Қазір кәсіпкерлік саласы жылдан жылға дамып келеді. Мемлекеттік қолдаудың көмегімен әркім өзіне қолайлы кәсіппен айналысуға мүмкіндік бар. Ол үшін ізденіп адамдардың сұранысына қарай бейімделіп, кәсіп қылсаң болғаны.&nbsp;Қала тұрғыны Айбархан Тойманов2015 жылдан бері жеке кәсіппен айналысып келеді. Осы уақыт арасында ол тұрақты және табысты бизнестің негізін қалауға қол жеткізді. &nbsp;Бүгінде кәсіпкердің металл бұйым жасайтын өндірістік цехы бар.<blockquote>– Тауар түрін кеңейту, нарықта бәсекелестерден ат оздыру мақсатында мен мемлекеттің қолдауына жүгіндім. Ол үшін «Ұлттық жоба» бағдарламасы аясында «Қазақстан халық банкінен» жеңіл несие алдым. Қаражат металл кесетін талшықты-оптикалы лазер станок сатып алуға жұмсалды. Облыс тұрғындары үшін металл профильді есіктер, тент, қалқа, торлы дәнекерленген қоршау сияқты сан алуан тауар шығаруға мүмкіндігіміз бар. Қазір цехта 15 адам жұмыс істейді. Өнімге сұраныс күн санап артып келеді, тек жеке адамдар ғана емес, түрлі кәсіпорын мен мекемелер де тапсырыс береді. Тіпті алыс ауылдардан арнайы келіп цехтың қызметіне жүгінетіндер бар, – дейді кейіпкеріміз.</blockquote>Дәнекерлеу цехының бір артықшылығы – заманауи құрал-жабдықтармен жабдықталған болса, екінші ерекшелігі – өндірген өнімдері &nbsp;нарықтан төмен бағада. Кәсіпкер тауар бағасын халыққа қолжетімді етуге тырысады.<blockquote>– Мамандығым дәнекерлеуші. Осы салада 10 жылдан астам жұмыс істеп келемін. Металды лазермен кесуді қолдану металл өңдеудің ең жоғары технологиясы және заманауи әдісі деуге болады. Қазір металл бұйымына сұраныс өте жоғары. Көптеген тұтынушы сәнді металл қақпаларға, өрнектелген әткеншектерге тапсырыс береді. Айына 20-25 қақпаға дейін шығарамыз, – дейді кәсіпорын дәнекерлеушісі Айбархан Тойманов.</blockquote>Шынында цех алаңында жұмыс қызып жатыр. Ыстық күнде темір дәнекерлеу оңай емес. Бірақ азаннан кешке дейін бұл жерде жұмыс толастамайтынын көрдік. Темірден түйін түйген жігіттер тапсырысты мезгілінде орындау үшін бел жазбай еңбек етуде. Ел қажетін өтеп жатқан алтын қолды жігіттерге риза болдық. Олар тауып жатқан табыстарына да риза. «Адал еңбек еткенге бақыт басын иеді» деген осы.

 Темірден түйін түйген Айбархан

<a href="https://kyzylorda-news.kz/">Kyzylorda-news.kz</a> Жаңа ғасырда бүкіл әлемнің өзгергені соншалық, кәсіп бастау да тың идеяны талап етті. «Кәсіпкер болу – басқаның істегенін істемеу» демекші бизнес әлемінде ұтымды ұсынысы мен жүйелі жоспары барлар ғана топ жарып келеді. Қазір тұрғындардың өзі базардағы қарапайым заттарға да ерекше мән береді. Таңдап, таразылап, сапасына ғана емес сәніне де, әдемілігіне де ерекше назар аударады. Бұрынғыдай табылғанын емес, таңдағанын киіп, қалаған жерден ауқаттанады. Әрине, мұндай сұраныстың барлығы бизнесте бәсекелестік қалыптастырады. Ал бәсеке бар жерде ілгері даму мен өсу болатыны белгілі.Мәселен, көше тағамын айталық. Бұл шет мемлекеттерде қарқынды дамығаны әмбеге аян. Біздің елге соңғы бес жылдықта келсе де демде танымалдыққа ие болды. Қазірдің өзінде беделін төмендете қойған жоқ. Керісінше, күн санап сан түрге еніп, келушілердің көңілінен шығудың амалын жасап жатыр. Сол секілді бүгінгі заманда ілгері дамып келе жатқан кәсіптің түрі – үйіңізді тазалап, жинап беру. Иә, шалыс оқыған жоқсыз. Қазіргі таңда бір ғана қоңырау шалсаңыз болды, бір топ қыз үйіңізді айнадай етіп жинап беруге даяр тұрады. Тек ақысын төлесеңіз болды. Сол секілді жиһазды да, кілемді де, керек десеңіз киімді де ақысына тазалап беру – бүгінгінің бизнесі. Бір қуантарлығы, кәсіптің бұл түрлері адам өмірін жеңілдетіп, уақытты үнемдеуге септігін тигізеді. Ол ол ма, қазіргі қыз-келіншектер той-томалақта, ас-жиында дастарқан әзірлеп те әуре болмайды. Өйткені әп-сәтте үстеліңіздің үстін әртүрлі асқа толтырып, керек десеңіз қалауыңызша әрлеп беретін он саусағынан бал тамған қыз-келіншектер бар. Кәсіптің бұл ерекше түрі еліміздің түкпір-түкпірінде дамығанымен, ауданда қолға алынғанына көп болмады. Жасыратыны жоқ, тойда тапсырыспен дастарқан дайындап, ас әзірлейтін кәсіпкер қыздар біздің өңірде бірен-саран. Солардың бірі әрі бірегейі бүгін біз мақаламызға арқау еткелі отырған – Жанна Оралбекқызы.Тыңнан түрен салып, өңірде ерекше кәсіпті қолға алған Жаннаның өзі де, әзірлеген асы мен дастарқаны да аудан халқына жақсы таныс. Себебі кез келген құдалық, қыз ұзату, келін түсіру сынды қуанышты жиындар оның қатысуынсыз өтпейді. Екі жыл бойы осы кәсіппен айналысып келе жатқан Жаннаның негізгі мамандығы – ақпараттық жүйе. Алайда сүйікті ісі тамақ пісіру болғандықтан, бұл істі табыс көзіне айналдыруға бекиді. «Талаптыға нұр жауар» демекші талабы мен таланты ұштасып 2018 жылы той-томалақтың дастарқанын дайындауды бастап кетеді. Әрине, алғашқы кезде үрей мен күдік болатыны белгілі. Бірақ қонаққа да, тапсырыс берушіге де Жаннаның әзірлеген әртүрлі тағамы ұнап, бірінен соң бірі сұраныс көбейеді. Мұның барлығы жас кәсіпкерге шабыт берді ме, әйтеуір не керек ол өзінің сүйікті саласы осы екенін аңғарып, қолы қалт етсе болды ас әзірлеудің қыр-сырын меңгеріп, дастарқанның әрін кіргізуге сан түрлі идея ойлап табады. Өз ісінің майталманы атану үшін бірнеше мәрте ас әзірлеуді үйрететін шеберлерден дәріс алады.<blockquote>– Кішкентайымнан асханаға жақын болдым. Бір жағынан әнге де құмар едім. Содан болса керек, бойжеткенде әнші боламын деп армандадым. Бірақ оған әкем қарсы болды. Үйдегілердің қалауымен ақпараттық жүйе мамандығына оқуға тапсырдым. Бірақ көкейдегі арман тыныштық бере ме? Уақыт өте келе әнші емес, асхана шебері болғым келетінін түсіндім. Күн сайын ерекше, әртүрлі тағам әзірлеуге құмар едім. Қазір кәсіптің, табыс табудың сан түрі шығып жатыр ғой. Әсіресе, шет елдерде мұндай сала жақсы дамыған. Соны неге біздің ауданда дамытпасқа деп ойлап, 2018 жылдан бастап тапсырыспен дастарқан дайындауды қолға алдым. Бауырсақтан бастап, ыстық тағамға дейін дайындаймыз. Дастарқанға не қоятынымызды той иесімен алдын ала келісіп аламыз. Сәйкесінше салаттың, ыстық тамақтың түр-түрін жасаймыз. Керек десеңіз жеміс-жидекті де ерекше сәндеп береміз. Бір сөзбен айтқанда той иесі қонақ күтетін кезде дастарқанды бізге толықтай сеніп тапсыруына болады, – дейді Ж.Тұрысбекова.</blockquote>Қонақ келетін кезде «Не пісіремін, қонақты қалай күтемін?» деген сауал кез келген келіншекті мазалайтыны белгілі. Әсіресе, торқалы той болатын кезде дастарқанның өзін ерекше мәзірмен жасағысы келетіндер жетерлік. Бірақ оған көбісінің қабілеті жете бермейді. Себебі тағам әзірлеу де сүйіспеншілік пен шығармашылықты талап етеді. Жаннаның әрлеген дастарқаны мен әзірлеген ас-ауқатына қарап өз ісін ерекше жақсы көретінін бірден аңғаруға болады. Айта кетейік, осыншама қыруар жұмысты ол жалғыз атқармайды. Қасында қолғабыс болып, жүгін жеңілдетіп жүрген екі қыз бар. Оның бірі өзінің апасы болса, екіншісі – сіңлісі.<blockquote>– Бәзбіреулер үшін бұл жұмыс оңай көрінуі мүмкін. Алайда оның қаншалықты қиын екенін басы-қасында жүрген адам ғана түсінеді. Оның үстіне біз самса, тәтті бәліш сынды көптеген затты түнгі уақытта пісіреміз. Ал күндіз ыстық тағам әзірлеп, дастарқанның бетін сәндейміз. Осының барлығына толық бір күніміз кетеді. Кейде демалыс алмастан, бір үйден келесі үйге барып дастарқан жасайтынымыз бар. Оның үстіне барлық үйдегі дастарқан бірдей болып қалмас үшін күнде жаңа нәрсе ойлап табуға тырысамыз, – дейді жас аспаз.</blockquote>Жанна Тұрысбекова үй мен түздің тірлігін қатар алып жүрген жас аналардың қатарында. Оның жұмысы уақыт талғамайтыны белгілі. Кез келген уақытта тапсырыс түсіп, әлдекімнің қуанышты сәтін есте қаларлықтай етіп өткізуге барын салады. Әйтсе де ол бір сәт бала тәрбиесі мен отбасының берекесін естен шығарған емес. Қазіргі таңда айрандай ұйып отырған отбасыда екі баланы өсіріп, үшінші сәбиін тағатсыздана күтіп жүр.Қазақта «Қимылдаған қыр асады» деген бар емес пе? Қазіргі таңда екі қолға бір күрек таба алмай, жатыпішер жалқау атанып жүрген жастар жеткіліткі. Ал Жанна қолдан келгенше қарманып, кәсібінің тасын өрге домалатып отыр. Бұл – «жұмыс жоқ» деп қолын қалтаға салып, талтаңдап жүрген кез келген адамға үлгі.

Шиеліде жаңа кәсіп ашты

<a href="https://kyzylorda-news.kz/">Kyzylorda-news.kz</a> Мемлекет тарапынан жыл сайын сараланған, нақтыланған көптеген бағдарлама қолға алынып келеді. Бұл халықтың пайдасына барынша жұмыс жасау бағыты болып табылады. Солардың бірі, 14 жылдан бері көптеген маманның, жастың еңбекке орналасуына өз септігін тигізген, жұмыссыздықтың азаюына ықпал етіп келе жатқан «Дипломмен – ауылға!» мемлекеттік бағдарламасы.Иә, елімізде 2009 жылдан бері ауылдық елді мекендердегі кадр әлеуетін күшейту, кәсіби мамандарды тарту мақсатында «Дипломмен ауылға» мемлекеттік бағдарламасы жүзеге асырылған болатын. Осы уақытқа дейін әлеуметтік қолдау ауылдық елдi мекендерге жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсіптік кешен саласындағы мамандарға көрсетіліп келген. Ендігі уақытта кенттер мен ауылдық округтер әкімдері аппараттарының мемлекеттік қызметшілеріне деген орын алып келген кадрлардың тапшылығын жойып, білікті кадрларды тарту арқылы ауылдағы мемлекеттік қызметтің тартымдылығын арттыру мақсаты да осы бағдарлама аясында орындалатыны да анық болды. Мемлекет басшысының мемлекеттік қызметке кіруде артық кедергілерді жою және мемлекеттік қызметтен шығу тәртібін жеңілдету туралы тапсырмасына сәйкес қолға алынған бұл бастама да өзінің тиімді тұстарын көрсететініне сенім мол.Себебі бүгінгі таңға дейін аудан көлемінде осы бағдарлама аясында қызмет атқарып жатқан көптеген жас маманның жемісті жолы біздің көз алдымызда. Арал ауданының ауыл шаруашылығы мен жер қатынастары бөлімінің мәліметінше, биылдың өзінде 34 маман біржолғы көтерме жалақыға қол жеткізсе, мамыр-маусым айларында тұрғын үймен қамтылатын мамандар да өздеріне туындаған мүмкіндікке қол жеткізеді деп күтілуде. Солардың бірі бүгінгі біздің кейіпкеріміз – Жансая Шампылова.Жансая 1999 жылы Сексеуіл кентінде туған. 2017 жылы №177 орта мектебін бітіріп, арман қуып, оқуға аттанады. Осылайша Ақтөбе қаласындағы Ақтөбе Жоғарғы медициналық колледжіне қабылданып, мейірбике мамандығын алып шығады.&nbsp;Отбасымда әкем, анам, әпкем мен ағам, ешқайсысы медицина саласында қызмет жасамайды. Бірақ олардың пікірі менің мамандық таңдауыма әсер етпеді. Әдетте «әке көрген оқ жонар, ана көрген тон пішер» деп көпшілік жастар мектеп бітірген соң не анасының, не әкесінің жолын жалғайды ғой. Бірақ менің медицинаны таңдауыма олар қолдау білдірді. «Дұрыс, қызым, болашағы бар мамандықты таңдағаныңды қолдаймыз» деп менің сенімімді нығайта түсті. Оның үстіне маған адам жанының арашашысы болып, олардың адал тілегі мен ақ батасына ие болудан асқан бақыт жоқ сияқты көрінді, – дейді.Міне, осылайша ақ халаттылардың қатарынан табылған талапты жас 2020 жылы дипломын қолына алып, туған ауылына оралды. Жас маманға бірден қызмет тауып, ойлағанындай қызметке әп-сәтте орналасып кету үнемі мүмкін бола бермейді. Бірақ Жансая сол жылы қоғамдық бағытпен ауылдық жедел жәрдемге жұмысқа орналасып кетті. Бұл оқуды енді бітіріп, әлі де болса тәжірибесін толыстыру жолындағы жас маманға үлкен мүмкіндік болды. Басы ауырып, балтыры сыздаған, түрлі деңгейдегі сырқаттардың жанына жылу, дертіне шипа бола жүріп, медбикелік шеберлікті одан әрі жетілдіре түсті. Жанын қоярға жер таппай жатқан жандардың көңілі орнына түсіп, алғысын жаудырғанда осы мамандығына деген сүйіспеншілігі одан әрі арта түскендей болады екен.Алты ай уақытын сырқаттардың құрметіне бөленумен өткізген жас маман кейін «Дипломмен – ауылға!» мемлекеттік бағдарламасының игілігін көрді. Бір реттік көтерме жалақыға ие болады. Осы бағдарламаның бағытымен ол Сексеуіл ауылдық ауруханасына мейірбике болып қабылданды. Мұндағы қызу тірлік кейіпкірімізді одан әрі ширықтыра түсті. Ауруханада 5 ай еңбек еткен соң қызметтік қажеттілікке байланысты өзі оқыған №177 орта мектебіне ауысты. Қазірде осы мектепте мейірбике болып жүрген Жансая:&nbsp;Қазіргі қызметім өзіме қатты ұнайды. Жалпы таңдаған мамандығым медицина саласы болғандықтан қандай жұмыс ұсынса да барымды салып, өзіме сенген жандардың сенімін ақтағым келеді. Әсіресе балалармен жұмыс жасаған тіпті бөлек. Қазір түрлі жағдайларды естіп, көріп жатырмыз ғой. Мектепке білім алуға келген баланың денсаулығы да біздің міндетіміз. Қалай десек те, әрбір бала бақытты болуға лайықты. Олардың бақытты ғұмыр кешуіне менің де үлесім болғанына &nbsp;қуанамын. «Өзінің сүйікті ісін істеген адам бақытты емес, өз ісін сүйіп істеген адам бақытты» демейді ме?! Осындай бақытты бұйыртқан мемлекеттің қолдауына да алғысым шексіз, – дейді.Міне, «Дипломмен – ауылға!» бағдарламасы аясында Жансаядай әлі талай жас мамандар еліміздің дамуына зор үлесін қосуда.

Аралдық жас маман «Дипломмен ауылға» бағдарламасымен біржолғы көмек алды 

<a href="https://kyzylorda-news.kz/">Kyzylorda-news.kz</a> &nbsp;Өткен күн – қазір тарих. Әсіресе тек қазіргі жай-күйі ғана көз алдымызда тұра­тын кейінгі буынға аудан орталығына сән беріп тұрған зәулім ғимараттардың тарихы қызық екені даусыз. &nbsp;Мұса Қозыбаев – қанша жыл өтсе де сыны мен сыры кетпеген аудандағы маңызды ғимараттарды сал­ған құрылысшы екені елге белгілі. Отыз жылдан астам құры­лыс бөлімінде жұмыс істеген қария денсаулығы сыр бермейінше осы саладан қол үзбеген болатын.Кейіпкеріміз &nbsp;1950 жылдың тумасы. Тереңөзек кентінде дүниеге келіп, осы ауданның ұзақ жылғы тарихымен бірге жасасып келе жатқан ақылман қария. Ауданның өсуі-өркен­деуі, талай сындарлы сәттерден өтуі – бәрі-бәрі бұл кісілердің көз алдында күні кешегі­дей сайрап тұр. Екінші дүниежүзілік соғыс бітіп, ел тұрмысы енді ғана аяққа тұрып келе жатқан тұста дүние есігін ашқан кейіпкеріміздің тағдыры оңай бол­ды дей алмаймыз. Кішкентай кезінде әкесі науқастанып, үйдің тірлігі, отбасын асырау Мұса ағамыздың еншісінде бол­ған. Әдетте ауыр тағдыр адамды ерте есейтеді деп жатамыз. Кейіпкеріміз де әкесі­нің үмітін ақтау үшін небәрі 16 жасы­нан бастап ауыр жұмысты қол еткен. Кеңес үкіметі кезінде кәсіптік-техни­калық училищеде білім алып, 1967 жылы құрылыс саласында еңбек жолын бастаған. Білгені мен тәжірибесі аға буынның тәрбиесімен үйлесім та­уып, құрыш­қол құрылысшы талай зәулім ғимарат­тың іргесін қалаған болатын.– Уақыт зымырап өтіп жатыр. Құры­лыс­ты бала күнімде кәсіп етіп бастап едім. Үйренгеніміз көп болды. Аудандағы маңыз­ды мекемелердің әр кірпіші қолы­мыздан қаланды. Аудандық емхана, прокуратура мекемесі, Сәкен Сейфуллин, Асқар Тоқмағам­бетов ауылындағы, Іңкәрда­рия­­дағы мектеп – бәрінің алғашқы тасы қалай қаланғанына дейін көз алдымда. Кейін соңымыздан ерген буынға біз де білгені­мізді үйреттік. Көшеде көре қалса әлі күнге «ұстаз келе жатыр» деп тікесінен тік тұрып, сәлемдеседі. Жиырма бес жыл брига­дир болдым. Адал еңбек пен маңдай тер адамды ешқашан жерге қаратпайды. Бұл менің әлі күнге балаларыма, немерелеріме айтып отыратын бас­ты қағидам, – дейді Мұса Қозыбаев.Жұмыс бабында қауіппен қатар келген тұстар болғанын да жасырмады кейіпкері­міз. Ауыр еңбекті қол етіп, қазіргі таң­да денсаулығы сыр бергені де жасырын емес. Негізінде адал еңбек ағамызды шың­даса, құрыш білектің қуатын жұмсап сал­ған ғимараттардың қызығын кейінгі буын әлі күнге көріп келеді.Мұса Қозыбаевтың зайыбы Съезкүл Оразаева – саналы ғұмырын ұстаздық жолға арнаған жан. Бала тәрбиелеу ісінде елеулі еңбек сіңірген ардагер №35 мектеп-лицейдің ардагері, бүгінде бас­тауыш ардагерлер ұйымының мүшесі. Зейнет демалысына шықса да, қоғам өмірінен, бала тәрбиелеу ісінен бір сәт қол үзген емес. Журналист болып кейіпкеріңді зерделеу үшін шаңырағына барғанда жан-жағыңды бақылап, әр сөзді қалт жібермеуге тырыса­сың. Отау құрғандарына елу жыл­ға жуықтаған қариялардың арасындағы сыйластық кейінгі буынға үлгі. Бір-біріне қамқор болып, сіз-біз десіп отырған жан­дардың өнегелі өмірі де, саналы ғұмыры да кейінгі буынға тәрбие көзі боларлықтай.Балаларына тәлімді тәрбие беріп, адал­дықты әркез өсиет ететін жандардың үш баласы бар. Бүгінде оқуын оқып, түрлі салада елеулі еңбек етіп жүрген жандар ата-анасына немере-жиен сүйгізіп, бір-бір шаңырақтың түтінін түтетіп отырған жайы бар. Үлкені Айгүл – ана жолын жалғап, ұстаздық мамандықты кәсіп еткен. Ұлдың үлкені Айбек – ауыл шаруашылығы бөлімінде жұмыс істейді. Ата-ананың бабын келтіріп отырған келін Назым – жеке кәсіпкер. Кіші ұл Айдос – ветеринария саласының маманы. Қазыналы қарттыққа үлкен абыроймен жеткен ақылгөй қария­лар бүгінде ұл-қыздан тараған екі жиен мен алты немеренің сүйікті ата-әжесі.– Мен орыс тілі пәнінен &nbsp;балаларға сабақ бердім. Бір салада табан аудармай еңбек етіп, зейнет демалысына шыққан болатын едім. Ағаңмен 1978 жылы шаңырақ көтердік. Қазір немерелердің қызығына тоймай, осы­лардың тілеуқоры болып жүрген жайы­мыз бар. Отбасымызбен қазақы құнды­лықтарды, салт-дәстүрді берік ұстауға тырысамыз. Бірақ балалардың бірнеше тілді қатар меңгеруін құп көріп, жастайы­нан орыс тілін де игертуге күш саламыз. «Өзге тілдің бәрін біл, өз тіліңді құрметте» деген, – деп жылы лебізін білдірді Съезкүл апай.Ата-анаға «балаң жақсы» дегенін­дей, бізді де газет туралы оң пікірлер арқаландырады. Айтпақшы, Мұса ағаның еңбегі жоғарғы басшылықтан ұдайы еле­ніп отырған. Кеңес заманындағы марапатты былай қойғанда, кейінгі жылдары алған «Алғысы» да жетерлік. Соның ішінде 2018 жылы алған ҚР Инвестиция­лар және даму министрлігінің арнайы «Құрмет грамотасының» шоқтығы биік. Одан бөлек әр жылдардағы облыс, аудан әкімдерінің және құрылыс басқармасы басшыларының Алғыс хаттары да бар. Бұл – құрыш қолды құрылысшыға халықтың, елдің, құрылысшы қолынан шыққан ғимарат­тардың игілігін көріп келе жатқан көп­тің алғысы десек, артық айтқандық емес.Ер азаматтың үш міндетінің бірі – ұрпа­ғына үй салу болса, түгел аудан әлі күнге игілігін көріп келе жатқан ғимараттардың кірпішін қалаған қарияның қызығынан қиындығы көп салада атқарған еңбегі орасан. Адамды құрметке бөлейтін – еңбек. Өнегелі ісімен кейінгі ұрпаққа тәлімді тәрбие беріп отырған қазыналы қариялар ұрпағына әркез адал еңбекті үгіттейді.&nbsp; &nbsp; &nbsp; &nbsp; &nbsp; &nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Мұса Қозыбаев: Адамды құрметке бөлейтін – еңбек

<a href="https://kyzylorda-news.kz/">Kyzylorda-news.kz</a>&nbsp; Күнделікті емхана дәлізінде ұшырасқан емделушінің көбісі денсаулығына байланысты кінәратты анықтау үшін қан тапсырып, несеп сынамасын өткізіп жатады. Күніне 100-ден аса адамнан сынама алынып, білікті маман Сара Мұхамбетқалиқызы жетекшілік ететін бөлімше зертханашыларына табысталады. Өз кезегінде адам денсаулығы үшін маңызды рөл ойнайтын қан талдауларын жасауда кәнігі зертханашылар асқан ыждағаттылық танытады.&nbsp;Бүгінде «Зертхана» бөлімшесінде дәрігермен қатар, 10 зертханашы қызмет атқарады. Олар биохимия, гемотология сынамаларын жасауға машықтанған. Өйткені, сынамаларға сыртқа бақылау жасау үшін шетелдік Prevecal және RiQAS бойынша 2 жыл қатарынан тәжірибелі зертханашылар сертификат алып келеді. Бөлімшеде 2023 жылдын сәуір айынан бастап IFlash 1800 автоматты ИХЛ жаңадан алынып, Қалканша безі гармондарын аныктау бойынша тәжірибе енгізілді. Қалқанша безі гармондарын анықтау барысында дәрігер Сара Мұхамбетқалиқызы қатаң қадағалау жасайды. Жаңа аппараттардың көмегімен биохимия, жалпы қан талдау, зәр сынамаларын дер кезінде жасауға мүмкіндік зор. Мәселен, несеп талдаулары 3 минутта дайын болса, қан талдауларының аппаратына 44 сынама салынып, 1 сағат 30 минутта дайын болады.&nbsp;– Біздің зертханашыларымыздың жұмысы қай кезде де қауырт саналады. Күнделікті емделушілердің сынамасын тексеруде қателік кетпеу керек. Сондықтан мұқияттылыққа баса назар аударамыз. Үнемі дәрігерлер қан талдауларына, несеп қортындысына қарап науқасқа диагноз қояды. Өз кезегінде біз заман ағымына ілесіп кәсіби біліктілігімізді шыңдай береміз, – дейді білікті дәрігер.&nbsp;

Әр сынаманың нәтижесі адам денсаулығы үшін маңызды 

Берекесі тасыған – Сырдария 

Жиделіде жарық желілері жаңаланады

<a href="https://kyzylorda-news.kz/">Kyzylorda-news.kz</a> Отбасы мемлекеттің мызғымас беріктігін сақтайтын, қоғамдағы ең басты құндылық. Ондағы береке –бірлік елдің дамуына үлес қосады. Еліміздегі беркелі тұрмыс кешіп отырған отбасыларды үлгі ету мақсатында «Мерейлі отбасы» байқауын ұйымдастыру да осының дәлелі іспетті.&nbsp;Ежелден-ақ дана халқымыз «Отан отбасынан басталады» деп, қоғамдағы отбасының құндылығына ерекше назар аударған. Мықты мемлекеттің қалыптасуы үшін әрбір үйдің, әрбір шаңырақтың береке- бірлігі жарасымды, ынтымағы ырысты болуы керек. Үлкенге ізет көрсету, кішіге құрмет қылу – қазақ тәрбиесінің алтын діңгегі. Ықылым заманнан қазақ ұғымында отбасының орны ерекше. Отбасының қамқоршысы мен тіреуі – ер азаматы, шаңырағының шырайын келтіріп, ырысын еселеп, ынтымағын қамтамасыз ететін – адал жары, сол шаңырақты береке мен мерекеге толтыратын бақыты – балалары. Осы ретте «Ұяда не көрсең, ұшқанда соны ілерсің» деген қанатты сөздің астарына үңіліп, ақиқатын ақтарып көрсек, бала ата-анасына қарап бой түзейді. Міне, бүгінгі әңгімеміз Шижаға ауылында тұратын ерлі-зайыпты Аязбек Төремұратұлы мен Айгүл Ақтілеуқызының өнегелі отбасы, өнерлі балалары туралы болмақ.Еңсегей бойлы, ер мінезді, сөзі мен ісі нық азамат, ұстаздар әулетінен шыққан отбасы иесі Аязбек тарих пәнінің мұғалімі болып, балаларды білім нәрімен сусындатты. «Ерін сыйлаған есікте қалмайды» дегендей, жанындағы жарын құрметтеп, балаларына да әкесін бағалауды үйретіп, шаңырағының шырайын келтіріп отырған Айгүл &nbsp;ақылды да байсалды жан. &nbsp;Ол бала тәрбиесімен айналысып, азаматының бабын тауып отырған мейірімді ана. Жарасымды жанұяда ұланақтай үш ұл мен қызанақтай үш қыз тәрбиеленуде. Оларды әкенің ақылы, ананың ақ сүті ақ жолдан адастырмады. Тұңғышы Бекбол арнаулы оқу орнын жол қозғалысын ұйымдастыру мамандығы бойынша бітірді. Айбол Ақтөбе қаласындағы колледжді дене тәрбиесі және спорт мамандығы бойынша тәмамдады. Бірнеше рет аудандық, облыстық және республикалық еркін күрестен жүлделі орындарды еншілеп келеді. Ол еркін күрестен Қазақстан Республикасының спорт шеберлігіне үміткер. Ал Берікбол ұлы биыл 10 сыныпқа көшті. Жақында «Бозторғай» шығармашылық байқауында дәстүрлі ән жанрынан үшінші орын алды. Ол Аралда, ауылда &nbsp;өткізілген терме айтудан жүлделі орындарға ие болып келеді.&nbsp;Ең алдымен баланың болашағы жарқын, келешегі кемел болсын деген мақсатта балаларды ата-дәстүр салтымен, рухы асқақ азамат, ибалы да инбатты қыз етіп тәрбиелеуге тырысамыз. Елімізде жанұяға маңызды орын берілген, өйткені &nbsp;адамзат пен мәдени құндылықтардың бұлжымас ұясы отбасы болып табылады.Отан – ортақ үйіміз. Ортақ үйіміздің шаңырағын шайқалтпай, уығын тіктеп, керегесін кеңейтіп, береке-бірлігін ұйыта ұстау – ортақ міндетіміз. Отбасымызда ұлдарымыз ержетіп, қалаған мамандықтары бойынша білім алды. Аллаға шүкір, балаларымыз мәнерлеп оқудан барлық іс-шаралардан қалыс қалмай, биіктерден көрініп, бізді қуантып келеді. Қыздарымыз Нұрлышуақ пен Айлышуақ қаладағы №2 дарынды балаларға арналған облыстық мамандандырылған мектеп-лицей-интернатында бірі 9 сыныпқа, екіншісі 7 сыныпқа көшті. Мектепте үздік оқиды, өлеңге де бейімділігі байқалады. Кенжеміз Фарида үшінші сыныпты үздік бітірді. Үш баламыз да өнер &nbsp;мектебінде, екеуі домбыра, біреуі терме айту тобында оқиды,– деді ағынан жарыла.&nbsp;Қойнауы өнер мен жырға толы қасиетті Арал ауданының Аққұм ауылында 2009 жылы 19 мамырда Нұрлышуақ дүниеге келді. Ата-анасы Нұрлышуақ қызының білімді, білікті, талапшыл азаматша болып қалыптасуына барлық жағдайды жасап, перзентінің бойына асыл қасиеттерді сіңіріп келеді. Алғашқы қадамын «Ақбұлақ» балабақшасынан бастап, бүлдіршін жаңа ортаға тез бейімделіп, көптеген жақсы нәрселерді үйренді. Оқуға құштар өрелі өрен Нұрлышуақ 2016 жылы Е.Көшербаев атындағы №57 орта мектепке қабылданып, мектеп табалдырығынан аттады. Білім алуға алғыр жас бүгінде №2 облыстық дарынды балаларға арналған мектеп-интернатында оқиды. Жас та болса жетістік желкенін керіп үлгерген білімпаз оқушы 2021 жылы Алматы қаласында өткен «Ұрпақтар ұмытпайтын Ұлы Жеңіс» атты өнер байқауында «Аспапта орындаушылық өнері – домбыра» номинациясы бойынша &nbsp;облыс намысын қорғап, ІІ дәрежелі дипломға ие болды, лауреат атанды. «Кемел» өнер-білім орталығының ұйымдастыруымен Абай Құнанбаевтың 175 жылдығына орай «Өлең – сөздің патшасы» атты мәнерлеп оқудан өткен республикалық байқауда І дәрежелі дипломмен, әйгілі әнші Роза Бағланованың 100 жылдық мерейтойына арналған «Ақмаңдайлым» атты облыстық ақындар мүшәйрасында облыстық білім басқармасының Алғыс хатын иеленіп, мерейі үстем болды.&nbsp;Сонымен қатар Мұқағали Мақатаевтың шығармашылығына орай ұйымдастырылған «Әр өлеңі – бір әлем» атты мәнерлеп оқу сайысында мектеп директорының Алғыс хатымен марапатталды. Жасынан өнерге бір табан жақын Нұрлышуақ бірде қасиетті қара домбырада құйқылжыта күй шертсе, бірде мың бұрала билеп, көрерменін тамсандырып келеді. Үнемі ізденісте жүретін Нұрлышуақтың ақындық қасиеті де бар, сондай-ақ өнер мектебінде домбыра сыныбында ұстаздан дәріс алады. Шығармашылыққа жаны құмар талапты жас болашақта балаларға домбырадан дәріс беруді мақсат етіп отыр.&nbsp;Ал Айлышуақ болса 2010 жылы 13 желтоқсанда өмірге келген. Ол бала бақытын басты орынға қоятын отбасында тәлім-тәрие алып, ақжарқын, кең пейілді болып өсіп келеді. «Ақбұлақ» балабақшасында тәрбиеленген алғыр да қабілетті балдырған, көркем мінезді Айлышуақ апайларының сүйікті бүлдіршініне айналды. Ауылдағы №57 орта мектепке қабылданып, аталған оқу ордасында 5 сыныпқа дейін оқып, бүгінде №2 облыстық дарынды балаларға арналған мектеп-интернатында білімін жалғастыруда. Ол бүгінде көптеген білім сайыстарының жүлдегері. Жалпы білім беру ұйымдарының республикалық олимпиаданың облыстық кезеңінде қазақ тілі мен әдебиеті пәні бойынша ІІ орынға ие болған алғыр шәкірт аудан мерейін асқақтатты. 2021 жылы мектеп оқушылары арасында өткізілген «Ұстаз еңбегі өлшеусіз» атты эссе жазу байқауына қатысқаны үшін сертификатты еншілеп, жетістігі еселене түсті. Шығармашылыққа, әдебиетке жаны құмар Айлышуақ Мұқағали Мақатаевтың шығармашылығына арналған сайыста ІІ орынға ие болып, дипломмен марапатталды. Өзі білім алатын мектеп-интернатта ұйымдастырылған «Әдемі жазу да – өнер» атты көркем жазу байқауында ІІІ орынға ие болды. Сонымен қатар мың бұрала билейтін өнерлі жас Арал ауданы жастарынан құралған тобымен бірге облыс төрінде өнер көрсетіп жүр. Өткен жылы республикалық «Ақ шағала» хореографиялық фестиваль-байқауының &nbsp;облыстық кезеңінде жеңімпаздар қатарынан табылған «Шаттық» бишілер тобы ІІІ орынды қанжығасына байлады. Бос уақытында кітап оқып, кесте тіккенді ұнататын Айлышуақ бишілігімен қатар аудандық өнер мектебінде домбыра бөлімінде машықтанып келеді. Кішкентай кезінен өнерге, білімге құштар жас өрен ағымдағы жылдың мамыр айында жалпы білім беретін пәндер бойынша 5-6 сынып оқушыларына арналған республикалық олимпиадаға қатысып, білім бәсекесінің қорытындысы бойынша дарынды оқушымыз күміс медальді еншілеп, аудан мерейін өсірді. Талантты өрен өз болашағын ұстаздықпен немесе би өнерімен байланыстырғысы келеді. Арманы асқақ өрендердің алдағы жоспарлары орындалып, биік белестерді бағындырары анық.Әр балаға шынайы махаббатпен берілген тәрбие оны жетістікке жетелейтіні анық. Осындай ата-ана мен ұстаздар тарапынан ықылас пен мейірімге бөленіп отырған баланың болашағы жарқын болары сөзсіз.&nbsp;«Жас келсе іске» дегендей, жастық жігер мен күштің сипатын бүгінгі жастардан көре аламыз. Өткен жылы Қызылорда қаласында "Жалынды жастар" атты энциклопедиялық кітап жарық көрді. Онда жас өрендердің білімділігі, ақыл-парасаты, таланттары мен дарындылығы арқау етілген. Міне, осы кітапқа перзенттеріміз Нұрлышуақ пен Айлышуақтың есімі енгені қуанышымызды арттыра түсті. Балаларымыздың өнердегі, білімдегі жеткен жетістіктері бізді әрдайым шаттық сезіміне бөлейді. Нұрлышуақ пен Айлышуақтың осындай білім бәсекесінде жетістікке жетулеріне, өнерлі болуына септігін тигізген алғашқы білім нәрімен сусындатқан №57 орта мектебі мен аудандық балалар өнер мектебі және №2 облыстық мамандандырылған &nbsp;мектеп-лицей интернатының ұстаздарына алғысымыз шексіз, – деді отанасы.Ұрпақ тәрбиесі – ұлт болашағының кепілі. Әр бала атаның қанымен, ананың сүтімен келетін туа бітті қасиеттер сияқты ұлттық рухани құндылықтарды да ең алдымен отбасында ата-ананың тәрбиесімен бойына сіңіретіні анық. Біз де бүгінде «отбасы» деген бақыттың ұясын жылылыққа толтырып, түтінін түзу ұшырып, киелі шаңыраққа ие болып отырған асыл жандарға қажымас қайрат, ұзақ ғұмыр тілейміз. Шаңырақтан шаттық пен қуаныш шуағы үзілмесін, балалар бақытына бөлене беріңіздер дейміз.

Мерейлі отбасы: Өнерімен танылған өнегелі отбасы

<a href="https://kyzylorda-news.kz/">Kyzylorda-news.kz</a> Бүгінгі таңда ақылмен еңбек етіп, &nbsp;іс қылған адам озады. Осындайда хакім Абайдың «Әуелі құдайға сыйынып, екінші өз қайратыңа сүйеніп, еңбегіңді сау, еңбек қылсаң қара жер де береді, құр тастамайды» дегені әсте ойға оралады екен. Шынында, екі қолға бір күрек тауып, өз ісіне береке тапқандар ғана еңбегінің несібесін көреді. Былай қарасақ, білек түріп, ниет білдіргенге кәсіп көп. Әсіресе, Шиелі ауданы – шаруашылықтың қай түрін болмасын тез игере алатын мекен. Соның ішінде жылына бірнеше мәрте өнім алатын жылыжай жайлы қалай айтпасқа?! Ал сол жылыжай ісін дамытып жүрген Жақаев ауылында тұратын Құлшықбай әулетін білесіздер ме? Ендеше, мақаланы соңына дейін оқып көріңіз.&nbsp;Сәрсенбі күні тілшілік тыныспен аудандық кәсіпкерлер палатасының директоры Бекзатхан Бауыржанұлымен бірге Ы.Жақаев ауылына бағыт алған едік. Арнайы жылыжайды баптайтын шаруа қожалығымен танысып, өнімдерін көруге бардық. Далада бет қаритын суық болса да, жылыжай ішінде жылы леп еседі, төгіліп тұрған өсімдік әлемі беймаза тіршіліктен арашалағандай, жан дүниеңізді баурап алады.&nbsp;Топырағы сортаң, ылғалы аз шөлейтті өңір үшін көкөніс өсірудің ең тиімді жолы – жылыжай шаруашылығын дамыту. Осыны түсінген жергілікті шаруалар аталған салаға бет бұра бастады. «Нұрғиса» шаруа қожалығы деп аталатын жылыжайды Нұрғиса Мақұлбекұлы «Ұлттық жоба» бағдарламасына қатысып, жеңіп алған. Кәсібі үшін 1 380&nbsp;000 теңге қайтарымсыз грантқа ие болды. «Жұмыла көтерген жүк жеңіл» демекші, Нұрғисаға отбасы да &nbsp;қолдау көрсеткен. Қазіргі таңда жылыжайды өзі ғана емес, әулет болып баптайды. Расында, белгілі бір кәсіпті бастағанда қиындықтар мен кедергілер болатыныны хақ. Алайда кәсіпкер талай қиын кезеңнен өтіп, қазіргі уақытта еңбегі жанып, жұмысы біртіндеп табыс әкелуде. Себебі табиғи, сапалы көкөніс өнімдеріне сұраныс қашан да жоғары.&nbsp;<blockquote>– Жылыжай шаруашылығы оңай кәсіп емес. Әр өнім мұқият күтімді талап етеді. Біздің мақсатымыз тамшылатып суару құрылғысын пайдалану арқылы жылыжайда көкөністер өсіру, баламалы энергия көздерін қолдану арқылы табиғи және технологиялық ресурстарды тиімді пайдалану болып отыр. Сондай-ақ жылыжайдың іші жыл он екі ай жылы болуға тиіс. Өйткені әр көкөністің күйі бөлек. Мәселен, қияр ылғалды сүйеді. Оның қасына құрғақ ауада өсетін көкөністі отырғыза алмайсың, – деді Нұрғисаның әкесі Мақұлбек Құлшықбай.&nbsp;</blockquote>Нұрғисаның айтуынша, жалпы жылыжай аумағы 10 соттықты құрайды. Осы көлемге Нұрғиса 4000 түп қияр мен қызанақ еккен. &nbsp;Жылына 6-7 гектар көшет егіп, еңбек еткен.&nbsp;<blockquote>– Бұл кәсіпке келуім қызығушылығымнан болар. Себебі мол табысқа кенелуді көздеген емеспін. Бастысы, аудан халқына сапалы өнім ұсыну. Мен әрбір ісімнің оң нәтиже беріп, жеміс алуымның өзін үлкен жетістік деп түсінемін. Жылыжайдағы өнімдер – менің ғана емес, отбасылық кәсібіміздің жемісі, – деді Н.Мақұлбекұлы.&nbsp;</blockquote>Жылыжайды бағамдап жүріп, болгар бұрышы, қауын, қарбыз сияқты көкөністерді көзіміз шалып қалды. Бұл тұрғыда кәсіпкерлер палатасының директоры Бекзатхан Бауыржанұлы былайша пікірін білдірді:&nbsp;<blockquote>– Егін шаруашылығы үшін, алдымен, білім содан соң қажырлы еңбек қажет. Еккен егіннің бар күтімін жасаса, егін шаруашылығының елге берер пайдасы көп. «Егін ырыс таңдамайды, еңбек таңдайды» дегендей, біздің ауданда ризық-несібесін жерден теріп, ата кәсіпті кеңінен дамытып жатқан шаруалар көп. Егістік басында еңбекке шыныққан дихандар ала жаз бойы егіннің бітік шығуына бар күшін жұмсайды. Бүгінгі кәсіпкеріміз Ыбырай Жақаевтың ізбасарлары ретінде жастарға үлгі болып, кәсіптің жолын табуына септігін тигізуде. Ал біздегі ниет – осындай еңбек адамдарын көпшілікке таныстырып, насихаттау, – деді.</blockquote>Топшылай келе, ауданда, ауылда болсын, кәсіппен айналысам деуші азаматтарға әрқашан да қолдау көрсетіліп отыр. Келешекте Құлшықбай әулеті өзінің кәсібін жоғары деңгейге көтеріп, ауқымын кеңейтуге ниетті. Бұл бастама көп жасқа үлгі болады деп ойлаймыз. Қазір қыбырлаған адамға тірлік көп, еңбектеген адамға табыс мол. Дәл осы сөзімізді дәлелдеген &nbsp;&nbsp;кейіпкерлеріміз егін шаруашылығының ауырлығына қарамастан, жылыжайдың жайын келістіріп отыр. Әлбетте, бұл көңілге қуаныш ұялатады.Фото: Нұрболат Нұржаубай

Нұрғиса Мақұлбекұлы: Бастысы аудан халқына сапалы өнім ұсыну

<a href="https://kyzylorda-news.kz/">Kyzylorda-news.kz</a> &nbsp;Өмір жолы өнеге, ауыл шаруашылығының ардагері Есенбай Асанұлы мен «Алтын алқа» иегері Наббат Тұрғанова &nbsp;еңбегімен елге танылған жандар. Ардагерлік жасқа жеткен ардақтылар бұл күнде үлкен әулетке айналып, бала-шағаның ортасында отырған жайы бар.Аты әлемге әйгілі ақын, философ, қоғам қайраткері Жүсіп Баласағұн бабамыз «Кісіге екі дүниде пайдалы үш нәрсе бар, біріншісі – халқына адал қызмет ету, екіншісі – әділдік, үшіншісі – ар-ұят. Адам осы үш қағида арқылы бақытын табады» деген екен. Бұл қағида мақаламызға арқау болған еңбек ардагері Есенбай аға мен зайыбы Наббат апаға арналғандай. Өйткені қос ардагердің бойында бабамыз айтып кеткен қасиеттің барлығы табылатыны сөзсіз. Олар саналы ғұмырында адал еңбек етіп, туған ауылы мен туған жердің түлеуіне қызмет еткен адамдар саналады.Сәл шегініс жасап Есенбай Асанұлының еңбек жолына үңілсек. Осыдан 72 жыл бұрын наурыз мерекесінде Сәкен Сейфуллин ауылында дүние дидарын ашқан азамат әке-шешесінің тұңғышы болып ер жеткені елге мәлім.<blockquote>– Әкем Асан Әбдікәрімов Сәкен Сейфуллин кеңшарында атақты күрішші болды. Адал еңбегі үшін «Құрмет белгісі», «Еңбек Қызыл Ту» ордендерімен, көптеген медальмен марапатталған болатын. Анамыз Үмбігүлсім кеңшарда есепші болып еңбек ете білді. 4 ұл мен 2 қызды тәрбиелеп өсірген ата-анамыз біздің есейгенімізді көріп, адамгершілік асыл қасиеттерді бойымызға сіңіре білді, – дейді бүгінде өзі де ардагерлікке абыроймен жеткен Есенбай аға.</blockquote>Ардагер – құрметті, ардақты, қадірлі деген мағынаны білдіретіні баршаға аян. Ел қамын ойлап, намысын қорғаған, елеулі еңбек сіңірген, абырой, беделі асқақ адамды халық «ардагер» деп жоғары бағалайды. Есенбай Асанұлы – туған елі үшін ауыл шаруашылығын түлетуге қырық жылдан астам уақыт күш-қуатын жұмсаған шаруа адамы. Азамат ес білгелі ауыл шаруашылығы техникасын тізгіндеді. Бұрынғы №88 селолық кәсіптік училищеде тракторист-машинист мамандығын алып, 18 жасында Партияның ХХІ съезі атындағы кеңшарда тракторист болып еңбек жолын бастады. Арыс қаласында әскери борышын өтеп, ауыл шаруашылығында еңбек жолын жалғастыра білді.1975 жылы ауданда Сәкен Сейфуллин атындағы кеңшар құрылғанда, кеңшар директоры Ж.Бодықбаев өз ісінің майталманы атанған білікті маманның еңбегіне сүйсініп, жаңа кеңшарға жұмысқа шақырды. Бойында жалындаған жастық жігері мен еңбекке деген құлшынысының арқасында машинист, жаткист-комбайнер болды. Кеңшардағы түрлі техниканың тізгініне отырды.<blockquote>– Кеңшардың жаңадан құрылған кезі. Техниканың саны санаулы, барлығы ескірген. Сонда да директордың талапшылдығы мен іскерлігі еңбеккерлерді жігерлендіретін. Директор кеңседе отырмайды. Қай кезде де шаруа адамдарының жанынан табылатын. Таңертеңнен басталатын еңбекке қызу кірісіп, шаруашылықтың жұмысы іркіліссіз болуын қамтамасыз ететін. Сондай қиын-қыстау кезінде мал азығынан тапшылық көрдік. Шаруашылыққа алыстағы Қарақұмнан, Мыңбұлақ деген жерден шөп әкелуге аттанатынбыз. Қара жұмысты еңсеріп, мал-жан амандығына күш салдық. Техниканың ақауын да өзіміз жөндейміз. Таң атқаннан бастап кеш батқанша тыным таппай еңбек еттік, – дейді байырғы тракторист Есенбай аға.</blockquote>Еңбек адамы – ел көшін алға сүйрейтін қуатты күш. Қара жұмыста шыңдалып, саланың сайыпқыраны атанған Есенбай аға жұмысына деген адалдығы мен жауапкершілігінің арқасында 1984 жылы 7 қарашада облыс орталығында өткен ең ауқымды мерекенің құрметіне К-700 тракторымен техникалар шеруіне қатысқан. Осылайша құрмет төріне шығып, техникасын күтіп ұстағаны үшін облыс басшылығынан марапат алып, абыройы асқақтағанын бүгінде оның достары ұмыта қойған жоқ.Байырғы тракторшы саналы ғұмырында шаруашылықтың жұмысынан қол үзбей, еңбекте қатар жүрген замандастары Сайлау Нұртаев, Досбол Арысбаев, бригадирі марқұм Ж.Төлебаев, агроном С.Нұрымов пен О.Дүйсенов, т.б. адал еңбегі көпке үлгі болғанын мақтанышпен еске алады. Арда азамат еселі еңбегінің нәтижесінде әр жылдардағы облыстың бірінші басшылығының қолынан ІІІ дәрежелі «Еңбектегі Ерлігі үшін» және «Еңбек Даңқы» ордендерімен наградталды. Мұнан басқа көптеген медаль абыройлы еңбектің жемісі ретінде еңбек адамының кеудесінде жарқырап тұр.Есенбай Асанұлы елдің басына келген тоқырау кезеңінде де қолынан келетін іспен айналысты. Отбасымен аудан орталығына қоныс аударып, «Харрикейн Құмкөл Мұнай» компаниясында, кейін «Бастау-S» мекемесінде жұмыс істеп, 2015 жылы зейнет демалысына шықты. Биыл өмірлік жары Наббат Тұрғановамен отасқанына 51 жыл болды. Алтын алқалы ана қай кезде де арқа сүйер азаматына қолдау білдіріп, өзі де қол қусырып отырған жоқ. Егін егіп, сиыр сауды. Ауылда клубта жұмыс істеді. Қиын қыстау кезеңде қолда бар малды ұқсатып, оны көбейтіп, ағарғанын үзбеді. Бала-шағасын асырау қамымен дорба арқалап, саудамен де айналысты.<blockquote>– Отбасын құрып, шаңырағымыздың шаттығы балаларымыз өмірге келгенде қиындықты еңсеруге тырыстық. Отағасының жағдайын жасап, бала-шағамызбен жұмыстан келетін уақытында ас-суымызды әзірлеп отырамыз. Есік алдына тоқтаған тракторының дауысын естігеннен ас та дайын тұрады. Жұмыстан шаршап келсе де үйге апыл-ғұпыл кірмейді. Алдымен күні бойы жұмыс істеген тракторын сүртіп, жуып-тазалап, тап-тұйнақтай етіп, жалтыратып барып, ішке кіретін. Қай кезде де тиянақты, техникасы жалтырап тұратын. Бұл қасиеті балаларына да жұқты. Ұлдар көліктерін күтіп ұстайды. Тазалықты жаны сүйеді. Қарапайымдылығынан ешқашан тайған емес. Қазір де көлік айдайды, қай кезде де тап-таза тұрады, – дейді ақ адал жары Наббат апа.</blockquote>Кеудесі орден-медальға толы, жүрісі ширақ, арқа-жарқа болып жүретін Есенбай аға еш-қашан кісіден бірдеңе сұрап, алдына баруды құптамайды. Адал маңдай терін төккен еңбегі үшін зейнетақысы бар. Шүкіршілік ету оның қанына сіңген қасиет. Ерлі-зайыптылар Құдайдың берген балаларын да жақсы тәрбиеледі. Әр баласына бір-бір үй тұрғызып, өзі де кең сарайдай қарашаңырақта қосағымен бейнетінің зейнетін көріп отыр. Балалары Меңдігүл, Нұркен, Бибігүл, Алмагүл, Дастан, Гүлвира, Рүстем, Гүлжазира түрлі салада еңбек етіп жүр. Бірі мемлекеттік қызметкер болса, енді бірі медицина саласында, араларында қарапайым жұмысшы мен әке жолын қуған көлік жүргізушісі де бар. Шаңырақтың үш келіні Нұргүл, Жанар, Ақшолпан ибалы да инабатты, ата-әжелеріне немерелер сүйгізіп отырған сүйікті жар. Перзенттерінің арасында Бибігүлі анасының жолын жалғастырған «Алтын алқалы» ана.Елу жыл бойы қол ұстасып, жарасымды отбасы құрған әулет бүгінде тамырын тереңге жайып, бір қауым елге айналды.&nbsp;

Еңбегі еңселі болған қос қария

<a href="https://kyzylorda-news.kz/">Kyzylorda-news.kz</a> &nbsp;Жоғары білімді маман ретінде қолына дипломын Тереңөзектік Жамбыл Кәрібаев жұбайы Мария Балжановамен ұзақ жыл бірге тату-тәтті өмір сүріп &nbsp;келеді. Жарасымды отбасы ауданда мемлекеттік қызметшілер ретінде саланың ауыр жүгін арқалап жүрген білікті мамандар. Атқаратын қызметі әртүрлі болғанымен мемлекет алдындағы қызметіне аса жауапкершілікпен қарайтын отбасында құт-береке берік орнаған. Бірлік пен ынтымақ жарасым тапқан бұл отбасында тәрбиелі ұл мен қыз өсіп келеді. «Үлкенге – құрмет, кішіге – ізет» көрсету қағидасына ұйытқы болған аналары ардагер-ұстаз Гүлбар Әбілова шаңырақтың шырайын келтіріп, перзенттеріне жақсы жол сілтеуден жаңылған емес. «Әкеге қарап ұл өсер» дегендей ұрпақ жалғасы болған ұл Жамбыл әкесі Серікбайдан көрген өнегесін жалғастыруда. Ата-анасынан алған тәлім-тәрбиесімен өмірінің іргетасын ибалы да инабатты келін Мариямен қалап, ширек ғасырдан бері қол ұстасып бірге келеді. Алғашқы таныстық кезіндегі қызықты оқиғаны бүгінде керемет көңілмен еске алған шаңырақтың отанасы Мария қызықты етіп әңгімеледі: – Екеуміз бір ауданда тұрсақ та, бір көшемен жүрсек те алғаш танысуымыз қала мен аудан арасына қатынайтын автобустың ішінде болды. Қалада оқитын кезіміз. Оқуға қатынап жүргенімізде жиі-жиі кезігетін болдық. 1996 жылы басталған таныстық екі жылға ұласып, бір-бірімізді әбден танып білдік. 1998 жылдың жазында шаңырақ көтердік. Жас болсақ та отбасы деген ұғымның киесін түсініп, құрметпен қарадық. Қандай қиындық болса да бірге жеңуге, қуанышты күндерді бірге өткізуге серттестік, – дейді жастық шағы туралы, қазіргі кезде ұл мен қызды дүниеге әкелген ана. Өмірлік серігін Жәкең деп атайтын келіншегі отбасындағы жарасымдылықты қазыналы қариялармен байланыстырады. Бірінен соң бірі дүниеге келген перзенттерін бауырына басып, сүйікті әже атанған аналары жас отбасының керегесі кең, босағасы берік болуына қамқорлық танытты. Баласы мен келінінің қызметтен қалмай алаңсыз жұмыс істеуіне жағдай жасаған ата-аналары өздері де қызметтен қалмай, ардагерлікке аман-есен жетті. Өкініштісі, қазір орталарында асқар таудай болып отыратын әкенің өмірден өткені. алып, 2000 жылы алғашқы еңбек жолын аудандық ауыл шаруашылығы бөлімінде бастаған Жамбыл мемлекеттік қызметтің қиындығы мен жауапкершілігін біле бастады. Тәжірибе жинаған жас маман салық комитетіне бас маман болып қызметке ауысты. Одан соң аудан әкімдігінде жетекші маман болып қызмет атқарды. Осы күні Қалжан ахун ауылдық округінде 7 жылдан бері бас маман қызметін абыроймен атқарып келеді. Ал келіншегі Мария кенттегі №36 орта мектепте кассир болып еңбек жолын бастаса, кейін Құндызды ауылдық округінде қызмет етеді. Кәсіби маман 2010 жылдан бері аудандық мәслихатта мемлекеттік қызметті мінсіз атқаруда. Ауданның әлеуметтік-экономикалық әлеуетін қалыптастыруда өзіндік жолдарын қалаған білікті мамандар қызметті адал атқарып, қоғамдық жұмыста да белсенділік танытады. Қызметтен бос уақытта спорт залына асығатын Жамбыл Серікбайұлы спорттың волейбол түрімен машықтанады. Шебер ойыншы талай мәрте аудандық, ауыларалық жарыстарға қатысып, команданың белді мүшесі атанды. Ағайынмен, құрбы-құрдаспен араласуға да уақыт табатын Жамбыл мен Марияның кісімен сыйластығы өзінше бөлек. – Отбасылық достар ретінде көп жылдан бері араласамыз. Жамбыл мен Марияның адамгершілігі мен қарапайымдылығы туралы айтудың өзі ғанибет. Қазір арамызда балалары есейген жұп. Үлкендері оқу бітіріп, бір-бір мамандық иесі атанды. Кенжелері Даниял Талдықорған қаласындағы І.Жансүгіров атындағы университеттің соңғы курсында оқиды, болашақ экономист. Жамбылдың басты қасиеті – балажандығы. Балаларды өте жақсы көреді. Өз балаларына деген махаббатын айтып жеткізу қиын. Біздің де балаларымызға мейірімін төгіп тұрады. Тіпті құрдастардың кішкентайларын мойнына салып отырады. Кішіпейіл, ақкөңіл достарымызға ұзақ ғұмыр тілейміз, – дейді құрдастары Батырхан мен Гүлжанат. Бір салада табысты да жемісті еңбек етіп, шаңырақ шаттығына кенеліп отырған Жамбыл мен Мария жарасымды жұп қана емес, үлгілі отбасы.&nbsp;

Қазақстан және Қызылорда облысының жаңалықтары