<a href="https://kyzylorda-news.kz/">Kyzylorda-news.kz</a>. Бүгін ҚР Премьер-министрі Олжас Бектеновтің төрағалығымен өткен Үкімет отырысында инвестицияларды қолдау және ынталандыру шараларының тиімділігі, қалаларды абаттандыру, көгалдандыру мәселелері қаралды.&nbsp;Сонымен қатар, күн тәртібінен тыс Алматы қаласындағы жер сілкінісіне қатысты Төтенше жағдайлар министрі Шыңғыс Әрінов қабылданған шаралар туралы баяндады. Бұл туралы Қызылорда облысы әкімінің баспасөз қызметі хабарлады.ҚР Премьер-министрінің орынбасары – Ұлттық экономика министрі Нұрлан Байбазаров Үкіметтің алдына инвестиция тарту бойынша ауқымды міндеттер қойылғанын баса айтты. Инвестициялық жобалардың бірыңғай пулы аясында биыл республикада 2,3 трлн теңгенің 234 жобасын жүзеге асыру жоспарланған.Мәжілістен кейін облыс әкімі Нұрлыбек Нәлібаев осы бағыттағы жұмыстарды нақтылады.<blockquote>«Мемлекет басшысы Үкіметтің кеңейтілген отырысында жаңа инвестициялық кезеңді бастауды тапсырған болатын. Осыған байланысты, өңірдегі іске асырылу сатысындағы және алдағы уақытта жүзеге асырылатын жобаларды сүйемелдеп, туындаған мәселелерді шешу, кедергілерді жою үшін нақты шаралар қабылдау қажет. Биыл облысқа 517,5 млрд. теңге инвестиция тарту индикаторы бекітілді. Қаңтар айының қорытындысымен қаржыландырудың барлық көздерінен 40,2 млрд. теңге инвестиция тартылып, өткен жылғы сәйкес кезеңмен салыстырғанда көрсеткіш 32,4%-ға өсті», - деді аймақ басшысы.</blockquote>Айта кетейік, өңірде аумағы 525 гектар 6 индустриялық аймақ құрылып, оған 9,7 млрд. теңгеге инженерлік инфрақұрылым жүйелері тартылған. Бүгінде осы аймақтарда 30 жоба іске асуда. Бұдан бөлек, 22 жобаның құрылысы жүргізілуде. Дегенмен, 4 жоба уақытша тоқтаған, 5 жобаның жер телімдерін қайтару қажет. Ал, индустриялық аймақтар бойынша табысталған 525 гектар жердің қазір 206 гектары ғана игерілген. Мемлекет басшысы жарты жылдың нәтижесі бойынша Инвестициялық штабтың жұмысын қорытындылап, әрбір министр мен әкімнің осы бағытта атқарған жұмысына нақты баға береді. Нұрлыбек Машбекұлы осы салаға жауапты орынбасары Ардақ Зебешевке инвесторлар жобаларына заң аясында барынша қолдау көрсетуді, нақты нәтиже беретін жұмыстарды қолға алуды тапсырды.&nbsp;

Қалаларды абаттандыру, көгалдандыру мәселелері қаралды

Барсакелмес қорығының аумағы ұлғайды

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp;8 наурыз – барша дүниені шаттық шуағына бөлеп, тыныс-тіршілігімізге нәр берген қыз-келіншектердің мерекесі. Осынау мерейлі мереке қарсаңында қоғамдағы түрлі қиындықтармен күресіп келе жатқан қайсар әрі қайратты аналарға құрмет көрсету мақсатында қайырымдылық шарасы өтті.&nbsp;Шараны аудандық аналар кеңесінің төрайымы Шәкизада Асқарова ашып, шаңырақ отын маздатып отырған аналарымызға алғаусыз алғысын жеткізіп, ақжарма тілегін білдірді.&nbsp;– Сіздерді осынау мерекемен шын жүректен құттықтаймын! Әйел, отбасы, қоғам бұл үшеуі өзара тығыз байланысты. Әйел – ең алдымен, ұрпақ бақытына, өз шаңырағына, сондай-ақ, Отанымыздың болашағына жауапты тұлға. «Жер бетіндегі жақсылық, ізгілік, қайырымдылық атаулының бәрі де ананың ақ сүтінен тарайды» деген сөз бар. Астарлы сөздің ақиқатына үңілер болсақ, ананың қадірін біліп, асыл қасиетін түсінуге үндейді. Мемлекет және қоғам болып аналарымызды алақанға салып аялауға шақырады. Бүгінгі мерейлі мереке қарсаңында дендеріңізге саулық, отбасыларыңызға бақ пен береке, шаңырақтарыңызға шаттық тілеймін. Осы жиынға келе алмаған аналарды құрметтен тыс қалдырмай, арнайы құттықтау жасайтын боламыз, – деп қорытындылады өз сөзін Шәкизада Келімбетқызы.&nbsp;Мерекелік шара барысында аналарға арнайы сыйлықтар тарту етілді. Аудандық жұмыспен қамту және әлеуметтік бағдарламалар бөлімінің басшысы Совет Бабанаев сан салада қызмет етіп, отбасының ұйытқысына айналған аналар мен қыз-келіншектерге алғыс хат табыстады. Жұртшылықты жақсылыққа жұмылдырған жиын соңында аудандық аналар кеңесінің төрайымы Шәкизада Асқарова осындай игі іске жанашырлық танытқан жандарға, атсалысқан азаматтарға алғысын айтты.&nbsp;Айта кетейік, қайырымдылық шарасы аясында ақ жаулықты аналарымызға арналып ақ дастарқан жайылып, аяулы жандардың құрметіне арналған мерекелік концерт те ұйымдастырылды. Аналарға арналған осындай игі шара алдағы уақытта жалғасын тауып, ізгі істер еселене түсері анық. Өйткені аналарды бір күндік мерекеде ғана емес, 365 күн бойы аялап, қадірлеу –басты парызымыз болып қала бермек.

Қазалыда аналарға құрмет көрсетілді

&nbsp;<a href="https://kyzylorda-news.kz/">Kyzylorda-news.kz</a>. Анықталғандай, күдікті әйел базарда екі баласымен және жол сөмкесімен такси іздеп жүрген әйелді көрген. Жәбірленушінің қолында 2 жастағы қызы мен жол сөмкесі және 8 айлық сәбиі болған &nbsp;деп хабарлайды &nbsp;<a href="https://kaz.zakon.kz/kogam-tynysy/6039404-trkstan-oblysynda-nresten-laynan-altyn-syrasyn-sheshp-alan-kdkt-rytaldy.html">Zakon.kz.</a> Арыс аудандық полиция бөлімінің қызметкерлері жедел-іздестіру іс-шараларын жүргізу кезінде ұрлық қылмысын жасады деген күдікпен 29 жастағы жергілікті тұрғынды қолға түсірді.Ол әйелге көмектеспек болып, сәбиді қолына алған. Яғни таксиге дейін шығарып салар тұста оған байқатпай нәрестенің құлағындағы сырғасын шешіп алған.Сырғаны ломбардқа өткізіп жіберген. Тәртіп сақшылары күдіктінің қолды қылған сырғасын тауып, заңды иесіне қайтарды.Қазіргі таңда күдікті әйелдің бұдан басқа да қылмысқа қатыстылығы тексеріліп, тергеу амалдары жүргізіліп жатыр.Сурет: ҚР ІІМ

Нәрестенің құлағынан алтын сырғасын шешіп алған күдікті ұсталды

<a href="https://kyzylorda-news.kz/">Kyzylorda-news.kz.</a> Қазіргі таңда Шиелі ауданында тоқсан жастан асқан 58 қария бар. Барлығы дерлік өз заманында адал жұмыс істеп, бүгінде тамыры тереңге жайылған бір-бір әулеттің ұйытқысына айналып отыр. Қария – ағып жатқан дария, тілегей теңіз іспеттес. Теңіздің тұнығы қандай болса, қарт кісілердің де көңілі сондай кіршіксіз мөлдір.&nbsp;Бүгінгі кейіпкеріміз аудан тұрғыны, 95 жасты еңсерген – Тастай Халыбеков ақсақал. Осы жасқа келсе де, газет пен журналдарға жазылып, көзілдіріксіз оқығаны біздерді таң қылды. Біз де сұхбаттасуға асығып, атамызға арнайы сәлем беруге үйіне бардық. Ақ көңіл, қонақжай атамыз бізді жылы қарсы алып, өзін таныстырды.&nbsp;<blockquote>– Мен 1929 жылы 1 мамыр күні осы ауданда дүниеге келдім. Қазір 95 жастамын. 1939 жылы 10 жасымда дарияның арғы бетінен, қазіргі Ақтоған ауылына қоныс аударып келдік. Енді қоныстанып, үйімізді салып болғанда сұм соғыс басталып кетіп, ауылда тек шал-кемпірмен, біздей жас балалар қалды. Менің де әкем соғыс майданына аттанды. Ауылда бастауыш мектепке оқуға барып, латын әрпімен білім алдық. Елде егде адамдар болмаған соң, бізді мектептен шығарып алып, колхозға жұмысқа алды. 1950 жылға дейін сол жақта жұмыс істеп, әрі қарай әскерге бардым. Әскери міндетімді Тәжікстанда үш жарым жыл өтедім. Қиын заманда әскерден оралған соң, теміржолға барып жұмыс істедім. Теміржол таршылық кезеңде халыққа ең жайлы мекеме болды. Сонымен, ептеп есімізді жиып, мемлекеттер де күшейе бастады. Он жылға жуық теміржолда жұмыс істеп, денсаулығыма байланысты бригадир болып істедім. Шиелі өңіріне екі-үш мектеп соғып, үйлердің құрылысын жүргізе бастадық. Сол уақытта 120 мың ақшамен зейнеткерлікке шығып, қазір 200 мыңнан аса пенсия алып отырмын, – дейді тыл ардагері.&nbsp;</blockquote>Бір езуі алтын, бір езуі күміс, көмейі қазынаға толы абыз ақсақалдың 3 қызы мен 2 ұлы бар.Осы өсірген ұл-қыздарының арқасында 19 немере, 44 шөбере сүйіп отыр. Барлығы да өз мамандықтары бойынша жұмыс істеп, қыздары зейнет жасына шыққан. «Қазір бес ата Көзей руының үлкені болып отырмын. Барлығы жағдайымды сұрап келіп тұрады. Аллаға шүкір, қазір қолымда ұлым мен келінім тұрады. Барлық жағдайымды жасап отырған балаларыма үлкен алғыс айтамын. Қазақта «жасымда бейнет бер, қартайғанда зейнет бер деген сөз бар. Жасымда қиын уақыттардың бәрін көрдік, ал қазір соның зейнетін көріп отырмын», – дейді.&nbsp;Ақсақал сүйіп оқитын газеттерінің бірі – «Өскен өңір» екенін де тілге тиек етті. Әр шыққан санын асыға күтіп отыратынын жасырмаған ол «Бұл «Өскен өңір» – ауданның айнасына айналған газет. Басылымның әр санын оқи отырып, аудан жаңалықтарынан хабар алып, қуанып отырамын. Күннен-күнге жаңарған, жаңғырған елдің жақсы жаңалықтары көп болуын тілеймін. Осы жастағы адамдың қолынан тек елдің тілеуін тілеп отыру ғана келеді. Менің тілейтінім – ел іші тыныштығы мен халқымның амандығы, – деп қария сөзін қорытындылады.&nbsp;

Шиелі: 95 жастағы қария газет оқиды

<a href="https://kyzylorda-news.kz/">Kyzylorda-news.kz.</a> Тынымсыз ауыл тіршілігінде қордаланған мәселелердің де көп екендігі анық. Ауылдарға іссапар барысында ондағы тұрғындардың көбі жарық, жол, ауызсу, сондай-ақ біршама саладағы жұмыс сапасының төмендігіне наразы болып жатады. Аудан орталығынан шалғайда орналасқан Беларан ауылдық округінің тыныс-тіршілігімен танысу мақсатында атаулы ауыл әкімі Тұрғанбай Әбілқайырұлымен сұхбат жүргізген болатынбыз. Сұхбатымызды бастамас бұрын ауылдық округ жайында ақпарат беріп өтейік. Беларан ауылдық округі Арал ауданынан шалғай орналасқан ауыл. Яғни, аудан орталығы мен ауыл арақашықтығы 270 шақырым жерді құрайды. Атаулы округте 60 тұрғын үй, 372 адам бар. Халық қалап алған ауыл әкімі бүгінде ауылдың тынымсыз шаруасына кірісіп-ақ кеткен екен.– Беларан ауылдық округінің әкімдік қызметіне қашан келдіңіз?– Мемлекет басшысы Қасым-Жомарт Тоқаевтың 2020 жылғы 1 қыркүйектегі Қазақстан халқына арнаған Жолдауында ауыл әкімдерінің тікелей сайлауын өткізуге болатындығын айтқан еді. Ауыл әкімдерін тікелей сайлау ең алдымен халық үшін маңызды екені белгілі. Жалпы, ауыл әкімдерін жанама сайлау жүйесінен тікелей сайлау жүйесіне өзгертудің басты себебі – &nbsp;жергілікті халықтың басқару жүйесіндегі белсенділігін арттыру және еліміздің демократиялық процестерді одан әрі дамыту болып табылады. Мен осы мүмкіндікті пайдалана отырып сол кездегі «Nur Otan» (қазіргі «Amanat») &nbsp;партиясының атынан Арал ауданы, Беларан ауылдық округі әкімінің лауазымына сайлауға түсуге кандидат болып тіркелдім. Сайлауалды бағдарламамды жасадым. Содан 2021 жылдың 25 шілдесі күні ауыл әкімдерін тікелей сайлау өткізілді. Сол сайлауда ауыл халқының басым бөлігі мені қолдап, дауыс берді. Ауыл әкімі деген лауазымға ие болғаннан кейін аудан әкімі Серік Сағитжанұлы ауылға арнайы ат басын бұрып, &nbsp;халықпен кездесіп, мені жаңа қызметіммен құттықтады. Міне, осыдан кейін тәуекел мен сенімнің жүгін арқалап қызметке кірісіп кеттім. Алғашқы отырысым ішкі қызметкерлер мен мекеме басшылары болды. Одан кейін ауыл тұрғындарымен кездесіп, тұрғындардың ұсыныс-пікірлерін тыңдап, соңынан өзімнің рақметімді айттым.– Өткен жылғы қуаңшылық жағдайы әлі есімізде. Ауыл халқы бұл қиындықты қалай еңсерді?– Менің қызметке келуім өте бір қиын кезең болды. Себебі өзіңіз айтып отырғандай, 2021 жылы қыста қардың, көктемде жауын-шашын мөлшерінің шамадан тыс аз мөлшерде түсуі, жайылымдық жерлердегі шөптің шығымына кері әсерін тигізбей қоймады. Осы қиындықтың салдарынан қуаңшылық жағдайы орын алып, жеке қожалықтар мен шаруа қожалық иелеріне қиындықтар туғызып, мал шығыны орын ала бастаған болатын. Ауыл тұрғындарының бір бөлігі біршама малдарын Шалқар, Ырғыз аудандарына апарып бақса, енді бір бөлігі ағайын-туыстарына апарып уақытша бағуға жұмыс жасауға мәжбүр болды. Сонымен бірге малдарын, оның ішінде жылқы малын төмен бағада сатқан еді. Осы ретте, облыс, аудан әкімдігі тарапынан шұғыл шаралар қабылданып, төтенше жағдайдың салдарын жою бағытында бірқатар жүйелі жұмыстар жүргізілді. Оның ішінде ауыл шаруашылығы жануарларының жайылымдық жерлерін суландыру мақсатында ауылдың батыс беткейінен су ұңғымасы қазылды. Сонымен қатар қолда бар ауыл шаруашылығы жануарларының басын аман алып қалу мақсатында Б.Өтемұратов қорынан 22 тонна бидай кебегі және 16 тонна шөп тұрғындарға тегін таратылды. Бұдан бөлек, мал азығына қолжетімді болу үшін шөп тасымалдаған автокөліктердің жанар-жағар май шығындарына төтенше жағдайлар есебінен 3500 тонна жанар май қаржысы жұмсалып, 176,5 тонна шөп тасымалданды. Биыл қысқы қардың, көктемгі жауын-шашынның мол болуынан жайылымдық алқаптарға шөп шығып, ауыл тұрғындарының қуанышында шек жоқ. Әр қиындықтың артында бір қайыры бар деген осы болар.– Рухани мұраларымызды насихаттау мақсатында қандай шараларды қолға алдыңыздар?– Осы жылдың ақпан айының 5 жұлдызында Құланды поселкасы, Үшкөң ауылында туған әлем әдебиетінің классигі, Қазақстанның халық жазушысы, КСРО мемлекеттік сыйлығының лауреаты, Қазақстанның Еңбек Ері Әбдіжәміл Кәрімұлы Нұрпейісов 98 жасында дүниеден озды. Әбдіжәміл ағамыздың көзі тірісінде Беларан төбенің басындағы «Қан мен тер» мен «Соңғы парыз» кітабынан үзінді алынған мрамордан жасалған екі ескерткіш тақтасы орнатылған. Жанында Ұлы теңізге қарай бет алған қабірі қазылған. Аудан әкімі Серік Сағитжанұлының тапсырмасына сәйкес осы төбенің басында көркейту-көгалдандыру және абаттандыру жұмыстарын жүргізу басталып кетті. Демеушілік жасаған Тлеуов Нұрбек Алдоңғарұлы алғашқы жұмысын қоршаудан бастады. Жалпы алаңы 99 шаршы метр жер темірмен қоршалып, ішкі жұмыстары жалғасты. Өзім ауылдың жас жігіттерін ұйымдастырып қоршалған алаңның ішкі ауласына Ақбауырдың баурайындағы ақ топырағын төседік. Әрі қарай су апарып жерін тегістеп, брусчатка төсеудің алдын алу жұмыстарын жүргіздік. Сол кезде Ақбауырдың баурайында тұрған сәтте жусанның қылтиып шығып тұрғанын байқадым. Жігіттерге "жусанның тамыры бар екен, биыл жусан шығып кетсе жақсы болар еді" деп қуандым. Бұны айтып отырғаным, өткен жылы қуаңшылықта қиындық көрген тұрғындар шөптің тамыры жоқ шығар деп түрлі ойларға кеткен. Аудан әкімінің тапсырмасымен 2022 жылдың 1 сәуірінде Беларан төбенің басында Әбдіжәміл Кәрімұлы Нұрпейісовке арнап іс-шара өткізу жоспарланды. Шараға Ақбастының әкімі Заманбек екеуміз дайындық жұмыстарын бастадық. Алдын ала іс-шараға сәйкес ауданнан түрлі саладағы қызметкерлер келіп, өз салаларына қатысты жұмыстарын жүргізді. Сөйтіп 1 сәуір күні Беларан төбенің басында шара басталды. Шараға Қызылорда облыстық мәслихатының хатшысы Байқадамов Наурызбай, қоғам және мемлекет қайраткері-министр, Қызылорда облысы &nbsp;мен Арал ауданының құрметті азаматы Құдайберген Саржанов ағамыз, аудан әкімі Серік Сағитжанұлы Сермағамбетов, Әбдіжәміл Кәрімұлы Нұрпейісовтің тумалары және алыс-жақыннан келген құрметті қонақтар барлығы 200 адамдай қатысты. Шараның барысында Әбдіжәміл Нұрпейісовті еске алу сөздері айтылып, Құран бағышталды. Содан кейін марқұмның Алматы қаласындағы Кеңсай зиратында жамбасы тиген жерден топырақ әкелініп, екінші мекені Беларан төбенің басындағы көзі тірісінде жасаған қабіріне топырақ салынды. Шараның жалғасы тал егу жұмыстарымен жалғасты. &nbsp;Мұнан кейін сол күні Әбдіжәміл ағамызға арнап Құландыда садақа берген едік.– Ауылды көркейту-көгалдандыру мақсатында қандай шаралар жүзеге асуда?– Көркейту-көгалдандыру мақсатында елді мекендегі мемлекеттік мекемелердің аулаларына арнайы тал көшеттері отырғызылып, күтімге алынды. Атап айтсақ, № 77 білім ордасында 210 түп сыр талы мен қара тал, ауылдық клубқа 40 түп, ауыл әкімшілігі мен балалар ойын алаңына 100 түп тал көшеттері отырғызылды.– Ауылдың мал шаруашылығы жайы қалай?– Ауыл халқының негізгі тіршілігі – мал шаруашылығы. Округ бойынша 7 шаруа қожалығы мен 6 дара кәсіпкер тіркеліп жұмыс жасауда. Мал басы осы жылдың 1 шілдесіне түйе –1994 бас, жылқы – 1419 бас, мүйізді ірі қара – 524 бас, уақ мал 521 басты құрап отыр.Былтыр екі дара кәсіпкер түйе малын өсіру үшін 10 млн 200 мың теңге несие алса, бір &nbsp;шаруа қожалығы жылқы малын өсіруге10 млн теңге несие алып, кәсібін жандандыруда. Биыл бір дара кәсіпкер түйе малын өсіру үшін 3 млн 500 мың теңге несие алып, жұмысын жасауда.– Құланды мен аудан орталығы жол қатынасының қиын екенін білеміз. Осы кезге дейін күрмеуі шешілмеген бұл мәселенің қандай амалын қарастырып жатырсыздар?– Құланды елді мекенінен Бейнеу-Шымкент газ құбыры жанындағы автожолға дейінгі 35 шақырым автожолға тас төсеп, жол салу жұмыстарын жүргізу керек болған. Ауыл тұрғындарының ұсыныс-пікірлерін ескере отырып, «ҚазТрансГаз Өнімдері» ЖШС-не &nbsp;жолды тегістеу жұмыстарын жүргізуге ықпал жасау жөнінде ұсыныс жолданған. Жолданған ұсынысқа сәйкес бүгінде Құланды елді мекенінен Бейнеу-Шымкент газ құбыры жанындағы автожолға дейінгі 35 шақырымды «ҚазТрансГаз Өнімдері» ЖШС арқылы ескі жолдың жанынан жаңадан жол тегістеу жұмыстары жүргізіліп, толықтай аяқталды. Сонымен бірге демеушілердің есебінен ауыл көшелерінің түнгі жарық шамдарын ауыстыру жұмыстары жүргізілді.– Тұрғанбай Әбілқайырұлы, сұхбатыңызға рақмет!Фото: Нұрболат Нұржаубай

Беларан ауылында мал басы көбейген

<a href="https://kyzylorda-news.kz/">Kyzylorda-news.kz</a>. Ғаламторда кәмелетке толмаған балалардың суретін рұқсатсыз жариялап, көңіл айтқан алаяқтың жазбасы тарады. Күдікті желі арқылы жеткіншектерді көз жұмды деп жалған ақпарат таратып, &nbsp;жаназасына ақша жинаған. Бұл туралы <a href="https://stan.kz/zhelide-alayaktar-tiri-balani-oldi-dep-zhanazasina-aksh-396525/">Stan.kz </a>ақпарат агенттігі хабарлайды.Баласының суретін желіде көрген ата-ана есеңгіреп отыр.Парақшада алаяқтар бірнеше жеткіншектің суреті жарияланған. Тіпті, оны көргендер ақша салып та үлгерген. Қазалы хабар балалардың ата-анасына да жеткен. Алдымен таныстары 6-сынып оқушысының анасына хабарласып, көңіл айтыпты. Есеңгіреп қалған ана алғашында түсінбей, кейін ол алаяқтардың әрекеті екенін ұққан.<blockquote>"Қызыңыздың арты қайырлы болсын, иманды болсын деп жан-жақтан көңіл айтып жатқан ел көп. Бірақ менің қызым тірі. Бұл видеоны шығармасқа болмады. Өте қиын жағдай. Бірінші видеоны тик-токқа салған. Сол жерден мен өзім көріп қалып, шок болдым. Қызым көріп, жылап жүр. Баланың психологиясын бұзып жатыр”, –&nbsp;дейді қыздың анасы.</blockquote>Желідегі бұл хабар біраз адамды дүрліктірді. Пікір екіге бөлінген. Бірі – алаяқты маньякқа теңесе, енді бірі бұл оқиғаға ата-ананың өзін кінәлайды."Бұл ауру адам ғой. Бұны тауып алып психологиялық емханаға жатқызу керек. Менің де фотомды алып салған ғой. Маған инстаграмнан келіп тұр. Өзім шок болдым. Адамдар не болып барады? Желіге баласын жарысып салып жатыр. Ата-аналар ойланыңдар”, –&nbsp;деп жазды желідегілер.Ата-ананың көбі балдырғанының фотосын өздері желіге жариялайды. Күдікті оны ашық дереккөзден алған. Белсенділер сақтықта қорлықтың жоқ екенін айтады. Отбасылық суреттерді барынша желіге жарияламауға кеңес береді.<blockquote>"Әлеуметтік желідеге контенттер заңда қабылданып жатыр ғой. Осының бәрі қадағалаудан өтсе... Соларға жауапкершілік белгіленсе... Әсіресе балалардың фотосын қоюға байланысты. Онсызт да фотоны қоюға байланысты талаптар бар ғой. Бірақ өз балаларының фотосын қоюға ешкім шектемейді ғой”, –&nbsp;дейді қоғам белсендісі Айша Құрманғали.</blockquote>Ата-аналар полицияға арыз жазған. Әзірге тек парақша иесінің суреттерді Семейден салып отырғаны анықталды. Ол табылған күннің өзінде, қандай да бір жауапкершілікке тартылуы екіталай.<blockquote>"Суретті салып отырған азаматқа егер де мына ақшасынан айырылып отқан адамдар арыз жазбаса қылмыстық жауапкершіліктен құтылып келуі мүмкін. Тек қана азаматтық болады. Азаматтық деген ол ешқандай қылмыстық жауапкершілікке жатпайды. Жеңіл дәрежедегі, яғни моральдық зиянын төлей салады ақшамен. Болды”, –&nbsp;дейді заңгер Жандос Тұқов.</blockquote>Балалалар құқығы қорғалуы тиіс. Бұл туралы біраздан бері айтылып келеді. Жаңа заң да қабылданды. Бірақ алаяқтар айылын тияр емес. Ақша табудың тәсілі болса болды, қалғанына бас ауыртып жатпайды. Қазір желідегі белсенділер мәселені дереу қадағалауға алу керегін жазып жатыр.Фото: Нұрболат Нұржаубай

Желіде алаяқтар тірі баланы өлді деп, жаназасына ақша жинаған

&nbsp;<a href="https://kyzylorda-news.kz/">Kyzylorda-news.kz.</a>&nbsp; Енді қаланың көркейту және көгалдандыру жұмыстарын үйлестіру үшін «Жасыл Қызылорда» коммуналдық мемлекеттік мекемесі жұмыс істейді. Осы жұмыстарды ұтымды үйлестіру мақсатында көгалдандыру, топырақ құрамын зерттеу, өсімдіктерді емдеу, зиянкестермен күресу тәсілдері бойынша тәжірибе алмасу үшін Жазкен Жиембаев атындағы Қазақ өсімдік қорғау және карантин ҒЗИ және Әлихан Бөкейхан атындағы Қазақ орман шаруашылығы және агроорманмелиорация ҒЗИ мамандары шақыртылды. Олар «Жасыл Қызылорданың» қызметкерлерімен тал егу, суландыру бойынша тәжірибе алмасады. Арнайы келген мамандар қаланың бірқатар аумақтарын аралап, талдарға жасалуы тиіс күтімдер бойынша зерделеу жүргізген болатын. &nbsp;Соның нәтижесінде алдағы уақытта облыс орталығын көгалдандыру жұмыстары ғылыми тұрғыда негізделіп, жоспары жасалып, ауқымды жобалар жүзеге асады.&nbsp; Мекемеге осы жылға жергілікті бюджеттен 585 миллион 700 мың теңге қаралды. Оның ішінде гүл, ағаш көшеті, тыңайтқыш пен құрал-жабдықтар алуға қаражат бөлініп, осы кезде мемлекеттік сатып алу конкурстары жүргізілуде. Қаланы көркейту-көгалдандыру мақсатында былтыр жергілікті бюджеттен 484 миллион 700 мың теңге бөлініп, қызмет көрсетуші мекеме арқылы орталық аймаққа гүлдер мен газондар отырғызылды. Арық жүйелері та¬зартылды, жасыл екпелер егіліп, суарылды. Қызылорда қаласын аяқ сумен қамтамасыз ету мақсатында «Жібек жолы» және «Қызылжарма» арна¬ларын күтіп-ұстау, пайдалану, сон¬дай-ақ олардың қауіпсіздігін қамтамасыз ету жұмыстарына да бөлек қаржы бөлініп, бірталай жұмыс атқарылды. Сонымен қатар облыс¬тық бюджеттен бөлінген 337 млн теңгеге 14 техникалық бұрғылау жұмыстары жүргізілді. Жыл сайын көктем және күз мезгілінде қала аумағында көркейту және көгалдандыру екі айлығы ұйымдастырылды. Сондай-ақ шаһарды көркейту-көгалдандыру мақсатында жергілікті бюджеттен 10 миллион 700 мың теңге бөлініп, көшелер бойына, сквер-аллеяларға, аяқсу баратын аумақтарға 23 000 түп көшет егілді. Аталған шараға 6000-ға жуық қала тұрғыны және 4000-нан астам мекеме қызметкері қатысты. Одан бөлек, Бейбарыс Сұлтан көшесі, Абылай хан даңғылы, темір¬жол вокзалы аумақтарына ауа-райына қолайлы, құрғақ, ыстық, шөлге төзімді жалпы саны 360 Сыр талы, терек, қарағаш және сәндік ағаш көшеттері отырғызылды. Ал сол жағалау мөлтек ауданына 29,7 миллион теңгені құрайтын тереңдігі 80 метр болатын екі техникалық су жинау ұңғымасын бұрғылау жұмысы аяқталып, пайдалануға берілді. Бұл жоба сол жағалаудағы Абылайхан даңғылы бойында орна¬ласқан көпқабатты тұрғын үйлердің аулаларын аяқсумен қамтамасыз етуге бағытталған. Оған қоса қала аумағындағы талдарға химиялық өңдеу жұмыстары жүргізілді. Биыл да осы бағытта жұмыстар жалғасын таппақ. Қаланың тазалығымен «Қызыл¬орда тазалығы» айналысса, енді қаланы көгалдандыруға «Жасыл Қызылорда» жұмысқа кіріседі.&nbsp;

Енді Қызылорда жасыл желекке айналады

<a href="https://kyzylorda-news.kz/">Kyzylorda-news.kz.</a>&nbsp; Аймақтың мәдениет саласындағы жаңалығы ретінде «Жастар» театрының өз алдына бөлек отау болып құрылғанын айтуға болады. Өнер ордасын белгілі айтыскер ақын Нұрмат Мансұр басқарады.&nbsp; Өнерді ту еткен өлкеде «Жастар» театрының ашылуы өнерге деген құрметтің белгісі. Бұл театр әуел баста облыс орталығында А.Тоқмағамбетов атындағы мәдениет үйі жанынан 2016 жылы мамыр айында ашылған болатын. Театр сахнасына 16-21 жас аралығында қала көлеміндегі мектептер мен арнаулы және жоғарғы оқу орнындағы шығармашыл жастар тартылды. Осылайша «Алғашқы махаббат» қойылымымен театр шымылдығы ашылып, өнерлі жастар өз көрерменімен табысты. Содан бері жастар театры үздіксіз түрлі тақырыптағы қойылымымен көрермендерді тәнті етіп келеді. Шығармашылық ұжымның көркемдік жетекшісі ақын, сценарист, режиссер, мәдениет қайраткері Оңталап Нұрмаханов екенін де айта кетейік. «Жастар» театры бұрнағы жылдары О.Нұрмахановтың «Қалың елім, қазағым, қайран жұртым…» спектаклін сахналады. Абай образы арқылы бүкіл елдің болмысы мен мінезін танытуға ұмтылды. Қазақтың ізгі қасиетімен қатар ескі мінез болмысын көрсетуді де мақсат тұтты. Сол заманнан бері өзгерген адам болмысын боямасыз баян етуге тырысқан өнерпаздарға халық оң бағасын берді. Мұнан соң театр Жолтай Жұматтың «Отырардың жасыны» атты тарихи драмасын сахналады. Қойылымдағы оқиғалардың алғашқы бөлігі Отырар қаласының жермен-жексен болған сәтінен басталғанымен, артынша қала әлі де тірі екендігімен жалғасын табады. Оқиға әрі қарай Әбу Насыр әл Фарабидің жастық шағымен, Бұхара, Шаш қаласынан білім алып келген сәтімен, қаружарақ, соғыс даласын емес, ілім жолын таңдағандығымен өрбиді. Халықтың сұранысына ие болған бұл сәтті туынды бірнеше рет қойылды. 27 наурыз халықаралық театр күніне орай «Өмірдің өзі театр» атты салтанатты шара өтіп, театр әртістері үзінді қойылымдар қойып, концерттік бағдарлама ұсынды. Социалистік Еңбек ерлері Ыбырай Жақаев пен Жазылбек Қуанышбаевтың тағылымды еңбек жолынан сыр шертетін Қуандық Түменбайдың төл туындысы «Екі бала – екі шал» тарихи-рухнамалық қойылымның премьерасы сахналанды. Қала күні мерекесі аясында «Парасат», «Құрмет» ордендерінің иегері, белгілі жырау Алмас Алматов пен мәдениет қайраткері, режиссер-сценарист, ақын Оңталап Нұрмахановтың бірлескен туындысы «Ұлардың дауысы» атты поэзиялық қойылымның премьерасы сахналанды. Тәуелсіздік күніне орай өнер тарланы Оңталап Нұрмахановтың туған жер топырағында ұйымдастырылған «Өнердің өр талабы – Аралдың Оңталабы» атты шығармашылық кеш өтті. Тынымсыз еңбектің нәтижесі бағаланып, қалалық «Жастар» театрының қоюшы режиссері Әлмұхаммед Алдажаров мәдениет саласы бойынша «Жас дарын» аталымымен марапатталып, қала әкімінің «Самғау» жастар сыйлығының иегері атанды. Сонымен қатар Айша Әбдірахман, Жанат Жаңбырбаева, Өтетілеу Ілияс, Тоқжан Аяпова қала әкімінің алғыс хатымен марапатталды. Көрнекті мемлекет және қоғам қайраткері, қазақ руханиятының дамуына зор үлес қосқан ұлтжанды азамат, Сыр елінің тумасы Темірбек Жүргеновтің 125 жылдығы 2023 жылы бауырлас түркі елдерінде кең көлемде тойланды. – Т.Жүргенов іс-шараларына қатысып тағылым түйген «Жастар» театры қиын болса да Жүргенов тақырыбын сахналауды өздеріне мақсат етті. «Жастар» театрының көркемдік кеңесінде 1936 жылы мамыр айында Мәскеу қаласында өткен қазақ өнері мен әдебиетінің онкүндігі туралы сыр шерту, этно-ретро концерт қою ойымызға орала берді. Өйткені 1936 жыл қазақ өнері үшін тарихи жыл болды. «Өнер – тектің тірегі» атты тақырып таратқан ойды Қызылорда қалалық «Жастар» театры алып шығуы мүмкін бе? Тайсалмастың тағына мінген талантты жастар «Мүмкін, ағай!» деп, берекелі істі құптай жөнелді. Осылайша сценарий жазылып, ұлт ұландарының рөлін сомдайтын кейіпкерлерді іздеу жұмысы басталып кетті. Өнерді қолдау тегімізде бар қасиет. Осы тақырып аясында «Жастар» театрына қолдау көрсеткен облыстық Н.Бекежанов атындағы қазақ музыкалық академиялық драма театры ұжымы мен Қазанғап атындағы Қызылорда музыкалық жоғары колледжінің директоры М.Әмзеге, Қызылорда қалалық мәдениет және спорт бөлімінің басшысы Ж.Айтбайұлына ерекше алғыс білдіреміз, – дейді О.Нұрмаханов. Шынында, 2023 жылдың 15 желтоқсан күні тыңғылықты дайындықтың нәтижесі көрінді. А.Тоқмағамбетов атындағы қалалық мәдениет үйінің фойесінде «Жастар» театры¬ның тарихы және Т.Жүргенов ұлықтаған ұлт мақтаныштары – Ж.Жабаев, Д.Нұрпейісова, К.Байсейітова, Н.Бекежанов, Ш.Жиенқұлова, А.Тоқмағанбетовтің өмірі мен өткенінен фото-көрме қойылды. Жиналған жұртшылық залға кіргенде тосын безіндірілген көрініске таңдай қақты. Бұл сахнаға дейін маңдай терін төккен сан түрлі мамандық иелерінің ерен еңбегі еді. Балкондардан түскен қызылды-жасыл маталар идеясы, Манарбек Ержановтың «Паровоз» әні, жұлқи тартқан пойыз үні тыңдарманды сол заманға еріксіз жетеледі. – Бұл концертте жүз жасаған – Жамбыл, күміс көмей – Күләш, сазды әуенімен сайын даланы тербеткен – Нартай, мың бұралған – Шара, сатираның сардары – Асқар және күй анасы – Дина секілді қазақ өнерінің талантты тұлғаларының болмысы бүгінгі буынмен қайта қауышқандай әсер қалдырды. «Театрға барғанда қойылымды тамашалап, рухани байып шығамыз. Ой саларлық осындай көркем дүниені көпке дейін естен шығармай, айтып жүреміз. Бұл қойылым өте сәтті шықты, – дейді театр көрермені, белгілі ақын Оңталап Базарәлиев. – Алғашқы декаданың өткеніне 87 жыл уақыт болыпты. Қазақ өнері үшін тарихи жыл саналған 1936 жылғы Мәскеудегі өнер күн¬дерінің шуақты сәтін Қызылорда жастары сахналап, «Темір нарком» атанған Т.Жүргеновтің, сол шақтағы одақ көсемі Сталиннің және өнерпаздардың образдарын сәтті сомдап шықты. Не болғанда да бұл көрермен көңілінен шыққан қойылым болды. Әсіресе онкүндікті жоғары деңгейде ұйымдастырған ұлт мақтанышы Темірбек Жүргеновтің образы терең ізденістен туындағаны байқалып-ақ тұр. Бұл «Жастар» театры ұжымының өсіп келе жатқанын көрсетеді, – дейді Қызылорда қалалық мәслихатының төрағасы Ибадулла Құттықожаев. Құрылғанына 8 жыл уақыт болған «Жастар» театры салмақты қойылымдарды актерлік шеберлікпен жоғары дәрежеде сомдауда. &nbsp;

Сыр мәдениетіне серпін берген театр 

<a href="https://kyzylorda-news.kz/">Kyzylorda-news.kz.</a> Аймақ басшысының төрағалығымен өткен Қармақшы ауданының даму жоспарын қарау жөніндегі кеңесте Қармақшы ауданы әкімі Жандос Еркінбек биыл құны 3,6 млрд теңге болатынын 15 жобаға қаржы бөлінгенін мәлімдеген болатын. Ауданда электр желілерін жаңғырту үшін демеушілер есебінен жоба-сметалық құжаттар әзірленген болатын. Биыл Көмекбаев, Ақтөбе, Иіркөл елді мекендеріне 631 млн теңге қаржы қаралды. Жұмыс жақын арада басталады.Жосалы кентіндегі жаңадан ашылған «Тәуелсіздік» ықшам ауданына газ желісі жеткізіледі. Облыстық бюджет есебінен «Самара-Шымкент-Ақжар-Көмекбаев» аудандық маңызы бар автомобиль жолының 27 шақырымына орташа жөндеу жұмыстары басталған-ды, былтырға жоспарланған 11 шақырымы аяқталды. Биыл қалған 16 шақырымын жөндеу жалғасады.Сондай-ақ, «Ауыл – ел бесігі» бағдарламасы аясында жалпы 9 көше жөнделеді. Атап айтсақ, Ақжар ауылына бір көше салынады, Тұрмағамбет ауылының бір көшесі күрделі, 4 көшесі орташа жөнделеді. Жосалы кентінің бір көшесіне, Төретам кентінің екі көшесіне орташа жөндеу жұмыстары жүргізіледі.Кентте «Руханият орталығы», «Ауылдық денсаулық сақтауды жаңғырту» ұлттық жобасымен Қуаңдария және Қармақшы ауылдарында фельдшерлік-акушерлік бекет, «Жайлы мектеп» ұлттық жобасымен 2 мектеп бой көтермек.Байқоңыр қаласында 50 пәтерлік 5 тұрғын үй салынуда. 2021-2023 жылдары 2,8 млрд теңге қаржы игеріліп, биылға 727,9 млн теңге қаралған. 2022 жылы Ақай елді мекенінде дене шынықтыру-сауықтыру кешенінің құрылысы басталды, бүгінде жұмыс аяқталуға жақын.Өткен жылы Жаңажол, ІІІ Интернационал ауылдарында спорт кешендерінің құрылысы бастау алған, биылғы бірінші жартыжылдықта аяқталады деп жоспарлануда. Төретам кенті мен Ақай елді мекенін газдандырудың құрылыс-монтаж жұмыстары жүргізіліп, бүгінде Ақай ауылы толығымен қосылды. Ал, Төретам кентінде жұмыстар бітуге жақын.Сонымен қатар, Қармақшы аудан әкімі Жандос Еркінбек бірқатар жаңа жобаны бастауға ұсыныс білдірді. Қазір жалпы құны 15,4 млрд теңге болатын 41 жоба дайын. Оның ішінде, 11 жобаны бірінші кезекте қаржыландыру сұралды. Олар Дүр Оңғар елді мекенін газдандыру, Тұрмағамбет ауылынан жаңадан 250 орындық мектеп салу, Қуандария және Дүр Оңғар елді мекендерінің электр желілерін жаңғырту және қосалқы станциясын кеңейту. Сонымен қатар Жосалы кентіндегі Мырзағалиева көшесінен теміржол өткелін, Қуаңдария және Алдашбай ахун ауылдық округтерінен балабақша, Жосалы ауылдық округінен ауылдық клуб үйі мен спорт кешенінің біріккен ғимаратын, Төретам кенті мен Ақай ауылына айналма жол салу ұсынылды. Тұрғын үйге мұқтаж топтарға 92 үй сатып алу, Жосалы кентіндегі Тәуелсіздік ықшам ауданына су құбырын жеткізу де маңызды. Тірек және спутник елді мекендер қатарына енбеген Көмекбаев ауылдық округінің 2 көшесін, Алдашбай ахун ауылының 3 көшесін, Қармақшы ауылының 3 көшесін орташа жөндеу қажет етіледі. Аудан әкімі автомобиль жолына қатысты 15 жоба, көшелерді жарықтандыру бойынша құны 355,1 млн теңге болатын 11 жоба дайын екенін айтты.

Қармақшыда биыл 15 жоба қолға алынды 

<a href="https://kyzylorda-news.kz/">Kyzylorda-news.kz.</a> Кәсіпті біреу бастауға көп ойланып жүрсе, біреу қалай бастарын білмей бас қатырады. Електен өткізіп жүргенде уақыт ұттырады. Енді біреу шешім қабылдай алмай, «бірдеңе істеу керек еді?» деген сауалдың төңірегінде айналшықтай береді. Ал енді біреулердің ішінде арманы болады. Соған талпынып әрекет қылады. Істің көзін іздейді. Сол ізденіс пен талпыныстың бір күні жеміс берері анық.&nbsp;Дүр Оңғар ауылының тумасы Нұрғазы Өтепов те студент кезінен армандаған &nbsp;кәсібіне бүгінде қол жеткізген. Ол «Қызылорда» Өңірлік Инвестициялық орталығы» арқылы 3 млн теңге көлемінде жеңілдетілген 2,5 пайызбен несие алып, өзінің көлік жуатын және &nbsp;автокөліктердің дөңгелегін ауыстыру, жамау, желін тексеру, тағы басқа қызмет көрсету бойынша жеке кәсібін бастады.&nbsp;Жалпы жыл шеңберінде жаңадан кәсіп ашушылардың саны өткен жылмен салыстарғанда біршама өсім беріп отыр. Мұның бір сыры – аудандық кәсіпкерлік, өнеркәсіп және туризм бөлімінің кәсіп ашқысы келетін немесе кәсібін кеңейткісі келетін ниет білдірушілерге қызмет көрсетіп, ақыл-кеңес беруде есігі қашан да айқара ашық.&nbsp;Бөлімнің мәліметінше, ауданда тіркелген шағын және орта кәсіпкерлік субьекті саны осы жылдың 1 қарашасына 4323 бірлікті құраса, өткен жылдың сәйкестілік кезеңімен салыстырғанда 7,2 пайызға өскен. Оның ішінде жұмыс істеп тұрған шағын және орта кәсіпкерлік субьекті саны 4000 бірлікті құрап, 7,7 пайызға артқан екен. Тіркелген кәсіпкерлік нысанының жұмыс істеп тұғандарының үлес салмағы 92,5 пайызды құрайды. Биылдың қаңтар-маусым айы аралығында шағын және орта кәсіпкерлік саласында 6211 адам жұмыспен қамтылса, өткен жылдың осы кезеңімен салыстырғанда 23,6 пайызға өсіп отыр.&nbsp;<blockquote>– Мемлекеттік бағдарламалармен бизнес жобаларды қаржыландыруда &nbsp;жыл басынан бері жалпы құны 2 млрд теңгеден асатын 165 жоба несиелендірілді. Оның ішінде «2021-2025 жылдарға арналған кәсіпкерлікті дамыту жөніндегі ұлттық жоба» негізінде несие сыйақысының бір бөлігін субсидиялау бойынша 42 жоба екінші деңгейлі банктермен, «Аграрлық несие корпорациясы» арқылы 69, «Қызылорда» Өңірлік Инвестициялық орталығы» арқылы 41, «Ауыл аманаты» бағдарламасымен 13 жоба несиелендірілді, – дейді бөлім басшысы Біржан Өмірзақов.&nbsp;</blockquote>Мемлекеттік бағдарламаның шарапатын көріп отырған Нұрғазы Қуанышұлы кәсіп ашумен қатар қасына інісі Мәдиді жұмысқа тартқан. Яғни 1 адамды жұмыспен қамтып отыр. Көлік техникаларымен жұмыс істеу – ерге лайықты қызмет дейміз. Кәсіпкерлікке ден қоя бастаған азаматтың бұл саладағы тәжірибесі 10 жылдың шамасын құрайды. &nbsp;Жастайынан техникаға жақын болған. Шаруашылықта жүргізушілік еткен. «Ортақ өгізден оңаша баспақ артық» дегендей, нарық заманында кәсіп ашып, бақ сынау да ер жігітке үлкен сын деп білетін оның ауыл тұрғындары іскерлігіне шек келтірмейді.&nbsp; «Орта арнаулы архитектор-құрылысшы мамандығын бітіргенмін. Бірақ бала күннен көлік жүргізіп, техникаға жақын болып өстім. Ауылда шаруашылықта 9 жыл көлік жүргіздім. Биыл кәсібімді ашуға бел будым» дейді жас кәсіпкер сөзін әрі қарай сабақтап. &nbsp;<blockquote>– Жалпы колледжде оқып жүргенде алдыма мақсат қойдым. Ауылдың қаладан қай жері кем. Көлік жууда өз-өзіне қызмет ететін нүкте &nbsp;қалалық жерде жетіп-артылады. Өзім осындай стансада 2 жыл жұмыс істедім. Қолымнан келетін шаруа. Неге ауылдан осындай орталық ашпасқа, деген идея сол кезде келген. 50, 100 теңгеге көлік иелері өз-өзіне қызмет етіп, көлігін тазалап жуып алмасқа. Қаржы көп кетпейді. Қолжетімді баға. Жұмысы бірер минут. Қолмен жуған көбіктетіп шашып жуғандай болмайды. Әр нәрсенің өз уақыты болады дейді ғой. Идеяны іске асыратын уақыт осы шығар деп, мемлекеттік бағдарламаны пайдаланып, кәсіп ашуға шешім қабылдадым. «Аграрлық несие корпорациясы» арқылы 2,5 пайызбен 3 млн теңге несие алып, ісімді бастадым. Құжат дайындауда маған ауыл әкімшілігінің қызметкерлері көмегін аяған жоқ. Бірлескен жұмыстың нәтижесінде кәсіп ашып, өзімізбен қоса, сырттан келетіндерге де қызмет көрсетудеміз. Кәсіптің өзін ақтайтынына сенемін және алда басқа да жоспарларымыз бар, – дейді мемлекеттік бағдарламаның шарапатын көруші жас.&nbsp;</blockquote>Нұрғазы секілді Дүр Оңғар ауылында кәсібін бастаған бірнеше азамат бар. Олардың бірқатары қайтарымсыз грант бойынша жеңімпаз атанса, бірқатары жеңілдетілген несиеге іліккендер.&nbsp;<blockquote>– Ауыл тұрғындарын қолдау мақсатында жүргізіліп жатқан «Ауыл аманаты» бағдарламасымен 2,5 пайыздық жеңілдетілген несие алуда 1 азаматымыз жүк тасымалына 4 млн теңге қаражат алса, 1 азаматымыз кондитер өнімін шығаруға 6,7 млн теңге және тағы бір тұрғын жобасын сәтті қорғап, 3 млн теңге қаржысын күтуде. 19-35 жас аралығындағы жастарды қолдауда жеңілдетілген несиемен қаржыландырылған ауыл тұрғындары Мұхтар Сәндібеков мал өсіру бойынша кәсібін бастаса, Нұрғазы Өтепов көлік жуу орталығын ашты. Сонымен қатар 2 азаматымыз 3-3,7 млн теңге көлемінде қаржысын күтуде. 1380 мың теңге көлеміндегі қайтарымсыз грант бойынша 8 үміткердің бизнес жобасы қолдау тапса, олардың алды жұмысын бастады. Биылға кәсіпкерлікпен айналысуға тілек білдірген 18 ауыл азаматының 10-ы жеңілдетілген несие алса, қалған &nbsp;8-інің 1380 мың теңге көлеміндегі қайтарымсыз грант бойынша қорғаған бизнес жобасы қолдау тауып, кәсіпке ден қойды. «Қызылорда» Өңірлік Инвестициялық орталығы» арқылы Ғани Ұзақбаев пен Мұрат Ешниязов жылқы малын және Рахметолла Тілесов мүйізді ірі қара басын көбейтуге несие алып, жұмыстарын жасап жатыр дейді, – дейді Әбимүсілім Қоқанов.</blockquote>

Жеңілдетілген несиенің көмегімен кәсібін дөңгеленткен дүроңғарлық азамат

<a href="https://kyzylorda-news.kz/">Kyzylorda-news.kz.</a>&nbsp; Елдің еңбекпен көркейетінін ескерсек, еңбек адамының қоғамда қашанда орны ерекше, абыройы биік. Халық еңбекке бейім болса, ел ырысқа кенеліп, өзгелермен терезесі теңеліп, бақуатты, бәсекеге қабілетті мемлекет болып нығаяды. Осы орайда кәсіпкерлік саласын өркендетуге арналған жобалар мемлекет тарапынан қолдау тауып, ел игілігі үшін қызмет етуде.&nbsp;Қармақшы ауданына қарасты Жаңажол ауылында мемлекеттік бағдарламалар арқылы кәсібін жолға қойған еңбеккерлермен біршама. Өткен жылы іске қосылған жаңа жобаның игілігін көріп отырған осындай жанның бірі – жаңажолдық Айдын Мұсаев. Ол «Ауыл аманаты» жобасы бойынша жақында ғана жеңілдетілген несие алып, техника тізгіндеген.Көпбалалы әке 2012 жылға дейін шаруашылықта еңбек еткен. Кейіннен камаз автокөлігін жалға алып, жеке кәсібін жүргізген. Жазда шебін тасыса, күзде күріш таситын ол береке кілті тынымсыз еңбекте екенін айтады. Отбасын адал кәсібімен асырап отырған ол ауыл тұрғындарын жаңа жобаға қатысып, табыс табуға үндейді. Оның айтуынша, елді мекендегі халыққа бұрын мұндай жеңілдік берілмеген. 2,5 пайызбен несие алу бұл – өте тиімді.&nbsp;<blockquote>Жоба туралы ауыл әкімшілігінен, теледидар жаңалықтардан естіп, қатысуға бел будым. Алдымен аудандық кәсіпкерлік бөліміне құжат өткіздім. Кейіннен Қызылорда қаласына барып қажетті құжаттарды рәсімдеп, жеңілдетілген несиеге ие болдым. Өзімде бұрыннан тіркеме бар еді. Сондықтан камаз автокөлігіне таңдауым түсті. Көршілес ауылдарға тас, шөп, күріш тасуды жоспарлап отырмын. Алғашқы алты ай несие төлемеймін. Бұл ісін жаңадан бастап жатқан кәсіпкер үшін өте тиімді дер едім. Себебі кез келген кәсіп шығынсыз басталмайды. Шаруасы ширап жүріп кетемін дегенше тынымсыз әрекет пен уақыт қажет. Жалпы «Ауыл аманаты» жобасының бағыты ұнады. Әрі пайызы да көп емес. Мұндай жобалар көбейе берсе, еліміз қуатты елге айналары сөзсіз, – дейді кәсіпкер Айдын Рахманұлы.</blockquote>Қарапайым болмысымен алысты көздеген кәсіпкер ағамыз жары Шолпанмен 6 перзент тәрбиелеп отыр. Жұбайы ауылдық мәдениет үйінде есепші болып қызмет атқарады. Тұңғыш қыздарын биыл құтты орнына қондырса, енді бірі – студент. Одан кішілері мектеп пен балабақшаға барады.&nbsp;<blockquote>Менің түсінігімде ер адам аз ұйықтап, көп жұмыс істеу қажет. Қазір «жұмыс жоқ» деп қарап жататын заман емес. Іздеген адамға жұмыс көп. Тіпті мемлекет берген мүмкіндіктерді тиімді пайдаланып, ауылда қажет деген білікті маман, кәсіп иесі атануға болады. Бастысы, «отбасымды адал еңбекпен асыраймын» деген ниеттің болуы. Меніңше, еңбек еткісі келген адамға жұмыс табылады, әрекетіңе қарай табыс та бар. Жалпы, адамды көркейтетін, өмірге құштарлығын арттыратын еңбегі ғой. Өз маңдай теріңмен табыс табатын болсаң, ұстанымың да өзгереді. Жан-жағыңа басқаша қарай бастайсың. Сон-дықтан сылтау іздемей, барынша жалқаулықты қойып, еңбектену керек, – дейді кәсіпкер.</blockquote>Еңбекке де, кәсіпке де құштар кейіпкеріміздің жоспары айқын, арманы асқақ. Қай кезде де өз биігіне тек таза еңбегімен қол жеткізгісі келетін Айдын Рахманұлын бүгінгі жастарға үлгі болатын нағыз азамат.

Қазақстан және Қызылорда облысының жаңалықтары