<a href="https://kyzylorda-news.kz/">Kyzylorda-news.kz</a>. Арал ауданының әкімі Аманжол Оңғарбаев Сексеуіл кентіндегі ауылдық мәдениет үйінде жергілікті халықпен кездесу өткізді.Мұнда аудан әкімі биылға жоспарланған жобалар мен міндеттерге тоқталып, өңірдегі жаңа бастамаларды баяндады. Ең алдымен аудан әкімі кездесуге келген 90 жастағы ауылдың абыз анасына сый құрметін көрсетті. Алдағы көктемнің шуақты мейрамымен құттықтап, әрдайым батасын елге арнап, ортамызда қолдап отыра беруіне тілектестігін білдірді.<blockquote>«Аймақта, өңірде жасалынып жатқан жұмыстарды өздеріңіз жақсы білесіздер. Соңғы екі жылдың көлемінде облыстың бюджеті екі есеге артып, дәл осындай даму динамикасы ауданда да қалыптасып отыр. Түрлі инвестициялық бастамалар қолға алынып, жасампаз жобалар іске асуда. Ауданның негізгі кәсібінің бірі мал шаруашылығы болғаннан соң, екі жыл қатарынан облыс төрінде «Озат аудан» атымен жеңімпаз болып келе жатыр. «Түйе сүтінен құрғақ сүт өндіру» жобасы да биыл жүзеге аспақ. Оған қосымша, «Түйе етінен консерві шығару» жобасын қолға алуды жоспарлап отырмыз. Сексеуіл кентінде де іргелі істер өз шешімін табуда. Түйіні тарқалмаған мәселелер де жоқ емес. Дегенмен барлығы ретімен орындалуда. Кенттегі құрылыс жұмыстары тоқтап тұрған 40 төсектік аурухана мәселесі облыс басшысы Н. Нәлібаевтың қолдауымен қайта жалғасатын болады. Елдімекенді газға қосу жұмыстары да биыл аяқталып, ел игілігін көретін болады. «Жайлы мектеп» ұлттық жобасы шеңберінде кентте жаңа мектептің құрылысы басталуда. Қазіргі уақытта мемлекетіміздің ұстанымы бірінші кезекте халықтың тұрмысына қажетті әлеуметтік мәселелерді оңтайлы шешу. Біз бұл бағыттағы шараларды кезең-кезеңімен жүргізетін боламыз» - деді, аудан басшысы Аманжол Сақыпұлы.</blockquote>Сондай-ақ,кездесуге облыстық мәслихат депуттары Жорабек Нұрымбетов, Орынбасар Төлепов, Бауыржан Сандыбаев, облыстық мәслихат аппаратының басшысы Жандос Досжан, Мейрамбек Жұмашев арнайы қатысып, елдімекенде қордаланған мәселелерге қолдау көрсетіп, шешімін табуға жұмыс жасайтындығын айта өтті.Сексеуілдіктер басқосуда аудан басшысына өздерін толғандырған ұсыныс-пікірлерін жеткізіп, алдағы жұмыстарға сәттілік тіледі.Мұнан соң, аудан әкімі кент тұрғындарын жеке мәселелері бойынша қабылдап, жауапты сала басшыларына тұрғындар өтінішін заң аясында шешуде барша мүмкіндіктерді қарастыруды міндеттеді. Келген азаматтардың дені елдімекендегі шешімін таппаған мәселелерді алға тартса, енді бірі жұмысқа орналасу бойынша жүгінді.Сапар барысында Аманжол Сақыпұлы кенттегі 96 жастағы абыз ақсақал, елге сыйлы азамат Молдабай Ахметовпен арнайы кездесіп, ілтипатын білдірді. Қария аудан басшысының Арал өңірінің әлеуетін арттыруға арнаған қарымды қызметіне сәттілік тілеп, ақ батасын берді.<img src="https://knadmin.beoblood.kz/uploads/431555814_3747570972237928_2980940890017371143_n_82c2aedb46.jpg" alt="431555814_3747570972237928_2980940890017371143_n.jpg"><img src="https://knadmin.beoblood.kz/uploads/430759587_3747570728904619_8769846274042789569_n_08d28a7d47.jpg" alt="430759587_3747570728904619_8769846274042789569_n.jpg"><img src="https://knadmin.beoblood.kz/uploads/430478190_3747570815571277_2377158815588866300_n_f37878e32c.jpg" alt="430478190_3747570815571277_2377158815588866300_n.jpg">

Аудан әкімі 90 жастағы ауылдың абыз анасына құрмет көрсетті 

&nbsp;<a href="https://kyzylorda-news.kz/">Kyzylorda-news.kz.</a> С.Ысқақов атындағы құрылыс және бизнес колледжінде Қызылорда облыстық ҚХА жанындағы Аналар кеңесінің ұйымдастыруымен ақпараттық-танымдық кездесу өтті. Кездесуге Аналар кеңесінің төрайымы Айгүл Мұсабаева, облыстық ПД Есірткіге қарсы іс-қимыл басқармасының жедел уәкілі Темірхан Ахмет, облыстық Жастар ресурстық орталығының бөлім басшысы Серік Әбіл, облыстық наркологиялық орталығының психологы Әсел Әбдеш, 66597 әскери бөлімінің тәрбие және идеология жұмыстары жөніндегі бөлімінің үгіт-насихат жөніндегі аға офицері, капитан Болат Тұрсынбеков және 200-ден аса студент қатысты.Шарада ауқымды мәселелер қаралды. Мәселен, аналар кеңесінің төрайымы Айгүл Мұсабаева қазіргі гиперқозғалысқа бейім жастардың ерекшелігі, жастар арасындағы есірткіге құмарлық, вейп-темекіні пайдалану мәселесін қозғады. Сондай-ақ, вейп-темекіні қолданудың арты есірткіге тәуелділікке әкелетіндігін, бұны қолдануға тыйым жасау бағытындағы аналар кеңесінің атқарып жүрген жұмысын сөз етті.Ал облыстық ПД Есірткіге қарсы іс-қимыл басқармасының жедел уәкілі Темірхан Ахметтің айтуынша, былтыр 4 жағдай тіркеліп оның барлығы телеграмм желісі арқылы синтетика сатумен айналысқан өзге өңірдің адамдары екені анықталған. Осы ретте студент жастарға әлеуметтік желі арқылы жарнамаларды абайлап, жаман әдеттерден аулақ болуға шақырды.&nbsp;Мұнан соң облыстық Жастар ресурстық орталығының бөлім басшысы Серік Әбіл сөз алды.<blockquote>Қоғамның негізгі бастаушы күші – жастар. Синтетикалық өнімдерді тасымалдау мәселесі, оны жарнамалау үлкен қателік, яғни өз болашағына балта шабу. Осы ретте бос уақыттарыңызды тиімді пайдалану үшін біздің орталыққа шақырамын. Орталықта өз-өзіңді дамытуға барлық жағдай бар, – деген ол жастарға нашақорлық туралы арнайы ерікті жастардың түсірген бейнероликтерін көрсетті.&nbsp;</blockquote>Шара барысында облыстық наркология орталығының психологы Әсел Әбдеш де &nbsp;бүгінгі күні есірткі қолданушылар 15-64 жас аралығын құрайтынын және жастар арасында 5 есе көбейгендігін алға тартты.<blockquote>Өкінішке орай, нашақорлыққа салынғандар ең соңғы сатысында келеді. Мәселен, біздің өңірден Алматыға жұмысқа кеткен 25 жастағы жас бойжеткен тасымалдаушы болып жұмысқа тұрады. Уақыт өте келе осы есірткіні өзі де қызығып, қолданып, қазір біздің орталықта ем алып жүр. Жалпы есірткі тұтынған адамның барлығы психика-неврологиялық ауруға ұшырайды. Бұл өте созылмалы дерт. Емі де ұзақ уақытты қажет етеді. Өкініштісі, қазір синтетикалық өнімдер көбейіп кетті. Облыстық денсаулық сақтау басқармасына дабыл қағып жатырмыз. Бұрын есірткі қоладанатын адамдарды бет әлпетінен танитынбыз, қазір танымаймыз. Білу қиын. Синтетикалық заттардың нашақорлықтан айырмашылығы ол химиялық құрамы бөлек. Онда тәуелділік басым. Сондықтан аулақ болыңыздар», – дей келе, енді тексеру жұмыстарын әрбір оқу орындарында жүргізетіндерін жеткізді.</blockquote>66597 әскери бөлімінің тәрбие және идеология жұмыстары жөніндегі бөлімінің үгіт-насихат жөніндегі аға офицері, капитан Болат Тұрсынбеков 16 жылдан бері әскери салада жұмыс істеп келеді.&nbsp;<blockquote>Есірткіге құмарлық ортадан басталады. Бүгінгі күні есірткінің түрі көп. Әсіресе токсикомандар көбейген. Түнгі клуб, кафелерде жастар абай болыңыздар. Жаман ортадан алшақ болыңыздар. Себебі статистикалық мәліметтерге қарасақ, көңіл құлазиды. Бүгінгі күні ең жас нашақор 7 жаста. Ал 15-17 жас аралығындағы нашақор жасөспірімдер саны 3201 адам. Жалпы еліміз бойынша наркологиялық диспансерде тұрған нашақорлар саны 52 137 мыңға жуық. Өткен жылдармен салыстырғанда 9,5 пайызға артқан. Сонымен бірге, жастарды бұзу, тура жолдан тайдыру ниетінде Қазпошта қорапшасына синтетика өнімдерін салып кету фактілері жиі кездеседі. Ақысы киви кошелек арқылы түсіп отырады, – деді капитан Болат Тұрсынбеков</blockquote>Шара соңында студенттер тарапынан бірнеше сауалдар қойылып, тұшымды жауаптар қайтарылды. Аналар кеңесінің төрайымы Айгүл Мұсабаева қорытындылап, басқа оқу орындары мен мектептерде де танымдық кездесулер өз жалғасын табатынын баса айтты.&nbsp;

Синтетикалық есірткі – жас ұрпаққа төнген қауіп

&nbsp;<a href="https://kyzylorda-news.kz/">Kyzylorda-news.kz.</a> Әлемдік тәжірибеде халықты еңбекпен қамту ісін басқарудың әртүрлі модельдері қолданылады. Мәселен, америкалық модель еңбекке қабілетті азаматтардың елеулі бөлігі үшін еңбек өнімділігі төмен, бірақ халықты кеңінен қамтумен ерекшеленеді. Сарапшылардың пікірінше, мұндай жағдайда жұмыссыздар қатары азайғанымен, кедейлік мәселесі шешілмейді. Ал скандинавиялық модель мемлекеттік секторда табысы орташа, еңбекақысы қанағаттанарлық жағдайдағы жұмыс орындарын көптеп аша отырып, негізгі күшті солай қарай тартуға бейімделген. Бұл модель негізінен мемлекет қаражатына арқа сүйейді. Үшінші еуропалық модель еңбек өнімділігін арттыру арқылы халықты жұмыспен қамту мәселесіне орайластырылған. Мұндай жағдайда жұмысшылардың жалақылары біршама жоғары болады. Қазақстанның қазіргі қолға алған шаралары осы модельге келіңкірейді, бірақ өзіндік ерекшеліктері аз емес.Аймақта жұмыссыздық деңгейін төмендету мақсатында мемлекеттік бағдарламалар өз тиімділігін көрсетіп келеді. &nbsp;Осы орайда облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаевпен сұхбаттасқан едік.– Ғабит Жұмабекұлы, өңірде жұмыссыздық деңгейі қаншалықты төмендеді?– Былтыр облыста 86 рет бос жұмыс орындары жәрмеңкесі өткізіліп, 9155 бос жұмыс орны ұсынылған болатын. Осының нәтижесінде 3799 адам тұрақты және уақытша жұмысқа орналасты. Жыл сайын Солтүстік өңірлердегі бос жұмыс орындарына арналған жәрмеңкелер тұрақты ұйымдастырылып келеді. Өткен жылы біздің өңірден теріскейге 425 адам, яғни 117 отбасы қоныс аударды. Соның ішінде 146 адам тұрақты жұмысқа орналасып, баспанамен қамтылды. Жұмыссыздықты төмендету бағытында ауқымды жұмыстар атқарылғандықтан, 4,8 пайызға төмендеді. Ал жастар арасында 3,5 пайызға тұрақтады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; Былтыр «Жұмыспен қамтудың өңірлік жол картасы» шеңберінде 52389 жұмыс орны ашылса, субсидияланған жұмыс орындарына 16 мыңнан астам адам қамтылды. Мемлекет басшысының 10 мың адамға 100 жаңа жұмыс орнын құру тапсырмасына сәйкес, 12 916 жұмыс орны құрылды. Әлеуметтік осал топтағы азаматтардың тұрақты жұмыспен қамтылуы да басты назарымызда. Осы санаттағы 1529 адам мемлекеттік қайтарымсыз грант алып, өз-өзін жұмыспен қамту мүмкіндігіне ие болды. Бұдан бөлек, екі мыңнан астам мүгедектігі бар азамат тұрақты және уақытша жұмысқа орналасты. &nbsp;Ал 234 адам қайтарымсыз грант алса, 964-і «Бастау бизнес» және қысқа мерзімді курстардан өтті. Жалпы өңірдегі жұмыссыздық деңгейі 4,8 пайызға төмендеген.– Атаулы көмек алатын азаматтарға арнайы мониторинг жүргізіле ме? Нәтижесі қандай?– Атаулы әлеуметтік көмек алушылар саны айтарлықтай төмендеп келеді. Олар көмекке шын мұқтаж ба? Соған тексеріс жүргізіліп, арнайы мониторинг ұйымдастырылды. Нәтижесінде, жәрдемақыны алушылар саны 14 407 адамға кеміді. Өткен жылы 9 мыңнан астам азаматқа 4,6 млрд теңге көлемінде атаулы әлеуметтік көмек төленіп, жекелеген санаттағы 40 мыңнан астам адамға жергілікті өкілетті органдардың шешімімен қаржылай көмек берілген еді. Одан бөлек халықтың осал топтарынан шыққан 460 студенттің оқу ақысына көмек көрсетілді. Бюджеттен тыс көздерден көмекке мұқтаж көпбалалы отбасыларға, мүгедек және жалғызбасты қарт кісілерге қайырымдылық жасалды. Бұл игі шаралар биыл да жалғасын табады. Біздің өңірде 33 мыңнан астам мүгедектігі бар азамат тіркелген. Әлеуметтік қызмет көрсету саласын жаңғыртудың бір бағыты – мүгедектігі бар адамның отбасы мүшелерін әлеуметтік қызмет көрсетуге тарту. Тиісінше, жұмыссыз отбасы мүшесі жеке көмекші ретінде тіркеліп, оған қызмет көрсеткені үшін еңбекақы алады. Осылайша 2500-ге жуық адам жұмыспен қамтылғандар санатына енді. Тағы бір айта кететін жайт, оңалтудың жеке бағдарламасына сәйкес, мүгедектігі бар адамдар қажетті техникалық құралдармен қамтамасыз етілуде. Биыл да осы жұмыс жүйелі жүргізіледі. Айта кетейік, мүгедектігі бар азаматтардың қолайлылығы үшін 366 инфрақұрылым нысаны қайта жөнделді.– Шетелден жұмыс күшін тарту бағытына тоқталсаңыз… Қандай жұмыстарға, қай салаға келіп жатыр?– Иә, басқарма тікелей шетелден жұмыс күшін тарту және қандас мәртебесін беру, ұзарту мемлекеттік қызметтерін де көрсетеді. Шетелдік жұмыс күшін тартуға биылға 776 бірлік квота бөлінген. &nbsp;Облыста бірлескен 40 кәсіпорын жұмыс атқарса, ондағы қазақстандық мамандардың саны – 7190 адам, 370 шетел азаматына, атап айтсақ, 351 қытайлық, 10 сербиялық, 2 румыниялық, 6 украиндық, 2 корейлік, 2 ирандық, 5 түркиялық азаматқа жұмыс істеуге рұқсат берілген. Облыстық бюджетке түскен салық 244,2 млн теңгені құрады. Ал биыл бөлінген квота бойынша 500-600 адам жұмыс күші ретінде келеді деп күтілуде.– Биыл «Күміс жас» бағдарламасына қандай өзгерістер енді? Бағдарламаның тиімді тұстары қандай?– Аталған бағдарламаның тиімділігі жоғары. Өткен жылы республика бойынша 2021-2025 жылдарға арналған кәсіпкерлікті дамыту ұлттық жобасы аясында 50 жастан асқан 15166 адам «Күміс жас» жобасы бойынша жұмысқа орналастырылған. Расында да &nbsp;бүгінде зейнетке әлі шықпаған орта жастағы адамдардың жұмыс табуы қиын. Көпшілігі – үйде бала күтімімен отырып қалғандар немесе түрлі себептермен еңбек ету мүмкіндігі болмағандар. Жоғарыда аталған жоба осындай жұмыссыз жүрген жандардың зейнетке шыққанға дейін еңбек етуіне үлкен көмек. Олар «Күміс жас» жобасына қатысып, 36 ай бағдарлама негізінде жұмыспен қамтылады. Қатысу үшін арнайы өтініш беруі керек. Әрі тұрақты жұмысынан бөлек бағдарламаға да тапсырып, екі жұмыс істеуіне мүмкіндік бар. Биыл 2000-нан астам аймақ азаматы аталған бағдарлама бойынша жұмыспен қамтылады деп жоспарлап отырмыз. Мемлекеттен қаржыландырылу жағынан мәселе жоқ.&nbsp;

Жұмыссыздық деңгейі 4,8 пайызға төмендеді

<a href="https://kyzylorda-news.kz/">Kyzylorda-news.kz</a>. Қызылордада «Анаға тағзым» орталағында республикалық Аналар кеңесінің төрағасы Нәзипа Шанаи Қызылорда облыстық ҚХА жанындағы Аналар кеңесінің өкілдерімен кездесті.Кездесуге облыстық қоғамдық даму басқармасының «Қоғамдық келісім» КММ директоры Бақытжан Камалов, облыстық қоғамдық даму басқармасының этносаралық қатынастар мәселелері жөніндегі бөлімінің басшысы Айгерім Алиева, Атырау, Ақтөбе, Батыс Қазақстан, Қарағанды, Жамбыл &nbsp;өңірлерінің Аналар кеңесінің төрағалары мен мүшелері қатысты.Кездесуде Нәзипа Ыдырысқызы отбасылық құндылықтар, бүгінгі күннің өзекті мәселелері вейп, құмар ойынға жастардың құмарлығы, Аналар күні мен Отбасы күндерін атап өтуге ерекше мән беру, ажырасудың алдын-алу, «Саналы ата-ана», көпбалалы аналар мәселелері, аналарды мәдениеттендіру, бала тәрбиесі мен білімі, ұрпақ жалғастыруға жас отбасыларды дайындау және түрлі маңызды жобалар сөз болды. Қызылорда облыстық ҚХА жанындағы Аналар кеңесінің жүргізіліп отырған жұмысын және жобаларды, атап айтсақ “Сарбаздар анасы”, Аналар кеңесі мен Әкелер одағының бірлескен әлеуметтік жобалары, Отбасы мектебі жобаларын ҚХА республикалық сессиясында таныстыру, тәжірибе ретінде тарату ұсынылды. Кеңестің ортақ негізгі бағыттары бойынша жұмысты қарқынды түрде жүргізу тапсырылды.Сонымен бірге, Қызылорда облысы бойынша Аналар кеңесінің жүргізіп жатырған жұмыстарына оң баға беріліп, әскери органдармен бірлескен іс-шараларды одан әрі жандандырып, жалғастыру керектігі айтылды. Алдағы сәуір айында өтетін ҚХА сессиясында Аналар тарапынан көтерілетін маңызды мәселерді де талқыға салды. Бағыт-бағдар берді.<blockquote>Н. Шанаи: «Аналар кеңесінің миссиясы – аналардың мәртебесін көтеріп, отбасы институтын дұрыс қалыптастыру. Әр өңірдегі аналардың жағдайлары әртүрлі. Бірақ барлық аналарды біріктіретін ортақ проблемалар бар. Осы проблемалармен күресу, алдын-алу бағытында барлық өңірлерде ауқымды жұмыстар жүріп жатыр»,- дей келе, әр облыстағы Аналар кеңестерінің жеткен жетістіктер мен ерекшеліктеріне тоқталып өтті.</blockquote>Осы ретте Қызылорда облыстық ҚХА жанындағы Аналар кеңесінің төрағасы Айгүл Мұсабаева мен Батыс Қазақстан облыстық ҚХА жанындағы Аналар кеңесінің төрағасы, &nbsp;п. ғ. д, профессор &nbsp;Шалқыма Құрманалина ынтымақтастық меморандумына қой қойды. Меморандум аясында екі жақ ақпараттық-насихаттық жұмыстар, мәдени-рухани мұра, салт-дәстүрлерді сақтауға, жалпыұлттық бірлік пен қоғамдық келісімді насихаттауға, өзара тәжірибе алмаса отырып мазмұнды жұмыстарды бірлесе атқаруға мүдделі болды.Өз кезегінде Батыс Қазақстан облыстық ҚХА жанындағы Аналар кеңесінің төрағасы, &nbsp;п. ғ. д, профессор &nbsp;Шалқыма Құрманалина өңіріндегі атқарылған жұмыстарға тоқталып, Аналар кеңесі – бұл ұлттық тәрбие кеңесі екендігін алға тартты.<img src="https://knadmin.beoblood.kz/uploads/MW_6_A1492_11baf1bc6d.JPG" alt="MW6A1492.JPG"><img src="https://knadmin.beoblood.kz/uploads/MW_6_A1545_d24cdbb2c6.jpg" alt="MW6A1545.jpg"> &nbsp;

Республикалық Аналар кеңесінің төрағасы Сыр аналарымен кездесті

<a href="https://kyzylorda-news.kz/">Kyzylorda-news.kz</a>. Арал десе балық деген сөз қоса айтылатын екеуі егіз ұғым болып кеткені қашан. Олай болуы заңдылық та. Өйткені біз теңізді өлке деген атқа ие, балық шаруашылығы халықтың ата кәсібіне айналған өңірміз. Уақыт көші ілгері жылжып, теңіз тартылса да халық балық шаруашылығынан қол үзген жоқ. Содан да болар балық өнімдері Аралдың брендіне айналды. Алыстан келген қонақ та, сапарлап барған жеріміз де аралдықтардан балық өнімін ғана сұрайды. Бұл өздерінде жоқтықтан емес. Біздің өнімнің ереше тәсілмен дайындалатын тіл үйірер дәмділігінен болса керек. Осыны ескерек Есекеева Асылзат балық өнімдерін дайындайтын асқана ашты.&nbsp;Аралда кәсіпкерлік қарқынды даму үстінде. Заман талабына сай түрлі жылдам тамақтану орындары ашылу үстінде. Бірақ бұған дейін балық өнімінің асқанасы болған емес. Теңізді өлке деген аты бар Аралда осындай тамақтану орыны болса деген тілектен туған мақаланы бірнеше мәрте жариялаған едік. Ақжолтай жаңалықты естіп, кәіп бастаған Асылзат Есекеевапен сұхбаттастық.&nbsp;<blockquote>– Балық шаруашылығымен айналысып келе жатқаныма 30 жылға жуық уақыт болды. Жолдасым Төрехан екеуміз балаларымызды ата кәсіптің арқасында елден кем қылмай жетілдіріп жетпкіздік. Бұл біздің басты тіршілігіміз болды. Бірақ бізді бұрын балықты өңдеумен ғана айналыстық. Теңізден келген балықты шикізат күйінде өңдеп сырт қалаларға тасымалдап отыратынбыз. «Бала ұяда не көрсе ұшқанда соны іледі» демекші кейін балам балықшы болды. Сондан ойлана келе балық өнімдерін дайындайтын асхана ашайық деген шешімге келдік, - деген кәсіпкер кәсібін бастау жолы туарлы айтты.&nbsp;</blockquote>Бұл отбасылық кәсіп десек те болады. Себебі Асылзат апайдың ұлы теңізден су маржанын сүзіп әкеледі, жолдасы Төрехан оны тазалап, өңлеп асхананға жолдайды. Ал асханадағы шаруаны Асылзат апай мен қызы Бота ұршықша үйіріп отыр. Қазір асханада балықтан дайындалатын бірнеше өнім түрлері бар.&nbsp;<blockquote>– Асхананың ашылғанына аз уақыт болса да, естіп келіп жатқандар көп. Біз мәзірді тұтынушыларға ыңғайлы бағада әрі түрлі дәмнен тұратын етіп дайындадық. Мәселен, қуырылған балық, уылдырық, балық фаршынан катлет, түрлі дәмдеуіштер, аскөктермен ұсынылады. Сондай-ақ, ұлттық тағам қарама, асылған балық сынды тағамдар да дайындалаты. Тек бір есткеретіні ондай тағамдарға тапсыры алдын ала жасалуы керек. Бұған қоса, жеткізу қызметі де бар, - деген Бота ас мәзірімен таныстырды.&nbsp;</blockquote>Асхана орталықта орын тепкен. Ішінде келушілерге жайлы жағдай жасалған. Бәрінен де қуырылған балықтың иісі тәбетіңді ашып, аңсарыңды аудырады. Кәсіпкерлің айтуынша, мұнда балық ауланған бойда, балғын күйінде жеткізілетін болғандықтан дәмі де өз күйін сақтайды екен.&nbsp;<blockquote>– Қазір аз уақыттың ішінде келушілер қатары күнен күнге көбейді. Әсіресе, түстік асқа келушілер көп. Бәрі де ризашылығын білдіріп кетуде. Әрине балықтан дайындалатын тағамдар бізге таңсық емес. Күнделікті үйдегі ас мәзірінде дайындай береміз. Бірақ қазіргі қарбалас уақытта көбі балықты тазалап, өңдеу оны бабын келтіріп қуыруға, асуға уақыт таба бермейді. Біз де асхананы ашарда осыны ескріп, аралдықтарға ұнамды ас ұсынуда мақсат еткен болатынбыз, - деді кәсіпкер.&nbsp;</blockquote>Рас, мұндай асқананың болуы көңілге қуаныш ұялатады. Енді қуырылған балық, немесе басылған балық пен қарма жегіңіз келсе анасы мен қызың асханасын барып дәм татсаңыздар болады. Кәсіпкерлер алдағы уақытта асхананы үлкейтуді де жоспарлап отыр. Бәрі уақыт еншісінде.

Аралда балық өнімдерін дайындайтын асхана ашылды

<a href="https://kyzylorda-news.kz/">Kyzylorda-news.kz</a>. Бүгін аудан әкімі Аманжол Оңғарбаев Дания мемлекетінің белді экологы, бұрынғы балықшы Курт Кристенсен мен ғалым Курт Расмуссенді қабылдады.Аудан басшысы кездесу барысында Арал ауданының дамуы туралы айтып, қонақтарға Арал теңізінде балық шаруашылығын дамытуға, өңірге халықаралық инвестиция тартуға қосқан үлесі үшін даниялықтарға алғысын білдірді.«Арал балықшылары қайықтарын артып, жан-жаққа үдере көше бастаған кезде теңізде тек камбала балығының пайда болғаны олардың болашаққа үмітпен қарауларына септігін тигізді. 2000 жылдарында басында өңірдегі балық шаруашылығы осылайша өздеріңіздің қолдауларыңызбен қайта қалпына келе бастады. Бұл ретте «Сырдария өзенінің арнасын және Арал теңізінің Солтүстік бөлігін реттеу» жобасының да жемісті жүзеге асқанын айта кету қажет.Қазіргі таңда теңіз суының азайып, тұзданып бара жатқаны да жасырын емес. Осыған орай, салаға жауапты мамандарымызбен бірге тұзды суға төзімді, бағалы балық түрлерін көптеп өсіру бойынша жоба әзірлеудеміз. Сондай-ақ, тоғанды балық шаруашылығымен айналысуды су көзі бар барлық елді-мекендерде қолға алуды көздеп отырмыз» - деді аудан әкімі.Өз кезегінде Курт Кристенсен, Арал теңізіне қатысты үш жылдық жоба әзірлегенін айтты. Алдымен теңіз туралы деректі әрі ғылыми фильм түсіріп, әлемдік деңгейге шығаруды жоспарлауда. Негізгі мақсат адамзаттың қолымен жасалған экологиялық апаттың зардабын ғалам жұртына ұғындыру мен теңіз арнасын қайта қалпына келтіруге тиісті шаралар қабылдау. Осылайша экологтар дүниежүзінен Арал теңізіне инвестиция тартуды ниет етіп отыр.Сондай-ақ дат ғалымы ең алғаш Арал топырағына 1998 жылы табаны тигенін, өндірістердің тоқырағынын көрген. Ал бүгінде, бір Аралдың өзінде ондаған балық зауыттары өнімдерін шет елдерге экспорттап жатқандығы көңіл қуантады деді.Кездесу барысында аудан әкімі ғалымдарға жергілікті билік тарапынан қажетті қолдаулардың жасалатындығын, Халықаралық Аралды құтқару қорына Қазақстанның төрағалық етуі де айдынды өлке жұртының келешегіне деген зор сенім ұялататынын, Арал теңізіне қатысты мәселелерді оңтайлы шешуде бірлесе жұмыс жасайтындығын айтты.Жиын соңында даниялықтармен бірге теңізді толтыруға халықаралық қорлардан қаржы тарту бойынша уағдаласты.<img src="https://knadmin.beoblood.kz/uploads/429959547_3745404525787906_4827134994838790865_n_c2c85c29d7.jpg" alt="429959547_3745404525787906_4827134994838790865_n.jpg">

Аманжол Оңғарбаев даниялық ғалымдарды қабылдады

<a href="https://kyzylorda-news.kz/">Kyzylorda-news.kz</a>. Қазіргі таңда кәсіп бастап өз нәпақасын табамын деген ниетті адамға мемлекет тарапынан қолдау көп. Кәсіпкерлердің бастамаларын қолдау үшін түрлі жеңілдетілген несие, қайтарымсыз грант қаражаттары беріліп отырады. Соның ішінде биылғы жылы жастарға арналған 2,5 пайыздық жеңілдетілген несие мен ауыл және шағын қала халқының әлеуетін көтеруге бағытталған «Ауыл аманаты » жобалары қолға алынды. Қала тұрғыны, кәсіпкер Жұлдыз Күшжанова «Ауыл аманаты» жобасы аясында 2,5 пайыздық жеңілдікпен несие алып, кәсібін дамытқан жандардың бірі. Жұлдыздың тың бастамасы жайлы мақалада толық айтатын боламыз.Бүгінгідей қарбалас тіршілікте кейде үй ханымдары ас дайындауға уақыт таппай жатады. Ондайда дәмханалардың дайын өнімдеріне тапсырыс бере салып, аш қарынды тойдыру ең оңтайлы шешім. Бірақ, ата дәстүрі мен ана жолын ұстанға қазақы отбасы үшін «қазан қайнау керек» деген ұғым тағы бар. Міне, осыны ескерген Жұлдыз Күшжанова өгізді де өлтірмей, арбаны да сындырмайтын жаңа кәсіпті қолға алды. Анығын айтсақ, ол жартылай дайын өнімдер шығаратын цехты іске қосты.&nbsp;<blockquote>– &nbsp;Арал аудандық жастар ресурстық орталғында жұмыс істедім. 2015 жылдан бастап кәсіпкерлікті қоса атқарып жүрмін. Кейін бала көтіміне байланысты декреттік демалысқа шыққан соң, мемлекеттік мекемедегі қызметімді біржола тоқтатып, кәсіпке ден қойдым. Бастапқыда жартылай дайын өнім шығару туралы ұсынысты ағам айтқан болатын. Ол кезде маған бұл мүмкін емес сияқты көрінді. Осы жылдың наурыз айында кенеттен, неге жасап көрмеске деген ой келді. Осылай үйден манты, тұшпара, самса, тоқаш сияқты біршама тамақты жартылай дайын күйінде жасап, әлеуметтік желі арқылы жарнамалап көрдім. Сол кезден бастап бұл кәсіп маған пайда әкеле бастады, - деп бастады Жұлдыз әңгімесін.&nbsp;</blockquote>Аз уақытта істің көзін тапқан келіншек, бұл кәсіп түрінің мол табысқа бастайтындығын түсінеді. Осылай кәсібіне бар жан тәніммен кіріседі. Ендігі мақсат кәсібін одан әрі кеңейту болады. Осыны ойлаған ол «Атамекен» кәсіпкерлер палатасының Аралдағы бөлімшесінің қызметіне жүгінгенге ұқсайдын.<blockquote>– Өзім қай кезде де, бір істі қолға алсам, соны шыңына шығарғанды жақсы көремін. Кәсіпте жетістікке жету үшін айналымда ақша болуы керектігі тағы бар. Тапсырыс көбейді. Енді уақытылы орындау үшін заманауи құрал-жабдықтар алу қажет болды. Осы сәтте «Ауыл аманат» жобасына құжаттар қабылданып жатқандығын естіп мен де бағымды сынап көрейін дедім. Сәтін салып комиссия менің жобамды мақұлдап, 2,5 пайыздық несие алдым. Бұл қаражатқа цехқа қажетті қондырғылар сатып алдым, - деді кәсіпкер.&nbsp;</blockquote>Қазіргі таңда Жұлдыз Күшжанованың «Адал ас» деп аталатын 12 түрлі жартылай дайын өнім шығаратын, цехы барлық талаптарға сай жұмыс істеп тұр. Жұлдыз екі адамды тұрақты жұмыспен қамтып отыр.&nbsp;<blockquote>– Өнімдер сақтауға ыңғайлы, санитарлық талаптарға сай етіліп арнайы қаптамалармен нарыққа шығарылып отыр. Тапсырыс берушілер де баршылық. Дүкендермен қоса, жеке адамдар да алып кетіп отырады. Өнімді табиғи таза еттен дайындаймыз. Құрамы үй жағдайындағы мәзірмен бірдей болғандықтан, дәмі де ерекше, - деді ол.&nbsp;</blockquote>Міне, істің көзін тапқан келіншек отбасындағы келіндік, аналы, жар ретіндегі міндеттерімен қоса, мемлекет қолдауының арқасында, кәсібін кеңейтіп, іскер әйелге айналып отыр. Әрекет еткен адамның берекелі тұрмыс кешетіндігін дәлелдей түскен Жұлдыздың алға қойған мақсат, жоспарлары да көп.

«Ауыл аманаты» жобасының арқасында кәсібін кеңейткен келіншек

<a href="https://kyzylorda-news.kz/">Kyzylorda-news.kz.</a> Қазақстандықтардың көктемнің алғашқы шаймашуақ күндерге бой алдырып, босаңсыған көңіл-күйлерін алаяқтар әккі пайдалануда, көктемгі мерекелер қарсаңында олар үйреншікті айла-тәсілдерінің екі түрін қолдануда.&nbsp;Fingramota.kz&nbsp;олар жөнінде толығырақ айтып береді.&nbsp;Қазақстанда телефон алаяқтығы&nbsp;жағдайлары жанданып, әлеуметтік желілерде өз оқиғаларымен бөліскен пайдаланушылар саны артуда. &nbsp;Қаскүнемдер өздерін банктердің, микроқаржы ұйымдарының немесе басқа ұйымдардың қызметкерлеріміз деп таныстырып, өз құрбандарына «қолдан жасалған» нөмірлерден қоңырау соғады. Мәселен, бұл қазақстандық кредиттік ұйымның колл-орталығының қысқа нөмірі болуы мүмкін – заманауи технологиялардың көмегімен оны іске асыру түкке тұрмайды. Ал алаяқтардың өздері сол сәтте басқа қалада немесе тіпті басқа елде болулары мүмкін.Алаяқтықтың бұл түрі вишинг&nbsp;деп аталады (ағылш. vishing — voice phishing деген сөздерден) және азаматтарға телефон соғу арқылы қаражат ұрлау тәсілдерінің кеңінен тараған түрлерінің бірі.Қаржы алаяқтары діттеген мақсаттарына қол жеткізу, яғни &nbsp; әлеуетті құрбанының дербес деректерін қолға түсіру үшін сан-қилы қулықтарға барады. Бұл ЖСН, төлем картасының немесе шоттың деректері, CVV/CVC-код, SMS-хабарламамен келетін төр таңбалы код. Оларды қолға түсірісімен қаскүнемдер картадағы немесе шоттағы барлық қаражатты қолма-қол ақшаға айналдыра алады.&nbsp;№1 схема &nbsp;Қаржы ұйымдары қызметкерлерінің шынайы құжаттарына ұқсас &nbsp;жағдайларАлаяқтар ықтимал құрбандарына өздерін қауіпсіздік департаментінің немесе түрлі банктердің, микроқаржы ұйымдарының call-орталығының &nbsp;қызметкерлері ретінде таныстырып, оның атына алаяқтық кредит &nbsp;ресімделген деп қоңырау шалады.Мессенджер арқылы алаяқтар азаматтардың сеніміне кіру үшін жалған мөр соғылған және қолдармен өздерінің жұмыс құжаттарын, бланкілер жібереді. Мысалы, Желіге ҚР Ұлттық Банкінің қауіпсіздік қызметінің аға маманының жұмыс куәлігі шығарылады, бұл, әрине, жалған құжат.Қазақстан Ұлттық Банкі жеке тұлғаларға қызмет көрсетпейтінін және халыққа ақша аударымдарын жүргізбейтінін, оның ішінде «алаяқтарды ұстау жөніндегі арнайы операцияларды» жүргізу үшін халықты тартпайтынын еске саламыз.Күмәнді мобильді қосымшаларды орнатпауды, дербес деректеріңізді жария етпеуді, мобильді телефоныңызға қашықтан қол жеткізуге мүмкіндік бермеуіңізді және телефонмен сөйлесу барысында алынған нұсқаулар бойынша үшінші тұлғалардың шоттарына ақша қаражатын аудармауды сұраймыз.№2 схема. Телекоммуникациялық компаниялардың қызметтерімен байланысты жағдайлар&nbsp;Алаяқтар бұрын үйіне интернет орнатқан азаматтарға хабарласып, ажыратылмаған-мыс қызметтің күшін жою қажеттігін хабарлайды. Өздерін телекомпаниялардың, байланыс операторларының қызметкерлері ретінде таныстырады. Алаяқтар SMS-хабар жіберу және дербес деректерге қол жеткізу үшін белгілі бір нұсқауларды орындау арқылы көрсетілетін қызметті қашықтан ажыратуды ұсынады.Сонымен бірге алаяқтар әлеуетті құрбандарына хабарласып, олардың телефон нөміріне операторды ауыстыру туралы өтінім келіп түскенін айтады. Мұндай өтінім бермегенін айтқан адамға алаяқтар «қауіпсіздікті» қамтамасыз ету үшін жеке кабинеттегі құпиясөзді ауыстыруға кеңес береді. &nbsp;Содан кейін құрбанына оператордың ресми нөмірінен құпиясөзді жіберуге арналған, алаяқтарға өте қажетті коды бар SMS келеді. Егер адам оны істесе, қаскүнемдер оның нөмірі мен онлайн-банкінгіне қол жеткізеді.Fingramota.kz жалған «қаржы институттарының қызметкерлерінен», «телеком-операторларынан» телефон қоңыраулары түскен кезде әңгімені тоқтатып, осы ұйымға қоңырау шалу арқылы барлық ақпаратты өзіңіз тексеруге кеңес береді. Осы ұйымның әлеуметтік желілердегі ресми интернет-ресурста немесе ресми аккаунтында көрсетілген нөмірлерге хабарласу қажет. &nbsp;Егер сіздің құпия деректеріңіз жария етілген болса, шоттарыңызды бұғаттап, қаржылық мобильді қосымшалардағы құпиясөздеріңізді ауыстырып, құқық қорғау органдарына жүгінуіңіз қажет.Вишинг-алаяқтардың құрбаны болмас үшін &nbsp;Fingramota.kz-тен бірнеше пайдалы кеңес:Әңгімені бірден доғарған дұрыс.&nbsp;Банктің қызметкері дербес деректерді, оның ішінде карточканың толық нөмірін; оның қолданыс мерзімін; CVC/CVV; интернет-банкингке логин мен парольді; SMS немесе PUSH-хабарламадан код сөзін, кодты білу үшін ешқашан бірінші болып қоңырау соқпайды. Банк бұл деректерді егер сіз қандай да бір проблеманы шешу үшін өзіңіз қоңырау соққан &nbsp;жағдайда ғана сұрауы мүмкін. Мысалы, шетелге шығарда картаны бұғаттан шығару, қайта шығарылған картаны қайдан алуға болатынын нақтылау және т.с.с. Егер сізге қоңырау шалып, өзін банк қызметкерімін деп таныстырып, осы ақпаратты сұраса, егер оны тіпті автожауап берушіге айту қажет болса да, бұл алаяқтар екендігіне еш күмәнданбаңыз. Телекоммуникация компанияларының өкілдері жай нөмірлерден қоңырау соқпайды және&nbsp;ешқашан SMS-кодтарды немесе карточкалардың деректемелерін айтуды сұрамайды. Барлық маңызды мәселелер бөлімшелерде шешіледі. Егер сізді телефон алаяқтары қорқытуға тырысса, дүрбелеңге салынбаңыз.&nbsp;Сіздің картаңызға қатысты күрделі мәселе туындағаны туралы дүрбелең хабарға: «Тексеру үшін өзім қазір банкке қоңырау шаламын немесе барамын!» деп жауап қайтарған дұрыс. Бұл алаяқтардың жиі қолданатын тәсілі, яғни карточка иесін қорқыту. Егер сіздің картаңызға қатысты қандай да проблемалар пайда болса, банк оны өзі бұғаттай алады, негізінен, бұл жөнінде сізге шартта өзара уағдаласқан тәсілмен &nbsp;хабарлама жіберіледі.Сақ болыңыз және Fingramota.kz-пен қаржылық сауаттылығыңызды арттырыңыз!Фото: Fingramota.kz

Наурыз айындағы мерекелерге орай алаяқтар белсенділік танытуда: сақ болыңыз!

<a href="https://kyzylorda-news.kz/">Kyzylorda-news.kz.</a> Жалағаш ауданындағы «AB AGRO ORDA» ЖШС ұжымы былтыр күзгі науқанды жоғары жетістікпен қорытындылаған. Әлбетте, аяқ су тапшылығы, шілденің шіліңгір ыстығы және басқа да мәселелермен шаруа адамдары талай бетпе-бет келген. Бірақ, соның барлығын еңсеріп, қамбаны астыққа толтырды. Серіктестік төрағасы Қанат Ниетқұлов мұның бәрі ауыл еңбеккерлерінің ауызбіршлікпен, ымырамен іс қылуының арқасында дейді.&nbsp;Былтыр серіктестік 800 гектарға жуық алқапқа Сыр салысын сепкен. Күзде оның әр гектарынан 56 центнерден өнім алды. 70 адамды жұмыспен қамтып отырған шаруашылық әлден көктемгі науқан жұмыстарына білек сыбана кірісіп кетті. Былтыр алқаптағы Сыр салысының шығымына ала жаздай тер төккен 15 диқан биыл да кетпендерін қайрап, соқаларын сайлап отыр. Олай көктемгі жұмысқа ерте қам жасайтындай жөні бар, себебі олар саланы қорытындылаған бойда қаржылай қолдауға ие болады екен. Биыл да инвестор еңбекте дара шапқан шаруа адамдарына қыруар қаражат үлестіріп, шабыт беріп қойды.&nbsp;Иә, өткен сенбіде серіктестік ұжымы жыл қорытындысын саралап, биылғы маусымдық жұмыстарын пысықтап алды. Онда әдеттегідей төраға жыл қорытындысымен атқарылған жұмыстарды саралап, алдағы жылдан да үлкен өнім күтетінін жасырмады. Сондай-ақ, ауыл еңбеккерлеріне атқарған жұмысына сай қаражат үлестірді.&nbsp;<blockquote>– Былтыр аяқ су мәселесі болды, жаздың ортасына таман ауа райы да қолайсыз болды. Бірақ, мен осындай қиындықтарға төтеп берген әріптестерімнің еңбегін жоғары бағалаймын. Ауыл еңбеккерлерінің ауызбіршілігі мығым болса, біз әлі талай толайым табысқа жетеміз. Әлгіндей қиындықтарға қарамастан өткен жылды да шаруашылық жоғары нәтижемен қорытындылады. Ұлу жылында да үлкен өнімнен үмітіміз бар. Бастысы, бірлігіміз мығым болса, оған да жетеміз. Бүгінгі қаржылай қолдау сіздердің ала жаздай атыз басында еткен еңбектеріңіздің өтеуі деп білемін. Негізінен сіздер мұнан да жоғары қолдауға лайықсыздар. Алдағы жылды мол табыспен қорытындыласақ, ол күннің де ауылы алыс емес деп ойлаймын, – дейді төраға Қанат Ниетқұлов.</blockquote>Айта кетейік, шаруашылықта 3 бригада бар. Маусымында егіс басында біз де барғанбыз. Олар уақытпен, ауа райының қолайсыздығымен санасуды білмейді, тек еңбек, еңбек және еңбек. Қара жұмыспен шираған дала дарабоздарының толайым табысқа жетудегі еңбегі зор. Кешегі басшылықтың оларды қыруар қаражатпен марапаттап жатқанын көріп риза болдық. Адал еңбектің өтеуі осы шығар, сірә.Не керек, шаруашылық төрағасы&nbsp;бұл басқосуда&nbsp;50 млн теңгені еңбекте озат шыққан дала дарабоздарына үлестірді. Олардың қатарында күріштің күтіміне басымдық берген диқандар, бітік шыққан алтын дәнді жауын-шашынға қалдырмай жинап алған майталман механизаторлар, агрономдар мен аспазшылар да бар. Қорытынды шарада ауыл еңбеккерлерінің алды 2 млн теңгеге, ең төмені 500 мың теңге қаржылай сыйақыға ие болды.&nbsp;Былтыр&nbsp;Сәрсенбек Байғанаев күріштің әр гектарынан 69 центнерден өнім алған. Әр жылды толайым табыспен қорытындылап жүрген диқан&nbsp;биыл&nbsp;да күріштің күтіміне басымдық беретінін айтады. Бүгінгі&nbsp;басқосуда&nbsp;даңғайыр диқандардың ізбасары 2 млн теңге қаржылай сыйақыға ие болды.&nbsp;<blockquote>– Шыны керек, бұл қаржылай қолдау бізге үлкен шабыт болды. Шүкір, бұған дейін де күріштен мол өнім алып, әр жылды табысты қорытындылап келемін. Алдағы жылға да дайындық жұмыстары басталып кетті. Негізінен күріш егу оңай шаруа емес. Оны ала жаздай атыз басында болған диқандар жақсы біледі. Оның үстіне жылдан-жылға аяқ су мәселесі күрделеніп келеді. Ал күріштің негізгі қорегі су екенін ескерсек, бұл диқандарға айтарлықтай мәселе болып отыр. Мамандар келер жылы да мәселе оңалмайтынын айтады. Мұндай жағдайда амалсыздан егінді әртараптандыруға басымдық беруге тура келеді. Шаруашылықтардың барлығы ротацияны сақтауға ерекше мән берсе, мәселенің алдын алуға болады. Аяқ су қат болса, өнім сапасы да нашарлайды. Былтыр мұндай мәселелердің алдын алдық, жасаған жұмысымыз жемісін берді, – дейді диқан С.Байғанаев.</blockquote>2 млн теңге қаржылай сыйақыға ие болғандар қатарында майталман механизатор Болат Шіміріков те бар. Ол күрішке орақ түскенге дейін мал азығын жинауға күш салады екен. Ал егін жинау науқаны басталғанда әріптестерімен бірге атыздағы бітік өнімді жинауға кіріседі. Айтуынша, еңбек адамы биыл да жоғары нәтижемен көзге түскен және ол бұл жағдайдың дәстүрге айналғанын айтады.&nbsp;<blockquote>– Еңбек еткен оның нәтижесін көреді ғой, бұл сөздің растығына жыл сайын көз жеткізіп келемін. Бір жағынан қаржылай сыйақы алдағы жылдарға үлкен шабыт болады. Кім қаржылай қолдауды, әлеуметтік жағдайының жақсарғанын қаламайды дейсіз. Еңбекте озат шыққандар жасаған жұмысының жемісін көріп жатыр. Алдағы жылы да аянбай еңбек етеміз. Жалпы бос уақыт кез келген адамды аздырады. Сондықтан қолым қалт етсе, басқа да жұмыстармен айналысқанды жақсы көремін. Шаршамай болмайды, адал еңбек түбінде ырыс әкеледі. Менің шаруашылықта жұмыс жасап жүріп осыған көзім жетті, – дейді механизатор Болат.</blockquote>Шаруашылықтың күзгі науқанды үлкен табыспен қорытындылағаны көрініп-ақ тұр. Алдағы жылы да төраға қамбаны астыққа толтыруға еңбек ететінін айтады. Диқандар әлден кетпенін қайрап дайын отыр. Елдің ырысын еселеп, ымырамен іс қылған шаруа адамдарының алдағы науқанды да оң нәтижемен қорытындылауына тілекшіміз ғой біз де.

Ауыл еңбеккерлеріне 50 млн теңге үлестірілді

<a href="https://kyzylorda-news.kz/">Kyzylorda-news.kz.</a> ҚР Тұңғыш Президенті – Елбасы Н.Назарбаев «Қазақстандықтардың әл-ауқатының&nbsp; өсуі:&nbsp; табыс&nbsp; пен тұрмыс сапасын арттыру» тақырыбындағы Жолдауында және мемлекет басшысы Қ.Тоқаев «Cындарлы қоғамдық диалог – Қазақстанның тұрақтылығы мен өркендеуінің негізі» атты халыққа арнаған Жолдауында біршама бағыттардың маңыздылығын атап өткен болатын. Солардың бірі – «Қарапайым заттар экономикасын» жеңілдікпен несиелендіру бағдарламасы. Бұл бағдарлама Елбасы Нұрсұлтан Назарбаевтың бастамасымен құрылған және мемлекет басшысы Қасым-Жомарт Тоқаевтың ерекше бақылауына алынғанын атап өткен&nbsp; жөн.Қазіргі таңда еңбекқор жандарға елімізде көп мүмкіндіктер жасалған. Тек әрекет қана әлденені өзгерте алады. Қиял-ғажайыпқа ерік беріп, қол қусырып экраннан көз жанарын алмай отырғандарды көргенде қарның&nbsp; ашады. Десек те өз кәсібін дөңгелетіп, көпке&nbsp; үлгі&nbsp; болып жүргендер&nbsp; қаншама.«Қарапайым заттар экономикасы» бағдарламасы шағын және орта кәсіп өкілдеріне көмек беруде. Біршама тетіктері бар бағдарламаны зейін қойып ұғынған жөн. Терминнің түпкі мағынасын түсінбей дал болып отырғандарға айтарымыз, ол – күнделікті халық тұтынатын тауарлар. Оған азық-түлік, киім, жиһаз, тұрмыстық техника да жатады. Қысқасы, әрбір қазақ қолданатын заттар. Аталмыш жоба аясында әлеуетті кәсіпкерлерді сүйемелдеу бойынша өңірімізде белсенді жұмыстар жүргізілуде.Қызылордалық кәсіпкер Гүлсара Прназарова – жастайынан мал шаруашылығына бейім болып, ерлермен қатар иық тіресе еңбек етіп жүрген нәзік жан. Оның ісі – көпке өнеге. Алғашында шағын кәсібін ашып, көп қиындықты көрген. Үлпілдек қар жамылып, қылышын сүйреп қыс келгенде шаруа қожалығында мехнатты күндер өткені сөзсіз. Дей тұрғанмен, өз ісіне мығым шаруаның адамына жаңбырдың шелектеп төпеп тұрғаны да, қараңғы түн қабырғасын қақырата сөгіп аспанда жасын ойнағаны да тосқауыл болмағаны анық.Шаруа қожалықтарына мемлекеттен көрсетілетін көмек көлемі де ауқымды. Гүлсара Прназарова өткен жылы 30 млн теңге қаржы алып, бір жыл болар-болмастан ісі ілгеріліп, 100-ден аса жылқы, 80 бас сиыр, 300-ден аса қой мен ешкіні құрап отыр. Олардың қатары күннен-күнге артуда. Асыл тұқымды мал шаруашылығына ерекше көңіл бөлген кәсіпкердің&nbsp; мақсаты – мал&nbsp; санын&nbsp; көбейту.– Қазір кәсібімнің барлық жағдайын жасадым. Бұрын төрт түлікті асырау едәуір қиынға соққан болатын. Ұзақ жылдар бойы жоспарлаған жұмысымның нәтижесін бағдарлама арқылы көрудемін. Сол себепті осы бағдарлама аясында қызмет етіп жүрген азаматтарға алғысымды білдіремін! Күндіз-түні жұмыс істеп, еліміздің дамуына барымызды саламыз, – деді мал&nbsp; шаруашылығының&nbsp; шебері.Ел қазынасын байытуға бағытталған жоба жеңілдетілген несие беруді көздейді. Мемлекеттік&nbsp; субсидиялардың&nbsp; көлемі&nbsp; жыл өткен сайын артып келеді. «Тәуекел түбі – желқайық» демекші бір іске жүрегі дауаламай тұрған азаматты қайрау мақсатында құрылған бұл жоба импортқа тәуелділікті азайтуды шешпек. «Қарапайым заттар экономикасын» дамыту – бұл ішкі нарықты отандық тауарлармен молықтыру, өндеу өнеркәсібінің бәсекеге қабілеттілігін ынталандыру. Ең бастысы, халық тұтынатын&nbsp; тауарлардың&nbsp; кең&nbsp; номенклатурасын&nbsp; шығару.«Қазақ жұрты мал бағуға жалпы шебер» деп Әлихан Бөкейханов айтып кеткен екен. Сырдың еркесі Гүлсара кәсіпкер&nbsp; де қазақтың төрт түлік малын асылдандыру керектігіне ерекше назар&nbsp; аударған. Ол – төрт түлікті бағып-қаққан теңдессіз тәжірибесі бар жан. Жүйелі жұмыс келешекте көрсеткіштері елеулі өсіп, оң&nbsp; нәтижесін&nbsp; беретініне&nbsp; сенеміз.

«Қарапайым заттар экономикасы» бағдарламасы арқылы кәсіп ашқан

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мейрамбек Шермағанбет Қазалы қаласына арнайы барып, әлеуметтік нысандарды аралады.Аралау кезінде Қазалы аграрлы-техникалық колледжі, М.Горкий атындағы №16, Ғ.Мұратбаев атындағы №17, Қ.Нұрмаханов атындағы №95 мектептер мен «Ақерке» балабақшасының және «Шағала» балаларды сауықтыру демалыс орталығының жұмысымен танысты. Білім беру мекемелерінің жай-күйін көрген аудан әкімі ондағы кемшіліктерді шұғыл қалпына келтіріп, ең әуелі мекеме аумағындағы тазалық мәселесіне аса назар аудару керектігін ескертті.Сонымен қатар қалада орналасқан Мәдениет үйі, «Шипагер» дәрігерлік амбулаториясы, №18 Қазалы ауданының балалар-жасөспірімдер спорт мектебі, Ғани Мұратбаевтың мемориалдық музейі мен Ғанибай үйі, Қазалы конфет цехы, Қарасақал Ерімбет атындағы орталық саябақ, жеке спорт кешені, Ардагерлер алаңы мен Жастар үйі ғимараттарында аралады.Қазалы қаласындағы республикалық санаттағы архитектуралық ескерткіштердің бірі – Ғанибай үйі. Халық арасында «Керуен сарайы» аталып кеткен бұл ғимаратқа реставрация жұмыстары жүргізіліп, қайта қалпына келтірілген болатын. Аудан әкімі тарихы маңызы жоғары мұндай ғимаратты бос қалдырмай пайдалану жөнінде тиісті сала басшыларына нақты тапсырмалар жүктеді.Мейрамбек Зинабдинұлы қала әкіміне ең бірінші әрбір мекеме мен нысандардың және қала аумағындағы жалпы тазалық жұмыстарын шұғыл қолға алып, қураған ағаштарды кесу, орнына қайта көшеттер отырғызу, істен шыққан жарықшамдарды қалпына келтіру, ағаш түптерін әктеу, қоршаулар мен орындықтарды, жол белгілерін сырлау сынды басқада қаланы көркейту бағытындағы жұмыстарды орындауды тапсырды.<img src="https://knadmin.beoblood.kz/uploads/431270415_3863538147200437_4654082486100302627_n_61e3267bb5.jpg" alt="431270415_3863538147200437_4654082486100302627_n.jpg">

Мейрамбек Шермағанбет әлеуметтік нысандарды аралады

<a href="https://kyzylorda-news.kz/">Kyzylorda-news.kz</a>. Биылдан бастап банк ұйымдары жеке кәсіпкерлердің мобильді аударымдары бойынша деректерді береді. Бұл жоба – жасырын кірістер мен тіркелмеген кәсіпкерлерді анықтауға бағытталған. Тиісінше, үш ай қатарынан ай сайын 100 түрлі адамнан мобильді аударым алған азаматтар бақылауға алынады. Ал, екі ай 100 аударымнан көп төлем жасалып, арасында үзіліс жасалса не болмаса, 100 аударымға жетпейтін мөлшерде аударым болса тексеріс жүргізілмейді. Бұл жөнінде Өңірлік коммуникациялар қызметінің ақпарат алаңында облыстық мемлекеттік кірістер департаментінің жауапты өкілдері хабарлады.<blockquote>-Осы жылы жалпыға бірдей декларацияның үшінші кезеңі жүргізілуде. Бұл декларацияны заңды тұлғалардың басшылары мен құрылтайшылары және жеке кәсіпкерлер, сондай-ақ олардың жұбайлары тапсырады. Декларацияда елімізде тіркелмеген шетелдегі жылжымайтын мүлік пен көлігі бар, шетелдік компаниядағы үлес, сонымен қатар бағалы қағаздар, цифрлық активтер, инвестициялық алтын, тұрғын үй құрылысына қатысу туралы мәліметтер көрсетіледі. Жалпыға бірдей декларацияны «Салық төлеуші кабинеті», «Электрондық үкімет» веб-порталы, «eSalyq Azamat» мобильді қосымшалары арқылы тапсыруға болады. Айта кету керек, декларацияны тұрғылықты жеріңіз бойынша осы жылдың 15 қыркүйегіне дейін тапсыруыңыз тиіс, - деді облыстық мемлекеттік кірістер департаменті басшысының орынбасары Еркін Елшібеков.</blockquote>&nbsp;<blockquote>-Өздеріңіз білетіндей, осы жылдан бастап мобильді аударымдарға байланысты өзгерістер енгізілді. Осыған сәйкес, банктерден ақпараттың келіп түсуі кезең-кезеңімен жүзеге асырылмақ. Бұл ретте жеке тұлғалар өздерінің жеке мақсаттары үшін жасаған мобильді аударымдары қабылданады. Мұндай аударымдарды декларациялаудың қажеті жоқ. Өйткені бұл төлемдер жеке тұлғаның табысына жатпайды. Сәйкесінше, табыс алуға бағытталған аударымдар ғана декларациялауға жатады. Осыған байланысты кәсіпкерлерге кәсіпкерлік қызметке арналған шоттарға төлем қабылдауды ұсынамыз, - деді облыстық мемлекеттік кірістер департаментінің камералдық мониторинг басқармасының басшысы Гүлнар Исаева.</blockquote>

Қазақстан және Қызылорда облысының жаңалықтары