<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағановтың төрағалығымен аймақтағы білім беру ұйымдарының қауіпсіздігі бойынша селекторлық мәжіліс отырысы өткізілді.Жиынға аудан әкімінің орынбасарлары, құқық қорғау органдарының өкілдері, білім, денсаулық сақтау саласының басшылары, мектеп және колледж директорлары, балабақша меңгерушілері қатысты.Күн тәртібінде білім беру ұйымдарындағы қауіпсіздік шараларын алдын алу, бейнебақылау мен дабыл түймелерімен толық қамтамасыз ету мәселелері қаралды.Мәжілісте облыстық білім басқармасының басшысы М.Шермағанбет және полиция департаменті жергілікті полиция қызметі басқармасының бастығы Б.Ибраев білім беру ұйымдарындағы қауіпсіздігі бойынша баяндама жасаса, денсаулық сақтау басқармасы басшысының орынбасары М.Мирзанова мүмкіндігі шектеулі балаларды білім беру ұйымдарына жолдау мәселесіне тоқталды.Облыс әкімі орынбасары Нұрымбет Аманұлы Президент тапсырмасына сәйкес, барлық білім беру ұйымдарының қауіпсіздігін 100% келтіру қажеттігін, білім нысанын инженерлік-техникалық жабдықталуын министрліктің №117 бұйрық талаптарына сәйкестендіру қажеттігін ерекше атап өтті.<blockquote>«Білім беру ұйымдарының қауіпсіздігінің алдын алу және оған жол бермеу мақсатында барлық білім беру ұйымдарында тоқсан сайын түсіндірмелік сабақтар ұйымдастыру, жасөспірімдердің білім нысандары аумақтарына әкелуге тыйым салынған заттарын алып өтуін қатаң бақылау, білім беру ұйымдарының қауіпсіздік жағдайына бірлесіп зерделеу жүргізу қажет. Сонымен қатар, денсаулық сақтау саласы бойынша &nbsp;мүдделі мекемелермен бірлесіп білім ұйымдарында білім алатын ерекше күтім қажет ететін, есепте тұратын балалармен тиісті шаралар қабылдау қажет», - деді облыс әкімінің орынбасары.</blockquote>

Қызылордада білім беру ұйымдарының қауіпсіздігі күшейтіледі

<a href="https://kyzylorda-news.kz/">Kyzylorda-news.kz.</a> Қызылордада 41 жастағы әйел бір күннен бері хабарсыз кетті. Бұл туралы Қызылорда қалалық полиция басқармасы хабарлады.&nbsp;Қызылорда қаласында тұратын 41 жастағы азаматша Өтегенова Нұргүл Қарасайқызы 21 ақпанда үйінен белгісіз бағытқа шығып кеткен. Содан кейін үйіне қайта оралмаған.<blockquote>«Осыған байланысты Қызылорда қаласы полиция басқармасы іздеу салады. Азаматша жүйке ауруымен есепте тұрады. Ерекше белгілері: бойы: 1,65 см, орта денелі, шашы - қара түсті, ұзын, көзі - қара түсті. Қызыл түсті бас киімі бар, қоңыр түсті ұзын куртка, қара түсті аяқ киім киген. Аталған хабарлама бойынша қандай да бір ақпарат немесе жүрген жері туралы мәлімет білген жағдайда 7 705 255 8125 8 (7242)-29-75-20 немесе 102 арнасына қоңырау соғуды сұраймыз», - делінген хабарламада.</blockquote>

Қызылордада 41 жастағы әйел жоғалып кетті

<a href="https://kyzylorda-news.kz/">Kyzylorda-news.kz.</a> Бүгін Қазақстан бойынша көктайғақ, тұман болып, жел күшейеді, елдің солтүстігінде жаяу бұрқасын болады, деп хабарлайды Қазгидромет.&nbsp;Атлантикалық циклон жырасының және онымен байланысты атмосфералық ағындардың әсерінен ҚР басым бөлігінде күн құбылмалы болады – қар мен жаңбыр жауады.&nbsp;

22 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда қалалық полиция басқармасының кезекші бөліміне алаяқтың құрбаны болған қала тұрғыны арызданды.25 жастағы жәбірленуші өзінің арызында алаяққа алданғанын көрсеткен. Өткен жылдың шілде айында «медбике қызметіне орналастырып беремін деп уәде еткен танысы 770 мың теңге көлемінде ақшасын алған.Бүгінгі күнге дейін уәде етілген жұмысқа орналастырылу мәселесі шешімін таппағандықтан жәбірленуші полицияға арыздануға мәжбүр болған. Полиция қызметкерлерімен жүргізілген жедел-іздестіру шараларының нәтижесінде 36 жастағы әйел адам ұсталды.Аталған дерек ҚР ҚК-нің 190-бабының 1-бөлігі (Алаяқтық) бойынша сотқа дейінгі тергеп-тексеру әрекеттері жүргізіліп жатыр.

Қызылордада жұмысқа тұрғызуға уәде берген алаяқ ұсталды

<a href="https://kyzylorda-news.kz/">Kyzylorda-news.kz.</a> Бірнеше өңірде су тасқыны болуы мүмкін, деп хабарлайды Қазгидромет.<blockquote>«22-24 ақпан аралығында Түркістан, Жамбыл, Алматы, Жетісу, Қызылорда облыстары, Алматы қаласы маңындағы аймақтарда жаңбыр және жылбысқы қар суы молаяды. Сондай-ақ температуралық фонның жоғарылауына байланысты қарқынды қар еруі, еріген қар және мұздық құбылыстардың әлсіреуі салдарынан өзендерде су деңгейлерінің көтерілуі мүмкін», - делінген хабарламада.</blockquote>

Қазгидромет: Қызылордада су тасуы мүмкін

<a href="https://kyzylorda-news.kz/">Kyzylorda-news.kz.</a> Қызылордада «Қауіпсіз жол» жедел-профилактикалық іс-шарасының бір күнінде 898 құқық бұзушылық анықталды.Облыс көлемінде өтіп жатқан «Қауіпсіз жол» жедел-профилактикалық іс-шарасының бір күнінде жол қозғалысы ережесін бұзудың 898 дерегі, оның ішінде автокөлікті мас күйінде басқарған 5 жүргізуші анықталды.&nbsp;Мәселең, іс-шара аясында полиция қызметкерлері Қызылорда облысы Шиелі ауданында жол жүрісі қағидаларын бұзған жеңіл автокөлігін тоқтатты. Жеке басын анықтау барысында жүргізуші алкогольді спирт ішімдігін ішіп, масаң күйде болғандығы анықталды. Тәртіп бұзушы Қазақстан Республикасының Әкімшілік құқық бұзушылық туралы кодексінің 608-бабының 1-бөлігіне сәйкес 15 тәулікке әкімшілік қамаққа алынып, автокөлігі айып алаңына қойылды.<blockquote>«Жол қозғалысының барлық қатысушыларынан қауіпсіздік ережелерін мүлтіксіз орындауды, заңды сақтауды сұраймын. Қарапайым ережелерді сақтау жолдардағы төтенше жағдайлардың алдын алуға көмектеседі. Әрдайым естеріңізде болсын, Сіздің және айналаңыздағы адамдардың қауіпсіздігі жолдағы тәртіпке байланысты», - деп атап өтті Қызылорда облысы Полиция департаментінің бастығы полиция полковнигі &nbsp;Қожабаев Мұхтар Аманқұлұлы.</blockquote>

«Қауіпсіз жол»: Қызылордада бір күнде 898 құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Биыл аймақ жастарын баспанамен қамту бағытында тиімді тұрғын үй бағдарламалары іске қосылмақ. Соның бірі – «Сыр жастары» жеңілдетілген ипотекалық бағдарламасы 18 бен 35 жас аралығындағы жастарға арналады.Аталған бағдарламаға жас мұғалімдер, дәрігерлер, журналистер, мәдениет және спорт саласының қызметкерлері, әлеуметтік сала мамандары, коммуналдық қызмет, ішкі істер бөлімі және төтенше жағдайлар департаментінің қызметкерлері қатыса алады. Бұл бағдарламаның жүзеге асуына 1,2 млрд.теңге көлемінде қаржы бөлінді. Сонымен қатар биылдан бастап елімізде алғаш рет «Жасыл ипотека» бағдарламасы басталды. Бұл бағдарламаның ерекшелігі – жасыл стандартқа сәйкестендірілген және энергия үнемдейтін тұрғын үй кешендерінен пәтер сатып алуға мүмкіндік қарастырылған. Алғашқы жарнасы 20 пайыз. Бұл туралы Өңірлік коммуникациялар қызметінде өткен брифингте «Отбасы банкі» АҚ Қызылорда облыстық филиалы директорының орынбасары Дастан Тасыбаев хабарлады.&nbsp;<blockquote>«Бүгінде мемлекеттік бағдарламалардың көмегімен баспаналы болып жатқан азаматтар қатары көбейіп келеді. Солардың ішінде мемлекеттік бағдарламалар аясында кезекке тұрған 10 мыңнан астам адам үйлі болса, «Бақытты отбасы» бағдарламасы арқылы 1 247 азаматтың баспана мәселесі оңынан шешілді, ал «Шаңырақ» бағдарламасымен 6 мыңға жуық жанұя жаңа қонысқа көшті. Биыл да жаңа бағдарламалар жүзеге асырылып, жастардың баспаналы болуына үлкен мүмкіндіктер қарастырылмақ. Қазіргі таңда баспаналы болуға ниетті азаматтарға түсіндірме жұмыстары жүргізіліп жатыр. Бұдан бөлек, биыл enpf-otbasy.kz платформасының көмегімен 487 мыңнан астам адам тұрғын үй сатып алу, ипотекалық несиені төлеу немесе емделуге біржолғы зейнетақы төлемдерін пайдаланды», - деді «Отбасы банкі» АҚ Қызылорда облыстық филиалы директорының орынбасары Дастан Нуриддинұлы.</blockquote>

«Сыр жастары» ипотекасы жастарды баспанамен қамтиды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Нұрлыбек Нәлібаев «Құрмет» орденінің иегері, Қызылорда қаласы және Арал ауданының Құрметті азаматы Имамадин Оңғарбаевты 70 жас мерейтойымен құттықтады.Жиында аймақ басшысы Имамадин Зәкірұлының Қызылорда қаласын көркейтуге, инфрақұрылымын дамытуға, шаһар шырайын арттыруға қосқан елеулі еңбегін атап өтіп, мерейтой иесіне ризашылығын білдірді.<blockquote>«Құрметті Имамадин Зәкірұлы, Сізді ақ пейілді Сыр жұртшылығының атынан мерейтойыңызбен шын жүректен құттықтаймыз! Сіз облыс бюджетінің сол кездегі шектеулі мөлшеріне қарамастан, туған жеріне жанашырлықпен қарайтын белді кәсіпкерлерді ортақ іске ұйыстырдыңыз. Қаржы жинап, қаланың қалыпты тыныс-тіршілігін жолға қоюға &nbsp;күш салдыңыз. Жиналған қаржыны ауыз су мен кәріз жүйесін жаңартуға бағыттап, қалпына келтіру ісінде аянып қалмадыңыз. Жылу трассасындағы ірі құбырлардың бәрі қаптаусыз, ашық күйінде қалған кезеңде шұғыл шешім қабылдадыңыз. Жекенің иелігіне өткен коммуналдық кәсіпорындарды қайтарып алуда табандылық таныттыңыз. Осылайша коммуналдық салада қордаланып қалған мәселелердің тамырына қан жүгірген болатын», - деді Нұрлыбек Машбекұлы.</blockquote>Сыр елінің, облыс орталығының өркендеуіне қосқан ерекше үлесі үшін Имамадин Оңғарбаев Қызылорда облысының «Құрмет» грамотасымен марапатталды.Мерейтой иесін салтанатты шараға арнайы келген облыстың зиялы қауым өкілдері, аймақ дамуына ерен еңбегі сіңген ардақты ағалар құттықтады. Облыстық ардагерлер кеңесінің төрағасы, Шиелі ауданы және Қызылорда қаласының құрметті азаматы, «Құрмет» орденінің иегері Серік Дүйсенбаев, қоғам қайраткері, Жаңақорған, Қармақшы аудандары мен Қызылорда қаласының Құрметті азаматы, «Парасат» және «Құрмет» орденінің иегері Бекмырза Еламанов, Қазақстанның еңбек сіңірген қайраткері, техника ғылымдарының докторы, профессор, Қазақстан Республикасы Ұлттық Ғылым академиясының академигі, Қызылорда қаласы және Жалағаш ауданының құрметті азаматы, Ұлттық құрылтай мүшесі, «Құрмет» орденінің иегері Қылышбай Бисенов, еңбек ардагері, Арал адуанының құрметті азаматы, «Ерен еңбегі үшін» медалінің иегері Қуанышқали Шапшанов Имамадин Зәкірұлына игі тілек-лебіз білдірді.Имамадин Оңғарбаев 1953 жылы Арал ауданының Ақбасты ауылында дүниеге келген. 43 жылдық еңбек жолын совхозда қарапайым учаске шебері болып бастап, мұнай саласында бірнеше жыл тер төкті. Облыс әкімінің орынбасары, Қызылорда қаласының әкімі қызметтерін атқарды.&nbsp;Тәуелсіздіктің алғашқы жылдары ел экономикасы еңсе тіктей бастаған кезде басшылық қызметте болып, ұтымды шешім қабылдаған қайраткер қоғам құрметіне кенелді. Оның бастамасымен аймақтағы әлеуметтік нысандар салынды, тұрғын үй құрылысы саласында көптеген жобалар жүзеге асты. Қаланың бас жоспары қайта қаралып, заманауи үлгідегі нысандардың және орталық мешіттің іргетасы қаланды.&nbsp;<figure class="image"><img src="https://knadmin.beoblood.kz/uploads/331711139_732460415171677_6670009719350379867_n_5a207d0b61.jpg" alt="331711139_732460415171677_6670009719350379867_n.jpg"></figure>

Қызылорда облысының әкімі Имамадин Оңғарбаевты мерейтойымен құттықтады

&nbsp;<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалы атынан облыстық мәслихат депутаттығына үміткерлер Мақсұт Нәлібаев, Аида Әбибуллаева, Айсұлу Қасымова, Жорабек Нұрымбетов, Мағжан Ералиев «Қазақтелеком» АК ұжымымен кездесіп, үгіт жұмыстарын жүргізді.&nbsp;Кездесуде сөз алған Мақсұт Нәлібаев партияның сайлауалды бағдарламасының ішінде инфрақұрылымдық жүйелерді жақсарту мәселесіне басымдық берілгенін айтып өтіп, алдағы 5 жылда аймағымызда электр және жылумен жабдықтау желілерінде атқарылар жұмыстар барысын баяндады.&nbsp;<blockquote>«Облыстағы электрмен жабдықтау &nbsp;жүйелері желілерінің жалпы ұзындығы 10 мың шақырымнан асады, сонымен қатар әртүрлі кернеудегі 1837 қосалқы станция бар. Олардың тозу дәрежесі 69% құрап, жаңғыртуды қажет етуде. Жылумен жабдықтау желілерінің тозу деңгейі 46,9% құрайды. Осы бағытта партия өзінің сайлауалды бағдарламасында ауқымды жобаларды жүзеге асыруды мақсат етіп отыр. Бұл жұмыстар нәтижесінде, электр желілерінің тозу деңгейі 69%-дан 65%-ға, жылу жүйелерінің тозу деңгейі 46,9%-дан 39,8%-ға дейін төмендейтін болады»,- деді үміткер.</blockquote>Бүгінде облыста тұрғындардың 97,8% орталықтандырылған ауыз сумен қамтамасыз етілген. Соңғы екі жылда 22 елді мекен газдандырылған. Кездесу барысында осы бағытта алда жасалатын жұмыстарды облыстық мәслихат депутаттағына үміткер Айсұлу Қасымова атап өтті.&nbsp;<blockquote>«АMANAT» партиясының облыстық филиалы бұл сайлауға да &nbsp;халықтың сұранысы негізінде алдағы 5 жылға дайындалған нақты жоспармен келіп отыр. Мұнда ең алдымен әлеуметтік салаға, тұрғын үй коммуналдық шарушалығы, ауылшарушалығы және экология мәселелеріне назар аударылып отыр. Бағдарлама аясында 32 елді мекенді сапалы ауыз сумен қамтамасыз етіледі. Ауылдарды газдандыру жұмыстары жалғасып, 64 жоба іске асырылады. Сондықтан үнемі игі істердің басында жүріп, елмен етене қанасқан партияға Сіздерді қолдап дауыс беруге шақырамын»- деді.</blockquote>Өз кезегінде сөз алған үміткер Аида Әбибуллаева жас ұрпақ мемлекетіміздің стратегиялық бағытының қозғаушы күші болуы керек екендігін айта келе, «Облыс бойынша жастардың жұмыссыздық деңгейі 4,0%-ды құрайды және тұрғын үй кезектілігінде 7244 жастар тұр». Осы ретте, «AMANAT» партиясы жастар үшін әлеуметтік лифт қалыптастыруға, жас отбасылар үшін тұрғын үй мәселесін шешуге, жұмысқа орналасуға, білім беруге баса назар аударып отырғандығын жеткізді.&nbsp;Кездесу соңында ұжым қызметкерлері өздерін толғандырған сауалдарын қойып, ұсыныс –пікірлерін білдірді.&nbsp;Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<figure class="image"><img src="https://knadmin.beoblood.kz/uploads/4754ab6e_0783_47ad_9f14_cad3c008c553_7f8c9471aa.jpg" alt="4754ab6e-0783-47ad-9f14-cad3c008c553.jpg"></figure>&nbsp;<figure class="image"><img src="https://knadmin.beoblood.kz/uploads/f3bff80a_4322_424e_b732_648e791307b2_c0a7f724a3.jpg" alt="f3bff80a-4322-424e-b732-648e791307b2.jpg"></figure>

AMANAT: Халықтың тұрмыс-тіршілігі басты назарда

<a href="https://kyzylorda-news.kz/">Kyzylorda-news.kz.</a> Қосшыңырау ауылдық округінің әкімі Сейдуали Әбдіқадыров былтырғы жылы атқарылған жұмыстарды баяндады.<blockquote>«Ауылдық округ тұрғындары үшін жағымды жаңалықтың бірі - биылдан бастап Абай, Досан елді мекендерінде газ желілерінің құрылысы бастау алмақ. Ауқымды жобаға бюджеттен барлығы 663 млн. теңге бөлінді. Бұдан бөлек, биыл Досан ауылындағы №4а, 9а, 15, 17, 20 көшелерге орташа жол жөндеу жұмыстары және Абай ауылындағы саябаққа ағымдағы жөндеу жұмыстары жүргізіледі. Сонымен қатар, сиыр фермасы мен Махамбетов көшелерінің қиылысын, Досан ауылындағы №1 көшесін жарықтандыру жұмыстары қолға алынды», - деді ауылдық округ әкімі.</blockquote>Өткен жылы «Ауыл-ел бесігі» мемлекеттік бағдарламасы аясында округте 5 көше жөндеуден өтіп, Досан ауылындағы №17-көше жарықтандырылды. Досан ауылын аяқ сумен қамтамасыз ету мақсатында 2 дана ұңғыма орнатылып, үш каналға тазарту және қазу жұмыстары жүргізілді.Сонымен қатар, Досан ауылына талапқа сай электр қуатын жүргізу, медициналық бекет салу, ауылішілік жолдарын жөндеу және Абай ауылы, сиыр фермасына &nbsp;ауыз су жүргізіп, жол салу, «Дарбас», «Арғын» бейіттерін қоршау, балалар ойын алаңын салу, &nbsp;жұмыстарына жоба-сметалық құжаттары әзірленді.Бұдан бөлек, бизнесті қолдау мен дамытудың мемлекеттік бағдарламасы шеңберінде атқарылған жұмыстардың нәтижесінде округте 207 кәсіпкерлік субъектілері жұмыс істеуде. Жыл басынан бері мемлекеттік бағдарламалардың қолдауымен 113,1 млн. теңге қаржыны құрайтын 13 жоба қаржыландырылған. Сондай-ақ, «2021 – 2025 жылдарға арналған кәсіпкерлікті дамыту жөніндегі ұлттық жоба» бағдарламасы аясында Жаңа бизнес идеяларды іске асыруға арналған мемлекеттік грант аясында жалпы құны 11 млн 26 мың 800 теңгені құрайтын 9 жоба мемлекеттік қайтарымсыз грантқа ие болды.

Қосшыңырау ауылына газ желісі тартылады

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда облысына арнайы келген Ресей Федерациясының Алматы қаласындағы Бас консулы Евгений Бобровпен кездесті.Басқосуда аймақ басшысы Қазақстан мен Ресей Федерациясын 30 жылдан астам уақыттан бергі стратегиялық серіктестік және ортақ тарихи оқиғалар байланыстыратынын атап өтті.<blockquote>«Ұлы Отан соғыс жылдары жүздеген жерлестеріміз ерлік көрсеткені үшін түрлі дәрежедегі мемлекеттік наградалармен марапатталды. Осыған орай, Ресей Үкіметіне жерлесіміз Қалмағанбет Оспановтың ерлігін ерекше бағалағаны үшін батырдың ұрпақтары мен барша аймақ тұрғындарының атынан зор алғыс айтамын. Қаншама жыл өткен соң қаһарманның наградалары, яғни III дәрежелі «Даңқ» ордені мен «Ерлігі үшін» медалі туған жеріне әкелініп, туыстарына салтанатты түрде табысталмақ. Осы сәтті пайдаланып, Ресей Федерациясының Қорғаныс және Сыртқы істер министрліктеріне, консулдық қызметкерлеріне екі ел арасындағы әріптестік пен сенімді қарым-қатынасты нығайту жолындағы еңбегі үшін ризашылығымды білдіремін», - деді облыс әкімі.</blockquote>Өз кезегінде, Бас консул өңір басшысына алғыс білдіріп, Ресей мен Қазақстанның өзара тиімді әріптестігін әрі қарай дамытуға мүдделі екенін жеткізді.Айта кетейік, РФ Алматы қаласындағы Бас консулының Қызылорда облысына жұмыс сапары кеше Байқоңыр қаласына басталды. Евгений Бобров жұлдызды қалашықта Байқоңыр қаласы әкімшілігінің басшысы Константин Бусыгинмен кездесіп, ондағы Ресей Федерациясының азаматтарын қабылдады.&nbsp;Қызылордада Бас консул шіркеуге барды және «Достық үйінде» «Славяне» этномәдени бірлестігінің мүшелерімен кездесті. Бүгін А.С. Пушкин атындағы қалалық кітапхана қорына әдеби кітаптар табыстады.&nbsp;Аймақ басшысымен кездесуден кейін Евгений Бобров облыс әкімінің орынбасары Нұрымбет Сақтағановпен бірге Ұлы Отан соғысының батыры Қалмағанбет Оспановтың &nbsp;үйіне барып, оның туыстарына медальдар мен орден кітапшаларын салтанатты түрде тапсырады.

Ресей Федерациясының Алматы қаласындағы Бас консулы Қызылордаға келді

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрі Ажар Ғиният Қызылорда облысының медициналық ұйымдарының басшыларымен кеңес өткізіп, халыққа медициналық көмек көрсетудің негізгі бағыттарын <a href="https://t.me/DenMinPR/13302">талқылады</a>.Өткен жылмен салыстырғанда өңірдің денсаулық сақтау саласының бірқатар негізгі медициналық-демографиялық көрсеткіштерінің оң динамикасына қарамастан, кеңес барысында емханалар мен стационарлар менеджменті деңгейінде шешуді, сондай-ақ жергілікті атқарушы органдарды қолдауды талап ететін көптеген проблемалық мәселелер көтерілді.<img class="image_resized" style="width:630px;" src="https://www.inform.kz/radmin/fotofiles/2023/02/21/2302210938441439g.jpg" loading="lazy">Бұл ана мен бала денсаулығын сақтау саласында медициналық көмекті ұйымдастыруға, МСАК-тың тиімді жұмысының жеткіліксіздігіне, профилактикалық тексеру жүргізу кезінде аурулардың төмен анықталуына, медициналық объектілерді техникалық жарақтандыруға қатысты.Денсаулық сақтау вице-министрі Вячеслав Дудник атап өткендей, Қызылорда обылысында қанайналым жүйесінің ауруларынан болатын өлім-жітім көрсеткіші өткен жылдың сәйкес кезеңімен салыстырғанда 17,8% төмендеген.<img class="image_resized" style="width:630px;" src="https://www.inform.kz/radmin/fotofiles/2023/02/21/2302210938376001g.jpg" loading="lazy">Бұл ретте жіті миокард инфарктісінен болатын өлім-жітім саны өткен жылдың сәйкес кезеңімен салыстырғанда 1,4% өсті.Жыл қорытындысы бойынша қатерлі ісіктен болатын өлім-жітім көрсеткіші 100 мың халыққа шаққанда 48,3-ті құрап, 12,5%-ға төмендеді.Ол өңірде жарақаттанудан, уланудан және жазатайым оқиғалардан болатын өлім-жітім 2021 жылдың сәйкес кезеңімен салыстырғанда 13,3% және 21% өскенін атап өтті. &nbsp;

Қазақстан және Қызылорда облысының жаңалықтары