<a href="https://kyzylorda-news.kz/">Kyzylorda-news.kz.</a> «Отан отбасынан басталады» деген сөзді жиі айтамыз. Отанымыздың ішкі бүтіндігін, береке-бірлігін ойлағаннан шығар. Негізі татулық пен мейірімділіктен қаланған отбасы ұрпағының жаны да, тәні де сау болып өсетінін жақсы білеміз. Өкінішке қарай, есепсіз есінемейтін мына нарық заманында есеп-қисап үйлену мәселесіне де келіп жеткен сияқты. Иә, алғашқыда неке шарты дегенді естігенде шалқамыздан түсе жаздаған едік, қазір оған да құлағымыз үйрене бастағандай.Дәстүрлі қазақ қоғамында барлығы ғашық болып үйленген десек, әрине, өтірік болар еді. «Қатын алма, қайын ал», «Шешесін көріп қызын ал», «Теңін тапса тегін бер» деген сияқты ескертпелер бізге жеткен бабаларымыздың есеп-қисабы емес деп қалай айта аламыз? Осылай ескерте келе «Азамат екеніңді біліп өлген ажал тәтті, ақ некеден туған бала тәтті» дейді. Енді қараңыз, «Мен саған осындай-осындай жағдай жасаймын, сен маған пәлен бала туып бересің» деп үйленетіндер бар. Сонда бұл ақ, адал некеге жата ма? Есеп-қисаптан туған бала тәтті бола ма? Мейірімі аз, жүрегі мұз, бүйрегі без болып өспесіне кім кепіл?&nbsp;Некеге байланысты ұрпақтан ұрпаққа жалғасып келе жатқан шарттың бірі – текті жермен құда болу. Балпық би бабамыз: «Көріп, бетті қыз алғанша, көрмей текті қыз алған артық» деген екен. Өйткені ұрпағының дұрыс болуы алған жарына тікелей байланыс¬ты екенін білген. Өкінішке қарай, бүгінде текті деген ұғымды бай деген бақай есепке ауыстырып алдық. Бар жермен, бай елмен құда болсақ деп армандап жүргендер көп. Ата-анасы осылай тәрбиелеген балаға саған неке шарты не үшін керек деп түсіндіре алмайсың. Себебі рухани байлықтан қадір кеткелі қашан.&nbsp;Осы жерде дінге де бір дендеп көрейікші. Қасиетті Құранда («Нұр» сүресі 32-33-ші аят): «Араларыңдағы бойдақ құлдарыңмен күңдеріңді үйлендіріңдер. Олар кедей болса, Алла тағала өз жомарттығымен байытады», – деп Жаратушы уәде беріпті. Қарап тұрсаңыз, байлар ғана үйленсін демеген. Кім маған арқа сүйеп үйленсе, байытып аламын дейді. Олай болса, отбасын құрғандағы келісімшартыңыз сіздің жағдайыңызды жақсарта ала ма? Екінші қыры, сіздің келісімшартыңыз дүние байлығына ғана бағытталған. Ал Алланың айтып отырғаны рухани байлық. Адам баласы дүние жоқшылығына рухани кедейліктен кейін барып ұрынады. Шаттанып емес, шот қағып жүріп шаңырақ көтеру, кеңесіп емес, келісімшартпен кереге керу – рухани кедейліктің жемісі.&nbsp;Жалпы, қазақ халқының ешкімге еліктемей-ақ қыз ұзатып, ұлын үйлендіруде ежелден қалыптасқан жақсы дәстүрі бар. Шартпен үйлену деген мына өтпелі кезеңде өмір сүріп жатқан қазақ халқының басына түскен тағы бір сынағы болар. Римнің атақты ойшылы Сенека Луций: «Біздің жанымызды қинаған қиянаттан емделуге болады, жалғыз-ақ біз емделуді қаласақ, түзелуге бет алсақ» дейді. Жақсы дәстүрлерімізді тәрк етіп, ұлттық ділімізге жат өзгенің салтын тықпалағандарға тәйт деп түзелуге бет алсақ, есеппен шаңырақ көтеретіндерді де тыярмыз. Ал өтірік ажырасатындарды қайтпекпіз?Ебін тауып екі асап жүргендер аз емесШыны керек, осы мәселе өтірік ажырасқан отбасылармен бірнеше рет бетпе-бет кездес¬кеннен кейін жиі мазалай бастады.Әнеукүні Астанаға жолым түсіп, көптен бері көрмеген құрбыларыммен басқостым. Сол отырыста екі бөлмелі үйі бар құрбым: «Сендерге бір таптырмас ақыл айтайын ба?» деді. «Ол не, айтшы?!» деп жан-жақтан білуге асықтық. «Біз тұратын үйде біраз отбасының әйелі күйеуімен қағаз жүзінде ажырасып, аз уақыттың ішінде үй алды. Үш-төрт балаң болса жалғыз басты ана ретінде кезек тезірек жылжиды екен. Кейін «жаздым, жаңылдым, біз балалар үшін қайта қосылдық» деп қосылуға болатын көрінеді..» деді. Әңгімесін аяқтаған ол іле-шала «Сендер де сөйтіп үй алып алмайсыңдар ма?» деп қарады сұраулы жүзбен. Сол «таптырмас ақылды» тыңдап отырған құрбым екеуміз бір-бірімізге «Не істейміз?» дегендей бір сәтке арам ой қылаң беріп, аңтарылып қалдық.&nbsp;Екінші отбасының өтіріктері банкте келісімшарт жасасу кезінде белгілі болды. Жылжымайтын мүлікті «әйелімнің атына» жаздырамын деген жігіт «біз, негізі, заңды түрде ажырасып кеткенбіз», деп отбасылық өмірлерінің бар құпиясын жайып салды. Бірақ бұл тұста да өтірік ажырасқандардың ұпайы түгел болып шықты. Әсіресе, олардың кәмелеттік жасқа толмаған баласы бар ажырасқан әйелге мемлекет тарапынан қандай жеңілдіктер қарастырылғанын жан-жақты «зерттеп» алғаны көрініп тұр. Әңгіме арасында тіпті бізге «босқа ақша төлеп шығындалғанша, керісінше үкіметтен алатынымызды жұмсап, осылай өмір сүрген әлдеқайда тиімді емес пе?!» деп, біраз «ақыл-кеңесін» де айтып тастады.Осыдан кейін отау тікпей жатып, оңай ажырасатын ұрпақ көбейіп кетті деп босқа даурығып жүрген жоқпыз ба деген ой келді. Себебі бір-бірінің қадірін білмегеннен емес, тойымсыздық пен қолда бардың бағасын түсінбегеннен жалған өмір сүруді жөн көргендердің мына тірліктерін көріп қайран қалдық.Әдетте шенеуніктер сыбайлас жемқорлыққа қарсы заң нормаларын айналып өту үшін осындай «құрбандыққа» жиі баратын көрінеді. Бірақ соңғы уақытта мемлекеттен материалдық көмек алу үшін қарапайым отбасылар да мұндай қитұрқыға жиі «ұрына» бастаған. Ал еліміздің заңнамасында өтірік ажырасуға қатысты жауапкершілікті реттейтін жеке бап та, норма да жоқ екен.Алайда, Қазақстан Президенті Қасым-Жомарт Тоқаев үкіметтен әлеуметтік көмек алу үшін елімізде көпбалалы отбасыларда ерлі-зайыптылардың ажырасулары күрт көбейіп кеткенін айтып, алаңдаушылық білдірді. Мемлекет басшысы атаулы әлеуметтік көмек алу үшін көпбалалы ата-аналардың ажырасуы жиілеп кетуіне байланысты бұл алаяқтықты тоқтатуға тапсырма берді. Бұл туралы «Атаулы әлеуметтік көмек алу мақсатында көпбалалы ата-аналардың ажырасуы жиілеп кетті. Үкімет пен президент әкімшілігіне алаяқтыққа тосқауыл қою үшін цифрландыру жүйесін енгізуді жеделдету тапсырылды. АӘК – бұл мұқтаж азаматтарға берілетін мемлекеттің жәрдемақысы», – дегені де есте. Бірақ одан шыққан нәтиже шамалы. Қағаз жүзінде ажырасушылар көбейіп кеткенін әу баста құзырлы мекемелер де байқамаған тәрізді. Уақыт өте келе статистикалық деректе ажырасушылардың саны артқан соң арнайы зерттеу жүргізсе керек. Нәтижесі алақандағыдай. Әлбетте, осындай жолмен баспаналы болу бақытын бастан кешіп жатқандардың іс-әрекетін құптауға да, құптамауға да негіз бар. Себебі осы жүріспен жүре берсе, таяу арада үйлі болуы да неғайбыл. Атаулы әлеуметтік көмек алудың да жыры бітпейді. Жәрдемақыға жедел жетудің ең оңай жолы – жалғызбасты ана болу.&nbsp;PS. Бұл түйткілге селқос қарау мүмкін емес. Бәлкім, аузымыздың суы құрып айтатын Ресейдің «Ана капиталы» жобасын елімізге енгізу керек шығар. Тіпті, әнеугүні мәжіліс депутаттары айтқандай, көпбалалы отбасының «дүниесін» есептеп, шырылдатпай-ақ, елдегі әр балаға ай сайын жәрдемақы берген абзал болар. Қысқасы, қандай жолмен болса да, ана мен баланың жағдайы жасалуы тиіс. Адам капиталы артпай, демография өспей, еліміздің әлем алдындағы абырой-беделі де биіктемек емес.

Шаттанған емес, шот қаққан шаңырақтар

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрлігі мемлекеттік қызметкерлерге, бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесіне түзету жобасын әзірледі.Түзетулер Мемлекет басшысының 2022 жылғы 1 қыркүйектегі «Әділетті мемлекет. Бір халық. Гүлденген қоғам» Қазақстан халқына Жолдауын жүзеге асыру шеңберінде білім беру қызметкерлерінің әлеуметтік жағдайы мен жалақысын өсіру мақсатында әзірленген.&nbsp;Жобаны іске асыруға республикалық бюджеттен 27 799 880 мың теңге қаражат қажет.Сондай-ақ «Мектепке дейінгі тәрбие мен оқытуды, орта білім беруді жан басына шаққандағы нормативтік қаржыландыру әдістемесін бекіту туралы» Қазақстан Республикасы Білім және ғылым министрінің 2017 жылғы 27 қарашадағы &nbsp;№597 бұйрығына бірқатар өзгеріс енгізіледі.&nbsp;Жоба 2023 жылдың 5 мамырына дейін қоғамдық талқылау үшін «Ашық НҚА» порталында орналастырылған.2023 жылғы 16 қаңтарда Қазақстан үкіметі азаматтық қызметшілерге, мемлекеттік бюджет есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесіне өзгерістер енгізді. Нәтижесінде аталған санаттағы қызметкерлердің жалақысы өсті.

Балабақша тәрбиешілерінің жалақысы өседі

<a href="https://kyzylorda-news.kz/">Kyzylorda-news.kz.</a> Жуырда №36 Ә.Тәжібаев атындағы мектеп-лицейі жанындағы «Балапан» орталығының тәрбиеленушілері республикалық «Жібек жолы» байқауында топ жарып, ауданның абырой-мерейін тасытты.«Балапан» шағын орталығының өнерлі балғындары эстрадалық және аспапта орындау жанры бойынша байқаудың жүлдегері атанып отыр. Кішкентай бүлдіршін Шахназ Өтеш «Біз бақытты баламыз» әнін орындап, Гран-При жүлдесін қанжығасына байлады. Бүлдіршінді байқауға дайындаған жетекшісі Әлия Тоқшылыққызына «Үздік жетекші» номинациясын иеленді.Алайда байқауда ерекше өнер көрсетіп, «Аспаптар әнін» нақышына келтіріп, ұлттық аспапта ойнау арқылы әнді үздік орындап шыққан сырдариялық балапандар да байқаудың бас жүлдесін жеңіп алған болатын.<blockquote>Бүлдіршіндерді өнерге баулып, республикалық деңгейдегі байқауға дайындаған орталықтың әуез жетекшісі Индира Қодарованың еңбегі жеткілікті. Кез келген &nbsp;баланың шығармашылық қабілетіне қарай аспап таңдап, оны меңгертіп, үйреткен ұстазға алғысымыз шексіз мол. Қызым Маржан 5 жаста. Биылғы оқу жылында орталыққа барған еді Республикалық байқауда қызым сылдырмақта ойнады. Сахнадағы өнерлерін тамашалап, тәнті риза болдық. Жетекшіге орасан рақмет, – дейді ата-ана Жамиля Молдахметова.</blockquote>Құрамында 7 өнерпазы бар шағын ансамбльде 4-5 жастағы Рамазан Төлебай, Айлин Ғалымжан, Айбын Алиасқар, Маржан Жармағанбетова, Арманжан Әшімов, Таңшолпан Әділбек, Бағжан Ибрагим өздерін үлкен сахнадағы өнерін жоғары деңгейде орындап шыға білді. Олардың әрқайсысы домбыра, шаңқобыз, сазсырнай, сылдырмақ, асатаяқ, даңғыра, тұяқтас секілді аспапта сәтті ойнап, қосыла ән айтқаны ұйымдастырушыларға аян. Өнер тобының жетекшісі И.Қодарова да «Үздік жетекші» номинациясымен марапатталған.Бүлдіршіндердің жетістігіне орай мектеп-лицей директоры Ж.Төреқұлова қабылдау жасап, құттықтады.<blockquote>Балғындардың республикалық де¬гейдегі байқауда топ жаруы – үлкен жетістік. Бұл – әрине, ұстаздарының еңбегі саналады. Жас дарынды өнерге баулып, шығармашылық қабілеттерін шыңдап, өнерге деген қызығушылықтарын арттырып, бәйгеге қосып, қос бірдей жүлдемен оралу – керемет жетістік. Шағын орталықтағы бүлдіршіндердің болашақта қазақ өнеріне деген сүйіспеншілігі одан сайын артатын болады, – дейді мектеп-лицей директоры.</blockquote>50 жуық өнерлі бүлдіршін қатысқан байқаудың жеңімпазы Шахназға Гран-При жүлдегері ретінде Астана қаласында өтетін байқауға жолдама тапсырылды. Жас өнерпаздың ән қанатындағы биік белесіне сәттілік тілейміз!&nbsp;

Сырдариялық бүлдіршіндердің жеңісі

<a href="https://kyzylorda-news.kz/">Kyzylorda-news.kz.</a> Кәсіп ету үшін адамға бірқатар қабілет керек. Соның бірі – ұйымдастыру, іздену. Айтпақшы, бұл тұрғыда бастағалы отырған кәсіпті дұрыс таңдай білу де, нарық экономикасын жан-жақты зерттеу мен тұтынушының өнімге деген сұранысын бажайлау да маңызды екенін естен шығармаған абзал. Бүгінде кәсіпкерлікті қолдау үшін мемлекет тарапынан да біршама бағдарлама жүзеге асуда.Ұнаған кәсібіңмен шұғылдансаң – еліңнің туын көкке көтере аласың. Қажеттілігіңді өтей аласың. Бастысы – талмай-тынбай еңбек еткеніңнің жемісін көру. Сүйікті кәсібіңнен рахат алу. Ал мұндай жандар біздің де арамызда бар. Асылында ауылдық жерлерде азын-аулақ малының басын көбейтіп, мемлекет берген мүмкіндікті тиімді пайдаланғанның қатары артқан. Солардың бірі – Дүр Оңғар ауылының тұрғыны, жас кәсіпкер Жанқожа Сайлауов.Талапты жігіт жылқы бордақылау мақсатында 2021 жылы «Бизнес кеңесші» бағдарламасы арқыры арнайы курс¬тан өтіп, сертификатын қолына алады. Сөйтіп мемлекеттен төменгі процентпен 10 миллион теңге көлемінде несие алып, кәсібіне білек-сыбана кіріседі. Өзінің 2 жылқысын күтіп-баптап отырған ол қолына тиген қаржыға 20 бас аналық жылқы алады. Бүгінде оларға күтім жасаған Жанқожа мал санын көбейтіп жатыр. Қазір қосымша саумал да сатады. Осылайша талапты жастың таңдауы төрт түліктің ішіндегі жылқыға түскен. Сайып келгенде, ата-бабаларымыздың түлік ішіндегі жақсы көргені де осы жануар. Таза, ішсең сусын, жесең ет, мінсең көлік.<blockquote>«Бұл жануар жағдай жасағанды, бапты, күтімді қажет етеді. Сол үшін оның жем-шөбінің құнарына мән беремін. Кәсібіме анам көмектеседі. Отбасым – қолдаушым. Алға қойған мақсатым көп. Егер кәсібім берекелі болып, тынысы кеңейсе, неге кеңейтпеске? Кәсіпті дөңгелетіп әкету үшін алдымен оның қыр-сырын меңгеру керек. Әрине, басында қиындық пен кедергі болары рас. Бастысы – жобаны тереңірек зерделеп, қаржыны мақсатты жұмсай білу. Сонда ғана еңбек зая кетпейді», – дейді жас кәсіпкер.</blockquote>Оның өз ісін өрістетіп, жылқы малын бордақылауды, санын көбейтуді кәсіп еткеніне көп жылдар болмаса да оның атакәсіпті өрістетуге деген ынтасы зор. Алға қойған мақсаты айқын. «Екі қолға бір күрек» алып, кәсібінен нәсіп көріп отырған жан бүгінде межелі мақсатын кезең-кезеңімен орындауда. Бір білетініміз, ол маңдай терді төгіп, адал еңбек етуді естен шығарған емес. Бұл ауыл жастарына көп үлгі. Айтпақшы, Дүр Оңғар ауылының халқы жиналып, тасаттық бергенде жас кәсіпкер 20 литр қымызды тегін таратады екен.Шағын және орта бизнесті дамытуға мемлекет айрықша басымдық беруде. Нәтижесінде, ауданда кәсіпкерлік кең қанат жаюда. Солай кәсіпке ынталы азаматтардың күн санап қатары артуда. Әрине, бұл өз кезегінде өңір экономикасының өркендеуіне өзіндік үлесін қосады.&nbsp;

Қармақшылық жас жігіт жылқы баптауды кәсіп еткен

<a href="https://kyzylorda-news.kz/">Kyzylorda-news.kz.</a> Бүгін Жаңақорған ауданы мәслихатының тұрақты комиссияның бірлескен отырысы болып өтті. Комиссия отырысына тұрақты комиссия мүшелері мәслихат депутаттары, сонымен қатар, Жаңақорған аудандық тұрғын үй, коммуналдық шаруашылығы, жолаушылар көлігі және автомобиль жолдары бөлімінің басшысы Қайрат Сапарбаев, экономика және қаржы бөлімі басшысының орынбасары Семсер Әсенов қатысты.Тұрақты комиссия отырысында Жаңақорған ауданындағы көлік қатынастарының жай-күйі туралы және аудан мәслихатының тұрақты комиссияларының жұмыс жоспарлары туралы мәселе қаралды. Отырысты комиссия төрағасы Жасұлан Амалбеков ашып, жүргізіп отырды.Күн тәртібіндегі мәселе бойынша, Жаңақорған аудандық тұрғын үй, коммуналдық шаруашылығы, жолаушылар көлігі және автомобиль жолдары бөлімінің басшысы Қайрат Сапарбаев хабарлама жасады.«Қазіргі таңда Жаңақорған кентішілік бағытындағы қоғамдық көліктер кент аумағында орналасқан Ипподром, Саяжай және МАИ бекеті ықшам аудандарының көлемі кеңейіп жыл сайын халық саны өсіп келеді және тұрғындарының сұраныстарына сәйкес 3 бағытта тасымалды жүргізіліп жатыр. Атап айтқанда, №1 Қорғантоғай - Саяжай бағытындағы маршрут ең шеткі Саяжай мөлтек ауданы, 9 көше арқылы, №2 Жаңаауыл-МАИ бекеті бағытындағы маршрут МАИ бекеті мен Жаңаауыл ықшам ауданы аралығында, сонымен бірге №3 Алтынсарин - Ипподром бағытындағы маршруттың жүру сызбасына өзгерістер енгізілген, жаңадан ашылған №169 мектепті қамти отырып екінші жағынан соңғы аялдама Агроколледж болып сызбасы қайта белгіленіп тасымалдауды жүзеге асырып келеді. Кентішілік бағыттардағы қоғамдық көліктердің жұмысын тұрақтандыру бағытында ағымдағы жылдың наурыз айында халық көп шоғырланатын орындар мен орталық көшелерде (орталық базар, Қазақтелеком, Казпошта, Емхана) маңында орналасқан аялдамаларға маршруттардың жүру бағыттары мен сызбалары, жұмыс уакыты көрсетілген арнайы ақпараттық тақтайшалар дайындалып, аялдамаларға орналастырылған» дейді ол..Комиссия мүшелері, яғни халық қалаулылары тұрғындардың ұсыныс-пікірлерін ескере отырып, көлік қатынасын реттеу, тұрғындарды күттірмеу мақсатында қоғамдық көліктің санын көбейтіп уақытын жиілету және қосымша төртінші маршрут қосу туралы ұсыныстарын білдірді. Сонымен қатар, аудандық тұрғын үй, коммуналдық шаруашылығы, жолаушылар көлігі және автомобиль жолдары бөлімінің басшысына көтерілген мәселерде зерттеп, тиісті құжаттары мен есептерін, маршрут сызбасын Жаңақорған ауданының мәслихатына жолдауды тапсырды.

Жаңақорғанда тұрақты комиссияның бірлескен отырысы өтті

<a href="https://kyzylorda-news.kz/">Kyzylorda-news.kz.</a> Бүгін Өңірлік коммуникациялар қызметінің ақпараттық алаңында өткен брифингте Қызылорда облысы әділет департаменті басшысының орынбасары Ұзақбай Оразгелді алимент төлемдерін өндіру жұмыстары туралы баяндады.&nbsp;Бүгінде борышкерлердің басым көпшілігінің тұрақты жұмысы болмағандықтан, оларды жұмысқа орналастыру арқылы алимент өндіруді жүзеге асыру мақсатында Қызылорда облысының әділет департаменті, Прокуратура, Өңірлік палата және Жұмыспен қамту орталықтары бірлесіп ай сайын бос жұмыс орындары жәрмеңкесін ұйымдастыруда. Сәйкесінше, өткізілген бос жұмыс орындары жәрмеңкесі аясында 30-ға жуық борышкерлер жұмыссыздықпен тіркелсе, оның 20-дан астамы тұрақты жұмысқа орналасқан. Бұл бағыттағы жұмыстар облыс бойынша жүргізілуде.&nbsp;<blockquote>«Өздеріңізге белгілі, елімізде ерлі-зайыптылардың ажырасу көрсеткіші жылдан жылға артуына байланысты алимент мәселесі өзекті бола түсуде. Алимент төлемдері - ең бірінші ата-аналардың кәмелетке толмаған балаларына төленетін алименттік төлем болып табылады. Бүгінгі таңда Қызылорда облысының сот орындаушылары 12 мыңға жуық құжатты орындауда. Ал өткен жылы жеке сот орындаушылармен 398 борышкер әкімшілік жауаптылыққа тартылған болатын»,-деді Ұзақбай Оразгелдіұлы.</blockquote>

Алимент: Қызылорда облысының сот орындаушылары 12 мыңға жуық құжатты орындауда

<a href="https://kyzylorda-news.kz/">Kyzylorda-news.kz.</a> Қызылорда облысында 1 сәуірден бастап жалпы орта білім беретін мектептерге бірінші сыныпқа құжаттарды қабылдау басталды. Бүгінде 6289 баланың құжаты қабылданған. Оның ішінде, &nbsp;90 пайызы мемлекеттік тілде оқуды таңдаған. Бұл туралы Өңірлік коммуникациялар қызметінің ақпарат алаңында өткен брифингте облыстық білім басқармасы басшысының орынбасары Бағдат Бердаулетов мәлімдеді.Сала маманының айтуынша, құжаттарды қабылдау уақыты 1 сәуір мен 1 тамыз аралығында жүргізіледі. Сондай –ақ жаңа оқу жылында 1 сыныпқа 17 615 оқушы қабылданады деп күтілуде.&nbsp;<blockquote>«Құжатты үйде отырып тапсыруға болады. Ол үшін «Электрондық үкімет» Egov.kz порталы арқылы электронды түрде тапсыруға болады. Электронды түрде тапсыруға мүмкіндік болмаған жағдайда қағаз түрінде қолма-қол жүзеге асырылады. Бірінші кезекте өтініштерді осы мектептің жанында тұратын ықшамаудан тұрғындары береді. Баланың жасы мектепке қабылданар уақытта алты жасқа толуы міндетті. Ал жасы жетпесе тек ата-анасы немесе заңды тұлғалары қалаған жағдайда мектепке бару мүмкіншілігі бар. Мектепке қабылдану кезінде балалар ешқандай емтихан тапсырмайды. Сондай-ақ, мектептерде «Өз-өзіне қызмет көрсету» бұрыштары ұйымдастырылған», - деді Бағдат Камбозұлы.</blockquote>

Қызылордада биыл 1-сыныпқа 17 615 оқушы барады

<a href="https://kyzylorda-news.kz/">Kyzylorda-news.kz.</a> Қармақшы ауданында құқық бұзушылықтың алдын алу бойынша құрылған мобильдік топ жұмысы жалғасуда.Аудан бойынша білім бөліміне қарасты Байқоңыр қаласындағы №273 орта мектебінде және Жосалы кенті орталығындағы О.Шораяқұлы атындағы №30 мектеп білім алушыларына құқықбұзушылықтың алдын алу, отбасылық тәрбиенің озық үлгілерін насихаттау, ата-аналардың шығармашылыққа, балалармен бірлескен жұмыстарға қатысуына ықпал ету, отбасылық тәрбиелеудің маңыздылығына қоғамның назарын аудару мақсатында Қармақшы ауданы әкімі жанынан құрылған мобильдік топтың қатысуымен кездесу өткізілді. Сондай-ақ, кездесу барысында №273 мектеп базасында өткізіліп жатқан "Ашық есік күні" семинарының куәсі болды.Іс-шараға аудандық ардагерлер кеңесінің төрағасы Асқар Мереков, аудандық алқа би төрағасы Қаршыға Есдәулетұлы Есдәулетов, аудандық алқа би мүшесі Есет Назарқұлов,аудандық ата-аналар комитетінің төрағасы Әбен Қаракөзиев, аудандық білім бөлімінің қызметкері Ақтолқын Каналбекқызы Тоқшылықова қатысты. Сонымен қатар іс-шараға «Қазақстан Республикасының денсаулық сақтау ісінің үздігі» дәрігер Қарасай Ердешұлы Нуров, Байқоңыр қаласының құрметті ардагері, ақын Қуандық Құдайбергенұлы, Қазақстан Республикасы Ішкі істер министрлігі Байқоңыр кешеніндегі Өкілдігінің бастығының орынбасары Сейлбек Алиев, спорт мектебінің тренері, Қазақстан Республикасының спорт шебері Бекмұрат Булекбаев, ата-ана комитетінің мүшесі Байғабыл Карибаев шақырылды.Қатысушылар «Рухы күшті, өресі биік ұрпақ – ел болашағы» атты мектеп спортшыларының шеруін, «Бір ел – бір кітап» квест ойынын тамашалады. Арнайы педагог А.Сейлованың бейімделген бағдарлама бойынша кіріктірілген «Мәтін.Теңге» сабағына кірді. Сонымен қатар «Отбасы – бақыт мекенім» ата-аналарға арналған тренингке қатысып, «Жасөспірімдер арасындағы құқықбұзушылыққа ата-ана кінәлі ме?» пікірталасын көрді. «Ашық есік күні» іс-шарасы «Шәкірт жетістігі –мұғалім мәртебесі» көрмесіне, мектеп асханасына, «Абай мұражайына» саяхат жасаумен жалғасты. Қонақтар мен ата-аналар «Жас талант» театр үйірмесінің «Нарком Жүргенов» қойылымына жоғары баға берді. «Ашық есік күнін» қорытындылаған «Бала үшін Әке деген ұлы адам» ток-шоуы қатысушылардың көңілінен шықты.Қармақшыда түнгі рейд жұмыстары жүргізілудеҚармақшы ауданында жастар мен жасөспірімдер арасында қылмыс пен құқық бұзушылықтың алдын алу мақсатында Қармақшы ауданы әкімінің орынбасары Біржан Далабайұлы, ардагерлер мен аудандық маслихат депутаттарының және тиісті сала басшыларының қатысуымен түнгі рейд жұмыстары жүргізілді.Рейд барысында кафелер, дүкендер, компьютерлік клубтар, аллеялар және көпқабатты тұрғын үйлердің аулалары мен қараңғы қуыс көшелер араланып, кәмелетке толмаған жасөспірімдерге түсіндірме жұмыстары жасалды. Сондай-ақ, Қазақстан Республикасының Заңына сәйкес кәмелеттік жасқа толмаған жастардың түнгі 23.00-ден кейін заңды өкілінсіз көшеде немесе ойын сауық орталықтарында жүруге тыйым салынатындығы жайлы ескертілді.<img src="https://knadmin.beoblood.kz/uploads/aaaaaaaaaaaaaa_bfc4499328.jpg" alt="аааааааааааааа.jpg">Профилактикалық жұмыстар жүргізілдіҚармақшы ауданының әкімі Жандос Еркінбектің тапсырмасына сәйкес аудан көлемінде жасөспірімдер арасында топтық төбелестің, құқық бұзушылықтың, әлімжеттіктің, буллингтің алдын алу мақсатында «Бала тәрбиесі – ұлт келешегінің кепілі» тақырыбында профилактикалық жұмыстар жүргізілді.Қармақшы аудандық білім бөліміне қарасты №26, №27, №30, №105, №273 мектептерде өткен тәрбиелік іс-шараларға Қармақшы аудандық прокуратураның прокуроры, Қармақшы аудандық полиция бөлімінің бастығы, аудан ардагерлері мен аудандық мәслихат депутаттары, аудандық алқа билерінің жетекшісі, қоғам белсенділері мен үкіметтік емес ұйым өкілдері және ата-аналар қатысты.Кездесулерде баланы тәрбиелеудегі ата-ананың рөлі, жасөспірімдерге патриоттық тәрбие беру ісі туралы сөз қозғалды. Сондай-ақ, жастар арасындағы топтық төбелестер мен құқық бұзушылықтардың алдын-алу мәселелері талқыланды. Сонымен қатар, ата-аналарға кәмелетке толмаған балалардың сағат 23.00-ден кейін заңды өкілінсіз жүрмеуін қадағалауды және бала тәрбиесініе айрықша көңіл бөлу керектігі ескертілді.<img src="https://knadmin.beoblood.kz/uploads/aaaaaaaaaa_c5211a6b62.jpg" alt="аааааааааа.jpg">Терроризмге қарсы оқу-тактикалық жаттығу өткізілдіБүгін Қармақшы ауданы, Жосалы кенті әкімі аппараты ғимаратының аумағында терроризмге қарсы оқу-тактикалық жаттығу өткізілді. Осыған орай, Қорқыт ата көшесі бойында орналасқан Жосалы кенті әкімі аппараты ғимаратының аумағында (Орталық алаң аумағы, Қорқыт ата мен Абай және Т.Рұсқұлов пен Абай көшелерінің қиылысы) қоршап алу шаралары қабылданып, тұрғындардың еркін қозғалысына шектеу қойылды.<blockquote>«Сондықтан, оқу-жаттығу өтіп жатқан аумақта сабырлық сақтап, түсіністікпен қарау қажеттігін және шектеу аумағына оқу-жаттығу уақытында кіруге тыйым салынатындығын ескертеміз» дейді Қармақшы аудандық терроризмге қарсы жедел штаб қызметі.</blockquote><img src="https://knadmin.beoblood.kz/uploads/aaaaaaaaaaaaaaaa_8c0caec635.jpg" alt="аааааааааааааааа.jpg">

Қармақшыда мобильдік топ жұмысы жалғасуда

<a href="https://kyzylorda-news.kz/">Kyzylorda-news.kz.</a> Қызылорда облысында 22 сәуір күні бәйгеден ҚР чемпионатының іріктеу кезеңі өтеді. Бұл туралы Өңірлік коммуникациялар қызметінің ақпарат алаңында өткен брифингте облыстық мәдениет және спорт басқармасы басшысының орынбасары Асылжан Жаманқұл мәлімдеді.<blockquote>«Бүгінде ипподром сайысты өткізуге толықтай дайын. Өткен бәйгелерге қарағанда тіркелген аттар саны көп. Сайысқа қатысушы спортшылар Топ бәйге, Құнан бәйге және Аламан бәйге бойынша сынға түседі. Жүлде қоры – 35600000 теңгені құрамақ. Аламан бәйгенің жеңімпазы Astana Motors компаниясының демеушілігімен автокөлік иемденеді. Бәйге өте жоғары деңгейде өтіп, халықтың көңілін көтереді деп сенеміз», - деді Асылжан Зұлфқарұлы.</blockquote>Бәйгеден бөлек ұлттық киімдердің байқауы өтеді.<blockquote>«Ауқымды дайындықтар бүгінде өз мәресіне жетті. Бәйгеден бөлек, қыз-келіншектерге арналған &nbsp;«Ұлттық киім – ұлт ажары» атты костюмдер байқауы өтеді. Бұл байқауға елуден аса байқаушы өз бағын сынап көреді. Оған қатысатын бойжеткендер ұлттық киіммен шығып стиль жағынан сынға түседі. Жүлде қоры – 1 млн. теңгені құрайды. Сондай-ақ жүлде 500 мың теңгені құрайтын қол күрес, арқан тарту, гір көтеруден сайыстар өткізіледі», - деді Kazpetrol Group-тың PR менеджері Мейрамкүл Ходжаева.</blockquote>Жалпы 200-ден астам шабандоз бақ сынайды.<blockquote>«Биылғы жылы республика бойынша жеті іріктеу кезеңі болады. Ал соңғы қорытынды кезеңі Жамбыл облысында өтеді. Бірінші кезеңі 22 сәуір күні Сыр елінде бастау алады. Қызылорда облысынан қырық ат іріктеліп алынды. Дайындықтары өте жақсы. Жалпы республика тарапынан 210 шабандоз өз бағын сынайды», - деді Қызылода облыстық Бәйге федерациясының президенті Әділжан Ізтілеуов.&nbsp;</blockquote>Айта кетейік, шара Қызылорда облысы әкімдігінің қолдауымен Бәйге Федерациясы Республикалық бірлестігінің ұйымдастыруымен өтеді. Сондай-ақ шараға Kusto group, Compass, Kazpetrol Group компаниялары серіктестік етеді.

Қызылорда облысында республикалық бәйге өтеді

<a href="https://kyzylorda-news.kz/">Kyzylorda-news.kz.</a> Қызылорда қалалық полиция басқармасының қызметкерлері автокөліктерді, &nbsp;олардың қосалқы бөлшектері мен құралдарын ұрлау және айдап әкетудің алдын алу мақсатында «Автокөлік» жедел-профилактикалық іс-шарасын өткізуде.Іс-шара &nbsp;аясында &nbsp;Қызылорда қалалық Полиция басқармасының Ақсай полиция бөліміне 21 жастағы қала тұрғыны жеке меншік үйінің алдында тұрған «Daewoo Nexia» автокөлігінің ішінен &nbsp;«Samsung Galaxy A20» маркалы ұялы телефонының &nbsp;ұрланғандығы &nbsp;жөнінде арызданды.&nbsp;Хабарлама келіп түскен сәттен бастап криминалды полиция &nbsp;бөлімшесінің қызметкерлері қылмысты ашуға бағытталған қажетті шараларды жүзеге асырды. Бейнебақылау камераларын және ұялы телефон алып сататын дүкендерді тексерді. Нәтижесінде, осы қылмысты жасаған 29 жастағы күдікті анықталды. Ол телефонды сатып ақшасын &nbsp; өз бас пайдасына жаратқан. Ұрланған ұялы телефон иесіне қайтарылды.Қазіргі таңда бұл дерек бойынша &nbsp;Қазақстан Республикасы Қылмыстық кодексінің 188-бабының 3 –бөлігімен (Ұрлық) сотқа дейінгі тергеп-тексеру әрекеттері жүргізілуде. &nbsp;&nbsp;Қызылордалық полицейлер ұрлық қылмысының алдын алу үшін жеке мүліктеріңізге сақ болуды ескертеді.&nbsp;

Қызылордада автокөлік ішінен ұялы телефон ұрлаған күдікті ұсталды

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша «Ауыл аманаты» жобасын іске асыру туралы ауыл тұрғындарына түсіндірме жұмыстары жүргізілді.«Ауыл аманаты» жобасын іске асыру үшін 2023 жылға облысқа 3 миллиард теңге қаржы қаралған. Қаржыландыру бағыттары сан түрлі. Оның ішінде өңдеу саласына қатысты жобаларды қаржыландыру, яки жылыжайлар, сүт, ет өндірісі, құс және балық шаруашылығы, &nbsp;өсімдік шаруашылығын дамыту, ауыл шаруашылығы кооперативтерін жабдықтау, мал шаруашылығын дамыту, басқа бағыттағы бизнес жобалар бар. Ал негізгі талаптары тағы бар. Мәселен, несие алушының жеке кәсіпкер болып тіркелуі, басқа да несиелер бойынша мерзімі өткен жарнаның болмауы, мемлекеттік кірістер органдар алдында берешектің болмауы, несие алушының жасы зейнеткерлік жастан аспауы тиіс, несиені кепілмен қамтамасыз ету, ауыл шаруашылығын жүргізу үшін қажетті жағдайлардың болуы, яғни жер телімі, қора және тағы да басқалары, ӘКК-мен бірлесе құрылған ауыл шаруашылық өндірістік кооперативіне мүшелікке кіру, қаржыландырылған жоба аясындағы өндірілген өнімді ауыл шаруашылық өндірістік кооперативке өткізу. Міне, осы және өзге де мәліметтерді ауыл тұрғындарына түсіндіру жұмыстары жалғасын тауып жатыр.Жалағашта абаттандыру жұмыстары жүргізілудеКөктемгі көркейту-көгалдандыру жұмыстары жалғасуда. Жалағаш кентінің кіреберісінде өсірілген талдар бірленіп, қураған ағаштар мен қоқыстар тазартылды. Ескірген қоршаулар алынып тасталды.<blockquote>«Табиғаттың көк желекке орануы үшін абаттандыру жұмыстарын белсенді жүргізу маңызды. Табиғат ортақ байлығымыз!», - дейді мамандар.</blockquote><img src="https://knadmin.beoblood.kz/uploads/341693838_762085101930547_6122338195961660356_n_f3d17c9870.jpg" alt="341693838_762085101930547_6122338195961660356_n.jpg">Кенеге қарсы залалсыздандыру жұмыстары басталадыЖалағаш ауданында Конго-Қырым геморрагиялық қызбасы ауруының алдын алу шаралары жүргізілуде. Кенеге қарсы залалсыздандыру жұмыстары 2 кезең бойынша жүргізілетін болады.I кезең 2023 жылдың 27 сәуірі мен 10 мамыры аралығы, II кезең 2023 жылдың 6 мамыры мен 19 мамыр күндері аралығы.<blockquote>«Құрметті аудан тұрғындары! Залалсыздандыру жұмыстарына кедергі келтірмес үшін қора жайларыңызды тазартып, дайындық жұмыстарын жасауға шақырамыз», - дейді сала мамандары.</blockquote>&nbsp;

Жалағашта «Ауыл аманаты» жобасының тиімді тұстары түсіндірілді

<a href="https://kyzylorda-news.kz/">Kyzylorda-news.kz.</a> ҚР Оқу-ағарту министрлігінің бұйрығына сәйкес орта білім беру ұйымдарындағы оқу сабақтары биыл 31 мамырда аяқталады. Бұл туралы бүгінгі брифингте облыстық білім басқармасы басшысының орынбасары Бағдат Бердаулетов хабарлады.Сонымен қатар биыл білім алушылардың қорытынды бітіру емтихандары 2 маусымда басталады. 9-сынып емтихандары 2-13 маусым аралығында өткізілсе, 11-сынып емтихандары 5-19 маусым аралығында өтеді.<blockquote>«9 сыныптың емтихан материалдары басқарма тарапынан әзірленуде, электронды форматта білім бөлімдеріне таратылатын болады. Ал 11 сыныптың емтихан материалдары ҚР Оқу-ағарту министрлігінің Мектепке дейінгі және орта білім беру комитетінен басқармаларға жолданады, ары қарай білім беру мекемелеріне емтихан болатын күні электронды форматта жолданатын болады», - деді басқарма басшысының орынбасары Бағдат Камбозұлы.</blockquote>Айта кетейік, ағымдағы оқу жылында білім беру ұйымдарындағы аттестаттарды тапсыру рәсімдері 20-22 маусым аралығында жүргізілетін болады.

Қазақстан және Қызылорда облысының жаңалықтары