<a href="https://kyzylorda-news.kz/">Kyzylorda-news.kz.</a> Қазына апай дегенде менің ойыма көк қасқаны тізгіндеген қайсар қыз елестейтін.&nbsp; Осы кісінің өмір жолы көпке үлгі. Кеңес дәуірінде бірлі жарым болмаса, нәзік жандардың көпшілігі бұл мамандыққа бара қоймайтын. Оның бейнетінен бір қорықса, екіншіден машина, трактор жүргізу ел түсінігінде қыз балаға қол емес, ол ер адамның шаруасы дейтін. Алайда сол түсінікті бұзып-жарып, көлік руліне&nbsp; жалындап тұрған жас қыз Қазына отырғанда көпшілік оны қолай көрмей, ертең бейнетінен қашып,&nbsp; әлі келмегесін өзі-ақ&nbsp; тастап қашады деген қаңқу сөз ел арасында айтылғаны өтірік емес. Бірақ өр мінезі, бейнетке жақындығы, табандылығы, намысын бермейтін өжеттігі&nbsp; жас қызды биікке жетелей берді.&nbsp;Осылайша ол сол кездегі&nbsp; Жалағаш аудандық «Жаңадария»&nbsp; газетінің 1-ші бетіне үнемі жарияланып, өзіне үміт артқан ата-ананың да, қалың көпшіліктің де сенімін ақтап&nbsp;тек облыс көлеміне емес, одаққа аты шыға бастады.Сол кезде атағы жер жарған Социалистік Еңбек Ері Кәмшат Дөнентаеваның үндеуіне өзінің еселі еңбегімен үн қосты. Көкқасқа­ның гүріліне өзінің әдемі қоңыр дауысын үндестіріп, рулде отырып ән де шырқады. Шынында, шығарма­шылыққа жаны жақын, жүрегі нәзік, сыршыл арудың қос тіркемесі бар ЗИЛ-130 автокөлігін айдағаны айтса адам сенгісіз&nbsp; жағдай. Машинаның бөл­шектерін бұрап, алақаны еңбекпен ысталған талдырмаш қыздың қа­зақ­тың қара домбырасын нақышына келтіріп тартып, термені құйқылжыта орындағанын көргенде Құдайдың шеберлігіне таңдай қағасың. Өйткені бір пендесінің бойына мұнша талантты үйіп бергенін көріп, құдіретті күшке бас иесің. Өмір дерегіне зер салсақ, ол көлік, трактор жүргізуші, ұстаз, айтыскер ақын, журналист сынды белестерден өткен. Өтіп қана қоймай, сол саланың үздігі болған.&nbsp; 20 жасында Қостанайға бидай жинауға аттанған 2699 ер кісінің қатарында Қазына апайымыз да болып, 2 ай бидай тасыған.Осындай ұлағатты өмір иесі Қазына Мералықызы Өзденбаева 1954 жылы Жалағаш кентінде&nbsp; дүниеге келген. 1971 жылы&nbsp; №202-ші қазақ орта мектебін бітірген. Мектеп бітірісімен 1971-1981 жылдар аралығында Жалағаш авто­транспорт кəсіпорнында қос тіркемемен ЗИЛ-130 ауыр автокөлігін жүргізген.&nbsp;1981-1984&nbsp; жылдары&nbsp; Ақсу совхозында&nbsp; К-700 тракторы мен «Енисей» ком­байнының&nbsp; штурвалына отырған. 1984-1985 жылдары Ақсу кеңшарының əкімі болып қызмет атқарған. 1988-1993 жылдар аралығында Тасбөгет кентіндегі №11 қазақ орта мектебінде директордың орынбасары қызметін атқарған. 1993-2003&nbsp; жылдары аудандық С.Майқанова атындағы мəдениет үйін­де жас жыраулар мен айтыскер ақындар тəрбиелейтін жетекші ұстаз болған.&nbsp; Бір қызығы, әр саланың қазанында қайнаған&nbsp; Қазына Өзденбаева 2003-2012&nbsp; жылдар аралығында&nbsp; облыстық «Ақмешіт апталығы», «Ақмешіт ақшамы» газеттерінде сатира бетін жүр­гізген. Кейін зейнетке шыққанша республикалық «Сыр айнасы» газетінің бас редакторы қызметін атқарған. Осы жылдар аралығында үш рет облыстық кеңестің депутаты, облыстық партия комитетінің пленум мүшесі болған. Өмірінің жалындап тұрған жас шағында&nbsp; 25 жыл КПСС мүшесі болған.Біз білетін Қазына өнер əлеміндегі қолтаңбасымен де&nbsp; халықтың ерекше&nbsp; ықыласына бөленді. Айтыскер, əнші, термеші, бүкілодақтық байқаудың лауреаты жəне дипломанты деген құрметті атақты иеленді. Бірнеше өлеңіне танымал сазгер, Қазақстан композиторлар одағының мүшесі Сəбит Лұқпанұлы, «Дарын» сыйлығының иегері Күнсұлу Түрікпен, Сəкен Шынымов, Малат Пірмаханов, Алгелді Траров ән жазды.&nbsp; Еңбек жолын машина кабинасына отырып, еңбек етуден бастаған өндірдей жас қыз проза, поэзия, сатира, пародия секілді төрт жанрға қалам тартты. Сан саланың сырын ұққан, барған жерінің бағын жандыратын ерекше болмысымен жұртты баурап алатын апамыз бұл күнде жетпіске қадам басқан байыпты қаламгер, ақын-сатирик, Қазақстан Журналистер одағының мүшесі, бірнеше кітаптың авторы, халықаралық айтыскерлер мен жыршы термешілер одағының мүшесі, «Қызылорда облысының таңдаулы транспорт жүргізушісі», «Қазақстан Республикасының үздік автокөлікші»&nbsp; төсбелгісінің иегері.Досқа адал бейнесімен өзінің «Алып ұшқан көңіл-ай» атты жыр кітабында өзіне қалам ұстатып, журналистікке баулыған асқар тау азамат Әділхан Бәйменнің рухына&nbsp; арналған қолтаңба бар. Онда «Осы кітабымды журналистік жолыма сәттілік тілеп, шын жүрегімен қолдаған өзімнің бірінші редакторым және ұстазым болған марқұм&nbsp; Әділхан Айтмағамбетұлы Бәйменнің рухына арнаймын» делінген ыстық ілтипат бар. Талант иесінің «Көңіл әйнегі», «Сүюсіз өмір жат маған», «Тектінің тұяғы» атты кітаптары бар.Таланты сан қырынан өрнектелген ерекше өнер иесінің еңбегі еленбей қалған жоқ. Халқының алғысына бөленген Қазына Өзденбаева&nbsp; «Құрмет белгісі» орденімен, «Ерен еңбегі үшін», «Тыңға 50 – жыл», «Қызылорда облысына – 70 жыл», «Автотранспорт саласына – 80 жыл» мерекелік медалімен марапатталған. Өзі туып өскен Жалағаш ауданының құрметті азаматы.Өлең&nbsp; өлкесінде әсем жырларымен халықты сусындатып келе жатқан Қазына Мералықызы зейнетке шықса да айтыс аламанында шаршы топқа түсіп, қаншама рет бәйгеге шауып, жүлдегер атанып жүр. Жуырда ғана Шиелі ауданында Социалистік Еңбек Ері Жадыра Таспамбетованың 70 жылдығына орай ұйымдастырылған ретро айтысқа қатысып, арқалы ақын Кенжебай Жүсіповпен айтысып, өз өнерімен қалың көпшілікті тәнті етті.Емеспін журналист те, филолог та,Әзірге сала алмадым жырға ноқта,Кетер ме ем пенделіктің жетегінде,Өртеніп айналмасам өлең шоққа.Өлеңнің өлмес өлең кешенінде,Өзенін асыл жырдың кешемін бе?Жүректі жарып шығар бүршік атып,Өміршең ақын гүлі өседі ме?Желегін жайған бүгін қарағаймын,Біреудің байлығына қарамаймын.Өсірген адал аппақ еңбегіммен,Гүл бағын жан жырымның аралаймын.

Халық құрметіне бөленген Қазына

<a href="https://kyzylorda-news.kz/">Kyzylorda-news.kz.</a> Бүгінде&nbsp; 2021-2025 жылдарға арналған кәсіпкерлікті дамыту жөніндегі ұлттық жоба&nbsp; өз жемісін бере бастады. Аталған бағдарлама аясында кәсібін бастағысы келген жандардың арасында жастар көбейгені қуантарлық жаңалық. Талапты жастың бірі – қала тұрғыны Нұрбол Маделханов. Ол осы жоба бойынша 2022 жылы 5 миллион теңге қайтарымсыз грант алып, гофрленген тақта өндірісін қолға алған. Бүгінде еңбегінің жемісін көріп отырғанын қуана жеткізді.– Кез келген іс бірден оңтайлы жолға түсіп кетпейтіні белгілі. Кедергілермен күресу арқылы кел­ген табыс та құнды. Сол секілді біз де ойға алған ісімізді бастар кезде қаржылық мәселелер туындады. Құрылыста көп қолданылатын гофрленген тақта өндіретін цех қалада жоқ екенін білдік. Ал қазір сол тақта көпшіліктің сұ­ранысына ие болуда. Қы­зылордалықтардың қажетін өтеу мақсатында шағын цех&nbsp; ашуды жөн көр­дік. Өзімізде шығатын өнім болған соң нарықтың ба­ғасынан төмен бағамен&nbsp;аудан, қала халқына&nbsp; саты­лымға шығарамыз. Біздің мақсат – аймағымызды да­мыту. Тұтынушыларымызға&nbsp; сапалы өнім беру үшін еліміздегі сапасы жоғары шикізаттарды пайдаланамыз, – дейді кейіпкеріміз.Цех директоры Нұрбол Маделхановтың айтуынша, енді ғана ашылғандықтан әзірге 2 адам жұмыс істеп жатыр.– Бұл істі жаңадан бастап жатқандықтан, әзірге көп адамды жұмысқа алып үлгермедік. Әрине, біртіндеп кәсібіміз жолға қойылған соң жұмысшылар қатарын да арттырамыз. Гофрленген тақтаның екі түрін шығарамыз, қалыңдығы 0,33 және 0,35 миллиметр. Елімізде тақтаның бұл екі түрі де үлкен сұраныста,– дейді цех басшысы.&nbsp;Шынында, өзімізден шыққан өнім түрі көбеюде. Әйтпесе сырттан әкелінген тауар халықтың қалтасын қағатыны рас. Оның үстіне бұл тақталардың қазір нарықта құны жоғары. Сондықтан бұл жоба өз жемісін бергелі тұр.

Өндірісті өркендеткен кәсіпкер

<a href="https://kyzylorda-news.kz/">Kyzylorda-news.kz.</a> Күн жылып, жердің тоңы жібіген кезде басталатын жыл сайынғы көктемгі егіс дала жұмыстары Шиеліде биыл да қарқын ала бастады. Техникаларды дайындау, шаруашылық жұмыстарын қамдау – ауыл шаруашылығы саласының мамандары үшін күн тәртібінен түспеген мәселе. Себебі егілетін өнім мол. Ал биылғы егістік көлемі қандай? Қара жерге дәнді дақылдардың қай түрін көбірек егуге басымдық береміз? Осы және өзге де маңызды сауалдардың жауабын аудандық ауыл шаруашылығы және жер қатынастары бөлімінің мамандары берген жауабымен тарқатайық.Биыл аудан бойынша 30 109 гектарға егін егу жоспарлануда. Оның ішінде күздік бидай – 848 га, жаздық бидай – 513 га, тары – 250 га, дән жүгері – 900 га, мақсары – 900 га, күнбағыс – 50 га, соя – 70 га, жаңа жоңышқа – 3500 га, ескі жоңышқа – 6123 га, мал жемдік асқабақ – 300 га, жемдік жүгері – 100 га сондай-ақ, картоп – 1230 га, көкөніс – 1825 га және 2 440 га бақша дақылдары егіледі. Ал негізгі дақыл күріштің үлесі – 11 000 гектарды алып отыр. Сондай-ақ биыл әртараптандыру дақылдарына аса мән беріліп, бидай 1421 га, тары мен жүгері 1250 га, майлы дақылдар 1020 га, мал азықтық дақылдар 9923 га және картоп, көкөніс, бақша дақылдары 5495 га ұлғайту көзделуде, – дейді сала мамандары.&nbsp;«Су – тіршілік көзі» дейді дана халқымыз. Әрі бұл – шындық. Соңғы жылдары шаруалар аяқсудың тапшылығынан қиындық көруде. Ала жаздай бейнеттенген диқанның еселі еңбегі сусыз қалып, күнге күйсе, алынатын өнімнің де көлемі кеміп кетері сөзсіз. Сондықтан биыл суды үнемдеу мақсатында ауыл шаруашылық өнімдерін тамшылатып суару әдісімен егілетін көкөніс, бақша дақылдарын 620 гектардан 1802 гектарға дейін ұлғайту көзделіп отыр.&nbsp;Өткен жылы аудан әкімінің бастамасы аясында азық-түлік қауіпсіздігін қамтамасыз ету және азық-түлік импортын азайту мақсатында ауданда әр отбасының өзін-өзі әлеуметтік маңызы бар өнімдермен қамтамасыз ету үшін шаруашылық құрылымдары арасында жер дайындап беру мен үлестіру бойынша 1520 гектар жер тұрғындарға берілген болатын. Тұрғындар өзіне қажетті картоп, сәбіз, қызанақ сияқты өнімдерін егіп, қыстан қысылмай шықты. Осы жұмыс биыл да өз жалғасын тауып, 1700 гектар жер дайындау жоспарға енгізіліп отыр. Бұл – тұрғындар үшін, қуанарлық жағдай. 2024 жылдың егісіне 170 тонна күздік бидай тұқымы дайындалып, егілсе, көктемгі дала жұмыстарына 115 тонна жаздық бидай, 22,5 тонна мақсары, 35 тонна жоңышқа және негізгі дақыл күріштің 2750 тонна тұқымдары құйылды. 2750 тонна күріш тұқымының 256 тоннасы жоғары сұрыпты I-репродукция және 2164 тоннасы II репродукциялы тұқымдарға жатады. Олар «лидер» және «маршал» сорттары. Сала мамандары егілетін егістікке 14 080 тонна минералдық тыңайтқыш қажет дейді. Оның ішінде: аммоний сульфаты 7100 тоннаға, карбамид 3800 тонна, 80 тонна байытылған суперфосфат, 2450 тонна аммофос, 400 тонна аммиак силитрасы және 250 тонна тыңайтқыштың басқа да түрлеріне шаруашылықтар тарапынан сұраныс жасалынды. Бүгінде қолда бары 7676 тонна, яғни қажетті көлемнің 54,5%-ы бар. Ал, арамшөптерге қарсы қолданатын гербицидтердің барлық қажет көлемі 11315 литрді құрап отыр. Оның ішінде рейнбоу – 2365 литр, солито – 8200 литр, 200 литр гулливер, 100 литр гербитокс, 100 литр номини, 250 литр каратэ және 100 литр басқа да түрлеріне шаруашылықтардан сұраныс түскен. Осы ретте Шиелі ауданының ауыл шаруашылығы және жер қатынастары бөлімінің басшысы М.Әшірбеков – Бүгінде ауыл шаруашылығы құрылымы жаңа үлгідегі МакДон, Джон Дир, Класс, Енисей, Есіл маркалы соңғы үлгідегі ауыл шаруашылығы технологияларымен толықтырылып, егістік алаңында қолданылуда. Аудан бойынша 4 жыл көлемінде отандық және шетелдік техникалармен 63%-ға техника паркі жаңарған. Биылғы жылы да 10 техника алып келу жоспарда бар. Ауыл шаруашылығы тауарын өндірушілердің қолында көктемгі дала жұмыстарына қатысатын 581 дана ауыл шаруашылық техникасы, оның ішінде 335 дана трактор, 78 дана соқа, 46 дана тұқым сепкіш, 51 дана автомашина және 71 дана трактор тіркемесі дайын, – дейді сала басшысы. Көктем шығып, дала дүбірі басталар сәтте диқан қауымы алдымен дизель отынынан тапшылық болмауын назарға алады. Осыны ескерген сала мамандары ауыл шаруашылығы тауарын өндірушілері тарапынан көктемгі егінге мемлекеттен бөлінетін арзандатылған 1815 тонна дизель отынына сұраныс берген. Жеткізуші оператор болып «РК Мұнай» ЖШС таңдалды. Әзірге сала мамандары 1 литр дизель отының бағасы нақтыланбағанын тілге тиек етті.&nbsp;Иә, сонымен ақпарат көздеріне назар салсақ, атқарылар жұмыс аз емес. Білікті мамандар жүйелі түрде жұмыс істеп, үнемі назарда ұстап отырса, еткен еңбектің бейнетін көрер күн де алыс емес.&nbsp;

Шиеліде дала жұмысына дайындық қызу

<a href="https://kyzylorda-news.kz/">Kyzylorda-news.kz.</a>&nbsp; Жаңақорғандық диқандар егінді әртараптандыруға ден қойып, биылғы жылы қант қызылшасын егуді жоспарлап отыр. Өткен жылы жаңақорғандық шаруалар Жайылма ауылдық округіне қарасты “Айсара Ана” шаруа қожалығында 5гектар қант қызылшасы егіліп, 280 центнерден өнім алынды. Әрине бұл жақсы нәтижес. Тек сәл еңбекті қажет етеді демесеңіз пайдасы көл-көсір.Жалпы өңірімізде әлемдік нарықта үлкен сұранысқа ие қант қызылшасы көш бастаған болатын. Биыл да бұл өнімге деген сұраныс кеміген жоқ. Өйткені, бұл өнімнің тамақ өндірісі болсын, ауылшаруашылығы саласы болсын қолданыс аясы өте кең. Қызылша өсіру біздің елде де берекелі кәсіпке айналды. Оның игілігін тек Алматы және Жамбыл облысы шаруалары көруде. Сыр өңірінің бұл өнімді өсіруге әлеуеті жететіні ақиқат. Тек бізде өнімді өткізетін зауыт жоқтығы талапқа тұсау болып тұр. Бақша дақылдары ішіндегі өтімділігі мен шығымы жоғары өнімге көшуге кедергілердің басты себебі осы. Әйтпесе біздің шаруалар қанша гектар болса да қызылша егіп, шығымын көбейтуге қауқарлы.Бүгінде қанттың 60 пайызы сырттан импортталады. Үкіметтің жуырдағы кеңейтілген отырысында Мемлекет басшысы бұрын іске қосылған жеті қант зауытының төртеуі ғана жұмыс істеп тұрғанын алға тартты. Оның үстіне жүктемесі де 30 пайыздан зорға асады. Қант қызылшасы тұқымы нарығы да 95 пайыз импортқа тәуелді, мұнда отандық өнімнің үлесі бар болғаны – 5-ақ пайыз.“Ауыл шаруашылығы министрлігі 2026 жылға қарай қант қызылшасының үлесін 6 есеге (7 пайыздан 43 пайызға дейін) арттыруды жоспарлап отыр. Алайда соңғы төрт жылда қант қызылшасының егілу ауданы үштен бірге азайды. Біз импорттық қантқа 90 пайызға тәуелдіміз. Бұл жерде ЕАЭО аясындағы шешімдерді алға тартуға болады. Бірақ кез келген жағдайда бұл Үкіметтің кемшілігі бо¬лып қалмақ. Демек, мемлекет ұста¬ны¬мын қорғай алмады”, – деген Президент Қасым-Жомарт Тоқаеве қант саласын дамыту жөніндегі жеке салалық жоба әзірлену керек екенін жеткізді. Ондағы мақсат – импортқа тәуелділікті барынша қысқарту, өзін-өзі қамтамасыз етуге біртіндеп көшу.Қант қызылшасы жайында өткен аптада «КМF» қаржы ұйымының 25 жылдығы аясында өткен агрофорумға арнайы келіп, аудан шаруаларымен кездесу өткізген Бекзат Төрегелдиев терең түсіндірме жұмысын жүргізді. РһD докторы, канадалық Альберта университетінің түлегі Бекзат мырзаның талдау-таразылауынан бұл дақылдың пайдасы туралы құнды мағлұмат ала алдық. Ғалым қант қызылшасының қазіргі таңдағы жағдайы және өсіру агротехнологиясы тақырыбында әңгіме өрбітті.<blockquote>– Қант қызылшасы – біздің елде қант алуға арналған негізгі шикізат, оның өндірілу деңгейі елдің азық-түліктік қауіпсіздігіне тікелей әсер етеді. Бұл – қайта өңдеу тұрғысынан барынша сұранысқа ие дақылдың бірі. Қазақстанда бұл өнімнің 3 түрі өсіріле-ді. Әлемдегі қант нарығына үңілер болсақ, қант негізінен қант құрағынан және қант қызылшасынан алынады. Қант құрағының өндірісі 1,4 млрд тоннаны құрайды. Оның ішінде қант қызылшасының үлесі – 270 млн тонна болып отыр. Ал, бізде бар өндірілетіні 200 мың тонна, жалпы тұтыну көрсеткішіміз 500 мың тоннаны құрайды. Сондықтан экспорттап, экономикаға үлес қосудан бұрын ішкі нарығымызды реттеп алуымыз керек, – деді ол.</blockquote>Рас, біз елде бір оңды ахуалға, қолұшын созудың орнына, оны талан-таражға салуға ынтықпыз. Енді ішкі ахуалды реттейтін уақыт келді. Өйткені, қанттың бағасы аспандап кетті. Қазір ел бойынша Алматыда «Ақсу» және «Көк¬су», сондай-ақ, Жамбылда «Меркі» қант зауыты бар. Біз жетісулық шаруалардың биылғы тыныс-тіршілігімен танысып көрдік. Жалпы облыс бойынша осы жылы 370 мың тонна өнім жинау жоспарланып, 2 қант зауыты 71 мың тонна қант өндіруге ниетті. Қазір барлық ауданда тәтті түбір егіледі. Биыл бұл қатарға алакөлдік диқандар да қосылды. Бүгінде Алакөл ауданындағы 20 шаруа қожалығы 500 гектарға еккен қант қызылшасын жинауға кіріскенін білдік.Бұған дейін қызылша өсіруді тиімсіз және қиын жұмыс деп санаған шаруа¬лар тек майбұршақ өсірумен айналыс¬қан. Дегенмен биылдан бастап қант қызылшасына төлем зауыттан берілетін сома мен мемлекеттік субсидияны қоса алғанда 40 мың теңгеге өскендіктен тәтті түбір өсірудің табыстылығы артқан.<blockquote>– Биыл Көксу қант зауыты америкалық элиталық сорт тұқымымен қамтамасыз етті. 8 гектардан 320 тонна өнім жина¬дық. Алқаптың бірінші бөлігінде бір тәтті түбірдің орташа салмағы 6 килограм¬ға жетсе, ең ірісі 8 килограмнан асып отыр. Өнімдерімізді Ақсу қант зауыты¬на өңдеуге тапсырдық. Келесі жылы тәтті түбірдің егіс алқабын ұлғайтуды жоспарлап отырмыз. Мұндай өнімділікке қол жеткізу үшін тұқымның сорты да, агротехникалық талаптарды сақтау да, баптап өсіру мен суғару да – бәрі маңызды, – дейді шаруа қожалығының басшысы Жасұлан Сүлейменов.</blockquote>– Субсидия қалай бөлінеді?– 2021 жылы қант зауыттары мен мемлекет берген демеуқаржы есебінен бір келі қызылшаның құны 20 теңгеге жеткен. Ал былтырдан бастап Үкімет шаруаларды қолдау мақсатында қант зауыттарының сатып алу бағасын ұлғайтты. Зауыт 15 теңге, ал мемлекет субсидия ретінде 15 теңге төлейді. Осылайша, бір тонна қант қызылшасы үшін шаруалар енді 30 мың теңге алатын болады. Мұндай қолдау басқа мемлекеттерде жоқ. Мәселен, қазір Алматы шаруалары 1 гектарға 70 мың дән тастаса, жамбылдық диқандар 80 мың тұқымға дейін себуде. Бұл дегені¬міз, гектарына 70-80 тонна өнім алуға болады деген сөз. Шаруасы шатқаяқтап тұрған сала үшін бұл да болса үлкен демеу екені анық.Ғалымның айтуынша әлемдік нарықта қант қызылшасының экспорты азайған, бұл біздің шаруаларға мүмкіндік дейді. Ал, Қызылорда облысында қант қызылшасын өсіру қаншалықты тиімді?– Негізінен бұл дақыл өте баяу өседі, біздің өңірдегі шығымы басқа аймақтарға қарағанда жоғары болады. Ең басты себебі, климаттың ысты¬ғы мен топырақтың құнарлығы. Қант қызылшасын жинаудың ең оңтайлы уақыты 20 қыркүйектен 1 қарашаға дейінгі кезең. Тамыржемістерін жинау тұрақты ауа температурасы 5°C-тан төмен және топырақ қатып қалғанға дейін аяқталуы керек, ерте кезеңдерде жинауды өнімділігі жоғары, тамыр жемістеріндегі қант мөлшері кемінде 14% болатын жерлерден бастау керек. Негізгі және ең үнемді әдіс – бұл жинаудың ағынды әдісі, онда комбайн бункерінен тамыржемістер көлік құралына тиеліп, қызылша қабылдау пунктіне жіберіледі. Қызылша дақылы көп суды да қажет етпейді екен. Соның өзінде биыл су жетіспеушілікке ұрыныпты. Өйт¬кені плотинаның суына сеніп еккен¬мен, ол су ертерек түгесіліп, соңғы кезегінде суғарылудан да қағылыпты. Бір әттегенайы, егіндік мерзімінен бір ай кеш, яғни сәуірдің 5-інде емес, мамырдың 5-не қондырылған. Сондай-ақ, топырақ құрамын да анықтап үлгірмедік, – дейді маман. Тыңайтқышты бергенде де өлшем бірліктері қағидасы сақталуы керек екен.Сыр елінде қызылша дәнін себу дәстүрі әлі қалыптаса қоймады. Тек біздің ауданда ғана тәжірибе алаңы орын алғаны белгілі. Жалпы бұл дақылды егу жаңақорғандық шаруаларға таңсық емес. Өйткені, бұған дейін өсіріп, шығынға батқан дала еңбеккерлері беттеуге жүрексініп отыр. Оған басты себеп, бірінші, өнім піскенде жинауы, екінші, шикізатты өткізуі шаруаларға қиындық туғызады. Ал, үшінші техни-каның тапшылығы тұсау болып тұр. Бұл жөнінде Бекзат Төрегелдиев:&nbsp;<blockquote>«Техниканы аймақ, аудан басшылығы шешуі тиіс. Ал, өткізу бойынша қазір зауыттарға Президент қатаң тапсырма беріп, ісін ілгерілетуді тапсырды. Сондықтан қорықпай егуге болады. Тіпті болмаса бізбен байланысуға болады» – деді.</blockquote>Биыл тұралап қалған егін шаруасын қолға алып, небәрі 1 гектарына дән тастады. Егер шығымы мен өтімділігі жақсы болса, келер жылдан бас¬тап жаппай қолға алуға ниетті. Су тапшылығы да ретке келеді. Өйткені, күріш суды ең көп қажет ететін дақыл.<blockquote>– Нақ осы дақыл біздің өңірге тіленіп тұр. Оның жердің бетіндегі егіз тұқымдасы қауын мен қарбызды өсіргенде қант қызылшасын ескермегеніміз кемшілігіміз болмақ. Маман ретінде айтарым, әр аймақта күн спектрі әртүрлі болады, дақыл күннен де, жерден де нәр алады. Біздің аймақта күннен күлгін сәуле бөлінеді, бұл айрықша тәтті дақылдар клеткаларын белсенді түзеді. Ал солтүстік аймақтарда күннен бөлінетін сарғыш-қызыл сәуле белок, май, крахмалға бай дақылдарға тиімді. Кезінде Келінтөбе кеңшарына басшылық еткен жылдары 20-30 гектар жерге егіп көрдім. Сонда әр гектардан 45-60 тонна өнім алдық. Егу тәсілі жерді жүйектеп, ұрық шашып жүгері еккенмен бірдей. Наурыздың соңын ала егіп, қарашаға дейін емін-еркін жинап алуға болады. Суыққа төзімді, сақтауға да оңай, іріп-ағып кетпейді. Өңірді қантпен қамтамасыз ету бір бөлек, мал азығындық маңызы одан бір де кем емес. Бұған дейін өңір халқын ғасырға жуық күріш асыраса, бұл жаңа дақыл сондай уақыт елді асырауы бек мүмкін, – деді ауылшаруашылығы саласының ардагері Алмас Нәлібаев.</blockquote>Біздің елдегі тағы бір мәселе, дақылдың дәні, оны уақытпен реттейміз. Ең бастысы, биылғы сынақ нәтижелі болып, шаруалар келешегін осы да¬қылмен байлап, экспорт әлеуетін арттыруға ниетті. Барлығы уақыттың еншісінде.Фото: el.kz

Жаңақорған ауданы қант қызылшасын егуге басымдық беруде

<a href="https://kyzylorda-news.kz/">Kyzylorda-news.kz.</a> Бүгінде нарықа төсек-орын жабдығын шығаратын фабриканың брендтері сан алуан. Кез-келген адам қалтасына, талғамына қарай таңдап жүріп керегін таба алады. Базарға барсаң көздің жауын алатын төсеніш бұйымның түр-түрін көруге болады. Кейбірінің арзан болғанмен сапасы көңілге қонымсыз. Сапалысының бағасы шарықтап тұр.Қызылордалық кәсіпкер Гүлвира Төлешбекова осы олқылықтың орнын толтырып, жергілікті өнімді шығаруға талаптанып, «Нұрай текстиль» бренді бұйымын жасап, көпшілікке ұсынды. Көп ұзамай сапасы&nbsp; тамаша, қазақтың ерекше ою-өрнектерімен кестеленген төсек-орын тұтынушылар көңілінен шықты.Кейіпкеріміз төсек-орын жабдықтарын өндіру саласында жаңа технологияны пайда­ланды. Ол кәсіпкерлікке 2014 жылы зергерлік бұйым сату арқылы келген. 2022 жылы кәсібін кеңейту туралы шешім қабылдап, өзі өндіруші болуды көздеп, жанында сауда үйі бар шағын цех ашты.– Базарда сырттан әкелінген тауарлар сатылды. Қазір көпшілік қыз жасауына ерекше әдемі, қазақы ұлттық болмысымызға сай келетін бұйым іздейді. Ондай бұйымды табу қиын. Сондықтан көпшіліктің сұранысын қа­нағаттандыру мақсатында өзім цех ашуды жөн көрдім. Цех ашу үшін&nbsp; «Қазақстан Халық банкінен» жылына 21,75%-бен несие алдым. «Кәсіпкерлікті дамытудың 2021-2025 жылдар­ға арналған ұлттық жобасы» бағдарламасы ая­сында оның 5%-ын кәсіпкер төлейді, ал айырмасын мемлекет субсидиялайды. Соны­мен қатар қордың кепілдігі берілді, – дейді Гүлвира бізбен әңгімесінде.Несие қаражатына өндіріске қажетті шикізат пен заманауи тігін жабдықтарын сатып алған. Жұмыс істеген 1 жыл ішінде «Нұрай текстиль» тоқыма нарығында орнығып, өнім түрлерін арттырып келеді. Цехта төсек-орын, әйелдер мен ерлерге арналған халаттар, сүлгі, төсек жапқыш, көрпе, жастық, жаялық, жастық қап, сейсеп, матрастар шығады. Сондай-ақ қыз жасауы мен өзге бұйымдар да экологиялық және табиғи материалдан тігіліп жатыр.

Сапалы брендке айналған «Нұрай текстиль»

<a href="https://kyzylorda-news.kz/">Kyzylorda-news.kz.</a> &nbsp;Халық даналығында «су – тіршілік көзі» деген тағылымы мол тәмсіл бар. Халқымыз осы мағынасы терең тәмсілді текке айтпаса керек. Адам да, табиғат та сусыз өмір сүре алмайтыны хақ. Су – біздің өміріміз бен денсаулығымыздың қайнар көзі, тіршілік нәрі.&nbsp; &nbsp; &nbsp;Ел басшысы тұрғындар үшін ең бірінші қажеттіліктердің шешілуі маңызды екенін әркез айтып келеді. Күнделікті тұрмыс қажеттіліктерінің қатарында су, энергетика сияқты мәселелер бар.&nbsp; &nbsp; &nbsp;Аудан тұрғындары көтеріп жүрген мәселелер негізінде ауыз­су құбырларына зерделеу жұмыстары жүргізіліп, тозған су құбырларын жөндеу жұмыстары былтырдан бері қолға алынған еді. Облыс әкімінің тікелей бақылауымен жүргізілген жұмыстар өз нәтижесін беріп келеді.&nbsp; &nbsp; &nbsp;Маңызды әрі ауқымды жұмыстар биыл да өз жалғасын таппақ. Биыл Тереңөзек кентінің А.Құнанбаев, Жамбыл, Жеңістің 50 жылдығы, А.Әлиакбаров, Ғ.Мұратбаев, Ш.Құндызбаев, О.Абдулпаттаев, Тоғанас батыр, Қазақ, И.Тоқтыбаев көшелері бойындағы су құбыры желісінің құрылысына байланысты тиісті жұмыстар жүргізу жоспарлануда.Жаңарту жұмыстары жалғасын таппақ &nbsp; &nbsp; Халық даналығында «су – тіршілік көзі» деген тағылымы мол тәмсіл бар. Халқымыз осы мағынасы терең тәмсілді текке айтпаса керек. Адам да, табиғат та сусыз өмір сүре алмайтыны хақ. Су – біздің өміріміз бен денсаулығымыздың қайнар көзі, тіршілік нәрі. &nbsp; &nbsp; Ел басшысы тұрғындар үшін ең бірінші қажеттіліктердің шешілуі маңызды екенін әркез айтып келеді. Күнделікті тұрмыс қажеттіліктерінің қатарында су, энергетика сияқты мәселелер бар. &nbsp; &nbsp; Аудан тұрғындары көтеріп жүрген мәселелер негізінде ауыз­су құбырларына зерделеу жұмыстары жүргізіліп, тозған су құбырларын жөндеу жұмыстары былтырдан бері қолға алынған еді. Облыс әкімінің тікелей бақылауымен жүргізілген жұмыстар өз нәтижесін беріп келеді. &nbsp; &nbsp; Маңызды әрі ауқымды жұмыстар биыл да өз жалғасын таппақ. Биыл Тереңөзек кентінің А.Құнанбаев, Жамбыл, Жеңістің 50 жылдығы, А.Әлиакбаров, Ғ.Мұратбаев, Ш.Құндызбаев, О.Абдулпаттаев, Тоғанас батыр, Қазақ, И.Тоқтыбаев көшелері бойындағы су құбыры желісінің құрылысына байланысты тиісті жұмыстар жүргізу жоспарлануда. &nbsp; &nbsp; – Құны 56,7 млн теңгені құрайтын жобаның Шаған ауылындағы А.Құнанбаев, Р.Оразғалиева көшелері бойындағы су құбыры мен көру құдықтарының құрылысы да аяқталды. Сондай-ақ құны 178,9 млн теңгені құрайтын Шаған ауылындағы Ғ.Мұратбаев, А.Иманов және А.Иманов жолақ көшелері бойындағы су құбыры мен көру құдықтары құрылысы бойынша қазір құрылыс-монтаж жұмыстары жүргізілуде. 2023 жылға жоспарланған жұмыстар толығымен аяқталды. Қазіргі кезде 3073 метрге су құбыры жүргізіліп тұр. 40 су құбырын көру құдықтары орнатылды. Негізі бұл нысан 2024 жылға өтпелі. Қоғалыкөл ауылындағы М.Есмахов, А.Тлеулиева көшелері бойындағы су құбыры мен көру құдықтарының құрылысына 95,2 млн теңге бөлініп, құрылыс жұмыстары аяқталып, пайдалануға берілді. Жобаға сәйкес 4089 метрге су құбыры жүргізілді. 32 су құбырын көру құдықтары орнатылды. Тереңөзек кентінің Ғ.Мұратбаев, Ш.Құндызбаев, О.Әбілпаттаев, Тоғанас батыр, Қазақ, И.Тоқтыбаев көшелері бойындағы су құбыры желісінің құрылысына 2023 жылға 101,6 млн теңге бөлініп, қазіргі таңда құрылыс жұмыстары жүргізілуде. Нысан 2024 жылға өтпелі. Мұнан бөлек кенттің А.Құнанбаев, Жамбыл, Жеңістің 50 жылдығы, А.Әлиакбаров көшелері бойындағы су құбыры желісінің құрылысына 2023 жылға 76,0 млн теңге бөлініп, қазір құрылыс жұмыстары жүргізілуде. Бұл нысан да 2024 жылға өтпелі, – дейді аудан әкімі жыл қорытындысы бойынша берген сұхбатында. &nbsp; &nbsp; Сонымен қоса Шаған ауылынан Ғ.Мұратбаев, А.Иманов және А.Иманов жолақ көшелерінің және Аманкелді ауылындағы Ж.Құлымбетов, А.Ақайдаров, А.Жанкин көшелерінің ауызсу құбырларын жаңартуға қатысты жұмыстар жүргізілетінін де айта кету керек. &nbsp;&nbsp; &nbsp; &nbsp;– Құны 56,7 млн теңгені құрайтын жобаның Шаған ауылындағы А.Құнанбаев, Р.Оразғалиева көшелері бойындағы су құбыры мен көру құдықтарының құрылысы да аяқталды. Сондай-ақ құны 178,9 млн теңгені құрайтын Шаған ауылындағы Ғ.Мұратбаев, А.Иманов және А.Иманов жолақ көшелері бойындағы су құбыры мен көру құдықтары құрылысы бойынша қазір құрылыс-монтаж жұмыстары жүргізілуде. 2023 жылға жоспарланған жұмыстар толығымен аяқталды. Қазіргі кезде 3073 метрге су құбыры жүргізіліп тұр. 40 су құбырын көру құдықтары орнатылды. Негізі бұл нысан 2024 жылға өтпелі. Қоғалыкөл ауылындағы М.Есмахов, А.Тлеулиева көшелері бойындағы су құбыры мен көру құдықтарының құрылысына 95,2 млн теңге бөлініп, құрылыс жұмыстары аяқталып, пайдалануға берілді. Жобаға сәйкес 4089 метрге су құбыры жүргізілді. 32 су құбырын көру құдықтары орнатылды. Тереңөзек кентінің Ғ.Мұратбаев, Ш.Құндызбаев, О.Әбілпаттаев, Тоғанас батыр, Қазақ, И.Тоқтыбаев көшелері бойындағы су құбыры желісінің құрылысына 2023 жылға 101,6 млн теңге бөлініп, қазіргі таңда құрылыс жұмыстары жүргізілуде. Нысан 2024 жылға өтпелі. Мұнан бөлек кенттің А.Құнанбаев, Жамбыл, Жеңістің 50 жылдығы, А.Әлиакбаров көшелері бойындағы су құбыры желісінің құрылысына 2023 жылға 76,0 млн теңге бөлініп, қазір құрылыс жұмыстары жүргізілуде. Бұл нысан да 2024 жылға өтпелі, – дейді аудан әкімі жыл қорытындысы бойынша берген сұхбатында.&nbsp; &nbsp; &nbsp;Сонымен қоса Шаған ауылынан Ғ.Мұратбаев, А.Иманов және А.Иманов жолақ көшелерінің және Аманкелді ауылындағы Ж.Құлымбетов, А.Ақайдаров, А.Жанкин көшелерінің ауызсу құбырларын жаңартуға қатысты жұмыстар жүргізілетінін де айта кету керек.

Жаңарту жұмыстары жалғасын таппақ

&nbsp;<a href="https://kyzylorda-news.kz/">Kyzylorda-news.kz.</a> Кеше Сырдария аудандық ауруханасының бас дәрігері Жалғасбек Үсенов бөлімшелерде ем қабылдап жатқан науқастардың жағдайын біліп, денсаулығына бақылау жасады.&nbsp;Мәселен, бас дәрігерге «Терапия» бөлімшесінің меңгерушісі Айгүл Жакупова емделушілердің диагнозын баяндап, оларға тағайындалған ем-шараны уақытылы жүргізіліп жатқандығын жеткізді. Өз кезегінде Жалғасбек Тұрлыбекұлы емделушілердің жағдайына ұдайы күтім жасау керектігін жеткізді.&nbsp;– Бүгін аудандық ауруханада жоспарлы ем қабылдап жатқан емделушілермен кездесіп, денсаулықтарын жақсартуға байланысты жан-жақты пікір алмаса білдік. Әрбір науқасқа сапалы қызмет көрсету – біздің басты талабымыз саналады. Кез келген медицина маманының алдына қойған тікелей мақсат бар. Өз кезегінде аурухананың материалдық базасын кеңейтіп, жергілікті халықтың саламатты өмір салтын қалыптастыруына жағдай жасай бермекпіз. Білікті дәрігерлер Қашанда біздіמң жұмысымыз жергілік халық үшін, &nbsp;– деді бас дәрігер.&nbsp;Созылмалы дерті бар жандарға сауықтыру амалдары жан-жақты жасала береді. Бұл ретте, аудан тұрғындары ақ халатты абзал жандарға жасап жатқан қызметтері үшін шынайы алғыстарын жеткізді.

Бас дәрігер емделушілермен кездесті

<a href="https://kyzylorda-news.kz/">Kyzylorda-news.kz.</a> «Туған жер тұғырың» екені даусыз. Тарихы тереңде жатқан Тереңөзек топырағынан түлеп ұшқан ел ағалары кез келген игілікті істің басы-қасынан табылатыны сөзсіз. Жақында бір топ зиялы қауымөкілі кенттегі «Майжарма» каналын абаттандыру бойынша тың бастама көтергені ел есінде. Қазіргі уақытта «Майжарма» каналының 412 метріне абаттандыру жұмысы жүргізіліп, толықтай аяқталды. Бұл ретте, ардагерлер қауымының ұсынысы негізінде&nbsp;аталған су арнасының&nbsp; демалыс аймағына «Балалық шақтан естелік» мүсінін орнату бір ауыздан мақұлданды.Мемлекеттік қызмет саласында өзіндік қолтаңбасын қалдырған еңбек ардагері Марат Омаров «Фейсбук» әлеуметтік желісіндегі жеке парақшасы арқылы жергілікті халыққа жоғарыда көтерілген мәселеге қатысты Үндеу жолдады.– Құрметті жерлестер! Тереңөзек кентіндегі «Майжарма» каналының жағалауында жүріп жатқан абаттандыру жұмыстары, осы аумақта кіндік қаны тамып, бал дәурен балалық шағынөткізген, осы жерде абыройлы мемлекеттік қызмет жасаған, өзін тереңөзектікдеп санайтын жерлестерімізді қызықтырмауы мүмкін еместігін білеміз. Аудан әкімінің жастардың ұсынысын қолдау аясында жүргізіп жатқан жұмыстары аяқталғаны мәлім. «Майжармамыз» Тереңөзекке келгенқонақтар мен тұрғындардың есіндеқалатын демалыс орнына айналатынына сенімдіміз. Каналдың арнасында жазда суға шомылатын жағалау, қыста балалар ойнайтын мұз айдыны салынып жатыр. Осы жерде бізді бір ой мазалап жүр. Әрбір шаруаның басталатын, ой толғайтынқорытынды жері болу керек. Осы ойымызды жерлесіміз, иісіқазаққа белгілі мүсінші Жәркен Исмағұловпен бөлісіп ұсыныс жасағанбыз. Шебердің ізденісінен кейін «Балалық шақтан естелік» мүсінінің жобасыөмірге келді. Бұл ескерткіш балалық шақты сағынышпен еске түсіреді. «Майжарманың» жағалауында орналасқан, қолында қармағы мен аулаған балығын құшақтаған, табанықұмға, денесі күнге күйген, майкасы шырындықара мәуеге толған риясыз бала ескерткішінің қасында түскен естелік суреттер бір күні тарихқа айналарына күмәніміз жоқ. Сонымен қатар осы жағалауға орналастыратын осығанұқсас «Ғашықтар», «Әуен» атты балалық, жастық шақтан ой салатын кіші формадағы композициялар мүсіндерінің жобасы жасалды. Бұл мүсін жұмыстардың ерекшелігі – қаражаты бюджеттен тыс, «ерікті демеушілік жасаймын» деген азаматтарға, ұжымдарға, сыныптастарға, отбасыларға ұсынылады, – деген ел ағасы ізгілікті істің маңыздылығына тереңдей түскен.&nbsp; Сонымен қатар өзгеқалада қоныстанған жерлестерді тың бастаманың жүзеге асуына ұйытқы болуға шақырған.Аудандық «Достық» үйінде «Майжарма» каналының жағалауына «Балалық шақтан естелік» мүсінін орналастыруға байланысты ел ағаларының басқосу жиыны өткізілді. Жиын барысында келелі істі келтеқылмау барысы талқыланды. Әрине, «Жұмыла көтерген жүк жеңіл» демекші, жиналғанқаражаттың жұмсалу бағытын бақылау мақсатында арнайы комиссия құрамы жасақталды.&nbsp;– Кез келген адамөзінің кіндікқаны тамған туған жеріүшінқолда барын аямасы анық. Балалық шақтың естелігі ретінде «Майжарма» каналының жағалауына «Балалық шақтан естелік» мүсінін орнатуғақолдау көрсетушілерқатары көп. Өз кезегінде аудандық жастар ресурстық орталығының директоры Айгүл Ахметова аудан жастарыныңқолдау көрсететіндігін жеткізді. Бұл ретте,&nbsp; демеушілік жасаймын деген азаматтар «Достық» үйіне келіп немесе менің «Фейсбук» әлеуметтік желісіндегі жеке парақшам арқылы байланыс орнатуына болады. Жиналған барлыққаражаттың есебі ауқымды жоба жүзеге асқаннан кейін берілетін болады. Сонымен қатар демеуші болған азаматтардың есімі мәрмәр таспен бірге қола қобдишаға қашалып жазылатын болады. Өз кезегінде 50 жыл өткеннен кейін ұрпақтарының ашуымен жергілікті халыққа таныстырылады деген үміт бар. Құнды естелік аудандық музейге уақытысында қойылады,– дейді Марат Омаров.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Бұл ретте, аудандық жастар ресурстық орталығының директоры Айгүл Ахметова аталған бастамаға байланысты үн қосты.&nbsp;–&nbsp;Балалық шағымыздың куәсі бола білген, «Майжарма» каналының сағасында суға түсіп, талай қызықты күндерді бастан өткерген едік. Кішкентай кезімізден жанымызға ыстық көрінетін «Майжарма» каналы бүгінде жаңа кейіпке еніп келеді. Аудан әкімінің қолдауымен жүргізіліп жатқан Майжарма каналының жұмыстары аяқталуға жақын. Канал жағасында балалар суға түсіп, қыста мұз айдынында ойнауға мүмкіндік алмақ. Бұл нәтижелі жұмыстың жемісі деп білеміз. "Туған жердей жер болмас, туған елдей ел болмас" деген қанатты сөз бар! Туған жерге жанашырлығымызды білдіретін кез келген секілді. Ел болашағы балалар үшін абаттандырылып жатқан Майжарма каналы бойына жергілікті мүсінші Жәркен Исмағұлов ағамыздың туындысы «Балалық шақтан естелік» кіші архитектуралық формадағы мүсін орнатылмақ. Ескерткіш жоба аясында немесе бюджет қаржысынан емес, ауыл азаматтарының қолдауымен жүргізілмек. &nbsp;Туған жерін ұмытпай «Елге қызмет ету парызымыз» дейтін азаматтар ауылда жетерлік деп есептеймін. Туған жердің гүлденуіне, атсалысам « Балықшы бала» мүсініне өз үлесімді қосам дейтін жастарды қолдауға шақырамын. Ауылдан түлеп ұшқан түлектер бас қосып, игілікті іске атсалысып жатса мақтанышпен еске аламыз және көшіміз көркейе бермек!&nbsp;

Сырдарияда  жаңа мүсін орнаталады

Берік Әбдіғаппарұлы: Мемлекеттік қызметшінің басты ұстанымы елді дамытуға бағытталуы қажет 

<a href="https://kyzylorda-news.kz/">Kyzylorda-news.kz.</a>Өткен ғасырдың тоқсаныншы жылдары кәсіпкерліктің көкжиегін кеңейту, халықтың тұрмысын жақсарту күрделі мәселеге айналған болатын. Сауда-саттық саласында тәжірибесі бар көпшілік бизнес көзін ашуға ынталы екенін байқатты. Аудан орталығында алғаш Тәуелсіздік алған уақытта санаулы дүкен жұмыс жасаған. Өз кезегінде қажыр-қайратымен нарықтың көшіне ілескен тереңөзектік Бақыт Баков пен Гүлсара Бакова тауар айналымын арттыруға үлес қосты. Гүлсара Бакова күні бүгінге дейін кәсіпкерлік саласында өзіндік қолтаңбасын қалдырған.«Жүзі жылыдан түңілме» деген тәмсіл өз өміршеңдігін жойған емес. Үнемі тұтынушыға жылы шырай танытып, жұмысына ыждағаттылық танытатын Гүлсара Кәрімқызы – Тереңөзек кентінде дүниеге келген. Сауда-саттық саласын дайындайтын кооператив техникумын осыдан 48 жыл бұрын бітірген Гүлсара Кәрімқызы алғашқы еңбек жолын сол кездегі «Галантерия» дүкенінде сатушы ретінде бастаған. Кейіннен, аяқ киім дүкеніне жұмысқа орналасып, бизнес әліппесінің бүге-шүгесіне дейін үйренеді.– Негізінен, саудамен айналысу қиынның-қиыны. Әрбір заттан түскен пайданы есептеп, бір тиынына дейін кассаға өткізетінбіз. Қай кезде де кез келген заттың сақталу мерзіміне, бағасына мән береміз. Талонмен зат алатын кездер ел есінде болар. Осындай ауыртпалықты еңсеріп, нарыққа бейімделу оңайға соқпады. Аудандағы алғашқы кәсіпкерлердің бірі ретінде Бәкең талай қиындықты еңсергені көпке мәлім. Сауда-саттық саласында кез келген мәселені назардан тыс қалдырмау керектігі тағы бар. Аудан экономикасының өсіміне барынша үлес қосып келеміз, – дейді кәсіпкер.Тұрмысқа қажетті тауарлар сататын дүкенде еңбек ете жүріп Гүлсара Кәрімқызы қоғаммен етене байланыс орната білген. Отбасы мен кәсіпкерлікті қатар алып жүрген аяулы ана дүниеге 4 перзент әкелді. Қазіргі уақытта тәжірибелі кәсіпкердің ұл-қыздары «Дильназ» дүкенінің жұмысын жетілдіруге өз үлестерін қосып келеді. Күнделікті халық сұранысын қанағаттандырып, азық-түлік, тұрмыстық заттар секілді тауарларды жергілікті халыққа ұсынуда.– Ең алғаш отағасы екеуміз жеке кәсіпті игере бастаған тұста Шымкент қаласынан көтерме бағамен тауар әкелдік. Қолымыздағы тауарды сатып, күнкөріс қамын жасадық. Ол кезеңде балаларымыз кішкентай. Соған қарамастан ел-халықтың игілігі үшін аянбай еңбек еткен едік. Біздің саудадағы орасан зор еңбегімізді жергілікті халық өз деңгейінше бағалайды деп білемін. Шындығында, Бәкең алғаш дүкен ашқан жылдары өзіндік көзқарасын көпшілікке таныта білді, – дейді Гүлсара Бакова.Кәсіптің көзін тапқан асыл ана бір жылдары аудандық кеңестің үш мәрте депутаты болған екен. Сонымен қатар сол кездегі аудандық мәслихаттың құрамында болып, кәсіби біліктілігін арттырған. Дүкенімен қатар тігін цехын ашқан жеке кәсіпкер аудан халқын киіммен қамтамасыз еткен. Сондай-ақ ағаш ұстаханасы бірнеше аудан тұрғынын жұмыспен қамтыған. Ал наубайханасы аудандық ауруханаға нан тасымалдағаны ел есінде.– Бірнеше жыл сырқаттанған арқасүйер азаматым 2021 жылы бақилыққа аттанды. Көзі тірісінде үнемі балаларына ақыл-кеңесін айтып отыратын. Аудандағы зиялы қауым өкілдері отағасымен кеңесіп, келелі істердің жүзеге асуына ықпал етуін сұрайтын. Бұл ретте, кәсіпкер болудың машақатын сезінген әрбір адам тоқсаныншы жылдары аяққа тұрып, табыс табудың ауыртпалығын анық сезеді, – деді ауданға белгілі кәсіпкер.Гүлсара Бакова күні бүгінге дейін кәсіпкерлік саласында өзіндік қолтаңбасын қалдырған.&nbsp;

Кәсіптің көзің тапқан

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының бастамасымен қолға алынған «Жайлы мектеп» ұлттық жобасы аясында өңірде 12300 орынға арналған 21 мектеп &nbsp;салынады деп жоспарланған. Нақты дерек бойынша 10 мектеп биыл пайдалануға берілсе, қалған 11-і алдағы жылы бой көтереді.Облыс әкімі Нұрлыбек Нәлібаевтың төрағалығымен «Жайлы мектеп» ұлттық жобасының аймақта жүзеге асырылу барысы арнайы мәжілісте талқыланды. Мәжіліске облыс әкімінің орынбасарлары мен басқарма басшылары, «Samruk Kazyna Construction» АҚ-ның өңірлік жоба басшысы Ерік Қонақбаев және департамент директоры Тимур Дәуітов, мердігер компаниялар мен коммуналдық мекеме өкілдері қатысты.Жиында биылға жоспарланған 10 «Жайлы мектеп» құрылысының бастапқы жұмыстарына байланысты мәселе қаралып, жауапты мердігерлер тарапынан айтылған ұсыныс, пікірлер &nbsp;нақтыланды.<blockquote>– Өздеріңізге белгілі, Мемлекет басшысы жақында өткен Үкіметтің кеңейтілген отырысында «Жайлы мектеп» ұлттық жобасы бойынша Үкіметке және облыс әкімдіктеріне құрылыстарды уақытылы әрі сапалы іске асыруды тапсырды. Облыста 12 300 орынға арналған 21 мектеп салу жоспарланған. Биыл 6900 орындық 10 мектеп, 2025 жылы 5400 орындық 11 мектеп пайдалануға беріледі деп күтілуде. Мемлекеттік бюджеттен өткен жылы 19,6 млрд теңге бөлінсе, осы жылы 24,5 млрд теңге бөлінетін болады, – деді облыс әкімі.</blockquote>Айта кетейік, биыл салынатын «Жайлы мектептердің» 4-уі қала ішінде, тұрғындар тығыз орналасқан «Арай», «СПМК», «КБИ», «Қызылжарма» сияқты шағын аудандарда болса, қалған 6 мектеп аудан, кент &nbsp;орталықтарында. Бүгінде аталған жоба аясында 9 мердігер анықталып, жер телімдері белгіленіп, жоба-сметалық құжаттары әзірленіп, алғашқы жұмыстар бастау алған, ал 1 мектепке (Арал ауданы «Сексеуіл» кентіндегі 300 орындық мектеп). байланысты құжат рәсімдеу жұмыстары жүріп жатыр. Құрылыс алаңдарына инфрақұрылым жеткізу бойынша жергілікті бюджеттен 118,4 млн теңге бөлініп, жоба-сметалық құжаттары әзірленген. Жобаны үйлестіруші «Samruk-Kazyna Construction» акционерлік қоғамы өкілдерімен бірлескен жол картасына сәйкес жұмыстар жүргізілуде.«Жайлы мектеп» жобасының жүзеге асыруы туралы баяндама жасаған облыстық құрылыс, сәулет және қала құрылысы басқармасының басшысы Ерлан Төрәлиевтің айтуынша, кейбір мектептер &nbsp;құрылысы уақытында аяқталмауы мүмкін. Бұған байланысты облыс әкімі мердігер мекемелерге ұлттық жобаның Үкіметтің тікелей бақылауында екенін, сондықтан құрылысшылар санын арттырып, екі ауысыммен үздіксіз әрі сапалы жұмыс жүргізу қажеттігін айтты.Аймақ басшысы жобаға жауапты мердігерлерге алдағы қыркүйек айында басталатын жаңа оқу жылына дейін «Жайлы мектептерді» толық пайдалануға беруді тапсырды.<blockquote>– Мемлекет басшысының қойып отырған талабы – қала және ауыл мектептері арасындағы білім сапасының алшақтығын жойып, барлық баланың бір деңгейде заманауи мектепте білім алуына жағдай жасау. Сондықтан бұл жобаның маңыздылығы өз алдына, жауапкершілігі де өте жоғары, – деді облыс әкімі.</blockquote>Аймақ басшысы жиынды қорытындылай келе, қала, аудан әкімдеріне бұл мәселені тұрақты бақылауда ұстап, мектеп құрылыстарының барынша сапалы жүргізілуіне жауапкершілікпен қарауды тапсырды. Сонымен қатар «Жайлы мектеп» елді мекендердің ең көрнекті жерінде орналасуын, оған баратын жолдың сапасын, жарықтандыру, абаттандыру жұмыстарының барлығын қадағалау қажеттігін айтты.Фото: Нұрболат Нұржаубай &nbsp;

«Жайлы мектеп» жобасы аясында 21 оқу орны салынады

<a href="https://kyzylorda-news.kz/">Kyzylorda-news.kz.</a> Қойылымның алғашқы сахнасы бір қарағаннан-ақ бар жанарды өзіне жақындата түсті. Жиналғандар жерлесіміз, жазушы драматург Сұлтанәлі Балғабаевтың «Біз де ғашық болғанбыз» атты драмасын тамашалады. Отбасылық ситуациялар арқылы дәуірдің дертін сипаттаған бұл шығарма бүгінде көптеген театр сахналарында көрермен назарына ұсынылып келеді.Қос тағдырдан өрбіген өмір өзегін бейнелеген актерлер өз рөлін жоғары деңгейде алып шықты. Оған Дәукен мен Айжанның, Зияда мен Сарманның отбасылық оқиғадан құрылған полилогы мысал бола алады.Қойылымның қоюшы режиссері – Меруерт Жомартова актерлердің бұл күнге тыңғылықты дайындалғанын айтады. Дайындық барысына бір ай уақыт кеткен. Асқан еңбекті қажет ететін драманың сахнада сәтті қойылуы өнер ұжымының шеберлігінің арқасында болса керек.Қойылымның жетістігі, әрине, көрерменінің көп болуында. Біраз уақыттан бері театр қойылымдарына сусап қалған аудан халқының осындай мәдени ортаны көптен сағынып қалғаны рас. Сондықтан олардың да пікірін тыңдап көруді жөн санадық:<blockquote>– Бұл қойылымға осымен екінші рет келіп отырмыз. Әдеттегідей жақсы демалып қалдық. Актерлер өмірде жиі кездесетін жағдайларды шеберлікпен көрсетті. Шығарма адамға дұрыс жолды көрсетуге бағытталған. Сондықтан әрқайсымыз сабақ алуға тиіспіз.</blockquote><blockquote>– Бүгін өте әсерлі қойылымға куә болдық. Көңілімізден шықты. Осындай ерекше сезімге бөлеген Мәдениет үйінің ұжымына үлкен алғыс білдіреміз. Еңбектері жана берсін. Осы секілді қойылымдар айына бір болып, бізді қуантып тұрса екен дейміз, – дейді көрермен.</blockquote>СӘТТІЛІК ӘКЕЛГЕН ДЕБЮТШығарманың негізгі идеясын, автордың ұшан-теңіз қиялын көрерменге жеткізуші актер екені белгілі. «Халық» театры актерлерінің де аудандық мәдениет үйіне бірнеше жылдан бері еңбегі сіңген. Бұны көрерменнің ықыласынанақ байқауға болады. Осы ретте қойылымдағы басты рөлдердің бірін сомдап шыққан Думан Бауыржанұлы жайында сөз еткелі тұрмыз.Күйбең тіршіліктің кесірінен күйреуге ұшыраған отбасының отағасы Дәукеннің бейнесі жас актердің дебюттік рөлі болған.<blockquote>– Бұл спектакльді менің ең бірінші төлқұжатым деуге болады. Одан кейін де бірнеше рөлді алып шықтым. Бірақ «Біз де ғашық болғанбыз» өзіме ыстық болған қойылымдардың бірі болып қалды, – дейді ол.</blockquote>Думан кейіпкер Дәукеннің түрлі психологиялық, философиялық образын жасауда барын салып, көрерменнің есінде қалатындай шеберлік көрсетті.– Дәукен – бір бойына махаббатты да, опасыздықты да сыйдырған кейіпкер. Егер халық мені сондай адам ретінде көре алса, оны менің жетістігім деп білемін. Демек, халықты ойнаған рөліме сендіре алдым.Театр актері М.Мәметова атындағы педагогикалық колледжде «Актерлік өнер» мамандығы бойынша білім алған. Шиелі ауданындағы Бұдабай Қабылұлы атындағы мәдениет үйіне 2019 жылы Молдабай Дулатовтың арнайы шақыртуымен келген. Бүгінде аталған рухани орында көрерменнің көзайымы болып жүрген «Халық» театрында қызмет атқарып жүр. Өзін мектеп кезінен осы өнерге баулыған ең алғашқы ұстазы – Зульфия Құрманәліқызына алғыс білдіреді.Сахнаға алғаш шыққанда өз рөліне қызығушылық танытқанын айтты. Ал қазір Думан еркін өнер көрсетеді. Көрерменнің оң бағасын алып, ықыласына бөленіп үлгерген. Алдағы уақытта өзін басқа рөлдерде де сынап көргісі келеді.ТОСЫН СЫЙБұған дейін Мәдениет үйінің сахнасында Т.Ахтановтың «Махаббат мұңы», Б.Ұзақовтың «Жандауа» психологиялық драмасы, сондайақ арнайы тапсырыспен «Тауасар батыр» спектаклі қойылған. Ал «Біз де ғашық болғанбыз» пьесасы осымен үшінші мәрте көрерменге жол тартып отыр. Бұның өзіндік себебі бар. «Халық» театрының өкілдері алда бір жаңашылдықтың болатынын айтып, қуантып қойды. «Ол не?» дейсіз ғой?!Жыл сайын 27 наурызда атап өтілетін Дүниежүзілік театр күні қарсаңында аудан жұртына жаңа премьера ұсынылмақ. Театр актерлері осы бір айтулы күні халыққа ұнамды, тың спектакль қоюды жоспарға алған. Қазіргі таңда сол қойылымға дайындық үстінде. Ал оған дейін аудан жұртын 4 наурыз күні сахналанатын «Махаббат мұңы» қойылымына шақырады.Қазақ мәдениетінің ажырамас бір саласы – театр өнері. Әдеби көкжиегімізді кеңейтіп, рухани кемелдік мекеніне жиі барып тұруды ұмытпайық!

Қазақстан және Қызылорда облысының жаңалықтары