<a href="https://kyzylorda-news.kz/">Kyzylorda-news.kz.</a> Биыл Қызылорда қаласына қарасты елді мекендерде ауқымды жобалар жүзеге асуда.Соның бірі, Қосшыңырау ауылдық округінде атқарылатын ауқымды іс – Абай және Досан елді мекендерін газдандыру жобасы. Оған республикалық бюджеттен 663,0 млн. теңге қаржы қаралып, бүгінде құрылыс жұмыстары басталды. Құрылыс жұмыстарын жүргізуші «Ремстрой» мердігер мекемесімен 40, 6 шақырым газ құбырының құрылыс монтаждау жұмыстары жүргізіледі және осы жұмыстардың аясында 592 тұрғын үй көгілдір отынмен қамтылатын болады.Бұдан бөлек, республикалық бюджеттен бөлінген 56,5 млн. теңге қаржыға «Ауыл – ел бесігі» бағдарламасы аясында Досан ауылындағы 5 көшеге орташа жол жөндеу жұмыстары жүргізіледі. Қазіргі таңда, «Әлем Қызмет Груп» мердігер мекемесі №17, 15, 4а көшелеріне асфальт төсеу жұмыстарын бастап кетті.Сонымен қатар, 3,8 млн. теңге қаржыға Досан ауылындағы №1 көшеге түнгі жарық бағаналары орнатылса, «Энергия Нұр» ЖШС мекемесімен Абай ауылындағы саябаққа ағымдағы жөндеу жұмыстары жүргізілуде.Айта кетерлік жайт, өткен жылы ауылдық округте «Ауыл-ел бесігі» мемлекеттік бағдарламасы аясында округте 5 көше жөндеуден өткізілді. Ал өңірлерді дамыту бағдарламасы бойынша «Сиыр фермасы» аумағына жарық бағандарын орнату үшін 3590 мың теңге қаржы бөлініп, ашық конкурс аясында жеңімпаз атанған «МК-Сервис Ltd» &nbsp;ЖШС-і жұмыстарды жүргізді.

Қосшыңырау ауылдық округінде ауқымды жұмыстар жүргізілуде

<a href="https://kyzylorda-news.kz/">Kyzylorda-news.kz.</a> Соңғы жылдары мектепте оқып жүріп ана атанатын, өз-өзіне қол жұмсап, бұзақылық жасайтын, зиян әдеттермен әбден дос­тасып алған оқушылар көбейіп барады. Әсіресе алақандай қазақы қаймағы бұзылмаған біздің аудандағы оқушыларға қатысты қылмыстық статистиканы көргенде денеңіз түршігеді. «Ауруын жасырған өледінің» кейпін киіп қайтеміз? Шиелі ауданы аталған мәселелер бойынша облыста алдыңғы қатарда тұр.Қаршадайынан қолына темекі ұстап, қылмысқа барған ұлдарға кім жауапты? Ал ерте жүктіліктің етек алуына кімді кінәлаймыз? Көше кезген қызды ма, ұл-қызымен дос-құрбысындай сырласуға сағат бөлмейтін ата-ананы ма, әлде ортаны ма? Бәлкім, дана Абай айтқандай, «Адам баласын заман өсіреді, кімде-кім жаман болса, оның замандасының бәрі «виноват» болар?Аудандық білім бөлімінің мәліметіне сүйенсек, өткен жылы кәмелетке толмағандар арасындағы қылмыс пен құқық бұзушылық жасағандары үшін 5 жасөспірім, ал баласының алдындағы міндетін дұрыс орындамаған 8 отбасы профилактикалық есепке алынған. Сондай-ақ 1 азамат ата-ана құқығынан шектелген. Енді мына көрсеткішке қараңыз, көңіл-күйлері ауыспалы, сабақтан себепсіз кетіп қалу, кешігіп келу, бұзақылыққа бейім тұруы себептен мектепішілік есепте өткен оқу жылында 14 бала болса, үстіміздегі жылы олардың саны 34-ке жетіп отыр.Ауданда жасөспірімдер арасындағы құқық бұзушылық, суицид, зорлық-зомбылықтың алдын алу мақсатында жыл сайын арнайы жоспар бекітіліп, үздіксіз жұмыстар жүргізіледі. Сансыз шараның нәтижесі қайсы? Кәмелетке толмағандарға қатысты қылмыстар саны бір жылда екі есе өсім алғаны ма? Тек өткен жылы ғана ауданда оқушылар арасында өзін-өзі өлтіру мен оған оқталудың 4 дерегі тіркелген. Салдарынан 3 оқушы ажал құшса, тек біреуі аман қалған. Мұндай қасіретке қалай жол бердік?Кім жауапты?&nbsp;Балаға жауапты бірінші адам ата-ана – жұмысбасты. Қазір рухани азықтан гөрі материалдық құндылық маңызды. Оны заманнан көрсеңіз де, адамнан көрсеңіз де қисынды. Өкініштісі де сол, ата-ананың дені тәрбиені «баланың жоғын түгендеп берумен» шатастырады. «Ұл-қызымды қатарынан қалдырмай, тойындырып, киіндірсем» деп жүргенде, баланың санасына сіңірілетін одан да маңызды дүние ұмыт қалады. Мұғалімнің жайы да бесенеден белгілі. Ол да сағатын түгендеп, материалдық қажетін қамдаумен әлек.Қазір жас өскінге берілетін тәрбиеге жауапты осы екі жақ жауапкершілікті бір-біріне сілтеп отырғаны жасырын емес. Ата-ана мектепте оқушыларға дұрыс жұмыс жүргізбейді десе, мектеп ата-ананың балаға дұрыс тәрбие бермеуімен пікірін түйіндейді. Осы тұста «таяқтың екі ұшы бар» екенін естен шығармаған абзал. Ең әуелі ата-ана бала өміріндегі ең алғашқы ұстаз болатынын ұмытпаған дұрыс. Жас бойындағы барлық мінез-құлық әке мен анадан көрген қасиет, алған тәрбие арқылы қалыптасады. Сондықтан олардың бала мәселесіне көңіл бөліп, мән беруі аса маңызды. Әйтпесе 90-нан аса ұйымдастырылған рейдтік шаралар, бұзақыларды есепке алу, статистикалық көрсеткіш пен тәрбиеге қатысты толассыз жиыннан шығатын нәтиже шамалы.Білім ордалары олқы ма?&nbsp;Соңғы уақытта жасөспірімдердің тәрбиесімен қатар білім деңгейінде де олқылықтардың болып жатқаны байқалады. Бұған ауданның кейінгі жылдары ҰБТ нәтижесі бойынша көрсеткіштің соңында келе жатқанын да қосып өтуге болады. Осындайда «Тәрбиесіз берілген білім – адамзаттың қас жауы» екенін қайталамасқа лаж жоқ. Өзіміз білетіндей, бүгінде барлық мектепте директордың тәрбие ісі жөніндегі орынбасары, жеке жетекшілер мен инспекторлар, оқушының мінезіндегі өзгерісті дер кезінде байқап, дереу жұмыс жасайтын психологтар да бар. Одан қалса, түрлі бағытта үйрететін сансыз мектепішілік үйірмелер, Жастар орталығы, шығармашылықты дамытуға арналған мекемелердің барлығы дерлік баланың қабілетін шыңдап, үлгілі тәртібі мен тәрбиесі үшін жұмыс істеп жатыр. Онда арнайы жұмыс жасайтын қаншама мамандар мен құрал-жабдықтар бар. Сонда соншама еңбектің нәтижесі жоғарыдағыдай жаға ұстарлық болғаны ма? Өтірік емес, кейде әлеуметтік желілерден мұғалімдер арасындағы сағат үшін дауласқан түрлі жаға жыртысулар, белгілі себептермен олардың бір-біріне арыз жазуы секілді оқиғалардың куәсі болып жатамыз. Әрине, бәріне топырақ шашудан аулақпыз. Әйтсе де, аудан әкімдігі тазалық жасауға үндесе, алдымен шу шығаратындар да – оқу орындарының қызметкерлері. Сондай-ақ газетке жазылу секілді қарапайым жағдайлар кезінде де көбіне аталмыш тараптан наразылық пікірлер туындап жатады. Бұған білім бөлімі басшыларының тұрақтамауын тағы қосыңыз. Осының барлығы қазіргі уақытта мектептегі білім мен тәрбиеге кері әсерін тигізіп жатқан негізгі факторлар болуы бек мүмкін.Бұрын мектептер оқушыларын сенбіліктерге алып шығатын. Жасөспірімдер көше тазалығымен айналысып, қарт ата-әжелердің аулаларын сыпырып, отынын жарып, оларға қолғабыс ететін. Тіпті ауылдық округтерде жоғары сынып оқушыларын түрлі шаруашылық, егіс алқаптарына алып барып, сол жерде күріштің қалай орылатынын, оның қалай бастырылатынын, қалай тиеліп, тасылатынын көрсетіп, үйрететін. Сондай еңбектің арқасында балаларға дастарханда тұрған астың қалай келетіні түсіндіріліп отырды. Осы секілді тәрбие бағытында жастарды қоғамға бейімдеу, еңбекке баулу жұмыстары, тіпті тәуелсіздік алғаннан кейін де 10 жылға жуық уақыт бойы жүргізіліп отырды.Ал қазір оның бірі де жоқ. Бүгінде жас өскінге назарын басқа жаққа аудармай, тек білім саласына ғана бет бұру керек деген талап қана қойылған. Енді өзіңіз ойлаңыз, біз сол талаптың үдесінен қаншалықты шығып отырмыз?

Тәрбиеден қалт кеттік пе?

<a href="https://kyzylorda-news.kz/ru/">Kyzylorda-news.kz</a>. Президент Қасым-Жомарт Тоқаев &nbsp;ылғи жастарға айрықша көңіл бөліп келеді. Соның нәтижесінде еліміздер жастарды өз кәсібін бастауына қолдау көрсету мақсатындағы жұмыстар тыңғылықты атқарылуда. Қай салада болмасын табанды тірлік еткен адамның табысқа кенелері хақ. Соның ішінде кәсіп ашып, халыққа қалтқысыз қызмет етіп жүрген жандардың еңбегі ерен. Бүгінде кәсіптің түрі көбейген. Кәсіпкерлерге мемлекет тарапынан да қолдау жоғары. Жастардың өз бизнесін бастап табысқа жетуіне барлық жағдай жасалып отыр. Біз бүгін жас кәсіпкер Жаңагүл Алиханның өзінің ерекше кәсібін қалай ашқандығы және табысқа жетуінің ерекше тәсілдері туралы әңгімелемекпіз.Қазақ халқы–қашанда той өткізуден алдына жан салмайтын халық. Ол ежелден қанымызға сіңген қасиет. Ал сол тойды қазіргі заман талабына сай етіп өткізу, түрлі безендірулер, қонаққа дәмді аспен қоса керемет көңіл күй сыйлау той иелері үшін аса маңызды. Жас кәсіпкер Жаңагүл осыны ұғып, өзінің ерекше кәсібін қолға алды. Ол қыз ұзату, үйлену, тілашар, тұсау кесу, туған күн сияқты түрлі айтулы күндерді қонақ айрықша әсер алатындай етіп ұйымдастырып береді.<blockquote>–Өзім Ақтөбе қаласында туып-өстім. Сондағы мейрамханалардың бірінде той ұйымдастырушы болып бастадым. Осы салада 5 жылдай жұмыс жасап, өзіме тәжірибе жинақтадым. Аралға келін болып түскен соң, өзім үйренген кәсіп түрін қолға алдым. Бір жылдан асты, түрлі тойларды ұйымдастырып, халықтың ықыласына бөленіп жүрмін, – дейді Жаңагүл.</blockquote>Жаңагүл үшін бұл табыс табудың көзі емес, ерекше қызығушылығынан туған. Ол той иелерінің көңілінен шығу үшін кез келген уақытта тәуекелге барып, шешім қабылдауға үйренген.<blockquote>–Әрине, тойда неше түрлі адамдар бас қосады. Әркімнің талғамы әрқалай. Соны ескеріп, тойлардың алуан түрлі бағдарламаларын әзірледім. Бүгінде менде той өткізуге арналған шоу-бағдарламалар жеткілікті. Қызметіме жүгінген той иелеріне сол дайын сценарийлерді ұсынамын. Әркімнің талғам таразысына қарай ұйымдастырып келемін, – деген Жаңагүл, өзінің той ұйымдастырудағы тәсілдерімен бөлісті.</blockquote>Бүгінде Жаңагүл «Той-Думан» деген шағын ұжым құрған. Мұнда әнші, биші, асаба, бейне, фото жазба мамандарынан бөлек, тойда қазақы дәстүр көрсететін 10-ға тарта актрисаны жұмыспен қамтып отыр. Әр ұйымдастырған тойларын бір-біріне ұқсамайтындай етіп өткізетін Жаңагүл өзінің кең көлемде танылуына әлеуметтік желілердің де септігі тигендігін айтты.<blockquote>–Қазір адамдардың көбі үйден шықпай-ақ көп нәрсеге қол жеткізуге машықтанған. Менің де әлеуметтік желідегі парақшаларыма ұйымдастырған айтулы шараларымды салып отырамын. Сол арқылы көпшілік ұнатып, қуаныштарын өткізіп беруді сеніммен тапсырады. Қалада ғана емес, Арал ауданына қарасты бірнеше ауылдық жерлерде де өз қызметімізді көрсетіп жүрміз, – дейді.</blockquote>Халықтың қуанышын арттырып, тойларын тартымды етіп өткізуді мақсат тұтқан жас кәсіпкердің &nbsp;табысты &nbsp;жолыжастарға ой саларлық бастама деп білеміз.

Кәсіптің көзін тапқан жан 

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың жаңа, оң өзгерістер жасауға бағыт беретін үндеуі көпшілікке үлкен үміт әкелді. Мемлекет басшысы ҚР Парламенті платформасында Қазақстан халқына үндеу жасап, жаңа кезеңге – жаңа реформалармен қадам бастық. Осыған орай «Қоғамдық келісім» КММ директоры Бақытжан Камалов пікір білдірген болатын.<blockquote>«Қай кезде де мемлекетті құрайтын халық. Сондықтан да ең бірінші қарапайым жұртшылықтың мұқтаждығына құлақ асу, өтініштерін орындау басты мақсат. Ел Президенті реформалар ең алдымен, барлық қазақстандықтың өмір сүруі мен әл-ауқаты жоғары деңгейде болуын қамтамасыз етумен байланысты екенін атап өтті. &nbsp;Жаңа бастамалардан халық, өзі күткендей, оң өзгерістер, жаңа лепті сезінді. Елдің жарқын болашағына жол ашатын өзекті мәселелердің барлығы осы реформаларда қамтылды. Экономиканы әртараптандыру, импортқа тәуелділікті барынша азайту, ел ішінде ұлттық өндірісті жолға қою, қоғамдық әл-ауқатты арттыру, тұрақты жұмыс орындарын ашу, әлеуметтік қамтамасыз ету бағытында әлі де күрмеуі шешілмеген мәселелер баршылық. Сондықтан бұл мәселелер ғылыми қоғамдастық, экономист-ғалымдар тарапынан терең зерделеніп, экономикалық саясатқа ғылыми негізделген тиісті ұсыныстар жасалса, бұл да жаңа «қоғамдық келісімнің» тиімділігін арттыратыны сөзсіз. Қазақстанның бірлігін ойлаған Президентіміздің ел болашағы үшін алға қойған мақсаттарын орындайтынына сенімдіміз. Халқымыздың тұтастығы мен бірлігін сақтау және еліміздің көркейіп, өркендеуі үшін қоғамның барлық саласында жүргізілетін реформаларға қолдау көрсету басты міндет», – дейді Бақытжан Камалов.</blockquote>&nbsp;

Реформаларға қолдау көрсету – басты міндет

<a href="https://kyzylorda-news.kz/">Kyzylorda-news.kz.</a> «AMANAT» партиясы Қазалы аудандық филиалы жанындағы мониторингтік топтың жұмысы жоспарлы түрде жалғасын табуда. Осыған орай, Қазалы ауданының бірқатар сауда орталықтары мен дәріханаларында және жанармай бекеттерінде мониторинг жұмыстары жүргізілді. Партия филиалы жанындағы мониторингтік топ ең алдымен, дәріханаларда дәрілердің шектік бағасы мен қолжетімділігін назарға алды.Мұнан соң жұмысшы топ сауда орындарында әлеуметтік азық-түлік өнімдерінің бағасын зерделеп, бағаны негізсіз көтермеу туралы кәсіпкерлерге түсіндірме жұмыстарын жасады. Сондай-ақ, мониторинг барысында жанармайдың жеткілікті болуы және оның бағасын білу мақсатында жұмыс тобы май құю бекеттерінде болды.Адалдық отбасылық мұратқа жеткізеді«AMANAT» партиясы Қазалы аудандық филиалының «Кәукей ауылы» бастауыш партия ұйымында «Бақытты отбасы» партиялық жобасы аясында кездесу өтті.Партия отбасы институтын нығайтуға және оның қоғамдағы рөлін арттыруға мүдделі. Бұл жөнінде аудандық партия филиалының «Кәукей ауылы» бастауыш партия ұйымында «Бақытты отбасы» партиялық жобасы аясында өткен көп балалы аналар қауымымен кездесуде айтылды.Жиында отбасылық мұратқа адалдық пен мызғымас ортақ ұлттық құндылықтарды нығайту жөнінде талқыланып, қатысушылар бір-бірімізге қамкөңіл болу, үлкенді құрметтеу, еңбекқор болу және білім алуға ұмтылу ұғымдары отбасында қалыптасатындығына тоқталды. Сондай-ақ, келелі кездесуде ұлттық тәрбие , бала тәрбиесі туралы сөз қозғалды.Қолайлы орта қалыптастыру – өмір сапасын арттырады«AMANAT» партиясының Қазалы аудандық филиалы «Кедергісіз келешек» жобасы аясында Әйтеке би кентіндегі бірқатар мекемелерде мониторинг жұмыстары жүргізілді. Мұндағы мақсат – ерекше қажеттілігі бар жандар үшін бейімділігін бақылап, оларға қолайлы орта қалыптастыру арқылы өмір сапасын арттыру.Мониторинг тобы ең алдымен, білім беру орындарында болып, ерекше қажеттілігі бар жандардың кез келген жерге кедергісіз кіріп-шығуы аса маңызды мәселе екендігін айтты. Мұнан соң, нысандардың талапқа сай жабдықталуын қарап, пандустардың бар-жоғын анықтады. Зерделеу нәтижесінде, бірқатар мекеме басшыларына орын алған кемшіліктерді белгіленген мерзімде ретке келтіру керектігі айтылды.Айта кетейік, мониторинг жұмыстарына аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің мүгедектермен жұмыс секторының меңгерушісі – Өмірбек Кетебай және аудандық партия филиалының сарапшысы Алтынай Кенжалиева қатысты.Қоршаған ортаны таза ұстау – ұрпақ парызыЖуырда Қазалы ауданы орталығында орналасқан «Жеңіс» саябағында «AMANAT» партиясының Қазалы аудандық филиалының «Ардагерлерді ардақтайық» және экологиялық мәдениетті қалыптастыруға бағытталған «TazaLike» жобалары аясында белсенді партия мүшелерімен бірге сенбілік жұмыстары ұйымдастырылды.Ұлы Жеңіс күні мерекесі қарсаңында өткізілген сенбілікке қатысқан аманаттықтар «Даңқ аллеясында» болып, қажетті құрал-саймандарымен ел азаттығын қорғау жолында мерт болған жандарға арналған ескерткіштің маңын қатты тұрмыстық қалдықтар мен қоқыстан тазартты. Сондай-ақ, саябақ ішіндегі басқа да аумақтарды және арық-атыздары мен жаяу жүргіншілер жолының бойындағы бей-берекетсіз шашылған заттарды жинап, тазалық жұмыстарына белсенді атсалысты.Еске сала кетейік, «TazaLike» партиялық жобасы өткен жылдың 1-наурызында өткен партияның XXII Съезінде жарияланған болатын. Жобаның басты мақсаты – азаматтардың экологиялық мәдениетін арттыру, қоршаған ортаны таза ұстауды күнделікті өмір салтына айналдыру және табиғи ресурстарды үнемді пайдалану пайымын дамыту болып табылады.Жастар түнгі рейд жұмыстарына қатыстыҚазалы ауданында құқық бұзушылық пен топтық төбелестің алдын алу мақсатында арнайы топ түнгі рейд жұмыстарын жалғастыруда. «Жастар» бастауыш партия ұйымының мүшелері арнайы топ құрамымен бұл жұмыстарға қатысты. Топ құрамы аудан орталығындағы жасөспірімдер көп шоғырланатын нысандарға барды. Атап айтқанда, орталық стадион, спорт алаңдары, тойханалар мен мейрамханаларға және ойын-сауық орталықтары, компьютер, бильярд клубтарында болып, жастар мен жасөпірімдерге түсіндірме жұмыстарын жүргізді.<img src="https://knadmin.beoblood.kz/uploads/Whats_App_Image_2023_05_12_at_17_43_36_1_b012a482ef.jpeg" alt="WhatsApp Image 2023-05-12 at 17.43.36 (1).jpeg">

Аманаттықтар жоспарлы жұмыс атқаруда

<a href="https://kyzylorda-news.kz/">Kyzylorda-news.kz.</a> Қазалы аудандық білім бөлімінің ұйымдастыруымен пәндер мен сала бойынша үздік қызметкерлерді, ұстаздарды анықтауға арналған сайыс басталды. Қазірдің өзінде бірнеше пән мұғалімдерінің жұмыстары, әдістемелік құралдары сарапқа салынып, жеңімпаздар анықталып үлгерді. Өз саласы бойынша үздіктерді анықтауға бағытталған алғашқы дода педагог-психологтардың арасында өтті.Ауданның іріктеу кезеңінде психологтар өзін-өзі таныстыру, элективті курс, түзете-дамыту авторлық бағдарламасымен таныстыру, өз тәжірибесінен тренингтер көрсету, «Мен мамандығыммен мақтанамын» тақырыбында эссе жұмысын жазу кезеңдері бойынша бақ сынасып, педагог-психолог портфолиосы сырттай сараланды. Осылайша, сайыс жеңімпаздары анықталды.Әділ-қазылар шешіміне сәйкес, бірінші орынды Ж.Жабаев атындағы №234 орта мектеп педагог-психологі Баян Ермаханова иеленді. Сөйтіп, байқаудың облыстық кезеңіне жолдама алды. Бұдан бөлек, С.Сейфуллин атындағы №165 орта мектептің педагог-психологі Гүлнар Жаңабергенова екінші, №96 орта мектептің педагог-психологы Іңкәр Әлімжанова үшінші орынды иеленді. Ал №100 орта мектептің педагог-психологі Айнұр Жанәбілова, №204 орта мектептің маманы Айна Жұмахметова және №170 орта мектептің педагог-психологі Мырзалиева Қазына алғыс хатпен марапатталды. Шығармашылықпен жұмыс жасайтын, талантты мұғалімдерді анықтау, оларды қолдау, тәжірибесін тарату, жаңа инновациялық технологияларды пайдалану, мұғалімдердің мәртебесін көтеруге бағытталған жарыс математиктер арасында да ұйымдастырылды. Облыстық байқаудың аудандық кезеңі №276 мектеп базасында өтті.Бірнеше кезеңге бөлінген сайыс барысында есептің ілімін алғандардың «Бір сабақ – бір әлем» тақырыбындағы ашық сабақ өткізу ісі сынға түсті. Пән мұғалімдерінің 45 минуттық сабағы бейнеролик арқылы сырттай бағаланды.«Мұғалімнің шығармашылық шеберханасы» кезеңінде мұғалімдер педагогикалық тәжірибесінде жасаған авторлық бағдарламасын, оқу-әдістемелік көмекші құралын, таратуға лайықты педагогикалық идеясын немесе математика пәнінен олимпиадаға, Ұлттық бірыңғай тестілеуге дайындаудан тиімді лайфхактарымен бөлісті. Ал, «Білімді мыңды жығар...» кезеңінде ұстаздардың интеллектісі, кәсіби сауаттылығы, ойлау қабілетінің шапшаңдығы таразыға тартылды.Қазылар алқасының шешімімен кіл мықтылар арасынан №276 мектептің мұғалімі Құдайберген Төлепберген бірінші орын алды. №16 мектеп-лицей мұғалімі Ғалия Халтова екінші орынға тұрақтап, №25 мектеп мұғалімі Салтанат Дәрібаева, №170 мектеп мұғалімі Гүлжанат Наурызалиева және №226 мектеп-гимназия ұстазы Камшат Оңдашова үшінші орынды өзара бөліске салды. Бұдан бөлек, №100 мектеп мұғалімі Айфара Жалелова және №249 мектеп-лицей мұғалімі Ақгүл Асаубаеваға білім бөлімінің Алғыс хаты табысталды.Бұдан кейін №170 мектепте мектеп оқушыларын кітап оқуға үйрету, білім нәрімен сусындатуда аянбай еңбек етіп жүрген кітапханашылардың үздіктері анықталды. Сайыс шартына сәйкес, қатысушылар «Тест», «Кітапханашы таныстырылымы», «Жаңа ой, жаңа қадам, жаңа талап», «Ізденуден талмаған», «Кітапханашы феномені» үздік таныстырылым, шығармашылық ізденіс, авторлық жоба бойынша бақ сынасты.Бабы мен бағы қатар шапқан №170 мектептің қызметкері Махаббат Дүйсенова жеңіс тұғырынан көрінді. №25 мектеп кітапханашысы Дана Аблаева екінші орынға, Ж.Жабаев атындағы №234 мектептің маманы Жәния Жеткербай қола медальға қанағат тұтты.Сайыста белсенділігімен көзге түскен №92 мектеп кітапханашысы Аймира Бекбаева, №17 мектептің атынан қатысқан Аяжан Есенжолова, №190 мектептен Гүлнұр Алиева, №204 мектеп кітапханашысы Айзада Мырзалы және №276 мектептің қызметкері Латифа Абдраманова алғыс хатпен марапатталды.Мектептің мықты, білікті шәкірт шығаруы мекеме директорының оқу ісі жөніндегі орынбасарларының жұмысына тікелей байланысты. Өз саласының майталманына айналып үлгерген орынбасарлардың оқыту әдісін дұрыс таңдауы, пән мұғалімдеріне талап қоюы додаларда талай шәкіртті жетістікке жеткізген. Ал олардың есімін елге таныту үшін дүбірлі сайыс ұйымдастыру міндет.Өткен аптадағы үздіктерді анықтау сайысын оқу орынбасарлары арасындағы тартық қорытындылады. Талапкерлер бірінші кезеңде «Менің жетістігім – мектебімнің мерейі» тақырыбында таныстырылымын ТЕD форматында бейнеролик арқылы қорғады. Бұдан кейін эссе жазу, оқу ісі жөніндегі орынбасарлардың портфолиосын бағалау, білім сапасын арттыруға бағытталған жобаларын, сабақ талдау тәжірибесінің жаңа үлгісін ұсыну бойынша ұпай жинады.Байқау нәтижесі бойынша С.Сейфуллин атындағы №165 орта мектеп директорының оқу ісі жөніндегі орынбасары Набат Берекетова үздік деп танылды. Е.Бозғұлов атындағы №249 мектеп-лицей директорының оқу ісі жөніндегі орынбасары Гүлнұр Дөңесова және Ғ.Мұратбаев атындағы №17 орта мектеп директорының оқу ісі жөніндегі орынбасары Айгерім Теңгебаеваның жұмыстары деңгейлес деп бағаланып, екінші орынды бөліп берді. Сондай-ақ, Ы.Алтынсарин атындағы №204 орта мектеп директорының оқу ісі жөніндегі орынбасары Нұргүл Қалыбекова үздік үштікті қорытындылады. Ал, №92 орта мектеп директорының оқу ісі жөніндегі орынбасары Жадыра Еңсепбаева алғыс хатпен марапатталды.

Қазалыда мұғалімдер сынға түсті

<a href="https://kyzylorda-news.kz/">Kyzylorda-news.kz.</a> Жақында Қазақстан Республикасы Білім беру ісінің құрметті қызметкері, Кәсіптік білім беру саласының үздігі, ардагер-ұстаз Молдабай Ақниязұлының 80 жасқа толуына орай Қазалы көлік-техникалық жоғары колледжінде кездесу кеші болып өтті.&nbsp;Шараға жиналған көпшілік алдымен колледж ауласында мерейтой иесін құрметпен қарсы алып, гүл шоқтарын ұсынды. Ардагер-ұстаз Молдабай Ақниязұлының құрметіне арналған кешке Қазалы аудандық ардагерлер кеңесінің төрағасы, Қазақстан Республикасының құрметті ардагері, Қазалы ауданының құрметті азаматы Оразғали Бекбанов, филология ғылымдарының кандидаты, доцент, журналист, ҚР Журналистер Одағының мүшесі, Түркістан қаласының Құрметті азаматы, Түркістан облыстық Әжелер алқасының төрайымы Балтагүл Оспанова, Генерал-майор, Кеңес одағының, ҚР Жоғары Қарулы Күштерінің, Ауған соғысының ардагері, «Қызыл жұлдыз», «Мінсіз қызметі үшін» ІІІ дәрежелі орден иегері Әлімжан Ерниязов, Қорқыт Ата атындағы Қызылорда университетінің профессоры, философия ғылымдарының докторы, Қазалы ауданының құрметті азаматы Баймырза Қожамберлиев, Академик, профессор, еркін күрестен спорт шебері Аптылай Буркашов, «Құрмет белгісі» ордені мен Ы. Алтынсарин атындағы және «Ерен еңбегі үшін» медалдарының иегері, Халықаралық «Жыл директоры» атанған білім саласының ардагері Күләш Мергенбаева, ҚР білім беру ісінің үздігі, Алтынсарин төсбелгісінің иегері Күлзипа Наһан және Қазалы ауданының құрметті азаматы Байтақ Тұрсынбаев, ҚР құрметті теміржолшысы Бақыткүл Самалова арнайы келді.&nbsp;Кешті жүргізген колледж директорының ақпараттық технология жөніндегі орынбасары Маржанкүл Ахай қонақтарды колледж тархынан хабардар етті.&nbsp;<blockquote>«Қазалы көлік-техникалық жоғары колледжінің тарихы сонау 1901-1906 жылдар аралығында Орта Азия мен Ресейдің орталығын қосатын Орынбор – Ташкент теміржолының салынуынан бастау алады. КСРО-ның тарихи архивінен алынған мына құжатта 1905 жылғы 17 шілдеде жолаушылар қозғалысы үшін Қазалы өңірінде шағын жөндеу шеберханасы салатыны жоспарланған болатын. 1929 жылы Қазалы паровоз депосының жанынан ФЗУ болып ашылған колледж өмір ағымына қарай ЖУ, ЖДУ, ГПТУ, СрПТУ, ПТУ, мектеп лицей,колледж, жоғары колледж атауларына ие болды. Ұлы Отан соғысының батыры Я.Д.Михайлюк 1938 жылы колледжге оқуға түсіп, 1941-45 жылдары жауынгерлік ерлігі үшін Совет Одағының Батыры атағын алуы біз үшін үлкен мақтаныш. 1939 жылы Қазалы теміржол бөлімшесі училищесіне 210 орынды екі қабаттық оқу орны салынып берілді. 1929 жылдан бастап әр жылдары училищені П.С.Никеров, А.В.Харьков, Ə.Ұзақбаев, П.П.Сиснев басқарды. 1976-1981 жылдары училищені Қазақстан Республикасы кəсіптік білім беру саласының үздігі, Еңбек Қызыл Ту орденінің иегері Оразғали Бекбанов басқарды. 1981-1985 жылдары училищені КСРО жəне Қазақ КСР кəсіптік білім беру ісінің үздігі Молдабай Ақниязов басқарды. Молдабай Ақниязов 1990 жылы осы училищеге қайта басшы етіп тағайындалды», – деді Маржанкүл Ахай.&nbsp;</blockquote>Бұдан әрі колледждің өткені мен бүгінен сыр шертетін мәліметтерді көпшілік назарына ұсынды.Колледж директоры Болат Ахметов келушілерді білім ордасының материалды техникалық базасымен таныстырды. Алдымен жолаушылар вагондарын механикалық жабдықтау кабинетіне бас сұғып, Жаңа технологиялық үлгіде әзірленген дыбыстық стенділерді тамашалады. Бұдан соң рет-ретімен барлық кабниеттерді аралап, жаңашылдыққа жаны құмар ұжым мүшелерінің еңбегі мен ұғымтал студенттердің сабақ өту барысына куә болды.&nbsp;Колледж жанындағы мәдени орталықта орналасқан музейге «Молдабай Ақниязовтың өмір жолы» тақырыбында арнайы мүйіс дайындалған. Оны директордың тәрбие жұмыстары жөніндегі орынбасары Гүлнәр Күзембаева таныстырды. Салтанатты кеш мәдени іс-шараға ұласты. Қошеметпен сахна төріне көтерілген Молдабай Ақниязов пен жары Іңкәр анаға келушілер ақжарма тілегін арнап, өткен күндерден естіліктер айтты. Кеште Мұхтар Молдабайұлы мен жары Эльмира Ақниязованың құрастыруымен жарық көрген Молдабай Ақниязовтың «Өмір белестері» кітабының тұсауы кесіліп, аудандық «Атамұра» ардагерлер ансамблі мен колледждің өнерлі студенттері концерттік бағдарламаның көркін қыздырды. Шара кезінде бұған дейін өткен «Талғамы терең, тағылымы кенен аға Ұстаз» колледжішілік ғылыми жобалар байқауы мен кіші футболдан аудандық турнирдің қорытындысы жарияланды.&nbsp;Ғылыми жобаның мақсаты – ардагер ұстаздың өмірі мен еңбек жолын үлгі ете отырып, теміржолшы мамандығын дәріптеу, адамгершілікке, еңбекқорлыққа баулу, студенттерді ғылыми-зерттеу және оқу-танымдық жұмыстармен айналысуға қызықтыру, ой еңбегінің беделін арттыру, талантты және дарынды жас зерттеушілерді іріктеу және оларға қолдау көрсету. Байқау барысында жұмыстардың өзіндік даралығы, шығармашылық ізденісі, зерттеудің толық ашылуы және мәселелердің тереңдеп талқылануы бағаланды.ҚР Білім беру ісінің Құрметті қызметкері ардагер ұстаз Молдабай Ақниязовтың 80 жас мерейтойына арналған аудандық шағын футболдан өткен турнир қорытындысында бірінші орынды 165 мектеп командасы жеңіп алды. 204 мектептің аяқ допшылары екінші, колледж командасы үшінші орынды өзара бөлісті. Болатбек Сутейов «Үздік ойыншы», Жанұзақ Бауыржан «Үздік шабуылшы», Алтынбек Ақтілеуов «Үздік қорғаушы», Еркебұлан Алуадинов «Үздік қақпашы» номинацияларын иеленді.

Қазалы: Еңбегі еселі ұлағатты ұстаз

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында 19-20 сәуір күндері «Қуатты өңірлер-ел дамуының драйвері» ұлттық жобасы аясында «Қоныс аудару» бағдарламасы бойынша Солтүстік өңірлерден келген жұмыс тобының қатысуымен «Бос жұмыс орындары жәрмеңкесі» өтуде.Аталған жәрмеңке бүгін «Astana plaza» сауда үйінде өтіп, оған 5 өңір бойынша барлығы 3000 бос жұмыс орны ұсынылды. Делегация өкілдерінің айтуынша, Абай облысы, Қостанай облысы, Павлодар облысы, Солтүстік Қазақстан облысы және Ұлытау облыстарында медицина, білім, құрылыс, ауыл шаруашылығы салалары және өзге де бағыттар бойынша мамандар тапшы. Сонымен қатар, жергілікті жұмыс беруші 20 мекемеден 500-ге жуық бос жұмыс орны ұсынылды.Бүгінгі жәрмеңке барысымен арнайы келіп танысқан қала әкімінің орынбасары Жанмұрат Сейілов жұмыс іздеушілерге лайықты жұмыс түрлерін табуларына тілектестік білдіріп, делегация жұмысына сәттілік тіледі.Жәрмеңкеге келген жұмыс іздеушілерге жұмыспен қамту орталықтары өкілдері мен жұмыс берушілер кеңес беріп, қоныс аударуға ниетті азаматтарды толыққанды мәліметтермен таныстырды.Аталған жәрмеңке 20 сәуір күні сағат 10:00-де С.Майқанова атындағы мәдениет үйінде, сағат 11:30-да «Қорқыт Ата» сауда үйінде жалғасатын болады.Ару Елемесова<figure class="image"><img src="https://knadmin.beoblood.kz/uploads/342188643_791025152059377_4279746461752865884_n_97a29c3b13.jpg" alt="342188643_791025152059377_4279746461752865884_n.jpg"></figure>

Солтүстік өңірлерден 3000-ға жуық бос жұмыс орны ұсынылды

<a href="https://kyzylorda-news.kz/">Kyzylorda-news.kz.</a> Әр ата-ана бауыр еті баласының жақсы адам болғанын, сапалы білім алғанын қалайды. Бұл – заңдылық. Осы мақсатпен де сіз бен біз күн сайын ұрпағымызды мектепке әкелеміз. Ал жуырда ғана Петропавлда болған оқиға елді елең еткізгені рас.13 ақпан күні Петропавлда таңертең сабаққа барған 4-ші мектептің шәкірттері үшін әдеттегідей қоңырау емес, дабыл соғылды. Білім ошағына балта ала барған бала дәретханада маска киіп алып, жоғары сынып оқушыларына шабуыл жасамақ болған. Үш оқушыны жарақаттаған. Екеуі ауруханаға жеткізілген. Кейін күдіктінің психикалық ауытқушылығы бары анықталды. Ал мамандар қазір дені сау балалардың бойында да агрессия байқалатынын айтады. Оған себеп көп. Негізгілері – буллинг немесе отбасындағы жағдай.Осыдан соң Премьер-Министрдің орынбасары Алтай Көлгінов білім беру ұйымдарында қауіпсіздікті қамтамасыз ету мәселесі бойынша кеңес өткізді. Оған министрлердің және барлық өңір әкімдерінің орынбасарлары қатысты. Жиында оқу-ағарту бірінші вице-министрі Шолпан Каринова білім беру ұйымдарында қауіпсіздікті қамтамасыз ету жөніндегі жағдай, 2022 жылы білім беру нысандарын терроризмге қарсы қорғау нұсқаулығы туралы, білім беру ұйымдарында пайдалану үшін шектелген тыйым салынған заттардың тізімін бекіту жөнінде баяндады. Барлық оқу орындары қауіпсіздіктің кешенді жүйесімен қамтамасыз етілуі тексеріледі.Сондай-ақ қазіргі уақытта Оқу-ағарту министрлігі балаларды зорлық-зомбылықтан қорғау, суицидтің алдын алу және балалар құқығын қамтамасыз ету, оның ішінде қауіпсіздік жүйесін ұйымдастыру жөніндегі кешенді жоспардың жобасын әзірлеуде. Оған 20-ға жуық мемлекеттік орган мен өңірлер жұмылдырылған.Кеңес қорытындысы бойынша жауапты мемлекеттік органдарға келесі оқу жылы басталғанға дейін білім беру ұйымдарын дабыл түймелерімен, турникеттермен, лицензияланған күзетпен жарақтандыру және ішкі істер органдарының жедел басқару орталықтарына қосылған бейнебақылау жүйелерін орнату жұмыстарын аяқтау тапсырылды.Шиеліде қырық мектеп бар. Олардың барлығында бейнекамера болғанымен қаншалықты жұмыс істеп тұрғаны беймәлім. Дабыл түймесі мен күзет қызметінің сапасы да күмәнді. Көбіне балаларды мектептің кіре берісінен вахтер апайлар қарсы алады. Көбісі зейнет жасына жақындаған егде адамдар. Құдай бетін әрі қылсын, алда-жалда оқыс оқиға орын ала қалса, қауіпсіздікті дер кезінде қамтамасыз етуге білім ордаларының қауқары жетеді деу қиын. Бұл тек Шиелідегі емес, бүкіл Қазақстан бойынша түйткілге айналып отырған мәселе.Проблемаға қайғылы жағдай болғанда ғана назар аударылатыны – шындық. Әрине, мектептегі қауіпсіздік – Үкімет деңгейінде шешілетін мәселе. Бірақ мемлекеттен бөлек, ата-ана да баласы үшін жауапкершілікті алуы тиіс. Бұл – жазылмаған заң.

Мектептегі оқушыларды кім қорғайды?

<a href="https://kyzylorda-news.kz/">Kyzylorda-news.kz.</a> Қоғамның ең ірі әлеуметтік тобы болып саналатын ел жастарына жан-жақты көмек көрсету – мемлекет саясатының басым бағыттарының бірі. Мемлекеттің негізгі қозғаушы күші ретінде жастарға артылатын жауапкершілік жүгі қандай болса, қолдау мен берілетін мүмкіндік те дәл сондай аса маңызды мәселе. Дәл осы мақсатта жыл сайын өңірдегі жастар саясатының жүзеге асырылу барысын саралау, жастар саясатындағы негізгі мәселелерді шешу тетіктерін қарастыру мақсатында облыс әкімдігі жанындағы жастар ісі жөніндегі Кеңестің отырысы ұйымдастырылады.Бүгін аталмыш Кеңес отырысының облыс әкімінің орынбасары Нұрымбет Сақтағанов және басқарма басшыларының, қоғам белсенділері мен БАҚ өкілдерінің қатысуымен биылғы жылға алғашқы отырысы өтті. Кеңес отырысында аймақта жастарға бағытталған мемлекеттік бағдарламалардың орындалуы, NEET санатындағы жастарды жұмыспен қамту, кәсіпкерлікке баулу бағытында атқарылған жұмыстар мен алдағы жоспарлар, Арал және Жалағаш аудандарында мемлекеттік жастар саясатының жүзеге асырылу барысы туралы маңызды мәселелер сөз болып, олардың шешілу жолдары ұсынылды.&nbsp;Жиын барысында облыс әкімінің орынбасары Нұрымбет Аманұлы сөз алып, Қазақстан Республикасы мемлекеттік жастар саясатының 2023-2029 жылдарға арналған тұжырымдамасын іске асыру жөніндегі өңірлік іс-қимыл жоспарының орындалуын сала басшыларына қатаң бақылауға алуды тапсырды.&nbsp;<blockquote>«Бірер күн бұрын Қазақстан Республикасы Премьер-Министрінің орынбасары Көлгінов Алтай Сейдірұлы облысымызда жұмыс сапарымен болып, жастармен арнайы кездесті. Басқосуда мемлекет ұсынған мүмкіндіктер мен кәсіпкерлік бастамаларды қолдау тетіктері туралы сөз болып, жастардың сауалдарына жауап берді. Өңірімізде жастарды оқыту, жұмысқа орналастыру, өз ісін ашуға көмектесу, тұрғын үй сатып алуына жәрдемдесу бағыттарында кешенді жұмыстар жүргізіліп келеді. Жастардың барлық санаттарын қолдауға бағытталған жұмыстар жүйелі түрде жалғасын табуы қажет. Оның ішінде, NEET (нит) санатындағы жастардың үлесін төмендетуге ерекше басымдық беріңіздер. «Отбасылық цифрлық картасы» ақпараттық жүйесіндегі NEET санатындағы жастардың деректерін өзектендіру жұмыстарын 26 сәуірге дейін толықтай аяқтауды тапсырамын», - деді облыс әкімінің орынбасары.&nbsp;</blockquote>Сонымен қатар жастарға мемлекеттік бағдарламалар мен жобаларды кеңінен ақпараттандыру жұмыстарының үйлестірілуін тапсырды. Әсіресе, шалғай елдімекендерде тұратын жастар мемлекеттік қолдаулардан хабардар болуын, жастар жиі пайдаланатын интернет ресурстарда, әлеуметтік желілерде ақпараттық материалдардың үздіксіз жариялануын тапсырды.&nbsp;Қазіргі таңда өңірімізде жастарды оқыту, жұмысқа орналастыру, өз ісін ашуға көмектесу, тұрғын үй сатып алуына жәрдемдесу бағыттарында кешенді жұмыстар жүргізіліп келеді. Биылдан бастап «Мемлекеттік жастар саясаты туралы» Заңға өзгерістер енгізіліп, жастар санаты 35 жасқа дейін ұзартылды, НИТ санатындағы жастар ұғымы, жастармен жұмыс жөніндегі маман статусы Заңмен бекітілді. Осы ретте, шара барысында мемлекеттік бағдарламалардың жүзеге асырылу барысын, Қызылорда қаласы және аудан әкімдерімен бірлесіп, техникалық, кәсіптік және жоғары білім беру ұйымдарының мамандықтары бөлінісінде еңбек нарығының қажеттіліктеріне талдау, жастарға патриоттық тәрбие беру, мемлекеттік рәміздерді, ұлттық құндылықтарды насихаттау бағытындағы жұмыстарды үйлестіріп жүрген сала басшыларының баяндамалары тыңдалды.&nbsp;Кеңес отырысында жыл сайын әр салада жетістікке жетіп, мемлекеттік жастар саясатының дамуына өзіндік үлесін қосып жүрген бірқатар жастарға «Сыр үміті» облыстық жастар сыйлығы табысталды. Өткен жылы 86 жас қатысуға өтінім берген аталмыш сыйлыққа комиссия шешімімен 15 жас лайық деп танылып, жиын барысында арнайы марапат ұсынылды.

Нұрымбет Сақтағанов: NEET санатындағы жастардың үлесін төмендетуге ерекше басымдық беріңіздер

<a href="https://kyzylorda-news.kz/">Kyzylorda-news.kz.</a> Қызылорда қаласындағы Жаппасбай Нұрсейітов атындағы №233 мектеп-лицейі және Қызылорда облыстық Қазақстан халқы ассамблеясының &nbsp;ұйымдастыруымен «Ұлылар үндестігі» атты бірлескен семинар кездесу өтті.&nbsp;Шәкәрім Құдайбердіұлының туғанына 165 жыл толуына орай өткен рухани іс-шараға мектеп ұстаздары, оқушылар және облыстық ҚХА жанындағы «Абай қазынасына саяхат», «Мәміле» клубтарының жетекшісі Елена Пак пен «Ассамблея жастары» ұйымының жетекшісі Елизавета Есмаева қатысты.&nbsp;Қазақ халқының ғұлама ақындары Абай мен Шәкәрімнің шығармашылық мұралары ұрпақтан-ұрпаққа берілетін бүкіл ұлттың рухани байлығы. Олардың еңбектері қазақ халқының рухани тәжірибесі мен даналығын бейнелейтін ұлттық мәдениеттің бірегей бөлігі. Сондықтан олардың өмір жолын жас ұрпаққа дәріптеу – басты міндетіміз. Міне, мектеп-лицейдегі семинар да осы мақсатта ұйымдастырылды.Тағылымы мол шарада Абай мен Шәкәрім жайлы мәліметтер тыңдалып, видео материалдар қаралды. Ұлы тұлғалардың қанатты сөздері мен өлеңдері оқылып, оның мағынасын ашу және ақын мұраларының үндестігі айтылды. Әсіресе, жастардың көкірегін ілім-білімге толтыру бағытындағы қос ақынның &nbsp;еңбектері сөз болды. Бұл шараға жастар белсенді қатысты. Оларды ақын-жазушылардың өмірі мен туындылары қызығушылық танытанын аңғаруға болады.

Қызылорда қаласында «Ұлылар үндестігі» атты семинар өтті

<a href="https://kyzylorda-news.kz/">Kyzylorda-news.kz.</a> Бүгінде ауыл тіршілігі кеңейіп, ондағы сала түрлері де қарқынды дамып келе жатқаны анық. Бүгінгі тақырыбымызға арқау болып отырған Тоқабай ауылдық округінің орташа халық саны бүгінгі күні 733-ке жетіп отыр. Сонымен бірге онда 223 адам өзін-өзі жұмыспен қамтып, 45 кәсіпкерлік субъектілері бар. Атап айтар болсақ, оның ішінде 20 шаруа қожалығы, сонымен бірге 1 ЖШС, 1 Ауылшаруашылығы Өндірістік Кооперативі және де 23 дара кәсіпкерлер құрап отыр.Атаулы округ тұрғындары &nbsp;негізінен мал шаруашылығымен айналысады. Мұнда мал басы жыл санап өсіп келеді. МІҚ-2426, Уақ мал-5524, Жылқы-2220, Түйе-1305 басқа өскен екен.&nbsp;Биыл жаңадан «Нұрлыбек» және «Арғымақ» шаруа қожалықтары қосылған.Кәсіпкерлікті қолдауға арналған мемлекеттік бағдарламалар шеңберінде «Бастау Бизнес» жобасы бойынша 3 адам 1 225 200 теңге көлемінде қайтарымсыз грант алып, 2 адам малданып, 1 адам көлік жөндеу орталығын ашқан. «Арал ырысы» несие серіктестігі арқылы «Нұрлыбек» &nbsp;несие алып, 16 бас түйе малын сатып алған. «Ауыл шаруашылығын қаржылай қолдау қоры» арқылы ДК Айсауле Оразалиева да несие алып мал басын көбейткен екен.Сонымен бірге ауыл көлемінде барлық мәселелер, яғни жұмысқа тұру, тәртіп мәселелері, түйткілді мәселелер, ұсыныс пікірлер сынды мәселені Қоғамдық келісім кеңесінде қаралып, &nbsp;шешіледі. Келісім кеңесін тәжірибелі ұстаз, «Білім беру ісінің үздігі» Қуатов Үргенішбай басқарады. Қоғамдық келісім ауылдың белсенді азаматтарынан құрылған. Оның төрағасы Үргенішбай Қуатов 2022 жылы «Арал ауданының құрметті азаматы» атанған. Сонымен қатар Жастар ұйымы, Әйелдер кеңесі тұрақты түрде жұмыс жасап, ел бірлігіне үлесін қосып келеді.Ауыл әкімі М.Әлішев 2007 жылдан бастап ауыл әкімі қызметін атқарып, ауыл тұрғындары үшін біршама мәселені шешіп келеді. Осы жылдар аясында 4 жылдан екі рет жанама сайлауға қатысып, аудандық мәслихат депутаттарының дауыс беруімен сайланды. 2022 жылы тікелей халық сайлауына қатысып, 92% дауыс жинап, 4 жылға қайта сайланады.Өткен «Жастар жылы» аясында ауыл жастарының бастамасымен ауылға орталық «Әли Мақсым» атындағы мешіт салынған. Сонымен қатар қажетті орындардан келісім алынып, құжаттары толығымен рәсімделіп пайдалануға берілген.Ауыл тіршілігімен хабардар болсақ, ондағы тарихи кесенелер мен олардың тарихын да білуіміз қажет. Иә, қай өңір болмасын ондағы рухани құндылықтарымызды дәріптеу арқылы келешекке өнеге көрсететініміз анық. Тоқабай ауылдық округінде де асыл мұраларымыз жетерлік. Мәселен, &nbsp;Кетебай мазары – 1730-1813 жылдары өмір сүрген беделді рубасы Абылайхан, Қазыбек билермен қатынаста болып, жоңғар – қазақ соғыстарында есімі аталған би, батыр тұлға (қазіргі кезде мазардың бұзылған орны бар). Сонымен бірге Ұябай кесеңесіТоқабайдан 24 шақырым жерде ұзындығы 12 шақырым «Жаңту тақырына» ұласар биік төбеде салынған шығыс үлгісімен өрілген күмбезді архитектуралық кешен үйтам. Бұл күндері жартылай сақталған тарихи кешен 1890 жылдары Қарақұм өңіріне танымал беделді рубасы Ақжан байдың жастай өмірден өткен баласы, діни сауаты зор күйші – домбырашы Ұябайға арнап салынған. Ұябайдың «Бекзатым», «Пай-пай», «Жоң жорға» сыңды оншақты күйлері болған. Батырлар ізі &nbsp;– &nbsp;Тоқабай төңірегінде қазақ – жоңғар соғыстары кезінде ел қорғап тарихта аты қалған Қабылан, Төртім, Жайық, Дабыл, Қайдауыл сыңды батырлардың қорымдары бар. Олардың басына кейінгі уақытта ұрпақтары белгілер қойған, сақталған жер атаулары бар.«Қыздар шыққан» төбе деп аталатын Арал өңірінде шапқыншылық жасап жергілікті халыққа зәбір жала шектірген Қоқан – Хиуа жаулаушыларына қарсы шайқастардың ескерткіші «Қос шоқы» құм ішінде мұңдалаған, адамға бас иеді сырын ұққан. Жау қарап биігіне қыздар шығып, сондықтан атанған еді «Қыздар шыққан» деген аңыз дастан қалған. Сонымен бірге Арғымақ төбе– Дала көгінде жарқырап шығып Орта Азия мен Қазақстан жастарының жалынды ұйымдастырушысы болған Ғани Мұратбаевтың кіндік қаны тамған туған жері Ғани Тоқабайдың шығыс бетінде 8 шақырым жердегі ескі Қаракөз қыстауында өмірге келген. Әкесі Мұратбай осы өңірдегі Қалыңбас елінде болыс болған. Жары Бақытжанмен үйлену тойы Арғымақ жазығында өткен деген деректер бар. Мұратбаймен тұстас Қарасақал руының белгі тұлғасы Орысбай, Бектас, Құлыс, Қаратаз, Жандос т.б. жер атаулары сақталған. Көне Әли Мақсым мешіті– Өткен ғасырдың 20 жылдарында көне Тоқабай мекенінде атақты діни ғұлама Қожаназар ишанның ұйытқы болуымен салынған, әлі күнге құланды орны бар. Ишанның немересі Әли Мақсым молдалық құрып бала оқытып елді имандылыққа баулыған. 1930 жылдан кейін Қарақұм көтерілісі басылғасын мешіт жабылып бала оқытған. 2021 жылы ауыл халқының демеушілігімен жаңа мешіт үйі жаңғыртылып салынды.Жетімшағылдағы Қара молда зиярат орны бар. &nbsp;Ел аузында Қара молда атанған иісі қазаққа танымал діни ғұлама. Көріпкел әулие, аруақты емші Әлмұхамедтың (1892-1992 ж) тұрағы. Жанына шипа іздеген адамдар Қазақстанның түкпір – түкпірінен келіп әруақты атаның басына түнеп ем-дом алып үздіксіз тәу етіп жатады. Оның түс жору, болжағыштық, алдына келген адамның алдағы өміріне тұспалдап бағдар айту қасиеттері жайлы әңгімелер көп. Болгариядағы атақты Ванга әулиенің сілтеуімен Украинадан да адамдар келген деген дәйектер бар.ТОҚАБАЙ – Ел тарихындағы айтулы оқиғаларға кәу болып, Алаш ардақтыларының &nbsp;табандары тиген қасиетті мекен. Голощекин билігінің күштеп жүргізілген әділетсіз саясаттарына қарсы 1930 жылы 10 айға созылған «Қарақұм көтерілісі» болып, оған бүкіл қыр елі көтеріліп 7000 дай адам қатысқан, қарапайым қылыш, найза, балта сияқты құралдармен қаруланған шаруалар мұздай қаруланған қызыл әскерлерге бетпе бет шайқастарға шығып жергілікті жер жағдайларын ұтымды пайдаланып бет қаратпаған. Уақыт ұту мақсаттарын көздеген билік көтерілісшілерге келісімге келіп, кешірім береміз деп орталықтан үкімет комиссиясын шақыртады. 1930 жылы жазалаушы әскерлер штабы орналасқан Тоқабайға Алматыдан Ә. Жанкелдин бастаған құрамында С.Сейфуллин, Ғ. Мүсірепов т.б елге танымал беделді адамдар келіп 4 күн көтерілісшілермен келісімдер жүргізеді. Осы күнгі көне мешіт жанындағы тігілген киіз үйлерде халық оларды меймандостықпен қарсы алып құрмет көрсетеді. Қаруларын тапсыра бастайды. Бірақ бұл алдау болып шығады, уақыт ұтқан жендеттер уәждерінде тұрмай комиссияның шешімін бұзып, олардың шын ниеттерімен халыққа қамқорлық жасамақ ниеттерін аяқ асты етеді. Жазалаушылар Қарақұмды сүзіп шығып ақ-қарасын айттырмай көтерілісшілерді аяусыз жазалайды. Үштік шешіммен 175 адам атуға, 173 адам 3-10 жыл мерзімдерге жер аударылады. Қарақұм көтерілісіне қатысқан 2000 дай адам опат болып құм арасында көмусіз қалған деген деректер бар.Өркениетті елдерде ұлы тұлғалардың бір қонып, түстеніп кеткен жерлерің өзің ұстаған дүниелерін қастерлеп рухани құндылық ретінде бағалап жатады. Тәуелсіздігіміз үшін кеуделерін оққа тосып шейіт болған, Қарақұм көтерілісінің құрбандарына арнап киелі Тоқабай ауылында ескерткіш белгі орнатылуы керек деп есептейміз. Өйткені «Өліні сыйламай, тірі байымайды» ұрпақтарының болашағы үшін күрескен есіл ерлердің ерліктері ұмытылмай ұрпақтар санасында мәңгілік таным болуға тиіс.Теңізді өлке баурайындағы тарихы терең ауылдың өскелең ұрпақ бойына қандай тәрбие беретіне көзіміз жеткен болар. Ел болашағы жастар қолында деген қағиданы ұстанған еліміз оның әр өңірінің де тарихын бүгінгі жастарға үлгі еткен дұрыс-ақ.

Қазақстан және Қызылорда облысының жаңалықтары