Бірлігі бекем, тірлігі тиянақты ауыл

<a href="https://kyzylorda-news.kz/">Kyzylorda-news.kz.</a> Қазақ «Туған жерге туыңды тік» деп бекер айтпаған. Патриотизм – кіндік қаның тамған жеріңе, өскен ауылыңа деген сүйіспеншіліктен бастау алады.&nbsp;Қай жерде, қандай қызметте жүрсе де атамекен туған жері, алтын ұя мектебін бір сәт естен шығармай, оған мәңгілік қарыздармын деп есептеп, перзенттік парызындай сезінетін нағыз азаматтар болады. &nbsp;Әр жылдары мектеп бітірген түлектердің білім ордаларындағы соңғы қоңырау қарсаңында қайырымдылық жасап, мұқтаж жандарға көмектесуі, өз ауылының көркейіп-көріктенуіне үлес қосуы дәстүрге айналды. Биыл да осы дәстүр жалғасын тауып жатыр. Соның бірі, Омар Шораяқұлы атындағы №30 орта мектебін бітіргеніне 20 жыл толған 1986 жылы туылған түлектерді айтуға болады.Азаматтар Жосалы кенті, Ізтелеу Мүсірбаев көшесі бойына заманауи үлгіде түнгі жарықтандыруымен Қазақ радиосы қосылған автобус аялдамасын халыққа тарту етті.&nbsp;<blockquote>«Биыл алтын ұя мектебімізді бітіргенімізге 20 жыл болды. Елдің ақыл айтар ағалары мен ақ жаулықты аналарына айналдық. Осынау мерекеде біз сыныптастарымызбен ақылдасып осыбір аялдаманы сыйға тарттық», – дейді түлектердің бірі.&nbsp;</blockquote>Ел үшін игі істі ұйымдастырып, татулығы жарасқан, ауызбірлігі мен достастығы үйлесім тапқан азаматтарға алғысымыз шексіз! Өзгеге үлгі боларлық бұл бастама әрі қарай жалғасын табатынына сеніміміз мол.

Туған жерге түлектердің тартуы 

<a href="https://kyzylorda-news.kz/">Kyzylorda-news.kz.</a> Өмір – шебер-ай. Жүректе жылт еткен сәуле болса, қоғамға пайдаңды тигізгің келеді. Зәру адамдарға көмектессем дейсің. Білесің, жақсылықтың өзіңе жақсылық болып қайтатынын. Біздің ауданда да елге мейірімін төккісі келетін, ізгілігін жасағысы келетін еңбек ұжымдары бар. Олар әсіресе, қоғамның кішкентай мүшелеріне, ерекше балаларға қолынан келген көмегін беруден тартынып қалмайды. Осыдан бірер жыл бұрын Жосалы кентінде "Дәметкен ана" жеке қайырымдылық қоры ашылып, жұмысын бастады.Қордың құрылтайшысы, ерлі-зайыпты Зарқұм Бекжанов пен Дина Исмаилова. Бірі – темір жол саласының құрметті профессоры, 100-ден аса ғылыми еңбектің авторы болса, бірі – медицина ғылымдарының кандидаты, "Алтын дәрігер" иегері. Зарқұм ақсақалдың жасы 85-ке қараса, Дина анамыз 72-ге таяп қалған. Бұл жаста әдетте, үлкен кісілер денсаулығын ойлап, бала-шағасының жанынан ұзай қоймайды. Екі ардагердің өмірге деген көзқарасына қарап, тәнті болмау мүмкін емес. 3-4 жылдың көлемінде басталған таныстығымыз осыған көзімізді анық жеткізді. Себебі, қажыған, қартайған адам көрмедік. Қайта, жігерленген, қайраттанған қарттардың ауылға келген сайын небір жаңалығын арқалап, тың идеяларын алға тартқанын көреміз. Үлкендерді айтпағанның өзінде, орта буын біздер, кейде ұзақ жолға жарамай, қиналып жатамыз. Ал, ата мен әже жылдың төрт мезгілінде ауа райының құбылысына қарамай, мыңдаған шақырымды артқа тастап, "қайдасың, Қармақшының қасиетті топырағы" деп, жеңіл көлікпен зып етіп келіп-кетіп жүргені. Айтары сол, орталық ашылғалы бері екеуі жеке көлігімен 19 мәрте ортаны жол қылыпты. Көбінесе көлікті Дина жеңгеміз тізгіндейтін көрінеді. Сонау оңтүстік астана мен Сыр елінің арасын жалғаған абзал ақсақал мен ақ жаулықты ананың сондағы басты мақсаты – туған ауылға маңдай тіреп, осындағы ерекше балалардың денсаулығына теңіз тамшысындай болса да септігін тигізу.Юнисеф &nbsp;Қазақстан бойынша 28,6% балалар мүмкіндігі шектеулі оңалту орталықтарына жатады. Қармақшы ауданы, Жосалы кентінде 10-15% мүмкіндігі шектеулі адам бар.Мемлекет басшысы Қасым-Жомарт Тоқаев мүмкіндігі шектеулі балалар оңалту орталықтарына қадам қойды. Осы орайда ауданымызда «Дәметкен – Ана» балаларды оңалту орталығы жұмыс істейді. Орталық әуеліде, "Дәметкен ана" жеке қайырымдылық қоры болып құрылса, 2019 жылы осы қордан "Дәметкен ана" мүмкіндігі шектеулі балаларды оңалту орталығы болып ашылады. Бүгінде 8 түрлі қызмет көрсететін мекемеге 15 бала тұрақты келеді. Оларға әлеуметтік-медициналық, әлеуметтік-тұрмыстық, әлеуметтік-психологиялық көмектермен қатар, серуен, емдік сауықтыру-дене жаттығулары, массаж емі секілді оңалту қызметтері де көрсетіледі.Орталықтың таңертеңгі тірлігі медбике Альбина Қыдырбаеваның балаларды қабылдап, әрі олардың дене қызуын өлшеп алуымен басталады. Аталған орталық әлеуметтік педагог-психолог Асылбек Қайырбеков, массаж маманы Мұхамеджан Хамидов, әлеуметтік қызметкерлер Ақмарал Маханова, Айқын Жәкеева, еңбек терапиясы бойынша Гүлмира Тоқтықбай, Гүлмира Боқбасарова, логопед-дефектолог Ермек Жанахметов секілді тәжірибелі мамандармен қамтамасыз етілген. Орталықты білікті басшы Әзиза Сәтмаханова басқарады.<blockquote>«Бізде, барлығы 12 маман жұмыс істейді. Олар балалардың қол моторикасын дамытуға: сурет салуға, тоқыма тоқуға баулиды. Тігін тігіп үйретеді. Ол үшін барлық жағдай жасалған деп айтуға болады. Әр бала дарынды десек, соны аша білуге шеберлік қажет. Шәкірттердің қабілетін танып, шығармашылығын шыңдауда орталық қызметкерлері аянып қалып жатқан жоқ. Осы ретте, Гүлмира Тоқтықбай сіңліміздің жетістігін айтып кетуімізге толық негіз бар. Ол өткен жылы оқушыларын жоғары деңгейлі байқауларға қатыстырып, жақсы нәтижеге қол жеткізді. Оның екі бірдей шәкірті, Ләззат Оралбай мен Нұржан Әскербек "Қыс қызығы" тақырыбындағы республикалық сурет байқауында І орынды жеңіп алып, мерейімізді үстем етті. Маманның ерекше балалармен жұмыс істеудегі әдістемесі ескеріліп, былтыр аудан әкімінің алғыс хатымен марапатталды», – дейді орталық директоры елжірей сөйлеп.</blockquote>Орталықтың алдағы уақытқа жасап отырған жоспары жетерлік. 30 балаға дейін бала санын арттырып, әлі де жетіле түссек дейді. Ондағы мақсат – мүмкіндігі шектеулі балалардың үйде төрт қабырғаға қарап қалмай, қоғаммен қарым-қатынасын үйлестіру. Көбіне-көп ерекше балалар қоғамнан шеттеп, үйде отырып қалып жатады, дейді мамандар. "Балаларымызды жарыққа шығарсақ. Қоғамдық ортаға бейімдеп, қатарға қоссақ. Білгенімізді үйретсек. Келешекте олар өспей ме? Үнемі ата-ана қасында бола бермейді ғой. Сол үшін де тұрмыстық қажеттіліктерді өздеріне жасатып үйрету – біздің асыл мұратымыз. Орталықта ұл-қыздарымыз есікті қалай ашып-жабу, газды қалай қосып-сөндіру, тамақ пісіру, дастарқан жасау, тіпті түйме түймелеу, ақша тану мен сауда жасау секілді де дүниелерді игеріп шығады. Әрине, бұл ата-ана мен мамандар тарапынан үлкен төзімділікті, жауапкершілікті керек ететін жұмыс" дейді орталық басшысы сөз арасында. Әзиза Тәменқызымен дидарласу барысында ұжымның көптеген арман-тілегінен құлағдар болдық. Ғимарат алдынан спорттық-тренажерлық кешен қосу күн тәртібіне қойылған. Қазақстандағы цифрландыру саясатына байланысты мекемеге "программист" жұмысқа алу межеленген. Балалардың компьютер игеруіне, ғаламтормен жұмыс істей білу бейімін қалыптастыруға бұл өте тиімді. Соған сай, заманауи құрылғылар: интерактивті тақта мен интерактивті еден алуға тапсырыстар берілген. Егер құрылғылар қолға тиіп жатса, орталық шәкірттерінің түрлі-түсті бояулар арқылы сурет салуларына, жалпы шығармашылық дағдыларын дамытуға мүмкіндіктер ашылады. Оның ішінде, "Балықтар әлемі", "Тасқа өрмелеу", тағы басқа қызықты да таңғажайып вертуалды әлеммен байланыс жасайды.Орталықтың өзгешелігі, мұнда балалар 3 мезгіл ыстық тамақпен қамтамасыз етілген. Ол үшін асханада арнайы даяшы қызмет етеді. Бір қызығы, балалардың арасынан кезекшілік қойылып, ас мәзіріне олар да атсалысады екен. Осылайша, мамандардың қатысуымен бала денсаулығына зиян келтірмейтін еңбек әдістері үйретіледі."Дәметкен ана" мүмкіндігі шектеулі балалар орталығының түрлі мерекелерге орай іс-жоспары бекітілген. Өткен жылы 1 маусым – Халықаралық балалар күнінде "Бар мейіріміміз – балаларға" тақырыбында салтанатты кеш ұйымдастырылды. Ұжым үшін басты тілек – еңбектің еш кетпегені, яғни игі істің жеміс беруі маңыздырақ. Бұл ретте, ата-аналардың да өз айтары бар.<blockquote>«Мен Ерасыл Қалымның анасымын. Осында 2019 жылдан бастап келеміз. Балам ол кезде мінезі тұйық болған. 4 жылдан бері жақсы өзгерістерді көріп отырмыз. Қазір шүкір деп айтайын, сөйлейді, түсіндіре біледі. Ән айтып, би билейді. Сурет салғанды ұнатады. Ерасылымның өмірге деген құштарлығын оятып, ем-шипасын дарытып жатқан "Дәметкен ана" орталығына аналық алғысымды білдіремін. Өзіңіз білетіндей, науқас баламен жұмыс істеу оңай шаруа емес. Мұнда баланың денсаулығы мен ой-өрісін, қимыл-қозғалысын жақсартуға қажетті жабдықтардың бәрі бар. Қыста жылы, мекеме газға қосылған. Орталықтың жылдан-жылға өркендеп келе жатқанына қуанамын», – дейді ата-аналар атынан алғысын жеткізген Кәмшат Жолдасбаева.</blockquote>Орталық қазіргі кезде "Азамат Әулеті", "Арди", "Сорос Қазақстан", "Дегдар" және басқа да көптеген қайырымдылық, қоғамдық қорлармен әріптестік байланыс орнатқан. Өз күштерімен жоқтан бар жасап, біреуді екеу қылған оңалту орталығының жеткен жетістіктері де біршама. 2021 жылы үкіметтік емес ұйымдарға арналған республикалық сыйақының жеңімпазы атанса, өткен жылы Қазақстан Республикасы Ақпарат және қоғамдық даму министрлігінің, сондай-ақ аудан, облыс әкімдігінің марапаттарына ие болған.Жалпы мейірім сөзі үлкенге де, кішіге де ортақ. Қай қайсысының жаны да мейірімді қалайды. Ал расымен де, мейірімге шомылғыңыз келсе, алдымен өзіңіз мейірімді болыңыз. Орталықтағы аз ғана кідірісімізде осыны анық ұққандаймыз. Олай болса, қоғам мейірімді болудан шаршамаса екен.

Қармақшыдағы оңалту орталығының жұмысы оңға басуда

<a href="https://kyzylorda-news.kz/">Kyzylorda-news.kz.</a> Саяси қуғын-сүргін құрбандарын еске алу күні аясында редакция ұжымы оспан жанұзақ ақсақалдың шаңырағына бардық. Оспан атаның ата-бабалары заманында кеңес үкіметінің солақай саясатына қарсы шығып, әділдік іздеу жолында қуғын-сүргінге ұшыраған.&nbsp;<blockquote>«Нұрлыбай деген кісіден 5 бала болады. Мен – сол 5 баланың біреуінен тараған ұрпақпын. Біздің аталарымыз кедейшілік пен ашаршылық заманды басынан өткерген. 1930 жылдары Кеңес билігінің озбырлық саясатына шыдамаған халық Қарақұмды паналайды. Дегенмен халыққа түрлі салық салынып, әсіресе егін егіп көрмеген малшылардан астық талап ету шектен шықты. Зорлықтан құтылу мақсатында қазақтар қолындағы малын дәнді-дақылға айырбастап, салық төледі. Езгіден әбден ашыққан халық бас көтеріп, солақай саясатқа қарсы шығады. Көтерілістен қаншама адам жапа шегеді. Содан жазалау жасағы Қарақұмды паналап жүрген қазақтардан тазалау операциясын жүргізіп, құмдағы ауылдарды Сыр бойына күштеп көшіреді. Бірақ бірқатар көтерілісші сай-сайды паналап, жасырынып қалды. Олардың кейбіреуі 1940-1950 жылдарға дейін Қарақұм мен Қызылқұмда жасырын тіршілік етті. Әлментай, Өлментай деген аталарымыздың ұрпақтары сол зұлмат кезді басынан өткерді. Сол тұста бала-шағасын, отбасын Қараөзектің бойына көшіртіп, өздері Қарақұмға бас сауғалап, әбден азап шегеді. Сөйтіп 1947 жылға дейін, яғни 17 жыл бойы қашып, қуғында жүреді. Жазалаушы қызыл әскер жасақтары Қарақұмды жан-жақтан қыспаққа алып, ұсталғандарды атып, айдауға салып, еріксіз жұмысқа жегеді. Шекарадан асқандары Өзбекстанға бас сауғалайды», – деп Оспан ақсақал сол заманнан естіген естеліктерінен қысқаша айтып берді.</blockquote>– Хан болды әмір етіп Жұмағазы, Құдайға тәкпір-зікір айтқан назы. Тілектес дін қарындас мұсылман деп, Тиіпті ханның жазған бір қағазы. Шартына шариғаттың тура келді, Естіген бұл жұмысты тура халқы. Шөмекей, Алтын, Жаппас, көштік Табын, Қыпшақ та көтерілді естіп даңқын. Халайық, Қарақұмға келдік тегіс, Жаудан да хабар бар еміс-еміс, &nbsp;– деген Қарақұм көтерілісінің рухани жетекшілерінің бірі, ақын Тәуекел Боранбайұлының жыр шумақтарынан сол заманның қасіретін сезінуге болады.&nbsp;Иә, Кеңес өкіметі орнағаннан-ақ қазақтар әртүрлі қысымға ұшырады. Яғни Кеңес билігі өз азаматтарын туған елінен бездіріп, сол кездері қазақтардың негізгі күнкөріс көзі болған төрт түлік малын тартып алып, бала-шағасымен қоса қаңғыртып жіберді. Тәркілеу науқаны аяқталған соң да бай ұрпақтарын қудалауды жалғастыра берген. Осылайша бұл науқан қазақ даласындағы дәстүрлі мал шаруашылығын күйретуге әкеліп, соның салдарынан байларды айтпағанның өзінде кедейлердің тұрмыс жағдайы одан бетер қиындап кетті. Сөйтіп 1928 жылы басталған тәркілеу, ұжымдастырудың соңы халық наразылығын тудырып, жұртшылықтың көтерілісіне ұласады. Кеңес өкіметіне қарсы шығып, наразылық білдіргендер жаппай ұсталып, бірі атылса, бірі жер аударылып, қамауға алынады. &nbsp;Шаш ал десе, бас алатын шолақбелсенділердің заманы туып, жаппай жазалау шаралары жағдайды мүлдем шиеленістіріп жібереді.&nbsp;Иә, Кеңес билігінің мәселені бейбіт жолмен емес, әскери соққы беру арқылы шешім қабылдағанын архивтік деректер айғақтауда. Мысалы, Оспан ата айтып отырған кейіпкерлер мен сол заманғы қасіретті оқиғалар тарихы Ахмет Тілеулиевтің «Қарақұм» атты кітабына толықтай түсірілген.31 мамыр – саяси қуғын-сүргін құрбандарын еске алу күні. Өткен ғасырдың басынан елуінші жылдарына дейін созылған түрлі саяси науқандар, зұлмат-сүргіндердің ащы зардабын барша Кеңес халқы татты дегенімізбен, дәл қазақ халқы сияқты рухани, демографиялық апатқа, орны толмас қасіретке ұшыраған бірде бір ұлт жоғы рас. Иә, ата-бабаларымыздың қазақ деген ұлтты сақтап қалуда басынан өткерген қасіретті жылдардың тарихын өскелең ұрпақ ешқашан естен шығармауға тиіс. Осы орайда аудан көлемінде саяси қуғын-сүргін және ашаршылық құрбандарын еске алуға арналған кешенді іс-шаралар ұйымдастырылуда. Тоқсанды алқымдаған Оспан ақсақал да мұндай тағылымды шараларға белсене қатысып, басы-қасында жүреді екен.&nbsp;Мәселен, 2014 жылы аудандық ардагерлер ұйымының бастамасымен «Қарақұм көтерілісінің ізімен» атты экспедиция ұйымдастырылып, экспе-диторлар көтеріліс болған жерлерді аралайды. Сол экспедицияның басы-аяғында Оспан ата да болады. Экспедиция нәтижесінде сол заманда Қарақұмдағы бақылау бекеті қызметін атқарған төбеге «Әлментай шоқысы» деген ат беріліп, басына белгі-ескерткіш қойылады. Қарақұм көтерілісінің бас мергені Әлментайдың атымен аталған. Жылда аудан азаматтары, оқушылар, жастар осы төбеге барып, Қарақұм көтерілісі болған жермен танысып, құрбан болған ата-бабаларымыздың рухына құран бағыштайды.Осылайша біз Оспан ақсақалдың солақай саясаттың құрбаны болған ата-бабаларымыздың тарихы жайлы өзекті әңгімесін тыңдап қайттық. Иә, ойында өрісі бар осындай ақсақалдарымыздың әңгімесі мен тағылымы өскелең ұрпаққа қашанда қажет екені сөзсіз.

Қуғын-сүргін құрбандары ешқашан ұмытылмайды

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-Министрі Әлихан Смайыловтың төрағалығымен өткен Үкімет отырысында азаматтық авиацияны дамыту мәселелері, АИТВ инфекциясының алдын алу мен емдеудің кешенді шаралары қаралды. Жауапты сала басшылары баяндама жасап, тиісті тапсырма алды.Үкімет отырысынан кейін облыс әкімі Нұрлыбек Нәлібаев өткізген мәжілісте берілген тапсырмаларды өңірде орындау мәселелері талқыланды.Аймақ басшысы жергілікті әуежайда орындалатын рейстер санын ұлғайтып, қызмет сапасына жете мән беруді тапсырды.<blockquote>«Өздеріңіз білесіздер, «Болат Өтемұратов қоры" «Қорқыт ата» әуежайының жаңа жолаушылар терминалын салуда. Құрылыс жұмыстарын жоспарланған мерзімнен 4 ай бұрын, яғни2024 жылдың мамыр айында аяқтау көзделген. Қызылорда қаласы әкімдігіне әуежайдың сыртқы инженерлік-коммуникациялық инфрақұрылымдарын жеткізу және аумағын абаттандыру жүктелген. Бұл жұмыстарды мерзімінде аяқтауды қатаң тапсырамын», - деді Нұрлыбек Машбекұлы.</blockquote>Айта кетейік, Қызылорда қаласының «Қорқыт Ата» әуежайы арқылы 2023 жылдың 22 мамырынан бастап аптасына 24 тұрақты рейс орындалуда. Оның ішінде Астана қаласына 12, Алматыға 12 рейс қатынайды.Осыған байланысты, облыстық жолаушылар көлігі және автомобиль жолдары басқармасына жазғы мезгілде облыс халқының сұранысына қарай әуе рейстерінің санын көбейту бағытында жұмыстар жүргізу тапсырылды. «Ашық аспан» режиміне қосылу арқылы бәсекелестік орта қалыптастыру үшін шетелдік компанияларды тарту және чартерлік рейстерді көбейту мүмкіндігін қарастыру керек.Әуе кемелерінің ұшу қауіпсіздігін сақтауда «Қорқыт Ата» əуежайына жақын орналасқан тұрғын үйлер (саяжай) және ауылшаруашылық мақсатындағы жер учаскелеріне қатысты мәселе біраздан бері көтеріліп келеді.Күн тәртібіндегі екінші мәселеге келсек, Сыр өңірі адамның иммун тапшылығы вирусы инфекциясының (АИТВ) тіркелуі төмен облыстардың қатарында. Әйткенмен оны жұқтырғандардың 1 жыл ішінде 9-ға артуы шұғыл тиісті шаралар қабылдауды қажет етеді. Облыстық денсаулық сақтау басқармасы АИТВ инфекциясының алдын алу мен емдеудің кешенді шараларын Денсаулық сақтау министрлігі бекіткен алгоритмге сәйкес ұйымдастыруы тиіс. Сонымен бірге қоғамдық даму басқармасымен бірлесіп өңірдегі телеарналардың, баспа БАҚ пен интернет ресурстардың әлеуетін пайдаланып, халық арасында АИТВ инфекциясын жұқтырудың алдын алуға бағытталған ақпараттық-түсіндірме жұмыстарын күшейту жүктелді.<figure class="image"><img src="https://knadmin.beoblood.kz/uploads/349700123_1606983256463304_3417031482149056661_n_d3e914dd9f.jpg" alt="349700123_1606983256463304_3417031482149056661_n.jpg"></figure>&nbsp;<figure class="image"><img src="https://knadmin.beoblood.kz/uploads/350015855_2557433067738374_9126029832925193846_n_231c9c6d9b.jpg" alt="350015855_2557433067738374_9126029832925193846_n.jpg"></figure>

Қызылордада әуе қатынастары қызметін жақсарту жолдары қаралды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының әкімі Берік Сәрменбаев ауданнан шалғайда жатқан Айдарлы, Жетікөл, Аманкелді ауылдарындағы бақша дақылдарын егу жұмыстарымен танысты.Бүгінде аймақта облыс әкімі Нұрлыбек Нәлібаевтың тапсырмасына сәйкес, азық-түлік қауіпсіздігін қамтамасыз ету, тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында бірқатар тыңғылықты жұмыс атқарылуда. Соның ішінде Сырдария ауданының бірқатар елді мекендерінде бақшалық дақылдарға арналған жер дайындалып, егін егу жұмыстары қарқынды жүргізілуде.Айдарлы ауылдық округі бойынша биылғы жылы 83 гектар жерге картоп, көкөніс, бақша дақылдарын егу жоспарланса, &nbsp;оның 10 гектарына картоп, 2 гектарына көкөніс, 48 гектарына бақша дақылдары орналастырылған.Бұл ауылда жастар бригадасы құрылып, бригада құрамындағы 15 жас 15 гектар жерге егін егуде. Осыдан үш жыл бұрын алғашқылардың бірі болып жастар бригадасын құрған айдарлылықтар еңбектің көрігін қыздыруда. Бригадир Зейнолла Жүсіпов былтыр аудан әкімінің арнайы «Ынта» сыйлығының иегері атанған.Ал, Жетікөл ауылдық округі бойынша биылғы жылы 36 гектарға картоп, көкөніс, бақша дақылдарын егу жоспарланса, &nbsp;оның 10 гектарына картоп, 3 гектарына көкөніс, 23 гектарына бақша дақылдары егілді.Жетікөл ауылындағы биыл алғаш рет құрылған "Жетікөл" жастар бригадасы 2 гектар жерге 7 жұмыссыз жас дайындалған жерге картоп, қауын, қарбыз, асқабақ өнімдерін орналастыруда.Сонымен қатар, Аманкелді ауылдық округі бойынша биылғы жылы 25 гектарға картоп, көкөніс, бақша дақылдарын егу жоспарланса, &nbsp;оның 7 гектарына картоп, &nbsp;4 гектарына көкөніс, 6 гектарына бақша дақылдары егілді. «Аманкелді» жастар бригадасы 5 гектар жерге 13 жас егін егуде.<blockquote>Жастардың ынтасы мен жігерін көрген аудан басшысы Берік Әбдіғаппарұлы: – Еңбек етемін деген азаматтарға мемлекеттен қолдау өте көп. Биыл «Ауыл аманаты», қайтарымсыз гранттар, агро несие секілді жобалар қарқынды жүзеге асырылуда. Жастар қазір бірлесіп жұмыс жасаудың тиімділігін көріп отыр. Осы бірлікті ары қарай кооперативтер құрып, ары қарай кәсіпті дамытуға жұмыс жасауды ұсынамын. Аймақ басшысы Нұрлыбек Машбекұлының қолдауымен аяқ су мәселесін шешу бағытында каналдар тазаланып, арнайы су насостары берілді, – деді.</blockquote>Айта кету керек, биыл Сырдария ауданында тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету мақсатында &nbsp;359 гектар жер дайындалып, 1105 адам егін егуде.Бұл бағытта аудан бойынша Айдарлы, Жетікөл, Аманкелді, Бесарық, Шіркейлі, А.Тоқмағамбетов ауылдарынан жастар бригадалары құрылып, &nbsp;қазіргі таңда 150 жас 40 гектар жерге егін орналастыруда. &nbsp;

Аудан әкімі жастар бригадасының жұмысымен танысты

<a href="https://kyzylorda-news.kz/">Kyzylorda-news.kz.</a> Қызылорда облыс әкімінің бірінші орынбасары Серік Қожаниязовтың төрағалығымен семинар кеңес өткізілді.&nbsp;Семинар кеңестің мақсатында&nbsp;- облыстық аумақтық инспекциясында ерекше қауіпті шегіртке зиянкестері мен карантиндік объектілерге қарсы жүргізілетін фитосанитариялық іс-шараларды ұйымдастыру және химиялық өңдеу жұмыстарына қатысатын техникалардың дайындығын пысықтау.&nbsp;Семинар кеңеске аудан әкімінің орынбасарлары, аудандық аумақтық инспекция басшылары, облыстық ауыл шаруашылығы және жер қатынастары басқармасының басшысы, РФДжБӘО ММ облыстық, аудандық филиал басшылары, және химиялық өңдеу жұмыстарын жүргізетін мердігер мекемелер қатысты.Биылғы жылы ерекше қауіпті шегіртке зиянкестеріне қарсы жазғы - күзгі мониторинг қортындысымен 2023 жылы 53,680 мың гектар жерге (оның ішінде италиялық прусқа қарсы 6,980 мың гектарға азиялық шегіртке 46,700 мың га) химиялық өңдеу жүргізу жоспарлануда. Химиялық өңдеу жұмыстарын «Дельта-Юг» ЖШС-і, «Пестмозг» ЖШС-і, «Самғау-Агро» ЖШС-і, жүргізетін болады.&nbsp;Шегіртке зиянкестеріне қарсы фитосанитариялық күрес жұмыстарына 4 арнайы жер агрегаттары, 2 аса жеңіл ұшақ, 1 дана ұшақтар қатыстырылады.Қауын шыбынына қарсы зерттеу жұмыстары басталып, бүгінгі күні 35 гектар жер зерттелді. Алдағы уақытта республикалық бюджеттен 1750 га жерге улы химикаттар бөлінеді деп жоспарлануда.Облыс аумағында карантиндік объектілерге қарсы химиялық өңдеу жұмыстарын жүргізуге «Фитосанитария» ШЖҚ РМК Қызылорда облыстық филиалының 2 дана каффини, 2 дана трактор, 15 дана арқалайтын бүріккіш, 1 дана су тасығыш техника, 1 дана УАЗ, 1 дана Газель техникалары қатыстырылуда.Семинар кеңес ерекше қауіпті шегіртке зиянкестерінің дернәсілдері мен карантиндік объектілерге қарсы мониторинг пен фитосанитариялық күрес іс-шараларын және мердігер мекемелердің, химиялық өңдеу жұмыстарын уақытылы, сапалы жүргізілуін орындау жөнінде тиісті мекемелерге тапсырмалар беріліп, қорытындыланды.

Қызылордада ерекше қауіпті шегіртке зиянкестеріне қарсы жұмыс барысы пысықталды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша көктемгі егін егу науқанына 3 979 бірлік ауыл шаруашылығы техникасы қатысуда.&nbsp;Атап айтқанда, 1993 трактор, 478 соқа, 252 тұқым сепкіш, 323 жүк көлігі және 933 трактор тіркемелері бар. Соңғы жылдары мемлекет тарапынан көрсетіліп келе жатқан қолдаулардың арқасында облыстың машина-трактор паркі тұрақты жаңарып келеді.&nbsp;2023 жылдың жыл басынан бері ауылшаруашылық құрылымдарымен құны 1,9 млрд. теңгені құрайтын барлығы 52 бірлік ауыл шаруашылығы техникалары сатып алынып, машина-трактор паркі жаңартылды.

Қызылордада егістік басында 4 мыңға жуық техника бар

<a href="https://kyzylorda-news.kz/">Kyzylorda-news.kz.</a> Бірыңғай жинақтаушы зейнетақы қорының салымшылары зейнетақы жинақтарының 50%-ін жеке инвестициялық компанияларға бере алады, деп хабарлайды <a href="https://stan.kz/kazakstandiktar-zeynetaki-zhinaktarinin-50-in-zheke-inv-382955/">Stan.kz</a>.&nbsp;Еңбек және халықты әлеуметтік қорғау министрлігінің мәліметінше, жоба биыл 1 шілдеден бастап жүзеге асады. Салымшыларға өзінің зейнетақы жинақтарының 50%-ін өз таңдауымен жеке басқарушы инвестициялық компанияларға беру құқығы беріледі. Бұл азаматтарға зейнетақы активтерін басқаруға қатысуға, өздерінің зейнетақы жоспарын құруға, жинақтарын инвестициялаудың балама саясатын таңдауға мүмкіндік береді.Министрліктің айтуынша, зейнетақы жинақтарын жеке басқаруға беру кезінде әртүрлі инвестициялық стратегияларды пайдалану, неғұрлым жоғары инвестициялық табыстылықты алуға және тиісінше зейнетақы жинақтарының ұлғаюына ықпал ететін болады.<blockquote>«Салымшы жеке басқарушы компанияға аударған зейнетақы жинақтарын Ұлттық Банктің, яғни БЖЗҚ-ның басқаруына қайта қайтаруға құқығы бар. Мемлекет Ұлттық Банктің басқаратын, яғни БЖЗҚ-дағы жинақтар бойынша ғана зейнетақы жинақтарының сақталуына кепілдік береді», - дейді ведомство.</blockquote>Инвестициялық портфельді басқарушыға (ИПБ), яғни инвестициялық компанияға берілген зейнетақы жинақтарына сол ИБП жауапты болады.<blockquote>«Жыл қорытындысы бойынша ИПБ алған номиналды табыс пен зейнетақы активтері табыстылығының ең төменгі мәні арасындағы теріс айырма туындаған жағдайда осы басқарушы компания аталған айырманы салымшыға өз қаражаты есебінен өтеуге міндетті. Зейнетақы жинақтарын сенімгерлік басқаруға беру үшін салымшы БЖЗҚ-ға жүгінуі қажет», - дейді министрлік.</blockquote>

Қазақстандықтар зейнетақы жинақтарының 50%-ін жеке инвестициялық компанияларға бере алады

<a href="https://kyzylorda-news.kz/">Kyzylorda-news.kz.</a> Үш ай бойы балалар демалысын дұрыс ұйымдастыру – ең алдымен ата-анаға жүктелген міндет. Сонымен қатар жазғы демалысты тиімді ұйымдастыруға білім саласы да жауапты.«Жаз жайнатып, күн күлдіріп, біз лагерьге¬ барамыз» деп қазақтың ақыны Жұмағали Саин жырлағандай, балалардың асыға күткен жазғы демалысы да әне-міне дегенше басталғалы тұр. Сырдариялық балалардың жазғы демалысын тиімді ұйымдастыру мақсатында аудандық білім беру бөлімі тарапынан ауқымды іс-шаралар жоспарланған. Іс-шара жоспарына сәйкес, ең бастысы жазғы демалыста балалардың сауықтырылуына аса мән беріледі. Сонымен қатар тынығу, саяхаттау, танымдық іс-шаралар жоспарға енгізілген. Бұл жайында аудандық білім бөлімінің басшысы Берік Жәнібеков әңгімелеп берген болатын.<blockquote>«2020-2023 жылдардағы каникул кезеңінде балаларды сауықтыру демалысын, олардың бос уақытын және жұмыспен айналысуын ұйымдастыру туралы» Қазақстан Республикасы Премьер-Министрінің өкімін орындау мақсатында Сырдария ауданы бойынша жазғы каникул кезеңінде балалардың сауықтыру жұмыстары жүргізілетін болады. Оқу жылында 1-10 сынып аралығында 7829 бала оқыса, жаз мезгілінде көркейту, көгалдандыру топтарында 1300 бала, аулалық клубтарда 300 бала, экскурсиялар, жорықтарға 880 бала тартылады.Ал, аудандық «Жалын» сауықтыру лагеріне 681 бала, мектеп жанындағы тамақсыз ұйымдастырылатын лагерде 4665 бала жазғы демалыспен және сауықтыру жұмыстарымен, жалпы 7510 бала, яғни 96% қамтылады деп жоспарлануда. 2023 жылы 1 маусым мен 13 тамыз аралығында «Жалын» сауықтыру лагері 6 ауысым бойынша жұмыс жасап, әр ауысымда 113 баладан қабылдану жоспарлануда. Келетін тынығушылар ауданның 17 мектебі бойынша жинақталып, әлеуметтік жағдайы орташа, төмен, толық емес отбасы, жартылай жетім, аз қамтамасыз етілген отбасы, көпбалалы балалар тынығуға келетін болады. Лагерь бойынша тынығушылар 8 топқа бөлініп, әр топтың тынығушыларымен 1 аға тәлімгер, 8 тәрбиеші жұмыс жасайды, – дейді бөлім басшысы.</blockquote>Сондай-ақ аудандық Оқушылар үйінен «Көркем сурет», «Киімді модельдеу және дизайн», «Жас шахматшылар», «Халық биі», «Тен¬нис», «Робототехника» үйірмелері лагерь ұжымымен бірлесіп жұмыс жасайды. Со-нымен қатар әр ауысым бойынша лагерь тынығушылары мәдениет және спорт бөлімімен тығыз байланыста жұмыс жасалмақ. Бұл балалардың шығарма-шылық әлеуетін арттыруға көмегін тигізері сөзсіз. Бөлім басшысының айтуынша, балалардың демалыс маусымын тиімді ұйымдастыру мақсатында ағымдағы жылдың көктем айларында лагерьде көркейту-көгалдандыру, арам шөптерді отау, ағаш әктеп әрлеу, жануар мүсіндерін қалыпқа келтіру, спорт ойын алаңына тазалық жұмыстары жүргізілген.Кент сыртындағы «Жалын» сауықтыру лагері 1988 жылдан бастап жұмыс істейді. Лагерь типтік негізде орналастырылған. Онда барлығы 13 ғимарат бар, оның 8-і жатын ғимарат, 1-еуі қызметтік, 1-еуі дәрігерлік пункт, 1-еуі шаруашылық, 1-еуі жылыту қазандығы және 130 орындық асхана бар. Жыл сайын лагерьдің жөндеу жұмыстарына қаржы бөлінеді.«Жалын» сауықтыру лагерінде 6 ауысым бойынша балаларды демалысын тиімді ұйымдастыру мақсатында №35, 36, 131, 210, 135, 137 мектептер жауапты болып бекітілген. Аталған мектептерден 3 тәрбиеші, 1 дене шынықтыру маманы, 1 педагог-психолог, 1 суда жүзу маманы, 1 музыка жетекшісі, 4 еден жуушы, 1 сантехник және 1 электрик маман шақыртылады. Қалған 11 мектептен тиісті бөлініс бойынша тәрбиешілер шақырту жоспарланған.Өткен жылы Алматы қаласындағы «Тау жанашар» лагерінде 100 бала демеушілер есебінен тынығып келген болатын. Биыл шілде айында «Қамбаш» лагерінде демеушілер есебінен 100 баланы демалдыру жоспарланған.2023 жылы 880 бала Түркістан, Қорқыт ата кесенесі және қалалық музейге экскурсиялармен қамтамасыз етілгенін де айта кетейік.&nbsp;

Сырдариялық балалар жазғы демалысын қалай өткізеді?

<a href="https://kyzylorda-news.kz/ru">Kyzylorda-news.kz.</a> Қызылорда облыстық тарихи-өлкетану музейі ынтымақтастық байланыстар аясында Ақтау қаласына музей қорындағы зергерлік бұйымдар коллекциясынан «Сыр өңірінің зергерлік өнері» атты этнографиялық көрме ұйымдастырды.Ұлттық мәдениет тарихынан ерекше орын алатын қазақ қолөнерінің бір түрі – зергерлік өнер. Көрмеге сақ дәуірінен (б.з.д. 4-2 ғ.ғ.) мәлімет беретін Шірік-Рабат мәдениетіне жататын Бәбіш-Мола қалашығынан табылған алтын әшекейлер, ортағасырлық Сығанақ қалашығынан табылған (14-15 ғ.ғ), Алтын Орда дәуірімен мерзімделетін алтын әшекей бұйымдар, ХІХ ғасырдың аяғы және ХХ ғасырдың басымен мерзімделетін Сыр бойында пайдаланылған күміс зергерлік бұйымдар қойылды.&nbsp;Қазақ ұлтының зергерлік өнері, ою-өрнегі –ғасырлар қолтаңбасы, ата-бабалар тіршілігінің куәгері, солардан қалған өшпес мирас, өлмес мұрасы. Сыр бойы халқының өнер қазаны ешқашан ортайған емес. Ерекше қасиет дарыған Сыр бойы халқының ішінде асылдың сынығы, тектінің тұяғы зерделі зергерлер көп болған. Көрмеге сырдариялық елге белгілі зергер Мизам Төлегеновтің, Арал топырығанын шыққан атақты зергер Құдайберген Құлманбетовтің, шиелілік зергер-ұста Бекзат Жақыповтың туындылары және Сыр халқы арасында жинақталған зергерлік бұйымдар орналастырылды. Сыр бойындағы халық шеберлерінің өнерін насихаттау, көркем қолөнер бұйымдарын қазіргі заманға сай қолдана білу, халқымыздың бай, өзіндік ерекшелігі бар мұраларымен таныстыру – қасиетті міндет болып отыр.&nbsp;Қызылорда облыстық тарихи-өлкетану музейі қорында қазіргі таңда екі мыңнан аса зергерлік бұйым сақталуда. Этнографиялық көрме Сыр елі нақышында жасалған, жасалу техникасында өзіндік ерекшелігі бар қазақ халқының гигиеналық бұйымдары, той-думандарда тағынған салтанатты әшекейлерді, күнделікті тұрмыста қолданған зергерлік бұйымдарды қамтиды.Зергерлік бұйымдардың басты материалы – алтын, күміс, пайдаланған асыл тастары – ақық /сердолик/, &nbsp;көгілдір ақық /бирюза/, коралл /маржан/, жемчуг /інжу/, шыны. Сыр өңірінің зергерлік бұйымдарын жасау технологиясы – қаралау, шекіме, сымкәптеу, безеу, нүктелеу т.б.&nbsp;Ақтау халқына – қала қонақтары мен тұрғындарына Сыр өңірінің зергерлік өнері туралы ақпарат беру, әр әшекейдің атқаратын қызметін, қолдану ерекшелігін баяндау, жастарды сұлулық пен әсемдікке, талғампаздық пен тазалыққа тәрбиелеу, салт-дәстүр мен әдет-ғұрыптар насихатталды. Соның нәтижесінде екі өңірдің зергерлік өнері салыстырылып, зергерлік бұйымдардың жасалу техникасындағы ерекшіліктер анықталды. Маңғыстау жұртшылығына Сыр өңірінің зергерлік өнері насихатталып, Сыр зергерлерінің қолынан шыққан әшекей бұйымдар, ою-өрнек түрлері халық назарына ұсынылады.

«Сыр өңірінің зергерлік өнері» Ақтау халқына таныстырылды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен өткен мәжілісте азық-түлік ысырабына жол берген корпорацияның жұмысына тиісті баға берілді.Еске салсақ, 26 мамыр күні әлеуметтік желіде қоқыс полигонына төгілген жарамсыз көкөніс қалдықтары туралы бейнежазба тарады.«Байқоңыр әлеуметтік-кәсіпкерлік корпорациясы» акционерлік қоғамы қалдықтар 25 мамыр күні жойылғанын растаған болатын. Мұны «азық-түлік сақталғанда өз салмағын жоғалтады, ол табиғи өзін-өзі жоғалту деп есептеледі» деп түсіндірді.Аймақ басшысы бұл корпорация басшысының қателігі екенін, ысыраптың алдын алуға болатынын айтты.<blockquote>«Самат Нұрахметұлы, шынында, бұл әрекет тұрғындардың ашу-ызасын туғызды. Мәселенің бұрыннан бар екенін біле тұра, мамандарыңызбен бірге қоймадағы өнімдерді басқа мақсатқа пайдалану жолдарын қарастыру керек еді. Бұл жұмыс та жасалмаған. 126 тонна өнім жарамсыз болғанша шірігенін күтіп, оны пайдаға асырудың балама жолдарын іздемегенсіздер. Бұл сіздің басшы ретінде жұмысты тиісті деңгейде үйлестіре алмағандығыңызды көрсетеді. Елге жанашырлық таныта алмайтын адамдарға біздің арамызда орын жоқ», – деді Нұрлыбек Машбекұлы.</blockquote>Осы жағдайдан кейін «Байқоңыр» ӘКК» АҚ басқарма төрағасы Самат Ерниязов қызметінен босатылып, облыстық ауыл шаруашылығы және жер қатынастары басқармасының басшысы Талғат Дүйсебаевқа қатаң сөгіс жарияланды.«Биылғы жылы көкөніс алдыңғы жылға қарағанда 3 есе артық сатып алынғанымен (1547,1 тонна), жою көрсеткіші 3 есе аз, яғни 9,2%-ды құрап отыр. Ол алынған өнімнің сапасы қадағаланғанның талапқа сәйкес сақталғанының нәтижесі», - деді Талғат Дүйсебаев.Аталған оқиға бойынша арнайы комиссия құрылып, мән-жайы мұқият тексерілмек. Алдағы уақытта мұндай жағдай қайталанбас үшін тиісті ұсыныстар әзірленуі керек.Айта кетейік, Қазақстан Республикасы Үкіметінің қаулысына сәйкес азық-түлік тауарларының тізбесіне әлеуметтік маңызы бар 19 түрлі тауар енгізілген. 2023 жылғы күзгі өнімнен 3 453,3 тонна ауыл шаруашылығы өнімдерін алдын ала ақы төлеу шартымен форвардтық сатып алу көлемі белгіленіп, тұрақтандыру қорын толықтыруға 901,6 млн. теңге бағытталды.

Қазақстан және Қызылорда облысының жаңалықтары