сатылмайды. Кейбір заттарды қылмыс ретінде көреді. Жылқыға адамның досы сияқты қарайды. Ит пен мысық қатарына жылқыны да жатқызады.Шеттен келгендерге ағылшын тілін оқуға мүмкіндік береді. Әйелім курсқа жазылып қойды. Бірақ үш жасар баламыз болған соң, үйден шыға алмай жатыр. Ағылшын тілін кішкентай баладан кәріге дейін тегін оқытады. Жарты жыл ағылшын тілін оқыса, ары қара арнайы мамандықтарға үйретеді екен. Тұрақты жұмыс болмаса, қажетті мамандықтарды оқуға болады. Америкада оқу қымбат. Ақылы түрде айына 500 доллардан төлеу керек", - дейді ол.</blockquote>Жасұлан мырза Американы теңгеге шаққанда өте қымбат екендігін айтады. Бір гамбургерді орташа есеппен 10 долларға есептесе, теңгемен 4800 теңге. Теңгеге шаққанда екі-үш есе баға шығатындығын есептеп көрді.<blockquote>"Жергілікті айлыққа шақсақ өте арзан. Қарапайым даяршылар айына үш-төрт мың доллар табады. Оның тамағына 20% ғана кетеді. Қымбат тамақтарды тұтынатын болса да осы. Тамақ жергілікті ақшамен өте арзан. Біз келмей тұрып, бір жыл бұрын одан да арзан болды. Пандемия, Украинадағы соғыс т.б. әлемдік экономикаға әсерін тигізді.Сол жағынан азық-түлік те аздап көтеріңкі. Кез келген дүниесін өз долларына шаққанда арзан. ТМД елдерінің проблемасы азаматтар табыстарының 50% азық-түлігіне жұмсайды. Бұл жақта орташа статистикамен 10% көрсеткіштен аспайды. Өзімізге алты адамға есептесем айына 10 доллар ғана кетеді", - дейді АҚШ-та тұратын жерлесіміз.</blockquote>Дегенмен Американы армандар орындалатын ел дейді. Барлық саласынан да алдыңғы орындардан үздіктерді иеленген. Бірақ кейбір салаларда Қазақстанның алға кетіп бара жатқандығын айтып қалды.<blockquote>"Қазақстанда "Электронды үкімет" порталы жұмыс істейді. Көп жағдайда телефонмен мемлекеттік қызметтерді пайдаланамыз. Бұл жақта кейбір салалар ондай емес. Көлік нөмерін онлайн түрде рәсімдей аламыз. Мұнда арнайы тапсырыспен пошта арқылы алғызамыз. Арасында осындай ескі бюрократиялық тұстары бар. Біздегі он жыл бұрынғы жағдай мұнда әлі де бар. Бірақ кейбір штаттар да жағдайды басқаша деп естігенмін.Ең бастысы әділдік үстем құрған. Бастысы саған адам ретінде қарайды. Ұлты, нәсілі, дініне бөліп жармайды. Барлық жерде адамдар тең құқылы. Біздің бір қазақ жігітті жолда полиция ұстаған. Ол сотқа беріп "жол ережелерін полиция қызметкері дұрыс білмейді, оны қайта оқытыңыздар" деген. Сот оның шешімін құптапты. Билік өкілі "полиция біздің азамат" деп бөліп қарамаған. Бастысы кімдікі дұрыс, соған баса мән береді. Әлеуметтік және заң жағынан да бәріміз қорғалғанбыз", - дейді ер азамат.</blockquote>Америкадағы отандасымыз қазақтардың мұнда жиі араласатындығын айтады. Бірақ Калифорнияда қазақтар көп емес екен. Сөзіне қарағанда бір жиналғанда 50 шақты қазақ басын қосады дейді.<blockquote>"Америкаға келгендер екі-үш жылдан кейін аяққа тұрып кетеді. Басында бәрі қиын. Жақын араласатын достарым көп. Жүк көлігін сатып алғанбыз. Ебін тапқандар екі-үшеуін қоса алған. Тәжірибем болмаған соң, тек қана жалға беремін. Әрбір жүк көлігіне ай сайын 300 доллардан төлейміз. Күн жылығыннан кейін жұмысымыз қызады. Жалға бергеннен көп табыс түспейді.&nbsp; Үй жалдауға 3300 долларды ай сайын төлейміз. Одан бөлек коммуналдық қызмет те бар. Теңгемен үйге бір миллион бес жүз елу мың болады екен. Сондықтан теңгемен есептемеуге тырысамыз. Әйтпесе көңіліміз түсіп кетеді. Америкада қай жерде мектеп жақсы болса, сол маңдағы үйлер қымбат. Өйткені балаларды тұрғылықты мекенжайсыз қабылдамайды. Кейбір аудандардан бір-екі бөлмені 2000 долларға да табуға болады. Біз балалардың қауіпсіздігі үшінде жақсы ауданнан алдық. Келесі жылы жақсы үйрене бастағанда, бюджеті аздауынан қараймыз", - дейді ол.</blockquote>Отандасымыз Американы мүмкіндіктер мекені дейді. Сөзінше, төменгі айлық сағатына 16-30 доллар шамасында екен."Бұл жақта адамдар уайымға салынбайды. Бастапқы кезде қорқыныш болды. Бірақ мұнда аяққа тұрып, адам болып кетуге көбірек жағдай жасалған. Бізде 20 жыл жүріп үйді әрең алсақ, бұл жақта төрт-бес жыл ішінде баспаналы болуыңыз мүмкін. Шымкенттік жігітіпен танысқанмын. Өзі Чикагода тұрады. Екі жарым жылдан кейін 450 мың долларға үй алған. Бұл тынбай еңбек етуінің арқасында.Бұл жақта туыстарды сағынасыз. Бізде уайымсыз өмір екен. Қасымызда жиі көретін жақын адамдар жоқ. Қазақстандағы диплом мен абырой, қоғамдағы орнымыз маңызсыз. Бәрін басынан бастауымыз керек. Өз ойым он жылдан кейін елге ораламын. Балаларымды осында жоғарғы оқу орнына түсірсем, басты арманым осы. Америкаға кеткендер қайтпайды дейді. Бірақ туған бауырларым мен әке-шешемнің қасына барғым келеді", – &nbsp;дейді АҚШ-тағы жерлесіміз. &nbsp;<figure class="image"><img src="https://knadmin.beoblood.kz/uploads/full_167213823629efe092d9fa37381cd8f792e1047d36_webp_932fa2ca24.webp" alt="full_167213823629efe092d9fa37381cd8f792e1047d36_webp.webp"></figure>&nbsp;<figure class="image"><img src="https://knadmin.beoblood.kz/uploads/full_1672138115c699a42cd91932bef99d7e2356130051_webp_cb20eb6abd.webp" alt="full_1672138115c699a42cd91932bef99d7e2356130051_webp.webp"></figure>

«Бұл жақта адамдарды кемсітпейді»: Қызылордалық жігіт Америкадағы өмірі жайлы айтты

<a href="https://kyzylorda-news.kz/">Kyzylorda-news.kz.</a> ҚР Еңбек және халықты әлеуметтік қорғау министрі Тамара Дүйсенова Үкімет отырысында Әлеуметтік кодекс жобасын ұсынды, деп жазды <a href="https://primeminister.kz/kz">Қазақстан Республикасы Премьер-Министрінің</a> <a href="https://primeminister.kz/kz">ресми ақпараттық ресурсы</a>.Министрдің айтуынша, Әлеуметтік кодексті әзірлеу барысында халықаралық тәжірибе мұқият зерделеніп, ЕуроОдақтың Әлеуметтік кодексі басшылыққа алынған. Сондай-ақ мұнда өз еліміздің ерекшеліктері де жан-жақты ескерілген. Кодекс 5 бөлімнен, 19 тараудан және 267 баптан тұрады. Жалпы, аталған кодекстің басты жаңалығының бірі – әлеуметтік сақтандыру және зейнетақы жүйелеріне қатысты болды.&nbsp;<blockquote>«Қазіргі сақтандыру жүйесі әлеуметтік тәуекелдің 5 түрінен сақтандырады. Бұл – халықаралық стандарттарға және нақты экономикалық жағдайларға сай келетін жүйе. Сондықтан, оның негізі сақталады. Дегенмен, оның мақсаты өзгереді. Жүйе әлеуметтік төлем төлеуге ғана бағытталмай, ең алдымен, азаматтарды формальді форматта жұмыс істеуге ынталандыруды көздейтін болады», – деді ҚР еңбек және халықты әлеуметтік қорғау министрі.</blockquote>Бұл мақсатты орындау үшін біріншіден, шағын бизнестегі жалдамалы жұмыскерлер, платформаның көмегімен жұмыс істеп жүрген азаматтарға қатысты салықтық жүктемелерді төмендету қарастырылған.Екіншіден, әлеуметтік жарналарын уақытылы аударып отырған жұмыскерлерге сақтандыру қорларынан әлеуметтік төлемдер мөлшері кезең-кезеңімен ұлғайтылатын болады. Келесі жылдан бастап жұмыссыз қалған азаматтарға жарна төлеген уақытына сәйкес 6 айға дейін бұрынғы табысының 45%-ын төлеу қарастырылып отыр.Сонымен қатар Тамара Дүйсенова зейнетақы жүйесіне қатысты өзгеріске тоқталды.&nbsp;Министрдің айтуынша, өазіргі қолданыстағы жүйе зейнеткерлердің 3 буынын қамтиды. Қарастырылған өзгерістерде 1998 жылға дейін және 1998 жылдан кейін зейнетке шыққан азаматтар зейнетақы төлемдерінің негізгі бөлігін мемлекеттен, ал болашақ зейнеткерлер – жинақтаушы зейнетақы жүйесінен алатын болады. Осы мақсатта бүгінгі зейнеткерлер үшін базалық және еңбек зейнетақыларының мөлшерін есептеу параметрлері өзгереді екен.Бұл өзгеріс аталған зейнетақылардың мөлшерін көбейту мақсатында қарастырылып отыр. Ал болашақ зейнеткерлер үшін 2024 жылдың 1 қаңтарынан бастап жұмыс берушілер тарапынан қосымша зейнетақы жарналары енгізілетін болады.Бұдан бөлек, Кодекс жобасына өз активтерін басқару бойынша салымшылардың құқығын кеңейтуге қатысты өзгерістер енгізіледі. Енді азаматтар белгіленген жеткіліктілік шегінен асқан зейнетақы жинақтарын тек емделуге және тұрғын үй сатып алуға жұмсай алады.Сондай-ақ салымшыларға зейнетақы жинақтарының 50%-дан аспайтын бөлігін активтерді басқару компаниясына беру және мұндай компанияны өздері таңдау құқығы беріледі. Бұл ретте мемлекет зейнетақы жинақтарының сақталуына кепілдікті жинақтың Ұлттық банк басқаратын бөлігіне ғана беретінін атап өткен жөн. &nbsp;Ал, жеке басқаруға берілетін зейнетақы жинақтарының сақталуына және оның табыстылығына салымшы таңдап алған компания жауапты болады. Сондықтан әрбір салымшы басқару жөніндегі жеке компанияны таңдаған кезде ықтимал тәуекелдерді мұқият ескеруге тиіс.Фото: <a href="https://egemen.kz/news">egemen.kz</a>&nbsp;

Жұмыссыз азаматтарға 6 айға дейін бұрынғы табысының 45%-ын төлеу қарастырылады

<a href="https://kyzylorda-news.kz/">Kyzylorda-news.kz.</a> Əскери қызметшілерге бастапқы жарнасыз ипотекалық кредит беру бағдарламасы әзірленіп жатыр. Бұл жайында Сенат депутаттарының сауалына ҚР Премьер-Министрі Әлихан Смайыловтың жауабында айтылған, деп хабарлайды <a href="https://www.inform.kz/kz/skeri-kyzmetshilerge-bastapky-zharnasyz-baspana-nesiesin-beru-bagdarlamasy-azirlenip-zhatyr_a4017325">ҚазАқпарат</a>.<blockquote>«Отбасы банк» АҚ əскери қызметшілердің тұрғын үйді сатып алуға бастапқы жарнасының сомасын төмендету мақсатында əскери қызметшілерге бастапқы жарнасыз ипотекалық кредит беру бағдарламасын əзірлеп жатыр. Президент Әкімшілігінің тапсырмасы бойынша Үкімет тұрғын үй төлемін жүзеге асыру бойынша қолданыстағы тəсілдерді қайта қарауды жүзеге асырады», - деп атап өтеді Әлихан Смайылов жауабында.</blockquote>Оның атап өтуінше, қазіргі уақытта тұрғын үй төлемін жүзеге асыру үшін қажетті қаржы көлемі нақтыланып жатыр.<blockquote>«Мүдделі мемлекеттік органдар қатарынан жұмыс тобы (Қаржымині, ҰЭМ, БП, МКҚ, ҰҚК, ҚМА, СЖҚА, ІІМ, Қорғанысмині, ТЖМ, ПМК) қажетті қосымша қаржыландыру көлемін бағалау, сондай-ақ тұрғын үй төлемінің қолданыстағы тетігін жетілдіру, оның ішінде олардың мөлшерін орташаландыруға бағытталған кешенді шараларды дайындау үшін тұрғын үй төлемінің қолданыстағы тəртібіне жəне бар проблемалық мəселелерге талдау жүргізуде»,- деді Үкімет басшысы.</blockquote>

Əскери қызметшілерге бастапқы жарнасыз баспана несиесін беру бағдарламасы әзірленіп жатыр

<a href="https://kyzylorda-news.kz/">Kyzylorda-news.kz.</a> Қызылордада картоп ішіне флешка салып әкелген азаматтың үстінен іс қозғалды.Қылмыстық атқару жүйесіне қарасты №68 мемлекеттік мекемесінде РжКБ-нің қызметкерлері тарапынан қамаудағылардың қолданылуына тыйым салынған заттардың мекеме аумағына кіріп кетпуіне жол бермеу мақсатында елеулі жұмыстар күшейтілген түрде жүргізілуде. Әйтсе де, бас бостандығынан айырылғандарға келушілер тарапынан тыйым салынған затты алып келу фактілері анықталуда.Атап айтсақ сәлем-сауқатты қабылдау бөлмесіне келген Т. есімді қала тұрғыны әкелген тамақ өнімдері ішінен тыйым салынған зат табылды. Заңға қарсы іс-әрекетке бармақ болған 1987 жылы туған Қызылорда қаласының тумасы болып шықты. Ол өзінің осы мекемеде ҚР ҚК - нің 99 - бабы 1-бөлігімен айыпталған 1997 жылғы танысына сәлем-сауқат әкелген болатын.Мекеменің бақылаушы қызметкерлері сәлем-сауқаттарды қабылдау кезінде қырағылық танытып, әкелінген тағамдарды жіті тексеруінің нәтижиесінде тыйым салынған затты тәркіледі. Яғни, әкелінген қуырылған картоп ішінен фальгаға оралған 1 дана 16 ГБ флешканы жасырып қойғаны анықталды.Анықталған дерек негізінде, бөлім қызметкерлері дер кезінде ҚР ӘҚБ- 481- бабының 1-бөлігі бойынша хаттама толтырып, ісін сотқа жолдады.

Қызылорданың түрмесінде тамақ ішінен флешка шықты

<a href="https://kyzylorda-news.kz/">Kyzylorda-news.kz.</a> Қазақстан Республикасының Сыбайлас жемқорлыққа қарсы іс-қимыл агенттігі Қызылорда облысы бойынша департаментімен қылмыстық құқық бұзушылықтың алдын алып, оларды болдырмау бағытында жұмыстарды тұрақты негізде жүргізуде. Бұл жұмыстар өзінің оң нәтижесін көрсетті.Мәселен, 2010 жылдан бері Қызылорда қаласы, Белкөл кентінде темір жол желісінің үстінен өтетін көпір салу мәселесі шешімін таппай келген. Кентте теміржолдың арғы бетінде 1 мыңнан аса тұрғын тұрады. Ал, оң жақ бетінде, бірқатар әлеуметтік нысандар: мектеп, балабақша, амбулатория және тағы басқа нысандар орналасқан. Сондықтан, кент тұрғындары үшін көпір маңызды әрі қажет нысан болып табылады.Осы орайда, құны 225 миллион тенгені құрайтын көпірдің құрылысы 2021 жылы басталып, биылғы жылы қазан айында аяқталуы тиіс еді. Құрылыс жұмыстары созылып, уақытылы аяқталмауына байланысты, Департаменттің бастамасымен облыстық бақылау басқармасының қатысуымен тексеру жүргізіліп, нәтижесінде мердігердің жұмысында бірқатар кемшіліктер анықталып, 69 миллион теңгенің жұмыстары орындалмағаны белгілі болды.Бұл кемшіліктер облыстық әкімдіктің назарына дереу жеткізіліп, қазіргі таңда құрылыс-монтаж жұмыстары жалғасын тапқан. Көпір тұрғындардың пайдалануына тез арада беріледі. Жалпы, сыбайлас жемқорлықты алдын алу жұмыстарының аясында, &nbsp;бүгінгі күнге 6 нысан тексеріліп, барлығы 1 миллиард тенгеге жуық мемлекет қаржысы тиімсіз жұмсалуына жол берілмеген. &nbsp;<figure class="image"><img src="https://knadmin.beoblood.kz/uploads/60f297a4753a210ade7aca7af531bcef_1280x720_8d350ba16b.jpg" alt="60f297a4753a210ade7aca7af531bcef_1280x720.jpg"></figure>

Қызылорда: Белкөл кентіндегі құрылысы ұзаққа созылған көпір пайдалануға беріледі

<a href="https://kyzylorda-news.kz/">Kyzylorda-news.kz.</a> 2023 жылдың 1 қаңтарынан бастап әлеуметтік төлемдер мен әлеуметтік қызметтер проактивті форматта көрсетіледі. Бұл туралы еңбек және халықты әлеуметтік қорғау министрі Тамара Дүйсенова мәлімдеді, деп хабарлайды <a href="https://sputnik.kz/?_ga=2.46006308.1226356537.1672019841-138522855.1629862799">Sputnik Қазақст</a>ан.Үкімет отырысында премьер-министр Әлихан Смайылов әлеуметтік қызметті проактивті форматқа өзгерту үшін "Отбасының цифрлық картасы" өте маңызды екенін атап өтті. Ол цифрлық карта 1 қаңтардан бастап бүкіл өңірде жұмыс істей ме деп сұрады.&nbsp;<blockquote>"1 қаңтардан бастап әлеуметтік қорғау саласына қатысты барлық төлем мен әлеуметтік қызметтер проактивті форматта жүргізіле бастайды. Бірақ басқа мемлекеттік органдардың ақпарат жүйесіндегі деректер арқылы көрсетілетін қызметтер интеграциядан кейін кезең-кезеңмен беріледі. Мысалы, соттың шешіміне байланысты көрсетілетін қызметтер, шетелден келген азаматтарға берілетін қызметтер", - деп жауап берді Дүйсенова үкімет отырысында.</blockquote>&nbsp;Смайылов "Отбасының цифрлық картасының" пилоттық нұсқасы қыркүйектен бері бірқатар қызмет бойынша жұмыс істеп тұрғанын және қазірдің өзінде тиімділігін көрсеткенін атап өтті.<blockquote>"Әлеуметтік қолдау алу қажеттілігі Цифрлық карта аясында ақпараттық жүйе арқылы айқындалады. Яғни, азаматтар тиісті органдарға жүгінбей-ақ мемлекеттің қолдауына ие болады. Мемлекет бұл қажеттілікті өзі анықтайды және барлық рәсімді автоматты түрде жүргізеді", - деді премьер-министр.</blockquote>

Қазақстанда 1 қаңтардан бастап барлық әлеуметтік төлем проактивті форматта төленеді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының аумағындағы автомобиль жолдарының жалпы ұзындығы – 3420 км құрайды. Осыған сәйкес, биыл облыстық және аудандық маңызы бар жолдардың жақсы және қанағаттанарлық көрсеткіші 82 пайызға өсті. Сондай-ақ, осы жылы жалпы ұзындығы 368 км құрайтын автомобиль жолдары мен көшелер және көпір өткелдері толық жөндеуден өткізілді.&nbsp;Бұл жөнінде Өңірлік коммуникациялар қызметінде өткен брифингте облыс әкімінің орынбасары Мархабат Жайымбетов хабарлады.<blockquote>«Мемлекет басшысы биылғы Жолдауында еліміздегі автомобиль жолдары мәселесіне баса назар аударып, жергілікті жолдардың сапасына мән беру керектігін және 2025 жылға дейін облыстық маңызы бар жолдардың жағдайын 95 пайызға жеткізуді тапсырды. Осы бағытта биыл облыстағы жол инфрақұрылымын дамытуға республикалық және облыстық бюджеттен 17,6 млрд.теңгеге жуық қаржы бөлініп, жөндеу жұмыстары жүргізілді. Келесі жылы бөлінетін қаржыға облыстық және аудандық маңызы бар жолдар мен қала және елді мекендердегі көшелерді жөндеуге бағытталады. Тағы бір өзекті мәселе – «Қызылорда-Жезқазған» автомобиль жолының қайта жөндеу жұмыстары бүгінде басталды. Құрылыс жұмыстары 3 жыл мерзімде аяқталады деп жоспарлануда. Ал «Батыс Еуропа – Батыс Қытай» автодәлізінің «Қызылорда - Ақтөбе» бағытын кеңейту және қайта жандандыру мәселесі назардан тыс қалған емес, - деді облыс әкімінің орынбасары Мархабат Жайымбетов.</blockquote><figure class="image"><img src="https://knadmin.beoblood.kz/uploads/321850731_5758223854268161_7489426134421572802_n_fcae19725b.jpg" alt="321850731_5758223854268161_7489426134421572802_n.jpg"></figure>

Биыл өңірде ұзындығы 368 км құрайтын жол жөнделді

<a href="https://kyzylorda-news.kz/">Kyzylorda-news.kz.</a> &nbsp;Астанада «AMANAT» партиясының қолдауымен «Тәуелсіз елім – тірегім!» республикалық ақындар айтысы өтті. Жыр аламаны ел егемендігі мен ұлт тұтастығына арналды.&nbsp;Айтыстың ашылуында «AMANAT»-тың Атқарушы хатшысы Асхат Оралов партияның ұйытқы болуымен биыл бірқатар республикалық айтыс ұйымдастырылғанын атап өтті. Сондай-ақ, партия ұлттық мәдениет пен өнерді дамытуға үнемі үлкен үлес қосып келе жатқанын жеткізді.<blockquote>«Тәуелсіздіктен бағалы ештеңе жоқ. Сондықтан, бүгінгі жыр додасының жөні бөлек. Айтыс – қазақтың бойтұмары, ата-бабаларымыздан аманат болып жеткен киелі өнер жәдігері. Ұлтымыздың руханиятын, мәдениетін дамыту мен қолдау ісі бір сәт те тоқтамайды. Біз ұлттық өнерді қолдауды алдағы уақытта да жалғастырамыз», – деді Асхат Оралов.</blockquote>Айтыс тізгінін ұстаған ақын, Мәжіліс депутаты Аманжол Әлтай дүбірлі доданың мәні мен маңызына тоқталып, қазылар алқасының құрамын және сынға түсетін ақындар қауымын таныстырды. Өз кезегінде, еліміздің түкпір-түкпірінен Астана төріне ат басын бұрған 14 ақын көзіқарақты көрерменнің алдында орамды ой айтып, сүбелі сөз өрбітті.&nbsp;Ақындардың жеті жұбы ең асыл қазынамыз саналатын азаттықтың қадір-қасиетін жырға қосты. Сөйтіп, түс ауа басталған сөз барымтасы қас қарайғанша жалғасты. Соған қарамастан, қанға сіңген қастерлі өнердің қадірін білетін айтыс сүйер қауым бір сәтке болсын тарап кеткен жоқ. Тапжылмай тамашалады.&nbsp;<blockquote>«Айтыс – ақсүйек өнер. Бүгін халықтың ықыласына бөленген аламан ұйымдастырылды. «AMANAT» партиясы алдағы уақытта да руханият пен мәдениетке, қазақтың болмысына, тіліне, діліне арналған осындай іс-шараларды өткізуді жалғастырады деп сенемін», – деп атап өтті қазылар алқасының төрағасы Ғалым Жайлыбай.</blockquote>Осылайша, көрнекті ақын, Абай атындағы мемлекеттік сыйлықтың лауреаты Ғалым Жайлыбай бастаған қазылар құрамының шешімімен бас жүлдені қызылордалық Мейірбек Сұлтанхан иеленді. Ал жүлделі 1-орын түркістандық Бекарыс Шойбековке, 2-орын ұлытаулық Төлеген Жамановқа бұйырды. 3-орынды ақтөбелік Нұрбол Жауынбаев, Абай облысынан келген Рүстем Қайыртайұлы, көкшетаулық Нұрмахан Жақыпбек және қостанайлық Айбек Қалиев өзара бөлісті.Сайысқа түскен барша ақынға қомақты сый-сияпат табысталды.&nbsp;<blockquote>«Бүгін елорда төрінде ұлттық өнеріміз ұлықталып, жыр жәрмеңкесі қанат жайды. Бұл – айтыс өнерінің абыройы асқақтаған күн. Төл өнеріміз ғасырдан ғасырға жалғаса беруіне тілектеспін. Жыр бәйгесін жоғары деңгейде ұйымдастырған ел ағаларына, алтын уақытын қиып келген көрерменге алғысым шексіз. Тәуелсіздігіміздің тұғыры биік болсын. Еліміз мәңгі жасасын», – деді жыр бәйгесінің жеңімпазы Мейірбек Сұлтанхан.&nbsp;</blockquote>Суретті түсірген Әли Ғалым&nbsp;<figure class="image"><img src="https://knadmin.beoblood.kz/uploads/2_1_0ba3dfed49.jpg" alt="2 (1).jpg"></figure>&nbsp;<figure class="image"><img src="https://knadmin.beoblood.kz/uploads/4_2547b3a39a.jpg" alt="4.jpg"></figure>&nbsp;<figure class="image"><img src="https://knadmin.beoblood.kz/uploads/1_1_21f855dead.jpg" alt="1 (1).jpg"></figure>&nbsp;

Республикалық ақындар айтысынан бас жүлдені қызылордалық Мейірбек Сұлтанхан иеленді

<a href="https://kyzylorda-news.kz/">Kyzylorda-news.kz.</a> Жаңа жыл кешіне келіп, бірнеше ән айтып кеткені үшін Қайрат Нұртас 20 мың доллар (9,5 млн теңге) алады. Ал Айқынның корпортивтегі ән айту құны – 1 млн теңге. Алматыда 1 млн теңге алатын әнші басқа қалаларға барғаны үшін 1,5 млн теңге сұрайды. Жабық корпоративтегі Ирина Кайратовнаның қызметі 50 мың доллар (23,5 млн теңге) тұрады, деп жазды <a href="https://ulysmedia.kz/">Ulysmedia.kz</a>.40 минуттық қызметі үшін Ninety One 10 млн теңге алады. Скриптониттің бағасы «сойқан» - әнші бір дегенде 80 мың доллар немесе 40 млн теңгеге ғана келеді екен. Ал Димаш Құдайберген 300.000 еуро немесе 150 млн теңгеге ән айтып береді. Грэмми иесі әйгілі Imanbek мұндай ұсыныстарға сирек келіседі.Егер сіз жұлдызды басқа қалаға апарғыңыз келсе, оның жол ақысын да көтересіз. Дегенмен, отандық эстраданың кейбір майталмандары өзінің жайлы жағдайына өте мұқият қарайды. Мысалы, Ирина Кайратовна рэп әртістерінің командасы қажетті жағдайдың тізімін белгілеп қойған: оларды бизнес-класс рейстерімен тасып, алдын ала орнатылған Sony PlayStation 5 ойын консольдері бар люкс бөлмелерді әзірлеу керек, қонақ үйлер кемінде 5 жұлдызды болуы тиіс. Қалада болған уақытында олар Mercedes Benz S, V класс, Range Rover, Cadillac Escalade, BMW 7, X7, LEXUS 570 (2018 жылдан асқан емес) көліктерімен ғана жүреді.Дәл сондай талапты Ninety Onе тобы да қояды. Олар гример бөлмесі мен көліктердегі градус мөлшері 26 болуын талап етеді екен.Егер жаңа жыл кешіне әншілерді жалдай алмасаңыз, онда Аяз ата мен Ақшақарды шақыруға болады. Event-агенттіктері ұсынатын жаңа жылдық корпоративтік кештердің стандартты пакетіне жүргізуші, музыкалық топ, интерактивті іс-шаралар, Аяз ата мен Ақшақардың келбеті, сондай-ақ модельдік агенттіктердің тамаша қыздарының қонақтарды қарсы алуы кіреді. Тек осындай фестивальді ұйымдастыру үшін 300 000 теңгеден және одан да көп ақша төлеуге тура келеді.Шоуменнің танымалдылығына және аудиторияның көңілін көтеру қабілетіне байланысты жүргізушілерге арналған баға әртүрлі. Құны бір кешке 400 000 теңгеден 1,5 миллион теңгеге дейін барады.Стандартты музыкалық ансамбльдер, топтар, бишілер мен шағын оркестрлерді де жалдау құны қомақты – 1,5 миллион теңгеге дейін барады. &nbsp;

Жұлдыздар жаңа жылдық кеш үшін қанша сұрайды?

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 27 желтоқсан, сейсенбіге арналған ауа райы болжамын ұсынды.&nbsp;Қазақстан аумағының басым бөлігінде антициклон әсерінен жауын-шашынсыз ауа райы сақталады.Атмосфералық фронттардың әсерінен елдің оңтүстігінде жауын-шашын (жаңбыр, қар) жауады.Еліміздің қиыр солтүстігінде аздаған қар жауады.Республиканың батысында, солтүстігінде, оңтүстігінде тұман түседі, елдің оңтүстігі мен шығысында жел күшейеді.

Қазақстан және Қызылорда облысының жаңалықтары