<a href="https://kyzylorda-news.kz/">Kyzylorda-news.kz.</a>&nbsp; РФ заңнамасының нормалары бойынша зейнетақы алатын Байқоңыр қаласының, Төретам және Ақай кенттерінің 4 мыңнан астам тұрғыны биыл МӘМС жүйесі ҚР азаматтарының жеңілдікті санаттары қатарына қосылады. Бұл туралы Қызылорда облысы бойынша Әлеуметтік медициналық сақтандыру қоры филиалының жоғарыда аталған елді мекендердің тұрғындарымен кездесуі барысында хабарланды.Талқылауға ҚР Президентінің «Байқоңыр» кешеніндегі арнайы өкілінің міндетін атқарушы Жан Шайхысламов, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов, облыстық денсаулық сақтау басқармасы басшысының орынбасары Жангелді Шаймбетов, Байқоңыр қаласындағы көпсалалы аурухананың бас дәрігері Талғат Байтилеуов қатысты.Байқоңыр қаласында және Төретам, Ақай елді мекендерінде 40 мыңға жуық адам тұрады, олардың 13 мыңға жуығы МӘМС жүйесінде сақтандырылмаған. Бұл аталған елді мекендер халқының 32% - дан астамы. Көбінесе 12 айға төлемдері жоқ азаматтар, жұмысшылар, жеке кәсіпкерлер.ҚР Президентінің «Байқоңыр» кешеніндегі арнайы өкілінің м.а. Жан Шайхысламовтың ақпараты бойынша, Байқоңыр қаласында, Төретам және Ақай кенттерінде 4 351 тұрғын Ресей заңнамасы бойынша зейнетақы алады. ҚР азаматтарының бұл санаты тегін медициналық көмектің кепілдік берілген көлемі шеңберінде медициналық көмек алады және Ресей Федерациясының медициналық ұйымдарында шұғыл көмек алады. Қазір бұл азаматтардың мәліметтері ҚР Еңбек министрлігінің ақпараттық жүйесінде болмағандықтан, МӘМС аясында медициналық қызметтерге қол жеткізе алмай отыр.&nbsp;Спикер атап өткендей, қазіргі уақытта ҚР Денсаулық сақтау министрлігі шешім жолдарын қарастырып, тиісті жұмыстар жүргізуде. Бұл мәселе ҚР Президентінің «Байқоңыр» кешеніндегі арнайы өкілі Қайрат Нұртайдың бақылауында.Сондай-ақ, тұрғындардың бірі сұрақ қойды: жалақы айдың соңында есептелсе, неге МӘМС мәртебесі айдың басында «сақтандырылмаған» болады?ӘМСҚ облыстық филиалының директоры Бақыт Исмаханбетовтың айтуынша, «МӘМС туралы» Заңның 30-бабына сәйкес, жұмыскерлердің, оның ішінде мемлекеттік, азаматтық қызметшілердің, АҚС шарттары бойынша кіріс алатын жеке тұлғалардың аударымдары мен жарналарын есептеуді және аударуды жұмыс беруші ай сайын жүзеге асырады. Сонымен қатар, аталған Заңның 5-бабының 2-тармағына сәйкес, БЖТ төлеушілерден басқа барлық санаттағы төлеушілердің сақтандыру мәртебесі МӘМС-ға соңғы төлем төленгеннен кейін 3 ай ішінде сақталады. Бірақ осы кезеңде қарыз жинақталады, оны болашақта «сақтандырылған» мәртебесін сақтау үшін өтеу керек. Тиісінше, қызметкердің МӘМС-ға төленбеген кезеңдері бар. Осыған байланысты, дербес төлеуші ретінде ай сайын 3 500 теңге төлеу қажет.Кездесу соңында МӘМС-ғы мәртебені fms.kz ресми сайтында, Qoldau 24/7 мобильді қосымшасы және Telegramдағы SaqtandyryBot немесе 1406 байланыс орталығына хабарласу арқылы тексеруге болатыны айтылды. Сондай-ақ, egov.kz ҚР электрондық үкіметінің сайтында "Денсаулық сақтау" бөлімінде медициналық сақтандыру жүйесіндегі өз мәртебеңізді тексеріп, жүргізілген төлемдер туралы "Медициналық қызметтер туралы және МӘМС-ке аударылған сомалар туралы ақпарат" мемлекеттік қызметі арқылы білуге болады. &nbsp;<figure class="image"><img src="https://knadmin.beoblood.kz/uploads/bajkonyr_6_fcaa85dfa3.jpeg" alt="байконыр 6.jpeg"></figure>&nbsp;<figure class="image"><img src="https://knadmin.beoblood.kz/uploads/bajkonyr_3_d46681adb1.jpeg" alt="байконыр 3.jpeg"></figure>&nbsp;

Байқоңыр зейнеткерлері МӘМС жүйесінің жеңілдетілген санаттарының қатарына енгізіледі

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 8,5 мыңнан аса оқушыға орын тапшы, ал 425 студентке жатақханадан орын жетпейді. Бұл туралы Қызылорда облысы кәсіпкерлер палатасының алаңында өткен кездесуде айтылды.Кездесуге Қызылорда облысы кәсіпкерлер палатасының директоры Пірмұхаммед Сыздықов, білім беру саласында қызмет көрсетумен айналысатын кәсіпкерлер қатысты.<blockquote>«Кәсіпкер-инвестор жатақхана салу және реконструкциялауды өз қаражаты есебінен жүргізіп, дайын нысанды пайдалануға енгізеді. Содан кейін оған мемлекеттік тапсырыс орналастырылады. Басты шарты бойынша студенттер осы жатақханада тұруы керек. Мемлекеттік тапсырыс 8 жылға орналастырылып, төлемдер ай сайын жүргізіледі. Мемлекеттік тапсырыстың жыл сайынғы мөлшері 1 студентке шаққанда: құрылыс жүргізілген жағдайда – 122 айлық есептік көрсеткіш, реконструкциялау жағдайында – 47 айлық есептік көрсеткішті құрайды», – деді Диас Жамбылов.</blockquote>«Қаржы орталығының» өкілі одан бөлек, жатақханалар салу мен ректонструкциялауды жүзеге асыратын инвесторларды ынталандырудың қосымша құралдары да бекітілгенін атап өтті. Атап айтқанда, «Даму» қоры арқылы мемлекеттік қолдау тетігі шеңберінде банктік қарызды субсидиялау көзделген, сондай-ақ кәсіпкерге жатақхана бөлмесін жалдау ақысын өз бетінше белгілеуге мүмкіндік берілген. Сонымен қатар, жатақхана базасында коммерциялық алаңдар ашып, қосымша табыс табуға да мүмкіндіктері бар.Қолдаудың келесі тетігі – инвесторлар мен кәсіпкерлерге мемлекеттің қолдауымен жекеменшік мектептердің құрылысына және реконструкциясына инвестиция салу.Бұнда кәсіпкер өз қаражаты есебінен құрылыс жұмыстарын жүзеге асырады. Нысан пайдалануға енгізілгеннен кейін мемлекеттік тапсырыс орналастырылады.<blockquote>«Бір жылға бір оқушы орнына операциялық шығыстар: құрылыс жүргізу жағдайында – 96 айлық есептік көрсеткішті, реконструкциялау жағдайында 47 айлық есептік көрсеткішті құрайды. Операциялық шығындар жеке меншіктегі мектептің бүкіл қызмет ету кезеңінде төленеді. Сонымен қатар 8 жылдың ішінде инвестициялық шығындары өтеледі», – деді «Қаржы орталығы» АҚ-ның бас маманы Азамат Амангелдіұлы.</blockquote>Кездесуде кәсіпкерлер жан басына шаққандағы нормативтік қаржыландыруға ұстаздардың жазғы еңбек демалысы мен санатқа төленетін қосымша қаржыны енгізуді, сонымен бірге оқушыларды оқулықтармен қамтамасыз етуді сұрады.Айта кету керек, бүгінде Қызылорда облысында жалпы 1805 орындық 6 студенттік жатақхана және 8593 орынға есептелген 24 жеке мектеп салынып, қызмет көрсетуде.<figure class="image"><img src="https://knadmin.beoblood.kz/uploads/340177511_759639219254270_9047184649134954927_n_582859b114.jpg" alt="340177511_759639219254270_9047184649134954927_n.jpg"></figure>

Қызылордалық кәсіпкерлерге жеке мектептер мен студенттік жатақхана салу ұсынылды

<a href="https://kyzylorda-news.kz/">Kyzylorda-news.kz.</a>&nbsp;Республиканың көп бөлігі әлі де атмосфералық фронттардың әсерінде болады. Соның салдарынан ауа райының тұрақсыз сипаты сақталады және жаңбыр мен қар жауады, деп хабарлайды Қазгидромет.Оңтүстікте таулы аймақтарда кей уақытта қатты жаңбыр жауады. Тек Қазақстанның солтүстігі мен батысында күн ашық.Республика бойынша жел күшейеді, батыста, солтүстік-батыста тұман, оңтүстік өңірлерде найзағай жарқылдап, бұршақ жауады.

11 сәуірге арналған ауа райы болжамы

<a href="https://kyzylorda-news.kz/ru/">Kyzylorda-news.kz</a>. Соңғы жылдары биз¬нес саласында батыл қадам жасағандар көп. Қазақстандық на¬рық¬тағы төңкеріс ретінде ерекше демалыс орындарын, саяхаттауға арналған турларды атап өтуге болады. Келген тұтынушының жанына бір сәт тыныштық орнатып, құмыра жасау және сурет өнерімен айналысу арқылы әдемі әсер сыйлайтын орынның бірі – «Dalacraft» орталығы.«Мен бизнеске хобби ретінде қараймын, сондықтан болар, кейде жұмыс уақыты қашан аяқталып, жеке өмі¬ріме арналған уақыт қашан басталғанын білмей қаламын» дейді Ричард Брэнсон. Сүйікті ісі мен кәсібін ұштастыра біліп, қызылордалықтардың уақытты ерекше өткізуіне жағдай жасап жүрген кәсіпкер Оңалбек Ергештің жасы 20-да. Студент бола тұра кәсіпті қатар алып жүрген жаспен жақында әңгімелескен едік.– Оңалбек, бұл кәсіпті бастауға идея қайдан келді?– Құмыра жасау өнеріне қызығатын достарымызбен бірге осындай орталықтың біріне барған едік. Аудиториясы толықтай өзге ұлт өкілдері екен. Осындай жанға жайлы дема¬лыс сыйлайтын әрі қолөнердің бір түрі ретінде танымал құмыра жасау орталығын қазақы аудиторияға арнап неге ашпасқа деген ой келді. Сол кезде осы өнерді жаңғыртуды мақсат еттік. Ұзақ уақыт өтпей үш жігіт бірігіп, кәсіп бастадық. Бірігуіміздің себебі – тек бір қалада ғана емес, жалпы отандық нарықта брендке айналған орталық ашуды қолға алуда. Қазір Алматы, Тараз, Қызылорда қаласында бар. Кәсіп бастау үшін арнайы несие, грант алмадық. Өз қаржымызбен бастау алған іс кеңеюде. Тұрақты тұтынушының көбейіп, сұраныс артуына байланысты әр қаладан орталықтар ашудамыз.– Саз балшықпен жұмыс жасаудың тиімділігі неде?– Ең бастысы құмыра жасау қолдың моторикасын дамытады. Орталыққа саусақтары әлсіз немесе аутизммен ауыратын балалар келіп, уақыт өткізе алады. Жалпы сурет салу, құмыра жасау барысында адамның қолмен жұмыс жасау қабілетінің артатыны дәлелденген. Медицинада мұны емдік шара ретінде қолданады. Құмыраның құрылымы нәзік болғандықтан, онымен жұмыс жасағанда адамның бар назары тек соған шоғырланып, миы ойдан, күйбең тіршіліктен демалады. Сонымен бірге саздың құрамында басқа қоспалар жоқ, таза. Оған қандай қоспа қосса да, өзінен бөліп шығарып тастайды. Демек құмыра жасайтын саз табиғи, таза топырақтан тұрады.– «Dalacraft» арт-терапия орталығы десек артық емес. Өнермен емделушілердің ең кішкентайы неше жаста? Үлкені ше?– Біздің орталық жанға жайлылық сыйлайды. Адамдар түрлі жағымды эмоцияны бастан кешіреді. Сонымен бірге мұнда үнемі қазақша күйлер қосылып тұрады. Мұның бәрі арт-терапия. Осы уақытқа дейін келген қонақтардың ішіндегі ең кішкентайы 2 жасар қыз болды. Жалпы саз, құмыра жасау өнері жас талғамайды. Икемі бар болса, кішкентайларға да келуге болады. Ал ең үлкені – 75 жастағы азамат.– Сіздерде сурет салуға да мүмкіндік бар. Қолына қылқалам ұстап көрмегендер үшін бағыт беретін арнайы маман бар ма?– Иә, орталықта сурет өнері де қарастырылған. Өмірінде қолына қылқалам ұстап көрмеген, суреттен хабары жоқ немесе аздап қиналатын адамдарға біздің арнайы маманымыз үйретіп, өзі қалаған туындыны толықтай аяқтап шығуына көмектеседі. Құмыра жасауда да солай. Келген қонақтардың 99 проценті құмыра жасай алмайды. Бірақ жұмыс барысында маман қонақтың өзі қалаған формадағы дүниені жасауына мүмкіндік сыйлайды.– Орталықта уақыт өткізудің ерекшелігі неде?– Бізде арнайы фотограф бар. Келген әр тұтынушының құмыраны жасау не сурет салу барысындағы эмоциясын, туындыны бастаған, аяқтаған сәтін сапалы сурет, видеоға түсіру арқылы керемет естеліктерді бірге жасаймыз. Бұл қызмет келушілерге сыйлық ретінде тегін жүзеге асады.Одан бөлек атаулы күндерге арнайы романтикалық кеш ұйымдастыруға болады. Туған күнді осында атап өтуге, ғашықтардың ерекше романтикалық уақыт өткізуіне мүмкіндік бар. Көз үйренген тамақтану орнынан жалыққандар үшін бұл – таптырмас идея.– Тағы қандай ерекше жоспарларыңыз бар?– Болашаққа жоспар – «Дала» брендін қалыптастыру. Бұйырса, осы жылы тағы үш орталықты ашу жоспарда бар. Ал одан кейін жылына 10 орталық ашамыз деген ойдамыз. Бастапқыда үш жігіт болып кәсіп бастасақ, қазір он жігіттен команда құрап, әр қаладан кеңейтуге атсалысудамыз.– Сұқбатыңызға рақмет! Кәсібіңізге береке берсін! &nbsp;

Оңалбек Ергеш: «Дала» брендін дамытқым келеді

<a href="https://kyzylorda-news.kz/ru/">Kyzylorda-news.kz</a>. Күннен-күнге гүл дүкендері мен флористер көбейген сайын тың идеялар бәсекеге түсіп, соған сай сұраныс та артуда. Тіпті, тірі гүлдердің орнын ұзақ сақталатын, түрлі қажетті дүниелерден жасалған гүл шоқтары алмастырып жібергені жасырын емес. София Қожкенова – тапсырысқа қарай әртүрлі гүл шоғын жасайтын заманауи флорист. Оның туындыларында сабын да, қаптамадағы шоколадтар да, кептірілген жемістер де бар. 20 000 оқырманы бар Софияның кәсіптегі тарихына бірге үңілейік.София Оралбайқызы – Қызылорда қаласының тұрғыны, үш баланың анасы. Жоғары оқу орнында бухгалтер мамандығы бойынша білім алған ол 2018 жылдан бастап аталған кәсіпті қолға алған.&nbsp;<blockquote>«Негізі бұл кәсіпті бала күтімімен отырғанда бастадым. Екі ұлымнан кейін 2018 жылы ерекше ұлды босандым. Диагнозы – даун синдромы. Бәріміз оны «күн-бала» деп атаймыз. Есімі – Самат. Самат дүниеге келген соң біраз уақыт депрессияда жүрдім. Қойылған диагнозды қабылдай алмай, сол жағдайда не істерімізді білмей қиналдық. Бар ойым мен уайымым ұлымның денсаулығы болды. Сол кезде мені қалың уайымнан алып шыққан осы кәсібім әрі хоббиім. Ең алғаш рет құрбымның баласының туған күніне сыйлық апаратын кезде осындай дүниені өзім жасаған едім. Ол кезде екі ұлым мектепте, үшінші балам науқас. Өзім жұмыссызбын. Жолдасым ғана қаражат табатын. Бірақ өзім бұрыннан гүл жасағанды жақсы көретінмін. Сол күні гофра қағаздан сыртқы қабын жасап, арасына шоколад, кәмпит, түрлі тәттілерді қосып, гүл шоғын жасадым. Құрбымның баласы қатты қуанғаны есімде. Менің қызметім – адамдарды қуанту», – дейді батыл азаматша.</blockquote>Флористің айтуынша, өз қолынан шығатын туындылардың бағасы қолжетімді. Ол дайын өнімдердің бағасына өз еңбегінің құнын қосып, жалпы бағасын шығарады. Көңілден қымбат дүние жоқ деп білетін София келген тұтынушының қалтасына қарайтынын жасырмады. Мысалы, 7000 теңгелік гүл шоғын келушінің жағдайына қарай 5000 теңгеге келтіріп, жасап берген кездер де бар екен. Ал әр гүл шоғының бағасы құрамындағы заттарға, көлемі мен сапасына байланысты әртүрлі боп келеді.<blockquote>«Әрине, ассортимент кең емес. Дегенмен әрі қарай осыны дамытып, кеңейткім келеді. Қазіргі таңда бірнеше курсты қатар оқудамын. Мәселен, жақында жеке кәсіпкерлік курсын бітірдім. Флорист ретінде де арнайы, кәсіби білімім жоқ. Бәрі қызығушылықтан басталды. Бірақ салыстырып қарасам, жасаған дүниелерім кәсіби флористердікінен кем емес. Алдағы уақытта кәсіби білімімді жетілдіріп, осы саланы дамытқым келеді», – дейді ол.</blockquote>Айтып өткеніміздей, кейіпкеріміздің гүл шоқтары сабын мен кептірілген жемістерден жасалады. Бұл іске араласқанына жарты жылдан асқан. Флористиканың ішінде дәл осы жемістер арқылы жасалатын түрін оқығысы келсе, де оған мүмкіндігі болмаған. София инстаграм желісінен көріп, өзі жасап көрген көрінеді. Түрлі сайттан қарап, теориялық білім алған. Осылайша кептірілген жемістер арқылы жасалатын гүл шоқтарын жасауға кіріскен. Нарыққа мән берсек, мұндай гүл шоқтары сұранысқа ие. Денсаулыққа да пайдалы. Кейіпкеріміз гүл шоғын кем дегенде бір сағатта, ал күрделі түрін үш сағаттың ішінде жасап шығарады.Ал сабыннан гүл шоғын жасау идеясы туралы ол: «Осылай түрлі туындыларды жасап жүргенде тұтынушыларым арасына гүл қосыңызшы деп сұрайтын. Бірақ тірі гүлді түйірлеп қосып отыру қолайсыз. Көптеп алсам, солып қалады. Сол үшін гүл формасындағы табиғи сабындарды неге қоспасқа деген ой туындады. Қараған адамға тірі гүлден еш айырмасы жоқ. Сыртқы бейнесі де әдемі, әрі ұзақ сақталады. Хош иісті, түрлі-түсті гүлдер ерекше әдемі көрінеді. Сонымен сабынды гүл шоқтарына да сұраныс арта бастады», – дейді ол.Арнайы парақша ашып, мәтін жазуды, сурет таңдауды, инстаграмды дұрыс жүргізуді ешқандай курсқа қатыспай-ақ, үздіксіз іздену арқылы ютуб желісінен, басқа да сайттардан үйренген София Оралбайқызының бүгінгі жетістігі – берекелі кәсібі мен ертеңгі күнге деген сенімі. Оның алға қойған жоспары көп. Ең бастысы – күн-баласын аяққа тұрғызу. Сонымен бірге кәсіпкер Қызылорда қаласынан студия ашып, шәкірт тәрбиелегісі келеді. Арнайы курс ұйымдастырып, шеберлік сыныптарын өткізуді жоспарлап жүр. &nbsp;

София Қожкенова: Флористиканың құпиясы көп

<a href="https://kyzylorda-news.kz/ru/">Kyzylorda-news.kz</a>. Қала орталығында жанға жайлы бір орын бар. Онда заманға сай кітап та, трендке айналған тәтті кофе де бар. Тыныштық пен демалыс іздеген жанға таптырмас орта «КitapAl» деген атаумен көпке таныс. Орталықтың басшысы Нұрбек Досболұлымен емен-жарқын әңгімелескен едік.‒ Нұрбек, кәсібіңізді кітаппен байланыстыруыңыздың өзі сіздің кітапты жиі оқитыныңыздан хабар береді. Бұл бала күннен қалыптасқан әдет пе? Кәсіп жайлы айтпас бұрын сіздің кітапқа деген көзқарасыңыз қызық болып тұр…‒ Иә, кітап оқу бала күнімнен қалыптасқан дағды. Отбасында атамның жиі кітап оқып, жазатынын көріп өскен соң &nbsp;кітапқа деген қызығушылығым арта түсті. Айта кетейін, мен Қарағанды облысы, Қаныш Сәтбаев қаласында дүниеге келіп, сол жақта білім алдым. Мектепте жүргенде қосымша &nbsp;қалалық кітапханаға жиі баратынмын. Онда бізге нөмір беретін. Сонда кітапханашымен дос болып, маған «341» деген нөмір емес, «001» деген нөмір берсеңіз деп сұрағаным, сол үшін келесі жылдың бірінші қаңтарын күтіп, соны алғаным есімде. «Ләйлі-мәжнүн» дастанын оқудың өзі қызық болды. Қалаға жақын жердегі Қожамбай ауылына барып, қой бағып жүріп те кітап оқитынмын. Мысалы, сондай күннің бірінде «Мың бір түн» кітабын үйдегілер «кішкентайсың» деп рұқсат бермесе де, тығылып жүріп оқығаным бар. Қазір күніне бір жарым сағат кітап оқуға тырысамын. Бір әдетім, кітаптарды түрлі бағытта оқығанды жақсы көремін, яғни бір мезгілде бес түрлі кітап оқимын. Себебі адам бір тақырыптан жалығуы мүмкін.‒ Бұл әдістің тиімділігі қандай?‒ Кітапты соңына дейін оқу келесі кітапты бастауға деген қызығушылығымды оятады. Жалпы мүлде шаршамай оқитын кітабым отбасы тақырыбындағы кітаптар. Өйткені көкейімде үнемі «Отбасымды қалай үлгі тұтарлық деңгейде қалыптастыра аламын? Отбасылық кикілжің орын алса, оның алдын қалай аламын?» деген сауалдар болады және сол үшін өзімді мүмкіндігінше ақпараттармен қамтамасыз етуге тырысамын. Өйткені бұл қарым-қатынас тікелей баланың психологиясына, тәрбиесіне әсер етеді. Отбасымның дұрыс болуы балаларымның болашағының жарқын болуы деп түсінемін. Жақында ғана «Шабыт» баспасынан шыққан «Бақытты отбасы негіздері» кітабын аяқтадым.‒ Осы уақытқа дейін шамамен қанша кітап оқыдыңыз?‒ Үш жүзден аса кітап оқыған шығармын. Қазір зерттеу кітаптарын оқып жүрмін. Негізі кітаптан бөлек «Ыбырай» білім беру қорында төрағалық қызмет атқарамын. Үздік мұғалімдерді жинақтауды мақсат еткен қор «Қазақстанда білім деңгейі не үшін төмендеп кетті?» деген зерттеу жұмысын жасаған. Сол зерттеумен қатар Стивен Ковиннің «Жасампаз жандардың 7 дағдысы» атты кітабын, Ыбырай Алтынсаринның өмірбаяны жазылған үштомдықты оқудамын.‒ Ең алғаш бизнес жолын қалай бастадыңыз? «КitapAl» жобасы қалай дүниеге келді?‒ Бала күнімнен саудаға жақын болдым. Ең алғаш кәсіпті неден бастаймын деп ойлана келе кітап дүкенін таңдадым. Қазір бұл сала бойынша тоғыз жылдық тәжірибем бар. Бастапқыда менде ешқандай қаражат болған жоқ. Жалақымнан жинап жүріп, Ақтау қаласындағы мешіт төңірегінен кітап сатуға орын алдым. Ең алғаш 160 мың теңгеге кітап әкеліп, оның негізгі бағасына 20 пайыз ақысын қосқан кезде пайдасын көріп, таң қалдым. Екі жылдан соң қала орталығынан «Айдын» деген атаумен кітап дүкенін аштық. Кітап оқыған адам айдың нұрындай жарыққа, жақсылыққа кенеледі деп солай қойғанбыз. Қазір фирманың да атауы – «Айдын кітап». Бірақ арманым супермаркет деңгейіндегі кітап дүкенін ашу болатын. Қосымша тапқан қаражатыма Еуропаға үш-төрт мәрте бардым. Сол кезде міндетті түрде кітап дүкендерін аралап, атмосферасын сезінуге тырысатынмын. Қарап отырсаңыз, «КitapAl»-дағы кітаптар сөресі мен кофейня қызметінің бірігуі сол Еуропадан көрген үлгі еді. Қызылордағы келмес бұрын осындағы кітап нарығын зерттедім. Мұнда Алматы қаласындағыдай «Меломен», «Марвин» сынды кітап дүкендері жоқ. Үлкен кітап дүкенін ашуды мақсат еткен мен Қызылордада кітапқа сұраныс бар екенін түсіндім. Осылайша екі жыл бұрын қалаға отбасыммен бірге қоныс аудардым.‒ Үйде кітап қорын жинақтайсыздар ма?‒ Иә. Мен көбіне кітапты сызып оқығанды жақсы көремін. Шимақтап тастаған кітапты біреуге берген ыңғайсыз. Бір жағынан, менің сызғандарым басқаға кері әсер етуі мүмкін. Сондықтан кітапты міндетті түрде сатып алуға тырысамын және табысымның он пайызын кітап алуға жұмсаймын.‒ Кітап сату табысты бизнес пе? Мұнда айына қанша кітап сатылады?‒ Жалпы кітап бизнесі қоғам сұранысынан қалмайды. Себебі адам рухани азық іздейді, кемелденуді қалайды. Біз қазір электронды нұсқадағы кітаптарды сатуға тырысып жатырмыз. Мен екі жыл бойы үзбей &nbsp;электронды кітап &nbsp;оқыдым, мысалы «Көшпенділердің» үш трилогиясын онлайн бітірдім. Бірақ екі жылдан соң электронды кітаптан шаршадым. Өйткені электронды нұсқа кітапты қолмен ұстап, сезініп оқуға жетпейді. Сондықтан кітап саудасы азаймайды деп ойлаймын.Кітаптың жарамдылық мерзімі жоқ. Сондықтан ауқымды пайда әкелмесе де, бірден байып кетпесең де, тұрақты түрде табысқа жетуге болады. Дүкенде айына шамамен 3000-ға жуық кітап сатылады. «Мазмұндама» қорының, «Атамұра», «Самға», «Қасым» баспасының кітаптары тұтынушылар сұранысында. Өкінішке қарай қазір балалар әдебиеті жоқтың қасы.Осыдан бес жыл бұрын балаларыма ертегі оқып берейін десем, қызықты әдебиет таппағаным рас. Соңғы екі-үш жылда бұл бағытта да өзгеріс бар. «Балалар әдебиеті» жылы жарияланғаннан бері Алматыдағы «Алтын сақа» баспасы жүзден аса кітап басты. Сондықтан қазір балалар әдебиеті де жақсы сатылымға шығуда. Соңғы уақытта әйел адамдар психологияға қатысты кітаптарға жиі қызығады, сондай-ақ Қайрат Жолдыбайұлының «Кемел адам» кітабы да үлкен сұранысқа ие. Жалпы қазір «екі қолға бір күрек дейтін заман» өтті, қазір оқыған, өзін дамытқан адам ғана озады. Сол үшін де кітап бизнесі тоқтамайды.Бүгінде бізге келушілердің орташа жасы 20-35 жас аралығында. Осы орайда жастардың кітапқа деген қызығушылығы жоғары екенін айтқым келеді.‒ Нарық сұранысына сай онлайн кітап сататын дүкендер де бар. Осы тұста бәсекелестеріңіз жайлы сұрағым келіп отыр…‒ Бізде 8000-нан аса кітап бар. Мақтанғаным емес, қала бойынша бәсекелес жоқ. Қазір тек өз-өзімізге бәсекеміз.‒ Сұхбатыңызға рақмет! &nbsp;

Нұрбек Досболұлы: «КitapAl»-да қызылордалықтардың қызығушылығы – басты орында

<a href="https://kyzylorda-news.kz/">Kyzylorda-news.kz.</a>&nbsp; Соңғы екі ойында қызылордалық «Қайсар» жеңіске жетіп, турир кестесіндегі жағдайын жақсатып алды. Алдымен ақтаулық «Каспийді» сырт алаңда 3:1 есебімен тізе бүктірсе, одан кейін өз алаңында қарағандылық «Шахтерден» 2:1 есебімен басым түсті.Төртінші турдың алғашқы ойынында Ақтаудың «Каспий» командасы Қызылорданың «Қайсары» кездесті. Ақтаудағы стадионның дайын болмауына байланысты ойын Алматы қаласындағы «Жас Қыран» стадионында өткізілді.Қазірге дейін командалар турнир кестесінде төменгі орындарда келе жатқан еді. Ақтаулық ұжым үш турда бірде-бір ұпайға қол жеткізе алған жоқ. Ал қызылордалық клубтың еншісінде небәрі бір ғана ұпай болды.Ойын басынан қос команда бірден шабуылға көбірек шығуға көңіл бөлді. Көп сәтте «Қайсар» ойыншыларының белсенділігі байқалды. Нәтижесінде олардың қатарынан 27, 32-минуттарда Василий Совпель екі мәрте мергендік танытты.Ойынның 54-минутында қызылордалық клубтан Бақдәулет Зульфикаров есепті үстемелей түсті. Ал 63-минутта «Каспий» сапынан Алексей Залески пенальтиден мүлт кеткен жоқ.Осылайша «Қайсар» қарсыласынан 3:1 есебімен басым түсіп, биылғы біріншіліктегі алғашқы жеңісіне қол жеткізді. Турнир кестесінде олар сегізінші орынға көтерілсе, ақтаулық клуб соңғы орынға сырғыды.<blockquote>«Ең алдымен алыс жолдан келген жанкүйерлерге ерекше алғысымды жеткіземін. Өйткені біз Алматыда ойнасақта жанкүйерлердің қолдауының арқасында өз алаңымызда жүргендей сезіндік. Бұл біздің жеңістің бір белгісі деп білемін. Жоғары деңгейлі матч болды. Бастысы, бас бапкердің тактикасын сауатты орындап, маңызды 3 ұпайға қол жеткізді», – деді «Қайсардың» беларусьтік шабуылшысы Василий Совпель.</blockquote>Қызылордада жергілікті «Қайсар» мен Қарағандының «Шахтері» қорытындылады. Командалар биылғы біріншілікті сәтсіз бастады.Төрт ойыннан кейін небәрі төрт ұпай жинаған «Қайсар» тоғызыншы орында тұрса, «Шахтер» небәрі бір ұпаймен он екінші орынды місе тұтты.Командалар бірден шабуылға көшті. Нәтижесінде 3-минутта қарағандылық клубтан Иван Свиридов есеп ашты. Одан кейін «Қайсар» сапынан Горан Милойко 19, Әділет Кеңесбек 39-минутта екі гол соқты. Осылайша «Қайсар» қарсыласынан 2:1 есебімен басым түсті. &nbsp;&nbsp; Ойыннан кейін қайсарлық қорғаушы Қуаныш Қалмұратов «Шахтермен» қарсы матчтың қиын болғанын жеткізді.Ойын екі команда үшін қарқынды басталды. Жылдам шабуылдың арқасында бірінші болып гол жіберіп алдық. Дегенмен жанкүйерлердің қошеметінің арқасында алаңда өзіміздің күшімізге қайта ендік. Өткен ойындарға қарағанда «Шахтер» тегеурінді қарсылық көрсете білді. Ойын тағдырын бірінші таймда шешіледі деп күтпедік. Өйткені матчтың екінші бөлігінде де прессинг арқылы есепті ұлғайтқымыз келді. Алайда таблодағы есепті өзгерту мүмкін болмады. Десек те фанаттарымыздың қолдауы жеңіске деген жігер сыйлады.&nbsp;«Қайсардың» бас бапкері Виктор Кумыков «Шахтерге» қарсы ойын туралы пікірін білдірді.&nbsp;Жанкүйерлер көргендей матч өте қиын болды. Қарсыласымыз бірінші болып гол соқты. Қуанышқа орай ойынның бірінші жартысында есепте алға шықтық. Біз бұл ойында қарымта шабуылға көңіл бөліп, нәтиже шығарғанды құп көрдік. Бұл жоспарымыз бірінші таймда жүзеге асып, кездесудің екінші бөлігінде іске аспады. Бірақ жанкүйерлердің үмітін ақтап жеңіске жеттік. Бастысы үш ұпайды олжалап, ұпай санын ұлғайту керек болды. &nbsp;

«Қайсар» қарқынды ойын көрсете бастады

<a href="https://kyzylorda-news.kz/">Kyzylorda-news.kz.</a>&nbsp; Егер сіздің дербес және төлем деректеріңіз киберқылмыскерлердің қолына түскен жағдайда, олар сіздің онлайн- немесе &nbsp;мобильдік банкингіңізді бұзып, алаяқтық тәсілмен кредит ресімдеулері мүмкін.Егер сіз «басқа адамның кредитінің» құрбаны болсаңыз, онда бірінші кезекте, қарыз ресімделген кредиттік ұйымның атауын біліп алыңыз, және оған өтінішпен жүгініңіз. Атыңызға заңсыз кредит ресімделу фактісін кредиттік тарихтың көмегімен анықтауға болады, оны тоқсанына кемінде 1 реттен кем емес үнемі тексеріп тұру қажет. Дербес кредиттік есепті Мемлекеттік кредит бюродан, Бірінші кредиттік бюродан, ХҚО-дан немесе &nbsp;egov.kz &nbsp;порталы арқылы &nbsp;алуға болады.Кредитордан міндетті түрде ішкі қызметтік реттеу жүргізуді талап етіңіз. Сонымен қатар, кредиттік ұйым сізге шарттың көшірмелерін, оған қосымшаларды және жеке басты куәландыратын құжаттарды, сондай-ақ ақша аударылған шоттың деректемелерін ұсынуға тиіс. Сізге кредит берген және шартты ресімдеген қызметкердің деректерін нақтылау қажет.Өтінішті сондай-ақ, құқық қорғау органына да беру қажет. Сіздің өтініштеріңіз тіркелуге тиіс, өтінішті қабылдау күні көрсетілген тіркеу нөмірі сіз өзіңізге қалдыратын өтініштің көшірмесіне де қойылуға тиіс.Кредиттік ұйым &nbsp;құжаттар ұсынудан бас тартқан жағдайда, сіз ҚР Қаржы нарығын реттеу және дамыту агенттігіне шағым бере аласыз.Егер кредиттік ұйым ақшаны сіздің жеке куәлігіңіз &nbsp;бойынша алаяқтардың алғанына дәлелдер таба алмаса, тұрғылықты мекенжайыңыз бойынша сотқа мәмілені жарамсыз деп тану туралы шағым-талап беру қажет. Сот шешімді сіздің пайдаңызға шығарған жағдайда, кредиттік ұйым:&nbsp; &nbsp; &nbsp; &nbsp;- сізден борышты төлеуді талап етуді тоқтатуға;&nbsp; &nbsp; &nbsp; &nbsp;- берешекті есептен шығаруға;&nbsp; &nbsp; &nbsp; &nbsp;- кредиттік бюроға сіздің кредиттік тарихыңыздан басқа адамның қарызы бойынша ақпаратты алып тастау жөнінде хат жолдауға тиіс.&nbsp;Сіз алмаған кредит бойынша берешегіңіз туралы білсеңіз не істеу керек?&nbsp;Егер сіз жеке басын куәландыратын құжатыңызды қашан болсын жоғалтқан болсаңыз, алаяқтар ол бойынша кредит ресімдеуі мүмкін. Олар дербес деректерді қазір күрделі мәселе болудан қалған заманауи технологиялар - әлеуметтік инженерияның көмегімен де қолды ете алады. Сіздің атыңызға кредиттің заңсыз ресімделу фактісін уақтылы анықтауға кредит тарихы мүмкіндік береді. Өзіңіздің кредит тарихыңызды бақылап отыру – бұл алаяқтардан «сақтандырудың» өзінше бір түрі. Кредиттік бюроның деректер базасында бүкіл Қазақстан бойынша әрбір банктің және кредит ұйымының барлық қарыз алушылары бойынша мәліметтер бар. Яғни егер сіз бір рет болсын кредит алсаңыз, онда кредит туралы, оның ішінде мерзімі кешіктірілгендері болса, ол туралы да ақпарат деректер базасында көрсетілген.Сонымен не істейміз?&nbsp;Бірінші кезекте қарыз ресімделген кредит ұйымының атауын біліп алу қажет. Егер бұл ұйым ҚР Қаржы нарығын реттеу және дамыту агенттігінің реттеуіне кіретін болса жақсы. Мұны қаржы реттеушісінің сайтында «Рұқсаттар және хабарламалар тізілімі» бөлімінен тексеруге болады.<figure class="image"><img src="https://knadmin.beoblood.kz/uploads/daa8b0042b5d27086c97eea751186e6e_4277789c2f.png" alt="daa8b0042b5d27086c97eea751186e6e.png"></figure>Сондай-ақ құқық қорғау органдарына өтінішпен жүгіну қажет. Қолтаңба сараптамасы тағайындалатын болады, ол қарыз шартындағы алушының қолтаңбасы еместігін анықтайды.Алаяқтар сіздің атыңызға қандай &nbsp;кредит ұйымынан қарыз алғанын анықтай отырып, сіз осы ұйымға барлық қолда бар ақпаратты толық көрсете отырып өтініш жазуыңыз қажет. Төлем картасы немесе жеке басын куәландыратын құжат жоғалған жағдайда растайтын анықтаманы қоса беру қажет. Міндетті түрде ішкі қызметтік тексеру жүргізуді талап етіңіз. Сіздің өтінішіңізді тіркеуі қажет, өтінішті қабылдау күні жазылған тіркеу нөмірін өзіңізге қалдыратын өтініштің көшірмесіне де қою қажет.Бұдан басқа кредит ұйымы шарттың, оның қосымшаларының &nbsp;және жеке басын куәландыратын құжаттардың көшірмелерін, сондай-ақ ақша аударылған шоттың деректемелерін ұсынуы тиіс. Сіз кредит берген және шартты ресімдеген қызметкердің деректерін нақтылауыңыз қажет.Кредит ұйымы құжаттарды ұсынудан бас тартқан жағдайда, сіз ҚР Қаржы нарығын реттеу және дамыту агенттігіне шағымдана аласыз.Егер кредит кредитоматтарда ресімделген болса, онда оларда бейнекамералар орнатылған, ондағы жазбалар алушыны идентификаттауға көмектесе алады.Егер бұл онлайн-қарыз болса, оны полиция IP арқылы қаскүнемдерді анықтай алады. Мұндай тәсілді бейтаныс адамдар ғана емес, сонымен бірге жақын туыстар, құрбылар, достар, сіз құжаттарыңыз бен банктік деректеріңізді сенген таныс адамдар да қолдануы мүмкін екенін атап өткеніміз дұрыс.Егер кредит ұйымы сіздің жеке куәлігіңіз бойынша ақшаны алаяқтардың алғанына дәлелдер таппаса, онда тұрғылықты жеріңіз бойынша мәмілені жарамсыз деп тану туралы сотқа арыз бересіз. Сот сіздің пайдаңызға шешім шығарған жағдайда, кредит ұйымы:- сізден борышты төлеуді талап етуді тоқтатуы;- берешекті есептен шығаруы;- кредиттік бюроға бөгде адамның қарызы туралы ақпаратты сіздің кредит тарихыңыздан алып тастау туралы хат жіберуі тиіс.Кредит есебін қайдан алуға болады?<figure class="image"><img src="https://knadmin.beoblood.kz/uploads/fef5a086b89ca2dc6e4bb4cecdc51fa7_47325be2bb.png" alt="fef5a086b89ca2dc6e4bb4cecdc51fa7.png"></figure>Fingramota.kz егер сіздің атыңызда қазіргі уақытта кредит болмаса да немесе ешқашан кредит алмаған болсаңыз да кредиттік бюроға жүгініп, дербес кредит есебін мерзімді түрде алып тұруды ұсынады.Кредит есебі туралы нені білу маңызды:- &nbsp; &nbsp;Дербес кредит есебін кредиттік бюродан (Мемлекеттік кредиттік бюро, Бірінші кредиттік бюро), сондай-ақ электрондық үкімет сайтынан онлайн алуға болады;&nbsp;- &nbsp; &nbsp;Дербес кредит есебін кредиттік бюроға жүгініп, кемінде тоқсанына бір рет алған дұрыс. Жылына бір рет кредит есебін ал тегін болады. Өзіңіздің кредит тарихыңызды үнемі бақылап отыру қажет, себебі &nbsp; соңғы кезде жоғалған құжат, жеке басын куәландыратын құжат &nbsp;бойынша жұмыс істейтін қаржы алаяқтары белсенді, олар ештеңеден күмәнсыз азаматтардың атына кредит ресімдеуі мүмкін;- &nbsp; &nbsp;Банк кредит ресімдеген кезде сіздің кредит есебіңізді кредиттік бюродан сұрату үшін сізден рұқсат сұрауы тиіс;- &nbsp; &nbsp;Әрбір кредит ұйымы кредит беру-бермеуді дербес қабылдайды. Кредиттік бюролар мұндай шешімге қатыспайды және ықпал етпейді.- &nbsp; &nbsp;Кредиттік бюро кредит туралы соңғы ақпарат алынған сәттен бастап кемінде он жыл бойына кредит тарихын сақтайды.- &nbsp; &nbsp;Жеке кредиттік есептегі ақпарат конфиденциалды болып табылады. Үшінші тұлғаларға оны жариялауға болмайды!Қаржы алаяқтарынан өзіңізді қалай қорғауға болады?- Ешқашан, қандай жағдайда болмасын таныс емес адамдарға өзіңіздің жеке деректеріңізді айтпаңыз, оның ішінде оларға жеке басыңызды куәландыратын құжаттардың көшірмелерін жібермеңіз.- Төлем карталарының деректерін ешқашан ешкімге бермеңіз және жарияламаңыз, оның ішінде әлеуметтік желілерде жарияламаңыз.- &nbsp;Сіз телефон қоңырауына жауап бергенде жиі «иә» деп жауап бересіз. Бұл әдеттен арылыңыз. Телефон алаяқтары алаяқтық жолмен сіздің атыңызды және тегіңізді және сіз айтатын басқа да жеке ақпаратты біліп алып, сіздің дауысыңызды жазып алады, осылайша сіздің атыңызға «бөгде адамдардың» кредитін ресімдей алады.- HTTPS префиксінің болуын тексеріңіз:// конфиденциалды ақпаратты енгізу талап етілетін сайттарда тіркеліңіз.- Егер сіз сайтты немесе ұйымның парағын фейк деп күмәндансаңыз, осы ұйыммен байланысыңыз және ақпаратты нақтылаңыз.- Өзін қаржы ұйымдарының қызметкерлерімін деп таныстыратын бейтаныс адамдардың қоңырауларына сенбеңіз, оларға жеке деректеріңізді жария етпеңіз. Ең бастысы олармен әңгімені жалғастырудың қажеттілігі жоқ.- Барлық қол қойылатын құжаттарды мұқият оқып шығыңыз, көрсетілген деректердің дұрыстығын тексеріп, салыстырыңыз. &nbsp;Осындай қарапайым қағидалар сізді қаржы алаяқтарының арбауынан қорғайды. Fingramota.kz-пен бірге өзіңіздің қаржылық сауаттылығыңызды арттырыңыз!&nbsp;

Алаяқтар сіздің атыңызға жалған кредит рәсімдеген жағдайда не істеу қажет? 

<a href="https://kyzylorda-news.kz/">Kyzylorda-news.kz.</a> Мәслихат депутаты мандатын алғаннан кейін халық қалаулылары алғашқы жұмыс барысын қаладағы құрылыс жұмыстарымен танысудан бастады.&nbsp;Олар алдымен сол жағалауда «Нұрлы жер» мемлекеттік бағдарламасы аясында салынып жатқан ипотекалық көпқабатты тұрғын үйлерге барды. Аталған аумақтағы құрылыс барысымен қалалық құрылыс бөлімінің басшысы Айдын Әнуар таныстырды. Қазіргі таңда мұнда «Нұрлы жер» мемлекеттік бағдарламасымен 470 пәтерлік 10 көпқабатты тұрғын үй салынуда. Халық қалаулылары барған №6 тұрғын үйдің құрылысына «Аман-Құрылыс» ЖШС мердігер мекемесі жауапты. Жоба құны 890 миллион теңгені құраған көпқабатты үйдің іргетасы былтыр қараша айында қаланған. Жоспар бойынша биыл желтоқсан айында құрылыс жұмыстары толық аяқталуға тиіс. Осы орайда қалалық мәслихат төрағасы Ибадулла Құттықожаев тұрғын үйлердегі ыстық су мәселесін қозғады.&nbsp;<blockquote>«Жоба бойынша бұл көпқабатты тұрғын үйлерге ыстық су жүргізілуге тиіс. Бұл мәселе облыстық мәслихаттың сессиясында көтеріліп, тиісті қаржыға ұсыныс берілді. Қаржы бөлінген жағдайда сол жағалаудағы 72 тұрғын үй жыл бойына ыстық сумен қамтамасыз етіледі», – деді қалалық құрылыс бөлімінің басшысы Айдын Әнуар.&nbsp;</blockquote>Құрылыс алаңында бұдан бөлек жол, көлік тұрағы сынды мәселелер де қозғалды. Аулаішілік жолдардың тарлығы, көліктердің жүріп тұруына кедергі деген депутаттарға бөлім басшысы соңғы жобалық үлгі бойынша көлік тұрағы тұрғын үйдің сыртқы бетіне салынады. Ал ішкі жолдар қауіпсіздікті сақтау үшін тұрғындардың және балалардың еркін жүруіне арналған. Сондай-ақ тек такси, жедел-жәрдем, өрт сөндіру көлігінің кіруіне ғана рұқсат етіледі деп жауап берді. Аталған аумақтан сайланған депутат Жасұлан Жарасбаев тұрғын үй аумағынан коммуналдық шаруашылық қызметкерлеріне арналған шағын мобильді топ отыратын ғимарат салынса деген тұрғындар өтінішін жеткізді. Бұл түрлі жағдай орын алған кезде тиісті сала мамандарын жан-жақтан іздемей, жақын маңнан көмек шақыруға қолайлы болмақ.&nbsp;Биыл қалада жол жөндеу, жаяу жүргіншілер жолының құрылысы қарқынды жүргізілуде. Осы орайда халық қалаулылары Отырар көшесі бойына салынып жатқан жаяу жүргіншілер жолына барды. Бұл көшедегі жол құрылысын «Қызылорда жолдары» ЖШС мердігер мекемесі жүргізуде. Серіктестікке тиесілі 10 көшенің 7-еуіне асфальт төсеу жұмыстары жүргізілуде. Қалған 3 көшенің құрылысы жуық арада аяқталады.&nbsp;Халық қалаулыларының келесі бағыты Арай-Шұғыла шағын ауданында жалғасты. Ел арасында «остров» аталып кеткен бұл аумақта Кеңес заманында салынған ескі көпір тұрғындардың базынасына айналған. Жан-жағы ашық, жолы тар көпірмен балалар мектепке қатынайды. Қоғамдық көліктер де осы жерден өтеді. Балалардың қауіпсіздігіне алаңдаймыз деген жұртшылық осы аумақты кеңейтіп, жаяу жүргінші жолын салса деген тілектерін жеткізді. Осы аумақтан сайланған қалалық мәслихат депутаты Раушан Ысқақова бұл мәселеге байланысты сауал жолдағанын, бірақ, оң шешім таппай отырғанын айтады. Сондай-ақ депутат мұнда қоғамдық көлік, электр жарығы, ауызсу, жол мәселесінің де өзекті екенін тілге тиек етті. Аталған мәселелер халықтың басты қажеттілігі негізінде шешім табуы тиіс. Алдағы сессия отырыстарында бұл мәселе қаралып, ұсыныстар берілмек.Бүгінде көпқабатты тұрғын үйлер салынып, құрылысы қарқын алған шағын ауданның бірі – СПМК-70. Мұндағы №3 тұрғын кварталынан көпқабатты 4 тұрғын үй бой көтерген. Соның ішінде 60 пәтерлі ипотекалық тұрғын үйдың құрылысы бітіп, қабылдау актісі тапсырылғанымен «Отбасы банкке» табысталмаған. Инженерлік желілері мен абаттандыру жұмыстары жүргізілмеген тұрғын үй бір жарым жылдан бері ел игілігіне берілмей бос тұр. Сол себепті тұрғындар шағым түсірген. Халық өтінішімен мұндағы жұмыс барысымен танысуға келген депутаттар істің мән-жайына қанық болды. Қазіргі таңда аталған тұрғын кварталдың инженерлік желілерін жүргізуге тиісті қаражат бөлініп, жылу, ауызсу, кәріз, газ желілері жүргізілген. Енді инфрақұрылымдық жұмыстары аяқталса облыстық бюджеттен бөлінген қаржыға «Ремстрой» ЖШС тарапынан аулааралық абаттандыру мен байланыс желісі жүргізілмек. Жалпы құрылыстың аяқталу мерзіміне 6 ай уақыт берілген.&nbsp;Құрылыс нысандарын аралау барысында депуттаттар тиісті сала басшыларына етене жұмыс жасауға, халықтың басты қажеттілігін қанағаттандыру мақсатында тиісті ұсыныстарды беруді, құрылыстың сапасына баса мән беруді тапсырды. Сондай-ақ аталған нысандар құрылыс жұмысы аяқталғанша ұдайы бақылауда болмақ.

Қызылорда қаласы: Қалалық мәслихат депутаттары қызметке кірісті

<a href="https://kyzylorda-news.kz/">Kyzylorda-news.kz.</a> Бір ғасырдан аса қызмет етіп келе жатқан «Қамқор Локомотив» ЖШС филиалы Қазалы локомотив жөндеу зауыты алғашында Орынбор-Ташкент темір жолының Қазалы паровоз депосы деген атауда болған. Алдағы екіжылдықта 120 жылдығын тойлайтын зауыттың атауы бірнеше рет өзгерген.Атап айтқанда, депо бастапқыда Орынбор-Ташкент қазыналық темір жолы Қазалы паровоз-вагон негізгі депосы, паровоз депосы, кейін локомотивтердің-тепловоздардың жаңа типтері шығуына байланысты локомотив депосы болып аталды. Осындай уақыт сынынан өткеннен кейін «Қазақстан темір жолы» республикалық мемлекеттік кәсіпорнында мекемелерде қосымша жұмыс орнын ашып-жөндеуді, өндірісті шоғырландыру, тепловоздарды жөндеуге өндірістік қуатты дамыту мақсатында «Қазақстан» темір жолы» бұйрығымен Қазалы локомотив депосы ТЭМ-2 сериялы маневрлі тепловоз жөндеу зауыты болып қайта құрылды. Ал 2009 жылдың қараша айынан бастап «Қамқор Локомотив» ЖШС-нің «Қазалы локомотив жөндеу зауыты» филиалы болып қайта құрылды.Бүгінде зауытта 375 адам жұмыс істейді. Оның 40-ы басқару аппаратында, 335-і жұмысшы, 80-і жоғарғы білімді, 88 адамның арнаулы техникалық білімі бар. Мекемеде 49 әйел, 326 ер кісі үздіксіз еңбек етеді. Солардың қатарында ұжым арасында сыйлы Әділбек Тәңірбергенов те бар. Ол өмірінің 45 жылын осы теміржол саласына арнаған. Күш-қуаты бойында тұрған жас бозбала кезінде Локомотив депосына ағаш ұстасының көмекшісі болып қабылданған. Бір жыл қызмет еткен соң әскерде азаматтық борышын өтеп, жұмысына қайта орналасады. Бұл жолы электрмонтердің көмекшісі ретінде жұмыс бастайды.<blockquote>– Кезінде заманның кеңдігі шығар теміржолға тұрғандардың жағдайы өзгелерден әлдеқайда жақсы болатын. Оны осы саланың майын ішіп, жілігін шағып жүрген әкемнен байқайтынмын. Сол шақта жалақысы да жақсы. Былай-былай емін-еркін жүріп-тұруға жолдамалар жиі беретін. Осыған іштей қызығып жүргендіктен депоға әуелгіде жай жұмысшылыққа келдім. Тегін бір жылға екі мәрте қолданатын жол билеті, демалысқа жан-жаққа жолдамалар алатынбыз. Бәрі ағыл-тегіл болды. Қазір де нарық қыспағына қарамастан жағдайымыз жаман емес. Мейрам сайын сый-сияпаттар ұсынылып, арагідік жолдама да алып тұрамыз. Басшылық тарапынан барлық мүмкіндік жасалады, – дейді Әділбек Изтайұлы.</blockquote>Әділбек Изтайұлы Ақтөбе локомотив пайдалану депосында да жұмыс істеген. Онда Ақтөбе теміржол техникумын жол жөндеу маманы ісін бітіріп шығады. Дегенмен өзінің алғырлығы мен зеректігінің арқасында 12 күндік сабақ алып, тепловоз машинистінің көмекшісі болады. Алайда ол жақта жерсінбей, Қазалы локомотив жөндеу зауытына қайта келеді. Содан бері зауыттың электр жабдықтарын жөндеу 1 цехында күндізгі бөлімде еңбектенеді. 1 разрядтан 6 разрядқа дейін көтеріліп, білікті маман болып жұмыс атқарады.<blockquote>– Зауыт негізінен ТЭМ-2 сериялы маневрлі тепловоздарды КР,ТОУ-8, ТО-8, ТО-7, ТО-6, ТО-3 жөндеуден өткізеді. 2ТЭ10МК тепловоздарына СО-1,2,3,5 серивистік көлемдегі қызметтер жасайды. Сонымен бірге тепловоздардың тартымды электр қозғалтқыштарын Н, F изоляция арқылы күрделі жөндеуден, жұпты доңғалақтарды толық куәландырудан өткізеді. Бүгінде зауыттың электр жабдықтарын жөндеу 1 цехында 30-ға жуық адам бар. Мұнда қондырғылардың ақаусыз жұмыс істеуін қадағалаймыз. Ұжым өте ұйымшыл, темірдей тәртіпті мықты ұстанып, өз ісіне адал және тапсырманы уақытылы орындаудың шеберлері жиналған, – дейді Әділбек Тәңірбергенов.</blockquote>Оның айтуынша, әлі оңды-солын білмейтін бозбала кезінде оған ақыл айтып, бағыт-бағдар бергендер болған. Соның ішінде бригадир, электр цехының шебері Әмірхан Өмірзақов, шебер Едіге Әлішев, электрослесарь Естерек Мерекеновтерге алғаусыз алғысын білдірді.

Өз ісінің шебері

<a href="https://kyzylorda-news.kz/">Kyzylorda-news.kz.</a> Қазалылық қайсар қыз Таисия Алексееваның жеңісті жорығы Жетісу облысы, Талдықорған қаласында жалғасты. Ол бүгіндері ауыр атлетикадан 17 жасқа дейінгі жасөспірім ұлдар мен қыздар арасындағы ҚР чемпионатында бірінші орын иеленді.Салмағы ауыр спорт саласындағы кіл мықтылар арасынан суырылып шығып, алтын жүлдені қанжығасына байлады. Нақтыласақ, №17 олимпиадалық резервтің мамандандырылған балалар-жасөспірімдер мектебінің спортшысы 64 келі салмақ дәрежесі бойынша жұлқа көтеруде 81 келіні бағындырса, серпе көтеруде 90 келіні бастан асырды.&nbsp;Таисия Алексейқызы бала кезден мектеп бағдарламасынан бөлек айрықша спорт саласына қызығушылық танытты. Кезінде басықаралық Әмірбек ағайының еркін күрестен ашқан үйірмесіне ынта-жігермен қатысып, жарыстардан жүлделі орын иемденген. Оның қайтпас қайсарлығы мен еңбекқорлығын байқаған қазіргі жаттықтырушысы Азиз Жақсылық ауыр атлетикамен шұғылдануға ұсыныс жасайды. Бұл ұсыныстан бас тартпаған Таисия қазір бірнеше мәрте ҚР чемпионатының жеңімпазы атанды.Айта кетейік, Таисия наурыз айының соңында Албания елінің Дуррес қаласында ауыр атлетикадан өткен жасөспірімдер арасындағы Әлем чемпионатында 64 келі салмақ дәрежесі бойынша күміс жүлдегер атанған еді.

Қазалылық ауыр атлетші жеңіс тұғырынан көрінді

​<a href="https://kyzylorda-news.kz/">Kyzylorda-news.kz.</a> Бүгін қала әкімдігінің ұйымдастыруымен қалалық кірістер басқармасының қызметкерлерінің қатысуымен Қызылорда қаласы аумағындағы «Батыс Еуропа – Батыс Қытай» халықаралық автокөлік дәлізі бойында орналасқан жанар-жағармай құю бекеттерінде ішкі нарықтығы әлеуметтік маңызы бар мұнай өнімдерінің ағымдағы жағдайымен танысу мақсатында аралау жұмыстары жүргізілді.Аталған жұмыстар барысында ішкі нарықтығы әлеуметтік маңызы бар мұнай өнімдерінің қазіргі қоры анықталды. Қала әкімінің орынбасары Дінмұхаммед Ермеков мұнай өнімдерін қолдан тапшылық жасау және заңсыз баға өсуіне жол берілген жағдайда заңға сәйкес тиісті шаралар қабылданатыны туралы түсіндірді.Естеріңізге салсақ, Үкімет басшысы Әлихан Смайылов жанар-жағармай бағасына өзгеріс қажет екенін, әйтпесе шаруаға қажет кезде тапшылық болу қаупі барын да жасырмады. Премьер-министрдің айтуынша, жанар-жағармай бағасының арзан болуының кері әсері де бар екен.&nbsp;<blockquote>«Елімізде жанар-жағармай өндіру жыл сайын өсіп келеді. Сонымен қатар тұтыну көлемі де арта түсуде. Бірақ ол ішкі тұтыну көлемінің өсуіне байланысты болып отырған жоқ. Бағасы айтарлықтай арзан болғандықтан, біздің отынды көрші елдерге тасып әкету үрдісі белең алды», – деді Үкімет басшысы.</blockquote>Жанар-жағармай бағасы жағынан өзге елдермен салыстырғанда бізде ғана арзан екен. Сандарды сөйлетсек, жанармай бағасы Ресейде 45%-ға, Қырғызстанда 64%-ға, Өзбекстанда 100%-дан жоғары. Демек, біздегі арзан бағадағы жанармайға сырттағылардың сұранысы артуда. Нәтижесінде біз де жанармай тапшылығына, әсіресе егін егу кезінде дизель отынымен қамтамасыз етуде елеулі қиындықтар туындауының себебі осы.&nbsp;<blockquote>«Бензин мен дизель отынының бағасын одан әрі ұстап тұру елдің энергетикалық қауіпсіздігіне теріс әсер етуі мүмкін. Біз Қазақстан мен көршілес елдер арасындағы баға айырмасын төмендетуге мәжбүрміз. Бізде бұдан басқа жол жоқ. Әйтпесе бір айдан кейін жанармай тапшылығына тап боламыз», – деді Премьер-министр.&nbsp;</blockquote>Ішкі нарықты жанар-жағармаймен толық қамтамасыз ету үшін Үкімет нақты шешім қабылдады. Алайда бұл шешімді қабылдау да оңай болмағанға ұқсайды. Себебі жанар-жағармай бағасының қымбаттауы елге жақпайтыны сөзсіз. Амал жоқ, Үкімет жанармай бағасын көтеру туралы шешім қабылдады. Бұл туралы Премьер-министр БАҚ өкілдеріне берген сұхбатында айтты.&nbsp;<blockquote>«Бұл оңай шешім емес, бірақ оны қабылдауға мәжбүрміз. Егер қазір мұндай шешімді қабылдамасақ, онда жақын арада жанармай тапшылығына тап боламыз», – деді Әлихан Смайылов.&nbsp;</blockquote>Премьер-министрдің айтуынша, Қазақстанда дизель мен бензиннің тұтыну деңгейі өте жоғары. Жылына 1 адамға дизель отыны 370 литрден келеді. Мысалы, Ресейде – 225 литр, Қырғызстанда – 98 литр, Өзбекстанда – 44 литр. Тұтыну деңгейі жоғары қарқынмен өсіп келеді.&nbsp;<blockquote>«Мұндай жағдай жанар-жағармайдың көрші елдерге транзиттік көліктермен және «сұр» экспорт түрінде шығарылуының артуына байланысты. Ал экономиканың негізгі салаларында нақты тұтыну көлемі айтарлықтай өзгерген жоқ», – деді Премьер-министр.</blockquote>

Қазақстан және Қызылорда облысының жаңалықтары