<a href="https://kyzylorda-news.kz/ru">Kyzylorda-news.kz.</a> Қаладағы қоммуналдық мекемелердің материалдық-техникалық базасы тағы да жаңа КАМАЗ шассиіндегі бес дана арнайы техникалармен толықты.&nbsp;Коммуналдық салада қордаланған мәселе жетерлік. Әсіресе, қала тазалығын қамтамасыз етуде қажетті техникалармен жабдықтау жайы күн тәртібінен түспейтін мәселе болатын. Шаһардың тазалығы аймақ басшысы Нұрлыбек Нәлібаевтың тікелей қадағалауында. Сондықтан аталған салаға барынша қолдау көрсетіліп келеді. Осы мақсатта 2023 жылдың 17 қаңтарында облыстық мәслихаттың №172 шешімімен он сегіз дана арнайы техника алуға қаражат бөлінді. Жалпы &nbsp;биылғы жылы барлығы жиырма арнайы техника алу жоспарланған.Конкурс талабына сай мемлекеттік сатып алу арқылы «Ашық конкурс» тәсілімен «Акмолинский автоцентр КАМАЗ» жауапкершілігі шектеулі серіктестігі жеңімпаз деп танылып, наурыз айында аталған серіктестікпен келісім-шарт жасалынған болатын. Нәтижесінде бүгінгі күні заманауи техникалардың бес данасы қалаға жеткізілді.&nbsp;Айта кету керек, бұл бағыттағы жұмыстарды қала әкімдігі үнемі назарға ала отырып, қала тазалығын жақсарту мақсатында техникалық базаны одан әрі дамытуды қолға алған.

«Қызылорда тазалығы» жаңа техникамен толықты

<a href="https://kyzylorda-news.kz/ru">Kyzylorda-news.kz.</a> Елімізде 2023 жылдың 4 айында АИТВ инфекциясының 1391 жағдайы тіркелген. Науқастардың 66-сы – шетел азаматы. Былтыр 4 айда 1280 жағдай анықталыпты. Демек, бұл кеселді жұқтырғандар қатарында өсім бар. Ұлытау мен Қызылорда облысынан басқа аймақтарда індет жұқтырғандар қатарында өсім қалыптасқан. Бұл туралы БАҚ өкілдерімен өткен брифингте Жалағаш аудандық психоәлеуметтік кеңес беру кабинетінің дәрігері Айман Бекниязова айтты.Спикер адамның иммун тапшылық вирусы жаhандық сипатқа ие болып, көптеген елдердің әлеуметтік дамуына &nbsp;қауіп туғызып отырғанын айтады. Вирус айналымы нашақорлар ортасынан шығып, АИТВ жұқтырғандар саны елімізде артқан. Сондықтан Айман Қуанқызы өзімізді және жақындарымызды АИТВ-дан қорғауымыз керек деп есептейді. &nbsp;Дәрігер АИТВ-ның жұғу жолы оңай екенін айтады. Бірақ одан толық сауығып кету мүмкін емес екен. Себебі ағзаға бір енген вирус өмір бақи жүреді. ЖИТС-тің шегі жоқ, ұлт, жыныс, жас талғамайды және ол ешкімді аямайды.&nbsp;<blockquote>«АИТВ-ның негізгі &nbsp;үш жұғу жолы дәлелденген. Қан және оның препараттары, қорғалмаған жыныстық қатынас арқылы және жүктілік кезінде анадан балаға беріледі. АИТВ жұқтырғаннан кейін бірден пайда болмайды, 3-6 айдан кейін анықталады. Себебі АИТВ бірден клиникалық көрініс бермейді, сондықтан адамдар өздерін жақсы сезініп жүре береді. АИТВ ны тек қана қанды тестілеу арқылы анықтайды. Адам бұл ауруға лайық емес. Осы індеттен өзімізді және жақындарымызды қорғау үшін барлық қорғану шараларын қабылдауымыз керек», – дейді А.Қуанқызы.&nbsp;</blockquote>АИТВ жұқпасымен күресу – аса қауіпті аурумен күресудің пәрменді шараларының бірі. Әлем ғалымдары АИТВ жұқпасына қарсы тиімді дәріні жасауға жұмыстар жүргізіп, біршама жетістікке жеткен, алайда осы күнге дейін ауруға қарсы нақты екпе табылмапты. Осы ретте спикер АИТВ-ның алдын алу инфекциядан сақтанудың ең тиімді және кепілдендірілген жолы, оның нәтижесі әрбір адамның мінез-құлқына байланысты деп есептейді.&nbsp;<blockquote>«АИТВ-дан қорғану үшін &nbsp;жастарымыз жаман әдеттерден аулақ болып, салауатты өмір сүре білу керек. Себебі бұл індетке көбіне санасы уланған, жаман жолға түскен адамдар шалдығады. Сондықтан &nbsp;біздің болашағымыз жастарды өмірде дұрыс жолмен жүріп, жат қылықтардан бойымызды алшақ &nbsp;ұстауға шақырамын. Сол кезде ұлт болашағы жарқын, ұрпағымыз сау болады», – дейді дәрігер.</blockquote>Осы ретте көзіқарақты оқырманда «АИТВ дегеніміз не?» деген сауал туындайды. Ол адамның иммунитет тапшылығының вирусы &nbsp;ағзаны әртүрлі жұқпалардан қорғайтын қорғаныш жүйесін зақымдайды. Ал ЖИТС – жұқтырылған иммунитет тапшылығының синдромы. ЖИТС – АИТВ жұқпасының соңғы сатысы. Айман Бекниязова бүгінге дейін АИТВ және ЖИТС-тен толықтай айықтыратын дәрі-дәрмек табылмағанын айтады. Бір жұқтырылған АИТВ вирусы адам бойында өмір бойы қалады екен. АИТВ-дан толық айықтыратын ем болмаса да, ағзадағы вирус мөлшерін көбейтпейтін, адам өмірін ұзартатын вирусқа қарсы препараттар бар екен. Дәрігер осы препараттарды үздіксіз қабылдау арқылы адам өмірін ұзартып, қаншама жоспарды іске асыруға болатынын айтады.&nbsp;<blockquote>«Өмірде кез келген адам АИТВ жұқпасын жұқтырып алуы мүмкін, алайда жұқтыруға әкеп соғу жолдары туралы шынайы ақпаратқа сүйеніп, тәуекелден бас тартсаң, АИТВ және ЖИТС-тың алдын алуға болады. Осы ретте бұл кеселдің жұғу жолдарын да айтып, отандастарымызды одан сақтануға шақырғанның зияны жоқ. Біріншіден, ол қан арқылы жұғады. Яғни АИТВ-мен зақымданған донордың қанын құйғанда немесе мүшелері мен ұлпаларын салғанда адам бұл кеселге шалдығады. Қан тамырына есірткіні енгізген кезде бір инені бірнеше адам қолданғанда, медициналық манипуляция кезінде залалсыздандырылмаған құралдарды пайдаланғанда да дерт жұқтырып алуы әбден мүмкін. Екіншіден жыныстық қатынас арқылы да бұл кесел тарайды. АИТВ жұқтырған анадан балаға берілуі де мүмкін. Оны жұқтырған анадан баласына жүктілік кезінде, босанғанда және емізу кезінде жұғады», – дейді дәрігер. &nbsp;</blockquote>Спикер «Адамның АИТВ жұқтырғанын қалай білуге болады?» деген БАҚ өкілдерінің сауалын да жауапсыз қалдырмады. Оның жауабына сүйенсек, адамның АИТВ-мен зақымданғанын сыртқы келбетінен, жасы, жынысынан білу мүмкін емес. АИТВ жұқпасын қанды зертханалық зерттеуге тапсыру арқылы &nbsp;ғана анықтауға болады. Ағзада қоздырғыштың &nbsp;бар екені қоздырғыштың табылғанынан емес, оған қарсы өндірілген антидене пайда болғанда &nbsp;анықталады. Көпшілік жағдайда АИТВ жұқтырған соң &nbsp;3 айдан кейін анықталады. Бұл кезең «терезе кезеңі» деп аталады, өйткені тест жүйесімен анықтау ағзаға антиденелердің керекті мөлшерде өндіру 3 айға &nbsp;дейін мерзімді қажет етеді.Айта кетейік, жыл сайын әлемнің барлық елдерінде мамыр айының үшінші жексенбісі ЖИТС-тен қайтыс болғандарды дүниежүзілік еске алу күні аталып өтеді. Бұл шараның мақсаты – ЖИТС-тен қайтыс болғандарды еске алу, АИТВ және ЖИТС-пен өмір сүретіндерге қолдау көрсету, АИТВ-ның бар екенін еске салу, қоғамды АИТВ және ЖИТС пен күресуге жұмылдыру.&nbsp; Бұл күні адамдар өздерінің ЖИТС індетінен қайтыс болған достарын, жақындарын еске алып, АИТВ/ЖИТС-қа шалдыққандарға қолдау көрсетуге тырысады. Ең алғаш ЖИТС-тен қайтыс болғандарды еске алу 1983 жылы АҚШ-тың Сан-Франциско қаласында аталып өткен. Содан кейін &nbsp;ЖИТС-ке қарсы &nbsp;күрес символы қызыл лентаны суретші 1991 жылы сәуірде Фрэнк Мур ойлап шығарды. Қызыл лента ЖИТС пен күресудің символына айналып, дертке шалдыққан адамға деген ынтымақтастықты білдіреді.

Айман Бекниязова: АИТВ инфекциясының алдын алған жөн

<a href="https://kyzylorda-news.kz/ru">Kyzylorda-news.kz.</a> Бұрын «Банкрот болыпты» дегенді үлкен &nbsp;компаниялар мен зауыт-фабрикаларға қатысты еститін едік.&nbsp;Енді жеке адамдар да өзін-өзі банкрот деп жариялай алады. Былтыр жылдың соңында Мемлекет басшысы «ҚР азаматтарының төлем қабілеттілігін қалпына келтіру және банкроттығы туралы» Заңға қол қойып, ол биыл наурыздың 3-нен бастап күшіне енді. «Банкрот болдым, мінекей!» деп, елімізде 49 мыңнан астам өтініш берілсе, оның 70 пайызы қанағаттандырылмаған. Демек, 36 мың өтініш қабылданып, 6 мың адамға қарызынан құтылуға мүмкіндік берілуде. Қаржы вице-министрі Ержан Біржановтың айтуынша, өтініштерді кері қайтару себептерінің бірі – басым бөлігінің қарызы шекті сома 1600 АЕК-тен асып кеткен. Бұл – 5 миллион теңгеден астам қаржы. Кейбір өтініш білдіргендер жартылай банкротқа өткісі келеді, яғни олардың &nbsp;ипотека бойынша кредитін төлеп жатқаны анықталған. Тіпті кейбір өтініш берушілердің меншігінде мүлік, автокөлік, жер учаскелері бар болып шыққан. Мұндай критерийлер талапқа сай емес көрінеді.Иә, қашаннан «қарыз күліп келіп, жылап қайтады». Қазіргі кезде қарызсыз өмір сүретіндер немесе несиесі жоқтар некен-саяқ. Себебі, ондай «бақытты жандар» санаулы. Бір ғана бүкіләлемдік пандемияның салдары әр адамның, әр отбасының әлеуметтік-экономикалық жағдайына кері әсер еткені рас. Бірнеше өндіріс орындары жабылып, кәсіпорындар өз жұмысын тоқтатуға мәжбүр болды. Ал кейбіреулер тіршілігін өзге салаға бұрып, тығырықтан шығудың амалын қарастырды. Енді бірі, әсіресе әйелдер декреттік демалыстан жұмысына қайта қосыла алмай, үйде отыруға тура келді. Пандемия басталғанға дейін алған несиелерін өтей алмаған жұртшылық психологиялық күйзеліске түсті. Оның бірнеше мысалын күнделікті ақпарат көздерінен естіген боларсыздар. Сынаққа сынып кеткендердің арасында өмірін қиып, жүрекке ауыр салмақ салғаны да есімізде.«Банкроттық туралы заңды бұдан бұрынырақ шығарғанда немесе банктерге жұртшылықтың несиесін өтеуге мүмкіндік берілгенде бәлкім мұндай жағдайға жетпеген болар еді, – дейді біздің кейіпкеріміз. Аты-жөнін көрсетпеуді сұраған төрт балалы келіншек қазіргі кезде тек балаларының жәрдемақысымен күн көріп отырғанын айтады. Жолдасы да, өзі де жұмыстан пандемия кезінде қысқарып, банктен алған несиесін төлеуге мүмкіндік болмаған.<blockquote>Мен пандемия кезінде кішкентайымды дүниеге әкелдім. Алайда бір жасқа толған соң жұмысқа қайта қосылайын дегенімде, маған орын жоқ екенін айтты. Содан бері үйдемін. Оның үстіне, ата-енем ковидпен ауырып, оларға қарайтын адам керек болды. Үлкен кісілер болған соң, денсаулықтарын қалпына келтіруге біршама уақыт пен қаражатты талап етті. Ал бізде кіріс көзі жоқ. Сол кісілер зейнетақысымен көмектесуде. Бірақ&nbsp; ол үлкен отбасының қажеттіліктеріне жетпей жатады. Жолдасым құрылыста жұмыс істейтін. Жеке мекемелер ақшасын&nbsp; кейде уақытылы, кейде кешіктіріп береді. Өзім үйде тәттілер пісіріп өткіземін. Бірақ ол да тұрақты табыс көзі емес. Солай тапқанымыз тек азық-түлікке кетіп, банктен алған несиемді бір жылдан астам төлей алмай келеміз. «Цеснабанктен» алған несиеме үйіме жөндеу жұмыстарын жүргіздім. «Хоумбанктен» алғанды баламның оқуына төледім. Жұмыс істеп тұрғанымда бұл екі несиеге айына 80 мың төлеп отырдым. Алайда елдегі ахуал біздің отбасымызды да айналып өтпеді. Мен осы екі банктің облыстағы филиалдарына барып,&nbsp; жағдайымды айтып түсіндіріп, өтініш қалдырдым. Кері қайтарды. Ал сол кезде «Каспий банк» өзінің тұтынушыларына жағдай жасап, айына 5 мыңнан болса да қарызын өтеуге мүмкіндік берді. Енді қазір жеке кәсіппен айналысу үшін грант алуға конкурсқа қатысайын десем, оған қарызымыз көлденең тұрады. Қайда барсақ та алдымыздан несиенің өтелмегені шығып, тірлік жасауға кедергі болып тұр. Лажы болса, несие алмаған жөн екен, – дейді ол.</blockquote>Рас, «алмақтың да салмағы бар». Есепсіз алған қаражатты бәрібір қайтаруға тура келеді. Кейіпкеріміздің басындағы бір ғана мысалдан бүгінгі күннің боямасыз көрінісін көруге болады. Осындай жағдайға жеткізген біздегі банктердегі несие үстіне қойылатын пайыз мөлшерінің тым көп екені, қарызын өтеу үшін бөліп төлеуге мүмкіндіктің берілмеуі себеп. Күн сайын бағасы қымбаттап баратын азық-түлік, коммуналдық қызметтердің өсуі де жығылғанға жұдырық болып тұр.Облыс бойынша өзін-өзі банкрот деп жариялаған қанша адам бар? Бұл жайлы&nbsp; кірістер департаментінің бөлім басшысы Гүлмира Ертановадан білген едік.<blockquote>&nbsp;Қызылорда облысында барлығы 4122 жеке тұлғалардың соттан тыс банкроттық рәсімін қолдану жөнінде арызы қабылданып, оның ішінде 3276 (79,5%) арыз қанағаттандырусыз қалдырылса, 553 (13,5%) арыз қанағаттандырылды. Ал 293 (7%) арыз қазіргі таңда қаралуда. Аудандар бойынша қарастыратын болсақ, Қызылорда – 2270 (283), Арал – 265 (17), Қазалы – 118 (15), Қармақшы – 420 (69), Жалағаш – 190 (18), Сырдария – 161 (22), Шиелі – 267 (43), Жаңақорған – 431 (86).Талдау нәтижесінде қанағаттандырусыз қалдырылған арыздардың басым бөлігі «ҚР азаматтарының төлем қабілеттілігін қалпына келтіру және банкроттығы туралы» ҚР Заңының 5-бабы талаптарына сәйкес келмейді,&nbsp; яғни, банктік қарыз шарты немесе микрокредит беру туралы шарт бойынша орындалмаған міндеттемелерді реттеу жөніндегі дәлелдеме құжаттардың ұсынылмауы, арызда көрсетілген кредиторлар алдындағы міндеттемелердің 12 ай бойы өтелмеуі, жұбайының келісім бермеуі және тағы да басқа талаптардың орындалмауы салдарынан арыздар қанағаттандырылмады. Заңның 16-бабының 5-тармағына сәйкес, жеке тұлға соттан тыс банкроттық рәсімін қолдану туралы арызы қанағаттандырусыз қалдырылған күннен бастап, үш ай өткен соң арызды қайтадан беруге құқылы, – дейді бөлім басшысы.</blockquote>Жалпы, жеке тұлғалардың өзін-өзі банкрот деп жариялауы дамыған елдерде әлдеқашан бар және ол тиімділігін көрсеткен. Айталық, АҚШ-та қарыз алушыны банкрот деп тану 3-4 ай ғана уақыт алады. Оның өзінде барлық қарызы кешірілмейді. Азаматтардың 8 жылда бір рет қана өзін банкрот деп жариялауға құқы бар. Ал Ұлыбританияда банкрот болған азамат заңгерлік қауымдастық, жылжымайтын мүлік агенттігі, биржа мен коммерциялық құрылымдарда жұмыс істей алмайды. Мемлекеттік қызметке де шектеу қойылған. Жапонияда да солай. Банкрот болған борышкер адвокат, нотариус, бухгалтер болу құқығынан өмір бойына айырылады. Аустралияда 3,5 мың доллардан артық қарызы бар кез келген жеке тұлға банкрот атана алады.&nbsp; Бірақ бүкіл мүлкі кредиторларға өтеді.Елімізде осы заңды қабылдау үшін бірқатар қадам жасалды. Айталық, Президент Қасым-Жомарт Тоқаевтың Жарлығымен 2019 жылы жалпы қарызы 3 млн теңгеден аспайтын әлеуметтік аз қамтылған топ өкілдерінің 300 мың теңгеге дейінгі несиесі кешірілді. Бұл – бір реттік шара еді. Ал 2020 жылдың 1 қаңтарынан бастап табысы ең төменгі күнкөріс деңгейінен төмен азаматтарға қарыз беруге шектеу қойылды. Бірақ бұл қадам да елдің еңсесін басқан кредиттен құтқаруға қауқарсыз болды.Қандай қадамдар жасалса да, мектеп қабырғасынан бастап балаға қаржылық сауаттылық туралы арнайы пән немесе қосымша сабақтар жүргізіп, кішкентай кезінен есеп-қисап және тапқан қаржыны қалай тиімді жұмсауға болатыны туралы санасына сіңіре беру керек секілді. Әйтпесе, жоғары жақтан қанша жерден тиімді жобалар жасалғанмен, ішкі отбасылық кіріс-шығысты тиімді жоспарламай оң нәтиже бермейтіні анық. Бұл жерде тағы да ата-бабамыздың «Көрпеңе қарай көсіл» дегенінен асып ештеңе айта алмаймыз.

Қызылорда облысында 4122 адам банкроттыққа өтініш берген

<a href="https://kyzylorda-news.kz/">Kyzylorda-news.kz.</a> Соңғы кездері жеке немесе заңды тұлғалар, оның ішінде жеке кәсіпкерлер сыртқы жарнама ілудің заңдылықтарына қарамастан өз қалауларынша жарнамаларды іліп жұмыс жасауда. Олар жарнама конструкциясының тазалығына, эстетикалық және техникалық жай-күйіне мән бермегенінен бөлек, мемлекеттік кірістер департаментіне салық төлеуден жалтарады. Сонымен қатар заңмен тыйым салынған жарнамаларды (алкогольдік, темекі - табак өнімдерін) орналастырады.Осы мәселеге орай, қалалық сәулет және қала құрылысы бөлімі мен мемлекеттік кірістер департаментінің қызметкерлері бірлесе қала көлемінде заңсыз орналастырылған және шаһардың сәулеттік келбетіне кері әсерін тигізетін сыртқы көрнекі жарнамаларға мониторинг жүргізді. Нәтижесінде бірқатар кемшіліктер анықталып, жарнама иелеріне заңға сәйкес тиісті шаралар көрілді.Бұл ретте, жауапты бөлімге сыртқы көрнекі жарнама нысандарын орналастыруға хабарлама немесе өтініш берілмеген жағдайда, ілінген жарнама рұқсатсыз, яғни – заңсыз, өз бетінше ілінген жарнама болып саналатыны ескертілді. Бұл бағыттағы рейдтік жұмыстар тиісті сала мамандарымен тұрақты &nbsp;жүргізіледі.

Қызылордада заңсыз орналастырылған жарнамаға тыйым салынуда

Алтынбек Дәрібаев: Жалағашта күріштің 64 пайызы суға бастырылды

Руханияттың мәйегі болған Тасбөгет

<a href="https://kyzylorda-news.kz/ru">Kyzylorda-news.kz.</a> Шын мәнінде, өнердің құдіреті ерекше. Ән өнері, күй өнері, би өнері, сөз өнері... Қазақта өнердің түрі көп екені мәлім. Ал қылқаламмен ақ қағаз бетіне сурет салып, жансыз бейнені тілсіз сөйлеткендей әсем бейнелеу екінің бірінің қолынан келе бермейді.Суретші Зәуре Құдайбергеқызы қылқаламмен көркем ой жеткізетін, аса шеберлік пен талантты қажет ететін сурет өнеріне тосыннан келмеген екен. Өзінің сүйікті мамандығына айналған салаға деген қызығушылығы мектеп кезінде атанған. Сол кісіден тараған қасиет Зәуре мен оның апасы Қарлығаш Білісбаеваға дарып, ағайынды қыздар бүгінде осы сала төңірегінде қызмет етіп жүр екен.<blockquote>– Негізінде, бала күнімнен әнші болуды армандаға едім. Тіпті, «Бозторғай», «Әнші балапан» сияқты республикалық байқауларға қатысып, лауреат атанған жайым бар. Италияға жолдама ұтып алған кезіміз де болған. Қан жібермеді ме, жоғары сыныптарға келгенде бағытым өзгерді. Сурет салуға деген қызығушылығым арта түсті. Сөйтіп, жоғарғы оқу орнында суретші мамандығын оқып шықтым. Ән айтуды бір жола тыйып тастамадым, әрине. Әлі күнге ән айтамын, бірақ тек жақындарым үшін, – дейді бізбен әңгімесінде Зәуре Білісбаева.</blockquote>Білікті маманмен жүргізген жарты сағаттық сұхбатымызда оның жүзінен жылылық, жүрегінен мейірім лебін анық сезіне білдік.Өткен жылдары &nbsp;жүз жылдық мерейтойын ауданбойыеша &nbsp;атап өткен №35 Иса Тоқтыбаев атындағы мектеп-лицейді 2005 жылы тәмамдаған кейіпкеріміз кейін өзі түлеп ұшқан білім ордасында жұмыс жасаған. Мектеп бітірген кейін Тараз қаласындағы мемлекеттік педагогикалық институттың шығармашылық факультетінде «Бейнелеу өнері және сызу» мамандығы бойынша оқуға түскен ол аталған оқу орнын үздік тәмамдаған еді.Кейін Елбасының сарабдал саясаты – «Дипломмен – ауылға» мемлекеттік бағдарламасы аясында ауданға қарасты Қалжан ахун ауылдық №126 қазақ орта мектебінде мұғалімдік жолын бастап, жауапкершілігі жоғары саладағы жұмысына кіріскен. 2010 жылдан бастап өзі білім алған №35 мектеп-лицейіне жұмысқа орналасса, екі жылдан кейін қызмет бабымен №36 мектеп-лицейіне ауысқан. Ол 2016 жылы аудандық білім бөліміне әдіскер болып қызметке орналасып, қазір оқушылармен ғана емес, жас педагогтермен белсенді жұмыс істеуде. Зәуре Құдайбергенқызы осы уақыт аралығында сурет салу ісінен қол үзген емес. Жас мамандарға бағыт-бағдар бере отырып, өзінің де тәжірибесін арттырып келеді. Өз білгеніңді өзгеге үйретпесең, ол нағыз пайдасыз ілім болмақ. Осы ойды өмірлік ұстанымы еткен суретші балаларға білгенін үйретіп, сурет өнеріне баулу өзінің жан рақаты үшін екенін айтады.Қылқалам шебері осы күнге дейін көптеген картина салған екен. Алғашқыда әпкесі екеуі салған суреттерін сатып кәсіп көзіне де айналдыра біліпті. Мұндай қолдан жасалған бұйым немесе арнайы салдырған картиналар өте қымбатқа бағаланатыны мәлім. Себебі, ол көп уақыт пен тың идеяны, ықтияттылық пен шеберлікті талап ететін жұмыс. Тіпті, шет елдерде арнайы салынған картиналар бірнеше жүздеген, мыңдаған долларға дейін бағаланады. Бірақ, кейіпкеріміз өз өнерін аса бағалап, ұнатқан кісінің қалтасына салмақ салмауды да ойлап, суреттерін қолжетімді бағада сатқан. Туындыларын қолқа салып, сұраған кісіге сыйға да берген. Бұл – нағыз өнерді бағалай білетін адамның ісі.Сұхбат барысында «Өзіңіз үшін ең құнды туындыңыз қайссы?» деп сұрадық:<blockquote>– «Сырдария» деп аталатын картина еді. Сырдың суы, Сырдың сұлу бейнесі шығармашылық адамына шабыт сыйламай қоймайды. «Сырдария» картинкасын жасау үшін бір айдай уақыт жұмсадым. Содан бір күні үйге Марат аға Омаров келді. Ол кісі сол кезде «Nur Otan» партиясының аудандық партия филиалы төрағасының бірінші орынбасары қызметінде болатын. Марат аға – өнерді, сұлулықты жанымен түсінетін кісі. Әлгі Сырдария өзені мен айналасындағы қамыстарды айнытпай көз алдыңа келтіретін картинаға қолқа салды. Сөйтіп, суреттің артқы бетіне естелік ретінде қолтаңба қойғызып алды. Мен де өнерді бағалай білетін Марат ағаға туындымды ризашылықпен тарту еттім. Осы күнге дейін қаншама картина салдым. Солардың ішінде «Сырдария» деп аталған сол туынды өз көңілімнен де шыққан әрі ең көлемді еңбек болды, – деп жауап берді.</blockquote>Өнер адамы – мейірімді ана да, одан шыққан туынды – мәпелеген сәбиі секілді. Ақынның өлеңі мен композитордың әні, тігіншінің тіккен киімі мен суретшінің салған суреті тура осылай. Кейіпкеріміздің сөз еткен «Сырдария» деп атаған туындысына деген ерекше ықыласы мен кіршіксіз көңілінен осыны аңғара білдік.<blockquote>– Суретті ойдан салмаймын. Көру арқылы, көз алдымда тұрған заттың бейнесін саламын. Әсіресе, сұлу табиғат ерекше шабыттандырады. Өзге қалаларға қыдырып барғанда да, сұлулықты көріп шыдап тұру мүмкін болмайды. Қағазым мен қаламым ұдайы қасымда жүреді. Әдемі табиғатты көргенде қағазымды алып, сурет сала бастаймын. Қарап отырсам, көбіне, пейзаж, яғни табиғат суретін, сондай-ақ портрет салады екенмін. Адамның көзі өмірде қандай нәзік болса, суретте де үлкен маңызға ие. Көз бен қастың формасын сезіммен анық бере алмасаң, бүкіл портрет дұрыс шықпайды, – дейді қылқалам шебері.</blockquote>Жаны таза адам табиғаттан болсын, адамнан болсын ерекшелікті бірден аңғарады.Зәуре Білісбаеваның өміріндегі үлкен тарихи сәт – 2010 жылы Елбасы Нұрсұлтан Назарбаевпен кездесуі. Сол жылы Қызылорда облысына іссапармен келген Қазақстанның Тұңғыш Президенті Нағи Ілиясов ауылына ат басын бұрып, жастармен, жас мамандармен кездескен.Сол кездесуде Елбасымен бетпе-бет жүздесіп, суретке түскен жас маманға бұл сәт естен кетпес әсер сыйлаған. Нұрсұлтан Әбішұлының жастарға артқан сенімін өз аузынан естіген Зәуре Құдайбергенқызы жас маман ретінде өзіне артылар жүктің жеңіл еместігін сезініп, бойында болашақ ұрпақты тәрбиелеу жолында тың серпін қалыптасқан.Білім беру саласында 12 жылдан бері талмай еңбек етіп келе жатқан Зәуре апай шәкірт тәрбиелеп, оқушылар арасында көрме, сурет байқауларын жиі ұйымдастырады. Ондағы мақсат – жастардың шығармашылығын шыңдау, оларды талаптандырып, ынталандыру болып табылады.<blockquote>– Сурет салуға қызығатын оқушылар көп. Шығармашылыққа жаны жақын шәкірттерім жетерлік. Осы саланы таңдап, бүгінде мамандығының мерейін көріп отырғандар да бар. Солардың бірі &nbsp;– Айша Ералықызы. Талантты, дарынды, өз ісінің маманы. Осы салаға бейімдеп, шығармашылығын шыңдап, дайындаған оқушым. Ол да жоғарғы оқу орнын үздікке тәмамдап, қазір Қалжан ахун ауылдық мектебінде өз қызметіне кірісті, – деп Зәуре Білісбаева шәкірттері туралы да сөз қозғады.</blockquote>Өнер мен өмірді, шығармашылық пен қызметті қатар алып жүрген Зәуре Білісбаева бүгінде бір әулеттің ұйытқысы, аяулы жар, асыл ана. Анасы, жолдасы мен ұлы – төртеуі бір шаңырақ астында жанұяның шырайын кіргізіп, шаңырақтың шаттығын еселеп отыр. Ұлы – Әлішер Асанхан 8-сыныпқа көшкен. Анасынан қасиет дарыған Әлішердің де сурет салуға деген құлшынысы ерекше. Мектеп қабырғасында жүріп, қоғам өміріне белсенді қатысатын Әлішер Ерболатұлы 2019 жылы сол кездегі аудан әкімі Ғанибек Қазантаевтың арнайы «Алғыс хатымен» марапатталған.Суретшілер көркем бояумен көрікті ой айтуды Адам ата, Хауа анадан бері жалғастырып, әсемдікті хақ нұрымен сәулелендіріп келеді. Халқымыздың сурет өнерінің өткен ғасырдағы, жаңа дәуірдегі көшбастары Әбілхан Қастеев өзінен бұрын да бұл саланың алтын арқауы болғанын, ол жалғасын тауып келе жатқанын тілге тиек етіп, «Мен сурет салуды таудың бұлағынан, көлдің құрағынан, анамның киізінен, қошқардың мүйізінен үйрендім» деуінің астарында ұлт алдындағы кішілік пен кісілік жатқаны анық. Құдай берген талантты дамытып, сол жолға ұзақ жылдарын арнап, шығармашылықты шыңдап, өнердің киесін ұғар тұлғалар, жастар барда қазақтың киелі өнері ұмтылмақ емес.Сурет өнерін келешек ұрпаққа жалғастыру жолында еңбек етіп келе жатқан Зәуре Білісбаеваның қылқаламынан қаншама дүниелер туған, көкейінде жүрген дүниелер де аз емес. Шәкірттері де үлкен жетістіктерге жетіп жүрген ұстаздың ұмтылысы да, талпынысы да – дәстүрді жалғап, ұлт руханиятына үлес қосу.&nbsp;

 Зәуре Білісбаева: Өнер мен білім менің өмірімнің бір бөлшегі

<a href="https://kyzylorda-news.kz/ru">Kyzylorda-news.kz.</a> Қазалы – тарихи қала. Сырдарияның оң жағалуында орын тепкен құтты мекеннің қойнауы сырға толы. Деректерде қаланың іргетасы 1853 жылы қаланғандығы жазылады. Қазалы алғашқыда №1 форт Арал кемелігінің басты аялдамасы болып саналды. Қазалы шатқалындағы форт құрылысы Орынбор генерал-губернаторы В.А.Перовский император ІІ Александрдың келісімімен генерал-майор, инженер Богдановтың жасаған жобасы бойынша басталған екен. Бұнда қоныс аударып келген орыстар, казактар, татарлар, хиуалықтар, ортазиялық еврейлер жергілікті халықпен қатар өмір сүріп, осында өз кәсіптерін өркендетті. Түрлі ғимараттар бой көтерді. Ұн тартатын диірмен, тері, кірпіш зауыттары жұмыс істеді. Бірнеше мешіт, шіркеу салынды. Қалаға жақын жерде Н.И.Ивановтың шарап және арақ зауыты болды. Ағайынды Хусаиновтар арақ-шарап, сыра және басқа да тағамдар сатып, сауда-саттықты дамытты. Базар күнде жұмыс жасап, аптасына бір рет жәрмеңкелер ұйымдастырылып тұрған екен.Тарих беттерінде 1855 жылы генерал-губернатор В.А.Перовскийдің бұйрығымен Сырдария жағалауында ағаш отырғызу жұмыстары басталғандығы жазылады. Бұл орын кейін «Ояз бағы» деп аталып кеткен. Бүгіндері сол ескі бақта жергілікті жерде өсетін талдардан бөлек, жылауық тал, катальпа, арша, сунах, айлант, қарағай, үйеңкі және алма, шие, қара өрік ағаштары жайқалып өсуде.Өткен жылы Оңтүстік Корея азаматтары 1757 алма ағашының көшетін сыйға тартты. Қала тұрғындарымен бірігіп, кәріс ұлтының өкілдері отырғызған жеміс ағашы да көктеп, көгеріп, өсіп келеді. Қаладағы орман шаруашылығы және жануарлар дүниесін қорғау мекемесінің мамандары бірнеше жыл бұрын жапырағы ерекше жайқалып тұратын туя ағашының тұқымын әкеп еккен. Алғашында жергілікті табиғатқа бейімделе алмағанымен, күтіп-баптаудың арқасында еңсе көтере бастады. Қазір көшеттерін көбейту жұмыстары жүріп жатыр. Таулы аймақта өсетін айлант пен катальпа ағаштары да Қазалы көшесінің көркін кіргізетін болады. 17 гектар жерді алып жатқан «Ояз бағында» жыл сайын саялы ағаштардың 35 мың түп көшеті өсіріледі. Қажет кезде мекемелерге тегін үлестіріледі. Сатылатындары да бар. Жалпы, көшет дайындаумен 75 адам айналысады.Орманшылардың айтуынша, бүгінде бақта таулы аймақтарда өсетін емен ағашы да бар.<blockquote>«Таулы аймақтардан өзге жерде өспейтін емен ағашын алғаш отырғызғанда шықпай қала ма деген қауіп болғаны рас. Алайда тынымсыз еңбектің, күтіп-баптаудың арқасында ол ағаштар бой көтеріп, жапырақ жайды. Бойы бір метрден асты. Көшет отырғызылған жерлерді жылына төрт рет арам шөптен арылтып, тазартып тұрамыз», – дейді орманшылар.</blockquote>

Қазалыдағы «Ояз бағында» жыл сайын 35 мың түп көшет өсіріледі

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев бастаған делегацияның Корея Республикасындағы іссапары Сеул Ұлттық ғылыми-техникалық университетінің Президенті Ли Донг Хун мырзамен кездесумен жалғасты.Президент Қасым-Жомарт Кемелұлы Тоқаевтың білім сапасын арттыру үшін әлемдегі озық жоғары оқу орындарының филиалдарын елімізде ашуды тапсырғаны белгілі. Бұл ең алдымен білікті мамандарды оқытып шығаруға, жоғары технологияларды игеруге жол ашады.Корея – білім және ғылым, биотехнология, медицина, жасанды интеллект салаларында алдыңғы қатардағы мемлекеттердің бірі. Делегация мүшелері білім және ғылым салаларында бірлескен жобаларды жүзеге асыруға аса қызығушылық танытатынымызды атап өтті.Қазақстан мен Корея арасында жоғары білім саласындағы екіжақты ынтымақтастықты дамыту үшін биыл Халықаралық ынтымақтастық жөніндегі жетекші университеттік жоба әзірленді. Жоба Корея Республикасының Үкіметінде мақұлданып, Білім министрлігінен гранттық жоба ретінде 1 млрд теңгедей қаржы бөлінеді.Жоба аясында Қорқыт Ата университетінде жасанды интеллект мектебінің құрылуы – тек Қызылорда облысының ғана емес, жалпы еліміздің білім саласындағы үлкен жетістік.Нәтижесінде өңірімізде IT технологиялар, киберқауіпсіздік және компьютерлік ғылымдар бойынша білім беріледі. Облыс әкімдігі өз кезегінде бұл жобаның өңірімізде сәтті іске асырылуына жан-жақты қолдау көрсетеді.Облыс әкімі Нұрлыбек Нәлібаев екі білім ордасы арасындағы ынтымақтастық білім және ғылым саласындағы жаңа ғылыми жетістіктерге жол ашатынын атап өтті.<figure class="image"><img src="https://knadmin.beoblood.kz/uploads/347442091_1443128143125657_1984360112307733053_n_7ff65687e9.jpg" alt="347442091_1443128143125657_1984360112307733053_n.jpg"></figure>&nbsp;<figure class="image"><img src="https://knadmin.beoblood.kz/uploads/347411854_795708435114250_2050162787495018483_n_0fb50c6b96.jpg" alt="347411854_795708435114250_2050162787495018483_n.jpg"></figure>&nbsp;<figure class="image"><img src="https://knadmin.beoblood.kz/uploads/347250426_779364043852616_3372495518857920723_n_ef7dfffc12.jpg" alt="347250426_779364043852616_3372495518857920723_n.jpg"></figure>

Қызылордалықтардың Корея Республикасындағы іссапары Сеул Ұлттық ғылыми-техникалық университетінде жалғасты

<a href="https://aqmeshit-zhastary.kz/bez-rwbriki/sottalghan-azamat-qus-sharwashylyghyn-ashty-17627/">ФОТО</a><a href="https://kyzylorda-news.kz/">Kyzylorda-news.kz.</a> Расында құс шаруашылығы табысты сала. Оның еті мен жұмыртқасына, қауырсыны мен мамығына нарықта сұраныс жоғары. Әсіресе, жұмыртқасы өтімді. Жалпы құс шаруашылығына қысқа уақытта еңбекті де, қаржыны да аз жұмсап, еті мен жұмыртқасын жылдың төрт мезгілінде өндіруге болады.&nbsp;Жұмыртқа әртүрлі қоректік заттарға бай әрі адам организміне &nbsp;сіңімді тағам. Оның құрамында құнды белоктар, майлар, көмірсулар, жиырмадан астам минералды заттар мен оннан астам витаминдер бар. Жұмыртқа ағзадағы зат алмасуына жедел ықпал етеді, нерв жүйесін нығайтып, организмнің әртүрлі ауруларға төзімділігін арттырады. Ұлттық тамақ өнеркәсібі ғылыми-зерттеу институты бір адамға тәулігіне орта есеппен 50 грамм немесе жылына 365 жұмыртқа қажет екенін зерделеген. Ұлттық құрамаға енген спортшылардың ас мәзірінде міндетті түрде жұмыртқа қосылатынын көп жағдайда аңғаруға болады.Павлодар қаласында спортпен айналысатын інім ауылға келгенінде &nbsp;тек қолдың жұмыртқасын жейтінін айтып, үй-үйді іздеп кеттік. Таптық. Құдамыздың үйінде тауық ұстайды екен. Бірақ кезекке тұрдық. Торт пісіретін жеке кәсіпкерлер алдын ала тапсырыс беріп қойғаны белгілі болды. Не керек, 50-ден аса тауыққа күніміз қарап, 3-4 күнде 5-6 жұмыртқа алып тұрдық.Енді есептеп көріңіз, күнде 50 тауықтың 50 жұмыртқасын 50 теңгеден саудалағандакүніне 2,5 мың теңге, айына 70-75 мың теңге отбасына кіріп тұр деген сөз. Табыс көзі қайда жатыр?Көзі міне, осы кәсіпті қолға алмақ үшін, қайтарымсыз гранттың комиссия отырысында 8 азамат бизнес-идеясын қорғады.Тарқата айтсақ, келінтөбелік көп балалы ана Айнұр Жиренбаева «Адлер» тауығын баптауды қолға алды. Тауықтың бұл түрлері жыл ішінде шамамен 170-190 жұмыртқа береді. Жұмыртқасы кремді. Үй жағдайында асырап-бағуға өте қолайлы.<blockquote>«Құстың басын көбейту үшін жұмыртқасын жинап, көктем айларынан бастап балапан өндіруді жоспарлап отырмын. Бір жұмыртқасы 200 теңгеден кем болмайды. Қауырсыны мен мамығын кәдеге жаратуға болады», – деді ол.</blockquote>Бесарықтық Гаухар Калманова еті дәмді, әрі құрамында холестерин мөлшері өте төмен күркетауықты бағуды жөн көріпті. Жалпы күркетауық табысты бизнестің бір түрі. Оның аталықтары 18-22 келіге дейін ет береді. Ал жұмыртқасы 200-300 теңгеден жоғары бағаланады.Қожамберділік Фарида Сәрсенбаева «Зият» шаруа қожалығын құрды. Мақсат – құс шаруашылығынан табыс ажырату. Әзірге қайтарымсыз гранттың қаржысына 20 брама, 80 қазақы тауық, 10 қораз алды. Ұлының есімімен аталған шаруа қожалықты отбасылық кәсіп деуге болады. Ұлдары ертелі кеш тауық бағып, ит пен мысықтан қорып, көбейтуді қолға алды.Жаңақорған кентінің тұрғыны Талғат Сатыбалды «Талғат» құс шаруа қожалығын ашты. Қорасында 53 тауық, 58 индоутка баптауда.<blockquote>«Қора-жайым кең, құс жаюға ыңғайлы. Өзім индоутка туралы білетінім көп болғандықтан құстың екі түрін бағуға басымдық бердім. Мал дәрігерлері де құстарды қадағалап тұрады. Кәсіп етемін деген адамға қолдау бар. Өзім қатарлы жастарға көңіл қалаған кәсіпті ашып, қорықпай қадам жасауға кеңес беремін», – дейді жас кәсіпкер.</blockquote>Жаңақорған кентіндегі сауда орындарына да арнайы барып, қолдың жұмыртқасы жайлы сұрадық. Сатушылардан: «Қолдың жұмыртқасын сұраушылар көп. Сол себепті қолдың жұмыртқасына арнайы тапсырыс береміз. Бірақ бізде жұмыртқа өндіретіндер саусақпен санарлықтай ғана», – деген жауап алдық.Айтқандай, аудан басшысы Руслан Рүстемов құс шаруашылығын дамытуға ниетті кәсіпкерлерді қабылдағанын жақсы білеміз. Бұл жөнінде әкімнің кеңесшісі Қаныбек Әбдуов өзінің фейсбуктегі аккаунтында жариялады.Елге инвестиция тарту мақсатында қолға алынып жатқан құс фабрикасы Жаңақорған кентіне жақын маңнан, дәлірек айтқанда, халықаралық автодәлізге қабаттас салынады. Мұны «Абдулла» шаруа қожалығы жүзеге асырады. Бүгін аудан әкімі Руслан Рүстемов инвесторларды қабылдап, жұмыстың барысын білді, оларды қолдауға байланысты тиісті орынбасарына тапсырма берді.Жалпы, шаруа қожалығының иесі – елге белгілі елағасы Абдулла Тәжімбетов. Қазірде оның ұлы Әбілхан қасында қолқанат. Ол Нұр-Сұлтан қаласында тұрса да туған жері – Жаңақорғанға бүйрегі бұрып тұрады. Сондықтан фабриканың атамекенге салынуына ықпал етіп, қазір инфрақұрылымына қатысты құжаттармен айналысуда. Ал, желтоқсан айында фабриканың құрылыс жұмысын бастап, 2021 жылдың аяғына дейін нысанды пайдалануға беруді жоспарлап отыр.Бұл жоба ҚР Ұлттық банктің республикалық кеңесінде мақұлданды. Жобаның 2 млрд 888 млн 934 мың 729 теңгесі «Ауыл шаруашылығын қаржылай қолдау қоры» АҚ арқылы жылдығы 6 процент жеңілдетілген несиемен қаржыландырылатын болды. Ал, қалған 1,2 млрд теңгесін инвестор өзі салады.<blockquote>«Құс фабрикасы ет бағытын ұстанған, жылына 3,5 мың тонна құс етін өндіруді көздейді. Сол үшін 12 құс ұстау орнын белгілеп қойды. Алдымен газ, су, электр энергиясы жүйесі, жол тарту мәселесі бірінші кезекке қойылып отыр және оны жүзеге асыру жолы аудан әкімімен келісілді. Бір қуантарлығы, жоба толық күшіне енгенде 120-150 жергілікті жұмыссыз азамат жұмысқа қабылданатын болады», – деді Қаныбек Шәрібекұлы.</blockquote>Сонымен қатар, кент тұрғыны Талғат Тұрғанбекұлы да құс шаруашылығы арқылы шағын кәсіптің шырайын кіргізіп отырған қарапайым шаруа адамы. Бала кезінен құстарды бағуға икем танытып, сол қызығушылығын бүгінде кәсіп көзіне айналдырып отыр. Жүзге жуық құсты асырап, халықтың керегіне жаратып отырған кент тұрғынының табысты ісімен танысып қайттық.Ол 30 жылдан бері үйрек, сезарка, бөдене, ламанбраун, амрокс сынды құстарды өсіріп, оны көбейтедудің жолын меңгерген маман. Құс десе менің де елең ете қалатыным бар. Уақыт оздырмай кейіпкеріміздің үйіне де келдік. Үй ауласына кіре берісінен-ақ, ертегі әлеміне кіріп кеткендей әсер алдым. Құдды бір құстардың мекені дерсіз. Кейде теледидардан көргенім болса, көзбе көз көрмеген құс атаулының біразы бар екен. Ауланың бір бұрышына арнайы бірнеше бөлікке бөлінген үлкен тормен қоршалған тауық кепені көзім шалды. Әлгі тор қоршаудың іші толған құс.<blockquote>«Сіз сияқты құстарға қызыға қарайтындар жетерлік. Мына құстар бірінен-бірі өтіп қиқулап, дауыс шығарып жатқаны, мен жаңа ғана жем беріп, су беріп келе жатырмын. Біле білсеңіз, құстың дыбыс шығарып сайрауы баптаушысына байланысты. Егер құстардың да қарны аш, жайы болмаса олар бұлай дауыс шығармайды», – деп әңгіме бастады кәсіпкер.</blockquote>Қазір Жаңақорғанда құс саудасы қызып тұр. Әсіресе, тауық өсіру ісі шынында берекелі бизнеске айналды. Әр сенбі сайын кентте құс базары қызмет істеп тұрғаны мәлім. Тіпті әлеуметтік желі арқылы да табыс тауып, кәсібін дөңгелетіп отырғандарды да білеміз. Талғат Тұрғанбекұлы солардың бірі.– Ауданда әлеуметтік желі арқылы бірінші болып мен парақша аштым. Егер парақшамды ашып қараған болсаңыз білесіз ғой, кәдімгі қайнаған базар ортасы десем қателеспеймін. Үйде отырып-ақ күнделікті бір-бірімізбен пікір алмасып, өз тәжірибелерімізбен бөлісіп, керегімізді сұрап, қалағанымызды тауып аламыз.– Құстарды табыс көзіне айналдыруға бола ма?– Меніңше қандай іс болмасын шынайы ниетпен істесең, қай істе болмасын мол табысқа кенелуге болады. Есіктің алдында шағын дүкенім бар, он жылдан бері құстың етін, жұмыртқасын сонда саудаға шығарып отырамын. Тұрғылықты жұрт жақсы біледі. Ауруханаға, емге іздегендер келіп алып кетеді, бағасы да қолжетімді. Қыс мезгілінде аздап бағасы түсіп кететіні бар. Тауық – 2500 мың теңге, адлер, кушинский, амрокс деген пародный құстар – 4500-5000 мың теңгеден саудалануда. Ал, үйрек – 3000 мың теңге, қаз – 5000 мың теңге, сезарка – 3000 мың теңге, бөдене – 700 теңгеден басталады. Тауық жұмыртқасына сұраныс өте жоғары.– Бізде қандай құстар сұраныста?– Павьлин деген құс біздің өңірде жоқтың қасы. Себебі, бағасы қымбаттау, қалтаға әжептәуір салмақ салады. Менің ендігі мақсатым, көктем айында осы павьлиндерді көбейтуге көздеп отырмын. Ертеректе мекен мен қоразды ғана асырап, жұмыртқасын жегенге мәз болатын. Кейінгі кездері құс шаруашылығы кәдімгідей жолға қойылып келеді. Тіпті, бөдене, сезарка дегендерді жиі көретін болдық.– «Мал баққанға бітеді» демекші, құстарға да күтім керек шығар?– Бастапқыда тауық, қоразды ғана асырағаннан болар аса күтімді қажет етпейтін. Әйтеуір азанда бидайын сеуіп, суын құйып қана жүретінмін. Сөйтсем, құстың түріне қарай, оның күтімі де өзгеше болады екен. Әр жаратылыстың өзіндік ерекшелігі бар, сол себепті де, арнайы уақытымды бөліп, өзімнен бұрын құстарды тамақтандырып, астарын дембіл-дембіл тазартып, құрғатып отырамын. Тағы айта кетейін, аптасына 2-3 рет ұшырып, бой жаздырып тұру керек. Таңертеңнен кешке дейін торда қамап ұстауға болмайды. Құстардың миы үш жасар баланың миымен бірдей жұмыс істейді. Қандай құс болмасын желде, ызғарда қалып қалмауын қадағалау керек. Салқын болмай екен деп, күннің астына ұзақ қойып қоюға да болмайды. Күн сәулесі көп түссе де зиян. Күндізгі сағат 10 мен 11-дің арасында күнге шығарып, жақсылап жайып алса жеткілікті. Одан бөлек тырнағы мен тұмсығын да егеп отырамын. Егер өсіп кетсе, құстың мазасы қашады.&nbsp;Міне, Талғат Тұрғанбекұлының тіршілік тұрмысы осындай. Кейіпкерімізге қарап экзотикалық құстардың бізге жат емес екенін аңғардық. Біздің айтқымыз келгені, ебін таба білгенге құс шаруашылығы да табыстың көзі. Тек мұрат қойып, сол жолда еңбекті қару ету керек.

Жаңақорғанда құс шаруашылығы қарқынды дамуда

<a href="https://kyzylorda-news.kz/">Kyzylorda-news.kz.</a> Қолынан іс келетін, тәуекелге барып, өз бизнесін бірнеше жыл бұрын бастап кеткен Сырдариялық Айсәуле &nbsp;Үббіхожаева жас кәсіпкерлердің қатарында. Ол кент орталығындағы Аманкелді көшесінің бойынан шағын дүкенді жалға алып, тәттілердің сан түрін шығарып отыр. "Айсәуле" тәттілер орталығының ашылғанына биыл екінші жыл болды. Айсәуле Бейсенбекқызы өзін ғана емес бірнеше қыз-келіншекті тұрақты жұмыспен қамтып отырған жайы бар. Осылайша Айсәуле аудандағы жұмыссыздықты жоюға атсалысып отырса, осынша отбасына кіріс көзі кіруде. Жалпы шағын бизнес иесі әлі де қолы бос қыз-келіншектерді жұмысқа қабылдауға әзір екенін айтады.Ізденімпаз кәсіпкер кәсібін кеңейту мақсатында "2021-2025 жылдарға арналған кәсіпкерлікті дамытудың ұлттық жобасы" аясында жаңа бизнес идеяларды іске асыру үшін берілетін мемлекеттік грантты жеңіп алып, қыркүйек айында бизнесін жандандыруға мүмкіндік алды.Айту керек, биылғы жылы ауданнан 300 адам аталған гранттың жеңімпазы ретінде 1 225200 теңге қаржымен бизнес жобасы негізінде кәсібін бастап кетті.<blockquote>Негізгі мамандығым мұғалім. Қорқыт ата атындағы мемлекеттік университетті бітіргеніме, биология пәнінің мұғалімі мамандығын алғаныма 10 жылдай уақыт болды. Мамандығыммен жұмыс табылмаған соң өзімнің сүйікті ісімді қолға алдым. Қыз бала болған соң жұмсақ, әрі дәмді торт, пирогты пісіруге әуес болдым. Үйде бос отырғаннан қолымнан келетін іспен айналысуды жөн көрдім. Әрине, ол үшін ата-енеме рақмет. Сол кісілердің қолдауының арқасында үйден тапсырыс қабылдап, құдайы-тойларға тәттілер пісіре бастадым. Уақыт өте келе сұраныс та артты. Кәсібімді кеңейту үшін кәсіпкерлерді қолдау бағдарламасына жүгіндім. "Айсәуле" жеке кәсіп иесі ретінде кент орталығынан жалға шағын ғимараттың үш бөлмесін алдым. Қазір осында қасымдағы үш көмекшіммен түрлі тәттілер дайындаймыз, – дейді жас кәсіпкер Айсәуле.</blockquote>Торттың, пирогтың 10 шақты түрін, самса, бәліш тағы басқа өнімді дәмді, әрі сапалы етіп пісіретін кондитер дайын өнімдерді күнделікті сатылымға шығарады. Сонымен қатар көп мөлшерде тапсырыс қабылдап, қолжетімді бағада тұтынушыға жеткізіп береді.Қазір кент көлемінде кондитер өнімдерін дайындайтын кәсіпкерлердің қатары баршылық. Әркімнің талғамына сай тапсырыс бере алатын тұрғындар арасында Айсәуленің тұрақты тұтынушылары да бар. Олар дәмі тіл үйірер дәмді торттың бағасы да қалтаға салмақ түсірмейтінін айтады.<blockquote>Кент орталығынан шағын дүкеннен кез келген уақытта түрлі тәттілерді сатып аламыз. Ашылғанына тура бір жыл болды. Қазір тұрақты тұтынушыға айналдық. Кондитер өнімдерімен қатар, ұннан жасалатын барлық тоқаштың түрін де дайындап береді. Қазір қонақ күтетін болсақ, тәттілерді пісіріп әуре болмаймыз. Айсәулеге тапсырыс беріп, тез, әрі сапалы дәмдерді сатып аламыз. Кәсіптің түрін меңгерген ізденімпаз келіншекке айтар алғысымыз мол, – дейді кент тұрғыны Жамал Адаманова.</blockquote>Айсәуле Шіркейлі ауылының тумасы. Алдында екі ағасы бар. Тереңөзектік азамат Асылхан Пірназаровқа тұрмысқа шығып, 3 қызды дүниеге әкелді. Шаңырағының жалғыз келіні. Қайынсіңлісінің сүйікті жеңгесі. Қыз балаға тән дастархан мәзірі мен ас дайындаудың шебері атанған бесапап келінге атасы мен енесі қай кезде де қолдау білдіріп отырады.Аудандағы "Атамекен" кәсіпкерлер палатасымен байланыс үзілмеген. Кәсіпкерге бағыт-бағдар беріп, бизнестің әліппесін үйрететін мамандар Айсәулеге түрлі көрмеге қатысуға ұсыныс білдіреді. Осындайды қалт жібермейтін кәсіпкер болатын іс-шараға тыңғылықты дайындалады. Елгезек, әрі ізденімпаз келіншек биыл Қызылорда қаласында өткен "Қазақстанның үздік тауары – 2022" өңірлік көрме-байқауына қатысып, белсенділік танытқаны үшін Алғысқа ие болды.<blockquote>Облыс әкімінің қатысуымен өткен көрмеге өнімдерімді апарып, әріптестеріммен тәжірибе алмастым. Облыстағы азулы кәсіп иелерінің жұмысын көріп, алдағы уақытта өз кәсібімді кеңейтуді жоспарладым. Қайтарымсыз грантты алғаныма көп уақыт болған жоқ. Кондитерге қажетті құрал-жабдықтарды жаңаладым. Алдағы уақытта өнім түрлерін көбейтіп, жұмыс істеймін деген қыз-келіншектерді жұмысқа қабылдаймын. Жалпы сұраныс бар жерде, табыс та болады. Арнайы оқып алған сертификаттың негізінде кәіби шебер атандым. Қазір білгенімді көмекшілеріме үйретуден жалықпаймын, – дейді жас кәсіпкер.</blockquote>Бизнесін табыс көзіне айналдырған Айсәуленің кәсібі берекелі болсын деген тілек білдіреміз.&nbsp;&nbsp;&nbsp;

Сырдариялық тұрғын кәсібімді кеңейту үшін кәсіпкерлерді қолдау бағдарламасына жүгінді

<a href="https://kyzylorda-news.kz/ru">Kyzylorda-news.kz.</a> Қазалы ауданының әкімі Мұхтар Оразбаев Ғани Мұратбаев ауылына арнайы барып, аудан орталығы – Әйтеке би кенті мен округ арасындағы жолдың құрылысымен танысты.&nbsp;Жауапты мамандармен кездескен аудан басшысы жол сапасына баса назар аудару қажет екенін айтты. Оған қоса құрылыстың уақытылы аяқталуын еске салды.&nbsp;Сонымен қатар аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтановқа тиісті жұмыстарды жүктеді.&nbsp;Айта кетейік, аудан басшысының кешегі Ғ.Мұратбаев ауылдық округінің тұрғындарымен кездесуінде осы жол жайы айтылған. Сол тұста Мұхтар Әуесұлы аталған жол мәселесі ұдайы қадағалауда болатынын жеткізді.Әйтеке би кентінен Шығыс жастарының жалынды жетекшісі Ғани Мұратбаев атымен аталатын ауыл 5 шақырым қашықтықта орналасқан. Бұл ауыл көркімен көз тартады, тазалығы жан жадыратады. Тақтайдай тегіс жолдар, қаз-қатар қонған үйлер, жайқалған жасыл желек, келбеті келісті ғимараттар осы ауылға тән теңеулер.Талай талант дүниеге келген киелі топырақ Қазақстанның халық қаhарманы, әнші Роза Бағланова, Қазақстанның Халық әртісі, әнші Мадина Ералиева, Социалистік Еңбек Ері Көлжан Оразалиева, Қазақ ССР депутаттары О.Ержанова, К.Іксендіров, Б.Елешов, «Ленин» орденінің иегерлері М.Ахметжанов, С.Бахбергенов, І, ІІ, ІІІ-дәрежелі «Даңқ» ордененің иегерлері К.Өтепбергенов, Ш.Молдабаев, Қазақстан жазушылар одағының мүшесі, «Шапағат» медалінің иегері, Қазақстан Республикасы оқу ісінің үздігі ақын Рүстем Жанай және филология ғылымының докторы, профессор Алпысбай Мусаев туған жер.Ауыл көшелері асфальтталып, түнгі жарық шамдар орнатылған. Ауызсу мен аяқсудан тұрғындар қысылмайды. Жуырда көгілдір отын тартылады деген қуанышты хабар да бар. Қонақжай ауыл төрінде ел ағалары Б.Сағынтаев, Қ.Көшербаев, парламент сенатының, парламент мәжілісінің депутаттары болғанын мұратбаевтықтар мақтанышпен айтады. «Болашаққа бағдар: рухани жаңғыру» мақаласының «Туған жер» бағдарламасы аясында Қызылорда облысында «Үлгілі ауыл» облыстық конкурсында Ғ.Мұратбаев ауылдық округі жүлделі екінші орынды иеленді.

Қазақстан және Қызылорда облысының жаңалықтары