<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында кәсіпкерлік көкжиегін кеңейтіп, қызылордалық тұтынушылардың сұранысын қанағаттандырып келе жатқан жиһаз шығарушы цехтың бірі ЖК «Нұртөре».2020 жылы ата кәсіпті қолға алған Нұрлыбек Есқалиев 2022 жылдың желтоқсан айында мемлекеттік бағдарламаның көмегімен, яғни «Қызылорда» өңірлік инвестициялық орталығы микроқаржы ұйымы арқылы 10 млн. теңгеге қолдау алып, цех тынысын кеңейтіп отыр. Кәсіпкер ол қаражатқа өндіріске қажетті жабдықтар сатып алып, жұмыс өнімділігін арттырды. Бүгінде 5 адамды тұрақты жұмыспен қамтып отыр.Цехта үй мен кеңсеге, мектеп және басқа да ғимараттарға қажетті заманауи үлгідегі есіктер мен жақтаулардың, баспалдақтардың сан алуан түрі әзірленеді. Дайын болған өнімдер «Сығанақ» базарынан және Бәйтерек-3 тұрғын ауданы, 49 көше бойынан тұтынушыға жеткізіледі.<blockquote>«Қазір мемлекет тарапынан жеңілдетілген несие де, түрлі гранттар да берілуде. Бұл қолдауды тек тиімді пайдалана білу керек. Цехта әрбір материал сұраныс иесінің талабына сай дайындалады. Жиһаздарды дайындау барысында жергілікті өнімдерді пайдаланамыз. Мысалы, әйнек қызылордалық зауыттан шығарылса, есіктердің қаптамасын (упаковка) «Мүгедектер қоғамына» тапсырыс беріп, жасатудамыз. Осы іспетті, құрылыс жүргізіп жатқан мердігер мекемелерден қолдау күтеміз», – дейді «Нұртөре» ЖК-нің директоры Нұрлыбек Есқалиев.</blockquote>&nbsp;&nbsp;&nbsp;

Қызылордалық кәсіпкер 5 адамды жұмыспен қамтып отыр 

<a href="https://kyzylorda-news.kz/">Kyzylorda-news.kz.</a> Қызылорда облысының көлемінде орта, арнаулы оқу орындарының оқушы, студенттері арасында «Есірткісіз өмір ғажайып...» тақырыбында фотосайыс ұйымдастырылды.Сайыстың негізгі мақсаты - кәмелетке толмағандар арасындағы нашақорлық проблемаларын және қатысушылардың ақпаратты қолжетімді ұсыну арқылы олардың жеке пікірлерін баяндау мүмкіндігін түсіндіру және өскелең ұрпақтың бос уақытын тиімді пайдалануға тарту болып табылады.Байқауға 6-18 жас аралығындағы 200-ден астам жастар қатысты, оның ішінде сайыстың екінші кезеңіне 60 қатысушы өтті. Байқауда қатысушылар өз ойларын шығармашылық арқылы жеткізе білді, заманауи техниканың мүмкіндіктерін пайдаланып, өз суреттерінде нашақорлық проблемаларын көрсете алды.&nbsp;Сайыстық комиссияның шешіміне сәйкес, 25 қатысушы аймақтық жеңімпаз деп танылды.Жүлдегерлер: Арал ауданының №69 орта мектеп оқушысы Қойшанова Еркеназ, Қазалы ауданының №249 орта мектеп-лицей оқущысы Мақсат Али-Имран, Шиелі ауданының №46 орта мектеп-лицей оқушысы Ақәділ Аделя, Қызылорда қаласының №3 орта мектеп-лицей оқушысы Балтабай Айзере, Қызылорда қаласының №271,280 орта мектеп оқушылары Қарғабай Жұлдызай және Мұханбетәлі Ұлан, М.Мәметова атындағы Қызылорда жоғары педагогикалық колледж студенттері Ғалымжан Зарина мен Абсатқызы Малика, «ORDA» жоғары гуманитарлық колледжінің студенті Ғалымжанқызы Анель. Жеңімпаздар дипломдармен және бағалы сыйлықтармен марапатталады.Динара МАХАНОВА

Қызылордалық полицейлер фотобайқау ұйымдастырды

<a href="https://kyzylorda-news.kz/">Kyzylorda-news.kz.</a> Қызылорда облысындағы И.В.Панфилов атындағы №5 мектеп-лицейде Қызылорда облысы әкімінің орынбасары Нұрымбет Сақтағановтың 2023 жылғы 10 сәуірдегі «Балалар, жасөспірімдер және жастар арасында құқық бұзушылық пен топтық төбелестің алдын алу және болдырмау бойынша іс-шаралар» жоспарына сәйкес мектеп-лицей ұжымының қатысуымен арнайы жиын ұйымдастарылды.&nbsp;Жиынның басты мақсаты – білім беру ұйымдарының директорлары, орынбасарлары, полиция қызметкерлері, белсенді ата-аналар, жастар мен зиялы қауым өкілдерінен тұратын арнайы мобильді топ құрып, рейдтік іс-шараларға кезекпен шығу кестесін әзірлеу. Сонымен қатар жиында кәмелетке толмаған жасөспірімдерді түн мезгілінде заңды өкілінсіз жібермеу, отбасылық қатаң қадағалауға алу мәселесін ата-аналардың назарына сынып жетекшілер тарапынан жеткізуді ұйымдастыру қажеттілігі де айтылды. Мектеп басшылығы жиында оқушылар арасында құқықбұзушылықты болдырмау мақсатында түсіндірме жұмыстарын жүргізу керектігін де ескертті. Сонымен қатар жиында балалардың қауіпсіздігі де таңда басты назарда тұрған мәселе екені және мектептегі бақылау мен күзет қызметі күшейтілгені айтылды.Ал кешкілік уақытта мектеп-лицейі әкімшілігі жанынан құрылған арнайы топ «Жасөспірім» жедел-профилактикалық іс-шарасына қатысты. Мамандар кешкі 23.00-ден кейін кәмелет жасына толмаған жасөспірімдердің заңды өкілінсіз көшеде, ойын-сауық орталықтарында жүрмеуін бақылады. Рейд барысында &nbsp;қала көшелері, мешіт, ойын-сауық орындары, балалар көп шоғырланатын аймақтар қатаң бақыланды.

Жасөспірімдер құқықбұзушылыққа қарсы

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің студенті Жамбыл Бақытәліұлы «Менің пірім – Сүйінбай» атты халықаралық жас ақындар айтысында ІІІ орын иеленді.Абай атындағы Қазақ ұлттық педагогикалық университетінің ұйымдастыруымен өткен жыр додасына республиканың түкпір-түкпірінен, &nbsp;Өзбекстан, Қырғызстан, Қытай және Моңғолиядан қырыққа жуық ақын қатысты.Жастар білім мен ғылым жетістіктері, отансүйгіштік, ұлттық сана-сезімді қалыптастырудағы өскелең ұрпақтың үлесі туралы жырлады.&nbsp;Жыр аламанына ҚР Еңбек сіңірген қайраткері Жүрсін Ерман, ақын Ринат Заитов, «Алаш» халықаралық әдеби сыйлығының лауреаты, белгілі ақын Серік Қалиев, қазақ өнерінің майталмандары қазылық жасады.<blockquote>«Бұл айтыстың орны мен үшін бөлек болды. Себебі, халықаралық деңгейдегі байқауға алғаш рет қатыстым. Жыр бәйгесіне қатысушылардың осалы болмады. Солардың ішінен дара шығу оңай емес. Айтыс екі кезеңнен тұрды. Ақтық кезеңге 18 айтыскер жолдама алдық. Байқау жоғары деңгейде өтті. Осы ретте сенім білдіріп, қолдау көрсеткен университет ұжымына алғыс білдіремін», – деді Жамбыл Бақытәліұлы. &nbsp;</blockquote>Жас ақын Қытай елінің Іле өңірінде дүниеге келген. 2019 жылы елге оралып, бүгінде Қорқыт ата атындағы Қызылорда университетінде «Журналистика» мамандығының 3-курсында білім алуда.

Жамбыл Бақытәліұлы − халықаралық айтыстың жүлдегері

<a href="https://kyzylorda-news.kz/">Kyzylorda-news.kz.</a> Бұған дейін Қызылорда қаласында көше салу, жөндеу жұмыстарын жүргізу өзекті болса, қазір қалада жаяу жүргіншілер жолын салу қолға алынуда. Бұл – тұрғындардың сұранысы.&nbsp;Жаяу жүргіншілер жолын салуға облыстық бюджеттен 690 миллион теңге бөлінген. Бұл қаржыға қала бойынша жалпы ұзындығы 34 шақырымды құрайтын 19 жаяу жүргінші жолы салынбақ. Қазіргі таңда конкурс талабына сай жауапты мердігер мекемелер анықталған. 10 жаяу жүргінші жолын «Қызылорда жолдары» ЖШС мекемесі салса, қалған тоғызы «Ақнұр-Авто» ЖШС мекемесінің жауапкершілігінде.&nbsp;Қазіргі кезде аталған 10 жаяу жүргінші жолының құрылысы аяқталуға жақын.<blockquote>«Халықтың сұранысы аясында биыл жаяу жүргіншілер жолын салуға басымдық берілді. Осыған орай 19 жаяу жүргінші жолын салуға тиісті қаражат облыстық бюджеттен бөлінді. Құрылыс жұмыстарын жүргізуге екі мердігер мекеме бекітілген. Қазіргі таңда 10 көшеге жауапты «Қызылорда жолдары» ЖШС мекемесі 7 жаяу жүргінші жолының негізгі бөлігін салып бітірді. Енді асфальт төсеу жұмыстары қалды. Қазір қаланың Шанхай аталынып кеткен шағын ауданындағы Ж.Шанин көшесі мен қаладағы СПМК-70 шағын ауданындағы Тараз көшесі және Халыққа қызмет көрсету орталығы аумағындағы Отырар көшесінің аяқ жағына бордюрлер орнату, қиыршық тас төсеу сынды жұмыстар істелуде», – дейді қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі бастығының орынбасары Дархан Бақтияр.</blockquote>Жаяу жүргіншілер жолы талап бойынша әлеуметтік нысандар орналасқан, халық көп шоғырланатын аумаққа салынады. Сондықтан бұл жолдарды ұзақ уақыт ел игілігіне жарағаны жөн. Жол салушы мамандар қаржы, құрылыс материалдары жағынан ешқандай тапшылық жоғын айтады. Сондай-ақ жұмыс барысы да кестеге сай уақытылы жүргізілуде. Мамандардың сөзінше, жаяу жүргіншілер жолы келер айға дейін толық пайдалануға беріледі. Қалған 9 көшедегі жаяу жүргіншілер жолының құрылысы әні-міне басталады деп күтілуде. Оған жауапты «Ақнұр-авто» ЖШС мекемесімен тиісті құжаттар жақында рәсімделген. Сондықтан істің барысы кешіктіріліп жатқан көрінеді. Ал жалпы құрылыс жұмыстары мамыр айына дейін аяқталып, ел игілігіне берілуі керек.<blockquote>«Алда жаз маусымы. Бұл кезеңде жұртшылық кешкі уақытта жаяу жүргенді жөн көреді. Сондықтан жаяу жүргіншілер жолы қажет. Ал балалардың, тұрғындардың қауіпсіздігі үшін мектеп, аурухана сынды нысандар орналасқан аумаққа салынғаны дұрыс. Жазда немерелермен бір уақыт есік алдына шығасың. Алайда көшеде жүйткіген көлік, қолды-аяққа тұрмайтын кішкентай балалар жүгіріп кете береді. Көлік қағып кете ме деп қорқасың. Амал жоқ үйдің ауласынан шығармаймыз. Жаяу жүргіншілер жолының салынып жатқанына қуаныштымыз. Бұл да бір қарапайым тұрғындарға жасалған қамқорлық деп білемін», – дейді СПМК-70 шағын ауданының тұрғыны Жәмила Тасболатқызы.</blockquote>Қала инфрақұрылымының жылдан-жылға дамып, халықтың басты қажеттіліктерінің &nbsp;қанағаттандырылуы тұрғындарды қуантуда. Мәселен, биыл қала бойынша 231 көше жөнделеді деп жоспарлануда. Бүгінде мердігер мекемелер анықталып, бірқатар көшенің жөндеу жұмыстары басталған. Қала мен оған қарасты кент, ауылдық округ көшелерін жөндеуге барлық бюджеттен және мемлекеттік бағдарламалармен 10 млрд 246 млн теңге қаражат бөлінген.Сала мамандары кей көшелердегі жеке тұрғын үй иелерінің есігінің алдын жаяу жүргіншілер түсетін жолға дейін асфальттап алғанын айтады. Бұл өз кезегінде құрылыс заттарын үнемдеуге мүмкіндік берген. Осы үнемделген материалдарды мердігер мекеме жаяу жүргінші жолы жоқ басқа да көшелерге төселмек.

Қызылордада биыл ұзындығы 34 шақырым жаяу жүргіншілер жолы салынады

<a href="https://kyzylorda-news.kz/">Kyzylorda-news.kz.</a> Бүгінгі өмірде орын алған түйіткілді мәселелер аз емес. Бірі жалақы аздығын айтып айқайласа, енді бірі денсаулық, білім саласындағы сыбайлас жемқорлық туралы дабыл қағып жүр. Әсілінде, кемшіліктің барлығы айналып келгенде тәрбиеге байланысты болмақ. Ата-ана ұрпағына қандай тәрбие берсе, оның жемісін де өзі көреді. Ал балаға тәрбие мен білім беретін алғашқы баспалдақ – мектеп қабырғасы екені жасырын емес. Білімнің негізі қаланатын бастауыш мектептен бастап бала әріп танып, оқуды, сызуды, есептеуді үйренетіні тағы бар. Ол үшін ұстаздар қауымы тер төгіп, баланың құлағына ілім нәрін құятыны сөзсіз.Осы күні біздің қозғайтын мәселеміз үлгірімі нашар оқушы төңірегінде болмақ. Үлгірімі төмен оқушы қайдан шығады? Аталған сауалға бір жақты жауап іздеу дұрыс емес, әрине! Бұл жерде мәселенің шешімін мектептегі ұстазынан, үйдегі ата-анасынан немесе айналасындағы қоршаған ортадан іздеуге болады. Алдымен ұстазға неге байланысты екенін тарқатып талдасақ. Біздіңше, мектепте, байырғы ұстаздардан бері қалыптасқан әдет бар. Дәлірек айтқанда, әдіс-тәсіл деуге болады. Демек мұғалімнің көпшілігі алдындағы бар оқушының ішінен алғырына, білімге деген құлшыныс танытатындарға ғана аса көңіл бөледі, солармен ғана жұмыс жасайды. Өзгелерінің партада отырғаны болмаса, әркім өз ісімен айналысып, мұғалімге кедергі келтірмесе болғаны. Әрине алдында отырған барлық баланың бірдей талантты, дарынды болмайтыны анық. Араларында оқуға зерек немесе есепке жүйріктері болатыны сөзсіз. Ал мұғалімнің негізгі міндеті – баланың барлығына бірдей білім беру болып табылады. Бүгінде оқытудың бірнеше әдіс-тәсілі бар екендігінен де хабардармыз.Бір сыныптағы оқушыларды 2-3 топқа бөліп, қабілеттіне қарай тапсырмаларды бөліп орындату маңызды рөл ойнайды. Осы ретте бұл әдістің өзі бала санасын бұзатынын, ондай кезде өзін өзгеден төмен санап, онсыз да үлгірімі төмен оқушының ештеңеге құлқы болмайтыны айдан анық, яғни оқушыны жікке бөлу арқылы оның одан әрі білім алуына мұғалімнің өзі кедергі жасап тұрған сыңайлы. Керісінше үлгірімі төмен оқушыны алға сүйреудің орнына оны өзгелердің алдында төмендетіп, психологиясына әсер етуі мұғалімнің тәжірибиесіздігінен. Бұдан кейін бір сыныптың оқушылары арасында бөліну, үлгірімі төмен оқушыларды менсінбеу секілді алалау пайда болатыны бар.Шындығын да әңгіменің өзегі нашар оқушының үлгірімі туралы айтылғандықтан алдымен ардагер-ұстаздан пікір білуді жөн санадық.<blockquote>&nbsp;Саналы ғұмырымды ұстаздыққа арнадым. Бастауыш сыныптың мұғалімі ретінде буыны қатаймаған, тілі де дұрыс шықпаған балалармен жұмыс істедім. Әрине алғыр оқушы да, жәй қабылдайтын оқушы да болады. Тәжірибемде тәрбиесі қиын оқушылар да кездесті. Дегенмен мұғалімге ата-ана баласын сеніп тапсырғаннан кейін онымен дұрыс жұмыс істеу мұғалімнің шеберлігіне байланысты. Ерінбей-жалықпай, уақытпен санаспай оқу үлгірімі төмен баламен қосымша бір-екі сағат артық жұмыс жасаса, балаға қолдау білдірсе, өзгермейтін оқушы болмайды. Білім саласында бастауыш сынып мұғалімдеріне жетекшілік жасадым. Сонда небір тәжірибелі мұғалімдер болды. Сабақтың алдында ертерек келіп, оқуы төмендеп кеткен оқушылардың оқуын түзеп, қайта-қайта баламен жұмыс істеп, нашар деген оқушының өзінен үздік оқушы шығарғандар болды. Кейде түгел бір сыныптың өзінде ылғи бестікпен оқитындар болатын. Ал кейбір сыныпта керісінше, ылғи үлгірімі төмен оқушылар отыратын. Осындай сәттен өту үшін ұстаздың өзіне көп іздену керек, әріптестерімен тығыз байланыс орнатып, баланың қызығушылығын анықтап, қандай жағдайда баланы қызықтыруға болатынын зерделеп, біліп, содан кейін сол әдіспен, қызығушылығын оятып оқыту керек. Мықты ұстаздан нашар оқушы шықпайды. Ұстаз ол баланың екінші анасы іспетті жай сөзбен түсіндіріп, жақсы көріп тұруы керек. Сонда ғана бала мектепке, ұстазына асығып тұрады, – дейді Сырдария ауданының ардагер-ұстазы Ұлтуған Бимырзаева.</blockquote>Шын мәнінде бастауыш мектепте жақсы оқыған бала, негізгі мектепке көшкенде оқу үлгірімінде өзгеріс болатыны рас. Оны мұғалімдер жаңа пәндердің қосылуымен, жаңа ұстаздардың келуімен байланыстырады. Оқу пәндерінің бағдарламасы да күрделене түсіп, тағы да талабы барлар алға жылжып, үлгірімі төмен оқушылар бұрынғысанан да төмендеп кетеді.Кез келген ата-ананың басында бар мәселе – баласының сабақ үлгірімі туралы сөз қозғағанда алдымен ұстаздарды кіналау оңай сияқты. Десек те оған ата-ана да жауапты екенін ұмытпайық. Күні бойы қолынан ұялы телефонын тастамайтын баладан сабақ сұрамақ түгілі, оның бос уақытында немен айналысатынан бейхабар ата-аналар да жоқ емес, бар. Үйде баласының сабағын қадағалайтын ата-ана баласының үлгірімін қадағалап жүреді. Төмендеп кеткен жағдайда мұғалімдермен байланысып, мән-жайды білуге тырысады. Сондықтан бізде бір жақты пікір білдірмей ата-аналардың да ойын білуге тырыстық.<blockquote>Қазіргі кезде балалардың сабаққа деген ынтасы нашар екенін мойындауымыз керек. Бірақ барлық бала бірдей емес. Алғыр, дарынды, балалар да бар. Менің қызым сабағын үздік оқымағанымен, күнделікті қадағалаудың арқасында қатарынан қалмай келеді. Қазір алтыншы сыныпта оқитын қызымның сабақ үлгірімі туралы ойлансам, ертеңгі күні осы білгенінен де айырылып қаламыз ба деген ой келеді. Дегенмен сыныптағы оқушылардың деңгейін қаншалықты екенін мұғалім біледі емес пе? Сондықтан оқытудың басқа да әдістерін пайдаланып, қайткен күнде де жаңа тақырыпты оқушыларға түсінікті тілде түсіндіруге тырысу керек деп ойлаймын. Одан бөлек оқушылар кейбір мұғалімнің сабақ сұра¬майтынын біліп алған. Соның салдарынан уақыт өте олар сабақ үлгірімін нашарлатып алады, кейде оны түзетуге құлықтары да болмай жатады. Оған демеу болып, түсінбеген тақырыптарын қайтадан түсіндіріп жатқан мұғалімдер кейде кездеспей жатады. Елдің баласына жаны ашитын мұғалімдердің азайып кеткені қынжылтады.Қазір мұғалімдердің жағдайы жақсарды. Ел Президенті жалақыларын жыл сайын көтеріп жатыр. Тіпті жағдайы төмен мұғалім жоқ десем жаңылыспаймын. Әлеуметтік жағдайларын жақсартып, жоғары жалақыларының арқасында көбісі жаңа қоныс салып тұрмыс-жағдайларын да жақсартып алуға тырысып жатыр. Бұған ешкімнің дауы жоқ. Десе де алдындағы оқушының сабағына жауапкершілікпен қарап, қосымша сабаққа шақырып, қадағалау болса, ертеңгі күні сол мектептің, ұстаздың да абыройын көтеретін шәкірті емес пе? Сондықтан мұғалімге бөлінетін факультатив сабақтарынан бөлек үлгірімі төмендеген пәндерден қосымша сабақ ұйымдастыру туралы ұсыныс айтқым келеді, – дейді ата-ана Н.Ғаниқызы.</blockquote>Орынды ұсыныс, таңертеңнен кешке дейін ешқандай мұғалім қазір мектепте жүрмейді. Әркім сабағына қатысып, тиісті сағатын беріп кетеді. Қазір қосымша қоғамдық жұмыстардан да босатылды. Сондықтан қосымша сабақ беріп, оқушының сабағын жақсартуға көмектесу мұғалімнің өзіне байланысты. Қазір қалтасы көтеретін ата-ана баласын ақылы оқытып жатыр. Осындайда заңды сұрақ туындайды.Неліктен мектептегі пәнді ата-ана ақылы түрде өзге мұғалімге баласын оқуға беруі керек? Неліктен бала мектеп қабырғасында жүріп, мұғалімнің сабағынан білім үйренбейді? Мұғалімге берілетін жалақы осындай олқылықтың орнын толтыруға жетпейді ме, әлде мұғалімнің көздегені тек материалдық жағдайды жақсарту ма? Онсыз да оныншы мен он бірінші сыныпта оқитын баласы барлар таңдау пәні бойынша баласын ақылы оқытып жатыр. Бала грантқа түсуі үшін міндетті түрде осындай ақылы оқуды оқыса ғана жоғарғы балл алады деген оймен жүрген ата-аналар жетерлік. Осы жағдайды пайдаланып мықты деген мұғалімдер жеке курстар ашып, ақылы оқытуды кәсіпке айналдырып алды. Мейлі ғой, баласынан ештемесін аямайтын ата-ана қанша ақша берсе де баласын оқытып алады. Дегенмен мұғалімнің еңбегі алдындағы шәкіртінің жетістігімен бағаланатындығын ұмытпай, ізденіс пен шығармашылықты серік етіп, ұстаздар қауымы шәкіртерін мақсатына жетуіне себепкер болып жатса нұр үстіне нұр болар еді.&nbsp;&nbsp;

Сырдариялық оқушылардың үлгерімі қандай?

<a href="https://kyzylorda-news.kz/">Kyzylorda-news.kz.</a>&nbsp;Қызылорда обылыс әкімінің жедел штаб отырысында берген тапсырмасына сәйкес бүгін ауданда құқық бұзушылық пен топтық төбелестің алдын алу мақсатында бірқатар білім ошақтарында мектеп оқушылары мен ата-аналарының қатысуымен жиын өтті.&nbsp;Арнайы құрылған топтың алғашқысын аудан әкімі Мұхтар Оразбаев өзі басқарса, екінші топқа аудан әкімінің кеңесшісі Бақытжан Жарылқап төрағалық етті.&nbsp;Е.Бозғұлов атындағы №249 мектеп-лицейде өткен басқосудың топ құрамында облыстық мәслихат депутаты Ібайдулла Тілеп, еңбек ардагері Кемалбай Көпжасар, аудандық прокуратура және аудандық полиция қызметкерлері болды. Одан бөлек жиынға зиялы қауым өкілдері қатысты. Аудандағы құқық бұзушылық пен топтық төбелестің алдын алу жолында жасалып жатқан шараларға тоқталған аудан әкімінің кеңесшісі сөз кезегін облыстық мәслихат депутаты Ібайдулла Тілепке берді.&nbsp;<blockquote>«Әрбір шаңырақтың үкілеген үміті, бақыты, қуанышы ол – бала. Ал сол бала есейе келе ата-анасының көңіліне қаяу келтіретін жағдай жасаса ол үшін ата-ананың жауапкершілігі бірінші сұралады. Өйткені, бала тәрбиесі – үйдегі дастархан басынан басталады. Несін жасырайық, бүгінгінің жастары ханның ұлындай күн кешіп жатыр. Оны таңнан кешке дейін жұмысқа жегіп қоятын ата-ананың саны азайды. Қазір ата-аналар ұл-қызының қатарынан кем болмауы үшін қолына қымбет телефон, астына қымбат көлік тым құрығанда қымбат киім алып береді. Міне, осының барлығы қандай еңбекпен келіп жатқанын әрбір өскін түсінуі қажет. Ал оны түсінбей қарны тоқ, уайымы жоқ болған жастар кешегідей қылмысқа барады. Сондықтан балаларды үнемі қадағалауда ұстап, тіпті телефоннан не қарап жүргеніне дейін бақылап отыру қажет», – деді облыстық мәслихат депутаты.&nbsp;</blockquote>Сондай-ақ, кешегі қылмысқа қатысты жастардың жайынан хабар берген аудандық прокуратура және полиция бөлімі қызметкерлері әрқайсысына тергеп-тексеру жұмыстырына сәйкес шара көрілетінін айтты.&nbsp;Бұдан соңғы оқушылар және олардың ата-аналарымен кездесу М.Матаев атындағы №170 орта мектебінде жалғасты. Мұндада оқушылардың келешегіне алаңдаған ата-ана барлығын жіті назарда ұстауы қажет екені айтылды. Сондай-ақ, қатысушылардың ұсыныс-пікірлері тыңдалды.&nbsp;Облыс әкімінің тапсырмасына сәйкес жедел құрылған екінші топтың кезекті жиыны №276 орта мектепте өтті. Аудан әкімінің кеңесшісі Бақытжан Жарылқап жүргізген басқосуда еңбек ардагері Кемалбай Көпжасарда өз ойын бүгіп қалмады.&nbsp;<blockquote>«Шыны керек, қазір ата-ана мұғалімді кінәлауға үйреніп алған. «Балама қарсы сөйлеме, артық әңгіме айтпа» деп шыға келеді. Одан қалды телефонын көрсетіп бейнежазбаға түсіріп, қорқытады. Бұдан кейін қандай оқушы мұғалімді сыйлайды. «Алты Алаштың басы қосылса, төр – мұғалімдікі» деп Мағжан Жұмабаев бекерден бекер айтпаған. Сондықтан бар кінәні мұғалімдерге жауып қоюдан арылып, баламызды өзіміз бақылауда ұстайық», – деді еңбек ардагері.&nbsp;</blockquote>Жиын соңында ата-аналар тарапынан ұсыныстар айтылып, пікірлері ортаға салынды.&nbsp;<img src="https://knadmin.beoblood.kz/uploads/336322652_9753895411290949_7548003273660008665_n_58f2058b89.jpg" alt="336322652_9753895411290949_7548003273660008665_n.jpg"><img src="https://knadmin.beoblood.kz/uploads/336367075_3410725799175602_8791254409970061720_n_505567b981.jpg" alt="336367075_3410725799175602_8791254409970061720_n.jpg">

Қазалы ауданында арнайы топ білім ошақтарын аралады

<a href="https://kyzylorda-news.kz/">Kyzylorda-news.kz.</a> Қызылорда облысында заңсыз сақталған қару-жарақтар мен оқ-дәрілерді өтемді түрде сатып алу акциясы өткізілуде. Бұл туралы Қызылорда облыстық полиция департаментінің баспасөз қызметі хабарлады.Биылғы жылдың 10 сәуірінен бастап &nbsp;республика көлемінде ҚР Ішкі істер министрлігінің бастамасымен қару сатып алу бойынша кезекті акция өткізіліп жатыр.&nbsp;Акцияның негізгі мақсаты – аймақтағы азаматтарда заңсыз сақталған қару-жарақтар мен оқ-дәрілерді өтемді түрде, яғни ақысына қабылдау болып табылады.Департаменттің хабарлауынша, қаруды өз еркімен тапсырған облыс тұрғындары қылмыстық және әкімшілік жауапкершіліктен босатылады. Алынған қарудың түріне және техникалық жай-күйіне байланысты &nbsp;сыйақы тағайындалады. &nbsp; &nbsp;&nbsp; ҚР Ішкі істер министрлігінің бұйрығына сәйкес бір айлық есептік көрсеткіштің 10-нан 100-ге дейінгі мөлшерінде сыйақы тағайындалады. &nbsp;&nbsp;«Құрметті облыс тұрғындары! Тіркеуде жоқ заңсыз сақтаудағы қаруларды, жарылғыш заттарды полиция бөлімдеріне өткізіп, қарумен жасалатын қылмыстардың және төтенше оқиғалардың алдын алуда өз үлестеріңізді қосуға шақырамыз», делінген ақпаратта.&nbsp;

Қызылордада заңсыз қару-жарақты сатып алу акциясы өтіп жатыр

<a href="https://kyzylorda-news.kz/">Kyzylorda-news.kz.</a> Кез келген елдің демографиясы ішкі саясат, экономикаға тікелей әсер ететіні белгілі. «Төріңде бесік тұрса, төре де бас иеді» дейтін қазақ топырағында жылына қаншама бөбек дүние есігін ашады. Айта кетейік, елімізде ұлттық саясаттың басым бағытының бірі – демографиялық өсім. Осы орайда мемлекет басшысы Қасым-Жомарт Тоқаев ел азаматтарының өмір сүру сапасы мен деңгейін жақсарту, әлеуметтік тұрақтылықты үнемі назарда ұстап келеді.Биылғы жылдан бастап енгізілген әлеуметтік қолдау шаралары да осы басымдықтардың аясында жүзеге асуда. Соның бірі – бала күтімі мерзімін 1,5 жасқа ұзарту. Жаңа Кодекстің негізінде жүзеге асып жатқан әлеуметтік қолдау жас аналардың қуанышын одан әрі еселеуде. Әлбетте аналар үшін бала күтіміне берілетін жәрдемақының көмегі көп. Бұл жаңалықтан кейін аналар бірінен соң бірі «баламның несібесі ғой» деп жәрдемақының ұзартылғанын сүйіншілеп таратты. Бала күтімімен үйде отырған аналар үшін бұл, әрине қуанарлық жағдай.Елімізде бұл төлемді 600 мыңнан аса ана алып отыр. Оның 500 мыңнан астамының жұмысы болса, 60 мыңы – жұмыссыз. Ал, 1,5 жасқа дейінгі жаңа төлемді 160 мыңнан астам ана алып отыр.Иә, бұл күндері баласының бабын жасап үйде отырған аналар аз емес. Оларға мемлекет тарапынан төленетін жәрдемақылар бар. Мәселен, бала туғаннан соң ай сайын жөргекпұл төленіп отыратыны белгілі. Жыл басынан бері бұл жәрдемақының мөлшері ұлғайды. Жаңалықтың аналарға жаққаны рас. Осыған дейін аналар жүргекпұлды бала 1 жасқа толғанша алып келсе, енді оны 1,5 жасқа дейін алуда. 2023 жылдың 1 қаңтарына дейін бір жасқа толмаған барлық бала үшін төлем автоматты түрде жарты жылға ұзарды. Ал 1 қаңтардан бастап туған балаға төлем бірден 1,5 жасқа дейін тағайындалды.Бала күтімімен үйде отырған аналар сәбиі бір жастан асар-аспастан жұмысқа шығуға асығатын. Мұның себебі де жоқ емес. Ортайған табыстың орнын толтырғысы келеді. Қаржылық жағдай қыспаққа салғанда, оларды ешкім айыптай алмас, сірә?!Рас, қазір жұмыстың қарбаласымен атаананың қолы тие бермей, бала тәрбиесіне толыққанды көңіл бөле алмай қалып жататыны да жасырын емес. Соның әсерінен есін енді жия бастаған бүлдіршіндер бала күтуші мен балабақшадан тәрбие алуда. Ал ата-ана беретін тәлімі мен жылулығының жайы тіптен бөлек. Жөргекпұлдың «жасы» ұзарғандығына жер-жерде ата-аналардың қуанып жатқанын көріп біліп жүрміз. Бұл бала болашағы мен тәрбиесіне зер салуға жасалған анық қадам. Тіпті, демографиялық қарқынның өсуіне де септесер дүние десек, артық айтқандық болмас.«Бір қозы туса, бір түп жусан артық шығады» дейді дана халқымыз. Дей тұра шарықтаған нарықта баланы жұртқа жалтақтатпай асыраудың өзі айтарлықтай шаруа екенін ескеру керек секілді. Осы орайда жөргекпұл мерзімінің ұзаруы демографияға демеу болары анық.

Демографияға демеу: Жөргекпұлдың «жасы» өсті

<a href="https://kyzylorda-news.kz/">Kyzylorda-news.kz.</a> Күнделікті өміріміз, тұрмысымыз пластикпен тығыз байланысты. Нақтырақ айтқанда қолданатын ыдыстардың пластмассадан жасалғаны белгілі. Пайдалануға ыңғайлы, жеңіл әрі тиімді ыдыстың тұрмысымызға дендеп кеткені сонша олсыз өмір сүре алмайтындай деңгейге жеттік.Адамның өмір сүруіне ауа мен су қаншалықты қажет болса, өмір сүру дағдысын қалыптастыратын ыдыстың да болуы өмір заңдылығы. Ас-ауқатты оның жылу температурасына қарамастан пластик ыдыстың неше түрін қолдануға болады. Әсіресе сүт өнімдерінің көптеген түрлері пластикалық құтыларға құйылып сатылады. Ал осы пластмасаның ең алдымен адам денсаулығына келтіретін зияны мен қоршаған ортаға әсері туралы бір сәт ойланып көрдіңіз бе? Ол үшін ең алдымен пластмассаның неден жасалатынын және оның құрамы жайында білудің артықшылығы жоқ деп ойлаймыз.&nbsp;Пластмассаның мыңжылдық тарихы барПластмассаның шығу тарихы 1860 жылдан басталады. Алғаш рет пластмассадан бильярд шарларын жасаған. Оған дейін шарлардың орнына піл сүйегі қолданған. Джон Хайт пластмассаны жасау үшін целлюлозаны қолданған. Ал целлюлоза өсімдік талшықтарында кездеседі, этанол мен камфор қосылысында ерітіп қосқан. Нәтижесінде, целлулоид, яғни су өтпейтін пластмасса пайда болған. Уақыт өте атақты химик Лео Бекеланд 1909 жылы фенол мен формальдегидтен полимер химиялық заттар тобын алды. Тарихта алғаш рет осылайша синтетикалық пластик дайындалған.Негізінен, пластмассаны мұнай мен табиғи газдан алынатынын жақсы білерсіз. Осы шикізаттардың қосылыстарымен, яғни полимерлеу арқылы алынады. Оның басқа материалдардан ерекшелендіретін қасиеті – салмағының аздығында, әрі қоршаған ортаның құлдырауына төзімді болып келетіндігінде. Пластмасса мыңжылдар бойы табиғатта ыдырамастан жата береді. Сондықтан пластмасса контейнерлер, телекоммуникация, көлік, құрылыс, дәрі-дәрмек, тұрмыстық техника және тағы басқа салалардың дамуында ерекше орын алады.Алуан түрлі пластмассаның қолданысы да кеңПластмассаның негізгі үш түрі болады. Олар пластикалық, термотұрақты және эластомерлі.Пластикалық түрі тұрмыста ең көп қолданылады. Күнделікті пайдаланатын полиэтилен пакеттер, контейнерлер, бөтелкелер, орауға арналған қорғағыштар, су және газ құбырлары, қораптар, басқа да сан түрі осы пластиктен жасалады. Ал термопластмассаның қолдану аясы кең. Одан розеткалар, қайықтар, бассейіндер, спорт жабдықтары жасалады. Эластомерлі пластмасса дегеніміз кәдімгі резеңке. Резеңкеден автокөлік шиналары, шлангтар, сүңгуір костюмдер, пенопласт, жасанды былғары, медициналық түтіктер, протездер әзірленеді.&nbsp;Үш негізгі өндіріс процесі арқылы пластикалық бұйымдар дайындалады. Олардың барлығы жылыту процесімен жүзеге асырылады. Яғни термоформалау вакуум, қысым, механикалық түрде болуы мүмкін. Вакуум дегеніміз пласмассаны пластина пішініне бейімдейтін пресске қалыпқа салу. Қысым арқылы пластикке қажетті пішін беріледі. Механикалық күйде машинаның өзі пластикті қалыптайды.Өндірісі артқан пластикЖыл сайын елімізде көлемі мен түрі әралуан пластик ыдыстар тонналап өндіріледі. Қазір адамдар пластиктен жасалған біржолғы ыдыстарды пайдалануды әдетке айналдыруда. Бұл ыдыстарды пайдалану уақытты үнемдегенімен, оның зияны өте көп екені белгілі. Мәселен, көп ретте пластик ыдыстарды жуып жатқаннан гөрі қоқысқа тастай салу ыңғайлы. Ал қоқыстың шамадан тыс көптігінен қоршаған орта ластанып, адам денсаулығы зақымдануда.<blockquote>– Табиғат аясына шықсаңыз қоқыстан аяқ алып жүре алмайсыз. Таза ауаға демалысқа шыққан адамдар пластик құтыдағы суды, жейтін тағамдарын пластик ыдыстарға салып әкеледі. Босаған ыдыстарды сол күйі лақтырып айналасын былғап кетеді. Целлофан қалтадан көз сүрінеді. Әр бұтаның түбінде целофан қалта желмен ұшып келіп жатыр. Табиғатқа экологиялық зардап келтіріп жатқан адамзаттың өзі болғандықтан, &nbsp;олармен күресті қоғам болып жүргізуіміз керек. Әрине, кез келген жерге алау жағуға болмайды. Тоғайға от жағуға тыйым салынған. Сондықтан қоқыстарын адамдар өздерімен алып кетуі керек, – дейді Сырдария орман және жануарлар дүниесін қорғау жөніндегі мемлекеттік мекемесінің директоры Әлібек Рақымжанов.</blockquote>Пластиктің таңбасын дұрыс пайдаланыңызЖалпы, пластик ыдыстар химиялық қосындылардан жасалатыны белгілі. Дайын ыдыстардың түсі көп ретте ақ болады. Сондықтан пластик ыдыстарды дұрыс пайдалану туралы мамандар кеңес береді.<blockquote>Егер пластиктің табанында PS деген таңба болса, ол тек салқын азық-түлік салуға немесе құюға арналған. Ал оған ыстық шәй құйылса, ыдыстан стирол деген улы зат бөлініп шығады. Мұндай пластик ыдысты көп қолданатын адамның бауыры мен бүйрегі дертке шалдығады. Яғни, пластиктің құрамында полистирол, полипропилен, поливинилхлорид секілді улы химиялық қышқылдар болатынын білу артық етпейді. Полипропиленнен жасалатын пластиктің табанында РР деген мөртаңба бар. Бұл ыдыстарды керісінше ыстық тағамға қолдануға болады. Жоғары температурада өз қалпын сақтайтын ыдысқа спирттік ішімдік құю өте қауіпті. Себебі, ондай жағдайда пластиктен формальдегид пен фенол бөлініп, ағзаны улайды. Есте сақтайтын жағдай, мұндай ыдысқа майлы тағамдарды да жолатпаған абзал, – дейді Сырдария аудандық емханасының дәрігері Азиза Қозбағарова.&nbsp;</blockquote>Поливинилхлоридты пластмасса ең қауіпті екенін мамандар дәлелдеген. Оның мөртаңбасы – ПВХ. Онымен контейнер ыдыстар жасайтындықтан оның тұтынушылары да өте көп. Дегенмен, бұл ыдыстар ең қауіпті ыдыс саналады. Ыдыс құрамындағы винилхлорид деп аталатын химиялық зат асқа түсіп, қатерлі ісік ауруларының пайда болуына әкеледі. Сондықтан мұндай ыдыстан мүлдем бас тартып, PS немесе PP деген таңбалары бар ыдыстарды өз жөнімен пайдаланған дұрыс.Біржолғы ыдыстарды пайдаланудың өз ережесі барОндай ыдыстарды аты айтып тұрғандай, бір рет пайдалану керек. Қайта-қайта жуғанмен де, ол түбегейлі тазарды деген сөз емес. Керісінше, жуған сайын пластмассаның құрамынан улы заттар бөлінеді. Пластикалық ыдыс-тарды жоғарыда айтқан белгілеріне қарап қолданса, оның зияны азая түспек. Мәселен, дүкендерде сатылатын йогурт ыдыстары сүт қышқылымен реакцияға түспейді. Сондықтан олар зиянсыз болады. Бірақ бұл ыдыстарға басқа сұйықтықтарды құю қауіпті. Біржолғы стақандарға газы бар су, қышқыл шырын, ыстық шәй құйсаңыз, ол қауіпті ыдысқа айналады. Ыдыстың зиянын адам бірден сезбеуі мүмкін, бірақ ішкі ағзалардың қызметін бірте-бірте әлсіретеді.Тағы бір назарға алатын жәйіт – пластикалық ыдыстарда тағамды ұзақ уақыт сақтауға болмайды. Микротолқынды пеште қыздыруға мүлде болмайды. Пластикалық ыдыстардың артықшылығы – мұздатқышқа төзімді, ол тағамның құндылығын сақтай алады.Дұрыс таңдау – денсаулық үшін маңыздыАта-бабаларымыз өмір сүрген дәуірде ешқандай пластикті пайдаланбай, ұзақ өмір сүрді. Олардың денсаулықтары да әлдеқайда мықты болған десек, артық айтқандық болмас. Дегенмен, өмірімізді ұзартудың, оны сақтаудың кепілі пластик ыдыстардан бас тарту болып тұрғанына көз жететін уақыт келді. Мүлдем бас тарту арқылы қағаз ыдысқа көшу неғұрлым арзан әрі пайдалы. Табиғи заттардан жасалатын қағаз ыдыстарды пайдаланып болғаннан кейін оны жоюға да болады. Әрі экологияға да әсер етпейді. Қағаз ыдыстағы ас температурасын ұзақ сақтап, ыстық өткізгіш қабілеті де баяу жүретіндіктен қолыңыз да күймейді. Микротолқынды пешке қыздырғанда қағаздан улы зат бөлінбейді.Дұрыс жасалған қағаз ыдыста желім қолданылмайды. Пластмасса ыдыстармен салыстырғанда әлдеқайда сапалы, ыңғайлы әрі зиянсыз.Пластик қоршаған орта аса қауіпті&nbsp;Пластмассадан жасалған кез келген зат ыдырамайды. Себебі, ол табиғатта кездесетін зат болмағандықтан, оны микроорганизмдер ыдыратуға қауқарсыз. Ұзақ уақыт күн сәулесінің әсерінен пластмасса біртіндеп бұзылуы мүмкін, бірақ толыққанды жойылып кетпейді. Қайта басқа түрге еніп, қоршаған ортаға қаупін күшейтеді. Мамандардың зерттеуінше, азық-түлікке арналған полиэтилен пакеттің өзі 100 жылға дейін, балаларға арналған жөргектер 250 жыл бойы ыдырамайды, жатқан жерінде өзгеріссіз қала береді.Адамзаттың сұранысына қарай жыл сайын әлемде 300 миллион тоннадан астам пластик өндіріледі. Оның 10 миллионға жуығы мұхиттарға тасталады. Бір ғана пластиктің кесірінен мұхиттағы тіршілік көзі жойылып, табиғатқа залал келуде. Сондықтан жер шарының тіршілігін тоқтатпау үшін ең алдымен пластикті пайдалануды шектеу қажет. Сұраныс азайса, оны өндіретін зауыттар экологиялық таза өнім өндіруге мәжбүр болады.Аяқсыз қалған бастамаӘлемде пластиктен бас тартқан елдер қатары артуда. Мәселен, Еуроодаққа кіретін мемлекеттер солардың қатарында. Азия елдері арасында Индонезияда қалыптасқан дәстүр бар. Егер адам пластиктен жасалған ыдысты арнайы жерге апарып өткізсе, қоғамдық көлікпен баратын жеріне тегін жетеді.Алысқа бармай-ақ өзіміздің аудан туралы айтсақ, қайбір жылдары кент орталығындағы қоғамдық орындарға тордан жасалған контейнерлер қойылды. Тұрғындар босаған пластик құтыларын сол жерге апарып тастауға қалыптасып қалып еді. Дегенмен, бұл жағдай көпке бармады. Себебі, ауданда ашылып, қайта жабылып қалған пластикті қайта өңдейтін орын өз жұмысын тоқтатты. Мұнымен айтпағымыз кент тұрғындарының пластиктен бас тартуға жасалған қадамның басы болғанымен, аяқсыз қалғаны өкінішті.Тоқсан ауыз сөздің тобықтай түйіні, пластмассаны өмірімізден ақырындап аластату өз қолымызда. Пластик өнімінен бүгіннен бас тарпасақ, одан келетін қауіп болашағымызға, балаларымыздың денсаулығына қауіп төндіретіні сөзсіз.&nbsp;

Пластик әлемге қауіп төндіріп тұр

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы, Қазалы ауданындағы екі мектеп оқушысы арасындағы жанжалға байланысты ҚР Қылмыстық кодекстің 293-бабына сәйкес тергеу жұмыстары жүргізілуде. Бұл туралы Өңірлік коммуникациялар қызметінің ақпараттық алаңында өткен брифингте облыстық полиция департаменті бастығының бірінші орынбасары Шамшидин Амитов мәлімдеді.&nbsp;<blockquote>«Тергеу барысында жәбірленушіні ұрып-соққан барлық тұлғалардың жеке бастары анықталып, олар уақытша ұстау изоляторына қамауға алынды. Тиісті сараптамалар тағайындалды. Қазіргі уақытта Қазалы ауданында криминогендік ахуал тұрақты. Балалар мен жасөспірімдер арасындағы қылмыстылықтың алдын алу мақсатында полиция қызметкерлерімен рейдтік жұмыстар жалғасуда. &nbsp;Полиция департаменті бастығының тапсырмасымен жедел жұмыстар жөніндегі орынбасары Қазалы ауданында арнайы құрылған жедел штабтың құрамында жұмыс жасауда. Аталған құқық бұзушылықты дер кезінде анықтамай, алдын алу шараларын жүргізбеген Қазалы аудандық полиция бөлімінің басшысын қызметінен босатуға ҚР ІІМ-не ұсыныс жолданып, 10 қызметкері қатаң тәртіптік жазаға тартылды. Қазіргі уақытта сотқа дейінгі тергеп-тексеру әрекетері жалғасуда, ҚР Қылмыстық-процессуалдық кодексінің 201-бабының талаптарына сәйкес, қалған тергеу деректерін жария етуге жол берілмейді», - деді Шамшидин Егембердіұлы.&nbsp;</blockquote>Аталған оқиғадан зардап шеккен оқушының қазіргі уақытта жағдайы қалыпты.&nbsp;<blockquote>«Қазіргі таңда, баланың жағдайы динамикада жақсаруда. Ауруханаға келгеннен бастап барлық медициналық көмек көрсетілуде. Бұған қоса, Теміржол ауруханасына ауысқаннан бері де денсаулығы мамандардың қатаң бақылауында, - деді облыстық денсаулық сақтау басқармасының басшысы Олжас Искаков.&nbsp;</blockquote>Қызылорда облыстық білім басқармасының басшысы Мейрамбек Шермағанбет оқушылардың ата-аналарымен кездескенін айтты.&nbsp;<blockquote>«Орын алған оқиғадан соң Қазалы ауданында аудан әкімімен бірге №70 мектепте жоғары сынып оқушылар, ата-аналар, мұғалімдермен кездесу өткізілді. Кездесу барысында осы орын алып жатқан жайттар ең алдымен отбасыдағы өнеге мен тәрбиеге тікелей байланысты екені және балалардың қайда жүргеніне, кіммен жолдас болғанына аса мән беру керек екендігі түсіндірілді. Жиын барысында барлық жоғары сынып оқушылары мен ата-аналарымен кездесіп, аталған мәселелерді талқылап, түсіндіру жөнінде білім бөлімі мен білім беру ұйымдарының басшыларына тиісті тапсырмалар берілді. Сондай-ақ, оқушылардың бос уақытын тиімді өткізуге байланысты балалардың қызығушылықтарына, сұраныстарына сай жаңа әдістерді, түрлі тәсілдерді пайдалану керектігі жөнінде және ата-аналар комитетімен жұмысты күшейтуді тапсырылды. Ауданға барғанда жарақат алған оқушының жағдайымен танысу үшін арнайы өзім ауруханаға бардым. Баланың денсаулығы бір қалыпты, ем қабылдауда. Ата-аналарымен де кездесіп, әңгімелестік.Осы орайда әкімшілік қадағалауды өз деңгейінде үйлестірмеген және кемшіліктерге жол берген Қазалы ауданындағы №70 мектеп-лицейінің тәрбие ісі жөніндегі орынбасарлары жұмыстан босатылып, директорларына қатаң шара көрілетін болады. Сонымен қатар Қазалы аудандық білім бөлімінің басшына қатаң сөгіс беріліп, басқа да жауапты мамандардың жауапкершілігі қаралатын болады», - деді Мейрамбек Шермағанбет.</blockquote><figure class="image"><img src="https://knadmin.beoblood.kz/uploads/340301909_641381111151935_4148257512913654409_n_cd63a93b90.jpg" alt="340301909_641381111151935_4148257512913654409_n.jpg"></figure>

«Уақытша ұстау изоляторына қамауға алынды»: Қазалы ауданында орын алған оқиға жіті бақылауда

<a href="https://kyzylorda-news.kz/">Kyzylorda-news.kz.</a> Қазалы ауданында кәмелетке толмағандар арасында орын алған топтық төбелестің қоғамда резонанс туғызғаны белгілі. Жеткілікті деңгейде бақылау болмағандықтан, бейқамдықтың соңы жантүршігерлік топтық төбелеске әкеп соқты.Соққыға жығылған баланың ата-анасы полицияға арызданбаған. Дегенмен, аймақ басшысының тапсырмасына сәйкес құзырлы органдар тарапынан жан-жақты жұмыстар қолға алынды. Жасөспірімдер арасында орын алған бұл жағдай аймақ басшысының тікелей назарында.Облыс әкімі Нұрлыбек Нәлібаев шұғыл жиын өткізіп, осы жағдайға жол берген жауапты тұлғалардың жауапкершілігіне, қызметке сәйкестігіне лайықты баға беру туралы тапсырмасынан соң сең қозғалды. Шұғыл жиналыста аймақ басшысы аудан әкімдерінен, полиция департаменті басшылығынан, білім басқармасынан есеп сұрап, жағдайға нақты әрі шынайы баға беруді талап етті. Төбелестің шығу себебін анықтап, жағдай ушыққанша бақылау жасамаған барлық жауапты басшыларға қатаң әрі шұғыл шара көруді тапсырды.<blockquote>«Қызылорда қаласы мен Қазалы, Жалағаш ауданы бойынша полиция бөлімдері басшыларының жауапкершілігі қаралсын. Сонымен қатар, аталған мектеп директорлары мен тәрбие ісі жөніндегі орынбасарларына да осы жағдайға жол бергендері үшін тиісті шара қолданылсын», – деді облыс әкімі.</blockquote>Аудан көлемінде криминогендік ахуалды тұрақтандырмаған, кәмелетке толмағандар арасындағы қылмыстың алдын алу жұмысын өз дәрежесінде ұйымдастырмаған, қоғам сынына ұшыраған резонансты бұзақылық қылмыстың орын алуына жол берген Қазалы аудандық полиция бөлімі бастығының бірінші орынбасары және Қазалы аудандық полиция бөлімі жергілікті полиция қызметі бөлімшесі бастығына қызметке толық сәйкес еместігі туралы ескертілді.Қазалы аудандық полиция бөлімі бастығын өз қызметтік міндеттерін тиісінше атқармағаны, бөлім жұмысын ұйымдастыруда қарамағындағы қызметкерлерге ведомстволық бақылауды, сұраныс пен талапты әлсіреткені, кәмелетке толмағандар арасында жасалған резонансты бұзақылық қылмысқа жол беріп, қылмыс бойынша хабарламаны тексеріп қадағаламағаны үшін атқарып отырған лауазымынан босату жөнінде Қазақстан Республикасы Ішкі істер министрлігіне ұсыным жолданды.Жалағаш аудандық полиция бөлімі бастығына да кәмелетке толмағандар арасында бұзақылық қылмыс жасалуына жол бергені үшін тәртіптік шара көріліп, қатаң сөгіс берілді. Оған қоса, аудандық полиция бөлімі жергілікті полиция қызметі бөлімшесі бастығына, Жалағаш ауданында ювеналды,патрульдік полиция тобының және учаскелік полиция инспекторларына, криминалды полиция бөлімшесінің жедел уәкіліне сөгіс, қатаң сөгіс берілді.Сонымен қатар қалалық полиция басқармасы бастығының кадр саясаты жөніндегі орынбасарына ішкі істер органының абырой мен беделіне нұқсан келтіргені үшін қатаң сөгіс тәртіптік шарасы қолданылды. Еске салайық, аталған лауазымды тұлғаның құқық қорғау органы қызметкеріне лайық емес іс-әрекеті, яғни «Тарлан» спорт кешені алдында кәмелет жасына толмаған балаға қол жұмсағаны қоғамның қатаң сынына ұшыраған болатын. Мұнан бөлек, қалалық полиция басқармасының 10 жауапты қызметкеріне түрлі тәртіптік жаза қолданылды.Сондай-ақ Қазалы ауданының әкіміне қатаң ескерту, аудандық білім бөлімінің басшысына қатаң сөгіс берілді. Жалағаш ауданындағы екі мектеп оқушылары арасындағы жанжалдың алдын алмағаны үшін осы ауданның білім бөлімінің басшысына, Қызылорда қаласындағы №217 мектеп оқушыларының суық қару қолдану оқиғасына жол бергені үшін қалалық білім бөлімі басшысына қатаң сөгіс шарасы қолданылды. Қазалы ауданындағы №70 және №266 мектептердің директордың тәрбие ісі жөніндегі орынбасарлары жұмыстан босатылды. Аталған екі білім ошағының директорларына денсаулығына байланысты еңбек демалысынан жұмысқа түскен соң қатаң шара көріледі.Дәрігерлердің айтуынша, қазір баланың жағдайы тұрақты ауыр. Барлық тексеріс жүргізілген, ем жасалуда.Шұғыл жиналыста берілген тапсырмалардың орындалуы, жалпы ахуал облыс әкімінің күнделікті қадағалауында.Аймақ басшысы жауапты басшыларға қала мен барлық ауданда рейд ұйымдастыру, ата-аналар мен жасөспірімдер арасында түсіндірме жұмыстарын жүргізуді де тапсырған болатын. Қазір облыс көлемінде тапсырмаға сәйкес іс-шаралар жүргізілуде.Айта кету керек, Қазалы ауданында орын алған жағдай бойынша облыстық полиция департаменті мен облыстық денсаулық және білім басқармалары басшылығының қатысуымен брифинг ұйымдастырылды.

Қазақстан және Қызылорда облысының жаңалықтары