<a href="https://kyzylorda-news.kz/">Kyzylorda-news.kz.</a>&nbsp; «Ауыл – ел бесігі» бағдарламасы ауылдарды дамытуға арналып, &nbsp;2019 жылы басталған. Жобаның мақсаты – инфрақұрылымды жаңғырту есебінен ауыл тұрғындарының өмір сүру сапасын жақсарту, ауылдарды өңірлік стандарттар жүйесінің параметрлеріне жеткізу.Ұлттық экономика министрілігінің мәліметінше 2023 жылғы 1 қаңтардағы мәлімет бойынша республикада 6 293 ауылдық елді мекен бар, онда 7,8 млн-ға жуық адам тұрады. «Ауыл – ел бесігі» жобасын іске асыру үшін елдегі ауылдардың жалпы санынан даму әлеуеті жоғары, ауыл тұрғындарының 90%-ы тұратын 3,5 мың ауылдық мекен іріктеліп алынған. Бұл үшін әр жылдары қаржы бөлініп, тұрғын үй-комму¬налдық шаруашылық нысаны, әлеуметтік инфрақұрылым нысаны және көлік инфрақұрылымы нысанын жаңадан салуға және жөндеуге мүмкіндік берді, сәйкесінше жұмыс орындары құрылды.Аудан бойынша жол саласына 29 жобаға 1 млрд (1030,6) теңге қаржы бөлінген. Оның ішінде республикалық бюджеттен 12 жобаға 488,7 млн теңге бөлініп, қазіргі таңда 8 жоба бойынша жұмыстар басталуда. Қалған 4 жоба бойынша мемлекеттік сатып алу жұмыстары жүргізілуде.Атап айтқанда, Аманкелді ауылы бойынша автомобиль жолдарын жөндеуге 1 жоба атқарылады. Жалпы қаржысы 107,3 млн теңге ."Акнур-Авто" ЖШС-гі тарапынан Жанкина, Жалмурзаева, Ағайдаров, Баймағамбетов, Қалымбетов көшелері жөнделеді. Ұзындығы 3,2 км, республикалық бюджеттен бөлінген қаржы 107,3 млн теңге.Қоғалыкөл ауылында автомобиль жолдарын жөндеу бойынша 2 жоба іске асады. Жалпы қаржысы 33,8 млн теңге. Ауылдағы М.Шоқай тұйығының автомобиль жолын орташа жөңдеу бойынша мемлекеттік сатып алу жұмыстары жүргізілуде. Ұзындығы 0,2 км, республикалық бюджеттен бөлінген қаржы 15,9 млн теңге. Сонымен қатар М.Шоқай көшесін орташа жөндеу &nbsp;бойынша мемлекеттік сатып алу жұмыстары жүргізілуде. Көшенің ұзындығы 0,3 км, республикалық бюджеттен бөлінген қаржы 17,9 млн теңге.Шіркейлі ауылында автомобиль жолдарын жөндеу бойынша 2 жоба атқарылады. Жалпы қаржысы 45,4 млн теңге. Атап айтқанда, "Әлем ҚызметGroup" ЖШС-гі тарапынан Қ.Қожамжаров көшесін жөндеу атқарылады. Ұзындығы 0,7 км, республикалық бюджеттен бөлінген қаржы 25,6 млн теңге, екінші жоба – Бейбітшілік көшесінің автомобиль жолы бойынша қайта конкурс жарияланады. Ұзындығы 0,6 км, республикалық бюджеттен бөлінген қаржы 19,8 млн теңге.&nbsp;Тереңөзек кентінде де бірнеше көше жөнделеді деп күтілуде. "ӘлемҚызметGroup" ЖШС-гі арқылы Қ.Бөдеев, &nbsp;Ә.Тоқмағанбетов, Ә.Тәжібаев, А.Алиакбаров көшесі жөнделеді.&nbsp;"Айзон" ЖШС-гі арқылы Қонаев көшесі жөнделеді. Қалған 2 жобамен Б.Өтепов, Т.Қозыбаев көшелері бойынша мемлекеттік сатып алу жұмыстары жүргізілуде.2023 жылға Сырдария ауданы Қалжан ахун елді мекенің газбен қаму жұмыстарының жалпы &nbsp;құны 330,5 млн теңге құрайтын жобаның республикалық бюджеттен бағдарлама аясында &nbsp;297,5 млн теңгесі бөлініп, облыстық бюджеттен 33,0 млн. теңгесі күтілуде. Жоба бойынша газ құбырының жалпы ұзындығы – 19,7 км, газ реттегіш шкаф пункттерінің саны (ГРПШ) – 5 дана. Бүгінгі таңда мердігер мекеме:«Ремстрой» ЖШС-гі арқылы Қалжан ахун елді мекенінде газ құбырларын жүргізу жұмыстары атқарылуда. Сонымен қатар, Іңкәрдария елді мекеніне 1 дана су мұнарасын сатып алуға (25 м3), Шаған елді мекеніне 1 дана су мұнарасын сатып алуға (25 м3) және Тереңөзек кентіне 1 дана су мұнарасын сатып алуына (50 м3) 2023 жылға облыстық бюджеттен 19000,0 мың теңге қаржы бөлінген. Бүгінгі таңда, мердігер мекеме жеңімпазы «Техоснастка» ЖШС-гі мекемесі арқылы аталған елді мекендерге мұнараларды тапсыру жұмыстары атқарылуда. &nbsp;

Сырдарияда «Ауыл –  ел бесігі» жобасы арқылы жолдар жөнделеді

<a href="https://kyzylorda-news.kz/">Kyzylorda-news.kz.</a> &nbsp;Ел ішінде «Өңірдегі шағын кәсіпкерліктің дамуы нан мен астың арзандығынан білінеді» деген сөз бар. Ол рас. Нан – береке. Нан – байлық. Ауданда адалдық пен ерінбей еңбек етуді мақсат еткендер шағын кәсіптен-ақ көктеп, көгеріп отыр. Соның бірі – тұрғыны Айнұр Алшынбай.Ол «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған» бағдарламасы бойынша Бастау бизнес» курсын оқып, қайтарымсыз шағын несие 525 200 тг көлемінде қаражат алады. Аталған қаражатқа үй жағдайында қажетті құрал-жабдықтарын алып, ауылға пайда тигізетін шағын наубайхана ашады. Бүгінде шағын кәсібін дөңгелетіп отыр.&nbsp;Айнұр Бақтиярқызы 1996 жылы 18 қарашада Оңтүстік Қазақстан облысы Қазіргі Түркістан облысы Шардара ауданы Көсу ауылдық округі Елужылдық ауылында дүниеге келген. Қазіргі таңда Қармақшы ауылдық округінің келіні атанып, 3 бала тәрбиелеп отырған жас ана.&nbsp;<blockquote>«Мемлекет басшысы әрдайым өзін-өзі жұмыспен қамтығандарды тіркеу үдерісін мейлінше жеңілдетіп, оларға мемлекет алдындағы міндеттерін адал атқару тиімді болатындай жағдай туғызу қажет деген ойға басымдық береді. Сол себепті де түрлі бағдарлама қолға алынып, қарапайым жанның кәсіпкер атануына, ал кәсіпкердің өз ісін одан әрі үлкейтуіне жағдай жасалуда. Ендігі жерде халық қолда бар мүмкіндіктен айырылып қалмай, қажетіне жарата білгені абзал», &nbsp;дейді кәсіп иесі.&nbsp;</blockquote>Қазіргі таңда ауыл тұрғындарының 75 пайызы осы шағын наубайхананың тұрақты тұтынушысы. Сонымен қатар тәтті торттар пісіріп аудан көлемінде өз клиенттерін таба білген білікті жас кәсіпкер.«Тәтті пісіруді бұрыннан жақсы көремін. Қазір үйренуге деген ниет болса, әлеуметтік желіде кәсіптің түр-түрі бар. Тегін сабақтар да жетерлік. Қазір дайындап жүрген тәттілерімді өзім инстаграмнан үйрендім. Бір дегеннен керемет шықпаса да, бастысы талпынып көру. Тәтті пісіру шыдамдылықты, ыждаһаттылықты талап етеді. Тә-жірибе жинақталған соң, ісің де алға басады» дейді Айнұр Бақтиярқызы. &nbsp;– Қазақта «Ас атасы – нан» деген даналық бар, яғни астың үлкені – нан. Ол қасиетті. Адамзат баласы үшін кез келген тамақ қанша нәрлі болғанымен кейде одан жалығады. Бірақ ол ешқашан наннан шықпайды. Дастарқанда нан тұрмаса көңіліңіз де, дастарқаныңыз да ортайып, берекесі кетіп тұрғандай басқа тамақ көзіңізге көрінбейді. Нанның қасиетін осыдан-ақ байқайсыз. Қазақта «Қатықсыз қара су ішіп, қара нан жесең де амандық болсын» деген де тәмсіл бар. «Нанды жерге тастама», «Нанды бір қолмен үзбе» деген атамыз қазақтың осындай ойлы сөзі нанның қасиетіне орай айтылған тыйымдар. Қонаққа келген адам тіпті асығыс болса да өзге тамақтан емес, міндетті түрде наннан ауыз тиген. «Нан бар жерде ән бар» дегендей, халық арасындағы бірлік, ауызбіршілік дастарқанның үстіне қойылған нан арқылы нығаяды, яғни наннан ауыз тиген адам сол үйге жамандық тілемейді және жамандық істемейді, – дейді жас кәсіпкер.&nbsp;Наубайхана өнімдері тұтынушы тарапынан жоғары бағалануда. Тұрақты тапсырыс беретін тұрғындармен қоса сұраныс саны күннен-күнге көбеюде. Ең бастысы дайындалған өнім сөреде тұрып қалмайды. Ал баға – қолжетімді, сапа – көңілге қонымды. Кәсіпкердің ендігі мақсаты мемлекет берген мүмкіндікті пайдаланып үлкен нау-байхана ашып, жергілікті халықты жұмыспен қамту және аудан халқын сапалы өніммен қамтамасыз ету.

Ауылда шағын наубайхана қызмет етіп тұр

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Ғалымжан Еркебайдың төрағалығымен өткен жиында коммуналдық қызметтердің мәселелері талқыланды.&nbsp;Күн тәртібіндегі бірінші мәселе бойынша «Қызылорда тазалығы» мекемесі басшысының міндетін атқарушы Бауыржан Әбдіғаппарұлы «Қызылорда қаласының санитарлық-тазалық мәселелері» туралы баяндама жасады.&nbsp;Қазіргі таңда, кәсіпорын қызметкерлерімен қала көшелерінде санитариялық тазалықты сақтау бағытында жүйелі түрде жұмыстар ұйымдастырылып келеді. Кәсіпорынның мобильдік топтарымен тәуліктің кез келген уақыттарында белгіленбеген орындар мен кестеден тыс уақытта қоқыс тастаған тұрғындарды анықтау жұмыстары жүргізілуде.&nbsp;Қала әкімінің орынбасары Ғалымжан Бақтығалиұлы қала тазалығын қамтамасыз ету мақсатында құрылған мобильдік топпен анықталған әкімшілік құқық бұзушылықтарға полиция қызметкерлері тарапынан тиісті айыппұл салу жұмыстарын күшейтуді тапсырды.&nbsp;Күн тәртібіндегі келесі мәселе бойынша «Қала көлеміндегі ассенизатор автокөліктермен рұқсат етілмеген жерлерге кәріз суларын төгу жағдайлары» туралы «Қызылорда су жүйесі» мекемесінің заң бөлімінің басшысы Фараби Ұзақов баяндап өтті. Бөлім басшысы баяндамасында биылғы жылы рұқсат етілмеген жерлерге лас суларды төгу фактілерін анықтау мақсатында жүргізілген рейд барысында жеке ассенизатор автокөліктерімен заңсыз кәріз суларын төгудің 96 фактісі тіркеліп, кәсіпорынға жалпы 7,6 миллион теңгеге шығын келтірілгенін атап өтті.&nbsp;<blockquote>«Орын алып отырған заң бұзушылықтарды ескерсек, жоғарыда аталған әр саладағы жұмыстарды ширату керектігін көрсетеді. Тазалық тәртібін бұзып, кәріз суларын бей-берекет төгетін автокөліктердің жолын кесуге басымдық беру қажет», – қала әкімінің орынбасары деді Ғалымжан Бақтығалиұлы.</blockquote>

Қызылорда қаласының коммуналдық саладағы мәселелері талқыланды

<a href="https://kyzylorda-news.kz/">Kyzylorda-news.kz.</a> Қыста қияр мен қызанақтың шарықтағаны сонша, еттің бағасына дейін барды. Сондықтан ол қарапайым отбасына қолжетімді емес. Ал дәрігерлер көктемде ағзаны қажетті дәруменмен қамтамасыз етуде көкөністің маңызы көп екенін айтады.Бірнеше баласы бар отбасылар көкөніс пен жеміс-жидекті анда-санда пайдаланады десек те болады. Мерекеде немесе қонақ келгенде бұл өнімдер дастарханнан табылып қалатыны рас. Онда да барын мейманның алдына тосатын қазақы әдетімізбен «артылса ғана жейсің» деп баланы шектейміз. Қимағандықтан емес, бағасы удай болғандықтан солай етуге мәжбүрміз. қазір жемістердің түр-түрі &nbsp;көп. Оның біраз бөлігі Иран, Түркіменстан, Қытай, Өзбекстан, Аргентинадан келеді. &nbsp;Бірақ айлығы шайлығынан артылмайтындар үшін бағасы қалтаға қонымсыз.Дәл қазіргі уақытта ағзаға көмекші дәруменнің көзі – жемістер мен көкөністің базардағы бағасын бағамдап көрелік. Қыста бағасы 1400-ден сатылған қияр қазір екі есеге дейін арзандаған, келісі 700 теңгеден сатылуда. Ал қызанақ 960-800 теңге аралығында болса, жаңа шыққан қырыққабаттың келісі 600, тәтті бұрыш 2800, баклажан 1000, картоп 160-180, сәбіз 160-180, жуа 250-280 теңгеден. Жемістерге келсек, алманың арзаны 350-ден басталып, 450-650 теңгеге дейін, жүзім 800-900, құлпынай 2800 теңгеден, мандарин 650-1200, банан 970 теңге аралығында.Осы ретте қала халқын көтерме бағадағы өніммен қамтамасыз етіп отырған кәсіпкер Бақытбек Қадырмен әңгімелескен едік. Ол – осы салада тәжірибесі бар бірнеше дүкендер желісінің иесі. Айтуынша, бағадағы бассыздық мәселенің салдарымен емес, себебімен күреспегендіктен орын алуда. Нақты мониторинг жоқтың қасы.<blockquote>– Жақында ғана Парламент отырысында Мәжіліс депутаттары азық-түлік бағасының қымбаттауы халыққа оңай тиіп тұрмағанын айтты. Ресми деректегі бағаның өсуімен статистикадағы шынайы өмірден алшақ жатқаны жасырын емес. Депутаттар бағаның тұрақтанбауын шаруалардағы техниканың тозуымен, лизингтің қымбат екенімен байланыстырып отыр. Алайда мәселе тек техникаға тіреліп тұрған жоқ, жан-жақты зерделеуді, талдауды қажет етеді. Оның тамыры тереңде екенін ешкім айтпады. Біз күзден көктемге дейін шетелден келген өнімді пайдаланамыз. Одан кейін жылыжайдың өнімдері шығады. Бірақ тиімді қолданбаймыз.</blockquote><blockquote>Тағы да айтамын, нақты мониторинг жасалмайды. Айталық, алдыңғы жылдары диқандар жаппай қырыққабат екті. Себебі сол жылы қырыққабат қымбат болды. Келесі жылы қырыққабат 30 теңге болды да, ақыр соңы оның қаншасы жарамсыз болып қалды. Өйткені әр аймақ бойынша саралау, зерттеу жұмыстары жүргізілмейді. Өнімнің қандай түрін және қай уақытта егу керегі жоспарланбайды. Не көп сол өнім арзан болады да, тапшы нәрсе қымбаттайды.</blockquote><blockquote>Меніңше, &nbsp;еліміз бойынша осынша жеміс не көкөніс керек деген нақты есеп жоқ. Ұлттық бағбандық бағдарлама қажет деп ойлаймын. Бізде дала және жылыжай диқандары бар. Оларды өз ерекшелігіне қарай екіге бөліп қарастыру керек. Сондай-ақ әр аймақтың табиғатына орайластырып нақты мына өнімді егу керек деген жоспар берген жөн. Өзіміздің халыққа жетпей жатқанда сыртқа экспорттауды тоқтатса, баға тұрақтылығына да әсер еткен болар еді. Диқандардың тізімі жасалып, ол ашық жарияланса, алған субсидия, лизингтердің де барлығы көрініп тұратындай арнайы базасы болғаны дұрыс. Бұл жариялылық кімнің қалай жұмыс істеп жатқанын көрсетеді.</blockquote><blockquote>Ақша шаруаларға бөлінеді, алайда соңында суға сіңіп, нәтижесі көзге көрінбей қалатыны өкінішті. Ал жылыжай иелері маусымдық емес тауарлармен қамтамасыз ететіндіктен оларда бөлек жоспар жасалу қажет.</blockquote><blockquote>Мысалы біз өнімді Шымкент, Ақтөбе, Қарағандыдан әкелеміз. Бір ғана Шымкенттің базарын алып қарайық. Ташкенттің сатушылары базарға үш фура затпен келеді. Біреуі таусылғанда жаймен екіншісіндегі өнімнің бағасын көтереді, ал үшінші көлікке келгенде өнімнің бағасын бірден шарықтатып жібереді. Оған қанағаттанбай бір сағатқа сатылымды тоқтатып қояды. Сөйтіп, оған тағы қосып қымбатынан өткізеді.</blockquote><blockquote>Мәселен, бір сағат бұрын қызанақты 800-ден сатса, сәлден соң 1000 теңге деп ойына келген бағаны қояды. Ал оған бәсекелесіп жатқан ешкім жоқ. Бірер сағаттан кейін 1200 теңгеден сата бастайды. Мұндайда алыпсатарлар да көп рөл ойнайды. Олар да фураны солайымен алып, екі-үш жерден сата бастайды. Антимонополия мен әкімдік келіп тексеріп жатқанын көрмейсің. Бағаны қолдан көтергенімен қоймай, өнімді арзан сатқысы келмей жарамсыз қылып қояды. Ал жемісті балғын күйінде жұртшылық жеу керек. Бағасы аспандап тұрса оны кім ала береді. Өтімі де баяулайды.</blockquote><blockquote>Екі ортада біз секілді әр өңірді жеміс және көкөніспен қамтып отырғандар зардап шегеді. Олардан 1000 теңгеге алған өнімді екі есе қосып сата алмаймыз. Халықтың қалтасы көтермейді. Тек үстіне белгілі бір пайыз қоямыз. Біз мысалы картоп, жуа, сәбіздің үстінен тіпті пайда көрмейміз десек те болады. Ол тек дүкендегі ассортимент үшін қажет. Кейде жемістерді өз бағасынан төмен сатуымызға тура келеді. Өйткені, ұзақ ұстап тұрып, бетін ғана әдемілеп қораптарға салып береді. Қабылдап алған соң қайтара алмаймыз.</blockquote><blockquote>Мен қаңтар айында 1 миллион теңгенің қиярын бұзып алдым. Екі жүз мың теңгенің лимоны да солай бұзылып, жарамсыз болып қалды. Алыпсатарлар тек қалтасын ойлап, қайтсем көп пайда табамын деп жанталасады. Бәріне топырақ шашпаймын, адал жұмыс істейтіндер де бар. Алайда &nbsp;олардың жұмыс істеуіне мүмкіндік бермейді. Бұл мәселеге жоғарыдан бақылау болу керек, сонда ғана баға тұрақталады, – дейді ол.</blockquote>Расымен кәсіпкер сөзінің жаны бар. Қанағат деген қарапайым қағиданы ұмытқандар өз қалтасын ғана ойлаудан әрі аспайды. Өнімнің қолжетімділігін, оның сапасын тексеріп жатқандар жоқ. Сәуір айының басында елімізге сырттан келген 45 тонна қызанақтан вирус табылғанын баспасөз беттерінен көзіміз шалды. Өнім Сарыағаштағы шекара бекетінде тексерілген. Фитосанитариялық бақылау инспекторлары томат өнімдерінен қызанақ жемісінің қоңыр қатпарлы вирусы мен қызанақтың қола түстес тоспо вирустарын тапқан. Вирустың мұндай қауіпті түрі кейінгі үш жылда Еуропа, Азия мен Америкада тараған. Иран, Өзбекстан, Түркменстан елдерінде де таралғаны анықталған. Ал елімізге келетін өнімдердің көбі осы мемлекеттерден екенін ескерсек, онда көкөністердің сапасы қаншалықты тексеріліп жатыр деген сұрақ туады.Біз бұл орайда облыстық санитариялық-эпидемиологиялық бақылау департаментінің баспасөз хатшысы Айман Жанақаевамен хабарласқан едік. Оның мәліметінше, қазір тексеру жұмыстарына заңды түрде рұқсат жоқ. Осы жылдан бастап техникалық регламенттер талаптарына сәйкестілігін тексеруге сатып алу әзірге тоқтап тұр. Бұл екінші тоқсаннан басталуы мүмкін.Ғаламтор беттерінен алынған мына ақпаратқа назар салыңыз. Ғалымдар күніне 800 грамм жеміс-жидек пен көкөніс жеу адамның өмір жасын ұзартатынын дәлелдеп шықты. Күніне 80 граммнан 10 мәрте көкөніс, жеміс-жидекпен қоректену адам өмірін едәуір ұзартуға ықпалын тигізеді. Лондондағы Imperial college ғалымдарының есебінше, ұсынылған әдіс бойынша тамақтану 7,8 млн-ға жуық мезгілсіз өлімнің алдын алуы мүмкін. Ғалымдар айтқан 80 грамм жеміс небәрі бір дана банан, алмұрт немесе үш қасық бұршақ екен. Бұл – күнделікті тұрмыста қолданылатын және кең тараған жеміс, көкөніс түрлері. Оларды мүмкіндігінше көп жесе, сәйкесінше ағзаға пайдасы да арта бермек. &nbsp;Егер күніне 200 грамм көкөніс пен жеміс жесе жүрек-қан тамырлары ауруларынан болатын өлім деңгейін 13%-ға, қатерлі ісік ауруларына шалдығу деңгейін 4%-ға, мезгілсіз өлім деңгейін 15%-ға азайта алады екен. &nbsp;

Көктемгі өнім: егін шаруашылығы қарқынды

<a href="https://kyzylorda-news.kz/">Kyzylorda-news.kz.</a>&nbsp; Жуырда Арал аудан әкімінің орынбасары Е.Әбішев «Ауыл аманаты» жобасын түсіндіру мақсатында &nbsp;қала, кент және ауылдық округ әкімдерімен онлайн форматта жиын өткізді.&nbsp;Басқосуда сөз алған аудандық ауыл шаруашылығы және жер қатынастары бөлімінің басшысы Ж.Жұбанов аталған жобаның мақсаты &nbsp;ауылдық елді мекендерде және шағын қалаларда бизнес жобаларды іске асыру үшін жеңілдетілген несие беру екендігіне тоқталып, келіп түскен ұсыныстарды толықтыру қажеттігін жеткізді.Сондай-ақ Еркін Жұмаханұлы «Ауыл аманаты» жобасы ауылдық жерлердегі халықтың табысын арттыруды көздейтінін тілге тиек етіп, осы бағытта жобаны тұрғындар арасында кеңінен насихаттауды тапсырды.Еске сала кетейік, бұған дейін жауапты сала мамандары осы бағыттағы жұмысты жандандыру мақсатында Сексеуіл кенті, Аралқұм, Аманөткел ауылдық округтеріне барып, тұрғындармен кездесу өткізген болатын.&nbsp;Аталған кездесулер барысында тұрғындар сала мамандарына &nbsp;көкейтесті сауалдарын қойып жан-жақты ақпарат алған болатын. Осылайша &nbsp;кәсіп ашатын жандар үшін аталған жобаға қатысты нақты ақпараттық түсіндірме жұмыстарын жүргізді.Өңірде «Ауыл аманаты» жобасына биыл 3 млрд теңге қаржы қаралған. Жоба халықтың табысын арттыру, ауыл тұрғындарын аграрлық бизнеске барынша тарту, азық-түлік қауіпсіздігін және азаматтардың өмір сүру сапасын жақсартуға бағытталған. Толығырақ түсіндіріп өтетін болсақ, микрокредиттер ауылдық елді мекендерде және шағын қалаларда жүзеге асырылатын жобаларға беріледі. Яғни, облыс бойынша Қызылорда қаласынан басқа елді мекендердің барлығынан азаматтар өтінім бере алады.Бұл ретте өңдеу саласына қатысты жылыжайлар, сүт, ет өндірісі, құс және балық шаруашылығы секілді жобалар, өсімдік шаруашылығын, мал шаруашылығын дамыту, ауыл шаруашылығы кооперативтерін жабдықтау және басқа бағыттағы бизнес жобаларды қаржыландыру көзделіп отыр.Шағын несие алу үшін өтінім беруші жеке кәсіпкер болып тіркелуі керек. Сондай-ақ, кепілмен қамтамасыз етудің, салық органдарында тіркеудің болуы, басқа несиелер бойынша мерзімі өткен жарнаның, мемлекеттік кірістер органдарында берешектің болмауы талап етіледі. Бұдан бөлек, несие алушы зейнеткерлік жастан аспауы тиіс.Несие алушыда ауыл шаруашылығын жүргізу үшін жер телімі, қора және басқа да қажетті жағдайлардың болуы, ауыл шаруашылық өндірістік кооперативіне мүшелікке кіру және жоба аясындағы өндірген өнімін өндірістік кооперативке өткізу талап етіледі. Тағы бір айта кетерлігі, «Ауыл аманаты» аясында несие алған азаматтарға негізгі борыш пен сыйақыны өтеу бойынша 1,5-2 жыл жеңілдік кезеңі де қарастырылған.Енді несие алудың шарттарына тоқталар болсақ. Микрокредит мерзімі – 5 жыл, мал шаруашылығы саласындағы жобалар үшін 7 жылға дейін беріледі. Ал ең жоғары сомасы 2,5 мың АЕК немесе 8,6 млн теңге. Зәкірлік кооперацияны дамыту үшін 8 мың АЕК немесе 27,6 млн теңгеге дейін. Сыйақы мөлшерлемесі жылдық 2,5%-дан аспайды. Айта кетсек, бағдарлама әкімшісі – облыстық ауыл шаруашылығы және жер қатынастары басқармасы.Халықтың тұрмыс сапасын көтеруге бағытталған осындай тиімді бағдарламаларды халық арасында түсіндіру жұмыстарын жандандыру керектігін айтқан аудан әкімінің орынбасары Е.Әбішев жиынға қатысқан ауыл әкімдері мен жауапты сала басшыларына бірқатар тапсырмалар жүктеп, алға нақты міндеттер қойды.

Аралда «Ауыл аманаты» жобасын түсіндіру жұмыстары басталды

<a href="https://kyzylorda-news.kz/">Kyzylorda-news.kz.</a> Түлектер үшін ғана емес, ата-аналар мен мұғалімдер қауымы үшін жауапты әрі маңызды мезеттің бірі – ұлттық бірыңғай тестілеу. Иә, мектеп қабырғасында алған 11 жылдық білімін сынға салатын сынақтың да ауылы алыс емес. Сол себепті мектеп ұстаздары мен түлектер ҰБТ-ға қызу дайындық үстінде. Биылғы ҰБТ қалай өтеді? Тест форматында жаңашылдықтар бар ма? Тестілеуге барған талапкерлердің қауіпсіздігіне кімдер жауапты? Осы тағылеттес сауалдарға жауап іздеп көрдік.Биыл облыста 8048 оқушыға соңғы қоңырау соғылады. Соның 7044-і Ұлттық бірыңғай тестті тапсыруға ниетті. Еліміз бойынша 10 қаңтарда ақылы тестілеу басталған болатын. Осы уақыт ішінде ауданнан 201 талапкер бағын сынап үлгерген. Ең жоғары балл – 115 болса, ең төменгісі – 43 балл. Комиссия мүшелеренің айтуынша, тіркелу кезінде түлектер тест тапсыратын күн мен уақытты өздері таңдайды. 10 қаңтарда басталған ақылы сынақ 10 ақпанға дейін жалғасын табады. Тестілеу кезінде калькулятор, Менделеев кестелері компьютер экранында қолжетімді. Айта кеткен жөн, 2023 жылғы ҰБТ өзгеріссіз қалды.Әдеттегінше, талапкерлерге 120 сұрақ беріледі. ҰБТ-дағы бір жаңалық, Қазақстан тарихы пәні бойынша сұрақтар саны 15-тен 20-ға дейін көбейді. Ал оқу сауатталығы бойынша тапсырмалар 20-дан 15-ке қысқарды. Сонымен қатар математикалық сауаттылықтан – 15 және екі бейімдік пән бойынша 35 тапсырманы орындайды. Ең жоғарғы балл – 140. Тестілеудің жалпы уақыты 4 сағатқа созылады. Сондай-ақ ерекше білім беру қажеттіліктері бар балалар үшін қосымша 40 минуттық уақыт сақталады. Тестілеу кезінде талапкерлерге өздерімен қалам, су, шоколад алып келуге рұқсат етіледі.Иә, бақ пен баптың бәсекеге түсер сәті таяп келеді. Сондықтан дайындықты күшейте түспесек болмас. Ол үшін облыс бойынша көрсеткіші көш ілгері тұрған аудандармен тәжірибе алмасуды да қолға алуға болады.Білімді мыңды жығатыны белгілі. Осы орайда мектеп түлектерінің дайындығын өз ауыздарынан естігенді жөн көрдік. №159 Еңбекші орта мектебінің 11-сынып оқушысы Біржан Бектөреұлы: «Ұлттық бірыңғай тестілеуге ұстаздарымыз бен психолог мамандар күнделікті үздіксіз даярлауда. Әр сабақты толық түсіндіріп, сұрақ қою арқылы есте сақтау қабілетімізді де арттыруға жұмыстар істейміз. Түстен кейінгі уақытта таңдау пәні бойынша күнделікті дайындыққа келіп, білімімізді толықтыра түсудеміз. Мен дене шынықтыру пәнінің мұғалімі болғым келеді. Ол үшін шығармашылық бағытты таңдап, тест тапсырамын. Бұйырса, жоғарғы балға қол жеткізіп, грант иегері болуға ниеттімін, – дейді. Ендеше талабы оң болғай!ТҮЙІН: Қоян жылындағы ҰБТ қалай болатыны келер күннің еншісінде. Биыл ауданда 11-сыныпты 961 бала аяқтайды. Олардың 846-сы сынақты тапсыруға өтініш берген. Бұлардың бірі тестілеуден жоғары ұпай жинаса, ал енді бірі өте алмай жатады. ҰБТ – түлек үшін жауапты әрі маңызды, жарқын болашаққа сенімді қадам басуға мүмкіндік ашатын тұтқаның бірі. Жас түлектерге сәттілік!

Тест форматында жаңашылдықтар бар ма?

<a href="https://kyzylorda-news.kz/">Kyzylorda-news.kz.</a> Биыл Қызылорда қаласына қарасты елді мекендерде ауқымды жобалар жүзеге асуда.&nbsp;Соның бірі, Қосшыңырау ауылдық округінде атқарылатын ауқымды іс – Абай және Досан елді мекендерін газдандыру жобасы. Оған республикалық бюджеттен 663,0 млн теңге қаржы қаралып, бүгінде құрылыс жұмыстары басталып кетті. Құрылыс жұмыстарын жүргізуші «Ремстрой» мердігер мекемесімен 40,6 шақырым газ құбырының құрылыс монтаждау жұмыстары жүргізіледі және осы жұмыстардың аясында 592 тұрғын үй көгілдір отынмен қамтылатын болады.Бұдан бөлек, республикалық бюджеттен бөлінген 56,5 млн теңге қаржыға «Ауыл – ел бесігі» бағдарламасы аясында Досан ауылындағы 5 көшеге орташа жол жөндеу жұмыстары жүргізіледі. Қазіргі таңда, «Әлем Қызмет Груп» мердігер мекемесі №17, 15, 4а көшелеріне асфальт төсеу жұмыстарын бастап кетті.Сонымен қатар, 3,8 млн теңге қаржыға Досан ауылындағы №1 көшеге түнгі жарық бағаналары орнатылса, «Энергия Нұр» ЖШС мекемесімен Абай ауылындағы саябаққа ағымдағы жөндеу жұмыстары жүргізілуде.Жер көлемі ұлғайып, тұрғындар саны өскен сайын атқарылар жұмыстар да көбейері сөзсіз. Бір анығы, қала тіршілігі ырғағынан жаңылмай, жоспарланған жұмыстар жүзеге асырылуда.&nbsp;&nbsp;

Қызылорда қаласына қарасты елді мекендерде құрылыс жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Биыл облыс бойынша 195,6 мың гектар жерге ауыл шаруашылығы дақылдарын егу межеленіп отыр. Ал негізгі дақыл – күрiштің көлемі 83,9 мың гектарды құрайды. Былтырғымен салыстырғанда егіс көлемі 7 мың, күріш 5,3 мың, малазықтық дақылдар 2,3 мың және картоп, көкөніс, бақша көлемін 222 гектарға ұлғайту жоспарланған. Вегетация кезеңінде cу лимиті белгіленгеннен соң бұл көрсеткіш қайта нақтыланбақ. Аймақта күріш егу сәуір айының үшінші онкүндігінде басталады. Қазір көктемгі дала жұмыстары қызу жүруде.Қазалы ауданы биыл 17612 гектарға түрлі ауыл шаруашылығы дақылдарын егуді жоспарлаған. Оның ішінде негізгі дақыл – Сыр салысы 7 мың гектарға жуықтайды. Сондай-ақ дәнді дақылдардан бидай, арпа, тары, майлы дақылдардан күнбағыс пен мақсары бар. Ал 2250 гектар жерге картоп, көкөніс және бақша өнімдері егіледі. Бұның ішінде ең көлемдісі – 8 мың гектар жерге егілетін мал азықтық дақыл, яғни, жоңышқа екені түсінікті. Қосымша сүрлемдік жүгері егу де шаруалардың жоспарында тұр.Аудандағы ауыл шаруашылығы тауарөндірушілері қажетті тұқыммен қамтамасыз етілген. Сондай-ақ шаруашылықтар тұқым сорттарын жаңарту үшін 967 тонна күріш пен 5 тонна жоңышқа және 15 тонна жүгері тұқымын алу үшін келісім-шартқа отырыпты.<blockquote>Аудан аумағында көктемгі егіс жұмыстары басталды. Қажетті жерді тазалау, жырту, тұқым себу, ылғал жабу, суару сынды тіршіліктер жүріп жатыр. Өткен егін жинау науқанында аудандағы шаруашылықтар өздеріне қажетті тұқымды дайындап қойған.&nbsp; Сондай-ақ шаруашылықтардан жиналған мәлімет бойынша биыл бізге 3766 тонна тыңайтқыш пен 4116 литр гербицид қажет. Қазір 2403 тонна тыңайтқыш, мың литрден астам гербицид жеткізілді. Қалғанын келісім-шарт негізінде жеткізушілер өз уақытында әкелуі тиіс. Сонымен қатар, егін егу, оны күтіп-баптау, жинау жұмыстарында шаруашылықтарда тракторлар мен өзге техника, жүк көліктері дайын. Барлығы да жөндеуден өткен. Қазір дала жұмыстарына 300-ге жуық техника жұмылдырылды. Ал ең қажетті нәрсе ол – жанар-жағармай. Мемлекет тарапынан жеңілдікпен 979 тонна дизель отыны бөлінген болатын. Қазір 346 тоннасы ауданға жеткізілді, – дейді аудандық ауыл шаруашылығы және жер қатынастары бөлімінің басшысы Еркін Сейітов.</blockquote>Былтыр Қазалыдағы шаруашылықтар өз техникаларын пайдалана отырып, 52 шақырым су жүйесін тазартты. Ал биыл «ҚазСушар» мекемесі аудандағы «Сақыбай», «Құмаша» және «Жайқонақ» каналдарын қайта аршуда. Сонымен қатар, мұндағы шаруашылықтар су жолдарын қамыстан тазалаған.Айта кетейік, ауданда 4694 гектар ескі жоңышқа толық тырмаланып, суарылған. Межеленген 2717 гектар жаңа жоңышқаның 2500 гектардан астамы егілді. Бұдан бөлек, 281 гектар жаздық бидай және 130 гектар арпа тұқымы себілуде.Облыста жылдағыдай азық-түлік қауіпсіздігін қамтамасыз ету үшін жергілікті тұрғындардың бақша егуіне жағдай жасалған. Бүгінде Қызылорда қаласы мен аудандар бойынша 6485 адамға берілетін жер нақтыланыпты. Егін егуге ынталы азаматтардың тізімі жасалып, бақша суаруға қажетті насос қондырғыларын қою, тұқым алу және жерді қоршау жұмыстары жүргізілуде.&nbsp;

Облыс бойынша 195,6 мың гектар жерге ауыл шаруашылығы дақылдары егіледі

<a href="https://kyzylorda-news.kz/">Kyzylorda-news.kz.</a>&nbsp; Бүгінде мемлекет тарапынан жастардың білім алуына барлық жағдай жасалған. Тіпті шетелде оқып, тәжірбие жинақтауына да жол ашық. Бұл да Тәуелсіздіктің жемісі. Елімізде «Болашақ» бағдарламасы жүзеге асырыла бастаған шақтан бері қаншама білімді жастар мұхит асып, әлемнің түкпір-түкпірінде білімдерін шыңдады. Кейін елге оралып, мемлекет дамуына үлестерін қосуда. Шетелде оқу бақыты бұйырған жанның бірі жерлесіміз Дәурен Жүсіпов. Ол АҚШ-тың Массачусетс штаты, Бостон қаласында оқып жатыр.Дәурен Әлиұлы Арал қаласында қарапайым отбасында дүниеге келген. Ата-анасының тұңғышы. Әкесі Әли Жүсіпов пен анам Куляйша Үсенқызы &nbsp;кеңес &nbsp;одағы ыдырағанға дейін Аралдағы балық өңдеу зауытында қызмет атқарған. Ал қазір анасы – сауда-саттық саласында, әкесі қала ішінде такси қызметін кәсіп етіп жүрген еңбекқор жандар. Дәуреннің қос қарындасы Ақтоты мен Ақтолқын &nbsp;медицина саласында қызмет жасайды.<blockquote>&nbsp;Ата-анам біздің білім алып, жақсы жұмыс жасағанымызды қалады. Сол үшін бар күштерін салды. Отбасында бойымызға жақсы тәрбие сіңіре білдік. Соның арқасында жетістіктерге жеттік. Осының бәрі ата-анамның адал еңбек етіп, адал ас ішкізіп, ешкімнің көңіліне кір шалдырмай өсіргендігінің арқасы деп ойлаймын. Қазір өзім де отбасын құрып екі қыз тәрбиелеп отырғандықтан, ата-анамның қабірін жіті түсіне бастағандаймын, – дейді Дәурен.</blockquote>Алғаш рет 1998 жылы Н.К.Крупская атындағы №14 орта мектептің табалдырығын аттаған Дәурен кейін &nbsp;№260 мектепке ауысып, сол мектепті «Алтын белгімен» бітіріп шығады. Мектеп қабырғасында жүргенде &nbsp;физика пәніне деген қызығушылығы жоғары болады. Физика пәні бойынша өткен түрлі білім жарыстарға қатысып, республикалық олимпиададан ІІІ орын алғаны бар. Дәурен спорттан да осал емес. Соның ішінде жеңіл атлетика және баскетболмен шұғылданады. Жыл сайын 9 мамыр күні болатын Шульга атындағы эстафетадан жүлделі І орынды бермей келеді. Ал &nbsp;баскетболдан &nbsp;аудандық құраманың мүшесі. Жан-жақты жігіт мектеп бітірген соң қаржыгер болуды армандайды.<blockquote>&nbsp;Арманым инвестиция саласын бағындыру болатын. Маған акция, облигация сияқты құнды қағаздардың қыр-сырын меңгеру мақсат болды. Сондықтан мектеп бітірген соң бағымды сынап Қаржы мамандығы бойынша университетке құжат тапсырдым. Сәтін салып Л.Н.Гумилев атындағы Еуразия Ұлттық Университетіне «Қаржы» мамандығына мемлекеттік грант негізінде оқуға түстім. Оқумен қатар университеттің қоғамдық өміріне де араластым, 2010 жылы Астана (Қазіргі Нұр-Сұлтан) қаласында болған ЕҚЫҰ саммитін ұйымдастыруға белсене қатысқаным үшін, сол кездегі ҚР Президенті Н.Ә.Назарбаевтың алғыс хатымен марапатталдым,- дейді ол.</blockquote>Университет қабырғасында жүргенде Дәуреннің өз білімін шетелде жалғастыруға деген қызығушылығы пайда болады. &nbsp;Осылайша ол сабақтан тыс уақытта өздігімнен ағылшын тілінің курстанына қатыса бастайды. 2013 жылы университеттің &nbsp;қызыл дипломын қолға алған ол бірден &nbsp;университет бітіруші түлек санаты бойынша «Болашақ» бағдарламасына тапсырады. Бірақ ол кезде түсініксіз жағдайлардың салдарынан соңғы әңгімелесу сатысынан өте алмаған. Сондықтан ендігі кезекте, тәжірибе жинақтап барып қайта тапсыру қажет деп шешеді.<blockquote>&nbsp;Астанадан туған жерге оралдым. Көптеген жерлерге түйіндеме тастадым. Алғашқы кезде кейбір мекемелерде тегін есепшінің көмекшісі болып қызмет жасап жүрдім. Кейіннен Арал аудандық мәслихатына бас маман есепші ретінде жұмысқа қабылданып, мемлекеттік қызметші ретінде іскерлік жолымды бастадым. 2018 жылдың сәуір айында Арал ауданы әкімі аппаратының бас есепшісі болдым. Жұмыста табысқа жетсем де, шетелге магистратураға түсу деген арманым әлі жоғалмаған болатын. Сондықтан сол жылы «Болашақ» бағдарламасына магистратура бағдарламасы бойынша АҚШ-та оқу үшін қайта құжат тапсырдым. Оқуға қабылданғандардың тізімде өзімнің аты-жөнімді көргенде қуанышымда шек болмады. Одан соң керекті құжаттарымды дайындап, АҚШ-тың Калифорния штаты, Лос-Анджелес қаласына тілдік курсқа аттандым. Себебі, «Болашақ» стипендиясының иегері болу бір бөлек, университетке түсу бір бөлек. Оған қажетті тілдік деңгей керек. Америка немесе Ұлыбритания сияқты ағылшын тілді елдерге жоғары оқу орнына түсу үшін міндетті түрде IELTS немесе TOEFL сияқты емтихандар тапсыру керек. Сондықтан дайындықты бастап кеттім, – деп Дәурен шетелдеге алғашқы оқу жайлы айтып берді.</blockquote>Бала кезде фильмдердан көріп өскен Лос-Анджелестегі Голливудқа бару кім кімің де арманы. Дәурен де дәл осылай армандаған. Тынық мұхитының жағалауында жүрудің рахатын сезініп, &nbsp;көршілес штаттарды аралап, Лас Вегас қаласынада болады. Дегенмен туған жерге деген сағыныш елге қайта әкелді. Лос-Анджелестен тілдік курсты бітіріп келген соң университеттерге тапсыра бастайды. Дәуренге АҚШ-тың алдыңғы қатарлы 5 университетінен шақырту келеді.<blockquote>Таңдауым әйгілі Бостон Университетіне түсті. Оқуды енді бастаймын &nbsp;деп жүргенде пандемия басталды. Сондықтан оқуды 1 жылға шегеріп, аудандық әкімдікте жұмысымды жалғастырдым. Жұмыс барысында өте жақсы жетістікке жетіп, аудан әкімі аппаратының цифрлық технологиялар және мемлекеттік қызметтердің мониторингі бөлімінің басшысы қызметіне тағайындалдым. Елдегі ахуал тұрақталған соң АҚШ-қа оқуға аттандым. Қазір Бостон қаласына жанұяммен көшіп келгенімен 2 жыл қаржылық менеджмент мамандығы бойынша оқуды бітіретін күн де жақын қалды. Алла сәтін салып бәрі ойлағыдай болса, елге оралып, қызмет атқаруға ниеттімін, - деді Дәурен.</blockquote>Әлемді аралау – кім-кімнің де арманы. Дәурен секілді білімін шыңдау жолында талмай еңбектеніп, ақырында ойға алған мақсатына жеткен қарапайым аралдық бала осындай арман арқалаған жастарға үлгі болса дейміз. Ол білім жолында ерінбей еңбектенді, қызыметте тәжірбие жинақтап, біліктілігін ұштады. Осылайша көптің ішінен дараланып Әлемнің әйгілі оқу орынында білім алуға мүмкіндік алды. Біз Дәуренмен мақтанамыз.

Мұхит асқан Арал баласы

<a href="https://kyzylorda-news.kz/">Kyzylorda-news.kz.</a> Бүгінде жасөспірімдердің тәртібін қадағалау мен құқығын қорғау өзекті болып тұр. Қазіргі кезде жасөспірімдердің балаң ғұмырына балта сілтеп, тағдырын тауқыметке байлап жатқан оқиғалар жиі орын алуда. Қоғамда бір жағынан кәмелетке толмағандардың құқық бұзушылық жағдайы алаңдатса, екінші жағынан олардың құқығының тиісті деңгейде қорғалуы да үлкен мәселе.Қазалыда беймезгіл жүрген жасөспірімдер қатаң бақылауда. Осы күндері аудан көшелеріндегі түнгі мезгілдегі жағдай біршама ретке келтірілуде. Білім беру ұйымдарының қызметкерлері мен жергілікті атқарушы орган мамандарының бірлесе атқарып жүрген рейдтік шаралары оң нәтиже көрсетіп отыр. Десек те, ата-аналар тарапынан жасөспірім балаларды беймезгіл уақытта бақылауда ұстау жайы көңіл көншітпейтіні рас. Әсіресе, түннің бір уағында балалардың ойын-сауық орталықтарынан жиі байқалуы рейд өкілдерін алаңдатып отыр. Себебі, топтасып немесе жеке жүрген жеткіншектер беймезгіл уақытта келеңсіз жағдайға душар болуы ғажап емес.Қазалы ауданы әкімі Мұхтар Оразбаевтың тапсырмасымен біраз күн бұрын тексеру топтары құрылғаны белгілі. Мұны аудан әкімінің кеңесшісі Бақытжан Дүзелбайұлы бастап, жұмысшы топ түнгі рейдке шығуды әлі де, жалғастырып келеді. Сондай-ақ, мектеп қызметкерлерінен құралған ондаған топ аудандық мәслихат депуттары мен әкімдік қызметкерлерімен бірге, жасөспірімдер көп шоғырланатын нысандарға аялдады. Жасөспірімдер жиі бас сұғатын орталық стадион, спорт алаңдары, тойханалар мен мейрамханаларға және ойын-сауық орталықтары, компьютер, бильярд клубтарындағы жағдайды, оқушылардың сенімді өкілінсіз жүрмеуін қадағалауда.Құрамында полицей, халық қалаулылары мен жергілікті жұмыспен қамту орталығының қызметкерлері кіріктірілген қауымның атқарған ісі мен оның нәтижесі жайында аудандық білім бөлімінің басшысы Әділхан Жөлекешов айтып берді.<blockquote>«Күнделікті рейд ұйымдастыру көптеген күрмелі мәселенің орын алмауына септесіп отыр деп ойлаймын. Әсіресе, сенбі, жексенбі күндері жасөспірімдердің түнгі мезгілде көше кезуі көбейетіні рас. Осыған орай, аудан орталығындағы мектеп басшылары 4 топқа бөлініп, клубтар мен ойын-сауық орталықтарындағы жағдайды бақылап жүр. Олар ата-анасынсыз жүргендерді анықтап, үйлеріне жеткізіп, ескерту жасайды. Айта кету керек, рейд басталған уақыт пен қазіргі бақылауды сарапқа салсақ, түнгі көшедегі бейберекетсіз жүріс біршама азайды. Ата-аналар мұның бала қауіпсіздігі үшін жасалып жатқан шаруа екенін түсініп, ортақ іске атсалысуы керек», – дейді Қазалы аудандық білім бөлімінің басшысы Әділхан Оңдасынұлы.</blockquote>Еске сала кетейік, жергілікті атқарушы және құзырлы орган өкілдері көшедегі тәртіпке тексерісті күнделікті жүргізеді. Заңда беймезгіл уақытта кәмелет жасқа толмаған балалардың сенімді өкілінсіз жүруі анықталған жағдайда ата-анасына әкімшілік айыппұл толтырылатыны көрсетілген.

Қазалы: Күнделікті рейд күрмеулі мәселенің алдын алуда

<a href="https://kyzylorda-news.kz/">Kyzylorda-news.kz.</a> Сырдария аудандық төтенше жағдайлар бөлімінің сала мамандары брифинг өткізіп, әрбір тоқсан сайын атқарылып жатқан жұмысты саралады. Бұл жолы да сала мамандары өрт және басқа да төтенше жағдайлардың алдын алу бойынша БАҚ өкілдерінің сауалдарына жауап берген болатын.Аудандық мекемелер үйінде орналасқан баспасөз орталығында жүзеге асқан брифингте аудандық төтенше жағдайлар бөлімінің инженері Е.Оспан және Сырдария орман және жануарлар дүниесін қорғау жөніндегі мемлекеттік мекемесінің қызметкері Т.Сатбаев өрт қауіпсіздігіне байланысты межеленген жұмыстарды баяндады. Жалпы, жылдың кез келген маусымында өрт қауіпсіздігін болдырмау сала мамандарының тікелей міндеті саналатыны сөзсіз. Жоспарға сәйкес, аудан тұрғындарына өрт қауіпсіздігі жөнінде молмағлұмат беріліп отырады. Табиғаттың тосын әрекетіне жанжақты дайын болу үшін бөлім тарапынан тиісті іс-шаралар жүргізіліп келеді.<blockquote>Шын мәнінде, аудандық төтенше жағдайлар бөлімінің қызметтік бағыты сан тарапқа бө¬лінеді. Оның ішінде, тілсіз жаумен күресуді алдыңғы орынға қоямыз. Жергілікті халыққа орасан шығын әкелмес үшін өрттің шығуына жол бермеуіміз керек. Сала мамандары жергілікті тұрғындарға жадыма таратып, сақтық іс-шарасын қатаң ұстануды ескертеді. Өз кезегінде орман және тоғай өртінен көпшілік зардап шекпеуі мақсатында Сырдария орман және жануарлар дүниесін қорғау жөніндегі мемлекеттік мекемесінің мамандарымен бірлесіп жұмыс жасап келеміз, – деді аудандық төтенше жағдайлар бөлімінің инженері Е.Оспан.</blockquote>Айта кетейік, 2023 жылдың 3 айында аудан бойынша 7 өрт оқиғасы тіркелген. Ауа-райының қолайсыздығы салдарынан өрт оқиғаларпы жиілеп, тұрғындардың орасан шығынға батыруда. Сала мамандары дер кезінде шара қабылдап, тиісті жұмысты жүргізуде.Тілсіз жаудың алдын алу іс-шаралары қабылданады. &nbsp; &nbsp;

Сырдария: Жыл басынан бері 7 өрт оқиғасы тіркелген

<a href="https://kyzylorda-news.kz/">Kyzylorda-news.kz.</a> Қазір көлік тізгіндеген кез келген жүргізуші астындағы темір тұлпарының сәнді әрі өзгелерден ерекше болғанын қалайды. Әсіресе жастар шетелдік дизайнды көп үлгі етуде. Мәселен, көліктің сыртқы шанағын қалаған түсіне бояп, соған сәйкес көрік беретін дөңгелек салып, безендіреді. Одан бөлек ішкі салонын әртүрлі аксессуармен жабдықтап, отырған адам өзін жайлы сезіну үшін жағдай жасайды. Үлкен қалаларда көліктерге осы айтқан қызметтерді көрсететін арнайы орталық сервистер әлдеқашан дамыса, уақыттың көшіне қарай аудандарда да ашылып, жұмыс істеуде. Соның бірі – Төретам кентіндегі DarAuto DETAILING автокөлікке қызмет көрсету сервисі.Сырт көзге алыстан менмұндалаған Дархан Сәрсенбайұлының дара кәсібі осыдан жыл бұрын ауқымы кеңейіп, тұтынушыларға сапалы жұмысын бастапты. 2016 жылы кәсібін тек автокөлікке аксессуар сататын дүкеннен бастаған ол, кейін өз қаражатын жинап үлкен қызмет орталығына айналдырған. Енді кенттегі көлік жүргізушілер алысқа бармай-ақ, осында көлігіне қажетті қызмет түрлерін ала алады. Мәселен, көліктің терезесіне күн сәулесінен қорғайтын кленка жабыстыру, ішкі салонын химиялық тазалау, дабыл қаққыш орнату, көліктің жарық шамын тазалау, аяқтың астына EVA төсеніш тігу секілді қызмет түрлері ұсынылуда.<blockquote>«Орталықта 6 қызметкер бар. Әрқайсысы өзіне бекітілген жұмысын істейді. Бокстың сыйымдылығы әзірге 3 көлікке дейін қабылдай алады. Алдағы уақытта ішін кеңейтпек ниетім бар. Тіпті құрылысын бастап та кеттік. Бұйырса мұнда қызмет түрлері көбейетін болады. Үлкен қалаларда көлігіңді көрсетуге немесе ішін тазалатуға апарсаң қызметкерлеріне сенімді тапсыра аласың. Жүргізушіге барлық жағдай жасалынған, арнайы күту залында демалып, мәшинеңді тосасың. Осыдан кейін маған да неге өз ауылымнан осындай орталық ашпасқа деген ой келді. Сөйтіп қаражат жинап, дүкеніме қосымша ретінде қызмет түрлерін толықтырдым. Қазір мұндағы барлық жұмыс мен ойлағандай жүріп жатыр. Тұтынушыларға сапалы қызмет көрсетілуде», дейді кәсіпкер.</blockquote>Дарханның кәсібімен танысу үшін ғимарат ішін толық аралап шықтық. Алдымен дүкеніне бас сұғып, заманауи үлгідегі аксессуар заттарға көз жүгірттік. Расымен сіз іздеген керектінің бәрі бар. Одан кейін әлгі сөз еткен аяқтың астына EVA төсеніш тігетін бөлмеге жылжыдық. Көлігіңіздің маркасына қарай тапсырыс берген төсеніштер осында өлшеніп пішіліп, тігіледі. Тек шикі, заты сырттан келеді демесеңіз, өндіріс өзіміздің жерден шығады.<blockquote>«EVA төсеніш – қазір трендтегі сәнді төсеніштердің бірі. Себебі аяқ киімнің табанынан түскен топырақ жан-жағына шашырамай арнайы тесіктерге жиналады. Қазір жастардың көбі түр түсін таңдап, осыған тапсырыс береді. Біз оны өлшеп алғаннан кейін бір күнде дайындап береміз. Бағасы қолжетімді. Бастапқыда барлық тапсырысты жинап, басқа қалада жасатып отырдық. Кейін арнайы тігін мәшинесін алып өзімізде тіге бастадық. Шикізатты Ақтөбе, Орал қаласынан алдыртамыз. Алдағы уақытта көліктің орындығына қап тігетін, одан бөлек басқа да керекті құрылғылар алу жоспарда бар», &nbsp;дейді ол.</blockquote>Қазақта «Қимылдаған қыр асады» деген. Кейіпкеріміз де тынымсыз тіршіліктің арқасында осындай үлкен жетістікке жетіп отырған мықты кәсіпкер. «Алма піс, аузыма түс» деп жата бергеннен ешқандай істің алға баспайтынын сіз бен біз де жақсы білеміз. Сол үшін ерінбей еңбек етейік.

Қазақстан және Қызылорда облысының жаңалықтары

Сырдарияда «Ауыл – ел бесігі» жобасы арқылы жолдар жөнделеді