<a href="https://kyzylorda-news.kz/">Kyzylorda-news.kz.</a> Тасбөгет кентіндегі №176 орта мектепте ардагер ұстаз, білім ошағын абыроймен басқарған азамат Аманжол Байманұлының 80 жылдық мерейтойына орай «Ұстаз жолы – парасат» апталығы ұйымдастырылды. «ҚР білім беру ісінің үздігі» Аманжол Байманұлының 80 жасқа толу мерейтойына арнап мектеп қабырғасында бірнеше шара ұйымдастырылды.Мерейтой иесінің құрметіне орай қалалық білім бөлімі әдіскерлерінің ұйымдастыруымен 7-8 сыныптар арасында химия, биология пәндерінен аймақтық олимпиада, үстел теннисінен мұғалімдер арасында сайыс ұйымдастырылды. Олимпиада мен сайысқа 14 мектептен барлығы 53 оқушы мен ұстаздар қатысты. Білім мен спорт сынға түскен сайыстарда жеңіске жеткендерді ардагер ұстаз Аманжол Байманов өзі марапаттады.Апталықтың қорытынды күнінде ұлағатты ұстаздың «Өртеңде өскен өр-кенбіз» кітабын «Оқуға құштар мектеп» жобасының &nbsp;мүшелері талдады. Сондай-ақ мерейтой қонақтары мектеп музейінен ашылған «Ұстаздық – ұлы қызмет» экспозициясының ашылуын тамашалады.«Үлкеннің жолы – ұлылық, ұрпақтар жүрер ұғынып» тақырыбындағы қорытынды кешке облыстық ардагерлер кеңесі төрағасының орынбасары, облыстық кәсіподақ комитеті төрайымының орынбасары, облыстық білім саласы ардагерлер кеңесінің төрағасы, қала әкімінің кеңесшісі, Тасбөгет кентінің әкімі, қалалық ардагерлер кеңесінің төрағасы, Қызылорда қаласы бойынша білім бөлімінің басшысы, ардагер ұстаздар мен шәкірттері қатысты.Кент әкімі Семсер Сыздықов ардагер-ұстаз, «ҚР білім беру ісінің үздігі» Аманжол Байманұлының 80 жасқа толу мерейтойына арналған шарада өзінің ізгі лебізін білдіріп, мерейтой иесіне сый-сыяпат табыстады. Одан бөлек ардагердің өзі ұзақ жылдар бойы қызмет еткен №176 орта мектептің ұйымдастыруымен өткізілген шара барысында қатысушыларға мектептің тарихы, мерейтой иесінің еңбек жолы, оның білім ордасына сіңірген еңбегі баяндалып, жас ұрпаққа өнеге боларлық жақсы әңгімелер айтылды.

Ардагер ұстаз құрмет төрінде

<a href="https://kyzylorda-news.kz/">Kyzylorda-news.kz.</a> Қала іргесінде орналасқан Тасбөгет кенті сонау 1948 жылы алып құрылыстың басталуы негізінде бой көтерген еді. Сырдария өзенінің су тоспасын салу үшін шақырылған мамандар сол аумаққа қоныс теуіп жаңа ауданның негізі қаланған.Содан бері 70 жылдан астам уақыт өтіп, тарихы терең тамыр жайған кенттің өзіндік мәртебесі, мәдениеті қалыптасқан. Кент бастапқыда жан-жақтан тартылған құрылысшылардың орналастыру үшін ежелгі Қатынкөл мен Тасарық ауылының орнына салынған. Құрылыстың қарқын алуы, мамандардың күн санап артуы солай жаңа ауданның бой көтеруіне түрткі болды. Су бөгеті тоғыз жыл көлемінде салынды. Оған дейін мұнда құрылысшы отбасының балалары үшін мектеп, сондай-ақ мамандар даярлайтын оқу орны ашылды. Ал су бөгеті 1956 жылы ел игілігіне беріліп, Тасбөгет поселкесі Сырдария ауданының орталығы болды. &nbsp;Тасбөгет поселкесі құрылмай тұрып бұл аумақ Сырдария ауданы болғаны белгілі. Сондықтан мұндағы руханияттың өзегі әріден бастау алған деуге негіз бар. Ауданда 1926 жылдан клуб үйлері қызмет көрсеткен. Уақыт өткен сайын мәдени сала өркен жайып, кітапхана, клуб үйі, қызыл мүйіс деп аталатын мәдени орындар пайда бола бастайды. Көркемөнерпаздар үйірмесі жұмыс істейді. Бұл ретте мектеп оқушылары белсенді болып, көркемөнерпаздар ұжымы қалыптасады. Оларды халық ерекше ықыласпен қабылдап, танымалдылық артқан.Ауданның аталған саладағы дамуы соғыс жылдарынан кейін жанданды. Мәселен 1945-1955 жылдар аралығында онда 9 ауыл клубы, 14 кітапхана, 1 қызыл отау, 30-дан астам үйірме болған. Осылайша жыл өткен сайын жұртшылық рухани толысып, мәдени сұраныс артты. Әсіресе, көркемөнерпаздар жұмысы жетіле түсті. 1955-1965 жылдары ауданда 40 көркемөнерпаздар ұжымы, 1 «халық театры» болды. Театрда О.Әбдімомынов, Ы.Рахманқұлов, Б.Қуанышев, З.Арынова сынды өнерпаздар шынайы өнерімен көпшілікке танылды. Халық арасында таланттардың топ жаруына сол тұста аудандық мәдениет бөлімін басқарған Т.Жұмандықов, Б.Шілманов сынды азамат үлес қосты. Ең алғаш &nbsp;ауданға толық жабдықталған жылжымалы клубты әкелген де солар болатын. Сол тұста клуб сахнасында «Еңлік-Кебек», «Салпекеңнің саудасы», «Беу, қыздар-ай», спектакльдері қойылды.Кейін Сырдария ауданы мен Тереңөзек кенті біріктіріліп, аудан орталығы Тереңөзек кентіне ауысты. Бұл 1967 жылдың шамасы болатын. Мәдениет пен руханияттың өзегі ретінде мәдениет үйі, орталық кітапхана, кинотеатр салынды. 1967-1990 жылдар аралығында ондағы елдімекендерде 16 клуб, 27 кітапхана, 11 жылжымалы автоклуб, 1 халық театры, 40 көркемөнерпаздар үйірмесі тұрақты жұмыс істеді. Аудандық кітапханадағы кітап қоры 300984 данаға жетті. Оқырман саны да күн санап толықты. Жаңадан мәдениет үйі, 420 орындық клуб бой көтерді. Мұның бәрі халықтың сұранысына сай мәдени-рухани дамуы үшін жасалды.1997 жылдан бастап Тасбөгет қалаға қарасты аудан ретінде өз еншісін алды. Бұған дейін кенттегі бой көтерген 220 орындық мәдениет үйі руханияттың негізгі &nbsp;діңгегіне айналған. 1996 жылы аталған мәдениет үйіне КСРО және ҚазКСР халық әртісі С.Майқанованың атын беру туралы шешім шықты.Тәуелсіздік жылдары Тасбөгет кенті мәдени тұрғыда өз алдына бөлек дами бастады. Мәдениет ошағымен бірге «Мереке» вокалды-аспапты, «Бастаңғы» әжелер ансамблі дүниеге келді. &nbsp;Сонымен қатар «Мереке-думан» әзіл-сықақ театры жұмыс істеді. Аталған ойын-сауық отауы облысқа танымал ұжым болды.Сахна шеберінің атына берілген бұл мекеме бүгінде кенттің негізгі руханият ошағына айналған. Бабалар мұрасын насихаттап, өскелең ұрпаққа дәріптеуде бұл мәдениет ошағының орны айрықша. Елге 30 жылдан аса уақыт қызмет көрсетіп отырған мекеменің тіршілігі бір сәтке тоқтаған емес. Мұнда кент жастары мен оқушыларына арналған түрлі үйірмелер, кітапхана, сондай-ақ «Бастаңғы» әжелер ансамблі бар.Қазір мұндағы 8 үйірмеге 111 адам қатысады. Олардың барлығы дерлік өз талантын баптап, бәйгеде оза шапқан дарындар. Атап айтсақ, республикалық «Әдемі-ау», &nbsp;«Әрқашан күн сөнбесін» байқауында «Дарын» үйірмесінің оқушылары А.Мұсаева, Ж.Қалмағанбет, Е.Сармырзаев, Д.Ахылбек, А.Тілепбай, С.Құрал, Д.Кәрім жүлделі орын иемденген. Одан бөлек Түркия елінде өткен халықаралық балалар ойындары мен билері фестивалінде көркемсөз оқудан «Шабыт» үйірмесінің қатысушысы Ержігіт Сармырзаев 1 орынды иеленіп, Батуми қаласында өтетін «Золотая волна» халықаралық конкурсына жолдама алған. Бұдан өзге де облыстық республикалық түрлі бағыттағы байқауларда үйірме қатысушылары шашасына шаң жұқтырмай тек жүлделі орындардан бой көрсетіп жүр. Мұның барлығы мәдениет үйінде еңбек ететін қызметкерлердің ерен еңбегінің жемісі.Кенттің тыныс-тіршілігімен бірге мәдениет үйінің де жұмысы біте қайнасқан. Қай кезде болмасын тұрғындарға көтеріңкі көңіл-күй сыйлауда түрлі шараларға мұрындық болған руханият ошағы жаз айында да оқушылардың уақытын тиімді өткізуіне үлес қосуда. Кешкілік уақыт кенттің орталық алаңында «Талант тұнған Тасбөгет» атты концерттік бағдарламасын ұсынады. Онда үйірме өнерпаздары көпшілікке өнер көрсетеді.Бүгінде Толқын Болатқызы басшылық жасайтын мәдениет мекемесінде 23 қызметкер рмәдениет, өнер саласын дамытуға еңбек етуде.«Мереке» вокалды-аспапты ансамбліІргесі кенттегі мәдениет үйімен қатар қаланған бұл ансамбль уақытында көп көңілінен шығып, кең танымалдылыққа ие болған еді. Дәуірінде дүбірлеген ансамбльдің көркемдік жетекшісі өңірге белгілі сазгер С.Ұлықпан болды. Десе де «Мереке» вокалды-аспапты ансамблі десе елең етер көрермен әлі де бар. Осыдан үш жыл бұрын ансамбль өзінің 30 жылдық мерейтойын атап өтті. Жастық шағының куәсіндей болған ансамбль орындаушыларының айтқан әндері ел жадында жақсы сақталған. Иә, бұл ансамбльдің Тасбөгеттің мәдени тарихында ойып алар орны бар.«Бастаңғы» әжелер ансамбліӨнегелі өнерді бойға сіңіріп, отбасы мен қоғамдық жұмысты қатар алып жүрген бұл әжелер ансамблінің тарихы 1989 жылдан бастау алады. Жаңа мәдениет үйі ашылғанда оған дем беріп, жаңаша бағытта қадам басқан ансамбльдің негізгі мақсаты – отбасы құндылығын дәріптеу. Ата-баба дәстүрін келер ұрпаққа жеткізіп, бойына сіңіру. Бұл тұрғыда «Бастаңғы» әжелер тобының атқарған жұмысын жоғары бағалауға болады. Қала бойынша белсенді, қайсыбір шара болмасын оқ бойы оза шығып, өнегелі ісімен ел құрметіне бөленген. Отыз жылдық орны бар ансамбльдің құрамы қанша өзгерсе де, сегіз қырлы бір сырлы жандармен қайта толықты.Ондағы әжелердің бірі қолөнерші, бірі ақын, бірі кәсіпкер. Иә, ансамбль құрамында 11 батыр ананың ең жасы алпыстан асса, үлкені сексеннің сеңгірінде. Көрермен көзайымына айналған олардың репертуары халық әндерінен құралған. Тіпті халық әнінің ескі нұсқалары да бар. Әнді нақышына келтіре орындап, өнерлерін көпшілікке паш етіп жүрген өнер ұжымы түрлі байқаулардың жүлдегері. Өңірде ауыл-аймақты аралап, гастрольдік сапарға шығатын, мәдениет үйімен бірге бүгінгі күнге дейін біте қайнасып келе жатқан бірден-бір ұжым ретінде «Бастаңғы» әжелер ансамблін айтуға болады.Тасбөгеттік таланттарСыр елі талай ақын, жырау, әнші, күйші, жазушыларды түлеткен өңір. Солардың біршамасы бұрынғы Сырдария ауданы, қазіргі Тасбөгет кентінің тумалары. Оның ішінде белгілі әдебиетші-ғалым М.Қаратаев, ақын Қ.Баймағамбетов, жырау Р.Мәзқожаев, айтыскер Х.Айжанқызы, М.Қыраубаев, Б.Нұрымбетов, халық әртісі С.Майқанова, Ш.Әбдібаев, О.Әбдімомынов, Ғ.Әбдінабиева, термеші Ә.Еңкебаев, Ұ.Байбосынова кинорежиссер С.Қожықов, драматург ақын И.Оразбаев, М.Әміреев, Ә.Рақымбекұлы, И.Иса, Қ.Есімсейітова, жазушы С.Балғабаев, С.Алдабергенов, Ш.Рахметбеков сынды таланттар ауданның рухани діңгегін нығайтуда зор үлес қосты. 1985 жылы А.Өтеповтың жетекшілігімен «Сырлы саз» ансамблі бүкілодақтық фестивальде лауреат атанды. Үш жылдан соң ансамбльге «Халықтық ансамбль» атағы берілді. Ал жоғары кәсіби шеберлігі үшін А.Өтепов «Ең үздік дирижер» номинациясымен жоғары бағаланды.

Тасбөгет:  Өнерін сақтаған ел өркендейді

<a href="https://kyzylorda-news.kz/">Kyzylorda-news.kz.</a> Қазір еңбек нарығы жаңа арнаға бет бұрды. Бұрынғыдай төрт-бес жыл жоғары оқу орнын оқып, зейнетке шыққанша сол мамандықта жұмыс істеу ескінің сарқыншағына айналып барады. Кім университет бітірсе, сол табысты деген де жазылмаған заңдылықты жаңа дәуір жоққа шығаруда.Иә, қазір қолында «табақтай» қызыл дипломы бар маманнан гөрі торт пісіретін кондитердің не бет әрлейтін визажисттің табысы бірнеше есе жоғары болуы ғажап емес. Сол сияқты дәнекерлеуші, механизатор мен бұрғылаушы секілді кәсіптік маман иелеріне деген сұраныс жоғары. Сәйкесінше табысы да мол.Осылайша заман дамыған сайын уақыт көшіне ілескен мамандықтарға қажеттілік туындауда. Мәселен, экономикалық өндіріс нығайған қазіргі кезде жұмысшы мамандарға сұраныс артып келеді. Ал мұндай мамандықты игеруге елде барлық жағдай жасалған. Десе де, халық арасында Кеңес одағы кезінен қалған ескі көзқарас көптеген жастардың дұрыс жол табуына әлі күнге кесірін тигізіп отыр. Мысалы, кешегі СПТУ, бүгінгі техникалық және кәсіптік колледждерге жоғары оқу орнына білімі жетпеген жастар, тұрмысы төмен отбасылардың балалары оқиды деген теріс пікір бар. Шын мәнінде бүгінгі қоғамға нағыз қажетті мамандарды осында даярлайды. Тіпті олардың арасынан мықты кәсіпкерлер шығуда.Аудандағы кәсіптік білім беретін бірден-бір оқу орны – Шиелі индустриалды-аграрлық колледжі. Бұл оқу орны алпыс жылдан астам уақыттан бері қаншама шәкірт тәрбиелеп, мықты жұмысшы мамандарды дайындауда. Бүгінде мұнда студенттер ең қажетті 18 мамандық пен 28 біліктілік бойынша білім алады. Бір ерекшелігі, бұл оқу орнында барлық студенттер мемлекеттік тапсырыс негізінде грантта оқиды.Мұнда оқытылатын мамандықтардың дені кәсіптік болғандықтан, материалдық-техникалық база жоғары дәрежеде жабдықталған. Арнайы құрал-жабдықтары бар теориялық пән кабинеттері мен шеберханалар білім алушылардың кәсіби біліктілігін шыңдайды.«Бүгінде білім мен біліктілік ұшталса ғана табысқа жетуге болатынын өмірдің өзі дәлелдеп отыр. Осыған орай колледж мұғалімдері мен білім алушылары халықаралық, республика, облыс көлемінде өтетін шараларға, байқаулар мен мамандықтар бойынша көрмелерге қатысып, үнемі жүлделі орындарға ие болуда. Сапалы білім берумен қатар жастардың тәжірибеден өтуіне, оқу орындарының өндірістермен байланыс орнатуына мемлекет мұқият көңіл бөлуде. Кешегі түлектер бүгінгі таңда жемісті еңбек етіп жатыр. Сондықтан оқу орнын тәмамдаған мамандар тек қана біздің ауданда ғана емес, еліміздің аумағында кәсібі бойынша қызмет атқара алатындығына сенім мол. Бүгінде өздерінің жеке кәсібін ашып, біздің студенттерді жұмыспен қамтып отырған түлектер барын мақтанышпен айтуға болады. Өткен жылы бітірген түлектердің 87 проценті мамандығы бойынша жұмысқа орналасты», – дейді Шиелі индустриалды-аграрлық колледжі директорының оқу өндірісі жөніндегі орынбасары Дастан Полатов.Осы мәселеге келгенде талапкер де, ата-ана да жақсылап ойланғаны абзал. Өйткені бүгінгі ұғым мүлдем басқа. Бұрын қолында дипломы болса, жұмысқа бірден қабылдайтын. Ал қазір қолынан іс келмесе, көк қағаздың бар-жоғы маңызды емес. Сол үшін жастар мақтан үшін емес, сұранысқа ие мамандыққа оқуға түсуі қажет. Сондай-ақ қазір өнеркәсіп саласын меңгергендер далада қалмайды. Өйткені химия, экология, техника мамандарының болашағы зор. Жоғарыдағы мамандықтарды меңгерген әрбір азаматтың келешекте өзінің жеке кәсібін ашуға мүмкіндігі мол.Сондықтан әрбір мектеп бітіретін түлек «Қандай кәсіп иесі болғанда елге пайдам тиеді?» деген сауалды өзіне қойғаны жөн. Әрине, мамандық таңдау оңай емес. Десе де жас өмірінің бір кірпішін дұрыс қалап, өз саласының мықты маманы болу үшін қател еспегені абзал.

Шиелі индустриалды-аграрлық колледжінде студенттер 18 мамандық бойынша білім ала алады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде Coursera халықаралық білім беру платформасы бойынша 500-ге жуық студент білім алуда. Қазіргі уақытта олардың 150-ден астамы сертификат иеленді.ҚР Ғылым және жоғары білім министрлігінің қолдауымен халықаралық Coursera білім беру платформасындағы алғашқы 50 курс қазақ тіліне аударылды. Бүгінде білім алушылар үшін қазақ тіліндегі курстар қолжетімді.Қорқыт ата атындағы Қызылорда университетінің білім алушыларына 1 жылға 500 лицензия берілген.Академиялық дәрежесі бойынша бакалавриаттан 19 білім беру бағдарламасы, магистратурадан 4 білім беру бағдарламасы бойынша қатысушылар курстан өтуде.Статистика бойынша білім алушылар осы кезге дейін «Programming for Everybody», «Эффективное решение проблем и принятие решений», «Инновациялық ұйымдарды құру және дамыту», «Кәсіпкерлік негіздері: ойлау және әрекет», «Using Python to Access Web Data», «Инженерлерге арналған матрицалық алгебра», «Жоба басқару: табыс негіздері», «Иженерлерге арналған дифференциалдық теңдеулер» курстарына көп тіркелген.Coursera-дан қазақстандық студенттер үшін үздік тегін бағдарламалар&nbsp;1. Global Warming I курсы: University of Chicago профессоры Давид Арчердің The Science and Modeling of Climate Change курсы жаһандық жылыну мәселелеріне және адамның Жер климатына әсерін болжауға қызығушылық танытқандар үшін қызықты. Курс физика, химия, биология, жер және атмосфера ғылымдары, тіпті кейбір экономикалық пәндердің идеялары мен перспективаларын біріктіреді — барлығы қарапайым математикаға (алгебра) негізделген.&nbsp; Толығырақ <a href="https://www.coursera.org/learn/global-warming">https://www.coursera.org/learn/global-warming</a>2. Strategic Innovation курсы. Иллинойс университетінің бұл курсы инновацияларды басқару бастамалары инновацияларды басқаруға көзқарас қалыптастыруға көмектеседі. Курс өзекті құрылымдар, құралдар мен тұжырымдамалар жиынтығын ұсынады.&nbsp; Сіз мыналарды үйренесіз: - инновацияларды және олардың ұйымдарға әсерін талдау, - инновацияға зерттеуге негізделген көзқарасты тұжырымдау, - инновация процесінде туындайтын мәселелерді шешу үшін кадрларды, құралдарды және тұжырымдамаларды пайдалану&nbsp;Бұл курс Giles College of business онлайн бағдарламасының бөлігі болып табылады, соның ішінде iMBA және imsm. Courserа-дағы бұл курс дәреже алу үшін пайдаланылуы мүмкін.Толығырақ <a href="https://www.coursera.org/.../strategic-innovation…">https://www.coursera.org/.../strategic-innovation…</a>3. Мичиган университетінің Python Data Structures курсы Python бағдарламалау тілінің негізгі деректер құрылымдарымен таныстырады. Курс процедуралық бағдарламалау негіздерін қамтиды және барған сайын күрделі талдауды орындау үшін Python-ға енгізілген тізімдер, сөздіктер және кортеждер сияқты деректер құрылымдарын пайдалануды қарастырады.&nbsp; Сіз мыналарды үйренесіз: - деректер құрылымын құру принциптерін және олардың қалай қолданылатынын түсіндіріңіз, - файлдардан деректерді оқуға және жазуға қабілетті бағдарламалар жасаңыз, - Python сөздіктерін қолдана отырып, деректерді кілт/мән жұптары ретінде сақтаңыз, - көп сатылы тапсырмаларды орындау.&nbsp; Бір қызығы, осы курстан өткендердің 18%-ы жаңа мансапты бастап, ал 29%-ы маңызды артықшылықтарға ие болды. Толығырақ <a href="https://www.coursera.org/learn/python-data">https://www.coursera.org/learn/python-data</a>4. Macquarie University Excel Skills for Business: Essentials курсы Microsoft Excel негіздерімен таныстырады. Электрондық кесте бағдарламалық құралы-бүкіл әлем бойынша жұмыс орындарында қолданылатын ең кең таралған Бағдарламалық құралдың бірі. Бұл бағдарламалық жасақтамамен сенімді жұмыс істеуді үйрену жұмысқа орналасу портфолиосына өте құнды актив қосуды білдіреді. Алты апталық курс Сізге Excel пайдаланушы интерфейсін шарлауды, формулалар мен функциялар арқылы Негізгі есептеулерді орындауды, электрондық кестелерді кәсіби түрде пішімдеуді және диаграммалар мен графиктер арқылы деректерді визуализациялауды үйретеді.&nbsp; Толығырақ <a href="https://www.coursera.org/learn/python-data">https://www.coursera.org/learn/python-data</a>5. Materials science: Калифорния университетінің атақты профессоры Джеймс Шакелфордтан 10 Things Every Engineer Should know курсы инженерлік мамандықтар үшін қызықты. Курс заманауи инженерлік қолданбаларда қолданылатын материалдардың маңызды аспектілерін зерттеуге, термиялық белсендірілген процестердің рөлін анықтауға және т.б. көмектеседі.Толығырақ <a href="https://www.coursera.org/learn/materials-science">https://www.coursera.org/learn/materials-science</a>&nbsp;

Қызылорда: 150-ден астам студент Coursera сертификатын алды

<a href="https://kyzylorda-news.kz/">Kyzylorda-news.kz.</a>&nbsp; 21 наурыз – Халықаралық Даун синдромы бар адамдар күні. Бұл күн бекер таңдалған жоқ. Даун синдромы бар балалардың әрқайсысы ерекше. Олардың өзіне ғана тән мінезі, мүмкіндігі, қызығушылығы болады. Қабілеті әртүрлі болғандықтан, бірі үйреткеніңді жылдам меңгеріп алса, кейбірі қосымша дерттеріне байланысты меңгере алмайды.<img src="https://knadmin.beoblood.kz/uploads/336181084_170497068724181_3113162911137675900_n_c6c8807ab4.jpg" alt="336181084_170497068724181_3113162911137675900_n.jpg">Аталған күнге орай И.В.Панфилов атындағы №5 мектеп-лицейінде «Күн сәулелі балалар» тақырыбында қалалық семинарлар өтті.Семинарға Қызылорда қаласы бойынша білім бөлімінің әдіскері Ақерке Мұратбайқызы, мектепте ерекше білім беруге қажетті балалармен жұмыс жасайтын арнайы мамандар, «Шуақты Бөбек» Қоғамдық қорының ата-аналары қатысты.Туа бітті немесе жүре пайда болатын бұл науқас түріне шалдыққан балалардың жетілуі баламен оқу-дамыту жұмыстарының жүргізілуіне байланысты екендігі ғалымдармен дәлелденген. Сондықтан, осы патологиялық ауруға шалдыққан балалардың дамуына үлес қосатын игі шарада күн сәулелі балаларға тренинг-жаттығулар ұйымдастырылып, мерекелік дастархан жайылды.Күн сәулелі балалар үшін ата-ананың және арнайы педагогтардың мейірімі өте маңызды, сол себепті үмітті үзбей, қолдан келгеннің бәрін аямайық.<img src="https://knadmin.beoblood.kz/uploads/335462242_1060756194747857_5408104094553436519_n_10c12ac899.jpg" alt="335462242_1060756194747857_5408104094553436519_n.jpg">

Ерекше балаларға арналған ерекше күн өтті 

<a href="https://kyzylorda-news.kz/">Kyzylorda-news.kz.</a> ІІМ Ұйымдасқан қылмысқа қарсы күрес департаменті Қызылорда қаласындағы криминогендік жағдайға ықпал еткен қылмыстық топтың жолын кесті, деп хабарлайды <a href="https://polisia.kz/iim-10-adamnan-turatyn-qylmystyq-topty-ustau-bojynsha-arnajy-operatsiya-zhurgizdi/">Polisia.kz</a>.Қылмыстық топқа қатысушылардың қылмысын әшкерелеу бойынша өткізілген арнайы операция барысында полиция органдарына 10 күдікті жеткізілді. Олар күзет қызметінде өздері ықпалын жүргізетін аумақтарды бөліске салу үшін бірнеше рет қылмыстық қақтығыстарға қатысқан.Ойын-сауық орындарында әдейі жанжал туғызып, сол орындардың иелерін өздерінің қамқорлығын қабылдауға мәжбүр еткен. Қылмыстық топтың бірқатар ауыр және аса ауыр қылмыстар жасауға, соның ішінде кісі өлтіруге оқталу, ауыр дене жарақаттары мен бұзақылық жасауға қатысы бар екені анықталды.Сонымен қатар олар әлеуметтік желілерде қоғамдық орындарда атыс қаруын қолданатын бейнероликтерді бірнеше рет жариялап, өздерінің шамадан тыс еркінсіп кеткендерін көрсетті. 20-дан астам тінту шаралары жүргізілді, оқ-дәрілер, суық қару және басқа да заттай дәлелдемелер тәркіленді. Сотқа дейінгі тергеу жалғасуда.

Қызылордадағы криминогендік жағдайға ықпал еткен қылмыстық топ ұсталды 

<a href="https://kyzylorda-news.kz/">Kyzylorda-news.kz.</a> &nbsp;Қармақшы ауданында кәсіпкерлік саласы кеңінен дамып келеді. Шағын және орта бизнесті дамыту үшін мемлекеттен көрсетілетін қолдау көп. Жеңілдетілген несиелер алып, кәсібін жандандырып жүргендер жетерлік. Қазақ қашаннан он саусағынан өнер тамған ісмер жандарға кенде емес. Тігіншілік, қолөнер шеберлігімен айналысу бүгінгі заманның ең табысты бизнесінің бірі.Қазақ қолөнерінің басты бір саласы – тігіншілік қадым заманнан күні бүгінге дейін өзінің өміршеңдігін жоймаған. Жалпы, тігін өнеркәсібі – әлем экономикасының алдындағы үлесі мен салмағы жоғары кәсіп десек те болады. Себебі, мұндай атадан қалған асыл қасиет кез келген жанға бақ болып қона бермейтіні анық. Тегіне, қанына тартып асыл өнердің ризығын жеп отырған жандар қаншама?!«Шебердің инесі де алтын, соққан күймесі де алтын» деген тәмсілдің тереңіне үңілсек қазақ дәстүрінде ісмерліктің орны ерекше болғанын ұғамыз. Қанға сіңген қасиет дәуір жаңарған сайын жаңарып, ұрпақтанұрпаққа жалғасып келеді. Осындай ұрпақ сабақтастығымен үндескен тігіншілік өнерді Төретам кентінің тұрғыны Мейрамкүл Кенжембаева да жалғастырып келеді. Иә, шебердің қолынан шыққан дүниелер шынымен де көздің жауын алады. Өрнектеліп салынған оюлардың әсемдігіне еріксіз таңғаласың. Оның қолы нан шыққан көрпеше қандай сәнді десеңізші?! Тігін өнері – біреу үшін күн көрістің қамы болса, енді біреулерге жай ғана шығармашылық немесе тыныштық табу.1964 жылы Арал ауданы, Сексеуіл кентінде дүниеге келген ол кішкентай кезінен тігіншілікке бейім болған. 1980 жылы мектеп қабырғасында жүріп жазғы олимпиадаға киіз қалауыш тігіп, одан жүлде алады. Нағашы жағы тігіншіліктен дүкен ұстаған шебер кісілер болған. Сексен екі жасқа келген анасы әлі күнге дейін киім тігетінін естігенде таң қалғанымыз да рас. Осындайда үлкендердің «сүйегі алтын» деп айтқан сөзі еске түседі. Отбасында 7 ағайынды болса, 5 қыз, 2 ұлдың текті өнерге деген жақындығы бар. Себебі, апасы Қияш пен сіңілісі Жәмиланың Ақтөбе қаласында жеке ательесі жұмыс істейді. Отбасымен текті өнерді кәсіп еткен өнегелі жанұяның еселі еңбектері көпке үлгі болатындығы анық.<blockquote>«Тігіншілік – үлкен төзімділікті, шыдамдылықты қажет ететін өнер. Бұл өнер маған қанмен дарыған. Анам, анамның анасы да тігінші. Жастайымнан анамның тігін машинасында құрақ құрап отырғанын көріп өстім. Ес білгеннен кейін анамызға қолғабыс жасап, біз де көрпе көктеп, көрпеше тіге бастадық. Өйткені, өзіме қатты ұнайды, жүрек қалауым ғой. Киім тігіп, халықтың сұранысын қанағаттандыруға атсалыстым» дейді ол.</blockquote>Отбасында құдай қосқан қосағы Құрманәлі теміржол саласында қырық жылдан астам уақыт жұмыс істеп, бүгінде зейнеткерлікке шыққан. Тәрбиелеп өсірген 1 ұл, 1 қызынан 7 немере сүйіп, қызығын көріп отырған жайы бар. «Бақыттың кілті – еңбекте» дегендей, шынайы еңбектің ырысы мен несібесі мол болатындығы анық. Күн ұзағынан тапжылмай отырып, он саусағы майысқан тігінші шеберлердің келістіріп тіккен киімдеріне құрметпен қарап, еңбегін бағалауға әбден болады. Еңбек нарығында ерекше танымал, сұранысқа ие тігіншілік өнер заманның талабына сай талғаммен киіну табысқа бастайтын алғы шарттардың бірі. Тігін тігу өнері – махаббат пен сұлулыққа деген құштарлықтан туындаса керек. Сұлудың мүсінін айшықтайтын киімнің өз қолыңнан шыққаны жарасымды болары анық. Әсіресе, бәріміз сәнді әрі талғаммен киінгіміз келеді.Кейіпкеріміздің айтуынша, перде қайыру, шалбардың балағын, көйлектің етегін қысқарту, киімкешекті өңдеу сияқты тапсырыстар оған еш қиындық тудырмайды. Мұндай тапсырысты ұзаққа созбай, сол мезетте бітіріп беруге тырысады. Жұмыстың сапасына қарай бағасы да қолжетімді. Кәсібінің нәсібін көріп отырған Мейрамкүл апаның отырған дүңгіршегінен байқағанымыз ыдыс-аяқтар сатумен айналысатындығы. Қос тірлікті қатар алып жүру әрине, оңай шаруа емес. Дегенмен, алға қарай ұмтылыс жасап, еңбектенген адамға қашанда кеңістік бар. &nbsp;

Еңбек еткеннің есебі түгел

<a href="https://kyzylorda-news.kz/">Kyzylorda-news.kz.</a> Жаңақорған кентінде №169 Н.Илялетдинов атындағы мектепке апарар жолды жаңғырту жұмысы басталды. Оқушыларға арналған жаяу жүргіншілер жолы құрылысының тұсаукесер рәсімі өтті. Аудан ақсақалдары ақ батасын беріп, мердігер мекеме іске кірісті.&nbsp;Бұл жолды жаңа мектептің оқушылары 3 айдан бері күтіпті. Әсіресе, Шанхай аумағы, яғни М.Көкенов, Амангелді, Ақмешіт және Нақыпов көшесінің балалары аяқ жол салынып бітсе мектебіне алаңдамай жетер еді. Қыста қар, көктем мен күздің жаңбырлы күні жолсызбен қатынаудың қиындығын ескерген аудан басшысы ертерек қамдануды тапсырыпты. Тапсырма дер кезінде қолға алынып, мердігер компания білек сыбанып іске кірісті. Карта бойынша орталықтан қатынайтын оқушылар Байкенжеев көшесі арқылы жүрмейді, Жеңіс паркімен өтіп, көлдің бойымен мектептің қақ алдынан шығады. Екінші жол базардың артқы жағы және «Арнайы» балабақша жанымен жүретін жол арқылы стадионды айналып мектепке барады. Алдымен кент тұрғындарына әкім Асқар Ибрагимов карта арқылы барлық жағдайды баяндады. Ұсыныс-пікірді де тыңдап, ақылдасуға уағдаласты.<blockquote>«Жалпы көлемі 1400 метрді құрайтын бұл жолдың жалпы жоба-сметалық құжатына 36 млн теңге қаралған болатын. Мердігер 22 млн 117 мың теңгеге ұтып алып, қызметіне кірісті. Жолдың ені 1,5 метрді құрайды, тапсырыс беруші кент әкімдігі. Құрылысты бітіру кезеңі мамыр айының 8-не деп келістік. Айта кететіні, бұдан бөлек Бекмахан Дүйсенбаев көшесінде жолдың қос бетінен тротуар жүргізулде. Сол секілді биылғы жобада Байкенжеев және Нақыпов көшесіндегі жаяу жүргінші жолының құжаты дайын. Бюджеттік өтінімге ұсынылатын болады» дейді кент әкімі аппаратының бас маманы, әрі осы салаға жауапты қызметкер Бақытжан Мұзапаров.</blockquote>Жеңімпаз мекеменің директоры Жасұлан Бердиев Жаңақорғанның тумасы. Сондықтан әкімнен бастап ата-аналар сапалы қызмет жасауға талап қойып отыр.&nbsp;<blockquote>«Құдай қаласа қазыналы қариялардың ақ батасымен жұмысты бастадық. 1400 метр қашықтықты абаттандыру жұмысы жүргізуді міндеттеп алдық. Алдымен жолды реттейміз, содан соң жарық түсіріп, демалатын орындарды да жасайтын боламыз. Қоқыс тастайтын урна, яғни жәшіктерді де орнатамыз. Мекемеміз тәжірибесі мол, бұйырса 2 айдың ішінде құрылысты толық аяқтаймыз» дейді «Рустрой» ЖШС директоры.&nbsp;</blockquote>Базардан стадионға барар жолды байланыстыратын кішкене көпірді реттеу де осы мекеменің мойнында. Бұл жолдың игілігін тек оқушылар ғана көрмейді, Стадион жақтағы көше тұрғындары орталыққа осы жол арқылы өтетін болады. Бұрынғыдай шаң-тозаң, шөп-шалаңның арасымен емес, заманауи абаттанған жолмен қатынайтын болады.&nbsp;<blockquote>«Басталған істі сүйіншіледік, қайнаған жұмыс ортасында, біткен соң лента қию рәсіміне келуді бұйырсын» деп тілек білдірді тұрғындар.&nbsp; &nbsp;</blockquote>

Жаңақорғанда мектепке апарар жолды жаңғырту жұмысы басталды

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК-сы 16-шы наурыздың күн райы болжамын жариялады.Кәсіпорын таратқан деректерге қарағанда, республиканың шығыс жартысында күн құбылмалы болады. Солтүстік-батыс циклон жырасының және атмосфералық фронталды бөліктердің өтуінен, мұнда жаңбыр мен қар жауады.ҚР батыс жартысы антициклонның әсерінде болады, күн ашық болады. Республика бойынша тұман түсіп, жел тұрады, ҚР солтүстік жартысында көктайғақ, жаяу бұрқасын болады, елдің оңтүстік-батысында, батысында – шаңды дауыл тұрады.

Бүгін еліміздің басым бөлігінде жаңбыр, қар жауады

<a href="https://kyzylorda-news.kz/ru/">Kyzylorda-news.kz</a>. Ұлттық нақыш пен киім құнсыз деген түсінік келмеске кетті. Бүгінде дәстүрден танбай, қолөнердің қадірін арттырып, оны заманауи технология тілімен үндестіргендер аз емес. Ұлттық брендті қалыптастыру жолында аянбай тер төгіп жүргендердің қатарында елге танымал этнодизайнер Ырза Тұрсынза да табылады. Осы санда ата-бабадан қалған асыл мұраны сақтап қалу, ұлттық дүниеге көзқарас, ізбасар тәрбиелеу жөнінде қолөнершінің пікірін қамтыған едік.Ине мен жiптi серiк еткен кейiпкерiмiз қөлөнерге бала кезден құштар. Анасының тiгiн машинасын ерте иемденіпті. Осылайша ескi сандықты сәндеп, құрақ көрпе тiгуге әуестенген. Этнодизайнер әуелде басқа кәсіппен айналысқанмен, соныңда ісмерлік өнерге деген ынтасы мен ықыласы ақыры жеңгенін айтады. Негізгі мамандығы – биология пәнінің мұғалімі болса да, оны тастап, «Алтын орда» авторлық дизайн үйін құрған. Алғашқы топтамасы алты құрақ көрпе мен жастықтан ғана тұрған екен. Ал қазір Ырза Тұрсынзада бастаған шеберлер тобы толықтай қазақы нақышта үй сәндеп, қыз жасауын, кестелі ұлттық киімдер тігумен айналысады. Өз iсiне аса ыждаһаттықпен қарайтын дизайнер әр бұйымды тiгерден бұрын оның тарихына ерекше мән береді.<blockquote>«Әу баста ісмерлікті еріккеннің ермегі деп санағандар болғаны рас. Олар бұл кәсіптің пайда әкелетініне де күмәнмен қарады. Бірақ қолөнер – мен үшін табыс табудың көзі емес, көңіл қалауым, ұлттық дүниелерге деген құштарлығым. Сондықтан болар, бұл кәсіпке көп күш пен қаржы салдым. Уақыт өте халықтың ұлттық бұйымға деген қызығушылығы бас қаламызда осы кәсiптi жандандыруға себеп болды. Ермек қылып жасаған алғашқы затым – алтын көрпелер. Сондықтан мекеме аты да осымен байланыстырылды. Бүгінде «Deluxe» санатындағы көз жауын алатын дүниелерге сұраныс жоғары. «Шалқардағы суреттер» атты вернисаж көрпе, «Оюлы әуендер» деген көрпелер топтамасы, «Жібектің жасауы», «Баянның жасауы» деп аталатын туындылар да көптің игілігіне жарауда. Сонымен қатар тапсырыс алғаннан кейін сол отбасының тарихын зерттейтінім бар. Ұлттық бұйымдар тек әдемі ғана болмауы тиіс, отбасының тарихынан сыр шерткені дұрыс. Оның түп негізі, тарихи тамыры сақталу қажет. Сондықтан арнайы қалаларға, мұражайларға барамын», – дейді шебер.</blockquote>Қолөнершіден өз ісіне қандай отандық тауарларды қолданатынын да сұрадық. Жастықтардың iшiне салатын мамық көбіне Қарағанды зауытынан, ал киiздер Талғар зауытынан тапсырыспен алынатын көрінеді. Әсем дүниелердің бағасы нарық талабымен байланыстырылған. Эконом, бизнес және элит кластағы бұйымдар болып бөлінеді. Бағасы 55 мың теңгеден басталады. Ең қымбат көрпенің бағасы – 2000 АҚШ доллары. Қолөнер шеберінің айтуынша, бұл тек көрпе матасының емес, оған жұмсалған қаншама күндік көз майы және соңғы технологиялық мүмкіндіктерді пайдалана отырып тіккен тігістің құны. Дизайнер брендтің құнын түсіруге болмайтынын алға тартады. Қазақ бренді де әлемге танылған &nbsp;«Kenzo», «Gucci», «VL» төсек-жаймаларынан кем емес деген пікірде. Сондай-ақ Ырза ханым қолөнерге қанықсам деушілерге бар білгенін үйретуге даяр. Қазір оның Инстаграм желісіндегі парақшасында 2 млн оқырман бар. Ал «Yrza Tursynzada live» Youtube арнасында 30 мыңнан астам жазылушы тіркелген және осы арнада әлемнің 70 елінен қыз-келіншектер шеберлік сабақтарын тамашалайды.<blockquote>«Жоғары эксклюзивті туындылар жасау үшін дайындығы жоғары шебер қашанда қажет. Бұл мәселе бойынша қиындықтарға тап келген едік. Әсіресе, бізде кесте тігетін, көрпе құрақтайтын қыз-келіншек тапшы. Шебер іздеп, табанымнан таусылған кездерім аз болған жоқ. Содан кейін шеберлерді елден іздемей, өзім үйретіп, дайындауым қажет екенін түсіндім. Сөйтіп ақылы түрде шеберлік сабақтарын ұйыдастырдым. Бұдан нәтиже шықпады. Ақылы сабаққа қарапайым халық келмеді. Келушілердің дені тек бизнестік көзқараста, яғни ұлт өнерін дамытсам деп емес, үйреніп алып, пайда тапсам деген ниетте болды. Ақыры шеберлік сабағын тегін үйрететін болдым. Облыстарды аралап тегін шеберлік сабақтарын өткіздім. Келушілердің қатары қалың болды. Қыз-келіншектер көп нәрсеге үйренуге тырысты. Мәселен, «Асыл ана» әлеуметтік жобасы аясында ұйымдастырылған «Көрпе Fest» мега-фестивалінен шыққан нәтиженің өзі жаман емес. Қолөнердің бар құдіреті, титтей нәрсені көрсетсең, қолына ине алмаған қыздардың өзі тігуді бастап кетеді. Қазір әлеуметтік желіде де, Youtube каналда да бейнесабақтар өткізуді қолға алып отырмын. Бастысы, жастар төл тарихымызбен сусындаса, қолөнерімізден қол үзбесе деген ниетім бар. Үйде отырған қыз-келіншектер де бос отырмай, табыс тапса деймін» , – дейді кейіпкеріміз.</blockquote>Ырза ханым iсмерлiгiмен аз уақытта шетелдiктердi де тәнтi еткен. Мәскеу, Франция, Италия, Германия секілді сырт елдерге шыққанда шебер қазақ мәдениетінен сыр шертетін бұйымдарды насихаттап, нағыз өнер кеніші елдің ішінде екенін айта жүреді. Ырзығын қолөнерден тапқан Ырза Тұрсынзаданың бұл еңбегі де лайықты деңгейде бағаланып отыр. «Алтын орда» дизайн үйі Президент тағайындаған «Алтын сапа» сыйлығына ие болған. Ал Қазақстанның кәсіпорындары үшін «Алтын сапа» «Оскар» сыйлығымен тең. Мекеме «Қазақстанның ең үздік өнімі» байқауынан бес мәрте &nbsp;жеңімпаз атанған. &nbsp;

Қызылордалық этнодизайнер 2000 доллар тұратын көрпеше тікті

<a href="https://kyzylorda-news.kz/ru/">Kyzylorda-news.kz</a>. − Айгүл Алтынбекқызы, жыл басталғалы көп уақыт бола қойған жоқ. Әңгімемізді мектеп ордасында қолға алынған жаңа жобалардан бастасақ…− Мектепте 2019 жылдан бері бес бағыт бойынша «Жасыл мектеп» жобасы жүргізіліп келеді. Қазір жобаның аясын кеңейтіп, энергияны, суды үнемдеу, салауатты өмір салтын ұстану, дұрыс тамақтану, био алуан түрлілік, тазалықты сақтау негіздеріне сүйене отырып, жеті бағытқа ауыстырдық. Бүгінде «экологияға деген жанашырлық, тазалықтың бәрі өзіңнен, үйіңнен басталады» деген ұранмен жұмыс жасаудамыз. «Жасыл мектеп» дегеніміз жылы жай баптап, гүл өсіру ғана емес. Мәселен, біздің мектептегі жылыжай ішінде қияр, қызанақ, болгар бұрышы, құлпы¬ай егіледі. Бұл жердегі негізгі идея – оқушыларға егін ектіріп, кәсіп бастау емес, ғылыми жобаларға тәжірибе болсын әрі шәкірттерде дағды қалыптассын деген ой. Осыған дейін елуге жуық оқушының ғылыми жұмысы жүлделі орынға ие болды. Биылғы «Зерде» ғылыми жобалар байқауында оқушылар 32 орынды қанжығасына байлады. Ал 8-11 сынып оқушылары биология, химия пәндері бойынша алда келеді. Мұның бәрі оқушылардың тәжірибені өз қолымен жасап, түсінгенінің нәтижесі. Осы орайда оқушылардың үздік жұмыстары есіме түсіп отыр. Мектепті екі жыл бұрын бітірген Елдос Төлепберген есімді оқушымыз болды. Ол үйіне түрлі өсімдіктер мен көкөністерді отырғызып, көшеттерді мектепке алып келетін. Ғылым мен білімге деген қызығушылығы жоғары шәкіртіміз – «Елбасы меда¬лін» иеленген облыстағы алғашқы түлектердің бірі. Қазір мектепте Елдостың ізін жалғастырушы оқушылардың қатары көп. Былтыр Айару Бақытжан есімді оқушымыз эко-күнтізбе шығарып, көпшілікті тәнті етті. Эко-күнтізбенің ерекшелігі табиғатты қорғауға арналған халықаралық, мемлекеттік күндер арнайы белгіленген. Сондай-ақ күнтізбеде орналасқан QR-кодты сканерлеу арқылы оқушының мультипликациялық туындыларын көруге болады. Шәкіртіміздің бұл жобасы республикалық байқауда үздік деп танылды. Байқағаныңыздай, осындай қадамдар арқылы біз оқушыларға экологияны сақтау, табиғатты қорғау дағдысын қалыптастырудамыз. Тағы бір айта кетер жайт, экология термині тек табиғатқа қатысты айтылмайды. Бұл сөз адамдар арасындағы шынайы қарым-қатынастың болуын да сипаттайды. Мектептегі ауқымды жоба адамдар арасындағы адамгершіліктен, ұлт жандылықтан бастау алып, Отанды сүюге, туған өлкені қадірлеуге ықпал етеді деп ойлаймыз.− «Жасыл мектеп» жобасы қалай қолға алынды?− Президент Қасым-Жомарт Тоқаев «Жасыл мемлекет», «Жасыл ел» тұжырымы жайлы айтқан тұста «жасыл мемлекет жасыл мектептен басталса» деген ой келді. Әрі қарай іздене келе, Қорқыт ата атындағы Қызылорда университетінің жаратылыстану ғылымдарының кандидаты Рахат Хамитұлымен бірлесе отырып, «Жасыл мектептің» тұжырымдамасын жасадық. Жан-жақты зерттеу нәтижесінде «Жасыл мектебі» дамыған мемлекет Беларусь екенін білдік. Өткен жылы мамыр айында облыстық білім басқармасының қолдауымен біз Беларусияға тағылымдамадан өтуге арнайы барып, «жасыл университет, жасыл колледж, жасыл балабақша, жасыл дәріхана» жобасымен танысып келдік. «Еуропаның өкпесі» саналатын Беларусия бізге бәрі бір шыбықтан басталатынын, көгалдандыру жұмысына көп көңіл бөлу керегін түсіндірді. Сол жақтағы мектеп-гимназиямен меморандумға отырып, бірнеше рет оқушылармен бірге эко-марафон жасадық. «Беларусия-Қазақстан» арасындағы бұл көпірге аудандардағы оқушыларды да әлеуметтік желі көмегімен қамтудамыз. Бұл жобалар болашақта жалғасын тауып, әлі де үлкен қадамдар жасайтынымызға сенемін. Айта кетейін, былтыр жоба аясында мектептегі жаратылыстану бағытындағы сынып бөлмелерін жаңаладық. Оған қоса оқушылар үшін «Өлкетану» кабинетін де дайындадық. Ол жерден аймақтағы құнды жәдігерлерді, құрқылтайдың ұясын, әртүрлі өсімдіктердің гербарийы сынды дүниелерді көруге болады. Қазір аймақтағы өзге мектептер де келіп, тәжірибе алмасып, «Өлкетану» кабинетін ашуға ниет білдіріп жатыр.− Жуырда облыстық білім басқармасының басшысы Мейрамбек Шермағанбет тәрбие жұмысын жандандыру керегін және тәрбие орталығын құруды ұсынды. Білім ордасында бұл бағыттағы шаралар қалай жүгізілуде?− Қазір мектепте ұлттық құндылықтарға, тәрбиеге сәйкес көбірек қозғалыс жасаудамыз. Жуырда ғана мектебімізде «Менің батырым, менің әкем, менің досым» атты сайыс өтті. Шара барысында әкелер мектебімізге келіп, отбасындағы тәрбиенің маңызды екенін тағы бір дәлелдеді. Одан бөлек 1 сыныптар арасында бірнеше күнге созылған отбасылық марафон жүргізілді. Ал көктемде халықаралық әйелдер күніне орай «Менің әжем» деген ауқымды шараны жоспарлаудамыз.− Биылғы мектеп бітіруші түлектердің білім бәсекесіне дайындығы қандай? Қабілетіне сай мамандық таңдауы үшін қандай жұмыстар жүргізілуде?− Кәсіби бағдар беру бойынша университетпен, колледждермен бірге ауқымды жұмыстар атқарылуда. Мәселен, педагогика маманы болғысы келетін оқушылар мектепте тәлімгерлік жүргізе алады. Бұл балаларды көшбасшылыққа үйрететін жақсы мүмкіндік деп ойлаймын. Қаңтардағы ҰБТ бойынша оқушылар жоғары нәтиже көрсететті. Былтыр Дәулет Омаров есімді оқушымыз физика-математика пәнін таңдап, ҰБТ-да облыс бойынша ең жоғары 137 балл жинады. Бұл нәтиже де мұғалімдердің біліктілігі мен сапалы білімнің көрсеткіші деп ойлаймын.− Мектеп орын тапшылығы бар білім беру орындарының қатарында. Бүгінде қосымша құрылыс жұмыстары қалай жүргізілуде?− Иә, қазіргі кезде мектеп жанынан 375 орындық үш қабатты құрылыс жұмысы жүргізілуде. Жаңа оқу жылынан бастап қолданысқа беріледі деп жоспарлануда. Сондықтан алдағы уақытта мектебімізде орын тапшылығы болмайтынына сенімдімін.− Білім саласында сізді қандай мәселе алаңдатады?− Мені адамдар арасындағы қарым-қатынастың аздығы ойландырады. Соңғы уақытта көршімен, туысқандармен араласу сиреп барады. Кезінде біз бір үйдің емес, бір ауылдың баласы болып өстік. Қазіргі балалар адамдармен емес, телефонмен байланыста болуды қалайды. Сол үшін балалардың, көршінің, ағайынның арасындағы қарым-қатынасты жандандыру керек тәрізді. Біздің ең басты құндылығымыз – қонақжайлығымыз, жақынға деген жанашыр көңіліміз. Осындай жылы қарым-қатынасты балаларға үйреткім келеді.− Сұхбатыңызға рақмет! &nbsp;

Айгүл Өткелбаева: Балалар телефонмен байланыста болуды қалайды

<a href="https://kyzylorda-news.kz/ru/">Kyzylorda-news.kz</a>. Мұғалім ‒ мектептің жүрегі, қоғамның қозғаушы күші. Жақында №264 мектепте еңбек етіп жүрген білікті мұғалім Мөлдір Әбдіқаппарқызымен тілдестік.− Ең алдымен әңгімемізді осы салаға келген сәтіңізден бастасақ… Шәкірт тәрбиелеу, ұстаз болу сізге қандай жауапкершілік жүктейді?− Алғашында ұстаз болу менің арманым емес еді. Бірақ әкемнің «менің қызым ұстаз болады» деген сөзі осы салаға бастап келді. Дегенмен осы таңдауыма еш өкінген емеспін. Қиындығы мен қуанышы қатар жүрсе де,білім беру арқылы әрбір күнімнің сауапқа толы болатыны есіме түскенде әкеме ерекше алғыс айтамын.Мектеп қабырғасындағы ұстаздық қадамым 2006 жылы №101 мектеп-лицейінде басталды. Бастапқыда үлкен жауапкершілікті артқан соң, ішкі қорқынышымның болғаны рас. Алайда мамандығыма деген қызығушылығымды арттырып, көмек беріп, шәкірт тәрбиелеуге үйрететін ұлағатты ұстаздар көп болды. Сол кісілермен тәжірибе алмаса отырып, оқушыға жан-жақты білім беруді меңгердім.Алғаш рет шәкірттерімнің алдына барған кезде ұстаз болу өмірімдегі ең бақытты әрі маңызды сәт екенін ұқтым. Әр күн сайын қайталанатын сабақ барысы үлкен дайындықты, ізденісті, жан-жақтылықты қажет етеді. Ұстаз шәкіртке бар болмысымен үлгі, сондықтан өзіңді ұстау мәдениеті маңызды саналады. «Ұстазға қарап шәкірт өседі» дегендей, әрбір шәкірттің бойындағы қыр-сырын ашуға, сенімдерін ақтауға талпынып келемін. 2010-2011 оқу жылдары алғашқы шәкірттерім түлек атанды. Бүгінде білім берген оқушыларым әр түрлі сала бойынша маман иесі болып қызмет етуде. Олардың ел дамуына үлес қосып, жақсы маман иесі болғанына қуанамын.− Уақыт өткен сайын сала мамандарына жүктелетін талап та жоғарылып келеді. Жаңа заманға сай ұстаз қандай қабілеттерге ие болу керек деп ойлайсыз?− Мұғалім заман ағымына ілесіп отыру керек, өйткені адам үнемі ізденіс үстінде жүрмесе мидың жұмыс істеуі бәсеңдейді. Бұл − ғылымда дәлелденген қағида. Жан-жақтылыққа, үйренуге, ізденуге, оқуға қазір талпынбасақ болашақ ұрпағымыздың дамуына кедергі келетіні анық. Өйткені заман ағымына қарай білімді жаңартып, ақпараттық технологияларды күнделікті өмірде қолдана білу керек. Сондықтан мұғалімнің кәсіби маман болғаны дұрыс.«Ұстаздық ету – өзгенің бақытын аялау, өзіңнің уақытыңды аямау» деген сөз бекер айтылмаған. Біліммен қоса тәрбиені қатар алып жүру де – уақыт талабы. Бұл бағытта оқушылармен үнемі тәрбиелік іс-шаралар, сайыстар, кездесулер, саяхаттар ұйымдастырып отырамын. Игі істер мен жақсылықтарды құлақпен есту балалардың қызығушылығын оята қоймайды, тек айтылған дүниелерді қолмен ұстап, көзбен көрсе ғана белсенділіктері артады. Сонымен қоса біздің атқарған жұмыстарымыз оқушылардың жан-жақтылығына, қоғамда өзін ұстай білуіне, сөйлеуіне септігі тиеді деген сенімдемін. Шынында жер үстінде адам тәрбиелеуден асқан абройлы іс, ардақты жұмыс жоқ.− Ұстаздың мерейлі сәті оқушылардың жетістігінен де байқалып жатады. Осы орайда талапты та талантты шәкірттеріңіз жайлы да айтып берсеңіз…− Білім жүйесінің жаны да, жүрегі де − ұстаз. Ал ұстаздың мерейін көтеріп, еңбегін ақтайтын шәкірті. Білім алу барысында ата-ана, ұстаз, білім алушы болып үштікті берік ұстансақ, әрбір шәкіртіміздің жетістікке жетеріне сенемін. Әрбір шәкірттің бойында талап та, талант та болады. Осы кезге дейін мектепті «Алтын белгімен» бітірген шәкірттеріммен, «Білім инновация лицейінде», НЗМ мектептерінде оқуын жалғастырып жүрген оқушыларыммен мақтана аламын. Қазіргі таңда мектеп бітіруші түлектерімнен үлкен үміт күтудемін. Сонымен қоса облыстық, қалалық, мектепішілік жарыстарда жүлделі орындармен марапатталған оқушыларым да жеткілікті.– Сұхбатыңызға рақмет! &nbsp;

Қазақстан және Қызылорда облысының жаңалықтары