<a href="https://kyzylorda-news.kz/">Kyzylorda-news.kz.</a> Бүгін «Бастау Бизнес» жобасына қатысуға өтінім қабылдаудың бірінші легі басталып, 10 күнге жалғасады. &nbsp;Жыл ішінде барлығы төрт лек өтеді.Грант мөлшері 400 АЕК-ке (1 380 000 теңге) тең. Әр қатысушы мұндай грантты бір рет қана ала алады.Айта кетейік, грантқа қатысты кез келген сұрақ бойынша ҚР Еңбек және халықты әлеуметтік қорғау министрлігі жанындағы Өңірлік жұмыспен қамту орталықтарына жүгінуге болады.Гранттар мынадай мақсаттарға: қажетті жабдық (инвентарь), еңбек құралдары, технологиялық жабдық, жануарлар, төрт түлік, құс, ағаш көшеті, бұталы өсімдіктер, тұқым, көшет сатып алу, жаңа бизнес идеяларды іске асыруға қажет орынжайды жалға алуға беріледі.Гранттар несие төлеу, тұрғын жылжымайтын мүлікті сатып алу және салу, жер учаскелерін сатып алу, акциздік өнімдерді өндіру сынды тұтынушылық мақсаттарға берілмейді. &nbsp;Өтінім беру үшін:- порталда тіркелу; - грант алу шарттарына сәйкестікті тексеруден өту; - бизнес-жоспар үлгісін жүктеп алу, оны толтырып, порталға қайта жүктеу; - өтінім формасын толтырып, ЭЦҚ арқылы &nbsp;қол қою керек.«Бастау Бизнес» оқуына жазылу үшін business.enbek.kz порталында тіркеліп, оқу шарттарына сәйкестікті автомат тексеруден және оқу шарттарына сәйкестіктен өтуі керек. Шарттарға сәйкес келген қатысушы skills.enbek.kz &nbsp;порталына өтіп, оқуға кірісе алады.Халықтың әлеуметтік осал топтарына жататын жаңа бизнес-идеяларды іске асыруға мемлекеттік грант алуға үміткерлер:&nbsp;- жұмыссыз ретінде тіркелгендер; - жеке кәсіпкерлер (тіркеу мерзімі 3 жылға дейін).Бұл ретте үмыткер мына санаттардың біріне жатуы тиіс:&nbsp;- мүгедектігі бар азаматтар; - «қандас» мәртебесі баразаматтар; - өңіраралық қоныс аударушылар; - аз қамтылған отбасы мүшесі; - көпбалалы отбасы мүшесі (әйелі/күйеуі); - мүгедектігі бар бала асырап отырған азаматтар (әйелі/күйеуі); - асыраушысынан айырылу бойынша жәрдемақы алушылар.Үміткердің «Бастау Бизнес» жобасы бойынша кәсіпкерлік негіздерін оқығанын растайтын сертификаты болуы керек. Сертификаттың мерзімі 3 жылдан аспауы керек.Грант алуға өтінім қабылдау кестесі 1-лек 20.02.2023 - 03.03.2023 2-лек 15.05.2023 - 26.05.2023 3-лек 10.07.2023 - 21.07.2023 4-лек 04.09.2023 - 15.09.2023Контактные номера центров занятости по городу Кызылорда и районам: - Қызылорда қаласы 8 /7242/ 71-08-90; - Арал ауданы 8 /72433/ 2-45-88; - Қазалы ауданы 8 /72438/ 2-19-75; - Қармақшы ауданы 8 /72437/ 2-28-94; - Жалағаш ауданы 8 /72431/ 3-10-03; - Сырдария ауданы 8 /72436/ 2-25-84; - Шиелі ауданы 8 /72432/ 4-32-36;&nbsp; - Жаңақорған ауданы 8 /72435/ 2-39-06.Қызылорда облысы кәсіпкерлер палатасының байланыс нөмірі: 8 /7242/ 40-09-81, 40-02-02.

Бастау бизнес: Жаңа бизнес идея үшін грант алу қағидалары

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаментімен тергеуі аяқталған кезекті қылмыстық іс бойынша сот үкімі шықты.Алматы қаласының тұрғыны Қызылорда қаласында интернет-казино ашып, заңсыз ойын бизнесін бастаған. 2022 жылдың мамыр айында қаладағы Қазыбек би көшесінің бойындағы көп қабатты үйден пәтер жалға алып, 8 дербес компьютер орнатып, оларды интернет желісіне қосқан. Өзінің бұрынғы екі танысын келушілерге қызмет көрсетуші ретінде жұмысқа тартқан. Сот компьютерлік-техникалық сараптамасы алынған компьютерлерге «Superomatic» бағдарламасын қосу арқылы онлайн ойындар сайтына қолжетімділік қамтамасыз етілгенін анықтады.&nbsp;Оның заңсыз әрекеті Қызылорда облысы бойынша ЭТД қызметкерлерімен әшкере болып, ойын орнынан 8 компьютерлік жүйе мониторымен, «Huawei», «TP-Link», «Altel» модельді 3 модем, «Ezviz» бейнекамерасы, 1 &nbsp;желілік хап және кассадағы 23000 теңге ақша алынған.Заңсыз бизнестің жүргізілген айларындағы барлық кіріс-шығыс есеп құжаттарына жүргізілген «бухгалтерлік және қаржы бюджеттік зерттеу» сот сараптамалары бойынша &nbsp;сарапшы-маманның қорытындысына сәйкес, заңсыз қызметтен түскен табыс көлемі 8 млн. 190 мың теңгені құрады. Бұл ірі мөлшерге жатады.Сот барысында азаматша өз кінәсін толықтай мойындау туралы процессуалдық келісімге қол қойған.Қызылорда қалалық №2 сотының үкімімен, ҚР ҚК-нің 307 бабы 2 бөлігі 3 тармағымен қарастырылған қылмыстық әрекеті үшін, азаматша У.А. 2 жыл мерзімге бас бостандығын шектеу жазасына кесілді. Барлық мерзімге пробациялық бақылау және жыл сайын жүз сағатқа мәжбүрлі еңбекке тарту тағайындалды.Сондай-ақ, заңсыз ойын ұйымдастыру дерегі бойынша &nbsp;тағы бір қылмыстық іс аяқталып, &nbsp;сот үкімі шықты.Қызылорда қаласының 1984 жылы туған &nbsp;тұрғыны &nbsp;2022 жылдың қаңтар айында қаланың Панфилов көшесінен көп қабатты үйдің бірінші қабатынан келісім шарт негізінде ғимарат жалға алып, заңсыз ойын бизнесін бастаған. Ғимарат ішіне компьютерлік құрылғыларды құрып, оларға бәс тігу мөлшерлемелерін қабылдауға (есепке алуға) және бәс тігу бойынша ұтыс төлеуге қажетті «Зенит» бағдарламасын орнатып, букмекерлік кеңсенің кассасын ашқан. Екі күзетші және кассир-операторды күнделікті жалақымен жұмысқа алған. Осылайша, оның &nbsp;букмекерлік кеңсесі (букмекерлік кеңсенің кассасы) 2022 жылдың қаңтар-қазан айлары аралығында қолма-қол ақша қаражатқа бәс тігу мөлшерлемелерін қабылдау арқылы ұтыс төлеу жолымен жұмыс жасаған.&nbsp;2022 жылдың қазан айында әшкереленген бұл заңсыз әрекет сот компьютер-технологиялық сараптама қорытындысымен, оның мойындап берген жауабымен, жасырын бақыланатын сатып алуды жүргізу хаттамасымен, беттестіру хаттамаларымен дәлелденді.Қызылорда &nbsp;қалалық №2 сотының шешімімен, ойын мекемесін заңсыз ашып, ойын бизнесі саласындағы қызметті заңсыз ұйымдастырған азамат М.Н. Қазақстан Республикасы Қылмыстық кодексінің 307-бабы 1-бөлігімен кінәлі деп танылып, 200 (екі жүз) айлық есептік көрсеткіш мөлшерінде, яғни &nbsp;612 600 (алты жүз он екі мың алты жүз) теңге айыппұлға тартылды.Ойын орнынан тәркіленген 12 дана телевизор, 24 дана монитор, 7 дана компьютер процессорлары, 8 дана ноутбук, касса аппараты мен терминал аппараттарын аппараттары, 1 дана модем, 11дана «TV» тюнинг және кассадан алынған 30 500 теңге ақша мемлекет кірісіне алынды.

Қызылордада заңсыз ойын ұйымдастырушыларға сот үкімі шықты

<a href="https://kyzylorda-news.kz/">Kyzylorda-news.kz.</a> Қызылорда облысында «Қауіпсіз жол» жедел-профилактикалық іс-шарасы басталды.Ақпан айының 20-24 күндері аралығында облыс көлемінде «Қауіпсіз жол» жедел-профилактикалық іс-шарасы өткізіледі.&nbsp;Іс-шара барысында облыс көлемінде қоғамдық тәртіпті сақтау мен жол қозғалысы қауіпсіздігін қамтамасыз ету, жол көлік оқиғаларының алдын алу,жол қозғалысы ережелерін өрескел бұзушылықтың, әсіресе заңсыз жолаушы тасымалымен айналысатын автобус және такси көлік құралдарын анықтайтын болады.

Қызылордада «Қауіпсіз жол» жедел-профилактикалық іс-шарасы басталады

<a href="https://kyzylorda-news.kz/">Kyzylorda-news.kz.</a> Қызылорда облысында екі жеңіл көлік соқтығысып, салдарынан төрт адам көз жұмды.Қайғылы оқиға 19 ақпан Самара – Шымкент автомобиль жолының 1767 -1768 шақырымында (Сырдария ауданы) болды. Тас жолда Mercedes пен Opel көліктері соқтығысқан. Салдарынан төрт адам қаза тапты, бір адам ауруханаға түсті. Жол апатының мән-жайы анықталып жатыр.Бұл факті Қылмыстық кодекстің 345-бабы 4-бөлімі бойынша тіркелді. Сотқа дейінгі тергеу жүргізіліп жатыр. Сараптамалар тағайындалды.

Қызылордада жол апатынан 4 адам қаза болды

<a href="https://kyzylorda-news.kz/">Kyzylorda-news.kz.</a> Биылғы жылдың 20-28 ақпан аралығында облыс аумағында «Мигрант» жедел-профилактикалық іс-шарасы өткізілуде.&nbsp;Шараға ОПД-нің қызметкерлері жұмылдырылып, олардан &nbsp;мобильді топтар құрылып, облыс аумағына келген шетелдіктердің көші-қон заңнамаларын бұзу деректерін анықтау, оларды әкімшілік жауапкершіліктерге тарту, шетелдіктердің уақытша тіркелген мекен-жайларын, салынып жатқан құрылыс нысандары, базарлар мен дәмханалар тексеріліп рейдтік іс-шаралар жүргізілуде. &nbsp;

Қызылордада «Мигрант» жедел-профилактикалық іс-шарасы басталды

<a href="https://kyzylorda-news.kz/">Kyzylorda-news.kz.</a> Скандинавиялық циклон жырасының және онымен байланысты атмосфералық ағындардың әсерінен Қазақстанның басым бөлігінде күн құбылмалы болады, деп хабарлайды Қазгидромет.&nbsp;Қар жауып, бұрқасындатады, батыс аудандарында және оңтүстікте – жаңбыр, қар жауады. Тек еліміздің шығысында, оңтүстік-шығысында күн жауын-шашынсыз болады. ҚР бойынша көктайғақ болып, жел күшейеді, тұман түседі.

20 ақпанға арналған ауа райы болжамы

Kyzylorda-news.kz. Ақпанда Түркияда болған жер сілкінісі – Қазақстандағы туроператорлар мен агенттіктердің жұмысына кері әсер еткен жоқ.&nbsp;Жазғы демалысқа жолдама алып қойған туристер сапардан бас тартпаған.&nbsp;Туристік агенттер Түркиядағы танымал курортқа алдын ала сатып алған билеттерді қайтармаған.<blockquote>«Турист президент Қамқор» қорының Ирина Рей: «Қазіргі таңда Түркияда біздің 200-ге жуық клиентіміз бар.&nbsp;Олардың ешқайсысы демалысын үзгісі келмеді.&nbsp;Көпшілігі танымал демалыс орындары мен Анталия, Кемер, Стамбұл сияқты туристік қалаларда орналасқан.&nbsp;Туроператор мен туристік агенттіктер қызметімізді тұтынушылармен тұрақты байланыста.&nbsp;Әрине, қайғылы жағдай қонақүй қызметкерлерінің көңіл-күйіне әсер етті, бірақ олар өз міндеттерін орындауды жалғастырып жатыр», – деді сұқбаттасушы.</blockquote><blockquote>Өз кезегінде «Анекс Тур Казахстан»-ның өкілдері «Түркиядағы жер сілкінісі бізге кері әсер еткен жоқ.&nbsp;Өйткені жел Анталия, Алания сияқты туристік аймақтардан алыс.&nbsp;Қазір біздің тұтынушыларымыз жазғы демалысқа тапсырыс беруге белсенділік танытуда», – деді.</blockquote>«5 Континентов» туристік агенттігі Түркияда демалғысы келетін қазақстандықтардың жоспарларын өзгертпей, жазғы демалысқа турларды брондауын жалғастырып жатқанын хабарлады.&nbsp;Қазіргі уақытта Анталия мен Эгей жағалауындағы демалыс орындарында ерте брондау жұмыстарының екінші кезеңі жүріп жатыр.&nbsp;Туристік агенттіктер бұрынғы режимде жұмысын жалғастыруда.«Pegas Kazakhstan» ЖШС (Pegas Kazakhstan) SEO жетекшісі Нуреттин Айтемур табиғи апаттар туристік бағыттардағы жағдайды айтарлықтай өзгертпегенін және брондалған демалыстан бас тартудың алғышарты бола алмайтынын айтты:<blockquote>&nbsp;«Оқиға авиакомпаниялардың рейстерінің жұмысына әсер еткен жоқ.&nbsp;Анталия әуежайына әуе компаниялар және жер сілкінісінен кейін түрік мерекесі Курорттардағы қызмет көрсету сапасын өзгертуге ешқандай сеп жоқ.&nbsp;Қазақстаннан турларды брондау 2023 жылдың жазғы маусымында аяқталмайды.&nbsp;Клиенттер демалуды қалаған күні мен уақытта, ұшу кестесінің аясында жоспарлағысы келеді».</blockquote>

Түркиядағы зілзала:  Туроператорлар мен агенттік жұмысын тоқтатқан жоқ

<a href="https://kyzylorda-news.kz/">Kyzylorda-news.kz.</a> Бүгінгі таңда қоғамда әліпбиді ауыстыруға байланысты түрлі пікірлер айтылуда. Біреулер латын әліпбиінің оңтайлы тұстарын алға тартса, енді басқалары бұл істе асығыстық жасамайық деп сақтандырады. Мұндай пікірлердің орын алуы -өте заңды. Соның арқасында көпшілік осы бір күрделі мәселеге орай өзінің көзқарасын қалыптастырады. Алайда анық болатын бір мәселе бар. Ол – қазақ тілі бүгін бе, ертең бе міндетті түрде латын әліпбиіне көшеді. Алғашқы президент жолдауында Қазақ елінің саяси-экономикалық, әлеуметтік-мәдени, ғылыми-ағартушылық дамуын, халықаралық кеңістіктегі орнын жан-жақты бағамдап, ішкі және сыртқы жағдайды толық ескеріп, әліпбиді қашан, қандай жолдармен ауыстыру керек, осыларға байланысты дұрыс шешім шығарды. Мен Президенттің сөзіне толық келісемін. Себебі қазір ойланып қарасақ, әліпбиді ауыстыруға ұзақ мерзім, көп қаражат, интеллектуалдық күш қажет. Көрші өзбек ағайындарымыз әліпбиін латынға баяғыда ауыстырып қойған.Алдымен бүгінгі компьютер заманында интернет жүйесінде үстемдік ететін латын әліпбиі екендігін мойындауымыз керек. Бәріміздің электрондық поштамыз бар. Ол поштамыз кирил, араб, немесе басқа емес, латынмен жазылған. Астымыздағы көлігіміздің нөміріндегі әріптер латынмен берілген. Куәлігіміз бен паспортымызда латын әліпбиі тұр. Осындай мысалдарды көптеп келтіре беруге болады. Яғни латын әліпбиі бізге таңсық емес. Ол біздің қоғамға еніп кеткен. Оны еліміздегі кез келген сауатты адам белгілі дәрежеде біледі. Ал латынның бізге берері дегенде толып жатқан тиімді тұстарын көрсетуге болады. Латынға көшкенімізде ұтатын тұстарымыз төмендегідей:&nbsp;Біріншіден,&nbsp;тіл тазалығы мәселесі. Тіліміздегі қазіргі жат дыбыстарды таңбалайтын әріптерді қысқартып, сол арқылы қазақ тілінің табиғи таза қалпын сақтауға мүмкіндік аламыз.&nbsp;Екіншіден,&nbsp;қазақ тілін оқытқан уақытта басы артық таңбаларға қатысты емле, ережелердің қысқаратыны белгілі. Ол мектептен бастап барлық оқу орындарында оқыту үрдісін жеңілдетеді. Уақыт та, қаржы да үнемделеді.&nbsp;Үшіншіден,&nbsp;латын әліпбиіне көшу – қазақ тілінің халықаралық дәрежеге шығуына жол ашады. Қазақ тіліне компьютерлік жаңа технологиялар арқылы халықаралық ақпарат кеңістігіне кірігуге тиімді жолдар ашылады.&nbsp;Төртіншіден,&nbsp;түбі бір түркі дүниесі, негізінен, латынды қолданады. Біздерге олармен рухани, мәдени, ғылыми, экономикалық қарым-қатынасты, тығыз байланысты күшейтуіміз керек. Ол да табиғи іс екендігін айтқым келеді.Айтарлықтай үлкен кедергілер жоқ. Негізінен, осы мәселеге байланысты халықтың көзқарасы, ниеті бір болса, қиындықтарды жеңіл &nbsp;шешуге болады. Жастар жағы, орта буын өкілдері компьютерді толық меңгергендіктен латынды дереу үйреніп алады деп санаймын. Ал аға буынға сәл күрделі болуы мүмкін. Осы жағдайда психологиялық фактор дегенді де ескеруіміз керек. Үкіметтің қаражаты белгіленіп, нақты бағдарламасы бекітілген соң, Қазақстан халқы латынды көп қиындықсыз меңгеріп кететіндігіне сенім білдіремін.Мариям ҚОЖАХМЕТОВА,&nbsp; С.Лапин атындағы №261 мектептің 11-сынып оқушысы

Латын әліпбиіне көшу-заман талабы

Kyzylorda-news.kz. &nbsp;Түркия мен Сириядағы жойқын жер сілкінісінен қаза болғандар саны 50 мыңға жақындады, - деп хабарлайды Massaget.kz тілшісі Euronews сайтына сілтеме жасап.Елдің солтүстік-батысында орналасқан Сирияның кейбір қалалары қирандыға айналды. Дроннан түсірілген видео Джандарисе пен Африндегі қирандыны көрсетеді. Онда жер сілкінісі 1250-ден аса ғимаратты қиратты.Сирияда барлығы 8,5 мың адам, Түркияда соңғы мәліметтер бойынша 40 642 адам қаза тапты.Түркия билігі нормаларға сәйкес салынбаған қираған ғимараттарды тергеу аясында мердігерлер мен заңбұзушылықтарға қатысы бар басқа адамдарды ұстауды жалғастырып жатыр.6 ақпанда Түркияның оңтүстік-шығысында болған бірқатар жер сілкінісі ең ірі табиғи апат болды. Сейсмологтар үш мыңнан аса жер асты дүмпулерін санады, олардың ең күштісінің магнитудасы 7,8-ге жетті. Бір ғана Түркияның өзінде 80 мыңнан аса ғимарат қирап, ондаған провинцияның жүздеген мың тұрғыны баспанасыз қалып, босқынға айналды.БҰҰ мәліметінше, апаттан бес миллионнан аса адам зардап шекті.&nbsp;

Түркия мен Сирияда жер сілкінісінен қаза тапқандар саны 50 мыңға жуықтады

Kyzylorda-news.kz. Мәжіліс сайлауында үгіт-насихат жұмыстарын әлеуметтік желіде заң талаптарын сақтамай жүргізген азаматтарға әкімшілік жаза қолданылады. Бұл туралы ОСК баспасөз қызметі хабарлады.ОСК хабарлағандай, сайлауалды үгіт-насихат материалдарын әлеуметтік желі парақшаларында жариялау үшін парақша иесі БАҚ сияқты 14 ақпанға дейін Орталық сайлау комисиясына, аймақтық сайлау комиссияларына ақпараттық хабарлама прайсын жіберіп, сайттарына тіркелуі тиіс.&nbsp; Сонымен қатар, егер қолданушы қандай да бір үміткер туралы пост жазса, үміткер сайлаудан шеттетілмейді, посттың авторына әкімшілік жаза қолданылады.<blockquote>«Автор тек өзінің пікірін жаза алады. Егер материал өз пікірі есебінде жазылса, ол кезде жауапкершілік қарастырылмайды. Ал, егер кандидаттың тапсыруымен берілген материал болса ол кезде жаза қолданылады», деді ОСК баспасөз қызметі.</blockquote>Сондай-ақ қаржыландыру мәселесі болмауы қажет.<blockquote>«Мысалы видеороликтер немесе үгіт жүргізетін материалдарға қаржы бөлінсе, ол кезде де жаза қарастырылады. Кандидантпен келісімшарт бойынша жұмыс істегісі келген адам өз ұсынысын ОСК-ға жіберуі тиіс», деді ведомстводан.&nbsp;</blockquote>Сайлау алдындағы үгiт жүргiзу құқығы туралы ҚР Сайлау туралы заңының 28-бабы бірінші тармағында жазылғанын атап өту керек.

Сайлауда үгіт-насихат жұмыстарын әлеуметтік желіде заңсыз жүргізген азаматтарға жаза қолданылады

Kyzylorda-news.kz. &nbsp;Мемлекет басшысының тапсырмасына сәйкес, елімізде «Жайлы мектеп» ұлттық жобасы жүзеге асырылуда. Осы жоба аясында Сыр өңірінде 2025 жылға дейін жаңа құрылыс стандарттарына сай 21 мектеп салу жоспарлануда. Ал биыл өңірде 10 білім ордасының құрылысы басталады. Аталған жұмыстардың жүргізілу барысын талқылау үшін облысқа «Samruk-Kazyna Construction» АҚ басқармасының төрағасы Мәулен Айманбетов арнайы келіп, облыс әкімінің бірінші орынбасары Серік Қожаниязовтың төрағалығымен өткен жиынға қатысты. Басқосуға қала әкімі, бірқатар облыстық басқарма басшылары мен департаменттер, мердігер мекемелердің басшылары қатысса, аудан әкімдері онлайн түрде байланысты.&nbsp;Жиында облыстық құрылыс, сәулет және қала құрылысы басқармасының басшысы Ерлан Төрәлиев «Жайлы мектеп» ұлттық жобасы шеңберінде аймақта қолға алынып жатқан жұмыстарға кеңінен тоқталып өтті.Басқарма басшысының айтуынша, 2023-2025 жылдары облыста екі кезең бойынша аталған жоба толық іске асырылмақ. Биыл бірінші кезеңде іргетасы қаланатын 10 мектептің жер учаскелері нақтыланып, инженерлік желілермен қамтамасыз етілген халыққа тиімді аумақтардан «Samruk-Kazyna Construction» АҚ-ның атына рәсімделгенін жеткізді.<blockquote>Қызылорда қаласындағы бес мектепке тоқталатын болсам, Сырдария өзенінің сол жақ жағалауынан 900 орындық мектептің құрылысы үшін 3,7 гектар, Арай және СПМК мөлтек ауданындағы 2000 орындық мектепке 3,8 гектар, КБИ мөлтек ауданындағы 600 орындық білім ордасына 2,04 гектар, сондай-ақ, Қызылжарма ауылдық округіндегі 900 орындық мектепке 2,5 гектар жер учаскелері табысталды. Ал Арал ауданындағы 2 мектепке 2,04 гектар жер, Қазалы ауданы, Жанқожа батыр ауылындағы 300 орындық мектеп құрылысына 2,8 гектар жер, Жаңақорған ауданындағы 600 және 300 орындық білім ордаларына 2,2 гектар жер телімдері берілді. Ал 2024 жылы құрылысы басталатын 11 мектептің жер телімдері нақтылануда, - деді басқарма басшысы Ерлан Төрәлиев.</blockquote>Өз кезегінде «Samruk-Kazyna Construction» АҚ басқарма төрағасы Мәулен Айманбетов жоба аясында атқарылып жатқан жұмыстарға оң бағасын беріп, бұл білім ордаларының талапқа сай болуын жіті қадағалау керектігін жеткізді. Сондай-ақ, білім алушылардың қауіпсіздігі мен сапалы білім алуы үшін толықтай бейнебақылау камералары мен жоғары жылдамдықтағы интернет желісі орнатылуы қажет екенін айтты.&nbsp;<blockquote>-«Жайлы мектеп» ұлттық жобасы аясында салынатын білім ордаларында 25 пайызға дейін заманауи құрал-жабдықтармен қамтамасыз етіледі. Тағы бір ерекшелігі, мектептердің өз логотипі мен ішкі және сыртқы құрал-жабдықтары бірдей толықтырылады. Сондай-ақ, бұл мектептер қай елдімекендерде салынатын болса да халыққа ыңғайлы аумақта болуы қажет. Яғни, ата-аналар мен оқушылардың мектепке баруы қиындық тудырмауы тиіс. Бұдан бөлек, мектеп орналасқан шағын аудандардағы жолдарда көше жарықтары мен бейнебақылау камералары міндетті түрде болуы керек. Ол оқушылардың қауіпсіздігі үшін аса маңызды, - деді «Samruk-Kazyna Construction» АҚ басқарма төрағасы Мәулен Айманбетов.</blockquote>Жиын соңында мердігер мекеме басшыларының ұсыныс-пікірлері тыңдалып, жүргізілетін басты жұмыстар нақтыланды.<img src="https://knadmin.beoblood.kz/uploads/FB_IMG_1676776183282_828f1ce460.jpg" alt="FB_IMG_1676776183282.jpg"><img src="https://knadmin.beoblood.kz/uploads/FB_IMG_1676776187171_aa4eb4df2b.jpg" alt="FB_IMG_1676776187171.jpg">

Қызылордада "Жайлы мектеп" жобасы екі кезең бойынша толық іске асырылмақ

Kyzylorda-news.kz. Қызылорда тұрғынынан 26 киіктің ұшасы тәркіленді.<blockquote>&nbsp;«Қызылорда облысы ПД-нің Экстремизмге қарсы іс-қимыл басқармасы қызметкерлері және Арал аудандық ПБ мен «Охотзоопром ӨБ» РМҚК бірлескен жедел – іздестіру жұмыстары нәтижесінде 37 жастағы аудан тұрғынының үй ауласындағы сарайынан 26 киіктің ұшасы табылды. Аталған дерекке қатысты ҚР ҚК-нің 339-бабы 2-бөлігімен («Киікті заңсыз қолға түсіру, жою, сол сияқты заңсыз қолға түсірілген киікті немесе оның дериваттарын, оның ішінде мүйіздерін иемдену, сақтау, өткізу, әкелу, әкету, жөнелту, тасымалдау») сотқа дейінгі тергеп–тексеру амалдары жүргізіліп жатыр» делінген хабарламада.</blockquote>Тиісті сараптамалар тағайындалып, оқиғаның мән-жайы анықталып жатыр.

Қазақстан және Қызылорда облысының жаңалықтары