<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сырдария ауданына арнайы барып, ардагер ұстаз Сұлупан Шамшадиноваға Мемлекет басшысының Алғыс хатын табыстады.Теренөзек кентінің тұрғыны Сұлупан Шамшадинқызы ел Президенті болып Қасым-Жомарт Кемелұлы Тоқаев &nbsp;сайланғанда қуанышын ашық хат жазып жеткізген болатын. &nbsp;Ақ жаулықты ана өз хатында Мемлекет басшысына жаңа Әділетті Қазақстан құру идеясын іске асыру жолында сәттілік тілеп, Сыр елі жұртшылығының атынан ыстық ықыласы мен қолдауын білдірді.&nbsp;<blockquote>«Мен қасиетті Сыр елінде туып-өсіп, киелі Сырдария өзенімен аттас Қызылорда облысы, Сырдария ауданы, Тереңөзек кентінде бүкіл саналы ғұмырым өтуде. 40 жыл ұстаздық еткен абзал ана ретінде ұрпағымыздың болашағы қандай болады деген сауал үнемі мазалайтын. Елде орын алған дүрбелең, әлемді жайлаған пандемия елді қажытып жібергені рас. Міне, биыл өткен Президентт сайлауында ұсынған бағдарламаңыз осынау қиыншылықтардың барлығы артта қалғанына көзімізді жеткізгендей. Еліміздің болашағын айқындайтын маңызды шешім қабылдадыңыз. Әрине, бұл өте дұрыс әрі мезгілінде қабылданған бағыт-бағдар деп есептеймін. Көзі ашық, көкірегі ояу еліміздің бір азаматы ретінде еліміздегі жаңалықтардан хабардар болып отырамыз. Әсіресе, аймақтағы жаңалықтар мен туған өлкеміздің даму көрсеткіштері көңілді қуантады», – делінген ашық хатта.</blockquote>Аймақ басшысы Президенттің алғысына бөленген ұлағатты ұстазды құттықтап, оған белсенді азаматтық ұстанымы мен туған жеріне деген жанашырлығы үшін ризашылығын білдірді.Сұлупан Шамшадинова саналы ғұмырын өскелең ұрпақты тәрбиелеуге арнады. Ағартушылық қызметін шеберлікпен атқарумен қатар, қоғамдық-саяси жұмыстарға да белсене қатысты. Ауылдық кеңес депутаты, аудандық бақылау тобының, «Сыр ана» әжелер ансамбілінің мүшесі болып, өзіне тапсырылған басқа да жұмыстарды атқарды, әлі де ауданның қоғамдық өміріне белсенді атсалысып келеді. Ұстаз есімі «Ай дидарлы аналар», «Сырдария, Сырдария-Тереңөзек», «Сыр өңірінің мәдениеті» атты кітаптарға енді. Өмірлік жары Бақытжан Сауытбаевпен бірге 54 жыл отасып, бес бала өсіріп, тәрбиелеген. Перзенттері жоғарғы білім алып, әрқайсысы бір-бір отбасы болып, еліміздің дамуына үлес қосып келеді.Ел болашағы – жас ұрпақты оқыту мен тәрбиелеуде елеулі жетістіктерге жеткен, білімін, тәжірибесін, күш-жігерін өскелең ұрпақ игілігіне жұмсаған, аудандағы қоғамдық жұмыстарға араласып, белсенділік танытқан, туған жердің әлеуметтік-экономикалық дамуына ерекше үлес қосқан ардагер-ұстазға «Қазақ ССР халық ағарту ісінің озық қызметкері», «Аға мұғалім» атағы беріліп, бірнеше рет министрліктің, облыс, аудан әкімінің «Құрмет грамоталары» мен «Алғыс хаттар», «Еңбек ардагері» төсбелгісі табысталған.<figure class="image image_resized" style="width:100%;"><img src="https://knadmin.beoblood.kz/uploads/332490640_579936554043707_8212806495975962028_n_9e465df131.jpg" alt="332490640_579936554043707_8212806495975962028_n.jpg"></figure>Айта кетейік, аймақ басшысы Сырдария ауданына жұмыс сапары кезінде Тереңөзек кенті А.Алиакбаров көшесінде орналасқан көпқабатты тұрғын үй аулаларын абаттандыру жұмыстарымен танысты. Мердігер мекеме «Асанас-Дар» ЖШС өткен жылы желтоқсан айында тұрғын үйлер аумағын жөндеп, қалпына келтірді.Мұнан бөлек, облыс әкімі аудан орталығындағы «Углесбыт» ЖШС күріш ақтау зауытының жұмысын көрді. Кәсіпорын тәулігіне 100 тонна күріш өндеуге қауқарлы, мұнда 30 адам жұмыспен қамтылған. &nbsp;<figure class="image image_resized" style="width:100%;"><img src="https://knadmin.beoblood.kz/uploads/332329168_671424958117532_2657751376246549462_n_e75e4018ff.jpg" alt="332329168_671424958117532_2657751376246549462_n.jpg"></figure><figure class="image image_resized" style="width:100%;"><img src="https://knadmin.beoblood.kz/uploads/332356669_784083772571201_1040538548134704547_n_7b4ae2cbb7.jpg" alt="332356669_784083772571201_1040538548134704547_n.jpg"></figure>

Нұрлыбек Нәлібаев ардагер ұстазға Президенттің алғыс хатын табыстады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен Қызылорда қаласының сәулеттік келбетін көркейту жөніндегі мәжіліс өтті.Қазақстандық урбанистер қауымдастығының төрағасы Ерлан Аукенов және «ENVICON» жауапкершілігі шектеулі серіктестігінің директоры Роман Шнайдерман облыс орталығының қоғамдық кеңістіктерін тиімді пайдалану бойынша әзірлеген ұсыныстарын таныстырды. Атап айтқанда, қала көшелері мен көпшілік жиналатын орындарды көгалдандыру, барлық тұрғындар үшін ыңғайлы демалыс аймақтарын қарастыру және жаяу жүргіншілердің кедергісіз қозғалуына жағдай жасау мәселелері қаралды.Аймақ басшысы Сыр елінің бас шаһарын көркейту бағытында атқарылған жұмыстар үшін алғыс білдірді. Облыс әкімінің бірінші орынбасары Серік Қожаниязов пен қала әкімі Асылбек Шаменовке тиісті сала басшылары ұсынған жобаларды бірлесіп қарап, &nbsp;нақты ұсыныс беруді тапсырды.&nbsp;Еске салсақ, өткен айда Қазақстандық урбанистер қауымдастығының төрағасы Ерлан Аукенов пен «ENVICON» ЖШС директоры Роман Шнайдерман Қызылорда облысына жұмыс сапарымен келіп, дамыған мемлекеттердің қалаларды көркейтудегі озық тәжірибелерін таныстырған болатын. Сол жиында Қызылорда қаласының даму перспективалары талқыланды.Бұған дейін Қазақстандық урбанистер қауымдастығы Атырау, Ақтөбе, Ақтау, Павлодар, Шымкент, Тараз және басқа да қалаларды көркейтуге бағытталған жобаларды әзірлеген.&nbsp;

Қызылорданы көркейту мәселелері талқыланды

<a href="https://kyzylorda-news.kz/">Kyzylorda-news.kz.</a> Атлантикалық циклон жырасының және онымен байланысты атмосфералық ағындардың әсерінен бүгін еліміздің басым бөлігінде күн құбылмалы болады, деп хабарлайды Қазгидромет.Нақтырақ айтқанда, қар жауып, бұрқасындатады. Батыс және шығыс аудандарда және оңтүстікте жаңбыр мен қар жауады. Тек еліміздің оңтүстік-шығысында және оңтүстігінде ғана күн жауын-шашынсыз болады. ҚР бойынша көктайғақ болып, жел күшейеді, тұман түседі.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысының Жалағаш аудандық ауруханасында ревматоидты артритпен, Бехтерев ауруымен ауыратын пациенттерге көмек көрсетіледі. Консультация алу және емдеу үшін мұнда басқа аудандар мен облыс орталығының тұрғындары жүгінеді.Арал ауданы Сексеуіл кентінің тұрғыны Жансая Ақылбекова Жалағаш аудандық ауруханасына буындары қатты ауырып түсті. 50 жастағы әйел ревматоидты артритпен есепте тұрады. Бұл ең алдымен буындарға әсер ететін созылмалы жүйелі аутоиммунды ауру.<blockquote>«Облыс орталығына қарағанда жақын орналасқандықтан бұрын Ақтөбеде ақылы түрде зерттеп-қараулар мен емдеу жүргізілетін. &nbsp;Мен жұмыссызбын және міндетті әлеуметтік медициналық сақтандыру жүйесінде сақтандырылған жоқпын. Бірақ учаскелік дәрігер МӘМС мүмкіндіктері мен артықшылықтарын түсіндірді. Содан кейін БӘТ ай сайын, облыс орталығының тұрғындары үшін 3 450 теңге, қалғандары үшін –1 725 теңге төлей бастады. Мені Жалағаш аудандық ауруханасына емделуге жіберуді өтіндім, өйткені мұнда тәжірибелі ревматологтар жұмыс істейді, енді маған қымбат зерттеп-қараулар, дәрі — дәрмектер қолжетімді», - дейді Жансая Ақылбекова.</blockquote>Арал ауданының тағы бір пациенті Нұрлан Ахметовке үш жыл бұрын Алматы дәрігерлері Бехтерев ауруына шалдыққан. Бұл омыртқааралық буындардың зақымдануы болатын жүйелік ауру. Нәтижесінде омыртқа бағанының аймақтары қозғалғыштығын толығымен жоғалтады. 43 жастағы ер адамға Жалағаш дәрігерлері созылмалы аурудың ағымын бәсеңдету үшін қажетті ем жүргізуде.<blockquote>«Әр түрлі клиникалар мен ауруханаларда ем қабылданды, бірақ нәтиже болмады. Осы емдеуден кейін омыртқаның қатты ауыруы мазасыздықты тоқтатады деп үміттенемін. Дәрігерлерге және аурухананың барлық медицина қызметкерлеріне рахмет», - дейді тұрғылықты жері бойынша тегін ем алатын Н.Ахметов өзінің пірімен бөлісті.</blockquote>Жалағаш аудандық ауруханасының бас дәрігері, ревматолог Еркебұлан Мақсұтовтың айтуынша, осы ауруларды емдеуге консультация алу үшін басқа аудандардың, сондай-ақ облыс орталығының тұрғындары жүгінеді. Аудандық ауруханада пациенттерді диагностикалау және емдеу үшін жабдықтар мен білікті кадрлар бар. 2022 жылы Жалағаш аудандық ауруханасында ТМККК және МӘМС шеңберінде барлығы 10 мыңнан астам адам ем алды.

Жалағаш аудандық ауруханасында күрделі диагнозы бар пациенттер ем алуда

<a href="https://kyzylorda-news.kz/">Kyzylorda-news.kz.</a> Биылғы жылдың 1-наурызынан бастап кезекші Халыққа қызмет көрсету орталығы Астана көшесі 46 мекен-жайындағы №2 Цифрлық кеңсе болатынын хабарлайды.&nbsp;Өзгеріс енгізілгеннен бастап аталған Цифрлық ХҚО дүйсенбі мен жұма аралығында таңертең сағат 9:00-ден сағат 20:00-ге дейін үзіліссіз, сенбі күні сағат таңертең 9:00-ден түскі 13:00-ге дейін қызмет көрсетеді.Ал, 1-наурыздан бастап Ғ.Мұратбаев көшесі 2Е мекен-жайынжағы №1 ХҚО 5 күндік жұмыс тәртібіне көшіп, таңғы сағат 9:00-ден кешкі 18:00-дейін үзіліссіз жұмыс істейтін болады.

Қызылордада кезекші ХҚО-ның мекенжайы өзгереді

<a href="https://kyzylorda-news.kz/">Kyzylorda-news.kz.</a> Бүгін Қызылжарма ауылдық округінің әкімі Медет Сейілов өткен жылы Қызылжарма ауылдық округінде атқарылған жұмыстар туралы баяндады.&nbsp;Өткен жылы ауылдық округтегі 17 көшеге тас төселіп, Әл-Фараби көшесінен Қарауылтөбеге баратын 1,6 шақырым жолға асфальт төсеу жұмыстары жүргізілді. Сонымен қатар, шет аймақта орналасқан 12 көшеге 400-ге жуық электр бағаналары мен Қызылжарма-1 және Қызылжарма-2 тұрғын аудандарына 6 жинақтық трансформаторы орнатылды. Ауылдық округті аяқ сумен қамтамасыз ету мақсатында 3 дана дренажды су бұрғылау ұңғымасы салынып, пайдалануға берілді.<blockquote>«Биыл «Ауыл Ел бесігі» бағдарламасы аясында ауылдағы 23 көшеге асфальт төсеу жұмыстары жүргізілмек. «Өңірлерді дамыту» бағдарламасы аясында Абай көшесінің бас жағына, бұдан бөлек, Қызылжарма-1 және Қызылжарма-2 тұрғын ауданындағы 20 көшеге тас төсеу жұмыстарын жүргізу жалғаспақ. Бұдан бөлек, Сайлыбаев пен Меңлібаева көшелеріне түнгі жарық шамдарын орнату жұмыстары қолға алынады», - деді ауылдық округ әкімі.</blockquote>Ауылдық округте жеке кәсіп бастауды мақсат еткен тұрғындардың басым болуынан өткен жылы ауылда 76 кәсіпкерлік субъектісі ашылып, кәсіпкерлік нысандар саны 446-ға артқан. &nbsp;Түрлі мемлекеттік бағдарламалардың қолдауымен 190 млн. теңгені құрайтын 85 жоба қолдау тауып, соның нәтижесінде 227 адам тұрақты жұмыспен қамтылып отыр. Ал, биыл жеке кәсіпкер Сексенбаев Сұлтанбектің демеушілігімен спорт кешеннің құрылысы бастау алды. &nbsp;&nbsp;Айта кету керек, ауылдық округтегі Батырбаев және Сексенбаев көшелерінің қиылысына бағдаршам орнату мәселесі де өз шешімін тауып отыр, бүгінгі күні мемлекеттік сатып алу конкурсы жарияланды. Мердігер мекеме анықталғаннан кейін бағдаршам орнату жұмыстары басталмақ.

Қызылжарма ауылында 23 көшеге асфальт төселеді

<a href="https://kadry.mcfr.kz/article/1559-olhat-trler-resmdeuge-oyylatyn-talaptar">ФОТО</a><a href="https://kyzylorda-news.kz/">Kyzylorda-news.kz.</a>&nbsp;Елімізде кәмелет жасына толмаған балалар мен жасөспірімдер алыс жолға шыққанда жауапты адам ата-анасының қолхатын алуы тиіс. Оның заңдық күші бар. Бүгінде аталған міндет қайта қаралып, өзгеріс енгізілгелі жатыр. Бұл туралы Әділет вице-министрі Бекболат Молдабеков мәлім етті, деп хабарлайды <a href="https://www.inform.kz/kz/balalarga-beriletin-ata-ana-kolhaty-ozgertilmek_a4037888">ҚазАқпарат</a>.Баспасөз мәслихатында «Өзіңіз білетіндей, балалар ата-әжесі немесе басқа да жақындарымен алыс жолда шыққанда міндетті түрде ата-анасының нотариуспен бекітілген қолхаты талап етіледі. Бұл адамның қолын байлайды. Осы процесті цифрландыру мүмкін бе?», деген сұрақ қойылды.Сауалға Әділет вице-министрі Бекболат Молдабеков пікір білдірді.<blockquote>«Өзекті мәселе шынымен де. Біз бұл мәселені қазір қарап жатырмыз. Басқа мемлекеттерге қалай шешіліп жатыр деген сияқты. Келесі бір кездесуде сіз көтерген мәселеге қатысты жақсы бір ұсыныспен шығамыз деп ойлаймын», – деді министрдің орынбасары.</blockquote>Бұған дейін Бекболат Молдабеков хабарлағандай, соңғы екі аптада 440 жұп мобильді қосымша арқылы неке қидырған.Оның айтуынша, неке қиюдан басқа да мемлекеттік қызметтер бойынша мобильді қосымшаның көмегіне жүгінуге болады.

Балаларға берілетін ата-ана қолхаты өзгертілмек

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорына МӘМС жүйесіне артық немесе қате төленген жарналарды қалай қайтаруға болады деген сұрақпен турғындар жиі жүгінеді. Бұл сауалға Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова жауап берді.Қор маманы түсіндіргендей, егер БЖТ төлеу кезінде артық төлем жасалса немесе деректерді енгізу кезінде қате болса, «Азаматтарға арналған үкімет» мемлекеттік корпорациясына өтініш жазып, төлемді растайтын құжаттарды қосу қажет.&nbsp;Өтінішті қарау 15 жұмыс күнінен аспайды. Төлем қандай түрде жүргізілсе, дәл солай қайтарылады.&nbsp;Спикер егер дербес төлеуші алдағы 12 айға төлем жасаған кезде абайсызда бір айды БЖТ төлемі ретінде төлеп жіберсе, бұл азамат сақтандыру мәртебесін ала алмайтынын атап өтті. Ол үшін дербес төлеуші ретінде сол айға төлем жасап, қателесіп төлеген ақшаны жоғарыда көрсетілген әдіспен қайтарып алуға болады.&nbsp;Сонымен қатар БЖТ төлейтін азаматтар жеке кәсіпкер ретінде тіркелген кезде автоматты түрде БЖТ төлеушілер тізімінен шығады да, кейін бұл төлем түрін төлей алмайды. Әрі қарай бұл азаматтар жарналар мен аударымдарды жеке кәсіпкер ретінде жасай беруі керек. Естеріңізге сала кетейік, дербес төлеушілер үшін 2023 жылы жарна сомасы 3 500 теңгені құрайды (1 ЕТЖ-дан 5%). Республикалық, облыстық маңызы бар қалалар мен Астана үшін БЖТ сомасы - 1 АЕК (3 450 теңге), ал басқа елді мекендердің тұрғындары үшін - 0,5 АЕК (1 725 теңге).МӘМС жарналарды қайтару мәселелері бойынша мына мекенжайлар бойынша хабарласуға болады: Қызылорда қ., № 1 орталық ХҚКО, Ғ. Мұратбаев к-сі, 2 Е, №2 каб, байланыс телефондар: 8 (7242) 55 10 30, 55 10 35; №2 қалалық зейнетақымен қамсыздандыру бөлімшесі (Облсобес ғимараты), А. Бекзатхан к-сі, 47, № 2 кабинет.<figure class="image image_resized" style="width:100%;"><img src="https://knadmin.beoblood.kz/uploads/Kak_vernut_oshibochno_uplachennye_kaz_c377b87a87.jpg" alt="Как вернуть ошибочно уплаченные каз.jpg"></figure>

МӘМС жүйесіне артық немесе қате төленген жарналарды қалай қайтаруға болады?

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда медициналық колледжі ұжымымен кездесіп, үгіт насихат жұмыстарын жүргізген «АMANAT» партиясы Қызылорда облыстық филиалы атынан облыстық мәслихатқа үміткерлер Раушан Базарбай мен Мұрат Жұмаділаев жетекші партияның денсаулық сақтау саласы бойынша алдағы атқарлатын жұмыстары атап өтті.&nbsp;Кездесуде сөз алған үміткер Раушан Базарбай ең алдымен медицина саласының дамуын жетілдіріп, ауыл халқының денсаулығын жақсартудың маңыздылығына тоқталды.<blockquote>Медицина саласы еліміздегі ең күрделі әрі жауапты сала. Халық денсаулығы қоғам байлығы. Осы мақсат жолында «АMANAT» сенімге құрылған адалдық партиясы ретінде алдағы 5 жылда «Халықпен бірге!» деп аталатын Сайлауалды бағдарламасында денсаулық сақтау саласын түбегейлі жақсартуды мақсат етіп отыр. Ол үшін: кезең- кезеңімен қаржыландыруды ұлғайтуға, денсаулық сақтау саласы қызметкерлерін мемлекеттің қамқорлығына кіруіне кепілдік беріп, олардың мәртебесін заңнамалық түрде бекітіп, жұмыс жағдайын жақсартауға ықпал етпек. Сондықтан партия мүшесі ретінде Сіздер артқан сенім үдесінен көрінуге уәде етемін. «Халық сөйлесін» жобасы аясында арнайы жұмысшы топ әрбір аймақ, әрбір тұрғынның мәселесін мұқият зерделеп, оның тиісті дәрежеде орындалуын толыққанды қамтамасыз етеді. Сіздерді 19 наурызда «АMANAT» партиясын қолдап, дауыс беруге шақырамын.Сіздердің әрбір ұсыныс-тілектеріңіз ескерілетінін жеткізгім келеді, – деді Раушан Базарбай.</blockquote>Ал, үміткер Мұрат Жұмаділдаев партия қолдауымен алдағы уақыттарда облыста 30 медициналық нысан пайдалануға берілетіндігін атап өтіп, сайлаушыларды әділ және дұрыс таңдау жасауға шақырды.Кездесуге партия атынан бір мандаттық сайлау округі бойынша облыстық мәслихатқа үміткер Мағжан Ералиевте қатысып, өзінің сайлауалды бағдарламасымен таныстырды.Жиын қорытындысында студенттер мен колледж оқытушылары сауалдарын қойып, сайлау науқанында белсенділік танытатындарын жеткізді.Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<figure class="image"><img src="https://knadmin.beoblood.kz/uploads/1f28a2d8_3a18_43d0_a7a6_020dda3f0667_c278959495.jpg" alt="1f28a2d8-3a18-43d0-a7a6-020dda3f0667.jpg"></figure>&nbsp;<figure class="image"><img src="https://knadmin.beoblood.kz/uploads/20d816d1_7e28_45f1_8048_acdd55769091_7b679db4ca.jpg" alt="20d816d1-7e28-45f1-8048-acdd55769091.jpg"></figure>

«AMANAT»: Өңірде 30 медициналық нысан салынады

<a href="https://kyzylorda-news.kz/">Kyzylorda-news.kz.</a> Елімізде еш жерде ресми жұмыс істемей, алайда табыс табатын азаматтар жетерлік. Олар зейнетақы мен медициналық сақтандыру қорына ақша аудармайды. Үкімет мұндай азаматтарды өзін-өзі жұмыспен қамтығандар дейді. Оның ішінде бала күтуші, фрилансерлер, такси жүргізушілер, қорадағы азын-аулақ малын сатып, табыс табатын өзге де қазақстандықтар бар. Дәл осы азаматтарға бірыңғай жиынтық төлем (БЖТ) төлеу тиімді әрі ыңғайлы. Ол төрт түрлі төлемді – жеке табыс салығын, зейнетақы қорына, әлеуметтік сақтандыру қорына және медициналық сақтандыру қорына аударылатын жарналарды біріктіреді.&nbsp;БЖТ-ны тағы кімдер төлей алады, сақтандыру мәртебесінен айрылмау үшін оны қалай дұрыс төлеу керек және тағы басқа ньюанстарды Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов айтып берді.БЖТ-ны кімдер және не үшін төлейді?Бірыңғай жиынтық төлем өзін-өзі жұмыспен қамтыған азаматтарға жеке кәсіпкер ретінде тіркелмей-ақ, өз ісін заңдастыруына және зейнетақымен қамсыздандыру, әлеуметтік және медициналық сақтандыру жүйелерінің толыққанды қатысушысы болуға мүмкіндік береді. &nbsp;Салық кодексінің 774-бабына сәйкес, келесідей шарттарды орындайтын кәсіпкерлер БЖТ төлеуші бола алады: – жалдамалы жұмыскерлердің еңбегін пайдаланбайтын; – жеке тұлғаларға қызмет көрсететін немесе оларға жеке қосалқы шаруашылықтың өнімдерін сататын. Осы ретте, БЖТ төлеуші мәртебесін алу үшін жеке тұлғаның табыс мөлшері жылына &nbsp;1 175 АЕК-тен аспауы тиіс. Демек, бұл cома 2023 жылы 4 053 750 теңгеге тең. Егер бір жыл ішінде табыс осы көрсеткіштен асып кетсе, бұл азамат жеке кәсіпкер ретінде тіркелуге міндетті болады. БЖТ келесі қызмет түрлерімен айналысатын адамдарға жарамды: – тапсырыс бойынша тігін тігу, тоқу; – өз пәтерін жалға беру; – көкөністер мен жемістерді өсіру және сату, үйде кондитерлік және т.б өнімдер жасап сату (сауда нысандарының аумағында емес); – омарта ұстау; – жеке қосалқы шаруашылықтан ет және сүт өнімдерін сату.Ал келесі жағдайларда БЖТ төлеуші бола алмайды:&nbsp; – сауда орталықтары аумағында қызмет көрсететін жеке тұлғалар; – жеке практикамен айналысатын адамдар (нотариустар, адвокаттар, жеке сот орындаушылары және т.б.); – тұрғынжайды қоспағанда, мүлікті жалға (жалдауға) беретіндер;&nbsp; – қандастарды қоспағанда, шетелдіктер мен азаматтығы жоқ тұлғалар;&nbsp; – жеке кәсіпкер ретінде тіркелген тұлғалар. &nbsp;БЖТ төлеуші ретінде тіркелудің артықшылығы неде? Өзін өзі жұмыспен қамтыған азаматтарды БЖТ төлемегені үшін қандай да бір жауапкершілікке тарту шарасы қарастырылмаған. Алайда, өзін-өзі жұмыспен қамтыған адам бірыңғай жиынтық төлемнің бір айын уақытылы &nbsp;төлемесе, сақтандыру мәртебесінен айрылады. Сондықтан ай сайын төлем уақытын өткізіп алмау маңызды немесе алдағы кезеңдерге алдын ала төлем жасау керек.Бұл азаматтар салық органында тіркеуде болмаса зейнетақы және әлеуметтік қамсыздандыруға қауқарсыз болады. Ал БЖТ төлемі осы мәселелерді оңтайлы шешеді. Оған қоса патент немесе «жеңілдетілген» режиммен салыстырғанның өзінде ай сайынғы салық жүктемесінің мөлшері көп емес.&nbsp;Жарнаның төмен мөлшері. Жалпы БЖТ-ға мыналар кіреді: 10% – жеке табыс салығы (ЖТС); 20% – әлеуметтік аударымдар (ӘА); 30% – міндетті зейнетақы жарналары (МЗЖ); 40% – міндетті медициналық сақтандыруға аударымдар (МӘМС).&nbsp;Бірыңғай жиынтық төлем төлеу ауылдық аймақтарда тұратын азаматтарға тиімді. Себебі олар ай сайын 1725 теңгеден &nbsp;(1725*12=20700) төлеп, МӘМС аясында &nbsp;барлық медициналық қызмет түрін &nbsp;шектеусіз алады. Яғни қажетті тексерулерден өтіп, оған жүздеген мың, тіпті миллиондаған теңгеге операция жасай алады, оңалту курсынан өтіп, амбулаториялық негізде дәрігердің бақылауында болады. Бұл жерде пациент аталған медициналық қызметтер үшін қосымша төлем жасамайды. &nbsp;Яғни, әрбір сақтандырылған адам аударған жарна мөлшеріне қарамастан, медициналық қызметтерді толық көлемде уақтылы алуға құқылы.Бірыңғай жиынтық төлем бір айлық есептік көрсеткіш көлемін құрайды. Осы жылы елімізде АЕК мөлшері – 3 450 теңге. Осыған орай, республикалық және облыстық маңызы бар қала тұрғындары ай сайын 3 450 теңгеден, ал басқа елді мекендердің азаматтары 1 725 теңге, яғни 0,5 АЕК.&nbsp; Осылайша, ай сайын 0,5/1 АЕК сомасын төлеп, тұлға өз қызметін толығымен заңдастырып қана қоймай, болашақ зейнетақыны (базалық зейнетақы төлемін) қамтамасыз етеді және Мемлекеттік әлеуметтік сақтандыру қорынан (ГФСС) сақтандыру төлемдерін алуға құқылы болады. Яғни:&nbsp; – еңбек ету қабілетінен және асыраушысынан айырылған жағдайларда;&nbsp; – жүктілік және босану; – бала асырап алу; – 1 жасқа дейінгі бала күтімі.БЖТ-ны қалай төлеуге болады?МӘМС жүйесінде «САҚТАНДЫРЫЛҒАН» болу үшін 3 ай қатарынан БЖТ төлем болу керек. Төлем 3 ай енгізілгеннен кейін ғана мәртебе беріледі. Мысалы, қазір бір азамат ақпан айына БЖТ төлесе, мәртебе бірден берілмейді. Яғни оның сақтандыру мәртебесі 3 ай қатарынан (ақпан, наурыз, сәуір) БЖТ төлемі түскен кезде, демек сәуірде ғана іске қосылады.&nbsp; Ал енді мамыр айында қандай да бір себептермен төлем жасалмай қалса, сақтандыру мәртебесінен айрылады. Оның қайта іске қосылуын тағы 3 ай күту керек: мамыр, маусым, шілде айлары БЖТ төлеп, шілдеде сақтандырылған мәртебесін ала алады.&nbsp; Яғни, медициналық сақтандыру мәртебесін жоғалтпау үшін бұл төлем түрін ай сайын жасау керек немесе өткізіп алмау үшін алдағы айлар үшін алдын-ала төлем жасауға болады. Төлем Қазақстанның кез келген банкінде, банктердің мобильді қосымшалары арқылы және «Қазпошта» бөлімшелерінде қабылданады. Төлем жасау кезінде ақша аударылатын тұлғаның ЖСН, төлем жасалатын айды көрсету керек.Жүкті және босанған аналардың назарына!Ресми жұмыс істемейтін әрі тиісті аударымдары жоқ көптеген жүкті әйелдер жеті ай бойы арнайы БЖТ төлем жасайды. Бұл оларға бала күтімі бойынша бір жарым жасқа дейінгі әлеуметтік төлемдерді алу үшін құжат тапсыруға мүмкіндік береді. Бұл жағдайда әйел «Жұмыс істемейтін жүкті әйел» жеңілдік санатынан шығарылады, себебі жүйе оның БЖТ ішіндегі аударымдарын көреді және ол табыс табатын адам болып есептеледі. Ал жеті ай бойы БЖТ жасаған азаматшаның сегізіншісінде төлемі болмаса, ол сақтандыру мәртебесінен айрылады.&nbsp; Осы кезде ол екі жолдың бірін таңдай алады: 1) өзін өзі жұмыспен қамтыған азамат ретінде сақтандыру мәртебесін сақтау үшін БЖТ төлеуді жалғастыра беруі керек; 2) ал келесі жағдайда ол БЖТ-ны екі ай төлемесе, жеңілдік санатына кіреді де, сақтандыру мәртебесін алады (жүйе оның аударымдары жоқ екенін көреді, яғни ол жұмыс істемейді деп есептеледі). Екінші жағдайда ол сақтандыру мәртебесін алғанға дейін осы екі ай ішінде МӘМС аясында медициналық көмек ала алмайды. Бірақ қажет болған жағдайда ол тегін медициналық көмектің кепілді көлемі аясында шұғыл көмекке жүгіне алады.Егер тағы да басқа сұрақтар туындап жатса, сіз өз емханаңыздағы «Пациенттерді қолдау қызметіне» жүгіне аласыз. Ал ол жерден мардымды жауап ала алмасаңыз, Әлеуметтік медициналық сақтандыру қорының келесідей байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Осы құралдар арқылы сақтандыру мәртебесін тексеруге болады. Сондай-ақ медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтындағы (egov.kz) «Денсаулық сақтау» бөлімінде «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы білуге болады.&nbsp; &nbsp;

 Сақтандыру мәртебесін жоғалтпау үшін БЖТ-ны  қалай дұрыс төлеу керек?

<a href="https://kyzylorda-news.kz/">Kyzylorda-news.kz.</a>&nbsp; Жалпы білім беретін пәндер бойынша республикалық олимпиаданың желілік кезеңінің қорытындысы бойынша Қызылорда қаласындағы Назарбаев Зияткерлік мектебінің 8 оқушысы жүлдегер атанды.Атап айтқанда, жаратылыстану-математикалық бағыт бойынша Санжар Наят (жетекшісі Гүлнұр Беимбетова) биологиядан және Алмас Аскербаев (София Тобылбаева) физикадан сайысқа түсіп, үшінші орынды жеңіп алса, Әділхан Жантурин (жетекшісі Сәуле Шажанбаева) биологиядан мықтылығын дәлелдеп, жүлдегерлер тұғырының екінші сатысына көтерілді. Қазақ тілі білгірлері арасында Үміт Сұлтанаева (жетекшісі Гүлзат Шынтасова) мен Айя Сердалы (жетекшісі Гаухар Мананбай) және орыс тілінен Сая Ибайдулла (жетекшісі Жанар Омарова) оза шауып, жүлделі екінші орынды иемденді. Ал Інжу Нұрсейіт (жетекшісі Айнұр Бекеева) ағылшын тілінен бақ сынасып, үшінші орынмен марапатталды. «Құқық негіздері» пәнінен Жібек Кучербаева (жетекшісі Нұркен Абджалиев) жоғары білім көрсетіп, екінші орынды жеңіп алды.

Сырбойылық зияткерлер олимпиада жүлдегерлері атанды

<a href="https://kyzylorda-news.kz/">Kyzylorda-news.kz.</a> Әлі де болса автокөлік сатушылар мен сатып алушылар онлайн рәсімдеудің оңай жол екенін ескере бермейді. Сондықтан қала шетіндегі Мамандандырылған халыққа қызмет көрсету орталығына барып, уақыт жоғалтады. Сол себепті, автокөлікті сату мен сатып алудағы жеңіл әрекетті есте сақтаңыз.Егер сіз автокөлікті сататын, немесе сатып алатын болсаңыз оны онлайн рәсімдеудің екі жолы бар. Көлік өз атыңызда болса egov.kz порталы арқылы мәселеңізді жедел шеше аласыз. Ол үшін ЭЦҚ арқылы порталға кіріп, «Көлік және коммуникациялар» бөлімі арқылы қызметке тапсырыс бересіз. Бұл сіздің небары 10-15 минут қана уақытыңызды алады.Ал, екінші жол – ол бәріміз қолданатын Kaspi.kz қосымшасы. Қосымша ішінде «Мемлекеттік қызметтер» бөлімі арқылы көлік құралын рәсімдеуге болады. Осы қосымша арқылы Мамандандырылған ХҚО-ға бармай-ақ, Астана көшесі 46 мекен-жайында орналасқан Цифрлық кеңседен көліктің құжаты мен мемлекеттік номерін ала аласыз.Аймақта жыл басынан бері 4 732 көлік құралы бойынша тіркеу және тіркеуден шығару қызметі көрсетілген. Олардың ішінде 48 көлік egov.kz порталы арқылы, 1936 көлік Kaspi.kz қосымшасы арқылы рәсімделген.&nbsp;

Қазақстан және Қызылорда облысының жаңалықтары